საერთაშორისო დასახელება:

NEOMYCIN; POLYMYXIN B; NYSTATIN

მწარმოებელი: Laboratoire INNOTECH INTERNATIONAL,

INNOTERA CHOUZY, საფრანგეთი

მოქმედი ნივთიერება: ნეომიცინი+პოლიმიქსინ B+ნისტატინი

კლინიკურ-ფარმაკოლოგიური ჯგუფი:

ანტიმიკრობული საშუალება

შემადგენლობა და გამოშვების ფორმა:

ვაგინალური კაფსულები: კოლოფში 6 ან 12 შერერერის ტიპის კაფსულა სამკურნალო სუსპენზის შემცველობით.

1 კაფს.

ნეომიცინისულფატი ..................            35000 სე

პოლიმიქსინ B-ს სულფატი ................      35000 სე

ნისტატინი ......................................      100 000 სე

სხვა ინგრედიენტები: კალიუმის სორბატი 0.3%, შემავსებელი, მათ შორის დიმეთილპოლისილოქსანის გელი q.s..

ფარმაკოლოგიური თვისებები:

კომბინირებული ანტიბაქტერიული და სოკოს საწინააღმდეგო პრეპარატი ადგილობრივი გამოყენებისათვის გინეკოლოგიაში.

ნეომიცინის სულფატი - ამინოგლიკოზიდური ანტიბიოტიკი, მოქმედებს ბაქტერიციდულად გრამდადებით მიკროორგანიზმებზე Staphylococcus aureus, Corinebacterium spp., და სხვა და გრამუარყოფით მიკროორგანიზმებზე (Enterococcus faecium, Enterobacter aerogenes, Escherichia coli, Haemophilus influenzae, Proteus vulgaris, Klebsiella pneumoniae, Mycobacterium tuberculosis, Pseudomonas aeruginosa, Ureaplasma urealyticum). ახდენს ფუნგიციდურ აქტივობას პათოგენურ სოკოებზე, განსაკუთრებით საფუარისმგავსებზე Candida albicans, Cryptococcus და Histoplasma. აუმჯობესებს საშოს ლორწოვანის ტროფიკას

პოლიმიქსინ B-ს სულფატი - პოლიპეპტიდური ბუნების ანტიბიოტიკი, აქტიურია გრამუარყოფითი ბაქტერიების მიმართ Pseudomonas aeruginosa. იგი არ მოქმედებს Proteus spp., Neisseria spp., in vitro პრეპარატი აქტიურია Ureaplasma urealyticum -ის მიმართ.

სტრეპტოკოკი და ანაერობული ბაქტერიები არ არიან მგრძნობიარენი ორივე ანტიბიოტიკის (ნეომიცინის და პოლიმიქსინ B-ს) მიმართ.

ნისტატინი - სოკოს საწინააღმდეგო ანტიბიოტიკი, ახასიათებს ფუნგიციდარული და ფუნგისტატური მოქმედება. აქტიურია Candida spp.,Histoplasma spp., Cryptococcus spp., მიმართ.

დიმეთილპოლისილოქსანის გელს გააჩნია შემომგარსველი უნარი (იგი მთლიანად შემოგარსავს საშოს ლორწოვანს) და ქავილის საწინააღმდეგო მოქმედება. დიმეთილპოლისილოქსანის გელი აუმჯობესებს საშოს ლორწოვანის ტროფიკას და ხელს უწყობს აქტიური კომპონენტების შეღწევას საშოს ლორწოვანის ყველა ნაოჭში.

ფარმაკოკინეტიკა:

აქტიური ნივთიერებები თანაბრად ნაწილდებიან საშოს ლორწოვანზე და ავლენენ ადგილობრივ ბაქტერიოციდულ და ფუნგიციდურ მოქმედებას. პრეპარატი პრაქტიკულად არ იწოვება საშოს ლორწოვანის ზედაპირიდან.

ჩვენებები:

მკურნალობა:

• არასპეციფიკური, სოკოვანი, შერეული ვაგინიტების, ვულვოვაგინიტების და ცერვიკოვაგინიტების ადგილობრივი მკურნალობა.

პროფილაქტიკა:

• გინეკოლოგიაში ყველა სახის ქირურგიული ჩარევის წინ;
• საშვილოსნოს ყელის დიათერმოკოაგულაციის წინ და შემდეგ;
• ჰისტეროგრაფიისა და სალპინგოგრაფიის წინ;
• აბორტის წინ და შემდეგ;
• მშობიარობის წინ (ნეონატალური ინფექციების პროფილაქტიკა);
• საშვილოსნოსშიდა სპირალის ჩადგმის წინ და შემდეგ.

მიღების წესი და დოზირება:

ინიშნება ინტრავაგინალურად 1 კაფსულა 12 დღის განმავლობაში ძილის წინ საღამოს ტუალეტის შემდეგ. პრეპარატის გამოყენება შესაძლებელია მენსტრუაციის დროსაც.

პროფილაქტიკისათვის 6 დღიანი მკურნალობის კურსი.

გვერდითი მოვლენები:

ალერგიული რეაქციები პრეპარატის რომელიმე კომპონენტის მიმართ. პრეპარატის ხანგრძლივი გამოყენებისას შესაძლებელია ამინოგლიკოზიდების გვერდითი მოვლენების სისტემური გამოვლინება.

უკუჩვენებები:

* მომატებული მგრძნობელობა პრეპარატის რომელიმე კომპონენტის მიმართ.

ორსულობა და ლაქტაცია:

პრეპარატის გამოყენებისას კლინიკაში და ექსპერიმენტში არ არის გამოვლენილი ნაყოფის განვითარებაზე არასასურველი ტერატოგენული და ემბრიოტოქსიკური ზემოქმედების არც ერთი შემთხვევა.

ორსულობის დროს პრეპარატის დანიშვნა მხოლოდ იმ შემთხვევაშია შესაძლებელი, როდესაც დედისათვის სასარგებლო შედეგი მკვეთრად სჭარბობს ნაყოფზე ზემოქმედების პოტენციურ რისკს.

ვინაიდან არ არსებობს  საკმარისი მონაცემები  დედის რძით მოქმედი ნივთიერებების გამოყოფის შესახებ, პრეპარატის გამოყენება ლაქტაციის პერიოდში არ არის რეკომენდებული.

განსაკუთრებული მითითებები:

მითითებული დოზირების რეჟიმის დაცვა აუცილებელია, ვინაიდან არ არსებობს რეზისტენტული შტამებისა და სუპერინფექციის განვითარების რისკი.

ჭარბი დოზირება:

არ არის აღწერილი.

სხვა წამლებთან ურთიერთქმედება

პოლიჟინაქსით მკურნალობის დროს არ არის რეკომენდებული სპერმიციდიების გამოყენება, ვინაიდან ნებისმიერი ვაგინალური მკურნალობა აქვეითებს სპერმიციდის აქტივობას.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, გრილ, ბავშვებისაგან დაცულ ადგილას.

ვარგისიანობის ვადა: 18 თვე.

მწარმოებელი: WORLD MEDICINE, დიდი ბრიტანეთი

კლინიკურ-ფარმაკოლოგიური ჯგუფი:

პოლივიტამინი მიკრო-, მაკროელემენტებით და ბუნებრივი წარმოშობის კომპონენტებით.

შემადგენლობა და გამოშვების ფორმა:

კაფსულები: შეფუთვაში 12 ც.

1 კაფს.

დამხმარე ნივთიერებები:

ჟელატინის ფხვნილი, სორბიტოლი, გლიცერინი, ნატრიუმის მეთილჰიდროქსიბენზოატი, ნატრიუმის პროპილჰიდროქსიბენზოატი, ტიტანის დიოქსიდი, ერითროცინი, ბრილიანტის ლურჯი, ეთილის ვანილინი.

ფარმაკოლოგიური თვისებები:

პოლიჟენი შეიცავს საგანგებოდ შერჩეულ აქტიურ ინგრედიენტებს, რომლებსაც გააჩნიათ საპროფილაქტიკო და სამკურნალო მოქმედება ორგანიზმის ფუნქციური აქტივობის გაუმჯობესების უზრუნველსაყოფად.

ფუტკრის რძე: ცილების, ამინომჟავების ლიპიდების, ნახშირწყლების, ცხიმოვანი მჟავების და ვიტამინების ბუნებრივი ნარევი.

ჟენშენი: ბუნებრივი ექსტრაქტი, რომელსაც გააჩნია ფარმაკოლოგიური აქტივობის ფართო სპექტრი, ავლენს მასტიმულირებელ და მატონიზირებელ მოქმედებას. ჟენშენი ამაღლებს ორგანიზმის ბუნებრივი წინაღმდეგობის და რეგენერაციის უნარს.

ათი ბიოელემენტი, აუცილებელი ნივთიერებათა ცვლის პროცესების ნორმალური მიმდინარეობისათვის.

ოცდაშვიდი ყველაზე მნიშვნელოვანი ვიტამინი, მინერალი და მიკროელემენტი ავსებს დეფიციტს, უზრუნველყოფს ორგანიზმის, როგორც სადღეღამისო, ასევე რომელიმე მათგანზე გაზრდილ მოთხოვნილებას.

ჩვენებები:

• მოზრდილებში ჰიპო- და ავიტამინოზის მკურნალობა და პროფილაქტიკა;
• გონებრივი და ფიზიკური შრომისუნარიანობის დაქვეითება, დაღლილობა, ყურადღების კონცენტრაციის უნარის დარღვევა;
• გამოჯანმრთელების პროცესის დაჩქარება, მათ შორის, მძიმე ავადმყოფობის, ქირურგიული ოპერაციების ან რადიოთერაპიის შემდეგ;
• სტრესის შედეგების პროფილაქტიკა;
• კლიმაქტერული პერიოდი;
• სექსუალური ასთენია და უნაყოფობა;
• სქესობრივი მომწიფების პერიოდში;
• მკაცრ დიეტაზე მყოფ პირთათვის;
• ნევროზების, ანემიის, შაქრიანი დიაბეტის, სახსრების ანთებითი დაავადებების, თვალისა და კანის დაავადებების, თმის ცვენის და სხვა ქრონიკული დაავადებებისას.

