ფარმაკოლოგიური თვისებები

პრეპარატი წარმოადგენს ერთ-ერთ ყველაზე აქტიურ ანტიფსიქოზურ საშუალებას, რომელიც ხასიათდება ნეიროლეფსიური ეფექტით. პრეპარატი ავლენს სედატიურ ზემოქმედებას ჰალუცინაციურ-ბოდვითი და ჰალუცინატორული მდგომარეობის დროს. პრეპარატს გააჩნია ღებინების საწინააღმდეგო და გამოხატული კატალეფსიური მოქმედება.

ფარმაკოკინეტიკა

პრეპარატს გააჩნია აბსორბციის მაღალი ხარისხი, პლაზმის ცილებთან მისი კავშირი შეადგენს 95%-ს, ხოლო ბიოშეღწევადობა - 35%-ს. სისხლის პლაზმაში პრეპარატის მაქსიმალური კონცეტრაცია აღინიშნება 2-4 სთ-ის შემდეგ. იგი ინტენსიურად მეტაბოლიზდება ფარმაკოლოგიურად არააქტიურ მეტაბოლიტებად.

ჩვენებები

• ტრიფლუოპერაზინი გამოიყენება შიზოფრენიის, განსაკუთრებით პარანოიდული ფორმის, აპათიურაბულიური სინდრომის, აგრეთვე დაავადებების დუნედ მიმდინარე ისეთი ფორმების სამკურნალოდ, როგორიციაა შიზოფრენია გამოხატული ჰალუცინაციურ-პარანოიდული, ფსიქოზისა და ნევროზის მსგავსი, იპოქონდრიული, სენესტოპათური სიმპტომებით, სამკურნალოდ.
• პრეპარატი გამოიყენება აგრეთვე იმ ფსიქიური დაავადებების სამკურნალოდ, რომლებიც მიმდინარეობენ ბოდვითი სიმპტომებითა და ჰალუცინაციებით: ალკოჰოლით გამოწვეული ჰალუცინაციები და პარანოიდები, ინვოლუციური ფსიქოზები და ნევროზები;
• პრეპარატი შესაძლებელია გამოვიყენოთ როგორც ღებინების საწინააღმდეგო საშუალება.

დოზირების რეჟიმი

პრეპარატი მიიღება ჭამის შემდეგ. ერთჯერადი დოზა მკურნალობის დასაწყისში შეადგენს 5 მგ-ს. შემდგომში მას თანდათანობით ზრდიან 5 მგ-ით, დღეღამური დოზა შეადგენს 30-80 მგ-ს (ცალკეულ შემთხვევებში 100-120 მგ-მდე).

დღეღამურ დოზას ყოფენ 2-4 მიღებაზე. სასურველი ეფექტის მიღწევისას შემდგომში ოპტიმალურ დოზას ნიშნავენ 1-3 თვის განმავლობაში, რომელსაც თანდათანობით ამცირებენ 5-20 მგ-მდე დღეღამეში. ბოლო დოზებს შემდგომში იყენებენ ეფექტის შემანარჩუნებელი დოზის სახით.

- დეპრესიულ-ჰალუცინაციური და დეპრესიულ-ბოდვითი მდგომარეობის სამკურნალოდ პრეპარატი გამოიყენება ანტიდეპრესანტებთან კომბინაციაში.

- ღებინების სიმპტომების კუპირებისათვის პრეპარატი ინიშნება 1-4 მგ-ის ოდენობით დღეში.

პრეპარატით მკურნალობა მკაცრად ინდივიდუალურია და დამოკიდებულია დაავადების მიმდინარეობაზე. მკურნალობის კურსი შეადგენს 3-9 თვეს, ხოლო ცალკეული შემთხვევებში უფრო მეტ ხანს. დაავადების კლინიკური სურათის მიხედვით პრეპარატი შესაძლებელია მიღებულ იქნას სხვა ნეიროლეფსიურ ან ტრანკვილიზურ სამკურნალო საშუალებებთან კომბინაციაში (მაგრამ არა ანტიდეპრესიულ საშუალებებთან).

გვერდითი მოვლენები

პრეპარატის მიღებისას ხშირად აღინიშნება ექსტრაპირამიდული დარღვევები (დისკინეზიები, აკინეტო-რიგიდული მოვლენები, აკატიზია, ჰიპერკინეზები, ტრემორი, ვეგეტატური დარღვევები). კორექციის მიზნით გამოიყენება ანტიპარკინსონული საშუალებები - ტროპაცინი, ციკლოდოლი და სხვა. დისკინეზიები (კისრის, ენის, პირის ღრუს ძირის, კუნთების პაროქსიზმული კრუნჩხვები, ოკულოგირული კრიზი) კუპირდება კოფეინის ნატრიუმის ბენზოატით (2 მლ 20% ხსნარი კანქვეშ) ან ამინაზინით (1-2 მლ 2.5% ხსნარი კუნთებში).

იშვიათ გვერდით მოვლენებს წარმოადგენს ტოქსიური ჰეპატიტი, აგრანულოციტოზი. მკურნალობის დასაწყისში შესაძლებელია აღინიშნოს ძილიანობა, არტერიული წნევის უმნიშვნელო დაქვეითება.

უკუჩვენებები

* ღვიძლის მწვავე და ქრონიკული ანთებითი დაავადებები;

* გულის დაავადებები, რომელიც მიმდინარეობს გამტარობის დარღვევით და დეკომპენსაციით;

* ორსულობის პერიოდი, თირკმელების მძიმე დარღვევები.

განსაკუთრებული მითითებები

მკურნალობის პერიოდში არ არის რეკომენდებული იმ სამუშაოების შესრულება, რომლებიც მოითხოვენ ყურადღების მაქსიმალურ კონცენტრირებას (მაგ. ავტომობილისა და მექანიზმების მართვა).

პრეპარატის გამოყენებისას ხანდაზმულ პაციენტებში შესაძლებელია შეუქცევადი დისკინეზური მოვლენების განვითარება.

გვიანი დისკინეზიის ნიშნების გამოვლენისას რეკომენდებულია მკურნალობის შეწყვეტა.

ჭარბი დოზირება

მოსალოდნელია გვერდითი მოვლენების გაძლიერება.

სხვა წამლებთან ურთიერთქმედება

პრეპარატი შეუთავსებელია ეთანოლთან და იმ სამკურნალო საშუალებებთან, რომლებიც თრგუნავენ ცნს-ს.

საერთაშორისო დასახელება:

AMOXICILLIN; SULBACTAM

მწარმოებელი: LABORATORIOS BAGO S.A., არგენტინა

მოქმედი ნივთიერება: ამოქსიცილინი+სულბაქტამი

კლინიკურ-ფარმაკოლოგიური ჯგუფი:

ნახევრადსინთეზური პენიცილინი+ბეტა-ლაქტამაზას ინჰიბიტორი.

შემადგენლობა და გამოშვების ფორმა:

ტრიფამოქსი იბლ 6750

ფხვნილი ი/ვ და ი/მ საინექციო ხსნარის მოსამზადებლად: ფლაკონში, შეფუთვაში 1 ც.

1 ფლ.

ამოქსიცილინი (ნატრიუმის სახით) ..........         500 მგ

სულბაქტამი

(სულბაქტამის ნატრიუმის სახით) .............        250 მგ

ტრიფამოქსი იბლ 1500

ფხვნილი ი/ვ და ი/მ საინექციო ხსნარის მოსამზადებლად: ფლაკონში, შეფუთვაში 1 ც.

1 ფლ.

ამოქსიცილინი (ნატრიუმის სახით) ..........      1000 მგ

სულბაქტამი

(სულბაქტამის ნატრიუმის სახით) ..............     500 მგ

ტრიფამოქსი იბლ 500

შემოგარსული ტაბლეტები: შეფუთვაში 16 ც.

1 ტაბ.

ამოქსიცილინი (ტრიჰიდრატის სახით) ........... 250 მგ

სულბაქტამი

(სულბაქტამის სახით) ............................       250 მგ

ტრიფამოქსი იბლ 1000

შემოგარსული ტაბლეტები: შეფუთვაში 8 ც.

1 ტაბ.

ამოქსიცილინი (ტრიჰიდრატის სახით) .............  500 მგ

სულბაქტამი

(პივოქსილსულბაქტამის სახით) ...................     500 მგ

დამხმარე ნივთიერებები:

პოლიეთილენგლიკოლი 6000, ბადისებრი კარბოქსიმეთილცელულოზა, პოვიდონი, მაგნიუმის სტეარატი, სილიციუმის კოლოიდური დიოქსიდი, მიკროკრისტალური ცელულოზა, ოპადრი II 530 - 18056, ყვითელი 10 რკინის ოქსიდი, გასუფთავებული წყალი.

ტრიფამოქსი იბლ 250

ფხვნილი პერორალური სუსპენზიის მოსამზადებლად: ფლაკონში 60 მლ

5 მლ

ამოქსიცილინი (ტრიჰიდრატის სახით) ........   125 მგ

სულბაქტამი

(პივოქსილსულბაქტამის სახით) ...............      125 მგ

ტრიფამოქსი იბლ 500

ფხვნილი პერორალური სუსპენზიის მოსამზადებლად: ფლაკონში 60 მლ

5 მლ

ამოქსიცილინი (ტრიჰიდრატის სახით) ........... 250 მგ

სულბაქტამი

(პივოქსილსულბაქტამის სახით) ...................     250 მგ

დამხმარე ნივთიერებები:

კარბოქსიმეთილცელულოზა, ნატრიუმის ქლორიდი, ნატრიუმის ბენზოატი, სილიციუმის კოლოიდური დიოქსიდი, ბანანის არომატიზატორი, ყვითელი ქინოლინი, საქაროზა.

ფარმაკოლოგიური თვისებები:

ამოქსიცილინი მოქმედებს ბაქტერიოციდულად, აინჰიბირებს ბაქტერიის უჯრედის კედლის სინთეზს. ტრიფამოქსი აქტიურია აერობული გრამდადებითი ბაქტერიების მიმართ (მათ შორის ბეტა-ლაქტამაზას მაპიროდუცირებელი შტამები): Staphylococcus aureus, Staphylococcus epidermidis, Staphylococcus saprophyticus, Streptococcus pyogenes, Streptococcus anthracis, Streptococcus pneumoniae, Streptococcus viridans, Enterococcus faecalis, Corynebacterium spp., Listeria monocytogenes; ანაერობული გრამ-დადებითი ბაქტერიები: Clostridium spp., Peptococcus spp., Peptostreptococcus spp.; არობული გრამ-უარყოფითი ბაქტერიები (β-ლაქტამაზას მაპროდუცირებელი შტამების ჩათვლით): Escherichia coli, Proteus mirabilis, Proteus vulgaris, Klebsiella spp., Salmonella spp., Shigella spp., Bordetella pertussis, Yersinia enterocolitica, Yersinia multocida, Gardnerella vaginalis, Neisseria meningitidis, Neisseria gonorrhoeae, Moraxella catarrhalis, Haemophilus influenzae, Haemophilus ducreyi, Campylobacter jejuni, Acinetobacter spp.; ანაერობული გრამ-უარყოფიტი ბაქტერიები (β--ლაქტამაზას მაპროდუცირებელი შტამების ჩათვლით: Bacteroides spp., Bacteroides fragilis-ის ჩათვლით.

სულბაქტამი - ბეტა-ლაქტამაზას შეუქცევადი ინჰიბიტორი, რომელიც ეფექტურად მოქმედებს ბეტა-ლაქტამური ანტიბიოტიკების მონოთერაპიის მიმართ რეზისტენტული მიკროორგანიზმების წინააღმდეგ. სულბაქტამი აფართოებს  მოქმედების სპექტრს ამოქსაცილინისადმი რეზისტენტული მიკროორგანიზმების მიმართ, ისე, რომ არ ცვლის ამოქსაცილინის მიმართ მგრძნობიარე შტამების მიმართ მის აქტივობას. საკუთრივ კლინიკური მნიშვნელობის ანტიბაქტერიული მოქმედება სულბაქტამს არ აქვს, გამონაკლისია Neisseria spp. და Acinetobacter spp.

ფარმაკოკინეტიკა;

ამოქსიცილინი ნაწილდება უმეტესად ქსოვილებში და ბიოლოგიურ სითხეებში, აღწევს პლაცენტის ბარიერში და გადადის დედის რძეში. 20% უერთდება პლაზმის ცილებს. ამოქსიცილინი ძირითადად გამოიყოფა თირკმელებით 70-80% (არხებიდან სეკრეციისა და გორგლოვანი ფილტრაციის გზით) და სანაღვლე გზით (5-10%), და სანაღვლე გზით (5-10%).

სულბაქტამის ბიოშეღწევადობა პარენტერალური მიღების შემდეგ შეადგენს დაახლოებით 100%-ს. პერორალური მიღების შემდეგ პრეპარატის ორივე კომპონენტი სწრაფად აბსორბირდება კნტ-დან. ამოქსიცილინის ბიოშეღწევადობა 80%.

საკვების მიღება არ მოქმედებს პრეპარატის ფარმაკოკინეტიკაზე, სისხლში მისი C_max მიიღწევა 1-2სთ-ში, თირკმლის ნორმალური ფუნქციის მქონე პაციენტებში ნახევარგამოყოფის პერიოდი შეადგენს 1 სთ-ს. ამოქსიცილინი აღწევს უმეტესობა ქსოვილებში და ბიოლოგიურ სითხეებში, აღწევს პლაცენტის ბარიერში და გადადის დედის რძეში. 20% უერთდება პლაზმის ცილებს. ამოქსიცილინი აქტიური მეტაბოლიტის სახით ძირითადად გამოიყოფა თირკმელებით 70-80% (არხებიდან სეკრეციისა და გორგლოვანი ფილტრაციის გზით) და სანაღვლე გზით (5-10%).

პერორალური მიღების შემდეგ პივოქსილსულბაქტამი ჰიდროლიზდება კნტ-ში, რაც აუმჯობესებს სულბაქტამის შეწოვას. სისხლში მისი C_max მიიღწევა 1-2 სთ-ში. 40% უერთდება პლაზმის ცილებს. ნახევარგამოყოფის პერიოდი შეადგენს 1 სთ-ს. იგი ძირითადად გამოიყოფა შარდის მეშვეობით, უცვლელი სახით (75-85%).

სულბაქტამი არ ახდენს ზეგავლენას ამოქსიცილინის ფარმაკოკინეტიკაზე.

ჩვენებები:

პრეპარატისადმი მგრძნობიარე მიკროორგანიზმებით გამოწვეული ინფექციური დაავადებები:

• სასუნთქი გზების ინფექციები (ბრონქიტი, პნევმონია, პლევრის ემპიემა, ფილტვის აბსცესი);
• ლორ-ორგანოების ინფექციები (სინუსიტი, ტონზილიტი, შუა ყურის ანთება);
• სანაღვლე გზების ინფექციები (ქოლანგიტი, ქოლეცისტიტი), ნაწლავური ინფექციები (დიზენტერია, სალმონელოზი, სალმონელას მატარებლობა), Helicobacter pilori-ის ერადიკაციისთვის კომპლექსურ თერაპიაში;
• შარდ-სასქესო სისტემის ინფექციები და მცირე მენჯის ღრუს ანთებითი პროცესები (პიელონეფრიტი, პიელიტი, ცისტიტი, ურეთრიტი, პროსტატიტი, ცერვიციტი, ტუბოვარიული აბსცესი, სალპინგიტი, სალპინგოოფორიტი, ენდომეტრიტი, ბაქტერიული ვაგინიტი, სეპტიური აბორტი, მშობიარობის შემდგომი სეფსისი, პელვიოპერიტონიტი, რბილი შანკრი, გონორეა);
• კანისა და რბილი ქსოვილების ინფექციები (იმპეტიგო, მეორადად ინფიცირებული დერმატოზი, აბსცესი, ფლეგმონა, ინფიცირებული ჭრილობა);
• პოსტოპერაციული ინფექციები.;
• ოსტეომიელიტი, ენდოკარდიტი, მენინგიტი, სეფსისი, პერიტონიტი;
• ინფექციური გართულებების პროფილაქტიკა ქირურგიული ჩარევისას.

მიღების წესი და დოზირება:

მოზრდილებში და 12 წელზე უფროსი ასაკის ბავშვებში: ტრიფამოქსი იბლ 750 მგ-1500 მგ ყოველ 8 საათში ღრმად ინტრამუსკულურად, ინტრავენური ინექცია ან ინტრავენური ინფუზია.

ბავშვებში: ტრიფამოქსი იბლ 60-75 მგ:კგ-დღეში (ამოქსიცილინი 40-50 მგ/კგ+20-25 მგ/კგ სულბაქტამის) ინექცია კეთდება 2-3-ჯერ.

ტრიფამოქსი 750:

2 წლამდე: 1/4-1/2 ფლაკონი ყოველ 8-12 სთ-ში.

2-6 წელი: ფლაკონი ყოველ 6-8 სთ-ში.

6-12 წელი: 1 ფლაკონი ყოველ 6-8 სთ-ში.

გრამ-უარყოფითი მიკროორგანიზმებით გამოწვეული მძიმე ინფექციების შემთხვევაში აღნიშნული დოზა შესაძლებელია გაიზარდოს 150 მგ/კგ-მდე (ამოქსიცილინი 100 მგ/ კგ და სულბაქტამი 50 მგ/კგ).

მკურნალობის ხანგრძლივობა 14 დღემდე.

პოსტოპერაციული ინფექციების პროფილაქტიკისათვის გამოიყენება 1 გ (ამოქსიცლინი) ი/ვ/, როცა ოპერაციის ხანგრძლივობა 1 სთ-ზე ნაკლებია. ოპერაციის უფრო ხანგრძლივად მიმდინარეობისას 1 გ (ამოქსიცილინი) ყოველ 6 სთ-ში 1 დღეღამე. ინფიცირების მაღალი რისკის დროს პრეპარატის გამოყენება შეიძლება გაგრძელდეს რამოდენიმე დღე.

თირკმლის ქრონიკული უკმარისობისა (დოზირება ამოქსიცილინის მიხედვით): კრეატინინის კლირენსი 10-30 მლ/წთ: მკურნალობას იწყებენ 1 გ ი/ვ/, შემდეგ 500 მგ ი/ვ ან  250-500 მგ ერთხელ დღე-ღამეში.

