მწარმოებელი: TRIMA ISRAEL PHARMACEUTICAL

PRODUCTS MAABAROT, ისრაელი

მოქმედი ნივთიერება: ლაქტიტოლის მონოჰიდრატი

კლინიკურ-ფარმაკოლოგიური ჯგუფი:

ოსმოსური საფაღარათო საშუალება. ჰიპოამონიემიური საშუალება.

შემადგენლობა და გამოშვების ფორმა:

სიროფი: ფლაკონში 200 მლ საზომი ჭიქით.

200 მლ

ლაქტიტოლის მონოჰიდრატი ........    134 გ

დამხმარე ნივთიერებები:

ნატრიუმის ბენზოატი, ლიმონმჟავა (გაუწყლოებული), გასუფთავებული წყალი.

ფარმაკოლოგიური თვისებები:

ლაქტიტოლის მონოჰიდრატი წარმოადგენს სინთეზურ დისაქარიდს, რომელიც არ ჰიდროლიზდება და არ შეიწოვება წვრილ ნაწლავში. მსხვილ ნაწლავში იშლება მოკლეჯაჭვიან ცხიმოვან მჟავებად, რაც იწვევს pH-ის დაქვეითებას ნაწლავის სანათურში, სტიმულირდება ნაწლავის პერისტალტიკა და რბილდება განავლოვანი მასები.

pH -ის დაქვეითება ხელს უწყობს NH₃-სგან არშეწოვადი NH₄ წარმოქმნას, რაც აქვეითებს პლაზმაში ამიაკის კონცენტრაციას. სტიმულირდება საქაროლიზური ბაქტერიების ზრდა, ითრგუნება პათოგენური ფლორის გამრავლება.

ჩვენებები:

• ყაბზობის მკურნალობა;
• ღვიძლისმიერი ენცეფალოპათიის მკურნალობა, მხოლოდ ექიმს დანიშნულებით.

მიღების წესი და დოზირება:

ყაბზობის მკურნალობა:

- ბავშვებში 1 წლამდე: 2.5-4 მლ ერთხელ დღეში;

- ბავშვებში 1-6 წლის: 4-7.5 მლ ერთხელ დღეში;

- ბავშვებში 6-12 წლის: 7.5-15 მლ ერთხელ დღეში;

- ბავშვებში 12-16 წლის: 15-30 მლ ერთხელ დღეში.

მოზრდილებში: 30 მლ ერთხელ დღეში.

ღვიძლისმიერი ენცეფალოპათიის მკურნალობა:

დოზირება ხდება ექიმის დანიშნულების მიხედვით. დოზა უნდა შეირჩეს ისე, რომ გამოიწვიოს კუჭის მოქმედება 2-ჯერ დღეში. დაუშვებელია რეკომენდებული დოზის გადაჭარბება.

თუ პაციენტის მდგომარეობის გაუმჯობესება არ აღინიშნება 7 დღეში, აუცილებელია ექიმის ინფორმირება.

მიღების წესები:

დოზირების სიზუსტისათვის გამოიყენება საზომი ჭიქა, რომელიც თან ახლავს მედიკამენტს. ერთი დღიური დოზა მიიღება საკვების მიღების დროს დილით ან საღამოს, პაციენტისთვის მოსახერხებელ საათებში.

პრეპარატი ამჟღავნებს თავის ეფექტურობას მიღებიდან რამოდენიმე საათში.

გვერდითი მოვლენები:

იშვიათ შემთხვევებში: დიარეა, რომელიც დოზა დამოკიდებულია (დოზის შემცირებისას სიმპტომი ქრება), გულისრევა, მუცლის შებერილობა და აირების დაგროვება, სლოკინი და აბდომინალური სპაზმი. ეს გვერდითი მოვლენები ქრება მედიკამენტის მიმართ ადაპტაციის შემდგომ. თუ აღნიშნული მოვლენები შენარჩუნდა ან გაუარესდა, საჭიროა ექიმის ინფორმირება.

გვერდითი მოვლენები, რომლებიც მოითხოვენ განსაკუთრებულ ყურადღებას:

იშვიათად: ანალური ქავილი, ღებინება, ელექტროლიტების დეფიციტის ნიშნები (უჩვეულოდ გამოხატული ადვილად დაღლა ან საერთო სისუსტე), მომატებული გულისცემის სიხშირე, გონების დაბინდვა (იშვიათად) თუ ზემოთ ჩამოთვლილი გვერდითი მოვლენები განვითარდა, დაუყოვნებლივ წყდება პრეპარატის მიღება და საჭიროა ექიმთან კონსულტაცია.

უკუჩვენებები:

*  პრეპარატის რომელიმე კომპონენტის მიმართ ჰიპერმგრძნობელობა, გალაკტოზემია, ნაწლავის ობსტრუქცია, ნაწლავის ქრონიკული დისფუნქცია, ლაქტიტოლის შეუთავსებლობა.

*მკურნალობის დაწყება არ არის რეკომენდებული ექიმის კონსულტაციის გარეშე;

* ორსულობის ან ლაქტაციის პერიოდში;

* თუ პაციენტს აღენიშნება ან ახლო წარსულში აღენიშნებოდა ღვიძლის ფუნქციის დარღვევა;

* თუ პაციენტს ჩაუტარდა ნაწლავზე ოპერაცია;

* ძლიერი აბდომინალური ტკივილების, ანალური სისხლდენის ან აპენდიციტის სიმპტომების გამოვლენისას (დაუდგენელი აბდომინალური ტკივილები, გულისრევა ან ღებინება);

* დიაბეტით დაავადებული პაციენტები.

განსაკუთრებული მითითებები:

* ყაბზობის დროს აუცილებელია სითხის მიღება, სულ მცირე 2 ლ დღეში (8 ჭიქა). ლაქტიტოლის უნიკალური ფიზიოლოგიური მოქმედების გამო სასურველი შედეგი ვლინდება მიღებიდან 2-3 დღის შემდეგ. ღვიძლისმიერი ენცეფალოპათია საჭიროებს ხანგრძლივ მკურნალობას რეციდივის თავიდან აცილების მიზნით.

* ხანგრძლივმა გამოყენებამ შეიძლება გამოიწვიოს მსგავსი ლაქსატივების მიმართ დამოკიდებულება. პრეპარატი გამოიყენება მხოლოდ მაშინ, როდესაც ყაბზობა გრძელდება რამდენიმე დღე. კუჭის მოქმედების არ არსებობა ერთი ან ორი დღე არ წარმოადგენს ჩვენებას ამ პრეპარატისათვის. ეს პრეპარატი არ გამოიყენება როგორც “ორგანიზმის გამწმენდი” საშუალება.

* პაციენტებს, რომლებიც იყენებენ ამ პრეპარატს 6 თვე და მეტი (ღვიძლისმიერი ენცეფალოპათიის ჩვენებით), აუცილებელია ჩაუტარდეთ ტესტი სისხლის ელექტროლიტებზე.

ჭარბი დოზირება:

ჰიპერდოზირების შემთხვევაში არ არის მიზანშეწონილი ღებინების ხელოვნურად გამოწვევა.

სხვა წამლებთან ურთიერთქმედება:

- არ არის რეკომენდებული სხვა ლაქსატივებთან კომბინაცია (განსაკუთრებით მკურნალობის საწყის ეტაპზე).

- ღვიძლისმიერი ენცეფალოპათიის მკურნალობის დროს დაუშვებელია ნოვოლაქსის მიღება ანტაციდებთან ან ნეომიცინთან ერთად.

შენახვის პირობები:

პრეპარატი ინახება გრილ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

საერთაშორისო დასახელება:

PROCAINE

მწარმოებელი: BIOPHARM

მოქმედი ნივთიერება: პროკაინი

კლინიკურ-ფარმაკოლოგიური ჯგუფი:

ანალგეზიური არასტეროიდული ანთების საწინააღმდეგო საშუალება; ადგილობრივი საანესთეზიო სამკურნალო საშუალება

შემადგენლობა და გამოშვების ფორმა:

საინექციო ხსნარი 0.5%: ამპულაში 2 მლ და 5 მლ, შეფუთვაში 10 ც.

1 მლ.

პროკაინი ...............   5 მგ

საინექციო სხნარი 2%: ამპულაში 2 მლ და 5 მლ, შეფუთვაში 10 ც.

