მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ძვლების და სახსრების დაავადების სამკურნალო ჰომეოპათიური საშუალება.

შემადგენლობა და გამოშვების ფორმა:

სუბლინგვალური ტაბლეტები: შეფუთვაში 50 და 250 ც

1 ტაბ.

Hekla Lava D6 …………………………     30 მგ

Kalium jodatum D4……………………      30 მგ

Asa foetida D4……………………….        30 მგ

Stillingia sylvatica D4…………………..     30 მგ

Araneus diadematus D6……………         30 მგ

Natrium sulfuricum D4 ……………….       30 მგ

Mercurius praecipitatus ruber D9 ……      60მგ

Calcium phosphoricum D6 …………         60მგ

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის  შემადგენლობაში შედის მცენარეული, მინერალური და ცხოველური წარმოშოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• ძვლების, ხრტილების და შემაერთებელი ქსოვილის სხვადასხვა დაავადებები – ოსტიტები, ოსტეომიელიტები, ასევე ძვლის ფისტულები, კბილის ტკივილი და პაროდონტოზი, ორსულობის დროს კალციუმის ცვლის მოშლა, ოსტეომალაცია, ტკივილი ძვლებში;
• პერიოსტიტები, ეგზოსტოზები, მათ შორის, ქუსლის დეზი, გაცივების შემდეგად გამოწვეული ძვლისსაზრდელას ინფილტრაცია, ასევე, დეგენერაციული ცვლილებებისადმი მიდრეკილება.

მიღების წესი და დოზირება:

ჩვეულებრივ ინიშნება თითო ტაბლეტი 3-ჯერ დღეში.

გამოყენების წესი: ჭამამდე ნახევარი საათით ადრე სუბლინგვალურად სრულ გაწოვამდე. წყლის მიყოლების გსარეშე.

გვერდითი მოვლენები:

გაძლიერებული ნერწყვდენისას პრეპარატის მიღება უნდა შეწყდეს.

განსაკუთრებული მითითებები:

◄ფარისებრი ჯირკვლის დაავადებების დროს არ მიიღება ექიმის დანიშნულების გარეშე.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

მწარმოებელი: ფარმაცევტული კომპანია „ვიტაბიოტიკსი“,

ლონდონი, ინგლისი.

ფარმაკოლოგიური თვისებები :

ოსტეოქეა სუსპენზია წარმოადგენს კომბინირებულ პრეპარატს, რომელიც შეიცავს კალციუმის კარბონატს, ვიტამინ D3, თუთიას და მაგნიუმს. ამგვარი კომბინაცია უზრუნველყოფს კალციუმის ოპტიმალურ შეწოვას და ჩალაგებას ძვლებსა და სხვა ქსოვილებში, რაც ახდენს საყრდენ-მამოძრავებელი აპარატის დაავადებათა პრევენციას, ხელს უწყობს ძვლების და კბილების გაძლიერებას, გულის, კუნთოვანი და ნერვული სისტემების ნორმალურ ფუნქციონირებას.

ოსტეოქეა სუსპენზია გამოიყენება ბავშვებში 1 წლიდან და მოზრდილებში, ასევე ორსულებსა და მეძუძურ ქალებში.

შემადგენლობა:

ერთი ჩაის კოვზი – დაახლოებით 5 მლ.

ჩვენებები:

კალციუმის და მაგნიუმის დეფიციტის შევსება ბავშვებში ინტენსიური ზრდის პერიოდში, კარიესის პროფილაქტიკა, ოსტეოპოროზების პროფილაქტიკა და მკურნალობა, მათ შორის კლიმაქტერულ პერიოდში, ორსულობისა და ლაქტაციის პერიოდი, მოტეხილობების კომპლექსური მკურნალობა, სხვა ჰიპოკალცემიური მდგომარეობები.

მიღების წესი:

ბავშვები (1-2 წელი): 1 ჩაის კოვზი დღეში 2-ჯერ.

ბავშვები (3-12 წელი): 2 ჩაის კოვზი დღეში 2-3ჯერ.

მოზრდილები:

2 ჩაის კოვზი დღეში 2ჯერ.

ორსულები და მეძუძური დედები:

2 ჩაის კოვზი დღეში 2-ჯერ.

გამოყენებამდე კარგად შეანჯღრიეთ.

დაუშვებელია რეკომენდებული დოზის გადამეტება.

შენახვის პირობები :

გრილ, მშრალ, ბავშვებისათვის მიუწვდომელ ადგილას.

გამოშვების ფორმა:

200 მლ-იან მუქი ფერის პოლიეთილენის ბოთლი.

გაცემა:

ურეცეპტოდ.

მწარმოებელი: ფარმაცევტული კომპანია „ვიტაბიოტიკსი„

ლონდონი, ინგლისი.

გამოყენების რეკომენდაცია:

ოსტეოქეა საღეჭი ტაბლეტები წარმოადგენს კომბინირებულ პრეპარატს, რომელიც შეიცავს  კალციუმის კარბონატს, ვიტამინ D3, თუთიას, მაგნიუმს, მანგანუმს,სპილენძს, სელენს და ბორს. ამგვარი კომბინაცია უზრუნველყოფს კალციუმის ოპტიმალურ შეწოვას და ჩალაგებას ძვლებსა და სხვა ქსოვილებში, რაც ახდენს საყრდენ-მამოძრავებელი აპარატის დაავადებათა პრევენციას, ხელს უწყობს ძვლების და კბილების გაძლიერებას, გულის, კუნთოვანი და ნერვული სისტემების ნორმალურ ფუნქციონირებას.

ოსტეოქეა საღეჭი ტაბლეტები გამოიყენება ბავშვებში 4 წლიდან და მოზრდილებში.

შემადგენლობა:

მიღების წესი:

ბავშვები (4-12წ) :ერთი ტაბლეტი დღეში ერთხელ.

მოზრდილები: ორი ტაბლეტი დღეში ერთხელ.

ტაბლეტი არ უნდა გადაიყლაპოს, იგი უნდა დაიღეჭოს.

არ არის რეკომენდებული 4 წლამდე ასაკის ბავშვებისათვის.

დაუშვებელია რეკომენდებული დოზის გადამეტება.

შენახვის პირობები:

გრილ, მშრალ, ბავშვებისათვის მიუწვდომელ ადგილას.

გამოშვების ფორმა:

30 საღეჭი ტაბლეტი ბლისტერზე.

გაცემა:

ურეცეპტოდ.

მწარმოებელი: Pierre Fabre Medicament Production, საფრანგეთი

კლინიკურ-ფარმაკოლოგიური ჯგუფი:

სისტემური ოსტეოპოროზის დროს გამოსაყენებელი საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 40 ც.

1 ტაბ.

შემავსებლები – 95 მგ:

*მიკროელემენტები, გლუკოზამინოგლიკანები, ნუკლინის მჟავას წარმოებულები, პროტეოგლიკანები.

ფარმაკოლოგიური თვისებები:

ოსტეოგენონი წარმოადგენს ეფექტურ საშუალებას ძვლის ფიზიოლოგიური რემოდულირებისათვის. ოსტეოგენონი შეიცავს ძვლოვანი ქსოვილის სინთეზისათვის აუცილებელ კომპონენტებს. მას ახასიათებს ორმაგი მოქმედების მექანიზმი ძვლოვანი ქსოვილის მეტაბოლიზმზე: ხელს უწყობს ოსტეობლასტების პროლიფერაციას და ოსტეოკლასტების ინჰიბირებას.

კალციუმი წარმოდგენილია პრეპარატში ჰიდროქსიაპატიტის სახით (ფოსფორთან მიმართებაში 2:1), რაც განაპირობებს საუკეთესო შეწოვას კუჭ-ნაწლავის ტრაქტის მხრივ, რის საფუძველზეც ხდება პარათჰორმონის ძვლოვანი რეზორბციის შემცირება.

ფოსფორი მონაწილეობს ჰიდროქსიაპატიტის კრისტალიზაციაში, ხელს უწყობს კალციუმის ფიქსაციას ძვლოვან ქსოვილში და აფერხებს მის გამოყოფას თირკმელებით.

ოსეინი პრეპარატის ორგანული კომპონენტია, რომელიც შეიცავს ძვლოვანი ქსოვილის რემოდულირებისთვის საჭირო რეგულატორებს (β ზრდის  ტრანსფორმაციულ ფაქტორს, I და II ტიპის ინსულინისმაგვარ ზრდის ფაქტორებს, ოსტეოკალცინს, ოლაგენის I ტიპს), რომლებიც ააქტიურებენ ძვალწარმოქმნის პროცესს და აინჰიბირებენ რეზორბციას.

