საერთაშორისო დასახელება:

NYSTATIN  

მწარმოებელი: PHYTOPHARM

მოქმედი ნივთიერება: ნისტატინი

კლინიკურ-ფარმაკოლოგიური ჯგუფი:

სოკოს საწინააღმდეგო ანტიბიოტიკი

შემადგენლობა და გამოშვების ფორმა:

ტაბლეტები: შეფუთვაში 20 ც.

1 ტაბ.

ნისტატინი ............   500000სე

ვრცლად ნისტატინი (აქტიური ნივთიერება)

საერთაშორისო დასახელება: NIMODIPINE

მწარმოებელი: BAYER HEALTH CARE AG, ნიმოდიპინი

მოქმედი ნივთიერება: ნიმოდიპინი

კლინიკურ-ფარმაკოლოგიური ჯგუფი:

კალციუმის ნელი არხების ბლოკატორი.

შემადგენლობა და გამოშვების ფორმა:

შემოგარსული ტაბლეტები: ბლისტერზე 10 ტაბ., შეფუთვაში 3 და 10 ბლისტერი.

1 ტაბ.

ნიმოდიპინი ..............          30 მგ

საინფუზიო ხსნარი: ფლაკოში 50 მლ, შეფუთვაში 5 ც.

1 მლ 1 ფლ.

ნიმოდიპინი ...........         200 მკგ 10 მგ

ფარმაკოლოგიური თვისებები:

ნიმოტოპს გააჩნია თავის ტვინზე ანტივაზოკონსტრიქციული და ანტიიშემიური მოქმედება. იგი ახდენს სისხლძარღვების შევიწროების პრევენციას, რომელიც in vitro ცდებში გამოწვეულია სხვადასხვა ვაზოაქტიური ნივთიერებებით (მაგალითად, სეროტონინი, პროსტაგლანდინები და ჰისტამინი) და აგრეთვე სისხლით ან მისი დაშლის პროდუქტებით.

თავის ტვინის სისხლმომარაგების მწვავე დარღვევის დროს პრეპარატი აფართოვებს თავის ტვინის სისხლძარღვებს და აუმჯობესებს ტვინის სისხლმომარაგებას. დამატებით პერფუზია ამ დროს, როგორც წესი, უფრო ძლიერად არის გამოხატული თავის ტვინის დაზიანებულ და იმ უბნებში, რომლებიც ადრე არასაკმარისად მარაგდებოდნენ სისხლით. ნიმოტოპის გამოყენებამ საგრძნობლად შეამცირა სიკვდილიანობა და იშემიური ნევროლოგიური დარღვევების სიხშირე, გამოწვეული სუბარაქნოიდული სისხლჩაქცევებით.

ნიმოტოპი მოქმედებს ნეირონის და სისხლძარღვთა რეცეპტორებზე, რომლებიც კალციუმის არხებითაა დაკავშირებული. იგი იცავს ნერვულ უჯრედებს, აუმჯობესებს მათ ფუნქციას, ზრდის თავის ტვინში სისხლმიმოქცევას, აუმჯობესებს ნერვული უჯრედების მიერ იშემიისადმი ტოლერანტობას. ამ დროს არ ვითარდება “მიტაცების სინდრომი”. იგი დადებით ზეგავლენას ახდენს მეხსიერებაზე და ყურადღების კონცენტრაციაზე ტვინის ფუნქციის მოშლისას. ამავე დროს უმჯობესდება პაციენტთა ზოგადი მდგომარეობა, მათი პიროვნული და ქცევითი რეაქციები, უმჯობესდება ფსიქომეტრული ფუნქციური ტესტების შედეგები.

ჩვენებები:

ნიმოტოპის ინტრავენური ინფუზია:

• იშემიური ნევროლოგიური დარღვევების პროფილაქტიკისა და მკურნალობისათვის, რომლებიც გამოწვეულია ანევრიზმული სუბარაქნოიდული სისხლჩაქცევის შემდგომი სისხლძარღვოვანი სპაზმით;
• ტრავმული სუბარაქნოიდული სისხლჩაქცევის შემდგომი იშემიური ნევროლოგიური დარღვეების პროფილაქტიკისთვის;
• თავის ტვინის ფუნქციის გამოხატული დარღვევებისას ხანდაზმულ პაციენტებში (მეხსიერების, ყურადღების კონცენტრაციის, მანქანის მართვის უნარის დაქვეითება, ემოციური ლაბილობა)

მკურნალობის წინ უნდა დადგინდეს, რომ სიმპტომები ისეთი დაავადებით არ არის გამოწვეული, რომლებიც სპეციფიკურ მკურნალობას საჭიროებს.

