მწარმოებელი: “HERBAPOL”,პოლონეთი

წამლის შემადგენლობა:

1 დრაჟე შიცავს:

ფარმაკოლოგიური ჯგუფი:

ნაღვლმდენი კომბინირებული საშუალება

ჩვენებები:

პრეპარატი გამოიყენება ნაღვლის ბუშტის ატონიის, კუჭ-ნაწლავის ტრაქტის ფუნქციის დარღვევის (სანაღვლე გზების დისკინეზია, მუცლის შებერვა, ყაბზობა) დროს. პრეპარატი გამოიყენება როგორც დამხმარე საშუალება სანაღვლე გზების და ნაღვლის ბუშტის ანთებითი მდგომარეობების დროს, როდესაც შენარჩუნებულია ნაღვლის გადასვლა თორმეტგოჯა ნაწლავში.

უკუჩვენებები:

პრეპარატი უკუნაჩვენებია ღვიძლის მძიმე დაზიანების დროს, პრეპარატის კომპონენტების მიმართ მომატებული მგრძნობელობისას, კუჭის და თორმეტგოჯა ნაწლავის წყლულის, გულის დაავადებების, მწვავე გლომერულონეფრიტის დროს.

ნაღვლკენჭოვანი დაავადებების დროს პრეპარატის მიღება რეკომენდებულია ექიმთან კონსულტაციის შემდეგ.

სიფრთხილის ზომები:

ორსულობისა და ლაქტაციის დროს პრეპარატი არ მოქმდებს დედის და ბავშვის ჯანმრთელობაზე.

პრეპარატი ხელს არ უშლის ავტოტრანსპორტის მართვას და სხვა მექანიზმებთან მუშაობას.

არ არის ცნობილი პრეპარატის ჭარბი დოზირების შემთხვევები.

დოზირება და გამოყენება:

პრეპარატი გამოიყენება შიგნით მისაღებად .

რეკომენდებული დოზა მოზრდილებში 1-2 დრაჟე 3-ჯერ დღეში ჭამის შემდეგ. ყაბზობის დროს 2 დრაჟე დილით და საღამოს ნახევარი საათით ადრე ჭამამდე. ბავშვებში 10 წლის ასაკის ზევით – 1 დრაჟე 3-ჯერ დღეში ჭამის შემდეგ.

პრეპარატი შეიძლება გამოყენებული იყოს ხანგრძლივი დროის განმავლობაში .გვერდითი მოვლენების განვითარების გარეშე.

გვერდითი მოვლენები:

პრეპარატის მიღებისას შესაძლებელია განვითარდეს დარღვევები კუჭ-ნაწლავის მხრივ, ალერგიული რეაქციები.

შენახვის პირობები:

ინახება 5 ºC -25 ºC ტემპერატურის პირობებში,  ბავშვებისთვის მიუწვდომელ ადგილას.

დაიცავით სინათლისა და ნესტისაგან.

გაცემის წესი:

ურეცეპტოდ

ვარგისობის ვადა:

3 წელი

საერთაშორისო დასახელება:

Rauwolfia alcaloids;

ღია მწვანე ფერის შემოგარსული ტაბლეტები;

შემადგენლობა და გამოშების ფორმა:

ღია მწვანე ფერის შემოგარსული ტაბლეტები;

1 ტაბლეტი შეიცავს;

რაუნატინი  …………………….  0,002გ-ს;

დამხმარე ნივთიერებები: შაქარი, კარტოფილის სახამებელი, გლუკოზა, სტეარინის მჟავა, ვაზელინის ზეთი, მაგნიუმის კარბონატი, აეროსილი, ტიტანის ორჟანგი პიგმენტური, დაბალმოლეკულური სამედიცინო პოლივინილპიროლიდონი, მწვანე საღებავი ევრობლენდ მწვანე ვაშლის, ტალკი, ფუტკრის ცვილი.

ფარმაკოლოგიური ჯგუფი:

სიმპათოლიზური  საშუალება

ფარმაკოლოგიური თვისებები:

რაუნატინი ხასიათდება ჰიპოტენზიური ეფექტით და ანტიარითმული მოქმედებით, აგრეთვე დამამშვიდებელი მოქმედებით ცენტრალურ ნერვულ სისტემაზე. ეს უკანასკნელი რეზერპინთან შედარებით უფრო ნაკლებადაა გამოხატული, მაგრამ ჰიპოტენზიური მოქმედებით იგი არ ჩამორჩება რეზერპინს. რიგ შემთხვევებში

რაუნატინს რეზერპინთან შედარებით ახასიათებს უკეთესი ამტანობა.

ფარმაკოკინეტიკა:

რაუნატინი შეიცავს გველის რაუვოლფიას ფესვების ალკალოიდების ჯამს, რომელთა შორის მეტად მნიშვნელოვანია რეზერპინი, სერპენტინი,  აიმალინი. ალკალოიდების საერთო შემცველობა მშრალ ნივთიერებაზე გადაანგარიშებით – არა ნაკლებ 90%-ია. პრეპარატის შემადგენლობაში შემავალი  ალკალოიდები ერთმანეთისაგან განსხვავდებიან შეწოვის სიჩქარით და ხარისხით. მეტაბოლიზმს განიცდიან ძირითადად ღვიძლში და მეტაბოლიტების სახით გამოიყოფიან თირკმელების საშუალებით.

რაუნატინის ჰიპოტენზიური ეფექტი რეზერპინის ეფექტთან შედარებით ხორციელდება თანდათანობით (ჩვეულებრივად პრეპარატის მიღებიდან მე10-11-ე დღეს). ზოგიერთ ავადმყოფებში პრეპარატის თერაპიული ეფექტი აღინიშნება  რაუნატინის მიღების შეწყვეტიდან  2-3 თვის განმავლობაში.

ჩვენებები:

რაუნატინის გამოყენების ძირითად ჩვენებას წარმოადგენს ჰიპერტონული დაავადება, პირველ რიგში II-III ხარისხის. ფსიქიატრიულ პრაქტიკაში რაუნატინი ფართო გამოყენებით არ ხასიათდება, მაგრამ ინიშნება ნევროზული მდგომარეობის დროს.

