შემადგენლობა:

ტუმბოს მოქმედებაში მოყვანით მიეწოდება 100 მგ სუსპენზიას , რაც 50 მკგ უწყლო მომეტაზონ ფუროატის ექვივალენტურია .

1 გ შეიცავს 500 მკგ მომეტაზონ ფუროატს აქტიური ინგრედიენტის სახით (517.5 მკგ მომეტაზონ ფუროატის მონოჰიდრატის სახით ); ცელულოზა 65 ცპს, გლიცერინი, ლიმონმჟავას მონოჰიდრატი, ნატრიუმის ციტრატის დიჰიდრატი , პოლისორბატი 80, ბენზალკონიუმის ქლორიდი , გასუფთავებული წყალი ქ.ს.

ერთი ბოთლი შეიცავს 140 შესხურებისათვის საკმარის სუსპენზიას .

ფარმაკოლოგიური თვისებები:

ფარმაკოდინამიკური თვისებები:

მომეტაზონ ფუროატი ადგილობრივი გლუკოსტეროიდია, რომელიც ამჟღავნებს ადგილობრივ ანთების საწინააღმდეგო თვისებებს სისტემურად არაეფექტური დოზებით . მომეტაზონ ფუროატის ანტი - ალერგიული და ანთების საწინააღმდეგო ეფექტის მექანიზმი განპირობებულია მისი მაინჰიბირებელი ზემოქმედებით ალერგიული რეაქციის მედიატორებზე . მომეტაზონი მნიშვნელოვნად აინჰიბირებს ალერგიული პაციენტების ლეიკოციტებიდან ლეიკოტრინების გამონთავისუფლებას.

ქსოვილოვან კულტურაში , მომეტაზონ ფუროატს გააჩნია ძლიერი უნარი მოახდინოს IL-1, IL-5, IL-6 და TNFα – ს ინჰიბირება და გამოთავისუფლება; იგი ასევე ლეიკოტრინების წარმოქმნის ძლიერი ინჰიბიტორია. გარდა ამისა, იგი აინჰიბირებს ადამიანის СВ 4+ T უჯრედებიდან TH2 ციტოკინების, IL-4 და IL-5 წარმოქმნას .

ცხვირში ანტიგენის შეყვანის ტესტში, მომეტაზონ ფუროატმა ალერგიული რეაქციის საწყის და მოგვიანებით ფაზებში ანთებისსაწინააღმდეგო ეფექტი გამოავლინა. ეს გამოვლინდა ჰისტამინისა და ეოზინოფილების აქტივობის შემცირებით ( პლაცებოსთან შედარებით ), და ეოზინოფილების , ნეიტროფილებისა და ეპითელური უჯრედების ადჰეზიური ცილების დაქვეითებით ( ძირითადთან შედარებით ).

პაციენტებში სეზონური ალერგიული რინიტით , მომეტაზონ ფუროატი ავლენს კლინიკურად მნიშვნელოვან ეფექტს პირველი დოზის მიღებიდან 12 საათის შემდეგ .

ფარმაკოკინეტიკური თვისებები:

შეწოვა : მომეტაზონ ფუროატს , შეყვანილი ნაზალური გზით , გააჩნია უმნიშვნელო სისტემური ბიოშეღწევადობა (

განაწილება : in vitro მომეტაზონ ფუროატის შეკავშირება ცილებთან იყო 98-99% კონცენტრაციით 5-500 ნგ / მლ .

მეტაბოლიზმი : კვლევებით U დადგინდა , რომ მომეტაზონ ფუროატი განიცდის ინტენსიურ მეტაბოლიზმს მრავალ მეტაბოლიტად . პლაზმაში ძირითადი მეტაბოლიტები არ ვლინდება . Iნ ვიტრო ინკუბაციის დროს წარმოქმნილი ერთერთი უმნიშვნელო მეტაბოლიტია 6 β - ჰიდროქსიმომეტაზონ ფუროატი . ადამიანის ღვიძლის მიკროსომებში , მეტაბოლიტის წარმოქმნა რეგულირდება ციტოქრომ P-450 3A4 (CYP3A4)- ით .

გამოყოფა : ინტრავენური შეყვანის შემდეგ , მომეტაზონ ფუროატის პლაზმაში ნახევრად დაშლის პერიოდი 5.8 საათია . ნებისმიერი შეწოვილი პრეპარატი გამოიყოფა მეტაბოლიტების სახით ნაღველში , და შეზღუდული რაოდენობით შარდში .

ჩვენებები:

ნაზოსტერი ® 0.05% ნაზალური სპრეი ნაჩვენებია სეზონური ალერგიისა და ხანგრძლივი ალერგიული რინიტის სამკურნალოდ , ასევე მოზრდილებში და 3 წელზე უფროს ბავშვებში სეზონური ალერგიული რინიტის პროფილაქტიკისათვის .

უკუჩვენებები;

ნაზოსტერი ® 0.05% ნაზალური სპრეის ნებისმიერი ინგრედიენტის მიმართ ჰიპერმგრძნობელობა . ნაზოსტერი ® 0.05% ნაზალური სპრეი არ გამოიყენება ცხვირის ლორწოვანი გარსის ლოკალიზებული არანამკურნალევი ინფექციის არსებობისას .

ჭრილობის შეხორცებაზე კორტიკოსტეროიდების მაინჰიბირებელი ეფექტის გამო , ნაზალური კორტიკოსტეროიდი არ გამოიყენება პაციენტებში , ცხვირზე ოპერაციის ან ტრავმის გადატანის შემდეგ , ჭრილობის შეხორცებამდე .

განსაკუთრებული მითითებანი:

საჭიროების შემთხვევაში , ნაზოსტერი ® 0.05% ნაზალური სპრეი სიფრთხილით გამოიყენება პაციენტებში სასუნთქი გზების აქტიური ან ლატენტური ტუბერკულოზური ინფექციით , ან არანამკურნალევი სოკოვანი , ბაქტერიული , სისტემური ვირუსული ინფექციებით ან თვალის მარტივი ჰერპესის ინფექციით .

მომეტაზონ ფუროატით 12 თვიანი მკურნალობის შემდეგ , არ აღინიშნებოდა ცხვირის ლორწოვანის ატროფიის ნიშნები : ასევე , მომეტაზონ ფუროატს შეუძლია ცხვირის ლორწოვანი დაუბრუნოს ნორმალურ ჰისტოლოგიურ ფენოტიპს .

ისევე როგორც ნებისმიერი ხანგრძლივი მკურნალობის დროს , პაციენტები ნაზოსტერი ® 0.05% ნაზალური სპრეის რამდენიმე თვის ან უფრო ხანგრძლივი პერიოდის განმავლობაში გამოყენებისას , გამოკვლეული უნდა იყვნენ ცხვირის ლორწოვანის შესაძლო ცვლილებების გამო .   ცხირში ან ცხვირხახაში ლოკალიზებული სოკოვანი ინფექციის განვითარებისას , შეიძლება საჭირო გახდეს ნაზოსტერი ® 0.05% ნაზალური სპრეით მკურნალობის შეწყვეტა და შესაბამისი მკურნალობის დანიშვნა . ნაზოფარინგიალური გაღიზიანების არსებობისას საჭიროა ნაზოსტერი ® 0.05% ნაზალური სპრეით მკურნალობის შეწყვეტა .

მაშინ როდესაც უმეტესობა პაციენტში ნაზალური სიმპტომები ნაზოსტერი ® 0.05% ნაზალური სპრეით კონტროლდება , სხვა სიმპტომებისა და განსაკუთრებით თვალის სიმპტომების შესამსუბუქებლად მკურნალობაში შეიძლება სასარგებლო აღმოჩნდეს სხვა წამლების დამატება .

ნაზოსტერი ® 0.05% ნაზალური სპრეით ხანგრძლივი მკურნალობისას ჰიპოთალამუს - ჰიპოფიზის - თირკმელზედა ჯირკვლის ( HPA ) ღერძის დათრგუნვა არ აღინიშნება . თუმცა პაციენტები , რომლებიც სისტემურად აქტიური კორტიკოსტეროიდებით ხანგრძლივი მკურნალობიდან გადავიდნენ ნაზოსტერი ® 0.05% ნაზალური სპრეიზე , სათანადო მეთვალყურეობას საჭიროებენ . ასეთ პაციენტებში სისტემური კორტიკოსტეროიდების მოხსნამ შეიძლება გამოიწვიოს თირკმელზედა ჯირკვლის უკმარისობა რამდენიმე თვის განმავლობაში , HPA ღერძის ფუნქციის აღდგენამდე . თუ ასეთ პაციენტებს თირკმელზედა ჯირკვლის უკმარისობის ნიშნები და სიმპტომები გამოუვლინდათ , სისტემური კორტიკოსტეროიდების მიღება უნდა განახლდეს და დაიწყოს სხვა სახის თერაპიისა და შესაბამისი ღონისძიებების გატარება .

სისტემური კორტიკოსტეროიდებიდან ნაზოსტერი ® 0.05% ნაზალური სპრეიზე გადასვლისას პაციენტებს შეიძლება განუვითარდეთ სისტემურად აქტიური კორტიკოსტეროიდების მოხსნის სიმპტომები ( მაგ . სახსრების და / ან კუნთების ტკივილი , აპათია და დეპრესია ) ნაზალური სიმპტომების შემსუბუქების მიუხედავად და ამიტომ საჭიროა ნაზოსტერი ® 0.05% ნაზალური სპრეით მკურნალობის გაგრძელება . ასეთმა გადასვლამ შეიძლება გამოავლინოს ადრე არსებულ ალერგიულ მდგომარებებს , როგორიცაა ალერგიული კონიუქტივიტი და ეგზემა , და რომლებიც სისტემური კორტიკოსტეროიდებით მკურნალობით იყო დათრგუნული .

პაციენტები , რომლებიც კორტიკოსტეროიდებს ღებულობენ და შესაძლოა დათრგუნული იმუნიტეტი ჰქონდეთ , გაფრთხილებულნი უნდა იყვნენ ზოგიერთი ინფექციის ( მაგ . ჩუტყვავილა , წითელა ) განვითარების რისკის შესახებ .

ინტრანაზალური კორტიკოსტეროიდების გამოყენების შემდეგ , ძალიან იშვიათად აღინიშნება ცხვირის ძგიდის პერფორაცია ან მომატებული თვალშიდა წნევა .

მკურნალობის სრული ეფექტის მიღწევას შეიძლება 48 საათი დასჭირდეს .

ორსულობისა და ლაქტაციის დროს გამოყენება:

ორსულობა კატეგორია C. ორსულებში სათანადო და კარგად კონტროლირებული კვლევები არ ჩატარებულა . პაციენტებში მაქსიმალურად რეკომენდებული კლინიკური დოზის ინტრანაზალურად გამოყენების შემდეგ , მომეტაზონის პლაზმური კონცენტრაციები არ იზომება ; ამიტომ ნაყოფის ექსპოზიცია უმნიშვნელოა და რეპროდუქციული ტოქსიურობის შესაძლებლობა ძალიან დაბალია.

სხვა ნაზალური კორტიკოსტეროიდების მსგავსად , ორსულებში , მეძუძურებსა თუ დაორსულების რისკის მქონე ქალებში   ნაზოსტერი ® 0.05% ნაზალური სპრეი გამოიყენება მხოლოდ იმ შემთხვევაში , როდესაც პოტენციური სარგებელი აღემატება პოტენციურ რისკს.

