მალამოს შემადგენლობაში შედის:

Mahanaraian Talla ........   15%

Maha mash Talla ..........  15%

12% Clove oil ..............  15%

მალამოს არომატიზირებული ფუძე

ტრიმოლის მალამო ამცირებს კუნთებისა და სახსრების დაჭიმულობის შედეგად გამოწვეულ ტკივილს.

ჩვენება:

• პრეპარატი გამოიყენება ართრიტების, სახსრების დაჭიმულობის, ლუმბაგოს, იშიალგიის, კუნთების კრუნჩხვების, ნევრალგიის, ლავიწის მხრის პერიართრიტის, კუნთების ტკივილის და ა. შ. სამკურნალოდ.

მიღების წესი და დოზირება:

პრეპარტი ფრთხილად დაიტანება დაზიანებულ უბანზე 2–3–ჯერ დღეში.

გამოყენების უკუჩვენება:

დაუშვებელია პრეპარატის გამოყენება კანის დაზიანებულ უბანსა და ლორწოვან გარსზე.

შენახვის პირობები და ვარგისიანობის ვადა:

ინახება სინათლისაგან დაცულ ადგილას ოთახის ტემპერატურაზე.

ვარგისიანობის ვადა აღნიშნულია შეფუთვაზე. დაუშვებელია პრეპარატის გამოყენება ვარგისიანობის ვადის გასვლის შემდეგ.

შეფუთვა:

მალამო 25 გ

მწარმოებელი:

„Ajanta Pharma Limitied” (ინდოეთი).

მწარმოებელი: Grupo Uriach, Barselona, Spain.

ფარმაკოთერაპიული ჯგუფი:

არაჰორმონული ანაბოლური საშუალება B ჯგუფის ვიტამინებით

შემადგენლობა:

5 მლ მომზადებული ხსნარი შეიცავს:

მეტოპინი - (5 - (1-მეთილპიპერიდილიდენ - 4) - 5H – დიბენზო (a,d) ციკლოჰეპტენაცეფილინატი)........................................ 1,75 მგ;

L - ლიზინის ჰიდროქლორიდი  ................................... 250 მლ;

D,L –კარნიტინის ჰიდროქლორიდი  ...........................   375 მგ;

ვიტამინი B1 (თიამინის ჰიდროქლორიდი)  .................    30 მგ;

ვიტამინი B6 (პირიდოქსინის ჰიდროქლორიდი)  .........     30 მგ;

ვიტამინი B12 (ციანკობალამინი)  ................................ 1000 მკგ.

ფარმაკოლოგიური მოქმედება:

ტრიმეტაბოლი – კომბინირებული პრეპარატია, მადის სტიმულაციისა და ორგანიზმის ჰარმონიული ზრდისათვის. ტრიმეტაბოლი აღკვეთს მადის დაქვეითების ყველა მიზეზს: აუმჯობესებს მადას, საკვების მონელების, შეწოვისა და ათვისების პროცესებს.

მეტოპინი: ტრიმეტაბოლის ძირითადი ნივთიერებაა. ის ორიგინალური

ნივთიერებაა, რომელიც ანტისეროტონინული მოქმედების გზით სელექტიურად მოქმედებს შიმშილის ცენტრზე და ასტიმულირებს მადას ჰიპოთალამუსის დონეზე.

L-კარნიტინის ჰიდროქლორიდი (ვიტამინი Вт) უზრუნველყოფს გრძელჯაჭვიანი ცხიმოვანი მჟავების ტრანსპორტირებას მიტოქონდრიების შიგნით, მათ ß-დაჟანგვას და ატფ-ის სინთეზს. აძლიერებს საჭმლის მომნელებელი წვენების სეკრეციას, რის შედეგადაც უმჯობესდება საკვების ათვისება, ვიტამინების და სხვა ნივთიერებების შეწოვა. მონაწილეობს კუნთოვანი ქსოვილისა და ნერვული სისტემის განვითარებაში. აქვეითებს ქოლესტერინის დონეს სისხლში და ანელებს ათეროსკლეროზული

ფოლაქების წარმოქმნის პროცესს. მამაკაცებში აუმჯობესებს სპერმატოგენეზს და ზრდის სპერმატოზოიდების აქტივობას.

L-ლიზინის ჰიდროქლორიდი შეუცვლელი ამინომჟავაა, რომელიც შედის ყველა ცილის შემადგენლობაში. ის ასრულებს არაჰორმონული ანაბოლიკის როლს. ზრდის კუნთოვან მასას და ძალას. ლიზინი

აუცილებელია ორგანიზმის ნორმალური ზრდა-განვითარებისათვის. აუმჯობესებს კალციუმის ათვისებას ორგანიზმის მიერ, ზრდის იმუნიტეტს. აქვეითებს ტრიგლიცერიდების დონეს სისხლში.

ტრიმეტაბოლი ასევე შეიცავს B ჯგუფის ვიტამინებს (B1, B6, B12), რომლებიც კოფერმენტების სახით მონაწილეობენ ცილების, ცხიმების და ნახშირწყლების მეტაბოლიზმში და ხელს უწყობენ შეწოვილი საკვების სრულ ათვისებას. აუმჯობესებენ ნერვული და გულ-სისხლძარღვთა სისტემის ფუნქციონირებას, მონაწილეობენ ნერვული ბოჭკოს მიელინური გარსის ფორმირებაში, აუმჯობესებენ ჰემოპოეზს.

ჩვენებები:

• მადის დაქვეითება;
• საჭმლის მომნელებელი წვენების არასაკმარისი სეკრეცია;
• მწვავე და ქრონიკული ინფექციური დაავადებები;
• გადატანილი სომატური დაავადებების შემდგომი პერიოდი;
• ქირურგიული ჩარევების შემდეგ;
• ქიმიოთერაპიის შემდგომი პერიოდი;
• ღვიძლის დაავადებები (ვირუსული ჰეპატიტი, ღვიძლის ცხიმოვანი დისტროფია, ღვიძლის ციროზი);
• ნერვული ანორექსია და ასთენია.

არაჰორმონული ანაბოლური საშუალების სახით:

• ბავშვებსა და მოზარდებში სხეულის მასის დეფიციტის დროს;
• ინტენსიური ფიზიკური დატვირთვის დროს, მათ შორის სპორტსმენებში.

