საერთაშორისო დასახელება:

TOREMIFENE

მწარმოებელი: ORION CORPORATION

მოქმედი ნივთიერება: ტორემიფენი

კლინიკურ-ფარმაკოლოგიური ჯგუფი:

ანტიესტროგენული (ჰორმონალური)  სიმსივნის საწინააღმდეგო პრეპარატი

შემადგენლობა და გამოშვების ფორმა:

ტაბლეტები: შეფუთვაში 20, 60 და 100 ც.

1 ტაბ.

ტორემიფენი .........   20 მგ

1 ტაბ.

ტორემიფენი ...........  60 მგ

ვრცლად ტორემიფენი

საერთაშორისო დასახელება:

FAMOTIDINE

მწარმოებელი: PRO.MED. CS. Praha, ჩეხეთი

მოქმედი ნივთიერება: ფამოტიდინი

კლინიკურ-ფარმაკოლოგიური ჯგუფი:

ჰისტამინური H₂-რეცეპტორების მაბლოკირებელი, კუჭისა და 12-გოჯა ნაწლავის წყლულოვანი დაავადების სამკურნალო საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 10 და 20 ც.

1 ტაბ.

ფამოტიდინი .............  20 მგ

1 ტაბ.

ფამოტიდინი ............  40 მგ

ფარმაკოლოგიური თვისებები:

ფამოსანი იწვევს მარილმჟავას სეკრეციის დოზადამოკიდებულ დათრგუნვას და პეფსინის აქტივობის შემცირებას, რაც წყლულის შეხორცების ოპტიმალურ პირობას წარმოადგენს. იგი თრგუნავს კუჭში მარილმჟავას ბაზალურ და ჰისტამინითა და გასტრინით (ნაკლებად აცეტილქოლინით) სტიმულირებულ სეკრეციას 80-90%-ზე უფრო მეტი ხარისხით მისი მიღებიდან 2 სთ-ის შემდეგ, რომელიც თანდათან ქვეითდება. 6 და 10 სთ-ის შემდეგ მარილმჟავას ბაზალური და სტიმულირებული სეკრეციის ინჰიბირების ხარისხი შესაბმისად შეადგენს 70-75% და 40-45%. პრეპარატი პრაქტიკულად არ ცვლის პლაზმაში გასტრინის მაჩვენებლებს.

ფამოსანის მოქმედების ხანგრძლივობა შეადგენს 12-დან 24 სთ-მდე, რომელიც დამოკიდებულია მის ერთჯერად დოზაზე.

ჩვენებები:

• კუჭისა და 12-გოჯა ნაწლავის წყლულოვანი დაავადება (გამწვავების ფაზაში), რეციდივების პროფილაქტიკა;
• სიმპტომური (სტრეს-წყლულები, იატროგენული და სხვა) წყლულები;
• ქრონიკული პანკრეატიტი გამწვავების ფაზაში;
• ფუნქციური დისპეფსია, გამოწვეული კუჭის სეკრეტული ფუნქციის გაძლიერებით;
• ეროზიული ეზოფაგიტი, რეფლუქს-ეზოფაგიტი;
• კუჭ-ნაწლავის ტრაქტის ზედა ნაწილებიდან სისხლდენების პროფილაქტიკა;
• ზოლინგერ-ელისონის სინდრომი.

მიღების წესი და დოზირება:

კუჭისა და 12-გოჯა ნაწლავის წყლულის დროს ჩვეულებრივ ინიშნება 20 მგ 2-ჯერ დღეში ან 40 მგ ერთხელ დღეში ძილის წინ. აუცილებლობის შემთხვევაში შესაძლებლია სადღეღამისო დოზის გაზრდა 80-160 მგ-მდე.

რეციდივების პროფილაქტიკის მიზნით ინიშნება 20 მგ ერთხელ დღეში ძილის წინ.

ფამოსანის ტაბლეტების მიღება ხდება დაუღეჭავად, მცირე რაოდენობის წყალთან ერთად.

გვერდითი მოვლენები:

ღვიძლის და კუჭ-ნაწლავის ტრაქტის მხრივ: პირის სიმშრალე, გულისრევა, ღებინება, მეტეორიზმი, ყაბზობა, დიარეა, მადის დაქვეითება; ღვიძლის ფერმენტების აქტივობის მომატება.

ნერვული სისტემის მხრივ: თავის ტკივილი, თავბრუსხვევა, დაღლილობის შეგრძნება, ძილიანობა.

ლაბორატორიული მაჩვენებლების მხრივ: შარდოვანას რაოდენობის მომატება სისხლში, ლეიკოპენია, თრომბოციტოპენია.

სხვადასხვა: იშვიათად - კანზე გამონაყარი, მენსტრუალური ციკლის დარღვევა.

უკუჩვენებები:

* მომატებული მგრძნობელობა ფამოსანის და ჰისტამინური H₂-რეცეპტორების სხვა ბლოკატორების მიმართ;

* ორსულობა და ლაქტაცია.

განსაკუთრებული მითითებები:

◄ ჰისტამინური H₂-რეცეპტორების ბლოკატორებით მკურნალობის დაწყებამდე საჭიროა გამოირიცხოს ავთვისებიანი პროცესის არსებობა, ვინაიდან ამ დროს მოსალოდნელია დაავადების სიმპტომების შენიღბვა და დიაგნოსტიკის გაძნელება.

◄ თირკმელების ქრონიკული უკმარისობის დროს საჭიროა პრეპარატის დოზის კორექცია.

◄ ფამოსანი სიფრთხილით ენიშნებათ აგრეთვე ღვიძლის დარღვეული ფუნქციის მქონე პაციენტებს. პრეპარატი არ ცვლის ღვიძლის მიკროსომული ფერმენტების აქტივობას.

სხვა წამლებთან ურთიერთქმედება:

- ფამოსანის ერთდროული დანიშვნით მაგნიუმისა და ალუმინის შემცველ ანტაციდურ პრეპარატებთან, ადგილი აქვს ფამოსანის აბსორბციის ინტენსივობის დაქვეითებას, რის გამოც მათ მიღებებს შორის საჭიროა 1-2 სთ-იანი ინტერვალის დაცვა.

შენახვის პირობები:

პრეპარატი ინახება მშრალ, გრილ, სინათლისა და ბავშვებისაგან დაცულ ადგილას.

ვარგისიანობის ვადა: 4 წელი.

საერთაშორისო დასახელება:

ACETYLAMINONITROPROPOXYBENZENE

მწარმოებელი: BERLIN-CHEMIE/MENARINI GROUP

კლინიკურ-ფარმაკოლოგიური ჯგუფი:

ანალგეტიკური არანარკოტიკული საშუალება; ხველის საწინააღმდეგო

შემადგენლობა და გამოშვების ფორმა:

დრაჟე: შეფუთვაში 20 ც.

1 დრაჟე

აცეტილამინონიტროპროპოქსიბენზენი........   25 მგ

ჩვენებები:
ვინაიდან ფალიმინტს გამაგრილებელი მოქმედება გააჩნია, იგი გამოიყენება როგორც დამხმარე საშუალება პირის ღრუსა და ყელის დაავადებების მკურნალობის ან ინსტრუმენტული გამოკვლევების ჩატარების დროს.

მიღების წესი და დოზირება:
თუ სხვაგვარად არ არის დანიშნული, მიიღება დღეში რამოდენიმეჯერ თითო დრაჟე, მისი ნელნელა წუწნით, მაგრამ არა უმეტეს 10 დრაჟე დღეში.
პრეპარატის გამოყენება რეკომენდებულია მხოლოდ რამოდენიმე დღის განმავლობაში. მისი ხანგრძლივად გამოყენება არ შეიძლება.

უკუჩვენება:
ჰიპერმგრძნობელობისას პრეპარატის რომელიმე კომპონენტის მიმართ მისი გამოყენება არ შეიძლება. 
ორსულობისა და ლაქტაციის პერიოდში ამ პრეპარატის გამოყენების საკმარისი გამოცდილების უქონლობის გამო მისი გამოყენება რეკომენდებული არ არის.
სიფრთხილის ზომები გამოყენებისას და გაფრთხილება
შაქრიანი დიაბეტით დაავადებულებმა უნდა გაითვალისწინონ პრეპარატში შაქრის შემცველობა: 1 დრაჟე შეესაბამება 0.03 პურის ერთეულს

ჭარბი დოზირება:
პრეპარატით მოწამვლის შემთხვევბი ცნობილი არ არის. უსაფრთხოების მიზნით აუცილებელია ექიმთან მიმართვა.

