საერთაშორისო დასახელება:

PIRACETAM

მწარმოებელი: Parmaceutical Compani  JELFA S.A. პოლონეთი

მოქმედი ნივთიერება: პირაცეტამი

კლინიკურ-ფარმაკოლოგიური ჯგუფი:

ნოოტროპული პრეპარატი.

შემადგენლობა და გამოშვების ფორმა:

საინექციო ხსნარი: ამპულაში 5 მლ, შეფუთვაში 12 ც.

1 მლ 1 ამპ.

პირაცეტამი …………   200 მგ 1 გ

დამხმარე ნივთიერებები:

ნატრიუმის აცეტატი, ყინულოვანი ძმარმჟავა, წყალი ინექციისათვის.

ფარმაკოლოგიური თვისებები:

პირაცეტამი მიეკუთვნება ნოოტროპული საშუალებების ჯგუფს. იგი აუმჯობესებს შემეცნებით პროცესებსა და მეხსიერებას, აგრეთვე ყურადღების კონცენტრაციის უნარს, პრეპარატი არ ავლენს დამამშვიდებელ ან ფსიქომასტიმულირებელ მოქმედებას.

პირაცეტამი სხვადასხვა გზით მოქმედებს ცნს-ზე: იგი ხელს უწყობს თავის ტვინში ნერვული იმპულსების გატარების მოდულირებას, აუმჯობესებს ნეირონების პლასტიურობას, იცავს მათ მეტაბოლურ  ჰომეოსტაზს და ახდენს ზემოქმედებას თავის ტვინის მიკროცირკულაციაზე უშუალოდ ჰემორეოლოგიურ თვისებებზე ზეგავლენით, მაგრამ იგი არ იწვევს სისხლძარღვების გამაფართოვებელ მოქმედებას.

– პრეპარატის პერიოდული ან მუდმივი შეყვანისას პაციენტებში, რომლებსაც დარღვეული აქვთ თავის ტვინის შემეცნებითი ფუნქცია იწვევს ეეგ-ს მნიშვნელოვან ცვლილებას, რაც მიუთითებს შემეცნებითი ფუნქციის აქტივობასა და გაუმჯობესებას  (უფრო მეტად ალფა და ბეტა ტალღებზე ზემოქმედებით, ხოლო ნაკლებად დელტა ტალღებზე).

– პირაცეტამი ცნს-ის ნეირონებზე ავლენს დაცვით მოქმედებას, მაგალითად თავის ტვინის ჰიპოქსიის, ქიმიური საშუალებებით მოწამვლის და ელექტროშოკური თერაპის დროს.

– პირაცეტამი ამცირებს პროვოცირებული ნისტაგმის პერიოდს.

– პირაცეტამი სისხლძარღვოვანი გენეზის: დემენციის ან თავის ტვინის მწვავე ინსულტის დროს აუმჯობესებს ჟანგბადისა და გლუკოზის ადგილობრივ უტილიზაციას.

– პრეპარატის მოქმედება ჰემორეოლოგიურ თვისებებზე ვლინდება თრომბოციტების ფუნქციის დაქვეითებით; სისხლის საერთო სიბლანტის დაქვეითებით სისხლის ფორმიანი ელემენტების ელასტიურობის მომატების გზით, განსაკუთრებით ერითროციტების და სისხლის პლაზმის სიბლანტის შემცირებით, აგრეთვე სისხლძარღვების სპაზმის პრევენციით.

ჩვენებები:

• თავის ტვინის იშემიური ინსულტი;
• ქერქული წარმოშობის კლონური კრუნჩხვები;
• ხანდაზმულ პერიოდში ინვოლუცია (მეხსიერების დარღვევა, ინტელექტუალური უკმარისობა);
• თავბრუსხვევა და თანმხლები წონასწორობის დარღვევა, გამონაკლისს წარმოადგენს სისხლძარღვოვანი და ფსიქიური წარმოშობის თავბრუსხვევა.

მიღების წესი და დოზირება:

მწვავედ განვითარებული გართულებების შემთხვევაში პირაცეტამი გამოიყენება ვენაში ან კუნთში ჩვეულებრივ 12 გ-ის ოდენობით დღეში; მიოკლონუსის დროს 24 გ-მდე დღე-ღამეში. სასურველი შედეგის მიღწევის შემთხვევაში დოზას ამცირებენ ოპტიმალურამდე პაციენტის ინდივიდუალური რეაქციის მიხედვით.

კლონური კრუნჩხვის მკურნალობას იწყებენ დოზით 7.2 გ დღეში, შემდგომში დოზას ზრდიან 4.8 გ-ით ყოველ 3 ან 4 დღეში ერთხელ 24 გ დღეში.

პრეპარატის სადღეღამისო დოზა საჭიროა გავყოთ 2 ან 3 მიღებაზე.

თავის ტვინის მწვავე ინსულტის სამკურნალოდ მოზრდილებში დოზა შეადგენს 9-12 გ-ს დღეში. თავბრუსხვევის დროს პრეპარატი მიიღება 2.4-4.8 გ დღეში დაყოფილ 2-ან 3 თანაბარ დოზად.

ინვოლუციური მდგომარეობის დროს მკურნალობის დასაწყისში დოზა შეადგენს 4.8 გ-ს, შემდგომში დოზას ამცირებენ 2.4 გ დღეში.

გვერდითი მოვლენები:

გვერდითი მოვლენები აღინიშნება იშვიათად და სუსტად არის გამოხატული. ხშირად აღინიშნება: აგზნება, განგაშის მდგომარეობა, კუნთების ტრემორი, ძილიანობა, უძილობა და დაღლილობის შეგრძნება.

საკონტროლო კვლევების შედეგად დადგენილია, რომ 2%-ზე ნაკლებ ხანდაზმულ პაციენტებში 2.4 გ-ზე მეტი დოზით მკურნალობისას აღინიშნებოდა გვერდითი მოვლენები. უპირატესად დისპეფსიური დარღვევები (გულისრევა, ღებინება, ფაღარათი, მუცლის ტკივილი), თავის ტკივილი და თავბრუსხვევა. იშვიათად აღინიშნებოდა პირის სიმშრალე, ლიბიდოს მომატება, სხეულის წონის მომატება და პრეპარატის მიმართ მომატებული მგრძნობელობა დერმატოლოგიური ცვლილებების სახით. თუმცა მათი განვითარების სიხშირე კლინიკურად არ განსხვავდება პალცებოსაგან.

უკუჩვენებები:

* პირაცეტამის მიმართ მომატებული მგრძნობელობა;

* თირკმელების მწვავე უკმარისობა (კრეატინინის კლირენსი 20 მლ/წთ-ზწე ნაკლები).

ორსულობა და ლაქტაცია:

ცხოველებზე ექსპერიმენტული კვლევის შედეგად პრეპარატის ტერატოგენული მოქმედება არ არის გამოვლენილი.

დღესდღეობით არ არსებობს კლინიკური მონაცემები პირაცეტამის ნაყოფის განვითარებაზე ზემოქმედების შესახებ. ორსულობის I ტრიმესტრისა და ლაქტაციის პერიოდში პრეპარატის გამოყენების შესახებ გადაწყვეტილებას იღებს მკურნალი ექიმი პოტენციური სარგებლიანობის გათვალისწინებით.

განსაკუთრებული მითითებები:

♦ პირაცეტამი გამოიყოფა თირკმელებით, რის გამოც საჭიროა თირკმელების უკმარისობით შეპყრობილ პაციენტებში პრეპარატი სიფრთხილით გამოვიყენოთ. აღნიშნული ჯგუფის პაციენტებში პრეპარატის ნახევარგამოყოფის პერიოდსა და კრეატინინის კლირენსს შორის არსებობს უკუდამოკიდებულება. ქვემოთმოყვანილ ცხრილში მითითებულია დოზის შემცირების დამოკიდებულება 60 მლ/წთ-ზე ნაკლები კრეატინინის კლირენსის დროს.