1 მლ

პროკაინი ............  20 მგ

ფარმაკოლოგიური თვისებები:
პრეპარატის საანესთეზიო მოქმედების მექანიზმი დაკავშირებული ნატრიუმის არხების ბლოკადასთან, კალიუმის დენის დათრგუნვასთან, კალციუმის იონებთან კონკურენციასთან. აგრეთვე ფოსფოლიპიდური მემბრანის ზედაპირული დაჭიმულობის დაქვეითებასთან, ჟანგვა აღდგენითი პროცესების და იმპულსების გენერაციასთან და დათრგუნვასთან. პრეპარატი სისხლში მოხვედრისას ამცირებს აცეტილქოლინის წარმოქმნას, აქვეითებს პერიფერიული ქოლინორეაქტიული სისტემების აგზნებას, ავლენს ვეგეტატიურ განგლიებზე მაბლოკირებელ მოქმედებას, აქვეითებს გულის კუნთის და თავის ტვინის ქერქის მოტორული ზონის აგზნებას.

ფარმაკოკინეტიკა:
ორგანიზმში მოხვედრისას იგი შედარებით სწრაფად ჰიდროლიზდება და წარმოქმნის პარა-ამინობენზოის მჟავასა და დიეთილამინოეთანოლს.

ჩვენებები:
პრეპარატი გამოიყენება როგორც ადგილობრივი ტკივილგამაყუჩებელი საშუალება – ძირითადად ინფილტრაციული ანესთეზიის და სამკურნალო ბლოკადის სახით.

ზედაპირული ანესთეზიის დროს პრეპარატი სუსტად აღწევს დაუზიანებელ ლორწოვან გარსში, რის გამოც ამ მიზნით მისი გამოყენება არ არის მიზანშეწონილი.

ცალკეულ შემთხვევებში პრეპარატი შეიძლება გამოყენებულ იქნას კუჭისა და ნაწლავების წყლულოვანი დაზიანების დროს.

მიღების წესი და დოზირება:
ადგილობრივი საანესთეზიო მოქმედებისათვის პრეპარატის დოზა დამოკიდებულია მის კონცენტრაციაზე, ოპერაციული ჩარევის ხასიათზე, შეყვანის წესსზე, პაციენტის მდგომარეობასა და ასაკზე.
პარანეფრალური ბლოკადის დროს მოზრდილებში პრეპარატი შეჰყავთ 50-80 მლ 0,5% ან 100-150 მლ 0,25% ნოვოკაინის ხსნარი.

ვაგოსიმპათიკური ბლოკადის დროს მოზრდილებში შეჰყავთ 30-100 მლ 0,25% ხსნარი.

მოზრდილებში პრეპარატი შეჰყავთ 10-15 მლ 0,25-0,5% ხსნარის ოდენობით, რომელიც განზავებულია ფიზიოლოგიურ ხსნარში.

ეგზემების, ნეიროდერმიტების და იშიაზის დროს ცირკულარული ან პარავერტებრალური ბლოკადის დროს იყენებენ 0,25-0,5%-იან ხსნარს.

ვენაში შესაყვანი მაქსიმალური დოზა მოზარდებში შეადგენს 0,25 %-იან ხსნარს – 20 მლ ერთჯერადად (40 მლ - სადღეღამისო).

მოზარდებში ინფილტრაციული ანესთეზიისათვის მაქსიმალური ერთჯერადი დოზაა 0,25% -ანი ხსნარის - 500 მლ, ხოლო 0,5%-ის - 150 მლ.

გვერდითი მოქმედება:
ნოვოკაინი როგორც წესი კარგი ტოლერანტობით ხასიათდება., მაგრამ მიუხედავად ამისა, მისი გამოყენებისას სიფრთხილეა საჭიროა, ვინაიდან ზოგიერთ პაციენტებში მოსალოდნელია პრეპარატის მიმართ მომატებული მგრძნობელობა (გონების დაბინდვა, საერთო სისუსტე, არტერიული წნევის დაქვეითება, კოლაფსი, შოკი). შესაძლებელია განვითარდეს ალერგიული რეაქციები კანის მხრივ (დერმატიტები, შეშუპება).

უკუჩვენებები:
* პრეპარატის მიმართ მომატებული მგრძნობელობა.

სხვა წამლებთან ურთიერთქმედება:
პრეპარატი ნერვ-კუნთოვან გადაცემაზე ამცირებს ანტიქოლინესთერაზული საშუალებების ზემოქმედებას. ნოვოკაინის ვენაში შეყვანა აძლიერებს იმ სამკურნალო საშუალებების მოქმედებას, რომლებიც გამოიყენებიან სანარკოზედ.

ნოვოკაინის ადგილობრივი საანესთეზიო საშუალებად გამოყენების მიზნით, რათა თავიდან ავიცილოთ პრეპარატით გამოწვეული გამონაყარის განვითარება, აგრეთვე იმისათვის, რომ გავახანგრძლივოთ მისი მოქმედება, 2-5- 10 მლ ნოვოკაინის ხსნარის 1 წვეთი უნდა განვაზავოთ 0,1% ადრენალინის ჰიდროქლორიდის ხსნარში.

პერიფერიული სპაზმის მოსახსნელად და მოყინვით გამოწვეული მიკროცირკულაციის გასაუმჯობესებლად გამოიყენება 0,25% 10 მლ ნოვოკაინის, 2 მლ 2% პაპავერინის ჰიდროქლორიდის, 2 მლ 1% ნიკოტინის მჟავას და 10000 სე ჰეპარინის  ნარევი.

ჭარბი დოზირება:
ჭარბი დოზირების შემთხვევაში პრეპარატის მიღება დაუყოვნებლივ უნდა შეწყდეს. პრეპარატით ადგილობრივი ანესთეზიის დროს შეყვანის ადგილი შესაძლებელია დავამუშავოთ ადრენალინით. პრეპარატის ვენაში შეყვანას აწარმოებენ ფორსირებული დიურეზის შემდეგ. მკურნალობა სიმპტომატურია.

განსაკუთრებული მითითება:
პრეპარატი სიფრთხილით შეჰყავთ გულის ბლოკადის, არითმიის, ბრადიკარდიის, ალერგიების, აგრეთვე ლაქტაციის დროს. გვერდითი მოვლენების გამოვლენის მიზნით ნოვოკაინი დასაწყისში გამოიყენება მცირე დოზებით. გვერდითი მოვლენების შესამცირებლად და მათ აღმოსაფხვრელად, საჭიროა ანტიჰისტამინური საშუალებებისა და კორტიკოსტეროიდების გამოყენება.

შენახვის პირობები:
ინახება სინათლისაგან  დაცულ ადგილას
ვარგისიანობის ვადა - 2 წელი

მწარმოებელი: IVAX, ჩეხეთი

კლინიკურ-ფარმაკოლოგიური ჯგუფი:

მცენარეული წარმოშობის საძილე და სედატიური საშუალება.

შემადგენლობა და გამოშვების ფორმა:

შემოგარსული ტაბლეტები: ფლაკონში 30 ც.

ან ბლისტერზე 10 ტაბ., შეფუთვაში 1 ბლისტერი.

1 ტაბ.

ნოვო-პასიტი მშრალი ექსტრაქტი  .......157.5 მგ

(კატაბალახა სამკურნალო, ბარამბო სამკურნალო, კრაზანა ჩვეულებრივი, კუნელი, ინკარნატის პასიფლორა, დიდგულა, ჩვეულებრივი სვია).

გვაიფენეზინი   ...............................200.0 მგ

დამხმარე ნივთიერებები:

ბირთვი: კოლოიდური კაჟმიწა, მიკროკრისტალური ცელულოზა, კომპრიტოლი “888ATO”  მაგნიუმის სტეარატი, ლაქტოზა “Fast fiow”.

გარსი: ოპადრა “AMV 80W 31115” მწვანე.

ხსნარი პერორალური მიღებისათვის: ფლაკონში 100 მლ

1 ფლ.

სამკურნალო მცენარეების თხევადი ექსტრაქტი .......    7.75 გ

(კატაბალახა სამკურნალო, ბარამბო სამკურნალო, კრაზანა ჩვეულებრივი, კუნელი, ინკარნატის პასიფლორა, დიდგულა, ჩვეულებრივი სვია).

გვაიფენეზინი ....................... 4 გ

დამხმარე ნივთიერებები:

პროპილენგლიკოლი, ნატრიუმის ციკლამატი, ქსანტუმის გუმფისი, ინვერტოზა 50%, ნატრიუმის ბენზოატი, ნატრიუმის საქაროზას მონოჰიდრატი, ეთანოლი 96%, ფორთოხლის არომატი, ნატრიუმის ციტრატის დეჰიდრატი, მალტოდექსტრინი, გასუფთავებული წყალი.

