საერთაშორისო დასახელება:

FLUTICASONE; SALMETEROL

მწარმოებელი: GLAXOSMITHKLINE, დიდი ბრიტანეთი

მოქმედი ნივთიერება: სალმეტეროლი+ფლუტიკაზონი

კლინიკურ-ფარმაკოლოგიური ჯგუფი:

კომბინირებული ანტიასთმური პრეპარატი, ანთების საწინააღმდეგო და ბრონქოლიზური მოქმედებით საინჰალაციო გამოყენებისათვის.

შემადგენლობა და გამოშვების ფორმა:

ფხვნილი ინჰალაციისათვის: ინჰალატორში დისკუსი 60 დოზა.

1 დოზა

სალმეტეროლი (ქსინაფოატის სახით)..... 50 მკგ

ფლუტიკაზონის პროპიონატი ...........  100 მკგ

ფხვნილი ინჰალაციისათვის: ინჰალატორში დისკუსი 60 დოზა.

1 დოზა

სალმეტეროლი (ქსინაფოატის სახით) .......    50 მკგ

ფლუტიკაზონის პროპიონატი ..............      250 მკგ

ფხვნილი ინჰალაციისათვის: ინჰალატორში დისკუსი 60 დოზა.

1 დოზა

სალმეტეროლი (ქსინაფოატის სახით) .......    50 მკგ

ფლუტიკაზონის პროპიონატი...................  500 მკგ

დამხმარე ნივთიერებები: ლაქტოზა

ფარმაკოლოგიური თვისებები:

მოქმედების მექანიზმი განპირობებულია აქტური ნივთიერებების თავისებურებით. სალმეტეროლი - β₂-ადრენორეცეპტორების სელექციური აგონისტი ხანგრძლივი მოქმედებით (12 სთ.) სალმეტეროლის მოლეკულა შეიცავს გრძელ გვერდით ჯაჭვს, რომელიც უკავშირდება რეცეპტორის გარე ნაწილს. აღნიშნული ფარმაკოლოგიური თავისებურება განაპირობებს სალმეტეროლით ჰისტამინ-ინდუცირებული ბრონქოსპაზმის პროფილაქტიკას, პროლონგირებულ (არანაკლებ (12 სთ) ბრონქოდილატაციას და ბრონქების ჰიპერრეაქტიულობის შემცირებას.

In vitro ცდებმა ცხადყო, რომ სალმეტეროლი ეფექტურად და ხანგრძლივად აინჰიბირებს ჰისტამინის, ლეიკოტრიენების და D₂ პროსტაგლანდინების გამოყოფას პოხიერი უჯრედებიდან. სალმეტეროლი აგრეთვე თრგუნავს აეროალერგენებზე რეაქციის ადრეულ და მოგვიანებით სტადიებს; პრეპარატის ერთჯერადი დოზის მიღების შემდეგ მოგვიანებითი სტადია გრძელდება 30 სთ-მდე.

ფლუტიკაზონის პროპიონატი გლუკოკორტიკოსტეროიდული საშუალებაა (გკს). რეკომენდებულ დოზებში საინჰალაციო გზით მიღებისას ავლენს გამოხატულ ანთების საწინააღმდეგო ეფექტს, რაც იწვევს სასუნთქი სისტემის ობსტრუქციული დაავადებისათვის დამახასიათებელი სიმპტომების ინტენსივობის შემცირებასა და დაავადებების გამწვავებების სიხშირის შემცირებას სისტემური გლუკოკორტიკოსტეროიდებისათვის დამახასიათებელი გვერდითი მოვლენების გარეშე.

მოზრდილებსა და ბავშვებში საინჰალაციო ფლუტიკაზონის პროპიონატის მაქსიმალური დოზების ხანგრძლივი გამოყენებისას თირკმელზედა ჯირკვლის ქერქის ჰორმონების დღიური სეკრეცია ნორმის ფარგლებში რჩება. სხვა საინჰალაციო გკს-ზე მყოფი პაციენტების საინჰალაციო ფლუტიკაზონის პროპიონატზე გადაყვანამ აჩვენა, რომ პერორალური გკს-ების წინასწარი მიღების მიუხედავად, თირკმელზედა ჯირკვლის ქერქის ჰორმონების დღიური სეკრეცია თანდათანობით უბრუნდება ნორმას. ფლუტიკაზონის პროპიონატის ხანგრძლივი მიღების დროს აგრეთვე ნორმის ფარგლებში ნარჩუნდება თირკმელზედა ჯირკვლის ქერქის სარეზერვო ფუნქცია, რაც დასტურდება მასტიმულირებელი ტესტის შედეგებით. საჭიროა იმის გათვალისწინებაც, რომ თირკმელზედა ჯირკვლის სარეზერვო ფუნქციის ნარჩენითი დაქვეითება შეიძლება ნარჩუნდებოდეს ხანგრძლივი დროის განმავლობაში ჩატარებული თერაპიის შემდეგ. სერეტიდი დისკუსი უზრუნველყოფს პაციენტებისათვის უფრო მოსახერხებელი თერაპიის რეჟიმს.

ფარმაკოკინეტიკა:

სალმეტეროლისა და ფლუტიკანის პროპიონატის საინჰალაციო გზით ერთდროული მიღება არ მოქმედებს თითოეული კომპონენტის ფარმაკოკინეტიკურ მაჩვენებლებზე.

სალმეტეროლი: ინფორმაცია სალმეტეროლის ფარმაკოკინეტიკური მაჩვენებლების შესახებ შეზღუდული რაოდენობით მოიპოვება, ვინაიდან საინჰალაციო გზით გამოყენებისას სისხლის პლაზმაში პრეპარატის უმცირესი კონცენტრაციის (200 პგ/მლ და ნაკლები) განსაზღვრა ტექნიკურად რთული განსახორციელებელია.

ფლუტიკაზონის პროპიონატი: ფლუტიკაზონის პროპიონატის აბსოლუტური სისტემური  ბიოშეღწევადობა საინჰალაციო გზით შეყვანისას შეადგენს 10-30%-ს. სისტემური აბსორბცია უპირატესად ფილტვებში ხდება. საინჰალაციო დოზის ნაწილი შეიძლება კუჭში მოხვდეს ყლაპვის შედეგად, მაგრამ მისი სისტემური მოქმედება მინიმალურია პრეპარატის წყალში დაბალი ხსნადობისა და ინტენსიური მეტაბოლიზმის გამო ღვიძლში პირველადი მოხვედრისას. ფლუტიკაზონის პროპიონატის პერორალური მიღებისას პრეპარატის ბიოშეღწევადობა 1%-ზე ნაკლებია. ფლუტიკაზონის პროპიონატს გააჩნია მაღალი პლაზმური კლირენსი (1150 მლ/წთ) და დიდი V_d (დაახლოებით 300 ლ). ფლუტიკაზონის პროპიონატი სწრაფად გამოიყოფა სისხლის მიმოქცევის სისტემიდან არააქტიური მეტაბოლიტის სახით.

ფლუტიკაზონის პროპიონატის თირკმლის კლირენსი უმნიშვნელოა (0.2%-ზე ნაკლები), მისი მეტაბოლიტის 5%-ზე ნაკლები გამოიყოფა შარდის მეშვეობით. T_1/2 შეადგენს დაახლოებით 8 სთ-ს.

ჩვენებები:

• ბაზისური თერაპია დაავადების სასუნთქი გზების შექცევადი ობსტრუქციების თანხლებით (ბავშვებისა და მოზრდილების ბრონქული ასთმის ჩათვლით), როდესაც მიზანშეწონილია კომბინირებული თერაპიის დანიშვნა (ბრონქოდილატატორისა და საინჰალაციო გკს ჯგუფის პრეპარატი);
• პროლონგირებული β₂-ადრენომიმეტიკების და ინჰალაციური გლუკოკორტიკოსტეროიდების შემანარჩუნებელ თერაპიაზე მყოფი პაციენტები;
• პაციენტები, რომელთაც საინჰალაციო გლუკოკორტიკოსტეროიდების თერაპიის ფონზე უნარჩუნდებათ დაავადების სიმპტომები;
• რეგულარულ ბრონქოდილატაციურ თერაპიაზე მყოფი პაციენტები, რომლებსაც ესაჭიროებათ საინჰალაციო გკს.

მიღების წესი და დოზირება:

- სერეტიდი დისკუსი ნაჩვენებია მხოლოდ საინჰალაციო გამოყენებისათვის.

- პაციენტი ინფორმირებული უნდა იყოს, რომ აუცილებელია სერეტიდი დისკუსის რეგულარული გამოყენება დაავადების სიმპტომების არარსებობის დროსაც. მკურნალობის განმავლობაში აგრეთვე აუცილებელია პაციენტის ექიმის მეთვალყურეობის ქვეშ ყოფნა პრეპარატის ოპტიმალური დოზის შერჩევის მიზნით.

- სერეტიდი დისკუსის საწყისი დოზის განსაზღვრა ხდება დაავადების სიმძიმის ხარისხის შესაბამისი ფლუტიკაზონის პროპიონატის დოზის საფუძველზე. შემდეგ რეკომენდებულია საწყისი დოზის თანდათანობით შემცირება მინიმალურ ეფექტურ დოზამდე.