♦ მიოკლონუსით შეპყრობილ პაციენტებში პრეპარატის მიღების მკვეთრი შეწყვეტა არ არის რეკომენდებული, ვინაიდან მოსალოდნელია მიოკლონური ან სხვა ტიპის კრუნჩხვები.

ჭარბი დოზირება:

პრეპარატი დოზით 400 მგ/კგ-ზე ზევით ხასიათდება კარგი ტოლერანტობით. ჭარბი დოზირების შემთხვევაში რეკომენდებულია ფორსირებული დიურეზი და სითხის მიღება პერორალურად ან ვენაში.

სხვა წამლებთან ურთიერთქმედება:

– პრეპარატის ფარისებრი ჯირკვლის ექსტრაქტებთან (T₃+T₄) ერთად გამოყენებისას აღინიშნა აგზნების მხოლოდ ერთი შემთხვევა, ძილის დარღვევა;

– პრეპარატის ურთიერთქმედება კლონაზეპამთან, ფენიტოინთან, ფენობარბიტალთან, ნატრიუმის ვალპროატთან, აგრეთვე სხვა სამკურნალო საშუალებებთან არ აღინიშნება.

შენახვის პირობები:

პრეპარატი ინახება 5-25⁰C ტემპერატურაზე, სინათლს, ბავშვებისა და გაყინვისაგან დაცულ  ადგილას.

საერთაშორისო დასახელება:

PYRANTEL

მწარმოებელი: POLPHARMA, პოლონეთი

მოქმედი ნივთიერება: პირანტელი

კლინიკურ-ფარმაკოლოგიური ჯგუფი:

ჰელმინთების საწინააღმდეგო საშუალება.

შემადგენლობა და გამოშვების ფორმა:

ტაბლეტები: შეფუთვაში 3 ც.

1 ტაბ.

პირანტელი ……………    250 მგ

(პირანტელის ებონატი – 720 მგ)

დამხმარე ნივთიერებები:

ეთილცელულოზა, პოვიდონი, მაგნიუმის სტეარატი, ტალკი, ნარინჯის არომატი, კარტოფილის სახამებელი.

ფარმაკოლოგიური თვისებები:

პირანტელი წარმოადგენს ჰელმინთების საწინააღმდეგო საშუალებას, რომელიც მოქმედებს ნემატოდებზე. იწვევს მის მიმართ მგრძნობიარე ჰელმინთების ნერვ-კუნთოვან ბლოკადას, რაც აადვილებს მათ გამოდევნას საჭმლის მომნელებელი ტრაქტიდან საფაღარათო საშუალებების დამატებითი გამოყენების გარეშეც.

პრეპარატი პარაზიტებზე მოქმედებს განვითარების ადრეულ ფაზაში და მათ მომწიფებულ ფორმებზე, არ მოქმედებს მათ მატლებზე ქსოვილებში მათი მიგრაციის დროს.

პირანტელი მოქმედებს შემდეგ ნემატოდებზე:

Enterobius vermicularis, Ascaris lumbricoides, Ancylostoma duodenale და Necator americanus, Trichostrongulus colubriformis, Trichostrongulus orientalis.

ფარმაკოკინეტიკა:

შეწოვა: პირანტელი ძალიან ძნელად შეიწოვება საჭმლის მომნელებელი ტრაქტიდან. სისხლის პლაზმაში პრეპარატის კონცენტრაცია ერთჯერადი დოზის – სხეულის წონის 10 მგ/კგ, პერორალური მიღების შემდეგ შეადგენს 0.005-0.13 მკგ/მლ 1-3 საათის განმავლობაში.

განაწილება: მონაცემები პრეპარატის პლაცენტაში და დედის რძეში შეღწევის შესახებ არ არსებობს. ისევე როგორც ორგანიზმის ქსოვილებსა და სითხეში პრეპარატის განაწილების შესახებ (თეორიულად პრეპარატის რეზორბცია მინიმალურია).

მეტაბოლიზმი: საჭმლის მომნელებელი ტრაქტიდან რეზორბირებული პრეპარატის მინიმალური რაოდენობა ნაწილობრივ მეტაბოლიზირდება ღვიძლში N-მეთილ-1.3-პროპანდიამინამდე.

გამოყოფა: პრეპარატის პერორალური დოზის დაახლოებით 50% უცვლელი სახით გამოიყოფა განავალთან ერთად და არა უმეტეს 7% უცვლელი სახით შარდთან ერთად, ან მეტაბოლიტის N-მეთილ -1.3-პროპანდიამინის ფორმით.

ჩვენებები:

• ასკარიდოზი;
• ეტერობიოზი;
• ანკილოსტომიდოზი.

მიღების წესი და დოზირება:

პრეპარატი მიიღება შიგნით ჭამის დროს ან ჭამის შემდეგ, ტაბლეტის დაღეჭვით, 1 ჭიქა წყალის მიყოლებით.

ავადმყოფის ასაკისა და წონის მიხედვით რეკომენდებულია შემდეგი დოზირება:

იმ შემთხვევაში, როდესაც აღინიშნება  ადამიანის მხოლოდ  ნემატოდით დაავადება, პირანტელის გამოყენება შეიძლება უმცირესი დოზით, ე.ი. ერთ მიღებაზე 5 მგ მოქმედი ნივთიერება სხეულის წონის 1 კგ-ზე.

ასკარიდოზისა და ენტერობიოზის შემთხვევაში, ასევე ამ პარაზიტებით შერეული ინვაზიებისას, დოზა, განკუთვნილი მთელი კურსისათვის (სხეულის წონის 10 მგ/კგ) ერთჯერადად გამოიყენება. ანკილოსტომიდოზის დროს დღე-ღამის დოზას (სხეულის წონის 10 მგ/კგ) იღებენ 3 დღის განმავლობაში.

Necator americanus მასიური ინვაზიებისას რეკომენდებულია დოზა სხეულის წონის 20 მგ/კგ 2 დღის განმავლობაში.

შენიშვნა:

– ენტერობიოზის მკურნალობისას მთელი ოჯახი ერთდროულად უნდა მკურნალობდეს;

– ჰიგიენის დაცვა აუცილებელია;

– პრეპარატით, პირანტელი, მკურნალობიდან 14 დღის შემდეგ უნდა ჩატარდეს საკონტროლო პარაზიტოლოგიური გამოკვლევები.

გვერდითი მოვლენები:

გვერდითი მოვლენები იშვიათად ვლინდება, ისინი ხანმოკლეა და მკურნალობის დასრულების შემდეგ ქრება.

არასასურველ მოქმედებათა უმრავლესობა საჭმლის მომნელებელი ტრაქტის მხრივ ვლინდება: ღებინება, გულისრევა, უმადობა, დიარეა, კუჭის ტკივილები და სპაზმები.

იშვიათად: თავის ტკივილი, თავბრუსხვევა, ძილიანობა, უძილობა, სისუსტე, გამონაყარი, მაღალი სიცხე და ამინოტრასფერაზების აქტიურობის გარდამავალი მატება.

უკუჩვენებები:

* ჰიპერმგრძნობელობა პრეპარატის მიმართ, მიასთენია (მკურნალობის პერიოდი).

* სიფრთხილით: ორსულობა, ლაქტაციის პერიოდი, თირკმლის უკმარისობა, ბავშვთა ასაკი 6 თვემდე.

ორსულობა და ლაქტაცია:

ცხოველებზე კვლევების დროს ნაყოფზე პირანტელის მავნე ზემოქმედება არ გამოვლინდა.

ორსულ ქალებში პრეპარატის გამოყენების კონტროლირებადი კვლევები არ ჩატარებულა, ამიტომ პრეპარატი მხოლოდ აუცილებლობის შემთხვევაში უნდა იქნას გამოყენებული.

ლაქტაცია: მონაცემები პრეპარატის მეძუძურ დედებში გამოყენების უსაფრთხოების შესახებ არ არსებობს. ბავშვის ძუძუთი კვების პერიოდში პრეპარატი მხოლოდ აუცილებლობის შემთხვევაში უნდა იქნას გამოყენებული.