გამოყენების წესი და დოზირება:

პაკეტში მოთავსებულია ვიტამინები და მეტოპინი® მშრალი ფხვნილის სახით. მოხმარების წინ პაკეტის შიგთავსი ჩავყაროთ სითხიან ფლაკონში, დავახუროთ თავსახური და შევანჯღრიოთ. მიღებული ხსნარი ინახება 1 თვის განმავლობაში ოთახის ტემპერატურაზე. მიიღება ჭამამდე 0,5-1 საათით ადრე. სურვილისამებრ პრეპარატის რეკომენდებული დოზა შეიძლება დამატებით გაიხსნას რაიმე სითხეში.

ბავშვებში:

0-3 წლამდე – 2,5 მლ 3-ჯერ დღეში;

3-6 წლამდე – 5 მლ 3-ჯერ დღეში;

6 წლის ზემოთ და მოზრდილებში – 5-10 მლ 3-ჯერ დღეში.

უკუჩვენებები:

* მომატებული მგრძნობელობა პრეპარატის შემადგენელი კომპონენტების მიმართ.

გვერდითი მოვლენები:

იშვიათ შემთხვევაში ტრიმეტაბოლის მიღებისას შეიძლება გამოვლინდეს ძილიანობა, რომელიც ჩვეულებრივ 3-4 დღის შემდეგ სპონტანურად ქრება.

გამოშვების ფორმა:

ტრიმეტაბოლი ხსნარი per os მისაღებად 150 მლ ფლაკონში, 10 მლ–იანი

გრადუირებული მზომი ჭიქა და პაკეტი 3გ.

საერთაშორისო დასახელება:

TRIMETAZIDINE

მწარმოებელი: GMP, საქართველო

მოქმედი ნივთიერება: ტრიმეტაზიდინი

კლინიკურ-ფარმაკოლოგიური ჯგუფი:

ანტიანგინალური, იშემიის საწინააღმდეგო საშუალება.

შემადგენლობა და გამოშვების ფორმა:

შემოგარსული მოდიფიცირებული გამოთავისუფლების ტაბლეტები: ბლისტერზე 30 ც.

1 ტაბ.

ტრიმეტაზიდინის დიჰიდროქლორიდი  ........ 35 მგ

ფარმაკოლოგიური თვისებები:

ტრიმეკორი MR არეგულირებს იშემიურ და ჰიპოქსიურ უბნებში უჯრედების ენერგეტიკულ მეტაბოლიზმს, ხელს უშლის უჯრედშიდა ატფ-ის რაოდენობის შემცირებას, უზრუნველყოფს მემბრანული იონური არხების ნორმალურ ფუნქციონირებას, კალიუმისა და ნატრიუმის იონების ტრანსმემბრანულ ტრანსპორტს და უჯრედული ჰომეოსტაზის შენარჩუნებას.

ტრიმეკორი MR აფერხებს ცხიმოვანი მჟავების დაჟანგვის პროცესს, ზრდის გლუკოზის დაჟანგვას, ხელს უწყობს გლიკოლიზისა და ჟანგვითი დეკარბოქსილირების პროცესებს შორის თანაფარდობის აღდგენას. აღნიშნული მექანიზმებით ტრიმეტაზიდინი უზრუნველყოფს მიოკარდიუმის იშემიისგან დაცვას. ცხიმოვანი მჟავების ჟანგვითი პროცესების გლუკოზის დაჟანგვით ჩანაცვლება საფუძვლად უდევს პრეპარატის ანტიანგინალურ მოქმედებას.

ტრიმეტაზიდინი ხელს უწყობს იშემიის დროს გულის კუნთის და ნეიროსენსორული  ორგანოების ენერგეტიკულ მეტაბოლიზმს, ამცირებს უჯრედშიდა აციდოზს, გულის იშემიურ და რეპერფუზიულ ქსოვილებში ამცირებს პოლინუკლეარული ნეიტროფილების მიგრაციასა და ინფილტრაციას, ხელს უწყობს მიოკარდიუმის დაზიანებული უბნის შემცირებას, ამასთან არ მოქმედებს ჰემოდინამიკაზე.

გულის იშემიური დაავადების დროს ტრიმეტაზიდინი აუმჯობესებს კორონარულურ რეზერვს და ამით აფერხებს ფიზიკური დატვირთვით გამოწვეული იშემიის განვითარებას, ზღუდავს არტერიული წნევის მკვეთრ მერყეობას, არ მოქმედებს გულის რიტმზე. პრეპარატი ამცირებს სტენოკარდიული შეტევების სიხშირეს, ამცირებს ნიტრატებისადმი მოთხოვნილებას, პაციენტებში იშემიური დისფუნქციით აუმჯობესებს მარცხენა პარკუჭის კუმშვით ფუნქციას.

პრეპარატის მიღებიდან საშუალოდ 5 საათში მიიღწევა მაქსიმალური კონცენტრაცია. ტრიმეტაზიდინი გამოიყოფა შეუცვლელი სახით, ძირითადად თირკმლების საშუალებით. T_1/2 - 7 სთ, ხანდაზმულ პაციენტებში T_1/2 შეადგენს 12 სთ-ს.

ჩვენებები:

• კარდიოლოგია: გულის იშემიური დაავადების ხანგრძლივი მკურნალობა: სტენოკარდიული შეტევების პროფილაქტიკა (მონოთერაპია ან კომბინირებული თერაპიის შემადგენლობაში);
• ოტორინოლარინგოლოგია: იშემიური ეტიოლოგიის კოხლეო-ვესტიბულარული დარღვევები (თავბრუსხვევა, ყურებში შუილი, სმენადობის დაქვეითება);
• ოფთალმოლოგია: იშემიური კომპონენტებით მიმდინარე ქორიორეტინალური დარღვევები.

მიღების წესი და დოზირება:

ტრიმეკორი MR ინიშნება თითო ტაბლეტი დღეში 2-ჯერ ჭამის დროს, დილას და საღამოს.

მკურნალობის ხანგრძლივობა ინდივიდუალურია.

გვერდითი მოვლენები:

საჭმლის მომნელებელი სისტემის მხრივ: იშვიათად - გულისრევა, ღებინება.

შესაძლებელია ალერგიული რეაქციები.

