სახელი, გვარი ^*

მიმართულება ^*
აირჩიე

კლინიკა ^*
აირჩიე

მწარმოებელი: ს.ს “გრინდექსი”,  ლატვია

შემადგენლობა და გამოშვების ფორმა:

შემოგარსული ტაბლეტები

1 ტაბლეტი შეიცავს 7.5მგ ზოპიკლონს.

დამხმარე ნივთიერებები: კალციუმის ჰიდროფოსფატი (უწყლო), კარტოფილის სახამებელი (მშრალი), მაგნიუმის სტეარატი, სახამებლის ნატრიუმის გლიკოლატი, სილიციუმის დიოქსიდი, საღებავი 33G 28707 Opadry.

ფარმაკოთერაპიული ჯგუფი:

საძილე საშუალება

ფარმაკოლოგიური მოქმედება:

პრეპარატი შეიცავს ზოპიკლონს, რომელსაც ახასიათებს საძილე მოქმედება. ზოპიკლონის მიღების შემდეგ თქვენ იგრძნობთ დაღლილობას და ადვილად ჩაგეძინებათ.

მისი მოქმედების მექანიზმი ბოლომდე არ არის შესწავლილი. სავარაუდოდ, ზოპიკლონი აძლიერებს γ-ამინოერბოს მჟავას მოქმედებას, რომელიც წარმოადგენს  თავის ტვინში შემაკავებელ მედიატორს.

ჩვენებები:

პრეპარატი გამოიყენება ძილის დარღვევების ხანმოკლე მკურნალობისათვის (რამოდენიმე დღიდან 4 კვირამდე). ექიმს შეუძლია ამ პრეპარატის დანიშვნა, თუ პაციენტს აღენიშნება გამოხატული უძილობა, გართულებული ჩაძინება ან ძილის დარღვევები, რომლებიც იწვევენ შრომისუნარიანობის დაქვეითებას და სტრესულ მდგომარეობას.

პრეპარატის მიღების წინ აუცილებელია ექიმთან კონსულტაცია შემდეგ შემთხვევებში:

– ორსულობის დროს;

– ლაქტაციის პერიოდში;

– თირკმელების ან ღვიძლის ფუნქციის დარღვევებისას;

– Myasthenia gravis (კუნთების სისუსტე) შემთხვევეში;

– სუნთქვის უკმარისობისას და ფილტვების მძიმე დაავადებებისას;

– ძილში სუნთქვის ხანმოკლე დარღვევებისას;

– წამლებისა და ალკოჰოლის მიმართ დამოკიდებულების არსებობის შემთხვევაში;

– თუ ადრე პრეპარატის მიღებას მოჰყვა არასასურველ გვერდი ეფექტი ან ალერგია;

– ფსიქიკური დაავადებებისას;

– იმ შემთხვევაში თუ პაციენტი ღებულობს: ანტიჰისტამინურ  საშუალებებს, ანტიდეპრესანტებს, ძლიერმოქმედ ტკივილგამაყუჩებელ საშუალებებს, ანტიფსიქოზურ საშუალებებს (ქლორპრომაზინი ან ფლუპენტიქსოლი); ეპილეფსიის სამკურნალო პრეპარატებს (ფენიტოინი ან კარბამაზეპინი), საძილე ან  დამამშვიდებელ საშუალებებს (დიაზეპამი ან ნიტრაზეპამი), ოპერაციული ჩარევისა და ნარკოზის წინ.

სიფრთხილეა საჭირო:

ზოგ შემთხვევაში პრეპარატის მიღებისას შეიმჩნევა თავბრუხვევა ან ძილიანობა. არ არის რეკომენდებული ავტომანქანის მართვა ან ისეთი სამუშაოს შესრულება, რომელიც დაკავშირებულია ტექნიკური მოწყობილობების ექსპლოატაციასთან.

მიღების წესი და დოზირება:

სონლაქსს, სხვა საძილე საშუალებების მსგავსად, ახასიათებს შეჩვევა (მოქმედების შესუსტება). ამიტომ, პრეპარატი ინიშნება არაუმეტეს 4 კვირის განმავლობაში.

მოზრდილებში ინიშნება 1 ტაბლეტი (7.5მგ), ძილის წინ.

ბავშვებში პრეპერატი არ ინიშნება!

ასაკოვან პაციენტებში და პაციენტებში თირკმელების ან ღვიძლის ფუნქციის დარღვევით პრეპარატი  ინიშნება  მცირე დოზებით.

პრეპარატის მიღების შეწყვეტის წინ საჭიროა ექიმის კონსულტაცია დოზის შემცირებასთან დაკავშირებით, რადგან პრეპარატის სწრაფი მოხსნისას შეიძლება განვითარდეს გაძლიერებული მგრძნობელობა ხმაურისა და სინათლის მიმართ, მეხსიერების გაფანტვა, უძილობა, კრუნჩხვები.

გვერდითი მოვლენები:

ალერგიული რეაქციების თავიდან აცილების მიზნით პრეპარატის მიღების წინ მიიღეთ ექიმის კონსულტაცია!

გვერდითი მოვლენები აღენიშნება იშვიათად.

შესაძლებელია: მწარე ან ლითონის გემო პირში,  თავბრუხვევა, თავის ტკივილი, პირის სიმშრალე. იშვიათ შემთხვევაში – აგზნება, აგრესიულობა, ცნობიერების დაბინდვა, დეპრესია, მეხსიერების დარღვევა, ჰალუცინაციები, ღამის კოშმარები, გამონაყარი კანზე,  კოორდინაციის დარღვევა.

რომელიმე სიმპტომის გამოვლენისას მიმართეთ ექიმს!

შენახვის პირობები:

მშრალ, სინათლისაგან დაცულ ადგილას არაუმეტეს 25ºC ტემპერატურაზე.

ინახება ბავშვებისათვის მიუწვდომელ ადგილას!

3 წელი. არ გამოიყენოთ შეფუთვაზე მითითებული ვადის ამოწურვის შემდეგ

აფთიაქიდან გაცემის რეჟიმი:

ფარმაცევტული პროდუქტის ჯგუფი II – გაიცემა რეცეპტით.

საერთაშორისო დასახელება:

ZOPICLONE

მწარმოებელი: KIEVMEDPREPARAT

მოქმედი ნივთიერება: ზოპიკლონი

კლინიკურ-ფარმაკოლოგიური ჯგუფი:

საძილე საშუალება

შემადგენლობა და გამოშვების ფორმა:

შემოგარსული ტაბლეტები: შეფუთვაში 10 ც.