ჭარბი დოზირება:

ჭარბი დოზის შემთხვევები აღწერილი არ არის. ჭარბი დოზის შემთხვევაში გამოყენებული უნდა იქნეს სიმპტომატური მკურნალობა.

სხვა წამლებთან ურთიერთქმედება:

– პირანტელის გამოყენება პიპერაზინთან ერთად არ შეიძლება. ეს საშუალებები ანტაგონისტურად მოქმედებენ.

– პირანტელი ზრდის თეოფილინის კონცენტრაციას პლაზმაში.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისთვის მიუწვდომელ ადგილას.

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

PYRANTEL

მწარმოებელი: Medana Pharma S.A.. პოლონეთი

მოქმედი ნივთიერება: პირანტელი

კლინიკურ-ფარმაკოლოგიური ჯგუფი:

ანტიჰელმინთური საშუალება.

შემადგენლობა და გამოშვების ფორმა:

სუსპენზია პერორალური მიღებისათვის: ფლაკონში 15 მლ

5 მლ

პირანტელი ……………..    250 მგ

დამხმარე ნივთიერებები:

ნატრიუმის ბენზოატი – 0.045 გ(E211), კარბოქსიმეთილცელულოზას ნატრიუმის მარილი, სორბიტოლი 70% – 10.8135 გ(E420), გლიცერინი – 0.9105 გ, მაგნიუმ-ალუმინის სილიკატი, პოლისორბიტი 80-0.03 გ, პოლოვიდონი, გარგარის არომატი, ანტიფოამი, ლიმონმჟავა, ნატრიუმის ჰიდროქსიდი, გასუფთავებული წყალი 15 მლ-მდე.

ფარმაკოლოგიური თვისებები:

პირანტელი წარმოადგენს მრგვალი ჭიების სამკურნალო საშუალებას. იგი მოქმედებს ნაწლავის ნემატოდების კუნთებზე მათი ნერვ-კუნთოვანი აპარატის დეპოლარიზაციის გზით და ქოლინესთერაზას მოქმედების ბლოკირებით.

ჩვენებები:

• ენტერობიოზი;
• ასკარიდოზი;
• ანკილოსტომიდოზი;
• ნეკატოროზი.

მიღების წესი და დოზირება:

პრეპარატი გამოიყენება ჭამის  წინ ან მის შემდეგ.

ენტერობიოზის და ასკარიდოზის სამკურნალოდ პრეპარატი გამოიყენება დოზით 10 მგ/კგ სხეულის წონაზე ერთჯერადად.

ანკილოსტომიდოზის დროს მკურნალბა ხანგრძლივია: 10 მგ/კგ სხეულის წონაზე დღე-ღამეში 3 დღის განმავლობაში ან 20 მგ/კგ სხეულის წონაზე დღე-ღამეში 2 დღის განმავლობაში.

პრეპარატის გამოყენებიდან 14 დღის შემდეგ აუცილებელი საკონტროლო პარაზიტოლოგიური კვლევის ჩატარება.

გვერდითი მოვლენები:

იშვიათად აღინიშნება გულისრევა, ღებინება, მადის დაქვეითება, მუცლის არეში ტკივილი, ფაღარათი, კანზე ალერგიული რეაქციები, თავის ტკივილი, თავბრუსხვევა, ღვიძლის ენზიმების კონცენტრაციის მომატება.

უკუჩვენებები:

* პრეპარატის შემადგენლობაში შემავალი კომპონენტებისადმი მომატებული მგრძნობელობა.

* მიასთენიის მკურნალობის პროცესში პირანტელის გამოყენება არ არის რეკომენდებული.

განსაკუთრებული მითითებები:

♦ ორსულობისა და ლაქტაციის პერიოდში პრეპარატის გამოყენება არ არის რეკომენდებული.

♦ პრეპარატი სიფრთხილით ინიშნება 2 წლამდე ასაკის ბავშვებში, აგრეთვე ღვიძლის ფუნქციის დარღვევისას.

ჭარბი დოზირება:

აღინიშნება გულისრევა, ღებინება, მადის დაქვეითება, მუცლის არეში ტკივილი, ფაღარათი, კანზე ალეგიული რეაქციები, თავის ტკივილი, თავბრუსხვევა, ღვიძლის ენზიმების კონცენტრაციის მატება.

მკურნალობა: რეკომენდებულია კუჭის ამორეცხვა და საფაღარათო საშუალებების გამოყენება.

სხვა წამლებთან ურთიერთქმედება:

– თეოფილინისა და პირანტელის ერთდროული გამოყენებისას მოსალოდნელია სისხლში თეოფილინის კონცენტრაცის მომატება.

– პიპერაზინის და პირანტელის ერთდროული გამოყენებისას მოსალოდნელია ამ უკანასკნელის მოქმედების შებოჭვა.

შენახვის პირობები:

პრეპარატი ინახება 15-25⁰C ტემპერატურაზე, ბნელ, ბავშვებისაგან დაცულ ადგილას.

ფარმაკოლოგიური თვისებები

სინთეზური II რიგის ანტიტუბერკულოზური საშუალება. მოქმედების მექანიზმი ზუსტად არაა დადგენილი. ბაქტერიოსტატიკური ან ბაქტერიოციდული მოქმედება მის კონცენტრაციასა და მიკროორგანიზმების მგრძნობელობაზეა დამოკიდებული. კარგად შეღწევადია ტუბერკულოზურ კერებში.

ფარმაკოკინეტიკა

პერორალურად მიღებული პირაზინამიდი სწრაფად შეიწოვება კუჭ-ნაწლავის არხში. სისხლში მაქსიმალური კონცენტრაცია 2 საათში აღინიშნება და დაახლოებით 35 მკგ/მლ შეადგენს 1.5 გ დოზით მისი მიღების შემთხვევაში, და 66 მკგ/მლ – 2 გ მიღების შემთხვევაში. ქსოვილებსა და ორგანიზმის სითხეებში განაწილება ფართოა, ჰემატოენცეფალური ბარიერი პირაზინამიდისათვის შეღწევადია.

გარდაიქმნება უპირატესად ღვიძლში ჰიდროლიზის მეშვეობით, რის შედეგადაც ძირითადი მეტაბოლიტი პირაზინომჟავა წარმოიქმნება; ამ უკანასკნელთან ჰიდროქსილის მიერთებით საბოლოოდ 5-ჰიდროქსიპირაზინომჟავა მიიღება. პლაზმაში ელიმინაციის ნახევარპერიოდი დაახლოებით 9-10 სთ-ის ტოლია.

ორგანიზმიდან ძირითადად თირკმელებით გამოიყოფა გორგლებში ფილტრაციის მეშვეობით; შარდში 24 სთ-ის განმავლობაში დაახლოებით 70% დადგენაა შესაძლებელი უპირატესად მეტაბოლების ფორმით; პირაზინამიდის 4-14% უცვლელად გამოიყოფა.

ჩვენებები

• ტუბერკულოზი (კომბინირებული თერაპია).

დოზირების რეჟიმი

ზრდასრულებსა და ბავშვებში შიგნით მისაღები დოზებია 12-25 მგ/კგ დღეში 1-ჯერ ან 50-70 მგ/კგ 2-3-ჯერ კვირაში.

მაქსიმალური დოზები: ზრდასრულებსა და ბავშვებში სადღეღამისო დოზაა 2 გ ერთჯერ დღეში, ან 3 გ კვირაში სამჯერ, ან 4 გ კვირაში ორჯერ.

გვერდითი მოვლენები

მომნელებელ სისტემაში: ღვიძლის ფუნქციური მოშლილობა, გულისრევა, ღებინება, ფაღარათი.

ალერგიული რეაქციები: კანზე გამონაყარი, ქავილი, ართრალგია.

