საერთაშორისო დასახელება:

LEVOCETIRIZINE

მწარმოებელი: სს ფარმაცევტული ქარხანა “ეგისი”, უნგრეთი

კლინიკურ-ფარმაკოლოგიური ჯგუფი:

ჰისტამინური H₁ რეცეპტორების ბლოკატორები; მესამე თაობის პრეპარატები

შემადგენლობა და გამოშვების ფორმა:

5მგ/მლ წვეთები 20მლ ფლაკონი # 1

შიგნით მისაღები პრეპარატი პოლეზინი 5 მგ/მლ წვეთების შემადგენლობა

აქტიური ნივთიერება:

ხსნარის ყოველი მილილიტრი შეიცავს ლევოცეტირიზინის დიჰიდროქლორიდის 5 მგ-ს (რაც შეესაბამება ლევოცეტირიზინის 4,21 მგ-ს).

სხვა კომპონენტები: გლიცერინი 85%, პროპილენგლიკოლი, საქარინის ნატრიუმის მარილი, ნატრიუმის აცეტატის ტრიჰიდრატი, მეთილპარაჰიდროქსიბენზოატი, პროპილპარაჰიდროქსიბენზოატი, განუზავებელი ძმარმჟავა, გასუფთავებული წყალი.

როგორ გამოიყურება პრეპარატი პოლეზინი შიგნით მისაღები წვეთები და რა შედის შეფუთვის შემადგენლობაში

გამჭირვალე უფერო უსუნო ან ძმარმჟავას სუსტი სუნის მქონე ხსნარი, რომელიც არ შეიცავს ნალექს.

შეფუთვა: 20 მლ მოცულობის სახრახნი სახურავის კუთხვილის მქონე ყავისფერი შუშის ფლაკონები, პოლიეთილენის საწვეთურით და პოლიეთილენის შიდა შრის მქონე პოლიპროპილენის სახურავით, აღჭურვილია ბავშვების მიერ გახსნის საწინააღმდეგო სპეციალური დამცავით და პირველი გახსნის კონტროლით.

ჩვენებები:

პოლეზინი გამოიყენება ალერგიული დარღვევების სამკურნალოდ. მისი აქტიური ნივთიერება მიეკუთვნება ანტიჰისტამინური საშუალებების სამკურნალო პრეპარატების ჯგუფს, რომლებიც ახდენენ H-1 რეცეპტორების ბლოკირებას.

მოზარდებში და 2 წელზე უფროს ბავშვებში იგი გამოიყენება ისეთი ალერგიული მდგომარეობების სიმპტომებისა და ნიშნების (ცემინება, გამონადენი ცხვირიდან, სურდო, სიმპტომები თვალების და კანის მხრიდან) სამკურნალოდ, როგორიცაა მაგალითად:

-ცხელება,

-მუდმივი ალერგიული რინიტი,

-ჭინჭრის ციება.

მიღების წესები და დოზები:

ყოველთვის მიიღეთ ეს პრეპარატი ექიმის მკაცრი დანიშნულების მიხედვით. თუ თქვენ რამეში არ ხართ დარწმუნებული, მიმართეთ ექიმს კონსულტაციისთვის.

წვეთების საჭირო რაოდენობა იზომება სუფრის კოვზზე ან წყლის ჭიქაში წვეთოვანის დახმარებით. წვეთები უნდა მიიღოთ დაუყოვლებლივ გახსნის შემდეგ, საკვებისგან დამოუკიდებლად.

კურსის ხანგრძლივობა დამოკიდებულია პაციენტის ჩივილების სახეზე, ხანგრძლივობაზე და დინამიკაზე. ჩვეულებრივ, ცხელების მკურნალობა გრძელდება 3-6 კვირა.

ჩვეულებრივი დოზები:

მოზრდილებში და 12 წელზე უფროსი ასაკის მოზარდებში: 1–ჯერ1 მლ წვეთი დღეში (= წვეთოვანიდან 1მლ=20 წვეთი). (5 მგ დღეში ერთხელ).

6-12 წლამდე ასაკის მოზარდებში: 1–ჯერ 1 მლ წვეთი დღეში (= წვეთოვანიდან 1მლ=20 წვეთი). (5 მგ დღეში ერთხელ).

2-6 წლამდე ასაკის მოზარდებში: 2–ჯერ 0,25 მლ წვეთი დღეში (= წვეთოვანიდან 0.25=5 წვეთი). (ყოველდღიურად 2,5 მგ ორ მიღებად განსხვავებული დოზით: 2–ჯერ 1,25 მგ).

შესაძლებელია, თირკმელების ფუნქციის დარღვევების მქონე პაციენტებში შემცირებული დოზის მიცემა. ეს დამოკიდებულია თირკმელების დაზიანების სიმძიმეზე.

მიღების რეჟიმი უნდა განისაზღვროს ექიმის მიერ.

ღვიძლის ფუნქციის დარღვევების მქონე პაციენტებში დოზის შეცვლა არ არის საჭირო.

თირკმელებისა და ღვიძლის ფუნქციების ერთდროული დარღვევების მქონე პაციენტებში, თირკმელების დაზიანების სიმძიმის მიხედვით, შესაძლებელია შემცირებული დოზის მიცემა. მიღების რეჟიმი უნდა განისაზღვროს ექიმის მიერ.

გვერდითი მოვლენები:

ისევე, როგორც სხვა სამკურნალო პრეპარატები, პოლეზინმა შეიძლება გამოიწვიოს გვერდითი ეფექტები, თუმცა ისინი არ წარმოიშვებიან ყველა პაციენტში.

ნებისმიერი ქვემოთ ჩამოთვლილი გვერდითი ეფექტების გამოვლენისას მიმართეთ ექიმს

ხშირი:

(100-დან 1-10 პაციენტში)

პირის სიმშრალე, თავის ტკივილი, გადაღლა, ძილიანობა.

არახშირი:

(100-დან 1 პაციენტზე ნაკლებს)

შეუძლოდ ყოფნა, ტკივილი მუცელში.

ძალიან იშვიათი:

(10000-დან 1 პაციენტზე ნაკლებს)

ალერგია, ქოშინი, გულისრევა, გამონაყარი კანზე, შეშუპება, ჭინჭრის ციება, სხეულის წონის მომატება, ღვიძლის ფუნქციის დარღვევა.

თუ თქვენ განიცდით ნებისმიერ ზემოთ ნახსენები გვერდითი ეფექტიდან რომელიმეს, გთხოვთ, მიმართეთ ექიმს, რომელიც შეაფასებს სიმპტომების სიმძიმეს და მიიღებს გადაწყვეტილებას საჭირო ქმედებების შესახებ.

ალერგიული რეაქციის პირველი ნიშნების გამოჩენისას (პირის და/ან ყელის ლორწოვანი გარსის შეშუპება, სახის შეშუპება, გაძნელებული სუნთქვა, მოჭერის შეგრძნება მკერდის არეში ან მსტვინავი სუნთქვა, არტერიული წნევის უეცარი დაქვეითება კოლაფსის ან შოკის განვითარებით, რომელმაც შეიძლება გამოიწვიოს სიკვდილი) შეწყვიტეთ პრეპარატი პოლეზინის მიღება და მიმართეთ ექიმს.

მძიმე გვერდითი ეფექტების, ან მოცემულ ინსტრუქციაში არ ხსენებული ეფექტების განვითარების შემთხვევაში, გთხოვთ მიმართოთ ექიმს ან ფარმაცევტს.

უკუჩვენება:

არ მიიღოთ პოლეზინი შემდეგ შემთხვევებში:

-თუ თქვენ გაქვთ ალერგია (ჰიპერმგრძნობელობა) პრეპარატის ნებისმიერი სხვა კომპონენტის მიმართ ან ე.წ. ,,პიპერაზინის წარმოებულებზე’’;

-თუ თქვენ გაქვთ თირკმელების ფუნქციის მძიმე დარღვევა.

პრეპარატი პოლეზინის გამოყენება მოითხოვს განსაკუთრებულ სიფრთხილეს

აუცილებლად შეატყობინეთ ექიმს შემდეგი ინფორმაცია:

-თქვენი წინამორბედი და მიმდინარე დაავადებები,

-სხვა წამლებზე ნებისმიერი ალერგიული რეაქცია,

-თუ თქვენ ხართ ორსულად, ბავშვი გყავთ ბუნებრივ კვებაზე ან გეგმავთ ორსულობას.

ორსულობა და ლაქტაცია:

ნებისმიერი სამკურნალო საშუალების მიღებამდე მიიღეთ ექიმის რჩევა.

მიუხედავად იმისა, რომ ცხოველებზე ჩატარებულმა ექსპერიმენტებმა არ გამოავლინეს ლევოცეტირიზინის მავნე ზემოქმედება, პოლეზინის მიღება ორსულობისა და ლაქტაციის პერიოდში დასაშვებია მხოლოდ იმ შემთხვევაში, როცა ექიმი თვლის ამას სრულიად საჭიროდ.

პრეპარატი პოლეზინის აქტიური ნივთიერება გამოიყოფა რძესთან ერთად.