ორსულობის დროს კორტიკოსტეროიდების გამოყენების შემთხვევაში , დაბადებულ ბავშვებში გამოკვლეული უნდა იქნას თირკმელზედა ჯირკვლის ქერქის ფუნქცია .

გვერდითი მოვლენები:

კლინიკური კვლევების დროს მკურნალობასთან დაკავშირებული გვერდითი მოვლენები მოიცავს : თავის ტკივილი (8%), ცხვირიდან სისხლდენა (8%), ფარინგიტი (4%), ცხვირში წვის შეგრძნება (2%), ცხვირის გაღიზიანება (2%) და დაწყლულება (1%), ეს მოვლენები ტიპიურად ვლინდება კორტიკოსტეროიდული ნაზალური სპრეის გამოყენების შემდეგ . ცხვირიდან სისხლდენა სპონტანურად ქრება და ძირითადად მსუბუქი ხარისხისაა . იგი უფრო მაღალი სიხშირით ვითარდება პლაცებოსთან შედარებით , თუმცა უფრო დაბალი სიხშირით აქტიურ კორტიკოსტეროიდებთან შედარებით (15%- მდე ). სხვა გვერდითი მოვლენების განვითარების სიხშირე იყო ისეთივე , რაც პლაცებოს გამოყენების დროს .

ბავშვებში , გვერდითი მოვლენების სიხშირე , მაგ . თავის ტკივილი (3%), ცხვირიდან სისხლდენა (2%) და ცემინება (2%) პლაცებოს მსგავსი იყო .

იშვიათად მომეტაზონ ფუროატ მონოჰიდრატის ინტრანაზალური გამოყენების შემდეგ შეიძლება განვითარდეს ჰიპერმგრძნობელობის რეაქციები .

ნებისმიერი გვერდითი მოვლენის განვითარების შემთხვევაში მიმართეთ ექიმს კონსულტაციისათვის .

წამლებთან ურთიერთქმედება:

მომეტაზონ ფუროატი არის CYP3A4- ის სუბსტრატი ,

სისტემურ კორტიკოსტეროიდებთან გამოყენების შესახებ იხ . " განსაკუთრებულ მითითებანში ".

მომეტაზონ ფუროატის გამოყენებისას ლორატიდინთან ერთად , ლორატიდინის ან მისი მთავარი მეტაბოლიტების პლაზმურ კონცენტრაციებზე აშკარა ზეგავლენა არ აღინიშნებოდა, მომეტაზონ ფუროატის პლაზმური კონცენტრაციები არ იდენტიფიცირდება . კომბინაციური თერაპია კარგი ამტანობით ხასიათდება .

დოზირება და გამოყენების მეთოდები:

მოზრდილებში ( ხანდაზმული პაციენტების ჩათვლით ) და 12 წელს ზემოთ ბავშვებში:

ჩვეული რეკომენდებული დოზა პროფილაქტიკისა და მკურნალობისათვის არის 200 მკგ დღეში 2 შესხურებით 50 მკგ თითო ნესტოში დღეში ერთხელ . სიმპტომების კონტროლის შემდეგ , შემანარჩუნებელი დოზა შეიძლება შემცირდეს 100 მკგ - მდე დღეში ერთი შესხურებით თითოეულ ნესტოში .

თუ სიმპტომების კონტროლი ვერ ხერხდება , მაქსიმალური დღიური დოზა შეიძლება გაიზარდოს 400 მკგ - მდე , ოთხი შესხურებით თითო ნესტოში . დოზის შემცირება რეკომენდებულია სიმპტომების კონტროლის შემდეგ .

3- დან 11 წლამდე ასაკის ბავშვებში

ჩვეული რეკომენდებული დოზა არის 100 მკგ ერთი შესხურება (50 მკგ ) თითო ნესტოში დღეში ერთხელ .

ზოგიერთ პაციენტში , კლინიკურად მნიშვნელოვანი მოქმედების დაწყება ხდება პირველი დოზიდან 12 საათში .

სრული თერაპიული ეფექტის მისაღწევად , რეკომენდებულია პრეპარატის რეგულარული გამოყენება .

ნაზოსტერი ® 0.05% ნაზალური სპრეით პროფილაქტიკის დაწყება რეკომენდებულია ალერგიული სეზონის დაწყებამდე 2-4 კვირით ადრე .

გამოყენების მეთოდები:

კარგად შენაჯღრიეთ ბოთლი და მოაცილეთ გამჭვირვალე თავსახურავი .

პირველი გამოყენების ან 14 დღის განმავლობაში გამოუყენლობის შემთხვევაში სპრეის ტუმბო მოქმედებაში მოიყვანეთ და შეასრულეთ 6-7   შეხურება წვრილი ნაკადის გაჩენამდე .

კარგად გაისუფთავეთ ცხვირი .

ერთ ნესტოზე დაჭერით მოათავსეთ სპრეი ტუმბოს ბოლო მეორე ნესტოში .

ისუნთქეთ ცხვირით და სუნთქვისას შეისხურეთ ცხვირში თითებით ქვემოთ დაჭერით ( სურ . 2).

შემდგომ ამოისუნთქეთ პირით . გაიმეორეთ მე -5 საფეხური მეორე ნესტოში კიდევ ერთხელ .

მოაშორეთ ბოთლი ნესტოს და ამოისუნთქეთ პირით .

გაიმეორეთ 4-7 საფეხურები მეორე ნესტოში .

სპრეის გამოყენების შემდეგ , კარგად გაწმინდეთ იგი სუფთა ტილოთი და გამოცვალეთ თავსახური .

ჭარბი დოზირება და მისი მკურნალობა:

ნაზოსტერი ® 0.05% ნაზალური სპრეის უმნიშვნელო სისტემური ბიოშეღწევადობის გამო ( შეფუთვა:

ნაზოსტერი ® 0.05% ნაზალური სპრეი მოთავსებულია დოზირებულ კონტეინერში , რომელიც შეიცავს 18 გ სუსპენზიას 140 შესხურებისათვის .

შენახვის პირობები:

შეინახეთ ოთახის ტემპერატურაზე არა უმეტეს 250 ჩ ტემპერატურის პირობებში ორიგინალურ შეფუთვაში , ბავშვებისათვის მიუწვდომელ ადგილას . ნუ გაყინავთ .

ვარგისობის ვადა

2 წელი

გაიცემა რეცეპტით

ლიცენზიის მფლობელის და მწარმოებლი:

SANTA FARMA ILAC SANAYII A.S.

სტამბული ; თურქეთი

საერთაშორისო დასახელება: MOMETASONE

მწარმოებელი: SCHERING-PLOUGH, ბელგია

მოქმედი ნივთიერება: მომეტაზონი

კლინიკურ-ფარმაკოლოგიური ჯგუფი:

ადგილობრივი მოქმედების გლუკოკორტიკოსტეროიდი.

შემადგენლობა და გამოშვების ფორმა:

ნაზალური აეროზოლი: ფლაკონში 120 დოზა.

1 დოზა

მომეტაზონის ფუროატი ............     50 მკგ

ფარმაკოლოგიური თვისებები:

მომეტაზონის ფუროატი წარმოადგენს ადგილობრივი მოქმედების გლუკოკორტიკოსტეროიდს, რომელიც ხასიათდება ადგილობრივი ანთების საწინაააღმდეგო მოქმედებით ისეთ დოზებში, რომლებიც არ იწვევენ სისტემურ ეფექტებს.

მომეტაზონის ფუროატს ახასიათებს მცირე ბიოშეღწევადობა (

მომეტაზონის ფუროატის სუსპენზია ძალიან სუსტად განიცდის შეწოვას კუჭ-ნაწლავის ტრაქტში. პრეპარატის მცირე ნაწილი, რომელიც შეიძლება მოხვდეს კუჭ-ნაწლავის ტრაქტში ნაზალული ინჰალაციის შედეგად, შარდში და ნაღველში ექსკრეციამდე განიცდის აქტიურ პირველად მეტაბოლიზმს ღვიძლში.

ჩვენებები:

• ნაზონექსის აეროზოლი განკუთვნილი სეზონური ან წლის განმავლობაში მიმდინარე ალერგიული რინიტების მკურნალობისათვის მოზრდილებში, მოზარდებში და ბავშვებში 2 წლის ასაკიდან;
• იგი აგრეთვე გამოიყენება დამხმარე საშუალების სახით მოზრდილებში გამწვავებული სინუსიტების (ჰაიმორიტი, ფრონტიტი) ანტიბიოტიკებით მკურნალობისას (მათ შორის ხანდაზმულებშიც), ისევე როგორც მოზარდებში 12 წლის ასაკიდან.
• ალერგიული რინიტის საშუალო ან მძიმე ფორმის მქონე ავადმყოფებში რეკომენდებულია ნაზონექსის აეროზოლის პროფილაქტიკური გამოყენება ყვავილობის სეზონის დაწყებამდე 2-4 კვირით ადრე.
• ნაზონექსი გამოიყენება აგრეთვე ნაზალური პოლიპების და მათთან დაკავშირებული ცხვირის გაჭედვის და ყნოსვის დაკარგვის სიმპტომების სამკურნალოდ. ავადმყოფებში 18 წლის ასაკის ზევით.

მიღების წესი და დოზირება:

ნაზონექსის აეროზოლის პირველი გამოყენების წინ საჭიროა ჩატარდეს მისი „კალიბრება“ მადოზირებელ ხელსაწყოზე 6-7-ჯერ ხელის დაჭერის გზით. კალიბრების შემდეგ მყარდება სამკურნალო ნივთიერების სტერეოტიპული მიწოდება, რომლის დროსაც ღილაკზე ყოველი დაჭერისას წარმოებს დაახლოებით 100 მგ მომეტაზონის ფუროატის სუსპენზიის გამოყოფა, რომელიც შეიცავს 50 მკგ სუფთა მომეტაზონის ფუროატის ექვივალენტური რაოდენობით. თუ ნაზალური აეროზოლი არ იხმარებოდა 14 ან მეტი დღის განმავლობაში, ასეთ შემთხვევაში საჭიროა განმეორებითი „კალიბრება“. ყოველი გამოყენების წინ საჭიროა აეროზოლის ფლაკონის ენერგიული შენჯღრევა.

სეზონური ან წლის განმავლობაში მიმდინარე ალერგიული რინიტის მკურნალობა: მოზრდილი პაციენტებისათვის (მათ შორის ხანდაზმულთათვის და მოზარდებისათვის) 12 წლის ასაკიდან, პრეპარატის ჩვეულებრივი რეკომენდებული პროფილაქტიკური და თერაპიული დოზა შეადგენს 2 ინჰალაციას (50 მკგ თითოეული) ცხვირის თითოეულ ნესტოში ერთხელ დღეში (საერთო სადღეღამისო დოზა უტოლდება 200 მკგ-ს). სამკურნალო ეფექტის მიღწევის შემდეგ მიზანშეწონილია მისი შემანარჩუნებელი დოზა შემცირდეს ერთ ინჰალაციამდე თითოეულ ნესტოში ერთხელ დღეში (საერთო სადღეღამისო დოზა 100 მკგ). იმ შემთხვევაში, თუ ვერ ვაღწევთ დაავადების სიმპტომატიკის შემცირებას რეკომენდებული თერაპიული დოზებით, სადღეღამისო დოზა შეიძლება გავზარდოთ ოთხ ინჰალაციამდე თითოეულ ნესტოში ერთხელ დღეში (საერთო სადღეღამისო დოზაა 400 მკგ). დაავადების სიმპტომების შემცირებისას შესაძლებელია რეკომენდებული დოზის შემცირება.