სხვა: ჰიპერურიკემია, პოდაგრის გამწვავება;

იშვიათად – ფოტოსენსიბილიზაცია.

უკუჩვენებები

* ღვიძლის ფუნქციური დარღვევები;

* ჭარბი მგრძნობელობა პირაზინამიდისადმი.

ორსულობა და ლაქტაცია

პირაზინამიდის უვნებელობა ორსულობისა და ლაქტაციის პერიოდში ადექვატურად არაა შესწავლილი და საბოლოოდ არ არის დადგენილი.

ამის მიუხედავად, თუ იზონიაზიდის, რიფამპიცინის და ეტამბუტოლის მიმართ რეზისტენტობა განვითარდა, შეიძლება დადგეს საკითხი ორსულისთვის პირაზინამიდის დანიშვნის შესახებ.

დედის რძეში პირაზინამიდი უმნიშვნელო რაოდენობით გამოიყოფა.

განსაკუთრებული მითითებები

♦ მონოთერაპიის პირობებში მიკობაქტერიების მდგრადობა სწრფად ვითარდება. ამის გამო პირაზინამიდი ჩვეულებრივად სხვა ანტიტუბერკულოზურ პრეპარატებთან კომბინაციაში უნდა იქნეს გამოყენებული.

♦ პირაზინამიდი ორგანიზმიდან დიალიზით გამოდევნას ექვემდებარება.

♦ ხანგრძლივი მიღების პირობებში მიზანშეწონილი 1-ჯერ თვეში ღვიძლის ტრანსამინაზების აქტივობის გაკონტროლება და შარდმჟავას განსაზღვრა სისხლში.

სხვა წამლებთან ურთიერთქმედება

– პირაზინამიდი აქვეითებს ციკლოსპორინის კონცენტრაციას სისხლში.

– შარდმჟავას კონცენტრაცია სისხლში პირაზინამიდის გავლენით იზრდება. ამიტომ პოდაგრის საწინააღმდეგო პრეპარატებთან ერთდროული მიღების შემთხვევაში მათი ეფექტურობა მცირდება (ალოპურინოლი, სულფინპირაზონი).

საერთაშორისო დასახელება:

PYRAZINAMIDE

მწარმოებელი: KRKA

მოქმედი ნივთიერება: პირაზინამიდი

კლინიკურ-ფარმაკოლოგიური ჯგუფი:

ანტიტუბერკულოზური საშუალება

შემადგენლობა და გამოშვების ფორმა:

ტაბლეტები: შეფუთვაში 100 ც.

1 ტაბ.

პირაზინამიდი …………  500 მგ

ვრცლად პირაზინამიდი

საერთაშორისო დასახელება:

PROMETHAZINE

მწარმოებელი: EGIS PHARMACEUTICALS PLC, უნგრეთი

მოქმედი ნივთიერება: პრომეთაზინი

კლინიკურ-ფარმაკოლოგიური ჯგუფი:

H₁-ჰისტამინური რეცეპტორების ბლოკატორი.

შემადგენლობა და გამოშვების ფორმა:

დრაჟე: შეფუთვაში 20 ც.

1 დრაჟე

პრომეთაზინის ჰიდროქლორიდი ……… 25 მგ

დამხმარე ნივთიერებები:

სტეარინის მჟავა, მაგნიუმის სტეარატი, ჟელატინი, ტალკი, სახამებელი, ლაქტოზა, საღებავი არიავიტი ლურჯი, გლიცერინი, ტიტანი ორჟანგი, მაკროგოლი, საქაროზა.

საინექციო ხსნარი: ამპულაში 2 მლ, შეფუთვაში 10 ც.

1 მლ 1 ამპე.

პრომეთაზინის ჰიდროქლორიდი ……..  25 მგ 50 მგ

დამხმარე ნივთიერებები:

პრომეთაზინის ხსნარი, ჰიდროქინონი, კალიუმის მეტაბილსულფიტი, ნატრიუმის სულფიტი, ნატრიუმის ქლორიდი, საინექციო წყალი.

ფარმაკოლოგიური თვისებები:

ფენოთიაზინის წარმოებულ – პიპოლფენს გააჩნია ანტიჰისტამინური, სედატიური, ანტიემეტური ალფა-ადრენომაბლოკირებელი და ანტიქოლინერგული ეფექტი. იგი აბლოკირებს ჰისტამინურ H₁-რეცეპტორებს.

პრეპარატი აძლიერებს ტკივილგამაყუჩებელი, საძილე, ცნს-ის დამთრგუნველი საშუალებების მოქმედებას, როგორიცაა ზოგადი საანესთეზიო საშუალებები, ბარბიტურატები და სხვა, აქვეითებს სხეულის ტემპერატურას.

ჩვენებები:

• ნებისმიერი წარმოშობის ალერგიული მდგომარეობის სიმპტომური მკურნალობა (მაგალითად რინიტი, კონიუნქტივიტი, ჭინჭრის ციება, ანგიონევროზული შეშუპება და დერმოგრაფიზმი);
• ანაფილაქსიური რეაქციების ადიუვანტური თერაპია: მწვავე სიმპტომების სხვა პრეპარატებით საწყისი მკურნალობის შემდეგ, მაგალითად, ადრენალინით;
• პრეპარატის მიღება შეიძლება სედატიური საშუალების სახით ოპერაციის წინ და მის შემდეგ და ასევე მეანობაში სედატიური ეფექტის მისაღწევად;
• ანესთეზიოლოგია და ქირურგია: ანესთეზიასთან დაკავშირებული ან ოპერაციის შემდგომ პერიოდში განვითარებული გულისრევისა და ღებინების პროფილაქტიკა და მკურნალობა;
• ნარკოზის პოტენცირება: ნარკოტიკებსა და ანალგეზიურ საშუალებებთან ერთად გამოყენებისას;
• ოპერაციის შემდეგ ანალგეზიურ საშუალებებთან ერთად გამოყენებისას პრეპარატი ავლენს დადებით ეფექტს ტკივილის მოსახსნელად;
• კინეტოზების პროფილაქტიკა და მკურნალობა: ტრანსპორტით მგზავრობის დროს თავბრუსხვევისა და “მოძრაობის დაავადების” პროფილაქიტა და/ან მკურნალობა.

მიღების წესი და დოზირება:

დრაჟე

ჩვეულებრივი დოზები მოზრდილთათვის:

ალერგიის დროს: შეიძლება დაინიშნოს 12.5 მგ 3-4-ჯერ დღეში ან 25 მგ საღამოს.

ინიშნება უმცირესი ეფექტური დოზა.

გულისრევისა და ღებინების პროფილაქტიკისათვის: ჩვეულებრივ, ეფექტურია ერთჯერადი დოზა 25 მგ, აუცილებლობის შემთხვევაში შეიძლება 12.5-25 მგ-ის მიღება ყოველ 4-6 საათში.

მგზავრობის დროს გულისრევისა და „მოძრაობითი დაავადების“ პროფილაქტისა და მკურნალობისათვის: ჩვეულებრივი დოზა შეადგენს 25 მგ-ს 2-ჯერ დღეში, რომლის მიღება რეკომენდებულია მგზავრობამდე 30 წუთით – 1 საათით ადრე, რის შემდეგ აუცილებლობის შემთხვევაში შეიძლება დოზის განმეორება 8-12 საათში.

პრომეთაზინის მაქსიმალური სადღეღამისო დოზა მოზრდილთათვის შეადგენს 150 მგ-ს.

ბავშვებში: მისი პერორალური მიღება რეკომენდებულია ბავშვებისათვის მხოლოდ 6 წლის ზემოთ ასაკში. აუცილებლობის შემთხვევაში, ბავშვებს 4-16 წლის ასაკში შეიძლება დაენიშნოთ 25 მგ 3-4-ჯერ დღეში.