1 ტაბ.

ზოპიკლონი ……………..    0.0075 გ

ვრცლად იმოვანი

საერთაშორისო დასახელება:

THIORIDAZINE

მწარმოებელი: PAHARMACEUTICAL COMPANI

მოქმედი ნივთიერება: თიორიდაზინი

კლინიკურ-ფარმაკოლოგიური ჯგუფი:

ნეიროლეპტიკი.

შემადგენლობა და გამოშვების ფორმა:

დრაჟე: შეფუთვაში 60 ც.

1 დრაჟე

თიორიდაზინის ჰიდროქლორიდი …………   10 მგ

დამხმარე ნივთიერებები:

სიმინდის სახამებელი, ლაქტოზა, ჟელატინი, სტეარინული მჟავა, ტალკი, სახაროზა.

დრაჟე: შეფუთვაში 60 ც.

1 დრაჟე

თიორიდაზინის ჰიდროქლორიდი …………   25 მგ

დამხმარე ნივთიერებები:

კარტოფილის სახამებელი, შაქარი, ჟელატინი, მაგნიუმის სტეარატი, ტალკი.

ფარმაკოლოგიური თვისებები:

პრეპარატი მიეკუთვნება ნეიროლეფსიური საშუალებების ჯგუფს.

იგი ავლენს ანტიფსიქოზურ და ღებინების საწინააღმდეგო მოქმედებას;

სუსტად თრგუნავს ფსიქომოტორულ აგზნებას, ხსნის ფსიქიური დაძაბულობის მდგომარეობას და შიშს, აგრეთვე

სუსტად მოქმედებს დეპრესიულ მდგომარეობაზე.

პრეპარატი, მცირე დოზებით გამოყენებისას, ავლენს დამამშვიდებელ მოქმედებას, მისი გამოყენება შესაძლებელია ნევროზული დაძაბულობის დროს, ვინაიდან იგი არ იწვეს შეჩვევის სინდრომს.

პრეპარატი სრულად და სწრაფად შეიწოვება კუჭ-ნაწლავის ტრაქტიდან, მისი მაქსიმალური კონცენტრაცია სისხლში აღინიშნება 2-4 სთ-ის შემდეგ.

ჩვენებები:

• მწვავე და ქრონიკული შიზოფრენია;
• ენდოგენური დეპრესია;
• პარანოიდული სინდრომი;
• ეგზოგენური ფსიქოზი;
• ჰალუცინაციები, ტიკი, ფსიქომოტორული აგზნების მდგომარეობა;
• შიშით მიმდინარე ნევროზი;
• ბავშვთა ფსიქიატრიაში მომატებული ფსიქომოტორული აქტივობით მიმდინარე ქცევის დარღვევები;
• ალკოჰოლიზმის, ტოქსიკომანიისა და აბსტინენციის სინდრომის სამკურნალოდ.

უკუჩვენებები:

* პრეპარატის მიმართ მომატებული მგრძნობელობა;

* მწვავე დეპრესიული და კომატოზური მდგომარეობა;

* გულ-სისხლძარღვთა სისტემების ფუნქციის დარღვევა (ჰიპოტონია, ჰიპერტენზია) მიასთენია.

განსაკუთრებული მითითებები:

◄ 4 წლამდე ასაკის ბავშვებში პრეპარატის გამოყენება არ არის რეკომენდებული.

◄ პრეპარატით მკურნალობისას თავი უნდა შევიკავოთ ალკოჰოლური სასმელების მიღებისაგან.

◄ მკურნალობის გახანგრძლივების შემთხვევაში პერიოდულად საჭიროა პერიფერიულ სისხლის მიმოქცევის მორფოლოგიური კონტროლი. ვინაიდან შესაძლებელია ძვლის ტვინის სისხლმბადი ფუნქციის დარღვევა.

◄ პრეპარატის გამოყენებისას სატრანსპორტო საშუალებებისა და იმ სამუშოების შესრულება, რომლებიც მოითხოვენ ყურადღების მაქსიმალურ კონცენტრაციას დაუშვებელია.

ორსულობა და ლაქტაცია:

პრეპარატი ორსულობისა და ლაქტაციის პერიოდში ინიშნება მხოლოდ ექიმის მიერ.

სხვა წამლებთან ურთიერთქმედება:

– სონაპაქსისა და იმ პრეპარატების, რომლებიც თრგუნავენ ცნს-ს, აგრეთვე საანესთეზიო საშუალებების, გუანედინისა და რეზერპინის კომბინაცია არ არის რეკომენდებული.

– ამიტრიპტილინის ან ანტიჰისტამინური საშუალებებისა და სონაპაქსის ერთდროული გამოყენებისას ვლინდება ანტიქოლინერგული მოქმედება.

– ამფეტამინი და ფენოთიაზინის წარმოებულები მოქმედებენ ანტაგონისტურად; ლევოდოპას მოქმედება შეიძლება შეამცირონ ფენოთიზადინის წარმოებულებმა.

– ანტიდიაბეტური და ფენოთიაზინის წარმოებულების ერთდროული გამოყენებისას იზრდება ღვიძლის დაზიანების შესაძლებლობა.

პრეპარატისა და ადრენალინის ერთდროული გამოყენებისას შესაძლებელია გაძლიერდეს ჰიპოტონიური ეფექტი.

მიღების წესი და დოზირება:

პრეპარატი გამოიყენება პერორალურად, დოზა დგინდება ექიმის მიერ.

მოზრდილებში ჰალუცინაციების დროს პრეპარატი ჩვეულებრივ მიიღება დოზით 25-75 მგ დღეში, მას ზრდიან ოპტიმალურ თერაპიულ დოზამდე – 300-600 მგ 3-4-ჯერ დღეში.

ნევროზის სამკურნალოდ პრეპარატი მიიღება დოზით დღეში 10-75 მგ.

4-დან 9 წლამდე ასაკის ბავშვებში პრეპარატი მიიღება დოზით 20-100 მგ 2-3-ჯერ დღეში.

10-დან 14 წლამდე ასაკის ბავშვებში – 30-300 მგ დღეში 2-3-ჯერ დღეში.

გვერდითი მოვლენები:

პრეპარატის გამოყენებით გამოწვეული გვერდითი მოვლენები მიმდინარეობს მსუბუქად, რომლებიც დროებით ხასიათს ატარებენ.