პრეპარატი ი/ვ და ი/მ შეყვანისას იხსნება 5 მლ საინექციო წყალში. ვენაში ინექცია კეთდება 3 წუთის განმავლობაში. ვენაში შესაყვანი ინფუზიის გამხსნელად შეიძლება შემდეგი საინფუზიო ხსნარების გამოყენება:

ტაბლეტები: მოზრდილებში და 12 წელზე უფროსი ასაკის ბავშვებში: ტრიფამოქსი იბლ 500 ან ტრიფამოქსი იბლ 1000, 1 ტაბლეტი ყოველ 8 საათში.

პერორალური სუსპენზია: 50-100 მგ/კგ-დღეში (25-50 მგ ამოქსიცილინი+25-50 მგ სულბაქტამი).

2 წლამდე: ტრიფამოქსი იბლ 250 - 5 მლ 8 სთ-ში ერთხელ ან 7.5 მლ 12 სთ-ში ერთხელ.

ტრიფამოქსი იბლ 500 - 2.5 მლ 8 სთ-ში ერთხელ ან 3.7 მლ 12 სთ-ში ერთხელ.

2-6 წელი: ტრიფამოქსი იბლ 250 - 10 მლ 8 სთ-ში ერთხელ. ტრიფამოქსი იბლ 500 - 5 მლ 8 სთ-ში ერთხელ ან 7.5 მლ 12 სთ-ში ერთხელ.

6-12 წელი: ტრიფამოქსი იბლ 500 - 7.5 მლ 8 სთ-ში ერთხელ ან 10 მლ 12 სთ-ში ერთხელ.

2 წლამდე ასაკში რეკომენდებულია ტრიფამოქსის სუსპენზიის მიღება.

გვერდითი მოვლენები:

საჭმლის მომნელებელი სისტემის მხრივ: გულისრევა, ღებინება, დიარეა, იშვიათად - ღვიძლის ფუნქცის დარღვევა (ღვიძლის ფერმენტების აქტივობის ტრანზიტორული მომატება), ერთეულ შემთხვევებში - ქოლესტაზური სიყვითლე, ჰეპატიტი, ფსევდომემბრანოზული კოლიტი.

ალერგიული რეაქციები: ურტიკარია, კვინკეს შეშუპება, იშვიათად -მულტიფორმული ექსუდაციური ერითემა, ანგიონევროზული შეშუპება, ანაფილაქსიური შოკი. ერთეულ შემთხვევებში - ექსფოლიაციური დერმატიტი, სტივენს-ჯონსონის სინდრომი.

ადგილობრივი რეაქცია: ერთეულ შემთხვევებში - ფლებიტი ივ/ შეყვანისას.

სხვა: კანდიდოზი, სუპერინფექციის განვითარება, პროთრომბინული დროის შექცევადი გაზრდა.

თირკმლის ქრონიკული უკმარისობის მქონე პაციენტებში პარენტერალურად პრეპარატის მაღალი დოზებით გამოყენებისას შეიძლება განვითარდეს კრუნჩხვა.

უკუჩვენებები:

* ჰიპერმგრძნობელობა პრეპარატის მიმართ.

* პენიცილინთან და/ან ცეფალოსპორინებთან დაკავშირებული ალერგიული რეაქციები.

* ინფექციური მონონუკლეოზი;

* არასპეციფიური წყლულოვანი კოლიტი (დაკავშირებული ანტიბიოტიკების მიღებასთან).

ორსულობა და ლაქტაცია:

* პრეპარატი ორსულობის დროს ინიშნება მხოლოდ იმ შემთხვევაში, როდესაც სარგებელი დედისათვის აღემატება ნაყოფისათვის პოტენციურ რისკს.

* ტრიფამოქსი გადადის დედის რძეში, ამიტომ პრეპარატის მიღებისას საჭიროა ძუძუთი კვების შეწყვეტა.

განსაკუთრებული მითითებები:

♦ პრეპარატის ხანგრძლივი გამოყენებისას საჭიროა თირკმლის და ღვიძლის ფუნქციის კონტროლი.

♦ სოკოვანი ან ბაქტერიული სუპერინფექციის განვითარებისას (გამოწვეული Pseudomona და Candida-ს მიერ) საჭიროა პრეპარატის მიღების შეწყვეტა.

ჭარბი დოზირება:

სიმპტომები: კუჭ-ნაწლავის ტრაქტის მხრივ (გულისრევა, ღებინება, დიარეა) და წყალ-ელექტროლიტური ბალანსის დარღვევა.

მკურნალობა: სიმპტომური. ეფექტურია ჰემოდიალიზი.

სხვა წამლებთან ურთიერთქმედება:

- ანტაციდები, გლუკოზამინი, ყაბზობის სამკურნალო საშუალებები, ამინოგლიკოზიდები აფერხებენ და ამცირებენ ტრიფამოქსის აბსორბციას;

- ასკორბინის მჟავა ზრდის აბსორბციას.

- ბაქტერიოციდული ანტიბიოტიკები (მათ შორის - ამინოგლიკოზიდები, ცეფალოსპორინები, ციკლოსერინი, ვანკომიცინი, რიფამპიცინი) ახდენენ სინერგიულ მოქმედებას. ბაქტერიოსტატული ანტიბიოტიკები (მაკროლიდები, ქლორამფენიკოლი, ლინკოზამიდები, ტეტრაციკლინები, სულფანილამიდები) მოქმედებენ ანტაგონისტურად.

- ტრიფამოქსი ამცირებს მეტოტრექსატის გამოყოფას და ზრდის მის ტოქსიურობას.

- ტრიფამოქსი ზრდის არაპირდაპირი ანტიკოაგულანტების ეფექტურობას, ამცირებს პერორალური კონტრაცეპტივების ეფექტურობას.

- პრობენეციდი ამცირებს პენიცილინის რენალურ სეკრეციას, რის გამოც იზრდება მისი კონცენტრაცია, ნახევარგამოყოფის პერიოდი და ტოქსიკურობის რისკი.

- ალოპურინოლთან ერთდროული დანიშვნისას იზრდება კანზე გამონაყარის განვითარების რისკი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ ადგილას.

ვარგისიანობის ვადა: 2 წელი.

კლინიკურ–ფარმაკოოგიური ჯგუფი:

TRAZODONE

შემადგენლობა:

ერთი ტაბლეტი კონტროლირებადი გამოყოფით შეიცავს :

აქტიური ინგრედიენტი :

ტრაზოდონის ჰიდროქლორიდის ……………… 75 მგ ან 150 მგ .

არააქტიური ინგრედიენტები : საქაროზა , კარნაუბის სანთელი , პოვიდონი

( პოლივინილპიროლიდონი ), მაგნიუმის სტეარატი .

აღწერა :

ოვალური ფორმის ტაბლეტები ორი პარალელური ჭრილით ორივე მხარეზე , თეთრი ან მოყვითალო ფერის .

ფარმაკოთერაპიული ჯგუფი :

ანტიდეპრესანტი

ფარმაკოლოგიური თვისებები:

ტრაზოდონი წარმოადგენს ტრიაზოლოპირიდინის წარმოებულს , გააჩნია მკვეთრი ანტიდეპრესიული მოქმედება გარკვეული სედატიური და ანქსიოლიზური ეფექტი . ტრაზოდონი არ ახდენს ზეგავლენას მონოამინოოქსიდაზაზე ( მაო ), რაც გამოარჩევს მას მაო - ინჰიბიტორებისგან , ტრიციკლური ანტიდეპრესანტებისგან .

სწრაფად მოქმედებს ფსიქიკურ ( აფექტიური დაძაბულობა , გაღიზიანებადობა, შიში , უძილობა ) და სომატურ სიმპტომებზე ( გულისცემა, თავის ტკივილი, კუნთების ტკივილი, გახშირებული შარდვა , ოფლიანობა , ჰიპერვენტილაცია).

ტრაზოდონი ეფექტურია ძილის დარღვევისას პაციენტებში რომელთაც აწუხებთ დეპრესია . იგი აძლიერებს ძილის სიღრმეს და ხანგრძლივობას, აღადგენს მის ფიზიოლოგიურ სტრუქტურასა და ხარისხს.

ტრიტიკო ახდენს ემოციური მდგომარეობის სტაბილიზაციას, აუმჯობესებს განწყობას, ამცირებს პათოლოგიურ ლტოლვას ალკოჰოლისკენ პაციენტებში რომელთაც აწუხებთ ქრონიკული ალკოჰოლიზმი ალკოჰოლური აბსტინენტური სინდრომის პერიოდში, ასევე რემისიისას. აბსტინენტური სინდრომისას პაციენტებში რომელთაც აწუხებთ დამოკიდებულება ბენზოდიაზეპინის წარმოებულების მიმართ, ტრაზოდონი ეფექტურია დეპრესიული მდგომარეობების და ძილის მოშლილობის მკურნალობისას. რემისიის პერიოდში ბენზოდიაზეპინები შეიძლება იყოს შეცვლილი ტრაზოდონით.

პრეპარატი არ იწვევს მიჩვევას .

ხელს უწყობს ლიბიდოსა და პოტენციის აღდგენას როგორც დეპრესიით დაავადებულ პირებში , ასევე მის გარეშეც.

ტრაზოდონის მოქმედების მექანიზმი დაკავშირებულია პრეპარატის მაღალ აფინობასთან ზოგიერთი სეროტონინული რეცეპტორების ქვეტიპების მიმართ, რომელთანაც ტრაზოდონი შედის ანტაგონისტურ ან აგონისტურ ურთიერთმოქმედებაში ქვეტიპის სახეობიდან გამომდინარე და ასევე სპეციფიური უნარით გამოიწვიოს სეროტონინის უკუმიტაცების ინჰიბირება .

ნორადრენალინისა და დოფამინის უკუმიტაცებაზე ნაკლებად მოქმედებს .

პრეპარატი არ მოქმედებს სხეულის მასაზე .

ფარმაკოკინეტიკა:

პრეპარატის აბსორბცია კუჭ - ნაწლავის ტრაქტიდან მისი შიგნით მიღების შემდეგ მაღალია. ტრაზოდონის მიღება საკვების მიღების დროს ან მაშინვე ჭამის შემდეგ ანელებს მის   აბსორბციას , აქვეითებს პრეპარატის მაქსიმალურ კონცენტრაციას სისხლის პლაზმაში და ზრდის მაქსიმალური კონცენტრაციის მიღწევის დროს ( შემდგომში TCmax). პრეპარატის TCmax მიიღწევა 1/2-2 საათის შემდეგ შიგნით მიღების შემდეგ .

პრეპარატი აღწევს ჰისტოჰემატურ ბარიერებში და ასევე ქსოვილებსა და სითხეებში ( ნაღველი , ნერწყვი , რძე ).

პლაზმის ცილებთან კავშირი – 89-95%.

ტრაზოდონი მეტაბოლიზდება ღვიძლში, აქტიური მეტაბოლიტის – 1- მ - ქლოროფენილპიპერაზინის წარმოქმნით. ნახევარგამოყოფის საწყისი   პერიოდი შეადგენს  3-6 საათს, ხოლო მეორე ფაზისას – 5-9 საათს . მეტაბოლიზირებული პრეპარატის ძირითადი ნაწილის გამოყოფა ხორციელდება თირკმელების გავლით შარდთან ერთად – 75%- მდე , და საბოლოოდ სრულდება 98 საათში მიღების შემდეგ; ნაღველთან ერთად გამოიყოფა 20%- მდე .

გამოყენების ჩვენებები:

·  ენდოგენური ბუნების აღგზნებულ - დეპრესიული მდგომარეობა ( მათ შორის ინვოლუციური დეპრესიები );

·     ფსიქოგენური დეპრესიები ( მათ შორის , რეაქტიული და ნევროზული დეპრესიები );

·     აღგზნებულ - დეპრესიული მდგომარეობა ცენტრალური ნერვული სისტემის ორგანული დაავადებების ფონზე ( დემენცია , ალცჰაიმერის დაავადება , ტვინის სისხლძარღვების ათეროსკლეროზი );

·     დეპრესიული მოდგომარეობა ხანგრძლივი ტკივილის სინდრომის დროს;

·     ალკოჰოლური დეპრესიები ;

·     დამოკიდებულება ბენზოდიაზეპინის მიმართ ;

·     ლიბიდოსა და პოტენციის დარღვევა .

უკუჩვენებები:

* მომატებული მგრძნობელობა პრეპარატის მიმართ;

* ორსულობის პერიოდი;

* ლაქტაციის პერიოდი;

* ბავშვები.

სიფრთხილის ზომები:

პრეპარატი სიფრთხილით უნდა დაენიშნოთ პაციენტებს , რომელთაც აწუხებთ AV ბლოკადა, მიოკარდის ინფარქტი ( ადრეული რეაბილიტაციური პერიოდი);

არტერიული ჰიპერტენზია ( შეიძლება საჭირო გახდეს ჰიპოტენზიური პრეპარატების დოზების კორექცია), გულის არითმია, პრიაპიზმი ანამნეზში, თირკმელებისა და / ან ღვიძლის უკმარისობა.

გამოყენების წესი და დოზირება:

ტაბლეტები ინიშნება   ჭამამდე 30 წუთით ადრე ან 2-4 საათის შემდეგ . ტაბლეტები უნდა იქნას მთლიანად მიღებული , დაღეჭვის გარეშე , წყლის საკმარისი რაოდენობის დაყოლებით .

პრეპარატის საწყისი დოზა შეადგენს - 100 მგ - ს , მიიღება ერთხელ ძილის წინ , ჭამის შემდეგ . მეოთხე დღეს დოზა შეიძლება გაიზარდოს 150 მგ - მდე . დოზის შემდგომი ზრდა ოპტიმალური თერაპიული ეფექტის მიღწევის მიზნით უნდა ხდებოდეს 50 მგ / დღეში ყოველი 3-4 დღის განმავლობაში , სანამ არ იქნება მიღწეული ოპტიმალური დოზა . 150 მგ - ზე მეტი სადღეღამისო დოზა უნდა განაწილდეს 2 მიღებაზე , ამასთან უფრო მცირე დოზის მიღება უნდა მოხდეს სადილის შემდეგ , ხოლო ძირითადის – ძილის წინ.

მაქსიმალური სადღეღამისო დოზა ამბულატორულ ავადმყოფებისათვის შეადგენს 450 მგ - ს.

მაქსიმალური სადღეღამისო დოზა სტაციონარული ავადმყოფებისათვის შეადგენს 600 მგ - ს.

ბავშვებში 6-18 წლამდე : საწყისი სადღეღამისო დოზა შეადგენს 1.5 – 2 მგ / კგ / დღეღამეში, რომელიც უნდა განაწილდეს რამდენიმე მიღებაზე . აუცილებლობის შემთხვევაში დოზა ნელ - ნელა შეიძლება გაიზარდოს 6 მგ / კგ / დღეღამეში 3-4 დღის ინტერვალით.

მოხუცებულთათვის და დასუსტებულთათვის საწყისი დოზა შეადგენს 100 მგ / დღეში დაყოფილი მიღებით ან ერთჯერადი მიღებით ძილის წინ. იგი შეიძლება გაიზარდოს ექიმის მეთვალყურეობის ქვეშ პრეპარატის ეფექტურობისა და ათვისების გათვალისწინებით . როგორც წესი დოზა არ აღემატება 300 მგ / დღეღამეში.

ლიბიდოს დარღვევის მკურნალობისას რეკომენდებულია დღიური დოზა 50 მგ - ს ოდენობით.

იმპოტენციის მკურნალობისას , პრეპარატით მონოთერაპიის შემთხვევაში , რეკომენდებულია 200 მგ - ზე დიდი სადღეღამისო დოზა , კომბინირებული თერაპიისას – 50 მგ .

ბენზოდიაზეპინზე დამოკიდებულების რეკომენდირებული მკურნალობის სქემა ეფუძნება ბენზოდიაზეპინის დოზის ეტაპობრივ , ზოგჯერ რამდენიმე თვეზე განაწილებულ რედუქციას . ყოველთვის , როდესაც ხდება ბენზოდიაზეპინის დოზის შემცირება ¼ ან ½ ტაბლეტით , ხდება 50 მგ ტრაზოდონის ერთდროული დამატება . ზემოთ დასახელებული თანაფარდობა უცვლელი რჩება 3 კვირის განმავლობაში , შემდეგ ხდება ბენზოდიაზეპინების დოზის მომდევნო შემცირება მათ სრულ უარყოფამდე . ამის შემდეგ , ხდება ტრაზოდონის დღიური დოზის შემცირება 50 მგ - თი ყოველ 3 კვირაში .

გვერდითი მოვლენები:

ნერვული სისტემისა და ფსიქიკის თვალსაზრისით : გაძლიერებული მოთენთილობა , ძილიანობა , აღგზნებულობა , თავის ტკივილი , თავბრუს ხვევა , სისუსტე , მიალგია , დისკოორდინაცია, პარესთეზია, დეზორიენტაცია, ტრემორი .

გულის სისხლძარღვებისა და სისხლმბადი სისტემის თვალსაზრისით :

არტერიული წნევის დაქვეითება , ორთოსტატური ჰიპოტენზია ( განსაკუთრებით პაციენტებში , რომელთაც აწუხებთ ვაზომოტორული ლაბილურობა ) განპირობებულია პრეპარატის ადრენოლიზური მოქმედებით , არითმია , გამტარიანობის დარღვევა , ბრადიკარდია , ლეიკოპენია და ნეიტროპენია ( როგორც წესი უმნიშვნელო ).

კუჭ - ნაწლავის ტრაქტის მხრივ : პირში სიმწარისა და სიმშრალის შეგრძნება , გულისრევა , პირღებინება , დიარეა , მადის დაქვეითება .

სხვა: ალერგიული რეაქციები , თვალების გაღიზიანება , პრიაპიზმი ( პაციენტებმა რომელთა შემთხვევაში გამოვლინდება დასახელებული გვერდითი ეფექტი დაუყოვნებლივ უნდა შეწყვიტონ პრეპარატის მიღება და მიმართონ ექიმს ).

ჭარბი დოზირება:

სიმპტომები : გულისრევა , ძილიანობა , არტერიული ჰიპოტენზია , გვერდითი ეფექტების გახშირება და დამძიმება .

მკურნალობა : სპეციფიური ანტიდოტი არ არსებობს . დოზის გადაჭარბების შემთხვევაში ტარდება სიმპტომატური მკურნალობა ( კუჭის ამორეცხვა , ფორსირებული დიურეზი

და ა . შ .)

