მწარმოებელი: PLETHICO PHARMACEUTICALS, ინდოეთი

კლინიკურ-ფარმაკოლოგიური ჯგუფი:

გაცივების დროს გამოსაყენებელი საშუალება.

შემადგენლობა და გამოშვების ფორმა:

მალამო: პლასტიკურ ქილაში 50 მგ

5 გ

Ajwan Phool ………..    0.15 მგ

Pudina Tel ………..      0.50 მგ

Kapur ………………..    0.25 მგ

Terpin Tel ………         0.10მგ

Nilgari Tel …………      1.00 მგ

Jaiphal Tel …………      0.05 მგ

ფარმაკოლოგიური თვისებები:

ტრავისილი ქოლდ რაბი არის მაღალეფექტური და სრულიად უვნებელი მცენარეული პრეპარატი გაცივებისა და ცხვირის შეგუბების სიმპტომების მოსახსნელად. ტრავისილი ქოლდ რაბიში შემავალი მცენარეები კარგად არიან ცნობილი თავიანთი სამკურნალო თვისებებით და გააჩნიათ არაჩვეულებრივ შეშუპების, ანთების, კანის სიწითლისა და გაღიზიანების საწინააღმდეგო ეფექტები. გარდა ამისა, ზოგიერთ მცენარეს გააჩნია მასტიმულირებელი, ანალგეზიური და ანტიპირეტული მოქმედება. თითოეული მცენარის შერჩევა ხდება დიდი ყურადღებით, რათა უზრუნველყოფილი იყოს ცხვირის შეგუბებისა და გაცივების სიმპტომების სწრაფი მოხსნა.

Ajwan Phool(Trachyspermum roxburghianum): ამ ინგრედიენტს გააჩნია ანტისეპტიკური, ანთების საწინააღმდეგო და მასტიმულირებელი თვისებები. ზეთი ხელს უწყობს ცხვირიდან ჭარბი გამონადენის შემცირებას გაცივების დროს და ფართოდ გამოიყენება ხველებისას და გაცივების დროს.

Pudina Tel(Mentha arvensis): პუდინას, რომელიც ასევე ცნობილია, როგორც პიტნა, გაჩნია ანალგეზიური, ანტისეპტიკური, ანთების საწინააღმდეგო, მასტიმულირებელი, შეგუბების საწინააღმდეგო, ვაზოკონსტრიქტორული და გაღიზიანების საწინააღმდეგო თვისებები. მას აქვს ინვიგორაციული არომატი და გამოიყენება გაცივებისა და შეგუბების მოსახსნელად. ის ასევე უზრუნველყოფს თავის ტკივილისა და ცხვირის შეგუბების სწრაფ მოხსნას. ის ასევე გამოიყენება კუნთებისა და სახსრების მიდამოებში ტკივილისა და ანთების მოსახსნელად.

Kapur(cinnamomum camphora): ქაფურს გააჩნია ანთების საწინააღმდეგო, კანის მასტიმულირებელი, სიწითლის გამომწვევი, ანტისეპტიკური, ქავილის საწინააღმდეგო და გაღიზიანების საწინააღმდეგო თვისებები. ის სასარგებლოა გაცივების, შეგუბების, თავის ტკივილისა და სხეულის ტკივილს დროს.

Terpin Tel(pinus roxburghii): ფართოდ გამოიყენება გარეგანი მოხმარების მრავალ პრეპარატში გააჩნია ანთების საწინააღმდეგო, მადეზინფიცირებელი, გაღიზიანების საწინააღმდეგო და სიწითლის გამომწვევი თვისებები, გამოიყენება გაცივებისა და ტკივილების სამკურნალოდ.

Nilgari Tel(Eucalyptus globulus): ფართოდ გამოიყენება როგორც ზეთი მასაჟისთვის. მშრალ ინჰალატორს ნილგირის ზეთს გააჩნია ქაფურის მსგავსი თვისებები და ტრადიციულად გამოიყენება ინფექციების, ჭრილობების სამკურნალოდ, კუნთების ტკივილის მოსახსნელად, თავის ტკივილის, გრიპის, ხველების, გაცივების, კონგესტიის, სინუსის სიმპტომების სამკურნალოდ და სხვადასხვა ქრონიკული რესპირატორული ინფექციების დროს.

Jaiphal Tel(Myristrica fragrance): ასევე ცნობილია, როგორც ნუტმეგი.  ხის ზეთოვან ექსტაქტს გააჩნია ამოსახველებელი, ანთების საწინააღმდეგო, ანტისეპტიკური, ანტიოქსიდანტური, იმუნიტეტის მასტიმულირებელი, სოკოს საწინააღმდეგო, ანტიბაქტერიული და გაღიზიანების საწინააღმდეგო თვისებები. ის ძირითადად გამოიყენება, როგორც გაღიზიანების საწინააღმდეგო საშუალება ტკივილის მოსახსნელად და ასტიმულირებს სისხლის ნაკადს გამოყენებულ მიდამოში.

ჩვენებები:

• ტრავისილი ქოლდ რაბი არის არაჩვეულებრივი მცენარეული პრეპარატი შეგუბებისა და გაცივების სიმპტომების მოსახსნელად. ადგილობრივად გამოყენებისას, პრეპარატი ხსნის გაცივების სიმპტომებს, როგორიცაა კონგესტია გულ-მკერდის არეში, სინუსი, ყელის ტკივილი, ხველა, თავის ტკივილი, ტკივილი მთელ სხეულსა და გულ-მკერდის არეში. მალამოს წასმა შეიძლება ცხვირის, გულ-მკერდის, ყელისა და ზურგის მიდამოებში. ცხვირის შეგუბების, კატარისა და გაცივების სიმპტომების სწრაფი მოხსნის მიზნით, პრეპარატის მიღება შეიძლება ორთქლით ინჰალაციის სახით. ტრავისილი ქოლდ რაბის მენთოლის ანაორთქლი სწრაფად ხსნის შეგუბებას.

მიღების წესი და დოზირება:

პრეპარატი გამოიყენება საჭიროების მიხედვით:

გაცივება: ცხვირისა და გულ-მკერდის კონგესტიის, ყელის ტკივილის, ხველებისა და ტკივილების დროს მთელ სხეულში (კუნთების დაჭიმულბა) წაისვით ტრავისილ ქოლდ რაბი ცხვირზე, მკერდზე, ყელზე და ზურგზე. მკერდზე წაისვით სქელი ფენა და შეინარჩუნეთ სითბო. პროცედურა გაიმეორეთ ძილის წინ და /ან საჭიროების მიხედვით.

ტრავისილ ქოლდ რაბის მენთოლის ანაორთქლი: ნაზალური კონგესტიისა და კატარის სწრაფად მოხსნისათვის, შესაძლებელია პრეპარატის მიღება ინჰალაციის სახით. ტრავისილი ქოლდ რაბის 2 კოვზი ჩაყარეთ ძალიან ცხელ წყალში და ანაორთქლი შეისუნთქეთ. დაუშვებელია ნარევის ხელახლა გაცხელება და ინჰალირების დროს გაცხელება. ტრავისილი ქოლდ რაბი მენთოლის ანაორთქლი დაუყოვნებლივ ხსნის შეგუბებას და მისი მიღება შეიძლება დღეში 2-ჯერ.

შენახვის პირობები:

პრეპარატი ინახება ოთახის ტემპერატურაზე მშრალ, სინათლისა და ბავშვებისათვის მიუწვდომელ ადგილას.

ვარგისიანობის ვადა: 3 წელი.

მწარმოებელი: PLETICO PHARMACEUTICALS, ინდოეთი

კლინიკურ-ფარმაკოლოგიური ჯგუფი:

ხველის საწინააღმდეგო მცენარეული პრეპარატი.

შემადგენლობა და გამოშვების ფორმა:

მცენარეული საწუწნი ტაბლეტები: ბლისტერზე 8 ტაბ., შეფუთვაში 2 ბლისტერი.

1 ტაბ.

დამხმარე ნივთიერებების სახით შეიცავს სათანადო შეღებილ, არომატიზირებულ, კონსერვირებულ, ბუფერირებულ, სტაბილიზირებულს, და უვნებელ შაქრის ფუძეს q.s..

ტრავისილის საწუწნი ტაბლეტები გამოდის მანდარინის, ლიმონის, პიტნის და თაფლის გემოთი.

ფარმაკოლოგიური თვისებები:

ხველისა და ყელის ტკივილის საწინააღმდეგო საშუალება აგრილებს პირის ღრუს.

სამკურნალო მცენარეები და ბალხები შეიცავენ სუბსტანციებს, რომლებიც ცნობილია უძველესი დროიდან დღევანდლამდე თავიანთი სამკურნალო თვისებებით. ტრავისილის შემადგენლობა შემუშავებულია მრავალაწლიანი გამოცდილებისა და დიდი ცოდნის საფუძველზე, ცნობილია, როგორც სწავლება – “აიურვედა მეცნიერება სიცოცხლის შესახებ”, რომელიც წარმოადგენს ძველ სამედიცინო სისტემას, ფართოდ გამოყენებულს ინდოეთსა და სხვა ქვეყნებში.