ფარმაკოლოგიური თვისებები:

კომბინირებული პრეპარატი, რომელიც შეიცავს სამკურნალო მცენარეების ექსტრაქტებს და გვაიფენეზინს. გააჩნია სედატიური და ანქსიოლიზური მოქმედება. ამცირებს განგაშის შეგრძნებასა და ფსიქიურ დაძაბულობას. ადუნებს გლუვ კუნთებს.

გვაიფენეზინი კუჭ-ნაწლავის ტრაქტიდან სწრაფად შეიწოვება, მეტაბოლიზდება ღვიძლში, უკავშირდება გლუკურონის მჟავას და გამოიყოფა ინაქტიური მეტაბოლიტების სახით. გამოყოფა ძირითადად ხდება შარდთან ერთად. ბიოლოგიური ნახევარგამოყოფის პერიოდი მიახლოებით არის 1 საათი.

ჩვენებები:

• ნევრასთენია და ნევროზული რეაქციები, რომლებსაც თან ახლავს აგზნებადობა, განგაშის შეგრძნება, შიში, დაღლილობა, ყურადღების გაფანტვა;
• “მენეჯერის სინდრომი” (მუდმივი ფსიქიური დაძაბულობის მდგომარეობა);
• უძილობა (მსუბუქი ფორმები);
• ნერვიული დაძაბულობით განპირობებული თავის ტკივილები;
• შაკიკი;
• კუჭ-ნაწლავის ტრაქტის ფუნქციონალური დაავადებები (დისპეფსიური სინდრომი, “გაღიზიანებული ნაწლავის’ სინდრომი);
• ნეიროცირკულატორული დისტონიისა და კლიმაქტერული სინდრომის დროს, როგორც სიმპტომატური საშუალება;
• დერმატოზები, რომელთაც თან ახლავს ქავილი (ატოპიური და სებორეული ეგზემა, ჭინჭრის ციება).

მიღების წესი და დოზირება:

ტაბლეტები

მოზრდილებში და ბავშვებში 12 წლის ზევით: ჩვეულებრივ შემთხვევებში 1 ტაბლეტი 3-ჯერ დღეში საჭიროების შემთხვევაში, შესაძლებელია დღე-ღამის დოზის გაზრდა 2 ტაბლეტამდე 3-ჯერ დღეში. არასასურველი დათრგუნვის წარმოშობის შემთხვევაში, საჭიროა დილისა და დღის დოზის შემცირება - 1/2 ტაბლეტის მიღება, ხოლო საღამოს დოზა - 1 ტაბლეტი.

დოზის შეცვლა შესაძლებელია პაციენტის რეაქციის მიხედვით. პრეპარატის მიღებათა შორის ინტერვალი უნდა იყოს 4-6 საათი. პრეპარატის მიღება უნდა მოხდეს სასმელებთან ერთად (ჩაი, წვენი - გარდა გრეიფრუტის წვენისა). კუჭ-ნაწლავის ტრაქტის დისკომფორტის ან ღებინების შეგრძნების შემთხვევაში პრეპარატი მიღებული უნდა იქნას ჭამის დროს.

ხსნარი

მოზრდილებში და ბავშვებში 12 წლის ასაკის ზევით: ჩვეულებრივ შემთხვევებში ნოვო-პასიტი მიიღება 5 მლ 3-ჯერ დღეში. საჭიროების შემთხვევაში, შესაძლებელია დღე-ღამის დოზის გაზრდა 10 მლ-მდე 3-ჯერ დღეში. არასასურველი დათრგუნვის წარმოშობის შემთხვევაში, დილისა და დღის დოზას ამცირებენ ნახევრამდე და იღებენ 2.5 მლ, ხოლო საღამოს - 5 მლ.

დოზის შეცვლა შესაძლებელია პაციენტის რეაქციის მიხედვით. პრეპარატის მიღებათაშორის ინტერვალი უნდა იყოს 4-6 საათი.

პრეპარატი მიიღება პირდაპირ მენზურიდან ან სასმელებთან ერთად (ჩაი, ხილის წვენი და სხვა). კუჭ-ნაწლავის ტრაქტის დისკომფორტის ან ღებინების შეგრძნების შემთხვევაში პრეპარატი მიღებული უნდა იქნას ჭამის დროს.

გვერდითი მოვლენები:

პაციენტები ჩვეულებრივ  კარგად იტანენ პრეპარატს. მაგრამ იშვიათ შემთხვევაში შეიძლება წარმოიშვას შემდეგი არასასურველი რეაქციები: თავბრუსხვევა, დაღლილობა, ძილიანობა, ალერგიული რეაქციები, ეგზანთემა, კუჭ-ნაწლავის ტრაქტის მოშლა (გულისრევა, ღებინება სპაზმები, წვა, შეკრულობა), ყურადღების კონცენტრაციის დაქვეითება, რომლებიც სწრაფად გადის პრეპარატის შეწყვეტის შემდეგ.

უკუჩვენებები:

* მომატებული მგრძნობელობა პრეპარატის შემადგენელი კომპონენტების მიმართ, განსაკუთრებით გვაიფენეზინის მიმართ, მიასთენია, ეპილეფსია.

* პრეპარატი ნოვო-პასიტი უკუნაჩვენებია ბავშვებისათვის 12 წლის ასაკამდე.

* გადაწყვეტილებას პრეპარატის მიღებისა შაქრიანი დიაბეტითა და ღვიძლის მძიმე ფორმით დაავადებულ პაციენტებში, ასევე ორსულობის პერიოდსა და მეძუძურებში იღებს მკურნალი ექიმი.

ორსულობა და ლაქტაცია:

ორსულობისა და ლაქტაციის პერიოდში (მეძუძურ დედებში) ექიმის მეთვალყურეობის ქვეშ შესაძლებელია ნოვო-პასიტის მიღება.

განსაკუთრებული მითითებები:

* სხვა სამკურნალო საშუალებებისა და ნოვო-პასიტის ერთდროული მიღება შესაძლებელია ექიმის რეკომენდაციით.

* სიფრთხილეა საჭირო პრეპარატის გამოყენებისას კუჭ-ნაწლავის ტრაქტის მწვავე დაავადებების დროს.

* პრეპარატის გამოყენებისას დაუშვებელია ალკოჰოლური სასმელების მიღება.

* 7 დღის განმავლობაში მდგომარეობა თუ არ გაუმჯობესდა ან პირიქით გაუარესდა, გამოვლინდა გვერდითი მოვლენები ანდა სხვა არადამახასიათებელი რეაქციები, პრეპარატის შემდგომში მიღებასთან დაკავშირებით აუცილებელია ექიმის კონსულტაცია.

* პრეპარატის თითოეული დოზა შეიცავს 0.703 გ-მდე ეთანოლს, რომელიც მავნებელია ბავშვებისათვის, პაციენტებისათვის ღვიძლის დაავადებით, ალკოჰოლიკების, ეპილეპტიკების, ორსულებისა და მეძუძურებისათვის. ეთანოლს შეუძლია შეცვალოს ან გააძლიეროს სხვა პრეპარატების მოქმედება.

* პრეპარატი შეიცავს 13.3-15.1 გ გლუკოზას და 13.3-15.1 გ ფრუქტოზას. პრეპარატის რეკომენდებული დოზის მიღების შემთხვევაში თითოეული დოზა შეიცავს 1.5 გ-მდე გლუკოზასა და 1.5 გ-მდე ფრუქტოზას.

ზემოქმედება მანქანის და მექანიზმების მართვის შესაძლებლობებზე: მკურნალობის პერიოდში აუცილებელია თავის შეკავება პოტენციურად საშიში საქმიანობის სახეობებისგან, რომლებიც საჭიროებს ყურადღების ძლიერ კონცენტრაციას და ფსიქომოტორული რეაქციების სისწრაფეს.

შენახვის პირობები:

პრეპარატი ინახება 10-25⁰C ტემპერატურაზე მშრალ, სინათლისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: ტაბლეტები - 3 წელი, ხსნარი - 4 წელი.

საერთაშორისო დასახელება: REPAGLINIDE

მწარმოებელი: NOVO NORDISK, დანია

მოქმედი ნივთიერება: რეპაგლინიდი

კლინიკურ-ფარმაკოლოგიური ჯგუფი:

შაქრიანი დიაბეტის სამკურნალო საშუალება.

შემადგენლობა და გამოშვების ფორმა:

ტაბლეტები: შეფუთვაში 30 ც.

1 ტაბ.

რეპაგლინიდი ........ 0.5 მგ

1 ტაბ.

რეპაგლინიდი .......1 მგ

1 ტაბ.