პრეპარატის მოქმედების დასაწყისი ჩვეულებრივ კლინიკურად აღინიშნება მისი პირველი მიღებიდან 12 სთ-ის განმავლობაში.

ბავშვებში 3-11 წლამდე ჩვეულებრივი რეკომენდებული თერაპიული დოზა შეადგენს ერთ ინჰალაციას (50 მკგ) თითოეულ ნესტოში ერთხელ დღეში (საერთო დღიური დოზაა 100 მკგ).

გამწვავებული სინუსიტის დამხმარე მკურნალობა:

მოზრდილებში (მათ შორის ხანდაზმულებში) და მოზარდებში 12 წლის ასაკიდან რეკომენდებული თერაპიული დოზა შეადგენს 2 ინჰალაციას (50 მკგ) თითოეულ ნესტოში 2-ჯერ დღეში (საერთო სადღეღამისო დოზა უტოლდება 400 მკგ-ს). თუ დაავადების სიმპტომები არ კლებულობს რეკომენდებული დოზებით პრეპარატის გამოყენებისას, სადღეღამისო დოზა შეიძლება გავზარდოთ 4 ინჰალაციამდე თითოეულ ნესტოში 2-ჯერ დღეში (800 მკგ). დაავადების ნიშნების შემცირების შემთხვევაში მიზანშეწონილია პრეპარატის დოზის შემცირება.

გვერდითი მოვლენები:

- ცხვირიდან სისხლდენა, ფარინგიტი, ცხვირში წვის შეგრძნება, ცხვირის ლორწოვანის გაღიზიანება, რაც დამახასიათებელია კორტიკოსტეროიდების შემცველი ნებისმიერი ნაზალური აეროზოლისათვის.

- ნაზონექსის აეროზოლის გამოყენება პროფილაქტიკის სახით გამწვავებული სინუსიტების სამკურნალოდ მოზრდილებსა და მოზარდებში ხელს უწყობს ისეთი გვერდითი მოვლნების განვითარებას, როგორიცაა თავის ტკივილი, ფარინგიტი, ცხვირის ლორწოვანის გაღიზიანება.

-შედარებით იშვიათად - ზომიერი ხასიათის სისხლდენა ცხვირიდან, რომლის განვითარების სიხშირე უახლოვდება პლაცებოს ხმარებისას დაფიქსირებულ ცხვირიდან სისხლდენის სიხშირეს.

უკუჩვენებები:

* პრეპარატში შემავალი კომპონენტების მიმართ მომატებული მგრძნობელობა; * ნაზონექსის გამოყენება არ არის რეკომენდებული 2 წლამდე ასაკის ბავშვებში.

ორსულობა და ლაქტაცია:

სპეციალური კარგად კონტროლირებული კვლევები ორსულ ქალებზე არ არის ჩატარებული. პრეპარატის ინტრანაზალური მიღებისას მაქსიმალურ თერაპიულ დოზაში იგი არ ისაზღვრება სისხლის პლაზმაში მინიმალური კონცენტრაციითაც კი, რის გამოც მოსალოდნელია, რომ პრეპარატის მოქმედება ნაყოფზე იქნება ძალიან სუსტი, ხოლო რეპროდუქციული ფუნქციის მიმართ მისი პოტენციური ტოქსიკურობა მეტად მცირეა.

ამის მიუხედავად, ნაზონექსის ინტრანაზალური აეროზოლის დანიშვნა ორსულებში, ლაქტაციის პერიოდში ან რეპროდუქციის ასაკში მყოფ ქალებში გამართლებულია მხოლოდ იმ შემთხვევაში, თუ მისი დანიშვნის პოტენციური სარგებლიანობა აღემატება პოტენციურ რისკს დედისათვის, ნაყოფისათვის ან ახალშობილისათვის.

ახალშობილები, რომელთა დედები ორსულობის პერიოდში იღებდნენ კორტიკოსტეროიდებს, გულდასმით უნდა იქნეს შემოწმებულნი ჰიპოკორტიციზმის გამოსარიცხად.

განსაკუთრებული მითითებები:

* ნაზონექსის ნაზალური აეროზოლი არ უნდა იქნას გამოყენებული არანამკურნალები ადგილობრივი ინფექციის შემთხვევაში, როდესაც პროცესში ჩართულია ცხვირის ლორწოვანი გარსი.

* ვინაიდან კორტიკოსტეროიდები თრგუნავენ ჭრილობის რეპარაციის პროცესს, ასეთი სახის პრეპარატების დანიშვნა ადგილობრივი ინტრანაზალური გამოყენებისათვის იმ პირებში, რომელთაც ახლო წარსულში ჩაუტარდათ ოპერაციული ჩარევა, ან აღენიშნებოდათ ცხვირის ტრავმა დასაშვებია მხოლოდ ჭრილობის სრული შეხორცების შემდეგ.

* ნაზონექსის აეროზოლით ერთწლიანი მკურნალობის შემდეგ არ აღინიშნება ცხვირის ლორწოვანი გარსის ატროფია. თუმცა ხანგრძლივი მკურნალობისას სასურველია ავადმყოფებს პერიოდულად ჩაუტარდეთ ცხვირის ლორწოვანის კონტროლი. ცხვირ-ხახის ადგილობრივი სოკოვანი ინფექციის განვითარების შემთხვევაში საჭიროა შეწყვეტილ იქნას ნაზონექსის მიღება ან უნდა ჩატარდეს სპეციალური მკურნალობა.

* ხანგრძლივი დროის განმავლობაში არსებული ცხვირ-ხახის ლორწოვანი გაღიზიანება ასევე საჭიროებს ნაზონექსის აეროზოლით მკურნალობის შეწყვეტას.

* ნაზონექსის ნაზალური აეროზოლი დიდი სიფრთხილით ინიშნება (ან საერთოდ არ ინიშნება) რესპირატორული ტრაქტის აქტიური ან ლატენტური ტუბერკულოზური ინფექციის დროს, ისევე როგორც არანამკურნალები სოკოვანი ინფექციისას, სისტემური ვირუსული ინფექციისა და თვალის ჰერპესული ინფექციით (herpes simplex) დაზიანების შემთხვევაში.

* ავადმყოფები სისტემური კორტიკოსტეროიდებით ჩატარებული ხანგრძლივი მკურნალობის შემდეგ ნაზონექსის ნაზალურ აეროზოლზე გადასვლისას საჭიროებენ განსაკუთრებულ ყურადღებას. ასეთ პაციენტებში სისტემური მოქმედების კორტიკოსტეროიდების უეცარი მოხსნა შესაძლებელია გახდეს თირკმელზედა ჯირკვლის ქერქის უკმარისობის მიზეზი, რაც მოითხოვს შესაბამისი ღონისძიებების გატარებას. სისტემური კორტიკოსტეროიდების მიღებიდან ნაზონექსის აეროზოლზე გადასვლისას ზოგიერთ ავადმყოფებს აღენიშნებათ კორტიკოსტეროიდების მოხსნის სიმპტომები (მაგ. ტკივილი სახსრებში და/ან კუნთებში, დაღლილობის გრძნობა, დეპრესია), ცხვირის ლორწოვანის მხრივ გამოხატული სიმპტომების შემცირების მიუხედავად. თერაპიის შეცვლამ აგრეთვე შეიძლება ხელი შეუწყოს ადრე განვითარებული ალერგიული დაავადების მანიფესტირებას როგორიცაა: ალერგიული კონიუქტივიტი და ეგზემა, რომლებიც ადრე სისტემური კორტიკოსტეროიდებით მკურნალობისას იყვნენ მასკირებულნი.

* კორტიკოსტეროიდებით ნამკურნალები პაციენტები იმუნური რეაქტიულობის დაქვეითების გამო გაფრთხილებულნი უნდა იყვნენ ინფიცირების მაღალი რისკის შესახებ ზოგიერთი ინფექციით შეპყრობილ პირებთან კონტაქტის დროს (მაგ. ქუნთრუშას), რის გამოც ასეთ შემთხვევებში ისინი საჭიროებენ ექიმის კონსულტაციას.

* კორტიკოსტეროიდების ინტრანაზალური გამოყენებისას ძალიან იშვიათად აღწერილია ცხვირის ძგიდის პერფორაციისა და თვალის შიდა წნევის მომატების შემთხვევები.

ჭარბი დოზირება:

მცირე ბიოშეღწევადობის გამო (

შენახვის პირობები:

პრეპარატი ინახება 2-25⁰C ტემპერატურაზე.;

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება: PHENYLEPRINE; EUCALIPTOL

მწარმოებელი: BAYER CONSUMER CARE

მოქმედი ნივთიერება: ფენილეფრინის ჰიდროქლორიდი+ევკალიპტოლი

კლინიკურ-ფარმაკოლოგიური ჯგუფი:

სისხლძარღვთა შემავიწროებელი საშუალება ადგილობრივი გამოყენებისათვის ოტორინოლარინგოლოგიაში.

შემადგენლობა და გამოშვების ფორმა:

ცხვირში შესასხურებელი ხსნარი 0.25%: ფლაკონში 15 მლ

1 მლ

ფენილეფრინის ჰიდროქლორიდი .......     25 მკგ

ევკალიპტოლი ...................................      4 მკგ

დამხმარე ნივთიერებები:

გლიცერინი, პოლიეთილენგლიკოლი, ნატრიუმის ორფუძიანი ფოსფატი კალიუმის ერთფუძიანი ფოსფატი, ნატრიუმის ედეტატი, ბენზალკონიუმის ქლორიდი, გამოხდილი წყალი.

ფარმაკოლოგიური თვისებები:

ფენილეფრინის ჰიდროქლორიდი წარმოადგენს ალფა-ადრენერგული რეცეპტორების აგონისტს, რომელიც ახდენს სისხლძარღვების შემავიწროებელ მოქმედებას ალფა-რეცეპტორების სტიმულირების ხარჯზე სასუნთქი გზების ლორწოვან გარსებში.

კლინიკური თვალსაზრისით ფენილეფრინი ამცირებს ლორწოვანი გარსების შუშეპებას და ქსოვილების ჰიპერემიას, ამსუბუქებს შეშუპებისა და შეგუბების მოვლენებს ცხვირის ღრუში, ასევე აუმჯობესებს ცხვირის სასუნთქი გზების გამტარობას.

ევკალიპტოლს გააჩნია ბაქტერიციდული მოქმედება. იგი ხელს უწყობს სქელი, პათოლოგიური სეკრეტის გათხელებას. აძლიერებს მოციმციმე ეპითელიუმის დრენაჟის ფუნქციას, რაც აადვილებს ცხვირის ღრუდან პათოლოგიური სეკრეტის გადინებას. პრეპარატში შემავალი გლიკოლები არბილებენ ცხვირის ღრუს ლორწოვანს და იცავენ მას გამოშრობისაგან.