სხვა წამლებთან ურთიერთქმედება:
დღემდე ცნობილი არ არის.

შენახვის პირობები:

რეპარატის ვარგისიანობის ვადის გასვლის თარიღი მითითებულია დასაკეც მუყაოს კოლოფზე. შეფუთვაზე მითითებული არგისიანობის ვადის გასვლის შემდეგ პრეპარატის გამოყენება არ შეიძლება.
შენახვის ვადა: 5 წელი
ინახება ბავშვებისათვის მიუწვომელ ადგილას.

საერთაშორისო არაპატენტირებული დასახელება:

პიობაქტერიოფაგი თხიერი ( Pyobacteriophagum liquidum)

აღწერილობა:

სხვადასხვა ინტენსივობის ყვითელი ფერის , გამჭვირვალე , სპეციფიკური გემოს მქონე სითხე .

შემადგენლობა:

აქტიური ნივთიერება

ბაქტერიების : Streptococcus, Staphyloccccus, Escherichia coli, Pseudomonas aeruginosa, Proteus ფაგოლიზატების სტერილური ფილტრატების ნარევი .

რაოდენობრივი შემადგენლობა :

პრეპარატის 1 მლ - ში არის სპეციფიკური ბაქტერიოფაგები :

Streptococcus,

Staphylococcus,

Escherichia coli,

Pseudomonas aeruginosa,

Proteus,

თითოეული რაოდენობით ---------------------------------------- არანაკლებ 10 ⁵ ;

ფარმაცევტული ფორმა:

20 მლ სტერილური ხსნარი შიგნით მისაღებად ( per os, per rectum ), ადგილობრივი და გარეგანი მოხმარებისთვის .

ფარმაკოთერაპიული ჯგუფი:

სპეციფიკური ანტიბაქტერიული პრეპარატი

ფარმაკოლოგიური მოქმედება:

ბაქტერიოფაგი ბაქტერიის სპეციფიკური ვირუსია, რომელიც ადსორბირდება ჰომოლოგიური ბაქტერიის უჯრედის მემბრანაზე, არღვევს მის მთლიანობას, აღწევს უჯრედის შიგნით და იწვევს მის ლიზისს. ფაგიო - ის შემადგენლობაში არის ბაქტერიების (Streptococcus, Staphylococcus, Escherichia coli, Pseudomonas aeruginosa, Proteus) სელექცირებული, მხოლოდ ვირულენტური ფაგები, რაც განაპირობებს პრეპარატის გარანტირებულ მაღალ აქტივობას და ეფექტურობას. ორგანიზმში შეყვანის გზის მიუხედავად, ბაქტერიოფაგის პრეპარატები სწრაფად შეიწოვება სისხლსა და ლიმფაში და ადვილად აღწევს დაავადების კერამდე. გამოიყოფა ორგანიზმიდან: ძირითადი ნაწილი თირკმელების გზით, ახდენს რა საშარდე გზების სანირებას , დანარჩენი – კუჭ - ნაწლავის ტრაქტის საშუალებით .

თერაპიული ჩვენებები:

ფაგიო გამოიყენება ბაქტერიებით : Streptococcus, Staphylococcus, Escherichia coli, Pseudomonas aeruginosa, Proteus, გამოწვეული ჩირქოვანი დაავადებების პროფილაქტიკისა და მკურნალობისთვის პაციენტების ყველა ასაკობრივ და მაღალი რისკის ჯგუფებში :

-     ზედა და ქვედა სასუნთქი გზების ბაქტერიული ინფექციების დროს : ცხვირის ღრუსა და წიაღების ანთება , შუა ყურის ანთება, ანგინა, ლარინგიტი, ტრაქეიტი, ბრონქიტი, პნევმონია, პლევრიტი;

-     ქირურგიაში : დაჩირქებული ჭრილობები , დამწვრობა , აბსცესი , ფლეგმონა , ფურუნკული , კარბუნკული , ჰიდრადენიტი , პანარიციუმი , პარაპროქტიტი , მასტიტი , ბურსიტი , ოსტეომიელიტი ;

-     უროლოგიაში , უროგენიტალური დაავადებები : ურეთრიტი , ცისტიტი , პიელონეფრიტი , კოლპიტი , ენდომეტრიტი , სალპინგოოფორიტი ;

-     საჭმლის მომენელებელი სისტემის დაავადებები : ენტერული ინფექციები , გასტროენტეროკოლიტი , ქოლეცისტიტი , დისბაქტერიოზი ;

-     გენერალიზებული სეფსისური დაავადებების დროს ;

-     ახალშობილთა ჩირქოვან - ანთებითი დაავადებების დროს: ომფალიტი , პიოდერმია , სეფსისი;

-     ზემოთ მითითებული მიკროორგანიზმებით განპირობებული სხვა დაავადებების დროს .

პროფილაქტიკის მიზნით ბაქტერიოფაგების პრეპარატი გამოიყენება :

-     ახალი ჭრილობების დასამუშავებლად , როგორც საყოფაცხოვრებო პირობებში , ასევე სამკურნალო დაწესებულებებში ;

-     ქირურგიაში : მანიპულაციებისა და ოპერაციების დროს ჩირქოვანი გართულებების პრევენციისთვის ;

-     მწვავე რესპირატორულ - ვირუსული ინფექციების ჩირქოვანი გართულებების პრევენციის მიზნით ;

-     სამკურნალო დაწესებულებებში ბაქტერიული დაბინძურებისა და შიდაჰოსპიტალური ინფექციების პროფილაქტიკისათვის .

უკუჩვენებები:

ჰიპერმგრძნობელობა ბაქტერიოფაგების პრეპარატის ფლაკონის შიგთავსის რომელიმე კომპონენტის მიმართ .

განსაკუთრებული გაფრთხილებები:

სიფრთხილის განსაკუთრებული ზომები ბაქტერიოფაგების პრეპარატების გამოყენებისას მოწოდებული არ არის . ფლაკონიდან შიგთავსის ამოღება რეკომენდებულია სტერილური შპრიცით . მთლიანობა დარღვეული ფლაკონის შიგთავსის გამოყენება დასაშვებია გახსნიდან 24- სთ–ის განმავლობაში შენახვის პირობების სრული დაცვის შემთხვევაში .

ურთიერთქმედება სხვა სამკურნალო საშუალებებთან:

ბაქტერიოფაგების პრეპარატების ურთიერთქმედება სხვა სამკურნალო საშუალებებთან დადგენილი არ არის . მათი გამოყენება შესაძლებელია სხვა სამკურნალო საშუალებებთან ერთად კომპლექსურ მკურნალობაში , მათ შორის ანტიბაქტერიულ პრეპარატებთან ერთად .

ორსულობისა და ლაქტაციის პერიოდში ბაქტერიოფაგების პრეპარატების გამოყენება შესაძლებელია .

ზემოქმედება ავტომობილების მართვისა და მანქანა - დანადგარებით სარგებლობის უნარზე :

ბაქტერიოფაგების პრეპარატების მიღება არ ახდენს გავლენას ავტომობილების მართვისა და მანქანა - დანადგარებით სარგებლობის უნარზე .

ინახება ბავშვებისათვის ხელმიუწვდომელ ადგილას .

დოზირება , გამოყენების წესი და მიღების მეთოდი:

ეფექტური ფაგოთერაპიის ერთ - ერთი მნიშვნელოვანი წინაპირობაა დაავადების გამომწვევი მიკროორგანიზმის ფაგომგრძნობელობის განსაზღვრა. პიობაქტერიოფაგის პრეპარატები განსაკუთრებით ეფექტურია მისი დაავადების ადრეულ ეტაპზე გამოყენებისას და უშუალოდ ინფექციის კერაზე ზემოქმედებით .

ფაგიო ინიშნება შიგნით მისაღებად ( დასალევად , რექტალურად ), ადგილობრივად
( გამოსავლებად , შესახვევად საფენებისა და / ან ტამპონების სახით ), ღრუში შესაყვანად ( ჭრილობა, აბსცესი, პლევრალური ღრუ, სახსარი, ცხვირი და ცხვირის ღრუს დანამატები, ყური, შარდის ბუშტი, საშო - საშვილოსნო ).

