საერთაშორისო დასახელება:

TERBINAFINE

მწარმოებელი: ბილიმ ფარმასიუტიკალსი

კლინიკურ–ფარმაკოლოგიური ჯგუფი:
სოკოს საწინააღმდეგო პრეპარატები სისტემური გამოყენებისათვის;  სოკოს საწინააღმდეგო სხვა პრეპარატები.

შემადგენლობა და გამოშვების ფორმა:

250 მგ 14/28 ტაბლეტი

ფარმაკოლოგიური თვისებები:

ტერბინაფინის ჰიდროქლორიდი არის ალილამინის წარმოებული სოკოს საწინააღმდეგო თვისებებით აღჭურვილი, ფართო სპექტრის მქონე საშუალება კანის, თმისა და ფეხის ფრჩხილების პათოგენების მიმართ, როგორიცაა Trichophyton (მაგ. T. rubrum, T.mentagrophytes, T.verrucosum, T.tonsurans, T.violaceum), Microsporum (მაგ. M.canis), Epidermophyton floccosum ve Candida cinsi maya (მაგ. C.albicans) და Pityrosporum. დაბალ კონცენტრაციებში ტერბინაფინი ფუნგიციდურია დერმატოფიტების, ობის და ზოგიერთი დიმორფული სოკოს წინააღმდეგ. საფუარების მიმართ აქტივობა ფუნგიციდური ან ფუნგისტატურია, რაც დამოკიდებულია სოკოს სახეობაზე.

ტერბინაფინი ხელს უშლის ადრეულ საფეხურზე სოკოების სტეროლის ბიოსინთეზს. ეს იწვევს ერგოსტეროლის დეფიციტს და სქვალენის უჯრედშიდა აკუმულირებას, რისი შედეგიც არის სოკოს უჯრედის სიკვდილი.

ტერბინაფინი მოქმედებს სქვალენ ეპოქსიდაზას ინჰიბირებით სოკოს უჯრედულ მემბრანაში. ფერმენტი სქვალენ ეპოქსიდაზა არ არის დაკავშირებული ციტოქრომ P450 სისტემასთან. ტერბინაფინი არ ახდენს ზეგავლენას ჰორმონების ან სხვა წამლების მეტაბოლიზმზე.

პერორალური გამოყენებისას, წამალი კონცენტრირდება კანში ფუნგიციდურ აქტივობასთან დაკავშირებულ დონეზე.

ფარმაკოკინეტიკა:

ერთჯერადი პერორალური დოზა 250 მგ კარგად შეიწოვება კუჭ-ნაწლავის ტრაქტიდან (70%). ტერბინაფინი საშუალო მაქსიმალურ პლაზმურ კონცენტრაციას – 0.97 მკგ/მლ აღწევს მიღებიდან 2 საათის განმავლობაში. შეწოვის ნახევარპერიოდი 0.8 საათია, ხოლო განაწილების ნახევარპერიოდი – 4.6 საათი. ტერბინაფინის ბიოშეღწევადობაზე ზეგავლენას ახდენს საკვები, თუმცა დოზა კორექციას არ საჭიროებს.

პლაზმაში, ტერბინაფინი >99%-ით შეკავშირებულია პლაზმურ ცილებთან. ის სწრაფად დიფუნდირდება კანიდან და კონცენტრირდება ლიპოფილურ შრეში. ტერბინაფინი ასევე სეკრეტირდება კანის ცხიმოვან ქსოვილში, და მაღალ კონცენტრაციებს აღწევს თმის ფოლიკულებში, თმასა და ცხიმოვანი ქსოვილით მდიდარ კანში. ასევე არსებობს მონაცემები, რომ ტერბინაფინი ნაწილდება ფრჩხილების ფირფიტაში მკურნალობის დაწყებიდან პირველი რამდენიმე კვირის განმავლობაში.

ტერბინაფინი მეტაბოლიზდება სულ მცირე 7 CYP იზოფერმენტით, განსაკუთრებით CYP2C9, CYP1A2, CYP3A4, CYP2C8 და CYP2C19-ით.

ბიოტრანსფორმაცია წარმოქმნის მეტაბოლიტებს სოკოს საწინააღმდეგო მოქმედების გარეშე, რომლებიც უპირატესად შარდში გამოიყოფა. ნახევრად დაშლის პერიოდი არის 17 საათი. აკუმულაცია არ ვითარდება. ფარმაკოკინეტიკაში ასაკობრივი ცვლილებები არ აღინიშნება, თუმცა ელიმინაციის სიჩქარე შეიძლება შემცირებული იყოს პაციენტებში თირკმლის ან ღვიძლის უკმარისობით, სისხლში ტერბინაფინის უფრო მაღალი დონის წარმოქმნით.

ერთჯერადი დოზის ფარმაკოკინეტიკურ კვლევაში, რომლებიც ჩატარდა პაციენტებში ადრე არსებული ღვიძლის დაავადებით, ნაჩვენებია, რომ ტერბინაფინის კლირენსი დაახლოებით 50%-ით არის შემცირებული.

ჩვენებები:

სოკოვანი ინფექციები:

მიღების წესები და დოზები:

მკურნალობის ხანგრძლივობა დამოკიდებულია ინფექციის სიმძიმესა და ჩვენებებზე.

თუ არ არსებობს ექიმის სხვა დანიშნულება:

უფროსები: ტერბონილი 250 მგ ტაბლეტი რეკომენდებულია დღეში ერთხელ.

კანის ინფექციები

მკურნალობის სავარაუდო ხანგრძლივობა არის:

Tinea pedis (თითებს შორისი, ტერფის ტიპის) : 2-4 კვირა

Tinea corporis, cruris : 2-4 კვირა

Cutaneous candidiasis : 2-4 კვირა

დაავადების ნიშნებისა და სიმპტომების სრული გაქრობა შეიძლება მიკრობიოლოგიური მკურნალობიდან რამდენიმე დღეში შეინიშნებოდეს.

თმისა და თავის ქალას ინფექციები

მკურნალობის სავარაუდო ხანგრძლივობა არის:

Tinea capitis: 4 კვირა

Tinea capitis განსაკუთრებით ხშირია ბავშვებში.

ონიქომიკოზი: უმრავლესობა პაციენტში წამატებული მკურნალობის ხანგრძლივობა არის 6-12 კვირა.

თითის ფრჩხილების ონიქომიკოზი: უმრავლესობა შემთხვევაში 6-კვირიანი მკურნალობა საკმარისია.

ფეხის ფრჩხილების ონიქომიკოზი: უმრავლესობა შემთხვევაში 12-კვირიანი მკურნალობა საკმარისია. უფრო ხანგრძლივი მკურნალობა შეიძლება საჭირო იყოს პაციენტებში, რომელთა ფრჩხილის ზრდა ნელია. ოპტიმალური კლინიკური ეფექტურობა მიიღწევა მკურნალობის შეწყვეტიდან რამდენიმე თვეში. ეს ხანგრძლივობა დაკავშირებულია დროსთან, რომელიც საჭიროა ჯანმრთელი ფრჩხილის ზრდისათვის.

ხანდაზმულებში გამოყენება: ტერბინაფინის გვერდითი მოვლენების პროფილი ისეთივეა რაც ახალგაზრდა პაციენტებში. დოზირების კორექცია ასეთ პაციენტებში საჭირო არ არის. ღვიძლის ან თირკმლის ფუნქციის დარღვევის შესაძლებლობა გასათვალისწინებელია ამ ჯგუფში (იხ. განსაკუთრებული მითითებანი).

გამოყენება ბავშვებში: 2 წლის ასაკამდე ბავშვებში (

2 წლის ზემოთ ბავშვებში, ტერბონილი 250 მგ ტაბლეტები კარგად აიტანება.

სხეულის წონა

20-40 კგ: ნახევარი ტაბლეტი ტერბონილი (125 მგ) დღეში ერთხელ.

>40 კგ: 1 ტაბლეტი ტერბონილი (250 მგ) დღეში ერთხელ.

გვერდითი მოვლენები:

ტერბონილის ტაბლეტები კარგი ამტანობით ხასიათდება. გვერდითი მოვლენები ხშირად მსუბუქი ან ზომიერია და გარდამავალი.

