საერთაშორისო დასახელება:
LISINOPRIL; HYDROCHLOROTHIAZIDE
მწარმოებელი: SANOVEL
მოქმედი ნივთიერება: ლიზინოპრილი+ჰიდროქლოროთიაზიდი
კლინიკურ-ფარმაკოლოგიური ჯგუფი:
კომბინირებული ანტჰიპერტენზიული საშუალება.
შემადგენლობა და გამოშვების ფორმა:
შემოგარსული ტაბლეტები: ბლისტერზე 14 ტაბ., შეფუთვაში 2 ბლისტერი.
1 ტაბ.
ლიზინოპრილი .................... 20 მგ
ჰიდროქლოროთიაზიდი ......... 12.5 მგ
ვრცლად კვადრიცა H 
საერთაშორისო არაპატენტირებული სახელწოდება:
BISOPROLOL
მწარმოებელი: რიზოპროლი წარმოადგენს კომპანიის “როტაფარმ” ინგლისი პროდუქტსა და სავაჭრო მარკას.
დამზადებულია:“გლობალ ნაპი ფარმაცეუტიკალსი”, ეგვიპტე.
შემადგენლობა და გამოშვების ფორმა:
გარსით დაფარული ტაბლეტები
აღწერილობა
რიზოპროლი 5 მგ: გულის ფორმის ღია ყვითელი ტაბლეტები გამყოფი ხაზით (ჭდით).
რიზოპროლი 10 მგ: გულის ფორმის ღია ვარდისფერი ტაბლეტები გამყოფი ხაზით (ჭდით).
შემოგარსული ტაბლეტი შეიცავს:
აქტიური ნივთიერება:
ბისოპროლოლის ფუმარატი (2 :1) ................. 5მგ ან 10 მგ.
დამხმარე ნივთიერებები: ლაქტოზას მონოჰიდრატი, სიმინდის სახამებელი, ტალკი, მაგნიუმის სტეარატი, ნატრიუმის ლაურილსულფატი, უწყლო კოლოიდური სილიციუმი.
გარსის შემადგენლობა: ჰიპრომელოზა 5, მაკროგოლი 400, რკინის ოქსიდის ჰიდრატი – ყვითელი (5 მგ-იანი დოზისთვის) ან რკინის I.I.I. ოქსიდი– წითელი (10 მგ-იანი დოზისთვის), ტიტანის დიოქსიდი.
ფარმაკოთერაპიული ჯგუფი:
სელექციური β1-ადრენობლოკატორები
ფარმაკოლოგიური თვისებები:
რიზოპროლი მიეკუთვნება β1-ადრენობლოკატორებს, შერჩევითად მოქმედებს β1-ადრენერგულ რეცეპტორებზე შინაგანი სიმპათომიმეტური აქტივობის გარეშე. თერაპიულ დოზებში არ გააჩნია შინაგანი სიმპათომიმეტური აქტივობა და კლინიკურად მნიშვნელოვანი მემბრანომასტაბილიზებელი თვისებები.
რიზოპროლს ახასიათებს ჰიპოტენზიური, ანტიარითმიული, ანტიანგინური მოქმედება; აბლოკირებს რა გულის β1-ადრენორეცეპტორებს, ამცირებს კატექოლამინებით სტიმულირებული ატფ-დან ცამფ-ის წარმოქმნის პროცესს, ამცირებს კალციუმის იონების უჯრედშიდა ნაკადს, აიშვიათებს გულის შეკუმშვათა რიცხვს, თრგუნავს გამტარებლობას, ამცირებს მიოკარდიუმის კუმშვადობას.
რიზოპროლი ახორციელებს ჰიპოტენზიურ მოქმედებას გულის მიერ გადმოსროლილი სისხლის მოცულობის შემცირების ხარჯზე, მოქმედებს რა აორტის რკალისა და კაროტიდული სინუსის ბარორეცეპტორებზე, და თრგუნავს თირკმლის მიერ რენინის სეკრეციას. ხანგრძლივი მიღებისას რიზოპროლი ამცირებს პირველადად მომატებულ სისხლძარღვთა საერთო პერიფერიულ წინააღმდეგობას. პრეპარატს გააჩნია ანტიანგინური მოქმედება. აქვეითებს მიოკარდიუმის ჟანგბადისადმი მოთხოვნილებას გულის შეკუმშვათა რიცხვის, გულის მიერ გადმოსროლილი სისხლის მოცულობის და არტერიული წნევის შემცირების ხარჯზე. ასევე აუმჯობესებს მიოკარდიუმის ჟანგბადით მომარაგებას საბოლოო დიასტოლური წნევის შემცირების და დიასტოლის გახანგრძლივების ხარჯზე.
ანტიარითმიული ეფექტი ვლინდება არითმოგენულ რეცეპტორებზე დამთრგუნველი მოქმედებით.; პრეპარატი აფერხებს იმპულსების გატარებას ანტეგრადული და, ნაკლებად, რეტროგრადული მიმართულებით ატრიოვენტრიკულური კვანძის და სხვა დამატებითი გზების საშუალებით.
გულის ქრონიკული უკმარისობის დროს რიზოპროლი თრგუნავს გააქტიურებულ სიმპატო-ადრენალურ და რენინ-ანგიოტენზინ-ალდოსტერონის სისტემებს, რაც აუმჯობესებს დაავადების მიმდინარეობას.
თერაპიულ დოზებში არ ახასიათებს კარდიოდეპრესიული მოქმედება, არ ახდენს გავლენას გლუკოზის ცვლაზე და არ იწვევს ნატრიუმის იონების შეკავებას ორგანიზმში.
ფარმაკოკინეტიკა:
პერორალურად მიღებისას შეიწოვება 80-90%-ით. საკვების მიღება არ ახდენს გავლენას აბსორბციაზე. Cmax მიიღწევა 2-4 საათის შემდეგ. პლაზმის ცილებთან შეკავშირებულია 30%-ით. T1/2– 9-12 საათია. პრეპარატის 98%-ზე მეტი გამოიყოფა თირკმლებით (50% - შეუცვლელი, დანარჩენი - არააქტიური მეტაბოლიტების სახით), 2%– ფეკალიებით. ჰემატოენცეფალური და პლაცენტური ბარიერების განვლადობა დაბალია, სეკრეცია დედის რძესთან ერთად – უმნიშვნელო.