ურთიერთქმედება სხვა სამკურნალო საშუალებებთან:

- ტრაზოდონმა შეიძლება გააძლიეროს ზოგიერთი ჰიპოტენზიური პრეპარატის მოქმედება , რაც როგორც წესი საჭიროებს დოზის შემცირებას .

ერთდროული დანიშვნა პრეპარატებთან რომლებიც თრგუნავენ ცენტრულ ნერვულ სისტემას ( მათ შორის კლონიდინი , მეთილდოპა ), აძლიერებს მათ მოქმედებას .

- ანტიჰისტამინური პრეპარატები და სამკურნალო საშუალებები , რომლებიც გამოირჩევა ქოლინიზური აქტივობით , აძლიერებენ ტრაზოდონის ანტიქოლინერგულ ეფექტს .

- ტრაზოდონი აძლიერებს და ახანგრძლივებს ტრიციკლური ანტიდეპრესანტების , ჰალოპერიდოლის , დოქსაპინის , მაპროტილინის , ფენოთიაზინების და თიოქსანტინების სედატურ და ანტიქოლინერგულ ეფექტს .

- მონოამინოოქსიდაზის ( მაო ) ინჰიბიტორები ზრდიან

გვერდითი ეფექტების განვითარების რისკს .

- ერთდროული გამოყენებისას ზრდის დიგოქსინისა და ფენიტოინის კონცენტრაციას სისხლის პლაზმაში .

განსაკუთრებული მითითებები:

რადგანაც პრეპარატი გამოირჩევა გარკვეული ადრენოლიზური აქტივობით , შესაძლებელია ბრადიკარდიის განვითარება,  პრეპარატი სიფრთხილით უნდა დაენიშნოს ავადმყოფებს რომელთაც აწუხებთ გულის გამტარებლობის დარღვევა, ატრიო - ვენტრიკულარული ბლოკადა, ავადმყოფებს რომლებმაც ცოტა ხნის წინ გადაიტანეს მიოკარდის ინფარქტი. ტრაზოდონის გამოყენებისას შესაძლებელია ლეიკოციტების რაოდენობის გარკვეული შემცირება, რომელიც არ საჭიროებს სპეციფიურ მკურნალობას, გამოხატული ლეიკოპენიის შემთხვევების გამოკლებით. ამიტომ რეკომენდებულია პერიფერიული სისხლის გამოკვლევის ჩატარება, განსაკუთრებით ყლაპვისას ყელის ტკივილისა და ციებ - ცხელების შემთხვევებში .

პრეპარატს არ გააჩნია ანტიქოლინერგული მოქმედება , ამიტომ იგი შეიძლება დაენიშნოს ასაკოვან პაციენტებს , რომელთაც აწუხებთ წინამდებარე ჯირკვლის ჰიპერტროფია , დახურულკუთხოვანი გლაუკომა , კოგნიტური ფუნქციის დარღვევა .

ხანგრძლივი და არაადექვატური ერექციის არსებობისას უნდა მიმართოთ ექიმს .

პედიატრიაში პრეპარატის გამოყენების ეფექტურობის გამოსავლენი გამოკვლევები არ ჩატარებულა .

მკურნალობის პროცესში უნდა შეიკავოთ თავი ალკოჰოლის მიღებისგან და პოტენციურად საშიში მოღვაწეობისგან , რომელიც მოითხოვს ყურადღების კონცენტრაციას და სწრაფ ფსიქომოტორულ რეაქციებს .

გამოყენება ლაქტაციის პერიოდში :

პრეპარატის გამოყენება ორსულობის პერიოდში არ არის რეკომენდებული .

არ არის რეკომენდირებული პრეპარატის გამოყენება ჩვილთა ძუძუთი კვების დროს .

ზეგავლენა ავტომობილის მართვის ან სხვა მექანიზმების გამოყენების უნარზე;

რადგანაც პრეპარატი ხასიათდება ანქსიოლიზური და სედატური აქტივობით, შესაძლებელია ყურადღებისა და რეაქციის სისწრაფის დაქვეითება.

გამოშვების ფორმა:

ტაბლეტები კონტროლირებადი გამოთავისუფლებით 75 მგ :

30 ტაბლეტი :

1) მუყაოს შეფუთვაში 2 ბლისტერი - თითოელში 15 ტაბლეტი , გამოყენების ინსტრუქცია .

2) მუყაოს შეფუთვაში 30 ტაბლეტიანი 1 ბლისტერი და გამოყენების ინსტრუქცია .

ტაბლეტები კონტროლირებადი გამოთავისუფლებით 150 მგ :

20 ტაბლეტი :

1) მუყაოს შეფუთვაში 20 ტაბლეტიანი 1 ბლისტერი და გამოყენების ინსტრუქცია .

2) მუყაოს შეფუთვაში 2 ბლისტერი - თითოეულში 10 ტაბლეტი , გამოყენების ინსტრუქცია.

60 ტაბლეტი :

1) მუყაოს შეფუთვაში 3 ბლისტერი - თითოეულში 20 ტაბლეტი , გამოყენების ინსტრუქცია.

2) მუყაოს შეფუთვაში 6 ბლისტერი – თითოეულში 10 ტაბლეტი , გამოყენების ინსტრუქცია.

შენახვის პირობები:

სია " ბ "

ინახება   ოთახის ტემპერატურაზე ( არა უმეტეს 25 ˚C).

შეინახეთ ბავშვებისთვის მიუწვდომელ ადგილზე !

ვარგისიანობის ვადა:

3 წელი . არ უნდა გამოიყენოთ შეფუთვაზე მითითებული ვადის ამოწურვის შემთხვევაში .

აფთიაქიდან გაცემის წესი:

ექიმის რეცეპტით

მწარმოებელი:

“Aziende Chimiche Riunite Angelini Francesco A.C.R.A.F.) S.p.A.”, Italy, Viale Amelia 70, Rome (RM) Italy 

ტრიტაცე კომპ-ის მიღება დაუშვებელია იმ პაციენტთა მიერ, რომელთაც აღენიშნებათ:

- მომატებული მგძნობელობა რამიპრილის, სხვა აგფ-ინჰიბიტორების, ჰიდროქლოროთიაზიდის ან თიაზიდური ჯგუფის სხვა დიურეზულების, სულფანილამიდური პრეპარატების ან ზოგიერთი აქტიური ნივთიერების მიმართ (იხილეთ “შემადგენლობა”);

- გადატანილი აქვთ ანგიონევროზული შეშუპება (ანგიონევროზული შეშუპების დაჩქარების რისკი; იხილეთ აგრეთვე “არასასურველი ეფექტები”);

- თირკმლის მწვავე დისფუნქცია, რასაც თან ახლავს 30 მლ/წთ-ზე ნაკლები კრეატინინის კლირენსი 1,73მ3 სხეულის ზედაპირზე ან დიალიზის მქონე პაციენტებში (არაეფექტური ჰიდროქლოროთიაზიდი);

- თირკმლის არტერიის სისხლის მიმოქცევის შემამცირებელი შევიწროვება (ჰემოდინამიურად შესაბამისი სტენოზი), თირკმლის არტერიის ორმხრივი და ცალმხრივი სტენოზი (სისხლის წნევის მკვეთრი დაცემისა და თირკმლის უკმარისობის რისკი);

- ორგანიზმში მარილის შემცველობის მნიშვნელოვანი დარღვევები (კლინიკურად შესაბამისი ელექტროლიტების დარღვევები, მაგ. ჰიპოკალიემია, ჰიპონატრიემია, ჰიპერკალციემია), რაც შეიძლება გამწვავდეს ტრიტაცე კომპ-ის შემდგომი მკურნალობით (სისხლის წნევის დაცემის, თირკმლის უკმარისობისა და მარილოვანი დისბალანსის რისკი);

- ღვიძლის მწვავე დისფუნქცია (წყალ-მარილოვანი დისბალანსის განვითარების რისკი). ვინაიდან შესაძლებელია განვითარდეს მწვავე, სწრაფი და ალერგიული (ანაფილაქსიური) ჰიპერმგრძნობელობითი რეაქციები, თავი უნდა ავარიდოთ აგფ-ინჰიბიტორებით მკურნალობას (ან ისეთ შესაბამის პრეპარატებთან კომბინაციაში, როგორიცაა, მაგალითად, ტრიტაცე კომპ-ი) ექსტრაკორპორალურ მკურნალობასთან კავშირში, რაც იწვევს სისხლის შეხებას უარყოფითად დამუხტულ ზედაპირებთან. ეს უკანასკნელი გულისხმობს დიალიზს ან ჰემოფილტრაციის გარკვეულ მემბრანებს, რომელთაც ახასიათებთ მაღალი სიმკვრივე (მაგ. პოლიაკრილონიტრილური მემბრანები) და დაბალი სიმკვრივის ლიპოპროტეინების აფერეზს დექსტრანის სულფატთან.

ორსულობა და ლაქტაცია:

ტრიტაცე კომპ-ის მიღება არაა მიზანშეწონილი ორსულობის პერიოდში. შესაბამისად, ორსულობა უნდა გამოირიცხოს მკურნალობის დაწყებამდე. თავიდან უნდა ავიცილოთ ორსულობა იმ შემთხვევებში, როდესაც შეუძლებელია მკურნალობის ახალ კურსზე გადასვლა აგფ-ინჰიბიტორებისა და დიურეზულების გარეშე. წინააღმდეგ შემთხვევაში ნაყოფს დაზიანების საფრთხე ემუქრება.

ლაქტაციის პერიოდში ტრიტაცე კომპ-ით მკურნალობის აუცილებლობის შემთხვევაში, ძუძუთი კვება უნდა შეწყდეს, რათა ბავშვის ორგანიზმში დედის რძესთან ერთად არ გადავიდეს მცირე რაოდენობით რამიპრილი და ქლოროთიაზიდი.

განსაკუთრებული მითითებები;

ტრიტაცე კომპ-ით მკურნალობა რეგულარულ სამედიცინო მეთვალყურეობას საჭიროებს.

იმ შემთხვევაში, თუ მკურნალობის დროს თავს იჩენს ანგიონევროზული შეშუპება (იხილეთ “არასასურველი ეფექტები”), დაუყოვნებლივ უნდა შეწყდეს ტრიტაცე კომპ-ის მიღება და ენაზე, ყელზე ან ხორხზე შეშუპების გავრცელების შემთხვევაში გადაუდებელი ზომები უნდა იქნას მიღებული. განსაკუთრებული სიფრთხილით უნდა ჩაუტარდეთ მკურნალობა იმ პაციენტებს, რომელთაც აღენიშნებათ ჰიპერსტიმულირებული თირკმლის ანგიოტენზინის სისტემა. აგფ-ინჰიბიტორები ამგვარ პაციენტებში ხელს უწყობენ სისხლის წნევის მკვეთრად გამოხატულ დაცემას და თირკმლის ფუნქციის დარღვევის საფრთხეს, განსაკუთრებით აგფ-ინჰიბიტორის პირველად მიღების ან პირველი გაზრდილი დოზის მიღებისას. შესაბამისად, ტრიტაცე კომპ-ით მკურნალობის დასაწყისში და აგრეთვე ყოველი შემდგომი დოზის გაზრდისას, სისხლის წნევაზე ყურადღებით უნდა ჩატარდეს მონიტორინგი, სანამ სისხლის წნევის მკვეთრი დაცემის საფრთხე აღარ იქნება მოსალოდნელი. თირკმლის ანგიოტენზინის სისტემის მკვეთრი გააქტიურება მოსალოდნელია, მაგალითად, ისეთ პაციენტებში, რომელთაც აღენიშნებათ:

- მწვავე და, განსაკუთრებით, ავთვისებიანი ჰიპერტენზია. მკურნალობის საწყის ეტაპზე აუცილებელია განსაკუთრებული სამედიცინო მეთვალყურეობა;

- გულის თანმხლები უკმარისობა, განსაკუთრებით თუ იგი მწვავეა. გულის მწვავე უკმარისობის შემთხვევაში, მკურნალობის საწყის ეტაპზე აუცილებელია განსაკუთრებული სამედიცინო მეთვალყურეობა.

- წყალ-მარილოვანი უკმარისობის არსებობა ან სავარაუდო განვითარება (სითხის ან მარილის არაადექვატური მიღების შედეგად, ან, მაგალითად, ფაღარათის, პირღებინების ან ჭარბი ოფლიანობის შედეგად ისეთ შემთხვევებში, როდესაც მარილისა და სითხის შენაცვლება არაადექვატურად მიმდინარეობს). ჩვეულებრივ, გაუწყლოების, სისხლის მიმოქცევის მოცულობის შემცირების (ჰიპოვოლემია) ან მარილოვანი ბალანსის უკმარისობის კორექცია უნდა მოხდეს მკურნალობის კურსის დაწყებამდე (პაციენტებში, რომელთაც აღენიშნებათ თანმხლები გულის უკმარისობა, აღნიშნული ზომები უნდა შეესაბამებოდნენ მოცულობის გადატვირთვის რისკს). როდესაც ყოველივე ზემოაღნიშნული კლინიკურ პირობებს დაექვემდებარება, ტრიტაცე კომპ-ით მკურნალობა შესაძლებელია დაიწყოს ან გაგრძელდეს მხოლოდ ამავდროულად შესაბამისი ზომების მიღების შემთხვევაში, რათა მოხდეს სისხლის წნევის მკვეთრი დაცემისა და თირკმლის ფუნქციის დარღვევის პრევენცია;

- ადრე ჩატარებული მკურნალობა დიურეზულებით;

- სისხლის დინების შემამცირებელი (ჰემოდინამიურად შესაბამისი), მარცხენა პარკუჭში სისხლის მიმოქცევის დარღვევა (მაგ. აორტის ან მიტრალური სარქველის შევიწროვება). მკურნალობის საწყის ეტაპზე აუცილებელია ჩატარდეს განსაკუთრებული სამედიცინო მეთვალყურეობა.

- სისხლის დინების შემამცირებელი შევიწროვება (ჰემოდინამიურად შესაბამისი სტენოზი) თირკმლის არტერიაში. მკურნალობის საწყის ეტაპზე აუცილებელია განსაკუთრებული სამედიცინო მეთვალყურეობის ჩატარება. არტერიული წნევის მკვეთრად გამოხატული დაცემის განსაკუთრებული საფრთხის წინაშე იმყოფებიან, მაგალითად, ის პაციენტები, რომელთაც აღენიშნებათ კორონარული არტერიისა თუ თავის ტვინის მკვებავ სისხლძარღვთა ჰემოდინამიურად შესაბამისი სტენოზი. ამგვარი პაციენტები საჭიროებენ განსაკუთრებულ სამედიცინო მეთვალყურეობას მკურნალობის საწყის საფეხურზე.

ზოგიერთი ხანდაზმული პაციენტი შეიძლება განსაკუთრებულად რეაგირებდეს აგფ-ინჰიბიტორებზე.

მკურნალობის დაწყებისას უნდა შეფასდეს თირკმლის ფუნქცია.

თირკმლის ფუნქციაზე უნდა განხორციელდეს მონიტორინგი, განსაკუთრებით მკურნალობის პირველ კვირეებში. განსაკუთრებულ მონიტორინგს საჭიროებენ ის პაციენტები, რომელთაც აღენიშნებათ გულის თანმხლები უკმარისობა, რენოვასკულური დაავადება (მოიცავს ჰემოდინამიურად შესაბამის თირკმლის არტერიის ცალმხრივი სტენოზით დაავადებულებსაც, რომლებშიც შრატის კრეატინინის მცირე ზრდაც კი შესაძლებელია თირკმლის ფუნქციის ცალმხრივად დაკარგვის მაჩვენებელი იყოს), თირკმლის ფუნქციის დარღვევა ან რომელთაც გადაუნერგეს თირკმელი.

შრატის ნატრიუმი, კალიუმი, კალციუმი, შარდმჟავა და სისხლში შაქრის შემცველობა რეგულარულ მეთვალყურეობას საჭიროებს. შრატში კალიუმის შემცველობის უფრო ხშირი მონიტორინგი საჭიროა იმ პაციენტებში, რომელთაც აღენიშნებათ თირკმლის დარღვეული ფუნქცია. მონიტორინგი ხშირად უნდა ჩატარდეს იმ პაციენტებში, რომლებიც ამავდროულად გადიან მკურნალობის კურსს კალიუმშემნახველი დიურეზულებით(მაგ. სპირონოლაქტონი) ან კალიუმის მარილებით. მონიტორინგი უნდა ჩატარდეს ლეიკოციტების ანალიზზე, რათა გამოვლენილი იქნას სავარაუდოდ ლეიკოციტების ჭარბი ოდენობით შემცირება (ლეიკოპენია). მონიტორინგს უნდა ჰქონდეს ხშირი ხასიათი მკურნალობის საწყის ეტაპზე და იმ პაციენტებში, რომელთაც აღენიშნებათ თირკმლის დარღვეული ფუნქცია, თამხლები შემაერთებელი ქსოვილის დაავადება (კოლაგენოზი, როგორიცაა წითელი მგლურა და სკლეროდერმია) ან იმ პაციენტებში, რომლებიც ღებულობდნენ სხვა პრეპარატებს, რამაც შესაძლოა ცვლილებები შეიტანოს სისხლის საერთო ანალიზში (იხილეთ “ურთიერთქმედება”). სისხლის საერთო ანალიზი უნდა შემოწმდეს იმ შემთხვევაში, თუ თავს იჩენს ლეიკოციტების შემცირების ან თრომბოციტოპენიის სავარაუდო სიმპტომები. (იხილეთ “გვერდითი მოვლენები”).

ზოგიერთმა გვერდითმა ეფექტმა (მაგ. არტერიული წნევის დაცემის ზოგიერთი სიმპტომი, როგორიცაა თავბრუსხვევა, მოთენთილობა) შეიძლება დაარღვიოს კონცენტრაციისა და რეაქციის უნარი და შესაბამისად, შექმნას საფრთხე ისეთ სიტუაციებში, როდესაც აღნიშნულ უნარებს განსაკუთრებული მნიშვნელობა აქვს (მაგ. სატრანსპორტო საშუალების ან მექანიკური ხელსაწყოს ექსპლუატაციისას). ბავშვებში ტრიტაცე კომპ-ით მკურნალობის გამოცდილება დადგენილი არ არის.