ჩვენებები:

• ცხვირით სუნთქვის გაძნელება გაციების გრიპის და სხვა მწვავე რესპირატორულ-ვირუსული ინფექციების, ალერგიული რინიტის, სინუსიტების (ჰაიმორიტი, ეთმოიდიტი, ფრონტიტი) დროს. აგრეთვე,
• გამოიყენება, როგორც დამხმარე საშუალება მწვავე ოტიტისა და ევსტაქიტის მკურნალობისას.

მიღების წესი და დოზირება:

ძლიერად მოუჭირეთ ფლაკონს და შეისხურეთ ყოველ ნესტოში.

ბავშვებში 4-დან 6 წლამდე 1-2 შესხურება (წვეთი) ყოველ ნესტოში 3-ჯერ დღეში;

6-დან 12 წლამდე 2-3 შესხურება 3-ჯერ დღეში.

პრეპარატი გამოიყენება როგორც სპრეის ასევე წვეთების (ფლაკონის გადმობრუნების შემთხვევაში) სახით.

გვერდითი მოვლენები:

ზოგჯერ ცხვირის ლორწოვანის წვა და სიმშრალე.

უკუჩვენებები:

* მომატებული მგრძნობელობა პრეპარატის შემადგენელი კომპონენტების მიმართ;

* გულ-სისხლძარღვთა სისტემის დაავადებები;

* მაღალი არტერიული წნევა;

* ფარისებრი ჯირკვლის დაავადებები;

* შაქრიანი დიაბეტი;

* შარდვის გაძნელება წინამდებარე ჯირკვლის ჰიპერტროფიის გამო.

განსაკუთრებული მითითებები:

* არ არის საჭირო თავის უკან გდაწევა და ფლაკონის გადაბრუნება, თუ პრეპარატს ვიყენებთ სპრეის სახით.

* ინფექციის გავრცელების თავიდან აცილების მიზნით, აუცილებელია პრეპარატის ინდივიდუალურად გამოყენება.

* არ არის რეკომენდებული პრეპარატის გამოყენება 3 დღეზე მეტი ხნის მანძილზე.

ჭარბი დოზირება:

რეკომენდებული დოზის გადაჭარებბამ შესაძლოა გამოიწვიოს ტკივილი ან წვა, ცემინება და ცხვირიდან გამონადენის მატება.

დიდი დოზებით, განსაკუთრებით ხანგრძლივად გამოყენებისას, შესაძლებელია გამოვლინდეს ტაქიკარდია, არტერიული წნევის მომატება.

სხვა წამლებთან ურთიერთქმედება:

- არ გამოიყენოთ ერთდროულად სხვა სისხლძარღვთა შემავიწროებელ პრეპარატებთან და მაო-ს ინჰიბიტორებთან ერთად.

შენახვის პირობები:

პრეპარატი ინახება 15-30⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

საერთაშორისო დასახელება: PHENYLEPHRINE HYDROCHLORIDE

მწარმოებელი: BAYER CONSUMER CARE

მოქმედი ნივთიერება: ფენილეფრინის ჰიდროქლორიდი

კლინიკურ-ფარმაკოლოგიური ჯგუფი:

სისხლძარღვთა შემავიწროებელი საშუალება ადგილობრივი გამოყენებისათვის ოტორინოლარინგოლოგიაში.

შემადგენლობა და გამოშვების ფორმა:

ცხვირში შესახურებელი ხსნარი 0.125%: ფლაკონში 15 მლ

1 მლ

ფენილეფრინის ჰიდროქლორიდი  ................. 125 მკგ

დამხმარე ნივთიერებები:

გლიცერინი, პოლიეთილენგლიკოლი, ბენზალკონიუმის ქლორიდი, ნატრიუმის ედატატი, ორფუძიანი ნატრიუმის ფოსფატი, კალიუმის ერთფუძიანი ფოსფატი, გამოხდილი წყალი.

ფარმაკოლოგიური თვისებები:

ფენილეფრინის ჰიდროქლორიდი წარმოადგენს ალფა-ადრენერგული რეცეპტორების აგონისტს, რომელიც ახდენს სისხლძარღვების შემავიწროებელ მოქმედებას ალფა-რეცეპტორების სტიმულირების ხარჯზე სასუნთქი გზების ლორწოვან გარსებში.

კლინიკური თვალსაზრისით ფენილეფრინი ამცირებს ლორწოვანი გარსების შეშუპებას და ქსოვილების ჰიპერემიას, ამსუბუქებს შეგუბებით მოვლენებს ცხვირის ღრუში, ასევე აუმჯობესებს ცხვირის სასუნთქი გზების გამტარობას.

გლიცერინი და პოლიეთილენგლიკოლი არბილებენ ცხვირის ლორწოვანს და იცავენ მას გამოშრობისაგან.

ჩვენებები:

• ცხვირით სუნთქვის გაძნელება გაციების, გრიპის და სხვა მწვავე რესპირატორულ-ვირუსული ინფექციების, ალერგიული რინიტის, სინუსიტების (ჰაიმორიტი, ეთმოიდიტი, ფრონტიტი) დროს. აგრეთვე.
• გამოიყენება, როგორც დამხმარე საშუალება, მწვავე ოტიტისა და ევსტაქიტის მკურნალობისას.

მიღების წესი და დოზირება:

2 წლამდე ბავშვებში - 1-2 წვეთი ყოველ ნესტოში 4 საათში ერთხელ;

2-დან 6 წლამდე ბავშვებში - 2-3 წვეთი ყოველ ნესტოში 4 საათში ერთხელ. ფლაკონი გადმოაბრუნეთ და ფრთხილად მოუჭირეთ. გამოყენების შემდეგ გაწმინდეთ ფლაკონის პიპეტი.

გვერდითი მოვლენები:

ზოგჯერ ცხვირის ლორწოვანის წვა და სიმშრალე.

უკუჩვენებები:

* მომატებული მგრძნობელობა პრეპარატის შემადგენელი კომპონენტების მიმართ;

* გულ-სისხლძარღვთა სისტემის დააავადებები, მაღალი არტერიული წნევა;

* ფარისებრი ჯირკვლის დაავადებები;

* შაქრიანი დიაბეტი.

განსაკუთრებული მითითებები:

* არ არის რეკომენდებული პრეპარატის გამოყენება 3 დღეზე მეტი ხნის მანძილზე.

* 1 წლამდე ასაკის ბაშვებში გამოიყენება ექიმის დანიშნულებით.

ჭარბი დოზირება:

რეკომენდებული დოზის გადაჭარბებამ შესაძლოა გამოიწვიოს ტკივილი ან წვა, ცემინება და ცხვირიდან  გამონადენის მატება.

დიდი დოზებით, განსაკუთრებით ხანგრძლივად გამოყენებისას, შესაძლებელია გამოვლინდეს ტაქიკარდია, არტერიული წნევის მომატება.

სხვა წამლებთან ურთიერთქმედთება:

არ გამოიყენება ერთდროულად სხვა სისხლძარღვთა შემავიწროვებელ პრეპარატებთან და მაო-ს ინჰიბიტორებთან ერთად.

შენახვის პირობები:

პრეპარატი ინახება 15-30⁰C ტემპერატურაზე, ბავშვებისთვის მიუწვდომელ ადგილას.

ვარგისიანობის ვადა: 2 წელი.

საერთაშორისო დასახელება:

OXYMETAZOLINE

მწარმოებელი: BAYER CONSUMER CARE

მოქმედი ნივთიერება: ოქსიმეტაზოლინი

კლინიკურ-ფარმაკოლოგიური ჯგუფი:

ანტიკონგესტიური საშუალება; რინიტის სამკურნალო საშუალება

შემადგენლობა და გამოშვების ფორმა:

ცხვირში შესასხურებელი ხსნარი 0.05%: ფლაკონში 15 მლ და 30 მლ

1 მლ

ოქსიმეტაზოლინის ჰიდროქლორდი ...............  500 მკგ

ვრცლად ნაზოლი

საერთაშორისო დასახელება:

OXYMETAZOLINE

მწარმოებელი: BAYER CONSUMER CARE

მოქმედი ნივთიერება: ოქსიმეტაზოლინი

კლინიკურ-ფარმაკოლოგიური ჯგუფი:

სისხლძარღვთა შემავიწროვებელი საშუალება ადგილობრივი გამოყენებისათვის ოტორინოლარინგოლოგიაში.

შემადგენლობა და გამოშვების ფორმა:

ცხვირში შესასხურებელი ხსნარი 0.05%: ფლაკონში 15 მლ და 30 მლ

1 მლ

ოქსიმეტაზოლინის ჰიდროქლორიდი ...........   500 მკგ

დამხმარე ნივთიერებები:

ბენზალკონიუმის ქლორიდი, ბენზოლის სპირტი, დინატრიუმის მარილი, პოლიეთილენგლიკოლი, პოვიდონი, პროპილენგლიკოლი, ნატრიუმის ფოსფატი, ნატრიუმის ერთფუძიანი ფოსფატი, გამოხდილი წყალი.

ფარმაკოლოგიური თვისებები:

ოქსიმეტაზოლინის ჰიდროქლორიდი არის სინთეზური ადრენომიმეტიკი. ასტიმულირებს რა სისხლძარღვების ადრენორეცეპტორებს, ახდენს გამოხატულ და ხანგრძლივ სისხლძარღვების შემავიწროვებელ მოქმედებას. ეს ეფექტი ვლინდება ცხვირის წიაღების ლორწოვანის, დამატებითი წიაღების და ევსტაქის მილის შეშუპების შემცირებაში, რაც აღადგენს ცხვირით სუნთქვას გრიპის, გაციების და ალერგიული დაავადებების დროს.

ცხვირით სუნთქვა აღდგება ნაზოლის შესხურებიდან 5-10 წუთში. რაც აიხსნება ოქსიმეტაზოლინის ჰიდროქლორიდის სწრაფი შეწოვით ცხვირის წიაღების ლორწოვანი გარსიდან.

შეშუპების საწინაღმდეგო მოქმედება გრძელდება 10-12 საათი. პრეპარატში შემავალი გლიკოლები არბილებენ ცხვირის ღრუს ლორწოვანს და იცავენ მას ზედმეტი გამოშრობისაგან.

ჩვენებები:

• ცხვირით სუნთქვის გაძნელება გაციების, გრიპის და სხვა მწვავე რესპირატორულ-ვირუსული ინფექციების, ალერგიული რინიტის, სინუსიტების დროს.

მიღების წესი და დოზირება:

მოზრდილებში და ბავშვებში 12 წლის ზევით რეკომენდებული 2 შესხურება თითოეულ ნესტოში 2-ჯერ დღეში.

ბავშვებში 6-12 წლამდე თითო შესხურება 2-ჯერ დღეში.

არ არის რეკომენდებული პრეპარატის გამოყენება 3 დღეზე მეტი ხნის მანძილზე.

ძლიერად მოუჭირეთ ფლაკონს და შეისხურეთ ყოველ ნესტოში.

გვერდითი მოვლთენები:

ზოგჯერ ცხვირის ლორწოვანის წვა და სიმშრალე, ცემინება, ნაზალური სეკრეტის მოცულობის გაზრდა. იშვიათ შემთხვევებში - მას მერე, რაც გაივლის პრეპარატის მოქმედების ეფექტი - ცხვირის „გაჭედვის“ ძლიერი შეგრძნება (რეაქტიული ჰიპერემია).

უკუჩვენებები:

* მომატებული მგრძნობელობა პრეპარატის შემადგენელი კომპონენტების მიმართ.