β ზრდის ტრანსფორმაციული ფაქტორი ზრდის ოსტეობლასტების რაოდენობასა და მათ აქტივობას, ხელს უწყობს კოლაგენის გამომუშავებას და ასევე ოსტეოკლასტების წინამორბედთა ინჰიბირებას.

I და II ტიპის ინსულინისმაგვარი ზრდის ფაქტორები ასტიმულირებენ კოლაგენისა და ოსტეოკალცინის სინთეზს.

ოსტეოკალცინი განაპირობებს ძვლოვანი ქსოვილის კრისტალიზაციას, კოლაგენის I ტიპი განაპირობეს ძვლოვანი მატრიქსის ფორმირებას.

ჩვენებები:

• პირველადი ოსტეოპოროზი: პრე-, პერი-, პოსტ-მენოპაუზალური ოსტეოპოროზი; სენილური (მოხუცებულობის), იუვენილური, იდიოპათიური ოსტეოპოროზი;
• მეორადი ოსტეოპოროზი, გამოწვეული: კორტიკოსტეროიდული მკურნალობით, ჰეპარინოთერაპიით, იმობილიზაციით, რევმატოიდული ართრიტით, თირკმლისა და ღვიძლის პათოლოგიით, პარათირეოიდული ჯირკვლების დისფუნქციით, არასრულყოფილი ოსტეოგენეზით;
• ძვლოვანი ქსოვილის კონსოლიდაციის გაუმჯობესება;
• ძვლოვანი კოჟრის ხარისხის გაუმჯობესება;
• კალციუმისა და ფოსფორის ბალანსის რეგულირება ბავშვებში, მოზარდების მინერალური მხარდაჭერა;
• ორსულობისა და ლაქტაციის პერიოდში წელის ტკივილების, პარესთეზიებისა და კუნთოვანი სპაზმის, თმის ცვენის, ფრჩხილებისა და კბილების დაზიანების შემცირება.

მიღების წესი და დოზირება:

ყველა სახის ოსტეოპოროზის მკურნალობა და პროფილაქტიკა: 2 ტაბლეტი 2-ჯერ დღეში.

ტრავმატოლოგიაში მოტეხილობების დროს: 2 ტაბლეტი 2-3-ჯერ დღეში.

გინეკოლოგია და პედიატრია: 1 ტაბლეტი 2-3-ჯერ დღეში.

გვერდითი მოვლენები:

პრეპარატს ახასიათებს კარგი ამტანობა, ხანგრძლივი მიღების დროსაც კი.

კლინიკურმა პრაქტიკამ დაადასტურა, ოსტეოგენონის გვერდითი მოვლენების არარსებობა. ამის გამო ოსტეოგენონი შეიძლება დაინიშნოს ხანგრძლივად, აგრეთვე ორსულობის პერიოდშიც.

შესაძლებელია კომბინაცია სხვადასხვა ჯგუფის ანტიოსტეოპოროზულ პრეპარატებთან.

უკუჩვენებები:

* ჰიპერკალციემია და გამოხატული ჰიპერკალციურია.

განსაკუთრებული მითითებები:

◄შარდ-კენჭოვანი დაავადებებისადმი მიდრეკილ პაციენტებში აუცილებელია პრეპარატის დოზირების რეჟიმის კორექცია.

◄პაციენტების თირკმლის ფუნქციის დარღვევებით პრეპარატის ხანგრძლივად მაღალი დოზებით გამოყენება რეკომენდებული არ არის.

◄პრეპარატის შემადგენლობაში შედის ნატრიუმის ქლორიდის უმნიშვნელო რაოდენობა, ამიტომ ოსტეოგენონის გამოყენება დასაშვებია არტერიული ჰიპერტონიით დაავადებულებში.

სხვა წამლებთან ურთიერთქმედება:

ოსტეოგენონი აფერხებს რკინისა და ტეტრაციკლინის პრეპარატების შეწოვას, ამიტომ მათი ერთდროული დანიშვნის შემთხვევაში მიღებებს შორის ინტერვალი უნდა იყოს არანაკლები 4 საათისა.

შენახვის პირობები:

პრეპარატი ინახება არა უმეტეს 30⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 4 წელი.

მწარმოებელი: Guna S.r.i., იტალია

კლინიკურ-ფარმაკოლოგიური ჯგუფი:

ჰომეოპათიური სამკურნალო საშუალება.

შემადგენლობა და გამოშვების ფორმა:

წვეთები შინაგანი მიღებისათვის: საწვეთურიან ფლაკონში 30 მლ

100 მლ

Os suis D10 ………… …………………………..        1.1 მლ

Os suis D30 ………. ……………………………..       1.1 მლ

Os suis D200………. ………………………………     1.1 მლ

Glandula parathyroidea suis D10  ……………….     1.2 მლ

Glandula parathyroidea suis D30 ………………       1.2 მლ

Glandula parathyroidea suis D200 ……………        1.2 მლ

Calcium carbonicum D12 ………………………        1.2 მლ

Calcium carbonicum D30……………………….         1.2 მლ

Calcium carbonicum D200 ………………………       1.2 მლ

Calcium phosphoricum D12 …………………..         1.2 მლ

Calcium phosphoricum D30 ……………………..      1.2 მლ

Calcium phosphoricum D200 …………………..        1.2 მლ

Calcium fluoratum D12 ………………………….        1.2 მლ

Calcium fluoratum D30 ………………………….        1.2 მლ

Calcium fluoratum D200 …………………………       1.2 მლ

Master aminoacid pattern D3 ………………………   1.2 მლ

Calcitonin D6 ……………………………………..        1.1 მლ

Calcitonin D6 ……………………………………..        1.2 მლ

ჩვენება:

• რეკომენდებულია ოსტეოპოროზის თერაპიაში.

მიღების წესი და დოზირება:

ჩვეულებრივ 10-20 წვეთი 3-ჯერ დღეში.

გვერდითი მოვლენები:

არ გააჩნია.

უკუჩვენებები:

არ გააჩნია.

სხვა წამლებთან ურთიერთქმედება:

აღსანიშნავ თავისებურებათა გარეშე.

ინფორმაცია პაციენტებისათვის:

თერაპიული დანიშნულება (როგორც ოსტეოპოროზის მკურნალობის დამხმარე საშუალება) გამართლებულია მისი კომპონენტების სინერგიული მოქმედებით: სამი სახის კალკარეუსის არსებობა შეუცვლელია. ორგანოპრეპარატების არსებობა საინტერესოა, ამავე დროს კალციტონინის და MAP(Master Aminoacid Patetern) ძირითადი ამინომჟავების სტრუქტურის (ადამიანის ძირითადი ამინომჟავების იდეალური გაერთიანება) არსებობა ნოვატორულია. ძვლის მეტაბოლიზმის ყოველი ასპექტი შემდეგნაირად განიხილება: კონსტიტუციური, ჰორმონალური და პროტეინმეტაბოლური.

შენახვის პირობები:

პრეპარატი ინახება ოთახის ტემპერატურაზე მზის სხივების პირდაპირ ზემოქმედებისგან დაცულ, მშრალ, ბავშვებისათვის მიუწვდომელ ადგილას

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

comb. drug

კლინიკურ–ფარმაკოლოგიური ჯგუფი:

ფოსფორისა და კალციუმის ცვლაზე მოქმედი საშუალებები. ძვლის ქსოვილში ნივთიერებათა ცვლის მარეგულირებელი საშუალებები;  კომბინირებული შემადგენლობის პრეპარატები

მწარმოებელი: Wörwag Pharma GmbH & Co. KG, გერმანია

შემადგენლობა და გამოშვების ფორმა:

• შუშხუნა ტაბლეტი #20

საკვების დანამატი ძვლის გასასქელებლად და გასამაგრებლად კალციუმით, მაგნიუმით, ფტორით, D ვიტამინითა და K ვიტამინით.

ოსტეო აქტივის ერთი ტაბლეტი შეიცავს:

* კვების სფეროში გერმანული საზოგადოების მიერ რეკომენდაციები არ არის, ვინაიდან კვებითი ღირებულების აღნიშვნის შესახებ დებულებაში მონაცემები არ მოიპოვება.

ძვლის მასა ყველა ასაკში იმატებს და იკლებს. დიდ ასაკში ჭარბობს შემცირების პროცესები.

საყოველთაო მოსაზრების საპირისპიროდ, თითქოს ძვლები არაფერია, გარდა სხეულის მაგარი და უსიცოცხლო საყრდენისა, ძვლები არის ცოცხალი და ადვილად შეგუებადი ორგანო საკუთარი ნივთიერებათა ცვლით, რაც მუდმივად უნდა იქნეს უზრუნველყოფილი არსებითი ბიოფაქტორებით.