განსაკუთრებული მითითებები:

სატრანსპორტო საშუალებების და მექანიზმების მართვა:

შედარებითმა კლინიკურმა კვლევებმა არ გამოავლინა სიფხიზლის, რეაქციის დროის ან სატრანსპორტო საშუალებების მართვის უნარის დონის დარღვევის ნიშნები ლევოცეტირიზინის რეკომენდებული დოზის მიღების შემდეგ. თუმცა, პრეპარატი პოლეზინის მიღების დროს, ზოგიერთმა პაციენტმა შეიძლება იგრძნოს ძილიანობა, გადაღლა ან ასთენია. ამიტომ, პირებმა, რომლებიც აპირებენ სატრანსპორტო საშუალებების მართვას, პოტენციურად საშიში საქმიანობის შესრულებას ან მექანიზმების მართვას, უნდა შეასრულონ ექიმის მიერ მითითებული შეზღუდვები და აკრძალვები.

მნიშვნელოვანი ინფორმაცია პრეპარატი პოლეზინის ზოგიერთი კომპონენტის შესახებ:

პოლეზინის წვეთებმა 5 მგ/მლ შეიძლება გამოიწვიონ ალერგიული რეაქციები (დაუყოვნებლივ ან მოგვიანებით), ვინაიდან შეიცავენ მეთილპარაჰიდროქსიბენზოატს და პროპილპარაჰიდროქსიბენზოატს.

ჭარბი დოზირება:

მოზრდილებში ჭარბმა დოზამ შეიძლება გამოიწვიოს ძილიანობა. ბავშვებში თავდაპირველად შეიძლება განვითარდეს აგზნებადობა და მოუსვენრობა, რომელიც შემდეგ იცვლება ძილიანობით.

თუ თქვენ თვლით, რომ მიიღეთ პოლეზინის წვეთები ჭარბად, შეატყობინეთ ამის შესახებ ექიმს, რომელიც მიიღებს გადაწყვეტილებას საჭირო ქმედებების თაობაზე.

თუ თქვენ დაგავიწყდათ პოლეზინის მიღება

დავიწყებული დოზის ანაზღაურების მიზნით არ მიიღოთ ორმაგი დოზა. უბრალოდ დაელოდეთ შემდეგი დოზის მიღების დროს, და, მიიღეთ ექიმის მიერ დანიშნული ნორმალური დოზა.

თუ თქვენ წინასწარ წყვეტთ პრეპარატი პოლეზინის მიღებას

დანიშნულ ვადაზე ადრე პოლეზინის წვეთების მიღების შეწყვეტა არ არის ზიანის მომტანი იმ მხრივ, რომ დაავადების სიმპტომები მხოლოდ თანდათან განახლდებიან, არ მოხდება მათი დამძიმება, ვიდრე ეს იყო პრეპარატი პოლეზინის მიღებამდე.

თუ ამ პრეპარატის გამოყენებასთან დაკავშირებით თქვენ წარმოგეშვათ დამატებითი კითხვები, მიმართეთ ექიმს ან ფარმაცევტს.

სხვა წამლებთან ურთიერთქმედება:

შეატყობინეთ ექიმს ნებისმიერი სამკურნალო საშუალებების შესახებ, რომლებსაც თქვენ იღებთ ან იღებდით ახლო წარსულში, მათ შორის იმ პრეპარატების შესახებ, რომლებიც გაიცემა ურეცეპტოდ.

პრეპარატი პოლეზინის მიღება საკვებთან და სასმელთან ერთად

საჭიროა თავი აარიდოთ ამ პრეპარატის და ალკოჰოლური სასმელების ერთდროულ მიღებას, ვინაიდან მგრძნობიარე პაციენტებში ლევოცეტიზირინის და ალკოჰოლის ერთდროულმა მიღებამ შეიძლება ზემოქმედება მოახდინოს ნერვულ სისტემაზე.

შენახვის პირობები:

შენახვის ტემპერატურა არ უნდა აღემატებოდეს 25ºC. არ გაყინოთ.

პრეპარატი უნდა ინახებოდეს ბავშვებისათვის მიუწვდომელ ადგილას.

წვეთები უნდა იქნეს გამოყენებული ფლაკონის გახსნიდან ოთხი კვირის განმავლობაში.

ვარგისიანობა: 3 წელი

არ გამოიყენოთ პრეპარატი პოლეზინი კოლოფზე ან ეტიკეტზე მითითებული შენახვის ვადის გასვლის შემდეგ (წელი/თვე). ვარგისიანობის ვადის დასრულების თარიღად ითვლება მითითებული თვის ბოლო დღე.

აფთიაქში გაცემის წესი:

რეცეპტის გარეშე (III ჯგუფი)

საერთაშორისო დასახელება:

LEVOCETIRIZINE

მწარმოებელი: სს ფარმაცევტული ქარხანა “ეგისი”, უნგრეთი

კლინიკურ-ფარმაკოლოგიური ჯგუფი:

ჰისტამინური H1 რეცეპტორების ბლოკატორები; მესამე თაობის პრეპარატები

შემადგენლობა და გამოშვების ფორმა:
5 მგ ტაბლეტი #14
პრეპარატი პოლეზინი 5 მგ-იანი შემოგარსული ტაბლეტების შემადგენლობა
აქტიური ნივთიერება:
ყოველი შემოგარსული ტაბლეტი შეიცავს

ლევოცეტირიზინის დიჰიდროქლორიდის ........... 5 მგ-ს (რაც შეესაბამება ლევოცეტირიზინის 4,21 მგ-ს).
დამხმარე ნივთიერებები:
ბირთვი: მიკროკრისტალური ცელულოზა, კაჟბადის კოლოიდური უწყლო ოქსიდი, ლაქტოზას მონოჰიდრატი (37,9 მგ), ჰიდროქსიპროპილცელულოზა დაბალი ხარისხის ჩანაცვლებით (L-HPC-11), მაგნიუმის სტეარატი.
გარსი: თეთრი ოპადრი II 33G28523; შემადგენლობა: მაკროგოლი 3350, ტიტანის დიოქსიდი, ჰიპრომელოზა 2910, ლაქტოზას მონოჰიდრატი (1,05 მგ), ტრიოცეტილგლიცერინი.

თეთრი ან თითქმის თეთრი, მრგვალი, ორივე მხრიდან ზომიერად ამობურცული, უსუნო ან თითქმის უსუნო შემოგარსული ტაბლეტები. გრავირება: ტაბლეტის ერთ მხარეზე გრავირებული არის სტილიზებული ასო E, მეორე მხარეზე- ნომერი 281.

ჩვენებები:
პოლეზინი გამოიყენება ალერგიული დარღვევების სამკურნალოდ.