მოზრდილებს და მოზარდებს 12 წლისა და მეტი ასაკის მდგომარეობის შესაბამისად ენიშნებათ 1 ინჰალაცია (50 მკგ სალმეტეროლი და 100 მკგ ფლუტიკაზოინს პროპიონატი; ან 50 მკგ სალმეტეროლი და 250 მკგ ფლუტიკაზონის პროპიონატი; ან 50 მკგ სალმეტეროლი და 500 მკგ ფლუტიკაზონის პროპიონატი) 2-ჯერ დღეში.

ბავშვებს 4 წლიდან 12 წლამდე ენიშნებათ 1 ინჰალაცია (50 მკგ სალმეტეროლი და 100 მკგ ფლუტიკაზონის პროპიონატი) 2-ჯერ დღეში.

გვერდითი მოვლენები:

ვინაიდან სერეტიდი დისკუსი სალმეტეროლისა და ფლუტიკაზონის შემცველი კომბინირებული პრეპარატია, შესაბამისად პრეპარატის გამოყენებისას შეიძლება გამოვლინდეს თითოეული კომპონენტისათვის დამახასიათებელი გვერდითი მოვლენები; მათი ერთდროული გამოყენება დამატებით გვერდით მოვლენებს არ იწვევს.

სალმეტეროლი

გულ-სისხლძარღვთა სისტემის მხრივ: გულის ფრიალი, თავის ტკივილი (ტრანზიტორული ხასიათისაა და პრეპარატის რეგულარული გამოყენების ფონზე ინტენსივობა კლებულობს); იშვიათად (წინასწარი განწყობილების მქონე პაციენტებში) - გულის რითმის დარღვევა (მათ შორის მოციმციმე არითმია, სუპრავენტრიკულური ტაქიკადრია, ექსტრასისტოლიები).

ალერგიული რეაქციები: გამონაყარი, ანგიონევროზული შეშუპება.

სხვა გვერდითი მოვლენები: ტრემორი, ართრალგია, ხახის ლორწოვანის გაღიზიანება; ერთეულ შემთხვევებში - კუნთის კრუნჩხვები.

ფლუტიკაზონის პროპიონატი

სასუნთქი სისტემის მხრივ: ხმის ჩახლეჩვა, პირის ღრუსა და ხახის კანდიდოზი, პარადოქსული ბრონქოსპაზმი.

სხვა გვერდითი მოვლენები: იშვიათ შემთხვევებში - ალერგიული რეაქციები კანის მხრივ.

უკუჩვენებები:

* მომატებული მგრძნობელობა პრეპარატის კომპონენტების მიმართ.

ორსულობა და ლაქტაცია:

ორსულობისა და ლაქტაციის პერიოდში ნაჩვენებია დაავადების ხანგრძლივი მკურნალობის მიზნით.

მისი გამოყენება შეტევის კუპირებისათვის რეკომენდებული არ არის. ამ უკანასკნელ შემთხვევაში რეკომენდებულია ხანმოკლე მოქმედების საინჰალაციო ბრონქოდილატატორების (მაგ., სალბუტამოლი) გამოყენება.

განსაკუთრებული მითითებები:

◄ ბრონქოდილატატორებზე მოთხოვნილების გაზრდა დააავადების გამწვავებაზე მიუთითებს.

◄ ბრონქული ასთმის უეცარი და პროგრესირებაში გამწვავება პაციენტის სიცოცხლისათვის საფრთხეს წარმოადგენს, ამიტომ მსგავს შემთხვევებში აუცილებელია პაციენტის მკურნალობის სქემის გადახედვა და გკს-ის დოზის გაზრდაზე გადაწყვეტილების მიღება.

◄ სერეტიდი დისკუსით თერაპიის სწრაფი შეწყვეტა რეკომენდებული არ არის.

◄ სიფრთხილით ენიშნებათ საინჰალაციო გკს-ს ფილტვის ტუბერკულოზით (როგორც აქტიური, ასევე არააქტიური ფორმით) დაავადებულ პაციენტებს, ასევე პაციენტებს ჰიპერთირეოზით.

◄ ხმის ჩახლეჩვისა და პირის ღრუს კანდიდოზის განვითარების პროფილაქტიკისათვის რეკომენდებულია პირის ღრუს წყლით გამორეცხვა ინჰალაციის შემდეგ.

◄ საინჰალაციო პრეპარატებმა შეიძლება გამოიწვიონ პარადოქსალური ბრონქოსპაზმი, რომლის კუპირება აუცილებელია სასწრაფოდ სწრაფად მოქმედი ბრონქოდილალატორების საშუალებით.

◄ ხანში შესული პაციენტები და თირკმლის უკმარისობის მქონე პაციენტები დოზის სპეციალურ შერჩევას არ  საჭიროებენ.

პედიატრიაში გამოყენება: მონაცემები სერეტიდი დისკუსის 4 წლამდე ასაკის ბავშვებში გამოყენების შესახებ არ მოიპოვება.

ჭარბი დოზირება:

ამჟამად ინფორმაცია სერეტიდი დისკუსის დოზის გადაჭარბების შესახებ არ მოიპოვება.

სალმეტეროლი

სალმეტეროლის დოზის გადაჭარბება ვლინდება ტრემორით, თავის ტკივილითა და ტაქიკარდიით. საუკეთესო ანტიდოტს აღნიშნულ შემთხვევაში წარმოადგენენ კარდიოესელექციური  α₁-ადრენობლოკატორები, თუმცა მათი გამოყენება ბრონქოსპაზმის მქონე პაციენტებში სიფრთხილით უნდა მოხდეს. თუ სალმეტეროლის დოზის გადაჭარბების გამო  ნაჩვენებია სერეტიდი დისკუსის მოხსნა, პაციენტს აუცილებლად უნდა დაენიშნოს შესაბამისი ჩანაცვლებითი სტეროიდული თერაპია.

ფლუტიკაზონის პროპიონატი

საინჰალაციო ფლუტიკაზონის პროპიონატის რეკომენდებულზე მაღალი დოზებით გამოყენებისას შესაძლებელია განვითარდეს თირკმელზედა ჯირკვლის ფუნქციის დროებითი დათრგუნვა. რეკომენდებულია თირკმელზედა ჯირკვლის სარეზერვო ფუნქციის მონიტორინგი.

ფლუტიკაზონის პროპიონატის დოზის გადაჭარბების შემთხვევაში შესაძლებელია პრეპარატით მკურნალობის გაგრძელება დოზებში, რომლებიც საკმარისია თერაპიული ეფექტის შენარჩუნებისათვის.

სხვა წამლებთან ურთიერთქმედება:

ვინაიდან საინჰალაციო ფლუტიკაზონის პროპიონატის ძალიან მცირე კონცენტრაცია ხვდება სისხლის პლაზმაში, სხვა სამკურნალო პრეპარატებთან არასასურველი ურთიერთქმედება ნაკლებად სავარაუდოა.

- სერეტიდი დისკუსის CYP3A4 ფერმენტის ინჰიბიტორებთან (მაგ., კეტოკონაზოლი) დანიშვნა სიფრთხილით უნდა მოხდეს, ვინაიდან ფლუტიკაზონის პროპიონატის სისტემური მოქმედება შეიძლება გაიზარდოს.

შენახვის პირობები:

პრეპარატი ინახება არა უმეტეს 30⁰C ტემპერატურაზე.

ვარგისიანობის ვადა: 2 წელი.

საერთაშორისო დასახელება:

SALMETEROL

მწარმოებელი: GLAXOSMITHKLINE, დიდი ბრიტანეთი

მოქმედი ნივთიერება: სალმეტეროლი

კლინიკურ-ფარმაკოლოგიური ჯგუფი:

ბრონქოლიზური პრეპარატი - ბეტა₂-ადრენომიმეტური საშუალება.

შემადგენლობა და გამოშვების ფორმა:

აეროზოლი ინჰალაციისათვის: ბალონში 60 დოზა.

1 დოზა

სალმეტეროლი .........    25 მკგ

ფარმაკოლოგიური თვისებები:

სერევენტი ახალი თაობის ხანგრძლივად მოქმედი ბეტა₂-ადრენორეცეპტორების სელექტიური აგონისტია. თერაპიულ დოზებში იგი არ მოქმედებს გულ-სისხლძარღვთა სისტემაზე. ავადმყოფებში სასუნთქი გზების შექცევადი ობსტრუქუციით, იგი იწვევს (1 საათის განმავლობაში) ბრონქების ხანგრძლივ გაფართოვებას პრეპარატის რეგულარული გამოყენება უზრუნველყოფს ფილტვების ფუნქციის გაუმჯობესებასა, ამცირებს სასუნთქი გზების ობსტრუქციის გამოხატულებას და ბრონქული ასთმის ღამის შეტევებს.

In vitro ცდებმა ცხადყო, რომ სერივენტი მძლავრად და ხანგრძლივად აინჰიბირებს ჰისტამინის, ლეიკოტრიენების და პროსტაგლანდინების გამოყოფას, ხოლო in vivo  თრგუნავს ბრონქების ადრეულ და მოგვიანებით რეაქტიულობას.