დოზირება და მიღების წესი:

მოზრდილებში რაუნატინი ინიშნება ჭამის შემდეგ. დოზის შერჩევა ხდება  ინდივიდუალურად. პრეპარატის მიღებას, როგორც წესი, იწყებენ  ღამით, ძილის წინ 1 ტაბლეტი, რომელიც შეიცავს 0,002გ –ს (2მგ) ალკალოიდების ჯამს, მეორე დღეს  1 ტაბლეტი 2 -ჯერ დღეში; მესამე დღეს – 3 ტაბლეტი,  საერთო დოზით  4-6 ტაბ.-მდე დღეში. თერაპიული ეფექტის მიღწევისას,  ძირითადად  10 -14 დღის შემდეგ, პრეპარატის დოზას თანდათანობით ამცირებენ (1-2 ტაბ.-მდე დღეში). ზოგიერთ შემთხვევებში პრეპარატი ინიშნება შემანარჩუნებელი დოზით ხანგრძლივი დროის განმავლობაში (1 ტაბლეტი დღეში).

გვერდითი მოვლენები:

რაუნატინი სწორად  შერჩეული დოზით ძირითადად გვერდითი მოვლენების განვითარებას არ იწვევს, მაგრამ ცალკეულ შემთხვევებში აღინიშნება ცხვირის ლორწოვანი გარსის შეშუპება, პირის სიმშრალე, მომატებული ოფლიანობა, საერთო სისუსტე, დეპრესია, ტკივილი გულის არეში. გვერდითი მოვლენების მოხსნა შესაძლებელია  პრეპარატის დოზის შემცირებით ან მისი მიღების ხანმოკლე (1-3 დღე) შესვენებით, ხოლო აშკარა აუტანლობის შემთხვევაში საჭიროა პრეპარატის მიღების შეწყვეტით.

უკუჩვენებები:

რაუნატინის გამოყენება წინააღმდეგნაჩვენებია ჰიპერმგრძნობელობის, გულის მძიმე უკმარისობის, მიოკარდიუმის ორგანული დაზიანებების, აორტული მანკების, კუჭის და 12-გოჯა ნაწლავის წყლულოვანი დაავადების, ნეფროსკლეროზის, მკვეთრად გამოხატული ცერებრული ათეროსკლეროზის,

ეპილეფსიის, პარკინსონიზმის, დეპრესიის დროს.

ურთიერთქმედება სხვა სამკურნალო საშუალებებთან:

რაუნატინის მიღება შესაძლებელია ერთდროულად ან თანმიმდევრულად სხვა ჰიპოტენზიურ პრეპარატებთან, თიაზიდურ დიურეზულ საშუალებებთან, ბეტა-ადრენობლოკატორებთან, აგფ-ინჰიბიტორებთან, კალციუმის   იონების

ანტაგონისტებთან, ალფა-ადრენობლოკატორებთან ერთად.

პრეპარატი სიფრთხილით ინიშნება ქინიდინთან, ოქტადინთან, საგულე გლიკოზიდებთან ერთად.  რაუნატინის ჰიპოტენზიური ეფექტი ძლიერდება მისი კომბნინაციით დიურეზულ საშუალებებთან.

ჭარბი დოზირება:

პრეპარატის დიდი დოზებით გამოყენებისას შესაძლებელია აღწერილი გვერდითი მოვლენების გაძლიერება. აღნიშნულ შემთხვევებში საჭიროა  პრეპარატის დოზის შემცირება ან მისი მოხსნა. ინიშნება სიმპტომატური მკურნალობა.

გამოყენების თავისებურებები:

ჯანმრთელობის მდგომარეობის გაუმჯობესების პირველი ნიშნები აღინიშნება მკურნალობის დაწყებიდან მე-3-4 დღეს.

შენახვის პირობები და ვადები:

ინახება სინათლისაგან დაცულ ადგილას. ვარგისიანობის ვადა -3 წელი.

გაცემის წესი:

რეცეპტით.

საერთაშორისო დასახელება:

ATENOLOL

მწარმოებელი: ავერსი-რაციონალი,საქართველო

მოქმედი ნივთიერება:

ატენოლოლი

კლინიკურ-ფარმაკოლოგიური ჯგუფი:

სელექტიური ბეტა – ადრენობლოკატორი

შემადგენლობა და გამოშვების ფორმა:

შემოგარსული ტაბლეტები: შეფუთვაში 50 ც.

1 ტაბ.

ატენოლოლი ……………..      25 მგ

1 ტაბ.

ატენოლოლი ……………..      50 მგ

1 ტაბ.

ატენოლოლი …………….      100 მგ

დამხმარე ნივთიერებები:

სიმინდის სახამებელი, მიკროკრისტალური ცელულოზა, ტალკი, მაგნიუმის სტეარატი, ნატრიუმის სახამებლის გლიკოლატი, საღებავი.

ფარმაკოლოგიური თვისებები:

რატენალი წარმოადგენს კარდიოსელექტიურ ბეტ₁-ადრენობლოკატორს. ახასიათებს ანტიჰიპერტენზიული, ანტიანგინალური და ანტიარითმული მოქმედება. მას არ გააჩნია შინაგანი სიმპატომიმეტური აქტივობა და მემბრანომასტაბილიზირებელი თვისებები.

სტენოკარდიით შეპყრობილ პაციენტებში პრეპარატი ამცირებს გულის შეკუმშვათა ძალას და სიხშირეს, მიოკარდიუმის ჟანგბადისადმი მითხოვნილებას.

რატენალი ავლენს ჰიპოტენზიურ მოქმედებას გულის მიერ გადმოსროლილი სისხლის მოცულობის შემცირების ხარჯზე და აგრეთვე თირკმელების მიერ რენინის სეკრეციის შემცირების გამო.

ფარმაკოკინეტიკა:

პრეპარატი პერორალურად მიღების შემდეგ სწრაფად აბსორბირდება კუჭ-ნაწლავის ტრაქტიდან. ბიოშეღწევადობა შეადგენს დაახლოებით 50%. ატენოლოლი პრაქტიკულად არ განიცდის მეტაბოლიზმს ღვიძლში.