მისი აქტიური ნივთიერება მიეკუთვნება ანტიჰისტამინური საშუალებების სამკურნალო პრეპარატების კლასს, რომლებიც ახდენენ H-1 რეცეპტორების ბლოკირებას.
მოზარდებში და 6 წელზე უფროს ბავშვებში ის გამოიყენება ისეთი ალერგიული მდგომარეობების სიმპტომებისა და ნიშნების (ცემინება, გამონადენი ცხვირიდან, სურდო, სიმპტომები თვალების და კანის მხრიდან) სამკურნალოდ, როგორიცაა მაგალითად:
-ცხელება,
-მუდმივი ალერგიული რინიტი,
-ჭინჭრის ციება.
მიღების წესები და დოზები:
ყოველთვის მიიღეთ შემოგარსული ტაბლეტები ექიმის მკაცრი დანიშნულების მიხედვით. თუ თქვენ რამეში არ ხართ დარწმუნებული, მიმართეთ ექიმს კონსულტაციისთვის.
შემოგარსული ტაბლეტების გადაყლაპვა საჭიროა მთლიანად, სითხის დაყოლებით; მათი მიღება შეიძლება საკვებისგან დამოუკიდებლად.
კურსის ხანგრძლივობა დამოკიდებულია პაციენტის ჩივილების სახეზე, ხანგრძლივობაზე და დინამიკაზე. ჩვეულებრივ, ცხელების მკურნალობა გრძელდება 3-6 კვირა.
ჩვეულებრივი დოზები:
მოზრდილებში და 12 წელზე უფროსი ასაკის მოზარდებში: 1 შემოგარსული ტაბლეტი დღეში ერთხელ (1=5 მგ).
6-12 წლამდე ასაკის მოზარდებში: 1 შემოგარსული ტაბლეტი დღეში ერთხელ (1=5 მგ).
2-6 წლამდე ასაკის მოზარდებში, მკურნალობის უსაფრთხოების მიზნით, რეკომენდებულია შიგნით მისაღები პოლეზინის წვეთების გამოყენება.
შესაძლებელია, თირკმელების ფუნქციის დარღვევების მქონე პაციენტებში შემცირებული დოზის მიცემა. ეს დამოკიდებულია თირკმელების დაზიანების სიმძიმეზე. მიღების რეჟიმი უნდა განისაზღვროს ექიმის მიერ.
ღვიძლის ფუნქციის დარღვევების მქონე პაციენტებში დოზის შეცვლა არ არის საჭირო.
თირკმელებისა და ღვიძლის ფუნქციების ერთდროული დარღვევების მქონე პაციენტებში, თირკმელების დაზიანების სიმძიმის მიხედვით, შესაძლებელია შემცირებული დოზის მიცემა. მიღების რეჟიმი უნდა განისაზღვროს ექიმის მიერ.
გვერდითი მოვლენები:
ისევე, როგორც სხვა სამკურნალო პრეპარატები, პრეპარატმა პოლეზინმა, 5 მგ-იანმა შემოგარსულმა ტაბლეტებმა, შეიძლება გამოიწვიონ გვერდითი ეფექტები, თუმცა ისინი არ წარმოიშვებიან ყველა პაციენტში.
ნებისმიერი ქვემოთ ჩამოთვლილი გვერდითი ეფექტების გამოვლებისას მიმართეთ ექიმს
ხშირი:
(100-დან 1-10 პაციენტში)
პირის სიმშრალე, თავის ტკივილი, გადაღლა, ძილიანობა.
არახშირი:
(100-დან 1 პაციენტზე ნაკლებს)
შეუძლოდ ყოფნა, ტკივილი მუცელში.
ძალიან იშვიათი:
(10000-დან 1 პაციენტზე ნაკლებს)
ალერგია, ქოშინი, გულის რევა, გამონაყარი კანზე, შეშუპება, ჭინჭრის ციება, სხეულის წონის მომატება, ღვიძლის ფუნქციის დარღვევა.
თუ თქვენ განიცდით ნებისმიერ ზემოთ ნახსენები გვერდითი ეფექტიდან რომელიმეს, გთხოვთ, მიმართეთ ექიმს, რომელიც შეაფასებს სიმპტომების სიმძიმეს და მიიღებს გადაწყვეტილებას საჭირო ქმედებების შესახებ.
ალერგიული რეაქციის პირველი ნიშნების გამოჩენისას (პირის და/ან ყელის ლორწოვანი გარსის შეშუპება, სახის შეშუპება, გაძნელებული სუნთქვა, მოჭერის შეგრძნება მკერდის არეში ან მსტვინავი სუნთქვა, არტერიული წნევის უეცარი დაქვეითება კოლაფსის ან შოკის განვითარებით, რომელმაც შეიძლება გამოიწვიოს სიკვდილი) შეწყვიტეთ პრეპარატი პოლეზინის 5 მგ-იანი შემოგარსული ტაბლეტების მიღება და მიმართეთ ექიმს.
მძიმე გვერდითი ეფექტების, ან მოცემულ ინსტრუქციაში არ ხსენებული ეფექტების განვითარების შემთხვევაში, მიმართეთ ექიმს ან ფარმაცევტს.
უკუჩვენება:
არ მიიღოთ პოლეზინი შემდეგ შემთხვევებში:
-თუ თქვენ გაქვთ ალერგია (ჰიპერმგრძნობელობა) პრეპარატის ნებისმიერი სხვა კომპონენტის მიმართ ან ე.წ. ,,პიპერაზინის წარმოებულებზე’’;
-თუ თქვენ გაქვთ თირკმელების ფუნქციის მძიმე დარღვევა.
პრეპარატი პოლეზინის გამოყენება მოითხოვს განსაკუთრებულ სიფრთხილეს
აუცილებლად შეატყობინეთ ექიმს შემდეგი ინფორმაცია:
-თქვენი წინამორბედი და მიმდინარე დაავადებები;
-სხვა წამლებზე ნებისმიერი ალერგიული რეაქცია;
-თუ თქვენ ხართ ორსულად, ბავშვი გყავთ ბუნებრივ კვებაზე ან გეგმავთ ორსულობას.
ორსულობა და ლაქტაცია:
ნებისმიერი სამკურნალო საშუალების მიღებამდე მიიღეთ ექიმის რჩევა.
მიუხედავად იმისა, რომ ცხოველებზე ჩატარებულმა ექსპერიმენტებმა არ გამოავლინეს ლევოცეტირიზინის მავნე ზემოქმედება, პოლეზინის მიღება ორსულობისა და ლაქტაციის პერიოდში დასაშვებია მხოლოდ იმ შემთხვევაში, როცა ექიმი თვლის ამას სრულიად საჭიროდ. პრეპარატი პოლეზინის აქტიური ნივთიერება გამოიყოფა რძესთან ერთად
განსაკუთრებული მითითებები:
სატრანსპორტო საშუალებების და მექანიზმების მართვა:
შედარებითმა კლინიკურმა კვლევებმა არ გამოავლინა სიფხიზლის, რეაქციის დროის ან სატრანსპორტო საშუალებების მართვის უნარის დონის დარღვევის ნიშნები ლევოცეტირიზინის რეკომენდებული დოზის მიღების შემდეგ. თუმცა, პრეპარატი პოლეზინის მიღების დროს, ზოგიერთმა პაციენტმა შეიძლება იგრძნოს ძილიანობა, გადაღლა ან ასთენია. ამიტომ, პირებმა, რომლებიც აპირებენ სატრანსპორტო საშუალებების მართვას, პოტენციურად საშიში საქმიანობის შესრულებას ან მექანიზმების მართვას, უნდა შეასრულონ ექიმის მიერ მითითებული შეზღუდვები და აკრძალვები.
მნიშვნელოვანი ინფორმაცია პრეპარატი პოლეზინის ზოგიერთი კომპონენტის შესახებ შემოგარსული ტაბლეტები შეიცავენ ლაქტოზას. საჭიროა ამ ინფორმაციის გათვალისწინება იმ ავადმყოფებისთვის პრეპარატის დანიშვნისას, რომლებსაც აქვთ ლაქტოზის აუტანლობა. თუ ექიმმა შეგატყობინათ, რომ თქვენ გაქვთ ზოგიერთი შაქრის აუტანლობა, ამ სამკურნალო საშუალების მიღებამდე მიმართეთ მას რჩევისთვის.
ჭარბი დოზირება:
თუ თქვენ მიიღეთ პრეპარატი პოლეზინი ჭარბად
მოზრდილებში ჭარბმა დოზამ შეიძლება გამოიწვიოს ძილიანობა. ბავშვებში თავდაპირველად შეიძლება განვითარდეს აგზნებადობა და მოუსვენრობა, რომელიც შემდეგ იცვლება ძილიანობით.
თუ თქვენ თვლით, რომ მიიღეთ პრეპარატი პოლეზინის შემოგარსული ტაბლეტები ჭარბად, გთხოვთ, შეატყობინეთ ამის შესახებ ექიმს, რომელიც მიიღებს გადაწყვეტილებას საჭირო ქმედებების თაობაზე.
თუ თქვენ დაგავიწყდათ პოლეზინის მიღება
დავიწყებული დოზის ანაზღაურების მიზნით არ მიიღოთ ორმაგი დოზა. უბრალოდ დაელოდეთ შემდეგი დოზის მიღების დროს, და, მიიღეთ ექიმის მიერ დანიშნული ნორმალური დოზა.
თუ თქვენ წყვეტთ პრეპარატი პოლეზინის მიღებას
დანიშნულ ვადაზე ადრე პრეპარატი პოლეზინის მიღების შეწყვეტა არ არის ზიანის მომტანი იმ მხრივ, რომ დაავადების სიმპტომები მხოლოდ თანდათან განახლდებიან, არ მოხდება მათი დამძიმება, ვიდრე ეს იყო პრეპარატი პოლეზინის მიღებამდე.
თუ ამ პრეპარატის გამოყენებასთან დაკავშირებით თქვენ წარმოგეშვათ დამატებითი კითხვები, მიმართეთ ექიმს ან ფარმაცევტს.
სხვა წამლებთან ურთიერთქმედება:
შეატყობინეთ ექიმს ნებისმიერი სამკურნალო საშუალებების შესახებ, რომლებსაც თქვენ იღებთ ან იღებდით ახლო წარსულში, მათ შორის იმ პრეპარატების შესახებ, რომლებიც გაიცემა ურეცეპტოდ.
პრეპარატი პოლეზინის მიღება საკვებთან და სასმელთან ერთად
საჭიროა თავი აარიდოთ ამ პრეპარატის და ალკოჰოლური სასმელების ერთდროულ მიღებას, ვინაიდან მგრძნობიარე პაციენტებში ლევოცეტიზირინის და ალკოჰოლის ერთდროულმა მიღებამ შეიძლება ზემოქმედება მოახდინოს ნერვულ სისტემაზე.
შენახვის პირობები:
შენახვის ტემპერატურა არ უნდა აღემატებოდეს 30⁰C.
პრეპარატი უნდა ინახებოდეს ბავშვებისათვის მიუწვდომელ ადგილას.
ვარგისიანობა:

3 წელი
არ გამოიყენოთ პრეპარატი პოლეზინი 5 მგ შემოგარსული ტაბლეტები კოლოფზე ან ბლისტერზე მითითებული შენახვის ვადის გასვლის შემდეგ (წელი/თვე). ვარგისიანობის ვადის დასრულების თარიღად ითვლება მითითებული თვის ბოლო დღე.
აფთიაქში გაცემის წესი:
რეცეპტის გარეშე (III ჯგუფი)

საერთაშორისო დასახელება:

ETOPOSIDE

მწარმოებელი: HELP PHARMACEUTICALS

მოქმედი ნივთიერება: ეტოპოზიდი

კლინიკურ-ფარმაკოლოგიური ჯგუფი:

სიმსივნის საწინააღმდეგო მცენარეული საშუალება

შემადგენლობა და გამოშვების ფორმა:

საინექციო ხსნარი: ფლაკონში 5 მლ

1 მლ

ეტოპოზიდი ..............  100 მგ

ვრცლად ეტოპოზიდი

საერთაშორისო დასახელება:

ERYTHROPOETIN

მწარმოებელი: HELP PHARMACEUTICALS

მოქმედი ნივთიერება: ერითროპოეტინი

კლინიკურ-ფარმაკოლოგიური ჯგუფი:

ჰემოპოეზის სტიმულატორი

შემადგენლობა და გამოშვების ფორმა:

საინექციო ხსნარი: ფლაკონში

1 ფლ.