ჩვენებები:
უკუჩვენებები:
* კარდიოგენური შოკი;
* II და III ხარისხის ატრიოვენტრიკულური ბლოკადა;
* სინუსის კვანძის სისუსტის სინდრომი;
* გამოხატული სინოატრიალური ბლოკადა;
* არტერიული ჰიპოტენზია (90 მმ. ვწყ. სვ-ზე დაბალი სისტოლური არტერიული წნევა);
* ბრონქოსპაზმისადმი მიდრეკილება (ბრონქული ასთმა, სასუნთქი გზების ობსტრუქციული დაავადებები);
* პერიფერიული სისხლის მიმოქცევის დარღვევის გვიანი სტადიები;
* ბრადიკარდია (გულის შეკუმშვათა რიცხვი – 60-ზე ნაკლები წუთში) და არტერიული ჰიპოტენზია (სისტოლური არტერიული წნევა 100 მმ ვწყ. სვ-ზე ნაკლები) გულის ქრონიკული უკმარისობის მქონე პაციენტებში;
* მონოამინოოქსიდაზას ინჰიბიტორების ერთდროული მიღება (B ჯგუფის მონოამინოოქსიდაზას ინჰიბიტორების გარდა);
* პრეპარატის კომპონენტებისადმი ჰიპერმგრძნობელობა.
განსაკუთრებული მითითებები:
საჭიროა სიფრთხილის დაცვა შემდეგ შემთხვევებში:
-შაქრიანი დიაბეტის მქონე პაციენტების მკურნალობა სისხლში შაქრის შემცველობის მნიშვნელოვანი მერყეობით; შესაძლებელია ჰიპოგლიკემიის სიმპტომების შენიღბვა;
-მკაცრი დიეტა;
-მეტაბოლური აციდოზის მქონე პაციენტების მკურნალობა;
-თირეოტოქსიკოზის მქონე პაციენტების მკურნალობა;
-მძიმე ფორმით გამოხატული ჰიპერმგრძნობელობის მქონე პაციენტების მკურნალობა;
-მადესენსიბილიზებელი თერაპიის ჩატარება;
- I ხარისხის ატრიოვენტრიკულური ბლოკადა;
-ვაზოსპასტიური სტენოკარდია (პრინცმეტალის სტენოკარდია).
ანამნეზში ფსორიაზზე მითითების შემთხვევაში რიზოპროლი ინიშნება მხოლოდ მკურნალობის რისკისა და სარგებლის გულდასმით შეფასების შემდეგ. ფეოქრომოციტომის არსებობისას რიზოპროლი მიზანშეწონილია დაინიშნოს მხოლოდ α-ადრენობლოკატორების მიღების შემდგომ.
გულის ქრონიკული უკმარისობის დროს რიზოპროლი არ ინიშნება დაავადების გამწვავების ან დეკომპენსაციის ფაზაში, როდესაც საჭირო ხდება დადებითი ინოტროპული ეფექტის მქონე პრეპარატების ინტრავენური შეყვანა.
პრეპარატის გავლენა ავტოტრანსპორტის და სხვა მექანიზმების მართვის უნარზე:
საჭიროა სიფრთხილის დაცვა ტრანსპორტის მართვისას, ან ისეთი სამუშაოს შესრულებისას, რომელიც მოითხოვს განსაკუთრებულ ყურადღებას. სხვადასხვა სახის ინდივიდუალრი რეაქციების განვითარების გამო შესაძლოა დაქვეითდეს სატრანსპორტო საშუალების ან მოწყობილობების მართვის უნარი. ეს განასაკუთრებით ეხება მკურნალობის საწყის სტადიას, როდესაც ხდება დოზის გაზრდა, სხვა საშუალებების გამოყენება ან ალკოჰოლის მიღება.
ორსულობა:
ორსულობისას პრეპარატი ინიშნება მხოლოდ იმ შემთხვევაში, როცა სარგებელი დედისთვის აღემატება პოტენციურ რისკს ახალშობილისთვის.
გვერდითი მოვლენები:
შესაძლოა აღინიშნოს შემდეგი გვერდითი მოვლენები:
ცენტრალური ნერვული სისტემის მხრივ: თავბრუსხვევა, წონასწორობის დარღვევა, სინკოპე, თავის ტკივილი, პარესთეზია, მომატებული აგზნებადობა, განგაშის გრძნობა, მოუსვენრობა, ყურადღების და მეხსიერების დაქვეითება. ჩვეულებრივ ეს მოვლენები მსუბუქადაა გამოხატული და, როგორც წესი, ქრება მკურნალობის დაწყებიდან 1-2 კვირის განმავლობაში.
გულ-სისხლძარღვთა სისტემის მხრივ: ცალკეულ შემთხვევებში აღინიშნება ბრადიკარდია, გულისცემის გაძლიერება, რითმის დარღვევის სხვა სახეები, კიდურების გაციება, შარკოს სინდრომი, ორთოსტატიული ჰიპოტენზია და ქოშინი ფიზიკური დატვირთვის დროს.
კუჭ-ნაწლავის ტრაქტის მხრივ: ზოგჯერ: ტკივილი მუცელში, გასტრიტი, დისპეფსია, გულისრევა, ღებინება, დიარეა, ყაბზობა.
საყრდენ-მამოძრავებელი სისტემის მხრივ: ცალკეულ შემთხვევებში აღინიშნება ტკივილი სახსრებში, ართროპათია, ზურგის, კისრის ტკივილი, კუნთთა სისუსტე, კრუნჩხვები, ტრემორი.
კანის მხრივ: გამონაყარი, აკნე (ფერიმჭამელები), კანის გაღიზიანება, ქავილი, შეშუპება, გაძლიერებული ოფლდენა, დერმატიტი, კვინკეს შეშუპება.
სასუნთქი სისტემის მხრივ: იშვიათად აღინიშნება ქოშინი, ბრონქოსპაზმი, ხველა.
მიღების წესი და დოზირება:
რეკომენდებულია რიზოპროლის მიღება დილით უზმოზე ან საუზმის დროს, დაუღეჭავად, დიდი რაოდენობის სითხესთან ერთად.