* ატროფიული რინიტი;

* ჰიპერტონული დაავადების, ათეროსკლეროზის შაქრიანი დიაბეტის მძიმე ფორმები;

* გულის რითმის დარღვევები;

* მომატებული თვალშიდა წნევა, გლაუკომა;

* თირკმლის უკმარისობა;

* ჰიპერთირეოზი;

* ფეოქრომოციტომა;

* შარდვის გაძნელება წინამდებარე ჯირკვლის ჰიპერტროფიის გამო, ორსულობა;

* საბავშვო ასაკი 6 წლამდე.

განსაკუთრებული მითითებები:

* ცხვირის ღრუში ჩასაწვეთებელი შეშუპების საწინააღმდეგო საშუალებების ხანგრძლივმა მიღებამ შესაძლოა გამოიწვიოს მათი მოქმედების შესუსტება.

* ინფექციის გავრცელების თავიდან აცილების მიზნით, აუცილებელია პრეპარატის ინდივიდუალურად გამოყენება.

* ორსულობისა და ლაქტაციის პერიოდში მედიკამენტის მიღების წინ რეკომენდებულია ექიმთან კონსულტაცია.

ჭარბი დოზირება:

- რეკომენდებული დოზის გადაჭარბებამ შეიძლება გამოიწვიოს ტკივილი ან წვა, ცემინება და ცხვირიდან გამონადენის მატება.

- დიდი დოზებით, განსაკუთრებით ხანგრძლივად გამოყენებისას, შესაძლებელია გამოვლინდეს ტაქიკარდია, არტერიული წნევის მომატება.

სხვა წამლებთან ურთიერთქმედება:

დოზის გადაჭარბებამ ან ოქსიმეტაზოლინის მიღებამ ტრიციკლურ ანტიდეპრესანტებთან და მაოს-ინჰიდიტორებთან ერთდროულად ან უშუალოდ ოქსიმეტაზოლინის გამოყენებამდე, შეიძლება გამოიწვიოს არტერიული წნევის მომატება.

შენახვის პირობები:

პრეპარატი ინახება 2-30⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი.

საერთაშორისო დასახელება: OXYMETAZOLINE

მწარმოებელი: MERCK KGaA for NYCOMED

მოქმედი ნივთიერება: ოქსიმეტაზოლინი

კლინიკურ-ფარმაკოლოგიური ჯგუფი:

ალფა₂-ადრენომიმეტური საშუალება. სისხლძარღვთა შემავიწროვებელი საშუალება ადგილობრივი გამოყენებისთვის ოტორინოლარინგოლოგიაში.

შემადგენლობა და გამოშვების ფორმა:

ხსნარი-წვეთები 0.01%: მინის ფლაკონში 5 მლ, დოზირებული პიპეტით.

1 მლ

ოქსიმეტაზოლინის ჰიდროქლორიდი ..................        100 მკგ

ხსნარი-წვეთები 0.025%: მინის ფლაკონში 10 მლ, დოზირებული პიპეტით.

1 მლ

ოქსიმეტაზოლინის ჰიდროქლორიდი ...................       250 მკგ

ხსნარი-წვეთები 0.05%: მინის ფლაკონში 10 მლ, დოზირებული პიპეტით.

1 მლ

ოქსიმეტაზოლინის ჰიდროქლორიდი ...............    500 მკგ

ნაზალური სპრეი 0.05%: ფლაკონში 10 მლ

1 მლ

ოქსიმეტაზოლინის ჰიდროქლორიდი ................   500 მკგ

ფარმაკოლოგიური თვისებები:

ნაზივინი მიეკუთვნება ადგილობრივი მოქმედების სისხლძარღვების შემავიწროვებელ საშუალებათა ჯგუფს (დეკონგესტანტებს). ავლენს ალფა-ადრენომიმეტურ მოქმედებას.

წარმოადგენს რა იმიდაზოლინის წარმოებულს, დაბალი დოზირების შემთხვევაში ავლენს ძირითადად α₂-ადრენომიმეტურ მოქმედებას, ხოლო მაღალი დოზით გამოყენებისას მოქმედებს αა₁-ადრენორეცეპტორებზეც.

მოქმედების არეში, ადგილობრივად ავიწროებს სისხლძარღვებს, ამცირებს ცხვირისა და ზემო სასუნთქი გზების ლორწოვანი გარსის შეშუპებას. ნაზალური გამოყენებისას თერაპიულ დოზებში არ იწვევს ლორწოვანის გაღიზიანებას და ჰიპერემიას.

ოქსიმეტაზოლინის კვლევებმა მონიშნული რადიოაქტიური იზოტოპით გვიჩვენა, რომ ეს რინოლოგიური საშუალება, ინტრანაზალური გამოყენებისას სისტემური მოქმედებით არ ხასიათდება.

ჩვენებები:

• მწვავე რინიტი (მათ შორის ალერგიული);
• ვაზომოტორული რინიტი;
• პარანაზალური სინუსიტი;
• ევსტაქიიტი;
• შუა ყურის ანთება;
• ლორწოვანი გარსის შეშუპების მოხსნა სადიაგნოზო მიზნით (ექიმის მეთვალყურეობის ქვეშ).

მიღების წესი და დოზირება:

0.01%, 0.025% და 0.05% ნაზივინის წვეთები განკუთვნილია ცხვირში ჩასაწვეთებლად.

მოზრდილები და ბავშვები 6 წლის ასაკის ზევით:

0.05%-იანი ნაზივინის წვეთები -1-2 წვეთი თითოეულ ნესტოში 2-3-ჯერ დღეში ან 0.05%-იანი ნაზივინის ნაზალური სპრეი - 1 შეფრქვევა თითოეულ ნესტოში 2-3-ჯერ დღეში.

ერთიდან 6 წლის ასაკამდე ბავშვები: 0.025%-იანი ნაზივინის წვეთები - 1-2 წვეთი თითოეულ ნესტოში 2-3-ჯერ დღეში.

1 წლამდე ასაკის ბავშვები: 4 კვირამდე ასაკის ბავშვებს უნიშნავენ 0.01%-იანი ნაზივინის 1 წვეთს თითოეულ ნესტოში 2-3-ჯერ დღეში.

- მე-5 კვირიდან 1 წლამდე- 1-2 წვეთს თითოეულ ნესტოში 2-3-ჯერ დღეში. ზუსტი დოზირების უზრუნველსაყოფად 0.01%-იანი ნაზივინის ფლაკონი აღჭურვილია დოზირებული პიპეტით, რომელიც წვეთების რაოდენობას უჩვენებს. მაგალითად, თუ დანიშნულია 1 წვეთი, პიპეტი უნდა შეივსოს აღნიშვნამდე 1.

დამტკიცებულია ასევე შემდეგი პროცედურის ეფექტურობა: 0.01%-იანი ნაზივინის 1-2 წვეთი ასაკის მიხედვით უნდა დავაწვეთოთ ბამბას და მოვათავსოთ ბავშვის ცხვირის ღრუში.

ნაზივინის გამოყენება რეკომენდებულია 3-5 დღის განმავლობაში. რეკომენდებულზე დიდი დოზით გამოყენება უნდა ხდებოდეს მხოლოდ ექიმის მეთვალყურეობის ქვეშ.

გვერდითი მოვლენები:

ზოგჯერ ცხვირის ლორწოვანი გარსის წვა და სიმშრალე, ცემინება.

იშვიათად -ნაზივინის მოქმედების შეწყვეტის შემდეგ - „გაჭედილი ცხვირის“ უფრო ძლიერი შეგრძნება (რეაქტიული ჰიპერემია).

ადგილობრივი ნაზალური გამოყენების დროს დოზის მრავალჯერადი გადაჭარბება ხანდახან იწვევს ისეთ სისტემურ სიმპატომიმეტურ ეფექტს, როგორიცაა პულსის გახშირება (ტაქიკარდია) და არტერიული წნევის მომატება.

ძალიან იშვიათად აღინიშნება მოუსვენრობა, უძილობა, დაღლილობა, თავის ტკივილი და გულისრევის შეგრძნება.

უკუჩვენებები:

* მომატებული მგრძნობელობა შემადგენელი კომპონენტების მიმართ.

*  ატროფიული რინიტი;

* დახურულკუთხოვანი გლაუკომა;

* 1 წლამდე ასაკი - 0.025% და 0.05% ნაზივინის წვეთებისთვის და 0.05% ნაზივინის სპრეისთვის;

* 6 წლამდე ასაკი - 0.05% ნაზივინის წვეთებისა და სპრეისთვის.

ორსულობა და ლაქტაცია:

* ორსულობისა და ლაქტაციის პერიოდში რეკომენდებული დოზის გადაჭარბება დასაშვები არ არის. პრეპარატის გამოყენება უნდა ხდებოდეს დედისა და ნაყოფისთვის რისკისა და სარგებლის შეფარდებით გათვალისწინებით.

განსაკუთრებული მითითებები:

* შეშუპების საწინააღმდეგო საშუალებების ხანგრძლივმა ჩაწვეთებამ ცხვირის ღრუში შეიძლება შეასუსტოს მათი მოქმედება. ამ საშუალებების ბოროტად გამოყენებამ შეიძლება გამოიწვიოს ლორწოვანი გარსის ატროფია და რეაქტიული ჰიპერემია მედიკამენტური რინიტით, ასევე ლორწოვანის ეპითელუმის დაზიანება და მისი აქტივობის დათრგუნვა. საჭიროა თავი ავარიდოთ ასეთი პრეპარატების ხანგრძლივ გამოყენებას და დოზის გადაჭარბებას.

* ოქსიმეტაზოლინის შემცველი სურდოს საწინააღმდეგო საშუალებების რეკომენდებულ დოზაზე მეტი რაოდენობით მიღებისას ან მათი ხანგრძლივი გამოყენებისას არ არის გამორიცხული ზოგადი მოქმედება გულ-სისხლძარღვთა სისტემასა და ცნს-ზე. ამ დროს სატრანსპორტო საშუალებებისა ან მექანიზმების მართვის უნარი შეიძლება დაქვეითდეს.

როგორ უნდა ხდებოდეს ნაზივინის 0.05%-იანი ნაზალური სპრეის გამოყენება?

ნაზივინის 0.05%-იანი ნაზალური სპრეის შეფრქვევა ხდება ფლაკონზე მკვეთრი დაწოლით თითოეულ ნესტოში.

ჭარბი დოზირება:

დოზის მნიშვნელოვანი გადაჭარბებისას ან შემთხვევით პერორალური მიღებისას შეიძლება აღინიშნოს შემდეგი სიმპტომები:

გუგების შევიწროვება, გულისრევა, ღებინება, ციანოზი, ტემპერატურის მომატება, ტაქიკარდია, არითმია, სისხლძარღვოვანი უკმარისობა, არტერიული ჰიპერტენზია, სუნთქვის დარღვევა, ფილტვების შეშუპება, გულის გაჩერება. გარდა ამისა,

შეიძლება განვითარდეს ფსიქიური დარღვევები, აგრეთვე ცნს-ის ფუნქციათა დათრგუნვა, რომელსაც შეიძლება თან ახლდეს ძილიანობა, სხეულის  ტემპერატურის დაქვეითება, ბრადიკარდია, არტერიული ჰიპოტონია, სუნთქვის გაჩერება და კომის განვითარება.

