საერთაშორისო დასახელება:

GUAIFENESIN; DEXTROMETHORPHAN

მწარმოებელი: BAYER CONSUMER CARE

მოქმედი ნივთიერება: გვაიფენეზინი+დექსტრომეტორფანი

კლინიკურ-ფარმაკოლოგიური ჯგუფი:

ხველების საწინააღმდეგო კომბინირებული საშუალება(ხველების საწინააღმდეგო+ამოსახველებელი საშუალება)

შემადგენლობა და გამოშვების ფორმა:

სიროფი: ფლაკონში 118 მლ.

5 მლ

გვაიფენეზინი ..................................        100 მგ

დექსტრომეტორფანის ჰიდრობრომიდი ...... 10 მგ

ფარმაკოლოგიური თვისებები:
გვაიფენეზინს ახასიათებს ამოსახველებელი მოქმედება, ათხელებს ბრონქიალურ სეკრეტს და ამცირებს ნახველის წებოვნებას, ზრდის ლორწოს სეკრეციას, ხელს უწყობს ნახველის გამოდევნას და არაპროდუქტიული ხველის პროდუქტიულში გადასვლას.
დექსტრომეტორფანის ჰიდრობრომიდი სუნთქვის ცენტრის დათრგუნვის გარეშე ამცირებს ხველის ცენტრის აგზნებას და თრგუნავს ხველას წარმომავლობის მიუხედავად. არ ახასიათებს ნარკოტიკული, ტკივილგამაყუჩებელი და საძილე მოქმედება. 

ჩვენებები:

• მშრალი შემაწუხებელი ხველის ინტენსივობის შესამცირებლად, ბრონქიალური ლორწოს გამოყოფის ნორმალიზებისათვის მრვი-ის (მათ შორის გრიპი);
• ლარინგიტის, ტრაქეიტის, ბრონქიტის დროს.
• ზედა სასუნთქი გზების ქრონიკული დაავადებების გამწვავებისას, რომელსაც თან ახლავს არაპროდუქტიული ხველა.

მიღების წესი და დოზირება:
მოზრდილებში (და ბავშვებში 12 წლის ზევით) 2 ჩაის კოვზი ყოველ 4 საათში ერთხელ.
ბავშვებში ;
6 წლიდან 12 წლამდე – 1 ჩაის კოვზი ყოველ 4 საათში
2 წლიდან 6 წლამდე – 1–2 ჩაის კოვზი ყოველ 4 საათში
2 წლამდე ექიმის დანიშნულებით.
მიიღეთ ჭამის შემდეგ ჩაის კოვზით ან დოზირებული ჭიქის მეშვეობით.
1 TSP ჭიქა დოზატორზე = 1 ჩაის კოვზი

გვერდითი მოვლენები:
კუჭ-ნაწლავის ტრაქტის მხრივ: გულისრევა, ღებინება.
ნერვული სისტემის მხრივ: თავბრუსხვევა, თავის ტკივილი, ძილიანობა. 

უკუჩვენებები:
მომატებული ინდივიდუალური მგრძნობელობა პრეპარატში შემავალი ნებისმიერი კომპონენტის მიმართ. ცნს-ის მძიმე ორგანული დაავადებები.

დოზის გადაჭარბება:
შესაძლოა აღინიშნოს აღწერილი გვერდითი მოვლენების გაძლიერება.

განსაკუთრებული მითითებები და სიფრთხილის ზომები:
სიფრთხილით ინიშნება ორსულებში და მეძუძურ ქალებში, ასვევე კუჭისა და თორმეტგოჯა ნაწლავის წყლულოვანი დაავადების გამწვავების სტადიაში.

სხვა პრეპარატებთან ურთიერთქმედება:
პრეპარატი არ ინიშნება  მაო-ს ინჰიბიტორების ჯგუფის ანტიდეპრესანტებთან ერთად და ასევე 2 კვირის განმავლობაში პრეპარატების მოხსნიდან.

შენახვის პირობები:
პრეპარატი ინახება ბავშვებისთვის მიუწვდომელ ადგილას, 15-30ºC ტემპერატურაზე. არ შეინახოთ მაცივარში.

ვარგისიანობის ვადა:
3 წელი. არ გამოიყენოთ შეფუთვაზე მითითებული ვადის გასვლის შემდეგ.

აფთიაქებიდან გაიცემა:
ურეცეპტოდ.

საერთაშორისო დასახელება:

GUAIFENESIN

მწარმოებელი: BAYER CONSUMER CARE

მოქმედი ნივთიერება: გვაიფენიზინი

კლინიკურ-ფარმაკოლოგიური ჯგუფი:

ამოსახველებელი საშუალება.

შემადგენლობა და გამოშვების ფორმა:

სიროფი: ფლაკონში 118 მლ

1 მლ (ჩ/კ).

გვაიფენიზინი .......  100 მგ

დამხმარე ნივთიერებები:

ლიმონმჟავა, გლიცერინი, სიმინდის სიროფი, კარამელი, ნატრიუმის საქარინი, ნატრიუმის ბენზოატი, პროპილენგლიკოლი, მენთოლი, გამოხდილი წყალი, ალუბლის არომატიზატორი, საღებავი FD&C  წითელი №40.

ჩვენებები:

• ზემო სასუნთქი გზების მწვავე ანთებითი დაავადებები, მათ შორის მწვავე ვირუსული ინფექციები, გრიპი, მწვავე ლარინგიტი, ფარინგიტი ტრაქეიტი, ბრონქიტი, რომელთაც თან ახლავს ხველა ნახველით.

მიღების წესი და დოზირება:

ერთჯერადი დოზა:

1 ჩაის კოვზი = 1 TSP(საზომ ჭიქაზე)

ბავშვებში 2-დან 6 წლამდე: 1/2-1 ჩაის კოვზი ყოველ 4 საათში.

ბავშვებში 6-დან 12 წლამდე: 1/2 ჩაის კოვზი ყოველ 4 საათში.

12 წლის ზევით ბავშვებსა და მოზრდილებში:

2/4 ჩაის კოვზი ყოველ 4 საათში.

2 წლამდე ასაკის ბავშვებისათვის: საჭიროა ექიმის კონსულტაცია.

გამოიყენება არა უმეტეს 4-6-ჯერ დღე-ღამეში. პრეპარატის მიღება აუცილებელია ჭამის შემდეგ.

გვერდითი მოვლენები:

შესაძლოა აღინიშნოს დარღვევები კუჭ-ნაწლავის ტრაქტის მხრივ, თავბრუსხვევა, თავის ტკივილი, ძილიანობა, გამონაყარი კანზე, ჭინჭრის ციება.

უკუჩვენებები:

მომატებული ინდივიდუალური მგრძნობელობა პრეპარატის ინგრედიენტების მიმართ, ნერვული სისტემის მძიმე ორგანული დაავადებები; კუჭისა და 12-გოჯა ნაწლავის წყლულოვანი დაავადება გამწვავების სტადიაში, კუჭიდან სისხლდენა ანამნეზში.

განსაკუთრებული მითითებები:

ორსულობისა და ლაქტაციის პერიოდში პრეპარატის გამოყენება უნდა იქნეს შეთანხმებული ექიმთან.

ჭარბი დოზირება:

გვაიფენეზინის განსაკუთრებით დიდმა დოზებმა შესაძლოა გამოიწვიოს გულისრევა და ღებინება.  ღებინების შემთხვევაში საჭიროა ორგანიზმის სითხით უზრუნველყოფა და ელექტროლიტების დონის კონტროლი.

სხვა წამლებთან ურთიერთქმედება:

- პრეპარატი არ ინიშნება მაო-ს ინჰიბიტორების ჯგუფის ანტიდეპრესანტებთან ერთად და ასევე 2 კვირის განმავლობაში პრეპარატების მოხსნიდან.

- პრეპარატის გამოყენება შესაძლებელია ბრონქოლიტიკებთან, ანტიმიკრობულ პრეპარატებთან და საგულე გლიკოზიდებთან ერთად.