ტრავისილი ტაბლეტები არის ეფექტური და სრულიად უსაფრთხო მცენარეული პრეპარატი ხველისა და ყელის ტკივილის სამკურნალოდ, განსაკუთრებით სასარგებლოა მშრალი ხველის შემთხვევაში. ტრავისილის თითოეული ბალახი საგულდაგულოდაა შერჩეული, რათა უზრუნველყოფილ იქნას ყველაზე უფრო სრული ბალახოვანი შემადგენლობა ხველის მოსახსნელად.

ტრავისილის შემადგენლობაში შემავალი ბალახების კლინიკური უპირატესობანი:

მცენარეები, რომლებიც შედიან ტრავისილის შემადგენლობაში, ფართოდაა ცნობილი ანტისეპტიკური, მუკოლიზური, ამოსახველებელი, ხველისა და ანთების საწინააღმდეგო თვისებებით. პრეპარატის შემადგენლობაში შემავალი თითოეული ინგრედიენტის არჩევა დასაბუთებულია შემდეგნაირად:

Adhatoda Vasica: აქვს ძლიერი ამოსახველებელი და ღებინების საწინაღმდეგო მოქმედება, ითვლება ყველაზე ძლიერ საშუალებად ხველისა და გაცივების, ყივანახველას დროს არსებული ხველის, ქრონიკული ბრონქიტისა და ბრონქული ასთმის სამკურნალოდ;

Piper Longum: დროით შემოწმებული საშუალება, ხელს უშლის ხველის წარმოქმნას შესანიშნავი ანთების საწინააღმდეგო და ანტიბაქტერიული მოქმედების წყალობით;

Piper Nigrum: აქვს ძლიერი ხველის საწინააღმდეგო და ამოსახველებლი მოქმედება, აცილებს უსიამოვნო სუნს პირის ღრუდან;

Zingiber Officinale: ეფექტურია ქრონიკული, მორეციდივე და შეტევისმაგვარი ხველის პროფილაქტიკისა და მკურნალობისათვის;

Glycerrhiza Glabra: გამოიყენება, როგორც ამოსახველებელი, ოფლმდენი საშუალება, ბრონქული ასთმის, მწვავე და ქრონიკული ბრონქიტის სამკურნალოდ, ვინაიდან ამცირებს ხველით გაღიზიანებას;

Emblica Officinalis: ძლიერი ხველის საწინააღმდეგო საშუალება, რომელიც გამოიყენება ბრონქიტის, სისხლიანი ხველის დროს, როგორც დამხმარე საშუალება ტუბერკულოზის შემთხვევაში, ასევე ახასიათებს გამაახალგაზრდავებელი და მატონიზირებელი მოქმედება, რაც დაკავშირებულია მის შემადგენლობაში საკმაო რაოდენობით C ვიტამინის არსებობასთან;

Curcuma Longa: ამაღლებს ორგანიზმის რეზისტენტობას. ეფექტურია ყველა ტიპის ხველისა და გაცივებითი დაავადებების სამკურნალოდ;

Acacia Catechu: პირის ღრუს გამაგრილებელი ბალახოვანი საშუალება, აქვს შესანიშნავი მთრიმლავი მოქმედება პირის ღრუს ლორწოვანის წყლულების შემთხვევაში. აცილებს და ხელს უშლის პირიდან უსიამოვნო სუნის წარმოქმნას, რომელიც ვითარდება სხვადასხვა მიზეზით.

Foeniculum Vulgare: სუნთქვის სტიმულატორი, აქვს ამოსახველებელი და ხველის საწინააღმდეო მოქმედება. აუმჯობესებს საჭმლის მომნელებელი ორგანოების ფუნქციებს, ასევე გამოიყენება პირის ღრუს დაავადებების დროს;

Ocimum Sanctum: ითვლება აიურვედის საშუალებების ფუძემდებლად, აქვს ძლიერი ხველისა და გაცივების საწინააღმდეგო ეფექტი. ავლენს ამოსახველებლ მოქმედებას, გამოიყენება ხველის, ბრონქიტის, ციებ-ცხელებისა და კუჭის აშლილობის დროს;

Terminalia Chebula: ეფექტურია ქრონიკული ხველის დროს, გამოიყენება პირის ღრუს ლორწოვანი გარსის წყლულებისა და საჭმლის მონელების დარღვევის შემთხვევაში;

Terminalia Belerica: აქვს ძლიერი მოქმედება მწვავე და ქრონიკული ხველის არსებობისას, ბრონქიტის, ფარინგიტისა და გაცივებითი დაავადებების დროს;

Terminalia Beleric : აქვს ძლიერი არომატული გემო და ახასიათებს გამოხატული გაცივებისა და ხველის საწინააღმდეგო მოქმედება;

Abrus Precatorius –ის ფოთლები: ეფექტური მცენარეული საშუალება სასუნთქი გზებისა და სახმო იოგების სხვადასხვა მოშლილობების დროს, აქვს ასევე გამაახალგაზრდავებელი მოქმედება, ზრდის სიცოცხლის ხანგრძლივობას;

Menthol: ეფექტური ანტისეპტიკური საშუალება, აქვს ამოსახველებელი მოქმედება, არის პირის ღრუს შესანიშნავი გამაგრილებელი, სწრაფად და დიდი ხნით აცილებს უსიამოვნო სუნს პირის ღრუდან.

ჩვენებები:

ტრავისილის საწუწნი ტაბლეტები გამოიყენება მშრალი და ნახველიანი ხველის სამკურნალოდ, ბაქტერიული და ვირუსული ინფექციების დროს არსებული და მწეველთა ხველის შემთხვევაში. გარდა ამისა, ტრავისილი ამსუბუქებს ყელის ტკივილს და არის პირის ღრუს შესანიშნავი გამაგრილებელი.

მიღების წესი და დოზირება:

მოზრდილებში: 2-3 ტაბლეტი 3-ჯერ დღეში.

ბავშვებში: 1-2 ტაბლეტი 3-ჯერ დღეში.

ან ექიმის დანიშნულების მიხედვით.

მიღების წესი: ტაბლეტი უნდა გაიწუწნოს პირის ღრუში სრულ გახსნამდე. სასიამოვნო არომატის მქონე ტაბლეტის ნელი წუწვნა უზრუნველყოფს ბალახოვანი ექსტრაქტების ხველის საწინააღმდეგო და ანტისეპტიკურ მოქმედებას.

უკუჩვენებები:

მცენარეული შემადგენლობისა და ბუნებრივი წარმოშობის გამო ტრავისილის საწუწნი ტაბლეტები არ იწვევენ არასასურველ  გვერდით მოვლენებს. თუმცა, სასიამოვნო არომატისა და შესანიშნავი გამაგრილებელი გემოს გამო, ბავშვები ღებულობენ ტაბლეტებს მეტისმეტად ხშირად. ასეთი შემთხვევების თავიდან ასაცილებლად პრეპარატი უნდა ინახებოდეს ბავშვებისათვის მიუწვდომელ ადგილას.

შენახვის პირობები:

პრეპარატი ინახება ოთახის ტემპერატურაზე, ბნელ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

მწარმოებელი: PLETICO PHARMACEUTICALS, ინდოეთი

კლინიკურ-ფარმაკოლოგიური ჯგუფი:

ხველების საწინააღმდეგო საშუალება.

შემადგენლობა და გამოშვების ფორმა:

სიროფი: ფლაკონში 100 მლ

5 მლ

ფარმაკოლოგიური თვისებები:

ADULSA: გააჩნია ღებინების საწინააღმდეგო ეფექტი და გამოიყენება ყველა სახის ხველის სამკურნალოდ, მათ შორის ტუბერკულოზის დროს.

PITAL: ხველის პრევენციის მიზნით.

KALIMIRCH: წარმატებით გამოიყენება, როგორც ხველის საწინააღმდეგო საშუალება.

SOUNTH: გამოიყენება ქრონიკული ხველის/გაცივების დროს.

MULETHI: აუმჯობესებს ხასიათს და ზრდის სხეულის სხვადასხვა ორგანოების ტონუსს.

AMLA: C ვიტამინის ნატურალური წყაროა და ზრდის ორგანიზმის გამძლეობას.

HALDI: ზრდის ორგანიზიმს რეზისტენტულობას. გამოიყენება ყველა ტიპის ხველის და გაცივების სამკურნალოდ.

KATTHA: იგი წარმოადგენს პირის ღრუს მცენარეულ დეზოდორანტს, სპობს ან აუმჯობესებს სხვადასხვა მიზეზით გამოწვეულ არასასიამოვნო სუნს.