თერაპიული ღონისძიებები დოზის გადაჭარბებისას: კუჭის ამორეცხვა, გააქტივებული ნახშირის მიღება და დაუყოვნებლივი კონსულტაცია ექიმთან.

სხვა წამლებთან ურთიერთქმედება:

ნაზივინის რეკომენდებული დოზით გამოყენებისას არ არის ცნობილი მისი ურთიერთქმედება ტრიციკლურ ანტიდეპრესანტებთან ან მაო-ს ინჰიბიტორებთან.

- პრეპარატის დოზის მნიშვნელოვანი გადაჭარბებისას ან პერორალური გამოყენებისას და ტრიციკლური ანტიდეპრესანტების ან მაო-ს ინჰიბიტორების უშუალოდ ნაზივინის გამოყენების წინ მიღებისას ან მათი ერთდროული გამოყენებისას შესაძლებელი არტერიული წნევის მომატება.

დღეისათვის სამკურნალო საშუალებებთან შეუთავსებლობა ცნობილი არ არის.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისთვის მიუწვდომელ ადგილას.

საერთაშორისო დასახელება: TROPISETRON    cHASASMELIA ALFA

მწარმოებელი: NOVARTIS PHARMA AG, შვეიცარია

მოქმედი ნივთიერება: ტროპისეტრონი

კლინიკურ-ფარმაკოლოგიური ჯგუფი:

5-HT₃ სეროტონინის რეცეპტორების ანტაგონისტი (ღებინების საწინააღმდეგო საშუალება).

შემადგენლობა და გამოშვების ფორმა:

საინექციო ხსნარი: ამპულაში 2 მლ, შეფუთვაში 5 ც.

1 ამ 1 ამპ.

ტროპისეტრონის ჰიდროქლორიდი ............ 1 მგ 5 მგ

დამხმარე ნივთიერებები:

ყინულოვანი ძმარმჟავა, ნატრიუმის აცეტატი, ნატრიუმის ქლორიდი, საინექციო წყალი.

ფარმაკოლოგიური თვისებები:

ტროპინდოლი წარმოადგენს ცნს-ში და პერიფერიულ ნეირონებში ლოკალიზებული სეროტონინის 5-HT₃, რეცეპტორების მაღალსელექტიურ ბლოკატორს, რომელთა სტიმულაციასთან დაკავშირებულია ღებინების ცენტრის აგზნება.

ტროპინდოლი იწვევს გულისრევისა და ღებინების კუპირებას სიმსივნის საწინააღმდეგო პრეპარატებით ქიმიოთერაპიის დროს.

ქირურგიული ოპერაციების და სხვადასხვა, მათ შორის ზოგიერთი ქიმიოთერაპიული პრეპარატებით მკურნალობის დროს ადგილი აქვს კუჭ-ნაწლავის ტრაქტის ლორწოვან გარსში განლაგებული ენტეროქრომაფინის მსგავსი უჯრედებიდან სეროტონინის (5-HT₃) გამოყოფას, რაც იწვევს ღებინების რეფლექსის და მასთან დაკავშირებული გულისრევის შეგრძნების ინიცირებას. ტროპისეტრონი იწვევს აღნიშნულ რეფლექსში მონაწილე, პერიფერიულ ნეირონებში განლაგებული პრესინაფსური 5-HT₃ რეცეპტორების აგზნების სელექტიურ ბლოკადას, აგრეთვე ცნს-ში ლოკალიზებულ 5-HT₃ რეცეპტორებზე დამატებით პირდაპირ მოქმედებას და ცთომილი ნერვის ირიბ მოქმედებას არეა პოსტრემა-ზე.

სწორედ აღნიშნული თვისებები განაპირობებს ტროპისეტრონის სპეციფიკური ღებინების საწინააღმდეგო მოქმედების მექანიზმის საფუძველს.

ნავობანის მოქმედება გრძელდება 24 სთ-ს, რაც იძლევა პრეპარატის გამოყენების საშუალებას ერთხელ დღეში.

ფარმაკოკინეტიკა:

შეწოვა: ნავობანი თითქმის მთლიანად შეიწოვება კუჭ-ნაწლავის ტრაქტის მიერ (95%-ზე მეტი). ნახევრად აბსორბციის პერიოდი საშუალოდ შეადგენს დაახლოებით 20 წთ-ს.

განაწილება: ტროპინდოლი უკავშირდება სისხლის ცილებს, უმეტესად α-გლიკოპროტეინებს 71%-ით. პრეპარატის განაწილების მოცულობა მოზრდილებში შეადგენს 400-დან 600 ლ-მდე; 3-დან 6 წლამდე ასაკის ბავშვებში - დაახლოებით 145 ლ-ს, 7-15 წლამდე ასაკის ბავშვებში - დაახლოებით 265 ლ-ს.

მეტაბოლიზმი: ტროპინდოლის მაქსიმალური კონცენტრაცია სისხლის პლაზმაში აღინიშნება 3 სთ-ის განმავლობაში. ბიოშეღწევადობა დამოკიდებულია პრეპარატის დოზაზე: 5 მგ-იანი დოზით მიღების ბიოშეღწევადობა დაახლოებით შეადგენს 60%-ს და იზრდება (100%-მდე) პრეპარატის 45 მგ-იანი დოზით მიღებისას.

პრეპარატის ბიოშეღწევადობისა და ნახევრად გამოყოფის პერიოდის საბოლოო მნიშვნელობები ბავშვებში და მოზრდილებში ერთნაირია.

ტროპისეტრონის მეტაბოლიზმი მიმდინარეობს ძირითადად ღვიძლში ინდოლის ჯაჭვის ჰიდროქსილირებით მე-5, მე-6 ან მე-7 მდგომარეობაში კონიუგაციის რეაქციით გლუკურონიდის ან სულფატის წარმოქმნით და მათი გამოყოფით შარდთან ან ნაღველთან ერთად (შარდში და განავალში მეტაბოლიტების შემცველობის თანაფარდობა შეადგენს 5:1). მეტაბოლიტები ნაკლებად აქტიურია და პრაქტიკულად არ მონაწილეობენ ტროპინდოლის ფარმაკოლოგიური მოქმედების რეალიზაციაში. მეტაბოლიზმის ხარისხი დამოკიდებულია პაციენტის ინდივიდუალურ თავისებურებებზე.

ტროპისეტრონის მეტაბოლიზმი დამოკიდებულია გენეტიკურად დეტერმინირებულ სპარტეინ/დებრიზოხინის პოლიმორფიზმთან. ცნობილია, რომ ევროპული რასის ადამიანთა დაახლოებით 8%-ს აქვთ სპარტეინ/დებრიზოხინის დაბალი მეტაბოლიზმი.

ნავობანის ხელმეორედ დანიშვნის დროს 10 მგ-ზე მეტი დოზით 2-ჯერ დღეში, შესაძლებელია ტროპისეტრონის მეტაბოლიზმში მონაწილე ღვიძლის ფერმენტული სისტემის გაჯერება, რასაც თან ახლავს სისხლის პლაზმაში ტროპისეტრონის მაჩვენებლების დოზადამოკიდებული მომატება. იმ პირებშიც კი, რომლებშიც ტროპისეტრონის მეტაბოლიზმი ნელა მიმდინარეობს, პრეპარატის აღნიშნული დოზით მიღება არ იწვევს პლაზმაში ტროპისეტრონის კონცენტრაციის ზღვრულზე მეტი მნიშვნელობით მომატებას. გულისრევისა და ღებინების თავიდან აცილების მიზნით სიმსივნის საწინააღმდეგო ქიმიოთერაპიული პრეპარატებით მკურნალობის დროს პრეპარატის რეკომენდებული დოზით გამოყენების შემთხვევაში 6 დღის განმავლობაში, რომელიც შეესაბამება 5 მგ-ს ერთხელ დღეში, ტროპისეტრონის დაგროვებას ორგანიზმში არა აქვს კლინიკური მნიშვნელობა.

პრეპარატის სწრაფი მეტაბოლიზმის მქონე პირებში ტროპისეტრონის ნახევრად გამოყოფის პერიოდი (ბეტა-ფაზა) შეადგენს დაახლოებით 8 სთ-ს, ხოლო ნელი მეტაბოლიზმის მქონე პირებში აღნიშნული მაჩვენებლის სიდიდე შესაძლებელია გახანგრძლივდეს და შეადგენს 4 სთ-ს.

ტროპისეტრონის საერთო კლირენსი შეადგენს დაახლოებით 1 ლ/წთ-ში, ხოლო თირკმლის კლირენსი - აღნიშნული მაჩვენებლის დაახლოებით 10%-ს.

ტროპისეტრონის ნელი მეტაბოლიზმის მქონე პაციენტებში საერთო კლირენსი ქვეითდება 0.1-0.2 ლ/წთ-მდე, ამ დროს თირკმლის კლირენსის მაჩვენებელი უცვლელია.

არათირკმლისმიერი კლირენსის დაქვეითება იწვევს ნახევრად გამოყოფის პერიოდის დაახლოებით 4-5-ჯერ გახანგრძლივებას და მრუდი “კონცენტრაცია-დრო”ფართის AUC მაჩვენებლის 5-7-ჯერ მომატებას. აღნიშნულ პაციენტებში პრეპარატის მაქსიმალური კონცენტრაციის სიდიდისა და განაწილების მოცულობის მნიშვნელობები არ განსხვავდება მათი შესაბამისი მაჩვენებლებისაგან ტროპისეტრონის სწრაფი მეტაბოლიზმის მქონე პირებში.

ტროპისეტრონის ნელი მეტაბოლიზმის მქონე პაციენტებში შარდთან ერთად გამოყოფილი შეუცვლელი პრეპარატის რაოდენობა უფრო მაღალია, ვიდრე პაციენტებში ტროპისეტრონის სწრაფი მეტაბოლიზმით.

ჩვენებები:

• სიმსივნის საწინააღმდეგო თერაპიის დროს წარმოშობილი გულისრევისა და ღებინების თავიდან აცილება;
• ოპერაციის შემდგომი გულისრევისა და ღებინების პროფილაქტიკა და მკურნალობა;
• გინეკოლოგიური ინტრააბდომინალური ქირურგიული ჩარევის შემდგომ წარმოშობილი გულისრევისა და ღებინების თავიდან აცილება. ოპტიმალური სიდიდის თანაფარდობის “ეფექტი/რისკი” მიღწევის მიზნით პრეპარატის გამოყენება ეკრძალებათ ქალებს, რომლებსაც ანამნეზში აღენიშნებათ ოპერაციისშემდგომი გულისრევისა და ღებინების შეგრძნება.

მიღების წესი და დოზირება:

სიმსივნის საწინააღმდეგო თერაპიის დროს წარმოშობილი გულისრევისა და ღებინების თავიდან აცილება:

ბავშვებში 2 წლის ასაკის ზევით ნავობანის რეკომენდებული დოზა შეადგენს 0.2 მგ/კგ წონაზე; მაქსიმალური სადღეღამისო დოზა - 5 მგ-მდე.

პირველ დღეს, რამდენიმე ხნით ადრე ციტოსტატიკების მიღებამდე პრეპარატი შეჰყავთ ვენაში წვეთობრივად: ან ინფუზიის სახით (ნატრიუმის ქლორიდის იზოტონურ ხსნარში, რინგერის ხსნარში, გლუკოზის 5% ან ფრუქტოზის 5% ხსნარში განზავების შემდეგ), ან ნელა ნაკადისებურად (1 წთ-ის განმავლობაში).