შენახვის პირობები:

პრეპარატი ინახება 15-30⁰C ტემპერატურაზე, მშრალ, სინათლისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

საერთაშორისო დასახელება:

TAMSULOSIN

მწარმოებელი: სს ფარმაცევტული ქარხანა ეგისი, უნგრეთი

კლინიკურ-ფარმაკოლოგიური ჯგუფი:

წინამდებარე ჯირკვლის კეთილთვისებიანი ჰიპერპლაზიის (ადენომის) დროს გამოსაყენებელი საშუალებები;  ალფა1- ადრენობლოკატორები

შემადგენლობა და გამოშვების ფორმა:

0.4 მგ კაფსულა #30

პრეპარატის თითოეული მოდიფიცირებული გამოთავისუფლების კაფსულა შეიცავს:

აქტიური ნივთიერება:

ტამსულოზინის ჰიდროქლორიდი ..............    0.4 მგ.

დამხმარე ნივთიერებები: მიკროკრისტალური ცელულოზა, კალციუმის სტეარატი, მეტაკრილის მჟავასა და ეთილაკრილატის სოპოლიმერი, ტვინი 80, ტალკი, ტრიეთილციტრატი.

კაფსულის გარსი შეიცავს: ჟელატინი, ინდიგოკარმინი, ქინოლინის ყვითელი, ტიტანის დიოქსიდი.

ჩვენებები:

ტულოზინის® აქტიური ნივთიერება – ტამსულოზინი განეკუთვნება იმ სამკურნალო საშუალებათა ჯგუფს, რომლებსაც ალფა-1-ადრენორეცეპტორების ბლოკატორები ეწოდებათ. იგი ამცირებს წინამდებარე ჯირკვლისა და შარდსადენი არხის გლუვი კუნთების დაჭიმულობას, და ამგვარად აადვილებს შარდის დინებას და ხელს უწყობს შარდის ბუშტის დაცლას. იგი გამოიყენება წინამდებარე ჯირკვლის კეთილთვისებიანი ჰიპერპლაზიის სიმპტომების შესამცირებლად (ხშირი შარდვა დღისით და ღამით; გაძნელებული შარდვა – შარდვის დაწყების გაძნელება, შარდის სუსტი და წყვეტილი ნაკადი; შარდის მოწოლა, შარდვის იმპერატიული (გადაუდებელი) მოთხოვნილება, შარდის ბუშტის არასრულად დაცლის შეგრძნება).

მიღების წესები და დოზები:

ტულოზინი® მიიღება შიგნით თითო კაფსულა დღეში. კაფსულები მიიღება 30 წუთში საკვების ერთსა და იმავე დროს მიღებისას, კაფსულის მთლიანად ჩაყლაპვით და საკმარისი რაოდენობით – თითქმის ნახევარი ჭიქა – წყალის მიყოლებით. კაფსულების მიღებისას პაციენტი უნდა იჯდეს ან იდგეს. არ შეიძლება კაფსულების დაღეჭვა, გახსნა ან გატეხვა, ვინაიდან ამან შეიძლება იმოქმედოს პრეპარატის ეფექტზე.

ტამსულოზინის ჩვეულებრივი სადღეღამისო დოზაა 0.4 მგ-ს (ერთი კაფსულა). პრეპარატის თვისებების წყალობით დოზის ინდივიდუალურად შერჩევა საჭირო არ არის.

ტულოზინი® ხანგრძლივად მოქმედი პრეპარატია, იგი ყოველთვის დღეში ერთხელ მიიღება.

მკურნალობის კურსის ხანგრძლივობას განსაზღვრავს ექიმი.

პრეპარატის მიღების თვითნებურად შეწყვეტა არ შეიძლება.

ტულოზინი® განკუთვნილია მხოლოდ მამრობითი სქესის მოზრდილი პაციენტებისათვის.

გამოტოვებული დოზა

დოზის გამოტოვებისას მისი მიღება უნდა მოხდეს გახსენებისთანავე. ამის შემდეგ პრეპარატის მიღება გრძელდება ექიმის მიერ დანიშნული რეჟიმითა და დოზებში.

თუ გამოტოვებულის შემდეგ შემდეგი დოზის მიღებამდე დარჩენილია 12 საათზე ნაკლები დრო, გამოტოვებული კაფსულის მიღება არ შეიძლება და პრეპარატის მიღება ჩვეულებრივ დანიშნულებისამებრ გრძელდება. გამოტოვებული დოზის კომპენსაციისათვის დოზის გაორმაგება არ შეიძლება, ვინაიდან ამან შეიძლება ჭარბი დოზირება გამოიწვიოს.

გვერდითი მოვლენები:

რეკომენდებულ დოზებში პრეპარატი ჩვეულებრივ კარგი ამტანობით ხასიათდება. როგორც სხვა სამკურნალო პრეპარატების გამოყენებისას შესაძლებელია გვერდითი ეფექტების განვითარება.

მძიმე გვერდითი ეფექტების ან იმ ეფექტების, რომლებიც არ არის მოხსენიებული ამ ინსტრუქციაში, განვითარებისას აუცილებელია ექიმთან მიმართვა.

პირველი დოზის მიღების შემდეგ ან ტულოზინით® მკურნალობის პირველ დღეებში იშვიათ შემთხვევებში შეიძლება აღინიშნოს არტერიული წნევის მნიშვნელოვნად დაქვეითება, რომელიც შეიძლება გამოვლინდეს თავბრუსხვევით, მოძრაობის კოორდინაციის დარღვევით, გულყრით, განსაკუთრებით დაჯდომის ან წოლითი მდგომარეობიდან ადგომის მცდელობისას. იგივე მოვლენა შეიძლება განვითარდეს რამოდენიმედღიანი შესვენების შემდეგ პრეპარატის მიღების განახლებისას. სისუსტის ან თავბრუსხვევის ნიშნების შეგრძნებისას აუცილებელია დაჯდომა ან დაწოლა მდგომარეობის გაუმჯობესებამდე.

სხვა არასასურველი ეფექტები ჩვეულებრივ სუსტად გამოხატულია და სწრაფად გაივლის. ტამსულოზინით მკურნალობისას შეიძლება განვითარდეს თავბრუსხვევა და ძილიანობა. უფრო იშვიათად აღინიშნა თავის ტკივილი, მხედველობის დარღვევა, გულისცემა, რინიტი, ყაბზობა, დიარეა, ღებინება, გულისრევა, გამონაყარი კანზე, ქავილი, ეაკულაციის დარღვევა (რეტროგრადული ეაკულაცია), სისუსტე. ძალიან იშვიათ შემთხვევებში აღინიშნა გულყრა, ანგიონევროზული შეშუპება. ძალიან იშვიათი არასასურველი ეფექტი – პრიაპიზმი (სასქესო ორგანოს მტკივნეული და ხანგრძლივი ერექცია, რომელიც სასწრაფოდ საჭიროებს ექიმის დახმარებას).

ნებისმიერი გვერდითი ეფექტის გამოვლინებისას აუცილებელია ექიმთან ან ფარმაცევტთან მიმართვა.

უკუჩვენება:

ტულოზინის® გამოყენება არ შეიძლება ალერგიული რეაქციის შემთხვევაში ტამსულოზინის ან სხვა ალფა-1-ადრენორეცეპტორების ბლოკატორების მიღების შემდეგ, ან ჰიპერმგრძნობელობისას ემ კაფსულების ნებისმიერი სხვა კომპონენტის მიმართ.

განსაკუთრებული მითითებები:

• თირკმლის ან ღვიძლის მძიმე უკმარისობა;

• თავბრუსხვევა ან გულყრა მწოლიარე ან მჯდომარე მდგომარეობიდან ფეხზე ადგომის დროს.

ტულოზინით® მკურნალობის დაწყებამდე ექიმმა აუცილებლად უნდა იცოდეს ჩამოთვლილი მდგომარეობების შესახებ.

ტულოზინით® მკურნალობის დაწყებამდე ექიმს შეუძლია მთელი რიგი გამოკვლევების ჩატარება წინამდებარე ჯირკვლის კეთილთვისებიანი ჰიპერპლაზიის თაობაზე, რათა გამოირიცხოს ამ ჯირკვლის სხვა დაავადებების არსებობა.

ქალებისა და ბავშვების სამკურნალოდ ტულოზინის® გამოყენება არ შეიძლება.