ჩვენებები:

იმისათვის, რომ შეინარჩუნოთ თქვენი ძვლების მასა, თქვენ ყოველდღიურად გჭირდებათ საშენი მასალა კალციუმი. კანისა და მომნელებელი სისტემის გზით ჩვენ ყოველდღიურად გამოვყოფთ კალციუმს. ეს დანაკარგი რომ შეივსოს, ორგანიზმი აცარიელებს საკუთარი კალციუმის მარაგს ძვლებში. ასევე დიდი რაოდენობითაა მაგნიუმი ძვლებში და ძვლების ჯანმრთელობისთვის უნდა მოხდეს მისი მიწოდება გარედან. ვინაიდან კალციუმს და მაგნიუმს ორგანიზმი შეუფერხებლად იღებს, ისინი იდეალური პარტნიორებია ძვლის სიმტკიცის დასაცავად. D ვიტამინი დამატებით ხელს უწყობს კუჭ-ნაწლავიდან კალციუმის მიღებას. ფტორი ამაღლებს ძვლის საშენი უჯრედების აქტიურობას. ამგვარად, ის მონაწილეობს ძვლის მასის შენებაში.

სულ ახლახან გახდა ცნობილი, რომ: K ვიტამინი გადამწყვეტ როლს თამაშობს ძვლის სტაბილურობის შენარჩუნებაში. აგრეთვე კვების სფეროში გერმანული საზოგადოება მათ ერთ-ერთ ნაშრომში ჯანმრთელი ძვლების პროფილაქტიკის შესახებ ყურადღებას უთმობს K ვიტამინს.

ოსტეო აქტივის ერთი ტაბლეტი შეიცავს სწორედ ამ მნიშვნელოვან ფაქტორებს ძვლის სიმტკიცის გასაძლიერებლად.

მიღების წესები და დოზები:

რეკომენდებულია ნორმალურ კვებასთან ერთად ყოველღდღიურად მივიღოთ ოსტეო აქტივის ერთი ტაბლეტი. ერთი შუშხუნა ტაბლეტით თქვენს სხეულს მიაწვდით 750 გრ. კალციუმს, 180 მგ მაგნიუმს, 1 მგ ფტორიდს, 15 µგ D₃ ვიტამინს და 120 µგ K ვიტამინს. სპეციალურად თქვენი ბუნებრივი ძვლის სტაბილურობის გასაძლიერებლად თქვენ სარგებლობას იღებთ ამ მნიშვნელოვან ნივთიერებათა კომბინაციით და ამგვარდ, ხელს უწყობთ თქვენი სხეულის ჯანრთელობასა და კეთილისყოფას.

რეკომენდაცია მიღების შესახებ: ყოველდღიურად წყალში გახსენით ერთი შუშხუნა ტაბლეტი და დალიეთ.

ორსულობა და ლაქტაცია:

ფეხმძიმე და მეძუძურ დედებს ვურჩევთ ამ პერიოდში არ მიიღონ ოსტეო აქტივი.

საერთაშორისო დასახელება:

ALENDRONIC ACID

მწარმოებელი: POLPHARMA, პოლონეთი

მოქმედი ნივთიერება: ალენდრონის მჟავა

კლინიკურ-ფარმაკოლოგიური ჯგუფი:

პოსტკლიმაქტერული ოსტეოპოროზის სამკურნალო საშუალება.

შემადგენლობა და გამოშვების ფორმა:

ტაბლეტები: შეფუთვაში 4 ც.

1 ტაბ.

ალენდრონის მჟავა ………….70 მგ

(ნატრიუმის ალენდრონატის ტრიჰიდრატის სახით).

დამხმარე ნივთიერებები:

ლაქტოზის მონოჰიდრატი მიკროკრისტალური ცელულოზა, ნატრიუმის კროსკარმელოზა, სილიციუმის გაუწყლოებული კოლოიდური ჟანგი, მაგნიუმის სტეარატი.

ფარმაკოლოგიური თვისებები:

ოსტემაქს 70 კომფორტი მიეკუთვნება ბიფოსფონატებად წოდებული არაჰორმონული სამკურნალო საშუალების ჯგუფს. ოსტემაქსი ხელს უწყობს ძვლოვანი ქსოვილის აღდგენას. ოსტეომაქს 70 კომფორტი ამცირებს ხერხემლის და ბარძაყის მოტეხილობების რისკს.

თუ ექიმმა დანიშნა ოსტემაქს 70 კომფორტი, ეს იმას ნიშნავს, რომ ადგილი აქვს დაავადებას, რომელსაც ეწოდება ოსტეოპოროზი. ოსტეოპოროზი იწვევს ძვლების დათხელებას და დასუსტებას. პოსტკლიმაქტერულ პერიოდში საკვერცხეების მიერ ესტეროგენების პროდუქციის შეწყვეტის შემდეგ, რომელიც ხელს უწყობს ქალის ჩონჩხის ჯანმრთელობის შენარჩუნებას. ეს წარმოადგენს ბუნებრივ პროცესს. შედეგად ხდება ძვლების სტრუქტურის დარღვევა და მათი დასუსტება, რაც უფრო ადრე დგება კლიმაქტერული პერიოდი, მით უფრო მეტია ოსტეოპოროზის განვითარების რისკი. საწყის სტადიაში, ოსტეოპორორზი მიმდინარეობს უსიმპტომოდ, მაგრამ იმ შემთხვევაში თუ არ ჩატარდება მკურნალობა, შეიძლება ადგილი ჰქონდეს ძვლების ბზარებს და მოტეხილობებს. ძვლების ბზარები იწვევენ ტკივილს, მაგრამ ხერხემლის მალების ბზარები შეიძლება შეუმჩნეველი დარჩეს მანამ, სანამ ადგილი არ ექნება სიმაღლის დაკარგვას. ბზარებს და მოტეხილობებს ადგილი შეიძლება ჰქონდეს ყოველდღიურ ცხოვრებაში, მაგალითად სიმძიმის აწევისას ან მცირე ტრავმების დროს, რომლებიც ნორმალური ძვლისათვის საშიში არ არის. ბზარები და მოტეხილობები ძირითადად ვითარდება ბარძაყზე, ხერხემალზე, მაჯაზე და შეიძლება გამოიწვიოს არა მარტო ტკივილი, არამედ მნიშვნელოვანი დეფორმაციები და შრომისუნარიანობის დაქვეითება (მოხრილობა, „ქვრივის კუზი“, ან გადაადგილების უუნარობაც კი).

მნიშვნელოვანია იმის ცოდნა, რომ ოსტეოპოროზისაგან განკურნება შესაძლებელია და არასოდეს არ არის გვიან მისი მკურნალობის დაწყება. ოსტემაქს 70 კომფორტი არა მარტო ხელს უშლის ოსტეოპოროზს, არამედ ხელს უწყობს ძვლის დარღვეული ქსოვილის აღდგენას და აქვეითებს ბარძაყის და ხერხემლის ბზარების განვითარების რისკს.

ოსტემაქს 70 კომფორტით მკურნალობის გარდა ექიმმა პაციენტს შეიძლება ურჩიოს ცხოვრების წესში ზოგიერთი ცვლილებების შეტანა, რომლებსაც შეუძლიათ მისი მდგომარეობის გაუმჯობესება. ასეთ ცვლილებს მიეკუთვნება:

–  უარის თქმა თამბაქოს მოწევაზე როგორც აღმოჩნდა ზრდის ძვლების სტრუქტურის დარღვევის რისკს, ამის შედეგი კი მოტეხილობების რისკის ზრდაა;

– ფიზიკური ვარჯიშები. იმისათვის, რომ ძვლები იყოს ჯანმრთელი და მყარი, მათ სჭირდებათ ფიზიკური ვარჯიში. ფიზიკური ვარჯიშების ნებისმიერი პროგრამის დაწყებამდე საჭიროა მკურნალი ექიმის კონსულტაცია;

– ბალანსირებული დიეტა. მკურნალი ექიმი ურჩევს პაციენტს კვების რეჟიმის შეცვლას, ასევე აძლევს რეკომენდაციებს კვებითი რაციონის დანამატებზე.

ფარმაკოკინეტიკა:

მიღების შემდეგ ალენდრონატი მცირე ხნით ნაწილდება რბილ ქსოვილებში, შემდეგ სწრაფად გადანაწილდება ძვლოვან ქსოვილში და ბოლოს გამოიყოფა შარდით.

პრეპარატის პერორალურად მიღებისას თერაპიულ დოზებში, პლაზმაში მისი კონცენტრაციები ანალიზური განსაზღვრისათვის ძალიან დაბალია (5 ნგ/მლ-ზე ნაკლები). ადამიანის პლაზმაში ალენდრონატის 78% უკავშირდება პლაზმის ცილებს. საბოლოო ნახევარგამოყოფის პერიოდი ადამიანში აჭარბებს 10 წელს (იგულისხმება ალენდრონატის ჩონჩხიდან გამოთავისუფლება).