ყველაზე ხშირი გვერდითი მოვლენები*: კუჭ-ნაწლავის სიმპტომები (დისპეფსია, შებერილობა, მადის დაკარგვა, გულისრევა, მუცლის მსუბუქი ტკივილი, ფაღარათი), კანის ალერგიული რეაქციები (გამონაყარი, ჭინჭრის ციება) და ჩონჩხ-კუნთოვანი დარღვევები (ართრალგია და მიალგია).

არახშირი*: გემოს დარღვევები გემოს დაკარგვით. ეს მოვლენები ნელა ალაგდება წამლის შეწყვეტიდან რამდენიმე კვირის განმავლობაში.

იშვიათი*: მძიმე ჰეპატობილიარული დისფუნქციის შემთხვევები, ღვიძლის უკმარისობის ჩათვლით (ქოლესტაზური ტიპი) (იხ. განსაკუთრებული მითითებანი).

ძალიან იშვიათი*: კანის მძიმე რეაქციები (მაგ. სტივენს-ჯონსონის სინდრომი, ტოქსიკური ეპიდერმული ნეკროლიზი) ანაფილაქტოიდური რეაქციები. კანის პროგრესული გამონაყარის არსებობისას, ტერბინაფინით მკურნალობა უნდა შეწყდეს. აღინიშნება ჰემატოლოგიური დარღვევები, როგორიცაა ნეიტროპენია, თრომბოციტოპენია და აგრანულოციტოზი. მიუხედავად იმისა, რომ მიზეზობრივი კავშირი დადგენილი არ არის, ასევე აღინიშნება თმის ცვენა.

სიხშირე: ძალიან ხშირი ≥ 10%, ხშირი ≥ 1% –

არასასურველი მოვლენის განვითარებისას მიმართეთ ექიმს კონსულტაციისათვის.

უკუჩვენება:

ტერბონილის (ტერბინაფინის ჰიდროქლორიდი) ტაბლეტები უკუნაჩვენებია პაციენტებში ჰიპერმგრძნობელობით ტერბინაფინის ან პრეპარატის ნებისმიერი სხვა კომპონენტის მიმართ. ის არ გამოიყენება ღვიძლის უკმარისობის დროს.

ორსულობა და ლაქტაცია:

B კატეგორიის პრეპარატი: ორსულებში ტერბონილის გამოყენების კლინიკური გამოცდილება არ არსებობს; ამიტომ იგი ორსულობის დროს გამოიყენება მხოლოდ იმ შემთხვევაში, თუ პოტენციური სარგებელი არ აღემატება პოტენციურ რისკს.

ლაქტაცია: ტერბინაფინი გამოიყოფა დედის რძეში და ამიტომ ძუძუთი კვების დროს ტერბონილით მკურნალობა არ შეიძლება.

განსაკუთრებული მითითებები:

თუ პაციენტს აღენიშნება ღვიძლის დისფუნქციის მანიშნებელი ნიშნები ან სიმპტომები, როგორებიცაა ქავილი, გაურკვეველი პერსისტული გულისრევა, ანორექსია ან სისუსტე, ან სიყვითლე, მუქი შარდი, ან უფერული განავალი, ღვიძლის წარმოშობა უნდა დადასტურდეს და ტერბონილით მკურნალობა უნდა შეწყდეს (იხ. გვერდითი მოვლენები).

ერთჯერადი დოზის ფარმაკოკინეტიკურმა კვლევებმა პაციენტებში ადრე არსებული ღვიძლის დაავადებით უჩვენეს, რომ ტერბონილის კლირენსი შეიძლება შემცირდეს 50%-ით. ტერბონილის თერაპიული გამოყენება პაციენტებში ღვიძლის ქრონიკული ან აქტიური დაავადებით არ შესწავლილა პროსპექტულ კლინიკურ კვლევებში, და ამიტომ რეკომენდებული არ არის.

პაციენტებმა თირკმლის დარღვეული ფუნქციით (კრეატინინის კლირენსი 300 მმოლ/ლ) უნდა მიიღონ ნახევარი დოზა.

In vitro კვლევებმა უჩვენეს, რომ ტერბინაფინი აინჰიბირებს CYP2D6 – განპირობებულ მეტაბოლიზმს. In vitro მონაცემები შეიძლება კლინიკური მნიშვნელობის იყოს პაციენტებისათვის, რომლებიც ღებულობენ ნივთიერებებს, რომლებიც ამ ფერმენტით მეტაბოლიზდებიან, როგორიცაა ციკლოსპორინი, რიფამპიცინი, ციმეტიდინი, ტრიციკლური ანტიდეპრესანტები, ბეტა-ბლოკატორები, სეროტონინის სელექტიური უკუმიტაცების ინჰიბიტორები, და მონოამინოქსიდაზა ინჰიბიტორები (MAO-I) ტიპი B.

ჭარბი დოზირება:

არსებობს ჭარბი დოზირების (5 გრ-მდე) შემდეგი სიმპტომები: თავის ტკივილი, გულისრევა, მუცლის ტკივილი, კუჭის ტკივილი და თავბრუ, ქავილი და პოლაკიურია. ჭარბი დოზირების რეკომენდებული მკურნალობა მოიცავს წამლის ელიმინაციას, ძირითადად აქტივირებული ნახშირის დანიშვნითა და საჭიროების შემთხვევაში სიმპტომატური შემანარჩუნებელი მკურნალობით.

სხვა წამლებთან ურთიერთქმედება:

ტერბინაფინი ამჟღავნებს უმნიშვნელო უნარს მოახდინოს ისეთი წამლების კლირენსის ინჰიბირება ან სტიმულირება, რომლებიც მეტაბოლიზდებიან ციტოქრომ P450 სხვა ფერმენტებით (მაგ. ციკლოსპორინი, ტოლბუტამინი, ტერფენადინი, ტრიაზოლამი, პერორალური კონტრაცეპტივები).

In vitro კვლევებმა ადამიანის ღვიძლის მიკორსომებზე უჩვენეს, რომ ტერფენადინი არ აინჰიბირებს ტოლბუტამიდის, ეთინილესტრადიოლის, ეთოქსიკუმარინისა და ციკლოსპორინის მეტაბოლიზმს. In vivo წამლების ურთიერთქმედების კვლევებმა, რომელიც ჯანმრთელ მოხალისეებში ჩატარდა უჩვენეს, რომ ტერბინაფინი არ მოქმედებს ანტიპირინის, დიგოქსინისა და ტერფენადინის კლირენსზე. ტერფენადინი აქვეითებს IV კოფეინის კლირენსს 19% თანაფარდობით. ის ასევე ზრდის ციკლოსპორინის კლირენსს 15% თანაფარდობით.

მიუხედავად ამისა, ინ ვიტრო კვლევებმა უჩვენეს, რომ ტერბინაფინი აინჰიბირებს CYP2D6 -განპირობებულ მეტაბოლიზმს. ეს In vitro მონაცემები შეიძლება კლინიკური მნიშვნელობის იყოს პაციენტებისათვის, რომლებიც ღებულობენ ამ ფერმენტით მეტაბოლიზებულ ნივთიერებებს, როგორებიცაა ტრიციკლური ანტიდეპრესანტები, ბეტა-ბლოკატორები, სეროტონინის სელექტიური უკუმიტაცების ინჰიბიტორები და მონოამინ ოქსიდაზა ინჰიბიტორები ტიპი ბ (იხ. განსაკუთრებული მითითებანი).

მენსტრუალური დარღვევების ზოგიერთი შემთხვევა (ჭარბი სისხლდენა და არარეგულარული ციკლი) აღინიშნება პაციენტებში, რომლებიც ტერბინაფინს ღებულობენ სხვა პერორალურ კონტრაცეპტივებთან ერთად, თუმცა, ამ არარეგულარობის სიხშირე მსგავსია სიხშირისა პაციენტებში, რომლებიც მხოლოდ პერორალურ კონტრაცეპტივებს ღებულობენ.

ტერბინაფინის პლაზმური კლირენსი შეიძლება გაძლიერდეს წამლებით, რომლებიც ასტიმულირებენ მეტაბოლიზმს (როგორიცაა რიფამპიცინი) და შემცირდეს წამლებით, რომლებიც აინჰიბირებენ ციტოქრომ P450-ს (როგორიცაა ციმეტიდინი).

ასეთი პრეპარატის ერთდროულად გამოყენების აუცილებლობისას, ტერბინაფინი დოზირება შესაბამისად უნდა შეირჩეს.

შენახვის პირობები:

ინახება არა უმეტეს 25ºC ტემპერატურის პირობებში, ბნელ ადგილას.