უკუჩვენებები:

* ორსულობა, ლაქტაციის პერიოდი;

* პრეპარატის კომპონენტებისადმი მაღალი მგრძნობელობა.

განსაკუთრებული მითითბები:

◄ ლაქტაციის პერიოდში, ტრიმეკორის დანიშვნის აუცილებლობისას, რეკომენდებულია ძუძუთი კვების შეწყვეტა, ვინაიდან არ არის დადგენილი გამოიყოფა თუ არა იგი დედის რძესთან ერთად.

◄ ტრიმეკორი MR განკუთვნილია სტენოკარდიის ბაზისური თერაპიისთვის და არა შეტევების კუპირებისთვის. პრეპარატი არ გამოიყენება არასტაბილური სტენოკარდიის და მიოკარდიუმის ინფარქტის საწყისი თერაპიის მიზნით.

◄ არ არის რეკომენდებული ტრიმეკორი MR -ის გამოყენება პაციენტებში თირკმლის უკმარისობით, როცა კკ ნაკლებია 15 მლ/წთ და ღვიძლის ფუნქციების მძიმე დარღვევების დროს. ტრიმეტაზიდინის სხვა მედიკამენტებზე გავლენა და დოზის გადაჭარბების შემთხვევები აღწერილი არ არის.

◄ პრეპარატი გავლენას არ ახდენს ავტომობილის მართვასა და აქტიური სამუშაოების შესრულების შესაძლებლობაზე.

შენახვის პირობები:

პრეპარატი ინახება 10-25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

TRIMETAZIDINE    

მწარმოებელი: GMP, საქართველო

მოქმედი ნივთიერება: ტრიმეტაზიდინი

კლინიკურ-ფარმაკოლოგიური ჯგუფი:

ანტიანგინალური, იშემიის საწინააღმდეგო საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 60 ც.

1 ტაბ.

ტრიმეტაზიდინის დიჰიდროქლორიდი ......    0.02 გ

ფარმაკოლოგიური თვისებები:

ტრიმეკორი არეგულირებს უჯრედების მეტაბოლიზმს ჰიპოქსიისა და იშემიის დროს, ხელს უშლის უჯრედშიდა ატფ-ის რაოდენობის შემცირებას. პრეპარატი უზრუნველყოფს მემბრანული იონური არხების ნორმალურ ფუნქციონირებას, კალიუმისა და ნატრიუმის იონების ტრანსმემბრანულ გადასვლას და უჯრედული ჰომეოსტაზის შენარჩუნებას.

ჰიპოქსიისა და იშემიის დროს ტრიმეკორი ხელს უწყობს მიოკარდიუმისა და ნეიროსენსორული  ორგანოების ნორმალურ ფუნქციონირებას. თერაპიულ ეფექტს იჩენს გულის იშემიური დაავადების (აძლიერებს ტოლერანტობას ფიზიკური დატვირთვისადმი, ამცირებს სტენოკარდიული შეტევების სიხშირეს), სისხლძარღვოვანი წარმოშობის ქორიორეტინალური დარღვევების (აუმჯობესებს ბადურის ფუნქციურ აქტივობას), ვესტიბულარული დარღვეევების, სისხლძარღვოვანი წარმოშობის სმენის დაქვეითების დროს. მენიერის დაავადების დროს ამცირებს თავბრუსხვევას, შუილს ყურებში.

ტრიმეტაზიდინი სწრაფად აბსორბირდება კუჭ-ნაწლავის ტრაქტიდან. C_max მიიღწევა 2 სთ-ში, გამოიყოფა შეუცვლელი სახით ძირითადად თირკმლების საშუალებით. T_1/2 - 6 სთ.

ჩვენებები:

• კარდიოლოგია: გულის იშემიური დაავადების ხანგრძლივი მკურნალობა: სტენოკარდიული შეტევების პროფილაქტიკა (მონოთერაპია ან კომბინირებული თერაპიის შემადგენლობაში);
• ოფთალმოლოგია: იშემიური კომპონენტებით მიმდინარე ქორიორეტინალური სისხლძარღვოვანი დარღვევები;
• ოტორინოლარინგოლოგია: იშემიური ეტიოლოგიის კოხლეო-ვესტიბულარული დარღვევები (თავბრუსხვევა, მენიერის დაავადება, ყურებში შუილი, სმენადობის დაქვეითება).

მიღების წესი და დოზირება:

ტრიმეკორი ინიშნება ჭამის დროს, დღიური დოზა შეადგენს 40-60 მგ-ს. მიღების ჯერადობა- 2-3-ჯერ დღეში.

მკურნალობის ხანგრძლივობა კლინიკური სურათიდან გამომდინარე ინდივიდუალურია.

გვერდითი მოვლენები:

საჭმლის მომნელებელი სისტემის მხრივ: იშვიათად - გულისრევა, ღებინება.

შესაძლებელია ალერგიული რეაქციები.

უკუჩვენებები:

* ორსულობა, ლაქტაციის პერიოდი, პრეპარატისადმი მაღალი მგრძნობელობა.

განსაკუთრებული მითითებები:

◄ გულის იშემიური დაავადების მქონე პაციენტებში ტრიმეკორით მკურნალობის ფონზე, მნიშვნელოვნად მცირდება ნიტრატებზე მოთხოვნილება.

◄ ფიზიკური დატვირთვისადმი ტოლერანტობა, ჩვეულებრივ, მკურნალობის დაწყებიდან  2 კვირის შემდეგ ძლიერდება.

◄ ლაქტაციის პერიოდში ტრიმეკორის დანიშვნის აუცილებლობისას, რეკომენდებულია ძუძუთი კვების შეწყვეტა, ვინაიდან არ არის დადგენილი გამოიყოფა თუ არა იგი დედის რძესთან ერთად.

◄ ტრიმეტაზიდინის სხვა მედიკამენტებზე გავლენა და დოზის გადაჭარბების შემთხვევები აღწერილი არ არის.

შენახვის პიორბები:

პრეპარატი ინახება 10⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

TRIMEBUTINE MALEATE

მწარმოებელი: ITALFARMACO

მოქმედი ნივთიერება: ტრიმებუტინის მალეატი

კლინიკურ-ფარმაკოლოგიური ჯგუფი:

კუჭ-ნაწლავის ტრაქტის მოტორიკის მარეგულირებელი

შემადგენლობა და გამოშვების ფორმა:

შემოგარსული ტაბლეტები: შეფუთვაში 20 ან 30 ც.