ლოკალური დაზიანებით მიმდინარე ჩირქოვან - ანთებითი პროცესის სამკურნალოდ პრეპარატი ინიშნება ერთდროულად , როგორც ადგილობრივად , ისე დასალევად (პერ ოს). მკურნალობის პერიოდი საშუალოდ 5-10 დღე გრძელდება .

დოზირება განისაზღვრება დაზიანებული ადგილის ზომით და / ან მოცულობით . ინფიცირებულ ღრუში პიობაქტერიოფაგის პრეპარატი შეიყვანება მისი ჩირქისგან განთავისუფლებისა და დრენირების შემდეგ .   შესაყვანი პრეპარატის რაოდენობა შედარებით ნაკლები უნდა იყოს ამოღებული ჩირქის რაოდენობაზე . მომდევნო დღეებში პრეპარატი ღრუში შეიყვანება დრენაჟის მეშვეობით , პროცედურა ტარდება 1- ჯერ დღეში , 3-5 დღის განმავლობაში .

-     ცისტიტების , პიელონეფრიტების , ურეთრიტების სამკურნალოდ : თუ შარდის ბუშტის ღრუ და / ან თირკმლის ფიალის ღრუ დრენირებულია , პიობაქტერიოფაგი შეიყვანება 2 ჯერ დღეში : შარდის ბუშტში 20-30 მლ - ის , ხოლო თირკმლის ფიალაში 5-10 მლ - ის მოცულობით ;

-     ჩირქოვან - ანთებითი გინეკოლოგიური დაავადებების დროს პრეპარატი შეიყვანება საშოსა და   საშვილოსნოს ღრუში 5-10 მლ - ის ოდენობით , ერთჯერ დღეში ;

-     ყელ - ყურ - ცხვირის ჩირქოვან - ანთებითი დაავადებების დროს : 2-10 მლ შესაბამის ღრუში 1-3 ჯერ დღეში ჩაწვეთების , გამოვლების , გამორეცხვის სახით , გაჟღენთილი ტურუნდა ღრუში იდება 1 სთ - ის განმავლობაში . ჩირქოვანი ტონზილიტის სამკურნალოდ პრეპარატი ინიშნება როგორც გამოსავლებად , ისე   პერ ოს ;

-     სტომატიტებისა და ქრონიკული გენერალიზირებული პაროდონტოზების დროს: 10-20 მლ პირის ღრუში გამოსავლებად 3-4 ჯერ დღეში, აგრეთვე გაჟღენთილი ტურუნდის სახით პაროდონტალურ ჯიბეებში , 5-10 წთ - ის   განმავლობაში;

ენტერული პათოლოგიების შემთხევაში: კუჭ - ნაწლავის ტრაქტის დაავადებათა მკურნალობა, დისბაქტერიოზი, გამოწვეული ზემოთ   ჩამოთვლილი მიკროორგანიზმებით ან მათი ერთობლიობით , ტარდება ზოგადი სქემით პერ ოს მისაღებად ( დასალევად ) 1-3- ჯერ დღეში , ოყნით : სამკურნალო მიკროოყნა - 1 ჯერ , საღამოს , ძილის წინ . მკურნალობა რეკომენდებულია ჩატარდეს ქვემოდ მოცემული სქემის მიხედვით :

შენიშვნა : თუ ჭრილობისა და / ან ღრუს დასამუშავებლად გამოიყენებოდა ქიმიური ანტისეპტიური საშუალებები , პიობაქტერიოფაგების პრეპარატის გამოყენებამდე შესაბამისი ადგილები უნდა დამუშავდეს სტერილური 0,9% ფიზიოლოგიური ხსნარით .

ბაქტერიოფაგების პრეპარატების გამოყენება არ გამორიცხავს სხვა ანტიბაქტერიული სამკურნალო სშუალებების გამოყენებას .

ჭარბი დოზირება:

მონაცემები ბაქტერიოფაგის პრეპარატების დოზის გადაჭარბების შედეგების შესახებ ცნობილი არ არის .

გვერდითი ეფექტები:

ბაქტერიოფაგების პრეპარატები არა ტოქსიურია .

მონაცემები ბაქტერიოფაგების პრეპარატის გამოყენების შემდგომი განვითარებული გვერდითი მოვლენების ან ადამიანის ორგანიზმზე მავნე გავლენის შესახებ დადგენილი არ არის .

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია .

გამოშვების ფორმა და შეფუთვა:

ფაგიო იწარმოება სამედიცინო მინის 20 მლ - იანი ფლაკონებში , მუყაოს ერთ კოლოფში არის პრეპარატის 4 ცალი 20 მლ - იანი ფლაკონი გამოყენების ინსტრუქციასთან ერთად .

შენახვისა და ტრანსპორტირების პირობები:

ინახება მშრალ და სინათლისაგან დაცულ ადგილას 2 ° С - 15 ° С ტემპერატურაზე . ტრანსპორტირება შესაძლებელია 2 ° С - 25 ° С - მდე ტეპერატურაზე 2 კვირის განმავლობაში , ყველა სახის დახურული ტრანსპორტით , რომელიც უზრუნველყოფს სტაბილურ ტემპერატურულ რეჟიმის შენარჩუნებას ტრანსპორტირების მთელ პერიოდში .

ვარგისიანობის ვადა:

სათანადო პირობების დაცვით პრეპარატი ვარგისია 2 წელი შეფუთვაზე მითითებული დამზადების თარიღიდან . დაუშვებელია პრეპარატის გამოყენება ვარგისიანობის ვადის გასვლის შემდეგ .

შემღვრეული პრეპარატი არ გამოიყენება .

გაცემის რეჟიმი:

III ჯგუფი ( გაცემის რეჟიმი : ურეცეპტოდ ).

მწარმოებელი : სს „ბიოქიმფარმი „ .

საერთაშორისო დასახელება:

KETOPROFEN

მწარმოებელი: DARNITSA

მოქმედი ნივთიერება: კეტოპროფენი

კლინიკურ-ფარმაკოლოგიური ჯგუფი:

ანალგეზიური, ანთების საწინააღმდეგო; ციკლოოქსიგენაზას ინჰიბიტორი და პროსტაგლანდინების სინთეზის დამამუხრუჭებელი

შემადგენლობა და გამოშვების ფორმა:

გელი გარეგანი გამოყენებისათვის: ტუბში 30 გ

100 გ

კეტოპროფენი .........  2.5 გ

ვრცლად ფებროფიდი

საერთაშორისო არაპატენტირებული სახელწოდება :

პროგესტერონი

შემადგენლობა და გამოშვების ფორმა:

კაფსულები .

შემადგენლობა (1 კაფსულაზე ):

მოქმედი ნივთიერება:

პროგესტერონი ნატურალური მიკრონიზირებული ................. 100 ან 200 მგ

დამხმარე ნივთიერებები : მიწის თხილის ზეთი , სოიოს ლიცეტინი , ჟელატინი, გლიცერინი, ტიტანის დიოქსიდი .

აღწერილობა: კაფსულები 100 მგ – მრგვალი , კაფსულები 200 მგ – ოვალური , რბილი ჟელატინის კაფუსლები ყვითელი ფერის , რომლებიც შეიცავს ზეთოვან, მოთეთრო ჰომოგენურ სუსპენზიას ( ფაზების ხილული დაყოფის გარეშე ).

ფარმაკოთერაპიული ჯგუფი:

გესტაგენი .

ფარმაკოლოგიური თვისებები:

გესტაგენი , ყვითელი სხეულის ჰორმონი . სამიზნე ორგანოების უჯრედების ზედაპირზე რეცეპტორებთან დაკავშირებით აღწევს ბირთვში , სადაც , დნმ - ს აქტივირებით , ასტიმულირებს რნმ - ს სინთეზს . ხელს უწყობს საშვილოსნოს ლორწოვანი გარსის პროლიფერაციის ფაზიდან გადასვლას , რასაც ფოლიკულური ჰორმონი იწვევს , სეკრეტულ ფაზაში გადასვლას , ხოლო განაყოფიერების შემდეგ – იმ მდგომარეობაში , რომელიც აუცილებელია განაყოფიერებული კვერცხუჯრედის განვითარებისათვის . ამცირებს საშვილოსნოსა და საშვილოსნოს მილების აგზნებადობას და შეკუმშვას , ასტიმულირებს სარძევე ჯირკვლის ელემენტების განვითარებას .