ჭარბი დოზირება:

ჭარბი დოზირება იწვევს ძლიერ დიურეზს, პერიფერიული სისხლძარღვების ჭარბ გაფართოებას (გამოხატულ ჰიპოტენზიასთან, შოკთან ერთად), ბრადიკარდიას, ელექტროლიტების ბალანსის დარღვევას, თირკმლის უკმარისობას, გულის არითმიას, ცნობიერების დარღვევას კომამდე, ცერებრულ კრუნჩხვებს, პარეზებს და ნაწლავების პარალიზურ გაუვალობას.

იმ პაციენტებში, რომელთაც აღენიშნებათ დარღვევები შარდის გამოყოფასთან დაკავშირებით (მაგ. წინამდებარე ჯირკვლის ჰიპერპლაზია), მოულოდნელმა დიურეზმა შეიძლება გამოიწვიოს შარდის მწვავე შეკავება შარდის ბუშტის ჭარბი დაჭიმულობით.

საწყისი დეტოქსიკაცია: მაგ. კუჭის ამორეცხვა, აბსორბენტების, ნატრიუმის სულფატის მიღება (შესაძლებლობის შემთხვევაში პირველი 30 წუთი). ჰიპოტენზიის შემთხვევაში, მიზანშეწონილია ალფა1-ადრენორეცეპტორების აგონისტების (მაგ. ნორეპინეფრინი, დოპამინი) და ანგიოტენზინ II-ის (ანგიოტენზინამიდი) მიღება სითხის მოცულობისა და მარილის შეცვლასთან ერთად.

სხვა წამლებთან ურთიერთქმედება:

იმისათვის, რომ თავიდან ავიცილოთ სხვა პრეპარატებთან ურთიერთქმედება, შეატყობინეთ თქვენს ექიმს ან ფარმაცევტს სხვა მიმდინარე მკურნალობის კურსის შესახებ.

ექსტრაკორპორული მკურნალობა, რაც ითვალისწინებს სისხლის შეხებას უარყოფითად დამუხტული ზედაპირებთან, ხელს უწყობს ანაფილაქსიური რეაქციების განვითარების რისკს (იხილეთ “უკუჩვენება”).

როდესაც სხვა ჰიპოტენზიური საშუალებების ან სისხლის წნევის დამწევი პრეპარატების (მაგ. ნიტრატები, ტრიციკლური ანტიდეპრესიული საშუალებები, საანესთეზიო საშუალებები) თანადროული მიღება ხდება, გათვალისწინებული უნდა იქნას ჰიპოტენზიური ეფექტის განვითარების შესაძლებლობა (ითვალისწინებს ადრე ჩატარებულ მკურნალობას დიურეზულებით, იხილეთ “დოზირება”).

დიეტური მარილის ჭარბი დოზით მიღებამ და ტკივილისა და ანთების საწინააღმდეგო გარკვეული პრეპარატების (არასტეროიდული ანთების საწინააღმდეგო პრეპარატები) ერთდროულმა მიღებამ, როგორიცაა აცეტილსალიცილის მჟავა ან ინდომეტაცინი, შესაძლებელია შეასუსტოს ჰიპოტენზიური ეფექტი. უფრო მეტიც, არასტეროიდული ანთების საწინააღმდეგო პრეპარატების კომბინირებულმა მიღებამ შეიძლება გამოიწვიოს თირკმლის მწვავე უკმარისობა ან შრატში კალიუმის შემცველობის ზრდა.

სისხლძარღვთა შემავიწროვებელი სიმპატომიმეტური საშუალებები (მაგ. ეპინეფრინი, ნორეპინეფრინი) იწვევს ჰიპოტენზიური ეფექტის შემცირებას. შესაბამისად, განსაკუთრებით ყურადღებით უნდა ჩატარდეს სისხლის წნევის მონიტორინგი. აღნიშნული პრეპარატის ეფექტი შეიძლება შეასუსტოს ჰიდროქლოროთიაზიდის შემადგენელმა ნივთიერებამ.

კორტიკოსტეროიდები, კარბონოქსოლონი, დიდი რაოდენობით ძირტკბილა, საფაღარათო საშუალებების ხანგრძლივი მიღება და სხვა კალიურეზული საშუალებები ხელს უწყობენ ჰიპოკალიემიის განვითარებას.

ვინაიდან შეიძლება ადგილი ჰქონდეს შრატში კალიუმის კონცენტრაციის ზრდას, როდესაც ხდება კალიუმის მარილებისა და კალიუმშემნახველი დიურეზულების (მაგ. სპირონოლაქტონი) ერთდროული მიღება, აღნიშნულ თანადროულ მკურნალობას თან უნდა ახლდეს შრატში კალიუმის შემცველობის ახლო მონიტოირინგი (იხილეთ “განსაკუთრებული მითითებები და უსაფრთხოების წესები”).

დიგიტალისის პრეპარატების ტოქსიკურობა შეიძლება გაძლიერდეს ელექტროლიტების კონცენტრაციებში ცვლილების შედეგად (მაგ. ჰიპოკალიემია, ჰიპომაგნიემია).

ტრიტაცე კომპ-ს შეუძლია გაზარდოს და გაახანგრძლივოს კურარეს ტიპის კუნთების მიორელაქსაციური ეფექტი.

ალოპურინოლი, იმუნოდეპრესიული საშუალებები, კორტიკოსტეროიდები, პროკაინამიდი, ციტოსტატურები და სისხლის ანალიზის შედეგის შემცვლელი სხვა პრეპარატები, ზრდიან ცვლილებების ალბათობას სისხლის ანალიზში (იხილეთ “განსაკუთრებული მითითებები და უსაფრთხოების წესები”).

ტრიტაცე კომპ-ს შეუძლია შეამციროს ლითიუმის გამოყოფა, სავარაუდოდ ზრდის მის დონეს შრატში და მისი ტოქსიკური ეფექტის რისკს, შესაბამისად, მეთვალყურეობა უნდა განხორციელდეს ლითიუმის დონეზე.

მეთილდოფას ერთდროულმა მიღებამ შესაძლოა გამოიწვიოს ერითროციტების დაშლა (ჰემოლიზი).

აგფ-ინჰიბიტორები ასუსტებს სისხლში შაქრის შემცველობის დამწევი პრეპარატების ეფექტს (ანტიდიაბეტური საშუალებები, მაგ. ინსულინი ან სულფანილშარდოვანას წარმოებულები) და – ცალკეულ შემთხვევებში – იწვევს ჰიპოგლიკემიურ რეაქციებს. ანტიდიაბეტური საშუალებების ეფექტს, თავის მხრივ, ასუსტებს ჰიდროქლოროთიაზიდის შემადგენელი ნივთიერება. შესაბამისად, თანადროული მკურნალობის საწყის ეტაპზე საჭიროა სისხლში შაქრის შემცველობის რეგულარული მონიტორინგი.

იონიტების მიღება, როგორიცაა ქოლესტირამინი, ამცირებს ჰიდროქლოროთიაზიდის აბსორბციას.

ჰეპარინის თანადროული მიღება იწვევს შრატში კალიუმის კონცენტრაციის ზრდას.

რამიპრილი აძლიერებს ალკოჰოლის მოქმედებას.

ჰიდროქლოროთიაზიდის შესაძლებლობა გამოიწვიოს ჰიპერკალციემია (იხილეთ “არასასურველი ეფექტები”) უნდა იქნას გათვალისწინებული, როდესაც ხორციელდება ფარისებრი ჯირკვილი ფუნქციის შესწავლა.

ანაფილაქსიური და ანაფილაქტოიდური რეაქციები მწერის შხამზე – და, სავარაუდოდ, სხვა ალერგენების მიმართ – იზრდება აგფ-ინჰიბიტორების მიღებისას (იხილეთ “არასასურველი ეფექტები”). დესენსიბილიზაციისას უნდა მოხდეს მზარდი რისკის გათვალისწინება.

შენახვის პირობები და ვადები:

ინახება +25°C-მდე ტემპერატურაზე.

ვარგისობის ვადა 3 წელი. დაუშვებელია ვარგისობის ვადის გასვლის შემდეგ გამოყენება.

შეინახეთ პრეპარატი ბავშვებისათვის მიუწვდომელ ადგილას

აფთიაქში გაცემის წესი:

ექიმის რეცეპტით!

საერთაშორისო დასახელება:

ramipril, hydrochlorothiazide

მწარმოებელი ქვეყანა: იტალია

კლინიკურ-ფარმაკოლოგიური ჯგუფი:

ანგიოტენზინ-გარდაქმნელი ფერმენტების ინჰიბიტორები

შემადგენლობა და გამოშვების ფორმა:

5მგ/25მგ #28 ტაბლეტი ბლისტერში; 2 ბლისტერი კოლოფში

ფარმაკოლოგიური თვისებები:

ტრიტაცე კომპ-ი წარმოადგენს პრეპარატ რამიპრილის – ძლიერი და ხანგრძლივად მოქმედი აგფ- (ანგიოტენზინ გარდამქმნელი ფერმენტის) ინჰიბიტორისა და ჰიდროქლოროთიაზიდის – თიაზიდის ჯგუფის პრეპარატის, რომელიც ხელს უწყობს სითხის გამოყოფას (დიურეზული), კომბინაციას. არტერიული წნევის შესამცირებლად ტრიტაცე კომპ-ის გამოყენებამ უფრო მეტი ეფექტი გამოავლინა, ვიდრე რომელიმე შემადგენელი ნივთიერებით მონოთერაპიამ. ერთჯერადი დოზის მაქსიმალური ეფექტი თავს იჩენს პრეპარატის მიღებიდან 6 საათის შემდეგ.

ჩვენებები:

მიღების წესები და დოზები:

ზედმიწევნით დაიცავით რეკომენდებული დოზა გარდა იმ შემთხვევისა, თუ ექიმი სხვაგვარად დაგინიშნავთ.

დოზის განსაზღვრა ხდება სასურველი ჰიპოტენზიური ეფექტისა და პრეპარატის მიმართ პაციენტის ტოლერანტობის მიხედვით. ტრიტაცე კომპ-ით მკურნალობა ჩვეულებრივ ხანგრძლივად მიმდინარეობს; ექიმი ყოველ პაციენტზე ინდივიდუალურად განსაზღვრავს მკურნალობის კურსის ხანგრძლივობას. ჩვეულებრივ, საწყისი დოზაა დღეში 1/2 ტაბლეტი ტრიტაცე კომპ-ი. აუცილებლობის შემთხვევაში დოზის გაზრდა შესაძლებელია 2-3 კვირის ინტერვალით, 2 ტაბლეტ ტრიტაცე კომპ-ის მაქსიმალურ დოზამდე. პაციენტთა უმეტესობას აღენიშნება არტერიული წნევის მკვეთრი დაქვეითება დღეში 1/2–დან 1 ტაბლეტი ტრიტაცე კომპ-ის მიღების შედეგად. იმ პაციენტებში, რომელთაც უტარდებოდათ მკურნალობა დიურეზულებით, გათვალისწინებული უნდა იქნას დიურეზულების მიღების შეწყვეტა სულ მცირე 2-3 დღით – ან დიურეზულების მოქმედების ხანგრძლივობის მიხედვით - ტრიტაცე კომპ-ით მკურნალობის დაწყებამდე დიდი ხნით ადრე, ან სულ მცირე, უნდა შემცირდეს დიურეზულების დოზა. ექიმი ინდივიდუალური შემთხვევების მიხედვით განსაზღვრავს შესაძლებელია თუ არა პრეპარატის მიღების ამგვარი შეწყვეტა ან დოზის შემცირება და რამდენ ხანს გაგრძელდება იგი. თუ პრეპარატის მიღების შეწყვეტა არ არის აუცილებელი, მაშინ მკურნალობა იწყება რამიპრილის უმცირესი დოზით (1,25 მგ დღეში) თავისუფალ კომბინაციაში. შესაბამისად, შესაძლებელია გადასვლა ტრიტაცე კომპ-ის საწყის დოზაზე, რომელიც არ აჭარბებს 1/2 ტაბლეტს.

დოზირება თირკმლის დარღვეული ფუნქციის მქონე პაციენტებში: იმ პაციენტებში, რომელთაც აღენიშნებათ კრეატინინის კლირენსი 1,73 მ³ სხეულის ზედაპირზე 60-სა და 30მლ/წთ-ს შორის, მკურნალობის კურსი იწყება მხოლოდ რამიპრილის 1,25 მგ დღიური დოზით. რამიპრილის დოზის თანდათან ზრდის შემდეგ, ტრიტაცე კომპ-ით მკურნალობა იწყება 1/2 ტაბლეტის მიღებით დღეში ერთხელ. მაქსიმალურ დღიურ დოზას წარმოადგენს 1 ტაბლეტი ტრიტაცე კომპ-ი. როდესაც შეუძლებელია კრეატინინის კლირენსის განსაზღვრა, მისი გამოანგარიშება ხდება შრატის კრეატინინის დონის საფუძველზე შემდეგი ფორმულის გამოყენებით (კოკროფტის განტოლება): კაცებში: კრეატინინის კლირენსი (მლ/წთ) =

სხეულის წონა კგ-ში X (140 – ასაკი წლებში) .

72 X შრატის კრეატინინი მგ/დლ-ში

ქალებში: ზემოაღნიშნული განტოლების შედეგის გამრავლება 0,85-ჯერ. პრეპარატის მიღება: ჩვეულებრივ, დადგენილი დოზის მიღება ხდება დილით ერთჯერადი დოზის სახით. ტაბლეტები მიიღება დაუღეჭავად და საკმარისი რაოდენობის სითხესთან ერთად (დაახლოებით ½ ჭიქა). მათი მიღება შესაძლებელია საუზმემდე, მის განმავლობაში ან შემდეგ.

გვერდითი მოვლენები:

გთხოვთ მიმართოთ თქვენს ექიმს ან ფარმაცევტს იმ შემთხვევაში, თუ შენიშნავთ რაიმე გვერდით ეფექტს ტრიტაცე კომპ-ის მიღებისას. გვერდითი ეფექტები, რომლებიც შესაძლებელია წარმოიშვას ტრიტაცე კომპ-ით, მისი შემადგენელი ნივთიერებებით – რამიპრილითა და ჰიდროქლოროთიაზიდით, სხვა აგფ-ინჰიბიტორებით თუ მსგავსი დიურეზულებით მკურნალობისას.

გულ-სისხლძარღვთა და ნერვული სისტემა:

სისხლის წნევის მკვეთრი შემცირება აღინიშნება ტრიტაცე კომპ-ის საწყისი დოზის ან გაზრდილი დოზის მიღებისას (იხილეთ “განსაკუთრებული მითითებები და უსაფრთხოების წესები”), რამაც ზოგიერთ შემთხვევაში შეიძლება გამოიწვიოს შოკი.

ნაკლები სიხშირით აღინიშნება ისეთი ზომიერი სიმპტომები და რეაქციები, როგორიცაა თავის ტკივილი, წონასწორობის დარღვევა, გულის რიტმის აჩქარება (ტაქიკარდია), სისუსტე, ძილიანობა, თავბრუსხვევა – რასაც ზოგჯერ თან ახლავს კონცენტრაციის უნარის დარღვევა – ან თავს იჩენს დარღვეული რეაქციები. იშვიათად – სხვა ისეთი ზომიერი სიმპტომები და რეაქციები, როგორიცაა პერიფერიული შეშუპება, სიწითლე, მოთენთილობა, შუილი ყურებში, დაღლილობა, ნერვიულობა, დეპრესიულობა, კანკალი, მოუსვენრობა, მხედველობის მოშლა, ძილის დარღვევა, დაბნეულობა, შფოთვა, დროებითი იმპოტენცია, აჩქარებული გულისცემა, ოფლიანობა, სმენის დარღვევები, ჭარბი ძილიანობა, ან გულის წასვლა ფეხზე დგომისას ან წამოდგომის დროს (დარღვეული ორთოსტატული რეგულაცია), აგრეთვე ისეთი მწვავე რეაქციები, როგორიცაა სტენოკარდია, გულის არითმია, ცნობიერების დროებით დაკარგვა (სინკოპე), და მწვავე ჰიპოტენზია ან ისეთი სისხლის მიმოქცევის შეტევების გაძლიერებით, რომელიც ხასიათდება ხელის ან ფეხის თითების სიფერმკრთალით(რეინოს დაავადება). ცალკეულ შემთხვევებში აღინიშნება სისხლის არასაკმარისი რაოდენობით მიწოდება გულის კუნთსა ან თავის ტვინისადმი (მიოკარდიული ან ცერებრული იშემია), მიოკარდიუმის ინფარქტი, თავის ტვინში სისხლის მიწოდების ხანმოკლე შემცირება (ხანმოკლე იშემიური შეტევა), იშემიური შეტევა, სისხლის მიმოქცევის დარღვევების გამწვავება სისხლძარღვოვანი სტენოზის მიზეზით ან პათოლოგიური შეგრძნებები (პარესთეზია).

თირკმელი და ელექტროლიტების ბალანსი:

ნაკლები სიხშირით ვლინდება შრატის შარდოვანას და შრატის კრეატინინის ზრდა ან თირკმლის ფუნქციის დარღვევა – რაც, ცალკეულ შემთხვევებში, თირკმლის მწვავე დარღვევას იწვევს. ჰიპოქლოროთიაზიდით მკურნალობის დროს იზრდება შარდმჟავას კონცენტრაციები სისხლში და – განსაკუთრებით იმ პაციენტებში, რომელთაც შარდმჟავას მომატებული დონე აღენიშნებათ, რასაც შეუძლია გამოიწვიოს პოდაგრის შეტევა. ცალკეულ შემთხევვებში, ჰიდროქლოროთიაზიდით მკურნალობისას, შესაძლებელია განვითარდეს ნეფრიტი.