მიღების წესი და დოზირება:

ანევრიზმული სუბარაქნოიდული სისხლჩაქცევებისას: რეკომენდებულია ინტრავენური ინფუზიის სახით ნიმოტოპის გამოყენება 5-14 დღის განმავლობაში, დოზით 1 მგ. პირველი ინფუზიის ხანგრძლივობა შეადგენს 2 სთ-ს. კარგი ტოლერანტობისას პრეპარატის მიმართ შემდგომი 2 სთ-ის განმავლობაში შეჰყავთ ინფუზიით 2 მგ, ინფუზიური მკურნალობის შემდეგ 2 ტაბ. 6-ჯერ დღეში.

ტრავმული სუბარაქნოიდული სისხლჩაქცევისას: რეკომენდებულია ინტრავენურად ნიმოტოპი 7-10 დღის განმავლობაში, შემდგომში ტაბლეტების გამოყენებით: 2 ტაბ 6-ჯერ დღეში.

ხანდაზმულებში თავის ტვინის ფუნქციის დარღვევისას: რეკომენდებულია 1 ტაბ. 3-ჯერ დღეში (3-ჯერ 30 მგ). არასასურველი რეაქციისას დოზა უნდა შემცირდეს, ან შეწყდეს მისი მიღება. ღვიძლის მძიმე დაავადებისას დოზა უნდა შემცირდეს ან შეწყდეს მისი მიღება.

ღვიძლის ფუნქციის დარღვევისას, განსაკუთრებით ციროზის დროს, ნიმოტოპის ბიოშეღწევადობა შეიძლება გაიზარდოს პირველადი მეტაბოლიზმის და მეტაბოლური ინაქტივაციის შემცირების გამო. შესაბამისად იზრდება პრეპარატის თერაპიული და გვერდითი ეფექტების გამოვლენა, განსაკუთრებით ჰიპოტენზიური ეფექტის. ამ შემთხვევაში პრეპარატის დოზა უნდა შემცირდეს არტერიული წნევის მაჩვენებლების მიხედვით.

ანევრიზმული სუბარაქნოიდული სისხლჩაქცევა: 5-14 დღის განმავლობაში ინფუზიის შემდგომ,  ტაბლეტების მიღება 7 დღის განმავლობაში.

ტრავმული სუბარაქნოიდული სისხლჩაქცევა: 7-10 დღე ინფუზიის შემდეგ ტაბლეტების მიღება 11-14 დღის განმავლობაში.

თავის ტვინის ფუნქციის მოშლა ხანდაზმულებში: თუ მკურნალობა რამდენიმე თვე გრძელდება, საჭიროა დასაბუთდეს ჩვენებები, რათა მკურნალობა გაგრძელდეს.

ტაბლეტი ინიშნება მცირე რაოდენობით წყალთან ერთად, კვებისგან დამოუკიდებლად, არაუხშირეს 4 საათში ერთხელ.

გვერდითი მოვლენები:

კუჭ-ნაწლავის ტრაქტის მხრივ: გულისრევა, კუჭ-ნაწლავის მხრივ დისკომფორტი, გაუვალობა (პარეზის გამო).

ცნს-ის მხრივ: თავბრუსხვევა, თავის ტკივილი, სისუსტე, უძილობა, მოტორული აგზნება, აგრესიულობა,  ოფლიანობა.

გულ-სისხლძარღვთა სისტემის მხრივ: წნევის დაქვეითება, სახის ჰიპერემია, სიმხურვალის შეგრძნება, ბრადიკარდია, იშვიათად ტაქიკარდია.

ცვლილებები სისხლში: იშვიათად თრომბოციტოპენია.

კანის მხრივ: კანის სიწითლე, პერიფერიული შეშუპება.

უკუჩვენებები:

* ნიმოტოპი უკუნაჩვენებია ღვიძლის მძიმე დაზიანების;

* თავის ტვინის გენერალიზებული შეშუპების;

* ქალასშიდა წნევის მკვეთრი მომატების დროს.

ორსულობა და ლაქტაცია:

ორსულებში გამოიყენება მხოლოდ აუცილებლობის შემთხვევაში.

განსაკუთრებული მითითებები:

* სიფრთხილეა საჭირო ნიმოტოპის დანიშვნისას ხანდაზმულ პაციენტებში, რომელთაც აღენიშნებათ სხვა მრავალი დაავადება, აგრეთვე,

* თირკმელების მძიმე უკმარისობისას (კრეატინინის კლირენსი 20 მლ/წთ ნაკლები);

* გულ-სისხლძარღვთა მძიმე დაავადებების დროს.

* სიფრთხილეა საჭირო არტერიული ჰიპოტონიის დროს (სისტოლური წნევა 100 მმ ვწყ.სვ.-ზე ნაკლები).