პრეპარატის ნახევარგამოყოფის პერიოდი სისხლის პლაზმიდან შეადგენს 6-7 სთ-ს.

ატენოლოლი გამოიყოფა ძირითადად თირკმელების საშუალებით უცვლელი სახით.

ჩვენებები:

• არტერიული ჰიპერტონია;
• სტენოკარდიული შეტევების პროფილაქტიკა;
• გულის რითმის დარღვევები;
• მიოკარდიუმის ინფარქტი.

მიღების წესი და დოზირება:

პრეპარატი ინიშნება ყოველდღიურად ერთსა და იმავე დროს, მცირე რაოდენობის სითხესთან ერთად.

არტერიული ჰიპერტონია: რეკომენდებული ერთჯერადი დოზა მოზრდილებისათვის შეადგენს 25-50 მგ-ს დღეში ერთხელ, აუცილებლობის შემთხვევაში შესაძლებელია საწყისი დოზის გაზრდა 100 მგ-მდე დღეში ერთხელ.

სტენოკარდია: რეკომენდებული ერთჯერადი დოზა შეადგენს 25-50 მგ-ს დღეში ერთხელ, აუცილებლობის შემთხვევაში შესაძლებელია საწყისი დოზის გაზრდა 100 მგ-მდე დღეში ერთხელ.

გულის რითმის დარღვევები: რეკომენდებული ერთჯერადი დოზა შეადგენს 50-100 მგ-ს დღეში ერთხელ.

მიოკარდიუმის ინფარქტი: მწვავე ფაზაში ადრეული მკურნალობისას ბეტა-ბლოკატორის ინტრავენურად შეყვანიდან 15 წთ-ში პერორალურად ინიშნება რატენალი 50 მგ დოზით, შემდგომ – 50 მგ ყოველ 12 სთ-ში ერთხელ (6-9 დღის განმავლობაში), შემდეგ კი 100 მგ დღეში.

გვერდითი მოვლენები:

* რატენალი ჩვეულებრივ ხასიათდება კარგი ტოლერანტობით. შესაძლებელია განვითარდეს შემდეგი გვერდითი ეფექტები: ბრადიკარდია, სიცივის შეგრძნება კიდურებში, ორტოსტატიული ჰიპოტენზია, თავბრუსხვევა, დაღლილობა, ძილის დარღვევა, დეპრესია, ჰალუცინაციები, გულისრევა, დიარეა, გამონაყარი კანზე, თვალების სიმშრალე, იშვიათად – ტკივილი გულის არეში, ცნობიერების დაბინდვა.

უკუჩვენებები:

* მომატებული მგრძნობელობა პრეპარატის ან მასში შემავალი კომპონენტების მიმართ;

* II და III ხარისხის ატრიოვენტრიკულური ბლოკადა;

* კარდიოგენული შოკი;

* გულის მწვავე ან ქრონიკული უკმარისობა;

* გამოხატული ბრადიკარდია (გულის შეკუმშვათა სიხშირე 50 დარტყმაზე ნაკლები წთ-ში);

* არტერიული ჰიპოტონია;

*  ბრონქული ასთმა და სასუნთქი გზების სხვა ობსტრუქციული დაავადებები;

* პერიფერიული სისხლის მიმოქცევის დარღვევა.

ორსულობა და ლაქტაცია:

ორსულობის დროს რატენალის გამოყენება შესაძლებელია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების რისკს.

* ლაქტაციის პერიოდში პრეპარატის გამოყენება რეკომენდებული არ არის, რადგანაც ატენოლოლი აღწევს  დედის რძეში.

განსაკუთრებული მითითებები:

‹ რატენალი სიფრთხილით გამოიყენება პაციენტებში გულის ქრონიკული უკმარისობით;

‹ პერიფერიული სისხლის მიმოქცევის დარღვევით, როგორიცაა რეინოს სინდრომი;

‹ პაციენტებში გულის იშემიური დაავადებით პრეპარატის მიღების უეცარი შეწყვეტა დაუშვებელია;

‹ მიუხედავად იმისა, რომ რატენალი წარმოადგენს მაღალსელექტიურ ბეტა₁-ადრენორეცეპტორების მაბლოკირებელ საშუალებას, იგი სიფრთხილით გამოიყენება სასუნთქი გზების ქრონიკული ობსტრუქციული დაავადებების დროს;

‹აგრეთვე სისხლში გლუკოზის მკვეთრი ცვლილებებით მიმდინარე შაქრიანი დიაბეტით დაავადებულ პაციენტებში;

‹ ფეოქრომოციტომით დაავადებულ პაციენტებში პრეპარატი ინიშნება მხოლოდ ალფა-ბლოკატორებთან კომბინაციაში;

‹რატენალის გამოყენებისას ავადმყოფებში ფარისებრი ჯირკვლის ჰიპერფუნქციით შეიძლება მოხდეს თირეოტოქსიკოზით გამოწვეული ტაქიკარდიის შენიღბვა;

‹ პაციენტებში, რომლებიც ღებულობდნენ რატენალს, საინჰალაციო ნარკოზის გამოყენების აუცილებლობის შემთხვევაში საჭიროა რატენალის მიღების შეწყვეტა ნარკოზამდე რამდენიმე დღით ადრე, ან მინიმალური უარყოფითი ინოტროპული მოქმედების საანესთეზიო საშუალების შერჩევა.

‹ პრეპარატის მიღება არ არის რეკომენდებული ავტოტრანსპორტის მართვის ან იმ სამუშაოების შესრულების დროს, რომლებიც მოითხოვენ ყურადღების მაქსიმალურ კონცენტრაციას. აგრეთვე არ არის რეკომენდებული ალკოჰოლის მიღება რატენალით მკურნალობის პერიოდში.

ჭარბი დოზირება:

სიმპტომები: ბრადიკარდია, II და III ხარისხის ატრიოვენტრიკულური ბლოკადა, გულის უკმარისობა, ჰიპოტენზია, ჰიპოგლიკემია.

