ცელესტოდერმი V – CELESTODERM V – ЦЕЛЕСТОДЕРМ V

საერთაშორისო დასახელება:

BETAMETHASONE

მწარმოებელი: SCHERING-PLOUGH, ბელგია

მოქმედი ნივთიერება: ბეტამეტაზონი

კლინიკურ-ფარმაკოლოგიური ჯგუფი:

კორტიკოსტეროიდი გარეგანი გამოყენებისათვის დერმატოლოგიაში.

შემადგენლობა და გამოშვების ფორმა:

კრემი 0.1%: ტუბში 15 გ და 30 გ

1 გ

ბეტამეტაზონის ვალერატი ………. 1 მგ

მალამო 0.1%: ტუბში 15 გ და 30 გ

1 გ

ბეტამეტაზონის ვალერატი ……… 1 მგ

ფარმაკოლოგიური თვისებები:

პრეპარატი ავლენს ანთების საწინააღმდეგო, ქავილის საწინააღმდეგო და სისხლძარღვთა შემავიწროებელ ეფექტს.

ჩვენებები:

პრეპარატი ნაჩვენებია ანთების მოვლენების მოსახსნელად კანის ისეთი დაავადებების დროს, რომლებიც მგრძნობიარენი არიან კორტიკოსტეროიდული თერაპიის მიმართ, კერძოდ, პრეპარატი გამოიყენება ისეთი დერმატოზებისა, როგორიცაა:

ეგზემა (ატოპიური, ბავშვთა, მონეტისებური), კონტაქტური დერმატიტი, სებორეული დერმატიტი, ნეიროდერმიტი, მზის სხივების ზემოქმედებით გამოწვეული დერმატიტი, ექსფოლიატიური დერმატიტი, სტაზდერმატიტი, რადიაციული დერმატიტი, ინტერტრიგინოზული დერმატიტი, ფსორიაზი, ანოგენიტალური და ხანდაზმულობის ქავილი.

მიღების წესი და დოზირება:

პრეპარატის თხელი ფენის აპლიკაცია ისმება კანის ყველა დაზიანებულ უბანზე 1-3-ჯერ დღეში, მდგომარეობის სიმძიმიდან გამომდინარე.

უმეტეს შემთხვევაში ეფექტის მისაღწევად საკმარისია დღეში 1-2 აპლიკაცია.

გვერდითი მოვლენები:

ადგილობრივი ხმარების კორტიკოსტეროიდების გამოყენებისას შეიძლება აღინიშნოს შემდეგი ლოკალური გვერდითი მოვლენები: წვა, გაღიზიანება სიმშრალე, ფოლიკულიტი, ჰიპერტრიქოზი, ფერისმჭამელების ტიპის გამონაყარი, ჰიპოპიგმენტაცია, პერიორალური დერმატიტი, ალერგიული კონტაქტური დერმატიტი, კანის მაცერაცია, მეორადი ინფექცია, კანის ატროფია, სტრიები და ნაოფლარი.

უკუჩვენებები:

* პრეპარატი უკუნაჩვენებია პაციენტებისათვის, რომელთაც აღენიშნებათ მომატებული მგრძნობელობა მისი რომელიმე კომპონენტის მიმრთ.

ორსულობა და ლაქტაცია:

ადგილობრივი გამოყენების კორტიკოსტეროიდების უსაფრთხოება ორსული ქალებისათვის დადგენილი არ არის. ამიტომ, ამ ჯგუფის პრეპარატების დანიშვნა ორსულობის დროს გამართლებულია მხოლოდ მაშინ, თუ მათი სარგებლობა დედისათვის აშკარად აღემატება ნაყოფისათვის შესაძლო რისკს. ორსულმა ქალებმა ამ ჯგუფის პრეპარატები არ უნდა გამოიყენონ ხანგრძლივად დიდი დოზებით.

ვინაიდან დღემდე დაუდგენელია აღწევენ თუ არა კორტიკოსტეროიდები სისტემური და ადგილობრივი გამოყენებისას დედის რძეში, გადაწყვეტილების მიღება ძუძუთი კვების შეწყვეტის თუ მკურნალობის შეწყვეტის შესახებ უნდა მოხდეს იმის გათვალისწინებით, თუ რამდენად აუცილებელია ეს პრეპარატი დედისათვის.

განსაკუთრებული მითითებები:

◄ თუ პრეპარატის ხმარებისას აღინიშნება გაღიზიანება, ან მომატებული მგრძნობელობა, მკურნალობა უნდა შეწყდეს და პაციენტს დაენიშნოს ადექვატური თერაპია.

◄ მეორადი ბაქტერიული ან სოკოვანი ინფექციის შემთხვევაში უნდა დაინიშნოს შესაბამისი სამკურნალო საშუალებები. ამ ღონისძიების შედეგად სწრაფი დადებითი ეფექტის არარსებობის შემთხვევაში, კორტიკოსტეროიდების ხმარება უნდა შეწყდეს სანამ ინფექციის ყველა ნიშანი არ გაქრება.

◄ სისტემური გამოყენების კორტიკოსტეროიდების ნებისმიერი გვერდითი მოვლენა თირკმელზედა ჯირკვლების ქერქის ფუნქციის დათრგუნვის ჩათვლით შეიძლება განვითარდეს ადგილობრივი გამოყენების კორტიკოსტროიდების მოხმარების დროსაც, განსაკუთრებით ბავშვებში.

ადგილობრივი გამოყენების კორტიკოსტეროიდების სისტემური აბსორბცია მატულობს მათი ხანგრძლივი ხმარებისას, კანის ფართო ზედაპირის მკურნალობისას, ან დამფარავი ნახვევების გამოყენებისას, აგრეთვე ბავშვებში.

◄ პრეპარატი არ გამოიყენება ოფთალმოლოგიაში.

გამოყენება პედიატრიულ პრაქტიკაში:

◄ ბავშვები შეიძლება მოზრდილებზე მეტად მგრძნობიარენი იყვნენ ადგილობრივი გამოყენების კორტიკოსტეროიდების მიმართ, რომლებიც იწვევენ ჰიპოთალამო-ჰიპოფიზურ-თირკმელზედა ჯირკვლის (ჰჰთჯ) სისტემის ფუნქციის დათრგუნვას იმის გამო, რომ ბავშვებში მომატებულია პრეპარატის აბსორბცია კანის საფარი ფართობის და სხეულის მასის დიდ თანაფარდობასთან დაკავშირებით.

◄ ბავშვებს, რომლებიც იღებდნენ კორტიკოსტეროიდებს, აღენიშნებოდათ შემდეგი გვერდითი მოვლენები: ჰჰთ სისტემის ფუნქციის დათრგუნვა, კუშინგის სინდრომი, ზრდის ხაზოვანი შეფერხება, წონაში მატების ჩამორჩენა, ქალასშიდა წნევის მომატება.

◄ ბავშვებში თირკმელზედა ჯირკლის ქერქის ფუნქციის დათრგუნვის სიმპტომებიდან ვლინდება აგრეთვე პლაზმაში კორტიზონის დონის შემცირება და აკტჰ-ით სტიმულაციაზე პასუხის არარსებობა. ქალასშიდა წნევის მომატება გამოიხატება ყიფლიბანდის ამობურცვით, თავის ტკივილით, მხედველობის ნერვის დისკოს ორმხრივი შეშუპებით.

ჭარბი დოზირება:

სიმპტომები: ადგილობრივი გამოყენების კორტიკოსტეროიდების გადაჭარბებულმა ან ხანგრძლივმა ხმარებამ შეიძლება გამოიწვიოს ჰიპოფიზი-თირკმელზედა ჯირკვლის ქერქის მეორადი ჰიპოფუნქციის განვითარება და ჰიპერკორტიციზმის სიმპტომების გაჩენა კუშინგის სინდრომის ჩათვლით.