სერევენტის მოქმედების დასაწყისი აღინიშნება პრეპარატის მიღებიდან 5-10 წუთში, ბრონქოლიზური ეფექტის ხანგრძლივობით 12 საათი. პრეპარატი არ გამოიყენება ბრონქოსპაზმის კუპირებისათვის. იგი ინიშნება მხოლოდ ბრონქული ასთმის სიმპტომების ხანგრძლივი კონტროლის მიზნით.

ფარმაკოკინეტიკა:

შეწოვა: სერევენტის გამოყენებისას დოზით 50 მკგ 2-ჯერ დღეში პლაზმაში მისი მაქსიმალური კონცენტრაცია შეადგენს 200 პგ/მლ, რის შემდეგაც იგი სწრაფად მცირდება.

გამოყოფა: პრეპარატი ძირითადად გამოიყოფა კუჭ-ნაწლავის  ტრაქტით. იგი ძირითადად ექსკრეტირდება სალმეტეროლის ჰიდროქსილირებული მეტაბოლიტების სახით.

ჩვენებები:

• პრეპარატით ხანგრძლივი რეგულარული მკურნალობა სასუნთქი გზების შექცევადი ობსტრუქციული დაავადებების, ბრონქული ასთმის (მათ შორის პაციენტებში ასთმის ღამის შეტევებით და ფიზიკური დატვირთვით გამოწვეული შეტევებით) და ქრონიკული ბრონქიტების დროს.

მიღების წესი და დოზირება:

სერევენტი ნაჩვენებია მხოლოდ ინჰალაციის გზით მიღებისათვის.

მოზრდილებში: 2 ინჰალაცია (2X25 მკგ) 2-ჯერ დღეში. საჭიროების შემთხვევაში შესაძლებელია დოზის გაზრდა - 2 ინჰალაცია 50 მკგ 2-ჯერ დღეში.

გვერდითი მოვლენები:

სასუნთქი სისტემის მხრივ: შესაძლებელია პარადოქსული ბრონქოსპაზმის განვითარება (ამ შემთხვევაში საჭიროა პრეპარატის მიღების შეწყვეტა და ალტერნატიული მკურნალობის დანიშვნა).

გულ-სისხლძარღვთა სისტემის მხრივ: იშვიათად  - თავის ტკივილი, ტაქიკარდია.

სხვა: შესაძლებელია ჰიპოკალიემიის განვითარება, იშვიათად - ტრემორი (რომელიც მცირდება მკურნალობის დროს და შესაძლებელია გაქრეს ადექვატური დოზის შერჩევისას).

უკუჩვენებები:

* მომატებული მგრძნობელობა პრეპარატის რომელიმე კომპონენტის მიმართ.

ორსულობა და ლაქტაცია:

ორსულობის და ლაქტაციის პერიოდში პრეპარატი ინიშნება მხოლოდ იმ შემთხვევაში, როდესაც მისი მოსალოდნელი სასარგებლო ეფექტი აღემატება პოტენციურ რისკს.

განსაკუთრებული მითითებები:

♦ პრეპარატი ინიშნება მხოლოდ მოზრდილებში. პრეპარატის ხანგრძლივი მოქმედებიდან გამომდინარე, შესაძლებელია მისი გამოყენება ფიზიკური დატვირთვით გამოწვეული ასთმის შეტევების და ღამის შეტევების პროფილაქტკისათვის.

♦ სერევენტი სიფრთხილით ინიშნება თირეოტოქსიკოზით შეპყრობილ პაციენტებში. პაციენტებში ღვიძლის ფუნქციის დარღვევისას და ხანდაზმულებში დოზის შეცვლა არ არის აუცილებელი.

♦ სევერენტის რეგულარული გამოყენებისას ბევრ პაციენტში შეიძლება შემცირებულ იქნას სხვა ხანმოკლე მოქმედების სიმპათომიმეტური საშუალებების გამოყენება.

♦ სერევენტის მიღებისას არ არის რეკომენდებული ინჰალაციური გლუკოკორტიკოიდების და სხვა პროფილაქტიკური საშუალებების მოხსნა.

ჭარბი დოზირება:

სიმპტომები: ტრემორი, თავის ტკივილი, ტაქიკარდია.

მკურნალობა: კარდიოსელექტიური  ბეტა-ადრენობლოკატორების შეყვანა.

სხვა წამლებთან ურთიერთქმედება:

- სერევენტის ქსატანის წარმოებულებთან, გლუკოკორტიკოიდებთან და დიურეზულ საშუალებებთან კომბინირებისას მატულობს ჰიპოკალიემიის განვითარების რისკი, განსაკუთრებით ბრონქული ასთმის გამწვავების დროს და ჰიპოქსიის შემთხვევაში. ასეთ დროს აუცილებელია სისხლის პლაზმაში კალიუმის  შემცველობის მკაცრი კონტროლი.

შენახვის პირობები:

პრეპარატი ინახება ოთახის ტემპერატურაზე, ბავშვებისაგან დაცულ ადგილას.

ვარგისიანობის ვადა: 2 წელი.

საერთაშორისო დასახელება:

CO-TRIMOXAZOLE

მწარმოებელი: დიდი ბრიტანეთი

მოქმედი ნივთიერება: სულფამეტოქსაზოლი+ტრიმეტოპრიმი

კლინიკურ-ფარმაკოლოგიური ჯგუფი:

სულფანილამიდური ანტიმიკრობული საშუალება.

შემადგენლობა და გამოშვების ფორმა:

ტაბლეტები: შეფუთვაში 20 ც.

1 ტაბ.

სულფამეტოქსაზოლი ..........    400 მგ

ტრიმეტოპრიმი ...................    80 მგ

ფარმაკოლოგიური თვისებები:

პრეპარატი წარმოადგენს სულფანილამიდების ჯგუფის ანტიმიკრობულ საშუალებას, რომლის მოქმედების მექანიზმი განპირობებულია მასში შემავალი კომპონენტების სულფამეტოქსაზოლისა და ტრიმეტროპრიმის თვისებებით. სულფამეტოქსაზოლი ავლენს ბაქტერიოსტატულ მოქმედებას, რომელიც დაკავშირებულია ბაქტერიულ უჯრედებში პარაამინობენზონის მჟავის უტილიზაციის დარღვევასთან და დიჰიდროფორის მჟავის სინთეზის ინჰიბირებასთან.

ტრიმეტოპრიმი იწვევს ბაქტერიის დიჰიდროფოლატრედუქტაზას შექცევად ინჰიბირებას ფერმენტის, რომელიც აქტიურად მონაწილეობს ფოლის მჟავას მეტაბოლიზმში, სადაც ახდენს დიჰიდროფოლატის გარდაქმნას ტეტრაჰიდროფოლატად. სხვადასხვა პირობებში შესაძლოა განვითარდეს ბაქტერიოციდული ეფექტი. ამგვარად, ტრიმეტროპრიმი და სულფამეტოქსაზოლი აბლოკირებენ პურინების ორი მომდევნო სტადიის და შესაბამისად, ნუკლეინური მჟავების ბიოსინთეზს, რომლებიც აუცილებელია ბაქტერიების გამრავლებისა და ზრდისთვის.

სეპტრინი აქტიურია გრამდადებითი ბაქტერიების - Listeria monocytogenes, Nocardia, Staphylococcus spp. (S.aureus, S. epidermidis, S. faecalis, S. pneumoniae, S. pyogenes, S. viridans) მიმართ. გრამუარყოფითი ბაქტერიების - Bordetella pertussis, Brucella spp., Citrobacter spp., Escherichia coli (ენტეროტოქსოგენური შტამების ჩათვლით), Haemophilus influenzae (ამპიცილინის მიმართ მდგრადი შტამები), Enterobacter spp., Proteus spp., Salmonella spp., Shigella spp., Vibrio cholerae, Yersinia spp., Legionella pneumophila, Neisseria spp., Providencia, Serratia marcescens, Neisseria spp., Providencia, Pseudomonas ზოგიერთი სახეობების მიმართ, P. aeruginosa- ს გარდა.

სეპტრინი არ არის აქტიური მიკოპლაზმების მიმართ, როგორიცაა: Ureaplasma urealyticum, Mycobacterium tuberculosis, Treponema pallidum.

ფარმაკოკინეტიკა:

პერორალურად მიღების შემდეგ სეპტრინი სწრაფად და თითქმის მთლიანად აბსორბირდება კუჭ-ნაწლავის ტრაქტიდან, კუჭში საკვების არსებობა ანელებს აბსორბციის პროცესს. სისხლში პრეპარატის მაქსიმალური კონცენტრაცია აღინიშნება 1- 4 საათის შემდეგ და მისი დონე დამოკიდებულია მიღებულ დოზაზე. სეპტრინის სტაბილური კონცენტრაცია აღინიშნება პრეპარატის მიღებიდან 2-3 დღის შემდეგ. პრეპარატის შემადგენლობაში შემავალი კომპონენტები არ ახდენენ ერთმანეთის კონცენტრაციაზე ურთიერთმოქმედებას.