მიღების წესი და დოზირება:

მოზრდილთათვის - 1 კაფსულა ყოველდღე ან დღეგამოშვებით საუზმის შემდეგ 2-3 კვირის მანძილზე. დანარჩენ შემთხვევებში - ექიმის დანიშნულებით.

უკუჩვენებები:

* პრეპარატის კომპონენტებისადმი მომატებული მგრძნობელობა;

* 12 წლამდე ასაკი.

განსაკუთრებული მითითებები:

◄პოლიჟენის მიღება დღის მეორე ნახევარში არ არის რეკომენდებული.

შენახვის პირობები:

პრეპარატი ინახება 15-25⁰C ტემპერატურაზე, ბავშვებისათვის მიუწვდომელ ადგილას.

ქიმიური სახელწოდება:

1,4 ეთილენპიპერაზინის N-ოქსიდის სოპოლიმერი და (N-კარბოქსიეთილ)-1.4-ეთილენპიპერაზინის ბრომიდი.

მწარმოებელი: პეტროვაქს ფარმა; რუსეთი

შემადგენლობა და გამოშვების ფორმა:

ადგილობრივი გამოყენების საინექციო ხსნარის დასამზადებელი ლიოფილიზატი

აქტიური ნივთიერება ............................  3 მგ პოლიოქსიდონი

შემავსებლები: მანიტოლი, პოვიდონი, ბეტაკაროტენი – 4.5-9,გ-მდე

აღწერილობა: თეთრი ფერის მოყვითაო ელფერის მქონე ფოროვანი მასა. პრეპარატი ჰიგროსკოპიულია და ფოტომგრძნობიარე.

ფარმაკოლოგიური ჯგუფი:

იმუნომოდულაციური საშუალება.

ფარმაკოლოგიური თვისებები:

პოლიოქსიდონს გააჩნია იმუნომოდულაციური მოქმედება; იგი ზრდის ორგანიზმის რეზისტენტობას ლოკალური და გენერალიზებული ინფექციების მიმართ. პოლიოქსიდონის იმუნომოდულაციური მოქმედების მექანიზმს საფუძვლად უდევს ფაგოციტურ უჯრედებსა და ბუნებრივ ქილერებზე ზემოქმედება, აგრეთვე მას ანტისხეულების პროდუცირების სტიმულაციის უნარიც გააჩნია.

იგი აღადგენს სხვადასხვა ინფექციებით, ტრამვებით, დამწვრობებით, ავთვისებიანი სიმსივნეებით, ქირურგიული ჩარევების შემდგომი გართულებებითა და ქიმიოთერაპიული საშუალებების გამოყენებით (მათ შორის ციტოსტატიკებითა და სტეროიდული ჰორმონებით) გამოწვეული მეორადი იმუნოდეფიციტური მდგომარეობების დროს იმუნურ რეაქციებს.

იმუნომოდულაციური მოქმედების გარდა, პოლიოქსიდონს გააჩნია დეტოქსიკაციის გამოხატული უნარი, რასაც განსაზღვრავს პრეპარატის სტრუქტურა და მაღალმოლეკულური აღნაგობა. იგი ზრდის უჯრედთა მემბრანების მდგრადობას სამკურნალო პრეპარატებისა და ქიმიური ნაერთების ციტოტოქსიურ მოქმედების მიმართ.

კომპლექსურ თერაპიაში პოლიოქსიდონის გამოყენება ზრდის მკურნალობის ეფექტურობას და ამცირებს მის ხანგრძლიოვობას, პრეპარატის მოქმედების წყალობით იქმნება ანტიობიოტიკების, ბრონქოლიტიკების, გლუკოკორტიკოსტეროიდების რაოდენობის შემცირების შესაძლებლობა. აგრეთვე ხანგრძლივდება რემისიის პერიოდი.

პრეპარატი ხასიათდება კარგი ტოლერანტობით. მას არ გააჩნია მიტოგენური, პოლიკლონალური აქტივობა, ანტიგენური თვისებები, არ აქვს ალერგიული, მუტაგენური, ემბრიოტოქსიური და კანცეროგენული მოქმედება.

ფარმაკოკინეტიკა:

პოლიოქსიდონი ხასიათდება მაღალი ბიოშეღწევადობით (89%), სისხლში მაქსიმალურ კონცენტრაციის მიღწევის დრო პრეპარატის ინტრამუსკულარული მიღების შემთხვევაში შეადგენს 40 წუთს. იგი სწრაფად ვრცელდება ორგანიზმის სხვადასხვა ქსოვილებსა და ორგანოებში. ნახევრადგავრცელების პერიოდი პრეპარატის ინტრავენური შეყვანის დროს შეადგენს 25 წუთს, ნახევრადგამოყოფის პერიოდი (ნელი ფაზა) – 25.4 საათი, ინტრამუსკულარული შეყვანის დროს – 36.2 საათს. ორგანიზმში პრეპარატი ჰიდროლიზდება ოლოგომერებამდე, რომლებიც უპირატესად თირკმლებით გამოიყოფიან.

ჩვენება:

იმუნიტეტის კორექცია მოზრდილებსა და ბავშვებში:

მოზრდილებში გამოიყენება 6 მგ კომპლექსური თერაპიის სახით:

გამწვავების ან რემისიის სტადიაში ნებისმიერი ეტიოლოგიის ქრონიკული მორეციდივე ანთებითი დაავადებები, რომლებიც არ ექვემდებარებიან სტანდარტულ თერაპიას;

დიდი ხნის განმავლობაში იმუნოდეპრესანტებით ნამკურნალევი რევმატოიდული ართრიტი, გართულებული მწვავე რესპირატორული დაავადებით ან მწვავე რესპირატორული ვირუსული ინფექციით მიმდინარე რევმატოირდული ართრიტი;

მწვავე და ქრონიკული ვირუსული და ბაქტერიული ინფექციები (უროგენიტალური ინფექციურ-ანთებითი დაავადებები:

ტუბერკუკლოზი;

მწვავე და ქრონიკული ალერგიული დაავადებები (მათ შორის პოლინოზი, ბრონქული ასთმა, ატოპიური დერმატიტი), გართულებული ქრონიკული მორეციდივე ბაქტერიული და ვირუსული ინფექციები;

სიმსივნეების დროს ქიმიო–და სხვივური თერაპიის ფონზე ან ამ პროცედურების დასრულების შემდეგ;

მონოთერაპიის სახით

პოსტოპერაციული ინფექციური გართულებების საპროფილაქტიკოდ;

დაბერების ან არახელსაყრელი გარემოებებით გამოწვეული მეორადი იმუნოდეფიციტური მდგომარეობების საკორექციოდ;

გრიპის და მწვავე რესპირატორული დაავადების საპროფილაქტიკოდ;

ბავშვებში 6 თვიდან 3მგ-ის ოდენობით კომპლექსური თერაპიის სახით

ბაქტერიული, ვირუსული, სოკოვანი ინფექციებით გამოწვეული მწავე ან ქრონიკული ანთებითი დაავადებები (სინუსიტი, რინიტი, ადენოიდიტი, ნუშურების ჰიპერტროფია, მწვავე რესპირატორული ვირუსული ინფექცია);

მწვავე ალერგიული და ტოქსიკო-ალერგიული მდგომარეობები;

რესპირატორული ტრაქტის ქრონიკული ინფექციებით გართულებული ბრონქული ასთმა;

ჩირქოვანი ინფექციით გართულებული ატოპიური დერმატიტი;

ნაწლავის დისბაქტერიოზი (სპეციფიურ თერაპიასთან კომბინაციაში);

გრიპის და მწვავე რესპირატორული დაავადების საპროფილაქტიკოდ;

იმ პირთა სარეაბილიტაციოდ, რომლებიც ხშირად და ხანგრძლივი დროის მანძილზე ავადმყოფობენ.

უკუჩვენება:

პრეპარატის მიმართ ინდივიდუალური მომატებული მგრძნობელობა.

ორსულობის დროს კლინიკური გამოცდილება ამ პრეპრატის გამოყენების შესახებ არ არსებობს.

სიფრთხილით ინიშნება თირკმლის უკმარისობის დროს, 6 თვემდე ბავშვებში

გამოყენების წესი და დოზირება:

ინტრამუსკულარულად ან ინტრავენურად (წვეთოვნად) – პრეპარატი მოზრდილებში ინიშნება 6-12მგ დოზის ოდენობით დღეში ერთხელ ყოველდღიურად ან დღეგამოშვებით, ან კვირაში 1-2 ჯერ დიაგნოზისა და დაავადების სიმძიმეზე დამოკიდებულებით.

ინტრამუსკულარული შეყვანისთვის ამპულის ან ფლაკონის შიგთავსს ხსნიან 1.5-2მლ 0.9%იან ნატრიუმის ქლორიდის ხსნარში ან საინექციო წყალში. პრეპარატის ინტრავენური გამოყენებისათვის (წვეთოვნად) პრეპარატი იხსნება 3მლ 0.9%-იან ნატრიუმის ქლორიდის ხსნარში ან გემოდეზში, რეოპოლიგლუკინში ან დექსტროზის 5%-იან ხსნარში, ხსნარის მიღების შემდეგ სითხე უნდა გადაისხას სტერილური პირობების დაცვით ზემოთხსენებული ხსნარების შემცველ ფლაკონში, რომელთა მოცულობაა 200-400 მლ.