მკურნალობა: ნაჩვენებია სათანადო სიმპტომატური მკურნალობა. ჰიპერკორტიციზმის მწვავე სიმპტომები ჩვეულებრივ შექცევადია. საჭიროებისას ნაჩვენებია ელექტროლიტური დისბალანსის კორექცია. ქრონიკული ტოქსიკური მოქმედების შემთხვევაში კორტიკოსტეროიდების თანდათანობითი მოხსნა უნდა მოხდეს.

შენახვის პირობები:

პრეპარატი ინახება 2-30⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.

ცელებრექსი – CELEBREX – ЦЕЛЕБРЕКС

საერთაშორისო დასახელება:

CELECOXIB

მწარმოებელი: PFIZER, გერმანია

მოქმედი ნივთიერება: ცელეკოქსიბი

კლინიკურ-ფარმაკოლოგიური ჯგუფი:

ანთების საწინააღმდეგო საშუალება.

შემადგენლობა და გამოშვების ფორმა:

კაფსულები: შეფუთვაში 10, 20 და 30 ც.

1 ტაბ.

ცელეკოქსიბი ……… 100 მგ

ცელეკოქსიბი ……… 200 მგ

1 ტაბ.

დამხმარე ნივთიერებები:

ლაქტოზა, ნატრიუმის ლაურილსულფატი, პოლივიდონი, ნატრიუმის კროსკარმელოზა და მაგნიუმის სტეარატი, კაფსულის გარსი შეიცავს ჟელატინს, ტიტანის ორჟანგს. მელანი შეიცავს რკინის ჟანგს E172 (200 მგ კაფსულა) ან ინდიგოტინს E132 (100 მგ კაფსულა).

ფარმაკოლოგიური თვისებები:

პრეპარატი წარმოადგენს ანთების საწინააღმდეგო საშუალებას, რომელიც მიეკუთვნება ცოგ-2-ის სპეციფკურ ინჰიბიტორთა ჯგუფს. იგი ამსუბუქებს ართრიტით გამოწვეულ ტკივილსა და შეშუპებას.

პროსტაგლანდინები წარმოადგენენ ბუნებრივ ნივთიერებებს, რომლებიც გამომუშავდებიან ორგანიზმის მიერ. ზოგიერთი პროსტაგლანდინი, რომელთა სინთეზშიც მონაწილობს ცოგ-2, იწვევს ტკივილს და შეშუპებას. პროსტაგლანდინები, რომელთა სინთეზშიც მონაწილეობს ცოგ-1, იცავენ კუჭის ლორწოვანს. ცელებრექსი აქვეითებს პროსტალგლანდინების სინთეზს, რომლებიც იწვევენ ტკივილს და შეშუპებას. ცელებრექსი არ ახდენს გავლენას იმ პროსტაგლანდინების სინთეზზე, რომლებიც იცავენ კუჭის ლორწოვანს.

ჩვენებები:

ცელებრექსი გამოიყენება ოსტეოართრიტით და რევმატიული ართრიტით გამოწვეული ანთებისა და შეშუპების სამკურნალოდ.

მიღების წესი და დოზირება:

პრეპარატი გამოიყენება მხოლოდ მოზრდილებში.

ოსტეოართრიტის სამკურნალოდ ცელებრექსის ჩვეულებრივი დოზა შეადგენს ერთ კაფსულას დოზით 200 მგ ერთხელ დღეში (დღეღამური დოზა 200 მგ) ან 100 მგ ერთი კაფსულა 2-ჯერ დღეში (დღეღამური დოზა 200 მგ).

რევმატიული ართრიტის დროს ჩვეულებრივი დოზა შეადგენს 100 მგ-ს, რომელსაც იღებენ 2-ჯერ დღეში (დღეღამური დოზა 400 მგ).

გვერდითი მოვლენები:

პრეპარატის გამოყენებისას ხშირად აღინიშნება მუცლის ტკივილი, დიარეა, კუჭის ავსების შეგრძნება, მეტეორიზმი, გულისრევა, თავის ტკივილი, თავბრუსხვევა და ძილის დარღვევა. აგრეთვე ყელის ტკივილი, აგრეთვე ზედა სასუნთქი გზების ინფექციური დაავადებები, სურდო, ქავილი და გამონაყარი, ორგანიზმში სითხის დაგროვება, რომელიც ჩვეულებრივ იწვევს კოჭების და წვივების შეშუპებას.

იშვიათად აღინიშნება ანემია, ჰიპერტენზია, გულის გახშირებული მუშაობა, ყაბზობა, ღებინება, მხედველობის გაუარესება, ჰიპერტონია, პარესთეზიები, ჩხვლეტის შეგრძნება, განგაშის მდგომარეობა, დეპრესია, ხველა, ქოშინი, გამონაყარი, ქვედა კიდურებში კრუნჩხვები, ყურებში შუილი, გადაღლილობის შეგრძნება, საშარდე გზების ინფექციების გამწვავება.

ძალიან იშვიათად გვხვდება ლეიკოპენია, თრომბოციტოპენია, კუჭის და 12-გოჯა ნაწლავის წყლულოვანი დაავადება, დისფაგია, ნაწლავების პერფორაცია, ეზოფაგიტი, მელენა, ატაქსია, ალოპეცია, ფოტოსენსიბილიზაცია და გემოს ცვლილება.

უკუჩვენებები:

* პრეპარატის ან მის შემადგენლობაში შემავალი რომელიმე კომპონენტის მიმართ მომატებული მგრძნობელობა.

* სულფოამიდების ჯგუფის პრეპარატების მიმართ ალერგიული რეაქციების დროს.

* აცეტილსალიცილის მჟავას ან სხვა არასტეროიდული ანთების საწინააღმდეგო საშუალებების მიმართ შემდეგი ალერგიული რეაქციის (ასთმა ან ურტიკარია) განვითარებისას.

ორსულობა და ლაქტაცია:

! პრეპარატის ორსულობის პერიოდში გამოყენება უკიდურესი აუცილებლობის გარეშე არ არის რეკომენდებული.

! ცელებრექსის ორსულობის მესამე ტრიმესტრში გამოყენება დაუშვებელია.

! ცელებრექსი გამოიყოფა დედის რძეში და ისეთი კონცენტრაციით, რომელიც მისი პლაზმაში არსებული კონცენტრაციის მსგავსია. ლაქტაციის პერიოდში პრეპარატის გამოყენება არ არის რეკომენდებული.

სატრანსპორტო საშუალებების მართვის უნარზე ზემოქმედება:

ცელებრექსი არ მოქმედებს სატრანსპორტო საშუალებების მართვის უნარზე.

განსაკუთრებული მითითებები:

◄ პრეპარატით მკურნალობის დაწყებამდე კუჭისა და 12-გოჯა ნაწლავის წყლულოვანი დაავადებით შეპყრობილი პაციენტები დარწმუნებულები უნდა იყვნენ წყლულის სრულ შეხორცებაში.

◄ პრეპარატი სიფრთხილით ინიშნება გულის ფუნქციის დარღვევისა და სხვა დაავადებების დროს, რომლებიც ხელს უწყობენ ორგანიზმში სითხის დაგროვებას.

◄ ღვიძლის და თირკმელების ფუნქციის მძიმე ფორმის დაზიანების დროს, პრეპარატი გამოიყენება მხოლოდ აუცილებლობის შემთხვევაში ექიმის მკაცრი კონტროლის ქვეშ.

ჭარბი დოზირება:

პრეპარატით ჭარბი დოზირების შემთხვევაში საჭიროა ექიმის ინფორმირება.