ტრიმეტროპრიმი წარმოადგენს სუსტ ფუძეს ლიპოფილური თვისებებით. მისი კონცენტრაცია ქსოვილებში ჩვეულებრივ უფრო მაღალია, ვიდრე შესაბამისი კონცენტრაცია პლაზმაში. ტრიმეტროპრიმის შედარებით მაღალი კონცენტრაცია აღინიშნება ფილტვებსა და თირკმელებში, რამდენადმე მცირე - ნაღველში, წინამდებარე ჯირკვლის სეკრეტსა და ქსოვილებში, ნერწყვში, ნახველში, ვაგინალურ გამონაყოფებში. ტრიმეტროპრიმის კონცენტრაცია თვალის სითხეში, დედის რძეში, ზურგის ტვინის სითხეში, ინტერსტიციულ სითხეებში საკმარისია ანტმიკრობული მოქმედების უზრუნველსაყოფად.

ტრიმეტროპრიმის ცილებთან კავშირი შეადგენს 50%-ს. მისი ნახევარგამოყოფის პერიოდი თირკმელების ნორმალური ფუნქციის დროს შეადგენს 8.6-17 საათს; 10 მლ/წთ-ზე ნაკლები კრეატინინის კლირენსისას ნახევარგამოყოფის პერიოდი იზრდება 1.5-3-ჯერ. ტრიმეტროპრიმი გამოიყოფა 24 საათის განმავლობაში უშუალოდ თირკმელებით, უცვლელი (მიღებული დოზით 50%) და მეტაბოლიტების სახით. შარდში ტრიმეტროპრიმის კონცენტრაცია მნიშვნელოვნად მერყეობს.

სულფამეტოქსაზოლი წარმოადგენს სუსტ მჟავას, რომლის კონცენტრაცია თვალის სითხეში, ნაღველში, ზურგის ტვინის სითხეში, ნახველსა და ინტერსტიციულ სითხეებში პლაზმის კონცენტრაციის 20-30% შეადგენს. სულფამეტოქსაზოლის ცილებთან კავშირი 66%-ია. თირკმელების ნორმალური ფუნქციის დროს მისი ნახევარგამოყოფის პერიოდი შეადგენს 9-12 საათს. 25 მლ/წთ კრეატინინის კლირენსის დროს ხდება სულფამეტოქსაზოლის აცეტილირებული მეტაბოლიტის ნახევარგამოყოფის პერიოდის გაზრდა. სულფამეტოქსაზოლი გამოიყოფა ძირითადად თირკმელებით უცვლელი სახით.

ჩვენებები:

• საშარდე გზების ბაქტერიული ინფექციები (მათ შორის მწვავე ინფექციები, რეციდივული ან ქრონიკული ინფექციების გამწვავების ხანგრძლივი პროფილაქტიკა ბაქტერიურიის არ არსებობისას);
• სასუნთქი გზების ბაქტერიული ინფექციები: სინუსიტები, მწვავე და ქრონიკული ბრონქიტი, ქრონიკული ბრონქიტის ხანგრძლივი პროფილაქტიკა, ბრონქოექტაზური დაავადება, პნევმონიის პროფილაქტიკა და მკურნალობა;
• სასქესო ორგანოების ინფექციები: გონორეა, მსუბუქი შანკრი, ვენეროლოგიური ლიმფოგრანულემა, საზარდულის გრანულემა;
• ინფექციები კუჭ-ნაწლავის ტრაქტის მხრივ: ინფექციური გენეზის დიარეა, გასტროენტერიტის მკურნალობა და პროფილაქტიკა, რომელსაც იწვევს E.coli შიგელოზის, ქოლერას, მუცლის ტიფის და პარატიფის (მათ შორის ბაქტერიის მტარებლობისას) დროს;
• კანის ინფექციები: აკნე, ფურუნკული, აბსცესი, პიოდერმია;
• ჭრილობისმიერი ინფექციები;
• სხვა ბაქტერიული ინფექციები, რომლებიც გამოწვეულია პრეპარატის მიმართ მგრძნობიარე მიკროორგანიზმებით: სეპტიცემია, მწვავე და ქრონიკული ოსტეომიელიტი, მწვავე ბრუცელოზი;
• სოკოვანი დაავადებები: სამხრეთ ამერიკული ბლასტომიკოზი;
• პროტოზოული ინფექციები: მალარია, გამოწვეული Plasmodium falciparum-ით;

მიღების წესი და დოზირება:

დოზირება დგინდება ინდივიდუალურად დაავადების სიმძიმისა და გამომწვევების მიმართ მგრძნობელობის შესაბამისად. მსუბუქი და საშუალო სიმძიმის ინფექციების დროს სეპტრინი მიიღება პერორალურად. მძიმე ფორმის ინფექციების დროს, აგრეთვე როდესაც არ არის მისი პერორალურად მიღების საშუალება სეპტრინი შეჰყავთ ვენაში წვეთოვანი გზით.

12 წლის ასაკის ზევით ბავშვებსა და მოზრდილებში პრეპარატი ინიშნება 2-ჯერ დღეში 960 მგ-ის ოდენობით 12 სთ-იანი ინტერვალით.

12 წლამდე ასაკის ბავშვებში კი ერთჯერადი დოზა ინიშნება ასაკის შესაბამისად:

ასაკის მიუხედავად, პრეპარატის მიღების სიხშირეა 2-ჯერ დღეში (ყოველ 12 სთ-ში). სეპტრიმის სადღეღამისო დოზა შეესაბამება დაახლოებით 6 მგ/კგ ტრიმეტოპრიმს და 30 მგ/კგ სულფამეტოქსაზოლს.

მწვავე ინფექციების დროს მკურნალობა შესაძლოა გავახანგრძლივოთ კლინიკური სიმპტომების გაქრობამდე და შემდგომი 2 დღის განმავლობაში. მკურნალობის ხანგრძლივობის საშუალო კურსი შეადგენს 5 დღეს. პრეპარატის მიღებიდან 7 დღის შემდეგ, თუკი არ აღინიშნება სასურველი კლინიკური ეფექტი, საჭიროა პაციენტის ხელახალი გამოკვლევა და ანტიმიკრობული თერაპიის შეცვლა.

მძიმე ფორმის ინფექციური დაავადებების სამკურნალოდ პრეპარატის დოზა შესაძლებელია გავზარდოთ 50%-ით, ამავე დროს რეკომენდებული დოზის გამოყენება არ უნდა აჭარბებდეს 3 დღეს.

საშარდე გზების ქვედა ნაწილის გართულებების გარეშე მიმდინარე ინფექციების სამკურნალოდ პრეპარატის მიღება რეკომენდებულია 1-3 დღე.

12 წლის ასაკის ზევით ბავშვებსა და მოზრდილებში საშარდე გზების ქრონიკული ინფექციების გამწვავების ხანგრძლივი დროით პროფილაქტიკისათვის, როდესაც არ არსებობს ბაქტერიურია სეპტრინი მიიღება პერორალურად 480 მგ-ის ოდენობით ღამით;

12 წლამდე ასაკის ბავშვებში 2 მგ/კგ ტრიმეტოპრიმი და 10 მგ/კგ სულფამეტოქსაზოლი მიიღება ღამით; მკურნალობა შეიძლება გაგრძელდეს 3-12 თვის და მეტი ხნის განმავლობაში.

ქრონიკული პროსტატიტის დროს სეპტრინი გამოიყენება პერორალურად. მკურნალობის დასაწყისში რეკომენდებულია პრეპარატის შედარებით მაღალი დოზის მიღება, სტანდარტულ დოზასთან შედარებით. რეციდივის თავიდან აცილების მიზნით რეკომენდებულია მკურნალობის კურსის 3 თვემდე გაგრძელება.

პნევმოცისტოზის სამკურნალოდ, რომელიც გამოწვეულია Pneumocistis carinii-ით, პრეპარატი მიიღება პერორალურად (ან ვენაში წვეთოვანი გზით) დღეში 2-ჯერ 20 მგ/კგ ტრიმეტოპრიმისა და 100 მგ/კგ სულფამეტოქსაზოლის შემცველობით. მკურნალობის ხანგრძლივობა შეადგენს 2 კვირას. იმ შემთხვევაში, როდესაც პრეპარატი მკურნალობის დასაწყისში შეჰყავთ ვენაში, პერორალურად მიღების გზაზე უნდა გადავიდეთ რაც შეიძლება სწრაფად. პნევმოცისტოზის სამკურნალოდ პრეპარატი ინიშნება დაავადების რეციდივის გაქრობამდე პერორალურად.

გონორეის სამკურნალოდ სეპტრინი ინიშნება პერორალურად.

მოზრდილებში აღნიშნული დაავადების გართულების გარეშე მიმდინარეობისას პრეპარატი გამოიყენება შემდეგი სქემით: 2 დღის განმავლობაში ყოველ 12 საათში 480 მგ-ის ოდენობით.

2.4 გ საწყისი დოზა (5 ტაბლეტი, რომელიც შეიცავს 480 მგ კო-ტრიმოქსაზოლს) და 8 საათის შემდეგ კიდევ 2.4 გ.