შესაძლებელია _ დაღლილობა, მოუსვენრობა, თავის ტკივილი, პირის ღრუს ლორწოვანი გარსის სიმშრალე, მხედველობის დაქვეითება, გულისრევა, ღებინება, დიარეა, შეშუპება, ჰიპოტონია.

მამაკაცებში პრეპარატის გამოყენებამ შესაძლებელია გამოიწვიოს იმპოტენცია.

ძალიან იშვიათად აღინიშნება – კანისა და საერთო ალერგიული რეაქციები, ძვლის ტვინის სისხლმბადი ფუნქციის დარღვევა, სიყვითლე.

იშვიათად აღინიშნება მოძრაობის შენელების სინდრომი და კუნთების ტონუსის მომატება.

შენახვის პირობები:

პრეპარატი ინახება არა უმეტეს 25⁰C ტემპერატურაზე მშრალ და ბავშვებისაგან დაცულ ადგილას.

საერთაშორისო დასახელება:

PROPOFOL

მწარმოებელი: ავერსი-რაციონალი, საქართველო

მოქმედი ნივთიერება: პროპოფოლი

კლინიკურ-ფარმაკოლოგიური ჯგუფი:

ზოგადი საანესთეზიო საშუალება.

შემადგენლობა და გამოშვების ფორმა:

1% საინფუზიო და საინექციო ემულსია: ამპულაში 20 მლ, შეფუთვაში 5 ც.

1 მლ.

პროპოფოლი      …………………….  10 მგ

1% საინფუზიო და საინექციო ემულსია: ფლაკონში 50 მლ

1 მლ

პროპოფოლი ………………………..    10 მგ

დამხმარე ნივთიერებები:

სოიოს ზეთი, კვერცხის ლეციტინი, გლიცერინი, ნატრიუმის ჰიდროქსიდი, საინექციო წყალი.

ფარმაკოლოგიური თვისებები:

სომნოპოლი წარმოადგენს ზოგად საანესთეზიო საშუალებას, რომელიც ხასიათდება ხანმოკლე მედიკამენტოზური ძილის სწრაფი განვითარებით (დაახლოებით 30 წმ-ში). სომნოპოლის გამოყენების შემთხვევაში შესავალი ნარკოზის ინდუქციისა და შენარჩუნების დროს აღინიშნება არტერიული წნევის საშუალო მაჩვენებლების დაქვეითება და გულის შეკუშვათა სიხშირის უმნიშვნელო ცვლილება. მიუხედავად ამისა, ზოგადი ანესთეზის შენარჩუნებისას ჰემოდინამიკური მაჩვენებლები ხშირად რჩება უცვლელი. სომნოპოლის შეყვანის შემდეგ მოსალოდნელია განვითარდეს სუნთქვის ცენტრის დათრგუნვა და ის არასასურველი გვერდითი მოვლენები, რომლებიც აღმოცენდება სხვა ინტრავენური საანესთეზიო საშუალებების გამოყენებისას და რომელთა მართვაც ადვილია კლინიკურ პირობებში. სომნოპოლი ამცირებს თავის ტვინში სისხლის მიმოქცევას, ქალასშიდა წნევას და აქვეითებს ცერებრულ მეტაბოლიზმს.

გამოღვიძება ხდება სწრაფად ნათელი ცნობიერებით, თავის ტკივილის, ოპერაციის შემდგომი გულისრევისა და ღებინების გარეშე.

ფარმაკოკინეტიკა:

ინტრავენური გზით პროპოფოლის ნაკადური შეყვანის შემდეგ მისი კონცენტრაციის შემცირება სისხლის პლაზმაში შესაძლოა წარმოდგენილი იქნას სამი ნაწილისაგან შემდგარი მოდელის საშუალებით: პრეპარატის სწრაფი განაწილება სისხლიდან ქსოვილებში (T_1/2 2-4 წთ), სწრაფი გამოყოფა ორგანიზმიდან (T_1/2 30-60 წთ) და შედარებით ნელი, საბოლოო ფაზა რომლის დროსაც პროპოფოლი გამოიყოფა ნაკლებად პერფუზირებადი  ქსოვილებიდან (T_1/2 200-300 წთ).

პლაზმის ცილებთან დაკავშირება შეადგენს 97%-ს. პროპოფოლი მეტაბოლიზდება ღვიძლში. არააქტიური მეტაბოლიტები გამოიყოფა თირკმლის საშუალებით (დაახლოებით 88%). ინტრავენური ინფუზიის შემდეგ ნახევარგამოყოფის პერიოდი შეადგენს 277-403 წთ-ს ინფუზიის რეკომენდებული სიჩქარის ფარგლებში ფარმაკოკინეტიკა ატარებს სწორხაზოვან ხასიათს.

ჩვენებები:

• ზოგადი ანესთეზიის ინდუქცია და შენარჩუნება;
• სედაციური ეფექტის უზრუნველყოფა ავადმყოფებში, რომლებიც საჭიროებენ ინტენსიურ თერაპიას ან იმყოფებიან ფილტვის ხელოვნურ ვენტილაციაზე;
• ქირურგიული ან სადიაგნოსტიკო პროცედურების დროს სედაციური ეფექტის უზრუნველყოფა.

მიღების წესი და დოზირება:

სომნოპოლი მიიღება ინტრავენურად. მისი გამოყენებისას დამატებით საჭიროა ანალგეზიური საშუალებების გამოყენება. კარგად ეთავსება სპინალური და ეპიდურული ანესთეზიისთვის და პრემედიკაციისთვის საჭირო მედიკამენტებს, მიორელაქსანტებს, საინჰალაციო ანესთეზიურ საშუალებებს და ანალგეზიურ პრეპარატებს.

მოზრდილებში:

შესავალი ნარკოზი – სომნოპოლი გამოიყენება შესავალი ნარკოზის ინდუქციისთვის ბოლუსური ინექციის ან ინფუზიის გზით. პაციენტის მდგომარეობის გათვალისწინებით რეკომენდებულია სომნოპოლის ტიტრირება (საშუალო წონის მოზრდილი ადამიანისთვის – 40 მგ ყოველ 10 წთ-ში) ანესთეზიის კლინიკური ნიშნების დადგომამდე.

55 წლამდე ასაკის მოზრდილ პაციენტთათვის სომნოპოლის საშუალო დოზა შეადგენს 1.5-2.5 მგ/კგ. შესაძლებელია აუცილებელი ჯამური დოზის შემცირება შეყვანის შედარებით ნელი ტემპის გამოყენებით (20-25 მგ/წთ).