სხვა წამლებთან ურთიერთქმედება:

– ცელებრექსი და ვარფარინის ერთდროული გამოყენებისას პრეპარატი ინიშნება განსაკუთრებული სიფრთხილით, ვინაიდან ვარფარინი იწვევს სისხლდენას.

– პაციენტებში, რომლებიც იყენებენ ფლუკონაზოლს, პრეპარატი ინიშნება მინიმალურ რეკომენდებულ დოზებში.

– ღვიძლში ფერმენტების ინდუქტორების – რიფამპიცინის, კარბამაზეპინის, და ბარბიტურატების მოქმედება ცელეკოქსიბის ფარმაკოკინეტიკაზე არ არის შესწავლილი.

– კეტოკონაზოლი არ ავლენს ცელებრექსთან არსებით ურთიერთქმედებას.

ანტაციდები (ალუმინი და მაგნიუმი) 10%-ით აქვეითებენ პრეპარატის შეწოვის ხარისხს, რაც არ იწვევს კლინიკურად მნიშვნელოვან ეფექტებს.

– ცელებრექსის ფუროსემიდთან, აგრეთვე ანგიოტენზინმაკონვერტირებელ ფერმენტების ინჰიბიტორებთან კომბინირებისას არსებობს პოტენციური ურთიერთქმედების ალბათობა.

შენახვის პირობები:

პრეპარატი ინახება 15-30⁰C ტემპერატურაზე, მშრალ, ბავშვებისაგან დაცულ ადგილას.

ვარგისიანობის ვადა: აღნიშნულია შეფუთვაზე.

ცელანიდი-კმპ – CELANIDUM-KMP – ЦЕЛАНИД-КМП

საერთაშორისო დასახელება:

LANATOSIDE C

მწარმოებელი: KIEVMEDPREPARAT

მოქმედი ნივთიერება: ლანატოზიდი

კლინიკურ-ფარმაკოლოგიური ჯგუფი:

კარდიოტონული საშუალება – გულის გლიკოზიდი

შემადგენლობა და გამოშვების ფორმა:

ტაბლეტები: შეფუთვაში 30 ც.

1 ტაბ.

ლანატოზიდი C …… 25 მგ

ვრცლად ლანატოზიდი C (დოზირება ინდივიდუალური)

ცელ T – ZEEL T – ЦЕЕЛ Т

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ართროზების სამკურნალო ჰომეოპათიური საშუალება.

შემადგენლობა და გამოშვების ფორმა:

სუბლინგვალური ტაბლეტები: შეფუთვაში 50 და 250 ც.

1 ტაბ.

Cartilago suis D4 ……………………………….	0.3 მგ
Funiculus umbilicalis suis D4 ………………..	0.3 მგ
Embryo suis D4 …………………………………..	0.3 მგ
Placenta suis …………………………………. (ჰორმონებისაგან თავისუფალი) D4	0.3 მგ
Rhus toxicodendron D2 ……………………..	0.54 მგ
Arnica montana D1 …………………………..	0.6 მგ
Solanum dulcamara D2 ……………………..	0.15მგ
Symphytum officinale D8 ……………………	0.15მგ
Sanguinaria canadensis D3 ……………….	0.45 მგ
Sulfur D6 ………………………………………..	0.54 მგ
Nadidum D6 ……………………………………..	0.3 მგ
Coenzym A D6 …………………………………	0.3 მგ
Acidum a-liponicum D6 ………………………	0.3 მგ
Natrium Diethyloxalaceticum D6 …………	0.3 მგ
Acidum silicicum D6 …………………………….	3 მგ

საინექციო ხსნარი: ამპულაში 2.2 მლ, შეფუთვაში 5, 10, 50 და 100 ც.

100 მლ

Cartilago suis D6 ……………………………	2 მგ
Funiculus umbilicalis suis D6 ……………	2 მგ
Embryo totalis suis D6 …………………..	2 მგ
Placenta suis ………………………………. (ჰორმონებისაგან თავისუფალი) D6	2 მგ
Coenzym A D8 …………………………………	2 მგ
Acidum a-liponicum D8 aquos ……………..	2 მგ
Solanum Dulcamara D3 …………………….	10 მგ
Symphytum officinale D6 ……………………	10 მგ
Nadidum D8 ……………………………………..	2 მგ
Rhus toxicodendron D2 ……………………..	10 მგ
Arnica montana D4 ……………………………	200 მგ
Sulfur D6 …………………………………………..	36 მგ
Sanguinaria canadensis D4 ………………….	3 მგ
Natrium Diethyloxalaceticum D8 aquos …..	2 მგ

მალამო: ტუბში 50 და 100 გ.

100 გ

Cartilago suis D2 ………………………………….	1 მგ
Funiculus umbilicalis suis ……………………..	1 მგ
Embryo suis D2 ……………………………………	1 მგ
Placenta suis ……………………………………… (ჰორმონებისგან თავისუფალი) D2	1 მგ
Rhus toxicodendron D2 ………………………..	270 მგ
Arnica montana D2 ………………………………	300 მგ
Arnica montana D2 ………………………………	75 მგ
Solanum dulcamara D2 ……………………….	750 მგ
Sanguinaria canadensis D2 ………………….	225 მგ
Sulfur D6 ……………………………………………	270 მგ
Nadidum D6 ……………………………………….	10 მგ
Coenzym A D6 ……………………………………	10 მგ
Acidum a-liponicum D6 ………………………..	10 მგ
Natrium diethyloxalaceticum D6 …………….	10 მგ
Acidum silicium D6 ……………………………….	1 გ

ეთანოლით სტაბილიზირებული ჰიდროფილური მალამო (DAB10) 12.5 vol %

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები.

ჰომოტოქსინები (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქცის ნორმალიზაციაზე.

ჩვენებები:

ართროზები (კერძოდ გონართროზები, პოლიართროზები, სპონდილართროზები, მხარ-ბეჭის სახსრის პერიართრიტი).

მიღების წესი და დოზირება:

სუბლინგვალური ტაბლეტები:

ჩვეულებრივ ინიშნება თითო ტაბლეტი 3-4-ჯერ დღეში.

გამოყენების წესი: ჭამამდე ნახევარი საათით ადრე სუბლინგვალურად სრულ გაწოვამდე წყლის მიყოლების გარეშე.

საინექციო ხსნარი:

ჩვეულებრივ 1 ამპულა კვირაში 2-ჯერ კანქვეშ, კუნთებში, ვენაში, სახსარში ან სახსრის გარშემო, აუცილებლობისას – პარავერტებრალურად.

დიდი სახსრების დაავადებისას შეიძლება გამოვიყენოთ 2 ამპულა.

მალამო:

დილა-საღამოს, აუცილებლობის შემთხვევაში უფრო ხშირად.

გამოყენების წესი: მალამო თხელ ფენად მტკივნეული ადგილას შეიზილეთ მსუბუქი შეზელვით. შეიძლება ნახვევის დადებაც.

გვერდითი მოვლენები:

გვერდითი მოვლენები არ გააჩნია.

უკუჩვენებები:

* მომატებული მგრძნობელობა Rhus toxicodendron -ის შხამის მიმართ.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებსა და გადახურებისაგან დაცულ, ბავშვებისათვის მიუწვდომელ ადგილას. ფლაკონი დაიხუროს გამოყენებისთანავე.

ვარგისიანობის ვადა: 5 წელი.

ცევიკაპი – CEVIKAP – ЦЕВИКАП

საერთაშორისო დასახელება:

ASCORBIS ASID

მწარმოებელი: Medana Pharma S.A., პოლონეთი

მოქმედი ნივთიერება: ასკორბინის მჟავა

კლინიკურ-ფარმაკოლოგიური ჯგუფი:

ვიტამინური პრეპარატი.