შეინახეთ ბავშვებისათვის მიუწვდომელ ადგილას ორიგინალურ შეფუთვაში.

შენახვის ვადა: 2 წელი

აფთიაქში გაცემის წესი:

ნუ გამოიყენებ ექიმთან კონსულტაციის გარეშე.

გაიცემა მხოლოდ რეცეპტით.

საერთაშორისო დასახელება:

TERBINAFINE

მწარმოებელი: GEDEON RICHTER,უნგრეთი

მოქმედი ნივთიერება: ტერბინაფინი

კლინიკურ-ფარმაკოლოგიური ჯგუფი:

სოკოს საწინააღმდეგო საშუალება.

შემადგენლობა და გამოშვების ფორმა:

ტაბლეტები: შეფუთვაში 14 და 28 ც.

1 ტაბ.

ტერბინაფინის ჰიდროქლორიდი ………. 250 მგ

დამხმარე ნივთიერებები:

მიკროკრისტალური ცელულოზა, ულტრაამილოპექტინი, სილიციუმის ჰიდროფილური კოლოიდური ორჟანგი, ჰიდროქსიპროპილმეთილცელულოზა, მაგნიუმის სტეარატი.

ჩვენებები:

• პრეპარატს იყენებენ კანის, თავის თმიანი ნაწილის და ფრჩხილების სოკოვანი დაავადებების სამკურნალოდ.

სოკოს იდენტიფიკაციის ჩატარება მიზანშეწონილია წინასწარი ლაბორატორიული კვლევით.

მიღების წესი და დოზირება:

მოზრდილებში ძირითადად ინიშნება პრეპარატის 1 ტაბ. (250 მგ) დღე-ღამეში.

ტერბიზილ 250 მგ ტაბლეტების მიღება ხდება დაუღეჭავად მცირე რაოდენობის წყალთან ერთად, საკვების მიღებისაგან დამოუკიდებლად. მკურნალობის კურსის დადგენა ხდება ექიმის მიერ. იგი დამოკიდებულია დაავადების მიმდინარეობაზე და მის სიმძიმეზე. მკურნალობის ნაადრევი შეწყვეტით შესაძლებელია დაავადების რეციდივის განვითარება.

ფრჩხილის სოკოვანი დაავადების დროს პრეპარატის მიღება საჭიროა ჯანმრთელი ფრჩხილის მოცილებამდე.

საჭიროა ექიმთან კონსულტაცია, რათა თავიდან იქნას აცილებული ახალი დასნებოვნება (მაგ. დეზინფექცია და სპეციალური ფეხსაცმლის ტარება).

ტაბლეტების მიღება წარმოებს ერთსა და იმავე დროს. ტაბლეტის მიღების დავიწყებისას შემდეგი ტაბლეტის  მიღებამდე 4 სთ-ზე მეტი დროის დარჩენის შემთხვევაში შესაძლებელია მისი მიღება. მაგრამ 4 სთ-ზე ნაკლები დროის დარჩენის შემთხვევაში საჭიროა ტაბლეტის შემდეგ მიღებამდე დაცდა.

გვერდითი მოვლენები:

♦ პრეპარატი ძირითადად ხასიათდება კარგი ამტანობით. ზოგჯერ შესაძლებელია გულისრევა, მუცლის ქვედა არეში ტკივილი, დიარეა, მადის დაკარგვა, კანზე გამონაყარი, გემოს შეგრძნების გარდამავალი დაქვეითება.

♦ იშვიათად – სახსრების და კუნთების ტკივილი. აღნიშნული სიმპტომები სუსტად არის გამოხატული და მკურნალობის შემდეგ მალევე ქრება.

♦ ერთეულ შემთხვევებში შესაძლებელია სტივენს-ჯონსონის სინდრომის და ეპიდერმული ნეკროლიზის განვითარება, ცვლილებები პერიფერიული სისხლის სურათის მხრივ.

უკუჩვენებები:

* პრეპარატის ან მისი შემადგენელი კომპონენტების მიმართ მომატებული მგრძნობელობა;

* ორსულობა და ლაქტაცია;

* პრეპარატის გამოყენება ბავშვებში, რომელთა სხეულის წონა 4 კგ-ზე ნაკლებია მიზანშეწონილი არ არის.

განსაკუთრებული მითითები:

◄ ტერბიზილი სიფრთხილით ენიშნებათ ღვიძლისა და თირკმელების დაავადებებით შეპყრობილ პაციენტებს. ამ დროს საჭიროა ექიმთან კონსულტაცია.

◄ გულისრევის, მადის დაკარგვის, ყელის ტკივილის, ტემპერატურის მომატების, თვალის სკლერების და კანის ყვითლად შეფერვის, შარდის გამუქების ან ღია ფერის განავალის შემთხვევაში საჭიროა პრეპარატით მკურნალობის შეწყვეტა და ექიმთან კონსულტაცია.

ჭარბი დოზირება:

სიმპტომები: თავის ტკივილი, თავბრუსხვევა, გულისრევა, მუცლის არეში ტკივილი.

ამ დროს საჭიროა ექიმთან კონსულტაცია.

სხვა წამლებთან ურთიერთქმედება:

ტერბიზილთან სხვა პრეპარატების კომბინაციისას, მათი ურთიერთქმედების გამო, საჭიროა ექიმთან კონსულტაცია.

შენახვის პირობები:

პრეპარატი ინახება 15-30⁰C ტემპერატურამდე, ბავშვებისაგან დაცულ ადგილას.

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცპტით.

საერთაშორისო დასახელება:

TERBINAFINE

მწარმოებელი: GEDEON RICHTER, ,უნგრეთი

მოქმედი ნივთიერება: ტერბინაფინი

კლინიკურ-ფარმაკოლოგიური ჯგუფი:

სოკოს საწინააღმდეგო საშუალება

შემადგენლობა და გამოშვების ფორმა:

კრემი 1%: ტუბში 15 გ

1 გ

ტერბინაფინი ……………..  10 მგ

ვრცლად ლამიზილი (კრემი)

მწარმოებელი: NOVARTIS PHARMA CUTICALS, კანადა

for NOVARTIS CONSUMER HEALTH S.A., შვეიცარია

კლინიკურ-ფარმაკოლოგიური ჯგუფი:

მწვავე რესპირატორული დაავადებების (მწვავე რესპირატორული ვირუსული ინფექციები) და გაცივების სიმპტომების საწინააღმდეგო საშუალება.

შემადგენლობა და გამოშვების ფორმა:

დოზირებული ფხვნილი პერორალურად მისაღები ხსნარის მოსამზადებლად: ერთჯერად პაკეტებში, შეფუთვაში 10 ც.

1 პაკ.

პარაცეტამლი  ………………………………325 მგ

ფენირამინის მალეატი …………………    20 მგ

ფენილეფრინის ჰიდროქლორიდი ……   10 მგ

ასკორბინის მჟავა ………………………..    50 მგ

დამხმარე კომპონენტები:

ვაშლის მჟავა, ნატრიუმის ციტრატდიჰიდრატი, ყვითელი საღებავი №6, ყვითელი საღებავი №10, ტიტანის ორჟანგი, საქაროზა, ლიმონის არომატიზატორი, სამფუძიანი კალციუმის ფოსფატი, ლიმონმჟავა.

ფარმაკოლოგიური თვისებები:

კომბინირებული პრეპარატი, რომელსაც გააჩნია სიცხის დამწევი ანთების საწინააღმდეგო, ტკივილგამაყუჩებელი, ალერგიის საწინააღმდეგო, შეშუპების საწინააღმდეგო მოქმედება.

ჩვენებები:

• ინფექციურ-ანთებითი დაავადებები (მწვავე რესპირატორული ვირუსული ინფექციები, გრიპი), რომლებსაც თან ახლავს მაღალი ტემპერატურა, კანკალი და ციებ-ცხელება, ცხვირის შეგუბება, თავის ტკივილი, სურდო, ცემინება და კუნთების ტკივილი.

მიღების წესი და დოზირება:

გახსენით ერთ პაკეტში მოთავსებული ფხვნილი 1 ჭიქა მდუღარე წყალში. პრეპარატი უნდა მიიღოთ ცხლად შესაძლებელია შაქრის დამატება გემოვნების მიხედვით.

განმეორებითი დოზის მიღება შეიძლება ყოველ 4 საათში, მაგრამ 24 საათის განმავლობაში არ მიიღოთ 3 დოზაზე მეტი.