ჩვენებები:

• პოსტკლიმაქტერული ოსტეოპოროზის მკურნალობა. ალენდრონატი ამცირებს ხერხემლის და ბარძაყის მოტეხლობების რისკს.

მიღების წესი და დოზირება:

პაციენტმა ოსტემაქს 70 კომფორტი უნდა მიიღოს ზუსტად ისე, როგორც მას დანიშნული აქვს ექიმის მიერ. რაიმე ეჭვის შემთხვევაში აუცილებელია ექიმის ან ფარმაცევტის კონსულტაცია; ოსტემაქს 70 კომფორტის დოზაა ერთი ტაბლეტი კვირაში ერთხელ.

იმისათვის, რომ ოსტემაქს 70 კომფორტის მიღებას ჰქონდეს სარგებელი, აუცილებელია შედეგი ინსტრუქციების დაცვა. ძალიან მნიშვნელოვანია რეკომენდაციები, რომლებიც მოცემულია გამოყენების ინსტრუქციაში იმასთან დაკავშირებით, რომ უზრუნველყოფილი იქნას ოსტემაქს 70 კომფორტის კუჭში სწრაფი მოხვედრა და საყლაპავის გაღიზიანების თავიდან აცილება:

• პაციენტმა უნდა აარჩიოს კვირის დღე, რომელიც უკეთ შეეფერება ცხოვრების გრაფიკს. ოსტემაქს 70 კომფორტის მიღება საჭიროა ერთი და იგივე დღეს;

• ოსტემაქს 70 კომფორტი მიიღება ადგომის შემდეგ, ჭამამდე და ნებისმიერი სითხის დალევამდე ჭარბი რაოდენობა წყლის დაყოლებით (არა უმეტეს 200 მლ), არ გამოიყენება მინერალური წყალი, ყავა ან ჩაი, წვენები;

• ოსტემაქს 70 კომფორტი მიღების შემდეგ არ შეიძლება დაწოლა. საჭიროა ვერტიკალურ მდგომარეობაში ყოფნა, (ჯდომა, დგომა ან სეირნობა) არანაკლებ 30 წუთის განმავლობაში. დაწოლა არ შეიძლება საკვების პირველ მიღებამდე;

• ოსტემაქს 70 კომფორტის მიღება არ შეიძლება ძილის წინ და ლოგინიდან ადგომამდე.

• თუ ოსტემაქს 70 კომფორტის მიღების შემდეგ პაციენტს გაუჩნდა ყლაპვასთან დაკავშირებული პრობლემები, გაუჩნდა ან გაუმწვავდა გულძმარვა, საჭირო პრეპარატის მიღების შეწყვეტა და ექიმის კონსულტაცია;

• ოსტემაქს 70 კომფორტის ტაბლეტის გადაყლაპვის შემდეგ საჭიროა 30 წუთი საკვების სითხეების და სხვა სამკურნალო საშუალებების (მათ შორის ანტაციდები, კალციუმის დანამატები და ვიტამინები) მიღებისგან თავის შეკავება. ოსტეომაქს 70 კომფორტი ეფექტურია მხოლოდ უზმოზე მიღებისას;

• თუ პაციენტმა გამოტოვა ოსტემაქს 70 კომფორტის დოზა, მან ის უნდა მიიღოს მეორე დილას, მას შემდეგ რაც მას ეს გაახსენდება. არ შეიძლება ერთ დღეს 2 ტაბლეტის მიღება და აუცილებელია დაბრუნება რეჟიმში – „კვირაში ერთი დღე“ (ადრე ამორჩეულ დღეს);

• თუ პაციენტმა მიიღო ტაბლეტების ჭარბი რაოდენობა, მან უნდა დალიოს ერთი ჭიქა რძე და დაუყოვნებლივ მიმართოს ექიმს. არ შეიძლება ღებინების გამოწვევის მცდელობა და დაწოლა;

• აუცილებელია ოსტემაქს 70 კომფორტის მიღება იმდენი ხნის განმავლობაში, როგორც დანიშნული მკურნალი ექიმის მიერ. ოსტემაქს 70 კომფორტს ოსტეოპოროზის განკურნება შეუძლია მხოლოდ იმ შემთხვევაში, როდესაც პაციენტი აგრძელებს მის მიღებას.

გვერდითი მოვლენები:

ოსტემაქს 70 კომფორტის მიღებისას პაციენტების უმრავლესობას გვერდითი ეფექტები არ აღენიშნებათ. მაგრამ ისევე როგორც ნებისმიერი სხვა სამკურნალო საშუალების შემთხვევაში ოსტემაქს 70 კომფორტსაც შეიძლება ჰქონდეს გვერდითი მოქმედება. გვერდითი ეფქეტები ძირითადად სუსტად გამოხატულია, მაგრამ ზოგიერთი პაციენტს შეიძლება აღენიშნოს:

საჭმლის მონელების დარღვევა, რასაც შეიძლება ჰქონდეს მძიმე ხასიათი. აქ იგულისხმება საყლაპავის გაღიზიანება ან დაწყლულება, რამაც შეიძლება გამოიწვიოს ტკივილი გულმკერდის არეში, გულძმარვა, ყლაპვის გაძნელება  და ტკივილი/ან შეხორცების წარმოქმნა, რომლებიც განაპირობებენ საყლაპავის შევიწროებას.

ასეთი რეაქციები შეიძლება განვითარდეს იმ შემთხვევაში, თუ პაციენტი ტაბლეტს გადაყლაპავს ერთ ჭიქაზე ნაკლები წყლით, დაწვება მიღებიდან 30 წუთზე ადრე, ან საკვების პირველი მიღების შემდეგ. საყლაპავზე არასასურველი ზემოქმედება შეიძლება გაძლიერდეს თუ პაციენტი აგრძელებს ოსტემაქს 70 კომფორტის მიღებას საყლაპავის გაღიზიანების სიმპტომების განვითარების შემდეგ.

კუჭ–ნაწლავის ტრაქტის სხვა გვერდითი ეფექტები: კუჭის ტკივილი, დისპეფსია (დისკომფორტი, ჭამის შემდეგ), ყაბზობა, ყლაპვის გაძნელება, მეტეორიზმი, სიმძიმე მუცლის არეში ან მუცლის შებერვა, გულისრევა და პირღებინება, ასევე შავი ან სისხლნარევი განავალი.

ზოგიერთ პაციენტს აღენიშნებოდა ტკივილი ძვლებში, კუნთებში და სახსრებში (იშვიათად გრიპის და ცხელების დამახასიათებელი სიმპტომები), თავის ტკივილი და იშვიათად ჭინჭრის ციება (იშვიათად მწვავდება სინათლის მოქმედებით), ქავილი, თვალების ტკივილი, დაბინდული მხედველობა, ან მხედველობის არეში შავი მოცურავე სხეულები.

ცალკეულ შემთხვევებში ვითარდება კანის მძიმე რეაქციები. შეიძლება განვითარდეს ალერგიული რეაქციები: ჭინჭრის ციება და იშვითად სახის, ტუჩების, ენის ან ყელის შეშუპება ყლაპვის და სუნთქის შესაძლო გაძნელებით.

იშვიათად შეიძლება განვითარდეს კუჭის და 12-გოჯა ნაწლავის წყლული, მათ შორის მძიმე ფორმით (სისხლდენით გართულებული). არის თუ არა ოსტემაქს 70 კომფორტი ასეთი რეაქციების მიზეზი უცნობია.

ტაბლეტების დაღეჭვის და მოწუწვნის შემთხვევაში, თუ პაციენტმა შეამჩნია რაიმე გვერდითი ეფექტი, რომელიც არ არის განხილული ამ ინსტრუქციაში, მან უნდა მიმართოს მკურნალ ექიმს ან ფარმაცევტს. კარგი იქნება, თუ პაციენტი ჩაინიშნავს რეაქციებს მათი განვითარების დასაწყისში, ასევე მათ ხანგრძლივობას.

უკუჩვენებები:

ოსტემაქს 70 კომფორტის მიღება არ შეიძლება:

* საყლაპავის ანომალიებისას;

* ვერტიკალურ მდგომარეობაში დგომის ან ჯდომის შეუძლებლობა 30 წუთის განმავლობაში მაინც;

* მომატებული მგრძნობელობა ალენდონატის მიმართ, ან რომელიმე დამხმარე ნივთიერებაზე;

* სისხლში კალციუმის დაბალი დონე.

ორსულობა და ლაქტაცია:

* ორსულობის პერიოდში ალენდრონატის გამოყენების ადექვატური მონაცემები არ არსებობს. ალენდრონატი ორსულობისას არ ინიშნება.