შემადგენლობა და გამოშვების ფორმა:

წვეთები პერორალური მიღებისათვის: ფლაკონში 10 მლ და 30 მლ.

1 მლ.

ასკორბინის მჟავა (ვიტამინი C) ……. 100 მგ

ფარმაკოლოგიური თვისებები:

ძლიერი აღმდგენითი თვისებების წყალობით ვიტამინი C მონაწილეობს ადამიანის ორგანიზმში მიმდინარე მთელი რიგი მეტაბოლური ცვლის პროცესებში.

ასკორბინის მჟავას აქვს უნარი გადაიტანოს ელექტროლიტები და ფერმენტები. ასკორბინის მჟავა მოქმედებს იმუნიტეტზე. დეტოკსიკაციის პროცესებზე, ფოლის მჟავას გარდაქმნაზე მის აქტიურ ფორმაში – ფოლიუმის მჟავაში, ქოლესტერინის მეტაბოლიზმში. რკინის ათვისებაში, ასევე ხელს უშლის პეროქსიდაციის პროცესებს. კოლაგენის, ელასტინის და პროტეოგლიკანების სინთეზში მონაწილეობის გამო.

ასკორბინის მჟავა მონაწილეობს ასევე შემაერთებელი ქსოვილის წარმოქმნაში; აქედან გამომდინარე მონაწილეობს მთელი ორგანიზმის ქსოვილების უჯრედგარე სტრუქტურის შენებაში. კოლაგენი, რომელიც ორგანიზმის ცილების 30-40% შეადგენს, არის შემაერთებელი ქსოვილის ძირითადი საშენი კომპონენტი.

შედის აგრეთვე კანის სისხლძარღვის ენდოთელიუმის, მყესების, ძვლების, კბილების, თვალის რქოვანა გარსისა, ასევე უჯრედშორისი ნივთიერებების შემადგენლობაში. მონაწილეობს ჭრილობის, ნახეთქების, ძვლის მოტეხილობების შეხორცებით პროცესებში.

ასკორბინის მჟავა-ვიტამინი C-ვიტამინია, რომელიც წყალში იხსნება და მისი სინთეზი არ ხდება ადამიანის ორგანიზმში. ასკორბინის მჟავა ძალიან მგრძნობიარეა სხვადასხვა ფაქტორების ზემოქმედებისადმი. სინათლის, მაღალი ტემპერატურის და ჰაერში არსებული ჟანგბადის გავლენით იშლება.

ორგანიზმის დამცავი სისტემის სწორი ფუნქციონირებისათვის დიდი მნიშვნელობა ენიჭება ქსოვილების ოპტიმალურ გაჯერებას ასკორბინის მჟავათი. ლეიკოციტებით ასკორბინის მჟავის გაზრდილი მიტაცების გამო მისი შემცველობა მცირდება სისხლში.

ვიტამინი C-ს გამოყენება გაციების პირველივე სიმპტომების დროს იწვევს მისი კონცენტრაციის ზრდას სისხლში, საიდანაც ხდება მისი მიტაცება ქსოვილებში ფაგოციტების მიერ. დამტკიცებულია, რომ ვიტამინი C-ს გამოყენება ამცირებს და ასუსტებს გაცივების მიმდინარეობას საშუალოდ 23%-ით.

ასკორბინის მჟავას ნაკლებობა იწვევს სურავანდის განვითარებას.

ვიტამინი C-ს უკმარისობის სიმპტომები: მომატებული აგზნებადობა, ტახიპნოე, დისპეფსია, მადის დაკარგვა, ფეხების გარკვეული პოზა, შეშუპება და ძვლისაზრდელას ქვეშა სისხლჩაქცევა, ღრძილების ანთებითი ცვლილებები, დენტინის არასწორი შენება, ლულოვანი ძვლების რადიაციით განპირობებული ცვლილებები, რომელიც იწვევს ტკივილს და ჰიპეროსტოზსს ეპიფიზების არეში (მელერ-ბარლოუას დააავადება). ამ დროს ადგილი აქვს სუბფებრილურ მდგომარეობას, ანემიას, ჭრილობების და ძვლების შეხორცების შენელებას. სიმპტომები წყდება ვიტამინი C-ს მიღების შემდეგ.

ჩვენებები:

ცევიკაპი – ვიტამინი C ხსნარი წვეთების სახით სპეციალურადაა შემუშავებული ბავშვებისათვის, რაც იძლევა ასკორბინის მჟავას მცირე საბავშვო დოზებით გამოყენების საშუალებას შემდეგ შემთხვევებში:

– კომპლექსურ თერაპიაში;

– ინფექციური დაავადებები მომატებული ტემპერატურით, ასევე ზედა სასუნთქი გზების ვირუსული მორეციდივე ინფექციები;

– ანთებითი მდგომარეობები;

– ვიტამინი C მომატებული მოხმარება;

– რეკონვალესცენცია;

– დაქვეითებული იმუნიტეტი;

– სპორტი ან ინტენსიური ვარჯიში;

– ვიტამინი C ჰიპოვიტამინოზის პროფილაქტიკის მიზნით იმ შემთხვევაში, როდესაც ადგილი აქვს: ბავშვების ხელოვნურ კვებას; არასწორ კვებას; ანორექსიას; შეწოვის დარღვევას (კუჭ-ნაწლავის ტრაქტის დაავადებების დროს).

მიღების წესი და დოზირება:

წვეთების პერორალურად მიღება შეიძლება ერთ ან რამდენიმე დოზად. უმჯობესია ჭამის დროს. ახალშობილებში რეკომენდებულია წვეთების გახსნა წყალში, ჩაიში, წვენში ან საკვებში დამატება.

ერთი წვეთი შეიცავს 5 მგ ვიტამინ C.

პროფილაქტიკური დოზები:

– ბუნებრივ კვებაზე მყოფი და 1 წლამდე ბავშვებში: 5-8 წვეთი (დაახ. 25-40 მგ) დღეში;

– 2 წლიდან 11 წლამდე ბავშვებში: 10 წვეთი (დაახ. 50 მგ) დღეში;

– 12 წლიდან 17 წლამდე მოზარდებში: 15-20 წვეთი (დაახ. 75-100 მგ) დღეში.

თერაპიული დოზები 2-5-ჯერ უფრო მეტია ვიდრე პროფილაქტიკური დოზები (ჩვენების მიხედვით).

გვერდითი მოვლენები:

რეკომენდებულ დოზებში პრეპარატის გამოყენება არ იწვევს გვერდით მოვლენებს.

მაღალი დოზებით პრეპარატის ხანგრძლივი მიღებისას შეიძლება გამოვლინდეს:

♦ შარდთან ერთად მჟაუნ-მჟავას მომატებული გამოყოფა. ურატებისა და ციტრატების კრისტალიზაცია, რაც ზრდის თირკმლის კენჭების გაჩენის რისკს შარდგამომყოფ სისტემაში;

♦ პირებში, რომლებსაც გააჩნიათ გლუკოზა 6 ფოსფატდეჰიდროგენაზის დეფიციტი, პრეპარატის მიღებამ შეიძლება გამოიწვიოს ჰემოლიზი;

♦ ჰიპერგლიკემია, გლუკოზურია;

♦ დისპეპსიური აშლილობები (გულისრევა, ღებინება);

♦ ჰემორაგიები;

♦ დიდი დოზების ხანგრძლივად გამოყენება იწვევს მიჩვევას.

უკუჩვენებები:

* მომატებული მგრძნობელობა ასკორბინის მჟავასა და/ან პრეპარატის სხვა კომპონენტების მიმართ.