55 წლის ასაკის ზევით პაციენტებში, როგორც წესი, საჭიროა დოზის შემცირება. ASA-ს (ამერიკის ანესთეზიოლოგთა საზოგადობა) კლასიფიკაციით მე-3 და მე-4 ხარისხის პაციენტებში, პრეპარატის შეყვანა საჭიროა ნელი ტემპით, 20 მგ ყოველ 10 წმ-ში.

ზოგადი ანესთეზიის შენარჩუნება შესაძლებელია სომნოპოლის მუდმივი ინფუზიით. ან განმეორებითი ბოლუსური ინექციებით. მუდმივი ინფუზიის დროს – შეყვანის სიჩქარე თითოეული პაციენტისათვის ინდივიდუალურია და ვარირებს 4-დან 12 მგ/კგ-სთ-მდე. ბოლუსური ინექციის დროს პრეპარატის დოზა შეადგენს – 25-50 მგ-ს, რაც შეესაბამება სომნოპოლის 2.5-5 მლ-ს.

სედაციური ეფექტის უზრუნველყოფა ინტენსიური თერაპიის დროს: ინტენსიური თერაპიისა და ფილტვის ხელოვნურ ვენტილაციაზე მყოფ პაციენტთა სედაციისათვის რეკომენდებულია სომნოპოლის მიღება მუდმივი ინფუზიის გზით. ინფუზიის სიჩქარე დამოკიდებულია სედაციის სიღრმეზე. ინფუზია სიჩქარით 0.3-0.4 მგ/კგ/სთ უზრუნველყოფს ოპტიმალურ სედაციურ ეფექტს.

ქირურგიული ან სადიაგნოსტიკო პროცედურების დროს ავადმყოფის სედაცია _ პრეპარატის დოზა და შეყვანის სიჩქარე შეირჩევა ინდივიდუალურად. პაციენტის ჯანმრთელობის მდგომარებისა და კლინიკური რეაქციის გათვალისწინებით. სედაციური ეფექტის მისაღებად საჭიროა პრეპარატის ინფუზია 0.5-1.5 მგ/კგ სიჩქარით 1-5 წთ-ის განმავლობაში. სედაციის შენარჩუნებისათვის საჭიროა სედაციური ეფექტის სიღრმის  მიხედვით ინფუზიის სიჩქარის კორეგირება 1.5-4.5 მგ/კგ/სთ სიჩქარით. სედაციის სიღრმის სწრაფად გაზრდის მიზნით შესაძლებელია სომნოპოლის 10-20 მგ-ის შეყვანა ბოლუსურად; ASA-ს კლასიფიკაციით მე-3 და მე-4 ხარისხის პაციენტებში საჭიროა პრეპარატის დოზისა და შეყვანის სიჩქარის შემცირება.

ხანდაზმულ პაციენტებში საჭიროა სომნოპოლის დოზის შემცირება, როგორც შესავალი  ნარკოზის ინდუცირებისათვის, ასევე მის შესანარჩუნებლად.

ანესთეზია ბავშვებში: 3 წლამდე ასაკის ბავშვებში სომნოპოლის გამოყენება არ არის რეკომენდებული, რადგან არ არსებობს პრეპარატის კლინიკურ პრაქტიკაში გამოყენების სათანადო გამოცდილება.

საწყისი ანესთეზია: ბავშვებში ანესთეზიის ინდუქციისათვის საჭიროა პრეპარატის ნელი, განმეორებითი წილადობრივი დოზებით შეყვანა ანესთეზიის კლინიკური ნიშნების გამოვლენამდე. დოზის შერჩევა ხდება ასაკისა და/ან სხეულის წონის გათვალისწინებით.

ბავშვებში 8 წლის ასაკის ზევით ანესთეზიის ინდუცირებისათვის სომნოპოლის დოზა შეადგენს 2.5 მგ/კგ.

8 წლამდე ასაკის ბავშვებში პრეპარატის დოზა შეიძლება გაიზარდოს.

ანესთეზიის შენარჩუნება: მუდმივი ინფუზიით ანესთეზიის შესანარჩუნებლად სომნოპოლის დოზა შეადგენს 9-15 მგ/კგ/სთ.

შეყვანის წესი:

სომნოპოლის გამოყენების დროს საჭიროა ასეპტიკის წესების დაცვა. გამოყენების წინ ფლაკონის თავსახურის რეზინის მემბრანა და ამპულის ყელი უნდა გაიწმინდოს სპირტის აეროზოლით ან სპირტიანი ტამპონით.

აუცილებელია ამპულის ან ფლაკონის გახსნისთანავე ემულსიის ამოღება და მისი დაუყოვნებლივ გამოყენება. ასეპტიკის წესების დაცვა უნდა მოხდეს როგორც სომნოპოლთან, ასევე იმ სისტემასთან მიმართებაში, რომლის მეშვეობითაც ხდება მისი გამოყენება. სომნოპოლის შეყვანა არ შეიძლება მიკრობიოლოგიური ფილტრით.

სომნოპოლის ინფუზია დასაშვებია განუზავებელად ან განზავებით მხოლოდ 5% გლუკოზის ან 0.9% ნატუირმის ქლორიდის ხსნარში.

განუზავებელი სომნოპოლის გადასხმა: განუზავებელი სახით სომნოპოლის ინფუზია რეკომენდებულია პრეპარატის შესაყვანი მოცულობის მაკონტროლებელი მოწყობილობის საშუალებით. მაგ. წვეთების მთვლელი შპრიცის ტუმბო ან ვოლუმეტრული საინფუზიო ტუმბო.

