შემადგენლობა:

ნაფტიდროფულის ოქსალატის მჟავა —200 მგ

დანამატები :

ეუდრაჟიტ ღშ, კომპრიტოლ 888, ლაქტოზა , ტალკი , მაგნიუმის სტეარატი , ეუდრაჟიტ NE 30D, ჰიპრომელოზა , მაკროგოლ 4000, 415 მგ შემოგარსული ტაბლეტების მოსაზადებლად .

20 ტაბლეტიანი კოლოფი შეიცავს 4 გ ნაფტიდროფურილის ჰიდროგენ ოქსალატს .

ფარმაკოთერაპიული ჯგუფი : პერიფერიული ვაზოდილატატორი .

ჩვენება:

• ტკივილი არტერიიტის დროს ( ქვედა კიდურების არტერიების დისფუნქცია ,   რაც იწვევს მტკივნეულ კრუნჩხვას სიარულის დროს .)
• ცერებრო - ვასკულარული დარღვევა .
• ასაკთან დაკავშირებული მცირე ნევროლოგიური დარღვევები
• რეინოდის სინდრომი ( კიდურებში სისხლის მიმოქცევის დარღვევა .)

უკუჩვენება:

*ნაფტიდროფურილის ან პრეპარატში შემავალი რომელიმე კომპონენტის მიმართ ალერგია;

* შარდში ოქსალატების მომატება;

* თირკმელში კენჭის არსებობა.

სიფრთხილე

სითხის გარეშე   ძილის წინ პრეპარატის მიღებამ , შეიძლება გამოიწვიოს საყლაპავი მილის დაზიანება , ამიტომ კაფსულას უნდა მიაყოლოთ საკმარისი რაოდენობის წყალი

რეკომენდებულია მკურნალობის პერიოდში სითხით დატვირთვა , რადგან   ყოველი 200 მგ ტაბლეტი შეიცავს 38 მგ ოქსალატს .

ურთიერთქმედება სხვა პრეპარატებთან:

პრაქსილენით მკურნალობის პერიოდში , აუცილებელია ექიმის ინფორმირება სხვა პრეპარატების მიღების შესახებ .

დოზირება:

2-3 ტაბლეტი დღეში , ჭამის დროს .

ტაბლეტი არ გატეხოთ . დააყოლეთ დიდი რაოდენობით წყალი .

გვერდითი მოვლენები :

საჭმლის მომნელებელი სისტემა : დიარეა , გულისრევა , ღებინება , ტკივილი კუჭის არეში

იშვიათად - ღვიძლის ბიოლოგიური ფუნქციის მოშლა , კაფსულის მოძრაობის შეჩერება , რაც იწვევს საყლაპავი მილის ლოკალურ ანთებას ( თუ მიიღებთ წყლის გარეშე ),   თირკმლის კენჭი ( კალციუმის ოქსალატი )

შეფუთვის ფორმა და დოზა

200 მგ №20 ტაბლეტი

ვარგისიანობის ვადა: 3 წელი

აფთიაქიდან გაცემის პირობები:

გაიცემა რეცეპტით

შენახვის პირობები:

ოთახის ტემპერატურა

მწარმოებელი:

Merk Lipha Sante s.a.s- თვის   Famar LYON

29, AVENUE CHARLES DE GAULLE- 69230 SAINT GENIS LAVAL- FRANCE

ფარმაკოლოგიური თვისებები

პრეპარატი წარმოადგენს სპერიფერიულ ვაზოდილატატორს, რომელიც ხასიათდება პოსტსინაფსური ალფა₁-ადრენორეცეპტორების მაბლოკირებელი თვისებებით.

პრეპარატი იწვევს არტერიული წნევის დაქვეითებას სისხლმიმოქცევის საერთო პერიფერიული წინააღმდეგობის შემცირების გამო. იგი ასევე აქვეითებს გულზე პოსტდატვირთვას, აფართოვებს პერიფერიულ ვენებს, ამცირებს გულზე პრედატვირთვას, ავადმყოფებში გულის ქრონიკული უკმარისობით აუმჯობესებს სისტემურ და ინტრაკარდიულ ჰემოდინამიკას, ამცირებს წნევას სისხლმიმოქცევის მცირე წრეში.

პრაზოზინის ვაზოდილატაციურ ეფექტს თან სდევს ზომიერად გამოხატული რეფლექსური ტაქიკარდია. პრეპარატის ხანგრძლივი გამოყენებისას მცირდება ათეროგენული ლიპიდების კონცენტრაცია სისხლის პლაზმაში. მისი მაქსიმალური კონცენტრაცია სისხლის პლაზმაში აღინიშნება მიღებიდან 1-3 საათის შემდეგ.

ჩვენებები

• არტერიული ჰიპერტონია;
• გულის ქრონიკული უკმარისობა (კომბინირებული თერაპიის შემადგენლობაში).

დოზირების რეჟიმი

დგინდება ინდივიდუალურად.

საწყისი დოზა შეადგენს 500 მკგ-ს 2-3-ჯერ დღეში.

საშუალო თერაპიული დოზა შეადგენს 4-6 მგ/დღეში; მაქსიმალური დღეღამური დოზაა - 20 მგ/დღეში, რომელიც დაყოფილია 2-3 მიღებაზე.

გვერდითი მოვლენები

არტერიული ჰიპოტენზია (განსაკუთრებით ორთოსტაზულ მდგომარეობაში), თავბრუსხვევა, თავის ტკივილი, ძილის დარღვევა, სისუსტე, დაღლილობა, გულისრევა, ტაქიკარდია, გახშირებული შარდვა.

პრეპარატის ხანგრძლივი გამოყენებისას შესაძლოა განვითარდეს ქვემო კიდურების შეშუპება. იშვიათად ვითარდება ორთოსტატული კოლაფსი, განსაკუთრებით პრეპარატის პირველი დოზის მიღებისას.

უკუჩვენებები

* არტერიული ჰიპოტენზია;

* გულის ქრონიკული უკმარისობა, რომელიც ვითარდება კონსტრიქციული პერიკარდიტის, გულის ტამპონადის, გულის მანკების თანხმლები მარცხენა პარკუჭში შემცირებული წნევის ფონზე;

* ორსულობა, ლაქტაციის პერიოდი;

* 13 წლამდე ასაკის ბავშვებში;

* მომატებული მგრძნობელობა პრეპარატის მიმართ.

განსაკუთრებული მითითებები

♦ პრაზოზინის გამოყენებისას საჭიროა არტერიული წნევის და პულსის რეგულარული მონიტორინგი ავადმყოფის წოლით და ფეხზე მდგომ მდგომარეობაში.

♦ ჰიპოტენზიის განვითარების რისკი უფრო მაღალია პაციენტებში, რომლებიც იღებენ დიურეზულ საშუალებებს და/ან ბეტა-ადრენობლოკატორებს.

♦ ავადმყოფებში გულის ქრონიკული უკმარისობით მკურნალობის დასაწყისში შესაძლებელია თერაპიული ეფექტის „გასხლტომა“.

ფარმაკოლოგიური თვისებები

პრავასტატინი წარმოადგენს ფერმენტ ჰიდროქსიმეთილგლუტარილ-კოენზიმ A-რედუქტაზას კონკურენტულ ინჰიბიტორს. იგი თრგუნავს ქოლესტერინის სინთეზს ღვიძლში მევალონოლის მჟავას სტადიაზე, რის შედეგადაც კომპენსატორულად იზრდება დაბალი სიმკვრივის მქონე ლიპოპროტეინების რეცეპტორების რაოდენობა ღვიძლში, რასაც თან ერთვის დაბალი სიმკვრივის მქონე ლიპოპროტეინების შემცველობის შემცირება სისხლის პლაზმაში. გარდა ამისა პრავასტატინი თრგუნავს ძალიან დაბალი სიმკვრივის მქონე ლიპოპროტეინების სინთეზს. ამცირებს ტრიგლიცერიდებისა და ქოლესტერინის მაჩვენებლებს.

ჩვენებები

• IIα და IIβ ტიპის ჰიპერლიპოპროტეინემია, რომლის კორექცია დიეტით და ფიზიკური ვარჯიშით შეუძლებელია.

დოზირების რეჟიმი

ინდივიდუალურია. შიგნით მისაღებად ინიშნება 10-40 მგ ერთხელ დღეში ძილის წინ. ხანდაზმულ, აგრეთვე ღვიძლისა და თირკმელების ფუნქცის მძიმე დარღვევით შეპყრობილ პაციენტებში რეკომენდებულია მკურნალობის დაწყება პრეპარატის 10 მგ დოზით.

გვერდითი მოვლენები

გულისრევა, ღებინება, დიარეა, ტკივილი მუცლის არეში, მეტეორიზმი, ყაბზობა, კუნთების ტკივილი, რაბდომიოლიზი, თავის ტკივილი, თავბრუსხვევა, ტკივილი მკერდის ძვლის არეში. შარდვის გაძნელება, კანზე გამონაყარი, ალერგიული რეაქციები, სისხლში ღვიძლის ტრანსამინაზების მაჩვენებლების მომატება.

უკუჩვენებები

* პრავასტატინის მიმართ მომატებული მგრძნობელობა;

* ღვიძლის ფუნქციის მკვეთრად გამოხატული დარღვევა;

* ორსულობა, ლაქტაცია (ამ დროს საჭიროა ძუძუთი კვების შეწყვეტა).

განსაკუთრებული მითითებები

♦ პრეპარატი განსაკუთრებული სიფრთხილით ინიშნება ღვიძლის დაავადებების, ქრონიკული ალკოჰოლიზმის, თირკმელების დაავადებების დროს ანამნეზში.