ორსულობა და ლაქტაცია:

პრეპარატი გამოიყენება ორსულობისას, რეკომენდებული დღიური დოზა ორსულ ქალებში (მათ შორის დიეტაში შემავალი რაოდენობა) შეადგენს 80 მგ-ს დღეში.

ვიტამინი C დიდი რაოდენობით გამოყენება იწვევს ახალშობილებში მისი უკმარისობის სიმპტომების გამოვლენას დიდი დოზებით გამოწვეული მეტაბოლური პროცესების ინდუქციის გამო. პრეპარატის გამოყენება შეიძლება ლაქტაციის პერიოდში. რეკომენდებული დღიური დოზა (მათ შორის დიეტაში შემავალი რაოდენობა) შეადგენს 100 მგ-ს დღეში. ასკორბინის მჟავას შემცველობა ლაქტატში შეადგენს 30-55 მგ/მლ, რაც საკმარისია ახალშობილისათვის, რომელიც ძუძუთი იკვებება.

ახალშობილებში პრეპარატის დიდი დოზით გამოყენება სასურველი არ არის.

განსაკუთრებული მითითებები:

◄ არ არის დაშვებული ასკორბინის მჟავას შერევა რკინისა და გოგირდის შემცველ პრეპარატებთან მისი აღმდგენი თვისების გამო.

◄ რეკომენდებულია ასკორბინის მჟავას გამოყენება დოზით არა უმეტეს 100 მგ დღე-ღამეში თირკმელკენჭოვანი დაავადებების მქონე პაციენტებში, ასევე ორგანიზმში მოჭარბებული რკინის არსებობისას იმ პირებში, რომელთაც უკვე აქვთ ჰიპეროქსალურია ან მისი წარმოქმნისადმი მიდრეკილება.

◄ ასევე მორეციდივე შარდ-კენჭოვანი დაავადებების მქონე პირებში ან თირკმლის უკმარისობისას ასკორბინის მჟავას გამოყენება არაა რეკომენდებული.

◄ ასკორბინის მჟავამ, რომელიც გამოიყენება დიდი დოზებით, შეიძლება მოგვცეს ცრუ შედეგები ლაბორატორიული კვლევისას, რომლებიც ტარდება ოქსიდოაღდგენითი მეთოდებით (მაგ. განავალში ფარული სისხლის არსებობის დადგენა, გლუკოზის და კრეატინინის კონცენტრაციის განსაზღვრა სისხლში და შარდში).

გავლენა ტრანსპორტის მართვაზე და მექანიკური ხელსაწყოების გამოყენების უნარზე: არ მოქმედებს.

ჭარბი დოზირება:

ჭარბი დოზირების მონაცემები არ არსებობს.

ვიტამინ C დიდი დოზებით გამოყენება (100 მგ=200 წვეთი დღეში) შეიძლება გართულდეს ჭარბი დოზით და გვერდითი მოვლენების გაძლიერებით. მკურნალობა სიმპტომურია.

სხვა წამლებთან ურთიერთქმედება:

რკინა. ასკორბინის მჟავა 2-4-ჯერ ზრდის რკინის შეწოვას კუჭ-ნაწლავის ტრაქტიდან, განსაკუთრებით რკინადეფიციტის მქონე პრებში.

დეფეროქსამინთან ასკორბინის მჟავას კომბინაციამ შესაძლოა გამოიწვიოს რკინის ტოქსიკურობის ზრდა.

ვიტამინი E. ორივე ვიტამინი ავლენს ანტიჟანგვითი მოქმედების სინერგიზმს. ასკორბინის მჟავა ააქტიურებს ტოკოფეროლს, თავიდან იცილებს მის ინაქტივაციას როგორც in vitro, ისე in vivo.

კო-ტრიმოქსაზოლი. ასკორბინის მჟავას დიდმა დოზებმა შეიძლება გააძლიეროს კრისტალურიის რისკი.

მჟავა და ტუტე ხასიათის მქონე სამკურნალწამლო საშუალებები. ასკორბინის მჟავას დიდმა დოზებმა (2 გ/დღეში და მეტი) შეიძლება გამოიწვიოს მჟავა ხასიათის მქონე პრეპარატების (ნიტროფურანი, სალიცილატი) მოქმედების გაძლიერება და პირიქით შეამცირონ ტუტე ხასიათის მქონე პრეპარატების (ფენთიაზინის წარმოებულები, ანტიდეპრესიული საშუალებები) მოქმედება.

შენახვის პირობები:

პრეპარატი ინახება 15-25⁰C ტემპერატურაზე კარგად დახურულ ფლაკონში. სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა: 2 წელი.

ცედექსი – CEDAX – ЦЕДЕКС

საერთაშორისო დასახელება:

CEFTIBUTEN

მწარმოებელი: SCHERING-PLOUGH, იტალია

მოქმედი ნივთიერება: ცეფტიბუტინი

კლინიკურ-ფარმაკოლოგიური ჯგუფი:

ნახევრადსინთეზური ცეფალოსპორინების ჯგუფის ანტიბიოტიკის პერორალური გამოყენებისათვის.

შემადგენლობა და გამოშვების ფორმა:

კაფსულები: შეფუთვაში 5 ც.

1 კაფს.

ცეფტიბუტინი …………. 400 მგ

ფხვნილი პერორალური სუსპენზიის მოსამზადებლად: ფლაკონში 30 მლ, შეფუთვაში საზომ კოვზთან კომპლექტში.

1 მლ

ცეფტიბუტენი ………… 36 მგ

ცედექსის სუსპენზია არომატიზირებულია ალუბლის სიროფით.

ფარმაკოლოგიური თვისებები:

ზოგიერთი სხვა ანტიბიოტიკების მსგავსად ცედექსი მდგრადია ბეტა-ლაქტამაზების მოქმედების მიმართ. ცედექსის მოქმედება განპირობებულია ბაქტერიის უჯრედის კედლის სინთეზის დათრგუნვით. მიკრობულ უჯრედზე ის მოქმედებს ბაქტერიოციდულად. შტამები რომლებიც მდგრადნი არიან პენიცილინებისადმი, შეიძლება მგრძნობიარენი იყვნენ ცედექსის მიმართ.

ჩვენებები:

ზედა სასუნთქი გზების ინფექციები, მათ შორის ფარინგიტი, ტონზილიტი, ქუნთრუშა მოზრდილებში და ბავშვებში, მწვავე სინუსიტი მოზრდილებში, შუა ყურის ანთება ბავშვებში;
ქვედა სასუნთქი გზების დაავადებები. მათ შორის მწვავე ბრონქიტი, ქრონიკული ბრონქიტის გამწვავება და მწვავე პნევმონია პაციენტებში, რომლებშიც შესაძლებელია პერორალური თერაპიის ჩატარება;
გართულებული და გაურთულებელი საშარდე ტრაქტის ინფექციების დროს ბავშვებში და მოზარდებში;
ენტერიტები და გასტროენტერიტები, რომლებიც გამოწვეულია Salmonella, Shigella ან E. coli-ით.

მიღების წესი და დოზირება:

ცედექსით მკურნალობის ხანგრძლივობა შეადგენს 5-10 დღეს. ინფექციებისათვის, რომელთაც იწვევს Str. pyrogenes ცედესის თერაპიული დოზა ინიშნება არანაკლებ 10 დღის ხანგრძლივობით.

მოზრდილებში:

ცედექსის რეკომენდებული დოზაა – ერთი კაფსულა დღეში ერთხელ. კაფსულის მიღება შეიძლება ნებისმიერ დროს, როგორც ჭამის შემდეგ, ასევე ჭამის წინ.