პარენტერალური მიზნებისთვის დამზადებული ხსნარი შენახვას არ ექვემდებარება

მკურნალობის რეკომენდირებული სქემა მოზრდილთათვის

პარენტერალურად:

მწვავე რესპირატორული დაავადებების დროს: 6 მგ ყოველდღიურად 3 კვირის განმავლობაში, შემდგომ კი დღეგამოშვებით, სრული კურსი შეადგენს 5-10 ინექციას;

ტურბერკულოზის დროს: 6 მგ კვირაში ორჯერ, 10-20 ინექციის ოდენობით;

რევმატოიდული ართრიტი: 6 მგ დღეგამოშვებით 5 ინექციის ოდენობით, შემდგომში კი კვირაში ორჯერ არანაკლებ 10 ინექციის ოდენობით;

ავადმყოფებში მწვავე და ქრონიკული უროგენიტალური დაავადებებით: 6მგ დღიური დოზა დღეგამოშვებით, კურსი შეადგენ 10 ინექციას ქიმიოთერაპიასთან კომბინაციაში.

ქრონიკული მორეციდივე ჰერპესი: 6 მგ დღეგამოშვებით, კურსი -10 ინექცია ანტივირუსულ პრეპარატებთან, ინტერფერონთან, ინტერფერონის სინთეზის ინდუქტორებთან კომბინაციაში;

ალერგიული დაავადებების გართულებული ფორმების მკურნალობა: 6 მგ დღეგამოშვებით, კურსი - 5 ინექცია პირველი ორი ინექცია ყოველდღიურად, შემდეგ კი დღეგამოშვებით.

მწვავე ალერგიული და ტოქსიკო-ალერგიული მდგომარეობების დროს – ინტრავენურად 6-12მგ კრემასტინთან და სხვა ანტიალერგიულ საშუალებებთან ერთად კომბინაციაში.

ონკოლოგიურ პაციენტებს:

- ქიმიოთერაპიის ჩატარებამდე და მის ფონზე ქიმიოთერაპიული პრეპარატების საშუალებების იმუნოდეპრესიული და ჰეპატო–ნეფროტოქსიული ეფექტის შემცირების მიზნით – 6-12მგ დრეგამოშვებით, კურსი შეადგენს არანაკლებ 10 ინექციას.

- სიმსივნის იმუნოდეპრესიული მოქმედების საპროფილაქტიკოდ, ქიმიო– და სხივური თერაპიით გამოწვეული იმუნოდეფიციტის საკორექციოდ, სიმსივნის ქირურგიული ამოკვეთის შემდეგ ნაჩვენებია პოლიოქსიდონით ხანგრძლივი მკურნალობის კურსის ჩატარება (2-3 თვიდან 1 წლამდე)

თირკმლის მწვავე უკმარისობით დაავადებულ პაციენტებში დასაშვებია პრეპარატის მიღება მაქსიმუმ კვირაში 2 ჯერ.

ინტრანაზალურად

პრეპარატი ინტრანაზალურად ინიშნება მწვავე და ქრონიკული ЛОР-ინფექციების სამკურნალოდ, ლორწოვანი გარსის რეგენერატორული პროცესების გასაძლიერებლად, გართულებების და დაავადების რეციდივების თავიდან ასაცილებლად, გრიპის და მწვავე რესპირატორული დაავადებების პროფილაქტიკისათვის: 1-3 წვეთი ცხვირის ორივე  ნესტოში 2-3 საათის ინტერვალით (არაუმეტეს 3-4-ჯერ დღე-ღამეში) 5-10 დღე-ღამის განმავლობაში.

6 მგ-იან დოზას ხსნიან 1 მლ დისტილირიზებულ წყალში, 0.9% ქლორიდის ხსნარში ან ოთახის ტემპერატურის ანადუღარ წყალში (20 წვეთი) და გამოიყენება რამოდენიმე დღის განმავლობაში.

მიღების წესი და დოზირება ბავშვებში: მიღების წესები დგინდება და ირჩევა მკურნალი ექიმის მიერ დიაგნოზის, დაავადების სიძლიერის, ავადმყოფის ასაკისა და სხეულის წონის გათვალისწინებით.

პარენტერალურად პრეპარატი მიიღება (ინტრამუსკულრულად ან ინტრავენურად წვეთოვნად) დოზით 0.1-0.15 მგ/კგ ყოველდღიურად, დღეგამოშვებით ან კვირაში 2-ჯერ 5 -10 ინექციის კურსით (დოზები მითითებულია ცხრილში)

ინტრამუსკულრულად მიღების დროს პრეპარატი უნდა გაიხსნას 1 მლ-იან საინექციო წყალში ან 0.9%-იან ნატრიუმის ქლორიდის ხსნარში.

ინტრავენური წვეთოვანის მიღებისას პრეპარატს ხსნიან 1.5-2 მლ სტერილურ 0.9%-იან ნატრიუმის ქლორიდის ხსნარში, პოლიგლუკინის, ჰემოდეზის ან 5%-იანი დექსტროზის ხსნარში, სტერილურად გადააქვთ ფლაკონში ზემოთ აღნიშნულ ხსნარებში 150-250 მლ-ის მოცულობით.

ბავშვების მკურნალობის რეკომენდირებული სქემა

• მწვავე ანთებითი დაავადებებისას: 0.1მგ/კგ დღეგამოშვებით კურსი 5-7 ინექცია.

• ქრონიკული ანთებითი დაავადებებისას: 0.15 მგ/კგ კვირაში 2-ჯერ, კურსი 10 ინექციამდე.

• მწვავე ალერგიული და ტოქსიკო-ალერგიული მდგომარეობებისას: ინტრავენურად წვეთოვანის საშუალებით 0.15მგ/კგ დოზით კლემასტინთან და სხვა ანტიალერგიულ პრეპარატებთან ერთად.

• ალერგიული დაავადებების გართულებული ფორმებისას ძირითად თერაპიასთან ერთად: ინტრამუსკულრულად მიღებისას 0.1 მგ/კგ, კურსი 5 ინექცია 1-2 დღის ინტერვალით.

ინტრანაზალურად: ყოველდღიურად დღე-ღამის დოზა 0.15მგ/კგ 5-10 დღის განმავლობაში. ინტრანაზალურად პრეპარატი მიიღება 1-3 წვეთი ერთი ცხვირის ნესტოში 2-3 საათის ინტერვალით (არაუმცირეს 3-4-ჯერ დღე-ღამეში)

პრეპარატის ინტრანაზალური და სუბლინგვალური მიღების დროს ხსნარს ამზადებენ შემდეგნაირად: 3 მგ-იან დოზას ხსნიან - 1 მლ-იან (20 წვეთი), 6 მგ-იან დოზას 2 მლ-იან დისტილირებულ წყალში, 0.9% ნატრიუმის ქლორიდის ხსნარში ან ოთახის ტემპერატურის ანადუღარ წყალში. მომზადებული ხსნარის 1 წვეთი (50მკლ) შეიცავს 0.15 მგ პოლიოქსიდონს, რომელსაც ნიშნავენ ერთ კილოგრამ ბავშვის სხეულის წონაზე.

ბავშვებისთვის დღე-ღამის დოზები ნაჩვენებია ცხრილში:

ბავშვის წონა დღე-ღამეში/წვეთების რაოდენობა/ხსნარის მოცულობა მლ-ში

5 კგ/5 წვეთი/0.25 მლ

10 კგ/ 10 წვეთი/ 0.5 მლ

15 კგ/ 15 წვეთი/ 0.75 მლ

20 კგ/ 20 წვეთი/ 1.00 მლ

სუბლინგვალურად: ყველა ჩვენების შემთხვევაში – მიიღება ყოველდღიურად დღე-ღამის დოზით 0.15 მლ/კგ 10 დღის განმავლობაში, კუჭ-ნაწლავის დისბაქტერიოზის მკურნალობისთვის 10-20 დღის განმავლობაში.

ხსნარი სუბლინგვალური და ინტრანაზალური მიღებისათვის უნდა შევინახოთ მაცივარში არაუმეტეს 7 დღის განმავლობაში. მიღების წინ საჭიროა სხნარით სავსე პიპეტი შევათბოთ ოთახის ტემპერატურამდე (20-25°C).

გვერდითი ეფექტები:

ინტრამუსკულრულად მიღებისას ინექციის არეში მტკივნეულობა.

დოზის გადაჭარბება:

არ აღინიშნება

სხვა პრეპარატებთან ურთიერთქმედება:

პოლიოქსიდონი შეთავსებადია ანტიბიოტიკებთან, ვირუსის საწინააღმდეგო, სოკოს საწინააღმდეგო და ანტიჰისტამინურ პრეპარატებთან, ბრონქოლიტიკებთან, გლუკოკორტიკოსტეროიდებთან, ციტოსტატიკებთან.

განსაკუთრებული მითითებანი:

ინექციის ადგილას მტკივნეული შეგრძნებების დროს პრეპარატს ხსნიან 0.25%-იან პროკაინის 1 მლ ხსნარში, იმ შემთხვევაში, თუ პაციენტს არ გააჩნია პროკაინზე მომატებული ინდივიდუალური მგრძნობელობა.

გამოშვების ფორმა:

4.5 მგ - (3მგ დოზისთვის) 9 მგ - (6 მგ დოზისთვის) ამპულებში ან უფერო ან მუქი ნეიტრალური ფერის შუშის ფლაკონებში. 5 ამპულა ან ფლაკონი ერთ უჯრედოვან შეფუთვაში. ერთ კონტურულ უჯრედოვან შეფუთვაში პრეპარატის 5 ამპულა ან ფლაკონი საინექციო წყლით და ინსტრუქციით მუყაოს ყუთში. 5 ამპულა ან ფლაკონი კომპლექტში 5 საინექციო წყალთან ან 0.9% იზოტონური ნატრიუმის ქლორიდის ხსნართან ერთად და პრეპარატის მიღების ინსტრუქციასთან ერთად.

შენახვის ვადა:

2 წელი. შეფუთვაზე მითითებული ვადის გასვლის შემდეგ, პრეპარატი არ გამოიყენება.

შენახვის პირობები:

ჩამონათვალი ბ. მშრალ, ბნელ, ადგილას, ტემპერატურაზე 4°-დან 8°-მდე. ბავშვებისთვის მიუწვდომელ ადგილას.