♦ მკურნალობის დასაწყისში აუცილებელია გამოირიცხოს მეორადი ჰიპერქოლესტერინემია, ცუდად კომპენსირებული შაქრიანი დიაბეტის, ჰიპოთირეოზის, ნეფროზული სინდრომის, დისპროტეინემიის დროს.

♦ მკურნალობის პროცესში აუცილებელია სისხლის ლიპიდური სპექტრის რეგულარული კონტროლი.

მწარმოებელი: სანოველ ილაჩ სანაი ვე თიჯარეთ ა.შ., თურქეთი

შემადგენლობა და გამოშვების ფორმა:

500 მგ-იანი შემოგარსული ტაბლეტები;

შემოგარსული ტაბლეტები 1 ტაბ.

ლევოფლოქსაცინის ჰემიჰიდრატი, რაც შეესაბამება ----------- 500 მგ ლევოფლოქსაცინს

კლინიკურ-ფარმაკოლოგიური ჯგუფი:

ფტორქინოლონების ჯგუფის ანტიბაქტერიული საშუალება

ფარმაკოლოგიური თვისებები:

ლევოფლოქსაცინი წარმოადგენს ფტორქინოლონების ჯგუფის ფართო სპექტრის ანტიბაქტერიულ პრეპარატს (ოფლოქსაცინის მარცხნივმბრუნავი იზომერი).

დნმ-ჰირაზასა (II ტოპოიზომერაზას) და IV ტოპოიზომერაზას ინჰიბირებით არღვევს ბაქტერიული დნმ-ის წარმოქმნის პროცესს, იწვევს მორფოლოგიურ ცვლილებებს ციტოპლაზმაში, უჯრედის კედელსა და მემბრანაში.

ლევოფლოქსაცინი აქტიურია მიკროორგანიზმების შტამების უმრავლესობის მიმართ როგორც in vitro, ასევე in vivo პირობებში:

in vitro მგრძნობიარე (მინიმალური ანტიმიკრობული კონცენტრაცია ≤ 2მგ/მლ) აერობული გრამდადებითი მიკროორგანიზმები:

Corynebacterium diphtheriae, Enterococcus spp. (მათ შორის Enterococcus faecalis), Listeria monocylogenes, Staphylococcus spp. (კოაგულაზონეგატიური მეტიცილინ-მგრძნობიარე/მეტიცილინ-ზომიერად მგრძნობიარე შტამები), Staphylococcus aureus (მეტიცილინ-მგრძნობიარე შტამები), Staphylococcus epidermidis (მეტიცილინ-მგრძნობიარე შტამები), Staphylococcus spp. (CNS), C და G ჯგუფის Streptococcus spp. (მათ შორის Streptococcus agalactiae, Streptococcus pneumoniae (პენიცილინ-მგრძნობიარე/ზომიერად მგრძნობიარე/რეზისტენტული შტამები), Streptococcus pyogenes, Streptococcus viridans (პენიცილინ-მგრძნობიარე/რეზისტენტული შტამები);

აერობული გრამუარყოფითი მიკროორგანიზმები:

Acinetobacter baumanii, Acinetobacter spp., Actinobacillus actinimycetemcomitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter spp. (მათ შორის EEnterobacter cloacae), Escherichia coli, Gardnerella vaginalis, Haemophilus ducreyi, Haemophilus influenzae (ამპიცილინ-მგრძნობიარე/რეზისტენტული შტამები), HHaemophilus parainfluenzae, Helicobacter pylori, Klebsiella spp. (მათ შორის Klebsiella oxytoca, Klebsiella pneumoniae), Moraxella cattaralis (ბეტა-ლაქტამაზას მაპროდუცირებელი და არამაპროდუცირებელი შტამები), Morganella morganii, Neisseria gonnorrhoeae (პენიცილინაზას მაპროდუცირებელი და არამაპროდუცირებელი შტამები), Neisseria meningitides, Pasteurella spp. (მათ შორის Pasteurella conis, Pasteurella dagmatis, Pasteurella multocida), Proteus mirabilis, Proteus vulgaris, Providencia spp. (მათ შორის Providencia rettgeri, Providencia stuartii), Pseudomonas spp. (მათ შორის Pseudomonas aeruginosa), Salmonella spp., Serratia spp. (Serratia marcescens);

ანაერობული მიკროორგანიზმები:

Bacteroides fragilis, Bifidobacterium spp., Clostridium perfringens, Fusobacterium spp., Pertostreptococcus spp., Propionibacterum spp., Veilonella spp.;

სხვა მიკროორგანიზმები:

Bartonella spp., Chlamidia pneumoniae, Chlamidia psittaci, Chlamydia trachomatis, Legionella pneumophila, Legoinella spp., Mycobacterium spp. (მათ შორის Mycobacterium leprae, Mykobacterium tuberculosis), Mycoplasma hominis, Mycoplasma pneumoniae, Rickettsia spp., Ureaplasma urealyticum.

ლევოფლოქსაცინი ზომიერად აქტიურია (მინიმალური ანტიმიკრობული კონცენტრაცია ≥ 4მგ/ლ) შემდეგი აერობული გრამდადებითი მიკროორგანიზმების მიმართ:

Corynebacterium urealiticum, Corynebacterium xerosis,  Enterococcus faecium, Staphylococcus epidermidis (მეტიცილინ-რეზისტენტული შტამები),  Staphilococcus haemolyticus (მეტიცილინ-რეზისტენტული შტამები);

აერობული გრამუარყოფითი მიკროორგანიზმები:

Burkholderia cepacia, Campilobacter jejuni,  Campilobacter coli;

ანაერობული მიკროორგანიზმები:

Bacteroides thetaiotaomicron, Bacteroides vulgatus, Bacteroides ovaius, Prevotella spp., Porphyromonas spp.

ლევოფლოქსაცინის მიმართ მდგრადი (მინიმალური ანტიმიკრობული კონცენტრაცია ≥ 8მგ/ლ) აერობული გრამდადებითი მიკროორგანიზმები:

Corynebacterium jeikeium, Staphylococcus aureus (მეთიცილინ-რეზისტენტული შტამები), Staphylococcus spp. (კოაგულაზონეგატიური მეთიცილინ-რეზისტენტული შტამები);

აერობული გრამუარყოფითი მიკროორგანიზმები: Alcaligenes  xylosoxidans;

სხვა მიკროორგანიზმები: Mycobacterium avium.

ფარმაკოკინეტიკა:

შეწოვა: ლევოფლოქსაცინი პერორალურად მიღებისას სწრაფად და პრაქტიკულად მთლიანად შეიწოვება კუჭ-ნაწლავის ტრაქტიდან. საკვების მიღება მცირედ მოქმედებს სწრაფ და სრულ აბსორბციაზე.

500 მგ-ის ერთჯერადად პერორალური მიღებისას Cmax სისხლის პლაზმაში მიიღწევა 1.3 საათში და შეადგენს 5.2-6.9 მკგ/მლ-ს. ბიოშეღწევადობა – 100%.

ლევოფლოქსაცინის ფარმაკოკინეტიკა ატარებს ხაზოვან ხასიათს.

განაწილება: პლაზმის ცილებს უკავშირდება 30-40%-ით.

კარგად აღწევს ორგანოებსა და ქსოვილებში: ფილტვებში, ბრონქების ლორწოვან გარსში, შარდ-გამომყოფი სისტემის ორგანოებში, სასქესო ორგანოებში, ძვლის ქსოვილში, ზურგის ტვინის სითხეში, წინამდებარე ჯირკვალში, პოლიმორფულბირთვულ ლეიკოციტებში, ალვეოლარულ მაკროფაგებში. წონასწორული მდგომარეობა მიიღწევა 3 დღეში.

მეტაბოლიზმი: ღვიძლში ლევოფლოქსაცინის უმნიშვნელო ნაწილი მეტაბოლიზდება (იჟანგება და/ან დეზაცეტილირდება).

გამოყოფა: 500 მგ-ის ერთჯერადად მიღებისას T_1/2 შეადგენს 6-8 საათს. ლევოფლოქსაცინი ძირითადად შარდთან ერთად გამოიყოფა უცვლელი სახით. პერორალურად  მიღებისას, მიღებული დოზის დაახლოებით 87% 48 საათის განმავლობაში გამოიყოფა უცვლელი სახით შარდთან ერთად. 4%-ზე ნაკლები აღმოჩენილია განავალში 72 საათიან პერიოდში.

ლევოფლოქსაცინის კონცენტრაციის პლაზმური პროფილი, ინტრავენურად შეყვანისას და ტაბლეტების მიღებისას, ანალოგიურია. ამიტომ პერორალური და ინტრავენური შეყვანის გზები შენაცვლებითია.

ფარმაკოკინეტიკა განსაკუთრებულ კლინიკურ შემთხვევებში:

თირკმლის უკმარისობისას პრეპარატის კლირენსის შემცირება და მისი გამოყოფა თირკმელებით დამოკიდებულია კკ-ს დაცემის ხარისხზე.

ჩვენებები:

პრეპარატის მიმართ მგრძნობიარე მსუბუქი და საშუალო სიმძიმის ინფექციურ-ანთებითი დაავადებები:

•    მწვავე სინუსიტი;

•    ქრონიკული ბრონქიტის გამწვავება;

•    არაჰოსპიტალური პნევმონია;

•    თირკმელებისა და საშარდე გზების გართულებული ინფექციები პიელონეფრიტის ჩათვლით;

•    ქრონიკული ბაქტერიული პროსტატიტი;

•    კანისა და რბილი ქსოვილების ინფექციები;

•    ზემოაღნიშნულ ჩვენებებთან დაკავშირებული სეპტიცემია/ბაქტერიემია.