მწვავე სინუსიტის, მწვავე ბრონქიტის, ქრონიკული ბრონქიტის გამწვავების, საშარდე გზების გართულებული და გაურთულებელი დაავადებების დროს პრეპარატის რეკომენდებული დოზა შეადგენს 400 მგ ერთხელ დღეში.

პნევმონიან ავადმყოფებში ცედექსის რეკომენდებული დოზა შეადგენს 200 მგ 2-ჯერ დღეში.

გამოყენება პედიატრიული პრაქტიკაში:

რეკომენდებული დოზა შეადგენს 9 მგ/კგ პერორალურ სუსპენზიას დღეში (მაქსიმალური დოზა შეადგენს 400 მგ დღეში). ეს დოზა ინიშნება ერთხელ დღეში შემდეგი ჩვენებით:

ფარინგიტი, ტონზილიტი, მწვავე ბრონქიტი, შუა ყურის ანთება, საშარდე გზების გართულებული და გაურთულებელი ინფექციები, მწვავე ენტერიტის სამკურნალოდ ბავშვებში საერთო დღიური დოზა შეადგენს 4,5 მგ/კგ 2-ჯერ დღეში.

ბავშვებში 10 წელზე მეტი ასაკის და 45 კგ-ზე მეტი წონით რეკომენდებულია მოზარდის დოზის გამოყენება.

გვერდითი მოვლენები:

შესაძლებელია არასასურველი მოვლენები კუჭ-ნაწლავის ტრაქტის მხრივ: გულისრევა, დიარეა და თავის ტკივილი. უფრო იშვიათად აღინიშნება დისპეფსია, გასტრიტი, პირღებინება, მუცლის ტკივილი და შუილი ყურებში.

ძალიან იშვიათად მოვლენების უმრავლესობა ექვემდებარება სიმპტომატურ მკურნალობას ან ქრება ცედექსით თერაპიის შემდეგ.

უკუჩვენებები:

* ცედექსი უკუნაჩვენებია პაციენტებისათვის, რომელთაც აღენიშნებათ მომატებული მგრძნობელობა პრეპარატის მიმართ.

ორსულობა და ლაქტაცია:

ორსულობის და ლაქტაციის დროს პრეპარატის გამოყენება შესაძლებელია მხოლოდ იმ შემთხვევაში, როდესაც პრეპარატის პოტენციური სარგებლობა დედისათვის აღემატება ნაყოფზე ან ახალშობილზე მოქმედებით გამოწვეულ მოსალოდნელ რისკს.

ბავშვებში 6 თვემდე არ არის შესწავლილი პრეპარატის უსაფრთხობა და ეფექტურობა.

განსაკუთრებული მითითებები:

◄ საჭიროა ცედექსის დოზის კორეგირება თირკმელების უკმარსობიან ავადმყოფებში და აგრეთვე პაციენტებში, რომლებიც იმყოფებიან დიალიზზე.

◄ სიფრთხილით ინიშნება ავადმყოფებში კუჭ-ნაწლავის დაავადებებით;

◄ განსაკუთრებით სიფრთხილით გამოიყენება პაციენტებში, რომელთაც აღენიშნება ალერგია პენიცილინების მიმართ.

როდესაც აღინიშნება ალერგიული რეაქცია ცედექსზე, პრეპარატის მიღება უნდა შეწყდეს და დაინიშნოს შესაბამისი მკურნალობა.

ჭარბი დოზირება:

ჭარბი დოზირების დროს არ აღინიშნება ტოქსიკური მოვლენები. ასეთ შემთხვევებში საჭიროა კუჭის ამორეცხვა.

სპეციფიკური ანტიდოტი არ არსებობს.

შესაძლებელია ცედექსის ორგანიზმიდან ელიმინაცია ჰემოდიალიზით.

სხვა წამლებთან ურთიერთქმედება:

შესწავლილია ცედექსის, ალუმინის და მაგნიუმის შემცველ ანტაციდებთან, რანიტიდინთან და ინტრავენურ თეოფილინთან ურთიერთქმედება, რის შედეგადაც დადგენილ იქნა, რომ ცედექსს არ ახასიათებს მათთან შეუთავსებლობა.

შენახვის პირობები:

პრეპარატი ინახება 2-30⁰C ტემპრატურაზე. განზავებული სუსპენზია ინახება 2-8C ტემპრატურაზე 14 დღის განმავლობაში.

ვარგისიანობის ვადა: 3 წელი.

ცებექტი – CEBECT – ЦЕБЕКТ

საერთაშორისო დასახელება:

CIPROFLOXACIN

მწარმოებელი: PLETHICO PHARMACEUTICALS

მოქმედი ნივთიერება: ციპროფლოქსაცინი

კლინიკურ-ფარმაკოლოგიური ჯგუფი:

ანტიმიკრობული საშუალება, ფტორქინოლონი.

შემადგენლობა და გამოშვების ფორმა:

კაფსულები: შეფუთვაში 10 ც.

1 კაფს.

ციპროფლოქსაცინი …… 250 მგ

1 კაფს.

ციპროფლოქსაცინი ……. 500 მ.

საინექციო ხსნარი: ამპულაში 1 მლ

1 მლ
ციპროფლოქსაცინი ……. 2 მგ

ვრცლად ციპრინოლი

შალფეი – SALBEI – ШАЛФЕЙ

სამკურნალწამლო ფორმა: საწუწნი ტაბლეტები

შემადგენლობა:

მოქმედი ნივთიერება :

სალბის მშრალი ექსტრაქტი …… 12,50 მგ

ესენციური სალბის ზეთი …….. 2,40 მგ

დამხმარე ნივთიერებები : ასკორბინის მჟავა , ვაშლის მჟავა , ასპარტამი , სორბიტი , სილიციუმის კოლოიდური დიოქსიდი , მაგნიუმის სტეარატი , საქარინი , სორბიტოლი , მაგნიუმის სტეარატი , საღებავი E -104, საღებავი E -132, არომატული დანამატი ,, თაფლი “.

აღწერილობა:

ბრტყელი , დაქანებული კიდეებით , მოცისფრო – მომწვანო ფერის , სპეციფიკური სუნის მქონე ტაბლეტები , შედარებით უფრო ღია და მუქი ფერის ჩანართებით . ტაბლეტის ორივე მხრეზე არის გრავირება > ხის ფონზე

ფარმაკოლოგიური ჯგუფი:

მცენარეული წარმოშობის ანტისეპტიკური საშუალება

ფარმაკოლოგიური მოქმედება:

კომბინირებული პრეპარატი , რომელიც შეიცავს ბიოლოგიურად აქტიურ ნივთიერებებს . ავლენს ანთების საწინააღმდეგო ანტიმიკრობულ და ამოსახველებელ მოქმედებას . გააჩნია შემახორცებელი თვისებები .

გამოყენების ჩვენება:

გამოიყენება ზემო სასუნთქი გზების ანთებითი დაავადებების ( ანგინა , ლარინგიტი , ფარინგიტი და სხვ .), პირის ღრუს ( სტომატიტი , გინგივიტი ) სამკურნალოდ , კომპლექსურ თერაპიაში .

უკუჩვენება;

* ჰიპერმგრძნობელობა პრეპარატის კომპონენტებზე .

მიღების გზები და დოზირება:

საჭიროა პირის ღრუში გაჩერება სრულ გაწოვამდე . – მოზრდილები დღეში 6 ტაბლეტი 2 საათის ინტერვალით .

– 5 წლამდე ბავშვები : დღეში 2 ტაბლეტი , 4 საათზე მეტი ინტერვალით ;

– 5- დან 10 წლამდე ბავშვები : დღეში 3 ტაბლეტი , 4 საათიანი ინტერვალით .