SAUNF: გააჩნია გამოხატული მოქმედება გასტროინტესტინურ ტრაქტზე და გამოიყენება საჭმლის მომნელებელი ტრაქტის ფუნქციის მოშლილობის დროს.

TULSI: გააჩნია ძლიერი ხველის და გაცივების საწინააღმდეგო ეფექტი.

HARAD: გამოიყენება პირის ღრუს ანთებითი დაავადებების სამკურნალოდ.

BAHEDA: გააჩნია ხველის და გაცივების საწინააღმდეგო ძლიერი მოქმედება.

რადგანაც ტრავისილის სიროფი ნატურალური და სუფთა საშუალებაა, მას გააჩნია უსაფრთხო თერაპიული მოქმედება. მას კარგად იტანს ორგანიზმი და არ ახასითებს რაიმე შეუთავსებლობა სხვა სამკურნალო საშუალებებთან.

ჩვენებები:

• ტრავისილის სიროფი ნაჩვენებია ხველის დროს, რომელიც გამოწვეულია თამბაქოს მოწევით, ალერგიით, ანთებით, სპაზმით, განსაკუთრებით ასთმური ხველის დროს, ან უცნობი ეტიოლოგიის მშრალი/სველი ხველის დროს.

აგრეთვე გამოიყენება პირის ღრუს ჰიგიენის და დეზოდორაციის მიზნით.

მიღების წესი და დოზირება:

ტრავისილის სიროფი ინიშნება პერორალურად. ტრავისილის მიღება შეიძლება როგორც ბავშვებისთვის და მოზრდილებისთვის, ასევე მოზრდილებისთვის და ხანდაზმული ასაკის პაციენტებისათვის.

მოზარდებში:

სიროფი -1-2 ჩაის კოვზი 2-ჯერ დღეში.

საწუწნი ტაბლეტები – 2-3 ტაბ. 3-ჯერ დღეში.

ბავშვებში:

სიროფი – 1/2-1 ჩაის კოვზი 2-ჯერ დღეში.

საწუწნი ტაბლეტები –  1-2 ტაბ. 3-ჯერ დღეში.

უკუჩვენებები:

დადგენილი არ არის.

ორსულობა და ლაქტაცია:

ტრავისილის სიროფის მიღება ორსულობის და ლაქტაციის პერიოდში დასაშვებია მხოლოდ ექიმთან კონსულტაციის შემდეგ.

განსაკუთრებული მითითებები:

ტრავისილის გამოყენება არ მოქმედებს მოძრაობის კოორდინაციაზე და არ უშლის ხელს ავტოტრანსპორტის მართვას.

ჭარბი დოზირება:

რადგანაც ტრავისილის სიროფი ნატურალური საშუალებაა და მას კარგად იტანენ პაციენტები, მისი ჭარბი დოზირების სიმპტომები არ არის აღწერილი.

სხვა წამლებთან ურთიერთქმედება:

ტრავისილი შეთავსებადია სხვა წამლებთან კომბინაციაში.

შენახვის პირობები:

პრეპარატი ინახება 15-25⁰C ტემპერატურაზე, სინათლისაგან დაცულ ადგილას.

ვარგისიანობის ვადა; 5 წელი.

საერთაშორისო დასახელება:

TRAVOPROST

მწარმოებელი: ALCON, ბელგია

მოქმედი ნივთიერება: ტრავოპროსტი

კლინიკურ-ფარმაკოლოგიური ჯგუფი:

პროსტაგლანდინების ჯგუფის გლაუკომის სამკურნალო პრეპარატი. FP პროსტანოიდური რეცეპტორების მაღალსელექტიური აგონისტი.

შემადგენლობა და გამოშვების ფორმა:

ოფთალმოლოგიური სუსპენზია: ფლაკონში 2.5 მლ

1 მლ

ტრავოპროსტი  ……………..  40 მკგ

დამხმარე ნივთიერებები:

პოლიოქსოლ 40 ჰიდროგენიზერებული ქაფურის ზეთი, ტრიმეთამინი, ბორის მჟავა, მანიტოლი, ედეტად დისოდიუმი, ნატრიუმის ჰიდროქსიდი, ჰიდროქლორიდის მჟავა და გამოხდილი წყალი.

ფარმაკოლოგიური თვისებები:

ტრავოპროსტი პროსტაგლანდინების ეფექტური და ძლიერი ანალოგია. ტრავოპროსტის თავისუფალი მჟავა FP პროსტანოიდული რეცეპტორების ძლიერი და მაღალსელექტიური აგონისტია. FP რეცეპტორების აგონისტები ამცირებენ თვალშიდა წნევას (თშწ) უვეოკლერალური გამოდინების გაზრდის ხარჯზე.

ტრავოპროსტის მოქმედების მექანიზმი კომპლექსურია. არსებობს მოსაზრება, რომ ტრავოპროსტი რქოვანას ჰიდროლიზური ფერმენტების ზემოქმედებით გარდაიქმნება მჟავად და ამ სახით შეიწოვება თვალის ქსოვილების მიერ. ცილიარულ კუნთებში იგი უკავშირდება FP რეცეპტორებს და იწვევს უჯრედოვანი კასკადური სისტემის გააქტიურებას, რაც განაპირობებს თშწ დაქვეითებას. ამ მექანიზმით ხდება სხვადასხვა ფერმენტების გამოთავისუფლება ცილიარული კუნთების ბოჭკოების ირგვლივ.

ტრავოპროსტი (იზოპროპოლ ესთერაზას პროწამალი) რქოვანის ესთერაზერის ზემოქმედებით სწრაფად ჰიდროლიზდება თავისუფალ მჟავებად, სისტემატურად ტრავოპროსტის თავისუფალი მჟავა სწრაფად იჟანგება არააქტიურ მეტაბოლიტებამდე.

ჩვენებები:

• პრეპარატი გამოიყენება თშწ დაქვეითების მიზნით პაციენტებში, რომელთაც აქვთ ღიაკუთხოვანი გლაუკომა ან თვალშიდა ჰიპერტენზია.

მიღების წესი და დოზირება:

ტრავატანის რეკომენდებული დოზაა 1 წვეთი ერთხელ დღეში, საღამოს. პრეპარატის მოქმედება იწყება ჩაწვეთებიდან 2 სთ-ის შემდეგ და მაქსიმუმს აღწევს 12 სთ-ში.

გვერდითი მოვლენები:

ყველაზე ხშირია თვალის ჰიპერემია, რომელიც 95%-ში გაივლის მკურნალობის შეწყვეტისთანავე.

3% შემთხვევაში შეიძლება გამოვლინდეს თვალის დისკომფორტის, უცხო სხეულისა და წვის შეგრძნება.

1-2% შემთხვევაში – ბლეფარიტი, კონიუქტივიტი, მშრალი თვალის სინდრომი, ფერადი გარსის ფერის ცვლილება, ცრემლდენა.

უკუჩვენებები:

მომატებული მგრძნობელობა ტრავოპროსტის, ბენზალკონიუმის ქლორიდის ან სხვა შემადგენელი კომპონენტების მიმართ.

ორსულობა და ლაქტაცია:

ტრავატანის გამოყენება არ არის სასურველი ორსულ ქალებში და ლაქტაციის პერიოდში.

განსაკუთრებული მითითებები:

◄ ტრავატანის ხანგრძლივმა გამოყენებამ შეიძლება გამოიწვიოს თვალის ფერის უმნიშვნელო შეცვლა. ფერადი გარსის ფერის ცვლილება ხდება ძალზე ნელა და პერმანენტულად.

◄ ტრავატანის გამოყენება არ არის სასურველი თვალის ანთებითი პროცესების დროს (ირიტი, უვეიტი). სიფრთხილეა საჭირო ტრავატანის გამოყენებისას იმ პაციენტებში, რომელთაც აღენიშნებათ მაკულარული შეშუპების განვითარების რისკის ფაქტორი.

◄ პაციენტებმა, რომლებიც იყენებენ კონტაქტურ ლინზებს, უნდა მოიხსნან ლინზები ხსნარის ჩაწვეთების წინ და კვლავ გაიკეთონ ტრავატანის ჩაწვეთებიდან 15 წთ-ის შემდეგ.

ჭარბი დოზირება:

ტრავატანის გამოყენებამ არ უნდა გადააჭარბოს დღეში 1 წვეთს ერთჯერადად, რადგან წინააღმდეგ შემთხვევაში შეიძლება შემცირდეს თშწ დამწევი ეფექტი.

სხვა წამლებთან ურთიერთქმედება:

ტრავატანის გამოყენება თშწ შესამცირებლად დასაშვებია სხვა ოფთალმოლოგიურ პრეპარატებთან ერთად. ასეთ შემთხვევაში ინტერვალი პრეპარატების ინსტილაციას შორის უნდა იყოს 10 წთ.

შენახვის პირობები:

პრეპარატი ინახება 20-25⁰C ტემპერატურაზე ბავშვებისათვის მიუწვდომელ ადგილას. არ საჭიროებს მაცივარში შენახვას.