მკურნალობა: კუჭის ამორეცხვა, გააქტივებული ნახშირის მიღება.

გამოხატული ბრადიკარდიის კუპირებისათვის გამოიყენება ატროპინი (1-2 მგ ვენაში), აუცილებლობის შემთხვევაში ვენაში შეყავთ ბეტა-ადრენორეცეპტორების სტიმულატორი (იზოპრენალინი – 25 მკგ) ან ორციპრენალინი დოზით 0.5 მგ. შესაძლებელია საგულე გლიკოზიდებისა და გლუკაგონის გამოყენება.

სხვა წამლებთან ურთიერთქმედება:

– რატენალის კომბინაციით ნიფედიპინთან, კლონიდინთან შესაძლებელია ბრადიკარდიის და/ან ჰიპოტენზიის განვითარება.

– რატენალისა და კლონიდინის ერთდროული გამოყენებისას კლონიდინის მოხსნა შეიძლება მხოლოდ იმ შემთხვევაში, თუ რატენალის მიღება შეწყდა რამდენიმე დღით ადრე.

– რატენალის გამოყენებისას კალციუმის არხის ბლოკატორებთან ან სხვა ანტიარითმიულ საშუალებებთან ერთად საჭიროა სიფრთხილე უარყოფითი ინოტროპული ეფექტის გამო.

– რატენალის საგულე გლიკოზიდებთან, რეზერპინთან, გუანეტიდინთან ერთდროული გამოყენებისას მომატებულია ბრადიკარდიისა და გამტარებლობის დარღვევის განვითარების რისკი.

– რატენალის და ანთების საწინააღმდეგო არასტეროიდული საშუალებების (იბუპროფენი, ინდომეტაცინი) კომბინაციით მცირდება პრეპარატის ეფექტურობა.

– რატენალი აძლიერებს ინსულინისა და სხვა პერორალური ჰიპოგლიკემიური საშუალებების მოქმედების ეფექტს.

შენახვის პირობები:

პრეპარატი ინახება არა უმეტეს 30⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

DIKLOFENAC

მწარმოებელი: HEMOFARM, სერბია

მოქმედი ნივთიერება:

დიკლოფენაკი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო პრეპარატი.

შემადგენლობა და გამოშვების ფორმა:

შემოგარსული ტაბლეტები: შეფუთვაში 10 ც.

1ტაბ.

დიკლოფენაკი ………………… 50მგ.

ვრცლად დიკლოფეროლი

მწარმოებელი: RANBAXY LABORATOIRES, ინდოეთი

შემადგენლობა და გამოშვების ფორმა:

კაფსულები: შეფუთვაში 30 ც.

1 კაფს.

რკინის ფუმარატი BP  ……….      305 მგ

(100 მგ ელემენტარული რკინის ექვივალენტი)

ფოლის მჟავა BP …………………..  0.75 მგ

ვიტამინი B₁₂ ………………………… 5 მკგ

ასკორბინის მჟავა…………………..  75 მგ

ცინკის სულფატი BP …………….     5 მკგ

ელექსირი: ფლაკონში 200 მლ

5 მლ

რკინის ამონიუმის ციტრატი BP  …..     200 მგ

(41 მგ ელემენტარული რკინის ექვივალენტი)

ფოლიუმის მჟავა BP……………….     1.5 მგ

ვიტამინი B₁₂ BP ……………………     50 მკგ

ეთანოლი BP ……………………….     3.61%

დამზადებულია არომატიზირებულ სორბიტულ ფუძეზე.

კლინიკურ-ფარმაკოლოგიური ჯგუფი:

ანტიანემიური პრეპარატი.ვიტამინებისა და მიკროელემენტების შემცველი

ფარმაკოლოგიური თვისებები:

რანფერონ-12 (კაფსულები, ელექსირი) შეიცავს სიცოცხლისათვის მნიშვნელოვან ვიტამინების კომპლექსს, რკინას და მიკროელემენტებს, აუცილებელს ჰემოპოეზისა და ორგანიზმის ცხოველმყოფელობისათვის.

რკინის ფუმარატი

რკინა აუცილებელია ნორმალური ერითროპოეზისათვის. შედის გემოგლობინის შემადგენლობაში, უზრუნველყოფს ჟანგბადის ტრანსპორტირებას სისხლში, მოქმედებს როგორც მრავალი ფერმენტული სისტემის K_O-ფაქტორი. მოთხოვნილება რკინაზე იზრდება ორსულობის, ლაქტაციის, მენსტრუაციის დროს და აგრეთვე აქტიური ზრდის პერიოდში.

ასკორბინის მჟავა

წარმოადგენს ძლიერ ანტიოქსიდანტს. მოქმედებს ჰემოგლობინის წარმოქმნაზე. ერითროციტების მომწიფებაზე, მონაწილეობს ფოლიუმის მჟავის მეტაბოლიზმში, ამაღლებს რკინის შეწოვას კუჭ-ნაწლავის ტრაქტში, მონაწილეობს სისხლის შედედების სისტემაში, ანორმალიზებს კაპილარების შეღწევადობას.

ციანოკობალამინი (ვიტამინი B₁₂)

ფლობს მაღალ ბიოლოგიურ აქტივობას. წარმოადგენს ზრდის ფაქტორს, აუცილებელს ნორმალური სისხლწარმომქნისათვის და ერითროციტების მომწიფებისათვის.

ფოლიუმის მჟავა

ვიტამინი B₁₂-თან ერთად ასტიმულირებს ერითროპოეზს, მონაწილეობს ამინომჟავების, ნუკლეინის მჟავების, პურინების, პირიმიდინების სინთეზში და ქოლინის ცვლაში. აუცილებელია ფეხმძიმეებისათვის ნაყოფის ნერვიული ბოჭკოების ნორმალური განვითარებისათვის.

ცინკი

წარმოადგენს მრავალი ფერმენტული სისტემის შემადგენელ ნაწილს, არსებობს ორგანიზმის პრაქტიკულად ყველა ქსოვილში. მოთხოვნილება მასზე იზრდება ორსულობისა და ლაქტაციის პერიოდში.