პროტეინლიპაზას სტიმულირებით ზრდის ცხიმის მარაგს , გლუკოზას უტილიზაციას , ბაზალური და სტიმულირებული ინსულინის კონცენტრაციის მომატებით , ხელს უწყობს ღვიძლში გლიკოგენის დაგროვებას , ზრდის ჰიპოფიზის გონადოტროპული ჰორმონების გამომუშავებას ; ამცირებს აზოტემიას , ზრდის შარდთან ერთად აზოტის გამოყოფას , ააქტიურებს სარძევე ჯირკვლების აცინუსების სეკრეტული განყოფილების ზრდას და აინდუცირებს ლაქტაციას .

ხელს უწყობს ნორმალური ენდომეტრიუმის განვითარებას .

ფარმაკოკინეტიკა:

შიგნით მიღებისას

შეწოვა

მიკრონიზირებული პროგესტერონი კუჭ - ნაწლავის ტრაქტიდან აბსორბირდება . სისხლის პლაზმაში პროგესტერონის კონცენტრაცია პირველი საათის განმავლობაში იზრდება , მაქსიმალური კონცენტრაცია სისხლში ( Cmax ) მიღებიდან 1-3 საათში აღინიშნება . სისხლის პლაზმაში პროგესტერონის კონცენტრაცია 0.13 ნგ / მლ - დან 4.25 ნგ / მლ - მდე 1 საათში იზრდება , 11.75 ნგ / მლ - მდე 2 საათში , ხოლო 8.37 ნგ / მლ 3 საათში აღინიშნება , 2 ნგ / მლ 6 საათში და 1.64 ნგ / მლ 8 საათში .

მეტაბოლიზმი

ძირითად მეტაბოლიტებს , რომლებიც სისხლის პლაზმაში განისაზღვრება , წარმოადგენს 20- ალფა - ჰიდროქსი - დელტა -4- ალფა - პრეგნანოლონი და 5- ალფა - დიჰიდროპროგესტერონი .

გამოყოფა

გამოიყოფა შარდთან ერთად მეტაბოლიტების სახით , მათ 95%- ს გლუკურონკონიუგირებული მეტაბოლიტები შეადგენს , ძირითადად 3- ალფა , 5- ბეტა - პრეგნანდიოლი ( პრეგნანდიონი ). აღნიშნული მეტაბოლიტები , რომლებიც განისაზღვრება სისხლის პლაზმასა და შარდში , იმ ნივთიერებების ანალოგიურია , რომლებიც ყვითელი სხეულის ფიზიოლოგიური სეკრეციის დროს წარმოიქმნება.

ვაგინალური შეყვანისას

შეწოვა

აბსორბცია სწრაფად ხდება , პროგესტერონი საშვილოსნოში გროვდება , სისხლის პლაზმაში პროგესტერონის მაღალი დონე შეყვანიდან 1 საათში აღინიშნება . სისხლის პლაზმაში პროგესტერონის ჩმახ შეყვანიდან 2-6 საათში მიიღწევა . პრეპარატის 100 მგ 2- ჯერ დღეში შეყვანისას საშუალო კონცენტრაცია 9.7 ნგ / მლ - ს დონეზე 24 საათის განმავლობაში შენარჩუნდება .

დღეში 200 მგ - ზე მაღალი დოზებით შეყვანისას პროგესტერონის კონცენტრაცია ორსულობის 1 ტრიმესტრს შეესაბამება .

მეტაბოლიზმი

მეტაბოლიზდება ძირითადად 3- ალფა , 5- ბეტა - პრეგნანდიოლის წარმოქმნით . პლაზმაში 5- ბეტა - პრეგნანდიოლის დონე არ იზრდება .

გამოყოფა

გამოიყოფა შარდთან ერთად მეტაბოლიტების სახით, ძირითად ნაწილს შეადგენს 3- ალფა , 5- ბეტა - პრეგნანდიოლი ( პრეგნანდიონი ). ეს დასტურდება მისი კონცენტრაციის მუდმივი გაზრდით (Cmax 142 ნგ / მლ 6 საათში ).

ჩვენებები:

• პროგესტერონ - დეფიციტური მდგომარეობები .

შეყვანის პერორალური გზა :

-    უნაყოფობა ლუტეინის უკმარისობის შედეგად;

-     წინამენსტრუალური სინდრომი;

-     მენსტრუალური ციკლის დარღვევა ოვულაციის ან ანოვულაციის დარღვევების შედეგად;

-     ფიბროზულ - კისტოზური მასტოპათია;

-     პრემენოპაუზა;

-     მენოპაუზის ჩანაცვლებითი ჰორმონოთერაპია ( ესტროგენულ პრეპარატებთან ერთად ).

შეყვანის ვაგინალური გზა :

-   ჩანაცვლებითი ჰორმონოთერაპია პროგესტერონის დეფიციტის შემთხვევაში არაფუნქციონირებადი ( არარსებული ) საკვერცხეების

( კვერცხუჯრედების დონორობა ) დროს;

-    ლუტეინის ფაზის შენარჩუნება ექსტრაკორპორული განაყოფიერებისათვის მომზადების დროს;

-    ლუტეინის ფაზის შენარჩუნება სპონტანურ ან ინდუცირებულ მენტსრუალურ ციკლში;

-     ნაადრევი მენოპაუზა;

-     ჩანაცვლებითი ჰორმონოთერაპია / ესტროგენულ პრეპარატებთან კომბინაციაში /;

-     უნაყოფობა ლუტეინის უკმარისობის შედეგად;

-     შეჩვეული და სავარაუდო აბორტის პროფილაქტიკა პროგესტერონის უკმარისობის შედეგად;

-     საშვილოსნოს მიომას პროფილაქტიკა;

-     ენდომეტრიოზის პროფილაქტიკა.

უკუჩვენებები:

ჰიპერმგრძნობელობა , მიდრეკილება თრომბოზების მიმართ , ფლებიტის ან თრომბოემბოლური დაავადებების მწვავე ფორმები ; გაურკვეველი გენეზის სისხლდენები სქესობრივი გზებიდან ; არასრული აბორტი , პორფირია .

სარძევე ჯირკვლებისა და სასქესო ორგანოების დადგენილი ან სავარაუდო ავთვისებიანი ახალწარმონაქმნები .

პერორალური შეყვანა – ღვიძლის ფუნქციის გამოხატული დარღვევების დროს.

სიფრთხილით

გულ - სისხლძარღვთა სისტემის დაავადებები , არტერიული ჰიპერტენზია , თირკმლის ქრონიკული უკმარისობა , შაქრიანი დიაბეტი , ბრონქული ასთმა , ეპილეფსია , შაკიკი , დეპრესია ; ჰიპერლიპოპროტეინემია , ორსულობის III ტრიმესტრი , ლაქტაციის პერიოდი .

გამოყენების წესი და დოზები:

მკურნალობის ხანგრძლივობა განისაზღვრება დაავადების ხასიათისა და განსაკუთრებულობების მიხედვით .

პერორალური შეყვანა:

პრეპარატი მიიღება შიგნით, წყლის დაყოლებით. უმეტეს შემთხვევაში პროგესტერონის უკმარისობის დროს უტროჟესტანის სადღეღამისო დოზა 200-300 მგ - ს შეადგენს , გაყოფილი 2 მიღებად ( დილას და საღამოს ). ლუთეინური ფაზის უკმარისობისას ( წინამენსტრუალური სინდრომი , ფიბროზულ - კისტოზური მასტოპათია , დისმენორეა , პრემენოპაუზა ), სადღეღამისო დოზა 200 ან 400 მგ - ს შეადგენს , რომელიც 10 დღის განმავლობაში მიიღება

(ჩვეულებრივ ციკლის მე -17- დან 26- ე დღემდე ). ჩანაცვლებითი ჰორმონოთერაპიის დროს მენოპაუზაში ესტროგენების მიღების ფონზე უტროჟესტანი გამოიყენება დოზით 200 მგ დღეში 10-12 დღის განმავლობაში.