ზეგავლენა ავტოსატრანსპორტო საშუალებების მართვისა და პოტენციურად საშიშ ქანიზმების მუშაობის უნარზე :

პრეპარატის მიღებაზე ინდივიდუალური რეაქციის მიხედვით ტულოზინს შეუძლია გამოიწვიოს თავბრუსხვევა. ამიტომ ტულოზინით® მკურნალობის პერიოდში აუცილებელია სიფრთხილის დაცვა ავტოტრანსპორტის მართვისა და სხვა პოტენციურად საშიში სახეობების საქმიანობის განხორციელებისას, რომლებიც საჭიროებს ყურადღების კონცენტრაციას და ფსიქომოტორული რეაქციების სისწრაფეს.

ჭარბი დოზირება:

ჭარბი დოზის მიღების შემთხვევაში აუცილებელია დაუყოვნებლივ ექიმთან მიმართვა.

ჭარბი დოზის სიმპტომები: შესაძლებელია არტერიული წნევის დაწევა.

მკურნალობა: არტერიული წნევის მნიშვნელოვანი დაწევისას სისხლის მიმოქცევის ნორმალიზებისათვის ავადმყოფი უნდა დაწვეს. თუ ჰიპოტენზიის სიმპტომები შენარჩუნდა, უნდა მოხდეს სიცოცხლისათვის მნიშვნელოვანი ფუნქციების მონიტორირებისა და შენარჩუნების უზრუნველყოფა ინტენსიური თერაპიის განყოფილებებში. ტამსულოზინის შემდგომი შეწოვის პრევენციისათვის მიზანშეწონილია კუჭის ამორეცხვა, აქტივირებული ნახშირისა და ოსმოსური საფაღარათე საშუალების მიღება. სიმპტომური მკურნალობის ჩატარებისას აუცილებელია ცირკულირებადი სისხლის მოცულობის გაზრდა შემდგომი ვაზოპრესული ნივთიერებების მიღებით. ტამსულოზინი კარგად უერთდება სისხლის პლაზმის ცილებს, ამიტომ ჰემოდიალიზი ნაკლებად ეფექტურია.

სხვა წამლებთან ურთიერთქმედება:

ტამსულოზინს სხვა ადრენობლოკატორებთან ან სხვა ჰიპოტენზიურ პრეპარატებთან ერთად გამოყენებამ შეიძლება გამოიწვიოს არტერიული წნევის უფრო მკვეთრად დაქვეითება.

შენახვის პირობები და ვადები:

ინახება ბავშვებისათვის მიუწვდომელ ადგილას არაუმეტეს 25ºC ტემპერატურაზე.

ვარგისიანობის ვადა

4 წელი. შენახვის ვადა მითითებულია შეფუთვაზე.

შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება.

აფთიაქში გაცემის წესი:

რეცეპტით.

საერთაშორისო დასახელება:

ATORVASTATIN

მწარმოებელი: LEK, სლოვენია

მოქმედი ნივთიერება: ატორვასტატინი

კლინიკურ-ფარმაკოლოგიური ჯგუფი:

სტატინების ჯგუფის ჰიპოლიპიდემიური საშუალება.

შემადგენლობა და გამოშვების ფორმა:

შემოგარსული ტაბლეტები: ბლისტერზე 30 ც.

1 ტაბ.

ატორვასტატინი .........        10 მგ

დამხმარე ნივთიერებები:

ფუძე: მიკროკრისტალური ცელულოზა; ლაქტოზის მონოჰიდრატი, ნატრიუმის კროსკარმელოზა; ჰიდროქსიპროპილცელულოზა; პოლისორბატ 80; მაგნიუმის ოქსიდი; სილიციუმის კოლოიდური ანჰიდრიდი; მაგნიუმის სტეარატი.

გარსი: ჰიპრომელოზა; ჰიდროქსიპროპილცელულოზა; ტიტანის დიოქსიდი (E171); მაკროჰოლი 6000; ტალკი.

შემოგარსული ტაბლეტები: ბლისტერზე 30 ც.

1 ტაბ.

ატორვასტატინი  .........       20 მგ

1 ტაბ.

ატორვასტატინი ..........       40 მგ

დამხმარე ნივთიერებები:

ფუძე: მიკროკრისტალური ცელულოზა; ლაქტოზის მონოჰიდრატი; ნატრიუმის კროსკარმელოზა; ჰიდროქსიპროპილცელულოზა; პოლისორბატ 80; მაგნიუმის ოქსიდი; სილიციუმის კოლოიდური ანჰიდრიდი; მაგნიუმის სტეარატი.

გარსი: ჰიპრომელოზა; ჰიდროქსიპროპილცელულოზა; ტიტანის დიოქსიდი (E171); მაკროპოლი 6000; რკინის ოქსიდის ყვითელი საღებავი (E172); ტალკი.

ჩვენებები:

ტულიპის ტაბლეტები გამოიყენება სისხლში ლიპიდების მომატებული შემცველობის შესამცირებლად. ტულიპის ტაბლეტები ამცირებს სისხლში ქოლესტერინის და ტრიგლიცერიდების შემცველობას, თუ სხვა მეთოდები (ანუ, რაციონის შეცვლა, ფიზიკური აქტივობა, წონის დაკლება) აღმოჩნდება უშედეგო, ავადმყოფებში, რომელთაც აწუხებთ:

• სისხლში ქოლესტერინის მომატებული შემცველობა (უმთავრესად, IIა ტიპის ჰიპერქოლესტერინემიის, ფრედრიქსონის მიხედვით);
• სისხლში ქოლესტერინისა და ტრიგლიცერიდების ერთდროული მომატება (შერეული II ბ ტიპის ჰიპერლიპიდემია ფრედრიქსონის მიხედვით);
• სისხლში ქოლესტერინის შემცველობის შთამომავლობით მომატება შთამომავლობითი ჰიპერქოლესტერინემიის შემთხვევაში.

თერაპიის დაწყებამდე საჭირო ჩატარდეს ღვიძლის ფუნქციის ტესტირება, განმეორდეს იგი რეგულარულად მკურნალობის პერიოდში. ღვიძლის მდგომარეობის ფუნქციონალური მაჩვენებლის ხანგრძლივი დროით ზრდის შემთხვევაში, მაშინ როცა იგი მომატებულია ნორმალურთან შედარებით 3-ჯერ და უფრო მეტად, რეკომენდებულია შემცირდეს პრეპარატის დოზა ან სრულიად შეწყდეს ტულიპის ტაბლეტების მიღება.

პაციენტებს, რომლებიც ღებულობენ ატორვასტატინს, ზოგჯერ შესაძლოა განუვითარდეთ ტკივილები კუნთებში (გაურთულებელი მიალგია). პირებმა, რომელთაც აქვთ დაავადებების (მიოპათიები) სიმპტომური მაჩვენებლები, აუცილებელია ჩაიტარონ ანალიზი სისხლში კუნთოვანი ფერმენტის მომატების შესაძლო მომატების გამოსავლენად (კფკ**). კფკ*-ს დონის ხანგრძლივი დროით ზრდის შემთხვევაში, აუცილებელია პრეპარატის დოზის შემცირება ან სრულიად უნდა შეწყდეს ატორვასტატინის მიღება. შეატყობინეთ თქვენს ექიმს წარმოქმნილი ტკივილის შეგრძნების, კუნთების დაძაბულობის ან სისუსტის შემთხვევაში.

მიღების წესი და დოზირება:

მკურნალობის დაწყებამდე ინიშნება დიეტა ქოლესტერინის დაბალი შემცველობით. მკაცრად უნდა დავიცვათ რეკომენდებული რაციონი ტულიპის ტაბლეტების მიღებისას.

თანდართული საწყისი დოზა შეადგენს 10 მგ ატორვასტატინს დღეში. შემდგომში ექიმი განსაზღვრავს დოზებს, რომელიც აუცილებელია სისხლში ქოლესტერინის საჭირო დონის მისაღწევად, შესაბამისად იცვლება ატორვასტატინის დოზა, ყოველ 4 კვირაში ერთხელ ან უფრო იშვიათად, ინდივიდუალურად. ატორვასტატინის მაქსიმალური სადღეღამისო დოზა შეადგენს 80 მგ-ს.