შემდგომში მე-2 დღიდან მე-6 დღის ჩათვლით პრეპარატი ენიშნებათ შიგნით მისაღებად.

ნავობანის დანიშვნა შესაძლებელია დასალევი ხსნარის სახით, ამპულის შიგთავსის გახსნით ფორთოხლის წვენთან ან კოლასთან ერთად დილით, ჭამამდე 1 სთ-ით ადრე.

მოზრდილებში რეკომენდებულია ნავობანის 6-დღიანი მკურნალობის კურსი - 5 მგ/დღე-ღამეში. პირველ დღეს, რამდენიმე ხნით ადრე ციტოსტატიკების მიღებამდე პრეპარატი შეყავთ ვენაში წვეთობრივად: ან ინფუზიის სახით (ნატრიუმის ქლორიდის იზოტონუს ხსნარში, რინგერის ხსნარში, გლუკოზის 5% ან ფრუქტოზის 5% ხსნარში განზავების შემდეგ), ან ნელა ნაკადისებურად (1 წთ-ის განმავლობაში). შემდგომ

მე-2 დღიდან მე-6 დღის ჩათვლით პრეპარატი ენიშნებათ შიგნით მისაღებად. იმ შემთხვევაში, როდესაც მარტო ტროპინდოლის გამოყენება არ იწვევს ღებინების საწინააღმდეგო მოქმედებას, პრეპარატის სამკურნალო ეფექტის გაძლიერება ხდება მცირე რაოდენობით დექსამეტაზონის დანიშვნით.

ოპერაციისშემდგომ გულისრევისა და ღებინების პროფილაქტიკა და მკურნალობა:

მოზრდილებში რეკომენდებულია ნავობანის ვენაში ინექცია 2 მგ-იანი დოზით: ან ინფუზიის სახით (წინასწარ განზავების შემდეგ), ან ნელი ინექციის სახით (30 წმ-ის განმავლობაში). ოპერაციისშემდგომი გულისრევისა და ღებინების თავიდან აცილების მიზნით ნავობანის მიღება რეკომენდებულია ნარკოზის მიღებამდე რამდენიმე ხნით ადრე.

გამოყენების ინსტრუქცია:

ნავობანის ამპულები შეიცავს 2 მგ/2 მლ ან 5 მგ/5 მლ პრეპარატის წყლიან ხსნარს.

ამპულის შემადგენლობაში შემავალი ხსნარი შეთავსებადია შემდეგ საინექციო ხსნარებთან (1 მგ ტროპისეტრონს ხსნიან 20 მლ-ში): გლუკოზის 5% ხსნარი (წონა/მოცულობით); მანიტოლის 10%-იანი ხსნარი (წონა/მოცულობით); რინგერის ხსნარი; ნატრიუმის ქლორიდის 0.9% ხსნარი (წონა/მოცულობით); კალიუმის ქლორიდის 0.3% ხსნარი (წონა/მოცულობით); ფრუქტოზის 5% ხსნარი (წონა/მოცულობით). ამპულის შემადგენლობაში შემავალი ხსნარი შეთავსებადია აგრეთვე ჩვეულებრივი ტიპის საინფუზიო კონტეინერებთან (რომლებიც დამზადებულია მინისაგან, PVC) და ინფუზიისთვის საჭირო სხვა კომპლექტებთან.

გვერდითი მოვლენები:

ნავობანის გამოყენებისას რეკომენდებულ დოზებში გვერდითი ეფექტები გარდამავალი ხასიათისაა. 2 მგ-იანი დოზით პრეპარატის გამოყენების დროს ხშირად აღინიშნება თავის ტკივილი, ხოლო 5 მგ-იანი დოზით პრეპარატის გამოყენებისას ადგილი აქვს თავბრუსხვევას, გადაღლილობას და ცვლილებებს კუჭ-ნაწლავის ტრაქტის მხრივ - მუცლის ტკივილს და დიარეას.

ისევე როგორც 5-HT₃ რეცეპტორების სხვა ანტაგონისტების გამოყენების დროს, იშვიათად აღინიშნება ჰიპერმგრძნობელობის რეაქცია (“I ტიპის რეაქცია”), რომლისთვისაც დამახასიათებელია შემდეგი სიმპტომები:

სახის ჰიპერემია და/ან გენერალიზებული ურტიკარია, მკერდის ძვლის არეში სიმძიმის შეგრძნება, ქოშინი, სწრაფად მიმდინარე ბრონქოსპაზმი, არტერიული ჰიპოტენზია.

იშვიათ შემთხვევებში:

კოლაფსი, გულის წასვლა ან გულის გაჩერება, რაც შეიძლება გამოწვეულ იქნას თანმხლები თერაპიით ან ძირითადი დაავადებით.

უკუჩვენებები:

* ტროპისეტრონის, 5-HT₃ რეცეპტორების სხვა ანტაგონისტების ან პრეპარატში შემავალი კომპონენტების მიმართ მომატებული მგრძნობელობა;

* ორსულობა, ლაქტაციის პერიოდი.

ორსულობა და ლაქტაცია:

* ორსულობის პერიოდში ნავობანის დანიშვნა ნებადართული არ არის, გარდა იმ ქირურგიული პროცედურების ჩატარებისა, სამედიცინო აბორტის დროს, როდესაც საჭიროა ოპერაციის შემდგომი გულისრევისა და ღებინების თავიდან აცილება.

* მონაცემები ტროპისეტრონის ექსკრეტირების შესახებ დედის რძეში დღეისათვის ცნობილი არ არის, ამიტომ ლაქტაციის პერიოდში ნავობანის გამოყენების შემთხვევაში საჭიროა შეწყდეს ძუძუთი კვება.

განსაკუთრებული მითითებები:

* პრეპარატის გამოყენება იმ კატეგორიის პაციენტებში, რომლებშიც სპარტეინ/დებრიზოქონის მეტაბოლიზმი ნელა მიმდინარეობს:

აღნიშნული კატეგორიის პაციენტებში (ისინი შეადგენენ ევროპეიდული რასის პოპულაციის დაახლოებით 8%-ს), ტროპისეტრონის ნახევრად გამოყოფის პერიოდი ხანგრძლივდება (4-5-ჯერ, იმ პირებთან შედარებით, რომლებშიც ინტენსიურად მიმდინარეობს სპარტეინ/დებრიზოქინის მეტაბოლიზმი). მიუხედავად ამისა, ნავობანის ვენაში ინექციის დროს 40 მგ-იანი დოზით 2-ჯერ დღეში, 7 დღის განმავლობაში, ჯანმრთელ მოხალისეებში, რომლებშიც სპარტეინ/დებრიზოქინის მეტაბოლიზმი ნელა მიმდინარეობს, სერიოზული გვერდითი ეფექტები არ აღინიშნება; აღნიშნული დაკვირვებები იმაზე მეტყველებს, რომ პაციენტებში, რომლებშიც სპარტეინ/დებრიზოქინის მეტაბოლიზმი ნელა მიმდინარეობს, მკურნალობის 6 დღიანი კურსისას, პრეპარატის ჩვეულებრივი სადღეღამისო დოზის 5 მგ-ის შემცირება საჭირო არ არის.

* პრეპარატის გამოყენება ღვიძლისა და თირკმელების ფუნქციის მოშლით შეპყრობილ პაციენტებში:

მწვავე ჰეპატიტით ან ღვიძლის ცხიმოვანი დისტროფიით დაავადებულ პაციენტებში ტროპისეტრონის ფარმაკოკინეტიკის მაჩვენებლების ცვლილებები არ აღინიშნება. ღვიძლის ციროზით ან თირკმელების ფუნქციის მოშლით შეპყრობილ პაციენტებში შესაძლებელია სისხლის პლაზმაში ტროპისეტრონის მაჩვენებლები აღემატებოდეს (მაქსიმალურად 50%-ით) იმ მაჩვენებლებს, რომლებიც აღენიშნებათ იმ ჯგუფის ჯანმრთელ მოხალისეებს, რომლებშიც სპარტეინ/დებრიზოქინის მეტაბოლიზმი ინტენსიურად მიმდინარეობს. მიუხედავად ამისა, ნავობანის რეკომენდებული 6-დღიანი კურსის დღე-ღამეში 5 მგ-იანი დოზით დანიშვნის შემთხვევაში პრეპარატის დოზა კორექციას არ საჭიროებს.

* პრეპარატის გამოყენება არტერიული ჰიპერტონიით შეპყრობილ პაციენტებში:

არტერიული ჰიპერტონიით დაავადებულ პაციენტებში ნავობანის დანიშვნა დღე-ღამეში 10 მგ-ზე მეტი დოზით ნებადართული არ არის, რადგან პრეპარატმა შეიძლება გამოიწვიოს წნევის შემდგომი მომატება.

* პრეპარატის გამოყენება გულის დაავადების დროს:

პრეპარატი სიფრთხილით ენიშნებათ გულის რითმის და გამტარებლობის დარღვევით შეპყრობილ პაციენტებს, აგრეთვე ანტიარითმიული პრეპარატებით ან ბეტა-ადრენობლოკატორებით მკურნალობის დროს, შესაბამისი გამოცდილების თანახმად ნავობანის და სანარკოზო საშუალებების ერთდროულად გამოყენება აღნიშნულ შემთხვევებში ნებადართული არ არის.

* ბავშვებში 2 წლის ასაკის ზემოთ ნავობანის გამოყენება შესაძლებელია.

* ხანდაზმულ პაციენტებში ნავობანის გამოყენების შესახებ მონაცემები შესწავლილი არ არის.

* პრეპარატის უარყოფითი მოქმედების შესახებ არ არსებობს მონაცემები ავტოტრანსპორტის მძღოლებში და იმ პირებში, რომელთა მუშაობა ტექნიკასთან მოითხოვს გაძლიერებულ ყურადღებას. მიუხედავად ამისა საჭიროა პრეპარატის ისეთი გვერდითი მოვლენების გათვალისწინება, როგორიცაა: თავბრუსხვევა და გადაღლილობა.

ჭარბი დოზირება:

სიმპტომები: ტროპინდოლის განმეორებითი მიღებისას მაღალი დოზებით, თერაპიულთან შედარებით, ვითარდება მხედველობითი ჰალუცინაციები. არტერიული ჰიპერტონიით დაავადებულ ავადმყოფებში, შესაძლებელია წნევის მომატება.

მკურნალობა: სიმპტომატური, ორგანიზმისათვის სასიცოცხლოდ მნიშვნელოვანი ფუნქციების სისტემატური კონტროლის და პაციენტის მდგომარეობის მიხედვით.

სხვა წამლებთან ურთიერთქმედება:

- ტროპინდოლის კომბინაცია რიფამპიცინთან ან სხვა სამკურნალო პრეპარატებთან, რომლებიც აინდუცირებენ ღვიძლის მიკროსომულ ფერმენტებს (მაგ. ფენობარბიტალთან) ამცირებს პლაზმაში ტროპისეტრონის კონცენტრაციას და აგრეთვე მის ღებინების საწინააღმდეგო ეფექტს. ამიტომ ტროპისეტრონის სწრაფი მეტაბოლიზმის მქონე პაციენტებში აუცილებელია ნავობანის დოზის გაზრდა (ტროპისეტონის ნელი მეტაბოლიზმის მქონე პაციენტებში, პრეპარატის დოზის გაზრდა საჭირო არ არის).