ვაგინალური შეყვანა:

– პროგესტერონის სრული არარსებობა ქალებში არაფუნქციური (არარსებული) საკვერცხეებით ( საკვერცხეების დონორობა): ესტროგენული თერაპიის ფონზე 200 მგ დღეში ციკლის მე -13 და მე -14 დღეს , შემდეგ 100 მგ დღეში ორჯერ ციკლის მე -15- დან 25- ე დღეს , 26- ე დღიდან და ორსულობის გამოვლენისას დოზა იზრდება 100 მგ - ით დღეში ყოველ კვირას , დღეში მაქსიმუმ 800 მგ - ს მიღწევით , გაყოფილი 3 მიღებად . ამ დოზირების გამოყენება შეიძლება 60 დღის განმავლობაში .

– ლუთეინური ფაზის შენარჩუნება ექსტრაკორპორული განაყოფიერების ციკლის ჩატარების დროს: რეკომენდებულია დღეში 400-800 მგ - ს მიღება , დაწყებული ქორიონული გონადოტროპინის ინექციის დღიდან ორსულობის მთელი ვადის განმავლობაში .

– ლუთეინური ფაზის შენარჩუნება სპონტანურ ან ინდუცირებულ მენსტრუალურ ციკლში , ყვითელი სხეულის ფუნქციის დარღვევასთან დაკავშირებული უნაყოფობის დროს : რეკომენდებულია დღეში 200-300 მგ - ს მიღება , დაწყებული ციკლის მე -17 დღიდან 10 დღის განმავლობაში , მენსტრუაციის დაგვიანების და ორსულობის გამოვლენის შემთხვევაში მკურნალობა უნდა გაგრძელდეს.

– აბორტის საშიშროების შემთხვევებში ან პირველადი აბორტების პროფილატიკის მიზნით , რომელიც წარმოიქმნება პროგესტერონის უკმარისობის ფონზე: 200-400 მგ ყოველდღე 2 მიღებად ორსულობის I და II ტრიმესტრებში .

კაფსულები შეჰყავთ ღრმად საშოში .

გვერდითი ეფექტები:

-  ალერგიული რეაქციები .

-   შიგნით მიღებისას : ძილიანობა , მოვლითი თავბრუსხვევა ( პრეპარატის მიღებიდან 1-3 საათში ), ძალიან იშვიათად – მენსტრუაციათაშორისი სისხლდენა .

ჭარბი დოზა:

ზემოაღნიშნული არასასურველი ეფექტები ყველაზე ხშირად ჭარბი დოზის შედეგს წარმოადგენს . პრეპარატის დოზის შემცირებისას ისინი სპონტანურად ქრება .

ურთიერთქმედება სხვა სამკურნალო საშუალებებთან:

აძლიერებს დიურეზულების , ჰიპოტენზიური სამკურნალო საშუალებების , იმუნოდეპრესიულების , ანტიკოაგულანტების მოქმედებას .

ამცირებს ოქსიტოცინის ლაქტოგენურ ეფექტს.

განსაკუთრებული მითითებები:

-  კონტრაცეფციის მიზნით პრეპარატის გამოყენება არ შეიძლება;

-  სიფრთხილით გამოიყენება ორსულობის III ტრიმესტრში ღვიძლის დარღვეული ფუნქციის გამო;

-  პერორალური შეყვანისას აუცილებელია სიფრთხილის დაცვა; ავტოტრანსპორტის მართვისა და პოტენციურად საშიში საქმიანობის წარმოების დროს , რომლებიც საჭიროებს ყურადღების მაღალ კონცენტრაციასა და ფსიქომოტორული რეაქციების სისწრაფეს .

გამოშვების ფორმა:

100 მგ კაფსულები , 15 კაფსულა ბლისტერში , 2 ბლისტერი მუყაოს კოლოფში გამოყენების ინსტრუქციასთან ერთად .

200 მგ კაფსულები , 7 კაფსულა ბლისტერში , 2 ბლისტერი მუყაოს კოლოფში გამოყენების ინსტრუქციასთან ერთად .

ვარგისიანობის ვადა:

3 წელი . შეფუთვაზე მითითებული ვარგისიანობის ვადის გასვლის შემდეგ გამოყენება არ შეიძლება .

შენახვის პირობები:

სია ბ . არაუმეტეს 25˚C ტემპერატურაზე , ბავშვებისათვის მიუწვდომელ ადგილას .

გაცემის პირობები:

რეცეპტით .

მწარმოებელი :

" ბეზინ მანუფაკტურინგ ბელჯუმ ", ბელგია.

საერთაშორისო დასახელება:

URSODEOXYCHOLIC ACID

მწარმოებელი: Dr. FALK PHARMA

მოქმედი ნივთიერება: ურსოდეოქსიქოლის მჟავა

კლინიკურ-ფარმაკოლოგიური ჯგუფი:

ჰეპატოპროტექტორი; ღვიძლის მეტაბოლური პროცესების გამაუმჯობესებელი, ნაღვლმდენი საშუალება.

შემადგენლობა და გამოშვების ფორმა:

კაფსულები: შეფუთვაში 50 და 100 ც.

1 კაფს.

ურსოდეოქსიქოლის მჟავა ..........  250 მგ

ვრცლად ურსოსანი

საერთაშორისო დასახელება:

URSODEOXYCHOLIC ACID

მწარმოებელი: PRO. MED. CS. Praha, ჩეხეთი

მოქმედი ნივთიერება: ურსოდეოქსიქოლის მჟავა

კლინიკურ-ფარმაკოლოგიური ჯგუფი:

ღვიძლის მეტაბოლური პროცესების გამაუმჯობესებელი, ნაღვლმდენი საშუალება.

შემადგენლობა და გამოშვების ფორმა:

ჟელატინის კაფსულები: შეფუთვაში 10 და 50 ც.

1 კაფს.

ურსოდეოქსიქოლის მჟავა .............  250 მგ

ჩვენებები:

• ქოლესტერინული კონკრემენტები ნაღვლის ბუშტში (იმ შემთხვევაში, როდესაც ქირურგიული ან ენდოსკოპიური მეთოდებით ვერ ხერხდება მათი მოცილება);
• ქოლესტაზის სინდრომით მიმდინარე ქრონიკული აქტიური ჰეპატიტი;
• მწვავე ჰეპატიტი;
• ღვიძლის ტოქსიკური (მათ შორის ალკოჰოლური, მედიკამენტოზური საშუალებებით გამოწვეული) დაზიანებები;
• ღვიძლის პირველადი ბილიარული ციროზი;
• პირველადი მასკლეროზირებელი ქოლანგიტი;
• ღვიძლის კისტოზური ფიბროზი (მუკოვისციდოზი);
• სანაღვლე გზების დისკინეზიები;
• ბილიარული რეფლუქს-გასტრიტი და რეფლუქს-ეზოფაგიტი.

მიღების წესი და დოზირება:

ინიშნება დასალევად მცირეოდენ სითხესთან ერთად.

ნაღვლის კონკრემენტების გახსნის მიზნით, აგრეთვე ღვიძლის მწვავე და ქრონიკული დაავადებების სამკურნალოდ იყენებენ ურსოსანის 10 მგ/კგ-ს დღეში, უწყვეტად, ხანგრძლივი დროის განმავლობაში.

ურსოსანის მიღების ხანგრძლივობა ქოლესტერინული წარმოშობის ნაღვლის კონკრემენტების დაშლის მიზნით შეადგენს 6 თვიდან 2 წლამდე. იმ შემთხვევაში, როდესაც ურსოსანის მიღებიდან 12 თვის შემდეგ არ აღინიშნება ნაღვლის კონკრემენტების შემცირების პროცესი, მკურნალობის გაგრძელება მიზანშეწონილი არ არის.

ღვიძლის ქრონიკული დაავადებების დროს ურსოსანით მკურნალობის ხანგრძლივობა შეადგენს რამდენიმე თვიდან 2 წლამდე.

ჩვეულებრივ პრეპარატის სადღეღამისო დოზის მიღება ხდება ერთჯერადად საღამოს.

ბილიარული რეფლუქს-გასტრიტის და რეფლუქს-ეზოფაგიტის სამკურნალოდ ინიშნება პრეპარატის 250 მგ დღეში ერთხელ ძილის წინ. მკურნალობის ხანგრძლივობა, როგორც წესი, შეადგენს 10-14 დღეს.