* უცნობია, გამოიყოფა თუ არა ალენდრონატი დედის რძეში, ამიტომ ლაქტაციის პერიოდში მკურნალობა არ ინიშნება.

განსაკუთრებული მითითებები:

◄თუ პაციენტს აქვს ზოგიერთი შაქრის აუტანლობა ამ სამკურნალო პრეპარატის მიღებამდე კონსულტაცია უნდა გაიაროს მკურნალ ექიმთან.

◄თუ პაციენტი თვლის, რომ რაიმე ზემოჩამოთვლილს აქვს მასთან კავშირი მან არ უნდა მიიღოს ტაბლეტები და რაიმე მოქმედებამდე კონსულტაცია უნდა გაიაროს ექიმთან.

◄ოსტემაქს 70 კომფორტის მიღებამდე პაციენტმა უნდა შეატყობინოს ექიმს თუ მას აქვს: თირკმლის პრობლემები; ალერგია; ყლაპვის და საჭმლის მონელების პრობლემები.

გავლენა ავტოტრანსპორტის და მექანიზმების მართვაზე: ცნობები ავტოტრანსპორტის და მექანიზმების მართვაზე არასასურველი ზემოქმედების შესახებ არ არსებობს.

ჭარბი დოზირება:

ჭარბმა დოზირებამ შეიძლება გამოიწვიოს ჰიპოკალცემია, ჰიპოფოსფატემია, ასევე გვერდითი რეაქციები საჭმლის მომნელებელი ტრაქტის ზედა განყოფილებაში (სიმძიმე მუცლის არეში, გულძმარვა, ეზოფაგიტი, გასტრიტის ან კუჭის წყლული).

ალენდრონატის ჭარბი დოზირების მკურნალობის შესახებ სპეციალური ინფორმაცია არ არსებობს. ალენდრონატის შესაბოჭად აძლევენ რძეს ან ანტაციდებს საყლავის გაღიზიანების რისკის გამო, ღებინების გამოწვევა მიზანშეწონილი არ არის, მნიშვნელოვანია ის, რომ პაციენტი იმყოფებოდეს ვერტიკალურ მდგომარეობაში.

სხვა წამლებთან ურთიერთქმედება:

– ოსტემაქს 70 კომფორტის მიღება სხვა სამკურნალო საშუალებებთან ერთად ექიმის რეკომენდეციის გარეშე არ შეიძლება. პაციენტმა აუცილებლად უნდა შეატყობინოს ექიმს იმ პრეპარატის შესახებ, რომლებსაც იგი ღებულობდა უკანასკნელ პერიოდში (მათ შორის ურეცეპტო ფორმების შესახებაც).

– არსებობს იმის შესაძლებლობა, რომ ალენდრონატის საკვებთან და წვენებთან ერთად (მათ შორის მინერალური წყალი), კალციუმის დანამატებთან, ანტაციდებთან და ზოგიერთ სხვა პერორალურ სამკურნალო საშუალებებთან მიღებისას შემცირდეს ალენდრონატის აბსორბცია. ამიტომ სხვა პერორალური სამკურნალო საშუალების  მიღებამდე პაციენტმა უნდა მოიცადოს არა უმეტეს 30 წუთი.

– კლინიკური კვლევების მიმდინარეობისას, პაციენტების ნაწილი ალენდრონატის პერორალურ მიღებასთან ერთად ღებულობდა ესტეროგენებს (ინტრავაგინალურად, ტრანსდერმალურად ან პერორალურად). ისეთი გვერდითი ეფექტები, რომლებიც შეიძლებოდა ჩათვლილიყო ურთიერთქმედებად ერთდროული მიღებისას არ განვითარებულა.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისთვის მიუწვდომელ ადგილას.

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

ALENDRONIC ACID

მწარმოებელი: GEDEON RICHTER, უნგრეთი

მოქმედი ნივთიერება: ალენდრონის მჟავა 

კლინიკურ-ფარმაკოლოგიური ჯგუფი:

ოსტეოპოროზის სამკურნალო და პროფილაქტიკური საშუალება.

შემადგენლობა და გამოშვების ფორმა:

შემოგარსული ტაბლეტები: ბლისტერზე 4 ტაბ., შეფუთვაში 1 ბლისტერი.

1 ტაბ.

ალენდრონის მჟავა ……….. 70მგ

(რაც შეესაბამება 91.350 მგ ალენდრონატის ნატრიუმს).

დამხმარე ნივთიერებები:

ბირთვი: მიკროკრისტალური ცელულოზა, კაჟბადის დიოქსიდი კოლოიდური, ნატრიუმის კროსკარმელოზა, მაგნიუმის სტეარატი.

გარსი: Lustre Clear lc 103 (შემცველობა: მიკროკრისტალური ცელულოზა, კარაჯენინი, მაკროგოლი 8000).

ფარმაკოლოგიური თვისებები:

პრეპარატის მოქმედი ნივთიერება – ალენდრონატის ნატრიუმი წარმოადეგნს ბისფოსფონატს. იგი აფერხებს ძვლების რეზორბციას ოსტეოკლასტებით. გავლენას არ ახდენს ძვლოვანი ქსოვილების ფორმირების პროცესზე. ოსტეოკლასტების აქტივობის ბლოკირებით გავლენას არ ახდენს მათ ადგილობრივ გამრავლებაზე და ძვლის ზედაპირთან დაკავშირებაზე. ალენდრონატით მკურნალობისას ხდება ნორმალური შემადგენლობისა და სტრუქტურის ძვლოვანი ქსოვილის ფორმირება.

ფარმაკოკინეტიკა:

დილით უზმოზე, საუზმემდე 2 საათით ადრე ერთჯერადი 35 ან 70 მგ-ს მიღების შემდეგ შეწოვა შეადგენს 0.64%-ს.

წამლისა და საკვების მიღებებს შორის ძალიან მცირე შესვენების დროს (1 სთ ან 30 წთ): 0.46-0.39%-ს. შეწოვის ამაგვარი შემცირება არ ახდენს არსებით გავლენას პრეპარატის ეფექტურობაზე.

ყავის ან ფორთოხლის წვენის ერთდროული მიღება ბიოშეთვისებადობას ამცირებს 60%-ით.

პრედნიზონის მიღებამ ჯანმრთელ მოხალისეებში 5 დღის განმავლობაში (20 მგ დღე-ღამეში 3-ჯერ) გავლენა არ მოახდინა ალენდრონატის ბიოშეთვისებადობაზე კლინიკურად მნიშვნელოვანი ხარისხით (20-44% საშუალო მომატება).

განაწილება: პერორალურად მიღების შემდეგ დროებით ნაწილდება რბილ ქსოვილებში, ხოლო შემდეგ ეთვისება ძვლოვან ქსოვილს და გამოიყოფა შარდთან ერთად. კავშირი პლაზმის ცილებთან შეადგენს 78%-ს.

მეტაბოლიზმი: არ არსებობს მონაცემები ადამიანის ორგანიზმში ალენდრონატის მეტაბოლიზმის შესახებ.

გამოდევნა: ინტრავენური მიღების შემდეგ დოზა გამოიყოფა შარდთან ერთად. განავლოვან მასებში მასებში მოქმედი ნივთიერება არ ვლინდება.

10 მგ ალენდრონატის ინტრავენური მიღების შემდეგ თირკმლის კლირენსი არის 70 მლ/წთ; სისტემური კლირენსი არ აღემატება 200 მლ-ს წუთში. პერორალური მიღებისას 6 საათის შემდეგ პლაზმური კონცენტრაცია მცირდება 95-ზე მეტი პროცენტით. ნახევარგამოყოფის პერიოდია დაახლოებით 10 წელი, რაც მიუთითებს ალენდრონატის ძვლოვანი ქსოვილიდან გამოდევნაზე. არ გამოიდევნება თირკმელების არც მჟავების და არც ტუტეების მატრანსპორტირებელი სისტემებით: სავარაუდოა, რომ ალენდრონატი გავლენას არ ახდენს სამკურნალო ნივთიერებების გამოდევნაზე ზემოთ აღნიშნული სისტემებიდან.

აბსორბირებული, თუმცა ძვლოვან ქსოვილში შეუთვისებელი ალენდრონატი სწრაფად გამოიყოფა შარდთან ერთად. ცხოველებში ძვლოვანი ქსოვილის მაქსიმალური გაჯერების უნარის დადგენა 35 მგ/კგ საერთო სადღეღამისო დოზის ინტრავენური შეყვანისას არ მოხერხდა. მიუხედავად ამისა, თირკმელების დაავადებისას შესაძლებელია ალენდრონატის ექსკრეციის შემცირება, რის შემდეგაც იზრდება ძვლოვან ქსოვილში მისი განთავსება.