ერითროპოეტინი ................  200 სე

ვრცლად ეპოეტინ ბეტა

საერთაშორისო დასახელება:

PROPOFOL

მწარმოებელი: Warsaw pharmaceutical work POLFA, პოლონეთი

მოქმედი ნივთიერება: პროპოფოლი

კლინიკურ-ფარმაკოლოგიური ჯგუფი:

ზოგადი საანესთეზიო საშუალება.

შემადგენლობა და გამოშვების ფორმა:

საინფუზიო და საინექციო ემულსია: ფლაკონში 20 მლ, შეფუთვაში 5 და 10 ც.

1 მლ 1 ფლ

პროპოფოლი ....................  10 მგ 200 მგ

დამხმარე ნივთიერებები:

გლიცერინი 100%, ოლეინის მჟავა, ლეციტინი გასუფთავებული მიღებული ქათმის კვერცხიდან, ჟელატინი, სოიოს წვეთი საინექციო ნატრიუმის ჰიდროქსიდი, საინექციო წყალი 1 მლ-მდე.

ფარმაკოლოგიური თვისებები:

პროპოფოლი წარმოადგენს არასაინჰალაციო სანარკოზე საშუალებას. იგი იწვევს ცნობიერების გათიშვას. ხარისხი პრეპარატის დოზირებაზეა დამოკიდებული. პროპოფოლის მოქმედების მექანიზმი შესწავლილი არ არის.

სამკურნალო საშუალება იწვევს სწრაფ შესვლას ნარკოზში აგზნების მინიმალური სიმპტომებით. უზრუნველყოფს ნარკოზის სიღრმის კარგ კონტროლს და ცნობიერების სწრაფ აღდგენას პრეპარატის შეყვანის შეწყვეტის შემდეგ. პროპოფოლმა შეიძლება გამოიწვიოს სისხლის არტერიული წნევის დაწევა, თრგუნავს სუნთქვით ფუნქციას და აქვეითებს ტვინის სისხლის მიმოქცევას.

პროპოფოლი სწრაფად ნაწილდება მთელ ორგანიზმში, სწრაფად გადის ჰემატოენცეფალურ ბარიერს, მოქმედებს ხანგრძლივად - ცნობიერების აღდგენა ერთჯერადი ინტრავენური დოზის შეყვანის შემდეგ 2-2.5 მგ/სხეულის მასის 1 კგ-ზე გადაანგარიშებით დგება 3-5 წუთის განმავლობაში.

ბიოტრანსფორმირდება აქტიური მეტაბოლიტების სახით და უკავშირდება გლუკორონის მჟავას ღვიძლში.

ჩვენებები:

პრეპარატი გამოიყენება:

• ზოგადი ნარკოზის და მისი შენარჩუნებისათვის სხვა პრეპარატებთან ერთად კომბინაციაში;
• სედატიური ეფექტის გამოსაწვევად დიაგნოსტიკური მანიპულაციების ან მცირე ქირურგიული ოპერაციების დროს;
• სედატიური ეფექტის გამოსაწვევად ფილტვების ხელოვნური ვენტილაციის ჩატარებისას ინტენსიური თერაპიის განყოფილებაში - ხანგრძლივობით 3 დღემდე.

მიღების წესი და დოზირება:

პრეპარატი შეიყვანება ინტრავენურად ან ინტრავენური ინფუზიის სახით გლუკოზის 5%-იან ხსნარში განზავების შემდეგ: 1 მოცულობა პროპოფოლი + 4 მოცულობა გლუკოზა (2 მგ პროპოფოლი 1 მლ-ში).

სამკურნალო საშუალების მომზადების და შეყვანის დროს საჭიროა ასეპტიკის წესების დაცვა. განზავების შემდეგ ემულსიის სტაბილურობა 6 საათს შეადგენს, გამოუყენებელი, ფლაკონში დარჩენილი პრეპარატის ნაწილი გადაგდებულ უნდა იქნას, დოზები უნდა შეირჩეს ინდივიდუალურად და პრემედიკაციისთვის გამოყენებული სამკურნალო საშუალების სახეობებისა და დოზების გათვალისწინებით.

ზოგადი ნარკოზის მიზნით პრეპარატის შეყვანის დროს, ტკივილის შესამცირებლად სამკურნალო საშუალება შეიძლება განზავდეს ლიდოკაინის ჰიდროქლორიდის 0.5-1% საინექციო ხსნარით, შეფარდებით: პრეპარატ პლოფედი 1%-ის 20 მოცულობა ლიდოკაინის ჰიდროქლორიდის 1% ხსნარის 1 მოცულობასთან, ან ინტრავენურად შეიყვანება 10-20 მგ ლიდოკაინი (1-2 მლ 1% ხსნარი) უშუალოდ პრეპარატ პლოფედი 1% შეყვანის წინ.

პრეპარატ პლოფედი 1%-ის შეყვანისას ინტრავენური ინფუზიის სახით რეკომენდებულია წვეთების მრიცხველის, ავტომატური შპრიცის ან ვოლუმეტრული საქაჩის გამოყნება შეყვანის საჭირო სიჩქარის მისაღწევად.

საერთო ნარკოზში შეყვანა

ბავშვები 3 წლის ასაკის ზევით: 2.5-3.5 მგ/კგ სხეულის მასაზე 20-30 წამის განმავლობაში.

მოზრდილები 55 წლამდე ასაკის: 1.5-დან 2.5 მგ/კგ სხეულის მასაზე 2-3 დაყოფილ დოზად ყოველ 10 წამში ნარკოზის სიმპტომების დადგომამდე.

მოზრდილები ხანდაზმული ასაკით, დასუსტებულები ორგანიზმით, ჰიპოვოლემიით: 1.0-დან 1.5-მდე მგ/კგ სხეულის მასაზე 2-3 დაყოფილ დოზად ყოველ 10 წამში ნარკოზის სიმპტომების დადგომამდე.

საერთო ნარკოზის შენარჩუნება

ბავშვები 3 წლის ასაკის ზევით: 7.5-15 მგ/კგ სხეულის მასაზე/საათში.

მოზრდილები 55 წლამდე ასაკის: 0.1-დან 0.2 მგ/კგ სხეულის მასაზე/წუთში ინტრავენური ინფუზიის ფორმით პირველი 10-15 წუთის განმავლობაში.

ნარკოზში შეყვანის შემდეგ საჭიროა ინფუზიის გაგრძელება დიდი სიჩქარით - 0.15-დან 0.20 მგ/კგ/წუთში: შემდეგ ინფუზიის სიჩქარე უნდა შემცირდეს 30 -50% საერთო ნარკოზის შენარჩუნების პირველი 30 წუთის განმავლობაში; ნარკოზის შესანარჩუნებლად ინფუზიის საშუალო სიჩქარე - 0.05-0.10 მგ/კგ სხეულის მასაზე/წუთში - უზრუნველყოფს ნარკოზიდან გამოსვლის ოპტიმალურ ხანგრძლივობას.

- ინტრავენური ინფუზიის ნაცვლად სამკურნალო საშუალება შეიძლება შეყვანილ იქნას ცალკეული ინექციების (ბოლუსების) სახით 20-25 მგ რაოდენობით, ნარკოზის სასურველი სიღრმის მიხედვით შეყვანის სიხშირის რეგულაციით.

მოზრდილები ხანდაზმული ასაკით, დასუსტებულები ორგანიზმით, ჰიპოვოლემიით: 0.05-0.10 მგ სხეულის მასაზე/წუთში ინტრავენური ინფუზიის ფორმით.

არ არის რეკომენდებული სამკურნალო საშუალების შეყვანა ცალკეული ინექციების (ბოლუსების) სახით.

სედაციური ეფექტი

მოზრდილები - 0.3-დან 4 მგ/კგ სხეულის მასაზე/საათში ინტრავენური ინფუზიის ფორმით. ინფუზიის სიჩქარე საჭიროა შეირჩეს სედაციური ეფექტის სასურველი ხარისხის შესაბამისად.

ბავშვები -არ არის რეკომენდებული პრეპარატის გამოყენება ინტენსიური თერაპიის ჩატარებისას, ასევე დიაგნოსტიკური და ქირურგიული მანიპულაციების დროს.