დოზირების რეჟიმი ინდივიდუალურია, დოზის გაზრდისას საჭიროა არტერიული წნევის და პულსის კონტროლი.
-არტერიული ჰიპერტენზია: საწყისი დოზაა 5 მგ/დღეში. მსუბუქი არტერიული ჰიპერტენზიის დროს (დიასტოლური არტერიული წნევა 105 მმ. ვწყ. სვ-ზე ნაკლები) – 2,5 მგ/დღეში. საჭიროების შემთხვევაში დოზა შეიძლება გაიზარდოს 10 მგ-მდე დღეში. დოზის შემდგომი ზრდა დასაშვებია ექიმის კონტროლით.
-დაძაბვის სტენოკარდია: ინიშნება 5 მგ დღეში. აუცილებლობის დროს შესაძლოა დოზის გაზრდა 10 მგ-მდე დღეში. დოზის შემდგომი მომატება დასაშვებია ექიმის კონტროლით.
-გულის ქრონიკული უკმარისობა: რიზოპროლი ენიშნებათ პაციენტებს გულის ქრონიკული უკმარისობის ზომიერი ან მძიმე ფორმით (განდევნის ფრაქცია
დოზირების რეჟიმი გულის ქრონიკული უკმარისობის დროს
მიღების დრო დოზირების რეჟიმი
პირველი კვირა საწყისი დოზა 1,25 მგ/დღეში
მე-2 კვირა 2,5 მგ/დღეში
მე-3 კვირა 3,75 მგ/დღეში
მე-4-8 კვირა 5 მგ/დღეში
მე-9-12 კვირა 7,5 მგ/დღეში
მე-13 კვირიდან მაქსიმალური დოზა 10 მგ/დღეში
მაქსიმალური სადღეღამისო დოზა მოზრდილებისთვის – 20მგ.
გულის ქრონიკული უკმარისობით დაავადებულებს პრეპარატი ენიშნებათ ანგიოტენზინგარდამქმნელი ფერმენტის ინჰიბიტორებთან კომბინაციაში (ან სხვა ვაზოდილატატორებთან ერთად აგფ-ინჰიბიტორების აუტანლობის შემთხვევაში), დიურეტიკებთან, ან, საჭიროების შემთხვევაში, საგულე გლიკოზიდებთან ერთად.
რეკომენდებულია პრეპარატის მოხსნა დოზის თანდათან შემცირებით.
პაციენტებს ღვიძლის ან თირკმლის ფუნქციის მსუბუქი ან საშუალო სიმძიმის დარღვევით, ასევე ასაკოვან პირებს დოზირების რეჟიმის კორექცია, როგორც წესი, არ ესაჭიროებათ.
პაციენტებისათვის თირკმლისა (კრეატინინის კლირენსი რიზოპროლით მკურნალობის კურსი ხანგრძლივია, დოზის შეცვლა არ შეიძლება ექიმის გარეშე.
არ შეიძლება რიზოპროლით მკურნალობის უეცარი შეწყვეტა. მკურნალობის კურსი უნდა დასრულდეს, როგორც წესი, დოზის ნელი, თანდათანობითი კლებით.
დოზის გადაჭარბება (ჰიპერდოზირება):
სიმპტომები: ბრადიკარდია, არტერიული ჰიპოტენზია, გულის უკმარისობა, ბრონქოსპაზმი.
მკურნალობა: კუჭის ამორეცხვა, აქტივირებული (გააქტივებული) ნახშირის მიღება.
ურთიერთქმედება სხვა სამკურნალო საშუალებებთან:
რიზოპროლის და შემდეგი მედიკამენტების ერთდროული მიღებისას:
-ანტიჰიპერტენზიული პრეპარატების მიღებისას შესაძლოა გაძლიერდეს ამ უკანასკნელთა მოქმედება;
-რეზერპინის, ალფა-მეთილდოფას, კლონიდინის, სათითურას პრეპარატების ან გუანფაცინის მიღებამ შესაძლოა გამოიწვიოს გულის შეკუმშვათა სიხშირის მკვეთრი შემცირება;
-ვერაპამილის ან დილთიაზემის ან სხვა ანტიარითმიული პრეპარატების მიღებისას შესაძლოა არტერიული წნევის მკვეთრი დაქვეითება, გულის შეკუმშვათა რიცხვის შემცირება, ასევე არითმიის ან/და გულის უკმარისობის განვითარება (აუცილებელია ექიმის გაძლიერებული კონტროლი). რიზოპროლით მკურნალობის ფონზე არ არის მიზანშეწონილი კალციუმის არხების ბლოკატორების და ანტიარითმიული პრეპარატების ინტრავენური შეყვანა.;
-ერგოტამინის ნაწარმების (მათ შორის შაკიკის სამკურნალოდ გამოყენებული ერგოტამინშემცველი საშუალებების) მიღებისას შესაძლებელია პერიფერიული სისხლის მიმოქცევის დარღვევების გაღრმავება;
-რიფამპიცინის მიღებისას შესაძლოა რიზოპროლის T1/2-ის უმნიშვნელო შემცირება (რიზოპროლის დოზის გაზრდა ჩვეულებრივ არ არის საჭირო);
-ინსულინის ან სხვა პერორალური ჰიპოგლიკემიური საშუალებების მიღებისას შესაძლოა ჰიპოგლიკემიური მოქმედების გაძლიერება. ჰიპოგლიკემიის სიმპტომები ინიღბება ან სუსტდება (აუცილებელია სისხლის პლაზმაში გლუკოზის დონის მუდმივი კონტროლი);
-ნიფედიპინი ან დიჰიდროპირიდინის წარმოებული კალციუმის არხების სხვა ბლოკატორები აძლიერებენ რიზოპროლის ანტიჰიპერტენზიულ მოქმედებას.
შენახვის პირობები:
ინახება მშრალ ადგილას არაუმეტეს 25°C ტემპერატურაზე.
ინახება ბავშვებისგან დაცულ ადგილას.
ვარგისიანობის ვადა:
3 წელი წარმოების თარიღიდან
პრეპარატის გამოყენება ვადის გასვლის შემდეგ არ შეიძლება .
აფთიაქიდან გაცემის პირობა:
გაიცემა რეცეპტით.