გვერდითი მოვლენები:

შესაძლებელია დიარეა, კანის ქავილი, სისხლში ღვიძლის ტრანსამინაზების მაჩვენებლების გარდამავალი მომატება, ნაღვლის კონკრემენტების კალცინირება, ალერგიული რეაქციები.

უკუჩვენებები:

* მომატებული მგრძნობელობა პრეპარატის მიმართ;

* ნაღვლის ბუშტის და სანაღვლე გზების მწვავე ანთებითი დაავადებები;

* ღვიძლის ციროზი დეკომპენსაციის სტადიაში;

* არასპეციფიკური წყლულოვანი კოლიტი, კრონის  დაავადება;

* თირკმელების ფუნქციის მკვეთრად გამოხატული დარღვევები;

* ორსულობა.

განსაკუთრებული მითითებები:

ურსოსანის მიღების დროს ნაღვლის კონკრემენტების დაშლის მიზნით აუცილებელია შემდეგი პირობების დაცვა:

◄ კონკრემენტები უნდა იყოს სუფთა ქოლესტერინული (რენტგენონეგატიური),

◄ მათი ზომა არ უნდა აღემატებოდეს 15-20 მმ-ს;

◄  ნაღვლის ბუშტის ფუნქცია, ნაღვლის სადინარის და ნაღვლის საერთო სადინარის გამტარებლობა უნდა იყოს შენარჩუნებული.

◄ გარდა ამისა, პრეპარატის ხანგრძლივად (1 თვეზე მეტი) გამოყენების შემთხვევაში, საჭიროა პერიოდულად (თვეში ერთხელ) ღვიძლის ტრანსამინაზების აქტივობის განსაზღვრის მიზნით სისხლის ბიოქიმიური ანალიზის ჩატარება, განსაკუთრებით მკურნალობის პირველი 3 თვის განმავლობაში.

◄ მკურნალობის ეფექტურობაზე კონტროლი რეკომენდებულია ყოველ 6 თვეში ერთხელ, სანაღვლე გზების ულტრაბგერითი და რენტგენოლოგიური გამოკვლევებით.

◄ ლაქტაციის პერიოდში პრეპარატის დანიშვნის შემთხვევაში, საჭიროა ძუძუთი კვება შეწყდეს.

◄  ურსოსანით მკურნალობის პერიოდში მიზანშეწონილია რეპროდუქციის ასაკში მყოფმა ქალებმა მიმართონ კონტრაცეპციის საიმედო მეთოდებს.

სხვა წამლებთან ურთიერთქმედება:

ქოლესტირამინი, ქოლესტიროლი და ანტაციდები, რომელთა შემადგენლობაში შედის ალუმინის ჰიდროქსიდი, აქვეითებენ ურსოდეოქსიქოლის მჟავას აბსორბციის პროცესს და ურსოსანის ეფექტურობას, აღნიშნულის გამო ჩამოთვლილი პრეპარატების ერთდროული დანიშვნა ურსოსანთან ერთად მიზანშეწონილი არ არის.

შენახვის პირობები:

პრეპარატი ინახება 15-25⁰C ტემპერატურაზე, მშრალ, ბავშვებისან და სინათლისაგან დაცულ ადგილას.

ვარგისიანობის ვადა: 4 წელი.

საერთაშორისო დასახელება:

Ursodeoxycholic acid

ფარმაკოლოგიური ჯგუფი:

ჰეპატოპროტექტორები

შემადგენლობა:

პრეპარატის ერთი კაფსულა შეიცავს აქტიური ნივთიერების - ურსოდეოქსიქოლის მჟავას 300 მგ-ს.

დამხმარე ნივთიერებები: სახამებელი, მაგნიუმის სტეარატი, აეროსილი.

მოქმედების მექანიზმი:

ჰეპატოპროტექტორი. ასევე, ახასიათებს ნაღვლმდენი, ქოლელითოლიზური, ჰიპოლიპიდემიური, ჰიპოქოლესტერინემიული და იმუნომოდულატორული მოქმედება.

მაღალპოლარული თვისებების გამო, ურსოდეოქსიქოლის მჟავა უზრუნველყოფს აპოლარული (ტოქსიკური) ნაღვლის მჟავებიდან არატოქსიკური შერეული მიცელების წარმოქმნას, რაც ბილიარული რეფლუქს - გასტრიტისა და რეფლუქს-ეზოფაგიტის დროს ამცირებს კუჭის რეფლუქტატის მიერ უჯრედული მემბრანების დაზიანებას.

გარდა ამისა, ურსოდეოქსიქოლის მჟავა წარმოქმნის ორმაგ მოლეკულებს, რომლებიც ჩაერთვებიან ჰეპატოციტების, ქოლანგიოციტებისა და საჭმლის მომნელებელი სისტემის ეპითელიოციტების მემბრანების შემადგენლობაში, უნარჩუნებენ მათ სტაბილურობას და ზრდიან ციტოტოქსიკური მიცელებისადმი მდგრადობას.

ჰეპატოციტებისათვის ტოქსიკური ნაღვლის მჟავების კონცენტრაციის შემცირებითა და ბიკარბონატებით მდიდარი ქოლერეზის სტიმულირების გზით, ურსოდეოქსიქოლის მჟავა ეფექტურად ამცირებს ღვიძლის შიდა ქოლესტაზს. ასევე, ამცირებს ნაღვლის წვენში ქოლესტერინის შემცველობას, რაც ნაწლავიდან ამ უკანასკნელის შეწოვის ინჰიბირებით, ღვიძლში მისი სინთეზისა და ნაღვლის წვენში გამოყოფის შემცირებით მიიღწევა. ზრდის ნაღვლის წვენში ქოლესტერინის ხსნადობას მასთან თხევადკრისტალური ნაერთების წარმოქმნის გზით; ამცირებს ნაღვლის წვენის ლითოგენურ ინდექსს. შედეგად, იზრდება ქოლესტერინული ნაღვლის კონკრემენტების (კენჭების) ხსნადობა და მცირდება ახალი კონკრემენტების წარმოქმნის შესაძლებლობა.

იმუნომოდულატორული მოქმედება განპირობებულია ჰეპატოციტების მემბრანებზე HLA-1 ანტიგენებისა და ქოლანგიოციტებზე - HLA-2 ანტიგენების ექსპრესიის დათრგუნვით, ასევე ლიმფოციტების (თ-ქილერების) აქტივობის ნორმალიზებით და სხვა. აფერხებს ფიბროზის პროგრესირებას პაციენტებში ბილიარული პირველადი ციროზით, მუკოვისციდოზითა და ალკოჰოლური სტეატოჰეპატიტით. ამცირებს საყლაპავის ვენების ვარიკოზული გაფართოების რისკს. ურსოდეოქსიქოლის მჟავა აფერხებს უჯრედების (ჰეპატოციტები, ქოლანგიოციტები) ნაადრევი დაბერებისა და სიკვდილის პროცესს.

ურსოდეოქსისოლის მჟავა შიეწოვება წვრილი ნაწლავიდან პასიური დიფუზიის მეშვეობით (90%), ხოლო თეძოს ნაწლავში - აქტიური ტრანსპორტის გზით.

Cmax 1-3 სთ-ში მიიღწევა. პლაზმის ცილებს უკავშირდება 96-99%. გადის პლაცენტის ბარიერში. პრეპარატის სისტემური მიღების შედეგად ურსოდეოქსიქოლის მჟავა წარმოადგენს ძირითად ნაღვლის მჟავას სისხლის შრატში და შეადგენს სისხლში არსებული ნაღვლის მჟავების დაახლოებით 48%-ს. პრეპარატის თერაპიული ეფექტი დამოკიდებულია ნაღვლის წვენში ურსოდეოქსიქოლის მჟავას კონცენტრაციაზე. მეტაბოლიზდება ღვიძლში ("პირველადი გავლის" ეფექტი) ტაურინისა და გლიცინის კონიუგატად და გამოიყოფა ნაღვლის წვენში. მიღებული დოზის დაახლოებით 50-70% გამოიდევნება ნაღვლის წვენის მეშვეობით, ხოლო დარჩენილი ნაწილი მეტაბოლიზდება მსხვილ ნაწლავში ბაქტერიების მიერ.