უკუჩვენებები:

•    მომატებული მგრძნობელობა ლევოფლოქსაცინის ან სხვა ქინოლონების მიმართ;

•    ეპილეფსია;

•    ანამნეზში მყესების დაზიანებები, რომლებიც დაკავშირებულია ქინოლონების მიღებასთან;

•    ბავშვები და 18 წლამდე ასაკის მოზარდები;

•    ორსულობა;

•    ლაქტაცია (ძუძუთი კვება).

განსაკუთრებული მითითებები:

– პნევმოკოკებით გამოწვეული მძიმე პნევმონიისას ლევოფლოქსაცინით მკურნალობამ შეიძლება არ გამოიწვიოს სასურველი თერაპიული ეფექტი. Pseudomonas aeruginosa -ით გამოწვეული ჰოსპიტალური ინფექციებისას შეიძლება საჭირო გახდეს კომბინირებული თერაპიის ჩატარება.

– ხანდაზმულ პაციენტებში ლევოფლოქსაცინის მიღებისას ტენდინიტისადმი მიდრეკილება იზრდება. კორტიკოსტეროიდებით მკურნალობა ამაღლებს მყესის გაგლეჯის რისკს. ტენდინიტით დაავადების შემთხვევისას ლევოფლოქსაცინით მკურნალობა დაუყოვნებლივ უნდა შეწყდეს და დაიწყოს შესაბამისი მკურნალობა, უზრუნველყოფილ უნდა იქნეს დაზიანებული უბნის იმობილიზაცია.

– ფსევდომემბრანულ კოლიტზე ეჭვის შემთხვევაში საჭიროა დაუყოვნებლივ დაიწყოს შესაბამისი მკურნალობა. ასეთ შემთხვევებში არ შეიძლება ნაწლავების მოტორიკის დამთრგუნველი საშუალებების გამოყენება.

– ლევოფლოქსაცინით მკურნალობისას შეიძლება განვითარდეს კრუნჩხვითი შეტევები იმ პაციენტებში, რომლებსაც ადრე აღენიშნებოდათ ცენტრალური ნერვული სისტემის დაზიანება (მათ შორის ინსულტი ან თავის ტვინის მძიმე ტრავმა). კრუნჩხვის განვითარების რისკი შეიძლება გაზარდოს ფენბუფენის, მისი მსგავსი ანთების საწინააღმდეგო პრეპარატების ან თეოფილინის ერთდროულმა მიღებამ.

– პაციენტებში გლუკოზა-6-ფოსფატდეჰიდროგენაზას უკმარისობით, შესაძლებელია ერითროციტების ჰემოლიზის განვითარება. ამის გათვალისწინებით, ასეთი ავადმყოფების მკურნალობა უნდა განხორციელდეს დიდი სიფრთხილით.

– თირკმლის დარღვეული ფუნქციის მქონე პაციენტებში საჭიროა დოზირების რეჟიმის კორექცია კრეატინინის კლირენსის მაჩვენებლების მიხედვით.

– მიუხედავად იმისა, რომ ლევოფლოქსაცინის გამოყენებისას ფოტოსენსიბილიზაცია აღინიშნება ძალიან იშვიათად, მისი განვითარების თავიდან ასაცილებლად ავადმყოფები უნდა მოერიდონ მზეზე ყოფნას და ულტრაიისფერი სხივების ზემოქმედებას.

– ლევოფლოქსაცინის დანიშვნისას ხანდაზმულ პაციენტებში გათვალისწინებული უნდა იყოს, რომ ამ ასაკობრივ ჯგუფში ხშირია  თირკმლის ფუნქციის დარღვევა.

ლევოფლოქსაცინის და ვიტამინ K-ს ანტაგონისტების ერთდროული მიღებისას აუცილებელია სისხლის შემადედებელი სისტემის მდგომარეობის კონტროლი.

გამოყენება ორსულობისა და ძუძუთი კვების დროს:

სათანადო მონაცემების არ არსებობის გამო პრეპარატი უკუნაჩვენებია ორსულობისა და ლაქტაციის პერიოდში.

გავლენა ავტოტრანსპორტისა და მექანიზმების მართვის უნარზე:

ლევოფლოქსაცინმა შეიძლება გამოიწვიოს თავბრუსხვევა, შებოჭილობა, მოთენთილობა, მხედველობის დარღვევა, აგრეთვე შეიძლება დააქვეითოს ყურადღების კონცენტრაცია და ფსიქომოტორული რეაქციების სიჩქარე. ეს გათვალისწინებული უნდა იქნეს იმ პირებში, რომელთა საქმიანობა დაკავშირებულია ავტომობილის მართვასთან, მანქანებისა და მექანიზმების მომსახურებასთან.

გვერდითი მოვლენები:

გვერდითი ეფექტების სიხშირე განისაზღვრება შემდეგი ცხრილის მიხედვით:

ხშირად    100-დან 1-10 ავადმყოფში;

ხანდახან    100-დან 1 ავადმყოფზე ნაკლები;

იშვიათად    1000-დან 1 ავადმყოფზე ნაკლები;

ძალიან იშვიათად    10000-დან 1 ავადმყოფზე ნაკლები;

განსაკუთრებულ შემთხვევებში    უფრო იშვიათად

ალერგიული რეაქციები: ზოგჯერ – ქავილი და კანის გაწითლება;

იშვიათად – ანაფილაქსიური და ანაფილაქტოიდური რეაქციები (გამოვლენილი ისეთი სიმპტომებით, როგორიცაა ჭინჭრის ციება, ბრონქოსპაზმი და მძიმე ხუთვის შეგრძნება);

ძალიან იშვიათად – კანის და ლორწოვანი გარსის შეშუპება (მაგ., სახის, ხორხის არეში), არტერიული წნევის უეცარი დაქვეითება, შოკი, ალერგიული პნევმონიტი, ვასკულიტი;

ცალკეულ შემთხვევებში – სტივენ-ჯონსის სინდრომი, ტოქსიკური ეპიდერმული ნეკროლიზი (ლაიელის სინდრომი) და ექსუდაციური მულტიფორმული ერითემა.

საჭმლის მომნელებელი სისტემის მხრივ: ხშირად – გულისრევა, დიარეა, ალტ-ს და ასტ-ს აქტივობის მომატება; ხანდახან – მადის დაკარგვა, ღებინება, ტკივილები მუცლის არეში, საჭმლის მონელების დარღვევა;

იშვიათად – სისხლის შრატში ბილირუბინის დონის მომატება, დიარეა სისხლით (ძალიან იშვიათ შემთხვევებში ეს შეიძლება იყოს ნაწლავების ანთების ან ფსევდომემბრანული კოლიტის ნიშანი);

ძალიან იშვიათად – ჰეპატიტი.

ცნს-ისა და პერიფერიული სისტემის მხრივ: ხანდახან – თავის ტკივილი, თავბრუსხვევა და/ან შებოჭილობა, მოთენთილობა, ძილის დარღვევა;

იშვიათად – დეპრესია, შფოთვა, ჰალუცინაციის ტიპის ფსიქოზური რეაქციები, ხელის მტევნების პარესთეზიები, კანკალი,  აგზნებულობა, კრუნჩხვები და გონების დაბინდვა;

ძალიან იშვიათად – მხედველობის და სმენის, გემოვნების და ყნოსვის დარღვევები,  ტაქტილური მგრძნობელობის დაქვეითება.

გულ-სისხლძარღვთა სისტემის მხრივ: იშვიათად – ტაქიკარდია, არტერიული წნევის ვარდნა;

ძალიან იშვიათად – სისხლძარღვოვანი კოლაფსი;

განსაკუთრევულ შემთხვევებში – QT ინტერვალის გახანგრძლივება.

ძვალ-კუნთოვანი სისტემის მხრივ: იშვიათად – მყესების დაზიანება (ტენდინიტის ჩათვლით), სახსრების და კუნთების ტკივილი;

ძალიან იშვიათად – კუნთების სისუსტე;

განსაკუთრებულ შემთხვევებში – რაბდომიოლიზი.

შარდ-გამომყოფი სისტემის მხრივ: იშვიათად – სისხლის პლაზმაში კრეატინინის დონის მატება;

ძალიან იშვიათად – თირკმელების ფუნქციის გაუარესება თირკმლის მწვავე უკმარისობამდე.

სისხლმბადი სისტემის მხრივ: ხანდახან – ეოზინოფილია, ლეიკოპენია;

იშვიათად – ნეიტროპენია, თრომბოციტოპენია (სისხლჩაქცევების ან სისხლდენის მიდრეკილების გაძლიერება);

ძალიან იშვიათად – აგრანულოციტოზი;

განსაკუთრევულ შემთხვევებში – ჰემოლიზური ანემია, პანციტოპენია.

ნივთიერებათა ცვლის მხრივ: ძალიან იშვიათად – ჰიპოგლიკემია (გამოწვეული მადის მომატებით, ნევროზული მდგომარეობა, ოფლიანობა, კანკალი).

სხვა: ხანდახან – ასთენია; ძალიან იშვიათად – ციებ-ცხელება, ალერგიული პნევმონიტი. ნებისმიერმა ანტიბიოტიკოთერაპიამ შეიძლება გამოიწვიოს ორგანიზმის ნორმალური მიკროფლორის შეცვლა (ბაქტერიები და სოკოები).

