ნაქსოჯინი – NAXOGIN – НАКСОДЖИН

საერთაშორისო დასახელება: NIMORAZOLE

მწარმოებელი: PHARMACIA & UPJOHN, იტალია

მოქმედი ნივთიერება:

ნიმორაზოლი

კლინიკურ-ფარმაკოლოგიური ჯგუფი:

ანტიბაქტერიული, ანტიპროტოზოული საშუალება.

შემადგენლობა და გამოშვების ფორმა:

ტაბლეტები შეფუთვაში 6 ც.

1 ტაბ.

ნიმორაზოლი ………… 500 მგ

ფარმაკოლოგიური თვისებები:

პრეპარატი წარმოადგენს ანტიპროტოზოულ საშუალებას, რომელსაც Trichomonas vaginalis-ის, ასევე Ciardia intestinalis და Entamoeba histolytica-ს მიმართ გააჩნია მაღალი აქტივობა. ამავე დროს, პრეპარატი აქტიურია გრამუარყოფითი ანაერობული ბაქტერიების, მათ შორის Bacteroides fragillis-ის მიმართ.

ფარმაკოკინეტიკა:

პრეპარატი პერორალურად მიღების შემდეგ კარგად აბსორბირდება კუჭ-ნაწლავის ტრაქტიდან. 500 მგ-ს 3-ჯერ მიღების შემდეგ ყოველ 12 საათში პლაზმაში მისი კონცენტრაცია პირველი მიღებიდან 3 საათის შემდეგ შეადგენს 16 მკგ/მლ, პირველი მიღებიდან 25 საათის შემდეგ – 25 მკგ/მლ და 7.5 მკგ/მლ-ში შემდგომი მიღებიდან 12 საათის შემდეგ.

1 გ პრეპარატის ყოველ 12 სთ-ში 3-ჯერ მიღებისას ნიმორაზოლის კონცენტრაცია ვაგინალურ სეკრეტში 24 სთ-ის, 48 სთ-ის და 72 სთ-ის შემდეგ შეადგენდა შესაბამისად 129 მგკ/გ; 95 მკგ/გ და 4 მკგ/გ. პრეპარატი გამოიყოფა თირკმელებით. შარდში მისი კონცენტრაცია ტრიქომონაციდულზე მაღალია. მინიმალური ტრიქომონაციდული კონცენტრაცია ვარირებს 0.3-3 მკგ/მლ საზღვრებში.

ჩვეებები:

Trichomonas vaginalis -ით გამოწვეული ინფექციურ-ანთებითი დაავადებები.

მიღების წესი და დოზირება:

პრეპარატი მიიღება 2-ჯერ დღე-ღამეში 500 მგ-ის ოდენობით 6 დღის განმავლობაში.

შესაძლებელია დოზირების სხვა რეჟიმი: ერთხლე დღე-ღამეში 2 გ-ის ოდენობით 1-2 დღის განმავლობაში.

გვერდითი მოვლენები:

კუჭ–ნაწლავის ტრაქტის მხრივ: გულისრევა, გულძმარვა.

ცნს–ის მხრივ: თავბრუსხვევა, ძილიანობა.

ალერგიული რეაქცეიბი: კანზე გამონაყარი.

უკუჩვენებები:

* ცნს-ის დაავადებები;

* მწვავე ნევროლოგიური დაავადებები;

* პრეპარატის მიმართ მომატებული მგრძნობელობა.

ორსულობა და ლაქტაცია:

* ორსულებში პრეპარატი არ გამოიყენება.

განსაკუთრებული მითითებები:

* მოსალოდნელი რეინფექციის თავიდან ასაცილებლად რეკომენდებულია სექსუალური პარტნიორების ერთდროულად მკურნალობა იმ შემთხვევაშიც კი, თუ ერთ-ერთ პარტნიორთაგანს არ აღენიშნება დაავადების სიმპტომები.

* მკურნალობის პერიოდში არ არის რეკომენდებული ალკოჰოლური სასმელების გამოყენება.

* მკურნალობის კურსის დამთავრების შემდეგ რამდენიმე დღის განმავლობაში მოსალოდნელია ანთების სიმპტომების არსებობა.

შენახვის პირობები:

პრეპარატი ინახება გრილ, სინათლისგან და ბავშვებისგან დაცულ ადგილას.

ვარგისიანობის ვადა: 5 წელი.

ნაფტიზინი – NAPHTHYZIN – НАФТИЗИН

საერთაშორისო დასახელება:

NAPHAZOLINE

მწარმოებელი: TBILISI PHARMACY FACTORY, საქართველო

მოქმედი ნივთიერება: ნაფაზოლინი

კლინიკურ-ფარმაკოლოგიური ჯგუფი:

ანტიკონგესტური საშუალება – ვაზოკონსტრიქტორი (ალფა-ადრენომიმეტიკი)

შემადგენლობა და გამოშვების ფორმა:

წვეთები 0.05%: ფლაკონში 1 მლ

ნაფაზოლინი …………….. 0.5 მგ

წვეთები 0.1%: ფლაკონში 1 მლ

ნაფაზოლინი …………… 1 მგ

ვრცლად სანორინი (დოზირება ინდივიდუალური)

ნაფი – NAF – НАФ

კბილის კარიესის პროფილაქტიკა.

შემადგენლობა:

ნაფი ტაბლეტები 0,25 მგ ფტორის იონი, რომელიც შეესაბამება 0,55 მგ ნატრიუმის ფტორიდს.

დამხმარე საშუალებები: მანიტოლი, სიმინდის სახამებელი, ტალკი, პოვიდონი, მაგნიუმის სტეარატი.