ზოგიერთ შემთხვევაში, შეიძლება გაუარესდეს მანამდე არსებული, მკვეთრად გამოხატული პროტეინების შარდით გამოყოფა (პროტეინურია) (მიუხედავად იმისა, რომ აგფ-ინჰიბიტორები ჩვეულებრივ ამცირებს პროტეინურიას). ტრიტაცე კომპ-მა შეიძლება გამოიწვიოს ან გავლენა მოახდინოს შრატში ნატრიუმის კონცენტრაციების შემცირებაზე, განსაკუთრებით სუფრის მარილის შეზღუდულ მიღებასთან კავშირში. ჰიდროქლოროთიაზიდი ხელს უწყობს სხვა ელექტროლიტური დარღვევების განვითარებას, მაგ. ჰიპოქლორემია, ჰიპომაგნიემია – და თირკმლში კალციუმის რეაბსორბციის მასტიმულირებელი ეფექტის გამო – ჰიპერკალციემიას. ამასთანავე, ტრიტაცე კომპ-ს შეუძლია ხელი შეუწყოს მეტაბოლური აციდოზის განვითარებას ან გამწვავებას. რამიპრილი იწვევს და ხელს უწყობს შრატში კალიუმის შემცველობის ზრდას, მაშინ როდესაც ჰიდროქლოროთიაზიდი ამცირებს მას. ამგვარად, შესაძლებელია ადგილი ჰქონდეს როგორც შემცირებას, ასევე გაზრდას, თუმცა ეს უკანასკნელი ძირითადად თავს იჩენს თირკმლის დარღვეული ფუნქციის მქონე პაციენტებში (მაგ. დიაბეტური ნეფროპათიის მიზეზით) ან მათში, რომლებიც ამავდროულად ღებულობენ კალიუმშემნახველ დიურეზულებს ან კალიუმის მარილებს. ელექტროლიტების ბალანსის დარღვევის გამაფრთხილებელი სიმპტომებია: წყურვილის მომატება, დაღლილობა, თავის ტკივილი, მოთენთილობა, ძილიანობა, დაბნეულობა, აპათია, კუნთების სპაზმი, ნერვებისა და კუნთების აღგზნებადობის მომატება, რასაც თან ახლავს, მაგ, სპაზმები ხელებსა და ფეხისგულებზე (ტეტანია), კუნთების სისუსტე და კუჭ-ნაწლავის მხრივ სიმპტომები. განსაკუთრებით, მკურნალობის კურსის დაწყებისას შესაძლებელია ხანმოკლე დროით თავი იჩინოს სითხის ჭარბად გამოყოფამ, როგორც ჰიდროქლოროთიაზიდის დიურეზული ეფექტის, ასევე გულის მუშაობის გაუმჯობესების გამო.

სითხის დეფიციტის შემთხვევაში – განსაკუთრებით ხანდაზმულ პაციენტებში – შესაძლებელია თავი იჩინოს სისხლის შედედების გაძლიერებამ (ჰემოკონცენტრაცია), ხოლო მწვავე შემთხვევებში, სისხლძარღვოვანმა თრომბოზმა.

სასუნთქი სისტემა, ანაფილაქსიური/ანაფილაქტოიდური და კანის რეაქციები

იშვიათად თავს იჩენს მშრალი (არაპროდუქტიული) გამაღიზიანებელი ხველა, რომელიც უარესდება ღამით და წოლით მდგომარეობაში ყოფნისას (მაგ. წამოწოლის დროს) და განსაკუთრებული სიხშირით იჩენს თავს ქალებსა და არა-მწეველებში. შეიძლება აუცილებელი გახდეს აგფ-ინჰიბიტორების მიღების შეწყვეტა. იშვიათად – ცხვირის დაცობა, ცხვირის ლორწოვანი გარსის ანთება (სინუსიტი), ბრონქიტი, ბრონქების სპაზმური შევიწროება (ბრონქოსპაზმი) და სუნთქვის გაძნელება (დისპნოე). ჰიდროქლოროთიაზიდი – სავარაუდოდ ალერგიული რეაქციის შედეგად – იწვევს ფილტვების ანთებას (პნევმონიტი) და ფილტვებში სითხის დაგროვებას (ფილტვების შეშუპება). გთხოვთ მიმართოთ ექიმს გაძნელებული სუნთქვის (დისპნოე) განვითარების ან გამწვავების შემთხვევაში. ნაკლები სიხშირით – სასურველმა აგფ-ინჰიბიტორმა შეიძლება გამოიწვიოს სახის ზომიერი ანგიონევროზული შეშუპება. იშვიათად ვლინდება ანგიონევროზული შეშუპებისა და სხვა ანაფილაქსიური თუ ანაფილაქტოიდური რეაქციების ფორმები – რომლებიც არ განეკუთვნება სასურველ ეფექტს – რამიპრილის ან ნებისმიერი სხვა აქტიური შემადგენელი ნივთიერების მიმართ. სახის მიდამოების (მაგ. ტუჩების, ქუთუთოების) ან ენის, ყელისა თუ ხორხის (გამოხატულია მაგ. საჭმლის გადაყლაპვის ან სუნთქვის გაძნელებით) შესიება შესაძლებელია წარმოადგენდეს ანგიონევროზული შეშუპების სიმპტომს. აღნიშნული სიმპტომების არსებობის შემთხვევაში, გთხოვთ დაუყოვნებლივ მიმართოთ თქვენს ექიმს და შეწყვიტოთ ტრიტაცე კომპ-ის შემდეგი დოზის მიღება. აგრეთვე, დაუშვებელია მსგავსი კომბინაციის პრეპარატების ან აგფ-ინჰიბიტორების მიღება. ანგიონევროზული შეშუპება აგფ-ინჰიბიტორებთან დაკავშირებით თავს იჩენს ძირითადად შავკანიან, აფრო-კარიბელ პაციენტებში, ვიდრე არა-შავკანიან პაციენტებში. შესაძლებელია ანაფილაქსიური რეაქციების გამომწვევი მიზეზი გახდეს ჰიდროქლოროთიაზიდიც. მწერის შხამის მიმართ ანაფილაქსიური და ანაფილაქტოიდური რეაქციების განვითარების ალბათობა და სიმწვავე იზრდება აგფ-ინჰიბიტორებთან მიმართებაში. დადგენილია, რომ აღნიშნული ეფექტი, ასევე, თავს იჩენს სხვა ალერგენებთან დაკავშირებითაც. კანის ან ლორწოვანი გარსის რეაქციები, როგორიცაა გამონაყარი, ქავილი ან ჭინჭრის ციება, თავს იჩენენ ნაკლები სიხშირით. იშვიათად – მაკულოპაპულური გამონაყარი, სირსველისებრი ეგზანთემა ან ენანთემა, მრავალფორმიანი ერითემა, სტივენს-ჯონსის სინდრომი, ტოქსიკური ეპიდერმული ნეკროლიზი, თმის გამოხატული ცვენა(ალოპეცია), კანის მომატებული მგრძნობელობა სინათლის მიმართ (ფოტოსენსიბილიზაცია) ან – ცალკეულ შემთხვევებში – პემფიგუსი, ფსორიაზის გამწვავება, ფსორიაზიფორმული ან პემფიგოიდური ეგზანთემა ან ენანთემა ან ფრჩხილების გაყოფა(ონიქოლიზი). დაუყოვნებლივ მიმართეთ ექიმს იმ შემთხვევაში, თუ თავს იჩენს ქავილი ჭინჭრის ციებასთან ერთად.

კუჭ-ნაწლავის ტრაქტი:

ნაკლები სიხშირით – გულისრევა, ღვიძლის ფერმენტების და/ან შრატში ბილირუბინის დონის მომატება, ნაღვლის ბუშტის პიგმენტების გამოყოფის დარღვევით გამოწვეული სიყვითლე (ქოლესტაზური სიყვითლე). იშვიათად – პირის სიმშრალე, ენის (ხორხის) ანთება, პირის ღრუსა და კუჭ-ნაწლავის ტრაქტის ანთებითი რეაქციები, უსიამოვნო შეგრძნება მუცლის ღრუში, კუჭის არეში(გულისხმობს გასტრიტისმაგვარსაც) ტკივილი, საჭმლის მონელების დარღვევა, ყაბზობა, დიარეა და თავბრუსხვევა და კუჭქვეშა ჯირკვლის ანთება (პანკრეატიტი) ან ღვიძლის დაზიანება (რაც გულისხმობს ღვიძლის მწვავე უკმარისობასაც).

სისხლის საერთო ანალიზი:

იშვიათად, ზომიერი – ხოლო ცალკეულ შემთხვევებში მწვავე –ჰემოგლობინის რაოდენობა შემცირება ან სისხლის საერთო ანალიზში ერითროციტების, ლეიკოციტების ან თრომბოციტების რაოდენობის დაქვეითება. შესაძლებელია განვითარდეს ლეიკოციტების გამოხატული შემცირება (აგრანულოციტოზი), სისხლის ყველა უჯრედის ჭარბი შემცირება (პანციტოპენია) და სისხლის უჯრედის ფორმირების დარღვევა (ძვლის ტვინის განვითარების უნარის დაკარგვა). აგრანულოციტოზის სავარაუდო სიმპტომებია ტემპერატურის მომატება, ლიმფური კვანძები გადიდება ან ყელის ტკივილი. სისხლში თრომბოციტების ჭარბი რაოდენობის შემცირების (თრომბოციტოპენია) მიზეზით გამოწვეული სისხლდენისადმი მიდრეკილება ვლინდება მოყავისფრო წითელი გამოხატული ლაქებით (პეტექია), აგრეთვე კანზე ან ლორწოვან გარსზე მოყავისფრო წითელი ფერისმჭამელებით (ხანდახან გამონაყარისმაგვარი) (პურპურა), ან სისხლდენით ღრძილებიდან, რომლის გაკონტროლებაც ძნელია. ცალკეულ შემთხვევებში, შესაძლებელია განვითარდეს ერითროციტების რაოდენობის მკვეთრი შემცირება მათი მზარდი განადგურების გამო (ჰემოლიზური ანემია).

სხვა არასასურველი ეფექტები:

ნაკლები სიხშირით, თავს იჩენს კონიუნქტივიტი, აგრეთვე – იშვიათად – კუნთების სპაზმი, სქესობრივი ლტოლვის დაქვეითება, მადის დაკარგვა, სუნისა და გემოს შეგრძნების დარღვევები (მაგ. ლითონის გემო) ან გემოვნების ნაწილობრივი, ხანდახან სრული დაკარგვა. შეიძლება განვითარდეს სისხლძარღვების ანთება (ვასკულიტი), კუნთების ან სახსრების ტკივილი (მიალგია ან ართრალგია), ტემპერატურის მომატება, ლეიკოციტების რაოდენობის ზრდა (ეოზინოფილია) ან – ცალკეულ შემთხვევებში – ანტინუკლეარული ანტისხეულების ტიტრების ზრდა. წითელი მგლურას განვითარება (შემაერთებელი ქსოვილის დაავადება) აღინიშნება ჰიდროქლოროთიაზიდთან თანადროული მიღებისას. ჰიდროქლოროთიაზიდს შეუძლია შეამციროს გლუკოზისადმი ტოლერანტობა. შაქრიანი დიაბეტის მქონე პაციენტებში შეიძლება გამწვავდეს ნივთიერებათა ცვლის დარღვევა, ან გამოვლინდეს ფარული შაქრიანი დიაბეტი. ჰიდროქლოროთიაზიდი იწვევს შრატში ქოლესტერინისა და ტრიგლიცერიდის შემცველობის ზრდას. ვინაიდან, ცალკეულ შემთხვევაში ზოგიერთი გვერდითი ეფექტი (მაგ. ანგიონევროზული შეშუპება, კანის მწვავე რეაქციები, სისხლის ანალიზის მკვეთრი ცვლილებები) შეიძლება სიცოცხლისათვის სახიფათო აღმოჩნდეს, აუცილებელია მოულოდნელი ან მწვავე რეაქციის აღმოჩენის შემთხვევაში, დაუყოვნებლივ მიმართოთ ექიმს.

გაგრძელება

- მომატებული მგძნობელობა აქტიური ნივთიერება რამიპრილის, სხვა აგფ-ინჰიბიტორებისა თუ ტრიტაცე® 5მგ ტაბლეტების ნებისმიერი შემადგენელი ნივთიერების მიმართ;

- მიდრეკილება ქსოვილოვანი შეშუპებისადმი (ანგიონევროზული შეშუპება, რასაც იწვევს ადრე ჩატარებული მკურნალობა აგფ-ინჰიბიტორებით);

- თირკმლის არტერიების შევიწროება (ორივე მხარეს ან ცალ მხარეს - ერთი თირკმლის არსებობის შემთხვევაში);

- თუ ახლახანს გადაგინერგეს თირკმელი;

- გულის მარცხენა პარკუჭის სარქველების მნიშვნელოვანი შევიწროება (ჰემოდინამიურად შესაბამისი აორტის ან მიტრალური სარქველის სტენოზი) ან მარცხენა პარკუჭიდან სისხლის გამოდენის სხვა სახით დარღვევა (დარღვეული ჰიპერტროფიული კარდიომიოპათია);

- სისხლში საწყისი ალდოსტერონის მზარდი კონცენტრაციები;

- ორსულობა (გამორიცხეთ ორსულობა მკურნალობის დაწყებამდე და მკურნალობის მანძილზე თავი აარიდეთ დაორსულებას);

- ლაქტაცია

- ამასთანავე, როდესაც ხდება ტრიტაცე® 5 მგ ტაბლეტების მიღება გულის მსუბუქი და ზომიერად გამოხატული უკმარისობის მქონე პაციენტებში გულის მწვავე შეტევის შემდგომ, ნუ მიიღებთ ტრიტაცე® 5 მგ ტაბლეტებს შემდეგ შემთხვევებში:

- მუდმივი, გამოხატული, დაბალი არტერიული წნევა (ჰიპოტენზია; 90 mmHG- ზე ნაკლები სისტოლური წნევა);

- არტერიული წნევის მკვეთრი დაცემა მწოლიარე მდგომარეობიდან წამოჯდომის დროს (პოსტურალური დარღვევა);

- გულის მწვავე უკმარისობა (NYHA IV);

- გულ-მკერდის არეში მოულოდნელი ეპიზოდური ტკივილი (არასტაბილური სტენოკარდია);

- სიცოცხლისათვის საშიში გულის რითმის დარღვევები (პარკუჭოვანი ექსტრასისტოლია);

- ფილტვისმიერი გული (cor pulmonale).

ვინაიდან ტრიტაცე® 5 მგ ტაბლეტებით მკურნალობასთან დაკავშირებით არასაკმარისი გამოცდილებაა შემდეგ შემთხვევებში, მაშინ მათი მიღება დაუშვებელია:

- თირკმლის დაავადებები, რომელთა მკურნალობაც ხორცილედება იმ პრეპარატებით, რომლებიც ამცირებს სხეულის თავდაცვის უნარს (კორტიკოსტეროიდები, არასტეროიდული ანთების საწინააღმდეგო პრეპარატები, იმუნომოდულატორები და/ან ციტოტოქსიკური ნივთიერებები);

- დიალიზის შემდეგ;

- ღვიძლის პირველადი დაავადება ან ღვიძლის მწვავე დისფუნქცია;

- გულის მძიმე უკმარისობა ისეთი სიმპტომების თანხლებით, როგორიცაა სითხის დაგროვება ქსოვილსა და/ან სხეულის ღრუში (დეკომპენსირებული გულის უკმარისობა);

- ბავშვთა ასაკი.

ტრიტაცე® 5 მგ ტაბლეტების ან სხვა აგფ-ინჰიბიტორების ერთდროულმა მიღებამ და სისხლის ფილტრაციის გარკვეულმა პროცედურებმა, რომლის დროსაც სისხლი ეხება უარყოფითად დამუხტულ ზედაპირებს (მაგ. “AN 69 მემბრანა” დიალიზში ან დექსტრანის სულფატი დაბალი სიხშირის ლიპოპროტეინების აფერეზისში), შესაძლებელია გამოიწვიოს ჰიპერმგრძნობელობითი რეაქციები და სიცოცხლისათვის სახიფათო შოკიც კი. შესაბამისად, გადაუდებელი დიალიზის ან ჰემოფილტრაციის ან დაბალი სიხშირის ლიპოპროტეინების აფერეზისის აუცილებლობის შემთხვევაში, წინასწარ უნდა შეწყდეს მკურნალობის კურსი და შეიცვალოს სხვა პრეპარატით (არა აგფ-ინჰიბიტორით) ან გამოყენებული უნდა იქნას დიალიზის განსხვავებული მემბრანა. შეატყობინეთ თქვენს ექიმს, თუ იტარებთ მკურნალობის კურსს ტრიტაცე® 5 მგ ტაბლეტებით ან გესაჭიროებათ დიალიზი, რათა ექიმმა მხედველობაში მიიღოს ეს თქვენი მკურნალობისას. მწერების შხამთან (მაგ: ფუტკრის ან ბზიკის შხამთან) მიმართებაში მგრძნობელობის დაქვეითების (დესენსიბილიზაციის) აუცილებლობის შემთხვევაში, აგფ-ინჰიბიტორი დროებით უნდა შეიცვალოს სხვა ჯგუფის შესაბამისი პრეპარატით. წინააღმდეგ შემთხვევაში, შეიძლება განვითარდეს სიცოცხლისათვის სახიფათო ჰიპერმგრძნობელობითი რეაქციები (როგორიცაა სისხლის წნევის დაცემა, სუნთქვის გაძნელება, ღებინება, კანის ალერგიული რეაქციები). აღნიშნულმა რეაქციებმა, შესაძლებელია აგრეთვე, თავი იჩინონ მწერის (მაგ. ფუტკრების ან ბზიკების) კბენის შემდეგ. ეჭვის შემთხვევაში, აუცილებლად მიმართეთ რჩევისათვის თქვენს ექიმს ან ფარმაცევტს.