იმ შემთხვევაში, როდესაც მკურნალობის კურსის წესი არ არის დაცული, მაშინ რეკომენდებულია პრეპარატის ერთჯერადად მიღება დოზით 3.84 გ (8 ტაბლეტი, რომელიც შეიცავს 480 მგ კო-ტრიმოქსაზოლს).

ცხვირ-ხახის გონოკოკური ინფექციის სამკურნალოდ სეპტრინი ინიშნება 3-ჯერ დღეში 960 მგ-ის ოდენობით 7 დღის განმავლობაში, ან 4.32 გ (9 ტაბლეტი, რომელიც შეიცავს 480 მგ კო-ტრიმოქსაზოლს) ერთხელ დღეში 7 დღის განმავლობაში.

მსუბუქი შანკრის, საზარდულის ლიმფოგრანულემატოზის დროს პრეპარატი ინიშნება პერორალურად საშუალო თერაპიულ დოზებში, მკურნალობის ხანგრძლივობა შეადგენს 10-15 დღეს.

ვენერიული გრანულომის დროს პრეპარატი გამოიყენება პერორალურად, საშუალო თერაპიულ დოზებში, რომლის მკურნალობის ხანგრძლივობა შეადგენს 2 კვირას.

მწვავე ბრუცელოზის არსებობისას პრეპარატი ინიშნება პერორალურად (ან კუნთებში); მკურნალობის დასაწყისში რეკომენდებულია პრეპარატი მივიღოთ საშუალო თერაპიულ დოზაზე მეტი. მკურნალობის ხანგრძლივობა შეადგენს 4 კვირას. რეკომენდებულია ხელმეორე კურსის ჩატარება.

მალარიის სამკურნალოდ, რომელიც გამოწვეულია Plasmodium falciparum-ით, სეპტრინი მიიღება პერორალურად, საშუალო დოზით ან 1.92 გ (4 ტაბლეტი, რომელიც შეიცავს 480 მგ კო-ტრიმოქსაზოლს) 2-ჯერ დღეში 2 დღის განმავლობაში. ბავშვებში რეკომენდებულია დოზის შესაბამისად შემცირება.

ბაქტერიამტარებლობისას, ტიფის ან პარატიფის სამკურნალოდ სეპტრინი ინიშნება საშუალო დოზებში. მკურნალობის ხანგრძლივობა შეადგენს 1-3 თვეს.

პაციენტებში თირკმელების ფუნქციის დაზიანებით, როდესაც კრეატინინის კლირენსი შეადგენს 25 მლ/წთ უფრო მეტს, სეპტრინი მიიღება საშუალო დოზებში. 15-25 მლ/წთ კრეატინინის კლირენსის არსებობისას სეპტრინი მიიღება საშუალო დოზით 3 დღის განმავლობაში, ხოლო შემდგომში ინიშნება საშუალო დოზის 50%. როდესაც კრეატინინის კლირენსი შეადგენს 15 მლ/წთ ნაკლებს, პრეპარატი ინიშნება საშუალო სადღეღამისო დოზის 50% (თუ ჩატარდება ჰემოდიალიზი).

გვერდითი მოვლენები:

კუჭ-ნაწლავის ტრაქტის მხრივ: ხანდახან - გულისრევა, ღებინება; იშვიათად - დიარეა, გლოსიტი, აღწერილი ფსევდომემბრანული კოლიტის განვითარების შესახებ ცალკეული შემთხვევები.

სისხლმბადი სისტემის მხრივ: ზოგიერთ შემთხვევებში ლეიკოპენია, ნეიტროპენია, თრომბოციტოპენია, იშვიათად - აგრანულოციტოზი, მეგალობლასტური ანემია და პურპურა. ზემოთაღნიშნული გვერდითი მოვლენები:ს უმრავლესობა სუსტად არის გამოხატული. შექცევადია და მიმდინარეობს კლინიკური გამოვლინებების გარეშე.

ხანდაზმულ პაციენტებში, რომელთაც დაზიანებული აქვთ თირკმელების და/ან ღვიძლის ფუნქცია, აგრეთვე გააჩნიათ ფოლის მჟავას დეფიციტი, აღნიშნული გვერდითი მოვლენები: შესაძლოა შედარებით მძიმე ფორმით მიმდინარეობდეს. ზოგიერთ პაციენტებს, რომელთაც აღენიშნებათ ფერმენტ გლუკოზა-6-ფოსფატდეჰიდროგენეზას დეფიციტი სეპტრინის მოქმედებით შესაძლოა განუვითარდეთ ჰემოლიზი.

ენდოკრინული სტატუსის მხრივ: არსებობს კლინიკური მონაცემები სეპტრინის უარყოფითად მოქმედების შესახებ ფარისებრი ჯირკვლის ფუნქციაზე. შესაძლოა ეს განპირობებული იყოს სულფამეტოქსაზოლის მოქმედებით.

ცნს-ის მხრივ: ცალკეულ შემთხვევებში - თავის ტკივილი, დეპრესია, თავბრუსხვევა, ჰალუცინაციები, თუმცა აღნიშნული სიმპტომებისა და სეპტრინის კავშირი არ არის დადგენილი.

ალერგიული და ტოქსიკურ-ალერგიული რეაქციები: იშვიათად - კანზე გამონაყარი (პრეპარატის მიღება უნდა შეწყდეს); ცალკეულ შემთხვევებში - პოლიმორფული ბუშტუკოვანი ერითემა (სტივენს-ჯონსონის სინდრომი), ტოქსიკურ ეპიდერმული ნეკროლიზი (ლაიელის სინდრომი).

უკუჩვენებები:

* ღვიძლის პარენქიმის მძიმე დაზიანება;

* სულფანილამიდების მიმართ მომატებული მგრძნობელობა;

* სისხლმბადი ორგანოების დაავადებები.

ორსულობა და ლაქტაცია:

ორსულობისა და ლაქტაციის პერიოდში სეპტრინის უსაფრთხოება არ არის დადგენილი, რის გამოც მისი გამოყენება ამ დროს არ არის რეკომენდებული. მხედველობაში უნდა მივიღოთ ის ფაქტი, რომ სეპტრინი აღწევს დედის რძეში.

განსაკუთრებული მითითებები:

♦ სეპტრინის მიღება არ არის რეკომენდებული დღენაკლულ და ახალშობილ ბავშვებში.

♦ 6 კვირიდან 5 თვემდე ასაკის ბავშვებში სეპტრინი ტაბლეტის ფორმით არ მიიღება.

♦ პრეპარატი სიფრთხილით ინიშნება ხანდაზმულ პაციენტებში, როდესაც მათი ორგანიზმი ფოლის მჟავას დეფიციტს განიცდის.

♦ თირკმელების ფუნქციით დაზიანებულ პაციენტებში სეპტრიმის მიღებიდან 12 საათის შემდეგ ყოველ 2-3 დღეში რეკომენდებულია სისხლის პლაზმაში სულფამეტოქსაზოლის დონის შემოწმება. იმ შემთხვევაში, როდესაც სუფლამეტოქსაზოლის საერთო კონცენტრაცია 150 მგ/მლ-ზე მეტია, მკურნალობა უნდა ჩავატაროთ მანამ, სანამ კონცენტრაცია არ შემცირდება 120 მგ/მლ-მდე.

♦ პაციენტებში, რომლებიც იტარებენ ციტოტოქსიკურ თერაპიას სეპტრინი არ ახდენს დამატებით უარყოფით ურთიერთქმედებას ძვლის ტვინზე, ან პერიფერიულ სისხლმიმოქცევაზე. სეპტრინის ხანგრძლივი დროით დანიშვნისას რეკომენდებულია ყოველთვიურად სისხლის ანალიზის შემოწმება. ვინაიდან არსებობს სიმპტომების გარეშე ჰემალოგიური მაჩვენებლების ცვლილებების განვითარების რისკი, რომელიც გამოწვეულია ფოლატების დეფიციტით. აღნიშნული ცვლილებები რეგულირდება ფოლის მჟავას დღეში 5-10 მგ-ის ოდენობით მიღებისას (რაც არ არღვევს პრეპარატის ანტიმიკრობულ აქტივობას).

♦ მკურნალობის პერიოდში აუცილებელია საკმარისი დიურეზის შენარჩუნება.

♦ In vitro კრისტალურია გვხვდება იშვიათად, თუმცა სულფანილამიდის კრისტალები აღმოჩენილ იქნა იმ პაციენტების შარდში, რომლებმაც მიიღეს სეპტრინი. დაუძლურებულ, გამოფიტულ პაიცენტებში კრისტალურიის განვითარების რისკი იზრდება.

♦ ღვიძლის ფუნქციის დაზიანების მქონე პაციენტებში მოსალოდნელია ტრიმეტოპრიმისა  და სულფამეტოქსაზოლის მეტაბოლიზმის და აბსორბციის ცვლილებები.