ქიმიური სახელწოდება:

1,4 ეთილენპიპერაზინის N-ოქსიდის სოპოლიმერი და (N-კარბოქსიეთილ)-1.4-ეთილენპიპერაზინის ბრომიდი

მწარმოებელი: პეტროვაქს ფარმა; რუსეთი

შემადგენლობა და გამოშვების ფორმა:

ტაბლეტები

1 ტაბ.

პოლიოქსიდონი ...................... 12მგ

შემავსებლები: ლაქტოზა, კარტოფილის სახამებელი, სტეარინის მჟავა,

აღწერილობა: ტაბლეტები თეთრი ფერის მოყვითალო ელფერის მქონე, ან ყვითელი ფერის ნარინჯისფერი ელფერით, ბრტყელცილინდრული ფორმის, გამყოფი ნაჭდევით ერთ მხარეს, ხოლო მეორე მხარეს ამოკვეთილია წარწერა «ПО».

ფარმაკოლოგიური ჯგუფი:

იმუნომოდულაციური საშუალება

ფარმაკოლოგიური თვისებები:

პოლიოქსიდონს გააჩნია იმუნომოდულიაციური მოქმედება; იგი ზრდის ორგანიზმის რეზისტენტობას ბაქტერიული, ვირუსული და სოკოვანი ინფექციების მიმართ. პოლიოქსიდონის იმუნომოდულაციური მოქმედების მექანიზმს საფუძვლად უდევს ლეიკოციტების მიერ მიკრობთა ფაგოციტირების უნარის გაძლიერება საწყისი დაბალი მაჩვენებლების ფონზე ციტოკინების პროდუცირების სტიმულაცია, რომლებიც თავის მხრივ ააქტიურებენ იმუნიტეტს, აგრეთვე მას ინფექცური აგენტების მიმართ ანტისხეულების პროდუცირების სტიმულაციის უნარიც გააჩნია.

სუბლინგვალური გამოყენების დროს პრეპარატი ააქტიურებს ბრონქებში, ცხვირის ღრუსა და  ევსტაქის ლულებში მდებარე ლიმფოიდურ უჯრედებს, რის გამოც იზრდება ამ ორგანოთა მდგრადობა ინფექციური აგენტების მიმართ

პერორალური გამოყენებისას პოლიოქსიდონი ააქტივებს ნაწლავის ლიმფოიდურ უჯრედებს, კერძოდ კი სეკრეტორული IgA-ს მაპროდუცირებელ B-უჯრედებს.

ყოველივე ზემოთ აღნიშნულის შედეგად იზრდება სასუნთქი და საჭმლის მომნელებელი ტრაქტის მდგრადობა ინფექციური აგენტების მიმართ.  გარდა ამისა, პერორალური მიღების დროს პოლიოქსიდონი ააქტივებს ქსოვილოვან მაკროფაგებს, რაც ხელს უწყობს ორგანიზმიდან გამომწვევის სწრაფ ელიმინაციას ინფექციური კერის არსებობის შემთხვევაში.

იმუნომადულაციური მოქმედების გარდა პრეპარატს გააჩნია დეტოქსიკაციისა და ანტიოქსიდანტური ზემოქმედების უნარი, რაც განპირობებულია პრეპარატის მაღალმოლეკულური აღნაგბითა და სტრუქტურით.

ჩვენება:

მოზრდილებსა და 12 წლის ზევით ბავშვებში

- პირის ღრუს, ცხვირის წიაღების, ზედა სასუნთქი გზების, შიგნითა და შუა ყურის მწვავე ან ქრონიკული ანთებითი მორეციდივე ბაქტერიული, ვირუსული და სოკოვანი ინფეციები;

მონოთერაპიის სახით პოლიოქსიდონი შეიძლება გამოიყენებულ იქნეს სუბლინგვალურად იმუნოკომპრომენტირებულ ადამიანთა ჯგუფში,  გრიპისა და სხვა რესპირატორული ინფექციების საპროფილაქტიკოდ პრეეპიდემიურ პერიოდში.

უკუჩვენება:

ინდივიდუალური აუტანლობა, ორსულობა

სიფრთხილით ინიშნება  თირკმლის მწვავე უკმარისობით დაავადებულ პაციენტებში.

გამოყენების წესი და დოზირება:

პერორალურად და სუბლინგვალურად მოზრდილებში 12მგ ან 24მგ დოზის, მოზარდებში 12მგ დოზის ოდენობით ყოველდღიურად, დიგნოზისა და დაავადების სიმძიმის გათვალისწინებით.

მკურნალობის რეკომენდირებული სქემები:

პოლიოქსიდონის ტაბლეტების მიიღება ჭამამდე 20-30 წუთით ადრე.

სუბლინგვალურად 12მგ დოზის ოდენობით.

- პირის ღრუს ანთებითი პროცესების დროს (ბაქტერიული, ვირუსული, სოკოვანი ბუნების) – დღეში ორჯერ 12 საათიანი ინტერვალებით 10-14 დღის განმავლობაში. პირის ღრუს ჰერპესული და სოკოვანი ინფექციების მძიმე ფორმების დროს  - დღეში სამჯერ 8 საათიანი ინტერვალებით 15 დღის განმავლობაში.

- ცხვირის წიაღებისა და ოტიტების ქრონიკული დაავადებების დროს – დღეში 2– ჯერ 12 საათიანი ინტერვალებით 5-10 დღის განმავლობაში.

- ქრონიკული ტონზილიტის დროს – დღეში 3–ჯერ 8 საათიანი ინტერვალებით 10-15 დღის განმავლობაში.

- ზედა სასუნთქი გზების ქრონიკული დაავადებების დროს – მოზრდილებში 24მგ დოზის ოდენობით დღეში ორჯერ, მოზარდებში 12მგ დღეში 2–ჯერ, 12 საათიანი ინტერვალებით 10-14 დღის განმავლობაში.

- გრიპისა და მწვავე რესპირატორული ინფექციების საპროფილაქტიკოდ – იმუნოკომპრომენტირებულ პირებში, რომელბიც ავადდებიან მწვავე რესპირატორული დაავადებით წელიწადში ოთხჯერ.

პოლიოქსიდონი რეკომენდირებულია პრეეპიდემიურ პერიოდში მოზრდილთათვის 24მგ დოზის ოდენობით, მოზარდებში 12მგ დოზის ოდენობით სუბლნგვალურად დღეში 2 ჯერ 10-15დღის განმავლობაში

პერორარულად:

- ზედა სასუნთქი გზების ქრონიკული დაავადებების დროს  -მოზრდილებში  24მგ დოზის ოდენობით დღეში ორჯერ,  მოზარდებში 12მგ დოზის ოდენობით დღეში ორჯერ 12 საათიანი ინტერვალებით 10-14 დღის განმავლობაში.

გვერდითი ეფექტები:

გვერდითი ეფექტები არ არის გამოვლენილი

სხვა პრეპარატებთან ურთიერთქმედება:

პოლიოქსიდონი შეთავსებადია შემდეგ პრეპარატებთან: ანტიბიოტიკებთან, ანტივირუსულ,  სოკოს საწინააღმდეგო, ანტიჰისტამინურ პრეპარატებთან, ბრონქოლიტიკებთან, გლუკოკორტიკოსტერიოდებთან, ციტოსტატიკებთან, β-ადრენომიმეტიკებთან.

ვარგისიანობა:

2 წელიწადი. არ გამოიყენოთ შეფუთვაზე მითითებული ვარგისიანობის ვადის ამოწურვის შემდეგ

შენახვის წესი:

ბ ჩამონათვალი

მშრალ, სინათლისაგან დაცულ, ბავშვებისათვის მიუწვდომელ ადგილას, ტემპერატურაზე 4 დან 8ºC-მდე.

აფთიაქიდან გაცემის წესი

ურეცეპტოდ

ქიმიური სახელწოდება:

1,4 ეთილენპიპერაზინის N-ოქსიდის სოპოლიმერი და (N-კარბოქსიეთილ)-1.4-ეთილენპიპერაზინის ბრომიდი

მწარმოებელი: პეტროვაქს ფარმა; რუსეთი

შემადგენლობა და გამოშვების ფორმა:

სუპოზიტორიუმი

აქტიური ნივთიერება:

პოლიოქსიდონი ......................... 6მგ ან 12მგ

შემავსებლები: მანიტოლი, პოვიდონი, ბეტაკაროტენი – 9,გ ან 18მგ

საფუძველი: კაკაოს ზეთი – 1.3გ მასის სუპოზიტორიუმის მიღებამდე.

აღწერილობა: ღია ყვითელი ფერის სპეციფიური კაკოს ზეთის სუნის მქონე ტორპედოსმაგვარი ფორმის სუპოზიტორიუმი.

ფარმაკოლოგიური ჯგუფი:

იმუნომოდულაციური საშუალება

ფარმაკოლოგიური თვისებები:

პოლიოქსიდონს გააჩნია იმუნომოდულიაციური მოქმედება; იგი ზრდის ორგანიზმის რეზისტენტობას ლოკალური და გენერალიზებული ინფექციების მიმართ. პოლიოქსიდონის იმუნომოდულაციური მოქმედების მექანიზმს საფუძვლად უდევს ფაგოციტურ უჯრედებსა და ბუნებრივ ქილერებზე ზემოქმედება, აგრეთვე მას ანტისხეულების პროდუცირების სტიმულაციის უნარიც გააჩნია.

იგი აღადგენს სხვადასხვა იფექციებით, ტრამვებით, დამწვრობებით, ავთვისებიანი სიმსივნეებით, ქირურგუილი ჩარევების შემდგომი გართულებებითა და ქიმიოთერაპიული საშუალებების გამოყენებით (მათ შორის ციტოსტატიკებითა და სტეროიდული ჰორმონებით) გამოწვეული მეორადი იმუნოდეფიციტური მდგომარეობების დროს იმუნურ რეაქციებს.