ფარმაკოკინეტიკა:

რკინის ფუმარატის შეწოვა ხდება ძირითადად 12-გოჯა და წვრილი ნაწლავის პროქსიმალურ ნაწილში. რკინის ორვალენტიანობა განაპირობებს მის სწრაფად და ადვილად შეწოვას. 70%-ს ითვისებს ძვლის ტვინი, აქედან 65-70%-ს ჰემოგლობინის სახით. დანარჩენი ფერიტინის ან ჰემოსიდერინის სახით გადადის ქსოვილების რეტიკულოენდოთელიარულ სისტემაში და შინაგან ორგანოებში, ძირითადად ღვიძლში, ელენთაში.

რკინა ორგანიზმიდან გამოიყოფა შარდთან, განავალთან და ოფლთან ერთად. ქალებში -მენსტრუალური ციკლის დროს.

ჩვენებები:

• რკინადეფიციტური და ფოლიუმდეფიციტური ანემია;
• ჰიპოცინკოზი;
• ქრონიკული სისხლდაკარგვა;
• დამწვრობითი დაავადება;
• ჰემოდიალიზი;
• ცელიაკი;
• ორსულობა (მკურნალობის ან პროფილაქტიკური მიზნით).

მიღების წესი და დოზირება:

რანფერონ-12 კაფსულებში: პაციენტებში რკინა დეფიციტური ანემიით და ფოლიუმის მჟავის დეფიციტთან ერთობლიობისას რეკომენდებულია 1 კაფსულის მიღება დღე-ღამეში 2-ჯერ, პროფილაქტიკის მიზნით – 1 კაფსულა დღე-ღამეში.

რანფერონ-1 – ელექსირი: მოზრდილებში რკინადეფიციტური ანემიის ან ფოლიუმდეფიციტური ანემიის დროს 3-4 ჩაის კოვზი (15-20 მლ) დღე-ღამეში. პროფილაქტიკისათვის – 2-3 ჩაის კოვზი (10-15 მლ) დღე-ღამეში.

დოზები რკინადეფიციტური/ფოლიუმდეფიციტური ანემიის მკურნალობის დროს ბავშვებში:

პროფილაქტიკური მიღება ბავშვებში:

გვერდითი მოვლენები:

შესაძლებელია პრეპარატის ინდივიდუალური აუტანლობა მუცლის არეში ტკივილის, პირღებინების, გულისრევის შეგრძნების, ფაღარათის ან ყაბზობის სახით.

უკუჩვენებები:

* უროკოპროპორფირია (კანის გვიანი პორფირია);

* კუჭ-ნაწლავის ტრაქტის მწვავე დაავადება;

* არაეფექტური ერითროპოეზთან დაკავშირებული ანემიები;

* წყლულოვანი დაავადება გამწვავების ფაზაში;

* ჰემოქსიმატოზი;

* ჰემოსიდეროზი.

ჭარბი დოზირება:

ჭარბი დოზირების შედეგი შეიძლება იყოს ტოქსიკური რეაქცია, განპირობებული რკინის ჭარბი რაოდენობის მიღებით.

შენახვის პირობები:

პრეპარატი ინახება მშრალ ადგილას 25⁰C ტემპერატურაზე.

ვარგისიანობის ვადა: 2 წელი.

საერთაშორისო დასახელება:

RANITIDINE

მოქმედი ნივთიერება: რანიტიდინი

კლინიკურ-ფარმაკოლოგიური ჯგუფი:

ჰისტამინური H₂-რეცეპტორების ბლოკატორი. წყლულის საწინააღმდეგო პრეპარატი.

შემადგენლობა და გამოშვების ფორმა:

ტაბლეტები: შეფუთვაში 10 და 20 ც.

1 ტაბ.

რანიტიდინის ჰიდროქლორიდი ………….  150 მგ

1 ტაბ.

რანიტიდინის ჰიდროქლორიდი ………….  300 მგ

ვრცლად ზანტაკი

სახელი, გვარი ^*

მიმართულება ^*
აირჩიე

კლინიკა ^*
აირჩიე

საერთაშორისო დასახელება:

RANITIDINI

მწარმოებელი:“ოლაინფარმა”; ლატვია.

შემადგენლობა და გამოშვების ფორმა::

გარსით დაფარული ტაბლეტები 150მგ

აქტიური ნივთიერება:

რანიტიდინის ჰიდროქლორიდი -168მგ, რაც შეესაბამება 150მგ რანიტიდინს.

დამხმარე ნივთიერებები:

პოლივინილპიროლიდონი, კარტოფილის სახამებელი, სიმინდის მოდიფიცირებული სახამებელი, მაგნიუმის სტეარატი, ჰიდროქსიპროპილმეთილცელულოზა, ტიტანის ორჟანგი (E171), ეთილცელულოზა, დიეთილფტალატი.

პრეპარატი წარმოადგენს მორუხო ელფერის მქონე თეთრი ფერის აპკით დაფარულ ტაბლეტებს პერორალური გამოყენებისათვის.

ფარმაკოთერაპიული ჯგუფი:

კუჭის წყლულის სამკურნალო საშუალება. ჰისტამინური H₂-რეცეპტორების ბლოკატორი.

ფარმაკოლოგიური თვისებები:

ფარმაკოდინამიკა:

რანიტიდინი წარმოადგენს ჰისტამინური H-2 რეცეპტორების ბლოკატორს. იგი სელექტურად აბლოკირებს კუჭის წვენის ლორწოვანი გარსის პარიეტულ უჯრედებში ლოკალიზებულ ჰისტამინურ H-2 რეცეპტორებს და თრგუნავს მარილმჟავას გამოყოფის პროცესს. პრეპარატი თრგუნავს არა მხოლოდ კუჭის სპონტანურ სეკრეციას, არამედ აგრეთვე სეკრეციას გამოწვეულს ჰისტამინით, პენტაგასტრინით, კოფეინით, აგრეთვე კუჭის დაჭიმვით.