ტერაფლუს მიღება შეგიძლიათ დღე-ღამის ნებისმიერ დროს. თუმცა საუკეთესო ეფექტს იძლევა პრეპარატის მიღება ღამით ძილის წინ. თუ ვერ შენიშნავთ სიმპტომების შემსუბუქებას პრეპარატის მიღების დაწყებიდან 3 დღის განმავლობაში, აუცილებლად მიმართეთ ექიმს.

გვერდითი მოვლენები:

შესაძლებელია განვითარდეს ალერგიული რეაქციები გამონაყარისა და ქავილის სახით, ასევე ფსიქომოტორული რეაქციების სიჩქარის შემცირება, დაღლილობის შეგრძნება, პირის სიმშრალე, შარდის შეკავება, გულისრევა, პირღებინება, ტკივილები ეპიგასტრიუმის არეში, გახშირებული გულისცემა, თავბრუსხვევა, ძილის დარღვევა.

პარაცეტამოლის შემადგენლობის გათვალისწინებით – სისხლის სისტემის დარღვევები (თრომბოციტოპენია, ლეიკოპენია, აგრანულოციტოზი); მაღალი დოზების ხანგრძლივი დროით გამოყენებისას შესაძლებელია ჰეპატოტოქსიკური და ნეფროტოქსიკური მოქმედება.

უკუჩვენებები:

* მომატებული მგრძნობელობა პრეპარატის ცალკეული კომპონენტების მიმართ;

* ორსულობა და ლაქტაცია;

* 15 წლამდე ასაკის ბავშვები.

განსაკუთრებული მითითებები:

♦ სიფრთხილით გამოიყენება: არტერიული ჰიპერტენზიის, შაქრიანი დიაბეტის, დახურულ კუთხოვანი გლაუკომის, თირკმელის ან ღვიძლის მძიმე დაავადებების, ფილტვების დაავადებების (მათ შორის ბრონქიალური ასთმა), შარდის გამოყოფისას სირთულეების, წინამდებარე ჯირკვლის ადენომის, სისხლის დაავადებების, გლუკოზო-6-ფოსფატდეჰიდროგენაზის ფერმენტის დეფიციტის დროს.

♦ ღვიძლის ტოქსიკური დაზიანების თავიდან აცილების მიზნით, დაუშვებელია პრეპარატის გამოყენება ალკოჰოლურ სასმელებთან ერთად. ასევე, პრეპარატი არ უნდა მიიღონ იმ პირებმა, რომლებსაც მიდრეკილება აქვთ ალკოჰოლის ქრონიკული მოხმარებისკენ.

♦ პრეპარატის გამოყენებისას არ არის რეკომენდებული ავტომობილების ან სხვა მექანიზმების მართვა, რაც მოითხოვს ყურადღების კონცენტრაციას და ფსიქომოტორული რეაქციების მაღალ სიჩქარეს.

♦ თუ პრეპარატის მიღების პერიოდში, დაავადება გრძელდება გახანგრძლივებული ციებ-ცხელებით, თან აღინიშნება ტემპერატურის განმეორებითი მომატება, აუცილებლად მიმართეთ ექიმს.

♦ არ გამოიყენოთ დაზიანებულ პაკეტში მოთავსებული პრეპარატი.

ჭარბი დოზირება:

გულისრევა, პირღებინება, ტკივილები ეპიგასტრიუმის არეში; მძიმე შემთხვევებში ვითარდება ღვიძლის უკმარისობა, ენცეფალოპათია და კომატოზური მდგომარეობა.

სანამ ექიმს მიმართავდეთ ამოირეცხეთ კუჭი, მიიღეთ აქტივირებული ნახშირი და მიმართეთ ექიმს.

სხვა წამლებთან ურთიერთქმედება:

– რეკომენდებულია პრეპარატის მიღებისაგან თავის შეკავება მონოამინოოქსიდაზას ინჰიბიტორების გამოყენებისას.

– იზრდება პარაცეტამოლის ჰეპატოტოქსიკური მოქმედების საშიშროება ბარბიტურატების, დიფენინის, კარბამაზეპინის, რიფამპიცინის, ზიდოვუდინის და ღვიძლის მიკროსომალური ფერმენტების სხვა ინდუქტორების ერთდროული დანიშვნისას.

შენახვის პირობები:

პრეპარატი ინახება არა უმეტეს 30⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: 2 წელი.

საერთაშორისო დასახელება:

PARACETAMOL; PHENIRAMINE; PHENYLEPHRINE

მწარმოებელი: FAMAR FRANCE, NOVARTIS

CONSUMER HEALTH S.A., შვეიცარია

კლინიკურ-ფარმაკოლოგიური ჯგუფი:

მრდ-სა და “გაცივების” სიმპტომების საწინააღმდეგო საშუალება (მაანელგეზირებელი არანარკოტიკული საშუალება + ალფა-ადრენომიმეზური + H₁-ჰისტამინური რეცეპტორების ბლოკატორი).

შემადგენლობა და გამოშვების ფორმა:

დოზირებული ფხვნილი (ვაშლისა და დარიჩინის გემოთი) შიგნით მისაღები ხსნარის მოსამზადებლად: პაკეტში 21.78 გ, შეფუთვაში 10 ც.

1 პაკ.

პარაცეტამოლი ……………………..       650 მგ

ფენირამინის მალეატი ………………..    20 მგ

ფენილეფრინის ჰიდროქლორიდი …..  10 მგ

დამხმარე ნივთიერებები:

ასკორბინის მჟავა, ვაშლის მჟავა, ნატრიუმის ციტრატის დიჰიდრატი, ეთილმალტოლი, კარამელი, ტიტანის დიოქსიდი, საქაროზა, კალციუმის ფოსფატი სამფუძიანი, ლიმონმჟავა, ვაშლის არომატიზატორი ხელოვნური, ვაშლის-დარიჩინის არომატიზატორი ნატურალური.

ფარმაკოლოგიური თვისებები:

კომბინირებული პრეპარატია, გააჩნია სიცხის დამწევი, ანთების საწინააღმდეგო, შეშუპების საწინააღმდეგო, გამაყუჩებელი და ალერგიის საწინააღმდეგო მოქმედება.

ჩვენებები:

ინფექციურ-ანთებითი დაავადებები – გრიპი, მრვი (“გაცივება”), რომლებსაც ახლავს მაღალი ტემპერატურა, კანკალი და ცხელება, თავის ტკივილი, სურდო, ცხვირის შეგუბება, ცემინება და კუნთების ტკივილი.

მიღების წესი და დოზირება:

მიიღება შიგნით. ერთი პაკეტის შიგთავსი უნდა განზავდეს 1 ჭიქა ადუღებულ ცხელ წყალში. მიიღება ცხელი სახით. შეიძლება შაქრის დამატება გემოვნების მიხედვით.

განმეორებითი დოზის მიღება შეიძლება ყოველ 4 საათში არა უმეტეს 3 დოზისა 24 საათის განმავლობაში.

პრეპარატის გამოყენება შეიძლება დღე-ღამის ნებისმიერ დროს, მაგრამ საუკეთესო ეფექტს ავლენს ძილის წინ, ღამე მიღებისას. თუ პრეპარატის გამოყენების დაწყებიდან 3 დღის განმავლობაში სიმპტომების შემსუბუქება არ აღინიშნება, აუცილებელია ექიმთან მიმართვა.

გვერდითი მოვლენები:

♦ შესაძლებელია ალერგიული რეაქციები (გამონაყარი, ქავილი, ჭინჭრის ციება, ანგიონევროზული შეშუპება), მომატებული აგზნებულობა, ფსიქომოტორული რეაქციების სისწრაფის დაქვეითება, დაღლილობის შეგრძნება, სიმშრალე პირში, შარდის შეკავება, ღებინება, გულისრევა, კუჭის ტკივილი, გულისცემა, არტერიული წნევის აწევა, თავბრუსხვევა, ძილის მოშლა, მიდრიაზი, აკომოდაციის პარეზი, თვალშიდა წნევის მომატება.

♦ პარაცეტამოლის არსებობის გათვალისწინებით: იშვიათად – სისხლის სისტემის დარღვევები (ანემია, თრომბოციტოპენია, ლეიკოპნია, აგრანულოციტოზი);

♦ მაღალი დოზების ხანგრძლივად გამოყენებისას შესაძლებელია ჰეპატოტოქსიკური და ნეფროტოქსიკური მოქმედება, ჰემოლიზური ანემია, მეტჰემოგლობინემია, პანციტოპენია.