♦ ძირითადი  ჩვენების გარდა სეპტრინის გამოყენება კომპლექსურად შესაძლებელია ტოქსოპლაზმოზისა და ყივანახველას სამკურნალოდ; ინფექციების პროფილაქტიკისათვის, რომლებიც გამოწვეულია პრეპარატის მიმართ გრამუარყოფითი მიკროორგანიზმებით. აგრეთვე, დენტალური და პერიოდენტალური ინფექციების, მენინგიტის (იმ შემთხვევაში, როდესაც გამომწვევი პრეპარატის მიმართ მგრძნობიარეა in vitro) სამკურნალოდ.

♦ ტონზილიტის და ფარინგიტის სამკურნალოდ, რომლებიც გამოწვეულია A ჯგუფის ბეტაჰემოლიზური სტრეპტოკოკებით, სეპტრინი არ წარმოადგენს პირველი რიგის პრეპარატს.

♦ სეპტრინი არ არის ეფექტური ლატენტურად მიმდინარე ათაშანგის სამკურნალოდ.

♦ მწვავე მალარიის სამკურნალოდ, რომელიც Plasmodium falciparum-ით არის გამოწვეული, არსებობს რეციდივის წარმოშობის ალბათობა სისხლში სეპტრინისა და პირიმეთამინ-სულფანილამიდის კომბინაციას შორის ჯვარედინი რეზისტენტობის გამო.

♦ ტრიმეტოპრიმის მოქმედების შედეგად აღწერილი ფენილალანინის მეტაბოლიზმის დარღვევა (ფენილკეტონურიით შეპყრობილ პაციენტებში ამას არა აქვს არსებითი მნიშვნელობა შესაბამისი დიეტით უზრუნველყოფისას).

ჭარბი დოზირება:

სიმპტომები: გულისრევა, ღებინება, ცნობიერების დაბინდვა.

მკურნალობა: პრეპარატის მიღება უნდა შევწყვიტოთ. რეკომენდებულია ხელოვნური ღებინების გამოწვევა, კუჭის ამორეცხვა (თუკი პრეპარატის პერორალურად მიღების შემდეგ გავიდა არანაკლებ 2 საათი). შარდის მჟავე რეაქცია უზრუნველყოფს სულფამეტოქსაზოლის გამოყოფის გაზრდას, ხოლო შარდის ტუტე რეაქცია ამცირებს ტრიმეტროპრიმის გამოყოფის ხარისხს. კალციუმის ფოლინატის შეყვანა (3-6 მგ/დღეში) ამცირებს ტრიმეტროპტიმის გავლენას ძვლის ტვინზე.

მკურნალობა სიმპტომურია. აუცილებლობის შემთხვევაში საჭიროა ჰემოდიალიზის ჩატარება.

სხვა წამლებთან ურთიერთქმედება:

- ხანდაზმულ პაციენტებში დიურეზული საშუალებების, განსაკუთრებით თიაზიდური ჯგუფის და სეპტრინის ერთდროული გამოყენებისას შესაძლებელია თრომბოციტოპენიის, ხანდახან თრომბოციტოპენიური პურპურის განვითარება. სეპტრინის მიღება იმ დროს, როდესაც პირიმეთამინი პროფილაქტიკური მიზნით გამოიყენება 1 კვირის განმავლობაში, დოზით 25 მგ-ზე მეტი, შესაძლებელია მეგალობლასტური ანემიის განვითარება.

- სეპტრინი აძლიერებს ვარფარინის ანტიკოაგულაციურ მოქმედებას.

- სეპტრინი ზრდის ფენიტოინის ნახევარგამოყოფის პერიოდს, რის გამოც შესაძლებელია ამ უკანასკნელის მოქმედების გაძლიერება. ზემოთაღნიშნულიდან გამომდინარე საჭიროა სისხლში ფენიტოინის კონცენტრაციის კონტროლი და პაციენტის მდგომარეობის შემოწმება.

- სულფანილშარდოვანას წარმოებულებისა და სეპტრინის ერთდროული გამოყენებისას ადგილი აქვს ორივე პრეპარატის მოქმედების გაძლიერებას.

- სეპტრინისა და რიფამპიცინის ერთდროული გამოყენებისას, 1 კვირის შემდეგ პლაზმაში აღინიშნება ამ უკანასკნელის ნახევარგამოყოფის პერიოდის დაქვეითება, რასაც არ გააჩნია რაიმე კლინიკური მნიშვნელობა.

- პაციენტებში, თირკმელების ტრანსპლანტაციით, რომლებიც ერთდროულად იყენებენ ციკლოსპორინსა და სეპტრინს, აღინიშნება თირკმელების ფუნქციის შექცევადი დარღვევა.

შენახვის პირობები:

პრეპარატი ინახება არა უმეტეს 30⁰C ტემპერატურაზე, გრილ, სინათლისა და ბავშვებისაგან დაცულ ადგილას.

ვარგისიანობის ვადა: 5 წელი.

საერთაშორისო დასახელება:

CO-TRIMOXAZOLE

მწარმოებელი: GKAXOSMITHKLINE

მოქმედი ნივთიერება: სულფამეტოქსაზოლი+ტრიმეტოპრიმი

კლინიკურ-ფარმაკოლოგიური ჯგუფი:

სულფანილამიდები; კომბინირებული ანტიმიკრობული საშუალება

შემადგენლობა და გამოშვების ფორმა:

სუსპენზია: ფლაკონში 100 მლ

5 მლ

სულფამეტოქსაზოლი ........   200 მგ

ტრიმეტოპრიმი ................   40 მგ

ვრცლად სეპტრინი (მიღების წესი, დოზირება ინდივიდუალური)

საერთაშორისო დასახელება:

BENZOCAINE; CETYLPIRIDINUM CHLORIDE

მწარმოებელი: KRKA, სლოვენია

მოქმედი ნივთიერება: ბენზოკაინი+ცეტილპირიდინის ქლორიდი

კლინიკურ-ფარმაკოლოგიური ჯგუფი:

მიკრობსაწინააღმდეგო და და ანთების საწინააღმდეგო საშუალება ადგილობრივი გამოყენებისათვის სტომატოლოგიაში და ლარ-პრაქტიკაში.

შემადგენლობა და გამოშვების ფორმა:

საწუწნი ტაბლეტები: ბლისტერზე 10 ტაბ., შეფუთვაში 3 ბლისტერი.

1 ტაბ.

ბენზოკაინი .....................................  5 მგ

ცეტილპირიდინის ქლორიდი ..........    1 მგ

დამხმარე ნივთიერებები:

ბაღის პიტნის ეთერზეთი, ლევომენთოლი, თხევადი მალტიტი, მანიტი, გლიცერინი, აბუსალათინის ზეთი, მაგნიუმის სტეარატი, სილიციუმის უწყლო სიკლიკაგელი, პოვიდონი, კაპოლი 600, ტიტანის დიოქსიდი (E171), საღებავი (E131).

ფარმაკოლოგიური თვისებები:

პრეპარატ სეპტოლეტეს გააჩნია ადგილობრივი ტკივილგამაყუჩებელი და ანტიმიკრობული მოქმედება. პრეპარატი შეიცავს ანტისეპტიკურ საშუალებას ცეტილპირიდინის ქლორიდს, რომელსაც გააჩნია ანტიმიკრობული, სოკოს საწინააღმდეგო და ვირულიციდური მოქმედება. ბენზოკაინი წარმოადგენს ადგილობრივ საანესთეზიო საშუალებას, ის ამცირებს ტკივილს ყლაპვისას რომელიც ხშირად თან ახლავს პირის ღრუს და ყელის ინფექციურ-ანთებით პროცესებს.

პრეპარატი შეიცავს პოლიოლებს (მალტიტი, მანიტი), არ შეიცავს შაქარს, რაც საშუალებას იძლევა, რომ პრეპარატი გამოიყენონ შაქრიანი დიაბეტით დაავადებულმა ავადმყოფებმა. უშაქრო გარემო აძლიერებს ანტისეპტიკის აქტიურობას.

ჩვენებები:

პირის ღრუს და ყელის ინფექციურ-ანთებითი პროცესები;

• ფარინგიტი, ლარინგიტი, ანგინის საწყისი სტადია;
• ღრძილების და პირის ღრუს ლორწოვანი გარსის ანთება (გინგივიტი, სტომატიტი).

მიღების წესი და დოზირება:

მოზრდილები და 12 წელზე უფროსი ასაკის ბავშვები: რეკომენდებულია 1-2 ტაბლეტის მოწუწვნა ყოველ 2-3 სათში ერთხელ, მაგრამ არა უმეტეს 8 ტაბლეტი დღე-ღამეში.

6-და 12 წლამდე ასაკის ბავშვები: რეკომენდებულია 1 ტაბლეტის მოწუწვნა ყოველ 3 საათში ერთხელ, მაგრამ არა უმეტეს 4 ტაბლეტი დღე-ღამეში.

სეპტოლეტე პლუსი არ გამოიყენება უშუალოდ საკვების მიღების წინ და ასევე რძესთან ერთად.