იმუნომოდულაციური მოქმედების გარდა, პოლიოქსიდონს გააჩნია დეტოქსიკაციის გამოხატული უნარი, რასაც განსაზღვრავს პრეპარატის სტრუქტურა და მაღალმოლეკულური აღნაგობა. იგი ზრდის უჯრედთა მემბრანების მდგრადობას სამკურნალო პრეპარატებისა და ქიმიური ნაერთების ციტოტოქსიურ მოქმედების მიმართ.

კომპლექსურ თერაპიაში პოლიოქსიდონის გამოყენება ზრდის მკურნალობის ეფექტურობას და ამცირებს მის ხანგრძლიოვობას, პრეპარატის მოქმედების წყალობით იქმნება ანტიობიოტიკების, ბრონქოლიტიკების, გლუკოკორტიკოსტეროიდების რაოდენობის შემცირების შესაძლებლობა.  აგრეთვე ხანგრძლივდება რემისიის პერიოდი.

პრეპარატი ხასიათდება კარგი ტოლერანტობით. მას არ გააჩნია მიტოგენური, პოლიკლონალურ აქტივობა, ანტიგენური თვისებები, არ აქვს ალერგიული, მუტაგენური, ემბრიოტოქსიური და კანცეროგენული  მოქმედება.

ფარმაკოკინეტიკა:

პოლიოქსიდონის სუპოზიტორიუმი  ხასითდება მაღალი ბიოშეღწევადობით, სისხლში მაქსიმალურ კონცენტრაციას აღწევს გამოყენების მომენტიდან ერთი საათის შემდეგ. სწრაფი ფაზის ნახევარგამოყოფის პერიოდი გრძელდება 30 წუთი, ნელი ფაზის ნახევარგამოყოფის პერიოდი კი  - 36.2 საათი. ორგანიზმში ჰიდროლიზდება ოლიგომერებამდე, რომლებიც უპირატესად თირკმლებით გამოიყოფა.

ჩვენება:

მოზრდილებში კომპლექსური თერაპიის სახით:

• გამწვავების ან რემისიის სტადიაში ნებისმიერი ეტიოლოგიის ქრონიკული მორეციდივე ანთებითი დაავადებები, რომლებიც არ ექვემდებარებიან სტანდარტულ თერაპიას;
• დიდი ხნის განმავლობაში იმუნოდეპრესანტებით ნამკურნალევი რევმატოიდული არტრიტი, გართულებული მწვავე რესპირატორული დაავადებით ან მწვავე რესპირატორული ვირუსული ინფექციით მიმდინარე რევმატოირდული ართრიტი.;
• მწვავე და ქრონიკული ვირუსული და ბაქტერიული ინფექციები (უროგენიტალური ინფექციური ანთებითი დაავადებები: პროსტატიტი, ცისტიტი, ქრონიკული პიელონეფრიტი ლატენტურ და გამწვავების სტადიაში, ქრონიკული სალპინგოოვორიტი, კოლპიტი, პაპილომის ვირუსით გამწვეული დაავადებები, საშვილოსნოს ყელის ექტოპია, დისპლაზია და ლეიკოპლაკია;
• სხვადასხვა ფორმის ტუბერკულოზი;
• მწვავე და ქრონიკული  ალერგიული დაავადებები (მათ შორის პოლინოზი, ბრონქული ასთმა, ატოპიური დერმატიტი), გართულებული ქრონიკული მორეციდივე ბაქტერიული და ვირუსული ინფექციები;
• სიმსივნეების დროს ქიმიო და სხვივური თერაპიის ფონზე ან ამ პროცედურების დასრულების შემდეგ;
• სამკურნალო საშუალებების ნეფრო-ჰეპატოტოქსიური ზემოქმედების შემცირების მიზნით;
• რეგენერაციული პროცესების გასააქტიურებლად (მოტეხილობები, დამწვრობები, ტროფიკული წყლულები);
• დაბერებით გამოწვეული მეორადი იმუნოდეფიციტური მდგომარეობების საკორექციოდ;

იმ პირთა სარეაბილიტაციოდ, რომლებიც ხშირად და ხანგრძლივი დროის მანძილზე ავადმყოფობენ.

• მონოთერაპიის სახით:
• ქრონიკული ინფექციური კერების გამწვავების პრესეზონული პროფილაქტიკა ხანშიშესულ პირებში.

უკუჩვენება:

პრეპარატის მიმართ ინდივიდუალური მომატებული მგრძნობელობა.

ორსულობის დროს კლინიკური გამოცდილება ამ პრეპრატის გამოყენების შესახებ არ არსებობს.

სიფრთხილით ინიშნება თირკმლის უკმარისობის დროს.

გამოყენების წესი და დოზირება:

რექტალურად, ინტრავაგინალურად

გამოყენების წესი და დოზირება შეირჩევა ექიმი მიერ სხეულის მასის, დიაგნოსის, პროცესის სიმწვავისა და სიმძიმის გათვალისწინებით.

რექტალურად: დღეღამეში ერთხელ ძილის წინ, ნაწლავის შიგთავსის გათავისუფლების შემდეგ, 1 ცალი 6 მგ-იანი ან 12 მგ-იანი სუპოზიტორიუმი.

მიღების სქემა: პირველი სამი დღე - ყოვედღიურად, შემდეგ კი 48 საათიანი ინტერვალებით. მკურნალობის კურსი  - 10 სუპოზიტორიუმი.

ქრონიკული სალპინგოოოვორიტის, ედნომეტრიტის, კოლპიტის, პაპილომის ვირუსით გამწვეული დაავადებების, საშვილოსნოს ყელის ექტოპიის, დისპლაზიისა და ლეიკოპლაკიის დროს პრეპარატი ინიშნება  ინტრავაგინალურად, 12 მგ-იანი სუპოზიტორიუმი ყოველდღიურად სამი დღის განმავლობაში დღეში ერთხელ. მკურნალობის კურსი -10 სუპოზიტორიუმი.

საჭიროების შემთხვევაში მკურნალობის კურსს იმეორებენ 3-4 თვის შემდეგ.

ავადმყოფებისთვის ქრონიკული იმუნური უკმარისობით (მაგალითად ონკოლოგიურ ავადმყოფებს) ნაჩვენებია ხანგრძლივი შემანარჩუნებელი თერაპია პოლიოქსიდონის გამოყენებით 6-12მგ-ს ოდენობით კვირაში ერთხელ ან ორჯერ.

გვერდითი ეფექტები:

არ არის გამოველენილი

ჰიპერდოზირება:

არ არის აღწერილი

სხვა პრეპარატებთან ურთიერთქმედება:

პოლიოქსიდონი შეთავსებადია ანტიბიოტიკებთან, ანტივირუსულ, სოკოს საწინააღმდეგო, ანტიჰისტამინურ პრეპარატებთან, აგრეთვე და გლუკოკორტიკოსტერიოდებთან და  ციტოსტატიკებთან კომბინაციაში.

განსაკუთრებული მითითებები:

არ არის რეკომენდირებული ზემოთ აღნიშნული დოზის გადაჭარბება ექიმთან კონსულტაციის გარეშე.

შენახვის პირობები:

მშრალ სინათლისაგან დაცულ, ბავშვებისათვის მიუწვდომელ ადგილას ტემპერტურაზე 8 დან 15ºC-ზე.

აფთიაქებიდან გაცემის წესი:

ურეცეპტოდ

ფარმაკოლოგიური თვისებები

პოლიმიქსინი B წარმოადგენს პოლიპეპტიდური სტრუქტურის მქონე ანტიბიოტიკს. პრეპარატის მოქმედების მექანიზმი ძირითადად განპირობებულია მის მიერ მიკრობის უჯრედში ცილის სინთეზის ინჰიბირებით. იგი აქტიურია მრავალი გრამუარყოფითი ბაქტერიების მიმართ, მათ შორის Escherichia coli, Enterobacter Klebsiella spp., Haemophillus influenzae; Bordetella pertussis, Salmonella spp., Shigella spp., განსაკუთრებით Pseudomonas  aeruginosa-ის მიმართ, არააქტიურია Proteus spp.-ის მიმართ.

პოლიმიქსინის მიმართ მგრძნობიარეა Vibrio cholerae (eltor ქვეტიპის გარდა); აქტიურია Coccidioides immitis. ძირითადად მხოლოდ სოკოები ხასიათდებიან რეზისტენტობით აღნიშნული ანტიბიოტიკის მიმართ.

პრეპარატი ჩვეულებრივ მდგრადია Serratia marcescens, Providencia sp., Bacteroides Fragilis-ის მიმართ. იგი ასევე არააქტიურია Neisseria spp-ის, ობლიგატური ანაერობული და გრამდადებითი ბაქტერიების მიმართ.

ხასიათდება ჯვარედინი რეზისტენტობით კოლისტინის მიმართ.

ფარმაკოკინეტიკა

პრეპარატის კუნთებში შეყვანისას მისი მაქსიმალური კონცენტრაცია სისხლის პლაზმაში აღინიშნება 2 სთ-ის შემდეგ. იგი კარგად ნაწილდება ორგანიზმის ორგანოებში და ქსოვილებში. პრეპარატის განმეორებითი შეყვანისას შესაძლებელია კუმულაცია. პრეპარატი არ გაივლის ჰემატოენცეფალურ ბარიერს, მისი ნახევარგამოყოფის პერიოდი შეადგენს 6 სთ-ს. გამოიყოფა შარდთან ერთად.

ჩვენებები

პრეპარატის მიმართ მგრძნობიარე მიკროორგანიზმებით გამოწვეული ინფექციურ-ანთებითი დაავადებები, მათ შორის:

• კანის, ყურების, თვალების, კუჭ-ნაწლავის ტრაქტის ინფექციები.

დოზირების რეჟიმი

პრეპარატს იყენებენ ადგილობრივად, კუნთებში, ვენაში ინექციების სახით, ინტრათეკალურად.

კუნთებში და ვენაში შეყვანისას პრეპარატის დღეღამური დოზა შეადგენს 1.5-2.5 მგ-ს/კგ წონაზე, ხოლო სხვა გზით შეყვანისას პოლიმიქსინის დოზის განსაზღვრა ხდება ინდივიდუალურად.