სხვა ქინოლონების გამოყენების გამოცდილება ამტკიცებს, რომ მათ შეუძლიათ გამოიწვიონ არსებული პორფირიის გამწვავება.

გაუთვალისწინებელი ეფექტების წარმოქმნისას მიმართეთ ექიმს.

სხვა სამკურნალო პრეპარატებთან ურთიერთქმედება:

– ლევოფლოქსაცინის მოქმედება მნიშვნელოვნად მცირდება სუკრალფატთან, მაგნიუმის ან ალუმინის შემცველ ანტაციდურ საშუალებებთან, ასევე რკინის მარილებთან ერთდროული გამოყენებისას (მიღებებს შორის ინტერვალი უნდა შეადგენდეს არა უმცირეს 2სთ-ს). კალციუმის კარბონატთან ურთიერთქმედება გამოვლენილი არ არის.

– ქინოლონებს შეუძლიათ გააძლიერონ პრეპარატების (მათ შორის ფენბუფენის და მისი მსგავსი აასს-ს, თეოფილინის) უნარი – დააქვეითონ კრუნჩხვითი მზაობის ზღურბლი.

– სიფრთხილით უნდა დაინიშნოს ლევოფლოქსაცინი პრობენეციდთან და ციმეტიდინთან, რომლებიც აბლოკირებენ მილაკოვან სეკრეციას. მათი მოქმედებით ლევოფლოქსაცინის გამოყოფა მსუბუქად მცირდება. ამ ურთიერთქმედებას პრაქტიკულად არა აქვს კლინიკური მნიშვნელობა და უპირველეს ყოვლისა, ეხება თირკმლის ფუნქციის დარღვევის მქონე პაციენტებს.

– ლევოფლოქსაცინს შეუძლია გამოიწვიოს სისხლის პლაზმიდან ციკლოსპორინის ნახევრადგამოყოფის პერიოდის (T1/2) მცირე მომატება.

– ლევოფლოქსაცინის და ვიტამინ K-ს ანტაგონისტების ერთდროული მიღებისას აუცილებელია სისხლის შემადედებელი სისტემის მდგომარეობის კონტროლი.

დოზირების რეჟიმი:

პრეპარატი მიიღება შინაგანად 250-500 მგ 1-2-ჯერ დღეში.

ტაბლეტები მიიღება დაუღეჭავად, საკმარისი რაოდენობით სითხის მიყოლებით (0.5-1 ჭიქა). დოზის შერჩევისას შესაძლებელია ტაბლეტის გაყოფა. პრეპარატი მიიღება ჭამამდე ან კვების შუალედებში.

ისევე, როგორც სხვა ანტიბიოტიკების გამოყენებისას, ლევოფლოქსაცინით მკურნალობის გაგრძელება რეკომენდებულია 48-78 საათის განმავლობაში სხეულის ტემპერატურის ნორმალიზებისა და გამომწვევის სარწმუნო ერადიკაციის შემდეგ.

დოზები დგინდება ინფექციის ხასიათისა და სიმძიმის, ასევე სავარაუდო გამომწვევის მგრძნობელობის მიხედვით.

პაციენტებისთვის, თირკმელების ნორმალური ან ზომიერად დაქვეითებული ფუნქციით (კკ>50 მლ/წთ), რეკომენდებულია პრეპარატის დანიშვნა შემდეგი დოზით:

სინუსიტი: 500 მგ ერთხელ დღეში. მკურნალობის კურსი– 10-14 დღე.

ქრონიკული ბრონქიტის გამწვავება: 250-500 მგ ერთხელ დღეში. მკურნალობის კურსი – 7-10 დღე.

არაჰოსპიტალური პნევმონია: 500 მგ 1-2 ჯერ/დღეში. მკურნალობის კურსი – 7-10 დღე.

საშარდე გზების გართულებული ინფექციები (პიელონეფრიტის ჩათვლით): 250 მგ ერთხელ დღეში, ან ინტრავენურად – 250 მგ ერთხელ დღეში. მკურნალობის კურსი – 7-10 დღე.

ქრონიკული ბაქტერიული პროსტატიტი: 500 მგ ერთხელ დღეში. მკურნალობის კურსი – 28 დღე.

სეპტიცემია/ბაქტერიემია: 250 მგ-იანი 2 ტაბლეტი, ან 500 მგ-იანი 1 ტაბლეტი 1-2 ჯერ/დღეში (500-1000 მგ ლევოფლოქსაცინი დღეში). ინტრავენურად – 500 მგ 1-2-ჯერ დღეში მკურნალობის კურსი – 10-14 დღე.

კანისა და რბილი ქსოვილების ინფექციები: 250 მგ ერთხელ დღეში, ან 500 მგ 1-2 ჯერ დღეში. მკურნალობის კურსი – 7-14.

თირკმლის დარღვეული ფუნქციის მქონე პაციენტებში საჭიროა დოზირების რეჟიმის კორექცია კრეატინინის კლირენსის მაჩვენებლების მიხედვით.

ჰემოდიალიზისა და ხანგრძლივი ამბულატორიული პერიტონეალური დიალიზის შემდეგ დამატებითი დოზების შეყვანა საჭირო არ არის.

ღვიძლის ფუნქციის დარღვევისას დოზების სპეციალური შერჩევა საჭირო არ არის, ვინაიდან ლევოფლოქსაცინი უმნიშვნელოდ მეტაბოლიზდება ღვიძლში.

ხანდაზმული ასაკის პაციენტებში, თირკმლის ნორმალური ფუნქციისას, დოზირების რეჟიმი კორექციას არ საჭიროებს.

ჭარბი დოზირება:

სიმპტომები: ცნობიერების დაბინდვა, თავბრუსხვევა, ცნობიერების დაქვეითება და ეპილეფსიური შეტევების მსგავსი კრუნჩხვები, ღებინება, ლორწოვანი გარსის ეროზიული დაზიანება. კლინიკურ-ფარმაკოლოგიურ კვლევებში ლევოფლოქსაცინის საშუალო თერაპიულ დოზაზე მეტის მიღებისას აღინიშნა QT ინტერვალის გახანგრძლივება.

მკურნალობა: ტარდება სიმპტომატური თერაპია. ლევოფლოქსაცინი დიალიზის გზით არ გამოიყოფა. სპეციფიური ანტიდოტი არ არსებობს.

შენახვის პირობები:

პრეპარატი ინახება 25°C-მდე ოთახის ტემპერატურაზე.

ვარგისიანობის ვადა:

შენახვის ვადა – 2 წელი. პრეპარატი არ გამოიყენება შეფუთვაზე მითითებული ვადის ამოწურვის შემდეგ.

გამოშვების ფორმა:

მუყაოს კოლოფში მოთავსებულ ბლისტერზე 7 შემოგარსული ტაბლეტი.

აფთიაქიდან გაცემის პირობები:

პრეპარატი გაიცემა რეცეპტით (II ჯგუფი).

– არ გამოიყენოთ ექიმის დანიშნულების გარეშე.

– პრეპარატის მიღებამდე ყურადღებით გაეცანით ინსტრუქციას.

– შეინახეთ ბავშვებისაგან დაცულ ადგილას.

საერთაშორისო დასახელება:

LEVONORGESTREL

მწარმოებელი: GEDEON RICHTER, უნგრეთი

მოქმედი ნივთიერება: ლევონორგესტრელი

კლინიკურ-ფარმაკოლოგიური ჯგუფი:

ჰორმონული კონტრაცეპტივი, პროგესტაგენი.

შემადგენლობა და გამოშვების ფორმა:

ტაბლეტები: შეფუთვაში 2 ც.

1 ტაბ.

ლევონორგესტრელი .........   750 მკგ

დამხმარე ნივთიერებები:

უწყლო კოლოიდური სილიციუმი, მაგნიუმის სტეარატი, კარტოფილის სახამებელი, ტალკი, სიმინდის სახამებელი, ლაქტოზა.

ფარმაკოლოგიური თვისებები:

პოსტინორის მოქმედების მექანიზმი მთლიანად შესწავლილი არ არის. პრეპარატი მოქმედებს ჰიპოფიზის გონადოტროპულ ფუნქციაზე, რაც იწვევს გონადოტროპული ჰორმონების პროდუქციის შემცირებას.

იგი იწვევს ენდომეტრიუმის ცვლილებებს, რის შედეგადაც ირღვევა კვერცხუჯრედის იმპლანტაციის პროცესი. იგი ზრდის ცერვიკალურ ლორწოს სიბლანტეს, რაც ხელს უშლის სპერამატოზოიდების მიგრაციას.

აღნიშნული დოზით ლევონორგესტრელის გამოყენება, ოვულაციის და განაყოფიერების დათრგუნვისათვის იმ შემთხვევაშია შესაძლებელი, როდესაც სქესობრივი კავშირი მყარდება ოვულაციის წინ (ამ დროს განაყოფიერების შესაძლებლობა შედარებით უფრო მაღალია).

იმ შემთხვევაში, როდესაც საშვილოსნოს ეპითელიუმში ზიგოტის განვითარება უკვე დაწყებულია, პრეპარატით მკურნალობა არაეფექტურია.

ეფექტურობა:

პოსტინორის ტაბლეტების მიღებით შესაძლებელია დაუგეგმავი ორსულობის თავიდან აცილება დაახლოებით 85%-ით. რაც მეტია დროის ინტერვალი სქესობრივ კავშირსა და პრეპარატის მიღებას შორის, მით ნაკლებია პრეპარატის ეფექტურობა (პირველი 24 სთ-ის განმავლობაში 95%; 24 სთ-დან 48 სთ-მდე 85%; 48 სთ-დან 72 სთ-მდე 58%). არ არსებობს მონაცემები 72 სთ-ის შემდეგ პრეპარატის ეფექტურობის შესახებ.