1 კაფს.

ტრიმებუტინის მალეატი .............   150 მგ

ვრცლად ტრიმებუტინი (დოზირება ინდივიდუალური)

ჩვენებები

• სწორი ნაწლავის გაღიზიანების სინდრომი, ნებისმიერი კოლონოპათიები;
• გასტროდუოდენიტები, პეპტიური წყლულები, წამლისმიერი გასტროპათიები;
• დისფაგია, დესპეფისური სინდრომები;
• გულისრევა და ღებინება;
• ახალშობილებში, უმცროსი ასაკის ბავშვებში - რეგურგიტაცია, ღებინება, აგრეთვე დისპეფსიური, ტოქსიური, ინფექციური და აცეტენემიური ეთიოლოგიის აბდომინალური დარღვევები.

ქირურგიული ჩვენება:

• წვრილი ნაწლავების ოპერაციისშემდგომი ატონია;
• ოპერაციისშემდგომი სლოკინი, გულისრევა და ღებინება.

დიაგნოსტიკური ჩვენება:

• გასტროდუოდენოგრაფია-პილორულ ნაწილში საკვების ევაკუაციის დარღვევის დროს;
• საჭმლის მომნელებელი ტრაქტის რენტგენოსკოპიული გამოკვლევა;

დოზირების რეჟიმი

მოზრდილებს ენიშნებათ ყოველდღიურად საშუალოდ 300-400 მგ.

ბავშვებში დოზის დადგენა ხდება ასაკთან მიმართებაში.

გვერდითი მოვლენები

იშვიათ შემთხვევებში აღინიშნება კანზე ალერგიული რეაქციები, ძილიანობა.

უკუჩვენებები

* მომატებული მგრძნობელობა პრეპარატების მიმართ.

ორსულობა და ლაქტაცია

პრეპარატი სიფრთხილით ენიშნებათ ორსულებს, განსაკუთრებით I ტრიმესტრში, მკურნალობა ტარდება ექიმის მკაცრი კონტროლის ქვეშ.

ლაქტაციის პერიოდში ტრიმედატის დანიშვნა რეკომენდებული არ არის.

განსაკუთრებული მითითებები

სიფრთხილით ენიშნებათ ავტოტრანსპორტის მძღოლებს და იმ პირებს, რომელთა მუშაობა მოითხოვს განსაკუთრებულ ყურადღებას.

ჭარბი დოზირება

ამ შემთხვევაში საჭიროა სიმპტომატური მკურნალობის ჩატარება.

სხვა წამლებთან ურთიერთქმედება

აღწერილი არ არის

საერთაშორისო დასახელება:

ETHINYLESTRADIOL; LEVONORGESTREL

მწარმოებელი: JENAPHARM, გერმანია

მოქმედი ნივთიერება: ეთინილესტრადიოლი+ლევონორგესტრელი

კლინიკურ-ფარმაკოლოგიური ჯგუფი:

ჰორმონული კონტრაცეპტივი.

შემადგენლობა და გამოშვების ფორმა:

სხვადასხვა ფერის დრაჟე: შეფუთვაში 21 ც., მათ შორის მუქი წითელი - 6 ც.

1 დრაჟე

ეთინილესტრადიოლი .....   0.03 მგ

ლევონორგესტრელი  ......   0.05 მგ

თეთრი ფერის - 6 ც.

1 დრაჟე

ეთინილესტრადიოლი ...  0.04 მგ

ლევონორგესტრელი .....  0.075 მგ

ყავისფერი - 9 ც.

1 დრაჟე

ეთინილესტრადიოლი ....  0.03 მგ

ლევონორგესტრელი  .....  0.125 მგ

ფარმაკოლოგიური თვისებები:

ტრიზისტონი წარმოადგენს სამფაზიან ჩასახვის საწინააღმდეგო ჰორმონულ საშუალებას.

პრეპარატი თრგუნავს ოვულაციას შემდეგი მექანიზმით: იგი შეიცავს ესტროგენულ პრეპარატს ეთინილესტრადიოლს და გესტაგენურ საშუალებას - ლევონორგესტრელს. კომბინირებული გესტაგენ-ესტროგენული კონტრაცეპტივები უკუკავშირის პრინციპით თრგუნავენ გოანდოტროპული ჰორმონების ჰიპოთალამური რილიზინგ ფაქტორების გამოთავისუფლებას და შესაბამისად ამცირებენ ადენოჰიპოფიზის გონადოტროპული ჰორმონების გამოყოფას. ამასთან ერთად, ისინი იწვევენ ენდომეტრიუმის ცვლილებას, ხელს უშლიან განაყოფიერებული კვერცხუჯრედის იმპლანტაციას და არღვევენ მის ტრანსპორტს ფალოპის მილებში.

ჩვენებები:

• გამოიყენება ჰორმონული კონტრაცეპციის მიზნით.

მიღების წესი და დოზირება:

პრეპარატის მიღება იწყება მენსტრუალური ციკლის პირველ დღეს, იმ შემთხვევაშიც კი, როდესაც ორსულობის თავიდან აცილების მიზნით მანამდე გამოყენებული იყო სხვა ჰორმონული საშუალებები. პირველ დრაჟეს იღებენ შეფუთვიდან, რომელზედაც აღნიშნულია ციფრი (1). შემდგომში შეფუთვიდან ყოველდღიურად ისრის მიმართულების მიხედვით იღებენ თითო დრაჟეს, სანამ არ იქნება მიღებული შეფუთვიდან ყველა დრაჟე ერთი ციკლისთვის. პრეპარატის მიღება წარმოებს შემდეგი სქემის მიხედვით: თავდაპირველად 6 მუქი წითელი ფერის დრაჟე, შემდგომში 6 თეთრი და შემდეგ 9 ყავისფერი დრაჟე.