რეპაგლინიდი........2 მგ

დამხმარე ნივთიერებები:

მიკროკრისტალური ცელულოზა (E460), ფოსფორმჟავა კალციუმი, უწყლო სიმინდის სახამებელი ამბერლიტი (კალიუმის პოლაკრილინი), პოვიდონი (პოლივიდონი), 85% გლიცერინი, მაგნიუმის სტეარატი, მეგლუმინი, რკინის წითელი ჟანგი (E172), - ტაბლეტების საღებავი 2 მგ.

ფარმაკოლოგიური თვისებები:

მეორე ტიპის შაქრიანი დიაბეტი წარმოადგენს დაავადებას, რომლის დროსაც კუჭქვეშა ჯირკვალი ვერ გამოიმუშავებს სათანადო რაოდენობის ინსულინს სისხლში გლუკოზის კონცენტრაციის ადექვატური კონტროლისათვის. მეორე ტიპის დიაბეტი ასევე ცნობილია ინსულინდამოუკიდებელი, ან მოზრდილთა დიაბეტის სახელით.

ნოვონორმი ხელს უწყობს კუჭქვეშა ჯირკვლის მიერ საკვების მიღებასთან დაკავშირებით მეტი ინსულინის გამომუშავებას და გამოიყენება შაქრიანი დიაბეტის დროს ნახშირწყლოვანი ცვლის რეგულაციის მიზნით მეორე ტიპის დიაბეტის დროს.

ნოვონორმი ინიშნება დიეტასთან და ფიზიკურ აქტივობასთან კომბინაციაში. ნოვონორმით მკურნალობის დაწყება საჭიროა მაშინ, როდესაც მხოლოდ დიეტით, ფიზიკური აქტივობის გაზრდითა და ჭარბი წონის დაკლებით ვერ ხერხდება სისხლში გლუკოზის დონის დარეგულირება (ან დაქვეითება). შესაძლებელია ნოვონორმის კომბინირება მეტფორმინთან.

ჩვენებები:

• ინსულინდამოუკიდებელი შაქრიანი დიაბეტი (II ტიპის).

მიღების წესი და დოზირება:

« ნოვონორმი ინიშნება ყოველი ძირითადი კვების წინ, პერორალურად წყლის მიყოლებით.

« საწყის დოზას ადგენს ექიმი. ჩვეულებრივ იგი შეადგენს 0.5 მგ-ს უშუალოდ ყოველი ჭამის წინ. ექიმის მიერ შესაძლებელია დოზის გაზრდა 4 მგ-მდე. მაქსიმალური რეკომენდებული დოზა 16 მგ დღეღამის განმავლობაში. რომელიმე დოზის გამოტოვების შემდეგ საჭიროა ჩვეულებრივი დოზის მიღება მისი გაორმაგების გარეშე.

« ვინაიდან არ მოიპოვება მონაცემები ნოვონორმის 18 წელზე უმცროსი და 75 წელზე უფროსი ასაკის პაციენტებში გამოყენების შესახებ, მათთვის აღნიშნული პრეპარატის მიღება არ არის რეკომენდებული, ისევე როგორც ღვიძლის საშუალო ან მძიმე ხარისხის დაზიანების მქონე პაციენტებში.

გვერდითი მოვლენები:

იშვიათად ნოვონორმის მიღებისას შესაძლებელია ჰიპოგლიკემიის განვითარება, სხვა გვერდითი ეფექტები, გარდა ჰიპოგლიკემიის თანმხლები მოვლენებისა, ჩვეულებრივ სუსტადაა გამოხატული და გარდამავალია. მათ მიეკუთვნება შემდეგი გასტროენტერული სიმპტომები:

- ტკივილი მუცლის არეში;

- ფაღარათი;

- გულისრევა;

- ღებინება;

- ყაბზობა.

იშვიათად პრეპარატის მიღებისას პაციენტებს აღენიშნებათ მოვლენები, რომლებიც შესაძლოა არ არის დაკავშირებულნი პრეპარატის მიღებასთან;

- მხედველობის დარღვევა;

- ღვიძლის ფერმენტების დონის მომატება.

ზოგიერთ პაციენტში შესაძლებელია ალერგიული რეაქციის განვითარება კანზე გამონაყარის და ქავილის სახით. ასეთ შემთხვევაში აუცილებელია ექიმის დაუყოვნებელი ინფორმირება.

უკუჩვენებები:

ნოვონორმის მიღება წინააღმდეგნაჩვენებია:

* რეპაგლინიდზე ალერგიის (ნოვონორმის აქტიური ნივთიერება) ან მომატებული მგრძნობელობის შემთხვევაში პრეპარატში შემავალი რომელიმე ნივთიერების მიმართ;

* პირველი ტიპის შაქრიანი დიაბეტის (ინსულინდამოკიდებული დიაბეტი) დროს;

* დიაბეტური კეტოაციდოზის შემთხვევაში;

* ორსულობის ან დაგეგმილი ორსულობის დროს;

* ლაქტაციის პერიოდში;

* 12 წლამდე ასაკის ბავშვებში;

* თირკმელების ან ღვიძლის მძიმე დაავადების დროს;

* ისეთი პრეპარატის მიღებისას, რომელთაც ორგანიზმში ნოვონორმის  ცვლაზე შეუძლიათ გავლენა იქონიონ.

განსაკუთრებული მითითებები:

! სიფრთხილეა საჭირო:

* ღვიძლის ან თირკმელების დაავადების დროს;

* მნიშვნელოვანი ოპერაციის წინ ან ცოტა ხნის წინ გადატანილი მძიმე დაავადების ან ინფექციის შემთხვევაში;

* ზემოთ აღნიშნული მდგომარეობების დროს შესაძლოა დაირღვეს შაქრიანი დიაბეტის კონტროლი.

*რეკომენდებულია უსაფრთხოების ზომების მიღება ტრანსპორტის მართვისას ჰიპოგლიკემიის რისკის დროს. ეს განსაკუთრებით მნიშვნელოვანია, თუ ჰიპოგლიკემიის სიმპტომები სუსტადაა გამოხატული ან ჰიპოგლიკემიის შეტევები ხშირია. ასეთ შემთხვევაში ტრანსპორტის მართვა არ არის მიზანშეწონილი.

* ნოვონორმზე მოთხოვნილება შეიძლება შეიცვალოს ალკოჰოლის გამოყენებისას.

* ნოვონორმის მიღება საჭიროა ექიმის რეკომენდაციის შესაბამისად. არ შეიძლება ნოვონორმის დოზის მიღება, რომელიც ექიმის მიერ დანიშნულს აღემატება.

ჭარბი დოზირება:

ხასიათდება ჰიპოგლიკემიის განვითარებით, რომლის სიმპტომებს მიეკუთვნება:

- თავის ტკივილი;

- თავბრუ;

- დაღლილობა;

- გულისცემის გახშირება;

- აგზნება და შემცივნება;

- გულისრევა;

- ოფლიანობა;

რომელიმე აღნიშნული სიმპტომის არსებობის შემთხვევაში საჭიროა ტაბლეტების სახით გლუკოზის ან შაქრის მიღება, ან ტკბილი სითხის დალევა შემდგომი დასვენებით. მდგომარეობის გაუარესების შემთხვევაში საჭიროა მისი კორეგირება სტაციონარის პირობებში. სათანადო მკურნალობის გარეშე ჰიპოგლიკემიის შეტევამ შესაძლოა მძიმე ფორმა მიიღოს და გონების დაკარგვა ან უფრო სერიოზული მდგომარეობის განვითარება გამოიწვიოს.

სხვა წამლებთან ურთიერთქმედება:

სხვა წამლებთან ერთად მიღებისას ნოვონორმზე მოთხოვნილება შეიძლება შეიცვალოს, განსაკუთრებით თუ პაციენტი ღებულობს შემდეგი პრეპარატებიდან რომელიმეს:

- მონოამინოქსიდაზას ინჰიბიტორები (დეპრესიის სამკურნალოდ);

- არასელექტიური ბეტა-ბლოკატორები (მაღალი არტერიული  წნევისა და გულის ზოგიერთი დაავადების სამკურნალოდ);

- ანგიოტენზინგარდამქმნელი ენზიმის ინჰიბიტორები;

- სალიცილატები (მაგალითად, ასპირინი);

- ოქტრეოტიდი;

- არასტეროიდული ანთების საწინააღმდეგო საშუალებები;

- ანაბოლური სტეროიდები და კორტიკოსტეროიდები;

- პერორალური ჩასახვის საწინააღმდეგო საშუალებები;

- თიაზიდები;

- დანაზოლი;

- თირეოიდული პრეპარატები;

- სიმპათომიმეტური (ასთმის სამკურნალო) საშუალებები;

- ანტიმიკოზური საშუალებები, როგორიცაა კეტოკონაზოლი;

- ანტიბაქტერიული პრეპარატები, როგორიცაა ერითრომიცინი;

- პრეპარატებს, რომლებიც იწვევენ ღვიძლის ფერმენტების აქტივობის მომატებას როგორიცაა რიფამპიცინი ან ფენიტიონი, შეუძლიათ ნოვონორმის ეფექტურობის დაქვეითება.