საინექციო ხსნარი

– საინექციო ხსნარი შეჰყავთ ინტრამუსკულურად პაციენტებში ზემოთ ჩამოთვლილი ჩვენებებით, რომლებსაც არ შეუძლიათ პიპოლფენის პერორალური მიღება:

– ანაფილაქსიური რეაქციების ადიუვანტური თერაპიისათვის;

– ქირურგიული ოპერაციების წინ და შემდეგ სედატიური ეფექტის მისაღწევად;

– მეანობაში სედატიური ეფექტის მისაღწევად და ასევე ანალგეტიკებისა და ნარკოტიკების ეფექტების პოტენცირებისათვის.

ინტრავენურად პრეპარატი (0.15-0.30 მგ/კგ სხეულის წონაზე) უნდა გამოიყენებოდეს:

– ქირურგიული ჩარევის სპეციალური სახეების დროს ნარკოზისა და ანალგეზიის ინდუქციისათვის, როგორიცაა, მაგალითად: განმეორებითი ბრონქოსკოპია და ოფთალმოლოგიური ოპერაციები.

ჩვეულებრივი დოზები მოზრდილთათვის:

ალერგიის დროს: შეიძლება დაინიშნოს 12.5 მგ 3-4-ჯერ დღეში ან 25 მგ საღამოს. ინიშნება უმცირესი ეფექტური დოზა.

გულისრევისა და ღებინების პროფილაქტიკისათვის: ჩვეულებრივ, ეფექტურია ერთჯერადი დოზა 15 მგ, პერორალურად მიღების აუტანლობისას. აუცილებლობის შემთხვევაში შეიძლება 12.5-25 მგ შეყვანა ყოველ 4-6 საათში.

მგზავრობის დროს გულისრევისა და „მოძრაობითი დაავადებები“ პროფილაქტისა და მკურნალობისათვის: ჩვეულებრივი დოზა შეადგენს 25 მგ-ს 2-ჯერ დღეში. ამ დოზის მიღება რეკომენდებულია მგზავრობამდე 1/2-1 საათით ადრე, რის შემდეგ აუცილებლობის შემთხვევაში შეიძლება დოზის განმეორება 8-12 საათში.

ქირურგიული ოპერაციების წინ და შემდეგ სედატიური ეფექტის მისაღწევად, მეანობაში სედატიური ეფექტის მისაღწევად და, ასევე, ნარკოტიკებისა და ანალგეტიკების ეფექტის პოტენცირებისათვის: ოპერაციამდე 2.5 საათით ადრე შეიძლება კოქტეილის მიღება 50 მგ პიპოლფენის შემცველობით. აუცილებლობის შემთხვევაში ეს დოზა შეიძლება 1 საათში განმეორდეს.

პრომეთაზინის მაქსიმალური სადღეღამისო დოზა მოზრდილთათვის შეადგენს 150 მგ-ს.

ბავშვებში:

! არ არის რეკომენდებული ბავშვებისათვის 2 თვის ასაკამდე.

2 თვეზე უფროსი ასაკის ბავშვებს შეიძლება ინტრავენურად დაენიშნოთ 0.5-1 მგ/კგ სხეულის წონაზე 3-5-ჯერ დღეში. მძიმე შემთხვევებში შეიძლება ერთჯერადი დოზის გაზრდა 1-2 მგ/კგ სხეულის წონაზე ინტრავენურად.

პიპოლფენის ძალიან ძლიერი ან ძალიან სუსტი ეფექტის შემთხვევაში, საჭიროა ექიმის ან ფარმაცევტის ინფორმირება.

გვერდითი მოვლენები:

პიპოლფენის მიღების დროს შეიძლება აღინიშნებოდეს ნებისმიერი ქვემოთ ჩამოთვლილი მოვლენა:

ნევროლოგიური: სედატიური ეფექტი, ძილიანობა, მხედველობის სიმახვილის დარღვევა, პირის სიმშრალე, თავბრუსხვევა, გონების დაბინდვა, დეზორიენტაცია და, ასევე, ძირითადად მაღალი დოზების მიღების ან პარენტერული შეყვანის შემდეგ – ექსპტრაპირამიდული სიმპტომები (ოკულოგირული კრიზი, კისერმრუდობა, ენის გამოვარდნა);

გულ-სისხლძარღვთა სისტემის მხრივ: შესაძლებელია არტერიული წნევის დაქვეითება;

კუჭ-ნაწლავის ტრაქტის მხრივ: გულისრევა, ღებინება, ყაბზობა, პირის სიმშრალე;

სისხლმბადი სისტემის მხრივ: იშვიათად აღინიშნება თრომბოციტოპენია და/ან ლეიკოპენია;

სხვა: გამონაყარი კანზე და/ან ფოტოსენსიბილიზაცია.

უკუჩვენებები:

* ალერგია, რომელიმე ზემოთ ჩამოთვლილი კომპონენტის მიმართ;

* ანტიდეპრესანტების მიღებისას მონოამინოქსიდაზის (მაო ინჰიბიტორების ჯგუფიდან;

* ღვიძლის დაავადების დროს;

* ორსულობის, მისი დაგეგმვის ან ბავშვის ძუძუთი კვების დროს.

* პრეპარატის გამოყენება დაუშვებელია უგონოდ მყოფ ავადმყოფებში ან ალკოჰოლური სიმთვრალის დროს!

* იგი არ ენიშნებათ ბავშვებს 6 წლამდე!

ორსულობა და ლაქტაცია:

* პიპოლფენის გამოყენებაზე კონტროლირებადი კვლევების არ არსებობის გამო იგი არ არის რეკომენდებული ორსულობისა და ძუძუთი კვების დროს.

განსაკუთრებული მითითებები:

♦ უკიდურესი სიფრთხილეა აუცილებელი ხანდაზმულ პაციენტებში პრეპარატის გამოყენების დროს (განსაკუთრებით მაღალი დოზებით) მძიმე არასასურველი ეფექტების განვითარების მომატებული რისკის გამო;

♦  ბავშვებში პიპოლფენის გამოყენება საჭიროა სიფრთხილით, სანამ არ არის გარკვეული დაავადების ზუსტი დიაგნოზი. არადიაგნოსტირებული ენცეფალოპათიის სიმპტომები და რეის სინდრომი შეიძლება შეცდომით იყოს შეფასებული, როგორც პრეპარატ პიპოლფენის გვერდითი ეფექტების გამოვლენა;

♦  განსაკუთრებული სიფრთხილე უნდა იყოს დაცული პრეპარატის დანიშვნის დროს გულსისხლძარღვთა სისტემისა და ღვიძლის დაავადებების მქონე პაციენტებში;

♦  პრომეთაზინს შეუძლია შეგუბებითი სიყვითლის გამოწვევა (ძირითადად, პარენტერული შეყვანის შემდეგ);

♦  პრეპარატი ამცირებს კრუნჩხვითი მზაობის ზღურბლს. ეს უნდა იყოს გათვალისწინებული იმ ავადმყოფების მკურნალობისას, რომლებსაც გააჩნიათ კრუნჩხვებისადმი მიდრეკილება ან რომლებიც პრომეთაზინთან ერთად იღებენ ანალოგიური მოქმედების სხვა პრეპარატებს;

♦  პრომეთაზინის ანტიქოლინერგული მოქმედების შედეგად შეიძლება გართულდეს ზოგიერთი დაავადების მიმდინარეობა (დახურულკუთხოვანი გლაუკომა, კუჭის სტენოზირებადი წყლული, შარდის ბუშტის ყელის სტენოზი და/ან წინამდებარე ჯირკვლის ჰიპერტროფია). ამ პრეპარატის დანიშვნის დროს განსაკუთრებული სიფრთხილე მართებთ ავადმყოფებს აღნიშნული დაავადებებით;

♦  პრეპარატი სიფრთხილით უნდა დაინიშნოს ასთმისა ან სასუნთქი ორგანოების მძიმე დაავადებებისას;

♦  მკურნალობის დროს აკრძალულია ალკოჰოლის მიღება;

♦  პრომეთაზინის მიღების დროს შესაძლოა დიაგნოსტიკური ალერგიული ტესტებისა და ორსულობაზე ტესტების მცდარი უარყოფითი, ან მცდარი დადებითი შედეგები.