საერთაშორისო დასახელება:
CLONAZEPAM
მწარმოებელი: F.HOFFMANN-LA ROCHE, შვეიცარია
მოქმედი ნივთიერება: კლონაზეპამი
ეპილეფსიის საწინააღმდეგო საშუალება.
ტაბლეტები: შეფუთვაში 30 და 100 ც.
1 ტაბ.
კლონაპეზამი ..................... 2 მგ
საინექციო ხსნარი: ამპულაში 1 მლ, შეფუთვაში 5 ც.
1 მლ
კლონაზეპამი ....................... 1 მგ
რევოტრილი კრუნჩხვების საწინააღმდეგო საშუალებაა ბენზოდიაზეპინების წარმოებულთა ჯგუფიდან. გააჩნია კრუნჩხვების საწინააღმდეგო, საძილე და სედატიური მოქმედება, ანქსიოლიზური და ცენტრალური მიორელაქსაციური ეფექტი. პრეპარატის ეფექტის რეალიზაცია წარმოებს ცენტრალურ ნერვულ სისტემაში გამა-ამინო- ერბოს მჟავას (გაემ) დაგროვების შედეგად.
კრუნჩხვების საწინააღმდეგო მოქმედება ნაწილობრივ რეალიზდება პრესინაფსური ინჰიბირების გაძლიერებით. ამ დროს აღინიშნება ეპილეფსურ კერაში აღმოცენებული იმპულსების გავრცელების დათრგუნვა, რომლებიც წარმოიქმნება ქერქის, თალამუსის და ლიმბურ სტრუქტურებში. თუმცა ამ დროს არ ქვეითდება ეპილეფსური კერის აგზნებული მდგომარეობა.
ფარმაკოკინეტიკა:
პრეპარატის პერორალური მიღებისას ბიოშეღწევადობა შეადგენს 90%-ს. პლაზმის ცილებთან შეკავშირების ხარისხი შეადგენს 80%. კლონაზეპამის განაწილების მოცულობაა 3.2 ლ/კგ, ხოლო ნახაევარგამყოფისპერიოდი - 23 საათი. მისი ელიმინაცია ხორციელდება მეტაბოლიტების სახით.
მიღების წესი და დოზირება:
პრეპარატის დოზის დადგენა ხორციელდება ინდივიდუალურად პერორალურად რეკომენდებული საწყისი დოზაა არა უმეტეს 1 მგ-სა დღეში.
შემანარჩუნებელი დოზა - 4-8 მგ/დღეში.
ძუძუმწოვარი ასაკის ბავშვებში და ბავშვებში 1-დან 5 წლამდე საწყისი დოზა შეადგენს 250 მკგ/კგ: ბავშვებში 5-12 წლამდე - 500 მკგ/კგ.
შემანარჩუნებელი დღეღამური დოზა ბავშვებში 1 წლამდე - 0.5-1 მგ, 1-5 წლამდე - 1-3 მგ, 5-12 წლამდე - 3-6 მგ.
მოხუცებულ პაციენტებში რეკომენდებულია საწყისი დოზა 500 მკგ.
დღეღამური დოზა იყოფა 3-4 თანაბარ მიღებაზე. შემანარჩუნებელი დოზა ინიშნება მკურნალობიდან 2-3 კვირის შემდეგ.
მოზრდილებში პრეპარატი ინტრავენურად ინიშნება 1 მგ,
ბავშვებში 12 წლამდე - 500 მკგ.
ინტრავენურად შესაყვანი ხსნარის მომზადება:
3 მგ კლონაზეპამი (3 ამპულა) იხსნება 250 მლ შემდეგ ხსნარებში: ნატრიუმის ქლორიდის ფიზიოლოგიური ხსნარი, 5% და 10% გლუკოზის ხსნარი, 0.45% ნატრიუმის ქლორიდი+2.5% გლუკოზის ხსნარის კომბინაცია. ინტრავენურად შესაყვანი ხსნარი მზადდება უშუალოდ შეყვანის წინ და შეყავთ ინფუზიის გზით ნელა, 12 საათის განმავლობაში.
ცენტრალური ნერვული სისტემის მხრივ: მკურნალობის დასაწყისში შესაძლებელია დათრგუნვა, დაღლილობა, ძილიანობა, მოთენთილობა, გაშეშება, თავის ტკივილი, იშვიათად - ცნობიერების დაბინდვა, ატაქსია. მაღალი დოზების გამოყენებისას, განსაკუთრებით ხანგრძლივი მკურნალობისას - არტიკულაციის დარღვევა, თავბრუსხვევა, დიპლოპია, ნისტაგმი, პარადოქსალური რეაქციები (მათ შორის მწვავე აგზნების მდგომარეობა);
ანტეგრადული რეაქციები: იშვიათად - კუნთების სისუსტე, დეპრესია. ცალკეულ შემთხვევაში - ტონიკო-კლონური გულყრები.
კუჭ-ნაწლავის ტრაქტის მხრივ: იშვიათად - პირის სიმშრალე, გულისრევა, ღებინება, დიარეა. ახალშობილ ბავშვებში აღინიშნება ნერწყვის დენის გაძლიერება.
გულ-სისხლძარღვთა სისტემის მხრივ: შესაძლებელია არტერიული წნევის დაქვეითება.
ენდოკრინული სისტემის მხრივ: ცალკეულ შემთხვევაში - სქესობრივი ლტოლვის დაქვეითება.
სასუნთქი სისტემის მხრივ: ინტრავენური შეყვანისას შესაძლებელია სუნთქვის დათრგუნვა, განსაკუთრებით სხვა პრეპარატებით მკურნალობის ფონზე, რომლებიც იწვევენ სუნთქვით დეპრესიას.
ორსულობა და ლაქტაცია
ორსულობის პერიოდში პრეპარატის გამოყენება ნაჩვენებია სასიცოცხლო ჩვენების მიხედვით. კლონაზეპამი გადის პლაცენტარულ ბარიერს. ახალშობილებში რომელთა დედები ორსულობის პერიოდში იღებდნენ პრეპარატს, აღინიშნება `"აბსტინენტური სინდრომი" და "დუნე ბავშვის" სინდრომი.
ლაქტაციის პერიოდში პრეპარატის მიღება ბავშვებში იწვევს წოვითი რეფლექსის შესუსტებას და აღინიშნება მისი სედატური მოქმედება. კლონაზეპამი შეიძლება გამოიყოს დედის რძესთან ერთად.