შენახვის პირობები:

პრეპარატი ინახება 15-25⁰C ტემპერატურაზე, მშრალ, ბავშვებისაგან დაცულ ადგილას.

საერთაშორისო დასახელება:

ETHINYLESTRADIOL; DESOGESTREL

მწარმოებელი: GEDEON RICHTER, უნგრეთი

მოქმედი ნივთიერება: ეთინილესტრადიოლი+დეზოგესტრელი

კლინიკურ-ფარმაკოლოგიური ჯგუფი:

მონოფაზური ჰორმონული კონტრაცეპტივი.

შემადგენლობა და გამოშვების ფორმა:

შემოგარსული ტაბლეტები: შეფუთვაში 21 ც.

1 ტაბ.

ეთინილესტრადიოლი .......      20 მკგ

დეზოგესტრელი ................    150 მკგ

ფარმაკოლოგიური თვისებები:

ნოვინეტი უკუკავშირის პრინციპის საფუძველზე აინჰიბირებს ჰიპოთალამუსის რილიზინგ ფაქტორების და შესაბამისად გონადოტროპული ჰორმონების პროდუქციას, რის გამოც თრგუნავს ოვულაციის პროცესს. ამასთან ერთად იგი ხელს უშლის განაყოფიერებული კვერცხუჯრედის იმპლანტაციას და მის ტრანსპორტირებას ფალოპის მილებში.

ჩვენებები:

• კონტრაცეპცია;
• მენსტრუალური ციკლის ფუნქციური დარღვევა;
• პრემენსტრუალური დაძაბვის სინდრომი.

პრეპარატით მკურნალობის დაწყებამდე აუცილებელია პაციენტს ჩაუტარდეს ზოგადი (არტერიული წნევის გაზომვა და შაქრის კონცენტრაციის განსაზღვრა სისხლში) და გინეკოლოგიური გამოკვლევა, რისკთან დაკავშირებული დაავადებების გამოსარიცხად.

მიღების წესი და დოზირება:

« პრეპარატის მიღება იწყება მენსტრუალური ციკლის პირველ დღეს.

« პირველი ტაბლეტი ინიშნება კვირის შესაბამისი დღის მიხედვით ყოველდღიურად  21 დღის განმავლობაში.

« ტაბლეტის მიღება წარმოებს შესაბამისი დღეების მიხედვით, სანამ არ იქნება მიღებული ყველა ტაბლეტი. მიღების დღის მონიშვნა ხდება წინასწარ, შესაბამისი დღის ადგილას ფიქსირდება ფოლგა.

« მთლიანი შეფუთვის გამოყენების შემდეგ იწყება 7 დღიანი ინტერვალი, როდესაც აღინიშნება მენსტრუაციის მსგავსი სისხლდენა.

« მერვე დღეს პრეპარატის მიღება გრძელდება შემდეგი შეფუთვიდან, მიუხედავად იმისა, დამთავრდა თუ არა სისხლდენა. შეფუთვაზე არსებული ციფრები და ისარი მიუთითებენ ტაბლეტების მიღების სისწორეზე.

! პრეპარატის არარეგულარული მიღება, ღებინება, ნაწლავების დაავადება თანმხლები დიარეით, ნივთიერებათა ცვლის ინდივიდუალური დარღვევები და ასევე ზოგიერთი პრეპარატების პარალელური მიღება ხასიათდება უარყოფითი ზეგავლენით პრეპარატის კონტრაცეპტულ თვისებებზე.

! იშვიათ შემთხვევაში, თუ შესვენების დროს სისხლდენა არ განვითარდა, პრეპარატის მიღება წყდება, რომლის დროსაც საჭიროა მკურნალ ექიმთან კონსულტაცია ორსულობის გამოსარიცხად.

« თუ პაციენტს დაავიწყდა პრეპარატის მიღება დადგენილ დროს, მისი მიღება წარმოებს უახლოესი 12 საათის განმავლობაში. თუ ეს ინტერვალი აღემატება 12 საათს, აღინიშნება ღებინება ან დიარეა, პრეპარატის მიღება გრძელდება დაწყებული შეფუთვიდან, რათა თავიდან ავიცილოთ ნაადრევი  სისხლდენა. ასეთ შემთხვევაში რეკომენდებულია დამატებითი არაჰორმონული საშუალებების გამოყენება ორსულობის თავიდან ასაცილებლად (გამონაკლისია კალენდარული მეთოდი და შიდავაგინალური ტემპერატურის გაზომვა). გამოტოვებული დოზა არ მიიღება. როდესაც დასრულდება დაწყებული შეფუთვა, იწყება 7 დღიანი შესვენება, რომლის დროსაც აღინიშნება სისხლდენა.

! თუ სისხლდენა არ განვითარდა, აუცილებელია ექიმთან კონსულტაცია.

« თუ პაციენტი იღებდა სხვა ჰორმონულ კონტრაცეპტივს, ან ხანმოკლე დროში მშობიარობის, ან აბორტის შემდეგ უნდა დაიწყოს ნოვინეტის მიღება, აუცილებელია ექიმთან კონსულტაცია. პრეპარატის მიღების დაწყება რეკომენდებულია მეორე მენსტრუაციის პირველ დღეს. თუ სამედიცინო ჩვენების მიხედვით საჭიროა კონტრაცეპციის ნაადრევი დაწყება, პრეპარატი ინიშნება პირველი მენსტრუაციის პირველ დღეს, მაგრამ ორი კვირის განმავლობაში აუცილებელია სხვა (არაჰორმონული) ჩასახვის საწინააღმდეგო მეთოდის გამოყენება.

გვერდითი მოვლენები:

ცალკეულ შემთხვევაში შესაძლებელია განვითარდეს:

თავის ტკივილი, გულისრევა, ღებინება, სარძევე ჯირკვლების დაჭიმულობა, სხეულის წონის ცვალებადობა, თრომბოზები, დეპრესიული მდგომარეობა, პიგმენტური ლაქები, საშოს ინფექციები, ცალკეულ შემთხვევაში აღინიშნება კონტაქტური ლინზების ცუდი ამტანობა, არტერიული წნევის მომატება, გამონაყარი კანზე, უჩვეულო დაღლილობა, დიარეა. ასეთი მოვლენების განვითარების შემთხვევაში საჭიროა ექიმის ინფორმირება.

ქალებში კონტრაცეპტივის გამოყენება ხელს უწყობს გარკვეული დაავადებების განვითარებას, მაგალითად, არტერიული თრომბოემბოლიური დაავადება, მიოკარდიუმის ინფარქტი, ინსულტი. აღნიშნული რისკი იზრდება ასაკთან და თამბაქოს ძლიერ მოხმარებასთან ერთად.

ამიტომ რეკომენდებულია თამბაქოს მოხმარების შეწყვეტა ქალებში 30 წლის ასაკის ზევით.

პრეპარატის მკურნალობის დაუყოვნებლივი შეწყვეტა:

ორსულობაზე ეჭვის შემთხვევაში, პირველად განვითარებული შაკიკისმაგვარი თავის ტკივილები, თავის ძლიერი და ხშირი ტკივილები, მგრძნობელობის დარღვევა (მხედველობის, სმენის,), უჩვეულო ტკივილი ქვემო კიდურებში, მათ შეშუპება, ჩხვლეტითი ხასიათის ტკივილი გულმკერდში ჩასუნთქვისას ან ხველების დროს, ტკივილი გულმკერდში, თრომბოზის განვითარება, სიყვითლე, ქავილი, ეპილეფსიური შეტევების გახშირება, არტერიული წნევის მომატება. ჰორმონული პრეპარატების ხანგრძლივი მიღება იშვიათად იწვევს ღვიძლის კეთილთვისებიანი სიმსივნის განვითარებას. ძალიან იშვიათად - ავთვისებიანის, რომლებიც ცალკეულ შემთხვევაში იწვევს სისხლდენებს მუცლის ღრუში, რაც სახიფათოა სიცოცხლისათვის და დამოუკიდებლად არ გაივლის. ამიტომ ასეთ შემთხვევაში საჭიროა ექიმის ინფორმირება.