ჩვენებები:

• ოსტეოპოროზის მკურნალობა პოსტმენოპაუზის დროს (ზურგის მალებისა და მენჯ-ბარძაყის თავის მოტეხილობების განვითარების რისკის შემცირება);
• ოსტეოპოროზის მკურნალობა მამაკაცებში (ზურგის მალებისა და მენჯის ძვლების მოტეხილობების განვითარების რისკის შემცირება).

მიღების წესი და დოზირება:

რეკომენდებული დოზა: 70 მგ კვირაში ერთხელ.

• ოპტიმალური შეწოვის უზრუნველყოფისათვის პრეპარატი მიიღება დილით უზმოზე, საკვების ან სითხის მიღებამდე ნახევარი საათით ადრე წყლის მიყოლებით. სხვა სასმელებმა, მათ შორის მინერალურმა წყლებმა, საკვებმა და რიგმა სამკურნალო საშუალებებმა შეიძლება გამოიწვიონ ალენდრონატის შეწოვის გაუარესება.

• პირის ღრუს ლორწოვანი გარსისა და საყლაპავი მილის გაღიზიანების თავიდან ასაცილებლად, დილით ლოგინიდან ადგომისთანავე პაციენტმა უნდა დალიოს არანაკლებ 200 მლ ჩვეულებრივ წყალი, შემდეგ მიიღოს ტაბლეტი დაუღეჭავად ისე, რომ ტაბლეტი პირში არ გაიხსნას.

• ტაბლეტის მიღების შემდეგ არ შეიძლება ჰორიზონტალური მდგომარეობის მიღება სულ მცირე ნახევარი საათის განმავლობაში.

• აღნიშნული დროის გასვლის შემდეგ შეიძლება საუზმის მიღება.

• არ შეიძლება ტაბლეტის მიღება დილით ადგომამდე ან საღამოს დაძინებამდე.

• ალენდრონატით მკურნალობას უნდა დაემატოს კალციუმი და ვიტამინი.

ხანდაზმული პაციენტები: დოზის კორექცია საჭირო არ არის.

თირკმლის უკმარისობა: თუ თირკმლის ფილტრაცია >35 მლ/წთ-ია, დოზის კორექცია არ არის საჭირო. თირკმელების უკმარისობის უფრო რთული სტადიების დროს პრეპარატის დანიშვნა არ არის რეკომენდებული კლინიკური გამოცდილების არარსებობის გამო.

საბავშვო ასაკი: კლინიკური მონაცემების არ არსებობის გამო, ბავშვებში ეს პრეპარატი არ ინიშნება.

გვერდითი მოვლენები:

შესაძლებელია შემდეგი გვერდითი მოქმედებების განვითარება:

ხშირად (1/100,

საჭმლის მონელების სისტემის მხრივ: ტკივილი მუცლის არეში, დისპეფსია, ყაბზობა, დიარეა, მეტეორიზმი, საყლაპავი მილის წყლული*, დისფაგია, მუცლის შებერილობა, ბოყინი.

საყრდენ–მამოძრავებელი აპარატის მხრივ: ოსტალგია, ართრალგია, მიალგია.

ნერვული სისტემის მხრივ: თავის ტკივილი.

ნაკლებად ხშირად (1/1000,

ზოგადი: ქავილი, გამონაყარი, კანის ჰიპერემია.

საჭლის მონელების სისტემის მხრივ: გულისრევა, ღებინება, გასტრიტი, ეზოფაგიტი, საყლაპავი მილის ეროზია, მელენა.

იშვიათად (1/10000,

ზოგადი: ალერგიული რეაქციები (ჭინჭრის გამონაყარი, ანგიოედემა). სიმპტომები, რომლებიც მიუთითებენ მწვავე რეაქციების ფაზაზე (მიალგია, სისუსტე, შეუძლოდ ყოფნა, იშვიათად – სხეულის მაღალი ტემპერატურა), ხშირად ვითარდება თერაპიის დასაწყისში: გამონაყარი, ფოტომგრძნობელობა, სიმპტომური ჰიპოკალციემია.

საჭმლის მონელების სისტემის მხრივ: საყლაპავი მილის დავიწრობა ოროფარინგული წყლული, კუჭ-ნაწლავის ტრაქტის ზედა ნაწილების პერფორაცია, წყლული, სისხლდენა, თუმცა მათი კავშირი მკურნალობასთან ყოველთვის ერთმნიშვნელოვანი არ არის.

გრძნობის ორგანოების მხრივ: უვეიტი, სკლერიტი.

სხვა: კანის მწვავე რეაქციები (სტივენ-ჯონსონის სინდრომი, ტოქსიკური ეპიდერმული ნეკროლიზი).

ლაბორატორიული მაჩვენებლები: საშუალო სიმძიმის დროებითი უსიმპტომო ჰიპოკალციემია და ფოსფატემია.

უკუჩვენებები:

* პრეპარატის რომელიმე ინგრედიენტის მიმართ მომატებული მგრძნობელობა;

* საყლაპავი მილის ანომალიები და სხვა ფაქტორები, რომლებიც აძნელებენ ორგანოს გამტარობას (აქალაზია, სტრიქტურა და სხვა);

* ისეთი შემთხვევები, როდესაც ავადმყოფს არ შეუძლია ვერტიკალურ მდგომარეობაში ყოფნა, თუნდაც ჯდომა, 30 წუთის განმავლობაში;

* ჰიპოკალციემია;

* ისეთი მდგომარეობები, რომლებიც აღწერილია თავში განსაკუთრებული გაფრთხილებები.

ორსულობა და ლაქტაცია:

ორსულობა: იმის გამო, რომ არ არსებობს საკმარისი კლინიკური გამოცდილება, ალენდრონატის გამოყენება ორსულობის პერიოდში უკუნაჩვენებია.

ლაქტაციის პერიოდი: მონაცემები პრეპარატის დედის რძეში მოხვედრის შესახებ არ არსებობს.

* გამოყენების ჩვენებების საფუძველზე, ალენდრონატის მიღება ლაქტაციის პერიოდში უკუნაჩვენებია.

განსაკუთრებული მითითებები:

◄ალენდრონატმა შეიძლება გამოიწვიოს საჭმლის მონელების ტრაქტის ქსოვილების ადგილობრივი გაღიზიანება. საჭმლის მონელების ტრაქტის ზედა ნაწილების დაავადებების მიმდინარეობა შეიძლება გაუარესდეს ალენდრონატით მკურნალობის დროს. განსაკუთრებული სიფრთხილეა საჭირო პრეპარატის დანიშვნისას დისფაგიის, საყლაპავი მილის, გასტრიტის, დუოდენიტის, წყლულის დროს, ასევე კუჭ-ნაწლავის ტრაქტის სერიოზული დაავადებების დროს, რომლებიც პაციენტმა გადაიტანა ბოლო 12 თვის განმავლობაში (მაგ, პეპტიკური წყლული, სისხლდენა კუჭ-ნაწლავის ტრაქტიდან, ქირურგიული ჩარევები, კუჭზე ოპერაციის გარდა).

◄ცნობილია საყლაპავი მილის მხრივ გვერდითი რეაქციების გამოვლენის შემთხვევები (ეზოფაგიტი, საყლაპავი მილის წყლული ან ეროზია), რომლებიც მიმდინარეობს რთულ ფორმებში, საჭიროებს სტაციონარულ მკურნალობას და რომლებიც რთულდება სტრიქტურის ფორმირებით. ავადმყოფებმა ყურადღება უნდა მიაქციონ იმ ფაქტს, რომ საყლაპავი მილის გაღიზიანების ნიშნების გამოვლენისას (დისფაგია, ყლაპვისას რეტროსტერნალური ტკივილი, კუჭის წვის შეტევების გამოვლენა ან გაუარესება), პრეპარატის მიღება უნდა შეწყდეს და აუცილებელია ექიმთან კონსულტაცია.

◄საყლაპავი მილის დაზიანების რისკი უფრო მაღალია იმ პაციენტებში, რომლებიც არ იცავენ პრეპარატის მიღების წესებს ან რომლებიც საყლაპავი მილის გაღიზიანების ნიშნების გამოვლენის მიუხედავად აგრძელებენ პრეპარატის მიღებას.

◄ავადმყოფებს უნდა მიეცეთ გაფრთხილება იმის თაობაზე, რომ მორიგი დოზის გამოტოვების შემთხვევაში, გამოტოვებული ტაბლეტის მიღება უნდა მოხდეს მომდევნო დღეს დილით. დაუშვებელია ერთ დღეს ორი ტაბლეტის მიღება.

◄ალენდრონატის მიღება არ არის რეკომენდებული თირკმელების უკმარისობის დროს გორგალისებური ფილტრაციით

◄ოსტეოპოროზის დროს პრეპარატის დანიშვნა, რომელიც არ არის დაკავშირებული პოსტმენოპაუზასთან და არ ატარებს ასაკობრივ ხასიათს, შესაძლებელია მხოლოდ ინდივიდუალურად.