ჭარბი დოზირება:

სიმპტომები: ძილიანობა, დეზორიენტაცია, ორთოსტატული ჰიპოტენზია, კოლაფსი, ექსტრაპირამიდული სიმპტომები, კრუნჩხვები, სუნთქვის გაძნელება და კომა.

მკურნალობა: ანტიდოტის არ არსებობის გამო ინიშნება სიმპტომური და შემანარჩუნებელი თერაპია. შეიძლება აქტივირებული ნახშირის მიცემა და/ან კუჭის ამორეცხვა, გამოხატული ჰიპოტენზის სამკურნალოდ გამოიყენება ნორადრენილინი ან ფენილეფრინი.

ადრენალინს შეუძლია ჰიპოტენზიის გამაძლიერებელი პარადოქსული ეფექტის გამოწვევა.

კრუნჩხვები უნდა მოიხსნას ბენზოდიაზეპინების შეყვანით.

დიალიზი უსარგებლოა.

სხვა წამლებთან ურთიერთქმედება:

– სედატიური საშუალებები, ნარკოტიკები, საძილე საშუალებები, ტრიციკლური ანტიდეპრესანტები და ტრანკვილიზატორები აძლიერებენ პიპოლფენის დამთრგუნველ ეფექტს ცნს-ზე. ამიტომ რეკომენდებულია ამ პრეპარატების დოზის შემცირება.

– პიპოლფენი აძლიერებს ანტიქოლინერგული პრეპარატების მოქმედებას.

– ადრენალინთან ერთდროულად შეყვანის დროს შეიძლება განვითარდეს პარადოქსული ჰიპოტენზია და ტაქიკარდია (პრომეთაზინი ახდენს ალფა-ადრენორეცეპტორების ბლოკირებას, რის გამოც ასუსტებს ადრენალინის პრესორულ ეფექტს).

– ანტიჰიპერტენზიული საშუალებები (პიპოლფენი აძლიერებს მათ მოქმედებას).

– პრეპარატები, რომლებიც იწვევენ ექსტრაპირამიდულ სიმპტომებს (პიპოლფენი ზრდის ცნს-ის მხრივ გვერდითი მოვლენების განვითარების რისკს).

შენახვის პირობები:

პრეპარატი ინახება 15-25⁰C ტემპერატურაზე, სინათლისა და ბავშვებისათვის მიუწვდომელ ადგილას.

ვარგისიანობის ვადა: მითითებულია კოლოფზე.

აფთიაქიდან გაცემის პირობები:

პრეპარატი გაიცემა ექიმის რეცეპტით.

ფარმაკოლოგიური თვისებები

არამადეპოლარიზებელი მიორელაქსანტი. აბლოკირებს ჩონჩხის კუნთების ნ-ქოლინორეცეპტორებს აცეტილქოლინის მედიატორის საწინააღმდეგო მოქმედებით. მაღალ დოზებში პრეპარატს გააჩნია განგლიომაბლოკირებელი აქტივობა.

ფარმაკოკინეტიკა

პიპეკურონიის ბრომიდი უცვლელი სახით გამოიყოფა ძირითადად თირკმელებით. ნახევარ გამოყოფის პერიოდი 44 -138  წთ-ია.  უმნიშვნელო რაოდენობით გადის პლაცენტარულ ბარიერს.

ჩვენებები

• ფილტვის ხელოვნური ვენტილაციისა და საოპერაციო ანესთეზიის დროს ენდოტრაქეალური ინტუბაციისას ჩონჩხის კუნთების რელაქსაციისათვის.

დოზირების რეჟიმი

მოზრდილებში: შეყვანის წინ მშრალ ნივთიერებას ხსნიან გამხსნელში. მიღებული ხსნარი შეჰყავთ ი/ვ. სრული რელაქსაციისათვის საკმარისია საშუალოდ 8-9 მკგ/კგ. განმეორებითი შეყვანა ხდება 1-15 მკგ/კგ დოზით. სუკცინილქოლინის ფონზე ჩატარებული ინტუბაციისას საწყისი დოზა შეადგენს 4-5 მკგ/კგ. თირკმლის ფუნქციის დარღვევის მქონე პაციენტებში დოზამ არ უნდა გადააჭარბოს 4 მკგ/კგ.

ბავშვები და ახალშობილები: ნარკოზის დროს პრეპარატის დიაზეპამთან, კეტამინთან, ფენტანილთან, აზოტის ოქსიდთან კომბინაციაში მისი დოზა შეადგენს 9-10 მკგ/კგ. განმეორებითი შეყვანისას ინიშნება საწყისი დოზის 1/38. ახალშობილთათვის რეკომენდირებულია 5-6 მკგ/კგ.

გვერდითი მოვლენები

გულ–სისხლძარღვთა სისტემის მხრივ: ბრადიკარდია, არტერიული წნევის დაქვეითება.

სისხლწარმომქმნელი სისტემის მხრივ: შესაძლებელია პარციალური თრომბოპლასტინური და პროთრომბინული დროის შემცირება.

ალერგიული რეაქციები: ანაფილაქსიური რეაქცია, იშვიათად გვხვდება: კუნთოვანი სისუსტე, ჰიპოპნოე, აპნოე.

მკურნალობა: ნეოსტიგმინი 1-3 მგ ატროპინთან 0.5-1.25 მგ. ან გალანტამინთან 1-3 მგ კომბინაციაში. იმავდროულად საჭიროა ფილტვების ხელოვნური ვენტილაციის ჩატარება.

უკუჩვენებები

* მიასთენიის მძიმე ფორმა;

* ზემგრძნობელობა პრეპარატის მიმართ.

განსაკუთრებული მითითებები

პიპეკურონიის ბრომიდი გამოიყენება მხოლოდ სტაციონალურ პირობებში ენდოტრაქეალური ინტუბაციისათვის შესაბამისი აპარატურის, ხელოვნური სუნთქვის, ოქსიგენოთერაპიის, ასევე სპეციფიკური ანტიდოტების არსებობის პირობებში. შესაძლო პრეციპიტაციის გამო პრეპარატს არ ურევენ სხვა ხსნარებთან.  გამონაკლისს წარმოადგენს: ფიზიოლოგიური ხსნარი, იზოტონური გლუკოზის ხსნარი, რინგერის ხსნარი, 5%-იანი ნატრიუმის ქლორიდისა და გლუკოზის ხსნარები.

კუნთების ეფექტური რელაქსაცია გრძელდება 5-8 წთ.  ეფექტის შემდგომი გაგრძელებისათვის განმეორებით შეყავთ საწყისი დოზის 15%. პაციენტებს ნეირო-კუნთოვანი გადაცემის დარღვევით, სიმსუქნით, თირკმლის უკმარისობით, ღვიძლისა და სანაღვლე პათოლოგიით, პოლიომიელიტით პრეპარატი ენიშნებათ  ნაკლები დოზით. ზოგიერთმა მდგომარეობამ (ჰიპოკალიემია, დიგიტალიზაცია, ჰიპერმაგნიემია, ჰიპოკალციემია, ჰიპერკაპნია, კახექსია, ჰიპოთერმია) შესაძლოა გააძლიეროს არდუანის ეფექტი.

მკურნალობის დაწყებამდე საჭიროა წყალ-მარილოვანი ცვლის მოწესრიგება.

ორსულობა და ლაქტაცია

ორსულებში რომლებიც ტოქსიკოზის სამკურნალოდ იყენებენ მაგნიუმის მარილებს შეუძლიათ ნეიროკუნთოვანი ბლოკადის პოტენცირება, არდუანი ენიშნებათ შემცირებული დოზით.