! პრეპარატის მოქმედი ნივთიერება გადადის დედის რძეში, ამიტომ მისი გამოყენება ლაქტაციის პერიოდში რეკომენდებული არ არის.

! ჰორმონული კონტრაცეპტივის მიღება დაუშვებელია 6 თვის განმავლობაში გადატანილი ინფექციური ჰეპატიტის შემდეგ.

უკუჩვენებები:

ორსულობა, ღვიძლის ფუნქციის მძიმე დარღვევები, მიდრეკილება თრომბოზებისადმი, გულის უკმარისობა, არტერიული ჰიპერტონია, სარძევე ჯირკვლის და ენდომეტრიუმის კიბო, მძიმე მიმდინარეობის შაქრიანი დიაბეტი, უცნობი გენეზის სისხლდენა საშვილოსნოდან, ცხიმოვანი ცვლის დარღვევა, სიყვითლე განვითარებული წინა ორსულობის დროს. პრეპარატით მკურნალობის დაწყებამდე აუცილებელია ექიმის ინფორმირება აღნიშნული და სხვა დაავადებების შესახებ.

სხვა წამლებთან ურთიერთქმედება:

სხვა პრეპარატების მიღება (მაგალითად, ანტიბიოტიკები, ანტიკოაგულანტები, ანტიდეპრესანტები, საშუალებები, რომლებიც ამცირებენ შაქრის კონცენტრაციას სისხლში) შესაძლებელია ექიმის ინფორმირების შემდეგ.

შენახვის პირობები:

პრეპარატი ინახება ოთახის ტემპერატურაზე, სინათლისა და ბავშვებისაგან დაცულ ადგილას.

ტაბლეტი

გარსით  დაფარული ყოველი  ტაბლეტი  შეიცავს:

სილდენაფილის  ციტრატს ,                                                                            
რომელიც  25/50/100  მგ  სილდენაფილის  ექვივალენტურია

ნოვიგრა - არის  პრეპარატი  პერორალური  თერაპიისთვის  ერექციის  დარღვევისას. პრეპარატის   შემადგენლობაში   შედის  სილდენაფილის  ციტრატისს მარილი,სპეციფიკური  5  ფოსფოდიესთერაზას  ციკლური გუანოზინ  მონოფოსფატის  ტიპის  სელექციური  ინჰიბიტორი.

ჩვენებები:

ერექციის  დარღვევა

დოზირება და მიღება: პაციენტთა   უმრავლესობისათვის  რეკომენდირებული  დოზა  შეადგენს  50  მგ სექსუალური  აქტივობამდე  1  საათით  ადრე.  ნოვიგრის  მიღება  ასევე  შესაძლებელია  სექსუალურ  აქტივობამდე  4-დან  0,5  საათით  ადრე. მოცემული  ეფექტურობის  და  ამტანობის  საფუძველზე,  დოზა  შეიძლება  გაიზარდოს  100 მგ- მდე, ან სემცირდეს  25-მგ მდე.  მიღების მაქსიმალური  სიხშირე  არა  უმეტეს  ერთხელ  დღეში.რეკომენდირებულია  25  მგ  დოზით  დაწყება,  რადგან  პლაზმაში  პრეპარატის  შემცველობის  მაღალმა  დონემ  შეიძლება  გაზარდოს სერიოზული  გვერდითი  მოვლენების  განვითარების  შესაძლებლობა.

სიფრთხილე: სილდენაფილის  დანიშვნამდე   რეკომენდირებულია  სრული  სამედიცინო   შემოწმება  და  პაციენტთა  შემდეგი  კატეკორიების  გამოვლენა: ჰიპო  და ჰიპერტონიკები, პაციენტები, რომლებიც  იტარებენ  ანტიჰიპერტენზულ  თერაპიას,გულის  იშემიური  დაავადების,  სტენოკარდიის,  გულის  უკმარისობის  მქონე  პაციენტები.მოცემული  კატეგორიის  პაციენტებისთვის  პრე[არატის  მიღება  რეკომენდირებული  არ  არის.

პლაზმაში  სილდენაფილის  დონის  მომატებისას  შეიძლება  განვითარდეს  შემდეგი  გვერდითი  მოვლენები:

65  წელზე  მეტი  ასაკის  პაციენტებში  (შემთხვევათა  40%  იზრდება  AUC),  შეიძლება განვითარდეს  ღვიძლის  ფუნქიების  დარღვევა (მაგალითად: ციროზი  80%),

თირკმლის  ფუნქციების  მძიმე  დარღვევა  (კრეატინინის  კლირენსი 

პაციენტისთვის  სილდენაფილის  გამოწერამდე, მნიშვნელოვანია  შემოწმდეს  ხომ  არ  იტარებს  პაციენტი  მკურნალობას  მომატებული  წნევისს გამო, ან  ხომ  არ  აქვს  სისხლის  მხრივ  დარღვევები, ან  სისხლდენა, კუჭის  წყლული.

სილდენაფილთან  ერთად  ერექციის  დარღვევის  სხვა  სამკურნალო  სასშუალებების  მირების  უსაფრთხოება  და  ეფექტურობა  არ  არის  შესწავლილი, ამიტომ რეკომენდირებული  არ  არის. ექიმმა  აუცილებელია  გააფრთხილოს  პაციენტი  სექსუალური  აქტიობისას  გულის  შეტევის  რისკის  შესახებ,განსაკუთრებით პაციენტებში  გულის  ფარული, ან  გამოხატული  უკმარისობით.

გაფრთხილება: ერექციის  დარღვევის  მკურნალობა, მათ  შორის  სილდენაფილით, უკუნაჩვენებია  პაციენტებში  გულის  უკმარისობით, გულ-სისხლძარღვთა  სისტემის  დაავადებებით.

არ  არის  კლინიკური  მონაცემები  სილდენაფილის  გამოყენების  უსაფრთხოების  და  ეფექტურობის  შესახებ  შემდეგი  ჯგუფის  პაციენტებში:

-          პაციენტებში  გადატანილი   მიოკარდიუმის  ინფარქტით, სხვადასხვა  ეტიოლოგიის  გულის  შეტევები, ან  ძლიერი  არითმიები.

-         პაციენტებში  დაქვეითებული  (170/117)

-         პაციენტებში  გულის  უკმარისობიტ, ან  კორონარული  სისხლძარღვების  დაავადებებით, რომელიც  იწვევს  სტენოკარდიას.

-         პაციენტებში  პიგმენტაციის  დარღვევით  და  ბადურის  ანთებით.

უკუჩვენებები:

სილდენაფილი  აძლიერებს  ნებისმიერი  სამკურნალწამლო  ფორმით  მიღებული  ორგანული  ნიტრატების  ჰიპოტენზიურ  მოქმედებას.

სილდენაფილი  უკუნაჩვენებია  პრეპარატის  ნებისმიერი  კომპონენტის  მიმართ  მომატებული  მგრძნობელობის  შემთხვევაში.

პრეპარატი  არ  არის  განკუთვნილი  ქალებისათვის,  ასევე   უკუნაჩვენებია  ხანდაზმულ  და  ბავშვთა  ასაკში.

დოზის გადაჭარბება:

დოზის  გადაჭარბების  შემთხვევაში  გამოიყენება  ჩვეულებრივი  შემანარჩუნებელი  ზომები. თირკმლის  დიალიზი  არაეფექტურია,  რადგან  სილდენაფილის  დიდი  ნაწილი  უკავშირდება  პლაზმის  ცილებს  და  არ  გამოიყოფა  შარდით.

შენახვის  პირობები: შეინახეთ  25C  პირობებში, დაიცავით  ნესტისგან.

შეინახეთ  ბავშვებისთვის  მიუწვდომელ  ადგილას.

გამოშვების  ფორმა: ბლისტერ  შეფუთვა 1  ტაბლეტით,  ბლისტერ  შეფუთვა  2  ან  4  ტაბლეტით.

ვარგისობის  ვადა:   24  თვე.

გაცემის  წესი: ფარმაცევტული  პროდუქტის  ჯგუფი  მე-2  (გაიცემა  რეცეპტით)

წარმოებულია  ინდოეთში:

შპს  ნაბროს  ფარმას  მიერ

N.H.No8,  Kheda-387 411

ინდოეთი

საერთაშორისო დასახელება:

MITOXANTRONE

მწარმოებელი: LEDERLE LABORATOIRES

მოქმედი ნივთიერება: მიტოქსანტრონი

კლინიკურ-ფარმაკოლოგიური ჯგუფი:

სიმსივნის საწინააღმდეგო საშუალება; ანტიმეტაბოლიტი

შემადგენლობა და გამოშვების ფორმა:

საინექციო ხსნარი: ფლაკონში 10 მლ

1 მლ 1 ფლ.