გვერდითი მოვლენები:

პროპოფოლის შეყვანის დროს ძალიან იშვიათად შეიძლება გამოვლინდეს: ფილტვების შეშუპება, ანაფილაქსიური სიმპტომები, ბრონქოსპაზმის, ერითემის და არტერიული წნევის ვარდნის ჩათვლით.

ნარკოზში შეყვანის დროს შეიძლება გამოვლინდეს: აღგზნების სუსტად გამოხატული სიმპტომები, განვლადი აპნოე, ბრადიკარდია, არტერიული წნევის დაქვეითება ან, იშვიათად, მომატება.

პროპოფოლმა შეიძლება გამოიწვიოს: უნებური მოძრაობები, კრუნჩხვები (ეპილეფსიით დაავადებულ პაციენტებში პრეპარატის შეყვანამ შეიძლება გაზარდოს კრუნჩხვების განვითარების რისკი), ზოგჯერ თავის ტკივილი, გამოღვიძებისას - განვლადი გულისრევა ან/და ღებინება. ძალიან იშვიათად შეინიშნებოდა სპაზმური ტკივილები მუცელში, ხველა, თავბრუსხვევა, ცხელება, ერთითემა, სლოკინი, პარესთეზია.

ინტრავენური შეყვანის დროს შეიძლება დადგეს მწველი, არახანგრძლივი ტკივილი ან წვა ინექციის ადგილას. იშვიათად, სიცივის ან დაბუჟების შეგრძნება.

ფლებიტი ან თრომბოზი გვხვდება სიხშირით

შეყვანის გახანგძლივებამ შეიძლება გამოიწვიოს შარდის შეფერილობის შეცვლა.

უკუჩვენებები:

* პრეპარატი არ უნდა გამოიყენონ პაციენტებმა, თუ დადასტურებულია მომატებული მგრძნობელობა პროპოფოლის ან ემულსიის ნებისმიერი კომპონენტის მიმართ (ქათმის კვერცხის ლეციტინი ან სოიოს ზეთი).

ორსულობა და ლაქტაცია:

პროპოფოლი შეიძლება გამოყენებულ იქნას ორსულობის დროს მხოლოდ საფუძვლიანი აუცილებლობის შემთხვევაში.

* არ გამოიყენება მშობიარობის, ასევე საკეისრო კვეთის დროს. არ არის რეკომენდებული პრეპარატის გამოყენება ლაქტაციის პერიოდში.

განსაკუთრებული მითითებები:

◄ პრეპარატი შეიძლება შეიყვანონ ორგანიზმში მხოლოდ შესაბამისმა სპეციალისტებმა ანესთეზიოლოგიის სფეროდან, რომელთაც გაიარეს სპეციალიზაცია ინტენსიურ თერაპიაში.

◄ სამკურნალო საშუალების მომზადებისა და შეყვანის დროს საჭიროა ასეპტიკის საფუძვლების დაცვა. გამოყენების წინ ფლაკონი უნდა შეინჯღრეს.

◄ არ უნდა გამოიყენოთ პრეპარატი ფერის შესამჩნევი ცვლილებისა და ემულსიის ფაზების დაყოფის შემთხვევაში.

◄ არ შეიძლება პრეპარატ პლოფედი 1%-ის შეყვანა გადასასხმელ სისხლთან ერთად ან ერთ შპრიცში სისხლის პრეპარატებთან ერთად.

◄ პროპოფოლი შეიძლება შეყვანილ იქნას ერთი შპრიცით NaCl-ის 0.9% ხსნართან ან გლუკოზის 5%-იან ხსნართან ერთად, სამეულის გამოყენებით.

◄ როგორც ზოგადი საანესთეზიო სხვა საშუალებები, ასევე პლოფედი შეიყვანება ფრთხილად დოზის შემცირებით ხანდაზმული ასაკის ან დასუსტებული იმ პაციენტებში, სისხლის მიმოქცევის დარღვევების ან უკმარისობის მქონე პაციენტებში, პაციენტებში თირკმლის ან ღვიძლის უკმარისობით.

◄ არ არის რეკომენდებული სამკურნალო საშუალების გამოყენება პაციენტებში მომატებული ქალას შიდა წნევით.

◄ ფრთხილად შეიყვანება ლიპიდური ცვლის დარღვევების მქონე პაციენტებში.

◄ როგორც სხვა იმ პრეპარატების შემთხვევაში, რომლებიც ახდენენ სედაციურ მოქმედებას, პროპოფოლის კომბინირებული შეყვანისას ისეთ სამკურნალო საშუალებებთან ერთად, რომლებიც ავლენენ დამთრგუნავ მოქმედებას ნერვულ სისტემაზე (მაგ. ანალგეზიური საშუალებები), შეიძლება გაძლიერდეს სედაციური ეფექტი, დადგეს სისხლძარღვოვანი კოლაფსი ან სუნთქვის მოშლა.

◄ პაციენტმა არ უნდა გამოიყენოს ალკოჰოლი 24 საათის განმავლობაში ნარკოზის შემდეგ და არ უნდა მიიღოს ცენტრალურ ნერვულ სისტემაზე მოქმედი სამკურნალო საშუალებები ექიმის კონსულტაციის გარეშე.

◄ ეპილეფსიით დაავადებულ პაციენტებში პრეპარატის შეყვანამ შეიძლება გაზარდოს კრუნჩხვების განვითარების რისკი.

◄ არ არის რეკომენდებული პრეპარატის გამოყენება ბავშვებში 3 წლის ასაკის ქვემოთ.

სამკურნალო საშუალების ზეგავლენა სატრანსპორტო საშუალებების, მექანიზმების მართვის და სხვა ფსიქომოტორულ უნარებზე: საჭიროა სიფრთხილის დაცვა 24 საათის განმავლობაში ნარკოზის შემდეგ. ტრანსპორტის მართვის ან სხვა ისეთი ფუნქციის შესრულების დროს, რომელიც მოითხოვს ყურადღების კონცენტრაციას, რამდენადაც სამკურნალო საშუალებამ შეიძლება დააქვეითოს ფსიქომოტორული ქმედითუნარიანობა.

ჭარბი დოზირება:

დოზის გადაჭარბებამ შეიძლება გამოიწვიოს სისხლძარღვოვანი და სასუნთქი სისტემების დათრგუნვის სიმპტომები.

ასეთ შემთხვევაში საჭიროა:

• პრეპარატ პლოფედი 1%-ის შეყვანის შეწყვეტა,

• ჟანგბადის მიცემა. ხსნარების ინტრავენური შევსება.

• პაციენტზე დაკვირვება წნევის მნიშვნელოვანი დაქვეითების და ბრადიკარდიის სიმპტომების გამოვლენის დროს და საჭიროების შემთხვევაში, სიმპტომატური მკურნალობის ჩატარება.

სხვა წამლებთან ურთიერთქმედება:

- პროპოფოლის გამოყენება კომბინაციაში ნარკოტიკულ ანალგეტიკებთან, სედაციურ პრეპარატებთან, საძილე და ინჰალაციურ ანესთეტიკებთან აძლიერებს დამთრგუნველ მოქმედებას ცენტრალურ ნერვულ სისტემაზე. ეს იწვევს მოთხოვნის შემცირებას ნარკოტიკულ საშუალებებზე და ამცირებს ნარკოზიდან გამოსვლის ხანგრძლივობას.

- პროპოფოლის და ნერვ-კუნთოვანი გამტარებლობის მაბლოკირებელი საშუალებების ერთდროული გამოყენება არ იწვევს ურთიერთზე გავლენის გამოვლენას.

შენახვის პირობები:

პრეპარატი ინახება 2-25⁰C ტემპერატურაზე, ბავშვებისათვის მიუწვდომელ ადგილას. დაუშვებელია გაყინვა.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით. გამოიყენება სტაციონარულ თერაპიაში.

საერთაშორისო დასახელება:

PANCREATIN

მწარმოებელი: PLETHICO PHARMACEUTICALS, Ltd

მოქმედი ნივთიერება: პანკრეატინი

კლინიკურ-ფარმაკოლოგიური ჯგუფი:

ფერმენტული პრეპარატი.

შემადგენლობა და გამოშვების ფორმა:

ტაბლეტები, ნაწლავში ხსნადი გარსით დაფარული თეთრი ფერის, მრგვალი, ორმხრივ ამობურცული.

1 ტაბ.

პანკრეატინი ....................   192მგ

მინიმალური ფერმენტული აქტივობით:

ამილაზა ................4500   FIP ერთეული;

ლიპაზა ................  6000   FIP ერთეული;

პროტეაზას ...........   300  FIP ერთეული.

ხარის ნაღველის ექსტრაქტი ....... 25მგ

ჰემიცელულოზა ......................  50მგ

ვრცლად პანკრეატინი

საერთაშორისო დასახელება:

OMEPRAZOLE

მწარმოებელი: PLETHICO PHARMACEUTICALS

მოქმედი ნივთიერება: ომეპრაზოლი

კლინიკურ-ფარმაკოლოგიური ჯგუფი:

პროტონული ტუმბოს ინჰიბიტორი, წყლულის საწინააღმდეგო საშუალება

შემადგენლობა და გამოშვების ფორმა:

ტაბლეტები: შეფუთვაში 10 ც.