- ციტოქრომ P450 ფერმენტული სისტემის ინჰიბიტორების, როგორიცაა ციმეტიდინის მოქმედება ტროპისეტრონის მაჩვენებლებზე სისხლის პლაზმაში უმნიშვნელოა; აღნიშნულ შემთხვევებში ნავობანის დოზა კორექციას არ საჭიროებს.

- ტროპინდოლსა და სანარკოზო საშუალებებს შორის ურთიერთქმედების შესახებ გამოკვლევები ჩატარებული არ არის.

ნავობანის კომბინაციით სხვა პრეპარატებთან ზოგიერთ ავადმყოფებში ადგილი აქვს QT ინტერვალის გახანგრძლივებას. ამავე დროს, მხოლოდ ნავობანის თერაპიულ დოზებში გამოყენების შემთხვევაში QT ინტერვალის გახანგრძლივებას არ ჰქონდა ადგილი. ამასთან დაკავშირებით საჭიროა განსაკუთრებული სიფრთხილე ნავობანის კომბინაციის დროს იმ პრეპარატებთან, რომლებიც იწვევენ QT ინტერვალის გახანგრძლივებას.

შენახვის პირობები:

პრეპარატი ინახება არა უმეტეს 30⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 5 წელი.

საერთაშორისო დასახელება:

VINORELBINE

მწარმოებელი: PIERRE FABRE MEDICAMENT

მოქმედი ნივთიერება: ვინორელბინი

კლინიკურ-ფარმაკოლოგიური ჯგუფი:

ანტინეოპლასტიკური და იმუნომოდულატორული საშუალება

შემადგენლობა და გამოშვების ფორმა:

საინექციო ხსნარი: ამპულაში 1 მლ, შეფუთვაში 10 ც.

1 მლ 1 ამპ.

ვინორელბინი ....................       10 მგ 10 მგ

საინექციო ხსნარი: ამპულაში 5 მლ, შეფუთვაში 10 ც.

1 მლ 1 ამპ.

ვინორელბინი ....................      10 მგ 50 მგ

ფარმაკოლოგიური მოქმედება:

სიმსივნის საწინააღმდეგო საშუალება მცენარეული წარმოშობის. ფილტვების და ბრონქების სარძევე ჯირკვლის ავთვისებიანი სიმსივნე.

ჩვენებები:

ფილტვების არაწვირლუჯრედოვანი კიბო, სარძევე ჯირკვლის კიბო მეტასტაზებით.

უკუჩვენებები:

ჰიპერმგრძნობელობა, ღვიძლის ფუნქციის გამოხატული დარღვევა, ორსულობა, ძუძუთი კვება.

მიღების შეზღუდვა: ბავშვთა ასაკი (ბავშვებში მიღების შესაძლებლობა არ არის შესწავლილი).

ორსულობა და ლაქტაცია:

უკუნაჩვენებია ორსულებში. მკურნალობის პერიოდში უნდა შეწყდეს ლაქტაცია.

გვერდითი მოქმედება:

გრანულოციტოპენია, ანემია, ძვალმყესოვანი რეფლექსები დაქვეითებულია, პარესთეზია, ქვედა კიდურებში სისუსტე, ყბების ტკივილი, გულისრევა, ღებინება, ყაბზობა, პარეზი ან ნაწლავების პარალიტური გაუვალობა, გაძნელებული სუნთქვა, ბრონქოსპაზმი, ალოპეცია, ფლებიტი შეყვანის ადგილზე.

ჭარბი დოზირება:

სიმტომები: მწვავე გრანულოციტოპენია ინფექციური გართულებების რისკით, პერიფერიული ნეიროტოქსიურობა.

მკურნალობა: გრანულოციტების კონსერვირებული ნარევის გადასხმა, კოლონომასტიმულირებელი ფაქტორის შეყვანა გრანულოციტოპოეზის გასაუმჯობესებლად, ინფექციის ანტიბაქტერიაული თერაპია.

მიღების წესი და დოზირება:

ვენაში (6–10წთ–ის მანძილზე), წინასწარ ხსნიან 125მლ ფიზიოლოგიურ ხსნარში. მონოთერაპიისას დოზა – 25–30მგ/მ² 1–ჯერ კვირაში.

სიფრთხილის ზომები:

შეყავთ მხოლოდ ვენაში, სიფრთხილეა საჭირო, რათა არ მოხდეს გარემომცველი ქსოვილების ინეცირება (იწვევს ტკივილსა და ნეკროზს). თვალში მოხვედრისას საჭიროა დაუყოვნებელი და საგულდაგულო ამორეცხვა. მკურნალობის დროს და შემდეგ საჭიროა პერიფერიული სისხლის დინამიური კონტროლი მათ შორის, ლეიკოციტების, გრანულოციტების და ჰემოგლობინის. ასევე ღვიძლის ბიოქიმიურ მაჩვენებლებზე მუდმივი დაკვირვება (ალტ, ასტ, ტუტე ფოსფატაზას აქტიობის განსაზღვრა, შრატში ბილირუბინის დონე). გრანულოციტების რიცხვის შემცირებისას 2x10⁹ /ლ მკურნალობას დროებით წყვეტენ მათი რიცხვის ნორმალიზაციამდე. გამოხატული ჰეპატოტოქსიური ეფექტის აღსაკვეთად არ შეიძლება ღვიძლის არეში სხივურ თერაპიასთან ერთად გამოყენება.

განსაკუთრებული სიფრთხილეა საჭირო პაციენტებში ღვიძლისა და თირკმელების ფუნქციის დარღვევით.

სამედიცინო პერსონალმა, რომელიც პრეპარატთან შეხებაშია, უნდა დაიცვას ტოქსიურ ნივთიერებებთან მუშაობისას გასათვალისწინებელი ინდივიდუალური უსაფრთხოების წესები.

მწარმოებელი: Laboratoire INNOTECH INTRNATIONAL,

INNOTHRA CHOUZY, საფრანგეთი

კლინიკურ-ფარმაკოლოგიური ჯგუფი:

საფაღარათო საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 20 ც.

1 ტაბ.

სინამაქის ქერქის ექსოტრაქტი (Cascara sagrada exstract)........  40 მგ

ალექსანდრიის ფოთლების ფხვნლი (Senna powder) ..........     30 მგ

ბოლდოს ფოთლების ფხვნილი (Boldo leaves powder)    ..........50 მგ

მწვანე ანისულის ფხვნილი (Green aniseed)         ....................30 მგ

სხვა ინგრედიენტები საკმარისია ერთი შემოგარსული ტაბლეტისათვის, 1 ტაბლეტი შეიცავს 0.09 გ საქაროზას.

ფარმაკოლოგიური თვისებები:

მუცინუმი წარმოადგენს ანტრაგლიკოზიდების შემცველ მცენარეული წარმოშობის საფაღარათო საშუალებას. მსხვილი ნაწლავის რეცეპტორების გაღიზიანებით პრეპარატი აძლიერებს მის პერისტალტიკას, რომლის დროსაც რეფლექტორულად იზრდება წვრილი ნაწლავის შეკუმშვის აქტივობაც. საფაღარათო ეფექტი იწყება პრეპარატის მიღებიდან 8-12 სთ-ის შემდეგ.

ფარმაკოკინეტიკა:

პრეპარატის აქტიური ნივთიერება შეიწოვება წვრილ ნაწლავში და გამოიყოფა მსხვილი ნაწლავის საშუალებით მასში არსებული ბაქტერიული ფლორის უშუალო ზემოქმედების შემდეგ.

ჩვენებები:

• შემთხვევითი ყაბზობის ხანმოკლე მკურნალობა მოზრდილებში.

მიღების წესი და დოზირება:

მუცინუმი ინიშნება 1-2 ტაბლეტი ძილის წინ. მკურნალობის მაქსიმალური ხანგრძლივობაა - 8-10 დღე.

გვერდითი მოვლენები:

კუჭ-ნაწლავის ტრაქტის მხრივ: დიარეა, ტკივილი მუცლის არეში.

წყალ-ელექტროლიტური ბალანსის მხრივ: ჰიპოკალიემია.

უკუჩვენებები:

* აბსოლუტური:

მსხვილი ნაწლავის ორგანული დაავადებები (პროქტიტი, წყლულოვანი კოლიტი, კრონის დაავადება); ნაწლავების გაუვალობა (სრული ან ნაწილობრივი); უცნობი გენეზის ტკივილი მუცლის არეში; ორგანიზმში ელექტროლიტული ბალანსის დარღვევით გამოწვეული მძიმე დისპეფსიური მდგომარეობა; 10 წლამდე ასაკის ბავშვებში; ორსულობა და ლაქტაციის პერიოდი.

* შედარებითი:

იმ პრეპარატებთან კომბინაცია, რომლებიც იწვევენ პაროქსიზმულ არითმიებს; 10-15 წლამდე ასაკის ბავშვებში; ორსულობა, ლაქტაციის პერიოდი.

ორსულობა და ლაქტაცია:

* ორსულობისა და ლაქტაციიის პერიოდში პრეპარატის გამოყენება ნებადართული არ არის.

განსაკუთრებული მითითებები:

* დიარეის ან მუცლის არეში ტკივილის წარმოქმნის შემთხვევაში აუცილებელია პრეპარატით მკურნალობის შეწყვეტა და ექიმთან კონსულტაცია.

* იშვიათად პრეპარატის მიღების დროს ადგილი აქვს შარდის ფერის შეცვლას, რასაც არ გააჩნია კლინიკური მნიშვნელობა.

* მკურნალობის ხანგრძლივობა არ უნდა აღემატებოდეს 8-10 დღეს. თუ მკურნალობა არ არის საკმარისად ეფექტური, ნუ გაზრდით დოზირებასა და მკურნალობის ხანგრძლივობას. კონსულტაციისათვის მიმართეთ ექიმს ან ფარმაცევტს.

ჭარბი დოზირება:

არ არის აღწერილი.

სხვა წამლებთან ურთიერთქმედება:

- ნებადართული არ არის მუცინუმისა და ანტიარითმიული პრეპარატების (ამიოდარონი, ბრეტილიუმი, დიზოპირამიდი, ქინიდინი, სოტალოლი) ერთდროული დანიშვნა.

- არ არის რეკომენდებლი მუცინუმის და ასტემიზოლის, ბეპრიდილის, ერითრომიცინის, გალოფანტრინის, პენფამიდინის, სულტოფრიდის, ტერფენადინის და ვინკამინის ერთდროული დანიშვნა;

- ჰიპოკალიემიის განვითარების მაღალ რისკთან დაკავშირებით მუცინუმი განსაკუთრებული სიფრთხილით ინიშნება დიურეზულ საშუალებებთან, ამფოტრიცინ B-სთან, კორტიკოსტეროიდებთან, ტეტრაკოზაქტიდთან კომბინაციაში;

- პაციენტებში საგულე გლიკოზიდების შემცველი პრეპარატებით მკურნალობის დროს მუცინუმის დანიშვნის შემთხვევაში, საჭიროა ელექტროკარდიოლოგიური და სისხლის პლაზმაში კალციუმის კონცენტრაციის კონტროლი.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.