ჩვენება:

• გაურთულებელი ნაღვლ-კენჭოვანი დაავადება, როდესაც შეუძლებელია ქოლესტერინული კონკრემენტის (კენჭის) მოცილება ნაღვლის ბუშტიდან ქირურგიული ან ენდოსკოპიური მეთოდით;
• ბილიარული ნალექი;
• ქოლეცისტექტომიის (ნაღვლის ბუშტის ამოკვეთის) შემდეგ კენჭების წარმოქმნის რეციდივის პროფილაქტიკა;
• ქრონიკული აქტიური ჰეპატიტი;
• მწვავე ჰეპატიტი;
• ღვიძლის ტოქსიკური (მათ შორის წამლისმიერი) დაზიანება;
• ღვიძლის ალკოჰოლური დაავადება;
• არაალკოჰოლური სტეატოჰეპატიტი;
• ღვიძლის პირველადი ბილიარული ციროზი;
• პირველადი სკლეროზული ქოლანგიტი;
• ღვიძლის კისტოზური ფიბროზი (მუკოვისციდოზი);
• ღვიძლის შიდა ნაღვლის სადინარების ატრეზია (მათ შორის ნაღვლის სადინარის თანდაყოლილი ატრეზია);
• ნაღვლის სადინარების დისკინეზია;
• ბილიარული რეფლუქს-გასტრიტი და რეფლუქს-ეზოფაგიტი;
• ბილიარული დისპეფსიური სინდრომი (ქოლეცისტოპათიისა და ნაღვლის სადინარების დისკინეზიის დროს);
• პროფილაქტიკის მიზნით:
• ღვიძლის დაზიანების პროფილაქტიკა ჰორმონალური კონტრაცეპტივებისა და ციტოსტატიკების მიღების ფონზე;
• ნაღვლის ბუშტში კენჭების წარმოქმნის პროფილაქტიკა სიმსუქნით დაავადებულ პაციენტებში, სხეულის წონის სწრაფი დაკლების შემთხვევაში.

უკუჩვენება:

- პრეპარატის კომპონენტებისადმი მომატებული მგრძნობელობა;

- რენტგენოლოგიურად დადებითი ნაღვლის კენჭები (კალციუმის მაღალი შემცველობით);

- არაფუნქციონირებადი ნაღვლის ბუშტი;

- ნაღვლის-კუჭის-ნაწლავური ფისტულა;

- მწვავე ქოლეცისტიტი; მწვავე ქოლანგიტი;

- ღვიძლის ციროზი დეკომპენსაციის ფაზაში;

- ნაღვლის სადინარების ობტურაცია;

- ნაღვლის სადინარებისა და ნაღვლის ბუშტის მწვავე ინფექციური დაავადება;

- ნაღვლის ბუშტის ემპიემა;

- წვრილ და მსხვილ ნაწლავში მიმდინარე ანთებითი პროცესები;

- პანკრეატიტი;

- ღვიძლის უკმარისობა;

- თირკმლის უკმარისობა.

უსაფრთხოების ზომები:

ნაღვლის კონკრემენტების (კენჭების) დაშლის მიზნით ურსომაკის მიღებისას აუცილებელია შემდეგი პირობების დაცვა: კონკრემენტი უნდა იყოს ქოლესტერინული (რენტგენონეგატიური), მათი ზომა არ უნდა აღემატებოდეს 15-20 მმ-ს, ნაღვლის ბუშტი უნდა იყოს ფუნქციონირებადი და კონკრემენტებით ნაღვლის ბუშტის ავსებადობა ზომაში არ უნდა აჭარბებდეს ნაღვლის ბუშტის ზომის ნახევარს, ნაღვლის სადინარისა და ნაღვლის საერთო სადინარის გამტარობა შენარჩუნებული უნდა იყოს.

ურსომაკით ხანგრძლივი თერაპიის დროს (> 1 თვე), პირველი 3 თვის განმავლობაში ყოველ 4 კვირაში ერთხელ, ხოლო შემდეგ - 3 თვეში ერთხელ, საჭიროა სისხლის ბიოქიმიური ანალიზის ჩატარება და ღვიძლის ტრანსამინაზების აქტივობის დადგენა. მკურნალობის ეფექტურობა ფასდება ნაღვლის სადინარების ულტრაბგერითი გამოკვლევით ყოველ 6 თვეში ერთხელ.

კენჭების სრულად დაშლის შემდეგ, მცირე ზომის ნარჩენი კენჭების დაშლისა და რეციდივის პროფილაქტიკის მიზნით, რეკომენდებულია პრეპარატის მიღება კიდევ 3 თვის განმავლობაში.

დოზის გადაჭარბება:

დოზის გადაჭარბების შემთხვევები აღწერილი არ არის.

ორსულობა და ლაქტაციის პერიოდი:

ორსულობის პერიოდში პრეპარატის მიღება არ არის რეკომენდებული, გარდა იმ შემთხვევისა, როდესაც ურსომაკის გამოყენების საჭიროება დედისთვის აჭარბებს ნაყოფზე მისი გავლენის პოტენციურ რისკს.

ლაქტაციის პერიოდში პრეპარატის მიღების აუცილებლობისას უნდა შეწყდეს ძუძუთი კვება.

სხვა სამკურნალო საშუალებებთან ურთიერთქმედება:

ქოლესტირამინი და ალუმინის შემცველი ანტაციდები ამცირებენ პრეპარატის აბსორბციას საჭმლის მომნელებელი სისტემიდან.

ჰიპოლიპიდემიურ სამკურნალო საშუალებებთან (განსაკუთრებით კლოფიბრატი), ესტროგენებთან, ნეომიცინსა და პროგესტინებთან ერთდროული მიღებისას, იზრდება ნაღვლის წვენის ქოლესტერინით გაჯერებულობა და შესაბამისად, მცირდება ურსოდეოქსიქოლის მჟავას მიერ ქოლესტერინული კონკრემენტების დაშლა.

დოზირება და მიღების წესი:

კაფსულები მიიღება მთლიანად, დაღეჭვის გარეშე, საკმარისი რაოდენობის წყალთან ერთად.

ღვიძლის მწვავე და ქრონიკული დაავადებებისას, ასევე ნაღველ-კენჭოვანი დაავადების (ნაღვლის ბუშტის ქოლესტერინული კენჭები და ბილიარული ნალექი) დროს ინიშნება პრეპარატის 10-15 მგ/კგ დღე-ღამეში, ხანგრძლივი თერაპიის სახით.

- ღვიძლის მწვავე და ქრონიკული დაავადებებისას პრეპარატის დღე-ღამური დოზა იყოფა 2-3 მიღებაზე, კაფსულები მიიღება საკვებთან ერთად. ღვიძლის ქრონიკული დაავადებისას ურსომაკის მიღების ხანგრძლივობა რამდენიმე თვიდან 2 წლამდე გრძელდება.

- ნაღველ-კენჭოვანი დაავადების დროს პრეპარატის დღე-ღამური დოზა მიიღება ერთჯერადად ღამით. მკურნალობა გრძელდება 6 თვიდან 2 წლამდე, კენჭების სრულ დაშლამდე. შემდეგ კენჭების წარმოქმნის პროფილაქტიკის მიზნით - კიდევ 3 თვის განმავლობაში. თუ პრეპარატის მიღებიდან 12 თვის შემდეგ არ აღინიშნება ნაღვლის კენჭის შემცირება, მკურნალობის გაგრძელება მიზანშეწონილი არ არის.

– ბილიარული რეფლუქს-გასტრიტისა და რეფლუქს-ეზოფაგიტის სამკურნალოდ ინიშნება ურსომაკის 300 მგ (1 კაფსულა) ძილის წინ. მკურნალობის ხანგრძლივობა - 10-14 დღე.

– ქოლეცისტექტომიის (ნაღვლის ბუშტის ამოკვეთის) შემდეგ განმეორებითი ქოლელითიაზის პროფილაქტიკისათვის ინიშნება 300 მგ 2-ჯერ დღეში რამდენიმე თვის განმავლობაში (საშუალოდ 3 თვე).