განზავებული სომნოპოლის გადასხმა: განზავებული სომნოპოლის ინფუზიისათვის შესაძლებელია სხვადასხვა სისტემების გამოყენება. რეკომენდებულია სისტემაში პრეპარატის შესაყვანი მოცულობის მაკონტროლებელი მოწყობილობების ჩართვა. რეკომენდებულია სომნოპოლის განზავება შემდეგი პროპორციით: 1 წილი სომნოპოლი – 4 წილ 5% გლუკოზის ან 0.9% ნატრიუმის ქლორიდის ხსნარზე. აქტიური ნივთიერების შემცველობა განზავებულ ხსნარში უნდა იყოს არანაკლებ 2 მგ/მლ. სომნოპოლის განზავება სხვა საინექციო ან საინფუზიო ხსნარებით არ ხდება. განზავება უნდა მოხდეს ასეპტიკურ გარემოში, უშუალოდ გამოყენების წინ. მისი გადასხმა საჭიროა დასრულდეს განზავებული ხსნარის მომზადებიდან არა უგვიანეს 6 საათისა. 5% გლუკოზისა და 0.9% ნატრიუმის ქლორიდის სომნოპოლთან ერთდროული შეყვანა დასაშვებია სამარხიანი კათეტერის მეშვეობით, უშუალოდ პრეპარატის შეყვანის ადგილის მახლობლად არსებული სარქველით. პროპოფოლის შეყვანის ადგილას ტკივილის მოსახსნელად დასაშვებია გამოყენების წინ მისი შერევა კონსერვანტებისაგან თავისუფალ 1% ლიდოკაინის ჰიდროქლორიდის ხსნართან (20 წილი პროპოფოლი 1 წილ 1% საინექციო ლიდოკაინის ჰიდროქლორიდის ხსნარზე).

გვერდითი მოვლენები:

სომნოპოლი არ ხასიათდება ვაგოლიზური აქტივობით, ამის გამო მისი შეყვანის დროს შესაძლოა მოიმატოს პარასიმპათიკური ნერვული სისტემის აქტივობამ და მასთან დაკავშირებული გვერდითი მოვლენების სიხშირემ.

გულსისხლძარღვთა სისტემის მხრივ: ბრადიკარდია, ჰიპოტენზია.

ცენტრალური ნერვული სისტემის მხრივ: ეიფორია, ეპილეფტიფორმული მოძრაობები, თავის ტკივილი.

კუჭ–ნაწლავის ტრაქტის მხრივ: გულისრევა, ღებინება.

სასუნთქი სისტემის მხრივ: ხველა, დროებითი აპნოე, ფილტვის შეშუპება.

შარდსასქესო სისტემის მხრივ: შარდის ფერის შეცვლა.

იშვიათად შეიძლება გამოვლინდეს ანაფილაქსია, სეპტიცემია, ტკივილი, სისუსტე, თრომბოზი და ფლებიტი.

უკუჩვენებები:

* სომნოპოლის გამოყენება უკუნაჩვენებია მის მიმართ მომატებული მგრძნობელობის შემთხვევაში.

ორსულობა და ლაქტაცია:

სომნოპოლი გადის პლაცენტურ და ჰემატოენცეფალურ ბარიერებს, რამაც შესაძლოა გამოიწვიოს ნეონატალური დეპრესია. ამის გამო მისი გამოყენება ორსულობის პერიოდში და სამეანო ანესთეზიის მიზნით არ არის რეკომენდებული. სომნოპოლის გამოყენება შესაძლებელია ხელოვნური აბორტის დროს.

ლაქტაციის პერიოდში სომნოპოლის გამოყენების უსაფრთხოება ახალშობილზე არ არის დადგენილი.

განსაკუთრებული მითითებები:

◄ სომნოპოლის გამოყენება ნებადართულია მხოლოდ სპეციალისტისთვის. აუცილებელია ავადმყოფის მდგომარეობის მუდმივი მონიტორინგი. არტერიული ჰიპოტენზიის, სასუნთქი გზების გამავლობის დარღვევისა და ჟანგბადით სისხლის არასრული გაჯერების თავიდან ასაცილებლად აუცილებელია ანესთეზიისათვის საჭირო აპარატურისა და სარეანიმაციო საშუალებების არსებობა.

◄ სომნოპოლი, ისევე როგორც სხვა ინტრავენური სანარკოზე საშუალებები, სიფრთხილით გამოიყენება გულ-სისხლძარღვთა სისტემის დარღვევის, ღვიძლის, თირკმლის, სასუნთქი სისტემის პათოლოგიების, ჰიპოვოლემიისა და ასთენიის დროს.

◄ სომნოპოლი არ ამცირებს ცთომილი ნერვის ტონუსს. მის გამოყენებას შესაძლოა თან სდევდეს ბრადიკარდიისა და ასისტოლიის განვითარება.

◄ ცთომილი ნერვის ტონუსის მოსალოდნელი გაძლიერებისას ან სომნოპოლის ერთდროული გამოყენებისას ბრადიკარდიის გამომწვევ პრეპარატებთან ერთად რეკომენდებულია ინტრავენური ქოლინოლიზური საშუალებების გამოყენება.

◄ ეპილეფსიით დაავადებულ პაციენტებში სომნოპოლის გამოყენება ზრდის კრუნჩხვების განვითარების რისკს.

◄ სომნოპოლი სიფრთხილით გამოიყენება ცხიმოვანი ცვლის დარღვევით დაავადებულ პაციენტებში, რადგან, პრეპარატის 1 მლ შეიცავს 0.1 გ ცხიმს. ასეთ შემთხვევაში საჭიროა პრეპარატის დოზის შემცირება და სისხლში ლიპიდების კონცენტრაციის მონიტორინგი.

◄ 16 წლამდე ასაკის ბავშვებში სომნოპოლის გამოყენება სედაციის მიზნით არ არის რეკომენდებული.

◄ დაუშვებელია პრეპარატის გამოყენება ვარგისიანობის ვადის გასვლის შემდეგ.

◄ განუზავებელი სომნოპოლის ინფუზიის დროს გამოყენებული სისტემა უნდა შეიცვალოს ამპულის ან ფლაკონის გახსნიდან არა უმეტეს 12 სთ-ის შემდეგ. 12 სთ-ის შემდეგ საჭიროა სისტემის შეცვლა.

◄ სომნოპოლის განზავება 5% გლუკოზის ან 0.9% ნატრიუმის ქლორიდის ხსნარებით საჭიროა მოხდეს ასეპტიკურ პირობებში, უშუალოდ გადასხმის წინ. ინფუზიის დასრულება საჭიროა განზავებული ხსნარის მომზადებიდან 6 საათის განმავლობაში.

◄ გამოყენების წინ საჭიროა პრეპარატის შენჯღრევა.

◄ სომნოპოლი და ყველა საინფუზიო მოწყობილობა გამოიყენება ერთჯერადად და მხოლოდ ერთ პაციენტზე.

◄ გამოყენების შემდგომ საჭიროა ფლაკონის ან ამპულის შიგთავსის ნარჩენის განადგურება. გამოიყენეთ მხოლოდ იმ შემთხვევაში, თუ ემულსია ჰომოგენურია და შეფუთვა დაუზიანებელი.