შესაძლებელია ტულიპის ტაბლეტების მიღება წყლის მცირე რაოდენობასთან ერთად, დღის ნებისმიერ დროს, საკვების მიღებისაგან დამოუკიდებლად. ტულიპის ტაბლეტები განსაზღვრულია ხანგრძლივი დროით მიღებისათვის. ქოლესტერინის მომატებული შემცველობა (ჰიპერქოლესტერინემია) ან სისხლში ქოლესტეროლის და ტრიგლიცერიდების (შერეული ჰიპერლიპიდემია) ერთდროული მომატებული შემცველობა:

პაციენტების უმრავლესობისათვის ატორვასტატინის ეფექტური დოზა შეადგენს 20 მგ-ს. მკურნალობის ეფექტურობა შესაძლოა გახდეს შესამჩნევი ორი კვირის შემდეგ, ხოლო მაქსიმალურ დონეს, როგორც წესი აღწევს 4 კვირის შემდეგ. მიღებული თერაპიული ეფექტი შემდგომში ნარჩუნდება მოცემული სამკურნალო პრეპარატის ხანგრძლივი მიღების გზით.

სისხლში ქოლესტერინის შემცველობის შთამომავლობითი მომატება (შთამომავლობითი ჰიპერქოლესტერინემია).

ჰეტეროზიგოტური შთამომავლობითი ჰიპერქოლესტერინემია:

მოზრდილები: კლინიკურ გამოკვლევებში პაციენტების უმრავლესობას (რომლებიც ღებულობენ დღეში 80 მგ ატორვასტატინს) სისხლში ქოლესტერინის შემცველობა უმცირდებოდა 17-31%-ით.

ბავშვები: ბავშვებში ატორვასტატინის მიღების კლინიკური გამოცდილება შეზღუდულია. პრეპარატის რეკომენდებული ყოველდღიური დოზა შეადგენს 10 მგ-ს. იგი შესაძლოა გაიზარდოს დღეში 80 მგ-მდე სამკურნალო საშუალებების მიღებასა და ეფექტურობაზე დამოკიდებულების მიხედვით.

თირკმლის უკმარისობით დაავადებული და ხანდაზმული ასაკის პაციენტების დოზირება:

თირკმლის დაავადებები არ ახდენს ზეგავლენას ტულიპის ტაბლეტებით მკურნალობის ეფექტურობაზე. ამრიგად, თირკმლის უკმარისობით დაავადებულებს არ ესაჭიროებათ დოზის ოპტიმიზაცია. კლინიკურ გამოკვლევებში ნაჩვენები იყო, რომ დოზის ოპტიმიზაცია ხანდაზმული ასაკის პაციენტებში არ წარმოადგენს აუცილებლობას.

თუ პაციენტს დაავიწყდა ტულიპის ტაბლეტების მიღება, უნდა მიიღოთ პრეპარატის მხოლოდ ჩვეულებრივი და არა ორმაგი დოზა.

გვერდითი მოვლენები:

◄ ტულიპის ტაბლეტები როგორც წესი კარგი ამტანობით ხასიათდება. გვერდითი ეფექტები ატარებენ დროებით ხასიათს და გააჩნიათ მსუბუქი მიმდინარეობა.

◄ პაციენტების 1%-ზე ოდნავ მეტ რაოდენობას, რომლებიც ღებულობდნენ იგივე ჯგუფის სხვა სამკურნალო პრეპარატებს, ავადმყოფებს, რომლებით ღებულობენ ატორვასტატინს, აღენიშნებათ ღვიძლის ფუნქციონალური ტესტების (ტრანსამინაზები) პარამეტრების მომატება. მსგავსი ცვლილებები, როგორც წესი არ არის საყურადღებო, ატარებს დროებით ხასიათს და არ საჭიროებს თერაპიის შეწყვეტას.

◄ ზოგჯერ პაციენტებს აღენიშნებოდათ შრატში კრეატინინფოსფოკინაზის ზრდა (კფკ), რასაც ზოგიერთ შემთხვევაში ახლდა ტკივილი და კუნთების დაძაბულობა ან მოდუნება.

ატორვასტატინის კლინიკურ გამოკვლევებში აღინიშნებოდა ზოგიერთი არასასურველი მოვლენა, რომელთა პირდაპირი კავშირი ატორვასტატინის მიღებასთან მიმართებაში ყველა შემთხვევაში არ იყო დამტკიცებული: ◄კუნთების ანთება (მიოზიტი), კუნთების დაავადება (მიოპათია), კანზე ჩხვლეტის შეგრძნება (პარესთეზია), ნერვების არაანთებითი დაავადებები (პერიფერიული ნეიროპათია), კუჭქვეშა ჯირკვლის ანთება, ღვიძლის ანთება, სიყვითლე, მადის მომატება, პირღებინება, თმის ცვენა, ქავილი, გამონაყარი კანზე, იმპოტენცია, სისხლში შაქრის შემცველობის მომატება ან დაკლება. ასევე, გარკვეულ შემთხვევებში აღენიშნებათ ტკივილი გულის არეში, თავბრუსხვევა და ალერგიული რეაქციები.

◄ ნებისმიერი არასასურველი რეაქციის გამოვლენისას საჭიროა ექიმის ინფორმირება, რომელიც მიიღებს გადაწყვეტილებას იმის შესახებ, თუ რა ზომები უნდა იქნას მიღებული.

◄ ღვიძლის ფუნქციონალური მდგომარეობის მაჩვენებლების მომატებისას, ნორმასთან შედარებით 3-ჯერ უფრო მეტად ან კფკ-ს ხანგრძლივი დროის განმავლობაში ზრდის შემთხვევაში, ექიმი, შეამცირებს დოზას ან შეგიწყვეტთ ტულიპის ტაბლეტების მიღებას.

უკუჩვენებები:

* მომატებული მგრძნობელობა მისი ნებისმიერი კომპონენტის მიმართ;

* ღვიძლის დაავადება ან გამოვლენილი ღვიძლის ფუნქციონალური მდგომარეობის მაჩვენებლების გაურკვეველი და მდგრადი მატება (შრატში ტრანსამინაზების შემცველობა);

* ჩონჩხის კუნთების დაავადება;

* ორსულობის და ლაქტაცის პერიოდი.

ორსულობა და ლაქტაცია:

ორსულობის ან ლაქტაციის პერიოდში ტულიპი არ უნდა იქნას მიღებული.

შვილოსნობის ასაკის მქონე ქალისათვის დაშვებულია ტულიპის ტაბლეტების მიღება, მხოლოდ ადექვატური კონტრაცეპტული საშუალებების მიღების ფონზე.

ატორვასტატინის მიღების უსაფრთხოება ორსულობისა და ლაქტაციის პერიოდის განმავლობაში არ არის დამტკიცებული.

განსაკუთრებული მითითებები:

♦ სიფრთხილის ზომები: ალკოჰოლის მომატებული რაოდენობის გამოყენების დროს; ღვიძლის დაავადებების დროს.

♦ ტულიპის ტაბლეტები მიიღება საკვებთან და სითხეებთან: დიდი რაოდენოით სპირტიანი სასმელების მიღებისას ტულიპის ტაბლეტები უნდა მიიღოთ განსაკუთრებული ყურადღებით.

♦ ავტომობილის და სხვა ტექნიკის მართვა: მონაცემები ტულიპის ტაბლეტების ნეგატიური ზემოქმედების შესახებ ადამიანის რეაქციაზე არ მოიპოვება.

ჭარბი დოზირება:

ატორვასტატინის ჭარბი დოზით მიღების შემთხვევაში არ არის საჭირო სპეციალური მკურნალობა, თუმცა თქვენ ამის შესახებ უნდა აცნობოთ თქვენს მკურნალ ექიმს.

სხვა წამლებთან ურთიერთქმედება:

- ურთიერთქმედებები ვითარდება იგივე  ჯგუფის (გმგ-კოა-რედუქტაზების *** ინჰიბიტორები) მონათესავე სამკურნალო პრეპარატებთან ერთდროული გამოყენების დროს.