ვარგისიანობის ვადა: 3 წელი.

ფლაკონის გახსნის შემდეგ: 2 თვე.

საერთაშორისო არაპატენტირებული დასახელება:

TROXERUTIN+CATBAZOCHROME

მწარმოებელი: ROTPHARM, დიდი ბრიტანეთი

შემადგენლობა და გამოშვების ფორმა:

ხსნარი ინექციისთვის;

პრეპარატის 1 ამპულა (3მლ) შეიცავს:

აქტიური ნივთიერება:

ტროქსერუტინი …………. 150მგ,

კარბაზოქრომი …………… 1,5 მგ.

დამხმარე ნივთიერებები: ნატრიუმის ქლორიდი, წყალი ინექციისთვის.

ფარმაკოთერაპიული ჯგუფი:

ანგიოპროტექტორი. კაპილარების გამავლობის დამაქვეითებელი პრეპარატები. ჰემოსტატიკური საშუალება.

ფარმაკოლოგიური თვისებები:

შემადგენელი კომპონენტების, ტროქსერუტინის და კარბაზოქრომის ოპტიმალური კომბინაცია განაპირობებს პრეპარატის მაღალ ფარმაკოლოგიურ ეფექტურობას, რაც საშუალებას იძლევა მიზანმიმართულად ჩატარდეს სისხლძარღვოვანი დაავადებების და კაპილარების სისუსტით გამოწვეული სისხლდენის სინდრომის მკურნალობა.

ტროქსერუტინი, ცნობილი აგრეთვე P ვიტამინის სახელწოდებითაც, წარმოადგენს ბიოფლავონიდს.

ტროქსერუტინი ახდენს ვენების მატონიზირებელ, ანთებისა და შეშუპების საწინააღმდეგო მოქმედებას;

სისხლძარღვის კედელზე თრომბოციტების მიმაგრების შეფერხებით  ამცირებს ექსუდაციურ ანთებას; აქვეითებს კაპილარების განვლადობას. ამყარებს სისხლძარღვის კედელს; გააჩნია ანტიოქსიდანტური და P-ვიტამინური აქტივობა. ტროქსერუტინით მკურნალობის შედეგად ფეხებში ქრება სიმძიმის შეგრძნება, მცირდება ქსოვილების შეშუპება, უმჯობესდება ტროფიკა.

ეწინააღმდეგება სისხლის თხევად კომპონენტის ჭარბად ქსოვილში მოხვედრას (შეშუპების საწინააღმდეგო და განვლადობის შემამცირებელი მოქმედება). პრეპარატის ფარმაკოლოგიური ეფექტი C ვიტამინის მოქმედებას აძლიერებს, რაც თავის მხრივ ასრულებს მემბრანის გამავლობის დამცველ ფუნქციას და ჰიალურონის დამთრგუნველს, რომელიც შემდეგში აქტივირებული, გამოიმუშავებს ჰიალურონის მჟავას – მუკოპოლისაქარიდს, რომელიც პასუხისმგებელია სისხლძარღვის კედლის სიმკვრივეზე. გარდა ამისა აღინიშნება ჰისტამინის გამომუშავების დაქვეითება, რომელიც არის სისხლძარღვების გამაფართოებელი და შეშუპების გამომწვევი.

კარბაზოქრომი – ორტოქინონი, ადრენალინის დაჟანგვის პროდუქტი სიმპატომიმეტური აქტიობის გარეშე. სისხლმდენი ზონის წვრილი სისხლძარღვების შემავიწროებელი ადგილობრივი მოქმედებით  იწვევს სისხლდენის ხანგრძლიობის შემცირებას. ეს ხდება არტერიული წნევის მომატების და გულის მოქმედებაზე გავლენის გარეშე. დადგენილია, რომ კარბაზოქრომი სრულიად ნათლად მოქმედებს კაპილარების სიმტკიცეზე და განვლადობაზე,  ასევე სისხლძარღვების ტონუსსა და მკუმშავ ძალაზე.

წამლის ინექციის ფორმა გამოიყენება გადაუდებელი მკურნალობის შემთხვევაში და როცა საჭიროა სწრაფი თრაპიული ეფექტის მიღება.

მიღების ჩვენებები:

• ქრონიკული ვენოზური უკმარისობა, ვენების ვარიკოზული გაფართოება, ზედაპირული თრომბოფლებიტი, პერიფლებიტი, პოსტტრავმატული შეშუპება, ჰემატომები, ტროფიკული დარღვევა ქრონიკული ვენოზური უკმარისობისას (დერმატიტები, ტროფიკული წყლულები);
• ჰემოროიდალური კვანძები;
• დიაბეტური ანგიოპათია;
• რეტინოპათია.

უკჩვენებები:

* პრეპარატის მიმართ მომატებული მგრძნობელობა.

გვერდითი მოქმედება:

პრეპარატი კარგად აიტანება გვერდითი მოქმედებების გარეშე.

მიღების წესი და დოზირება:

დოზირების რეჟიმი და მკურნალობის კურსი ინდივიდუალურია: 3–9მლ დღეში , კუნთში.

ჭარბი დოზირება:

არ  არის აღნიშნული უნებლიე ან ნებითი ჭარბი დოზირება.

ზედოზირების შემთხვევაში მკურნალობა სიმპტომატურია.

სხვა წამლებთან ურთიერთქმედება:

აძლიერებს ასკორბინის მჟავის მოქმედებას სისხლძარღვის კედლის სტრუქტურასა და განვლადობაზე.

ორსულობა და ლაქტაცია:

ამ პერიოდში პრეპარატის მიღება არ არის რეკომენდებული.

გავლენა ავტომობილების და სხვა მექანიზმების მართვაზე:

მკურნალობის პერიოდში პრეპარატი გავლენას არ ახდენ ფსიქომოტორულ რეაქციების სიჩქარეზე.

შენახვის პირობები:

ინახება მშრალ, ბავშვებისათვის მიუწვდომელ ადგილზე, 25⁰C ტემპერატურაზე.

ვადა: 5 წელი წარმოებიდან.

აფთიაქიდან გაცემა:

გაიცემა ექიმის რეცეპტით.

საერთაშორისო დასახელება:

FERROUS GLUCONATE; COPPER GLUCONATE; MANGANESE GLUCONATE

მწარმოებელი: Laboratoire INNOTRCH INTRNATIONAL,

INNOTERA CHOUZY, საფრანგეთი

კლინიკურ-ფარმაკოლოგიური ჯგუფი:

რკინის შემცველი ანტიანემიური კომბინირებული პრეპარატი.

შემადგენლობა და გამოშვების ფორმა:

ხსნარი პერორალური მიღებისათვის: ამპულაში 1 მლ, შეფუთვაში 20 ც.

1 მლ 1 ამპ.

რკინის გლუკონატი, მათ შორის რკინა    ………………………    5 მგ 5 მგ

მანგანუმის გლუკონატი, მათ შორის მანგანუმი …………….     133 მგ 1.33 მგ

სპილენძის გლუკონატი, მათ შორის სპილენძს …………………  70 მგ 0.70 მგ

ნატრიუმის ბენზოატი ……………………………………………….   1 მგ 20 მგ

სხვა ინგრედიენტები:

გლიცეროლი, თხევადი გლუკოზა, საქაროზა, უწყლო ლიმონის მჟავა, ნატრიუმის ციტრატი, ნატირუმის ბენზოატი, პოლისორბატი, არომატიზატორი, გასუფთავებული წყალი.

ჩვენებები;

• სხვადასხვა ეტიოლოგიის რკინადეფიციტური ანემია;
• რკინადეფიციტური ანემიის პროფილაქტიკა მომატებული რისკ-ჯგუფის პაციენტებში (ორსულები, დღენაკლული ახალშობილები, ტყუპები, რკინადეფიციტური ანემიით დაავადებული დედისაგან დაბადებული ახალშობილები);
• რკინის არასაკმარისი რაოდენობით მიღება საკვებით;
• რკინადეფიციტური მდგომარეობა (ასთენია).

მიღების წესი და დოზირება:

ანემიის კორექციისათვის: ანემიის სიმძიმიდან გამომდინარე 100-200 მგ ელემენტარული რკინა დღეში (2-4 ამპულა) 1-2 თვის მანძილზე.

რკინის მარაგის აღდგენისათვის: 50-100 მგ ელემენტარული რკინა (1-2 ამპულა) 2 თვის მანძილზე.

ახალშობილები 1 თვიდან: 5 მგ ელემენტარული რკინა/კგ წონაზე/დღეში.

ბავშვები 1-10 წლამდე: 5-10 მგ ელემენტარული რკინა/კგ წონაზე/დღეში.

ბავშვები 10 წლის ასაკის ზევით: 5-100 მგ ელემენტარული  რკინა დღეში.