ჭარბი დოზირება:

სიმპტომები: ინტოქსიკაცია, მიმდინარე ჰიპოტენზიით, ტაქიკარდიით ან ბრადიკარდიით, კუჭ-ნაწლავის ტრაქტის და ცნს-ის მხრივ მოვლენებით (მაგ. ღებინება).

ჭარბი დოზირების სიმპტომებისას პრეპარატის მიღება უნდა შეწყდეს, საჭიროა კუჭის ამორეცხვა, გააქტივებული ნახშირის მიღება. ჰიპოტენზიის დროს ინტრავენურად ნაჩვენებია დოპამინი ან ნორადრენალინი. სპეციფიკური ანტიდოტი არ არსებობს.

სხვა წამლებთან ურთიერთქმედება:

- ნიმოტოპი აძლიერებს ჰიპოტენზიური საშუალებების მოქმედებას. იგი არ ინიშნება ინტრავენური β-ბლოკატორების გამოყენებისას, წნევის შესაძლო დაქვეითების გამო.

- ნიმოტოპის კომბინირება H₂-ჰისტამინორეცეპტორების ანტაგონისტ ციმეტიდინთან და კრუნჩხვების საწინააღმდეგო პრეპარატ ვალპროის მჟავასთან, ზრდის ნიმოტოპის კონცენტრაციას სისხლში.

- კრუნჩხვების საწინააღმდეგო პრეპარატების: ფენობარბიტალის, ფენიტოინის, კარბამაზეპინის ხანგრძლივი მიღება ამცირებს ნიმოტოპის ეფექტს პერორალური მიღებისას. ამიტომ  მათი ერთად დანიშვნა არ არის მიზანშეწონილი.

-  ნეიროლეფსიურ საშუალებებთან და ანტიდეპრესანტებთან ურთიერთქმედება არ არის შესწავლილი.

- რიფამპიცინმა შეიძლება დააჩქაროს ნიმოტოპის მეტაბოლიზმი, ღვიძლის ფერმენტების ინდუქციის გამო.

- გრეიფრუტი თრგუნავს დიჰიდროპირიდინების მეტაბოლიზმს, რაც ზრდის სისხლში ნიმოტოპის კონცენტრაციას.

შენახვის პირობები:

პრეპარატი ინახება ოთახის ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 4 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

NIMESULIDE

მწარმოებელი: ITAS PHARMACEUTICALS

მოქმედი ნივთიერება: ნიმესულიდი

კლინიკურ-ფარმაკოლოგიური ჯგუფი:

ანალგეზიური და არასტეროიდული ანთების საწინააღმდეგო  საშუალება

შემადგენლობა და გამოშვების ფორმა:

ხსნადი ტაბლეტები: შეფუთვაში 10 ც.

ნიმესულიდი ..............  100 მგ

ვრცლად მაგენოლი ტაბლეტები

საერთაშორისო დასახელება:

NIMESULIDE

მწარმოებელი: BERLIN-CHEMIE/MENARIN GROUP

მოქმედი ნივთიერება: ნიმესულიდი .

კლინიკურ-ფარმაკოლოგიური ჯგუფი:

ანალგეზიური და არასტეროიდული ანთების საწინააღმდეგო  საშუალება

შემადგენლობა და გამოშვების ფორმა:

გრანულები სუსპენზიის მოსამზადებლად: პაკეტში, შეფუთვაში 30 ც.

1 პაკ.

ნიმესულიდი .............    100 მგ

ვრცლად ეფრიდოლი

საერთაშორისო დასახელება:

NIMESULIDE

მწარმოებელი: ”სლავიაფარმი”, რუმინეთი.

მოქმედი ნივთიერება: ნიმესულიდი

კლინიკურ-ფარმაკოლოგიური ჯგუფი:

ანთების საწინააღმდეგო არასტეროიდული საშუალება.

შემადგენლობა და გამოშვების ფორმა:

ტაბლეტები: შეფუთვაში 20 ც.

1 ტაბ.

ნიმესულიდი ................   100 მგ

ვრცლად სუარონი

საერთაშორისო დასახელება: NICOTINIC ACID; DROTAVERINE

მწარმოებელი: SANOFI AVENTIS

მოქმედი ნივთიერება: ნიკოტინის მჟავა+დროტავერინი

კლინიკურ-ფარმაკოლოგიური ჯგუფი:

სისხლძარღვთა გამაფართოვებელი საშუალება.

შემადგენლობა და გამოშვების ფორმა:

ტაბლეტები: შეფუთვაში 50 ც.

1 ტაბ.