პრეპარატის მიღება წარმოებს ერთსა და იმავე დროს. შემდგომში საჭიროა 7 დღიანი შესვენება, სწორედ აღნიშნული შესვენების დროს, 2-4 დღის შემდეგ ბოლო დრაჟეს მიღებიდან იწყება  მენსტრუაციის მსგავსი სისხლდენა. 7 დღიანი შესვენების შემდეგ, მენსტრუალური ციკლის შეწყვეტის ან მისი შემდგომი გაგრძელების მიუხედავად საჭიროა დრაჟეს გამოყენების გაგრძელება მეორე შეფუთვიდან.

მშობიარობის ან აბორტის შემდეგ პრეპარატის მიღება რეკომენდებულია ექიმთან კონსულტაციის შემდეგ.

ღებინება და დიარეა ამცირებენ პრეპარატის კონტრაცეპციულ აქტივობას (პირველი ნიშნები: მენსტრუაციებს შორის სისხლდენა).

დრაჟეს მიღების დავიწყების შემთხვევაში, საჭიროა მისი მიღება არა უგვიანეს 12 სთ-ის განმავლობაში. 12 სთ-ზე მეტი ხნის განმავლობაში პრეპარატის მიღების დაგვიანების შემთხვევაში, კონტრაცეპცია აღნიშნული ციკლის დროს სუსტდება. ამ დროს რეკომენდებულია ჩასახვის საწინააღმდეგო სხვა არაჰორმონული მეთოდების გამოყენება (კალენდარული კნაუს-ოგინო და ბაზალური ტემპერატურული მეთოდების გამოკლებით). საჭიროა ტაბლეტის მიღების გაგრძელება დაწყებული შეფუთვიდან ერთსა და იმავე დროს, დავიწყებული დრაჟე კი საჭიროა გამოვტოვოთ.

დიარეის და ღებინების შემთხვევაში საჭიროა დრაჟეს მიღების გაგრძელება თუ აღნიშნული სიმპტომები არ გრძელდება ხანგრძლივი დროის განმავლობაში, რეკომენდებულია ჩასახვის საწინააღმდეგო არაჰორმონული მეთოდების გამოყენება.

იმ შემთხვევაში, როდესაც კონტრაცეპტივის ეფექტის შემცირება გრძელდება შედარებით ხანგრძლივი დროის განმავლობაში, ჩასახვის საწინააღმდეგო ჰორმონული პრეპარატების გამოყენება არაფექტურია.

გვერდითი მოვლები:

იშვიათად შესაძლებელია - სარძევე ჯირკვლების გამკვრივება, სხეულის წონის ცვლილება, დეპრესიული მდგომარეობა, ლიბიდოს დაქვეითება, გულისრევა, ღებინება, თავის ტკივილი, ზოგჯერ პრეპარატის პირველი ტაბლეტების მიღების შემთხვევაში შესაძლებელია მენსტრუაციებს შორის ან მენსტრუაციის მსგავსი სისხლდენა.

უკუჩვენებები:

* ორსულობა ან ლაქტაციის პერიოდი;

* ღვიძლის მძიმე დაავადებები;

* სანაღვლე გზების დაავადებები ან სიყვითლე (იმ შემთხვევაში როდესაც აღნიშნული დაავადებები ვითარდება ორსულობის ან ესტროგენ-გესტაგენებით კომბინირებული მკურნალობის შემდეგ),

* თრომბოზი; თრომბოემბოლიები;

* არტერიული ჰიპერტენზიის მძიმე ფორმა;

* შაქრიანი დიაბეტის მძიმე ფორმა;

* ლიპიდური ცვლის დარღვევა;

* ნამგლისებრ-უჯრედოვანი ანემია;

* სარძევე ჯირკვლის, საშვილოსნოს ყელის, ან საშვილოსნოს ლორწოვანის ჰორმონდამოკიდებული სიმსივნეები (აგრეთვე მკურნალობის შემდეგ ან მათზე ეჭვის დროს);

* ბუტშუკოვანი გამონაყარი;

* ქავილი ან გარდამავალი სიყრუე, რომელიც ძლიერდება შემდგომი ორსულობის დროს;

* მგრძნობელობის და/ან მოძრაობის დარღვევით მიმდინარე შაკიკი;

* უცნობი ეტიოლოგიის სისხლდენა საშვილოსნოდან;

გაფრთხილება:

ჰორმონული კონტრაცეპტივები განსაკუთრებული სიფრთხილით ინიშნება ვენების და არტერიების თრომბოემბოლური დაავადებებით, აგრეთვე გულის დაავადებებით და სისხლის შედედების პროცესის დარღვევით შეპყრობილ პაციენტებში.

ჩასახვის საწინააღმდეგო კომბინირებულ პრეპარატებთან ერთად თამბაქოს მოწევა და პრემენოპაუზის ასაკი (30 წელს ზემოთ) კიდევ უფრო ზრდის არტერიული თრომბოზების (მაგ. ინსულტის, მიოკარდიუმის ინფარქტის) განვითარების რისკს.

ზემოთაღნიშნული ასაკის ქალებს ეკრძალებათ თამბაქოს მოწევა.

40 წელს გადაცილებულ ქალებში საჭიროა განსაკუთრებული კონტროლი, რადგან ასაკთან ერთად იზრდება თრომბოზების მიმართ მიდრეკილება.

სხვა წამლებთან ურთიერთქმედება:

- სხვა პრეპარატების მიღება (მაგ. საძილე საშუალებები, ანტიდეპრესანტები, ანტიბიოტიკები) ასუსტებს ტრიზისტონის კონტრაცეპტიულ მოქმედებას.

- პრეპარატის გლუკოზის მიმართ ტოლერანტობის ცვლილების გამო, საჭიროა ინსულინის ან ორალური ანტიდიაბეტური პრეპარატების დოზების კორექცია.

შენახვის პირობები:

პრეპარატი ინახება ბავშვებისაგან დაცულ ადგილას.

საერთაშორისო დასახელება:

BETAMETHASONE; CLOTRIMAZOLE; GENTAMICIN

მწარმოებელი: SCHERING-PLOUGH, ბელგია

კლინიკურ-ფარმაკოლოგიური ჯგუფი:

ანთების საწინააღმდეგო, ანტიმიკოზური და ანტიმიკრობული საშუალება.

შემადგენლობა და გამოშვების ფორმა:

კრემი გარეგანი გამოყენებისათვის : ტუბში 15 გ

1 გ

არააქტიური ნივთიერებები:

ნატრიუმის ჰიდროქსიდი (pH-ის მნიშვნელობის დასადგენად) გაწმენდილი წყალი.