- აგრეთვე სამკურნალო პრეპარატებთან, რომლებიც ახდენენ ორგანიზმის იმუნური პასუხის ინჰიბირებას (მაგალითად, ციკლოსპორინი), სხვა პრეპარტებთან, რომლებიც ამცირებენ ლიპიდების შემცველობას (მაგალითად, ფიბრატები, ნიკოტინის მჟავას წარმოებულები);

- ანტიბიოტიკ ერითრომიცინთან ან აზოლური სოკოს საწინააღმდეგო პრეპარატებთან, ამასთან სისხლში მატულობს კუნთის ფერმენტების კფკ-ს შემცველობის დონე და შეიძლება გამოიკვეთოს კუნთების ტკივილი, იშვიათ შემთხვევაში ადგილი აქვს ჩონჩხის კუნთების გაწყვეტას (რაბდომიოლიზი) და ღვიძლის უკმარისობას. მოცემული სამკუნალო პრეპარტებისა და მაკროლიდური ანტიბიოტიკების ერთდროული მიღება ტულიპის ტაბლეტებთან დასაშვებია მხოლოდ ექიმის სპეციალური მითითებების შემთხვევაში.

- ქოლესტიპოლის და ატორვასტატინის ერთდროული გამოყენებისას აღინიშნება სისხლში ლიპიდების უფრო გამოხატული შემცირება.

- ატორვასტატინის დიგოქსინისა და აგრეთვე ზოგიერთი კონტრაცეპტული პრეპარატების ერთდროული დანიშვნისას იზრდება მათი შემცველობა პლაზმაში. ექიმი გაითვალისწინებს ამ მითითებებს ზემოხსენებული სამკურნალო პრეპარატების დოზების განსაზღვრისას.

- ერთდროული დანიშვნა იმ პრეპარატებთან, რომლებიც ამცირებენ კუჭის წვენის სეკრეციას (ანტაციდებთან, რომლებიც შეიცავენ მაგნიუმსა და ალუმინს), მცირდება პლაზმაში ატორვასტატინის კონცენტრაცია, მაგრამ არ მცირდება მისი ეფექტურობა ქოლესტერინის კონცენტრაციის კლებასთან მიმართებაში.

- ერითრომიცინთან ერთდროული გამოყენება ზრდის პლაზმაში ატორვასტატინის კონცენტრაციას.

- ავადმყოფები, რომლებიც ტულიპის ტაბლეტებთან ერთად ღებულობენ პრეპარატ ვარფარინს, რომელიც ამცირებს სისხლის შედედებას, უნდა იმყოფებოდნენ მკაცრი სამედიცინო კონტროლის ქვეშ (განსაკუთრებით თერაპიის საწყის ეტაპზე).

- სიფრთხილის ზომები გამოყენებული უნდა იყოს იმ პრეპარატების მიმართაც, რომელთაც პაციენტი იყენებდა.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო არაპატენტირებული დასახელება

ETHAMBUTOL

მწარმოებელი: “ROTAPHARM”, Great Britain.

შემადგენლობა და გამოშვების ფორმა:

საინექციო ხსნარი, გამჭვირვალე, უფერო

პრეპარატის 1 ამპულა შეიცავს:

აქტიური ნივთიერება:

ეტამბუტოლის დიჰიდროქლორიდი ...............  500 მგ.

დამხმარე ნივთიერება:

საინექციო წყალი.

ფარმაკოთერაპიული ჯგუფი:

ტუბერკულოზის საწინააღმდეგო საშუალება.

ფარმაკოლოგიური თვისებები:

ტუბერტამი – ანტიტუბერკულოზური, ანტიბაქტერიული, ბაქტერიოსტატიკური საშუალება.

პრეპარატის მოქმედი ნივთიერება – ეტამბუტოლის დიჰიდროქლორიდი – სწრაფად აღწევს ბაქტერიული უჯრედის შიგნით, არღვევს რიბოსომების სტრუქურას, რნმ-ისა და ცილების სინთეზს, ლიპიდურ ცვლას, ბოჭავს მაგნიუმის და სპილენძის იონებს. აინჰიბირებს ფერმენტებს, რომლებიც მონაწილეობენ მიკობაქტერიის უჯრედის კედლის სინთეზში. მოქმედებს მხოლოდ ინტენსიურად გაყოფად მიკობაქტერიებზე, რომლებიც განლაგებულნი არიან უჯრედგარეთ და უჯრედშიგნით (უჯრედშიდა კონცენტრაციები ორჯერ აღემატება უჯრედგარეს).

პრეპარატი ეფექტურია Mycobacterium tuberculosis (მიკ 1–2მკგ/მლ) მიმართ, მათ შორის, სტრეპტომიცინის, იზონიაზიდის, პასმ, პარამიცინის, ეტიონამიდისადმი მდგრადი შტამების  მიმართ, ასევე Mycobacterium kansasii (მიკ 16 მკგ/მლ), Mycobacterium avium (მიკ  31,2  მკგ/მლ), Mycobacterium xenopi მიმართ.

ეტამბუტოლის მიმართ პირველადი მდგრადობა გააჩნია მხოლოდ გამომწვევების 1 %-ს.

ეტამბუტოლით მონოთერაპიისას შედარებით ნელა ვითარდება მდგრადობა. ეფექტი გამოხატულია 1-2 დღის შემდეგ. პრეპარატი აფერხებს რეზისტენტობის განვითარებას სხვა ანტიტუბერკულოზური პრეპარატების მიმართ; ჯვარედინი მდგრადობა არ აღინიშნება.

პრეპარატმა შეიძლება გამოიწვიოს სისხლის შრატში შარდმჟავას კონცენტრაციის მომატება.

ფარმაკოკინეტიკა:

პრეპარატის მოქმედება მყისიერად ვითარდება ინტრავენურად შეყვანის შემდეგ. ტუბერტამის მაქსიმალური კონცენტრაცია სისხლში გამოვლინდება შეყვანისთანავე და ნარჩუნდება 2-4 საათის განმავლობაში. სისხლის პლაზმის ცილებთან შეკავშირება შეადგენს 20-30 %-ს. კარგად აღწევს ქსოვილებსა და ორგანოებში, ასევე ბიოლოგიურ სითხეებში, ასციტური და პლევრალური სითხის გარდა.  გამოვლინდება ცერებროსპინალურ სითხეში ტუბერკულოზური მენინგიტის დროს. შედარებით მეტი კონცენტრაციები ვლინდება თირკმლებში, ფილტვებში, ნერწყვში, შარდში. პრეპარატი აღწევს დედის რძეში. არ გადალახავს დაუზიანებელ ჰემატო-ენცეფალურ ბარიერს. ნაწილობრივ მეტაბოლიზდება ღვიძლში (15 %) არააქტიური მეტაბოლიტების წარმოქმნით. ნახევარგამოყოფის პერიოდი - T1/2 შეადგენს დაახლოებით 6 საათს, ხოლო თირკმლის დაზიანებისას – 8 საათს. გამოიყოფა შარდით (80-90 %, მათ შორის 50 % შეუცვლელი სახით, 15 % – არააქტიური მეტაბოლიტების სახით) და ფეკალიებით (10-20 % შეუცვლელი სახით).  გამოიყოფა ჰემოდიალიზის და პერიტონეული დიალიზის დროს.

ჩვენებები:

უკუჩვენებები:

*  ეტამბუტოლის მიმართ მომატებული მგრძნობელობა;

*  მხედველობის ნერვის ნევრიტი;

*  კატარაქტა;

*  თვალის ანთებითი დაავადებები;

*  დიაბეტური რეტინოპათია;

*  პოდაგრა;

*  თირკმლის ფუნქციის დაზიანება;

*  ორსულობა;

* ბავშვთა ასაკი 13 წლამდე.

გვერდითი მოვლენები:

ნერვული სისტემის და გრძნობათა ორგანოების მხრივ: დეპრესია, თავბრუსხვევა, თავის ტკივილი, სივრცეში დეზორიენტაცია, ჰალუცინაციები, პერიფერიული ნევრიტები და პოლინეიროპათიები, რეტრობულბალური ნევრიტი, მხედველობის ნერვის ატროფია; მხედველობის სიმახვილის, რეფრაქციის და ფერების (ძირითადად, მწვანე და წითელი ფერის) აღქმის  გაუარესება, მხედველობის ცენტრალური და პერიფერიული ველის შევიწროება.