განსაკუთრებული გაფრთხილებები გამოყენებისას

თუ აღინიშნება ან აღინიშნებოდა ერთ-ერთი ქვემოთ მოცემული დაავადება:

- წყალ-მარილოვანი დისბალანსი (მაგ. მუდმივი ღებინების ან ფაღარათის შემდეგ);

- დარღვეული იმუნური რეაქციები ან კოლაგენოზი (წითელი მგლურა, სკლეროდერმია);

- იმ პრეპარატების ერთდროული მიღება, რომლებიც ამცირებს თავდაცვით რეაქციებს (მაგ. კორტიკოსტეროიდები, ციტოსტატიკები, ანტიმეტაბოლიტები) ან ალოპურინოლის, პროკაინამიდის ან ლითიუმის მიღება. ტრიტაცე® 5 მგ ტაბლეტების პირველად მიღებამ ან დოზის გაზრდამ, შესაძლებელია გამოიწვიოს სისხლის წნევის მოულოდნელი, მკვეთრი დაცემა და თირკმლის ფუნქციის დარღვევა შემდეგ შემთხვევებში:

- ერთდროული მიღება წყლის ტაბლეტებთან (დიურეზულებთან) ერთად; - წყალ-მარილოვანი უკმარისობა;

- მკვეთრად გამოხატული, მაღალი არტერიული წნევა;

- გულის უკმარისობა, განსაკუთრებით გულის მწვავე შეტევის შემდეგ;

- გულის მარცხენა პარკუჭიდან სისხლის მიმოქცევასთან დაკავშირებული პრობლემები (მაგ, აორტის ან მიტრალური სარქველის შევიწროება, ჰიპერტროფიული კარდიომიოპათია); - თირკმლის არტერიის ჰემოდინამიურად შესაბამისი შევიწროება (შეიძლება აუცილებელი გახდეს მიმდინარე დიურეზულებით მკურნალობის შეწყვეტა). აღნიშნულ შემთხვევებში, მაგალითად, თუ თქვენი სხეულის კომპლექსური სისხლის წნევის მარეგულირებელი სისტემა (რენინანგიოტენზინის სისტემა) უკვე განსაკუთრებულად გააქტიურებულია, თქვენს სისხლის წნევაზე ყურადღებით უნდა ჩატარდეს მონიტორინგი, რათა გამოირიცხოს არტერიული წნევის შემდგომი დაცემა. მკურნალობის დასაწყისში აგრეთვე ყურადღებით უნდა განხორციელდეს მონიტორინგი არტერიული წნევის ცვლილებაზე, იმ შემთხვევაში: - თუ თქვენ ხართ 65 წელზე მეტი ასაკის; - თუ სისხლის წნევის არასასურველი, მკვეთრი დაცემა განსაკუთრებით სახიფათოა თქვენთვის (მაგ. კორონარული სისხლძარღვების ან იმ სისხლძარღვების შევიწროება, რომლებიც თავის ტვინს ამარაგებს). ტრიტაცე® 5 მგ ტაბლეტების მიღებამდე უნდა შემოწმდეს თირკმლის ფუნქცია. რეკომენდებულია, რომ თირკმლის ფუნქციაზე ყურადღებით განხორციელდეს დაკვირვება, განსაკუთრებით კი მკურნალობის პირველ რამდენიმე კვირაში. ზემოაღნიშნული განსაკუთრებით ეხება: - იმ პაციენტებს, რომელთაც აღენიშნებათ გულის უკმარისობა; - პაციენტებს, რომელთაც აღენიშნებათ თირკმლის არტერიების შევიწროება ცალ მხარეს; - პაციენტებს, რომელთაც აღენიშნებათ თირკმლის დისფუნქცია. აუცილებელია სისხლის ცალკეული მაჩვენებლის შემოწმება, განსაკუთრებით მკურნალობის დასაწყისსა და შემდეგ რისკ-პაციენტებში: პაციენტები, რომელთაც აღენიშნებათ თირკმლის დისფუნქცია, კოლაგენოზი და რომლებიც იტარებენ მკურნალობას იმ პრეპარატებით, რომლებმაც შეიძლება გავლენა მოახდინონ სისხლის ანალიზზე (მაგ. პრეპარატები, რომლებიც ამცირებენ თავდაცით რეაქციებს, ალოპურინოლი ან პროკაინამიდი). იმ შემთხვევაში, თუ აღგენიშნათ ისეთი სიმპტომები, როგორიცაა სიცხე, ლიმფური კვანძების გაფართოება და/ან ყელის ანთება ტრიტაცე® 5 მგ ტაბლეტებით მკურნალობის დროს, დაუყოვნებლივ მიმართეთ ექიმს კონსულტაციისათვის (ლეიკოციტების ანალიზი).

გაფრთხილება

იმ შემთხვევაში, თუ მკურნალობის დროს განვითარდება ქსოვილოვანი შეშუპება (ანგიონევროზული შეშუპება), დაუყოვნებლივ შეწყვიტეთ ტრიტაცე® 5 მგ ტაბლეტების მიღება და კონსულტაციისათვის მიმართეთ ექიმს. შესაძლებელია იგი გავრცელდეს ხორხზე, ყელსა და/ან ენაზე. აგრეთვე შეიძლება ადგილი ჰქონდეს ტუჩების, სახის, კიდურებისა და კუჭ-ნაწლავის ქსოვილის შეშუპებას.

ხანდაზმული პაციენტები

ხანდაზმული (65 წელზე მეტი ასაკის) პაციენტების მკურნალობისას აუცილებელია დაიცვათ სიფრთხილის ზომები (იხილეთ აგრეთვე პარაგრაფი 3).

ბავშვები

ვინაიდან ტრიტაცე® 5 მგ ტაბლეტებით მკურნალობის გამოცდილება დადგენილი არ არის, ამიტომ ნუ გამოიყენებთ მას ბავშვებში. ეჭვის შემთხვევაში, აუცილებლად მიმართეთ რჩევისათვის თქვენს ექიმს ან ფარმაცევტს.

ორსულობა და ლაქტაცია:

ორსულობა

ტრიტაცე® 5 მგ ტაბლეტების მიღებამდე ორსულობა უნდა გამოირიცხოს რეპროდუქციული ასაკის ქალებში. ტრიტაცე® 5 მგ ტაბლეტებით მკურნალობის განმავლობაში, ამ ქალებმა უნდა გამოიყენონ კონტრაცეპციის ადექვატური მეთოდები. ტრიტაცე® 5 მგ ტაბლეტებით მკურნალობის პროცესში დაორსულების შემთხვევაში, მიმდინარე მკურნალობის კურსი უნდა შეიცვალოს მკურნალობის სხვა მეთოდით სამედიცინო მეთვალყურეობის ქვეშ, რათა შემცირდეს ბავშვის ჯანმრთელობაზე არსებული საფრთხის რისკი. პოტენციურად საბედისწერო ზიანი ბავშვს შეიძლება მიადგეს იმ შემთხვევაში, თუ ტრიტაცე® 5 მგ ტაბლეტების მიღება ხდება ორსულობის ბოლო 6 კვირაში.

ლაქტაცია

ტრიტაცე® 5 მგ ტაბლეტების აქტიური ნივთიერება რამიპრილი გადადის ცხოველთა რძეში. ვინაიდან არ არის დადგენილი, გადადის თუ არა რამიპრილი ადამიანთა რძეშიც და იწვევს თუ არა არასასურველ ეფექტს მეძუძურ ბავშვზე, ამიტომ დაუშვებელია ტრიტაცე® 5 მგ ტაბლეტების მიღება ლაქტაციის პერიოდში. თუ თქვენი ექიმი ჩათვლის, რომ მკურნალობა აუცილებელია ლაქტაციის პერიოდში, მაშინ თქვენ უნდა შეწყვიტოთ ძუძუთი კვება

როგორც წესი, რჩევისათვის ყოველთვის მიმართეთ თქვენს ექიმს ან ფარმაცევტს, ნებისმიერი პრეპარატის მიღებამდე ორსულობის ან ლაქტაციის პერიოდში

განსაკუთრებული მითითებები:

ტრიტაცე® 5 მგ ტაბლეტების მიღებისას ყოველთვის ზედმიწევნით დაიცავით ექიმის მითითებები. ეჭვის შემთხვევაში გადაამოწმეთ თქვენს ექიმთან ან ფარმაცევტთან. ტრიტაცე® 5 მგ ტაბლეტების მიღება აუცილებელია მხოლოდ ექიმის მიერ დანიშნული დროის მანძილზე. გთხოვთ მიმართოთ ექიმს იმ შემთხვევაში, თუ ფიქრობთ რომ ტრიტაცე® 5 მგ ტაბლეტების ეფექტი ძალიან ძლიერი ან ძალიან სუსტია. ქვემოთ მოცემული მითითებები გამოიყენება იმ შემთხვევაში, როდესაც ტრიტაცე® 5 მგ ტაბლეტების გამოწერა არ მოხდა თქვენი ექიმის მიერ.

სიფრთხილე

განსაკუთრებით იმ პაციენტებში, რომელთაც აღენიშნებათ წყალ-მარილოვანი უკმარისობა (მაგ. პირღებინება, ფაღარათი, დიურეზულებით მკურნალობა), გულის უკმარისობა, განსაკუთრებით გულის მწვავე შეტევის შემდეგ, ან მკვეთრად გამოხატული მაღალი სისხლის წნევა, სისხლის წნევის მკვეთრმა დაცემამ შესაძლებელია თავი იჩინოს ტრიტაცე® 5 მგ ტაბლეტებით მკურნალობის დასაწყისში (იხილეთ პარაგრაფი 2.2). შესაბამისად, უნდა მოხდეს მარილისა თუ სითხის არსებული დისბალანსის კორექცია ტრიტაცე® 5 მგ ტაბლეტებით მკურნალობის დაწყებამდე. დიურეზულების დოზა უნდა შემცირდეს ან საერთოდ შეწყდეს სულ მცირე 2-3 დღით ადრე. აღნიშნულ პაციენტებში მკურნალობის კურსი იწყება რამიპრილის 1,25 მგ დოზით დილით. შესაბამისად, ტრიტაცე® 5 მგ ტაბლეტების ან ძლიერმოქმედი დიურეტიკების დოზის შემდგომი ზრდის შემდეგ, თქვენ უნდა იყოთ სამედიცინო მეთვალყურეობის ქვეშ სულ მცირე რვა საათი მაინც, რათა თავიდან აიცილოთ სისხლის წნევის მკვეთრი დაცემა. აგფ-ინჰიბიტორის ეფექტი შეიძლება უფრო ძლიერი იყოს ზოგიერთ ხანდაზმულ პაციენტში (65 წელზე მეტი ასაკის), ვიდრე ახალგაზრდა პაციენტებში. ყველაზე დაბალი საწყისი დოზის (დღეში 1,25 მგ რამიპრილი) მიღება მიზანშეწონილია ხანდაზმულ პაციენტებსა და იმ პაციენტებში, რომელთა მიმართებაშიც სისხლის წნევის მკვეთრი დაცემა მეტად სახიფათოა. (მაგ. პაციენტები, რომელთაც ახასიათებთ კორონარული სისხლძარღვების და იმ სისხლძარღვების შევიწროება, რომლებიც ტვინს სისხლით ამარაგებს).

იმ პაციენტებს, რომელთაც აღენიშნებათ სისხლის მაღალი წნევის სერიოზულად პროგრესირებადი ფორმა (ავთვისებიანი ჰიპერტენზია) ან გულის უკმარისობა, განსაკუთრებით გულის მწვავე შეტევის შემდეგ, ტრიტაცე® 5 მგ ტაბლეტებით მკურნალობა უნდა იქნას დაწყებული საავადმყოფოში

ჭარბი დოზირება:

თუ შემთხვევით მიიღეთ ძალიან ბევრი ტაბლეტი ან ეჭვობთ დოზის გადაჭარბებას, ან თუ ბავშვმა გადაყლაპა რამდენიმე ტაბლეტი, დაუყოვნებლივ მიმართეთ ექიმს/გადაუდებელი სასწრაფო დახმარების ექიმს. ექიმი შეაფასებს აღნიშნული შემთხვევის სერიოზულობას და თავად გადაწყვეტს საჭირო ზომების მიღებას. ჭარბ დოზირებასთან დაკავშირებით შესაძლებელია თავი იჩინონ შემდეგმა სიმპტომებმა:

- სისხლის წნევის მკვეთრი დაცემა, გულისცემის შენელებული სიხშირე, ცირკულაციური შოკი, მარილოვანი და სითხის დისბალანსი, თირკმლის ფუნქციის დარღვევა.

ერთი ან რამდენიმე დოზის გამოტოვება

ნუ მიიღებთ დამატებით დოზას შემდგომში, მხოლოდ განაგრძეთ დანიშნული დოზით მკურნალობა

- აბსტინენციური სინდრომის განვითარების რისკი;

ნუ შეწყვეტთ ტრიტაცე® 5 მგ ტაბლეტებით მკურნალობას ექიმთან კონსულტაციის გარეშე. არტერიული წნევა შეიძლება კვლავ გაიზარდოს იმ პაციენტებში, რომელთაც ახასიათებთ მაღალი არტერიული წნევა

რა ზომებს უნდა მივმართოთ მწვავე გვერდითი ეფექტების გამოვლენის შემთხვევაში?

მოულოდნელი, აგფ-ინჰიბიტორებით გამოწვეული ქსოვილოვანი შეშუპების, რომელიც ვრცელდება ხორხზე, ყელსა და/ან ენაზე, მკურნალობა დაუყოვნებლივ ხდება ექიმთან. სასწრაფოდ უნდა დაწვეთ საავადმყოფოში და ჩაიტაროთ სულ მცირე 12-24 საათიანი მონიტორინგი. ზოგიერთ ვითარებაში სისხლის წნევის მკვეთრი დაცემა, სიყვითლე და ჰიპერმგრძნობელობითი რეაქციები შესაძლებელია სიცოცხლისათვის სახიფათო აღმოჩნდეს. გთხოვთ მიმართოთ ექიმს თუ ზემოაღნიშნული გვერდითი ეფექტიდან ერთ-ერთი მოულოდნელად იჩენს თავს ან გამწვავდება. არავითარ შემთხვევაში არ განაგრძოთ პრეპარატის მიღება სამედიცინო მეთვალყურეობის გარეშე. გთხოვთ კონსულტაციისათვის მიმართოთ თქვენს ექიმს ან ფარმაცევტს, თუ შენიშნავთ ზემოთ ჩამოთვლილი გვერდითი ეფექტებიდან ერთ-ერთს ან რომელიმე სხვა არასასურველ ეფექტს ტრიტაცე® 5 მგ ტაბლეტებით მკურნალობის დროს. სხვა აქტიური პრეპარატების მსგავსად, აღნიშნულმა პრეპარატმა ზოგიერთ პირთან მიმართებაში შესაძლებელია გამოიწვიოს არასასურველი ეფექტის სხვადასხვა ხარისხი: უთხარით ექიმს ან ფარმაცევტრს თუ რაიმე არასასურველი ან არასასიამოვნო ეფექტი არ არის მითითებული წინამდებარე ინსტრუქციაში

სხვა წამლებთან ურთიერთქმედება:

გთხოვთ შეატყობინოთ თქვენს ექიმს ან ფარმაცევტს, თუ იღებთ ან ახლახანს დაასრულეთ სხვა პრეპარატების მიღება, მათ თაობაზეც კი, რომლებიც არ იყვნენ დანიშნულნი.

- ტრიტაცე® 5 მგ ტაბლეტებს შეუძლიათ კიდევ უფრო გაზარდონ სისხლში კალიუმის შემცველობის დონე, თუ თქვენ ღებულობთ კალიუმის მარილს ან სხვა პრეპარატს, რომლებიც ხელს უწყობენ კალიუმის შემცველობის დონეების ზრდას. ზემოაღნიშნული მოიცავს გარკვეული ტიპის საშუალებებს (ე.წ. კალიუმის შემანარჩუნებელი დიურეზულები, როგორიცაა ამილორიდი, ტრიამტერენი, სპირონოლაქტონი) და ჰეპარინს.

- სისხლის წნევის დამწევი პრეპარატები, როგორიცაა კალციუმის არხების ბლოკატორები, β-ადრენობლოკატორები და, განსაკუთრებით, დიურეზულები, ხელს უწყობენ ტრიტაცე® 5 მგ ტაბლეტების სისხლის წნევის დამწევი ეფექტის ზრდას (სხვა დიურეზულებთან ერთდროული მკურნალობისას რეკომენდებულია სისხლში ნატრიუმის შემცველობის დონეების რეგულარული მონიტორინგი).

- სხვა პრეპარატებს, რომელთაც ახასიათებთ სისხლის წნევის დამწევი ეფექტი (მაგ. ნიტრატები, ტრიციკლური ანტიდეპრესიული საშუალებები, საძილე მედიკამენტები და საანესთეზიო პრეპარატები – ჰიპნოზური საშუალებები, ნარკოტიკები, საანესთეზიო საშუალებები) შეუძლიათ უფრო მეტად შეუწყონ ხელი სისხლის წნევის დაცემას.

- ტრიტაცე® 5 მგ ტაბლეტების სისხლის წნევის დამწევი ეფექტი შესაძლებელია შემცირდეს სისხლის წნევის ამწევი ისეთი საშუალებებით, როგორიცაა სისხლძარღვთა შემავიწროვებელი სიმპათომიმეტური პრეპარატები (მაგ. ეფედრინი).

- სისხლის ანალიზში ცვლილებები თავს იჩენენ ძირითადად ალოპურინოლთან, პროკაინამიდთან ან ისეთ პრეპარატებთან ერთდროული მკურნალობის დროს, რომლებიც ამცირებენ სხეულის თავდაცვით რეაქციებს (ციტოსტატურები, იმუნოდეპრესიული საშუალებები, სისტემური კორტიკოსტეროიდები).

- ლითიუმის მიღება დასაშვებია ტრიტაცე® 5 მგ ტაბლეტებთან ერთად მხოლოდ იმ შემთხვევაში, თუ ყურადღებით განხორციელდა მონიტორინგი შრატში ლითიუმის კონცენტრაციებზე, რათა თავიდან იქნას აცილებული გულსა და ნერვებზე საზიანო ეფექტის რისკის ზრდა.

- სისხლში შაქრის შემცველობის დამწევი პერორალური პრეპარატები (მაგ. სულფანილშარდოვანას ნაწარმები, ბიგუანიდები) და ინსულინი: არსებობს რისკი, რომ სისხლში შაქრის შემცველობის მაჩვენებელმა დაიწიოს ნორმალურ მაჩვენებელზე დაბლა (ჰიპოგლიკემია), ვინაიდან ინსულინის მიმართ რეზისტენტობა შესაძლებელია შემცირდეს ტრიტაცე® 5 მგ ტაბლეტებით და გაიზარდოს პრეპარატების სისხლში შაქრის შემცველობის დამწევი ეფექტი (მკურნალობის დასაწყისში განსაკუთრებით რეკომენდებულია სისხლში შაქრის შემცველობის ყურადღებით მონიტორინგი).