1 ტაბ.

ომეპრაზოლი ..............  20 მგ

ვრცლად სოპრალი

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ქსოვილთა მეტაბოლიზმის გამაუმჯობესებელი ჰომეოპათიური საშუალება.

შემადგენლობა და გამოშვების ფორმა:

საინექციო ხსნარი: ამპულაში 2.2 მლ, შეფუთვაში 5, 10, 50 და 100 ც.

100 მლ

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• პერიფერიული სისხლმიმოქცევის სტიმულაცია არტერიოსკლეროზის, თამბაქოს წევის და შაქრიანი დიაბეტის შედეგად გამოწვეული ქვედა კიდურების სისხლძარღვების სპაზმის, ტროფიკული წლულების, ელეფანტიაზის, ნაწოლების, ვეგეტატური დისტონიის, მაობლიტირებელი ენდარტერიტის, ენდომეტრიტის, ენცეფალიტის და ინსულტის შემდგომი ნარჩენი მოვლენების, შიგნითა ყურის დაავადების შედეგად გამოწვეული სიყრუის დროს;
• პრეპარატი ინიშნება დისმენორეის, კვანძოვანი ერითემისას;
• როგორც დამატებითი საშუალება - ნევროზების, შაკიკის, ნევრალგიების, მასტოდინიის, რევმატული ართრიტის და პრეკანცეროზების დროს.

მიღების წესი და დოზირება:

ჩვეულებრივ ინიშნება 1-3-ჯერ კვირაში ერთი ამპულა კანქვეშ ან კუნთებში.

გვერდითი მოვლენები:

არ არის გამოვლენილი.

უკუჩვენებები:

* ფარისებრი ჯირკვლის დაავადებები.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

საერთაშორისო დასახელება:

HYDROXYCHLOROQUINE

მწარმოებელი: SANOFI AVENTIS

მოქმედი ნივთიერება: ჰიდროქსიქლოროქინი

კლინიკურ-ფარმაკოლოგიური ჯგუფი:

მალარიის საწინააღმდეგო და ამებიციდური პრეპარატი, იმუნოდეპრესანტი.

შემადგენლობა და გამოშვების ფორმა:

შემოგარსული ტაბლეტები: შეფუთვაში 60ც.

1 ტაბ.

ჰიდროქსიქლოროქინის სულფატი ...........         200 მგ

დამხმარე ნივთიერებები:

ლაქტოზას მონოჰიდრატი ..............  30 მგ

პოვიდონ 25K           ......................  2 მგ

სიმინდის სახამებელი ...................  66 მგ

მაგნიუმის სტეარატი ...................    2 მგ

გაწმენდილი წყალი საკმარისი რაოდენობით.

სულ 300 მგ

ტაბლეტის გარსი Opadry OY-L-28900 - 14,6 მგ, რომელიც შეიცავს:

ჰიდრომელოზა .........................      4.09 მგ

ტიტანის ორჟანგი ................            3.80 მგ

მაკროგოლ 4000 ....................          1.46 მგ

ლაქტოზას მონოჰიდრატი   .........     5.25 მგ

გაწმენდილი წყალი საკმარისი რაოდენობით.

სულ 314.6 მგ.

ფარმაკოლოგიურ თვისებები:

პლაქვენილი წარმოადგენს 4-ამინოქინოლინის სტრუქტურის მქონე ანტიმალარიულ პრეპარატს. იგი იწვევს ყველა სახის პლაზმოდიების ერითროციტული ფორმების სიკვდილს.

პლაქვენილი კლასიფიცირდება, როგორც შენელებული მოქმედების ანტირევმატიული პრეპარატი.

მას ახასიათებს რამდენიმე სხვადასხვა სახის ფარმაკოლოგიური მოქმედება, რომლებიც განაპირობებენ მის სამკურნალო ეფექტს.

ლაქვენილის ეფექტურობას განაპირობებს მისი თვისება შეცვალოს სხვადასხვა ფერმენტების აქტივობა. აღნიშნულ თვისებებს მიეკუთვნება სულფჰიდრილურ ჯგუფებთან ურთიერთქმედება, ფერმენტების აქტივობის ცვლილებები (მათ შორის: ფოსფოლიპაზას, HAD-H, ციტოქრომ C-რედუქტაზას, ქოლინისთერაზას, ჰიდროლაზების, პროტეაზების), დნმ-თან შეკავშირება, ლიზოსომების მემბრანების სტაბილიზაცია, პროსტაგლანდინების წარმოქმნის ინჰიბირება, პოლიმორფობირთვული უჯრედების ქემოტაქსისი და ფაგოციტოზი, მონოციტებით. შესაძლებელია ინტერფერენცია ინტერლეიკინ I სინთეზით და ნეიტროფილ-სუპეროქსიდის გამონთავისუფლების დათრგუნვა.

ფარმაკოკინეტიკა:

პრეპარატი პერორალურად მიღების შემდეგ სწრაფად აბსორბირდება. მისი საშუალო ბიოშეღწევადობა შეადგენს დაახლოებით 74%-ს. იგი კარგად ნაწილდება ორგანიზმში, გროვდება სისხლში და ისეთ ქსოვილებში, როგორიცაა: ღვიძლი, ფილტვები, თირკმელები და პლაზმა. ღვიძლში პლაქვენილი გარდაიქმნება აქტიურ ეთილირებულ მეტაბოლიტად და გამოიყოფა ძირითადად თირკმელების საშუალებით შეუცვლელი სახით - 23-25% და აგრეთვე ნაღველთან ერთად.

პრეპარატი ორგანიზმიდან ნელა გამოიყოფა, ელიმინაციის ნახევარპერიოდი შეადგენს დაახლოებით 50 (მთლიანად სისხლში) და 32 დღეს (პლაზმა).

პლაქვენილი გაივლის პლაცენტურ ბარიერს და შესაძლებელია მისი აღმოჩენა დედის რძეში.

ჩვენებები:

რევმატიული და დერმატოლოგიური ჩივილები:

• სისტემური წითელი მგლურა;
• დისკოიდური წითელი მგლურა;
• ახალგაზრდების ქრონიკული ართრიტი;
• მზის სხივების ზემოქმედებით გამოწვეული ან კანის გამწვავებული დაავადებები;

მალარია:

• მწვავე შეტევების მკურნალობა და მალარიის პროცესის დათრგუნვა, გამოწვეული Plasmodium vivax, P.ovale და P. malariae-ით, აგრეთვე P.falciparum-ის მგრძნობიარე შტამებით.
• P.falciparum -ის მგრძნობიარე შტამებით გამოწვეული მალარიის რადიკალური მკურნალობა.

მიღების წესი და დოზირება:

პლაქვენილს იღებენ მხოლოდ პერორალურად ჭამის დროს ან რძესთან ერთად.

რევმატიული დაავადებები:

პლაქვენილი ორგანიზმში განიცდის კუმულაციას, რის გამოც სასურველი სამკურნალო ეფექტის მისაღებად აუცილებელია რამდენიმე თვიანი მკურნალობის კურსის ჩატარება. იმ შემთხვევაში, თუ 6 თვის განმავლობაში ავადმყოფის ობიექტური მდგომარეობა არ გაუმჯობესდა, საჭიროა შეწყდეს პრეპარატით მკურნალობა.

რევმატიული ართრიტი: მოზრდილებში საწყისი დოზა შეადგენს 400-600 მგ-ს დღეში. შემანარჩუნებელი დოზა - 200-400 მგ დღეში.

ახალგაზრდობის ქრონიკული ართრიტი: ამ დროს დოზა არ უნდა აღემატებოდეს 6,5 მგ/კნ წონაზე ან 400 მგ-ს დღეში. ამავე დროს წარმოებს უმცირესი დოზის შერჩევა.

სისტემური და დისკოიდური წითელი მგლურა: მოზრდილებში საწყისი დოზა შეადგენს 400-800 მგ-ს დღეში. შემანარჩუნებელი დოზა - 200-400 მგ დღეში.

ფოტოსენსიბილიზაცია: მკურნალობის პროცესში საჭიროა სინათლის მაქსიმალური ექსპოზიციის პერიოდებისგან თავის დაცვა.

მალარია

მალარიის მკურნალობა: მოზრდილებში ინიშნება 400 მგ კვირის ერთსა და იმავე დღეს.

ახალშობილებში ყოველკვირეული სამკურნალო დოზა შეადგენს 6,5 მგ/კგ წონაზე, მაგრამ სხეულის წონისაგან დამოუკიდებლად იგი არ უნდა აღემატებოდეს მოზრდილთა დოზას.

ხელსაყრელი პირობების არსებობის შემთხვევაში, შესაძლებელია „ჩამხშობი“ მკურნალობის დაწყება 2 კვირით ადრე, თუმცა სხვა შემთხვევებში მოზრდილებს შესაძლებელია დაენიშნოს პრეპარატის გაორმაგებული დოზით მკურნალობა 800 მგ, და ბავშვებს - 12.9 მგ/კგ წონაზე (მაგრამ იგი არ უნდა აღემატებოდეს 800 მგ-ს), დღეში 2 მიღებაზე 6 თვიანი ინტერვალით. აღნიშნული მკურნალობა ტარდება 8 კვირის განმავლობაში ენდემიური კერის დატოვების შემდეგ.