საჭმლის მომნელებელი სისტემის მხრივ: დისპეფსიური მოვლენები (გულისრევა, ღებინება, დიარეა), მუცლის ტკივილი, ღვიძლის ფუნქციის დარღვევა.

ალერგიული რეაქციები: კანზე გამონაყარი,  ქავილი.

სხვა: ლეიკოპენია, ჰიპერურიკემია, პოდაგრის (შეტევების) გამწვავება, ართრალგია.

დოზირება და გამოყენების წესი:

ინტრავენურად და ინტრამუსკულარულად გამოყენებისთვის.

დოზირების რეჟიმი დგინდება ექიმის მიერ ინდივიდუალურად პაციენტის სხეულის მასის გათვალისწინებით.

ინტრამუსკულარულად გამოყენებისთვის:

მოზრდილებში – 15-25 მგ/კგ სხეულის მასაზე გადაანგარიშებით დღეში, 1-2 მიღებაზე გადანაწილებით.

ბავშვებში 13 წლის ზემოთ –  25-30 მგ/კგ სხეულის მასაზე გადაანგარიშებით დღეში.

ინტრავენურად გამოყენებისთვის:

პრეპარატი მიიღება 25 მგ/კგ სხეულის მასაზე გადაანგარიშებით. დოზის შემცირება შესაძლებელია 15 მგ/კგ-მდე, ხოლო შემდეგ პერორალურ მიღებაზე გადასვლა დოზით 500 მგ.

ხსნარის მომზადება ინტრავენური ინფუზიისთვის:

ერთი ან რამდენიმე ამპულის შემადგენლობა იხსნება 500 მლ ფიზიოლოგიურ ხსნარში ან გლუკოზის 5 %-იან ხსნარში.

ურთიერთქმედება სხვა სამკურნალო საშუალებებთან:

– ეტამბუტოლი ზრდის ანტიტუბერკულოზური საშუალებების მოქმედებას და ამინოგლიკოზიდების, ასპარაგინაზების, კარბამაზეპინის, ციპროფლოქსაცინის, იმიპენემის, ლითიუმის მარილების, მეტოტრექსატის, ქინინის ნეიროტოქსიურობას.

– არ არის რეკომენდებული ეტიონამიდთან ერთდროული გამოყენება ფარმაკოლოგიური ანტაგონიზმის გამო.

– ანტაციდები, რომლებიც შეიცავენ ალუმინის ჰიდროქსიდს, ამცირებენ ეტამბუტოლის შეწოვას.

– იმ პრეპარატებთან ერთდროული გამოყენებისას, რომლებსაც გააჩნიათ ნეიროტოქსიური მოქმედება, იზრდება მხედველობის ნერვის ნევრიტის, პერიფერიული ნევრიტის და ნერვული სისტემის სხვა დაზიანებების განვითარების რისკი.

განსაკუთრებული მითითებები:

მკურნალობის დასაწყისში და მკურნალობის პერიოდში მიზანშეწონილია ყოველთვიურად ოფთალმოლოგიური გამოკვლევების ჩატარება – თავდაპირველად ცალ-ცალკე თითოეული თვალის, შემდეგ ორივე თვალის (თვალის ფსკერის, მხედველობის სიმახვილის და ველის, ფერების აღქმის გამოკვლევა). არ არის რეკომენდებული ეტამბუტოლის გამოყენება მხედველობის ფუნქციის ადეკვატური კონტროლის შეუძლებლობის შემთხვევაში (მათ შორის, უკიდურესად მძიმე მდგომარეობები, ფსიქიური აშლილობები).

მკურნალობის პერიოდში მიზანშეწონილია პერიფერიული სისხლის სურათის, სისხლის შრატში შარდმჟავას შემცველობის, თირკმლისა და ღვიძლის ფუნქციის რეგულარული კონტროლი.

გამოყენება ორსულობისა და ლაქტაციის პერიოდში:

ეტამბუტოლი გადალახავს პლაცენტურ ბარიერს, გამოიყოფა დედის რძესთან ერთად.

ორსულობისას მისი გამოყენება უკუნაჩვენებია, ვინაიდან ეტამბუტოლს გააჩნია ტერატოგენული მოქმედება.

მკურნალობის პერიოდში საჭიროა ძუძუთი კვების შეწყვეტა.

გამოშვების ფორმა:

საინექციო ხსნარი.

5 ამპულა კონტურულ-უჯრედოვან შეფუთვაში.

2 კონტურულ-უჯრედოვანი შეფუთვა გამოყენების ინსტრუქციასთან ერთად - მუყაოს კოლოფში.

შენახვის პირობები:

ინახება არა უმეტეს 25ºC ტემპერატურის პირობებში, ბავშვებისთვის მიუწვდომელ ადგილას.

ვარგისიანობის ვადა:

5 წელი წარმოების თარიღიდან.

ნუ გამოიყენებთ ვარგისიანობის ვადის გასვლის შემდეგ.

აფთიაქიდან გაცემის პირობები:

II ჯგუფი (გაცემის რეჟიმი: რეცეპტით).

მწარმოებელი: AVENTIS PASTEUR

შემადგენლობა და გამოშვების ფორმა:

ლიოფილიზირებული ფხვნილი საინექციო ხსნარის მოსამზადებლად: ფლაკონში, გამხსნელთან კომპლექტში, შეფუთვაში 10 ც.

ვაქცინა

საერთაშორისო დასახელება:

CHLORPROTHIXENE

მწარმოებელი: H. LUNDBECK, დანია

მოქმედი ნივთიერება:

კლინიკურ-ფარმაკოლოგიური ჯგუფი:

ანტიფსიქოზური (ნეიროლეფსიური) საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 50 და 100 ც.

1 ტაბ.

ქლორპროტიქსენის ჰიდროქლორიდი ..........    5 მგ

1 ტაბ.

ქლორპროტიქსენის ჰიდროქლორიდი ........      25 მგ

ფარმაკოლოგიური თვისებები:

ტრუქსალი წარმოადგენს ნეიროლეფსიურ საშუალებას, რომელიც წარმოებულია თიოქსანტენისგან. გააჩნია ანტიფსიქოზური, გამოხატული სედატიური და ზომიერი ანტიდეპრესიული მოქმედება.

ტრუქსალის ანტიფსიქოზური მოქმედება უკავშირდება მის მაბლოკირებელ მოქმედებას დოფამინურ რეცეპტორებზე. ამ რეცეპტორების ბლოკირებასთან, ასევე დაკავშირებულია პრეპარატის ანტიემეტიური და ანალგეზიური თვისებები. ტრუქსალს  შეუძლია მოახდინოს 5-HT2 - რეცეპტორების αI-ადრენორეცეპტორებისა და ასევე - H1-ჰისტამინური რეცეპტორების ბლოკირება, რითაც განისაზღვრება მისი ადრენომაბლოკირებელი, ჰიპოტენზიური და ანტიჰისტამინური თვისებები.

ფარმაკოკინეტიკა:

ქლორპროტიქსენის ბიოშეღწევადობა პერორალური მეთოდით მიღებისას, შეადგენს დაახლოებით 50%. ქლორპროტიქსენი ნაწლავებიდან სწრაფად აბსორბირდება, სისხლის შრატში მისი მაქსიმალური კონცენტრაცია მიიღწევა 1-4 საათის შემდეგ. ნახევრად გამოყოფის პერიოდი კი საშუალოდ შეადგენს 15 საათს. ქლორპროტიქსენი აღწევს პლაცენტურ ბარიერში და მცირე რაოდენობით გამოიყოფა რძესთან ერთად. მეტაბოლიტებს არ გააჩნია ნეიროლეფსიური აქტიობა, გამოიყოფა განავალთან და შარდთან ერთად.