- ტკივილგამაყუჩებელმა და ანთების საწინააღმდეგო გარკვეულმა პრეპარატებმა (არასტეროიდული ანთების საწინააღმდეგო მედიკამენტები, როგორიცაა ინდომეტაცინი, ასპირინი) შესაძლებელია შეამცირონ სისხლის წნევის დამწევი ეფექტი, გამოიწვიონ თირკმლის დისფუნქცია და სავარაუდოდ გაზარდონ კალიუმის შემცველობის დონეები. გთხოვთ ყურადღება მიაქციოთ, რომ აღნიშნული ინფორმაცია შესაძლებელია გამოყენებული იქნას იმ პრეპარატებთან მიმართებაში, რომელთაც მიღებაც ახლახანს დაასრულეთ

შენახვის პირობები და ვადები:

5 წელი

არ ინახება +30°C-ზე მაღალ ტემპერატურაზე

შეინახეთ პრეპარატი ბავშვებისათვის მიუწვდომელ ადგილას.

დაუშვებელია გარე შეფუთვაზე მითითებული ვარგისიანობის ვადის გასვლის შემდეგ გამოყენება

აფთიაქში გაცემის წესი:

რეცეპტით.

საერთაშორისო დასახელება:

RAMIPRIL

მწარმოებელი ქვეყანა:  იტალია

კლინიკურ-ფარმაკოლოგიური ჯგუფი:

ანგიოტენზინ-გარდაქმნელი ფერმენტების ინჰიბიტორები

შემადგენლობა და გამოშვების ფორმა:

ტრიტაცე® 5 მგ ტაბლეტები მოთავსებულია ბლისტერში, რომელიც შეიცავს 28 ტაბლეტს

ფარმაკოკინეტიკა:

ტრიტაცე®5 მგ ტაბლეტები წარმოადგენს აგფ–ინჰიბიტორებს, რომელიც ხელს უწყობს არტერიული წნევის დაქვეითებას და გულის მუშაობის გაუმჯობესებას

ჩვენებები:

მიღების წესები და დოზები:

თირკმლის ნორმალური ფუნქციის მქონე პაციენტებში გამოიყენება შემდეგი დოზები, გარდა იმ შემთხვევებისა, თუ მათი გამოწერა სხვაგვარად არ ხდება: ორგანული მიზეზის გარეშე გამოწვეული სისხლის მაღალი წნევა (პირველადი არტერიული ჰიპერტენზია) ჩვეულებრივ, საწყისი დოზა არის 5 მგ რამიპრილი დილით. აღნიშნული დოზა წარმოადგენს აგრეთვე შემანარჩუნებელ დოზას. აღნიშნულთან დაკავშირებით არსებობს შესაბამისი სიძლიერის მაჩვენებლები. თუ აღნიშნული დოზის საშუალებით სისხლის წნევა არ იქნება ნორმის ფარგლებში, თქვენს ექიმს შეუძლია გაზარდოს დღიური დოზა 1 X ტრიტაცე® 5 მგ ტაბლეტებამდე (5 მგ რამიპრილის ექვივალენტი) არაუადრეს 3 კვირაზე.

მაქსიმალურ დოზას წარმოადგენს დღეში 2 X ტრიტაცე® 5 მგ ტაბლეტები (10 მგ რამიპრილის ექვივალენტი).

იმ შემთხვევაში, თუ საკმარისი არ არის დღეში 1 X ტრიტაცე® 5 მგ ტაბლეტების (5 მგ რამიპრილის ექვივალენტი) სისხლის წნევის დამწევი ეფექტი, რეკომენდებულია, მაგალითად, დამატებით დიურეზულების ან კალციუმის ანტაგონისტების მიღება. რამიპრილის სისხლის წნევის დამწევი ეფექტის გაზრდა შესაძლებელია ამ გზით.

შენიშვნა: ტრიტაცე® 5 მგ ტაბლეტებით მკურნალობის კურსი იწყება მხოლოდ საავადმყოფოს პირობებში. განსაკუთრებით ყურადღებით უნდა განხორციელდეს მეთვალყურეობა იმ პაციენტებზე, რომლებიც ღებულობენ სისხლის წნევის დამწევ სხვა პრეპარატებს, რათა თავიდან აიცილონ სისხლის წნევის დაცემა. საწყის სადღეღამისო დოზას წარმოადგენს 2,5 მგ რამიპრილი (დღეში 5 მგ რამიპრილის ექვივალენტი). თუ აღნიშნული დოზის მიმართ პაციენტებს არ ახასიათებთ ტოლერანტობა (მაგ. თუ ადგილი აქვს სისხლის წნევის მკვეთრ დაცემას), სადღეღამისო დოზა უნდა შემცირდეს 1,25 მგ რამიპრილამდე (დღეში 2,5 მგ რამიპრილის ექვივალენტი). დოზის გაზრდა ხდება პაციენტის მდგომარეობის მიხედვით.

დოზის გაორმაგება შესაძლებელია 1-2 დღის ინტერვალით, 1 X ტრიტაცე® 5 მგ ტაბლეტების მაქსიმალურ დღიურ დოზამდე როგორც დილით, ისე საღამოს (დღეში 10 მგ რამიპრილის ექვივალენტი).

არადიაბეტური გლომერულოპათია რეკომენდებული საწყისი დოზა არის 1,25 მგ რამიპრილი დღეში ერთჯერ. აღნიშნულთან დაკავშირებით არსებობს შესაბამისი სიძლიერის სხვა მაჩვენებლები. დოზის გაზრდა შესაძლებელია პრეპარატის მიმართ თქვენი ტოლერანტობის მიხედვით. დოზის გაორმაგება რეკომენდებულია 2-3 კვირიანი ინტერვალით. შემანარჩუნებელ დოზას ჩვეულებრივ წარმოადგენს 1 X ტრიტაცე® 5 მგ ტაბლეტები (5 მგ რამიპრილის ექვივალენტი) ერთჯერ დღეში. უფრო მაღალი დოზით მკურნალობასთან დაკავშირებით ამჟამად არ არსებობს საკმარისი გამოცდილება.

იმ პაციენტებში, რომელთაც აღენიშნებათ 60 მლ/წთ-ზე ნაკლები კრეატინინის კლირენსი, დაუშვებელია 1 X ტრიტაცე® 5 მგ ტაბლეტების (5 მგ რამიპრილის ექვივალენტი) დღიური მაქსიმალური დოზის გადაჭარბება.

გულის შეტევის, ინფარქტის ან გულ-სისხლძარღვთა დაავადებით გარდაცვალების რისკის შემცირება იმ პაციენტებში, რომელთაც აღენიშნებათ გულ-სისხლძარღვთა დაავადებების მომატებული რისკი. რეკომენდებული საწყისი დოზა არის 2,5 მგ რამიპრილი დღეში ერთხელ. პრეპარატის მიმართ ტოლერანტობის მიხედვით შესაძლებელია დოზის თანდათან მომატება. რეკომენდებულია დოზის გაორმაგება ერთი კვირის შემდეგ და მომდევნო 3 კვირის შემდეგ დღეში 10 მგ რამიპრილამდე გაზრდა. ჩვეულებრივ შემანარჩუნებელ დოზას წარმოადგენს 2 X ტრიტაცე® 5 მგ ტაბლეტები დღეში (10 მგ რამიპრილის ექვივალენტი) დოზის განსაზღვრა იმ პაციენტებში, რომელთაც აღენიშნებათ თირკმლის ფუნქციის დარღვევა (60 მლ/წთ-ზე ნაკლები კრეატინინის კლირენსი) საწყის დოზას წარმოადგენს 1,25 მგ რამიპრილი დილით. დაუშვებელია 1 X ტრიტაცე® 5 მგ ტაბლეტების (5 მგ რამიპრილის ექვივალენტი) დღიური მაქსიმალური დოზის გადაჭარბება.

მიღების მეთოდი:

მიიღება პერორალური გზით.

მიღების დრო და სიხშირე

ტრიტაცე® 5 მგ ტაბლეტების მიღება ხდება უშუალოდ საუზმის წინ, დროს ან მის შემდეგ საკმაო რაოდენობით სითხესთან ერთად. აქტიური ნივთიერება რამიპრილის აბსორბციაზე არსებით გავლენას არ ახდენს საკვები. გულის მწვავე შეტევის შემდგომი გულის უკმარისობის მქონე პაციენტების შემთხვევაში თავდაპირველად მითითებული დღიური დოზა უნდა გაიყოს ორ ინდივიდუალურ დოზად (დილის და საღამოს დოზა). სხვა პაციენტებში დღიური დოზა მიიღება ერთჯერადად დილით. იმ პაციენტებში, რომელთაც განუვითარდათ გულის უკმარისობა გულის მწვავე შეტევის შემდგომ, ტრიტაცე® 5 მგ ტაბლეტებით მკურნალობა იწყება გულის შეტევიდან 2-9 დღეში.

მკურნალობის ხანგრძლივობა

ექიმი თავად წყვეტს მკურნალობის კურსის ხანგრძლივობას. იმ პაციენტებისათვის, რომელთაც აღენიშნებათ გულის უკმარისობა გულის მწვავე შეტევის შემდეგ, რეკომენდებულია ტრიტაცე® 5 მგ ტაბლეტების მიღება სულ მცირე 15 თვის მანძილზე.

გვერდითი მოვლენები:

სხვა პრეპარატების მსგავსად, ტრიტაცე® 5 მგ ტაბლეტებსაც ახასიათებთ გვერდითი ეფექტები, თუმცა არა ყველა პაციენტთან მიმართებაში. ქვემოთ მოცემულია ტრიტაცე® 5 მგ ტაბლეტებისა და სხვა აგფ-ინჰიბიტორებისათვის დამახასიათებელი არასასურველი ეფექტები. გვერდითი ეფექტების კლასიფიცირება შემდეგნაირად ხდება:

ძალიან ხშირი:

10 ნამკურნალებ პაციენტში 1-ზე მეტი შემთხვევა

ხშირი:

10 ნამკურნალებ პაციენტში 1-ზე ნაკლები, მაგრამ 100 ნამკურნალებ პაციენტში 1-ზე მეტი შემთხვევა

ნაკლებად ხშირი:

100 ნამკურნალებ პაციენტში 1-ზე ნაკლები, მაგრამ 1000 ნამკურნალებ

პაციენტში 1-ზე მეტი შემთხვევა

იშვიათი:

1000 ნამკურნალებ პაციენტში 1-ზე ნაკლები, მაგრამ 10000 ნამკურნალებ პაციენტში 1-ზე მეტი შემთხვევა

ძალიან იშვიათი:

10000 ნამკურნალებ პაციენტში 1-ზე ნაკლები შემთხვევა, რაც მოიცავს ერთეულ შემთხვევებს.

ნერვული სისტემა

ნაკლები სიხშირით თავს იჩენს თავის ტკივილი, დაღლილობა და წონასწორობის დარღვევა, ხოლო იშვიათად – თავბრუსხვევა, ჭარბი ძილიანობა (მოთენთილობა), დეპრესია, ძილის დარღვევა, იმპოტენცია, სქესობრივი ლტოლვის დაქვეითება, დაბნეულობა, შფოთვა, ნერვიულობა, მოუსვენრობა, კანკალი, სმენის დარღვევები (მაგ. ხმაური ყურებში), ბუნდოვანი მხედველობა და სუნის აღქმის დარღვევები, გემოსთან დაკავშირებული ცვლილებები ან გემოს შეგრძნების დროებით დაკარგვა. ძალიან იშვიათად – ჩხვლეტა, მეტყველების მოშლა და სიცივის შეგრძნება კიდურებში (პარესთეზია).

გულ-სისხლძარღვთა სისტემა

განსაკუთრებით ტრიტაცე® 5 მგ ტაბლეტებით მკურნალობის დასაწყისში და იმ პაციენტებში, რომელთაც აღენიშნებათ: მარილის და/ან სითხის უკმარისობა (მაგ. დიურეზულებით] ადრე ჩატარებული მკურნალობის კურსი), გულის უკმარისობა (განსაკუთრებით გულის მწვავე შეტევის შემდეგ), მკვეთრად გამოხატული მაღალი არტერიული წნევა, მაგრამ აგრეთვე, აქტიური ნივთიერება რამიპრილის და/ან დიურეზულების დოზის გაზრდის შემდეგ, არტერიული წნევის მკვეთრმა დაცემამ (ჰიპოტენზია, განსაკუთრებით წამოდგომისას) შესაძლებელია თავი იჩინოს ნაკლები სიხშირით ისეთი სიმპტომების თანხლებით, როგორიცაა თავბრუსხვევა, თავის არეში სიცარიელის შეგრძნება(ხანდახან ყურადღების კონცენტრაციის დარღვევასთან ერთად), ოფლიანობა, სისუსტის შეგრძნება და მხედველობის დარღვევები. აღნიშნულ შემთხვევაში იშვიათად აღინიშნება ცნობიერების დაკარგვა (სინკოპე). არტერიული წნევის მკვეთრ დაცემასთან დაკავშირებით შესაძლებელია თავი იჩინოს შემდეგმა გვერდითმა ეფექტებმა: ნაკლები სიხშირით - გულის რიტმის აჩქარება (ტაქიკარდია), იშვიათად – გულის აჩქარება და სტენოკარდია და ძალიან იშვიათად – გულის შეტევა (შესაძლოა სიცოცხლისათვის სახიფათო), ხანმოკლე სიმპტომური ცირკულაციური დარღვევები თავის ტვინში (ხანმოკლე იშემიური შეტევა) და ინფარქტი (იშემიური ცერებრალური შეტევა, შესაძლოა იყოს სიცოცხლისათვის სახიფათო). იშვიათ შემთხვევებში, თავს იჩენს ან უარესდება გულისცემის სიხშირის დარღვევები. ძალიან იშვიათად – სისხლის მიმოქცევის დარღვევები, რაც გამოწვეულია ტრიტაცე® 5 მგ ტაბლეტებით მკურნალობისას სისხლძარღვთა შევიწროების გაუარესებით.

სასუნთქი სისტემა

ხშირად აღინიშნება მშრალი, გამაღიზიანებელი ხველა. იშვიათად - ბრონქების სპაზმური შევიწროება (ბრონქოსპაზმი), გაძნელებული სუნთქვა, ბრონქიტი, ცხვირის ლორწოვანი გარსის ანთება და გაცივება (რინიტი). იშვიათად ვითარდება აგფ-ინჰიბიტორებით გამოწვეული ქსოვილოვანი შეშუპება (ანგიონევროზული შეშუპება), რაც ვრცელდება ხორხზე, ყელსა და/ან ენაზე. შავკანიან პაციენტებს უფრო მეტი მიდრეკილება ახასიათებთ ქსოვილოვანი შეშუპებისადმი, ვიდრე არა-შავკანიანებს. კუჭ-ნაწლავის ტრაქტი: ნაკლები სიხშირით თავს იჩენს გულისრევა და მადის დაკარგვა. იშვიათად ისეთი სიმპტომები, როგორიცაა მუცლის ტკივილი, მუცლის ღრუს ზედა ნაწილის სიმპტომები (იშვიათად კუჭქვეშა ჯირკვლის ფერმენტების ზრდის თანხლებით), საჭმლის მონელების დაღვევა, პირღებინება, ფაღარათი ან ყაბზობა. ძალზედ იშვიათად გვხვდება კუჭ-ნაწლავის არეში ქსოვილოვანი შეშუპება (კუჭ-ნაწლავის ანგიონევროზული შეშუპება). იშვიათად – პირის, ენის ან კუჭ-ნაწლავის ტრაქტის ლორწოვანი გარსის ანთება, პირის სიმშრალე და წყურვილი. ძალზე იშვიათ შემთხვევებში – კუჭქვეშა ჯირკვლის ანთება (პანკრეატიტი) და კუჭ-ნაწლავის ფუნქციის დარღვევა (სუბილეუს, ილეუს).

ღვიძლი

აგფ-ინჰიბიტორებით მკურნალობის დროს ძალიან იშვიათ შემთხვევებში ვლინდება სინდრომი, რომელიც ჩნდება ნაღვლის ბუშტის ფუნქციის დარღვევის შედეგად გამოწვეული სიყვითლით (ქოლესტაზური სიყვითლე) და იწვევს ღვიძლის უჯრედების ნეკროზს (ღვიძლის ნეკროზი, რომელიც შეიძლება სიცოცხლისათვის საშიში აღმოჩნდეს). ღვიძლის ფუნქციის დარღვევები (ღვიძლის მწვავე უკმარისობის ჩათვლით) და ღვიძლის ანთება (ჰეპატიტის) ვლინდება ძალზედ იშვიათად. სიყვითლის (იცტერუს) გამოვლინების ან ღვიძლის ფერმენტების მკვეთრი ზრდის შემთხვევაში, დაუყოვნებლივ უნდა შეწყდეს ტრიტაცე® 5 მგ ტაბლეტებით მკურნალობა და პაციენტი მოთავსდეს სამედიცინო მეთვალყურეობის ქვეშ.

კანი, ალერგიული რეაქციები

კანის ან ლორწოვანი გარსის რეაქციები (სავარაუდოდ ალერგიული რეაქციების ნიშნები), როგორიცაა გამონაყარი, ჭინჭრის ციება, ქავილი ან ქსოვილოვანი შეშუპება (ანგიონევროზული შეშუპება), რომელიც ვრცელდება ტუჩებზე, სახესა და/ან კიდურებზე, თავს იჩენს ნაკლები სიხშირით და საჭიროებენ ტრიტაცე® 5 მგ ტაბლეტებით მკურნალობის შეწყვეტას. შესაძლებელია, აგრეთვე, განვითარდეს ზომიერი, არა-ანგიონევროზული შეშუპება, მაგალითად, კოჭის სახსრების მიდამოებში. ნაკლები სიხშირით ვლინდება თვალის ეპითელური ქსოვილის (კონიუქტივიტი) გაღიზიანება და იშვიათად – სახის სიწითლე. ძალზედ იშვიათ შემთხვევებში გვხდება ისეთი სერიოზული კანის რეაქციები, როგორიცაა მრავალფორმიანი ერითემა, სტივენს-ჯონსის სინდრომი ან ტოქსიკური ეპიდერმული ნეკროლიზი. ძალიან იშვიათად - გამონაყარი ლაქებითა და შესიებით (მაკულოპაპულური ეგზანთემა ან ენანთემა), ან ბუშტუკის ფორმის კანის მწვავე დაავადება (პერფინგუსი), კანის საფარველის გაუარესება (ფსორიაზი), კანსა თუ ლორწოვან გარსში ქერცლიანი, ბუშტუკოვანი ან სირსველისებური (ფსორიაზიფორმული, პემფიგოიდური ან სირსველისებური) ცვლილებები, მგრძნობელობა სინათლის მიმართ(ფოტოსენსიბილიზაცია), თმის ცვენა, ფრჩხილების გაყოფა, სისხლძარღვების ანთება და რეინოს დაავადებისას (სიმეტრიული განგრენა) სისხლძარღვთა სპაზმების მომატება ან განვითარება. კანზე მომხდარ ზოგიერთ ცვლილებას, შესაძლებელია თან ახლდეს ტემპერატურის მომატება, კუნთებისა და სახსრების ტკივილი (მიალგია, ართრალგია), სისხლძარღვთა ანთება და გარკვეული ლაბორატორიული პარამეტრების შეცვლა (ეოზინოფილური ლეიკოციტოზი და/ან ანტინუკლეინური ანტისხეულების მაჩვენებლის ზრდა) კანის სერიოზული რეაქციის არსებობის ეჭვის შემთხვევაში, დაუყოვნებლივ მიმართეთ თქვენს მკურნალ ექიმს და საჭიროების შემთხვევაში შეწყვიტეთ ტრიტაცე® 5 მგ ტაბლეტების მიღება. მწერის შხამით გამოწვეული ჰიპერმგრძნობელობითი რეაქციები თავს იჩენს აგფ-ინჰიბიტორებთან მიმართებაში და თან ახლავთ მეტად სეროზული შედეგები.