◄მკურნალობა შეიძლება დაიწყოს მხოლოდ ჰიპოკალციემიისაგან, მინერალური და ვიტამინების ცვლის დარღვევებისაგან (მაგ. D ვიტამინის ნაკლებობა) განკურნების შემდეგ.

◄ალენდრონატის მიღება იწვევს ძვლოვან ქსოვილებში მინერალური მარილების შემცველობის მომატებას. ამ პროცეს შეიძლება თან ახლდეს კალციუმისა და ფოსფორის დონების უსიმპტომო ცვლილება. კალციუმისა და D ვიტამინის შესაბამისი მიღება განსაკუთრებით მნიშვნელოვანია ავადმყოფის მკურნალობისას გლუკოკორტიკოსტეროიდული ჰორმონალური პრეპარატების გამოყენებით.

ზემოქმედება ავტომობლებისა და მექანიზმების მართვის შესაძლებლობაზე: ეს პრეპარატი გავლენას არ ახდენს ისეთ შესაძლებლობებზე, რომლებიც აუცილებელია ავტომობილებისა და მექანიზმების მართვისათვის და ისეთი სამუშაოების შესრულებისათვის, რომლებიც დაკავშირებულია ტრავმის მიღების რისკთან; თუმცა, თუ გამოვლინდა გვერდითი ეფექტები მხედველობის ორგანოს მხრივ (კონიუნქტივიტი, ქიალიტი), ავტომობილებისა და მექანიზმების მართვა უკუნაჩვენებია იმ დრომდე, ვიდრე სრულად არ აღმოიფხვრება გვერდითი რეაქცია.

ჭარბი დოზირება:

ჭარბი დოზირების ნიშნებია: ჰიპოკალციემია, ჰიპოფოსფატემია, გვერდითი რეაქციები კუჭ-ნაწლავის ტრაქტის ზედა ნაწილების მხრივ (კუჭის წვა, ეზოფაგიტი, გასტრიტი, წყლული). სპეციფიური მკურნალობა არ არსებობს. რეკომენდებულია რძის, ანტაციდების მიღება.

საყლაპავი მილის გაღიზიანების თავიდან აცილების მიზნით არ შეიძლება ღებინების გამოწვევა. ავადმყოფი უნდა მოთავსდეს ვერტიკალურ მდგომარეობაში (მდგომარე ან მჯდომარე მდგომარეობაში).

სხვა წამლებთან ურთიერთქმედება:

კალციუმი, ანტაციდები, ზოგიერთი პერორალური პრეპარატები, საკვები, სასმელები, მათ შორის მინერალური წყლები, გავლენას ახდენენ ალენდრონატის შეწოვაზე.

პრეპარატების მიღება პერორალურად შეიძლება ალენდრონატის მიღებიდან მხოლოდ არანაკლებ  1 საათის შემდეგ. სხვა ურთიერთქმედებები, შეწოვის ცვილელებების გარდა, ნაკლებ სავარაუდოა.

სპეციალური გამოკვლევები სხვა სამკურნალო საშუალებებთან ურთიერთქმედების შესახებ არ ჩატარებულა. თუმცა, ალენდრონატით გამოკვლევებში მონაწილეობდნენ ისეთი პაციენტები, რომლებიც იმავდროულად იღებდნენ სხვა პერორალურ პრეპარატებს. გვერდითი ეფექტები, რომლებიც დაკავშირებულია სხვა პრეპარატების ერთდროულ მიღებასთან არ გამოვლენილა.

შენახვის პირობები:

პრეპარატი ინახება 15-30⁰C ტემპერატურაზე.

ვარგისიანობის ვადა: 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

PHENOXYMETHYLPENICILLIN

მწარმოებელი:

BIOCHEMIE GmbH

მოქმედი ნივთიერება: ფენოქსიმეთილპენიცილინი

კლინიკურ-ფარმაკოლოგიური ჯგუფი:

ანტიბიოტიკი-პენიცილინი

შემადგენლობა და გამოშვების ფორმა:

სიროფი: ფლაკონში 60 მლ, საზომ კოვზთან კომპლექტში

5მლ

ფენოქსიმეთილპენიცილინი (ბენზატინის მარილის სახით)  ……… 400 000სე

ოსპენი 750

სიროფი: ფლაკონში 60მლ, საზომ კოვზთან კომპლექტში

5 მლ

ფენოქსიმეთილპენიცილინი (ბენზატინის მარილის სახით) ………  750 000 სე

ვრცლად ფენოქსიმეთილპენიცილინი(დოზირება, მიღების წესი ინდივიდუალური)

საერთაშორისო დასახელება:

NIFEDIPINE

მწარმოებელი: BAYER HEALTH CARE AG, გერმანია

მოქმედი ნივთიერება: ნიფედიპინი

კლინიკურ-ფარმაკოლოგიური ჯგუფი:

კალციუმის ნელი არხების ბლოკატორი.

შემადგენლობა და გამოშვების ფორმა:

შემოგარსული ტაბლეტები: შეფუთვაში 28 ც.

1 ტაბ.

ნიფედიპინი ………………      20 მგ

1 ტაბ.

ნიფედიპინი …………………..30 მგ

1 ტაბ.

ნიფედიპინი ……………………60 მგ

დამხმარე ნივთიერებები:

ჰიდროქსიმეთილცელულოზა, პოლიეთილენოქსიდი, მაგნიუმის სტეარატი, ნატრიუმის ქლორიდი, რკინის წითელი ოქსიდი (E171), ტიტანის დიოქსიდი (E171) და სხვა.

ფარმაკოლოგიური თვისებები:

ნიფედიპინი ხასიათდება ანტიჰიპერტენზული და ანტიანგინალური მოქმედებით. იგი წარმოადგენს 1.4-დიჰიდროპირიდინის ჯგუფის წარმოებულს, კალციუმის ნელი არხების ბლოკატორს.

კალციუმის ბლოკატორები კალციუმის ნელი არხების ინჰიბირებით აფერხებენ კალციუმის იონების ტრანსმემბრანულ შეღწევას უჯრედებში. ნიფედიპინი მოქმედებს მიოკარდის, კორონარული და პერიფერიული არტერიების გლუვი კუნთოვანი ქსოვილის უჯრედებზე. იგი აფართოვებს და ხელს უწყობს კორონარული არტერიების სპაზმის კუპირებას, რაც აძლიერებს სისხლმიმოქცევას არტერიის პოსტსტენოზურ უბანში და აუმჯობესებს მიოკარდის ოქსიგენაციას.

აღნიშნულის გამო, პერიფერიული წინააღმდეგობის შემცირებით (პოსტდატვირთა), ნიფედიპინი აქვეითებს მიოკარდის მოთხოვნილებას ჟანგბადზე.

ნიფედიპინი ამცირებს არტერიოლებში გლუვი კუნთოვანი უჯრედების ტონუსს, რის გამოც სუსტდება სისხლძარღვთა პერიფერიული წინააღმდეგობა და შესაბამისად ქვეითდება არტერიული წნევა, თუმცა გულის შეკუმშვის სიხშირის გაზრდა არ არის საკმარისი სისხლძარღვთა გამაფართოვებელი ეფექტის კომპენსაციისათვის.

პრეპარატი ოსმო-ადალატი დამზადებულია ტექნოლოგიით, რომელიც უზუნველყოფს ნიფედიპინის თანაბარი კონცენტრაციით გამოყოფას 24 საათის განმავლობაში. ნიფედიპინი გამოიყოფა უჯრედიდან მუდმივი სიჩქარით მემბრანის მეშვეობით. ამავე დროს ნიფედიპინის გამოყოფის სიჩქარე არ არის დამოკიდებული კუჭ-ნაწლავის ტრაქტის მოტორიკაზე.

ჩვენებები:

• გულის ქრონიკული იშემიური დაავადება, სტაბილური სტენოკარდია (დაძაბვის სტენოკარდია);
• არტერიული ჰიპერტენზია.

მიღების წესი და დოზირება:

მკურნალობა ინდივიდუალურია და დამოკიდებულია დაავადების სიმძიმის ხარისხზე.

მოზრდილებს გულის იშემიური დააავადების დროს ენიშნებათ:

– 20 მგ 1 ტაბლეტი დღეში ერთხელ;

– 30 მგ 1 ტაბლეტი დღეში ერთხელ;

– 60 მგ 1 ტაბლეტი დღეში ერთხელ.

მოზრდილებს არტერიული ჰიპერტენზიის დროს ენიშნებათ:

– 20 მგ 1 ტაბლეტი დღეში ერთხელ;

– 30 მგ 1 ტაბლეტი დღეში ერთხელ;

– 60 მგ 1 ტაბლეტი დღეში ერთხელ.