ჭარბი დოზირება:

სომნოპოლით ჰიპერდოზირებამ შესაძლოა გამოიწვიოს გულ-სისხლძარღვთა და სასუნთქი სისტემების ფუნქციათა დათრგუნვა. სუნთქვის დათრგუნვის შემთხვევაში საჭიროა ავადმყოფის გადაყვანა ფილტვის ხელოვნურ ვენტილაციაზე.

გულ-სისხლძარღვთა სისტემის ფუნქციათა დათრგუნვისას საჭიროა ავადმყოფის თავის დაბლა დაწევა. საჭიროების შემთხვევაში გამოიყენება სისხლის შემცვლელები და ვაზოპრესორული საშუალებები.

სხვა წამლებთან ურთიერთქმედება:

– სომნოპოლის გამოყენება შესაძლებელია პრემედიკაციისთვის საჭირო პრეპარატებთან, საინჰალაციო სანარკოზე საშუალებებთან,  მიორელაქსანტებთან და ადგილობრივად მოქმედ ტკივილგამაყუჩებელ პრეპარატებთან ერთად. ფარმაკოლოგიური შეუთავსებლობა არ დაფიქსირებულა.

– იმ შემთხვევაში, როდესაც ზოგადი ანესთეზია ხორციელდება ადგილობრივი გაუტკივარების თანხლებით, საჭიროა პრეპარატის დოზის შემცირება.

– ბენზოდიაზეპინები, პარასიმპათოლიზური და საინჰალაციო სანარკოზე საშუალებები აძლიერებენ სომნოპოლის მოქმედებას და ამცირებენ სუნთქვის სიხშირეს.

– ოპიატებთან ერთდროული პრემედიკაციისას შესაძლოა აპნოეს განვითარების სიხშირისა და ხანგრძლივობის გაზრდა.

– სომნოპოლთან სუკსამეტონიუმის ან ნეოსტიგმინის ერთდროულ გამოყენებას  შესაძლოა მოყვეს ბარდიკარდია ან გულის გაჩერება.

– პრემედიკაციის ფონზე სომნოპოლის გამოყენებამ საინჰალაციო ან სხვა ტკივილგამაყუჩებელ საშუალებებთან ერთად შესაძლოა, გამოიწვიოს გულ-სისხლძარღვთა სისტემის მხრივ გვერდითი მოვლენების გაძლიერება.

– ალკოჰოლის, ზოგადი საანესთეზიო საშუალებების ან ნარკოტიკული ანალგეტიკების გამოყენება სომნოპოლთან იწვევს გამოხატულ სედაციურ მოქმედებას.

– სომნოპოლის გამოყენება პარენტერულ სამკურნალო საშუალებებთან ერთად, რომელნიც თავის მხრივ ხასიათდებიან ცნს-ზე დამთრგუნველი მოქმედებით შესაძლოა გამოიწვოს სუნთქვის ცენტრის და გულ-სისხლძარღვთა სისტემის დათრგუნვა.

– ფენტანილი დროებით ზრდის სომნოპოლის კონცენტრაციას სისხლის პლაზმაში.

– ცხიმოვანი ემულსიების, მათ შორის სომნოპოლის ერთდროული გამოყენება ციკლოსპორინთან ერთად იწვევს ლეიკოენცეფალოპათიის განვითარებას.

– არ არის რეკომენდებული სომნოპოლის შერევა სხვა საინექციო ხსნარებთან, გარდა გლუკოზის 5% ხსნარის, 0.9% ნატრიუმის ქლორიდის ხსნარის, ლიდოკაინის ჰიდროქლორიდისა და ალფენტანილისა. მიორელაქსანტების _ ატრაკურიუმის და მივაკურიუმის შეყვანა იმავე სისტემით, რითაც მოხდა სომნოპოლის ინფუზია, შესაძლებელია გადასასხმელი სისტემის წინასწარი გარეცხვის შემდეგ.

შენახვის პირობები:

პრეპარატი ინახება 2-25⁰C ტემპერატურაზე,

დაუშვებელია პრეპარატის გაყინვა.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

ZOPICLONE

მწარმოებელი: GRINDEKS  S.A

მოქმედი ნივთიერება: ზოპიკლონი

კლინიკურ-ფარმაკოლოგიური ჯგუფი:

საძილე საშუალება

შემადგენლობა და გამოშვების ფორმა:

ტაბლეტები: ბლისტერზე 10 ც.

1 ტაბ.

ზოპიკლონი ………. 7.5 მგ

ვრცლად იმოვანი

სახელი, გვარი ^*

მიმართულება ^*
აირჩიე

კლინიკა ^*
აირჩიე

მწარმოებელი: GMP,საქართველო

კლინიკურ-ფარმაკოლოგიური ჯგუფი:

სედატიური, საძილე საშუალება.

შემადგენლობა და გამოშვების ფორმა:

კაფსულები: შეფუთვაში 10 ც.

1 კაფს.

პასიფლორას (Passiflora incarnata) მშრალი ექსტრაქტი ………..     200 მგ

სვიის (Humulus lupulus) მშრალი ექსტრაქტი ……………………     100 მგ

კატაბალახას (Valeriana officinalis) მშრალი ექსტრაქტი …………     125 მგ

ბარამბოს (Melissa officianalis) მშრალი ექსტრაქტი ………………      25 მგ

კუნელის (Crataegus) მშრალი ექსტრაქტი ………………………..     50 მგ

ფარმაკოლოგიური თვისებები:

სომნა-რიც ფორტე მცენარეული კომბინირებული საძილე საშუალება, აწესრიგებს ძილს, არ ახასიათებს წამლის შემდგომი ეფექტი, არ იწვევს შეჩვევას.

პრეპარატს აქვს საძილე და სედატიური მოქმედება. მის შემადგენლობაში შემავალი მცენარეების ბიოლოგიურად აქტიური ნივთიერებების კომპლექსი ხელს უწყობს ბუნებრივი ძილის სწრაფ განვითარებას, არეგულირებს ძილის ფაზებს, გაღვიძებისას არ იწვევს უსიამოვნო შეგრძნებებს, აღადგენს ნერვული სისტემის წონასწორობას, ხსნის მსუბუქ დეპრესიას, შიშს, მოუსვენრობას.

კატაბალახა ხელს უწყობს ბუნებრივი ძილის განვითარებას.

სვია დამამშვიდებლად მოქმედებს ცენტრალურ ნერვულ სისტემაზე, ახასიათებს მსუბუქი საძილე ეფექტი.