მიტოქსანტრონი ........... 2 მგ 20 მგ

ვრცლად მიტოქსანტრონი

საერთაშორისო დასახელება: PARACETAMOL; DROTAVERINE; CODEINE

მწარმოებელი: SANOFI AVENTIS

მოქმედი ნივთიერება: პარაცეტამოლი+დროტავერინი+კოდეინი

კლინიკურ-ფარმაკოლოგიური ჯგუფი:

ტკივილგამაყუჩებელი საშუალება.

შემადგენლობა და გამოშვების ფორმა:

ტაბლეტები: ბლისტერზე 6 ტაბ., შეფუთვაში 2 ბლისტერი.

1 ტაბ.

პარაცეტამოლი .......................................      500 მგ

დროტავერინის ჰიდროქლორიდი ..................   40 მგ

კოდეინის ფოსფატი (ჰემიჰიდრატის ფომით)........8 მგ

დამხმარე ნივთიერებები:

პოვიდონი, რკინის ოქსიდი, მაგნიუმის სტეარატი, ასკორბინის მჟავა, კროსპოვიდონი, ტალკი, სიმინდის სახამებელი, მიკროკრისტალური ცელულოზა, ჟელატინიზირებული სახამებელი.

ფარმაკოლოგიური თვისებები:

ნო-შპალგინი წარმოადგენს ტკივილგამაყუჩებელ საშუალებას, რომლის შემადგენლობაში შედის სამი მოქმედი ნივთიერება.

ნო-შპალგინის ერთ-ერთი მოქმედი ნივთიერება პარაცეტამოლი ახდენს ტკივილგამაყუჩებელ და სიცხის დამწევ მოქმედებას.

ნო-შპალგინის მეორე მოქმედი ნივთიერება, დროტავერინის ჰიდროქლორიდი, იწვევს გლუვი კუნთების მოდუნებას, ხოლო

პრეპარატის მესამე მოქმედი ნივთიერება, კოდეინი, აყუჩებს ტკივილს, ცენტრალურ ნერვულ სისტემაზე მოქმედების გზით.

ჩვენებები:

• ნო-შპალგინის მიღება რეკომენდებულია სუსტი და ზომიერი ტკივილების მოსახსნელად:

- არტერიული წნევის ცვალებადობით გამოწვეული თავის ტკივილები (როგორც მწვავე, ასევე ქრონიკული ფორმები);

- სისხლძარღვოვანი წარმოშობის თავის ტკივილები;

-დაღლილობასთან, ძლიერ სტრესთან, ალკოჰოლის გადაჭარბებულ გამოყენებასთან დაკავშირებული ყოველდღიური თავის ტკივილები და ა.შ.;

ნო-შპალგინის მიღება რეკომენდებულია ზრდასრულებისა და 6 წელზე უფროსი ასაკის ბავშვებისათვის.

მიღების წესი და დოზირება:

მოზრდილები (მოხუცების ჩათვლით): თავის ტკივილის მოსახსნელად რეკომენდებულია 1-2 ტაბლეტის მიღება. აუცილებლობის შემთხვევაში, ეს დოზა შეიძლება განმეორებით მივიღოთ არა უადრეს 8 საათისა.

მკურნალობის ხანმოკლე (არა უმეტეს 3 დღისა) კურსის დროს მაქსიმალური დღიური დოზა არ უნდა აღემატებოდეს 6 ტაბლეტს.

მკურნალობის ხანგრძლივი კურსის დროს მაქსიმალური დღიური დოზა არ უნდა აღემატებოდეს 4 ტაბლეტს.

ტკივილის სწრაფი კუპირების მისაღწევად არ არის რეკომენდებული პრეპარატის მიღება ჭამის დროს.

ბავშვები და მოზარდები: ნო-შპალგინის მიღება არ არის რეკომენდებული 6 წელზე უმცროსი ასაკის ბავშვებისათვის.

6-12 წლის ბავშვებისათვის რეკომენდებულია ერთჯერადი დოზის მიღება, რომელიც შეადგენს 1/2-1 ტაბლეტს. იგივე დოზის განმეორებით მიღება შესაძლებელია 10-12 საათის შემდეგ. 6-12 წლის ბავშვებისათვის არ შეიძლება დღეში 2 ტაბლეტზე მეტის მიღება.

ღვიძლის (როდესაც ლაბორატორიული მონაცემების შედეგები სამჯერ აღემატება ნორმას) და თირკმელების (გორგლოვანი ფილტრაციის სიჩქარე 10 მლ/წთ-ზე ნაკლებია) ფუნქციის მნიშვნელოვანი დარღვევის დროს პრეპარატის დოზა დადგენილი უნდა იყოს ექიმის მიერ. პრეპარატის განმეორებითი მიღება დაიშვება პრეპარატის წინა მიღებიდან არა უადრეს 12 საათისა. პრეპარატის მიღება შეიძლება მხოლოდ ექიმის მიერ დადგენილ შემთხვევებში.

ნო-შპალგინის მიღების ხანგრძლივობა:

სამ დღეზე მეტი ხნის განმავლობაში პრეპარატის მიღება შეიძლება მხოლოდ ექიმის კონტროლის ქვეშ. სამ დღეზე მეტი ხნის განმავლობაში ნო-შპალგინის მიღების ან/და მაღალი დოზების მიღების დროს აუცილებელია ღვიძლის ფერმენტების და სისხლის ფორმულის შემოწმება (შეიძლება წარმოიშვას სისხლის ფორმულის ცვლილებები, თირკმელების და ღვიძლის ფუნქციის დაზიანება).

დოზის გადამეტება:

პრეპარატის დიდი დოზის შემთხვევით მიღების დროს დაუყოვნებლივ მიმართეთ ექიმს ან უახლოესი საავადმყოფოს სასწრაფო დახმარების განყოფილებას. პრეპარატის დიდმა დოზამ შეიძლება გამოიწვიოს ღვიძლის სერიოზული დაზიანება, რომელიც საჭიროებს გადაუდებელ სამედიცინო დახმარებას.

თუ ბავშვმა გადაყლაპა ნო-შპალგინის ტაბლეტები, დაუყოვნებლივ უნდა იქნას გამოძახებული სასწრაფო სამედიცინო დახმარების ექიმი.

გვერდითი მოვლენები:

რაიმე არაჩვეულებრივი რეაქციის წარმოშობის შემთხვევაში, აუცილებლად აცნობეთ  ექიმს პრეპარატის შემდგომი მიღების შესაძლებლობის შესახებ.

- ზოგიერთ შემთხვევაში შეიძლება წარმოიშვას ალერგიულ რეაქციები (სახის, ტუჩების და/ან ენის შეშუპება, სუნთქვის გაძნელება, მაღალი სიცხე, ტკივილები კუნთებში, გამონაყარი კანზე).

- ზოგჯერ შესაძლებელია სახის ჰიპერემია, წარმოიშვას ჰიპოტენზია, ხშირი გულისცემა, ძილიანობა, ყაბზობა, გულისრევის შეგრძნება თავბრუ, თავის ტკივილი, ასთმა, ცხვირის ლორწოვანი გარსის შეშუპება, ღვიძლის ფუნქციის დარღვევა.

- ზოგჯერ შესაძლებელია სისხლში აღინიშნოს ლეიკოციტების რაოდენობის შემცირება.

- თუ პრეპარატის მიღების დროს განვითარდა არასასურველი ან არასასიამოვნო მოვლენები, რომლებიც არ არის აღნიშნული პრეპარატის გამოყენების ინსტრუქციაში, პრეპარატის მიღება წყდება და პაციენტი მიმართავს ექიმს კონსულტაციისათვის.

უკუჩვენებები:

* ნო-შპალგინის მიღება არ არის რეკომენდებული 6 წელზე უმცროსი ასაკის ბავშვებისათვის.