* პრეპარატი სიფრთხილით ინიშნება ავადმყოფებში ატაქსიით, ღვიძლის მძიმე დაავადებით, განსაკუთრებით მწვავე გაუარესების პერიოდში, ღამის აპნოეს ეპიზოდების დროს. ასევე სიფრთხილეა საჭირო ხანდაზმულ პაციენტებში, ვინაიდან ამ ასაკში აღინიშნება კლონაზეპამის ნელი გამოყოფა და შემცირებულია ტოლერანტობა განსკუთრებით გულისა და ფილტვების უკმარისობის დროს.
* პრეპარატის ხანგრძლივი გამოყენებისას ბავშვებში ყურადსაღებია მისი გვერდითი ზემოქმედება ფიზიკურ და ფსიქიურ განვითარებაზე, რაც მრავალი წლის განმავლობაში არ ვლინდება.
* ხანგრძლივი გამოყენებისას შესაძლებელია წამლისმიერი დამოკიდებულების განვითარება. პრეპარატის მკვეთრი მოხსნის შემთხვევაში ხანგრძლივი მკურნალობის შემდეგ შესაძლებელია აბსტინენციის სინდრომის განვითარება. მკურნალობის პერიოდში დაუშვებელია ალკოჰოლის მიღება.
* ზემოქმედება ფსიქომოტორულ აქტივობაზე: პრეპარატით მკურნალობის პერიოდში აღინიშნება ფსიქომოტორული რეაქციის სისწრაფის დაქვეითება. ეს უნდა გაითვალისწინონ პირებმა, რომელთა საქმიანობა მოითხოვს მომატებულ ყურადღებას და ფსიქომოტორული რეაქციების სისწრაფეს.
სხვა წამლებთან ურთიერთქმედება:
- რივოტრილის ერთდროული გამოყენებისას იმ პრეპარატებთან, რომლებიც დამთრგუნველად მოქმედებენ ცენტრალურ ნერვულ სისტემაზე, ასევე ეთანოლთან და ეთანოლშემცველ პრეპარატებთან, შესაძლებელია ცენტრალური ნერვული სისტემის მხრივ დეპრესიის გაძლიერება.
- ციმეტიდინთან გამოყენებისას შესაძლებელია პრეპარატის მოქმედების გაძლიერება და გახანგრძლივება.
- ნატრიუმის ვალპროატთან კომბინირებისას შესაძლებელია მისი მოქმედების შესუსტება და კრუნჩხვების შეტევის პროვოცირება.
- რივოტრილის ერთდროული გამოყენებისას კარბამაზეპინთან, რომელიც იწვევს ღვიძლში მიკროსომული ფერმენტების ინდუქციას, შესაძლებელია მეტაბოლიზმის გაძლირება და ამის შედეგად - პრეპარატის კონცენტრაციის შემცირება პლაზმაში, ასევე მცირდება მისი ნახევარგამოყოფის პერიოდი.
- პრეპარატი აძლიერებს მიორელაქსანტების ეფექტს.
პრეპარატი ინახება არაუმეტეს 250C ტემპერატურაზე, ბავშვებისათვის მიუწვდომელ ადგილას.
ფარმაკოთერაპიული ჯგუფი:
ანტისეპტიკური საშუალება.
ჩვენება:
წარმოადგენს ანტიმიკრობული მოქმედების საშუალებას.
გამოშვების ფორმა: 50 მლ., 100 მლ. ხსნარი ფლაკონში.
ETHYNILESTRADIOL; LEVONORGESTREL
მწარმოებელი: GEDEON RICHTER, უნგრეთი
მოქმედი ნივთიერება: ეთინილესტრადიოლ+ლევონორგესტრელი
კლინიკურ-ფარმაკოლოგიური ჯგუფი:
ჩასახვის საწინააღმდეგო ჰორმონული საშუალება.
შემადგენლობა და გამოშვების ფორმა:
შემოგარსული ტაბლეტები: შეფუთვაში 21 და 3X21 ც.
1 ტაბ.
ეთინილესტრადიოლი ......... 30 მკგ
ლევონორგესტრელი ................. 150 მკგ
ფარმაკოლოგიური თვისებები:
რიგევიდონი წარმოადგენს ჩასახვის საწინააღმდეგო ჰორმონულ პრეპარატს, რომელიც შეიცავს ესტოგენულ და გესტაგენურ საშუალებას. უკუკავშირის მექანიზმით გონადოტროპული ჰორმონების პროდუქციის დათრგუნვით იგი იწვევს ოვულაციის დათრგუნვას და ხელს უშლის განაყოფიერების პროცესს. ამასთანავე ზრდის ცერვიკალური ლორწოს სიბლანტეს, რის გამოც ფერხდება სპერმატოზოიდების მოძრაობა.
რიგევიდონის მიღება ხორციელდება ექიმის მეთვალყურეობის ქვეშ. პრეპარატით მკურნალობის დაწყებამდე ქალებში რეკომენდებულია გულდასმით საერთო სამედიცინო და გინეკოლოგიური გამოკვლევების ჩატარება (არტერიული წნევის კონტროლი, სისხლში შაქრის რაოდენობის განსაზღვრა, ანამნეზის შეკრება, საშვილოსნოდან აღებული ნაცხის ციტოლოგიური ანალიზის ჩათვლით).
პრეპარატის მიღება იწყება მენსტრუალური ციკლის პირველ დღეს 1 შაქრიანი შემოგარსული ტაბლეტის 21 დღის განმავლობაში ყოველდღიური გამოყენებით ერთსა და იმავე დროს. შემდგომში საჭიროა 7 დღიანი შესვენება. აღნიშნული შესვენების დროს იწყება მენსტრუაციის მსგავსი სისხლდენა. 7 დღიანი შესვენების შემდეგ, მენსტრუალური ციკლის შეწყვეტის ან მისი შემდგომი გაგრძელების მიუხედავად საჭიროა მე-8 დღიდან შაქრიანი შემოგარსული ტაბლეტების მიღების გაგრძელება მეორე შეფუთვიდან.
პრეპარატის მიღება წარმოებს კონტრაცეპციისათვის საჭირო პერიოდის განმავლობაში.