გვერდითი მოვლენები

ცენტრალური და პერიფერიული ნერვული სისტემის მხრივ: პარესთეზიები, მხედველობის დარღვევა, თავბრუსხვევა, ატაქსია, ცნობიერების დაბინდვა, ძილიანობა; დაავადების მიმართ მიდრეკილების მქონე პაციენტებში - ნერვ-კუნთოვანი ბლოკადა, სუნთქვის დამბლა და აპნოე.

შარდ-გამომყოფი სისტემის მხრივ: თირკმელების ფუნქციის დარღვევა, ჰემატურია, პროტეინურია, ტუბულარული ნეკროზი (პრეპარატის ვენაში შეყვანისას).

ალერგიული რეაქციები: კანზე გამონაყარი, ქავილი.

ადგილობრივი რეაქციები: გაღიზიანება და ტკივილი ინექციის ადგილზე (კუნთებში ინექციის დროს), ტვინის გარსების გაღიზიანება (პრეპარატის ინტრათეკალური შეყვანისას).

უკუჩვენებები

* პრეპარატის მიმართ მომატებული მგრძნობელობა.

* დაფის აპკის პერფორაცია, კანის ზედაპირის ვრცელი დაზიანებები (პრეპარატის გარეგანი გამოყენების დროს).

ორსულობა და ლაქტაცია

ორსულობის დროს პრეპარატის გამოყენება მხოლოდ იმ შემთხვევაშია შესაძლებელი, როდესაც დედისათვის სასარგებლო შედეგი მკვეთრად სჭარბობს ნაყოფზე მოქმედების პოტენციურ რისკს.

ლაქტაციის პერიოდში პრეპარატის დანიშვნის აუცილებლობის შემთხვევაში საჭიროა ძუძუთი კვების შეწყვეტა.

განსაკუთრებული მითითებები

♦ პრეპარატი განსაკუთრებული სიფრთხილით ინიშნება პაციენტებში თირკმელების ფუნქციის დარღვევით, აგრეთვე ნერვ-კუნთოვანი გადაცემის დარღვევით მიმდინარე დაავადებების (მათ შორის მიასთენიის) დროს. აღნიშნულ შემთხვევებში აუცილებელია პრეპარატის დოზის კორექცია და თირკმელების ფუნქციის კონტროლი.

♦ პრეპარატის პარენტერულად გამოყენებისას აუცილებელია პოლიმიქსინ B-ს კონცენტრაციის პერიოდული კონტროლი სისხლის პლაზმაში.

სხვა პრეპარატებთან ურთიერთქმედება

- პოლიმიქსინ B-ს კომბინაცია შესაძლებელია ნეომიცინთან, ბაციტრაცინთან, ნისტატინთან, ტრიმეტოპრიმთან;

- ქლორამფენიკოლთან, ტეტრაციკლინთან, სულფანილამიდებთან და ტრიმეტოპრიმთან პრეპარატის კომბინაციით ადგილი აქვს სინერგიზმს;

- პოლიმიქსინის კომბინაციით ზოგად სანარკოზო საშუალებებთან, ნოვოკაინამიდთან, პერიფერიული მოქმედების მიორელაქსანტებთან აღინიშნება ნერვ-კუნთოვანი ბლოკადის გაძლიერება.

მწარმოებელი: ABDY IBRAHIM Ilac. San.ve Tic. A. S., თურქეთი

კლინიკურ-ფარმაკოლოგიური ჯგუფი:

ვიტამინების კომბინაცია ბავშვებისათვის.

შემადგენლობა და გამოშვების ფორმა:

სიროფი: ფლაკონში 100 მლ

5 მლ

დამხმარე ნივთიერებები:

შაქარი, ნატრიუმის საქარინი, მეთილისა და პროპილის პარაბენი.

ფარმაკოლოგიური თვისებები:

ვიტამინი A: ცხიმში ხსნადი ვიტამინი, აუცილებელია ზრდისათვის, ასევე მონაწილეობს ეპითელური ქსოვილის დაცვისა და რეგენერაციის პროცესში. ეფექტურია ღამის მხედველობის დარღვევების მკურნალობისას,.

B ჯგუფის ვიტამინები: წყალში ხსნადი B ჯგუფის ვიტამინები გვევლინებიან ცილოვანი, ცხიმოვანი და ნახშიწყლოვანი ცვლის კატალიზატორებად. ვიტამინი B₁ წარმოადგენს ნახშირწყლოვანი ცვლის მთავარ კოენზიმს. ვიტამინი B₂ ასრულებს მთავარ როლს საკვები ნივთიერებებისაგან მიღებული ენერგიის ხარჯვაში. ვიტამინი B₆ უპირველესად მონაწილეობს ცილოვან ცვლაში, შემდეგ ნახშირწყლოვან და ცხიმოვან ცვლებში. გარდა ამისა მონაწილეობას იღებს ჰემოგლობინის სინთეზში.

ნიკოტინამიდი: წყალში ხსნადი PP ჯგუფის ვიტამინი ნიკოტინამიდი, გადაიქცევა რა ორგანიზმში ფერმენტ ნიკოტინამიდ დინუკლეოტიდად (ნად) და ნიკოტინამიდ დინუკლეოტიდ ფოსფატად (ნადფ), მონაწილეობს ქსოვილოვანი სუნთქვის ელექტრონულ რეაქციებში.

D-პანტენოლი: წყალში ხსნადი ვიტამინი, მონაწილეობს კოენზიმ A-ს ერთ-ერთი კომპონენტის შექმნაში, რომელიც ასრულებს მთავარ როლს ნახშირწყლოვან, ცხიმოვან და ცილოვან ცვლებში.

ვიტამინი C: წყალში ხსნადი ვიტამინი, წარმოადგენს მრავალი ფერმენტული და ინტრაცელულური ჟანგვა-აღდგენითი რეაქციის კატალიზატორს. მონაწილეს ნორმალური კუნთოვანი ტონუსის შენარჩუნებში, კოლაგენის და სხვა უჯრედშიდა ნივთიერებების სინთეზში, ასევე ანეიტრალებს თავისუფალ რადიკალებს.

ვიტამინი D: ცხიმში ხსნადი ვიტამინი, მონაწილეობს კალციუმ-ფოსფოროვანი ბალანსის შენარჩუნებაში. ასევე ძვლის მინერალიზაციის პროცესებში.

ვიტამინი E - იცავს უჯრედული მემბრანის შემადგენლობაში შემავალ უჯერ ცხიმოვან მჟავებს. ხელს უშლის რა თავისუფალი რადიკალების და კანცეროგენული ნიტროზამინების წარმოქმნას, უზრუნველყოფს იმ ქსოვილების ნორმალურ ფუნქციონირებას, რომლებსაც აქვთ მეზოდერმული წარმოშობა (გლუვი კუნთები, სისხლძარღვები, შემაერთებელი ქსოვილის ბოჭკო).

ჩვენებები:

• კვებასთან დაკავშირებული ზრდისა და განვითარების დარღვევები ბავშვებში;
• ჰიპოვიტამინოზისას და ნორმალური კვების შენარჩუნების მიზნით;
• გადატანილი ინფექციური დაავადებების და ოპერაციების შემდეგ, სისუსტისა და ადვილად დაღლილობის შემთხვევაში, ასევე ორსულებსა და მეძუძურ დედებში;
• არაბალანსირებული დიეტით გამოწვეული ვიტამინების დეფიციტის დროს.

მიღების წესი და დოზირება:

თუ ექიმის მხრიდან არ აღინიშნება განსაკუთრებული მითითება:

ბავშვები: 3 თვიდან 1 წლამდე ასაკის 5 მლ (1 საზომი კოვზი) ერთხელ დღეში;

1-დან 5 წლამდე ასაკის -7.5 მლ (1.5 საზომი კოვზი) ერთხელ დღეში;

5 წელზე ზევით ასაკის - 10 მლ (2 საზომი კოვზი) ერთხელ დღეში;

ორსულები და მეძუძური დედები - 10 მლ (2 საზომი კოვზი ერთხელ დღეში.

პოლივიტის გამოყენება შესაძლებელია როგორც მზა სიროფის სახით, ასევე წყალში, წვენსა და ფაფაში შერეული სახით.

გვერდითი მოვლენები:

პრეპარატის მაღალი დოზებით ხანგრძლივი გამოყენებისას შეიძლება გამოვლინდეს ჰიპერვიტამინოზთან დაკავშირებული გვერდითი მოვლენები. შესაძლებელია ალერგიული რეაქციები, ეროზიული ცვლილებები და ძალიან იშვიათად სიცხის შეგრძნება და სისუსტე, დაკავშირებული ნიკოტინამიდის მოქმედებასთან.

უკუჩვენებები:

უკუნაჩვენებია პრეპარატის შემადგენლობაში შემავალი რომელიმე კომპონენტის მიმართ ინდივიდუალური აუტანლობის შემთხვევაში.

განსაკუთრებული მითითებები:

◄ პრეპარატის მაღალი დოზებით ხანგრძლივმა გამოყენებამ შეიძლება გამოიწვიოს ჰიპერვიტამინოზის განვითარება.

◄ ორსულებში პრეპარატის გამოყენებისას საჭიროა სიფრთხილის გამოჩენა, რადგან, ვიტამინის ჰიპერდოზირებამ შეიძლება გამოიწვიოს ტერატოგენული ეფექტი.

სხვა წამლებთან ურთიერთქმედება:

- რეტინოიდშემცველ სხვა პრეპარატებთან ერთად მიღებისას შესაძლებელია გვერდითი მოვლენების განვითარების რისკის გაზრდა.

- ბარბიტურატებმა და ეპილეფსიის საწინააღმდეგო პრეპარატებმა შეიძლება D ვიტამინის აქტივობის შემცირება გამოიწვიოს.

- ნიაცინთან და განგლიობლოკატორებთან თანადროული გამოყენებისას შესაძლებელია ჰიპოტენზიური ეფექტის გაზრდა.