ნო-შპალგინის მიღება არ არის რეკომენდებული შემდეგ შემთხვევებში:

* თუ ადრე აღინიშნა მაღალი მგრძნობელობის რეაქცია (ალერგია) პრეპარატის რომელიმე კომპონენტზე;

* თირკმელების ან ღვიძლის მწვავე უკმარისობის დროს;

* III-IV ხარისხის გულის უკმარისობის, ატრიოვენტრიკულური ბლოკადის დროს;

* სუნთქვის უკმარისობის დროს;

*მწვავე ბრონქული ასთმის დროს;

* თუ ბოლო 14 დღის განმავლობაში გამოიყენებოდა მონოამინოქსიდაზის ინჰიბიტორები (მაო);

* ფერმენტ გლუკოზა-6-ფოსფატ დეჰიდროგენაზას დეფიციტის დროს;

* ქრონიკული ალკოჰოლიზმის და ნარკომანიის დროს;

* თავის ტრავმის, ქალასშიდა წნევის მომატების დროს;

* თავის ტკივილებისას, რომლებიც გამოწვეულია სამკურნალწამლო საშუალებების მიღებით (ანალგეტიკების, ერგოტამინის).

თუ პაციენტს გააჩნია რომელიმე ჩამოთვლილი დაავადება, ნო-შპალგინის მიღების დაწყებამდე საჭიროა ექიმთან კონსულტაცია.

ორსულობა და ლაქტაცია:

* აუცილებლად საჭიროა ექიმის ინფორმირება ორსულობის ან ბავშვის ძუძუთი კვების შესახებ. ნო-შპალგინის მიღება არ არის რეკომენდებული ფეხმძიმობის (განსაკუთრებით პირველ მესამედში) და ძუძუთი კვების დროს.

* თუ პაციენტი ფეხმძიმედ არის ნო-შპალგინის ხანგრძლივი გამოყენების დროს, ამის შესახებ დაუყოვნებლივ უნდა აცნობოს ექიმს.

განსაკუთრებული მითითებები:

* პარაცეტამოლი, რომელიც წარმოადგენს ნოშპალგინის ერთ-ერთ მოქმედ ნივთიერებას, ენიშნება პაციენტებს, რომლებისთვისაც არ არის რეკომენდებული სალიცილატების მიღება, ამიტომ ასეთ ავადმყოფებს შეუძლიათ ნო-შპალგინის მიღება ტკივილგამაყუჩებელი საშუალების სახით.

* ტკივილის სწრაფი კუპირებისათვის არ არის რეკომენდებული პრეპარატის მიღება ჭამის  დროს.

* არ არის რეკომენდებული ექიმის მიერ დანიშნული დოზის გადამეტება.

* არ არის რეკომენდებული ნო-შპალგინის მიღება იმ პრეპარატებთან ერთად, რომლებიც შეიცავენ პარაცეტამოლს.

* პრეპარატის მიღების და მისი მოქმედების გამოვლენის დროს აკრძალულია ალკოჰოლური სასმელების მიღება.

* თირკმელების და/ან ღვიძლის უკმარისობის დროს პრეპარატის დოზა უნდა დადგინდეს ექიმის მიერ ინდივიდუალურად. ღვიძლის ან თირკმელების ფუნქციის დარღვევის დროს პრეპარატის გამოყენება შესაძლებელია მხოლოდ ექიმის რეკომენდაციით და მის მიერ რეკომენდირებული დოზით.

* სამ დღეზე მეტი ხნის განმავლობაში პრეპარატის გამოყენება შესაძლებელია მხოლოდ ექიმის რეკომენდაციით და მისი კონტროლის ქვეშ.

* ზოგიერთ შემთხვევაში ნო-შპალგინმა შეიძლება გამოიწვიოს ძილიანობა. არ არის რეკომენდებული ავტომობილის მართვა და განსაკუთრებული ყურადღების აუცილებლობის მქონე სამუშაოს შესრულება, თუ პრეპარატის მიღების დროს ადგილი აქვს ძილიანობას.

სხვა წამლებთან ურთიერთქმედება:

ნო-შპალგინთან ერთად არ არის რეკომენდებული შემდეგი სამკურნალო პრეპარატების მიღება:

- პარკინსონის დაავადების სამკურნალო საშუალებები, რომლებიც შეიცავს ლევოდოპას;

- ღვიძლის ფერმენტების ინდუქციის გამომწვევი სამკურნალო საშუალებები. პრეპარატები, რომლებიც შეიცავენ ანტიეპილეფსიურ საშუალებებს, სამციკლიან ანტიდეპრესანტებს რიფამპიცინს, ალკოჰოლს;

- ქლორამფენიკოლი;

- დოქსორუბიცინი.

პერორალურ ანტიკოაგულანტებთან, მეტოკლოპრამიდთან, დომპერიდონთან და ქოლესტირამინთან ერთად ნო-შპალგინის მიღებამდე აუცილებელად საჭიროა ექიმთან შეთანხმება.

შენახვის პირობები:

პრეპარატი ინახება არა უმეტეს 30⁰C ტემპერატურაზე, მშრალ, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

DROTAVERINE

მწარმოებელი: SANOFI AVENTIS

მოქმედი ნივთიერება: დროტავერინი

კლინიკურ-ფარმაკოლოგიური ჯგუფი:

სპაზმოლიზური საშუალება.

შემადგენლობა და გამოშვების ფორმა:

ნო-შპა

ტაბლეტები: ბლისტერზე 10 ტაბ., შეფუთვაში  2 ბლისტერი ან ფლაკონში 100 ც.

1 ტაბ.

დროტავერინის ჰიდროქლორიდი ........ 40 მგ

ნო-შპა ფორტე

ტაბლეტები: ბლისტერზე 10 ტაბ., შეფუთვაში 2 ბლისტერი.

1 ტაბ.

დროტავერინის ჰიდროქლორიდი ....  80 მგ

ფარმაკოლოგიური თვისებები:

პრეპარატი მიეკუთვნება იზოქინოლინის წარმოებულ სპაზმოლიზურ საშუალებას, რომელიც ხელს უწყობს გლუვი კუნთების მოდუნებას ფერმენტ ფოსფოდიესთერაზას IV-ის ბლოკირების, ცამფ-ის კონცენტრაციის გაზრდის და მიოზინის კინაზას მსუბუქი ჯაჭვების ინაქტივირებით.

ჩვენებები:

• კუჭისა და ნაწლავების სპაზმი;
• ნაღვლისა და თირკმლის კონკრემენტებით გამოწვეული სპაზმი;
• საშარდე გზების გლუვი კუნთების სპაზმი;
• მენსტრუალური სპაზმები;
• თავის ტკივილი გამოწვეული სისხლძარღვების სპაზმით.

მიღების წესი და დოზირება:

პრეპარატ ნო-შპას ჩვეულებრივი მისაღები დოზა:

პრეპარატ ნო-შპა ფორტე-ს ჩვეულებრივი მისაღები დოზა:

ბავშვებში გამოიყენება პრეპარატი ნო-შპა.

გვერდითი მოვლენები:

შესაძლებელია აღინიშნოს: თავის ტკივილი, უძილობა, ჰიპოტენზია, ტაქიკარდია, გულისრევა, არითმია, ყაბზობა.

პრეპარატის შემადგენლობაში შემავალი რძის შაქარის მიმართ მომატებული მგრძნობელობის მქონე პაციენტებში შესაძლებელია განვითარდეს ყაბზობა.

უკუჩვენებები:

* ღვიძლის, თირკმელებისა და გულის მძიმე დაავადებები, პრეპარატით გამოწვეული ალერგიული რეაქციები.

განსკუთრებული მითითებები:

ორსულობისა და ლაქტაციის პერიოდში, პრეპარატის უსაფრთხოებისა და ტოქსიკურობის შესახებ არასაკმარისი მონაცემების გამო მისი გამოყენება შესაძლებელია მხოლოდ მოსალოდნელი სარგებლიანობის და პოტენციური რისკის თანაფარდობის შეფასების შემდეგ, ნო-შპასა და ანტიპარკინსონული საშუალების - ლევოდოპას ერთდროული გამოყენებისას მცირდება ლევოდოპას ეფექტი.

შენახვის პირობები:

პრეპარატი ინახება ოთახის ტემპერატურაზე ბავშვებისაგან დაცულ ადგილას.

საერთაშორისო დასახელება:

DROTAVERINE

მწარმოებელი: SANOFI AVENTIS

მოქმედი ნივთიერება: დროტავერინი

კლინიკურ-ფარმაკოლოგიური ჯგუფი:

სპაზმოლიზური საშუალება.

შემადგენლობა და გამოშვების ფორმა:

ტაბლეტები: შეფუთვაში 20 და 100 ც.

1 ტაბ.

დროტავერინი ........    40 მგ

საინექციო ხსნარი: ამპულაში 2 მლ, შეფუთვაში 25 ც.

1 მლ 1 ამპ.

დროტავერინი ......  20 მგ 40 მგ

ვრცლად ნო–შპა/ნო–შპა ფორტე(მიღების წესი, დოზირება ინდივიდუალური)