სხვა წამლებთან ურთიერთქმედება

– პიპეკურონიის ბრომიდის ეფექტის გაძლიერება და/ან პროლონგირება შეუძლია: ინჰალაციურ სანარკოზო საშუალებებს (ჰალოტანი, მეტოოქსიფლურანი, დიეთილის ეთერი), ი/ვ/ სანარკოზო საშუალებებს (კეტამინი, ფენტანილი, პროპანიდიდი, ბარბიტურატები, სუკცინილქლორიდი) და სხვა არამადეპოლარიზებელ მიორელაქსანტებს.

– ზოგიერთ ანტიბიოტიკს (ამინოგლიკოზიდები, ტეტრაციკლინები), იმიდაზოლს, მეტრონიდაზოლს, დიურეზულ საშუალებებს, ბეტა-ადრენობლოკატორებს, თიამინს, მაო-ს ინჰიბიტორებს, გუანიდინს, პროტამინს, ფენითიონს, ალფა-ადრენობლოკატორებს, კალციუმის ანტაგონისტებს, ლიდოკაინს ი/ვ შეყვანისას.

– ოპერაციამდე C-ების, ნეოსტიგმინის, ნორადრენალინის, თეოფილინის, კალიუმის ქლორიდის, ნატრიუმის ქლორიდის, კალციუმის ქლორიდის შეყვანისას არდუანის ეფექტი მცირდება.

– მადეპოლარიზებელმა მიორელაქსანტებმა შესაძლოა შეასუსტონ ან პირიქით გააძლიერონ პრეპარატის ეფექტი. ეს დამოკიდებულია პრეპარატის შეყვანის დროზე, დოზაზე პრეპარატის მიმართ ინდივიდუალურ მგრძნობელობაზე.

მწარმოებელი: SERUM-WERK BERNBURG, გერმანია

მოქმედი ნივთიერება: პიოლიზინი+თუთიის ჟანგი+სალიცილის მჟავა

კლინიკურ-ფარმაკოლოგიური ჯგუფი:

ანტიბაქტერიული პრეპარატი გარეგანი გამოყენებისათვის მოქმედების ფართო სპექტრით.

შემადგენლობა და გამოშვების ფორმა:

მალამო: ტუბში 30 გ

1 გ

პიოლიზინი (სტაფილოკოკების, სტრეპტოკოკების, Escherichia coli, Psevdomonas aeruginosa,Micrococcus-ovis Bouillon სტერილური ფილტრატი, რომელიც კონსერვირებულია 0.45% ფენოლთან) ………………            250 მგ

თუთიის ჟანგი …………………………..     69 მგ

სალიცილის მჟავა ………………………….   5 მგ

დამხმარე ნივთიერებები:

პარაფინი, სტეარილსტეარატი, თეთრი ვაზელინი, არომატული ნივთიერებები.

ფარმაკოლოგიურ თვისებები:

კომბინირებული პრეპარატი გარეგანი გამოყენებისათვის, ახდენს ანტიმიკრობულ, ანთების საწინააღმდეგო და იმუნომასტიმულირებელ მოქმედებას, აუმჯობესებს ქსოვილების რეგენერაციას.

ჩვენებები:

• პრეპარატი გამოიყენება აბსცესების, ნაწოლების, კანის დაჩირქების, ამპუტაციის შემდეგ ანთებების, საოფლე ჯირკვლების, ჯიბლიბოს, ფურუნკულების, ჰემოროიდული კვანძების გაღიზიანების, იმპეტიგოს, მასტიტების, ცხვირის ფურუნკულის, გარე ყურის ანთებების, პანარიციის, ჭრილობით გამოწვეული წითელი ქარის, ტერფის თითებშუა კანის დეფექტების, ქსოვილების ანთებების (ფლეგმონია), მეორადი ინფექციების შედეგად ეზემის, წვივის წყლულის, დამწვრობების, ვაგინიტების ჭრილობებით გამოწვეული ინფექციების სამკურნალოდ.

მიღების წესი და დოზირება:

მალამო დაზიანებულ სხეულის ზედაპირზე დაიტანება 1-3-ჯერ დღეში ან უფრო ხშირად ავადმყოფის მდგომარეობის მიხედვით.

მალამო გამოიყენება სახვევების და ტამპონების სახით.

უკუჩვენებები:

არ არის ცნობილი.

განსაკუთრებული მითითებები:

პრეპარატისა და ლატექსის შემცველი ჩასახვის საწინააღმდეგო მექანიკური საშუალებების ერთდროული გამოყენების დროს სიფრთხილეა საჭირო, ვინაიდან პრეპარატის შემადგენლობაში შემავალი დამხმარე საშუალებები, როგორიცაა პარაფინი, პარაფინის ზეთი და თეთრი ვაზელინი ლატექსთან შედიან რეაქციაში და შეუძლიათ იმოქმედონ კონდომის მთლიანობაზე და შესაბამისად მის უსაფრთხოებაზე.

შენახვის პირობები:

პრეპარატი ინახება ბავშვებისათვის მიუწვდომელ ადგილას.

ვარგისიანობის ვადა: 3 წელი.

შემადგენლობა:

პრეპარატი პიობაქტერიოფაგი წარმოადგენს სტაფილოკოკური , სტრეპტოკოკური , პათოგენური ნაწლავის ჩხირის ( სხვადასხვა სეროტიპის ), ფსევდომონა აეროგინოზას
(ლურჯმწვანე ჩირქმბადი ჩხირის) და პროტეუსის (მირაბილის და ვულგარის) ფაგოლიზატების სტერილურ ნარევს .

მოყვითალო ფერის გამჭვირვალე სითხეა. განისაზღვრება ვიზუალურად.

ფარმაკოლოგიური მოქმედება:

იწვევს Staphylococcus aureus, Streptococcus ( სხვადასხვა სახეობის ), Escherichia coli ( სხვადასხვა სეროტიპის ), Pseudomonas aeruginosa, Proteus vulgaris, mirabilis .

ბაქტერიების სპეციფიკურ ლიზისს .

ჩვენება:

პიობაქტერიოფაგი გამოიყენება სამკურნალო – პროფილაქტიკური მიზნით ზემოთ აღნიშნული მიკროორგანიზმებით გამოწვეულ ჩირქოვან – ანთებითი და ენტერალური   ინფექციების დროს .

• ცხვირ – ხახის   ინფექციური დაავადებები : შუა ყურის ანთება , ანგინა , ლარინგიტი , რინიტი , ტრაქეიტი , ბრონქიტი , პნეუმონია , პლევრიტი ;
• კანის ინფექციური დაავადებები : ფურუნკულოზი , კარბუნკულოზი , აბსცესები , ჰიდროადენიტები , ღრმა ინფილტრატული და აბსცესური სიკოზები , პიოდერმიტები ;
• ქირურგიული ინფექციები :   ჩირქოვანი ჭრილობები , მასტიტები ,   ოსტეომიელიტი , ფლეგმონი ;
• პირის ღრუს ანთებითი პროცესები ; სტომატიტი , გინგივიტი და სხვა .
• კონიუნქტივიტი ;
• დამწვრობის დროს განვითარებული მეორადი ინფექციები ;
• ურო – გენიტალური და გინეკოლოგიურ ინფექციები : ურეთრიტი , ცისტიტი , პიელონეფრიტი , კოლპიტი , ენდომეტრიტი ;
• ენტერალური ინფექციები : გასტროენტეროკოლიტი , ქოლეცისტიტი , დისბაქტერიოზი ;
• ბავშვთა ( მათ შორის ახალშობილთა ) სხვადასხვა ჩირქოვან ანთებითი ინფექციები ;
• სტაფილოკოკის , სტრეპტოკოკის , პათოგენური ნაწლავის ჩხირის ( სხვადასხვა სეროტიპის ) ფსევდომონა აეროგინოზას ( ლურჯმწვანე ჩირქმბადი ჩხირის ) და პროტეუსის მიერ გამოწვეული დაავადებები ;
• ოპერაციის შემდგომი გართულებებისა და საავადმყოფოსშიდა ინფექციების   პროფილაქტიკის მიზნით ;

გამოყენების წესი და დოზირება:

პიობაქტერიოფაგი გამოიყენება როგორც ადგილობრივად დაზიანებული კერის დასამუშავებლად, საფენების სახით, ასევე ღრუში შესაყვანად ( ღრუ ჭრილობები, მუცლის ღრუ, პლევრა, აბსცესის ღრუ, ცხვირის ღრუ, შარდის ბუშტი, საშვილოსნო, საშო ). პრეპარატი შესაძლებელია გამოყენებული იქნას დასალევად, ასევე ზონდისა და ოყნის სახით.