ორსულებში პროფილაქტიკის მიზნით: 50 მგ ელემენტარული რკინა დღეში II და III ტრიმესტრის განმავლობაში.

პრეპარატის შიგთავსი უნდა გაიხსნას სუფთა ან დამტკბარ წყალში ან სხვა რაიმე უალკოჰოლო სასმელში (წვენი და სხვა). ამპულის თავების გადატეხა ხდება ხელით ქლიბის გამოყენების გარეშე.

სასურველია პრეპარატის მიღება უზმოზე.

გვერდითი მოვლენები:

შესაძლოა ჩივილები კუჭ-ნაწლავის სისტემის მხრიდან (გულძმარვა, ყაბზობა ან ფაღარათი, დიარეა, ტკივილები ეპიგასტრიის არეში).

უკუჩვენებები:

* ჰემოქრომოტოზი;

* ყველა სახის ანემია, რომელიც არაა გამოწვეული რკინის დეფიციტით;

* მომატებული მგრძნობელობა პრეპარატის რომელიმე კომპონენტის მიმართ.

განსაკუთრებული მითითებები:

◄ ტოტემასა და სხვა საინექციო რკინის პრეპარატების ერთდროული გამოყენება არ არის რეკომენდებული;

◄  პრეპარატის მიღება უმჯობესია ჭამამდე, მაგრამ, პრეპარატის მიღების დრო და, შესაძლოა, დოზირების რეჟიმიც უნდა იყოს შერჩეული პაციენტის ინდივიდუალური ამტანობის გათვალისწინებით;

◄  კბილების გამუქების თავიდან ასაცილებლად ნუ გაიჩერებთ პრეპარატს დიდხანს პირის ღრუში. მიიღეთ იგი საწრუპი მილით;

◄  უნდა გაითვალისწინოთ, რომ ერთი ამპულა შეიცავს 3 გ საქაროზას;

◄   ჩაის და ყავის დიდი რაოდენოით მიღება მკურნალობისას აქვეითებს რკინის შეწოვას.

◄  პრეპარატის კურსობრივი გამოყენების დროს შესაძლებელია განავლის შავად შეფერვა.

პედიატრიაშია გამოყენება

სიფრთხილით უნიშნავენ პრეპარატს ბავშვებს 2 წლის ასაკამდე.

ჭარბი დოზირება:

ჭარბი დოზირების შემთხვევები აღწერილია ბავშვებში, განსაკუთრებით 2 წლამდე, რაც განპირობებული იყო პრეპარატის დიდი დოზის მიღებით. უმეტეს შემთხვევაში სიმპტომები გამოიხატებოდა გულისრევით, ღებინებით, იშვიათად შოკური მდგომარეობით. ჭარბი დოზირებისას საჭიროა სასწრაფო კვალიფიციური დახმარება.

სხვა წამლებთან ურთიერთქმედება:

არ არის რეკომენდებული ტოტემასთან ერთად ციკლინებით ან კალციუმის პრეპარატებით ერთდროული მკურნალობა. ამ პრეპარატების მიღების  შემთხვევაში უნდა იყოს დაცული 2 საათიანი ინტერვალი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, გრილ, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

ATENOLOL

მწარმოებელი: CP Pharmaceuticals Ltd Wrexham UK

მოქმედი ნივთიერება: ატენოლოლი

კლინიკურ-ფარმაკოლოგიური ჯგუფი:

სელექტიური ბეტა_1-ადრენობლოკატორი

შემადგენლობა და გამოშვების ფორმა:

ტაბლეტები: შეფუთვაში 28 ც.

1 ტაბ.

ატენოლოლი ……   25 მგ

1 ტაბ.

ატენოლოლი ……..   50 მგ

1 ტაბ.

ატენოლოლი ……..   100 მგ

ვრცლად ატებლოკორი (დოზირება ინდივიდუალური)

სამკურნალწამლო ფორმის აღწერა: 30გ გელი ტუბში.

შემადგენლობა:

1 გ

ნიმესულიდი ………… 10 მგ.

კლინიკურ–ფარმაკოლოგიური ჯგუფი:

არასტეროიდული ანთების საწინააღმდეგო პრეპარატი.

ფარმაკოლოგიური თვისებები:

ფარმაკოდინამიკა:

ნიმესულიდი წარმოადგენს ანთების საწინააღმდეგო არასტეროიდულ საშუალებას, რომელიც ხასიათდება სიცხის დამწევი, ტკივილგამაყუჩებელი და ანთების საწინააღმდეგო მოქმედებით. იგი შეიცავს სულფოანილიდის ჯგუფს, რაც განასხვავებს მას სხვა ანთებისსაწინაღმდეგო არასტეროიდული საშუალებებისაგან, რომლებიც შეიცავენ კარბოქსილის და ფენოლის რგოლს.
ნიმესულიდის მოქმედების მექანიზმი განპირობებულია პროსტაგლანდინების სინთეზის ინჰიბირებით ფაგოციტოზსა და ჰემოსტაზზე ზემოქმედების გარეშე, იგი თრგუნავს ანთების დროს თავისუფალი რადიკალების წარმოქმნას, ხელს უშლის ფერმენტ მიელოპეროქსიდაზას გამოთავისუფლებას.

ნიმესულიდი ადგილობრივი გამოყენებისას აღწევს კანიდან კუნთოვან ქსოვილში და სინოვიალურ სითხეში და განაპირობებს მათ შორის ბალანსის სწრაფ დამყარებას.

ფარმაკოკინეტიკა:

გელის გამოყენების შემდეგ Cmax (14–57,5 მგ/მლ) მიიღწევა 8 სთ–ის განმავლობაში. ადგილობრივი გამოყენებისას ნიმესულიდი 30 წთ–დან 8 სთ–მდე თანდათნობით გადადის სისხლის პლაზმაში.

ჩვენებები:

გელი ავლენს ადგილობრივ ანთების საწინააღმდეგო  და ანალგეზიურ მოქმედებას შემდეგი დაავადებების დროს:

ოსტეოართრიტი, რევმატოიდული ართრიტი, პერიართრიტი, ტენდინიტი, ტენოსინოვიტი, ბურსიტი და რბილი ქსოვილების სხვა ანთებითი დაავადებები;

რბილი ქსოვილების დაზიანებები, მათ შორის ამოვარდნილობა;

კუნთოვანი ქსოვილების და საყრდენ–მამოძრავებელი აპარატის დაავადებები (ტკივილი, ანთება, კუნთოვანი დაჭიმულობა).

უკუჩვენებები:

ნიმესულიდის, აცეტილსალიცილის მჟავის და ანთების საწინააღმდეგო პრეპარატების მიმართ მომატებული მგრძნობელობა (ბრონქოსპაზმი, რინიტი, ჭინჭრის ციება). პრეპარატი უკუნაჩვენებია კუჭ–ნაწლავის ტრაქტის ეროზიულ–წყლულოვანი დაზიანებების (მწვავე წყლული, განვითარებადი წყლული), კუჭ–ნაწლავის ტრაქტიდან სისხლდენის, თირკმლის უკმარისობის დროს.

განსაკუთრებული მითითებები:

პრეპარატი გელის სახით დაიტანება მხოლოდ კანის დაზიანებულ უბანზე, ისე რომ არ მოხვდეს ღია ჭრილობაზე. ადგილობრივი რეაქციების განვითარებისას (კანის გაღიზიანება და სხვა) გელის გამოყენებას წყვეტენ და ინიშნება შესაბამისი მკურნალობა. თავიდან უნდა ავიცილოთ გელის მოხვედრა თვალში, ლორწოვან გარსზე, ან დაზიანებულ კანზე დერმატოზებისა და ინფექციური პროცესების დროს. ასეთ შემთხვევაში საჭიროა მისი წყლით ჩამობანვა.

ორსულობა და ლაქტაცია:

ორსულობის C კატეგორია: ორსულ ქალებში გელის ეფექტურობა და უსაფრთხოება შესწავლილი არ არის. ორსულობისა და ძუძუთი კვების დროს გელის გამოყენება არარეკომენდირებულია.

გამოყენება ბავშვებში:

გელის ეფექტურობა პედიატრიულ პრაქტიკაში დადგენილი არ არის, ამიტომ პრეპარატის გამოყენება ბავშვებში რეკომენდებული არ არის.

გვერდითი მოვლენები:

იშვიათ შემთხვევაში შესაძლოა ადგილობრივი გაღიზიანება, ერითემა, გამონაყარი, კანის აქერცვლა და ქავილი. ზოგჯერ აღინიშნება კანის უმნიშვნელო ცვლილებები პრეპარატის აპლიკაციის დატანის ადგილზე, რომელიც რამდენიმე დღეში გაივლის.

გაუთვალისწინებელი ეფექტების გამოვლენისას მიმრთეთ ექიმს.

სხვა სამკურნალო პრეპარატებთან ურთიერთქმედება:

ადგილობრივი გამოყენებისას სხვა სამკურნალო პრეპარატებთან ურთიერთქმედება ნაკლებადსავარაუდოა.