პოსტინორი რეკომენდებულ დოზაში სისხლის შედედების ფაქტორებზე, ლიპიდებისა და ნახშირწყლების ცვლაზე არ მოქმედებს.

ფარმაკოკინეტიკა:

პოსტინორი პერორალურად მიღებისას სწრაფად და მთლიანად აბსორბირდება.

პრეპარატის ერთი ტაბლეტის მიღებისას მისი მაქსიმალური კონცენტრაცია სისხლის პლაზმაში (საშუალოდ 14.1 მგ/მლ) აღინიშნება 2-4 სთ-ის შემდეგ, რის შემდეგაც მიმდინარეობს ლევონორგესტრელის კონცენტრაციის 2 ეტაპიანი დაქვეითება. პრეპარატის ნახევარგამოყოფის პერიოდი მერყეობს 9-დან 14.5 სთ-ის ფარგლებში.

პოსტინორის მეტაბოლიტები ორგანიზმიდან გამოიყოფა შარდთან და განავალთან ერთად დაახლოებით თანაბარი რაოდენობით.

მისი ბიოტრანსფორმაცია სტეროიდების მეტაბოლიზმის მსგავსია.

იგი მეტაბოლიზდება ღვიძლში, ხოლო მეტაბოლიტები გამოიყოფიან კონიუგატების (გლუკურონიდების) სახით.

პოსტინორს არ ახასიათებს ცნობილი ფარმაკოლოგიურად აქტიური მეტაბოლიტების წარმოქმნის უნარი.

პოსტინორი უკავშირდება პლაზმის ცილებს, ძირითადად სასქესო ჰორმონების შემაკავშირებელ ალბუმინებს და გლობულინებს. მიღებული დოზის მხოლოდ 1.5 % შრატში იმყოფება თავისუფალ მგომარეობაში. ხოლო 65% სპეციფიკურად დაკავშირებულია სასქესო ჰორმონების შემაკავშირებელ გლობულინებთან.

პრეპარატის ბიოშეღწევადობა შეადგენს 100%-ს. მიღებული დოზის დაახლოებით 0.1% გადადის დედის რძეში.

ჩვენებები:

• პოსტინორის ტაბლეტებს იყენებენ დაუგეგმავი ორსულობის თავიდან აცილების მიზნით სქესობრივი აქტის შემდეგ 72 სთ-ის განმავლობაში, როდესაც კონტრაცეპციის სხვა მეთოდების გამოყენება არ არის შესაძლებელი.

მიღების წესი და დოზირება:

პერორალურად ენიშნებათ 2 ტაბლეტი.

• შედარებით უფრო საიმედო ეფექტის მისაღებად საჭიროა პირველი ტაბლეტის მიღება რაც შეიძლება ადრე სქესობრივი აქტის შემდეგ (მაგრამ არა უგვიანეს 72 სთ-ისა).

• მეორე ტაბლეტის მიღება ხდება 12 სთ-ის შემდეგ (მაგრამ არა უგვიანეს 16 სთ-სა) პირველი ტაბლეტის მიღებიდან.

• იმ შემთხვევაში, როდესაც ტაბლეტის მიღების შემდეგ 3 სთ-ის განმავლობაში არ აღინიშნება ღებინება, საჭიროა მეორე ტაბლეტის მიღება.

• პოსტინორის ტაბლეტების მიღება ხდება მენსტრუალური ციკლის ნებისმიერ დღეს, წინამორბედი დროული მენსტრუაციის შემთხვევაში.

• სწრაფი ჩასახვისსაწინააღმდეგო საშუალებების მიღების შემდეგ მომდევნო მენსტრუაციამდე, აუცილებელია ადგილობრივი ბარიერული (მაგ. კონდომის) ჩასახვის საწინააღმდეგო მეთოდების გამოყენება.

• პოსტინორის ტაბლეტებთან ერთად შესაძლებელია პერორალური ჩასახვისსაწინააღმდეგო ჰორმონული საშუალებების გამოყენება.

• ბავშვებში პრეპარატის გამოყენება ნებადართული არ არის. დღეისათვის არ არსებობს საკმარისი მონაცემები 16 წლამდე ასაკის ბავშვებში პრეპარატის გამოყენების შესახებ.

გვერდითი მოვლენები:

შესაძლებელია მენსტრუალური ციკლის დროებითი დარღვევა, მაგრამ ქალების უმრავლესობაში მომდენვო ოვულაციის პროცესი ნორმალურია. იმ შემთხვევაში, როდესაც მენსტრუალური ციკლის გადავადება ხდება 5 დღეზე მეტი ხნით, საჭიროა გამოირიცხოს შესაძლო ორსულობა.

უკუჩვენებები:

* მომატებული მგრძნობელობა პრეპარატის ან მასში შემავალი ინგრედიენტების მიმართ;

* დუბინ ჯონსონის და როტორის სინდრომი, სარძევე ჯირკვლის კიბო, თრომბოზები, ჰერპესი, ცხიმოვანი ცვლის მოშლა, არანამშობიარებ ქალებში მწავე და ქვემწვავე ანთებითი დაავადებები შიგნითა და გარეთა სასქესო ორგანოების მხრივ, საშვილოსნოს ყელის ავთვისებიანი დაავადებები, უცნობი გენეზის მეტრორაგია, საშვილოსნოს მიომა, ენდომეტრიოზი, ენდომეტრიტი, სალპინგოოფორიტი, ანამნზეში საშვილოსნოს გარე ორსულობა, ღვიძლის მწვავე დაავადებები.

* ორსულობა და ლაქტაცია;

* 16 წლამდე ასაკის ბავშვებში.

ორსულობა და ლაქტაცია:

პოსტინორის მიღება ორსულობის პერიოდში ნებადართული არ არის. პრეპარატის მიღება არ იწვევს ორსულობის შეწყვეტას. პროგესტაგენებით მკურნალობისას ორსულობის დადგომს დროს ეპიდემიოლოგიური კვლევებით პრეპარატის  ტერატოგენული ეფექტი არ აღინიშნება.

პოსტინორი გადადის დედის რძეში. პრეპარატის პოტენციური ზემოქმედების დაქვეითება შესაძლებელია ორივე ტაბლეტის სწრაფად მიღებით ძუძუთი კვების შემდეგ და შემდგომში ძუძუთი კვების შეწყვეტით.

განსაკუთრებული მითითებები:

◄ სწრაფად მოქმედი პოსტინორის ტიპის საშუალებების გამოყენება შესაძლებლია მხოლოდ ექსტრემალურ პირობებში. იგი არ ცვლის რეგულარულად მისაღებ ჩასახვის საწინააღმდეგო საშუალებებს. ზოგჯერ ამგვარი ჩასახვის საწინააღმდეგო საშუალების გამოყენებით შესაძლებელია ორსულობის განვითარება.

◄ იმ შემთხვევაში, როდესაც ქალს ექიმთან ვიზიტის დროს არ ახსოვს სქესობრივი კავშირის ზუსტი დრო, ან იგივე მენსტრუალური ციკლის დროს 72 სთ-ით ადრე ადგილი ჰქონდა დაუცველ სქესობრივ კავშირს, შესაძლებელია განაყოფიერება. ამ დროს მეორე სქესობრივი კავშირის შემდეგ პრეპარატის გამოყენება სასურველ ეფექტს არ იწვევს. იმ შემთხვევაში, როდესაც მენსტრუალური ციკლის გადავადება ხდება 5 დღეზე მეტი ხნით ან დროულია, მაგრამ მისი მიმდინარეობა განსხვავდება ნორმალური ციკლისაგან ან სხვა რაიმე მიზეზის გამო საეჭვო ორსულობისს შემთხვევაში, საჭიროა გამოირიცხოს შესაძლო ორსულობა. პოსტინორის მიღების მიუხედავად განაყოფიერების შემთხვევაში ვითარდება საშვილოსნოს გარე ორსულობა.

◄ ღვიძლის ფუნქციის მძიმე უკმარისობის დროს პოსტინორის გამოყენება რეკომენდებული არ არის. შეწოვის პროცესის მძიმე დარღვევები (მაგ. კრონის დაავადება) აქვეითებს პოსტინორის ტაბლეტების ეფექტურობას. პრეპარატის მიღების შემდეგ მენსტურაცია იწყება ჩვეულებრივ დროს და ნორმალურად მიმდინარეობს. ზოგჯერ იგი იწყება რამდენიმე დღით ადრე ან იგვიანებს. პრეპარატის მიღების შემდეგ რეკომენდებულია სამედიცინო შემოწმება კონტრაცეპციის რეგულარული მეთოდის გამოყენების შესახებ.

◄ იმ შემთხვევაში, როდესაც პოსტინორის მიღება შეცდომით მოხდა რეგულარული ჩასახვის საწინააღმდეგო ჰორმონულ საშუალებებთან ერთად და რეგულარული ტაბლეტების მიღებიდან მომდევნო 7 დღიანი შესვენების შემდეგ ადგილი არა აქვს მენსტრუაციას, საჭიროა გამოირიცხოს შესაძლო ორსულობა.

◄ ერთთვიანი მენსტრუალური ციკლის განმავლობაში პოსტინორის ტაბლეტების  განმეორებითი მიღება მენსტრუალური ციკლის დარღვევის გამო რეკომენდებული არ არის.

◄ პოსტინორის ეფექტურობა რეგულარულ ჩასახვის საწინააღმდეგო საშუალებებთან შედარებით უფრო დაბალია.