ნიკოტინის მჟავა ...............................        22 მგ

დროტავერინის ჰიდროქლორიდი .......       78 მგ

ფარმაკოლოგიური თვისებები:

ნიკოშპანი შეიცავს წყალში ხსნად ვიტამინს ნიკოტინის მჟავას, რომელიც ორგანიზმზე მოქმედებს მხოლოდ ნიკოტინამიდ-ადენინ დინუკლეოტიდად, ან ნიკოტინამიდ-ადენინ დინუკლეოტიდ ფოსფატად გარდაქმნის შემდეგ. აღნიშნული კოფერმენტები მონაწილეობას იღებენ ქსოვილოვან სუნთქვაში ელექტრონების ტრანსპორტირების შედეგად სუნთქვით ჯაჭვში.

იმის გამო, რომ ნიკოტინის მჟავას გააჩნია სისხლძარღვების გამაფართოვებელი მოქმედება, იგი გამოიყენება სხვადასხვა დარღვევის დროს. მაღალ დოზებში პრეპარატი დადებითად მოქმედებს ცხიმოვან ცვლაზე და ლიპიდების ცვლის მარეგულირებელ სხვა პრეპარატებთან კომბინაციაში. იგი გამოიყენება ჰიპერლიპიდემიის სამკურნალოდ.

დროტავერინის ჰიდროქლორიდი წარმოადგენს იზოქინოლინის წარმოებულს, რომელსაც გააჩნია გლუვი კუნთების მიმართ სპაზმოზილური მოქმედება, ფერმენტ ფოსფოდიესთერაზას IV-ის დათრგუნვის შედეგად, რის გამოც მისი მაინჰიბირებელი მოქმედება ვლინდება ცამფ-ის კონცენტრაციის გაზრდით, რომელიც მიოზინის კინაზას მსუბუქი ჯაჭვების ინაქტივირებით ახდენს გლუვი კუნთების მოდუნებას. იგი მოქმედებს გლუვ კუნთებზე, მაგრამ მისი ეფექტურობა დამოკიდებულია ფერმენტ ფოსფოდიესთერაზას IV-ის დონეზე, იმდენად, რამდენადაც ამ უკანასკნელის შემცველობა ქსოვილებში ვარიაბელურია.

ნიკოტინის მჟავას, რომელსაც გააჩნია სისხლძარღვების გლუვ კუნთებზე გამაფართოვებელი მოქმედება და დროტავერინის ჰიდროქლორიდის, რომელიც დამთრგუნველად მოქმედებს გლუვი კუნთების ტონუსზე, კომბინაცია საშუალებას იძლევა პრეპარატი წარმატებით იქნას გამოყენებული ანგიოსპაზმებით გამოწვეული ჩივილების შესამსუბუქებლად.

ფარმაკოკინეტიკა:

ნიკოტინის მჟავა პერორალურად მიღების შემთხვევაში სწრაფად შეიწოვება კუჭ-ნაწლავის ტრაქტიდან და ინტენსიურად ნაწილდება ორგანიზმის ქსოვილებში. იგი აღწევს დედის რძეშიც. პრეპარატის მეტაბოლიზმი ხორციელდება მისი ძირთადად -მეთილნიკოტინამიდად და 2-4-პირიდონინად გარდაქმნით. ასევე წარმოიქმნება ნიკოტინ-შარდმჟავა. ნიკოტინის მჟავა თერაპიული დოზით მიღების შემთხვევაში გამოიყოფა შარდით უცვლელი სახით.

დროტავერინის ჰიდროქლორიდი სწრაფად შეიწოვება როგორც პარენტერულად, ასევე პერორალურად მიღების შემდეგ. იგი in vitro მაღალი ხარისხით უკავშირდება პლაზმის ცილებს (95-98%), ძირითადად ალბუმინებს, გამა- და ბეტა-გლობულინებს, აგრეთვე მაღალი სიმკვრივის ალფა-(HDL)-ლიპოპროტეინებს.

მაქსიმალური კონცენტრაცია შრატში აღინიშნება პერორალურად მიღების შემდეგ 45-60 წუთის განმავლობაში.

დროტავერინი მეტაბოლიზდება ღვიძლში. ნახევარგამოყოფის პერიოდი შეადგენს 16-22 საათს. მიღებიდან 72 საათის შემდეგ ორგანიზმიდან პრაქტიკულად მთლიანად გამოიყოფა: 50% შარდით და დაახლოებით 30% ფეკალიებით. ძირითადად გამოიყოფა მეტაბოლიტების სახით, შარდში უცვლელი სახით არ აღინიშნება. არ არსებობს მონაცემები ნიკოტინის მჟავასა და დროტავერინის ჰიდროქლორიდს შორის ფარმაკოკინეტიკური ურთიერთქმედების შესახებ.