მალარიის მწვავე შეტევების მკურნალობა: მოზრდილებში ინიშნება 800 მგ, 400 მგ ყოველ 6 სთ-ში ან 8 სთ-ში, შემდგომ 400 მგ მომდევნო 2 დღის განმავლობაში (სულ 2 გ პლაქვენილი).

ალტერნატიული მკურნალობის მეთოდად ითვლება აგრეთვე ეფექტური ერთჯერადი დოზა 800 მგ.

ახალშობილებში საერთო დოზა შეადგენს 32 მგ/კგ წონაზე (მაგრამ იგი არ უნდა აღემატებოდეს 2 გ-ს), რომელიც ინიშნება 3 დღის განმავლობაში შემდეგი თანმიმდევრობით:

პირველი დოზა - 12.9 მგ/კგ წონაზე (მაგრამ იგი არ უნდა აღემატებოდეს ერთჯერად 800 მგ-იან დოზას).

მეორე დოზა - 6.5 მგ/კგ წონაზე (არა უმეტეს 400 მგ) 6 სთ-ის შემდეგ პირველი დოზის მიღებიდან.

მესამე დოზა - 6.5 მგ/კგ წონაზე (არა უმეტეს 400 მგ) 18 სთ-ის შემდეგ მეორე დოზის მიღებიდან.

მეოთხე დოზა - 6.5 მგ/კგ წონაზე (არა უმეტეტს 400 მგ) 24 სთ-ის შემდეგ მესამე დოზის მიღებიდან.

გვერდითი მოვლენები:

ოფთალმოლოგიური ეფექტები: იშვიათად: რეტინოპათია-პიგმენტაციის მხრივ ცვლილებებით და მხედველობის დაქვეითებით. დასაწყისში, მკურნალობის შეწყვეტის შემდეგ ეს სიმპტომები შექცევადია. თუ პათოლოგიურ პროცესს მიეცა განვითარების საშუალება, მკურნალობის შეწყვეტის მიუხედავად, შესაძლებელია დაავადების პროგრესირება.

აღწერილია რქოვანას შეშუპება და შემღვრევა, რაც თავის მხრივ იწვევს მხედველობის გაორებას, ფოტოფობიას, მხედველობის დაბინდვას. აღნიშნული სიმპტომები შექცევადია. შესაძლებელია აგრეთვე აკომოდაციის დარღვევის შედეგად გამოწვეული მხედველობის დაბინდვა, რომელიც დამოკიდებულია პრეპარატის დოზაზე და იგი შექცევადია.

დერმატოლოგიური ეფექტები: იშვიათად ადგილი აქვს კანზე გამონაყარს. აღწერილია აგრეთვე კანზე და ლორწოვან გარსზე პიგმენტაციები. აღნიშნული ცვლილებები მკურნალობის შეწყვეტის შემდეგ მალევე ქრება.

აღწერილა ბულოზური გამონაყარი, ფოტოსენსიბილიზაცია და ექსფოლიატური დერმატიტის ერთეული შემთხვევები.

იშვიათად - მწვავე გენერალიზებული ეგზანთემური პუსტულოზი, რომელიც საჭიროა განვასხვავოთ ფსორიაზისაგან, თუმცა პლაქვენილი იწვევს უფრო ფსორიაზისათვის დამახასიათებელ შეტევებს, რომელიც დაკავშირებულია ტემპერატურის მომატებასთან და ჰიპერლეიკოციტოზთან. პრეპარატის მკურნალობის შეწყვეტის შემდეგ აღნიშნული მოვლენები მალევე ქრება.

კუჭ-ნაწლავის ტრაქტის მხრივ: გულისრევა, დიარეა, ანორექსია, ტკივილი მუცლის არეში, იშვიათად, ღებინება.

ცნს-ის მხრივ: თავბრუსხვევა, ყურებში შუილი, სმენის დაკარგვა, თავის ტკივილი, ნევროზი, აგზნებადობა, ფსიქოზი, კრუნჩხვები.

ნერვ-კუნთოვანი მოქმედება: აღინიშნება ჩონჩხის კუნთების მიოპათია ან ნეირომიოპათია, რომლებიც იწვევენ პროქსიმალური კუნთების სისუსტის გაძლიერებას და ატროფიებს. მკურნალობის შეწყვეტის შემდეგ მიოპათია შექცევადია, მაგრამ კუნთოვანი ტონუსის მთლიანად აღდგენა მოითხოვს მკურნალობის გაგრძელებას კიდევ რამოდენიმე თვით.

აღინიშნება აგრეთვე სუსტი სენსორული ცვლილებები, მყესოვანი რეფლექსების დათრგუნვა და ნერვული იმპულსების გამტარებლობის ანომალიები.

გულ-სისხლძარღვთა სისტემის მხრივ: იშვიათად კარდიომიოპათიები. გულის გამტარებლობის დარღვევის დროს (AV- -ბლოკადა) საჭიროა მკურნალობა შეწყდეს.

ჰემატოლოგიური ეფექტები: იშვიათად ძვლის ტვინის ფუნქციის დათრგუნვა. პლაქვენილი აძლიერებს პორფირიას.

ღვიძლის მხრივ: აღწერილია ღვიძლის უკმარისობის ერთეული შემთხვევები.

უკუჩვენებები:

* მომატებული მგრძნობელობა 4-ამინოქინოლინის ჯგუფის პრეპარატების მიმართ;

* ანამნზეში მაკულოპათია.

ორსულობა და ლაქტაცია:

* ორსულობის პერიოდში პლაქვენილის გამოყენება ნებადართული არ არის, თუმცა გამონაკლისს წარმოადგენს ის შემთხვევები, როდესაც დედისათვის სასარგებლო შედეგი მკვეთრად აღემატება ნაყოფზე ზემოქმედების პოტენციურ რისკს.

* * * გათვალისწინებული უნდა იქნეს ის ფაქტი, რომ 4-ამინოქინოლინები სამკურნალო დოზებში იწვევენ ცნს-ის დაზიანებას, მათ შორის ოტოტოქსიკურ ეფექტებს (სმენის და ვესტიბულური აპარატის დაზიანებებს, სიყრუეს). რეტინულ სისხლდენებს და ანომალურ პიგმენტაციას.

* პლაქვენილი მცირე რაოდენობით გამოიყოფა დედის რძესთან ერთად. ცნობილია, რომ ახალშობილები განსაკუთრებით მგრძნობიარენი არიან 4-ამინოქინოლინების ტოქსიკური ეფექტების მიმართ, რის გამოც ლაქტაციის პერიოდში საჭიროა ძუძუთი კვება შეწყდეს.

განსაკუთრებული მითითებები:

♦ სიფრთხილე: პლაქვენილით ხანგრძლივი მკურნალობის ჩატარების წინ საჭიროა სისტემატური ოფთალმოლოგიური კონტროლი. კერძოდ: მხედველობის სიმახვილის, ფერადი მხედველობის, ოპტიკური ველის შესწავლა, აგრეთვე ფუნდოსკოპია.

♦ მკურნალობის პროცესში მხედველობის დარღვევის შემთხვევაში საჭიროა შეწყდეს პრეპარატით მკურნალობა და ანომალიის შესაძლებელი პროგრესირების თავიდან აცილების მიზნით ავადმყოფებს ჩაუტარდეს სისტემატური კონტროლი.

♦ ბადურის ცვლილებებს (და მხედველობის დაბინდვას) შესაძლებელია ადგილი ჰქონდეს მკურნალობის შეწყვეტის შემდგომაც.

♦ პლაქვენილი სიფრთხილით ენიშნებათ კუჭ-ნაწლავის ტრაქტის დაავადებით, ნევროზით და ჰემატოლოგიური დარღვევებით შეპყრობილ ავადმყოფებს. ქინინის მიმართ მგრძნობიარე და აგრეთვე ფერმენტ გლუკოზო-6-ფოსფატდეჰიდროგენაზას დეფიციტის მქონე, პორფირიით და ფსორიაზით დაავადებულ ავადყმოფებს.

♦ პრეპარატით ხანგრძლივი მკურნალობის დროს საჭიროა სისხლის სურათის პერიოდული კონტროლი და რაიმე პათოლოგიის გამოვლენის შემთხვევაში მკურნალობის შეწყვეტა.

♦ ბავშვები განსაკუთრებით მგრძნობიარენი არიან 4-ამინოქინოლინების მიმართ. ამიტომ საჭიროა პრეპარატის შენახვა ბავშვებისაგან დაცულ ადგილას.

♦ პრეპარატით მკურნალობის პროცესში საჭიროა ავადმყოფებში ჩონჩხის კუნთების და მყესოვანი რეფლექსების პერიოდული კონტროლი. მათი სისუსტის გამოვლენის შემთხვევაში საჭიროა შეწყდეს მკურნალობა.