ჩვენებები:

ტრუქსალი წარმოადგენს სედატიურ ნეიროლეფსიურ საშუალებას ჩვენების ფართო სპექტრით. რომელიც მოიცავს:

• ფსიქოზებს, შიზოფრენიისა და მანიაკური მდგომარეობის ჩათვლით, რომლებსაც თან სდევს ფსიქომოტორული აგზნება, აჟიტაცია და მოუსვენრობა;
• აბსიტენტური ნაბახუსევი სინდრომი ალკოჰოლიზმისას და ნარკომანიისას;
• ჰეროინზე დამოკიდებულების სამკურნალოდ სხვა პრეპარატებთან კომპლექსში;
• ჰიპერაქტიურობა, გაღიზიანებადობა, აგზნება, ხანდაზმულ პაციენტებში ცნობიერების დარღვევა;
• ბავშვებში ქცევის მოშლილობა.

ქირურგიაში:

• პრემედიკაცია; პოსტოპერაციულ პერიოდში; დამწვრობით გამოწვეულ ავადმყოფთა მოუსვენრობისას.

დერმატოლოგიაში:

• დერმატიზებისას, რომელთაც თან სდევთ აუტანელი ქავილი (ნეიროდერმიტი, სებორეული დერმატიტი და სხვა);
• დეპრესიული მდგომარეობები, ნევროზები, ფსიქომოტორული მოშლილობები, მათ შორის დეპრესიული მდგომარეობა კლიმაქსის პერიოდში;
• უძილობა;
• პირღებინება;
• ტკივილი (ანალგეტიკებთან კომბინაციაში).

მიღების წესი და დოზირება:

ფსიქოზები, შიზოფრენიისა და მანიაკალური მდგომარეობების ჩათვლით.

მკურნალობა იწყება პრეპარატის 50-100 მგ-ს დღეში დანიშვნით და დოზა ნელ-ნელა უნდა გაიზარდოს ოპტიმალური ეფექტის მისაღწევად როგორც წესი 300 მგ-მდე დღეში. ცალკეულ შემთხვევაში დოზა შეიძლება გაიზარდოს 1200 მგ-მდე დღეში. შემანარჩუნებელი დოზა, როგორც წესი შეადგენს 100-200 მგ-ს დღეში.

ტრუქსალის სადღეღამისო დოზა, როგორც წესი, იყოფა 2-3 მიღებაზე, ტრუქსალის გამოხატული სედატიური მოქმედების გათვალისწინებით, რეკომენდებულია დაინიშნოს სადღეღამისო დოზის შედარებით მცირე ნაწილი დღის განმავლობაში, უფრო დიდი კი - საღამოს.

ალკოჰოლური აბსტინენტური სინდრომი ალკოჰოლიზმის და ნარკომანიის დროს.

სადღეღამისო დოზა, რომელიც იყოფა 2-3  მიღებაზე, შეადგენს 500 მგ-ს, მკურნალობის კურსი როგორც წესი, შეადგენს 7 დღეს. აბსტინენტაციის გამოხატვის შეწყვეტის შემდეგ, დოზა ნელ-ნელა უნდა შემცირდეს. შემანარჩუნებელი დოზა, 15-45 მგ დღე-ღამეში, ახდენს  მდგომარეობის სტაბილიზაციას, ამცირებს მომდევნო რეციდივის განვითარების საშიშროებას. ჰეროინზე დამოკიდებულების სამკურნალოდ უნდა დაინიშნოს დოზა 50-400 მგ-მდე დღე-ღამეში (3-4 მიღებაში) ნარკოტიკის მიღების შეწყვეტიდან 5-8 დღეს.

ხანდაზმულ პაციენტებში ჰიპერაქტიურობის, აგრესიულობის, აგზნებადობის, ცნობიერების დარღვევის შემთხვევაში ინიშნება 15-90 მგ დღე-ღამეში. სადღეღამისო დოზა, როგორც წესი, ნაწილდება 3 მიღებაზე.

ბავშვებში ქცევის დარღვევის კორექციისათვის ტრუქსალი ინიშნება შემდეგი გამოთვლით -0.5 მგ წონის 1 კილოგრამზე.

დეპრესიული მდგომარეობები, ნევროზები, ფსიქოსომატიური მოშლილობები:

ტრუქსალი შეიძლება გამოვიყენოთ დეპრესიებისას, განსაკუთრებით თუ მათ თან სდევს შფოთვა, როგორც ანტიდეპრესანტებით მკურნალობისას, დანამატის სახით ან დამოუკიდებლად. ტრუქსალი შეიძლება დაინიშნოს ნევროზების და ფსიქომოტორული დარღვევებისას, რომელთაც თან სდევს შფოთვა და დეპრესიული მოშლილობები, ძილის წინ 30 მგ დოზით. რადგანაც ტრუქსალის მიღება არ იწვევს შეჩვევას ან წამლის მიმართ დამოკიდებულებას, შესაძლებელია მისი ხანგრძლივი გამოყენება.

უძილობა: საღამოს 1 საათით ძილამდე  უნდა დაინიშნოს 15-30 მგ.

ტკივილები: ტრუქსალის თვისება მოახდინოს ანალგეტიკების მოქმედების პოტენცირება შეიძლება იყოს გამოყენებული პაციენტების მკურნალობისას, რომელთაც აწუხებთ ტკივილები. ამ შემთხვევაში, ტრუქსალი უნდა დაინიშნოს ანალგეტიკებთან კომპლექსში 15-დან 300 მგ-მდე დოზირებით. პირღებინებისს 12.5-25 მგ დღე-ღამეში.

გვერდითი მოვლენები:

♦ ძილიანობა, ტაქიკარდია, სიმშრალე პირის ღრუში, გაძლიერებული ოფლიანობა ან აკომოდაციის დარღვევა. ეს გვერდითი მოვლენები, რომლებიც როგორც წესი, თავს იჩენენ თერაპიის დასაწყისში, ხშირად ქრება მისი ხანგრძლივობის შესაბამისად. შეიძლება ადგილი ჰქონდეს ორთოსტატულ ჰიპოტენზიას, განსაკუთრებით თუ ტრუქსალის გამოყენება დიდი დოზებით ხდება.

♦ თავბრუსხვევა, დისმენორეა, კანის ანთებები, ყაბზობა იშვიათად არის გამოვლენილი. განსაკუთრებით იშვიათია ექსტრაპირამიდული სიმპტომები. გამოვლენილია კრუნჩხვითი ზღურბლის შემცირების ცალკეული შემთხვევები.

♦ ტრანზიტული კეთილთვისებიანი ლეიკოპენიისა და ჰემოლიზური ანემიის განვითარება. ხანგრძლივი გამოყენების შემთხვევაში, განსაკუთრებით დიდი დოზებით გამოვლენილია: ქოლესტატური სიყვითლე, ტაქიკარდია, გალაქტორეა, გინეკომასტია, პოტენციისა და ლიბიდოს დაქვეითება, მადის გაზრდა, სხეულის წონის მომატება.

უკუჩვენებები:

* ალკოჰოლით მწვავე მოწამვლა, ბარბიტურატებით და ოპიატებით.

* ტრუქსალი, შეძლებისდაგვარად არ უნდა დაენიშნოს ორსულ ქალებს და ბავშვის ძუძუთი კვების პერიოდში.

განსაკუთრებული მითითებები:

◄ ტრუქსალი სიფრთხილით უნდა დაენიშნოს პაციენტებს, რომელთაც აწუხებთ ეპილეფსია, პარკინსონიზმი, თავის ტვინის სისხლძარღვების გამოხატული ათეროსკლეროზი, კოლაფსის მიმართ მიდრეკილება გამოხატული გულის სისხლძარღვებისა და სასუნთქი გზების უკმარისობა;

◄ გამოხატული ღვიძლისა და თირკმელების ფუნქციის დარღვევები, შაქრიანი დიაბეტი, წინამდებარე ჯირკვლის ჰიპერტროფია.

◄ ტრუქსალით მკურნალობამ შეიძლება მოგვცეს ცრუ დადებითი შედეგები ორსულობაზე. შარდის იმუნობიოლოგიური ტესტის ჩატარებისას, სისხლში ბილირუბინის დონის ცრუ მომატება, QT-ის ინტერვალის შეცვლა, მისი ელექტროკარდიოგრამით გაზომვისას.