ჩვენებები:

• პრეპარატი გამოიყენება ანგიოსპაზმით მიმდინარე სკლეროზული დაავადებების დროს, როგორიცაა არტერიოსკლეროზული ენცეფალოპათია, ტვინის ანგიოსპაზმი, მაობლიტირებელი ენდარტერიტი, კორონაროსკლეროზი, აგრეთვე ანგიოსპაზმები, რომლებიც დაკავშირებული მენოპაუზასთან, შაკიკთან და ა.შ.

მიღების წესი და დოზირება:

პრეპარატი ინიშნება დღეში 1-3 ტაბლეტის ოდენობით, ანგიოსპაზმის ან შაკიკის დროს ცარიელ კუჭზე, სხვა შემთხვევებში - ჭამის შემდეგ.

პრეპარატი ანგიოსპაზმური მდგომარეობისას და კლიმაქტერული სიმპტომების დროს ინიშნება მკურნალობის კურსის მიხედვით.

გვერდითი მოვლენები:

- ნიკოტინის მჟავას გააჩნია სისხლძარღვების გამაფართოვებელი მოქმედება, ამიტომ მისი პერორარულად ან პარენტერულად მიღების შემთხვევაში იგი იწვევეს სახის ჰიპერემიას, წვის შეგრძნებას, გულყრას, თავბრუსხვევას, თავის ტკივილს;

- კანისა და კუჭ-ნაწლავის ტრაქტის მხრივ რეაქციები წარმოადგენს ჩვეულებრივ მოვლენას და გამოიხატება შემდეგი სიმპტომებით: გამონაყარი, ქავილი, გულისრევა, კუჭის წნევის მომატებული მჟავიანობა, დისპეფსია.

- დროტავერინ-ჰიდროქლორიდის მხრივ: ჰიპოტენზია, თავბრუსხვევა, გულისრევა, ტაქიკარდია, უძილობა, ყაბზობა.

უკუჩვენებები:

* პრეპარატის მიღება წინააღმდეგნაჩვენებია ღვიძლის, თირკმელების ან გულის უკმარისობის დროს.

ორსულობა და ლაქტაცია:

კვლევის შედეგად დადგენილია, რომ პრეპარატს არ ახასიათებს ტერატოგენული და ემბრიოტოქსიკური მოქმედება, თუმცა ორსულობის დროს მისი მიღება დასაშვებია მხოლოდ აუცილებლობის შემთხვევაში.

ლაქტაციის პერიოდში, ვინაიდან არ არსებობს მონაცემები, პრეპარატი მიიღება მხოლოდ აუცილებელი საჭიროების დროს.

განსაკუთრებული მითითებები:

* ვინაიდან პრეპარატის შემადგენლობაში შედის ლაქტოზა, იმ პაციენტებში, რომლებსაც აღენიშნებათ გლუკოზის მიმართ აუტანლობა კუჭ-ნაწლავის ტრაქტის მხრივ აღენიშნებათ ჩივილები.

სატრანსპორტო საშუალებების მართვის უნარზე ზემოქმედება: არ არსებობს მონაცემები.

ჭარბი დოზირება:

არ არსებობს მონაცემები.

სხვა წამლებთან ურთიერთქმედება:

- ნიკოშპანი ამცირებს კონტრაცეპტივების და ჰიპოგლიკემიური საშუალებების მოქმედებას მათი პერორალურად მიღების შემთხვევაში.

- ნიკოტინის მჟავას სტატინებთან კომბინაციისას შესაძლოა გაიზარდოს მიოპათიის რისკი ან განვითარდეს ჩონჩხის კუნთების მწვავე ნეკროზი.

- დროტავერინის ჰიდროქლორიდისა და ლევოდოპას ერთდროული მიღებისას მცირდება ამ უკანასკნელის ანტიპარკინსონული ეფექტი და ძლიერდება ტრემორი.

შენახვის პირობები:

პრეპარატი ინახება 15-25⁰C ტემპერატურაზე, სინათლისაგან დაცულ ადგილას.

ვარგისიანობის ვადა: 5 წელი.

საერთაშორისო დასახელება:

NICOTINIC ACID

მწარმოებელი: DARNITSA

მოქმედი ნივთიერება: ნიკოტინის მჟავა

კლინიკურ-ფარმაკოლოგიური ჯგუფი:

ვიტამინი

შემადგენლობა და გამოშვების ფორმა:

საინექციო ხსნარი 1%: ამპულაში 1 მლ, შეფუთვაში 10 ც.