უკუჩვენებები:

* ჰიპერმგრძნობელობა პრეპარატის ცალკეული კომპონენტების მიმართ;

* ორსულობა, ლაქტაციის პერიოდი;

* პორტული  ჰიპერტენზია;

* ალკოჰოლიზმი;

* თირკმლის უკმარისობა;

* ფერმენტ გლუკოზა 6-ფოსფატდეჰიდროგენაზას დეფიციტი;

* 12 წლამდე ბავშვთა ასაკი.

სიფრთხილით გამოიყენება: არტერიული ჰიპერტენზია, შაქრიანი დიაბეტი, დახურულკუთხოვანი გლაუკომა, ღვიძლისა და თირკმლის, ფილტვების მძიმე დაავადებები (მ.შ. ბრონქული ასთმა), შარდვის გაძნელება წინამდებარე ჯირკვლის ადენომის დროს. თანდაყოლილი ჰიპერბილირუბინემია (ჟილბერის, დუბინი-ჯონსონისა და როტარის სინდრომები).

განსაკუთრებული მითითებები:

ღვიძლის ტოქსიკური დაზიანების პრევენციისათვის პრეპარატის მიღებას არ შეიძლება ახლდეს ალკოჰოლური სასმელების გამოყენება.

მკურნალობის დროს რეკომენდებული არ არის ავტომობილისა და სხვა მექანიზმების მართვა, რომლებიც მოითხოვ ყურადღების კონცენტრაციასა და ფსიქომოტორული რეაქციების სისწრაფეს.

შეფუთვაზე მითითებული ვარგისიანობის ვადის გასვლის შემდეგ გამოყენება არ შეიძლება.

ჭარბი დოზირება:

სიმპტომები: ღებინება, გულისრევა, ტკივილი ეპიგასტრიის არეში;

ჰეპატოტოქსიკური და ნეფროტოქსიკური მოქმედება, მძიმე შემთხვევებში ვითარდება ღვიძლის უკმარისობა, ენცეფალოპათია და კომატოზური მდგომარეობა.

მკურნალობა: კუჭის ამორეცხვა, აქტივირებული ნახშირი პირველი 6 სთ, დონატორების SH- ჯგუფების და გლუტატიონი – მეთიონინის სინთეზის წინამორბედების შეყვანა ჭარბი დოზის მიღებიდან 8-9 საათში და N-აცეტილცისტეინის შეყვანა 12 საათში.

სხვა წამლებთან ურთიერთქმედება:

– რეკომენდებულია პრეპარატის მიღებისაგან თავის შეკავება მონოამინოოქსიდაზას ინჰიბიტორების მიღებისას.

– პარაცეტამოლის ჰეპატოტოქსიკური მოქმედების რისკი იწევს, როდესაც მასთან ერთად ინიშნება ბარბიტურატები, დიფენინი, კარბამაზეპინი, რიფამპიცინი, ზიდოვუდინი და ღვიძლის მიკროსომული ფერმენტების სხვა ინდუქტორები.

–  აძლიერებს სედაციური საშუალებების ეთანოლის მოქმედებას. ეთანოლი აძლიერებს ფენირამინის სედაციურ მოქმედებას.

– ანტიდეპრესიულები, პარკინსონის საწინააღმდეგო და ანტიფსიქოზური საშუალებები, ფენოთიაზინური წარმოებულები ზრდიან შარდის შეკავების, პირში სიმშრალის, ყაბზობის განვითარების რისკს.

შენახვის პირობები:

პრეპარატი ინახება არა უმეტეს 30⁰C ტემპერატურაზე. მშრალ, სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა: 2 წელი.

საერთაშორისო დასახელება:

GLUCOSAMINE; Na CHONDROITINE SULPHATE; IBUPROFEN

მწარმოებელი: BAYER CONSUMER CARE

მოქმედი ნივთიერება: გლუკოზამინი+ნატრიუმის ქონდროიტინის სულფატი+იბუპროფენი

კლინიკურ-ფარმაკოლოგიური ჯგუფი:

ფოსფორ-კალციუმის ცვლაზე მოქმედი საშუალება. მუკოპოლისაქარიდული ბუნების პრეპარატი.

შემადგენლობა და გამოშვების ფორმა:

კაფსულები: შეფუთვაში 60 და 120 ც.

1 კაფს.

გლუკოზამინის სულფატი ……………………     250 მგ

ნატრიუმის ქონდროიტინის სულფატი ……..   200 მგ

იბუპროფენი ………………………………….       100 მგ

სხვა ინგრედიენტები:

ჟელატინი, მიკროკრისტალური ცელულოზა, სიმინდის სახამებელი, პრეჟელატინირებული სახამებელი, სტეარინის მჟავა, ნატრიუმის სახამებლის გლიკოლატი, კროსპოვიდონი, მაგნიუმის სტეარატი, ტიტანის დიოქსიდი, პროპილვინილპიროლიდონი, კრემნიუმის დიოქსიდი.

ფარმაკოლოგიური თვისებები:

ნატრიუმის ქონდროიტინის სულფატი მონაწილეობს ხრტილოვანი ქსოვილის აღდგენასა და შენებაში, იცავს მას დაშლისაგან და აუმჯობესებს სახსრების მოძრაობას.

გლუკოზამინის ჰიდროქლორიდი ააქტიურებს პროტეოგლიკანების, ჰიალურონისა და ქონდროიტინგოგირდმჟავას, აგრეთვე იმ სხვა ნივთიერებების სინთეზს, რომლებიც წარმოადგენენ საშენ მასალას სახსრის გარსის, სახსარშიდა სითხისა და ხრტილოვანი ქსოვილისათვის. გლუკოზამინის ჰიდროქლორიდი აგრეთვე ახდენს ძვლის ქსოვილში კალციუმის დეპონირების ნორმალიზებას.

იბუპროფენს ახასიათებს სწრაფი ტკივილგამაყუჩებელი, ანთების საწინააღმდეგო და სიცხის დამწევი  ეფექტი.

ჩვენებები:

• ტკივილისა და ანთების სხვა სიმპტომების აღმოსაფხვრელად;
• ოსტეოართროზის და საყრდენ-მამოძრავებელი სისტემის დეგენერაციულ-დისტროფიული დაავადებების გამწვავების დროს, აგრეთვე
• გამოიყენება სახსრების ტრავმების სამკურნალოდ.

მიღების წესი და დოზირება:

მოზრდილებსა და 12 წლის ასაკის ზევით ბავშვებში გამოიყენება 2 კაფსულა 2-3-ჯერ დღეში ჭამის შემდეგ. მიღების ხანგრძლივობა არ უნდა აღემატებოდეს 20 დღეს. პრეპარატის შემდგომი გამოყენება შეთანხმებული უნდა იქნას ექიმთან.

გვერდითი მოვლენები:

კუჭ-ნაწლავის ტრაქტის მხრივ: შესაძლებელია გულისრევა, მუცლის ტკივილი, მეტეორიზმი, დიარეა, შეკრულობა.

ცნს-ის მხრივ: შესაძლოა თავის ტკივილი, ძილის დარღვევა, თავბრუსხვევა.

შესაძლოა გამოვლინდეს ალერგიული რეაქციები.

უკუჩვენებები:

* მომატებული ინდივიდუალური მგრძნობელობა პრეპარატში შემავალი კომპონენტების მიმართ (ალერგიული რეაქციები);

* კუჭ-ნაწლავის ტრაქტის ეროზიულ-წყლულოვანი დაავადების გამწვავების სტადია;

* მხედველობის ნერვის დაავადებები;

* სისხლწარმოქმნის პროცესის დარღვევა;

* გულის ქრონიკული უკმარისობა;

* ფენილკეტონურია;

* 12 წლამდე ასაკი.

* პრეპარატი უკუნაჩვენებია ორსულობისა და ლაქტაციის პერიოდში.