რიგევიდონის ტაბლეტის მიღების დავიწყების შემთხვევაში, საჭიროა მისი მიღება არა უგვიანეს 12 სთ-ის განმავლობაში. 36 სთ-ზე მეტი ხნის განმავლობაში პრეპარატის მიღების დაგვიანების შემთხვევაში, კონტრაცეპცია აღნიშნული ციკლის დროს სუსტდება. ამ შემთხვევაში რეკომენდებულია ჩასახვის საწინააღმდეგო სხვა არაჰორმონული მეთოდების გამოყენება (კალენდარული და ტემპერატურული მეთოდების გამოკლებით). ტაბლეტის მიღების გაგრძელება საჭიროა დაწყებული შეფუთვიდან ერთსა და იმავე დროს, დავიწყებული ტაბლეტის გამოტოვებით.
ღებინების და დიარეის შემთხვევაში, პრეპარატთან ერთად აუცილებელია ჩასახვის საწინააღმდეგო სხვა არაჰორმონული მეთოდების გამოყენება.
მკურნალობის პერიოდში მენსტრუაციებს შორის სისხლდენის დროს საჭიროა პრეპარატის მიღების გაგრძელება, ვინაიდან სისხლდენა მალე ქრება. ძლიერი სისხლდენის დროს, აუცილებელია ექიმთან კონსულტაცია.
ერთეულ შემთხვევებში, როდესაც ტაბლეტების რეგულარული მიღებიდან მომდევნო 7 დღიანი შესვენების შემდეგ არ არის მენსტრუაცია, საჭიროა ტაბლეტის მიღების შეწყვეტა.
მშობიარობის შემდეგ პრეპარატის მიღება რეკომენდებულია არაუგვიანეს პირველივე დღეს მეორე მენსტრუაციის დაწყებიდან. არასასურველი ორსულობის თავიდან აცილების შემთხვევაში, პრეპარატის მიღება ხდება პირველი მენსტრუაციის პირველსავე დღეს, თუმცა პირველი ორი კვირის განმავლობაში აუცილებელია მისი კომბინაცია სხვა არაჰორმონულ მეთოდებთან.
აბორტის შემდეგ ჰორმონული კონტრაცეპტივების მიღება რეკომენდებულია მაშინვე ან ოპერაციის მეორე დღიდან.
- ჩასახვის საწინააღმდეგო პრეპარატები, როგორც წესი, ხასიათდებიან კარგი ამტანობით. იშვიათად შესაძლებელია გულისრევა, ღებინება, თავის ტკივილი, დაძაბულობა, სარძევე ჯირკვლების გამკვრივება, სხეულის წონის ცვლილება, ხასიათის დათრგუნვა, დისკომფორტის შეგრძნება კონტაქტური ლინზების გამოყენების დროს, მენსტრუაციებს შორის სისხლდენა, რომელიც არ საჭიროებს პრეპარატის შეცვლას და თავისით ქრება.
- პრეპარატის ხანგრძლივად გამოყენებისას ზოგიერთ პაციენტებში შესაძლებელია სახეზე პიგმენტური ლაქების წარმოქმნა, არტერიული წნევის მომატება, სისხლში შაქრის შემცველობის მომატება, კანზე გამონაყარი, თრომბოემბოლური დაავადებები, ღვიძლისა და ნაღვლის ბუშტის დაავადებები, გადაღლილობა, დიარეა. რიგევიდონის ხანგრძლივად გამოყენების შემთხვევაში პროფილაქტიკის მიზნით საჭიროა ყოველ 6 თვეში ერთხელ საკონტროლო გინეკოლოგიური გამოკვლევების ჩატარება. ჰეპატიტის გადატანის შემდეგ ჩასახვის საწინააღმდეგო პერორალური ჰორმონული პრეპარატების გამოყენება 6 თვის მანძილზე რეკომენდებული არ არის.
- ზოგიერთ ქალში, ჰორმონული კონტრაცეპტივების გამოყენების დროს იზრდება თრომბოემბოლიების მიოკარდიუმის ინფარქტის, ინსულტის განვითარების რისკი. აღნიშნული რისკი ძლიერდება ასაკთან ერთად (30 წლის ზემოთ), განსაკუთრებით კი თამბაქოს მწეველებში. ამიტომ ჩასახვის საწინააღმდეგო პრეპარატების მიღების დროს აღნიშნული ასაკის ქალებს ეკრძალებათ თამბაქოს მოწევა.
* ორსულობა, ღვიძლის ფუნქციის მძიმე დარღვევები, ლიპიდური ცვლის დარღვევა, ჰიპერტონია, სისხლძარღვების დაზიანებით მიმდინარე მძიმე შაქრიანი დიაბეტი, უცნობი ეტიოლოგიის სისხლდენა საშოდან, ორსულობით გამოწვეული სიყვითლე ან ჰერპესი, გულის მძიმე დაავადებები, ნაღვლის ბუშტის დაავადებები, თრომბოემბოლიები, აგრეთვე მსგავსი დაავადებების მიმართ მიდრეკილება, ღვიძლის სიმსივნეები, სარძევე ჯირკვლის ან საშვილოსნოს ავთვისებიანი სიმსივნეები.
* პრეპარატი განსაკუთრებული სიფრთხილით ენიშნებათ შაქრიანი დიაბეტით, არტერიული ჰიპერტონიით, ვენების ანთებით, ვენების ვარიკოზული გაგანიერებით, ეპილეფსიით, ქორეით და საშვილოსნოს კეთილთვისებიანი სიმსივნეებით შეპყრობილ პაციენტებს.
* ჩასახვის საწინააღმდეგო ჰორმონული პრეპარატის ზემოქმედებით გამოწვეული რძის გამოყოფის შემცირების გამო ლაქტაციის პერიოდში რიგევიდონის მიღება შესაძლებელია მხოლოდ ექიმთან კონსულტაციით.
პრეპარატით მკურნალობის შეწყვეტის მიზეზები:
პრეპარატის გამოყენებისას იშვიათად აღინიშნება კეთილთვისებიანი, ან უფრო იშვიათად - ავთვისებიანი ცვლილებები ღვიძლში, რომელიც ერთეულ შემთხვევებში იწვევს სიცოცხლისათვის საშიშ სისხლჩაქცევებს მუცლის ღრუში. ამიტომ მუცლის ზედა ნაწილი ძლიერი ხასიათის ტკივილების შემთხვევაში, რომლებიც ხანმოკლე დროის განმავლობაში დამოუკიდებლად არ ქრება, საჭიროა ექიმთან კონსულტაცია.