გამოყენების წესი და დოზირება:

გამოიყენება გარეგანად. გელი დაიტანება დაზიანებულ უბანზე და მსუბუქად შეიზილება; პროცედურა მეორდება 3–4–ჯერ დღეში. თერაპიის ხანგრძლიობა განისაზღვრება ინდივიდულაურად მიღებული შედეგის გათვალისწინებით.

ჭარბი დოზირება:

დაბალი სისტემური აბსორბციის გამო ადგილობრივი გამოყენებისას ჭარბი დოზირება ნაკლებადსავარაუდოა.

შენახვის პირობები:

პრეპარატი ინახება ოთახის ტემპერატურაზე 25⁰C–ზე ზემოთ.

ვარგისიანობის ვადა:

2 წელი. პრეპარატი არ გამოიყენება შეფუთვაზე მითითებული ვადის ამოწურვის შემდეგ.

გამოშვების ფორმა:

30გ გელი მაღალი სიმკვრივის პოლიეთილენის ტუბში.

აფთიაქიდან გაცემის პირობები:

პრეპარატი გაიცემა რეცეპტით.

–არ გამოიყენება ექიმთან შეუთანხმებლად;

–პრეპარატის მიღებამდე გაეცანით ინსტრუქციას;

–შეინახეთ ბავშებისათვის მიუწვდომელ ადგილას.

მწარმოებელი:

სანოველ ილაჩ სანაი ვე თიჯარეთ ა.შ., სტამბული.

საერთაშორისო დასახელება:

BUPIVACAINE

მწარმოებელი: ავერსი-რაციონალი, საქართველო

მოქმედი ნივთიერება: ბუპივაკაინი

კლინიკურ-ფარმაკოლოგიური ჯგუფი:

ადგილობრიივ საანესთეზიო საშუალება

შემადგენლობა და გამოშვების ფორმა:

საინექციო ხსნარი: ამპულაში 4 მლ, შეფუთვაში 5 ც.

1 ამპ.

ბუპივაკაინის ჰიდროქლორიდი  ……………  5 მგ

დამხმარე ნივთიერებები:

დექსტროზა – 80 მგ, ქლორწყალბადმჟავა – pH-ის დონის მისაღწევად 4.5-6.5-მდე, საინექციო წყალი – საკმარისი რაოდენობით.

საინექციო ხსნარი: ფლაკონში 25 მლ, შეფუთვაში 1 ც.

1 ფლ.

ბუპივაკაინის ჰიდროქლორიდი ……..     2.5 მგ

დამხმარე ნივთიერებები:

ნატრიუმის ქლორიდი – 8 მგ, მეთილპარაბენი – 1 მგ, ქლორწყალბადმჟავა – pH -ის დონის მისაღწევად 4.5-6.5-მდე, საინექციო

წყალი – საკმარისი რაოდენობით

ფარმაკოლოგიური თვისებები:

ბუპივაკაინის ჰიდროქლორიდი წარმოადგენს სწრაფი მოქმედების (5-10 წთ) ადგილობრივ საანესთეზიო საშუალებას ამიდების ჯგუფიდან. მისი მოქმედების მექანიზმი განპირობებულია ნეირონების მემბრანების სტაბილიზაციითა და ნერვული იმპულსის წარმოქმნა-გატარების ბლოკირებით. პრეპარატის ანალგეზიური მოქმედება გრძელდება ანესთეზიის შეწყვეტის შემდეგაც, რაც ამცირებს მოთხოვნილებას პოსტოპერაციულ გაუტკივარებაზე.

სპინალური ანესთეზიის დროს პრეპარატი იწვევს ქვემო კიდურების კუნთების ზომიერ მოდუნებას 2-2.5 სთ-ის განმავლობაში. ნეკნთაშუა ბლოკადის დროს ბუპივაკაინის ჰიდროქლორიდის მოქმედება გრძელდება 7-14 სთ-ის განმავლობაში, ეპიდურული ბლოკადის დროს – 3-4 სთ, მუცლის კუნთების ბლოკადის დროს – 45-60 წთ.

ფარმაკოკინეტიკა:

ბუპივაკაინის ჰიდროქლორიდის აბსორბცია დამოკიდებულია დოზაზე, კონცენტრაციაზე და გამოყენებული ხსნარის მოცულობაზე, ასევე პრეპარატის შეყვანის გზაზე და პაციენტის მდებარეობაზე, ინექციის ადგილის ვასკულარიზაციაზე, ეპინეფრინთან ან სხვა ვაზოკონსტრიქტორთან კომბინაციაზე; პრეპარატის ცილებთან კავშირი ცვლებადია და განისაზღვრება პრეპარატის კონცენტრაციით სისხლში: რაც უფრო დაბალია კონცენტრაცია, მით უფრო მაღალია ცილებთან კავშირი.

ბუპივაკაინის ჰიდროქლორიდი პასიური დიფუზიის გზით გადის პლაცენტარულ ბარიერს. მას გააჩნია მაღალი აფინიტეტი სისხლის პროტეინებთან (95%), ძნელად გადის ჰისტომატურ ბარიერებს. კაუდალური, ეპიდურული და გამტარებლობითი ანესთეზიის დროს მისი მაქსიმალური კონცენტრაცია (C_max) სისხლის პლაზმაში მიიღწევა 30-45 წთ-ში. განიცდის ბიოტრანსფორმაციას ღვიძლში, გლუკურონის მჟავასთან კონიუგაციის გზით.

ნახევარგამოყოფის პერიოდი (T_1/2) მოზრდილებში შეადგენს 1.5-5.5 სთ-ს, ახალშობილებში – 8.1 სთ-ს. ძირითადად გამოიყოფა თირკმელების საშუალებით, მეტაბოლიტების სახით, 5-6% – შეუცვლელი სახით. ბუპივაკაინის ჰიდროქლორიდი აღწევს თავ-ზურგ-ტვინის სითხეში, ასევე ღვიძლში, ფილტვებში, თირკმელებში და მიოკარდიუმში.

ჩვენებები:

ამპულა: სპინალური ანესთეზია ქირურგიაში (3-5 სთ-ის ხანგრძლივობის უროლოგიური და ქვედა თორაკალური ოპერაციები, 45-60 წთ-ის ხანგრძლივობის აბდომინალური ოპერაციები).

ფლაკონი:

– ლოკალური ან რეგიონალური ანესთეზია ქირურგიაში (პირის ღრუს ქირურგიული ჩარევები, დიაგნოსტიკური და თერაპიული პროცედურები);

– სამწვერა ნერვის, ბეჭისა და გავის წნულების, სასირცხო ნერვის ბლოკადები;

– ნეკნთაშუა, კაუდალური და ეპიდურული ანესთეზია საკეისრო კვეთისას და სამეანო პრაქტიკაში;

– ანესთზია ზედა და ქვედა კიდურების სახსრების ამოვარდნილობის ჩასწორებისათვის.

მიღების წესი და დოზირება:

ანესთეზიის გავრცელება დამოკიდებულია შემდეგ ფაქტორებზე: პრეპარატის რაოდენობაზე, პაციენტის ასაკსა და მდებარეობაზე.

ტორნამის დოზა (ფლაკონი) განისაზღვრება გაუტკივარების სახეობით, ქირურგიული ჩარევების დროს (დიაგნოსტიკურ და სამკურნალო მანიპულაციებისას) გამოიყენება 2.5-100 მგ.

სამწვერა ნერვის ბლოკადის დროს    –      2.5-12.5 მგ;

ვარსკვლავისებური კვანძის             –        25-50 მგ;

ბეჭისა და გავის წნულების ბლოკადისას   – 75-150 მგ;

სასირცხო ნერვის ბლოკადების დროს   –    12.5-25 მგ თითოეულ მხარეს;

ნეკნთაშუა ბლოკადისას – 10-25 მგ;

პერიფერიული ნერვების ბლოკადის დროს 25-150 მგ;

ხანგრძლივი ეპიდურული ანესთეზიის დროს საწყისი დოზა შეადგენს 5 მგ-ს, შემანარჩუნებელი – 15-25-4 მგ-მ ყოველ 4-6 სთ-ში;

ეპიდურული და კაუდალური ანესთეზიის დროს სამეანო პრაქტიკაში გამოიყენება 15-50 მგ;

ეპიდურული ანესთეზიის დრო საკეისრო კვეთისას გამოიყენება 75-150 მგ;

პრეპარატის მაქსიმალური დოზა შეადგენს 2 მგ/კგ სხეულის მასაზე.

ლოკალური ანესთეზიის დროს დოზირება დამოკიდებულია ლოკალიზაციაზე, ქსოვილის ვასკულარიზაციაზე, ანესთეზიის ხანგრძლივობაზე, კუნთების რელაქსაციის ხარისხზე, პაციენტის ტოლერანტობაზე, ფიზიკურ მდგომარეობასა და ასაკზე.