განსაკუთრებული მითითებები:

◄ დაუშვებელია ექიმის მიერ რეკომენდებული დოზის გადაჭარბება;

◄ მკურნალობის დასაწყისში, პაციენტებში ღვიძლისა  და თირკმლის დაავადებებით, გულის ქრონიკული უკმარისობით, რეკომენდებულია ღვიძლისა და თირკმლის ფუნქციებისა და პერიფერიული სისხლის სურათის კონტროლი;

◄ სიფრთხილით ინიშნება ხანდაზმულ პაციენტებში;

◄ ანამნეზში კუჭის წყლულის არსებობისას,  კუჭ-ნაწლავის ტრაქტის დაავადებებისას;

◄ გლუკოკორტიკოიდებითა და აასს-ით ერთდროულად ხანგრძლივად მკურნალობისას;

◄ მკურნალობის პერიოდში არ არის რეკომენდებული ალკოჰოლის მიღება.

სხვა წამლებთან ურთიერთქმედება:

– პრეპარატი აუმჯობესებს ტეტრაციკლინების და ამცირებს პენიცილინებისა და ქლორამფენიკოლის შეთვისებას.

– ამცირებს ანტიჰიპერტენზიული საშუალებების (ბეტა-ადრენობლოკატორების, დიურეტიკების (ფუროსემიდი, ჰიპოთიაზიდი) მოქმედებს.

– აძლიერებს ანტიკოაგულანტების მოქმედებას.

– აასს-სა და გლუკოკორტიკოსტეროიდების ერთდროული გამოყენება აძლიერებს გართულებებს კუჭ-ნაწლავის ტრაქტის მხრივ.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ ბნელ, ბავშვებისათვის მიუწვდომელ ადგილას.

ვარგისიანობის ვადა: 2 წელი.

საერთაშორისო დასახელება: GLUCOSAMINE; Na CHONDROITINE SULPHATE

მწარმოებელი: BAYER CONSUMER CARE

მოქმედი ნივთიერება: გლუკოზამინი+ნატრიუმის ქონდროიტინის სულფატი

კლინიკურ-ფარმაკოლოგიური ჯგუფი:

საყრდენ-მამოძრავებელი სისტემის დაავადებებისა და ტრავმების სამკურნალო საშუალება.

შემადგენლობა და გამოშვების ფორმა:

მალამო: ტუბში 28.4 გ და 56.7 გ

1 გ

დამხმარე ნივთიერებები:

ალოე, ეთილის სპირტი, ლანოლინი, მეთილპარაბენი, პოლიეთილენგლიკოლი 10 სტეარატი, პროპილენგლიკოლი, პროპილპარაბენი, გამოხდილი წყალი, დიმეთიკონი.

ფარმაკოლოგიური თვისებები:

ქონდროიტინის სულფატი წარმოადგენს მაღალ მოლეკულურ პოლისაქარიდს, რომელიც მონაწილეობს ხრტილის ქსოვილის ჩამოყალიბებაში. ამცირებს ფერმენტების აქტივობას, რომელიც შლის სახსრების ხრტილს და ასტიმულირებს მის რეგენერაციას. ანთებითი პროცესის ადრეული სტადიებში ქონდროიტინის სულფატი ამცირებს მის აქტივობას და ამგვარად ანელებს ხრტილის ქსოვილის დეგენერაციას. ხელს უწყობს ტკივილის სინდრომის ინტენსივობის შემცირებას, სახსრების ფუნქციის გაუმჯობესებას, ამცირებს მოთხოვნილებას არასტეროიდული ანთების საწინააღმდეგო საშუალებებზე. გლუკოზამინის ჰიდროქლორიდს გააჩნია ქონდროპროტექტორული თვისებები, ამცირებს გლიკოზამინგლიკანების დეფიციტს ორგანიზმში, მონაწილეობს პროტეოგლიკანებისა და ჰიალურონის მჟავას ბიოსინთეზში. გააჩნია რა ხრტილის ქსოვილში შეღწევის უნარი, გლუკოზამინის ჰიდროქლორიდი ახდენს გოგირდის ფიქსაციის პროცესის ინიცირებას ქონდროიტინგოგირდმჟავას სინთეზის დროს. იგი სელექტიურად მოქმედებს სახსრის ხრტილზე, წარმოადგენს სპეციფიკურ სუბსტრატს და ჰიალურონის მჟავასა და პროტეოგლიკანების სტიმულატორს, თრგუნავს სუპეროქსიდული რადიკალებისა და ფერმენტების წარმოქმნას, რომლებიც აზიანებენ ხრტილის ქსოვილს (კოლეგანეზა და ფოსფოლიპაზა), ამცირებს გლუკოკორტიკოიდების დამაზიანებელ მოქმედებას ქონდროციტებზე.

ქაფური ადგილობრივი გამოყენებისას აღიზიანებს კანსა და კანქვეშა ქსოვილების მგრძნობიარე ნერვულ დაბოლოებებს, აფართოებს ზედაპირულ სისხლძარღვებს, აუმჯობესებს კანისა და კანქვეშა ქსოვილების სისხლმომარაგებას, ახასიათებს მცირე ანტისეპტიკური მოქმედება.

ბაღის პიტნის ზეთი ადგილობრივი გამოყენებისას ავლენს ანტისეპტიკურ, ანთების საწინააღმდეგო, ტკივილგამაყუჩებელ და ყურადღების გამფანტველ მოქმედებას.

ადგილობრივი გამოყენებისას ქონდროიტინი და გლუკოზამინი შეიწოვება კანის ზედაპირიდან, რის შემდეგაც ლიმფოგენური და ნაწილობრივ ჰემატოგენური გზით ხვდება უახლოესი ხრტილებისა და სახსრების ქსოვილებში. ქაფური და ბაღის პიტნის ზეთის კომპონენტები კანზე წასმის შემდეგ ნაწილობრივ ჰაერში ორთქლდება, ნაწილობრივ კანის უჯრედებში მეტაბოლიზირდება.

ჩვენებები:

• პირველადი და მეორადი ოსტეოართროზი, ოსტეოპოროზი, მხარ-ბეჭის პერიართრიტი, ოსტეოქონდროზი, სპონდილოზი, მუხლზედა ქონდრომალაცია;
• ხერხემლის დეგენერაციულ-დისტროფიული დაავადებები.
• ასევე გამოიყენება როგორც სიმპტომური გამაყუჩებელი საშუალება დაჟეჟილობების, დაჭიმვის, ტრავმების, რადიკულიტის  დროს.
• პრეპარატი რეკომენდებულია 12 წლის ასაკის ზევით ბავშვებსა და მოზრდილებისთვის, აგრეთვე ხანდაზმული ასაკის პაციენტებისთვის კომპლექსურ მკურნალობაში საყრდენმამოძრავებელი აპარატის დაავადებების, პოსტტრავმული და სხვა მდგომარეობების დროს, რომელთაც  თან ახლავს სახსრის ხრტილოვანი ქსოვილის დეგენერაციულ-დისტროფიული ცვლილებები.

მიღების წესი და დოზირება:

მალამო გამოიყენება დაზიანებულ უბანზე 2-3-ჯერ დღეში. მალამო შეიზილება კანში სრულ შეწოვამდე.

გვერდითი მოვლენები:

ინდივიდუალური ჰიპერმგრძნობელობა პრეპარატის შემადგენელი ინგრედიენტების მიმართ. ამ შემთხვევებში შესაძლებელია აღინიშნოს ალერგიული რეაქციები კანზე, გამონაყარისა და ქავილის სახით.

უკუჩვენებები:

* მომატებული ინდივიდუალური მგრძნობელობა პრეპარატში შემავალი კომპონენტების მიმართ (ალერგიული რეაქციები).

განსაკუთრებული მითითებები:

დაუშვებელია კანის დაზიანებულ უბანზე გამოყენება.

კლინიკური მონაცემები ორსულ და მეძუძურ დედებში პრეპარატის გამოყენების ეფექტურობისა და უსაფრთხოების შესახებ არ არსებობს.

სხვა წამლებთან ურთიერთქმედება:

მონაცემები პრეპარატის სხვა სამკურნალო საშუალებების ფარმაკოდინამიკასა და ფარმაკოკინეტიკაზე ზემოქმედების შესახებ არ არსებობს.

შენახვის პირობები:

პრეპარატი ინახება არა უმეტეს 27⁰C ტემპერატურაზე, მშრალ, ბნელ, ბავშვებისათვის მიუწვდომელ ადგილას.

ვარგისიანობის ვადა: 2 წელი.