ფარმაკოლოგიური თვისებები:

ტრიდერმის კრემს გააჩნია ანთების, ალერგიის,  ქავილის სოკოს საწინააღმდეგო და ანტიბაქტერიული ეფექტები.

ჩვენებები:

ტრიდერმის კრემი გამოიყენება:

• დერმატოზებით გამოწვეული ანთებითი მოვლენების საწინააღმდეგოდ, რომელიც ექვემდებარებიან გლუკოკორტიკოსტეროიდებით თერაპიას და გართულებულია მეორადი ინფექციით, რომელიც გამოწვეულია პრეპარატის კომპონენტებისადმი მგრძნობიარე მიკროორგანიზმებით და სოკოებით.

ბეტათემაზონს გააჩნია ანთების, ქავილის საწინააღმდეგო, ანტიალერგიული და ანტიექსუდაციური მოქმედება.

კლოტრიმაზოლი ეფექტურია ტერფის ეპიდერმოფიტიის, საზარდულის დერმატომიკოზის, კანის დერმატომიკოზის (გამომწვეველი Trichophyton rubrum, Trichophyton mentagrophytes, Epidermophyton floccosum, Microsporum canis), კანდიდოზების (გამომწვევი Candida albicans) მკურნალობისათვის.

გენტამიცინისადმი მგრძნობიარეა: Streptococcus (ბეტა-ჰემოლიზური, ალფა-ჰემოლიზური) ზოგიერთი შტამი, Staphilococcus aureus (კოაგულაზა დადებითი, კოაგულაზა უარყოფითი და ზოგიერთი პენიცილინაზაწარმომქმნელი შტამები) გრამუარყოფითი ბაქტერიები: Pseudomonas aeruginosa, Aerobacter aerogenes, Escherchia coli, Proteus sp., Klebsiella sp.  და სხვა.

მიღების წესი და დოზირება:

ტრიდერმის კრემის აპლიკაციას აწარმოებენ თხელ ფენად, დაზიანებულ კანზე და მის გარშემო, 2-ჯერ დღეში დილას და საღამოს. მკურნალობის ხანგრძლივობა დამოკიდებულია დაზიანების ლოკალიზაციაზე, ზომაზე დაა მკურნალობის ეფექტურობაზე, სტეროიდული სისტემური ეფექტების პრევენციის მიზნით, არ არის რეკომენდებული პრეპარატის დიდ უბანზე აპლიკაცია ხანგრძლივი პერიოდის განმავლობაში. თუ 3-4 კვირის შემდეგ არ აღინიშნება კლინიკური გაუმჯობესება, საჭიროა დიაგნოზის დაზუსტება.

გვერდითი მოვლენები:

იშვიათად აღინიშნება, ერითემა, ექსუდაცია, ქავილი, წვის შეგრძნება. გლუკოკორტიკოსტეროდების ადგილობრივმა გამოყენებამ შეიძლება გამოიწვიოს წვის შეგრძნება, ქავილი, გამონაყარი, სიმშრალე, ფოლიკულიტი, ჰიპერტრიქოზი, ჰიპოპიგმენტაცია, პერიორალური დერმატიტი, ალერგიული კონტაქტური დერმატიტი, კანის მაცერაცია, მეორადი ინფექცია, კანის ატროფია, სტრიები.

უკუჩვენებები:

* ტრიდერმის კრემი უკუნაჩვენებია პაციენტებისათვის, რომელთაც აღენიშნებათ მომატებული მგრძნობელობა პრეპარატის რომელიმე კომპონენტებისადმი.

ორსულობა და ლაქტაცია:

ვინაიდან პრეპარატის მოქმედება ორსულებში არ არის შესწავლილი, ის გამოიყენება მხოლოდ იმ შემთხვევაში თუ პრეპარატის პოტენციური დადებითი მოქმედება აღემატება მოსალოდნელ რისკს. არ არის რეკომენდებული მისი მაღალ დოზებში გამოყენება.

! ლაქტაციის დროს უნდა შეწყდეს პრეპარატის მიღება ან ძუძუთი კვება.

შენახვის პირობები:

პრეპარატი ინახება 2-30⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

TRIMEBUTINE MALEATE

მწარმოებელი: SANTA PHARMA ILAC SANAYII, თურქეთი

მოქმედი ნივთიერება: ტრიმებუტინის მალეატი

კლინიკურ-ფარმაკოლოგიური ჯგუფი:

კუჭ-ნაწლავის ტრაქტის მოტორიკის მარეგულირებელი

შემადგენლობა და გამოშვების ფორმა:

შემოგარსული ტაბლეტები:

1 ტაბ.

ტრიმებუტინის მალეატი .............   200 მგ

ვრცლად ტრიმებუტინი (აქტიური ნივთიერება)

შემადგენლობა: ყოველი ტაბლეტი შეიცავს :

აქტიური ნივთიერებები:

პარაცეტამოლი ……………………………………………...........…   500 მგ

დიციკლოვერინის ( დიციკლომინი ) ჰიდროქლორიდი  … 20 მგ

დამხმარე ნივთიერებები :

სახამებელი ნატრიუმის გლიკოლატი , სიმინდის სახამებელი , მიკროკრისტალური ცელულოზა , პოვიდონი , სილიციუმის კოლოიდური დიოქსიდი ( აეროსილი ), მაგნიუმის სტეარატი .

აღწერა:

გარსით დაფარული, თეთრი ფერის, მრგვალი, ტაბლეტები წაკვეთილი კუთხეებით, ერთ მხარეს ნაპრალით.

ფარმაკოთერაპიული ჯგუფი:

ანალგეზური საშუალება ( არანარკოტიკული ანალგეზური საშუალება + სპაზმოლიზური საშუალება ).
ფარმაკოლოგიური მოქმედება

ფარმაკოდინამიკა;

პრეპარატის შემადგენლობაში შემავალ პარაცეტამოლს ახასიათებს ტკივილგამაყუჩებელი , სიცხის დამწევი და მცირე ანთების საწინააღმდეგო მოქმედება . მოქმედების მექანიზმი დაკავშირებულია ციკლოოქსიგენაზა -1- ის ზომიერ და უფრო ნაკლები ხარისხით ციკლოოქსიგენაზა -2- ის დათრგუნვასთან პერიფერიულ ქსოვილებსა და ცენტრალურ ნერვულ სისტემაში , რის შედეგადაც ფერხდება ტკივილის შეგრძნების , თერმორეგულაციისა და ანთებითი რეაქციების მოდულატორი პროსტაგლანდინების ბიოსინთეზი .