◄ რეგულარული სქესობრივი კავშირის დროს ქალებმა საჭიროა მიმართონ კონტრაცეპციის სხვა საშუალებებს.

ჭარბი დოზირება:

სიმპტომები: შესაძლებელია ღებინება ან სისხლდენა.

მკურნალობა: სიმპტომური. სპეციფიკური ანტიდოტი  არ არსებობს.

სხვა წამლებთან ურთიერთქმედება:

- ღვიძლის მეტაბოლიზმის ინდუქტორებთან პრეპარატის კომბინაციით პოსტინორის მეტაბოლიზმი ძლიერდება.

- ბარბიტურატები (პრიმიდონის ჩათვლით), ფენიტოინი, კარბამაზეპინი, კრაზანას შემცველი პრეპარატები (Hipericum perforatum), რიფამპიცინი, რიტონავირი, რიფაბუტინი, გრიზეოფულვინი აქვეითებენ პოსტინორის ეფექტურობას და პირიქით ციკლოსპორინის მეტაბოლიზმის დათრგუნვით, ლევონორგესტრელის შემცველი პრეპარატები აძლიერებენ ციკლოსპორინის ტოქსიკურ ეფექტს.

შენახვის პირობები:

პრეპარატი ინახება 15-25⁰C ტემპერატურაზე.

საერთაშორისო დასახელება:

TRIAMCINOLONE ACETONIDE; TETRACYCLINE

მწარმოებელი: Tarchomin pharmaceutical works “POLFA” S.A.,პოლონეთი

მოქმედი ნივთიერება: ტრიამცინოლონის აცეტონიდი+ტეტრაციკლინი

კლინიკურ-ფარმაკოლოგიური ჯგუფი:

პრეპარატი ანტიბაქტერიული და ანთების საწინააღმდეგო მოქმედებით გარეგანი გამოყენებისათვის.

შემადგენლობა და გამოშვების ფორმა:

აეროზოლი გარეგანი გამოყენებისათვის:

ფლაკონში სუსპენზია ......................   30 მლ (17.3 გ)

(23.12 მგ+0.58 მგ)/გ

1 ფლ.

ტრიამცინოლონის აცეტონიდი ............ 10 მგ

ტეტრაციკლინის ჰიდროქლორიდი .....  400 მგ

დამხმარე ნივთიერებები:

სპან 85, იზოპროპილის მირისტატი, პროპანის და ბუტანის ნარევი (დრივესოლი 35).

ფარმაკოლოგიური თვისებები:

პრეპარატს აქვს ანთების საწინააღმდეგო, ქავილის საწინააღმდეგო, ანტიექსუდაციური და ანტიალერგიული მოქმედება.

ტეტრაციკლინის ჰიდროქლორიდი ფართო სპექტრის ანტიბიოტიკია, ავლენს ბაქტერიოსტატულ მოქმედებას მიკროორგანიზმების ცილის სინთეზის დათრგუნვის გზით.

ჩვენებები:

• მეორადი ბაქტერიული ინფექციებით გართულებული კანის ალერგიული დაავადებები (ატოპური დერმატიტი, ეგზემა, ურტიკარია);
• კანის დაავადებები განპირობებული ტეტრაციკლინისადმი მგრძნობიარე მიკროორგანიზმებით, აგრეთვე შერეული ინფექციები (იმპეტიგო, ფურუნკულოზი, ფოლიკულიტი, ჰიდრადენიტი, წითელი ქარი და სხვა).

მიღების წესი და დოზირება:

• კანის დაზიანებულ უბანზე აფრქვევენ ნაკადს აეროზოლიდან 1-3 წამის განმავლობაში, ფლაკონი უჭირავთ ვერტიკალურად კანიდან 15-20 სმ-ის დაშორებით.

• პრეპარატი ანტიბაქტერიული და ანთების საწინააღმდეგო მოქმედებით გარეგანი გამოყენებისათვის.

• პროცედურას ატარებენ დღეში 2-4-ჯერ თანაბარი დროის ინტერვალით. მკურნალობის ხანგრძლივობა ინდივიდუალურია და ჩვეულებრივ შეადგენს 5 -10 დღეს. საჭიროებისას შეიძლება პრეპარატის გამოყენება 4 კვირაზე მეტი ხნის მანძილზე.

• პოლკორტოლონი TC არ გამოიყენება 3 წლამდე ასაკის ბავშვებში, სიფრთხილით ინიშნება 3 წელზე მეტი ასაკის ბავშვებში მხოლოდ დღეში ერთხელ, კანის მცირე ზომის უბნებზე და ხანმოკლე დროის განმავლობაში.

გვერდითი მოვლენები:

♦ მცირე ზომის უბნებზე და ხანმოკლე პერიოდის მანძილზე გამოყენებისას პრეპარატი არ იწვევს მნიშვნელოვან გვერდით მოვლენებს, თუმცა შეიძლება განვითარდეს ქავილი, კანის გაღიზიანება, პურპურა.

♦ პრეპარატის ხანგრძლივი დროით გამოყენებისას შეიძლება განვითარდეს მეორადი ინფექციური გართულებები, პოსტსტეროიდული სისხლძარღვოვანი პურპურა, ეპიდერმისის ზრდის დათრგუნვა, კანის სიმშრალე, თმიანობა, პიგმენტაცია, კანის ატროფია და ტელეანგიექტაზიები. ეს მოვლენები ვითარდება ძალიან იშვიათად, ძირითადად ოკლუზიური ნახვევების გამოყენებისას.

♦ პრეპარატის შემადგენლობაში შემავალმა ტეტრაციკლინმა შეიძლება გამოიწვიოს ფოტოსენსიბილიზაცია, ამიტომ აეროზოლით დამუშავებული კანის უბნები უნდა მოვარიდოთ მზის პირდაპირ სხივებს.

უკუჩვენებები:

* კანის ინფიცირებული დაზიანებები, მათ შორის, ვირუსული, სოკოვანი, კანის ტუბერკულოზი;

* კანის საფარის ახალწარმოქმნები და კიბოს წინა მდგომარეობა;

* ვაქცინაციის პერიოდი;

* გლაუკომა;

* მომატებული მგრძნობელობა პრეპარატის შემადგენლობაში შემავალი კომპონენტებისადმი;

* კანის საფარველის მთლიანობის დარღვევა.

* ბავშვთა ასაკი 3 წლამდე.

ორსულობა და ლაქტაცია:

* ცხოველებზე ჩატარებულმა ექსპერიმენტებმა გამოავლინეს პრეპარატის ტერატოგენული მოქმედება, ამიტომ პოლკორტოლონ TC ორსულობის პერიოდში გამოიყენება მხოლოდ იმ შემთხვევაში, როდესაც დედისათვის სასარგებლო შედეგი მკვეთრად სჭარბობს ნაყოფზე ზემოქმედების პოტენციურ რისკს.

* არ გამოიყენება ორსულობის I ტრიმესტრში.

* არ არის ცნობილი, გამოიყოფა თუ არა დედის რძით ტრიამცინოლონის აცეტონიდი გარეგანი გამოყენებისას. ამიტომ ლაქტაციის პერიდოში პრეპარატი გამოიყენება მხოლოდ გამონაკლის შემთხვევებში, მცირე ზომის უბნებზე ხანმოკლე დროის განმავლობაში.

* არ გამოიყენება სარძევე ჯირკვლის კანზე.

განსაკუთებული მითითებები:

◄ პრეპარატის ხანგრძლივი გამოყენებისას შეიძლება გამოვლინდეს პერიფერიული შეშუპებები, არტერიული ჰიპერტენზია, ჰიპერგლიკემია, იმუნოსუპრესია.

◄ პრეპარატი განსაკუთრებული სიფრთხილით გამოიყენება სახეზე, ვინაიდან მატულობს პრეპარატის შეწოვა და იზრდება გვერდითი მოვლენების (ტელეანგიექტაზიები, კანის ატროფია, პერიორალური დერმატიტი) განვითარების შესაძლებლობა.

◄ ტეტრაციკლინის ხანგრძლივმა გამოყენებამ შეიძლება ხელი შეუწყოს სტაფილოკოკების რეზისტენტული შტამების, ასევე Candida albicans-ის რაოდენობის ზრდას. ასეთ შემთხვევებში საჭიროა შესაბამისი მკურნალობის დანიშვნა.

◄ პრეპარატის თვალებში მოხვედრისას საჭიროა თბილი წყლით გამორეცხვა.

◄ ბავშვებში პრეპარატის გამოყენება შეზღუდულია, ვინაიდან დიდი დოზებით ხანგრძლივმა გამოყენებამ შეიძლება იმოქმედოს ბავშვის ზრდასა და განვითარებაზე.

პრეპარატის გავლენა სატრანსპორტო საშუალებების მართვაზე: პრეპარატი არ ზღუდავს ფსიქოფიზიკურ აქტივობას. სატრანსპორტო საშუალების მართვის უნარს.

ჭარბი დოზირება:

პრეპარატით მკურნალობისას ჭარბი დოზირება ძალიან იშვიათია. თუმცა პრეპარატის არასწორი გამოყენებისას ან დიდ ფართობზე ხანგრძლივი გამოყენებისას შეიძლება გამოვლინდეს ჰიპოფიზურ-თირკმელზედა ჯირკვლის ფუნქციის დათრგუნვა.

სხვა წამლებთან ურთიერთქმედება:

გლუკოკორტიკოიდებით მკურნალობის პერიოდში არ უნდა ჩატარდეს ვაქცინაცია და იმუნიზაცია.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას.