გვერდითი მოვლენები:

სეპტოლეტე პლუსის რეკომენდებული დოზებით მიღებისას, გვერდითი ეფექტები შეიმჩნევა ძალიან იშვიათად. შესაძლებელია ალერგიული რეაქციები, დარღვევები საჭმლის მომნელებელი სისტემის მხრივ (გულისრევა, ღებინება, დიარეა), რომელთა გამოვლენის შემთხვევაში, საჭიროა პრეპარატის მიღების შეწყვეტა.

პრეპარატი შეიცავს პოლიოლებს (მალტიტი, მანიტი), რომლებსაც დიდ დოზებში შეუძლიათ დიარეის გამოწვევა, განსაკუთრებით ბავშვებში.

უკუჩვენებები:

* მომატებული მგრძნობელობა პრეპარატის ნებისმიერ კომპონენტზე;

* ბავშვთა ასაკი 6 წლამდე.

ორსულობა და ლაქტაცია:

ორსული და ლაქტაციის პერიოდში მყოფმა ქალებმა სეპტოლეტე პლუსი შეიძლება მიიღონ მხოლოდ ექიმის რეკომენდაციით.

განსაკუთრებული მითითებები:

შაქრიანი დიაბეტით დაავადებულებმა უნდა იცოდნენ, რომ თითოეული ტაბლეტი შეიცავს დაახლოებით 1 გ მალტიტს, მისი მეტაბოლიზმისათვის საჭიროა ინსულინი; მაგრამ ნელი ჰიდროლიზის და საჭმლის მომნელებელ ტრაქტში ნელი შეწოვის გამო, მალტიტი პლაზმაში გლუკოზის კონცენტრაციაზე ახდენს უმნიშვნელო ზეგავლენას.

გავლენა სატრანსპორტო საშუალებების და მექანიზმების მართვაზე: მონაცემები, პრეპარატი სეპტოლეტე პლუსის ფსიქოფიზიკურ შესაძლებლობებზე გავლენის შესახებ არ არსებობს.

ჭარბი დოზირება:

ერთ ტაბლეტში შემავალი აქტიური ნივთიერებების რაოდენობის გათვალისწინებით, ჭარბი დოზირების შესაძლებლობა მინიმალურია. რეკომენდებულზე ჭარბი დოზების მიღებამ შეიძლება გამოიწვიოს დარღვევები საჭმლის მომნელებელი სისტემის მხრივ, გულისრევა, ღებინება, დიარეა. ასეთ შემთხვევაში, საჭიროა პრეპარატის მიღების შეწყვეტა და ექიმის კონსულტაცია.

სხვა წამლებთან ურთიერთქმედება:

სეპტოლეტე პლუსის და სხვა სამკურნალო საშუალებების ურთიერთქმედება აღწერილი არ არის;

სეპტოლეტე პლუსის ერთდროულმა მიღებამ საკვებთან და რძესთან შეიძლება შეამციროს პრეპარეტის ადგილობრივი ანტისეპტიკური და საანესთეზიო ეფექტები.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, ბავშვებისაგან დაცულ ადგილას.

ვარგისიანობის ვადა: 2 წელი.

მწარმოებელი: KRKA

კლინიკურ-ფარმაკოლოგიური ჯგუფი:

მიკრობსაწინააღმდეგო და ანთების საწინააღმდეგო საშუალება ადგილობრივი გამოყენებისათვის სტომატოლოგიაში და ლორ-პრაქტიკაში.

შემადგენლობა და გამოშვების ფორმა:

პასტილები: შეფუთვაში 30 ც.

1 პასტილა

ბენზალკონიუმის ქლორიდი ........... 1 მგ

მენთოლი ..................................... 1.2 მგ

პიტნის ეთეროვანი ზეთი ............... 1 მგ

ევკალიპტის ეთეროვანი ზეთი.....   600 მკგ

თიმოლი .................................    600 მკგ

ვრცლად სეპტოლეტე

მწარმოებელი: KRKA, სლოვენია

კლინიკურ-ფარმაკოლოგიური ჯგუფი:

მიკრობსაწინააღმდეგო და ანთების საწინააღმდეგო საშუალება ადგილობრივი გამოყენებისათვის სტომატოლოგიაში და ლორ-პრაქტიკაში.

შემადგენლობა და გამოშვების ფორმა:

პასტილები: შეფუთვაში 30 ც.

1 პასტილა

ბენზალკონიუმის ქლორიდი .........  1 მგ

მენთოლი ..................................   1.2 მგ

პიტნის ეთეროვანი ზეთი ...........   1 მგ

ევკალიპტის ეთეროვანი ზეთი .....  600 მკგ

თიმოლი .....................................       600 მკგ

დამხმარე ნივთიერებები:

საღებავები - E104; E132;  შაქარი და ლაქტოზა.

ფარმაკოლოგიური თვისებები:

სეპტოლეტეს პასტილები წარმოადგენენ ანტისეპტიკური საშუალების - ბენზალკონიუმის ქლორიდის და აქტიური ბუნებრივი ნივთიერებების - მენთოლის, პიტნის, ევკალიპტის ეთეროვანი ზეთებისა და თიმოლის კომბინაციას, რომლებიც აძლიერებენ პრეპარატის აქტივობას და აუმჯობესებენ მის გემოს.

ანტისეპტიკური საშუალება - ბენზალკონიუმის ქლორიდი ეფექტურია უპირველეს ყოვლისა გრამდადებითი ბაქტერიების მიმართ, ახასიათებს აგრეთვე ფუნგიციდური მოქმედება candida albicans-ის და ზოგიერთი ლიპოფილური ვირუსების მიმართ.

მაღალი ზედაპირული აქტივობის გამო ბენზალკონიუმის ქლორიდი ადვილად  აღწევს ლორწოვანი გარსის ისეთ ადგილებში, როგორიცაა მაგ. ნუშისებრი ჯირკვლების ხორკლიანი ზედაპირი, რაც წარმოადგენს ძირითად ფაქტორს პირის ღრუსა და ყელის ინფექციების ეფექტური მკურნალობისა და მეორადი ინფექციების პროფილაქტიკისათვის.

მენთოლი და პიტნის ეთეროვანი ზეთი ასუსტებენ ტკივილს და დისკომფორტის სუბიექტურ შეგრძნებას, როგორიცაა წვის შეგრძნება და ტკივილი ყლაპვის დროს.

თიმოლს ახასიათებს ბენზალკონიუმის ქლორიდის ანალოგიური-ანტისეპტიკური მოქმედება, რაც აძლიერებს პრეპარატის ეფექტურობას.

ევკალიპტის ეთეროვანი ზეთები ამცირებენ ზედა სასუნთქი გზების ლორწოვანის სეკრეციას და აუმჯობესებს სუნთქვის პროცესს.

პასტილებს ახასიათებს სასიამოვნო გამაგრილებელი გემო.

ჩვენებები:

• პირის ღრუსა და ყელის მსუბუქად მიმდინარე ინფექციები (ფარინგიტი, ლარინგიტი, არასტრეპტოკოკური წარმოშოის ანგინა);
• გრიპისა და გაცივების პროფილატიკა;
• პირის ღრუს ლორწოვანი გარსის და ღრძილების ანთება.

მიღების წესი და დოზირება:

თითო პასტილა ყოველ 2-3 სთ-ში.

მოზრდიელბში - არა უმეტეს 6-8 პასტილა დღეში.

4 წლის ასაკის ზევით ბავშვებში - არა უმეტეს 4 პასტილა დღეში.

10 წლის ასაკის ზევით ბავშვებში - არა უმეტეს 6 პასტილა დღეში.

გვერდითი მოვლენები:

საჭმლის მონელების დარღვევა.

უკუჩვენებები:

* პრეპარატის ან მასში შემავალი ინგრედიენტების მიმართ მომატებული მგრძნობელობა, ალერგიული რეაქციები;

* 4 წლამდე ასაკის ბავშვები.

განსაკუთრებული მითითებები:

* ორსულები და მეძუძური დედები პრეპარატს იღებენ მხოლოდ ექიმის რეკომენდაციით.

* დიაბეტით დაავადებული პაციენტები უნდა იყვნენ ინფორმირებულნი, რომ თითოეული პასტილა შეიცავს 0.64 გ შაქარს.

ჭარბი დოზირება:

შესაძლებელია დიარეა, გულისრევა და ღებინება.

შენახვის პირობები:

პრეპარატი ინახება უმეტეს 25⁰C ტემპერატურაზე, სინათლის, ნესტისა და ბავშვებისაგან დაცულ ადგილას.

მწარმოებელი: JADRAN

კლინიკურ-ფარმაკოლოგიური ჯგუფი:

ანტისეპტიკური საშუალება

შემადგენლობა და გამოშვების ფორმა:

საწუწნი ტაბლეტები: შეფუთვაში 20 ც.

1 ტაბ.

ბენზალკონიუმის ქლორიდი .....   500 მკგ

მენთოლი ...........................        3 მგ

პიტნის ზეთი  ....................         1 მგ

ევკალიპტის ზეთი ..............       600 მკგ

თიმოლი ...........................        600 მკგ

ვრცლად სეპტოლეტე

ჯგუფური  დასახელება: სენოზოიდები   A   და   B  სენოზოიდი    B** დაანგარიშებით.