რანიტიდინი არ ხასიათდება ანტიანდროგენული მოქმედებით, რადგან იგი არ უკავშირდება ანდროგენულ რეცეპტორებს.

რანიტიდინი გავლენას არ ახდენს პეფსინის სეკრეციის პროცესზე. გამომუშავებული პეფსინის საერთო რაოდენობა მცირდება მხოლოდ გამოყოფილი კუჭის წვენის მოცულობის შემცირების პროპორციულად. რანიტიდინი მნიშვნელოვან გავლენას არ ახდენს პენტაგასტრინით სტიმულირებულ შინაგანი ფაქტორის სეკრეციაზე, ნაკლებად ან საერთოდ არ მოქმედებს გასტრინის დონეზე.

ფარმაკოკინეტიკა:

პერორალურად მიღებისას რანიტიდინი სწრაფად შეიწოვება კუჭ-ნაწლავის ტრაქტის მიერ. საკვების მიღება მნიშვნელოვან გავლენას არ ახდენს პრეპარატის შეწოვის პროცესზე.

რანიტიდინის მაქსიმალური კონცენტრაცია სისხლის პლაზმაში აღინიშნება დაახლოვებით 2სთ-ის შემდეგ მისი ერთჯერადი მიღებისას. პრეპარატის ბიოშეღწევადობა შეადგენს დაახლოვებით 50%-ს. რანიტიდინის ერთჯერადი პერორალური დოზის –150მგ მიღების შემდეგ მისი კონცენტრაცია სისხლის შრატში, რომელიც აუცილებელია მარილმჟავას სპონტანური სეკრეციის დასათრგუნად 50%-ით, შენარჩუნებულია 12 სთ-ის განმავლობაში. მისი განაწილების მოცულობა შეადგენს 1,4 ლკგ, ხოლო პლაზმის ცილებთან კავშირი-15%-ს. რანიტიდინის მცირე რაოდენობა მეტაბოლიზდება ღვიძლში N–ოქსიდების, S–ოქსიდების და დემეთილირებული რანიტიდინის წარმოქმნით.

რანიტიდინის ნახევრად გამოყოფის პერიოდი შეადგენს 2-3სთ-ს. პრეპარატის მიღებული დოზის დაახლოვებით 30% ორგანიზმიდან უცვლელი სახით გამოიყოფა შარდთან ერთად 24სთ-ის განმავლობაში.

მისი თირკმლის კლირენსი შეადგენს დაახლოვებით 410მლწთ-ში. რანიტიდინის ელიმინაციის სიჩქარე ქვეითდება თირკმელების ფუნქციის დარღვევის დროს. პრეპარატის ძირითად მეტაბოლიტს, რომლის აღმოჩენა შესაძლებელია შარდში (მიღებული დოზის 4%-ზე ნაკლები), წარმოადგენს N–ოქსიდი, სხვა მეტაბოლიტები- S–ოქსიდები და დემეთილირებული რანიტიდინი კი (1%). რანიტიდინის მიღებული დოზის დანარჩენი ნაწილი გამოიყოფა განავალთან ერთად.

ღვიძლის ფუნქციის დარღვევით (კომპენსირებული ციროზი) შეპყრობილ ავადმყოფებში ჩატარებული კვლევების შედეგად დადგენილია, რომ რანიტიდინის ნახევრად ელიმინაციის, განაწილების, კლირენსის და ბიოშეღწევადობის მონაცემები კლინიკურად ნაკლებად მნიშვნელოვანია.

რანიტიდინი გაივლის პლაცენტურ ბარიერს და გამოიყოფა დედის რძესთან ერთად. მეტად მცირე რაოდენობით იგი გაივლის ჰემატო-ენცეფალურ ბარიერს, რის გამოც ც.ნ.ს-ის მხრივ პრეპარატით გამოწვეული გვერდითი ეფექტები იშვიათად აღინიშნება.

ჩვენება:

-კუჭისა და 12-გოჯა ნაწლავის კეთილთვისებიანი წყლული;

-ქრონიკული ეპიზოდური დისპეფსია;

-რეფლუქს-ეზოფაგიტი;

-კუჭისა და 12-გოჯა ნაწლავის წყლულოვანი დაავადების პროფილაქტიკა და მკურნალობა, მათ შორის არასტეროიდული ანთების საწინააღმდეგო საშუალებების მიღებით გამოწვეული;

-ზოლინგერ-ელისონის სინდრომი;

-კუჭის წვენის ასპირაციის პროფილაქტიკა მშობიარობის დროს და ზოგადი ანესთეზიის დროს;

უკუჩვენებები:

* პრეპარატის ან მისი შემადგენელი კომპონენტების მიმართ მომატებული მგრძნობელობა;

* მწვავე პორფირია (ანამნეზში);

* ორსულობა და ლაქტაციის პერიოდი.

გვერდითი მოვლენები:

რანიტიდინი ძირითადად ხასიათდება კარგი ამტანიანობით. პრეპარატის მიღებით გამოწვეული გვერდითი მოვლენები იშვიათი და შექცევადია რანიტიდინის დოზის შემცირებით ან მისი მოხსნის შედეგად.

შესაძლებელია დიარეა და სხვა გასტროინტესტინალური დარღვევები, ღვიძლის ფუნქციური მაჩვენებლების გარდამავალი და შექცევადი ცვლილებები (იშვიათად-ღვიძლის დაზიანება), თავის ტკივილი, თავბრუსხვევა, გამონაყარი და საერთო სისუსტე. აღნიშნული მოვლენები მკურნალობის პროცესში მალევე გაივლის.

იშვიათად-მწვავე პანკრეატიტი, ბრადიკარდია.

ერთეულ შემთხვევებში ხანდაზმულ ან მძიმე აავადმყოფებში – AV ბლოკადა, მეხსიერების დაბინდვა, დეპრესია და ჰალუცინაციები. იშვიათად აღინიშნება ჰიპერმგრძნობელობის რეაქციები (ცხელება, ართრალგია, მიალგია, ანაფილაქსია) და პერიფერიული სისხლის სურათის მხრივ დარღვევები (აგრანულოციტოზი, ლეიკოპენია, პანციტოპენია, თრომბოციტოპენია).