გვერდითი ეფექტები:

შესაძლებელია ალერგიული რეაქციები .

განსაკუთრებული მითითებები:

ეფექტის არარსებობისას საჭიროა ექიმის კონსულტაცია .

გამოშვების ფორმა:

10 ტაბლეტი პვქ / ალ ბლისტერში ან 2, 4, 6, 8 ტაბლეტი ალ / ალ სტრიპში .

1, 2, 3, 4, 5 ბლისტერი ან სტრიპი გამოყენების ინსტრუქციასთან ერთად მოთავსებულია მუყაოს კოლოფში .

10, 12 ტაბლეტი ალ / ალ სტრიპი ; 10, 15 ბლისტერი ან სტრიპი გამოყენების ინსტრუქციასთან ერთად მოთავსებულია მუყაოს კოლოფში .

შენახვის პირობები:

ინახება არაუმეტეს 25°C ტემპერატურაზე , სინათლისგან დაცულ ადგილას .

ინახება ბავშვებისთვის მიუწვდომელ ადგილას .

შენახვის ვადა:

3 წელი ;

შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება .

აფთიაქიდან გაცემის პირობები:

ურეცეპტოდ

მწარმოებელი :

ნატურ პროდუკტ ევროპა ბ . ვ ., ნიდერლანდები

შავბალახას ნაყენი – Tinctura Leonuri – Пустырника настойка

წამლის ფორმა: ნაყენი

შემადგენლობა: დაწვრილმანებული შავბალახას ბალახისა და 70% ეთილის სპირტის ნაყენი (1:5).

აღწერილობა: გამჭვირვალე, მუქი მწვანე ფერის სითხე , მომწარო გემოთი , სუსტი არომატული სუნით .

ფარმაკოთერაპიული მოქმედება :

დამამშვიდებელი , სედატიური საშუალება .

ჩვენება :

პრეპარატი გამოიყენება გულ – სისხლძარღვათა სისტემის ფუნქციონალური მოშლილობის დროს , ნევროზის, ჰიპერტონიული დაავადების საწყის ეტაპსა და ნერვული აგზნებადობის დროს, მსუბუქი ფორმის ძილის დარღვევისას , როგორც დამამშვიდებელი საშუალება .

გვერდითი მოვლენები :

ზოგიერთ შემთხვევაში შესაძლებელია ალერგიული მოვლენები .

უკუჩვენება :

* გამოკვეთილი ჰიპოტონიის , ბრადიკარდის დროს .

მიღების წესი და დოზირება :

პრეპარატი მიიღება 30-50 წვეთი 3-4 ჯერ დღეში .

შენახვის პირობები :

ინახება გრილ , სინათლისაგან დაცულ ადგილას .

გამოშვების ფორმა : 25 მლ ფლაკონებში .

ვარგისიანობის ვადა : 4 წელი .

აფთიაქიდან გაცემის წესი : გაიცემა ურეცეპტოდ .

მწარმოებელი : სს ” თბილქიმფარმი “, საქართველო , თბილისი.

ყივანახველა-დიფტერია-ტეტანუსის ვაქცინა – VACCINUM PERTUSSIS-DIPHTHERIA-TETANUS – ВАКЦИНА ПРОТИВ КОКЛЮША-ДИФТЕРИИ-СТОЛБНЯКА

მწარმოებელი: IMUNOPREPARAT, რუსეთი

კლინიკურ-ფარმაკოლოგიური ჯგუფი:

ვაქცინა.

შემადგენლობა და გამოშვების ფორმა:

აღწერილობა:

პრეპარატი წარმოადგენს თეთრ ან ოდნავ მოყვითალო შეფერილობის გამჭვირვალე სითხეს და ფხვიერ ნალექად დაყოფილ სუსპენზიას, რომელიც შენღჯრევისას მთლიანად იშლება.

ყივანახველა-დიფტერია-ტეტანუსის ვაქცინა წარმოადგენს ალუმინის ჰიდროქსიდზე სორბირებულ ყივანახველას დაღუპული მიკრობებისაგან და დიფტერია-ტეტანუსის გაწმენდილი ანატოქსინებისაგან შედგენილ ნარევს.

შემადგენლობა:

პრეპარატის 1 მლ შეიცავს 20 მილიარდ ყივანახველას მიკრობულ უჯრედებს, დიფტერიის 30 ერთეულს და ტეტანუსის ანატოქსინის 10 ანატოქსინ-შემაკავშირებელ ერთეულს.

ჩვეულებრივი დოზით (0.5 მლ) პრეპარატი შეიცავს დიფტერიის ანატოქსინს არა უმცირეს 30 საერთაშორისო მაიმუნიზირებელ ერთეულს (სმე), ტეტანუსის ანატოქსინს არა უმცირეს 60 საერთაშორისო მაიმუნიზირებელ ერთეულს, ყივანახველას ვაქცინის არა უმცირეს 4 საერთაშორისო დამცავ ერთეულს და არა უმეტეს 50 მკგ მერტიოლატს (კონსერვანტი).

გამოშვების ფორმა: ამპულაში 1 მლ (ორი ასაცრელი დოზით).

შეფუთვაში: 10 ც.

ფარმაკოლოგიური თვისებები:

ორგანიზმში პრეპარატის შეყვანა, შესაბამისად დამტკიცებული სქემის მიხედვით, იწვევს ყივანახველა-დიფტერია-ტეტანუსის საწინააღმდეგო სპეციფიკური იმუნიტეტის ფორმირებას.

ჩვენებები:

ყივანახველა დიფტერია და ტეტანუსის პროფილაქტიკა ბავშვებში.

მიღების წესი და დოზირება:

ყივანახველა-დიფტერია-ტეტანუსის ვაქცინით აცრები უტარდებათ ბავშვებს 3 თვიდან 3 წლამდე 11 თვემდე და 29 დღის ასაკამდე (ბავშვებს ყივანახაველას გადატანის შემდეგ, უტარდებთ დიფტერია-ტეტანუსის ანატოქსინით აცრა).

პრეპარატი შეყავთ კუნთებში დუნდულოს ზედა გარეთა მეოთხედში ან ბარძაყის წინა-გარეთა ზედაპირზე 0.5 მლ დოზით (ერთჯერადი დოზა). აცრის წინ აუცილებელია ამპულის გულმოდგინედ შენჯღრევა ჰომოგენური ნარევის მიღებამდე.

ვაქცინაციის კურსი შედგება 3 აცრისაგან 1.5 თვიანი ინტერვალით (3 თვე, 4.5 თვე და 6 თვე). დროის ინტერვალების შემცირება ნებადართული არ არის.

აუცილებლობის შემთხვევაში ინტერვალების გაზრდის დროს მომდევნო აცრა ტარდება შესაძლებელ უმოკლეს ვადაში, ბავშვის ჯანმრთელობის მდგომარეობის მიხედვით.

ყივანახველა-დიფტერია-ტეტანუსის ვაქცინის შეყვანა ორგანიზმიში შესაძლებელია, როგორც პოლიომიელიტის ვაქცინასთან, აგრეთვე აცრების ნაციონალური კალენდრის სხვა პრეპარატებთან ერთად.

რევაქცინაცია ტარდება ერთჯერადად 18 თვის ასაკში (აცრების ვადების დარღვევის შემთხვევაში 12-13 თვის შემდეგ ყივანახველა-დიფტერია-ტეტანუსის ვაქცინით ბოლო ვაქცინაციის შემდეგ).