მაღალი დოზის საჭიროებისას პრეპარატი შეყავთ ეტაპობრივად.

რეკომენდებული დოზით ბუპივაკაინის ჰიდროქლორიდი იწვევს სრულ სენსორულ ბლოკადას. მოტორულ ფუნქციაზე გავლენას განაპირობებს მისი კონცენტრაცია:  25%, 0.5%.

მოტორული ბლოკადა არასრულია 0.25%-იანი ხსნარის გამოყენებისას კაუდალური, ეპიდურული ან პერიფერიული ბლოკადის დროს.

3 მლ ბუპივაკაინის ჰიდროქლორიდის (ამპულა) შეყვანა სუბარაქნოიდულ სივრცეში L3, L4 სეგმენტის დონეზე იწვევს პრეპარატის გავრცელებას T4 და T5 სეგმენტამდე, როდესაც ინექცია კეთდება მჯდომარე მდგომარეობაში.

ჰორიზონტალურ მდგომარეობაში ინექციისას ბლოკადა ვრცელდება T5 და T7 სეგმენტებს შორის.

სპინალური ანესთეზიის დროს დექსტროზიანი ბუპივაკაინის ჰიდროქლორიდის მაქსიმალური დოზირება შეადგენს 20 მგ-ს.

საინექცო ხსნარი გამოიყენება უშუალოდ ამპულის გახსნის შემდეგ. ამპულაში დარჩენილი ხსნარი აღარ გამოიყენება.

გვერდითი მოვლენები;

ცენტრალური და პერიფერიული ნერვული სისტემის მხრივ: ენის დაბუჟება, თავბრუსხვევა, თავის ტკივილი, მხედველობის დაბინდვა, კუნთების ტრემორი, ძილიანობა, კრუნჩხვები, გონების დაკარგვა, ანესთეზიის ადგილას შესაძლებელია განვითარდეს პარესთეზიები, სფინქტერების ტონუსის დაქვეითება;

გულ-სისხლძარღვთა სისტემის მხრივ: გულის მიერ გადმოსროლილი სისხლის მოცულობის შემცირება, გულის ბლოკადები, არტერიული ჰიპოტენზია, ბრადიკარდია, პარკუჭოვანი არითმიები, გულის გაჩერება;

სასუნთქი სისტემის მხრივ: აპნოე;

ალერგიული რეაქციები: გამონაყარი კანზე, მძიმე შემთხვევებში -ანაფილაქსიური შოკი.

გვერდითი ეფექტები ვლინდება იშვიათად, მათი განვითარების რისკი იზრდება არაადეკვატური დოზის გამოყენებისას და შეყვანის წესის დარღვევისას.

უკუჩვენებები:

* მომატებული ინდივიდუალური მგრძნობელობა ამიდების ჯგუფის ადგილობრივი საანესთეზიო საშუალებების მიმართ ან პრეპარატის შემადგენლობაში შემავალი რომელიმე კომპონენტის მიმართ;

* მენინგიტი, სიმსივნეები, პოლიომიელიტი, ქალასშიდა სისხლდენა;

* ოსტოექონდროზი, სპონდილიტი;

* ტუბერკულოზი;

* ხერხემლის მეტასტაზური დაზიანება;

* ნევროლოგიური სიმპტომებით მიმდინარე პერნიციოზული ანემია;

* გულის უკმარისობა – დეკომპენსაციის ფაზა;

* სითხის  დაგროვება პლევრის ღრუში, ინტრააბდომინალური წნევის მომატება, გამოხატული ასციტი, გამოხატული ჰიპოტენზია (კარდიოგენული ან ჰიპოვოლემიური შოკი);

* სეპტიცემია;

* არაცერვიკალური ბლოკადა მეანობაში;

* კანის ინფექციური დაზიანებები პუნქციის სავარაუდო ადგილას;

* 12 წლამდე ასაკი.

ორსულობა და ლაქტაცია:

ტორნამის გამოყენება ორსულობის დროს რეკომენდებულია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების რისკს. პრეპარატი გადის პლაცენტარულ ბარიერს, მაგრამ მისი კონცენტრაციის თანაფარდობა ნაყოფისა და დედის სისხლს შორის არის ძალიან დაბალი.

გამოიყოფა დედის რძესთან ერთად უმნიშვნელო რაოდენობით.

განსაკუთრებული მითითებები:

◄ გართულბების (ჰიპოტონია, ბრადიკარდია) თავიდან აცილების მიზნით სასურველია ინფუზიური ხსნარების შეყვანა. ინტრავენურად შეყავთ 5-10 მგ ეფედრინი (კუნთში – 20-40 მგ).

◄ მაღალი ბლოკადების ჩატარებისას შესაძლოა განვითარდეს ნეკნთაშუა კუნთების, დიაფრაგმის პარეზი (განსაკუთრებით ორსულობის პერიოდში). იშვიათად აუცილებელი ხდება ფილტვების ხელოვნური ვენტილაცია.

◄ სპინალური ანესთეზია განსაკუთრებულ სიფრთხილეს მოითხოვს პაციენტებში, რომელთაც აღენიშნებათ გაფანტული სკლეროზი და ჰემიპლეგია.

◄ ჰიპოვოლემიური მდგომარეობის მქონე პაციენტებში შესაძლოა განვითარდეს ძლიერი არტერიული ჰიპოტენზია.

◄ განსაკუთურებული სიფხიზლეა საჭირო პაციენტებთან, რომლებიც იტარებენ ანტიარითმიულ მკურნალობას.

ჭარბი დოზირება:

სიმპტომები: ჰიპოტონია, ბრადიკარდია, პარკუჭოვანი არითმია, სუნთქვის დათრგუნვა, გონების დაბინდვა, კრუნჩხვები.

მკურნალობა: სპეციფიკური ანტიდოტი არ არსებობს, საჭიროა სიმპტომური თერაპიის ჩატარება.

სხვა წამლებთან ურთიერთქმედება:

– ჩვეულებრივ არის რეკომენდებული დაემატოს სხვა პრეპარატები სპინალურ საანესთეზიო საშუალებებს.

– ანტიარითმიულ პრეპარატებთან (რომლებსაც გააჩნიათ ადგილობრივი საანესთეზიო აქტიურობა) ერთდროული გამოყენებისას იზრდება ადიტიური ტოქსიკური მოქმედების რისკი.

– ბარბიტურატებთან ერთდროული გამოყენებისას შესაძლოა ბუპივაკაინის ჰიდროქლორიდის კონცენტრაციის შემცირება სისხლში.

– ტორნამი სიფრთხილით გამოიყენება პაციენტებში, რომლებიც ღებულობენ ადგილობრივი საანესთეზიო საშუალებების სტრუქტურულად მსგავს პრეპარატებს, მაგ., ტოკაინიდი.

შენახვის პირობები:

პრეპარატი ინახება 25⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 2 წელი;

აფთიაქიდან გაცემის პირობები:

პრეპარატი გაიცემა ექიმის რეცეპტით.

ავერსი-რაციონალი

საერთაშორისო დასახელება:

ATORVASTATIN

ფარმაკოლოგიური ჯგუფი:

ჰიპოლიპიდემიური

შემადგენლობა:

ტორვიტინის ერთი ტაბლეტი შეიცავს აქტიური ნივთიერების – ატორვასტატინის 10 მგ-ს ან 40 მგ-ს.

მოქმედების მექანიზმი:

სტატინების ჯგუფის ჰიპოლიპიდემიური საშუალება. ფერმენტ HMG-CoA-რედუქტაზას სელექციური კონკურენტული ინჰიბირებით, ატორვასტატინი თრგუნავს 3-ჰიდროქსი-3-მეთილგლუტარილკოენზიმ A-ს გარდაქმნას მევალონის მჟავაში.

მევალონის მჟავა კი წარმოადგენს სტეროლების, მათ შორის ქოლესტერინის წინამორბედს.

ქოლესტერინის (ქს) სინთეზის დათრგუნვა იწვევს დაბალი სიმკვრივის ლიპოპროტეიდების (დსლპ) რეცეპტორების რეაქტიულობის მატებას ღვიძლში. აღნიშნული რეცეპტორები იერთებენ დსლპ-ს, გამოდევნიან მათ სისხლის პლაზმიდან და ამცირებენ სისხლში ქს/დსლპ-ის დონეს.

ატორვასტატინი ამცირებს საერთო ქოლესტერინის, დაბალი სიმკვრივის ლიპოპროტეიდებისა და აპოლიპოპროტეინ B-ს, ასევე ძალიან დაბალი სიმკვრივის ლიპოპროტეიდებისა (ძდსლპ) და ტრიგლიცერიდების დონეს, იწვევს მაღალი სიმკვრივის ლიპოპროტეიდების (მსლპ) დონის არამდგრად მატებას.