სხვა წამლებთან ურთიერთქმედება:
სხვა პრეპარატების მიღება (მაგ. ანტიბიოტიკები, ანტიკოაგულანტები, ანტიდეპრესანტები, ანტიდიაბეტური საშუალებები) შესაძლებელია მხოლოდ სარგებლიანობისა და პოტენციური რისკის შეფასების შემდეგ.
პრეპარატი ინახება ბავშვებისგან დაცულ ადგილას.
ETHYNILESTRADIOL; LEVONORGESTREL
მწარმოებელი: GEDEON RICHTER, უნგრეთი
მოქმედი ნივთიერება: ეთინილესტრადიოლ+ლევონორგესტრელი
კლინიკურ-ფარმაკოლოგიური ჯგუფი:
ჩასახვის საწინააღმდეგო ჰორმონული საშუალება.
შემადგენლობა და გამოშვების ფორმა:
შემოგარსული ტაბლეტები: შეფუთვაში 28 და 3X28 ც.
1 ტაბ.
ეთინილესტრადიოლი .......... 30 მკგ
ლევონორგესტრელი ........... 150 მკგ
ვრცლად რიგევიდონი
საერთაშორისო დასახელება: INOSINE
მწარმოებელი: OLAINFARMA, ლატვია
მოქმედი ნივთიერება: ინოზინი
კლინიკურ-ფარმაკოლოგიური ჯგუფი: მეტაბოლური საშუალება; გულ-სისხლძარღვთა დაავადებების სამკურნალო საშუალება.
შემადგენლობა და გამოშვების ფორმა:
შემოგარსული ტაბლეტები: შეფუთვაში 10 და 50 ც.
1 ტაბ.
ინოზინი ....... 200 მგ
ფარმაკოლოგიური თვისებები:
რიბოქსინი წარმოადგენს მიოკარდიუმის მეტაბოლიზმის სტიმულატორს ანაბოლური მოქმედებით, რომელიც აღწევს უჯრედის გარსში და ზრდის მიოკარდიუმის ენერგეტიკულ ბალანსს. რიბოქსინი ხელს უწყობს გლუკოზის ცვლის პროცესს მეტაბოლური ჰიპოქსიის პირობებში ატფ-ის უკმარისობის შემთხვევაში. პრეპარატი ზრდის პიროყურძნის მჟავას დაჟანგვის ციკლის რიგი ფერმენტების აქტივობას, ასტიმულირებს ნუკლეოტიდების სინთეზს, იგი ახდენს დადებით ზემოქმედებას მიოკარდიუმის ცვლის პროცესებზე, აგრეთვე აუმჯობესებს კორონალურ სისხლმიმოქცევას.
ჩვენებები:
ღვიძლის დაავადებები:
მიღების წესი და დოზირება:
რიბოქსინი ჩვეულებრივ ინიშნება პერორალურად ჭამამდე. დღეღამური დოზა შეადგენს 600 მგ-დან 2400 მგ-ს.
საწყისი დღეღამური დოზა შეადგენს 600-800 მგ-ს (1 ტაბლეტი 3-4-ჯერ დღეში). პრეპარატის კარგი ამტანობის შემთხვევაში დოზას ზრდიან 2-3 დღის განმავლობაში 2400 მგ-მდე დღეში.
მკურნალობის ხანგრძლივობა შეადგენს 4 კვირიდან 1,5-3 თვემდე. თუ მორიგი დოზა გამოტოვებულ იქნა, პრეპარატის მიღებას აგრძელებენ ადრე დანიშნული დოზით.
გამოყენება პედიატრიაში:
მოზარდებში პრეპარატი ინიშნება 200-400 მგ 3-4-ჯერ დღეში.
მკურნალობის კურსის ხანგრძლივობა შეადგენს 1-3 თვეს.
უკუჩვენებები:
* რიბოქსინის ან მის შემადგენლობაში შემავალი კომპონენტების მიმართ მომატებული მგრძნობელობა.
გვერდითი მოვლენები:
კარდიალური დარღვევები: ტაქიკარდია, არტერიული ჰიპოტენზია, რასაც შეიძლება თან ახლდეს თავის ტკივილი, თავბრუსხვევა, გულისრევის შეგრძნება, ღებინება, ოფლიანობა. იმუნური სისტემის, კანისა და კანქვეშა უჯრედისის მხრივ: ალერგიული/ანაფილაქსური რეაქციები, მათ შორის გამონაყარი, ქავილი, კანის ჰიპერემია, ჭინჭრის გამონაყარი, ანაფილაქსური შოკი.
ნივთიერებათა ცვლის, მეტაბოლიზმის მხრივ: ჰიპერურიკემია, პოდაგრას გამწვავება (მაღალი დოზების ხანგრძლივად გამოყენებისას).
იმ გვერდითი მოვლენების გამოვლენისას, რომლებიც ინსტრუქციაში არ არის მითითებული, აუცილებელია მკურნალი ექიმის ინფორმირება.
სიფრთხილეა საჭირო: პოდაგრით დაავადებულ პაციენტებში პრეპარატი სიფრთხილით ინიშნება. იშვიათად აღინიშნება სისხლში შარდმჟავას კონცენტრაციის მომატება, რიბოქსინის ხანგრძლივად და დიდი დოზით გამოყენებისას მოსალოდნელია პოდაგრის გამწვავება.
ორსულობისა და ლაქტაციის პერიოდი:
აბსოლუტური წინააღმდეგჩვენება არ არის ცნობილი.
ურთიერთქმედება სხვა სამკურნალო საშუალებებთან:
რიბოქსინისა და სხვა ანაბოლური სამკურნალო საშუალებების კომბინაცია დასაშვებია. რიბოქსინი ამცირებს საგულე გლიკოზიდების ტოქსიკურობას.
ალკოჰოლისა და რიბოქსინის ერთდროული გამოყენებისას ამ უკანასკნელის მოქმედების ეფექტი ქვეითდება და შესაძლებელია გულის მუშაობის დარღვევა.