საერთაშორისო დასახელება:

GLUCOSAMINE; Na CHONDROITINE SULPHATE

მწარმოებელი: BAYER CONSUMER CARE

მოქმედი ნივთიერება: გლუკოზამინი+ნატრიუმის ქონდროიტინის სულფატი

კლინიკურ-ფარმაკოლოგიური ჯგუფი:

ფოსფორ-კალციუმის ცვლაზე მოქმედი საშუალება. მუკოპოლისაქარიდული ბუნების პრეპარატი.

შემადგენლობა და გამოშვების ფორმა:

კაფსულები: შეფუთვაში 30, 60 და 120 ც.

1 კაფს.

გლუკოზამინის ჰიდროქლორიდი ……………..    500 მგ

ნატრიუმის ქონდროიტინის სულფატი ………    400 მგ

დამხმარე ნივთიერებები: ჟელატინი, კროსკარმელოზური ნატრიუმი, სტეარინის მჟავა, მაგნიუმის სტეარატი, მანგანუმის სულფატი.

ფარმაკოლოგიური თვისებები:

ნატრიუმის ქონდროიტინის სულფატი მონაწილეობს ხრტილოვნი ქსოვილის აღდგენასა და შენებაში, იცავს მას დაშლისგან და აუმჯობესებს სახსრების მოძრაობას. გლუკოზამინის ჰიდროქლორიდი ააქტიურებს პროტეოგლიკანების, ჰიალურონისა და ქონდროიტინგოგირდმჟავას, აგრეთვე იმ სხვა ნივთიერებების სინთეზს, რომლებიც წარმოადგენენ საშენ მასალას სახსრის გარსის, სახსარშიდა სითხისა და ხრტილოვანი ქსოვილისათვის. გლუკოზამინის ჰიდროქლორიდი აგრეთვე ახდენს ძვლის ქსოვილში კალციუმის დეპონირების ნორმალიზებას.

ჩვენებები:

• პირველადი და მეორადი ოსტეოართროზი, ოსტეოპოროზი, მხარ-ბეჭის პერიართრიტი, ოსტეოქონდროზი, სპონდილოზი, მუხლზედა ქონდრომალაცია;
• მოტეხილობები (შეხორცების ძვლოვანი კორძის წარმოქმნის დასაჩქარებლად); ხერხემლის დეგენერაციულ-დისტროფიული დაავადებები.
• პრეპარატი რეკომენდებულია მოზრდილებში და ბავშვებში 12 წლის ასაკის ზევით საყრდენ-მამოძრავებელი აპარატის დაავადებების კომპლექსური მკურნალობისათის.
• ხანდაზმული ასაკის პაციენტებში პოსტტრავმული და სხვა მდგომარეობების დროს, რომელთაც თან ახლავს სახსრის ხრტილოვანი ქსოვილის დეგენერაციულ-დისტროფიული ცვლილებები.

მიღების წესი და დიზირება:

მოზრდილებსა და 12 წლის ასაკის ზევით ბავშვებში პირველი სამი კვირის განმავლობაში მიიღება 1 კაფსულა 3-ჯერ დღეში, მომდევნო დღეებში – 1 კაფსულა 2-ჯერ დღეში. მკურნალობის რეკომენდებული ხანგრძლივობა შეადგენს 2 თვეს. მკურნალობის კურსები მეორდება 3 თვის ინტერვალებით ან ექიმთან შეთანხმებით.

გვერდითი მოვლენები:

ვლინდება ძალიან იშვიათად დოზის გადაჭარბების ან ინდივიდუალური ჰიპერმგრძნობელობის დროს პრეპარატის შემადგენელი ინგრედიენტების მიმართ; ამ შემთხვევებში შესაძლებელია აღინიშნოს ზომიერი გულისრევის შეგრძნება, მუცლის ტკივილი, ნაწლავების შებერილობა, დიარეა, ყაბზობა, ალერგიული რეაქციები.

უკუჩვენებები:

* მომატებული ინდივიდუალური მგრძნობელობა (პრეპარატში შემავალი კომპონენტების მიმართ ალერგიული რეაქციები);

* ფენილკეტონურია.

* პრეპარატი უკუნაჩვენებია ორსულობისა და ლაქტაციის პერიოდში.

განსაკუთრებული მითითებები:

დაუშვებელია ექიმის მიერ რეკომენდებული დოზის გადაჭარბება.

სხვა წამლებთან ურთიერთქმედება:

– პრეპარატი აუმჯობესებს ტეტრაციკლინების და ამცირებს პენიცილინებისა და ქლორამფენიკოლის შეთვისებას.

– ტერაფლექსის მიღების ფონზე მცირდება მოთხოვნილება არასტეროიდული ანთების საწინააღმდეგო საშუალებებზე.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, ბნელ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

მწარმოებელი: BAYER CONSUMER CARE

კლინიკურ-ფარმაკოლოგიური ჯგუფი:

ვიტამინებისა და მინერალების კომპლექსი.

შემადგენლობა და გამოშვების ფორმა:

შემოგარსული ტაბლეტები: შეფუთვაში 30 და 60 ც.

1 ტაბ.

ვიტამინი A (რეტინოლის აცეტატი) 3000 სე, ვიტამინი D₃ (ქოლეკალციფეროლი) 250 სე, ვიტამინი E (dI-ალფა ტოკოფეროლის აცეტატი) 60 სე, ვიტამინი C (ასკორბინის მჟავა) 120 მგ. ვიტამინი K (ფიტონადიონი) 25 მკგ, ვიტამინი B₁ (თიამინის ჰიდროქლორიდი) 4.50 მგ, ვიტამინი B₂ (რიბოფლავინი) 5.1 მგ, ვიტამინი B₆ (პირიდოქსინის ჰიდროქლორიდი) 6 მგ, ფოლიუმის მჟავა 400 მკგ, ნიაცინი (ნიაცინამდი) 40 მგ, ვიტამინი B₁₂ (ციანკობალამინი) 18 მკგ, პანტოტენის მჟავა (კალციუმის პანტოტენატი) 10 მგ, კალციუმი (კალციუმის ფოსფატის, კალცუმის ციტრატის და კალციუმის კარბონატი) 10 მგ, ბიოტინი 40 მკგ, რკინა (რკინის ფუმარატი) 10 მგ, ფოსფორი (კალციუმის ფოსფატი) 48 მგ, იოდი (კალიუმის  იოდიდი) 150 მკგ, მაგნიუმი (მაგნიუმის ოქსიდი) 4 მგ, თუთია (თუთიის ოქსიდი) 15 მგ, სელენი (ნატრიუმის სელენატი) 70 მკგ, სპილენძი (სპილენძის ოქსიდი) 2 მგ, მანგანუმი (მანგანუმის სულფატი) 4 მგ, ქრომი (ქრომის ქლორიდი) 120 მკგ, მოლიბდენი (ნატრიუმის მოლიბდატი) 75 მკგ, კალიუმი (კალიუმის ქლორიდი) 80 მგ, კალა (კალას ქლორიდი) 10 მკგ, ნიკელი (ნიკელის სულფატი) 5 მკგ, ვანადიუმი (ვანადიუმის სულფატი) 10 მკგ, ბორი 6 მკგ, კრემნიუმი (კრემნიუმის დიოქსიდი) 4 მგ, ჩინური ლიმონურა (ნაყოფი) 10 მგ, ჟენშენის ექსტრაქტი (ფესვები) 125 მგ.

დამხმარე ნივთიერებები:

მიკროკრისტალური  ცელულოზა, ჟელატინი, დიკალციუმის ფოსფატი, სტეარინის მჟავა, კროსკარმელოზური ნატრიუმი, მაგნიუმის სტეარატი, ჰიდროქსიპროპილმეთილცულოზა, კრემნიუმის დიოქსიდი, მანიტოლი, მინერალური ცხიმი, მალოდექსტრინი, აკაცია, გლიცინი, ასპარაგინის მჟავა, ლიმონმჟავა, ტიტანის დიოქსიდი, მაგნიუმის სილიკატი, პოლიეთილენგლიკოლი, საღებავები FD&C ყვითელი № 6 ლაქი, FD&C ყვითელი № 40 ლაქი.

ჩვენებები:

• ვიტამინების და მინერალების დონის შევსება გადაღლილობის, ასთენიური მდგომარეობების, ჰიპოტონიისა და ძილიანობის დროს;
• გადატანილი დაავადებების შემდეგ;
• სასქესო ჯირკვლების ჰიპოფუნქციისა და ნერვულ-ფსიქიკური გადაძაბვების დროს.