ვიტამინმა B₆ შეიძლება მოგვცეს მცდარი შედეგი ერლიხის მეთოდით ურობილინოგენის განსაზღვრისას.

ჭარბი დოზირება:

დოზის გადაჭარბების შემთხვევაში აუცილებელია შევწყვიტოთ პრეპარატის მიღება და დავიწყოთ სიმპტომური მკურნალობა.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

საერთაშორისო დასახელება: Dexamethasone+Neomycin+Polymyxin B+Phenylephrine

E. BOUCHARA, საფრანგეთი

მწარმოებელი: Laboratoires du Docteur

E. BOUCHARA, საფრანგეთი

მოქმედი ნივთიერება: ნეომიცინი+პოლიმიქსინი+დექსამეტაზონი+ფენილეფრინი

კლინიკურ-ფარმაკოლოგიური ჯგუფი:

გლუკოკორტიკოსტეროიდი+ანტიბიოტიკი+სისხლძარღვების შემავიწროებელი საშუალება

კომბინირებული პრეპარატი ადგილობრივი გამოყენებისათვის ოტორინოლარინგოლოგიაში.

შემადგენლობა და გამოშვების ფორმა:

ნაზალური სპრეი: პლასტიკურ ფლაკონში 15 მლ, პულვერიზატორით.

1 მლ

ნეომიცინის სულფატი ........................................    10 მგ (6500 სე)

პოლიმიქსინის B სულფატი ..................................    10 000 სე

დექსამეტაზონის მეტასულფობენზოატი ................     250 მკგ

ფენილეფრინის ჰიდროქლორიდი ......................        2.5 მგ

დამხმარე ნივთიერებები:

მეთილპარაჰიდროქსიბენზოატი, ლითიუმის ქლორიდი, ლიმონმჟავა, ლითიუმის ჰიდროქსიდი, მაკროგოლი 4000, პოლისორბიტი 80, დისტილირებული წყალი.

ფარმაკოლოგიური თვისებები:

ოთხი აქტიური კომპონენტის საშუალებით პრეპარატი მოქმედებს ცხვირის ღრუს, ცხვირხახის და ცხვირის წიაღების ინფექციურ-ანთებითი პროცესების აპათოგენეზის სხვადასხვა რგოლზე.

განსხვავებული ჯგუფის ორი ანტიბიოტიკის კომბინაცია - ნეომიცინი და პოლიმიქსინი B მნიშვნელოვნად აფართოებს პრეპარატის მოქმედების ანტიმიკრობულ სპექტრს და განაპირობებს მის ბაქტერიციდულ აქტივობას ზედა სასუნთქი გზების ინფექციების გამომწვევთა უმეტესობის მიმართ. პრეპარატში შემავალი გლუკოკორტიკოიდი დექსამეტაზონი ანთებით გამოვლინებებს უმოკლეს დროში ამცირებს.

ადრენომიმეტიკი ფენილეფრინი ვაზოკონსტრიქტორულ მოქმედებას ახდენს და ეფექტურად ამცირებს ცხვირის ღრუს ლორწოვანის შეშუპებას რაც ცხვირის წიაღების ხოანების გამავლობის აღდგენას უწყობს ხელს. ნაზალური სპრეი პოლიდექსა ფენილეფრინით შეიძლება ეფექტურად იქნას გამოყენებული არა მარტო კომპლექსურ თერაპიაში, არამედ მონოთერაპიის სახითაც ზედა სასუნთქი გზების რიგი ანთებითი დაავადებების დროს.

ჩვენებები:

• რინოფარინგიტის, სინუსიტის, ადენოიდიტის ადგილობრივი მკურნალობა;
• ოპერაციის შემდგომ პერიოდში, ენდონაზალური ჩარევის დროს;
• ანთებითი პროცესის პროფილაქტიკა და მკურნალობა.

მიღების წესი და დოზირება:

მოზრდილებში: ერთჯერადი შესხურება ყოველ ნესტოში 3-5-ჯერ დღეში.

ბავშვებში: 2.5 წლიდან 15 წლამდე: ერთჯერადი შესხურება ყოველ ნესტოში 3-ჯერ დღეში.

მკურნალობის კურსის ხანგრძლივობა საშუალოდ 5-10 დღე. გამოყენების დროს სასურველი ფლაკონის ვერტიკალურ მდგომარეობაში დაჭერა.

გვერდითი მოვლენები:

იშვიათად შესაძლოა განვითარდეს კანის ალერგიული რეაქცია.

უკუჩვენებები:

* ეჭვი გლაუკომაზე;

* მონოამინოოქსიდაზების ინჰიბიტორებით თერაპია;

* ალბუმინურიით მიმდინარე თირკმლის დაავადებები;

* ორსულობა და ძუძუთი კვება;

* 2.5 წლამდე ასაკის ბავშვები;

* პრეპარატის ერთ-ერთი კომპონენტის მიმართ მომატებული მგრძნობელობა.

განსაკუთრებული მითითებები:

◄ პრეპარატი, რომლის შემადგენლობაში სიმპატომიმეტიკის არსებობის გამო, ფრთხილად გამოიყენება არტერიული ჰიპერტენზიის, კორონარული უკმარისობისა და ჰიპერთირეოიდიზმის მქონე პაციენტებში.

◄ პრეპარატი შეიცავს კომპონენტებს, რომელმაც შესაძლოა დოპინგ-კონტროლის დროს დადებითი რეზულტატი განაპირობოს.

შენახვის პირობები:

პრეპარატი ინახება არა უმეტეს 25⁰C ტემპერატურაზე.

ვარგისიანობის ვადა: 3 წელი.

საერთაშორისო დასახელება:

DEXAMETHASONE; NEOMYCIN; POLYMYXIN B

მწარმოებელი: Laboratoires du Docteur

E.BOUCHARA, საფრანგეთი

მოქმედი ნივთიერება: ნეომიცინი+პოლიმიქსინი+დექსამეტაზონი

კლინიკურ-ფარმაკოლოგიური ჯგუფი:

გლუკოკორტიკოსტეროიდი+ანტიბიოტიკი+სისხლძარღვების შემავიწროებელი საშუალება

კომბინირებული პრეპარატი ადგილობრივი გამოყენებისათვის ოტორინოლარინგოლოგიაში.

შემადგენლობა და გამოშვების ფორმა:

ყურის წვეთები: ფლაკონში 10.5 მლ, საწვეთურით.

1 მლ

ნეომიცინის სულფატი ...................................       10 მგ (6500 სე)

პოლიმიქსინის სულფატი .............................       10 000 სე

დექსამეტაზონის მეტასულფობენზოატი .........            1 მგ

დამხმარე ნივთიერებები:

ლითიუმის ქლორიდი, თიომერსალი, ლიმონმჟავა, ნატრიუმის ჰიდროქსიდი, გლიკოლ-პოლიეთილენი 400, პოლისორბიტი 80, დისტილირებული წყალი.

ფარმაკოლოგიური თვისებები:

პრეპარატი ფლობს ანტიბაქტერიულ და ანთების საწინააღმდეგო მოქმედებას. პრეპარატის ეფექტურობა განპირობებულია დექსამეტაზონის ანთების საწინააღმდეგო, ანტიჰისტამინური მოქმედებითა და ორი ბაქტერიციდული ანტიბიოტიკის ანტიბაქტერიული ეფექტით.

ჩვენებები:

• გარეთა ყურის ანთება, გარეთა სასმენი მილის ინფექციური ეზემა;
• შუა ყურის მწვავე ანთება (დაფის აპკის დაზიანების გარეშე).

მიღების წესი და დოზირება:

მკურნალობის კურსის ხანგრძლივობაა საშუალოდ 7-10 დღე. გამოიყენება 1-5 წვეთი 2-ჯერ დღეში 6-10 დღე. გამოყენების წინ მიზანშეწონილია ფლაკონის შეთბობა, რათა თავიდან იქნას აცილებული უსიამოვნო შეგრძნება ყურში ცივი სითხის მოხვედრის გამო.

გვერდითი მოვლენები:

იშვიათად შესაძლოა განვითარდეს კანის ალერგიული რეაქცია.

უკუჩვენებები:

* დაფის აპკის ინფექციური ან ტრავმული დაზიანება;

*პრეპარატის ერთ-ერთ კომპონენტის მიმართ მომატებული მგრძნობელობა.

განსაკუთრებული მითითებები:

◄ მკურნალობის დაწყებამდე აუცილებელია დაფის აპკის დათვალიერება. მისი მთლიანობის დარღვევის დროს პრეპარატის გამოყენება არ არის რეკომენდებული სმენისა და ვესტიბულარულ აპარატზე მისი ტოქსიკური მოქმედების რისკის გამო.

შენახვის პირობები:

პრეპარატი ინახება არა უმეტეს 25⁰C ტემპერატურაზე.

ვარგისიანობის ვადა: 3 წელი.

საერთაშორისო არადაპატენტებული სახელწოდება:
დექსტრანი.
მწარმოებელი: LIQVOR Pharmaceuticals, სომხეთი

შემადგენლობა და გამოშვების ფორმა::

საინფუზიო ხსნარი 6%, უფერო ან მოყვითალო გამჭვირვალე სითხე.

დექსტრანის ....................................... 70 – 60 გ/ლ;

ნატრიუმის ქლორიდი  ............................... 9 გ/ლ.

ფარმაკოთერაპიული ჯგუფი:

სადეტოქსიკაციო საშუალებები. პლაზმისა და სისხლის სხვა კომპონენტების შემცვლელები.

ფარმაკოლოგიური თვისებები:

პლაზმას შემცვლელი ანტიშოკური ჰემოდინამიური მოქმედების პრეპარატი.

პოლიგლუკინი – ნაწილობრივ ჰიდროლიზირებული დექსტრანის (გლუკოზის პოლიმერის) საშუალო მოლეკულარული ფრაქციის 6% ხსნარი.