1 მლ

ნიკოტინის მჟავა .............. 10 მგ

ფარმაკოლოგიური მოქმედება:

ვიტამინური და ჰიპოლიპიდემიური საშუალება. ორგანიზმში ნიკოტინის მჟავა გარდაიქმნება ნიკოტინამიდად, რომელიც უკავშირდება კოდეჰიდროგენაზა I და II კოენზიმებს (ნად და ნადფ), რომელთაც გადააქვთ წყალბადი, მონაწილეობს ცხიმების მეტაბოლიზმში, პროტეინების, ამინომჟავების, პურინების, ქსოვილოვან სუნთქვაში, გლიკოგენოლიზში, სინთეტურ პროცესებში. ავსებს ვიტამინი PP (ვიტამინი B3) დეფიციტს, წარმოადგენს სპეციფიკურ ალერგიის საწინააღმდეგო საშუალებას (ვიტამინი PP ავიტამინოზი). ნორმაში მოჰყავს სისხლის ლიპოპროტეინების კონცენტრაცია. ახდენს ვაზოდილატაციურ მოქმედებას წვრილი სისხლძარღვების დონეზე (მათ შორის თავის ტვინის), აუმჯობესებს მიკროცირკულაციას, ავლენს სუსტ ანტიკოაგულაციურ მოქმედებას (ამაღლებს სისხლის ფიბრინოლიზურ აქტიობას).

ჩვენებები:

PP ავიტამინოზი. ტვინის სისხლის მიმოქცევის იშემიურო მოშლილობა, კიდურების მაობლიტირებელი დაავადება (მაობლიტირებელი ენდარტერიიტი, რეინოს დაავადება), კიდურების სისხლძარღვების, ნაღვლისა –  და შარდგამომყოფი გზების სპაზმი, სახის ნერვის ნევრიტი.

უკუჩვენებები:

ჰიპერმგრძნობელობა , გამოხატული არტერიული ჰიპერტენზია, ათეროსკლეროზი, პოდაგრა, ჰიპერურიკემია, ბავშვთა ასაკი.

სიფრთხილით: ჰემორაგია, გლაუკომა, ღვიძლის უკმარისობა, არტერიული ჰიპოტენზია, ჰიპერაციდული გასტრიტი, კუჭისა და 12–გოჯა ნაწლავის წყლულოვანი დაავადება (გამწვავების სტადიაში).

გვერდითი მოქმედება:

ალერგიული რეაქციები (კანზე გამონაყარი, კანის ქავილი, სტრიდორული სუნთქვა). ვენაში სწრაფი შეყვანისას: ორთოსტატული ჰიპოტენზია, კოლაფსი. სახის კანისა გულმკერდის ზედა ნაწილის ჰიპერემია, პარესთეზიები, თავბრუსხვევა, „ალები“ სახეზე, თავის ტკივილი, თავბრუსხვევა.

ადგილობრივი რეაქციები: კანქვეშ და ვენაში შეყვანის ადგილის მტკივნეულობა.

მიღების წესი და დოზირება:

კანქვეშ, ვენაში, კუნთში (ნელა) – 10 მგ (1% ხსნარის 1მლ) 1–2–ჯერ დღეში, 10–15 დღის მანძილზე. ბავშვებში მაქსიმალური დოზა შეადგენს: ერთჯერადი – 0.1 გ. დღეღამური – 0.3გ.

განსაკუთრებული მითითებები:

მკურნალობის პროცესში საჭიროა ღვიძლის ფუნქციის კონტროლი. ღვიძლის მხრივ გართულებების თავიდან ასარიდებლად საჭიროა საკვებში ჩართული იყოს მეთიონინით (ხაჭო)  მდიდარი პროდუქტები, ან გამოყენებული იყოს მეთიონინი, ლიპოლის მჟავა და სხვა ლიპოტროპული სამკურნალო ნივთიერებები.

ურთიერთქმედება:

აუცილებელია სიფრთხილის დაცვა ჰიპოტენზიურ საშუალებებთან კომბინაციისას, ანტიკოაგულანტებთან და აცეტილსალიცილის მჟავასთან. აქვეითებს ნეომიცინის ტოქსიურობას და აღკვეთავს მათ მიერ ინდუცირებულ ქოლესტერინისა და მაღალი სიმკვრივის ლიპოპროტეიდების კონცენტრაციის შემცირებას.

ფარმაკოლოგიური თვისებები

ნიკეტამიდი წარმოადგენს ანალეფსიურ საშუალებას. იგი ასტიმულირებს ცენტრალურ ნერვულ სისტემას, ააგზნებს ვაზომოტორულ და სუნთქვით ცენტრებს. სუნთქვის ცენტრის აგზნება ნაწილობრივ დაკავშირებულია კაროტიდული სინუსის ქემორეცეპტორების რეფლექსურ სტიმულირებასთან; პრეპარატს არ ახასიათებს გულზე უშუალო ზეგავლენა და სისხლძარღვთა შემავიწროვებელი მოქმედება.