მიღების წესი და დოზირება:

მოზრდილებში და ბავშვებში 12 წლის ზევით -1 ტაბლეტი ერთხელ დღეში (სასურველია დღის პირველ ნახევარში) ჭამის დროს ან ჭამის შემდეგ, 1-2 თვის განმავლობაში. კურსის განმეორება რეკომენდებულია 1-2 თვის ინტერვალით.

მკურნალობის მიზნით მიიღება ექიმის დანიშნულების მიხედვით.

გვერდითი მოვლენები:

იშვიათ შემთხვევებში აღინიშნება ალერგიული რეაქციები პრეპარატის შემადგენელი კომპონენტების მიმართ. პრეპარატის გამოყენებისას ძილის წინ ვითარდება უძილობა. ვიტამინი B₂ შესაძლოოა გამოიწვიოს შარდის ინტენსიურად ყვითელი, ხოლო რკინამ – განავლის მონაცრისფრო-შავი შეფერილობა.

უკუჩვენებები:

* მომატებული ინდივიდუალური მგრძნობელობა პრეპარატში შემავალი რომელიმე ინგრედიენტის მიმართ, ჰიპერტონული დაავადება, მომატებული ნერვული აგზნებადობა;

* 12 წლამდე ასაკი.

განსაკუთრებული მითითებები:

♦ არ გადააჭარბოთ რეკომენდებულ დოზას.

♦ ერთდროულად არ გამოიყენება ისეთ პრეპარატებთან, რომელთა შემადგენლობაში შედიან ვიტამინები და მინერალები, ასევე არ გამოიყენება ჟენ-შენისა და ჩინური ლიმონურას შემცველ პრეპარატებთან ერთად.

♦ ორსულობისა და ლაქტაციის პერიოდში პრეპარატის გამოყენება უკუნაჩვენებია.

ჭარბი დოზირება:

ტერავიტი ტონიკის რეკომენდებული დოზისა და მიღების ხანგრძლივობის დაცვის შემთხვევაში დოზის გადაჭარბების მოვლენები არ არის აღწერილი. დოზის გადაჭარბების შემთხვევაში საჭიროა სიმპტომური მკურნალობა.

სხვა წამლებთან ურთიერთქმედება:

ხანგრძლივი მედიკამენტოზური და სხივური თერაპიის დროს როგორც თანმხლები პრეპარატი აძლიერებს მკურნალობის ეფექტურობას და ამცირებს გვერდითი მოვლენების განვითარების რისკს. არ არის რეკომენდებული პრეპარატის გამოყენება ისეთ მედიკამენტებთან ერთად, რომლებიც იწვევენ არტერიული წნევის მატებას.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, სინათლისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

მწარმოებელი: BAYER CONSUMER CARE

კლინიკურ-ფარმაკოლოგიური ჯგუფი:

პოლივიტამინები მაკრო- და მიკროელემენტებით. მეტაბოლურ პროცესებზე მოქმედი საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 30 და 60 ც.

1 ტაბ.

აქტიური ინგრედიენტები:

ვიტამინი A (რეტინოლის პალმიტატი 1500 სე და ბეტაკარტონი 1500 სე), ვიტამინი  C (ასკორბინის მჟავა) 100 მგ, ვიტამინი E (dI-ალფა ტოკოფეროლის აცეტატი) 30 სე, ვიტამინი D (ქოლეკალციფეროლის სახით) 25 სე, ნიაცინი (ნიაცინამიდი) 20 მგ, ვიტამინი B₁ (თიამინის ჰიდროქლორიდი) 3 მგ, ვიტამინი B₂ (რიბოფლავინი) 3.4 მგ, ვიტამინი B₆ (პირიდოქსინის ჰიდროქლორიდი) 10.0 მგ, ვიტამინი B₁₂ (ციანკობალამინი) 12 მკგ, ფოლიუმის მჟავა 1.0 მგ, პანტოტენის მჟავა (კალციუმის პანტოტენატის სახით) 10 მგ, ბიოტინი 30 მკგ, რკინა (რკინის ფუმარატის სახით) 6 მგ, სპილენძი (სპილენძის ოქსიდის სახით) 2 მგ, იოდი (კალიუმის იოდიდის სახით) 15 მკგ, თუთია (თუთიის ოქსიდის სახით) 25 მგ, მაგნიუმი (მაგნიუმის ოქსიდის სახით) 150 მგ, კალციუმი (კალციუმის ციტრატის სახით) 46 მგ, მოლიბდენი (ნატრიუმის მოლიბდატის სახით) 25 მკგ, ქრომი (ქრომის ქლორიდის სახით) 25 მკგ, სელენი (ნატრიუმის სელენატის სახით) 25 მკგ, მანგანუმი (მანგანუმის სულფატის სახით) 5 მგ.

არააქტიური ინგრედიენტები:

მიკროკრისტალური ცელულოზა, სტეარინის მჟავა, ნატრიუმის კროსკარმელოზა, მაგნიუმის სტეარატი, კრემნიუმის დიოქსიდი, საქაროზა, სახამებელი, ასკორბილპალმიტატი, ნატრიუმის ასკორბატი, ჟელატინი, დიკალციუმის ფოსფატი, პოლივინილპიროლიდონი.

გარსი:

ჰიდოქსიპროპილმეთილცელულოზა, ტიტანის დიოქსიდი, მაგნიუმის სილიკატი, პოლიეთილენგლიკოლი, მინერალური ცხიმი, რკინის ოქსიდი.

ფარმაკოლოგიური თვისებები:

კომბინირებული პრეპარატი, რომლის შემადგენლობაში შედიან ვიტამინები, მინერალები და მიკროელემენტები. პრეპარატის ფარმაკოლოგიური მოქმედება განისაზღვრება მასში შემავალი ინგრედიენტების თვისებებით.

ჩვენებები:

• ორსულთა ტოქსიკოზის პროფილაქტკისათვის;
• რკინადეფიციტური ანემიის;
• იოდის დეფიციტის;
• თვითნებური აბორტის და ნაადრევი მშობიარობის რისკის;
• ნაყოფის ჰიპოტროფიის დროს;
• ჰიპოლაქტაციის პროფილაქტიკისათვის.

მიღების წესი და დოზირება:

1 ტაბლეტი ერთხელ დღეში ჭამის დროს ან ჭამის შემდეგ.

მკურნალობის მიზნით მიიღება ექიმის დანიშნულების მიხედვით.

გვერდითი მოვლენები:

იშვიათ შემთხვევებში აღინიშნება ალერგიული რეაქციები პრეპარატის შემადგენელი კომპონენტების მიმართ: კანის ქავილი, გამონაყარი, კუჭ-ნაწლავის ტრაქტის აშლილობა. ვიტამინ B₂ შესაძლოა გამოიწვიოს შარდის ინტენსიურად ყვითელი შეფერლობა, რკინამ შესაძლოა გამოიწვიოს განავლის მონაცრისფრო-შავი შეფერილობა.

უკუჩვენებები:

* მომატებული ინდივიდუალური მგრძნობელობა პრეპარატში შემავალი რომელიმე ინგრედიენტის მიმართ.

განსაკუთრებული მითითებები:

♦ პრეპარატი სიფრთხილით ინიშნება პერნიციოზული ანემიით დაავადებულ პირებში;

♦ ვინაიდან დამტკიცებულია, რომ ვიტამინ A დიდ დოზებში აქვს ტერატოგენული ეფექტი (ცხოველებზე ექსპერიმენტების ჩატარებისას დადგინდა, რომ იწვევს ნაყოფის სიმახინჯეს), თავი უნდა ავარიდოთ თვითმკურნალობას ვიტამინ A-ს დიდი დოზებით.

♦ ეს ასევე ეხება ნებისმიერ კვებით დანამატს, რომელიც შეიცავს ვიტამინ A-ს.

ჭარბი დოზირება:

ტრავიტი პრეგნას რეკომენდებული დოზისა და მიღების ხანგრძლივობის დაცვის შემთხვევაში დოზის გადაჭარბების მოვლენები არ არის აღწერილი.

სხვა წამლებთან ურთიერთქმედება:

არ არის რეკომენდებული ხანგრძლივი დროით ტერავიტი პრეგნას მიღება სხვა პოლივიტამინებთან ერთად.

შენახვის პირობები:

პრეპარატი ინახება არ  აუმეტეს 25⁰C ტემპერატურაზე, მშრალ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.