განსაკუთრებული მითითებები:

◄იმ შემთხვევაში, როდესაც ბავშვებს 3 წლის 11 თვის და 29 დღის ასაკამდე არ უტარდებათ ყივანახველა-დიფტერია-ტეტანუსის ვაქცინით რევაქცინაცია, ამ დროს ვაქცინაცია წარმოებს დიფტერია-ტეტანუსის ანატოქსინით (4 წლის – 5 წლის 11 თვის და 29 დღის ასაკის ბავშვებში) ან დიფტერია-ტეტანუსის – ნაკლებად ვირულენტური ანატოქსინით (6 წლის ზემოთ ასაკის ბავშვებში).

◄ გამოყენების წინ ამპულას პრეპარატით გულდასმით ათვალიერებენ. პრეპარატი გამოყენებისათვის უვარგისია ამპულის მთლიანობის დარღვევის დროს, მისი მარკირების არსებობის გარეშე, პრეპარატის ფიზიკური თვისებების ცვლილების დროს (ფერის შეცვლა, დაუშლელი ფირფიტების არსებობა), ვადის გასვლის შემდეგ, არასწორად შენახვის პირობებში. ამპულის გახსნა და ვაქცინაციის პროცედურა წარმოებს ასეპტიკისა და ანტისეპტიკის მკაცრი წესების დაცვით. ამპულის შენახვა გახსნილი პრეპარატით ნებადართული არ არის.

◄ პრეპარატის შეყვანა რეგისტრირდება ავადმყოფის ისტორიაში დოზის აუცილებელი მითითებით, თარიღით, პაციენტის რეაქციით, სერიის ნომრით. შენახვის ვადით პრეპარატის დამამზადებელი ინსტიტუტის დასახელებით.

◄ პრეპარატის შეყვანის შედეგად განვითარებული რეაქციები:

აცრილი ბავშვების უმეტეს ნაწილში პირველი ორი დღის მანძილზე შესაძლებელია ხანმოკლე, ზოგადი (ტემპერატურის მომატება, შეუძლოდ ყოფნა) და ადგილობრივი (ტკივილი, ჰიპერემია, შეშუპება) რეაქციები.

იშვიათ შემთხვევებში შესაძლებელია გართულებები: კრუნჩხვები (ძირითადად ტემპერატურის მომატებით გამოწვეული), განმგმირავი ყვირილის ეპიზოდები, ალერგიული რეაქციები (ურტიკარია, პოლიმორფული გამონაყარი, კვინკეს შეშუპება).

◄ განსაკუთრებით მგრძნობიარე ბავშვებში, დაუყოვნებლივი ტიპის ალერგიული რეაქციების შესაძლებელ განვითარებასთან დაკავშირებით საჭიროა აცრილი ბავშვების სამედიცინო დაკვირვებით უზრუნველყოფა 30 წთ-ის განმავლობაში აცრის დამთავრების შემდეგ.

◄ შოკის განვითარების საშიშროებასთან დაკავშირებით, აცრების ჩატარების ადგილები უზრუნველყოფილი უნდა იყოს შოკის საწინააღმდეგო სამკურნალო საშუალებებით.

უკუჩვენებები:

* ნერვული სისტემის პროგრესირებადი დაავადებები, აფებრილური კრუნჩხვები ანამნეზში;

* დიფტერია-ყივანახველა-ტეტანუსის წინა ინექციის დროს განვითარებული ძლიერი ზოგადი რეაქციები (ტემპერატურის მომატება პირველი ორი დღეღამის განმავლობაში 40-მდე და მეტი) ან სხვადასხვა გართულებები.

შენიშვნა 1: ბავშვებში, რომლებშიც წინააღმდეგნაჩვენებია დიფტერია-ყივანახველა-ტეტანუსის ვაქცინის გამოყენება, ტარდება დიფტერია-ტეტანუსის ანატოქსინით აცრები შესაბამის გამოყენების ინსტრუქციის მიხედვით.

შენიშვნა: ბავშვის 2-ჯერ აცრის შემთხვევაში, დიფტერია-ტეტანუსის ვაქცინაციის კურსი ითვლება დამთავრებულად, ხოლო ბავშვის ერთხელ აცრის შემთხვევაში – ვაქცინაცია გრძელდება დიფტერია-ტეტანუსის ნაკლებად ვირულენტური-ანატოქსინით, რომელიც შეჰყავთ ერთჯერადად, არაუგვიანეს 3 თვის შემდეგ. ორივე შემთხვევაში პირველი რევაქცინაცია ტარდება დიფტერია-ტეტანუსის ნაკლებად ვირულენტური – ანატოქსინით ბოლო აცრიდან 9-12 თვის შემდეგ.

◄ აკდს მესამე ვაქცინაციის შემდგომი გართულებების შემთხვევაში, პირველი რევაქცინაცია ტარდება ადს-ანატოქსინით 12-18 თვის შემდეგ. შემდგომი რევაქცინაციები ტარდება 7, 14 და ყოველი მომდევნო 10 წლის განმავლობაში ადს-ანატოქსინით.

◄ ტემპერატურის მომატებით 38.5 და მეტი (აცრილების 1%-ზე მეტი) ან მკვეთრად გამოხატული ადგილობრივი რეაქცების განვითარების შემთხვევაში (რბილი ქსოვილების შეშუპება 5 სმ-ზე მეტი დიამეტრით. ინფილტრატი 2 სმ-ზე მეტი დიამეტრით – აცრილების 4%-ზე მეტი) აგრეთვე მძიმე პოსტ-ვაქცინური გართულებების დროს საჭიროა აღნიშნული სერიის პრეპარატით აცრების ჩატარების შეწყვეტა. ვაქცინის შემდგომი გამოყენების შესახებ ინფორმაციას იძლევა შესაბამისი ინსტიტუტი.

◄ ბავშვებს მწვავე დაავადებების გადატანის შემდეგ. აცრები ენიშნებათ გამოჯანმრთელებიდან მხოლოდ 4 კვირის შემდეგ.

◄ რესპირატორული სისტემის დაავადებების მსუბუქი ფორმების დროს (რინიტი, ხახის მსუბუქი ჰიპერემია და სხვა) აცრების ჩატარება ნებადართულია გამოჯანმრთელებიდან მხოლოდ 2 კვირის შემდეგ.

ქრონიკული დაავადებებით შეპყრობლი პაციენტებს აცრები უტარდებათ მხოლოდ მყარი რემისიების ჩამოყალიბების შემდეგ (არაუმცირეს 4 კვირის შემდეგ).

◄ ალერგიული დაავადებების სტაბილური გამოვლენა (კანის ლოკალური დაზიანებები, ფარული ბრონქოსპაზმი და სხვა არ წარმოადგენს ვაქცინაციის წინააღმდგეჩვენებას, მისი მკურნალობა შესაძლებელია შესაბამისი თერაპიის ფონზე.

◄ ბავშვებში, არა უმცირეს 2 კგ წონით, აცრები წარმოებს მათი ნორმალური ფიზიკური და ფსიქომოტორული განვითარების შემთხვევაში. წონაში ჩამორჩენა არ წარმოადგენს ვაქცინაციის გადავადების მიზეზს.

◄ წინააღმდეგჩვენების გამოვლენის მიზნით ექიმი ან ექთანი აცრების დღეს აწარმოებენ მშობლების გამოკითხვას და ბავშვის შემოწმებას ტემპერატურის აუცილებელი გაზომვით.

◄ ბავშვები, რომლებიც დროებით განთავისუფლებულნი არიან აცრებისაგან, საჭიროებენ მუდმივ კონტროლს და შემდგომში დროული აცრების ჩატარებას.

შენახვის პირობები:

პრეპარატი ინახება 4-8⁰C ტემპერატურაზე მშრალ, ბნელ ადგილას. პრეპარატის გაყინვა დაუშვებელია.

ვარგისიანობის ვადა: 1.5 წელი.

1...414415416...798 გვერდი 415 of 798