აღსანიშნავია, რომ რანიტიდინის მიღების დროს კუჭის წვენის მიერ შთანთქმული მიკროორგანიზმების განადგურების თვისება სუსტდება და იზრდება სალმონელოზით დაავადების რისკი.

აღნიშნული გვერდითი მოვლენების წარმოქმნის შემთხვევაში საჭიროა ექიმთან კონსულტაცია.

ურთიერთქმედება სხვა პრეპარატებთან:

რანიტიდინის და სუკრალფატის კომბინაციისას შესაძლებელია რანიტიდინის აბსორბციის პროცესის შემცირება.

რანიტიდინი პრაქტიკულად არ თრგუნავს ციტოქრომ P-450-სთან დაკავშირებულ ღვიძლის ფერმენტული სისტემის აქტივობას, ამიტომ იგი არ აძლიერებს აღნიშნულ ფერმენტულ სისტემასთან დაკავშირებული პრეპარატების მეტაბოლიზმს, როგორიცაა: დიაზეპამი, ლიდოკაინი, ფენიტოინი, პროპრანოლოლი, თეოფილინი, ვარფარინი.

რანიტიდინი აძლიერებს კუჭის წვენის მჟავიანობას, რის გამოც გავლენას ახდენს იმ პრეპარატების შეწოვის პროცესზე, რომელთა აბსორბცია დაკავშირებულია კუჭის წვენის სიმჟავის ხარისხზე.

მკურნალობის პროცესში საჭიროა ალკოჰოლური სასმელების მიღებისაგან და თამბაქოს მოწევისაგან თავის შეკავება.

სიფრთხილე:

რანიტიდინით მკურნალობის დაწყებამდე, საჭიროა ავთვისებიანი პროცესის არსებობის გამორიცხვა, რადგან მოსალოდნელია სიმპტომატიკის შენიღბვა და დიაგნოსტიკის გაძნელება.

პრეპარატის უარყოფითი მოქმედების შესახებ არ არსებობს მონაცემები ავტოტრანსპორტის მძღოლებში და იმ პირებში, რომელთა მუშაობა ტექნიკასთან მოითხოვს გაძლიერებულ ყურადღებას:

იშვიათად აღინიშნება გვერდითი მოვლენები ც.ნ.ს-ის მხრივ თავბრუსხვევის სახით, რის გამოც საჭიროა სიფრთხილე.

მიღების წესი და დოზირება:

პრეპარატის ტაბლეტების სახით მიღება ხდება დაუღეჭავად საკვების მიღებისაგან დამოუკიდებლად მცირე რაოდენობის წყალთან ერთად.

კუჭისა და 12-გოჯა ნაწლავის კეთილთვისებიანი წყლული: 150მგ 2-ჯერ დღეში (დილით და საღამოს) ან 300მგ ღამით ძილის წინ 4-8 კვირის განმავლობაში. 12-გოჯა ნაწლავის წყლულოვანი დაავადებების მკურნალობის დროს უმჯობესია 300მგ პრეპარატის გამოყენება 2-ჯერ დღეში 4 კვირის განმავლობაში.

ქრონიკული ეპიზოდური დისპეფსია: 150მგ 2-ჯერ დღეში ან 300მგ ძილის წინ 6 კვირის განმავლობაში.

შემანარჩუნებელი მკურნალობის სახით ინიშნება 150მგ რანიტიდინი ღამით.

არასტეროიდული ანთების საწინააღმდეგო საშუალებებით გამოწვეული 12-გოჯა ნაწლავის წყლული –150მგ 2-ჯერ დღეღამეში ან 300მგ ღამით ძილის წინ 8 კვირის განმავლობაში, პროფილაქტიკის მიზნით ენიშნებათ 150მგ 2-ჯერ დღეღამეში.

ბავშვებში რანიტიდინის გამოყენების შესახებ საკმარისი მონაცემები არ მოიპოვება, თუმცა მისი დანიშვნა შესაძლებელია 8-18 წლის ასაკის ბავშვებში კუჭის წყლულის დროს-2-4მგკგ წონაზე 2-ჯერ დღეში. მაქსიმალური სადღეღამისო დოზა შეადგენს 300მგ-ს.

Helicobacetr pylori–ით გამოწვეული ინფექცია და 12-გოჯა ნაწლავის წყლული: ინიშნება 300მგ რანიტიდინი დღეში (ერთხელ ან ორჯერად მიღებაზე), 750მგ ამოქსიცილინი 3-ჯერ დღეში და 500მგ მეტრონიდაზოლი 3-ჯერ დღეში 2 კვირის განმავლობაში. რანიტიდინით მკურნალობა გრძელდება კიდევ 2 კვირის განმავლობაში.

რეფლუქს–ეზოფაგიტი: 150მგ 2-ჯერ დღეში ან 300მგ ღამით ძილის წინ 8კვირის განმავლობაში, დაავადების მძიმე ფორმის დროს -150მგ 4-ჯერ დღეში 12 კვირის განმავლობაში, შემანარჩუნებელი თერაპიის სახით -150მგ 2-ჯერ დღეში.

ზოლინგერ–ელისონის სინდრომი: საწყისი დოზაა 150მგ 3-ჯერ დღეღამეში, აუცილებლობის შემთხვევაში შესაძლებელია დოზის გაზრდა 6გ-მდე დღე–ღამეში.

მშობიარობის დროს კუჭის წვენის ასპირაციის პროფილაქტიკა: 150მგ მშობიარობის დასაწყისში და ყოველ 6სთ-ში.

ასპირაციული სინდრომის რისკით შეპყრობილ ავადმყოფებში: 150მგ 2სთ-ით ადრე ნარკოზამდე და სასურველია 150მგ საღამოს.

თირკმელების ფუნქციის დარღვევის დროს საჭიროა დოზის კორექცია, ინიშნება 150მგ ღამით.