მკურნალობის საწყისი დოზა – 30 მგ დღეში. ზოგიერთ შემთხვევაში საწყისი დოზა შეიძლება იყოს 20 მგ დღეში. 40 ან 50 მგ დღეში შეიძლება დანიშნოს 20 და 30 მგ-იანი ტაბლეტების კომბინაციით.

მაქსიმალური დოზა შეიძლება გაიზარდოს 120 მგ-მდე დღეში ერთხელ; პრეპარატი მიიღება მთლიანად, დაღეჭვის გარეშე, წყლის მიყოლებით.

გვერდითი მოვლენები:

ოსმო-ადალატით მკურნალობის დროს ყველაზე ხშირად გამოვლენილ გვერდით მოვლენებს მიეკუთვნება:

წარმოშობის სიხშირე 1%-ზე მეტი და 10% ნაკლები

ზოგადი: ასთენია (დაღლილობის შეგრძნება, საერთო სისუსტე).

გულ–სისხლძარღვთა სისტემის მხრივ: ვაზოდილატაცია (კანის სიწითლე, სიცხის შეგრძნება), ტაქიკარდია, წვივების შეშუპება.

საჭმლის მომნელებელი სისტემის მხრივ: გულისრევა.

ნერვული სისტემის მხრივ: თავბრუსხვევა, თავის ტკივილი.

წარმოშობის სიხშირე 0.1%-ზე მეტი და 1.0% ნაკლები

გულ–სისხლძარღვთა სისტემის მხრივ: სტენოკარდიის სიმპტომები, არტერიული ჰიპოტენზია, ტაქიკარდია, სინკოპეს მსგავსი მდგომარეობა.

საჭმლის მომნელებელი სისტემის მხრივ: ყაბზობა, დიარეა.

ძვალ–კუნთოვანი სისტემის მხრივ: მიალგია.

ნერვული სისტემის მხრივ: ნევროზი, პარესთეზიები, ტრემორი, ვერტიგო.

კანის მხრივ: ქავილი, გამონაყარი (ეგზანთემები, ერითემები).

გრძნობის ორგანოების მხრივ: მხედველობის დარღვევა.

სუნთქვის სისტემის მხრივ: დისპნოე.

შარდგამომყოფი სისტემის მხრივ: შარდვის გახშირება.

წარმოშობის სიხშირე 0.01%-ზე მეტი და 1.0% ნაკლები

საერთო მოქმედების მხრივ: ალერგიული რეაქციები (ანაფილაქსია);

მეტაბოლური ცვლილების მხრივ: ჰიპერგლიკემია.

საჭლის მომნელებელი სისტემის მხრივ: კუჭნაწლავის ტრაქტის მხრივ მოშლილობები, ცვლილებები ღვიძლის ფუნქციური ტესტების მაჩვენებლებში (ტრანსამინაზების აქტივობის მომატება, ღვიძლისშიდა ქოლესტაზი).

კანის თმიანი საფარველის მხრივ: ჭინჭრის ციება, ფოტოსენსიტიური დერმატიტი.

სისხლმიმოქცევის და ლიმფური სისტემის მხრივ: პურპურა.

წარმოშობის სიხშირე 0.01%-ზე ნაკლები

საჭმლის მომნელებელი სისტემის მხრივ: ღრძილების ჰიპერპლაზია.

სისხლმბადი სისტემის მხრივ: აგრანულოციტოზი.

სხვა რეაქცები: გინეკომასტია, ერითრომელალგია, ექსფოლიატური დერმატიტი, ალერგიული რეაქციები (ანაფილაქსიური რეაქცია).

უკუჩვენებები:

* მომატებული მგრძნობელობა პრეპარატის მიმართ;

* კარდიოგენული შოკი, მკვეთრად გამოხატული გულის უკმარისობა, მძიმე აორტული სტენოზი;

* ორსულობა და ლაქტაცია.

ორსულობა და ლაქტაცია:

* პრეპარატი ექსკრეტირებს დედის რძეში, რის გამოც ლაქტაციის პერიოდში პრეპარატის დანიშვნის შემთხვევაში საჭიროა ძუძუთი კვება შეწყდეს.

განსაკუთრებული მითითებები:

♦ პრეპარატი სიფრთხილით ენიშნებათ დაბალი არტერიული წნევის მქონე პაციენტებს (არტერიული ჰიპოტონია სისტოლური წნევით ნაკლები 90 მმ. ვერცხლის წყლის სვეტზე), აგრეთვე კლინიკურად გამოვლენილი გულის უკმარისობის და აორტის სტენოზის დროს.

♦ სიფრთხილით გამოიყენება პილოროსტენოზის შემთხვევაში ოსმო-ადალატის ტაბლეტის არაელასტიურობის გამო.

♦ აღწერილია გაუვალობის შემთხვევები. დაუშვებელია პრეპარატის გამოყენება პაციენტებში ილეოსტომით და რენტგენოლოგიური გამოკვლევის წინ, ვინიადან იგი შეიძლება ცრუ-დადებითი სურათის მიზეზი გახდეს.

♦ საჭიროა ღვიძლის ფუნქციის დარღვევის მქონე ავადმყოფთა ხშირი კონტროლი. მძიმე შემთხვევებში საჭიროა პრეპარატის დოზის შემცირება.

♦ არტერიული ჰიპერტონიის ავთვისებიანი ფორმით და ჰიპოვოლემიით შეპყრობილ ავადმყოფებში, რომლებიც იმყოფებიან ჰემოდიალიზზე, შესაძლებელია წნევის დაქვეითება, რაც წარმოადგენს პრეპარატის სისხლძარღვთა გამაფართოვებელი ეფექტის შედეგს.

♦ ოსმო-ადალატის მიღების დროს ვითარდება სხვადასხვა ინტენსივობის რეაქციები, რომლებიც უარყოფითად მოქმედებენ ავტომობილის მძღოლებსა და იმ პირებზე, რომლებსაც მუშაობა უხდებათ სხვადასხვა დანადგარებთან.

♦ პრეპარატის მკურნალობის პროცესში საჭიროა ალკოჰოლური სასმელებისაგან თავშეკავება.

სხვა წამლებთან ურთიერთქმედება:

ოსმო-ადალატის ჰიპოტენზური ეფექტი ძლიერდება მისი კომბინაციით სხვა ანტიანგინალურ პრეპარატებთან.

– ოსმო-ადალატის და დიგოქსინის ერთდროული დანიშვნით ქვეითდება დიგოქსინის კლირენსი და იზრდება სისხლში მისი კონცენტრაცია.

– პრეპარატის კომბინაციით ბეტა-ადრენორეცეპტორების ბლოკატორებთან ვითარდება არტერიული ჰიპოტონია, ზოგიერთ შემთხვევებში – გულის უკმარისობა.

– ქინიდითან ერთად პრეპარატის მიღების დროს, ქინიდინის კონცენტრაცია სისხლში ქვეითდება. ამ დროს საჭიროა დოზის კორექცია.

– ციმეტიდინი აძლიერებს ოსმო-ადალატის კონცენტრაციას პლაზმაში და შესაბამისად იზრდება პრეპარატის ჰიპოტენზური ეფექტი.

– ოსმო-ადალატის მიღება რიფამპიცინთან ერთად რეკომენდებული არ არის, ვინაიდან ღვიძლის ფერმენტების ინდუქციის გამო შესაძლებელია ადგილი ჰქონდეს პლაზმაში ოსმო-ადალატის არაეფექტურ კონცენტრაციებს.

– ოსმო-ადალატისა და მაგნიუმის სულფატის ვენაში ერთდროული შეყვანის დროს შესაძლებელია განვითარდეს ნერვკუნთოვანი ბლოკადა. დილთიაზემი ამცირებს ომსო-ადალატის კლირენსს. აღნიშნული კომბინაციის დროს საჭიროა ოსმო-ადალატის დოზის შემცირება.

– ოსმო-ადალატის მიღება გრეიფრუტის წვენთან ერთად აინჰიბირებს პრეპარატის მეტაბოლიზმს, რაც იწვევს მისი კონცენტრაციის მომატებას სისხლში და არტერიული წნევის დაქვეითებას.

– ოსმო-ადალატმა შეიძლება გამოიწვიოს შარდში ვანილინმჟავას არასწორი მომატებული სპექტროფოტომეტრული მაჩვენებლები.

– არ არის მიზანშეწონილი რიფამპიცინთან და მაგნიუმის სულფატთან მისი კომბინირება.

შენახვის პირობები:

პრეპარატი ინახება ოთახის ტემპერატურაზე, მშრალ სინათლისა და ბავშვებისაგან დაცულ ადგილას.

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.