შემადგენლობა: 1  ტაბლეტი  შეიცავს:

სინამაქის  ფოთლების   მშრალ  ექსტრაქტს.

დამხმარე   ნივთიერებები: ნატრიუმის  კარბოქსიმეთილის  სახამებელი, სახამებელი,

სილიციუმის   კოლოიდური  დიოქსიდი,კროსკარმელოზა, ლაქტოზა, ტალკი.

აღწერა: მრგვალი  ბრტყელი  ტაბლეტები  ჩამოთლილი  კიდეებით  და  ნაზოლით  ერთ  მხარეზე, ყავისფერი  ფერის, დასაშვებია  უფრო  მუქი  ფერის  წინწკლების  არსებობა.

ფარმაკოლოგიური   ჯგუფი: მცენარეული  წარმოშობის  საფაღარათო  საშუალება.

ათქ  კოდი:  A06AB06

ფარმაკოლოგიური  თვისებები:

ახდენს  საფაღარათო  მოქმედებას, რომელიც  ვლინდება  6-12  საათის   შემდეგ.  საფაღარათო  ეფექტი  განპირობებულია  მსხვილი  ნაწლავის  რაცეპტორებზე   ზემოქმედებით,   რომელიც   აძლიერებს  პერისტალტიკას,  რაც  იწვევს  სწორი  ნაწლავის  შედარებით  სწრაფ   გათავისუფლებას.

გამოყენების   ჩვენებები:

ყაბზობა,  გამოწვეული  მსხვილი  ნაწლავის  ატონიით,  ჰიპოტონიით  და  ნელი  პერისტალტიკით. განავლის  ევაკუაციის  რეგულირება  ბუასილის,  პროქტიტის,   ანალური  ნაპრალების  დროს.

უკუჩვენებები:

მომატებული  მგრძნობელობა  პრეპარატის  კომპონენტების  მიმართ, ნაწლავთა  გაუვალობა,  თიაქარის  ჩაჭედვა,  მუცლის  ღრუს  მწვავე  ანთებითი  დაავადება    (მათ  შორის  პერიტონიტის),  კუჭ-ნაწლავიდან  სისხლდენა,  მეტრორაგია,  სპაზმური  ხასიათის  ყაბზობები, ცისტიტი, წყლისა და  ელექტროლიტების  ცვლის  დარღვევა,  ბავშვის  ასაკი  6  წლამდე.

გამოიყენება   სიფრთხილით:

ორსულობა,  ლაქტაციის  პერიოდი,  ღვიძლისა  და/ან  თირკმლის  უკმარისობა,  ღრუში  ჩატარებული  ოპერაციის  შემდგომი  პერიოდი.

გამოყენების  წესი  და  დოზები:

მიიღება  შიგნით,  ჩვეულებრივ  დღეში  ერთხელ  ძილის  წინ,  წყალთან  ერთად.

გამოვლენის  შემთხვევაში  შესაძლებელია  დოზის  გაზრდა  3  ტაბლეტამდე  მიღებაზე.

ბავშვები  6-12  წლამდე:  ½-1  ტაბლეტი  და  აუცილებლობის  შემთხვევაში  დოზა  იზრდება  2  ტაბლეტამდე  დღეში.

შერჩევის  პროცესისას   ერთი და  იგივე  დოზა  უნდა  მიიღოთ  რამოდენიმე  დღის  განმავლობაში   და  უნდა  გაიზარდოს  თანდათან  ½   ტაბლეტამდე. თუ  მაქსმალური  დოზის  მიღწევისას  3  დღის  განმავლობაში.

გვერდითი  მოქმედება:

პრეპარატის  საფაღარათო  მოქმედებას  შესაძლოა  თან  ახლდეს  კოლიკის  მსგავსი  ტკივილები  მუცლის  არეში,  მეტეორიზმი. ხანგრძლივი  გამოყენებისას,  განსაკუთრებით  მაღალი  დოზებით,  შესაძლოა  წყლისა და ელექტროლიტების  ბალანსის  დარღვევა, პროტეინურია,  ჰემატურია,  ნაწლავის   ლორწოვან  გარსში  მელანინის   დალექვა,  ღებინება, გულისრევა, დიარეა, შარდის  გაუფერულება,  გამონაყარი  კანზე,  დაღლილობა,  კრუნჩხვა,  სისხლძარღვების  კოლაფსი, გონების

ურთიერთქმედება  სხვა  სამკურნალო  საშუალებებთან:

მაღალი  დოზებით  ხანგრძლივი  გამოყენებისას  მოსალოდნელია  საგულე  გლიკოზიდების  მოქმედების  გაძლიერება  ზეგავლენა  ანტიარითმიული  პრეპარატების  მოქმედებაზე  ჰიპოკალიემიის  განვითარების  ალბათობის  გამო.  ძირტკბილას  ფესვების  ექსტრაქტის  ერთდროულად  მიღებისას  თრიაზიდურ   დიურეზულებთან, გლუკოკორტიკოსტეროიდულ  პრეპარატებთან  ერთად   იზრდება  ჰიპოკალიემიის  განვითარების  რისკი.   არღვევს  ტეტრაციკლინების  აბსორბციას.

განსაკუთრებული  მითითება:

გამოშვების  ფორმა:

20  ტაბლეტი   პვქ/ქაღალდის  ბლისტერში  პოლმერული  საფარი. 2  ან  3  ბლისტერი  გამოყენების  ინსტრუქციასთან  ერთად  მოთავსებულია  მუყაოს  კოლოფში.  20  ან    25  ბლისტერი  გამოყენბის  ინსტრუქციასთან  ერთად  მოთავსებულია  მუყაოს  კოლოფში(სტაციონარებისთვის).

შენახვის  პირობები:

ინახება  არაუმეტეს  25  გრადუს C  ტემპერატურაზე, მშრალ ადგილას.

ვარგისიანობის  ვადა:

3  წელი.  არ  გაოიყენოთ  შეფუთვაზე  მითითებული  ვარგისიანობის  ვადის  გასვლის  შემდეგ.

აფთიაქიდან  გაცემის  წესი:

ფარმაცევტული  პროდუქტის  ჯგუფი  III- გამოიყენება  ექიმის  დანიშნულების  გარეშე.

მწარმოებელი

ნაბროს  ფარმა  პბტ.ლტდ.

ნ.ხ. 8  კაჯიპურა, კხედა,  ინდოეთი.

სამკურნალო ფორმა :

ტაბლეტები

შემადგენლობა :

1 ტაბლეტის შემადგენლობაში შედის 0,07 გ სინამაქის ფოთლების მშრალი ექსტრაქტი ( A და B სინოზიდების კალციუმის მარილებზე გადანგარიშებით).

დამხმარე ნივთიერებები :

ლაქტოზას მონოჰიდრატი , კარტოფილის სახამებელი , ნიპაგინი , ვანილინი , მაგნიუმის სტეარატი , ტალკი .

აღწერილობა :

ყავისფერი ტაბლეტები ჩანართებით , დამახასიათებელი ვანილის სუნით .

ფარმაკოთერაპიული ჯგუფი :

საფაღარათო საშუალება .

ჩვენება :

• სხვადასხვა ეთიოლოგიის ყაბზობა ; რენტგენოლოგიური გამოკვლევისათვის მომზადება .

მიღების წესი და დოზირება :

მიიღება საღამოს 1 ტაბლეტის ოდენობით . საჭიროების შემთხვევაში დოზა დასაშვებია გაიზარდოს ერთჯერადად 2-3 ტაბლეტამდე .

გვერდითი მოვლენები:

ჭვალისმაგვარი მუცლის ტკივილები , ენტეროკოლიტი , მეტეორიზმი , გულისრევის შეგრძნება , პირღებინება ; პრეპარატის ხანგრძლივმა გამოყენებამ შეიძლება გამოიწვიოს დიარეა მეტაბოლური დარღვევებით .

უკუჩვენება:

* ჰიპერმგრძნობელობა, ნაწლავური გაუვალობა, სპასტიკური კოლიტი, აპენდიციტი, მწვავე ანთებითი დაავადებები მუცლის არეში , პერიტონიტი , ცისტიტი , სპასტიკური ყაბზობა; სიფრთხილით ფეხმძიმობის, ძუძუთი კვების პერიოდში.

გამოშვების ფორმა :

10 ტაბლეტი კონტურულ უჯრედოვან შეფუთვაში პვქ ფირისა და ალუმინის ფოლგისაგან ( ბლისტერი ). 1 ბლისტერი მუყაოს კოლოფში.

შენახვის პირობები :

ინახება მშრალ, ბავშვებისათვის მიუწვდომელ ადგილას, არა უმეტეს 25ºC ტემპერატურაზე.

გავლილი აქვს რადიაციული კონტროლი.

შენახვის ვადა :

3 წელი, შეფუთვაზე აღნიშნული ვადის გასვლის შემდეგ პრეპარატის გამოყენება არ შეიძლება.

აფთიაქიდან გაცემის წესი :

გაიცემა რეცეპტით .

მწარმოებელი :

ბათუმის ფარმაცევტული ქარხანა,  შპს   „ბათფარმა „.