– ღვიძლის ტოქსიკური, წამლისმიერი დაზიანებისას, ალკოჰოლური დაავადებისას და ნაღვლის სადინარების ატრეზიის დროს ინიშნება პრეპარატის 10-15 მგ/კგ-ზე გაყოფილი 2-3 მიღებაზე. მკურნალობის ხანგრძლივობა - 6-12 თვე და მეტი.

– პირველადი ბილიარული ციროზის დროს ინიშნება 10-15 მგ/კგ წონაზე დღე-ღამეში (საჭიროებისას - 20 მგ/კგ) გაყოფილი 2-3 მიღებაზე. მკურნალობის ხანგრძლივობა - 6 თვიდან რამდენიმე წელი.

– პირველადი სკლეროზული ქოლანგიტის შემთხვევაში - 12-15 მგ/კგ დღე-ღამეში (საჭიროებისას - 20 მგ/კგ) გაყოფილი 2-3 მიღებაზე. მკურნალობის ხანგრძლივობა - 6 თვიდან რამდენიმე წელი.

– არაალკოჰოლური სტეატოჰეპატიტის დროს ინიშნება ურსომაკის 13-15 მგ/კგ დღე-ღამეში გაყოფილი 2-3 მიღებაზე. მკურნალობის ხანგრძლივობა - 6 თვიდან რამდენიმე წელი.

– მუკოვისციდოზის დროს - ურსომაკის 20-30 მგ/კგ დღე-ღამეში გაყოფილი 2-3 მიღებაზე. მკურნალობის ხანგრძლივობა - 6 თვიდან რამდენიმე წელი.

– 2 წელზე მეტი ასაკის ბავშვებში პრეპარატის დოზა განისაზღვრება ინდივიდუალურად - 10-20 მგ/კგ დღე-ღამეში.

გვერდითი მოვლენები:

დიარეა (შესაძლებელია დოზაზე დამოკიდებული), ტკივილი წელის არეში.

იშვიათად: ნაღვლის კენჭების კალცინირება, ღვიძლის ტრანსამინაზების აქტივობის გარდამავალი მატება, ალოპეცია, შეკრულობა, გულისრევა, ღებინება, ალერგიული რეაქციები.

ვარგისიანობა და შენახვის პირობები:

პრეპარატის ვარგისიანობის ვადაა 3 წელი.

ინახება 15-25°C ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!

აფთიაქიდან გაცემის პირობები:

ექიმის რეცეპტის მიხედვით!

ჩვენებები

• ურსოდეოქსიქოლის მჟავა გამოიყენება პირველადი ბილიარული ციროზის, ქრონიკული აქტიური ჰეპატიტის ქოლესტატური სინდრომით, მწვავე ჰეპატიტის, ღვიძლის მუკოვისციდოზის, ნაღვლის სადინარის თანდაყოლილი ატრეზიის, ბილიარული რეფლუქს-ეზოფაგიტისა და რეფლუქსგასტრიტის, ქოლეცისტოპათიის დროს ბილიარული დისპეფსიური სინდრომის არსებობისას,

• ჰორმონული ჩასახვის საწინააღმდეგო სამკურნალო საშუალების მიღებით გამოწვეული ქოლესტაზური სინდრომის მკურნალობისა და პროფილაქტიკისათვის.
• პრეპარატი გამოიყენება ციტოსტაზური სამკურნალო საშუალებებით მკურნალობის შედეგად გამოწვეული ღვიძლის დაზიანების პროფილაქტიკისათვის,
• იგი გამოიყენება აგრეთვე ღვიძლის და სხვა ორგანოების ტრანსპლანტაციის დროს დამხმარე მკურნალობისათვის.
• პრეპარატის კაფსულები გამოიყენება ქოლესტერინული კენჭების, აგრეთვე ლიტოტრიფსიის შემდეგ ნაღვლის ბუშტსა და ნაღვლის საერთო სადინარში მათი ფრაგმენტების დასაშლელად.

დოზირების რეჟიმი

ქოლესტერინული წარმოშობის კენჭების დაშლის და ღვიძლის ქოლესტაზური დაავადებების მკურნალობის შემთხვევაში სადღეღამისო დოზა შეადგენს 10 მგ-ს 1 კგ სხეულის წონაზე და ნაწილდება შემდეგნაირად:

- 60 კგ-მდე - 2 კაფსულა;

- 80 კგ-მდე - 3 კაფსულა;

- 100 კგ-მზე - 4 კაფსულა.

ნაღვლის კენჭების დასაშლელად პრეპარატის სადღეღამისო მთლიანი დოზის მიღება ხდება ერთჯერადად საღამოს.

ღვიძლის ქოლესტაზური დაავადებების მკურნალობისათვის სადღეღამისო დოზა ნაწილდება შემდეგნაირად:

- 60 კგ-მდე 1 კაფსულა დილით და 1 კაფსულა საღამოს;

- 80 კგ-მდე 1 კაფსულა დილით. 1 კაფსულა შუადღით და 1 კაფსულა საღამოს;.

- 100 კგ-მდე 1 კაფსულა დილით, 1 კაფსულა შუადღით და 2 კაფსულა საღამოს.

ბილიარული რეფლუქს-გასტრიტის მკურნალობის დროს გამოიყენება დღეში 1 კაფსულის ოდენობით. კაფსულა აუცილებელია მივიღოთ საღამოს ძილის წინ. კაფსულა უნდა გადავყლაპოთ მთლიანად, მცირე რაოდენობით სითხის მიყოლებით. პრეპარატი უნდა მივიღოთ რეგულარულად.

მკურნალობის ხანგრძლივობა შეადგენს 6-დან 24 თვემდე. იმ შემთხვევაში, თუ მკურნალობიდან 12 თვის შემდეგ არ აღინიშნება კონკრემენტების ზომაში შემცირება, მკურნალობის გაგრძელება არ არის მიზანშეწონილი. მკურნალობის შედეგები მოწმდება ყოველ 6 თვეში ულტრაბგერითი ან რენტგენოლოგიური კვლევების შედეგად.

ბილიარული რეფლუქს-გასტრიტის მკურნალობის შემთხვევაში პრეპარატი ჩვეულებრივ მიიღება 10-14 დღის განმავლობაში. მკურნალობის გაგრძელების აუცილებლობა დგინდება მკურნალი ექიმის მიერ.

მკურნალობის ეფექტურობისათვის აუცილებელია პრეპარატის რეგულარული მიღება. მკურნალობის პერიოდში რეკომენდებულია ღვიძლის ფუნქციური სინჯების კონტროლი.

გვერდითი მოვლენები

მკურნალობის პერიოდში შესაძლოა აღინიშნოს ნაღველის კონკრემენტების ჩაკირვა. იშვიათ შემთხვევაში ფაფისებრი განავალი.

უკუჩვენებები

* ურსოდეოქსიქოლის მჟავას მიღება უკუნაჩვენებია ნაღვლის ბუშტისა და ნაღვლის სადინარების მწვავე ანთებისას, აგრეთვე ბილიარული ტრაქტის გამტარობის (ნაღვლის საერთო სადინარის ან ნაღლის ბუშტის) დარღვევის შემთხვევაში.

* პრეპარატის გამოყენება ორსულობის პერიოდში არ არის რეკომენდებული.

* პრეპარატის მიღება უკუნაჩვენებია იმ შემთხვევაში, როდესაც ნაღვლის ბუშტი არ ფიქსირდება რენტგენოლოგიური კვლევის შედეგად, კალციფიცირებული კონკრემენტების არსებობისას, აგრეთვე როდესაც დარღვეულია ნაღვლის ბუშტის კუმშვადი ფუნქცია;

* პრეპარატის მიღება არ არის რეკომენდებული პაციენტებში, როდესაც მათ ხშირად აღენიშნებათ შეტევა სანაღვლე გზების ჭვალის სახით.

ორსულობა და ლაქტაცია

ვინაიდან საბოლოოდ ჯერ კიდევ არ არის შესწავლილი პრეპარატის ემბრიოტოქსიურობა, ქალებში რეპროდუქციის პერიოდში მისი დანიშვნა შეიძლება მხოლოდ ჩასახვის საწინააღმდეგო საიმედო საშუალებების გამოყენების შემდეგ.

პრეპარატის მიღების წინ ორსულობა უნდა გამოირიცხოს.

უსაფრთხოების მიზნით პრეპარატი არ ინიშნება ორსულობისა და ლაქტაციის პერიოდში.