პრეპარატი სიფრთხილით ენიშნებათ ღვიძლის ფუნქციის დარღვევით შეპყრობილ ავადმყოფებს.

რანიტიდინის მიღების უეცრად შეწყვეტა ნებადარული არ არის, რადგან ამ დროს შესაძლებელია წყლულოვანი დაავადების გამწვავება. პრეპარატის ერთი ან რამოდენიმე თერაპიული დოზის გამოტოვების შემთხვევაში, საჭიროა მკურნალობის გაგრძელება ადრე დანიშნული დოზებით, ხოლო აუცილებლობის შემთხვევაში -ექიმთან კონსულტაცია.

ჭარბი დოზირება:

შესაძლებელია მოძრაობის კოორდინაციის დარღვევა და ჰიპოტენზია.

ადექვატური სიმპტომატური და შემანარჩუნებელი თერაპია.

შენახვის ვადა:

2 წელი

შენახვის პირობები:

მშრალ, სინათლისაგან დაცულ ადგილას. არა უმეტეს 30°C – მდე ტემპერატურაზე.

ბავშვებისაგან დაცულ ადგილას.

საერთაშორისო დასახელება:

RANITIDINE

მწარმოებელი: PRO.MED.CS Praha, ჩეხეთი

მოქმედი ნივთიერება: რანიტიდინი

კლინიკურ-ფარმაკოლოგიური ჯგუფი:

ჰისტამინური H₂-რეცეპტორების ბლოკატორი, კუჭისა და 12-გოჯა ნაწლავის წყლულოვანი დაავადების სამკურნალო საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 20 ც.

1 ტაბ.

რანიტიდინის ჰიდროქლორიდი …………      150 მგ

ფარმაკოლოგიური თვისებები:

რანისანი აბლოკირებს ჰისტამინურ H₂-რეცეპტორებს და მარილმჟავას და პეფსინის გამოყოფის შეფერხებით ამცირებს კუჭის წვენის სეკრეციას, რაც იწვევს ძირითადად მარილმჟავას ბაზალური და ღამის სეკრეციის, აგრეთვე პენტაგასტრინით, აცეტილქოლინით და სხვა სტიმულირებული სეკრეციის დაქვეითებას. ამასთან ერთად, რანიტიდინი თრგუნავს პოხიერი უჯრედების დეგრანულაციის პროცესს, ამცირებს ჰისტამინის შემცველობას ჰერიულცეროზულ ზონაში და ეპითელიუმის დნმ-ის მასინთეზირებელი უჯრედების რაოდენობის გაზრდით ასტიმულირებს წყლულის შეხორცების პროცესს.

რანისანი პრაქტიკულად არ მოქმედებს ჰორმონულ სტატუსზე, იმუნოლოგიურ რეაქტივობაზე, ღვიძლის მიკროსომულ ფერმენტებზე და სხვა სამკურნალო საშუალებების ბიოტრანსფორმაციაზე.

ჩვენებები:

• კუჭისა და 12-გოჯა ნაწლავის წყლულოვანი დაავადება გამწვავების ფაზაში, რეციდივების პროფილაქტიკა;
• სიმპტომური (სტრესული წყლული, იატროგენული და სხვა) წყლული;
• ფუნქციური დისპეფსია;
• ეროზიული და რეფლუქს-ეზოფაგიტი;
• კუჭ-ნაწლავის ტრაქტის ზედა ნაწილიდან განვითარებული სისხლდენის პროფილაქტიკა;
• ზოლინგერ-ელისონის სინდრომი.

მიღების წესი და დოზირება:

კუჭისა და 12-გოჯა ნაწლავის წყლულის დროს, აგრეთვე ქრონიკული პანკრეატიტის გამწვავების ფაზაში ძირითადად ინიშნება 150 მგ 2-ჯერ დღეში ან 300 მგ ერთხელ დღეში ძილის წინ. აუცილებლობის შემთხვევაში შესაძლებელია სადღეღამისო დოზის გაზრდა 450-900 მგ-მდე (მაგ. ზოლინგერ-ელისონის  სინდრომის დროს).

რეციდივების პროფილაქტიკის მიზნით ინიშნება 150 მგ ერთხელ დღეში ძილის წინ.

გვერდითი მოვლენები:

დიარეა, გულისრევა, ღებინება, მეტეორიზმი, პირის სიმშრალე, თავბრუსხვევა, თავის ტკივილი, გადაღლილობა, ძილიანობა, კანზე გამონაყარი, ღვიძლის ტრანსამინაზების (ALT და AST) აქტივობის მომატება ლეიკოპენია, თრომბოციტოპენია.

უკუჩვენებები:

* მომატებული მგრძნობელობა რანისანისა და სხვა ჰისტამინური H₂-რეცეპტორების ბლოკატორების მიმართ.

განსაკუთრებული მითითებები:

♦ჰისტამინური H₂-რეცეპტორების ბლოკატორებით მკურნალობის დაწყებამდე აუცილებელია ჰისტოლოგიური გამოკვლევების ჩატარება, რათა გამოირიცხოს ავთვისებიანი სიმსივნე;

♦თირკმელების ფუნქციის ქრონიკული უკმარისობის დროს პრეპარატის ნახევარგამოყოფის პერიოდი მნიშვნელოვნად იზრდება და მცირდება მისი კლირენსი, რომლის დროსაც საჭიროა პრეპარატის დოზის კორექცია.

სხვა წამლებთან ურთიერთქმედება:

რანისანისა და ანტაციდური პრეპარატების კომბინაციის დროს, მათ მიღებებს შორის ინტერვალი შეადგენს 1-2 სთ-ს.

შენახვის პირობები:

პრეპარატი ინახება ოთახის ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

RANITIDINE

მწარმოებელი: POLPHARMA, პოლონეთი

შემადგენლობა და გამოშვების ფორმა:

შემოგარსული ტაბლეტები: შეფუთვაში 10 ც.

1 ტაბ.

რანიტიდინის ჰიდროქლორიდი ………      168 მგ

მათ შორის რანიტიდინი ………………..      150 მგ

ვრცლად რანისანი