ჩვენებები

• მწვავე კოლაფსი და ასფიქსია;
• შოკური მდგომარეობა ქირურგიული ოპერაციების დროს და პოსტოპერაციულ პერიოდში;
• სისხლის მიმოქცევის მწვავე და ქრონიკული მოშლა;
• სისხლძარღვთა ტონუსის დაქვეითება;
• სუნთქვის შესუსტება სხვადასხვა ინფექციური დაავადებით შეპყრობილ პირებსა და რეკონვალესცენტებში, ახალშობილთა ასფიქსია;
• ნარკოტიკებით, საძილე საშუალებებით და ალკოჰოლით მოწამვლა.

დოზირების რეჟიმი

- პრეპარატი შეჰყავთ კანქვეშ, კუნთებში და ვენაში.

- მოზრდილებს კანქვეშ, კუნთებში და ვენაში შესაყვანად ენიშნებათ 1-2 მლ დღეში, 1-3-ჯერ;

- ბავშვებს კანქვეშ შესაყვანად ასაკის მიხედვით ენიშნებათ 0.1-0.75 მლ.

- პრეპარატის ვენაში ინექცია მიმდინარეობს ნელა.

- ნარკოტიკებით, ანალგეტიკებით და საძილე საშუალებებით ინტოქსიკაციის დროს მოზრდილებში ვენაში ნელა შეყავთ 3-5 მლ პრეპარატი (შესაძლებელია აგრეთვე პრეპარატის შეყვანა კანქვეშ და კუნთებში).

- რადგან პრეპარატის კანქვეშა და კუნთებში ინექციები მტკივნეულია, ტკივილების შემცირების მიზნით მდგომარეობისდა მიხედვით ინექციის ადგილას წინასწარ შეყავთ ნოვოკაინი (მოზრდილებში - 1 მლ 0.5% ხსნარი, ბავშვებში - ასაკის შესაბამისად).

- მოზრდილებში, პრეპარატის კანქვეშა ინექციის უმაღლესი დოზები: ერთჯერადი - 2 მლ, სადღეღამისო - 6 მლ, ნარკოტიკებით მოწამვლისას პრეპარატის უმაღლესი ერთჯერადი დოზა კანქვეშ და ვენაში ინექციისათვის შეადგენს 5 მლ.

გვერდითი მოვლენები

ჭარბი დოზით მიღების შემთხვევაში პრეპარატმა შეიძლება გამოიწვიოს კრუნჩხვები.

უკუჩვენებები

კრუნჩვებისადმი მიდრეკილება.

სხვა წამლებთან ურთიერთქმედება

- კროდიამინის და რეზერპინის კომბინაცია იწვევს კრუნჩხვების გაძლიერებას.

- სუნთქვის ცენტრის აგზნების კუპირება შესაძლებელია ზოგადი სანარკოზო საშუალებების გამოყენებით.

- პასკი და სალუზიდი ამცირებენ პრეპარატის მოქმედების ეფექტს.

- ამინაზინი და ფენოთიაზინის სხვა წარმოებულები იწვევენ პრეპარატის ანალეფსიური ეფექტის და მისი კრუნჩხვითი მოქმედების შესუსტებას.

საერთაშორისო დასახელება: KETOCONAZOLE

მწარმოებელი: JANSSEN-CILAC

მოქმედი ნივთიერება:

კლინიკურ-ფარმაკოლოგიური ჯგუფი:

სოკოს საწინააღმდეგო საშუალება

შემადგენლობა და გამოშვების ფორმა:

შამპუნი: ფლაკონში 25 და 60 მლ

1 გ.

კეტოკონაზოლი..........   20 მგ

საერთაშორისო დასახელება:

KETOCONAZOLE

მწარმოებელი: JANSSEN-CILAC

მოქმედი ნივთიერება: კეტოკონაზოლი

კლინიკურ-ფარმაკოლოგიური ჯგუფი:

სოკოს საწინააღმდეგო საშუალება

შემადგენლობა და გამოშვების ფორმა:

ტაბლეტები: შეფუთვაში 10 და 30 ც.

1 ტაბ.