პასიფლორა (ვნების ყვავილი), ამშვიდებს ცენტრალურ ნერვულ სისტემას, გაღვიძებისას არ იწვევს უსიამოვნო შეგრძნებებს.

კუნელი აუმჯობესებს ძილს, ამცირებს ცენტრალური ნერვული სისტემის აგზნებადობას.

ბარამბო იწვევს სედატიურ ეფექტს, ამშვიდებს და აძლიერებს ნერვულ სისტემას.

ჩვენებები:

არჩევის პრეპარატი სტრესული სიტუაციებსა და სტრესისშემდგომი უძილობის დროს.

სხვადასხვა ეტიოლოგიის უძილობა, გამოწვეული:

• შფოთვით, შიშით ან გაღიზიანებადობით;
• გადაღლით;
• მომატებული აგზნებადობით;
• ფსიქო-ემოციური გადაძაბვით;
• მსუბუქი დეპრესიით, მოუსვენრობით;
• დაღლილობით და დათრგუნვით.

მიღების წესი და დოზირება:

ინიშნება 1 კაფსულა დაძინებამდე 1 საათით ადრე.

ხანგრძლივი დეპრესიით და მუდმივი ფსიქიკური დაძაბულობით გამოწვეული უძილობის დროს რეკომენდებულია 1 კაფსულა 2-3-ჯერ დღეში.

კაფსულები მიიღება დაუღეჭავად, მცირე რაოდენობით სითხესთან ერთად.

გვერდითი მოვლენები:

რეკომენდებული დოზით პრეპარატის მიღებისას გვერდითი მოვლენები გამოვლენილი არ არის.

უკუჩვენებები:

პრეპარატის კომპონენტებისადმი მომატებული მგრძნობელობა.

განსაკუთრებული მითითებები:

ორსულობისა და ლაქტაციის (ძუძუთი კვების) პერიოდში პრეპარატი მიიღება ჩვენების მიხედვით.

სომნა-რიც ფორტე აძლიერებს საძილე, სედატიური და სპაზმოლიზური საშუალებების მოქმედებას.

შენახვის პირობები:

პრეპარატი ინახება 10-25⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

მწარმოებელი: GMP, საქართველო

კლინიკურ-ფარმაკოლოგიური ჯგუფი:

სედატიური საშუალება.

შემადგენლობა და გამოშვების ფორმა:

კაფსულები: შეფუთვაში 10 ც.

1 კაფს.

პასიფლორას (Passiflora incarnata) მშრალი ექსტრაქტი ……….     100 მგ

სვიის (Humulus lupulus) მშრალი ექსტრაქტი …………………….    100 მგ

კატაბალახას (Valeriana officinalis) მშრალი ექსტრაქტი …………..     60 მგ

კრაზანას (Hypericum perforatum) მშრალი ექსტრაქტი …………      50 მგ

ბარამბოს (Melissa officianalis) მშრალი ექსტრაქტი ……………….      20 მგ

კუნელის (Crataegus) მშრალი ექსტრაქტი ………………………..      20 მგ

ფარმაკოლოგიური თვისებები:

სომნა-რიცი მცენარეული წარმოშობის კომბინირებული დამამშვიდებელი და სტრესის საწინააღმდეგო პრეპარატია. არ იწვევს შეჩვევას, ინიშნება ნებისმიერ ასაკში.

სომნა-რიცს ახასიათებს ზომიერ სედატიური მოქმედება, არ იწვევს ძილიანობას დღის განმავლობაში. პრეპარატი ამცირებს დაძაბულობას, შფოთვას, გაღიზიანებადობას, ხელს უწყობს ფსიქიკური წონასწორობის აღდგენას, ძილის გაუმჯობესებას, არეგულირებს გულის მუშაობას, აქვს გამოხატული სპაზმოლიზური თვისებები, აძლიერებს კუჭ-ნაწლავის ტრაქტის ლორწოვანის სეკრეციულ აქტივობას.

სომნა-რიცის ეფექტს განაპირობებს მცენარეული ექსტრაქტების ბიოლოგიურად აქტიურ ნივთიერებათა ერთობლივი მოქმედება:

პასიფლორა (ვნების ყვავილი) ამშვიდებს ცენტრალურ ნერვულ სისტემას, ახასიათებს კრუნჩხვისაწინააღმდეგო და საძილე ეფექტი, გაღვიძებისას უსიამოვნო შეგრძნების გარეშე.

სვია დამამშვიდებლად მოქმედებს ცენტრალურ ნერვულ სისტემაზე, ამცირებს ტკივილს, კრუნჩხვების განვითარების შესაძლებლობას, ახასიათებს მსუბუქი საძილე ეფექტი.

კატაბალახა ხელს უწყობს ბუნერივი ძილის დადგომას. დამაშვიდებელი ეფექტი ვითარდება თანდათან და სტაბილურია.

კრაზანას ახასიათებს ზოგადმატონიზირებელი მოქმედება ამშვიდებს ნერვულ სისტემას და ამცირებს დეპრესიის გამოვლინებებს.

ბარამბო იწვევს სედატიურ, ჰიპოტენზიურ, ანტიარითმიულ, სპაზმოლიზურ, ღებინების საწინააღმდეგო ეფექტებს, ამშვიდებს და აძლიერებს ნერვულ სისტემას.

კუნელი აძლიერებს გულის კუმშვადობას და, ამასთან, რამდენადმე ამცირებს არტერიულ წნევას, აუმჯობესებს ძილს, ამცირებს ცენტრალური ნევრული სისტემის აგზნებადობას.

სომნა-რიცს ახასიათებს ხანგრძლივი თერაპიული ეფექტი.

ჩვენებები:

• მოუსვენრობა, შფოთვა;
• ნევრასთენიის მსუბუქი ფორმები, სტრესის შემდგომი მდგომარეობა, შიში, თანმხლები დაძაბულობით, ტაქიკარდით და ქოშინით;
• მომატებული აგზნებადობა, გაღიზიანებადობა;
• ემოციური დაძაბულობა ან დათრგუნვა;
• კონცენტრაციის დაქვეითება;
• ძილის მოშლა;
• ნერვული დაძაბულობით გამოწვეული თავის ტკივილი და შაკიკი (კომბინირებული თერაპიის შემადგენლობაში);
• კლიმაქტერული სინდრომი;
• `მენეჯერის სინდრომი~ (მუდმივი ფსიქიკური დაძაბულობის მდგომარეობა);
• ანგიონევროზი (გულ-სისხლძარღვთა სისტემის) და ვეგეტონევროზი (ვეგეტო-სისხლძარღვოვანი დისტონია).