თირკმელები

თირკმლის ფუნქციის დარღვევების შემთხვევა ან გაუარესება ნაკლებად ხშირია და ძალზედ იშვიათ შემთხვევებში იწვევენ თირკმლის მწვავე უკმარისობას. ძალზედ იშვიათად გვხდება შარდში პროტეინების მზარდი გამოყოფის შემთხვევები, რასაც ზოგჯერ თან ახლავს თირკმლის ფუნქციის გაუარესება.

საყრდენ-მამოძრავებელი და სხვა სისტემები ძალზედ იშვიათად – კუნთების შევიწროება, კუნთებისა და სახსრის ტკივილი ან სიცხე.

ცვლილებები სისხლში: ლაბორატორიული კვლევები იშვიათად ვლინდება ჰემოგლობინის კონცენტრაციის შემცირება, ჰემატოკრიტი, ლეიკოციტები თუ თრომბოციტები. განსაკუთრებით თირკმლის დარღვეული ფუნქციის, კოლაგენოზის მქონე პაციენტებში ან ვინც ამავდროულად იღებს ალოპურინოლს, პროკაინამიდს, ან გარკვეულ პრეპარატებს, რომლებიც ხელს უწყობს დაცვითი რეაქციების შემცირებას, ძალზედ იშვიათად გვხდება სისხლის საერთო ანალიზში პათოლოგიური შემცირება ან სხვა ცვლილებები (ანემია, თრომბოციტოპენია, ნეიტროპენია, ეოზინოფილია). ძალზედ იშვიათად – სისხლის ზოგიერთი ან ყველა უჯრედის სრული დაკარგვა (მაგალითად, ძვლის ტვინის განვითარების უნარის დაკარგვით გამოწვეული აგრანულოციტოზი ან პანციტოპენია). ძალზედ იშვიათ შემთხვევებში შეინიშნება მომატებული ანტინუკლეინური ანტისხეულების მაჩვენებლები. ჰემოლიზის/ჰემოლიზური ანემიის ძალზედ იშვიათი შემთხვევები აღინიშნება, იშვიათი ნივთიერებათა ცვლის დარღვევასთან კავშირის ჩათვლით (გლუკო-6-ფოსფატა დეჰიდროგენაზას უკმარისობა). ნაკლებად ხშირ შემთხვევებში, თირკმლის დარღვეული ფუნქციის მქონე პაციენტებში, შესაძლებელია გაიზარდოს სისხლში შარდოვანას და კრეატინინის კონცენტრაციები, აგრეთვე, ძალიან იშვიათად – სისხლში კალციუმის შემცველობის დონეები, მაშინ, როდესაც ცალკეულ შემთხვევებში, შესაძლებელია ადგილი ჰქონდეს სისხლში ნატრიუმის შემცველობის დონეების შემცირებას. სისხლში კალიუმის შემცველობის მომატება ახასიათებთ იმ პაციენტებს, რომელთაც აქვთ გამოხატული დიაბეტი (შაქრიანი დიაბეტი). ნაკლები სიხშირით ვლინდება ბილირუბინისა და ღვიძლის ფერმენტების კონცენტრაციის ზრდა და იშვიათად – შრატის კუჭქვეშა ჯირკვლის ფერმენტები. ძალზედ იშვიათ შემთხვევებში აღინიშნება შარდში პროტეინების გამოყოფა.

შენიშვნა:

აღნიშნული ლაბორატორიული მაჩვენებლები უნდა იქნას შესწავლილი მკურნალობის დაწყებამდე და რეგულარულად ტრიტაცე® 5 მგ ტაბლეტებით მკურნალობის მანძილზე.

გაგრძელება

მწარმოებელი: ს.ს. “ჯორჯიან ფარმაცევტიკალ გრუპ”-ი

შემადგენლობა:

კრაზანას ბალახი (Herba Hyperici) .................................... 60 მგ.

სვიის ნაყოფი (Humulus Lupulus-Strobile Lupuli) .............    20 მგ.

კუნელის ნაყოფი (Fructus Crategi) .................................  30 მგ.

ფარმაკოლოგიური თვისება:

ეფექტური მცენარეული საშუალება, გამოხატული დამამშვიდებელი და საძილე ეფექტით.

ჩვენებები:

• ქრონიკული გადაღლილობის სინდრომი;

• გაძნელებული ჩაძინება;

• წყვეტილი ძილი;

• ძილის დარღვევის სხვა მსუბუქი ფორმები;

• დაქვეითებული შრომისუნარიანობა;

უკუჩვენება:

* მომატებული მგრძნობელობა პრეპარატის შემადგენელი კომპონენტების მიმართ;

*12 წლამდე ასაკი;

გვერდითი მოვლენები:

არ არის დადგენილი.

ურთიერთქმედება სხვა სამკურნალო საშუალებებთან:

არ არის დადგენილი.

მიღების წესი და დოზირება:

1-2 ტაბლეტი  დღეში 2-ჯერ,  დღის მეორე ნახევარში.

მკურნალობის კურსის ხანგრძლივობა შეადგენს 3-4 კვირას.

მკურნალობის კურსის განმეორება შესაძლებელია 10 დღის შემდეგ.

განსაკუთრებული მითითებები:

პრეპარატი გამოიყენება ყოველდღიური ფსიქიური და ფიზიკური დაძაბულობის კუპირებისათვის, ვეგეტატიური ფუნქციების რეგულაციისა და სტაბილიზაციისათვის.

პრეპარატის მიღების შეწყვეტისას  აბსტინენციის სინდრომი არ ვლინდება.

რეკომენდირებული დოზით მიღების შემთხვევაში, შესაძლებელია სატრანსპორტო საშუალებების მართვა და დანადგარებთან მუშაობა.

გამოყენება ორსულობისა და ლაქტაციის დროს:

პრეპარატის გამოყენება ორსულობისა და ლაქტაციის დროს შეიძლება ექიმის მეთვალყურეობის ქვეშ.

შენახვის ვადა და პირობები:

3 წელი. ინახება მშრალ, სინათლისაგან დაცულ და ბავშვებისათვის მიუწვდომელ ადგილას, ოთახის ტემპერატურაზე.

მწარმოებელი: KRKA, სლოვენია

კლინიკურ-ფარმაკოლოგიური ჯგუფი:

პოლივიტამინი მიკროელემენტით.

შემადგენლობა და გამოშვების ფორმა:

კაფსულები: ბლისტერზე 10 კაფს, შეფუთვაში 3 ბლისტერი.

1 კაფს.

β-კაროტინი (პროვიტამინი A)  ................       10 მგ

ტოკოფეროლის აცეტატი (ვიტამინი E) ...........  40 მგ

ასკორბინის მჟავა (ვიტამინი C) ...............        100 მგ

სელენი (კომპლექსური საფუარით) ...........       50 მკგ

დამხმარე ნივთიერებები:

ტალკი, კაჟბადის დიოქსიდი კოლოიდური უწყლო, მაგნიუმის სტეარატი, dI-ალფა-ტოკოფეროლი, ასკორბილპალმიტატი, ნატრიუმის ასკორბატი, საქაროზა, ჟელატინი, სიმინდის სახამებელი, ეთილცელულოზა, ჟელატინის კარბოჰიდრატი.

კაფსულის გარსის შემადგენლობა: ჟელატინი, ტიტანის დიოქსიდი, საღებავი ქინოლონის ყვითელი (E104), საღებავი აზორუბინი (E122), საღებავი წითელი 4R (E124), მეთილ პარაჰიდროქსიბენზოატი, პროპილპარაჰიდროქსიბენზოატი.

ფარმაკოლოგიური თვისებები:

ასკორბინის მჟავას (ვიტამინი C) β-კაროტინს (რომელიც ორგანიზმში ვიტამინ A გარდაიქმნება) და ტოკოფეროლს (ვიტამინი E) ანტიოქსიდანტური მოქმედება გააჩნიათ, ე.ი. ორგანიზმს იცავენ თავისუფალი რადიკალების დამაზიანებელი მოქმედებისაგან.

ვიტამინები A, E, და β-კაროტინი თავისუფალ რადიკალებს ანეიტრალებენ, მათი ელექტრონის ბლოკირებით, და დაზიანებისაგან იცავენ უჯრედების მემბრანების ლიპიდებს.

ასკორბინის მჟავა (ვიტამინი C) მოქმედებს უჯრედის წყლიან გარემოში თავისუფალი რადიკალების გაუვნებელყოფის რეაქციებში.

ვიტამინები A, E და C ავსებენ და აძლიერებენ ერთმანეთის ანტიოქსიდანტურ მოქმედებას.

ანტიოქსიდანტური ვიტამინების მოქმედების ეფექტურობა დამოკიდებულია იმაზე, გამოიყენებიან ისინი იზოლირებულად თუ ერთად.

სელენი გლუტატიონპეროქსიდაზას ფერმენტის შემადგენელი ნაწილია. გლუტატიონპეროქსიდაზა უჯრედის ანტიოქსიდანტური დაცვის შემადგენელი ნაწილია და მნიშვნელოვან როლს ასრულებს ოქსიდანტებით უკვე მიყენებული დაზიანების აღდგენაში და თავისუფალი რადიკალების წარმოქმნის ჯაჭვური რეაქციის შეწყვეტაში. გლუტატიონპეროქსიდაზა ანეიტრალებს თავისუფალი რადიკალური ჟანგვის ყველაზე ტოქსიკურ პროდუქტებს - ლიპოპეროქსიდებს. ვიტამინები C, E,  β-კაროტინის და სელენის კომბინაცია რაციონალური ანტიოქსიდანტური მოქმედების გამოსავლენად.

ანტიოქსიდანტი ვიტამინების დამცავი თვისებები ვლინდება ორგანიზმის გამძლეობაში გარემოს არასასურველი ფაქტორების მიმართ, ორგნიზმის დამცავი თვისებების გაძლიერებაში, ანთების საწინააღმდეგო მოქმედებაში, ისინი ხელს უწყობენ ორგანიზმის დაბერების პროცესის შენელებას.

ჩვენებები:

ტრიოვიტის კაფსულების გამოყენება რეკომენდებულია შემდეგ შემთხვევებში:

• ანტიოქსიდანტი ვიტამინებისა და სელენის დეფიციტი;
• არასრულფასოვანი კვება და დაუბალანსებელი დიეტა;
• მავნე საწარმოო პირობებში მუშაობა;
• არასასურველი ეკოლოგიური მდგომარეობის რეგიონებში, კერძოდ დიდ ქალაქებში ცხოვრება;
• ნიკოტინური დამოკიდებულება;
• აქტიური მზის დასხივების (ზაფხულის გარუჯვა) ზემოქმედება;
• ინტენსიური ფიზიკური და გონებრივი დატვირთვები.

მიღების წესი და დოზირება:

ტრიოვიტის გამოყენება რეკომენდებულია მოზრდილებსა და 15 წელზე უფროსი ასაკის ბავშვებში 1-2 კაფსულა დღეში.

10 წელზე უფროსი ასაკის ბავშვებში ტრიოვიტის გამოყენება შეიძლება ექიმის რეკომენდაციით.

კაფსულები მიიღება შიგნით ჭამის შემდეგ, მცირე რაოდენობით წყლის მიყოლებით. მკურნალობის კურსი 2 თვეა, განმეორებითი კურსები ტარდება ექიმის რეკომენდაციით.

გვერდითი მოვლენები:

♦ იშვიათ შემთხვევებში შესაძლებელია ალერგიული რეაქციები პრეპარატის ცალკეულ კომპონენტებზე.

♦ პრეპარატის ხანგრძლივი გამოყენებისას კაფსულებში მოთავსებულმა β-კაროტინმა შეიძლება გამოიწვიოს კანის გაყვითლება და შარდის ფერის შეცვლა. ეს მოვლენები უსაფრთხოა, არ საჭიროებენ პრეპარატის მიღების შეწყვეტას და ქრებიან პრეპარატის მიღების შეწყვეტის შემდეგ.

♦ პრეპარატი ტრიოვიტი ჭამის შემდეგ მიიღება, წინააღმდეგ შემთხვევაში შეიძლება განვითარდეს სიმძიმის შეგრძნება კუჭში ან მეტეორიზმი.

უკუჩვენებები:

* ჰიპერმგრძნოელობა პრეპარატის ნებისმიერი კომპონენტის მიმართ;

* ჰიპერვიტამინოზი A და E;

* ბავშვათა ასაკი 10 წლამდე.

ორსულობა და ლაქტაცია:

ორსულობისა და ლაქტაციის პერიოდში ტრიოვიტის გამოყენება მხოლოდ ექიმის დანიშნულებით შეიძლება.

განსაკუთრებული მითითებები:

β-კაროტინის ხანგრძლივად გამოყენებისას შესაძლებელია კანის ყვითლად შეღებვა, რაც საშიში არ არის და გაივლის პრეპარატის მიღების შეწყვეტის შემდეგ.

ზეგავლენა ავტომობილის მართვისა და პოტენციურად საშიშ მექანიზმებთან მუშაობის უნარზე: პრეპარატის გავლენა ავტომობილის მართვისა და პოტენციურად საშიშ მექანიზმებთან მუშაობის უნარზე გამოვლენილი არ არის.

ჭარბი დოზირება:

მაღალი დოზების (დღეში 15 კაფსულაზე მეტი) მიღება შეიძლება გახდეს ღებინების, გულისრევის, კანისა და ფრჩხილების ყვითლად შეღებვის მიზეზი. ამ შემთხვევებში რეკომენდებულია პრეპარატის მიღების შეწყვეტა და ექიმთან კონსულტაცია.

მკურნალობა სიმპტომატურია.

სხვა წამლებთან ურთიერთქმედება:

სხვა ვიტამინურ, ვიტამინურ-მინერალურ პრეპარატებთან ერთად გამოყენებისას აუცილებელია ექიმთან კონსულტაცია ჰიპერვიტამინოზის რისკის თაობაზე.

შენახვის პირობები:

პრეპარატი ინახება არა უმეტეს 25⁰C ტემპერატურაზე, სინათლისა და ბავშვებისათვის მიუწვდომელ ადგილას.

ვარგისიანობის ვადა:  3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

ფარმაკოთერაპიული ჯგუფი :

ანტიპირეტული , ანალგეზიური საშუალება

ერთი ტაბლეტის   შემადგენლობაში შედის:

პროპიფენაზონი …………….     150 მგ;

პარაცეტამოლი  ……………..     250 მგ;

კოფეინი ( უწყლო ) ………….    30მგ

ჩვენება :

• თავის ტკივილი , შაკიკი;
• კბილის ტკივილი;
• ნევრალგია;
• დისმენორეა;
• სხეულის მომატებული ტემპერატურა.

მიღების წესი და დოზირება :

მოზრდილებში თითო ტაბლეტი 1-4- ჯერ დღეში , ყოველ 4-6 საათში . ტაბლეტები მიიღება სითხის საკმარის რაოდენობასთან ერთად , სასურველია ჭამის შემდეგ .

6 წელზე ზევით ასაკის ბავშვებში 1/2 ტაბლეტი 1-4- ჯერ დღეში . ექიმის დანიშნულების გარეშე კურსის ხანგრძლივობა არ უნდა აღემატებოდეს 5 დღეს .

უკუჩვენება:

* 6 წლამდე ასაკის ბავშვები ;

* გლაუკომა ;

* თირკმლებისა და ღვიძლის ფუნქციის დარღვევა ;

* ანემია გლუკოზო -6- ფოსფატდეჰიდროგენაზას დეფიციტით ;

* კუჭისა და თორმეტგოჯა ნაწლავის წყლული ;

* ბრონქული ასთმა ;

* პოდაგრა ;

* ჰემორაგიული დიათეზი ;

* პრეპარატის კომპონენტების მიმართ მომატებული მგრძნობელობა .

განსაკუთრებული მითითებანი :

პრეპარატი სიფრთხილით ინიშნება ხანდაზმულ ავადმყოფებში . არტერიული ჰიპერტენზიის მქონე პაციენტები საჭიროებენ ექიმის კონსულტაციას . მკურნალობის დროს არ არის რეკომენდებული ალკოჰოლის მიღება . მკურნალობის პროცესში შესაძლებელია მოძრაობითი რეაქციის შეზღუდვა .

გვერდითი მოქმედება:

შესაძლებელია გულისრევა , ღებინება , თავბრუსხვევა , მომატებული სისხლდენა , კუჭ - ნაწლავის ტრაქტის ეროზიულ - წყლულოვანი დაზიანება , კანის ალერგიული რეაქციები .

შენახვის პირობები და ვარგისიანობის ვადა:

ინახება სინათლისაგან დაცულ ადგილას ოთახის ტემპერატურაზე .

4 წელი .   დაუშვებელია პრეპარატის გამოყენება ვარგისიანობის ვადის გასვლის შემდეგ .

შეფუთვა: ბლისტერზე 10 ტაბლეტი , შეფუთვაში №100

გაიცემა ურეცეპტოდ .

მწარმოებელი : Ajanta Pharma Limited , B-4-5-6, MIDC Industrial Area, Paithan, Aurangabad-431128, Maharashtra, India