კეტოკონაზოლი.............  200 მგ

მოქმედების მექანიზმი:

ანტიმიკოზური პრეპარატი. ახასიათებს ანტიფუნგინალური და მიკოსტატური მოქმედება. აქტიურია დერმატოფიტებისა (Trichophyton sp., Epidermophyton floccosum, Microsporum sp.) და საფუარა სოკოებისადმი (Candida sp., Pityrosporum sp.), ასევე სისტემური მიკოზების გამომწვევის (Cryptococcus spp.) და გრამდადებითი კოკების (Staphylococcus spp., Streptococcus spp.) მიმართ. მისი მოქმედება დამყარებულია ერგოსტეროლის ბიოსინთეზის ინჰიბირებასა და სოკოს მემბრანის ლიპიდური შემადგენლობის ცვლილებაზე. პრეპარატი შეიწოვება კუჭ-ნაწლავის ტრაქტიდან და მაქსიმალურ კონცენტრაციას პლაზმაში აღწევს 1-2 სთ-ში. კეტოკონაზოლი ძირითადად გამოიყოფა მეტაბოლიტების სახით ნაღვლის საშუალებით, ხოლო 13% - შარდის გზით.

ჩვენებები:

• პრეპარატისადმი მგრძნობიარე მიკროორგანიზმებით გამოწვეული სოკოვანი დაავადებების მკურნალობა და პროფილაქტიკა:
• კუჭ-ნაწლავის ტრაქტისა და სასქესო ორგანოების ლორწოვანი გარსების ინფექციები (ვულვოვაგინალური კანდიდოზი);
• კანისა და რქოვანი წარმონაქმნების სოკოვანი დაავადებანი;
• სისტემური მიკოზები;
• დასუსტებულ ავადმყოფებში სოკოვან დაავადებათა პროფილაქტიკა.

მიღების წესი და დოზირება:

მოზრდილებში ინიშნება 200 მგ დღეში. მკურნალობის ხანგრძლივობა დერმატომიკოზების დროს შეადგენს 4 კვირას;

ონიქომიკოზების დროს -6-12 თვეს (კლინიკურ და მიკოლოგიურ გაუმჯობესებამდე);

კანისა და პირის ღრუს კანდიდოზის დროს - 2-3 კვირას;

სისტემური მიკოზების დროს - 1-2 თვეს. თუკი აღნიშნული დოზა არ იძლევა კლინიკურ გაუმჯობესებას, მაშინ დღიური დოზა უნდა განისაზღვროს 400 მგ-ით.

ვაგინალური კანდიდოზის დროს კეტოკონაზოლი ინიშნება 400 მგ დღეში, კურსის ხანგრძლივობა 5 დღეა.

15-30 კგ წონის ბავშვებში კეტოკონაზოლის დღიური დოზაა 100 მგ, ხოლო 30 კგ-ზე მეტი წონის ბავშვებს ენიშნებათ მოზრდილის დოზა.

სოკოვანი დაავადებების პროფილაქტიკისთვის მოზრდილებში ინიშნება 400 მგ დღეში;

ბავშვებში - დღეში 4-8 მგ/კგ სხეულის წონაზე.

კურსის ხანგრძლივობა განისაზღვრება კლინიკური მდგომარეობის მიხედვით. კეტოკონაზოლი ინიშნება ჭამის დროს.გვერდითი მოვლენები თავის ტკივილი, თავბრუსხვევა, უძილობა, პარესთეზიები, გულისრევა, ღებინება, დიარეა, თრომბოციტოპენია, გინეკომასტია, ოლიგოსპერმია, მენსტრუალური ციკლის დარღვევა.

უკუჩვენებები:

* ღვიძლის და თირკმლების ფუნქციების მნიშვნელოვანი დარღვევები;

* ორსულობა და ლაქტაციის პერიოდი;

* პრეპარატისადმი გადაჭარბებული მგრძნობელობა.

განსაკუთრებული მითითებები:

კეტოკონაზოლი სიფრთხილით ინიშნება 50 წელზე მეტი ასაკის ქალებში, ანამნეზში ღვიძლის დაავადებებისა და სამკურნალო საშუალებებზე ალერგიული რეაქციების მქონე პირებში, თირკმელზედა ჯირკვლის ფუნქციის დარღვევისას. პრეპარატით 2 კვირის განმავლობაში ან უფრო დიდი ხნით მკურნალობისას საჭიროა ღვიძლის ფუნქციების მუდმივი კონტროლი. რეკომენდებული არ არის კეტოკონაზოლისა და ციკლოსპორინის, ანტიკოაგულანტების, მეთილპრედნიზოლონის, ლოვასტატინის ერთდროული გამოყენება. რიფამპიცინი და იზონიაზიდი ამცირებენ სისხლის პლაზმაში კეტოკონაზოლის კონცენტრაციას. ორსულობისა და ლაქტაციის პერიოდში პრეპარატის გამოყენების აუცილებლობა დედისთვის, უნდა აჭარბებდეს ნაყოფზე ან ბავშვზე მისი გავლენის პოტენციურ რისკს.

შენახვის პირობები და ვადები:

პრეპარატის ვარგისიანობის ვადაა 3 წელი, ინახება 10-25^oC ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!