მიღების წესი და დოზირება:

მოზრდილთათვის რეკომენდებულია 1-2 კაფსულა 2-3-ჯერ დღეში, ხანგრძლივად მისაღებად.

უფროსი ასაკის ბავშვებისათვის – 1 კაფსულა 1-3-ჯერ დღეში.

კაფსულები მიიღება დაუღეჭავად მცირე რაოდენობით სითხესთან ერთად.

გვერდითი მოვლენები:

* იშვიათად მომატებული მგრძნობელობის გამოვლინებები.

უკუჩვენებები:

* პრეპარატის კომპონენტებისადმი მომატებული მგრძნობელობა.

განსაკუთრებული მითითებები:

ორსულობისა და ლაქტაციის (ძუძუთი კვების) პერიოდში პრეპარატის მიღება ჩვენების  მიხედვით.

სომნა-რიცი აძლიერებს საძილე, სედატიური და სპაზმოლიზური საშუალებების მოქმედებას.

შენახვის პირობები:

პრეპარატი ინახება 10-25⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

CITICOLINE

მწარმოებელი: FERRER INTERNACIONAL, ესპანეთი

მოქმედი ნივთიერება: ციტიკოლინი

კლინიკურ-ფარმაკოლოგიური ჯგუფი:

ნეიროპროტექტორი. თავის ტვინში რეგენერაციის გამაძლიერებელი საშუალება.

შემადგენლობა და გამოშვების ფორმა:

ხსნარი პერორალური მიღებისათვის: ფლაკონში 30 მლ

1 მლ

ციტიკოლინი ……………………….   100 მგ

საინექციო ხსნარი ამპულაში 4 მლ, შეფუთვაში 5 ც.

1 ამპ.

ციტიკოლინი ……………………..    500 მგ

ფარმაკოლოგიური თვისებები:

ციტიკოლინი ასტიმულირებს ნეირონების მემბრანის სტრუქტურული ფოსფოლიპიდების ბიოსინთეზს.  თავისი მოქმედებით ციტიკოლინი აუმჯობესებს ისეთი მემბრანული მექანიზმების ფუნქციონირებას, როგორიცაა იონური ტუმბოები და რეცეპტორები. ამ უკანასკნელთა რეგულაციის გარეშე კი შეუძლებელია ნერვული იმპულსების ნორმალური გატარება.

მემბრანებზე მასტაბილებული მოქმედების წყალობით ციტიკოლინი  ავლენს შეშუპების საწინააღმდეგო თვისებებს და ამცირებს ტვინის შეშუპებას. კლინიკურმა კვლევებმა აჩვენეს, რომ ციტიკოლინი ამცირებს ტვინის დისფუნქციის გამოვლინებებს ისეთი ბიოლოგიური პროცესების დროს, როგორიცაა თავის ქალას ტრავმა და თავის ტვინში სისხლის მიმოქცევის მწვავე მოშლა. ციტიკოლინი ამცირებს ამნეზიის ხარისხს, აუმჯობესებს მდგომარეობის კოგნიტური, სესიტური და მოტორული დარღვევების დროს.

ჩვენებები:

• თავის ტვინში სისხლის მიმოქცევის მოშლა როგორც მწვავე, ასევე რეაბილიტაციის სტადიაში;
• თავის ქალას ტრავმები და მათი შედეგები;
• კოგნიტური, სენსიტური, მოტორული და ნეიროფსიქოლოგიური დარღვევები, დაკავშირებული დეგენერაციული და სისხლძარღვოვანი წარმოშობის ცერებრულ პათოლოგიებთან.

მიღების წესი და დოზირება:

ხსნარი პერორალური მიღებისათვის

მოზრდილები: 200 მგ (2 მლ) 3-ჯერ დღეში.

ბავშვები: 100 მგ (1 მლ) 2-3-ჯერ დღეში.

საინექციო ხსნარი: 1-2 ინექცია დღეში დაავადების სიმძიმის მიხედვით.

გვერდითი მოვლენები:

ხსნარი პერორალური მიღებისათვის: ძალზე იშვიათად შესაძლებელია კუჭ-ნაწლავის აშლილობა, გულისრევა, ტკივილი კუჭის არეში, დიარეა.

საინექციო ხსნარი: იშვიათად პრეპარატმა შეიძლება გამოიწვიოს როგორც პარასიმპათური ნერვული სისტემის სტიმულირება, ასევე წნევის უმნიშვნელო დაქვეითება, რაც თავისთავად სწრაფად გაივლის.

უკუჩვენებები:

* მომატებული მგრძნობელობა პრეპარატის კომპონენტებისადმი.

* პარასიმპათური ნერვული სისტემის მომატებული ტონუსი.

განსაკუთრებული მითითებები:

ხსნარი პერორალური მიღებისათვის

გამოიყენება სპეციალური შპრიცი შემდეგნაირად: ჩავუშვათ შპრიცი ფლაკონში, დგუშით ამოვიღოთ პრეპარატის საჭირო რაოდენობა. დალევის წინ დავუმატოთ წყლის მცირე რაოდენობა. ყოველი გამოყენების შემდეგ შპრიცი გულდასმით უნდა გაირეცხოს.

საინეციო ხსნარი

კეთდება კუნთებში ან ვენაში ნელა (3-5 წთ-ის განმავლობაში) ან ვენაში წვეთოვნად პრეპარატი შეიძლება გაიხსნას ნებისმიერ იზოტონურ ხსნარში, აგრეთვე გლუკოზის ჰიპერტონულ ხსნარშიც.

ქალას ღრუში პერსისტული სისხლჩაქცევისას ხსნარი შეყვანილ უნდა იქნას წვეთოვნად ძალზე ნელა (30 წვეთი წუთში) და დოზა არ უნდა აღემატებოდეს 1000 მგ.

სხვა წამლებთან ურთიერთქმედება:

– პრეპარატი არ უნდა იქნეს გამოყენებული მეკლოფენოქსატის შემცველ საშუალებებთან ერთად.

– აძლიერებს ლევოდოპას ეფექტს.

შენახვის პირობები:

პრეპარატი ინახება ბავშვებისათვის მიუწვდომელ ადგილას.

ვარგისიანობის ვადა: მითითებულია შეფუთვაზე.