მეორე კომპონენტი - დიციკლოვერინის ჰიდროქლორიდი , მესამეული ამინი ხასიათდება შედარებით სუსტი არასელექტიური მ - ქოლინომაბლოკირებელი და პირდაპირი მიოტროპული სპაზმოლიზური მოქმედებით შინაგანი ორგანოების გლუვ კუნთებზე . თერაპიულ დოზებში იწვევს გლუვი კუნთების ეფექტურ მოდუნებას და არ ახლავს ატროპინისთვის დამახასიათებელი

გვერდითი ეფექტები:

ტრიგან - დ - ს ამ ორი კომპონენტის კომბინირებული მოქმედება უზრუნველყოფს შინაგანი ორგანოების გლუვი კუნთების მოდუნებას და ტკივილის გრძნობის შესუსტებას .

ფარმაკოკინეტიკა:

პრეპარატი კარგად შეიწოვება კუჭ - ნაწლავის ტრაქტიდან . პლაზმაში მაქსიმალური კონცენტრაცია მიიღწევა 60-90 წუთის შემდეგ . განაწილების მოცულობა 3,65 ლ / კგ . პარაცეტამოლი მეტაბოლიზდება ღვიძლში რამდენიმე მეტაბოლიტის წარმოქმნით , რომელთაგან ერთმა - N- აცეტილ - ბენზოქონიმინმა გარკვულ პირობებში ( პრეპარატის ჭარბი დოზირება , ღვიძლში გლუტათიონის დეფიციტი ) შეიძლება დამაზიანებლად იმოქმედოს ღვიძლსა და თირკმელებზე . პრეპარატის დაახლოებით 80% გამოიყოფა შარდით , მცირე რაოდენობა ფეკალურ მასებთან ერთად .

მიღების ჩვენება:

შინაგანი ორგანოების გლუვი კუნთების სპაზმი, ნაწლავის კოლიკა, ღვიძლისა და თირკმლის კოლიკა, ალიგოდისმენორეა; თავის, კბილის, შაკიკისმიერი ტკივილი, ნევრალგია, მიალგია ;

ცხელებით მიმდინარე ინფექციურ - ანთებითი დაავადებები .

უკუჩვენება:

ჰიპერმგრძნობელობა პარაცეტამოლისა და   დიციკლომინის მიმართ , ნაწლავის , ნაღველ - და შარდგამომყოფი გზების ობსტრუქციული დაავადებები , კუჭისა და 12- გოჯა ნაწლავის წყლულოვანი დაავადება ( გამწვავების ფაზა ), რეფლუქს - ეზოფაგიტი ,   ჰიპოვოლემიური შოკი , მიასთენია გრავის, ორსულობა , ლაქტაციის პერიოდი , ბავშვთა ასაკი (15 წლამდე ).

სიფრთხილე

სიფრთხილეა საჭირო თირკმლისა და ღვიძლის გამოხატული დარღვევის მქონე პაციენტებში, გლუკოზო -6- ფოსფატდეჰიდროგენაზას გენეტიკური უკმარისობის, სისხლის დაავადებების, გლაუკომის, კეთილთვისებიანი ჰიპერბილირუბინემიის ( მათ შორის ჟილბერის სინდრომი ), ვირუსული ჰეპატიტის, ღვიძლის ალკოჰოლური დაზიანების, ალკოჰოლიზმის,   და ხანდაზმული ასაკის შემთხვევაში .

გამოყენების მეთოდი და დოზები:

მიიღება შიგნით , მოზრდილებსა და 15 წელზე უფროსი ასაკის ბავშვებში 1 ტაბლეტი დღეში 2-3 ჯერ . მოზრდილებისთვის მაქსიმალური ერთჯერადი დოზაა 2 ტაბლეტი , დღე - ღამური - 4 ტაბლეტი . პრეპარატის მიღება ექიმის კონსულტაციის გარეშე დასაშვებია 5 დღის განმავლობაში თუ  იგი დანიშნულია ტკივილის შესამცირებლად და 3 დღის განმავლობაში თუ იგი დანიშნულია სიცხის დასაწევად .

პრეპარატის ხანგრძლივი მიღების შემთხვევაში აუცილებელია პერიფერიული სისხლისა და ღვიძლის ფუნქციური მდგომარეობის კონტროლი .

არ შეიძლება დღე - ღამური დოზის გადაჭარბება ; მისი გაზრდა ან უფრო ხანგრძლივი მკურნალობა დასაშვებია მხოლოდ ექიმის მეთვალყურეობის ქვეშ,  რადგან პრეპარატის დოზის გადაჭარბებამ შეიძლება გამოიწვიოს თირკმლის უკმარისობა .

გვერდითი მოქმედება:

კუჭ - ნაწლავის ტრაქტის მხრივ : პირის სიმშრალე , გემოვნების შეგრძნების დაკარგვა , მადის დაქვეითება , ტკივილი ეპიგასტრიუმის არეში , ყაბზობა , ღვიძლის ფერმენტების მომატებული აქტივობა , როგორც წესი , სიყვითლის განვითარების გარეშე , ჰეპატონეკროზი ( დოზადამოკიდებული ეფექტი ).

ალერგიული რეაქციები : კანის გამონაყარი , ქავილი , ჭინჭრის ციება , კვინკეს შეშუპება , მულტიფორმული ექსუდაციური ერითემა ( მათ შორის სტივენს - ჯონსის სინდრომი ), ტოქსიური ეპიდერმალური ნეკროლიზი ( ლაიელის სინდრომი ).

ცენტრალური ნერვული სისტემის მხრივ : ( ჩვეულებრივ ვითარდება დიდი დოზების მიღებისას ): ძილიანობა , თავბრუსხვევა , ფსიქომოტორული აგზნება და ორიენტაციის დარღვევა .

ენდოკრინული სისტემის მხრივ : ჰიპოგლიკემია , ჰიპოგლიკემიურ კომამდე .