♦ მალარია: პლაქვენილი არაეფექტურია ქლოროქინ-რეზისტენტული შტამების P. falciparum, აგრეთვე ეგზო-ერითროციტული ფორმების P. vivax,  P.ovale  P. malarie-ის მიმართ და ამიტომ, პროფილაქტიკური მიზნით დანიშვნის დროს, მას არ შეუძლია ამ მიკროორგანიზმებით გამოწვეული ინფიცირების, აგრეთვე მათ მიერ გამოწვეული დაავადებების რეციდივის თავიდან აცილება.

♦ პლაქვენილი იწვევს აკომოდაციის დარღვევას და მხედველობის დაბინდვას, ამიტომ პრეპარატი სიფრთხილით ენიშნებათ ავტოტრანსპორტის მძღოლებს და იმ პირებს, რომელთა მუშაობა ტექნიკასთან მოითხოვს ყურადღების მაქსიმალურ კონცენტრაციას.

ჭარბი დოზირება:

! განსაკუთრებით საშიშია ბავშვებში. პრეპარატის 1-2 გ-საც კი შეუძლია გამოიწვიოს ფატალური გამოსავალი.

სიმპტომები: თავის ტკივილი, მხედველობის დარღვევა, გულ-სისხლძარღვთა კოლაფსი და კრუნჩხვები, გულის რითმის და გამტარებლობის დარღვევა სუნთქვის და გულის მუშაობის გაჩერებით.

მკურნალობა: კუჭის ამორეცხვა, გააქტივებული ნახშირის მიღება პრეპარატის მიღებულ დოზასთან შედარებით 5-ჯერ მეტი რაოდენობით, რომელიც ამცირებს პრეპარატის შემდგომ აბსორბციას. იგი შეჰყავთ კუჭის ამოსარეცხი მილის საშუალებით და 30 წთ-ის განმავლობაში პრეპარატის მიღების შემდეგ.

საჭიროა დიაზეპამის პარენტერული შეყვანა. აუცილებლობის შემთხვევაში სუნთქვის კონტროლი და შოკის საწინააღმდეგო მკურნალობის ჩატარება.

სხვა წამლებთან ურთიერთქმედება:

პლაქვენილის და დიგოქსინის ერთდროული დანიშვნით იზრდება დიგოქსინის კონცენტრაცია სისხლის პლაზმაში, რის გამოც საჭიროა შრატში დიგოქსინის სისტემატური კონტროლი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ნესტისაგან დაცულ ადგილას.

ვარგისიანობის ვადა: 3 წელი.

ლიოფილიზებული ან თხევადი ბუნებრივი ცილოვან პეპტიდური პრეპარატია, რომლის მოქმედებასაც მის შემადგენლობაში შემავალი ფიზიოლოგიურად აქტიური ნივთიერებები განაპირობებენ.

ფარმაკოლოგიური თვისებები:

პლაფერონი ლბ იმუნომამოდულირებელი პრეპარატია, რომელსაც გამოხატული ანტიჰიპოქსიდური ეფექტი გააჩნია.

– სხვადასხვა ეტიოლოგიის იმუნოდეფიციტის პირობებში ზრდის ადამიანის პერიფერიული სისხლის T-ლიმფოციტების საერთო რაოდენობას და აღადგენს T-ლიმფოციტების დარღვეულ ბალანსს;

– ახდენს აპოპტოზის მოდულაციას;

–თრგუნავს ფოსფოლიპაზა A₂–ის აქტიობას, რაც პრეპარატის ანთების საწინააღმდეგო მოქმედებას განაპირობებს;

– თრგუნავს ჰისტამინი H₁–ის აქტიობას;

–აღადგენს იშემიითა და ინტოქსიკაციით დარღვეული ორგანოებისა და ქსოვილების ფუნქციას. აუმჯობესებს ტვინის, გულის, თირკმლისა და ღვიძლის მიკროცირკულაციას;

– ავლენს ჰეპატოპროტექტულ მოქმედებას;

– ქსოვილთა იშემიის დროს აბლოკირებს თავისუფალი რადიკალების წარმოქმნას, აღადგენს უჯრედთა დარღვეულ ენერგეტიკას;

– ხსნის ალკოჰოლურ ინტოქსიკაციას;

–აძლიერებს გლიკოლიზის პროცესს და არეგულირებს უჯრედის მემბრანაში გლუკოზის ტრანსპორტს;

–ავლენს ანტივირუსულ მოქმედებას.

დანიშნულება:

გამოიყენება კომპლექსური თერაპიისათვის ექიმის დანიშნულებით სტაციონარში და ამბულატორიულად, როგორც იმუნომამოდულირებელი საშუალება, გამოიყენება ვირუსული ეტიოლოგიის დაავადებათა პროფილაქტიკისა და მკურნალობისათვის (გრიპი, ჰაპატიტი, ენცეფალიტი, ჰერპესული ინფექციები, პოლირადიკულონევრიტი, მიოკარდიტი, თვალის ვირუსული ინფექციები და სხვა). გრიპის ეპიდემიის შემთხვევაში პრეპარატი ინიშნება რისკ–ჯგუფის ავადმყოფებში. გულის იშემიური დაავადების, გულ–სისხლძარღვთა უკმარისობის, დიაბეტური ანგიო– და ნეიროპათიის დროს. პრეპარატი გამოიყენება პირის ღრუს ლორწოვანი გარსის ანთების, პაროდონტიტების, პიელონეფრიტის, ღვიძლისა და თირკმლის უკმარისობის დროს, ქიმიო– და სხივური თერაპიის დროს როგორც ადიუვანტური საშუალება, ნარკოზის შემდგომი გართუელებების პროფილაქტიკისათვის.

გამოყენების მეთოდი და დოზირება:

გამოიყენება პირის ღრუში ჩასაწვეთებლად და გარეგანი ხმარებისათვის. ლიოფილიზებული პრეპარატის ერთი ამპულა იხსნება 2მლ საინექციო წყალში.

▪ ჩვეულებრივ პირის ღრუში ჩასაწვეთებლად ინიშნება პრეპარატის ერთი ამპულა ერთხელ დღეში 5–14 დღის განმავლობაში. გახსნილი პრეპარატი ეწვეთება პიპეტით ან ჩაის კოვზით ენის ქვეშ 10 წუთის განმავლობაში, სანამ არ შეიწოვება პირის ღრუდან. პრეპარატის დოზა და გამოყენების ხანგრძლიობა განისაზღვრება დაავადების სიმძიმის მიხედვით.

▪ გამოხატული ინტოქსიკაციით მიმდინარე ვირუსული ინფექციის შემთხვევაში რეკომენდებულია პრეპარატის დოზის გაზრდა (4–5 ამპულამდე დღე–ღამეში).

▪ გრიპის მკურნალობის დროს გამოიყენება ცხვირში ჩასაწვეთებლად – 2–3 წვეთი ყოველ 2 სთ–ში და ეწვეთება პირის ღრუში.

▪ გრიპის პროფილაქტიკისათვის ინიშნება ცხვირში ჩასაწვეთებლად 2–3 წვეთი 3–ჯერ დღეში და პირის ღრუში ჩასაწვეთებლად, კვირაში 2–ჯერ 1 თვის განმავლობაში.

▪ თვალის ვირუსული ინფექციების დროს პრეპარატი ინიშნება ინსტილაციის სახით 6–8–ჯერ დღეში და პირის ღრუში ჩასაწვეთებლად.

▪ ფსორიაზის და ჰერპესის დროს ინიშნება კომბინაციაში მალამოს სახით და პირის ღრუში ჩასაწვეთებლად.

▪ პირის ღრუს ლორწოვანის გარსის ანთების, პაროდონტიტების დროს ინიშნება კომბინაციაში მალამოს ან ელექტროფორეზის სახით და პირის ღრუში ჩასაწვეთებლად.

გვერდითი მოქმედება:

პრეპარატის გამოყენების დროს შესაძლებელია ზომიერად გამოხატული პიროგენული რეაქცია. პაციენტებში, რომელთაც აქვთ აწეული მგრძნობელობა ცილოვან–პეპტიდური ბუნების მედიკამენტებისადმი, შესაძლებელია ალერგიული რექციების განვითარება.

უკუჩვენება:

პრეპარატი უკუნაჩვენებია პლაფერონის ან ანალოგიური პრეპარატებისადმი აწეული მგრძნობელობის მქონე პაციენებისათვის.

გამოშვების ფორმა:

პრეპარატი გამოშვებულია თხევადი ან ლიოფილიზებული სახით ამპულებში, პირის ღრუში ჩასაწვეთებლად და მალამოს ფორმით. ლიოფილიზებული პრეპარატი მოთეთრო–მოყვითალო ფერის ფხვნილია. ერთი ამპულა შეიცავს 2 NUპირობით ერთეულს (1NU შეესაბამება 0,8 მგ ცილას).

დაფასოებული მალამო – ერთი შეფუთვა – 20 გრამი.

შენახვის პირობები: პრეპარატი ინახება +4⁰C  მშრალ, სინათლისაგან დაცულ ადგილას.

ვარგისიანობის ვადა: 3 წელი.

ამპულა გაიცემა რეცეპტით.

მწარმოებელი: შ.პ.ს. „ლბ“, საქართველო.