არ შეიძლება ფლაკონის გათბობა. პრეპარატი არ გამოიყენება ღია ცეცხლის სიახლოვეს.

საერთაშორისო დასახელება:

TRIAMCINOLONE

მწარმოებელი: parmaceutical works “POLFA” in Pabianice

მოქმედი ნივთიერება: ტრიამიცინოლონი

კლინიკურ-ფარმაკოლოგიური ჯგუფი:

პრეპარატი ანტიბაქტერიული და ანთების საწინააღმდეგო მოქმედებით

შემადგენლობა და გამოშვების ფორმა:

ტაბლეტები: შეფუთვაში 50 ც.

1 ტაბ.

ტრიამიცინოლონი ............ 4 მგ

ვრცლად კენალოგი

საერთაშორისო დასახელება:

TRIAMCINOLONE ACETONIDE;

მწარმოებელი: Parmaceutical company JELFA S.A., პოლონეთი

მოქმედი ნივთიერება: ტრიამცინოლონის აცეტონიდი

კლინიკურ-ფარმაკოლოგიური ჯგუფი:

გლუკოკორტიკოიდული საშუალება გარეგანი გამოყენებისათვის.

შემადგენლობა და გამოშვების ფორმა:

მალამო 0.1%: ტუბში 15 გ.

1 გ

ტრიამცინოლონის აცეტონიდი .........      1 მგ

დამხმარე ნივთიერებები:

ლიმონის მჟავა, პროპილენგლიკოლი, უწყლო ლანოლინი, თეთრი ვაზელინი

კრემი 0.1%: ტუბში 15 გ

1 გ

ტრიამცინოლონის აცეტონიდი ..........     1 მგ

დამხმარე ნივთიერებები:

ლიმონის მჟავა, პროპილენგლიკოლი, უწყლო ლანოლინი, ემულსიური (უცხიმო) სუბსტრატი.

ფარმაკოლოგიური თვისებები:

პრეპარატი შეიცავს გლუკოკორტიკოსტეროიდს, რომელსაც გააჩნია ძლიერი, ადგილობრივი ანთების საწინააღმდეგო, ანტიექსუდაციური, ქავილის და ალერგიის საწინააღმდეგო მოქმედება.

პრეპარატი თრგუნავს კანის ანთების, ალერგიული წარმოშობის, ანთების ჰუმორულ და უჯრედულ მექანიზმებს.

ჩვენებები:

• კანის კონტაქტური, ალერგიული და სებორეული დერმატიტი;
• ეგზემა;
• სტროფულუსი;
• მულტიფორმული ერითემა;
• პრურიგო;
• მწერების ნაკბენი.

მიღების წესი და დოზირება:

• პრეპარატი გამოიყენება ადგილობრივად. მიღების წესსა და ხანგრძლივობას ადგენს ექიმი. კრემი გამოიყენება მკურნალობის პირველ ფაზაში (მალამოს გამოყენების წინ) თავდაპირველად 2-3-ჯერ დღეში, შემდგომში 1-2-ჯერ დღეში. არ არსებობს პრეპარატის გამოყენებისას მისი დამფარავი ნახვევით დაფიქსირების აუცილებლობა.

• მალამო თხელ ფენად დაიტანება კანის დაზიანებულ უბანზე 2-3-ჯერ დღეში, შემდგომში -1-2-ჯერ.

• საგანგებო ლიქენიფიკაციის ან ჰიპერკერატოზის დროს პრეპარატი გამოიყენება მკურნალობის მეორე ფაზაში - კრემის გამოყენების შემდეგ. მკურნალობის ხანგრძლივობა ჩვეულებრივ შეადგენს ერთიდან ორ კვირას. მისი სახის კანზე გამოყენება დასაშვებია არა უმეტეს 7 დღის განმავლობაში.

• 2 წლის ასაკის ზევით ბავშვებში პრეპარატი ინიშნება სიფრთხილით ერთხელ დღეში მცირე მონაკვეთზე;

• მისი სახის კანზე გამოყენება დაუშვებელია.

გვერდითი მოვლენები:

პრეპარატის ხანგრძლივმა გამოყენებამ შესაძლებელია გამოიწვიოს ეპიდერმისის ზრდა, კანქვეშა უჯრედების ატროფია და სტრიების წარმოქმნა. შესაძლებელია კანის სიწითლისა და ჰიპერკერატოზის სიმპტომების განვითარება, აგრეთვე კანქვეშა სისხლდენა და სისხლჩაქცევა.

ამ და სხვა გვერდითი მოვლენების განვითარებისას უნდა მიმართონ მკურნალ ექიმს.

კანის მწვავე გაღიზიანების შემთხვევაში პრეპარატის მიღება უნდა შეწყდეს.

უკუჩვენებები:

* კრემის ფუძის კომპონენტების ან კორტიკოიდების მიმართ ალერგია;

* კანის ტუბერკულოზი;

* კანის ვირუსული და მიკოზური დაავადებები;

* ჩუტყვავილა;

* კანის საფარველის სიმსივნური დაავადებები;

* ერთჯერადი და ვულგარული გამონაყარი;

* პერიორალური დერმატიტი;

* ვენების ვარიკოზული გაგანიერების ფონზე წვივის სტროფიკული წყლული.

ორსულობა და ლაქტაცია:

* პრეპარატის გამოყენება არ არის რეკომენდებული.

* მისი გამოყენება ძალიან იშვიათად და მოკლე ვადით კანის აკრძალულ უბანზე დასაშვებია. სარძევე ჯირკვლებზე პრეპარატის გამოყენება დაუშვებელია.

განსაკუთრებული მითითებები:

◄ პრეპარატი გამოიყენება მხოლოდ ექიმის კონსულტაციით.

პრეპარატის სახის კანზე წასმა არ არის რეკომენდებული შემდეგი გვერდითი მოვლენების წარმოშობის შესაძლებლობის გამო:

◄წვრილი სისხლძარღვების (ტელეანგიექტაზია) გაფართოვება

◄პირის მიდამოში კანქვეშა უჯრედების ატროფია, პრეპარატის მცირე ხნით გამოყენების შემთხვევაშიც კი.

◄პრეპარატის თვალის მიდამოში მოხვედრა დაუშვებელია.

◄პრეპარატი სიფრთხილით გამოიყენება გარდამავალ ასაკში მყოფ პაციენტებში.

სხვა წამლებთან ურთიერთქმედება:

- გლუკოკორტიკოსტეროიდებით მკურნალობისას ჩუტყვავილას საწინააღმდეგო ვაქცინაციის ჩატარება დაუშვებელია.

- აგრეთვე არ არის რეკომენდებული სხვა იმუნიზაციის ჩატარება გლუკოკორტიკოსტეროიდების იმუნოდეპრესიული თვისებების გამო.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ და ბაშვებისაგან დაცულ ადგილას.

საერთაშორისო დასახელება: Lignin hydrolised

მოქმედი ნივთიერება: ჰიდროლიზური ლიგნინი

სამკურნალაწამლო ფორმა:

გრანულები სუსპენზიის დასამზადებლად ან შიგნით მისაღებად, პასტა სუსპენზიის დასამზადებლად ან შიგნით მისაღებად, ფხვნილი სუსპენზიის დასამზადებლად ან შიგნით მისაღებად, ფხვნილი შიგნით მისაღებად, აბები.

ფარმაკოლოგიური მოქმედება:

მცენარეული წარმოშობის პრეპარატი, რომელიც მიიღება ჰიდროლიზური ლიგნინისგან. ბოჭავს  სხვადასხვა მიკროორგანიზმებს,  მათი ცხოველქმედების პროდუქტებს, ეგზოგენური და ენდოგენური ბუნების ტოქსინებს, ალერგენებს,  კსენობიოტიკებს, მძიმე ლითონებს, რადიოაქტიურ იზოტოპებს, ამიაკს, ორვალენტიან კათიონებს და ხელს უწყობს მათ გამოყოფას კუჭ-ნაწლავის ტრაქტის მეშვეობით. აწარმოებს ენტეროსორბირებად, დეზინტოქსიკაციურ, დიარეის საწინააღმდეგო, ანტიოქსიდანტურ, ჰიპოლიპიდემიურ და კომპლექსწარმომქმნელ ქმედებას.

აკომპენსირებს ადამიანის საკვებში ბუნებრივი კვებითი ბოჭკოების უკმარისობას, დადებითად მოქმედებს სწორი ნაწლავის მიკროფლორაზე და არასპეციფიკურ იმუნიტეტზე. ანტიბაქტერიული სამკურნალწამლო საშუალებებისგან განსხვავებით არ იწვევს დისბიოზის განვითარებას.

ჩვენებები:

• კუჭ-ნაწლავის ტრაქტის სხვადასხვა ეტიმოლოგიის მწვავე და ქრონიკული დაავადებები:  დისპეფსიური აშლილობები, კვებითი ტოქსიკოინფექცია, დიარეა, ნაწლავის დისბაქტერიოზი, ვირუსული ჰეპატიტი, დიზენტერია, სალმონელოზი, ქოლერა, კოლიტები. მწვავე დაავადებები, რომელთაც თან ახლავს ინტოქსიკაცია, გესტოზი, ღვიძლისა და თირკმელის უკმარისობა.
• ალერგიული დაავადებები (ანგიონევროტული შეშუპება, კვებითი და წამლის ალერგია), ლიპიდური ცვლის დარღვევა (ათეროსკლეროზი, გაცხიმოვნება),  მდგომარეობა ქიმიო - და სხივური თერაპიის შემდეგ.
• ონკოლოგიური დაავადებები (ბაქტერიული კოლპიტი, ცერვიციტი, ბაქტერიული ვაგინიტი, კანდიდოზი).
• სტომატოლოგიური დაავადებები (გენერალიზებული პაროდონტიტი, პერიოდონტიტი, სტომატიტი).
• რადიონუკლიდებისა და კსენობიოტიკების გამოყვანის აუცილებლობა.