ფაგის   ადგილობრივი გამოყენება ხდება 3-5 დღის განმავლობაში დღეში სამჯერ. ფაგის რაოდენობა განისაზღვრება   დაზიანებული ადგილის ზომის მიხედვით. თუ ფაგის   გამოყებებამდე ჭრილობა დამუშავებული იყო სხვადასხვა ქიმიური ანტისეპტიკურებით, იგი უნდა გაიწმინდოს სტერილური ფიზიოლოგიური ხსნარით და დამუშავდეს 2-3% სოდიანი ხსნარით .

– აბსცესების , პლევრიტების და ართრიტების დროს ბაქტერიოფაგის შეყვანა ღრუში ხდება ჩირქის გამოდევნის შემდეგ 50-200 მლ . რაოდენობით, დღეგამოშვებით .

– ცისტიტების, პიელიტების დროს ფაგის შეყვანა ხდება კათეტერით.

– ქოლეცისტიტების დროს ზონდირებით 30 მლ. ოდენობით დღეგამოშვებით.

– კუჭ – ნაწლავის ოპერაციისა და პერიტონიტების დროს შეჰყავთ 100 მლ . ოდენობით , ხოლო ღრუში დატოვებული ზონდით ფაგი შეჰყავთ ღრუში ერთხელ 30 მლ . ოდენობით 3-4 დღის განმავლობაში .

– პიოდერმიტების ღრმა ფორმების მკურნალობისას ფაგს იყენებენ კანში ინექციის   სახით 0,1-0,5 მლ . რაოდენობით, სულ 10 ინექცია 24 საათში ერთხელ .

– კონიუქტივიტების დროს ბაქტერიოფაგს აწვეთებენ დღეში 4-6- ჯერ 2-2 წვეთის ოდენობით .

– ახალშობილთა ომფალიტებისა და პიოდერმიების სამკურნალოდ პიობაქტერიოფაგი გამოიყენება საფენების სახით დღეში ორჯერ 5-7 დღის განმავლობაში .

– per os პიობაქტერიოფაგის გამოყენების წინ 3 წლის ზევით ასაკის ბავშვებში და მოზრდილებში რეკომედებულია 2-3% სასმელი სოდიანი ხსნარის მიღება .

განსაკუთრებული მითითებები;

გამოყენების წინ ამპულა ან ფლაკონი უნდა შევანჯღრიოთ . სითხე უნდა იყოს გამჭვირვალე, ნალექის გარეშე .

შეფუთვის დაზიანებისას ან ამპულაში ან ფლაკონში ფაგის შემღვრევის შემთხვევაში პრეპარატი არ გამოყენოთ !!!

არ შეიძლება პრეპარატის შენახვა ამპულის ან ფლაკონის გახსნის შემდეგ .

პიობაქტერიოფაგის გამოყენება არ გამორიცხავს სხვა ანტიბაქტერიული საშუალებების ხმარებას .

პიობაქტერიოფაგის გამოყენებას უკუჩვენებები არ გააჩნია.

შეფუთვა:

5 მლ   და 10 მლ ამპულებში , №10.

შენახვის პირობები ინახება +2 – +8 ⁰C ტემპერატურაზე .

ვარგისიანობა 1 წელი .

გაიცემა რეცეპტით .

მწარმოებელი : გ . ელიავას სახ . ბაქტერიოფაგიის ,

მიკრობიოლოგიის და ვირუსოლოგიის ს / კ   ინსტიტუტის მიერ

შპს ” ბაქტერიოფაგის ბიოპრეპარატები “

მწარმოებელი: ზენტივა ა.ს., სლოვაკეთის რესპუბლიკა

შემადგენლობა და გამოშვების ფორმა:

ნაზალური წვეთები; გამჭვირვალე სითხე მოცისფროდან მწვანე-ლურჯ ფერამდე, მენთოლ-ევკალიპტის სუნით.

პრეპარატის 10 მლ შეიცავს

აქტიური ნივთიერებები:

• ჩვეულებრივი ფიჭვის ზეთი  …………………….   0,3752 გრ

• ევკალიპტის ზეთი  …………………………………   0,0500 გრ

• თიმოლი  ……………………………………………..   0,0032 გრ

• ალფა-ტოკოფეროლის აცეტატი  ………………….   0,1700 გრ

• ბაღის პიტნის ზეთი  ……………………………….   0,1000 გრ

• გუაიაზულენი  ……………………………………….   0,0020 გრ

დამხმარე ნივთიერებები:

ბუტილოქსიანიზოლი, ლაბრაფილი M, რაფსის ზეთი

ფარმაკოთერაპიული ჯგუფი:

მცენარეული წარმოშობის ანტიკონგესციური საშუალება

ფარმაკოლოგიური თვისებები:

გააჩნია ანთების საწინააღმდეგო და ანტისეპტიკური მოქმედება

ჩვენებები:

• მწვავე რინიტი;

• ქრონიკული ატროფიული რინიტი;

• ცხვირისა და ცხვირხახას ლორწოვანი გარსების მწვავე და ქრონიკული დაავადებები, რომლებსაც თან ახლავს ცხვირის ლორწოვანი გარსების სიმშრალე;

• ცხვირის ღრუს პოსტოპერაციული მდგომარეობები ექიმის დანიშნულებით (სტაციონარის პირობებში ან ამბულატორიულად).

გამოყენების მეთოდები და დოზები:

ადგილობრივად.

უფროსებს პრეპარატს აწვეთებენ პირველ დღეს 1-2 წვეთს ყოველ ნესტოში 1-2 საათიანი ინტერვალით. მომდევნო დღეებში 1-2 წვეთი ყოველ ნესტოში 3-4ჯერ დღეში.

ბავშვებს უწვეთებენ 1-2 წვეთს 3-4-ჯერ დღეში ან იყენებენ ბამბის ტამპონს.

შესაძლებელია საინჰალაციო პრეპარატის გამოყენება, ამისათვის 2 მლ-ს (50 წვეთს) აწვეთებენ ინჰალატორში.

ინჰალაციის ჩატარება რეკომენდებულია 2-3-ჯერ დღეში.

მკურნალობის ხანგრძლივობა 5-7 დღეა.

უკუჩვენებები:

* პრეპარატის კომპონენტების მიმართ ჰიპერმგრძნობელობა;

* ალერგიული რინიტი;

* 2 წლამდე ბავშვთა ასაკი.

გვერდითი მოვლენები:

ქავილი, წვა, ცხვირის ღრუს ლორწოვანი გარსის შეშუპება ან ჰიპერემია. არასასურველი მოვლენების ან სხვა უჩვეულო რეაქციების განვითარებისას, რომლებიც არ არის აღწერილი ინსტრუქციაში, აუცილებელია მიმართოთ ექიმს.

ჭარბი დოზირება:

ადგილობრივი გამოყენებისას ჭარბი დოზირების საფრთხე მინიმალურია.

შენახვის პირობები:

15⁰-დან 25⁰C-მდე ტემპერატურის პირობებში, მშრალ, სინათლისაგან დაცულ და ბავშვებისათვის მიუწვდომელ ადგილას.

ვარგისიანობის ვადა:

3 წელი. არ გამოიყენება შეფუთვაზე მითითებული ვარგისიანობის ვადის გასვლის შემდეგ.

აფთიაქიდან გაცემის პირობები:

რეცეპტის გარეშე.