ატორვასტატინი ეფექტურია და ამცირებს ქოლესტერინის დონეს მემკვიდრული ჰომოზიგოტური ჰიპერქოლესტერინემიით დაავადებულებში, რომელიც ჩვეულებრივ არ ექვემდებარება ჰიპოლიპიდემიური საშუალებებით მკურნალობას.

პერორალურად მიღებული ატორვასტატინი კარგად (80%) შეიწოვება კუჭ-ნაწლავის ტრაქტიდან. Cmax მიიღწევა 1-2 საათში. ღვიძლში “პირველადი გავლის” გამო ინტენსიური მეტაბოლიზმის შედეგად ატორვასტატინის ბიოშეღწევადობა 14%-ს შეადგენს.

პლაზმის ცილებს 98% უკავშირდება.

ატორვასტატინი არ გადის ჰემატოენცეფალურ ბარიერს. მეტაბოლიზაციას განიცდის უპირატესად ღვიძლში. ფერმენტ HMG-CoA-რედუქტაზაზე მეტაბოლიტების მაინჰიბირებელი მოქმედება 20-30 სთ გრძელდება. ელიმინაცია ხორციელდება ნაღველით. T1/2 დაახლოებით 14 საათია. 46% ელიმინირდება ფეკალური მასებით, ხოლო 2%-ზე ნაკლები შარდით.

ჩვენება:

უკუჩვენება:

* ღვიძლის დაავადებები აქტიურ ფაზაში ან ტრანსამინაზების გაურკვეველი გენეზის აქტივობის მატება (ნორმის ზედა ზღვარზე 3-ჯერ მეტი);

* რეპროდუქციული ასაკის ქალები, რომლებიც არ იყენებენ კონტრაცეპციის ადექვატურ მეთოდებს;

* ორსულობა;

*ლაქტაცია (ძუძუთი კვება);

* ბავშვები და 18 წლამდე ასაკის მოზარდები;

* პრეპარატის კომპონენტებისადმი მომატებული მგრძნობელობა.

* სიფრთხილით გამოიყენება ალკოჰოლის ჭარბ მომხმარებლებსა და/ან ავადმყოფებში ანამნეზში ღვიძლის დაავადებებით.

უსაფრთხოების ზომები:

ტორვიტინი სიფრთხილით ინიშნება ელექტროლიტური დისბალანსის, ენდოკრინული და მეტაბოლური დარღვევების, ალკოჰოლიზმის, ანამნეზში ღვიძლის დაავადებების, არტერიული ჰიპოტენზიის, მძიმედ მიმდინარე მწვავე ინფექციების, არაკონტროლირებადი კრუნჩხვების, ქირურგიული ჩარევების, ტრავმების დროს.

ატორვასტატინმა შესაძლებელია კრეატინფოსფოკინაზასა და ამინოტრანსფერაზას აქტივობის მატება გამოიწვიოს.

ატორვასტატინის მიღების ფონზე შესაძლებელია ღვიძლის ტრანსამინაზების აქტივობის მატება აღინიშნოს, რომელსაც, როგორც წესი, კლინიკური მნიშვნელობა არ აქვს.

გასათვალისწინებელია, რომ ღვიძლის ფუნქციური მაჩვენებლების კონტროლი საჭიროა ატორვასტატინით მკურნალობის დაწყებამდე, მკურნალობის დაწყებიდან 6 და 12 კვირის შემდეგ, დოზის მომატების შემთხვევაში და პერიოდულად, პრეპარატით მკურნალობის მთელი პერიოდის მანძილზე.

ასპარტატამინოტრანსფერაზასა და ალანინამინოტრანსფერაზას მაჩვენებლების 3-ჯერ მატების შემთხვევაში, რეკომენდებულია პრეპარატის მოხსნა ან დოზის შემცირება.

ატორვასტატინით მკურნალობის ფონზე შესაძლებელია მიოპათიის განვითარება. მიოპათიის რისკი იზრდება ატორვასტატინთან ერთად ციკლოსპორინის, ფიბრატების, ერითრომიცინის, კლარითრომიცინის, აზოლის ჯგუფის ანტიმიკოზური საშუალებების (ფლუკონაზოლი, იტრაკონაზოლი, კეტოკონაზოლი), ნიკოტინის მჟავას ან ნიაცინის ერთდროული გამოყენებისას.

ატორვასტატინისა და ფენიტოინის ერთდროულმა გამოყენებამ შესაძლებელია ატორვასტატინის ეფექტურობის შემცირება გამოიწვიოს.

ანტაციდები (სუსპენზიები მაგნიუმისა და ალუმინის ჰიდროქსიდის შემცველობით) ამცირებენ სისხლის პლაზმაში ატორვასტატინის შემცველობას.

ატორვასტატინის და დიგოქსინის განმეორებით მიღებისას პლაზმაში დიგოქსინის თანაბარი კონცენტრაცია 20%-ით იმატებს.

პერორალურ კონტრაცეპტულ საშუალებებთან (ნორეთინდრონისა და ეთინილესტრადიოლის კომბინაცია) ერთად ატორვასტატინის გამოყენება იწვევს კონტრაცეპტული საშუალებების აბსორბციის გაძლიერებას და სისხლის პლაზმაში მათი კონცენტრაციის მატებას. ამიტომ ქალებში, რომლებიც ატორვასტატინით მკურნალობენ, საჭიროა კონტრაცეპტული საშუალების შერჩევა.

რეპროდუქციული ასაკის ქალებმა, ატორვასტატინით მკურნალობის დროს აუცილებელია ისარგებლონ კონტრაცეპციის საიმედო საშუალებებით.

პრეპარატით მკურნალობის ფონზე მიუღებელია ალკოჰოლური სასმელების გამოყენება.

დოზის გადაჭარბება:

მკურნალობა: საჭიროებისას ტარდება სიმპტომური მკურნალობა. სპეციფიკური ანტიდოტი არ არსებობს.

დოზირება და მიღების წესი:

პრეპარატი ინიშნება სტანდარტულ ჰიპოლიპიდემიურ დიეტასთან ერთად.

პრეპარატი უნდა მიიღონ დღის ნებისმიერ მონაკვეთში ერთსა და იმავე დროს, საკვების მიღებისგან დამოუკიდებლად.

პრეპარატის დოზის (10-80 მგ) შერჩევა ხდება დსლპ-ის საწყისი დონის, თერაპიის მიზნისა და ინდივიდუალური ეფექტურობის გათვალისწინებით. თერაპიის დასაწყისში და/ან დოზის მატებისას ყოველი 2-4 კვირის განმავლობაში საჭიროა პლაზმაში ლიპიდების დონის კონტროლი და შესაბამისად დოზის კორექცია.

ტორვიტინის ყოველდღიური საწყისი რეკომენდებული დოზა 10 მგ-ია. ეფექტურობის მიხედვით შესაძლებელია დღიური დოზის 80 მგ-მდე გაზრდა. ტორვიტინის მოქმედება მიღებიდან 2 კვირის შემდეგ ვლინდება, მაქსიმალურ ეფექტს 4 კვირაში აღწევს. ამიტომ დოზის კორექცია პრეპარატის პირველი მიღებიდან 4 კვირის მანძილზე საჭირო არ არის.

პირველადი (მემკვიდრული ჰეტეროზიგოტური და პოლიგენური) ჰიპერქოლესტერინემიის და შერეული ჰიპერლიპიდემიის დროს საწყისი დღიური დოზა შეადგენს 10 მგ-ს ერთხელ დღეში. პაციენტის რეაქციის მიხედვით 4 კვირის შემდეგ შესაძლებელია დოზის გაზრდა. მაქსიმალური დღიური დოზა 80 მგ-ია.

მემკვიდრული ჰომოზიგოტური ჰიპერქოლესტერინემიის დროს საწყისი დოზაა 10 მგ/დღეში. ოპტიმალური ეფექტი მაქსიმალური დღიური დოზის – 80 მგ-ის მიღების შემთხვევაში აღინიშნება.

ხანდაზმული პაციენტები დოზის კორექციას არ საჭიროებენ.

გვერდითი მოვლენები:

პრეპარატს ახასიათებს კარგი ამტანობა. გვერდითი მოვლენები, როგორც წესი, მსუბუქი და გარდამავალი ხასიათისაა. ყველაზე ხშირად ვითარდება ზოგადი ხასიათის გვერდითი მოვლენები: დისკომფორტი და ტკივილი მუცლის არეში, დისპეფსია, თავის ტკივილი, თავბრუსხვევა, გულისრევა.

იშვიათად ვლინდება კუნთების კრუნჩხვა, მიალგიები, მიოზიტი, ასთენია, დიარეა, გამონაყარი, ქავილი.

ვარგისიანობა და შენახვის პირობები:

პრეპარატის ვარგისიანობის ვადაა 3 წელი, ინახება 20-25ºC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

აფთიაქიდან გაცემის პირობები:

ექიმის რეცეპტით!