◄ ტრუქსალით მკურნალობისას რეკომენდებულია თავი შევიკავოთ ალკოჰოლური სასმელებისგან.

◄ თავი უნდა ავარიდოთ გაზრდილ ინსოლაციას.

◄ პრეპარატი ტრუქსალის მიღება უარყოფით ეფექტს ავლენს საქმიანობაზე, რომელიც მოითხოვს ფსიქიკური და ფიზიკური რეაქციების დიდ სისწრაფეს (მაგალითად, სატრანსპორტო საშუალების მართვა, სიმაღლეზე მუშაობა და ა.შ.)

ჭარბი დოზირება:

შესაძლებელია ზემოთ მითითებული გვერდითი მოვლენების გაძლიერება, რომელთა გამოხატვა, როგორც წესი, დამოკიდებულია დოზაზე.

სხვა წამლებთან ურთიერთქმედება:

- ნერვულ სისტემაზე ტრუქსალის დამთრგუნველი მოქმედება შეიძლება გაძლიერდეს ეთანოლთან ერთად მიღებისას, ასევე ეთანოლის შემცველ პრეპარატებთან, საანესთეზიოებთან, ოპიოიდურ ანალგეტიკებთან, სედატიურ პრეპარატებთან, საძილე ნეიროლეფსიურ საშუალებებთან ერთად მიღებისას.

- ქლორპროტიქსენის ანტიქოლინერგიული მოქმედება ძლიერდება მასთან ერთად ანტიქოლინერგული, ანტიჰისტამინური და ანტიპარკინსონული საშუალებებით მკურნალობისას.

- პრეპარატი აძლიერებს ჰიპოტენზიური საშუალებების მოქმედებას.

- ქლორპროტიქსენისა და ადრენალინის ერთდროულმა მიღებამ შეიძლება გამოიწვიოს არტერიული ჰიპოტენზია და ტაქიკარდია.

- ქლოპროტიქსენის გამოყენება იწვევს კრუნჩხვითი აქტივობის შემცირებას, რაც მოითხოვს ანტიეპილეფსიური საშუალებების დოზის დამატებით კორექციას.

- ქლოპროტიქსენის თვისება მოახდინოს დოპამინური რეცეპტორების ბლოკირება, ამცირებს ლევოდოპის მოქმედების აქტიურობას.

- ფენოთიაზინების, მეტოკლოპრამიდის, ჰალოპერიდოლის, რეზერპინის ერთდროული მიღებისას შესაძლებელია ექსტრაპირამიდული მოშლილობები.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: ტაბ. 5 მგ -3 წელი;

ტაბ. 25 მგ - 5 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

TROXERUTIN

მწარმოებელი: KIEVMEDPREPARAT

მოქმედი ნივთიერება: ტროქსერუტინი

კლინიკურ-ფარმაკოლოგიური ჯგუფი:

კაპილარომასტაბილიზებელი საშუალება

შემადგენლობა და გამოშვების ფორმა:

გელი: ტუბში 30 გ

1 გ

ტროქსერუტინი ........   20 მგ

ვრცლად ტროქსერუტინი სოფარმა

საერთაშორისო დასახელება:

TROXERUTIN

მწარმოებელი: SOPHARMA, ბულგარეთი

მოქმედი ნივთიერება: ტროქსერუტინი

კლინიკურ-ფარმაკოლოგიური ჯგუფი:

ვენების მატონიზირებელი და ანგიოპროტექტორული საშუალება.

შემადგენლობა და გამოშვების ფორმა:

მყარი ჟელატინის კაფსულები: შეფუთვაში 50 ც.

1 დრაჟე

ტროქსერუტინი ............  300 მგ

დამხმარე ნივთიერებები:

ლაქტოზას მონოჰიდრატი, კაჟბადის კოლოიდური დიოქსიდი უწყლო, მაკროგოლი, მაგნიუმის სტეარატი.

გელი 2%: ტუბში 40 გ

40 გ

ტროქსერუტინი ...........       800 მგ

დამხმარე ნივთიერებები:

კარბომერი 940, დინატრიუმის ედეტატი, ბენზალკონიუმის ქლორიდი, ნატრიუმის ჰიდროქსიდი, გასუფთავებული წყალი.

ფარმაკოლოგიური თვისებები:

ტროქსერუტინი სოფარმა ახდენს ვენების მატონიზირებელ, ანთებისა და შეშუპების საწინააღმდეგო მოქმედებას;

სისხლძარღვის კედელზე თრომბოციტების მიმაგრების შეფერხებით ამცირებს ექსუდაციურ ანთებას; აქვეითებს კაპილარების განვლადობას. ამყარებს სისხლძარღვის კედელს; გააჩნია ანტიოქსიდანტური და P-ვიტამინური აქტივობა. ტროქსერუტინით მკურნალობის შედეგად ფეხებში ქრება სიმძიმის შეგრძნება, მცირდება ქსოვილების შეშუპება, უმჯობესდება ტროფიკა.

ჩვენებები:

• ქრონიკული ვენური უკმარისობა;
• ვენების ვარიკოზული გაგანიერება და ვარიკოზული დერმატიტი;
• ზედაპირუდი თრომბოფლებიტი, პერიფლებიტი და ფლებოთრომბოზი;
• პოსტთრომბოზული სინდრომი;
• პოსტტრავმული შეშუპება, ჰემატომა;
• ბუასილი;
• დიაბეტური რეტინოპათია კომპლექსურ თერაპიაში.

მიღების წესი და დოზირება:

კაფსულები: 2-3 კაფსულა დღეში ჭამის დროს სითხის მიყოლებით. შემანარჩუნებელი მკურნალობა: 1 კაფსულა 3-4 კვირის განმავლობაში.

გელის შეზელა ხდება დაზიანებული ადგილას მსუბუქი მოძრაობებით სრულ შეწოვამდე 2-ჯერ დღე-ღამეში - დილით და საღამოს. საჭიროების შემთხვევაში გელის გამოყენება შეიძლება კომპრესების სახით.

გვერდითი მოვლენები:

იშვიათად ხანგრძლივი გამოყენების დროს გელმა შესაძლებელია გამოიწვიოს კანის სიწითლე და ქავილი.

უკუჩვენებები:

* ჰიპერმგრძნობელობა ტროქსერუტინის ან დამხმარე ნივთიერებების მიმართ.

ორსულობა და ლაქტაცია:

კაფსულები: არ არის რეკომენდებული ორსულობის პირველ ტრიმესტრში.

გელი: ორსულ და მეძუძურ ქალებში ტროქსერუტინის გელის დანიშვნის უკუჩვენება არ არსებობს.

განსაკუთრებული მითითებები:

♦ გელის ხანგრძლივად გამოყენებამ შესაძლოა გამოიწვიოს ჰიპერმგრძნობელობის განვითარება.

♦  პრეპარატის გამოყენება თერაპიულ დოზებში არ ახდენს გავლენას სატრანსპორტო საშუალებების მართვის უნარზე, აგრეთვე იმ სამუშაოების შესრულებაზე, რომლებიც მოითხოვენ ყურადღების მაღალ კონცენტრაციას.

ჭარბი დოზირება:

აღწერილი არ არის.

სხვა წამლებთან ურთიერთქმედება:

მონაცემები ტროქსერუტინის გელის სხვა წამლებთან ურთიერთქმედების შესახებ არ არსებობს.

შენახვის პირობები:

პრეპარატი ინახება არა უმეტეს 25⁰C ტემპერატურაზე.

ვარგისიანობის ვადა: 5 წელი. შეფუთვის გახსნის შემდეგ გელის გამოყენება შეიძლება 1 თვის განმავლობაში.

საერთაშორისო დასახელება:

TROXERUTIN          

მწარმოებელი: LECHIVA

მოქმედი ნივთიერება: ტროქსერუტინი

კლინიკურ-ფარმაკოლოგიური ჯგუფი:

ანგიოპროტექტორი და მიკროცირკულაციის კორექტორი

შემადგენლობა და გამოშვების ფორმა:

გელი 2%: ტუბში 40 მგ

40 გ

ტროქსერუტინი ..........   800 მგ

ვრცლად ტროქსერუტინი სოფარმა