სისხლწარმომქნელი ორგანოების მხრივ : ანემია , მეთჰემოგლობინემია

( ციანოზი , ქოშინი , ტკივილი გულის არეში ), ჰემოლიზური ანემია

( განსაკუთრებით გლუკოზო -6- ფოსფატდეჰიდროგენაზას დეფიციტის პირობებში ).

შარდ - სასქესო სისტემის მხრივ : პიურია , შარდის შეკავება , ინტერსტიციული ნეფრიტი , პაპილარული ნეკროზი .

მხედველობის ორგანოების მხრივ : მიდრიაზი , მხედველობით აღქმის სიმკვეთრის დაქვეითება , აკომოდაციის დამბლა , თვალშიდა წნევის მომატება.

პოტენციის დაქვეითება .

ჭარბი დოზირება:

სიმპტომები : ტაქიკარდია , ტაქიპნოე , ცხელება , აგზნება , კრუნჩხვები , ეპიგასტრალური ტკივილები, მადის დაქვეითება, ანემია, თრომბოციტოპენია, ჰემოლიზური ანემია, აპლაზიური ანემია, მეთჰემოგლობინემია, პანციტოპენია, ნეფროტოქსიურობა ( პაპილარული ნეკროზი ), ჰეპატონეკროზი.

მკურნალობა : საჭიროა პრეპარატის მიღების შეწყვეტა , კუჭის ამორეცხვა . ადსორბენტების დანიშვნა , ისეთი საშუალებების შეყვანა , რომლებიც აძლიერებს გლუტათიონის წარმოქმნას ( აცეტილცისტეინი შიგნით ) და აძლიერებს კონიუგაციის რეაქციებს ( მეთიონინი შიგნით ).

ურთიერთქმედება სხვა სამკურნალო საშუალებებთან:

დიციკლოვერინის მოქმედებას აძლიერებს : ამანტადინი , 1 კლასის ანტიარითმული საშუალებები , ანტიფსიქოზური საშუალებები , ბენზოდიაზეპინები , მაო - ს ინჰიბიტორები, ნარკოტიკული ანალგეტიკები , ნიტრიტები და ნიტრატები , სიმპათომიმეტური საშუალებები , ტრიციკლური ანტიდეპრესანტები .

დიციკლოვერინი ზრდის სისხლში დიგოქსინის კონცენტრაციას ( კუჭის დაცლის   შენელების შედეგად ).

ღვიძლში მიკროსომული დაჟანგვის სტიმულატორები ( ფენიტოინი , ეთანოლი , ბარბიტურატები , რიფამპიცინი , ფენილბუტაზონი , ტრიციკლური ანტიდეპრესანტები ) ზრდის ჰიდროქსილირებული აქტიური მეტაბოლიტების წარმოქმნას , რაც პარაცეტამოლის დოზის მცირედ გადაჭარბების შემხვევაში განაპირობებს   მძიმე ინტოქსიკაციის განვითარების შესაძლებლობას . ადრენოსტიმულატორები და ასევე , ანტიქოლინერგული მოქმედების სხვა პრეპარატები ზრდის გვერდითი ეფექტების განვითარების რისკს . მიკროსომული დაჟანგვის ინჰიბიტორები ( ციმეტიდინი ) ამცირებს ჰეპატოტოქსიური მოქმედების რისკს . ამცირებს ურიკოზური პრეპარატების ეფექტურობას.

პარაცეტამოლი ზრდის არაპირდაპირი ანტიკოაგულანტების ეფექტურობას.

განსაკუთრებული მითითებები:

სიფრთხილით და ექიმის მეთვალყურეობით მიღება საჭიროა ღვიძლისა და თირკმელების დარღვეული ფუნქციის მქონე პაციენტებში , სხვა ანთებისსაწინააღმდეგო ან ტკივილგამაყუჩებელ საშუალებებთან ერთად , ასევე , ანტიკოაგულანტებსა დ იმ პრეპარატებთან ერთად მიღებისას , რომლებიც მოქმედებს ცენტრალურ ნერვულ სისტემაზე. მეტოკლოპრამიდის , დომპერიდონის ან ქოლესტირამინის მიღებისას , ასევე , აუცილებელია ექიმის კონსულტაცია .

პარაცეტამოლი ცვლის ლაბორატორიული გამოკვლევების მაჩვენებლებს პლაზმაში შარდის მჟავისა და გლუკოზის რაოდენობრივი განსაზღვრისას .

ღვიძლის ტოქსიური დაზიანების თავიდან ასაცილებლად , პარაცეტამოლის მიღება არ შეიძლება ალკოჰოლურ სასმელებთან ერთად , ასევე მისი მიღება სასურველი არ არის იმ პირებისთვის , რომლებიც მიდრეკილნი არიან ალკოჰოლის ქრონიკული მოხმარებისკენ . ღვიძლის დაზიანების რისკი მატულობს ალკოჰოლური ჰეპატოზით დაავადებულ პირებში .

პრეპარატის მიღებისას , პაციენტებმა თავი უნდა შეიკავონ პოტენციურად საშიში მოქმედებებისგან , რომლებიც კონცენტრაციის მომატებას და ფსიქომოტორული რეაქციების სისწრაფეს მოითხოვს ( სატრანსპორტო საშუალებების მართვა და სხვ ).

მკურნალობისას , აუცილებელია პერიფერიული სისხლისა და ღვიძლის ფუნქციური მდგომარეობის კონტროლი .

გამოშვების ფორმა:

პვქ / ალუმინის ბლისტერი ან ალუმინის სტრიპი , თითოეული შეიცავს 10 ტაბლეტს . კოლოფში 2 ბლისტერი ან 10 სტრიპი , გამოყენების ინსტრუქციასთან ერთად .

შენახვის პირობები:

ინახება მშრალ , სინათლისგან დაცულ და ბავშვებისთვის მიუწვდომელ ადგილას , არაუმეტეს 25°C ტემპერატურაზე .

ვარგისობის ვადა:

3 წელი . გამოყენება არ შეიძლება შეფუთვაზე მითითებული ვადის გასვლის შემდეგ .

აფთიაქიდან გაცემის პირობები:

რეცეპტის გარეშე .

მწარმოებელი:

შპს " კადილა ფარმაცევტიკალს ", ინდოეთი