რიბოქსინით მკურნალობის პერიოდში ალკოჰოლის გამოყენება არ არის ნებადართული..
ჭარბი დოზირება:
არ აღინიშნება.
სატრანსპორტო საშუალებების მართვის უნარზე ზემოქმედება:
არ აღინიშნება.
ვარგისიანობის ვადა:
მითითებულია შეფუთვაზე. მასზე აღნიშნული ვადის გასვლის შემდეგ პრეპარატის გამოყენება არ არის რეკომენდებული.
შენახვის პირობები:
ინახება მშრალ, სინათლისა და ბავშვებისაგან დაცულ ადგილას
მწარმოებელი: Perre Fabre Medicament Production, საფრანგეთი
კლინიკურ-ფარმაკოლოგიური ჯგუფი:
იმუნოკორექტორი.
შემადგენლობა და გამოშვების ფორმა:
ტაბლეტები: შეფუთვაში 12 ც.
1 ტაბ.
რიბოსომები, რნმ-ის 70% ტიტრით 0.250 მგ, მათ შორის:
Klebsiella pnevmoniae-ის რიბოსომები .......... 35 წილი
Streptococcus pyogenes -ის რიბოსომები ..... 30 წილი
Streptococcus pnevmoniae-ის რიბოსომები .... 30 წილი
Haemophilus influenzae -ის რიბოსომები ....... 5 წილი
Klebsiella pnevmoniae-ის მემბრანული ნაწილის პროტეოგლიკანები 1 ტაბ. – 0375 მგ.
ფარმაკოლოგიური თვისებები:
რიბომუნილი ბაქტერიული წარმოშობის იმუნომოდულატორია და წარმოადგენს რიბოსომალურ-პროტეოგლიკანურ კომპლექსს, რომლის შემადგენლობაში შედიან სასუნთქი გზებისა და ლორ-ორგანოების ინფექციების ყველაზე ხშირი გამომწვევები.
პრეპარატის შემადგენლობაში მყოფი რიბისომები შეიცავენ ანტიგენებს, რომლებიც იდენტურია ბაქტერიების ზედაპირული ანტიგენებისა და მათ ორგანიზმში მოხვედრის შემდეგ ხდება სპეციფიკური ანტისხეულების წარმოქმნა ამ გამომწვევების მიმართ (ვაქცინის ეფექტი).
მემბრანული პროტეოგლიკანები ააქტიურებენ არასპეციფიკურ იმუნიტეტს, რაც გამოიხატება მაკროფაგებისა და პოლინუკლეარული ლეიკოციტების ფაგოციტარული აქტივობის გაძლიერებაში.
პრეპარატი აძლიერებს Tდა B ლიმფოციტების ფუნქციას, lg A-ს ტიპის სეკრეტორული და პლაზმური იმუნოგლობულინების გამომუშავებას. ინტერლეიკინ-1-ის და ასევე ალფა- და გამა-ინტერფერონის პროდუქციას და ამით აიხსნება რიბომუნილის პროფილაქტიკური ეფექტი ვირუსული რესპირატორული ინფექციების დროს.
კომპლექსურ თერაპიაში რიბომუნილი საშუალებას გვაძლევს გავზარდოთ მკურნალობის ეფქეტურობა და შევამციროთ დაავადების ხანგრძლივობა, შევამციროთ მოხმარებული ანტიბიოტიკების და ბრონქოლიტიკების რაოდენობა და გავზარდოთ რემისია.
გვერდითი მოვლენები:
გარდამავალი ჰიპერსალივაცია მკურნალობის დასაწყისში.
* პრეპარატის მიმართ მომატებული მგრძნობელობა.
სიფრთხილით ენიშნებათ აუტოიმუნური დაავადებებითა და აივ-ინფექციით დასნებოვნებულ პაციენტებს.
პრეპარატი ინახება 15-250C ტემპერატურაზე.
ტაბლეტები: შეფუთვაში 20 ც.
1 ტაბ.
ტრიფსინი .......................... 4.2 მიკროკატალი
პანკრიასის რიბონუკლეაზა ...... 0.33 მიკროკატალი
ქიმოტრიფსინოგენი ............... 93.4 მიკროკატალი
ფარმაკოთერაპიული ჯგუფი:
შეშუპების საწინააღმდეგო ენზიმოთერაპია
ჩვენება:
ტრავმისა და ქირურგიული ოპერაციის შემდგომი შეშუპების მკურნალობა.
გამოყენების წესები:
დოზირება
მხოლოდ უფროსებისათვის.
პერორალურად: 1 ტაბლეტი სამჯერ დღეში.
ტაბლეტი მიიღება მცირე რაოდენობით წყლის მიყოლებით.
მკურნალობის კურსი დგინდება დაავადების ფორმისა და სიმძიმის მიხედვით.
უკუჩვენებები:
ჰიპერმგრძნობელობა პრეპარატის კომპონენტების მიმართ.
ამ დროს აუცილებელია ექიმის კონსულტაცია.
სხვა წამლებთან ურთიერთქმედება:
რამდენიმე წამალს შორის შესაძლო ურთიერთქმედების თავიდან ასაცილებლად, აუცილებელია ექიმს ეცნობოს სხვა ნებისმიერი მკურნალობის შესახებ.
ორსულობა და ძუძუთი კვება:
პრეპარატის მიღება ორსულობისა და ლაქტაციის პერიოდში არ არის მიზანშეწონილი.
გვერდითი მოვლენები:
პრეპარატმა შეიძლება გამოიწვიოს ალერგიული რეაქციები, რაც საჭიროებს მკურნალობის დაუყონებლივ შეწყვეტას.
შენახვის პირობები:
პრეპარატი ინახება მშრალ ადგილას, 25ºC-ზე ნაკლები ტემპერატურის პირობებში.
RIBAVIRIN
მწარმოებელი: LOSAN PHARMA GmbH MEDIKO
მოქმედი ნივთიერება: რიბავირინი
კლინიკურ-ფარმაკოლოგიური ჯგუფი:
ანტივირუსული პრეპარატი
შემადგენლობა და გამოშვების ფორმა:
კაფსულები: შეფუთვაში 100 ც.
1 კაფს.
რიბავირინი .......... 200 მგ
ვრცლად რიბავირინი