შედარებით დიდი მოლეკულარული მასის გამო პრეპარატის შემადგენლობაში შემავალი დექსტრანი ნელა აღწევს სისხლძარღვების კედლებში და სისხლის კალაპოტში შეყვანისას მასში დიდხანს ცირკულირებს. მაღალი ოსმოსური წნევის შედეგად, რომელიც დაახლოებით 2.5-ჯერ აღემატება სისხლის პლაზმის ცილების ოსმოსურ წნევას, ის ძალიან ნელა შედის სისხლძარღვის კედელში და ხანგრძლივად ცირკულირებს სისხლის კალაპოტში, ამ დროს ახდენს ჰემოდინამიკის ნორმალიზებას სითხის კონცენტრაციის გრადიენტის მიხედვით დინების ხარჯზე – ქსოვილებიდან სისხლძარღვებში. სწრაფად ზრდის და ხანგრძლივად ანარჩუნებს მაღალ დონეზე არტერიულ წნევას, ამცირებს ქსოვილების შეშუპებას.

ფარმაკოკინეტიკა:

24 საათში პრეპარატის ინფუზიის შემდეგ დექსტრანის კონცენტრაცია მცირდება შეყვანილი რაოდენობის დაახლოებით 40%-მდე.

დექსტრანები არატოქსიურია, გამოიყოფა ძირითადად თირკმლების მეშვეობით (პირველ დღე-ღამეში დაახლოებით 50%). დარჩენილი ნაწილი გადადის რეტიკულოენდოთელურ სისტემაში, სადაც თანდათანობით იშლება გლუკოზამდე. მცირე რაოდენობა გამოიყოფა კუჭ-ნაწლავის ტრაქტიდან. ნახშირწყლოვან ცვლაში მონაწილეობას არ ღებულობს.

ჩვენებები:

• ცნს-ის ანთება შოკის (ოპერაციული, ტრავმული, პოსტჰემორაგიული, დამწვრობის), სისხლის მწვავე დაკარგვის, ინტოქსიკაციის შედეგად შოკის, სეფსისისა და სხვ. დროს.

უკუჩვენებები:

* თავის ქალას ტრავმები, რომლებიც მიმდინარეობს ქალაშიდა წნევის მომატებით; მაღალი არტერიული წნევა;

* ასევე ყველა შემთხვევაში, რომლებშიც სითხის დიდი დოზებით ინტრავენური შეყვანა უკუნაჩვენებია.

* პოლიგლუკინის გადასხმა ნაჩვენები არ არის გახანგრძლივებული ი/ვ სისხლდენისას (ფილტვების, თირკმელების და სხვ.), გარდა ჰემოდინამიკის მძიმე დარღვევების განვითარების შემთხვევებისა (არტერიული წნევის დაცემა სინდიყის 60მმ-ზე ქვემოთ). ასეთ შემთხვევებში პოლიგლუკინის ნაკადით გადასხმა იძლევა არტერიული წნევის აწევის საშუალებას კრიტიკულ დონეზე ზემოთ, რის შემდეგაც უნდა მოხდეს სისხლის, პლაზმის გადასხმაზე გადასვლა.

სიფრთხილით:

სიფრთხილით ნიშნავენ თირკმლის დაქვეითებული ფუნქციის დროს ან ნატრიუმის ქლორიდის შეყვანის შეზღუდვის აუცილებლობის შემთხვევაში. პრეპარატი მხოლოდ ექიმის მეთვალყურეობის ქვეშ შეყავთ.

დოზირება:

ინტრავენურად წვეთოვნად. პოლიგლუკინის დოზა და შეყვანის სიჩქარე შეირჩევა ავადმყოფის მდგომარეობის, არტერიული წნევის ზომის, პულსის სიხშირის, ჰემატოკრიტის, სუნთქვის სიხშირის, კანის საფარველის შეფერილობის შესაბამისად.

განვითარებული შოკის დროს პოლიგლუკინი შეჰყავთ ი/ვ ნაკადით, დოზით 400-დან 500მლ-მდე ერთ შეყვანაზე და შემდეგ აგრძელებენ პრეპარატის წვეთოვან შეყვანას. საჭიროების შემთხვევაში პრეპარატის რაოდენობა შეიძლება გაიზარდოს 2000 მლ-მდე.

ნორმასთან მიახლოებულ ციფრებამდე არტერიული წნევის აწევისას მიზანშეწონილია გადასვლა პრეპარატის წვეთოვანი მეთოდით შეყვანაზე. 500 მლ-ზე მეტი სისხლის დაკარგვის და გამოხატული ანემიზაციის დროს მიზანშეწონილია პოლიგლუკინის გადასხმის შერწყმა სისხლის გადასხმასთან.

პოლიგლუკინის გადასხმა არ გამორიცხავს შოკის საწინააღმდეგო სხვა ღონისძიებათა ჩატარების აუცილებლობას (გაუტკივარება, საგულე, მატონიზირებელი და ჰორმონალური პრეპარატების მიცემა და ა.შ.).

ოპერაციების დროს, ოპერაციული შოკის პროფილაქტიკის მიზნით პოლიგლუკინის ი/ვ შეყვანა უნდა მოხდეს წვეთოვნად ნაკადობრივზე გადასვლით არტერიული წნევის ვარდნის შემთხვევაში. არტერიული წნევის მკვეთრად დაწევისას (სინდიყის 60მმ-ზე ქვემოთ) დაფუძნებულია პრეპარატის ინტრა არტერიული შეყვანის მეთოდი დოზით 400 მლ-მდე (იშვიათად მეტი). პოსტოპერაციულ პერიოდში პოლიგლუკინის ნაკად– წვეთოვანი შეყვანა წარმოადგენს პოსტოპერაციული შოკის პროფილაქტიკის ეფექტურ საშუალებას.

ბავშვებში პრეპერატს ნიშნავენ დოზით 10-15 მლ/კგ.

დამწვრობითი შოკის მკურნალობის დროს პოლიგლუკინის რაოდენობა და შეყვანის სიჩქარე დამოკიდებულია დაზარალებულის საერთო მდგომარეობაზე. პირველ 24 საათში შეიძლება შეყვანილ იქნეს 2000 მლ-მდე, შემდე 24 საათში – პოლიგლუკინის 1500 მლ-მდე;

ბავშვებში პირველ 24 საათში შეჰყავთ 40-50 მლ/კგ, შემდეგ დღე-ღამეში – 30 მლ/კგ. ფართო და ღრმა დამწვრობებისას პოლიგლუკინით მკურნალობა უნდა შეუთავსდეს პლაზმის, ალბუმინის, გამა-გლობულინის შეყვანას, ხოლო სხეულის ზედაპირის 30-40%-ზე მეტი დამწვრობისას – სისხლის გადასხმას.

გვერდითი მოვლენები:

ალერგიული რეაქციები: სიცხის შეგრძნება, შემცივნება, ცხელება, გულისრევა, კანზე გამონაყარი;

შესაძლებელი ანაფილაქსიური რეაქციები ჰიპოტონიისა და სისხლძარღვოვანი კოლაფსის განვითარებით, ოლიგურია. ამ შემთხვევებში ინიშნება კალციუმის პრეპარატები, ანტიჰისტამინური, გულ-სისხლძარღვოვანი და სხვა საშუალებები.

ჭარბი დოზირება:

ჭარბი დოზირების შემთხვევაში პრეპარატის შეყვანა სასწრაფოდ უნდა შეწყდეს, ნიშნავენ კრისტალოიდურ ხსნარებს, საგულე პრეპარატებს.

წამლებთან ურთიერთმოქმედება:

სიფრთხილით ინიშნება პაციენტებში, რომლებიც ღებულობენ სისხლის დინებაზე მოქმედ, არტერიული წნევის ამწევ, საშარდე პრეპარატებს.

განსაკუთრებული მითითებანი:

პრეპარატის შეყვანა შეიძლება მხოლოდ წინასწარ გაკეთებული ბიოლოგიური სინჯის შემდეგ, გარდა შოკური მდგომარეობის დროს ურგენტული დახმარების გაწევის შემთხვევების;

ანაფილატოიდური რეაქციების შესაძლო განვითარების გამო პრეპარატის ინფუზიის შემდგომ, ხსნარის პირველი 10-15 მლ შეყვანა საჭიროა ნელა, პაციენტის მდგომარეობაზე დაკვირვებით. აუტანლობის რეაქციის შემთხვევაში საჭიროა სასწრაფოდ შეწყდეს ინფუზია და დაიწყოს შემდეგი გადაუდებელი ღონისძიებები:

- სუბიექტური ჩივილების დროს (ტკივილი ზურგში, გულისრევა) – ინფუზიის შეწყვეტა;

- კანის გამოვლინენების დროს (სახის, კისრის შეწითლება, ჯინჭრის ციება და სხვ) – ანტიჰისტამინური პრეპარატების შეყვანა;

- გულის შეკუმშვების სიხშირის მომატებისას და სისხლის სისტოლური წნევის დაქვეითებისას 90-მდე – ინტრავენურად კორტიკოსტეროიდების შეყვანა (მაგალითად, 100 მგ პრედნიზოლონი);

- სუნთქვის გაძნელებისას და შოკის დროს – მაღალი დოზებით კორტიკოსტეროიდების (მაგალითად 1 გრ პრედნიზოლონი), ჟანგბადის, ადრენალინის (წვეთოვანი) შეყვანა და მოცულობის შევსება მოცულობის ჩანაცვლების საშუალებები;

- გულისა და სუნთქვის გაჩერების დროს – რეანიმაციის ღონისძიებები.

შენახვის პირობები:

შეინახეთ სინათლისაგან დაცულ ადგილას -10°-დან +20°C-მდე ტემპერატურის პირობებში.

ვარგისიანობის ვადა:

3 წელი, პრეპარატი გამოყენება შეფუთვაზე მითითებული ვარგისიანობის ვადის გასვლის შემდეგ არ შეიძლება.

აფთიაქიდან გაცემის პირობები:

რეცეპტით.