უკუჩვენება:

ჰიპერმგრძნობელობა, ყაბზობა, ანტაციდური გასტრიტი. სიფრთხილით : შაქრიანი დიაბეტი (გრანულები შეიცავენ შაქარს).

გვერდითი მოვლენები:

ალერგიული რეაქციები, ყაბზობა.

მიღების წესები და დოზები:

შიგნით, საკვების მიღებამდე 1-1,5 საათით ადრე. დღიური დოზა მოზრდილთათვის - 4,8-6,4გრ (12-16 აბი), ბავშვებისათვის - 3,8-4გრ.

მწვავე მდგომარეობებისას მკურნალობის კურსი - 3-7 დღე (ინტოქსიკაციის სიმპტომების გაქრობამდე,  კუჭის მოქმედების ნორმალიზაციამდე), ქრონიკულის დროს -  10-15 დღიანი კურსები და 7—10 დღის მონაცვლეობით.

პასტის, ფხვნილის ან გრანულების ფორმით მოზრდილებს უნიშნავენ 0,5-1 გრ/კგ 3-4-ჯერ დღეში (1 სუფრის კოვზს ხსნიან 200მლ წყალში 2 წუთის განმავლობაში), ბავშვებს 1 წლამდე - 1 ჩაის კოვზი ერთ მიღებაზე, 1-7 წლისა - 1 დესერტის კოვზი, 7 წლისა და ზემოთ - 1 სუფრის კოვზი.

შეყავთ დრენაჟული სისტემებით და ზონდებით კუჭ-ნაწლავის ტრაქტის სხვადასხვა განყოფილებებში (კუჭი, წვრილი და მსხვილი ნაწლავი გასტრო-, ენტერო- და ცეკოსტომებით, ასევე მაღალი ოყნების ფორმით).

ზონდური შეყვანის შემთხვევაში აზავებენ სასმელი წყლით თანაფარდობით 1:5-1:10 შეყვანის მოცულობისა და  ადგილზე დამოკიდებულებით.

გინეკოლოგიაში პასტას ნიშნავენ ადგილობრივად, 10-15გრ (1-1,5 სუფრის კოვზი), თანაბრად ანაწილებენ საშოს კედლებზე და (წინასწარი ტუალეტის შემდეგ), შემდეგ შეყავთ ტამპონი 2-2,5 საათით. აუცილებლობის შემთხვევაში პროცედურას იმეორებენ იგივე დღეს, 12 საათის შემდეგ წინა დოზის მოშორების შემდგომ.

მკურნალობის კურსი - 10 შეყვანაა, გენიტალური დისბაქტერიოზისას - 20.

განსაკუთრებული მითითებები:

სხვა მედიკამენტებთან ერთად მიღების შემთხვევაში მიღებებს შორის ინტერვალი უნდა იყოს არაუმცირეს 1 საათისა. ხანგრძლივ მიღებას უთავსებენ В, К, D, Е ვიტამინებისა და Ca2+. შეყვანას.

არ არის განკუთვნილი ექიმის დანიშნულების გარეშე მისაღებად.

საერთაშორისო დასახელება:

NEOMYCIN; POLYMYXIN B; NYSTATIN

მწარმოებელი: Laboratoire INNOTECH INTERNATIONAL,

INNOTERA CHOUZY, საფრანგეთი

მოქმედი ნივთიერება: ნეომიცინი+პოლიმიქსინ B+ნისტატინი

კლინიკურ-ფარმაკოლოგიური ჯგუფი:

ანტიმიკრობული საშუალება.

შემადგენლობა და გამოშვების ფორმა:

ვაგინალური კაფსულები: კოლოფში 6 მსხლისებრი ფორმის კაფსულა სამკურნალო სუსპენზიის შემცველობით. 1 კაფს.

ნეომიცინის სულფატი ....................        35000 სე

პოლიმიქსინ B-ს სულფატი  ..............       35000 სე

ნისტატინი    ................................         100 000 სე

დამხმარე ნივთიერება საკმარისი 1 კაფსულისათვის.

ფარმაკოლოგიური თვისებები:

კომბინირებული პრეპარატი ანტიბაქტერიული და სოკოს საწინააღმდეგო მოქმედებით.

ნეომიცინის სულფატი - ამინოგლიკოზიდური ანტიბიოტიკი, მოქმედებს ბაქტერიციდულად გრამდადებით მიკროორგანიზმებზე Staphylococcus aureus, Corinebacterium spp., და სხვა და გრამუარყოფით მიკროორგანიზმებზე (Enterococcus faecium, Enterobacter aerogenes, Escherichia coli, Haemophilus influenzae, Proteus vulgaris, Klebsiella pneumoniae, Mycobacterium tuberculosis, Pseudomonas aeruginosa, Ureaplasma urealyticum). ახდენს ფუნგიციდურ აქტივობას პათოგენურ სოკოებზე, განსაკუთრებით საფუარისმგავსებზე Candida albicans, Cryptococcus და Histoplasma. აუმჯობესებს საშოს ლორწოვანის ტროფიკას

პოლიმიქსინ B-ს სულფატი - პოლიპეპტიდური ბუნების ანტიბიოტიკი, აქტიურია გრამუარყოფითი ბაქტერიების მიმართ, როგორიცაა Pseudomonas aeruginosa. იგი არ მოქმედებს Proteus spp., Neisseria spp., in vitro პრეპარატი აქტიურია Ureaplasma urealyticum -ის მიმართ.

სტრეპტოკოკი და ანაერობული ბაქტერია არ არიან მგრძნობიარე ორივე ანტიბიოტიკის (ნეომიცინის და პლიმიქსინ B-ს) მიმართ.

ნისტატინი - სოკოს საწინააღმდეგო ანტიბიოტიკი, ახასიათებს ფუნგიციდარული და ფუნგისტატური მოქმედება. აქტიურია Candida spp., Histoplasma spp., Cryptococcus spp., მიმართ.

დიმეთილპოლისილოქსანის გელი - მას გააჩნია შემომგარსველი უნარი (იგი მთლიანად შემოგარსავს საშოს ლორწოვანს) და ქავილის საწინაღმდეგო მოქმედება. დითემილპოლისილოქსანის გელი აუმჯობესებს საშოს ლორწოვანის ტროფიკას და ხელს უწყობს აქტიური კომპონენტების შეღწევას საშოს ლორწოვანის ყველა ნაოჭში.

ფარმაკოკინეტიკა:

აქტიური ნივთიერებები თანაბრად ნაწილდებიან საშოს ლორწოვანზე და ავლენენ ადგილობრივ ბაქტერიოციდულ და ფუნგიციდურ მოქმედებას. პრეპარატი პრაქტიკულად არ იწოვება საშოს ლორწოვანის ზედაპირიდან.

ჩვენებები:

• ვაგინალური ინფექციების ადგილობრივი მკურნალობა მცირე ასაკის და მოზარდ გოგონებში.

მიღების წესი და დოზირება:

პრეპარატი წარმოადგენს მსხლის ფორმის რბილ კაფსულას, რაც იძლევა საშუალებას გამოვიყენოთ პრეპარატი უსაფრთხოდ (საქალწულო აპკის დაზიანების გარეშე) მცირე ასაკის და მოზარდ გოგონებში. მისი წამახვილებული ბოლო უნდა მოიჭრას მაკრატლით ისე, რომ გადანაჭერი იყოს სწორი. ამის შემდეგ შიგთავსის ინტსტილაცია (შესხურება) წარმოებს საშოში ან საშოს შესავალში. ინიშნება ინტრავაგინალური ინსტილაციების სახით 6-12 დღის განმავლობაში ძილის წინ საღამოს ტუალეტის შემდეგ.

პრეპარატის გამოყენება შესაძლებელია მენსტრუაციის დროსაც.

გვერდითი მოვლენები:

შესაძლოა ალერგიული კონტაქტური ეგზემის განვითარება, როგორც გამოყენების ადგილას, ასევე სხვა ადგილებში, რაც ხშირ შემთხვევაში განპირობებულია პრეპარატის ხანგრძლივი გამოყენებით.

უკუჩვენებები:

* მომატებული მგრძნობელობა პრეპარატის რომელიმე კომპონენტის მიმართ.

განსაკუთრებული მითითებები:

◄პრეპარატ პოლიჟინაქსი ვირგოს მოქმედების ფართო სპექტრი განაპირობებს მაღალ კლინიკურ ეფექტს სასქესო გზების ინფექციების მკურნალობისას მცირე ასაკის და მოზარდ გოგონებში, თუმცა ეს არ გვაძლევს უფლებას, რომ მკურნალობის დაწყებამდე არ მოხდეს წინასწარი ნაცხის აღება და ბაქტერიოლოგიური კვლევის ჩატარება.

◄მითითებული დოზირების რეჟიმის დაცვა აუცილებელია, ვინაიდან არსებობს რეზისტენტული შტამებისა და სუპერინფექციის განვითარების რისკი.

ჭარბი დოზირება:

არ არის აღწერილი.

სხვა წამლებთან ურთიერთქმედება:

არ არის აღწერილი

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, გრილ, ბავშვებისაგან დაცულ ადგილას.

ვარგისიანობის ვადა: 18 თვე.