ნაფი ტაბლეტები 1მგ ფტორის იონი, რომელიც შეესაბამება 2,2,მგ ნატრიუმის ფტორიდს.

ინდიგო კარმინი CI 73015 E132

მოქმედების მექანიზმი:

ნატრიუმის ფტორიდი წარმოადგენს ყველაზე ეფექტურ ნაერთს ენდოგენური და ტოპიკალური ფტორიდაციისათვის, გამოიყენება სტომატოლოგიურ პრაქტიკაში კარიესის პრევენციისათვის. ფტორი არის კბილის ქსოვილის, კერძოდ კბილის ემალის შემადგენელი ელემენტი. ამგვარად ის იცავს კბილს კარიესის გამომწვევი მავნე ეფექტებისაგან.

ნატრიუმის ფტორიდი ამცირებს ნადების წარმოქმნასა და კბილის ჰიპერმგრნობელობას. მისი წყალობით კბილის ემალი რეზისტენტული ხდება მჟავების მიმართ. ასტიმულირებს კბილის ქსოვილის რემინერალიზაციას და ამცირებს მიკრობული მჟავის წარმოქმნას. ფტორის დამცავი ეფექტი უფრო მაღალია ახალამოსულ კბილში.

მოზრდილებში ფტორის იონები ხელს უწყობს კარიესული დაზიანების რემინერალიზაციას. ფტორი საჭიროა ორსულებისა და მეძუძრი დედებისათვის, ასევე მათი ბავშვებისათვის.

ფარმაკოკინეტიკა:

პერორალური მიღების შემდეგ ნატრიუმის ფტორიდი კარგად აბსორბირდება კუჭ–ნაწლავის ტრაქტიდან და გროვდება კალციუმის შემცველ ქსოვილებში. ძირითადად ექსკრეტირდება შარდში და ნაკლებად ოფლითა და განავლით. ნატრიუმის ფტორიდი გაივლის პლაცენტარულ ბარიერს და გამოიყოფა დედის რძეში.

თერაპიული ჩვენებები:

კბილის კარიესის პროფილაქტიკა.

დოზირება და მიღების წესი:

ნაფის ტაბლეტის დოზა დამოკიდებულია სასმელ წყალში ფტორის შემცველობაზე და თუ ექიმი სხვაგვარად არ გადაწყვეტს, პაციენტმა უნდა დაიცვას შემდეგი სქემით გათვალისწინებული დოზირების რეჟიმი:

ფტორის შემცველობა სასმელ წყალში	სხეულის წონა და ასაკი	ტაბლეტების რაოდენობა დღეში
0,2 პპმ–ზე ნაკლები	6 თვემდე 10კგ – 15 კგ (6 თვე – 3 წელი) 16კგ – 20კგ (3–6 წელი) 20–58 კგ (6–16 წელი)	0 1 0,25მგ–იანი ტაბლეტი 2 0,25 მგ–იანი ტაბლეტი 1 1მგ–იანი ტაბლეტი
0,3 პპმ – 0,7 პპმ	10კგ–15კგ (6 თვე–3 წელი) 16კგ – 20კგ (3–6 წელი) 20–58 კგ (6–16 წელი)	0 1 0,25მგ–იანი ტაბლეტი 2 0,25 მგ–იანი ტაბლეტი
0,7პპმ–ზე მეტი	ნაფის ტაბლეტების მიღება როგორც წესი აუცილებელი არ არის

ორსულობისა და ლაქტაციის პერიოდი:

ოთხი 0,25მგ–იანი ტაბლეტი დღეში ან ერთი 1 მგ–იანი ტაბლეტი დღეში (თერაპია იწყება ორსულობის მესამე თვიდან).

შენიშვნა: 2 წლამდე ასაკის ბავშვებში ტაბლეტი უნდა გაიხსნას ჩაიში ან წყალში.

2 წლის ზემოთ ბავშვებში და მოზრდილებში მიღებისას ტაბლეტი ნელნელა უნდა დაიწუწნოს, უმჯობესია ტაბლეტის მიღება საღამოს დაძნებამდე.

ჭარბი დოზა:

ფტორის ჭარბი დოზით მიღება ჩვეულებრივ ხდება მისი შემთხვევითი მიღების შედეგად.

მწვავე ჭარბი დოზირების ნიშნები:

ნერწყვდენა, გულისრევა, პირღებინება, ტკივილები მუცლის არეში, დიარეა, მომატებული გაღიზიანებადობა, პარესთეზია, ტრემორი, სუნთქვითი და გულის შეტევები, შოკი, ტონური და კლონური კრუნჩხვები.

მკურნალობა მწვავე ჭარბი დოზირებისას:

რძის მიღება, კუჭის ამორეცხვა, კალციუმის ქლორიდის ხსნარით ან ჰიდროქსიდით ფტორის ნალექის გამო, რის შემდეგაც მიიღება მაგნიუმის ოქსიდი საფაღარათე საშუალების სახით.

მაგნიუმის ოქსიდი არ არის რეკომენდებული 6 წლამდე ასაკის ბავშვებში, გარდა იმ შემთხვევისა, როდესაც მაგნიუმის ოქსიდის გამოყენების შესახებ გადაწყევეტილებას იღებს ექიმი.

ის აძლიერებს შარდის გამოყოფას. ტეტანიის პირველი ნიშნებისთანავე ინტრავენურად მიიღება 20მლ 10–20%–იანი კალიუმის გლუკონატი.

ბავშვებში კბილების განვითარების პერიოდში ნატრიუმის ფტორიდის ჭარბად მიღებამ შეიძლება გამოიწვიოს ოსტეოსკლეროზი და ფლუროზი. სიმტომებს მიეკუთვნება კბილებზე თეთრი, ყავისფერი ან შავის ლაქების გაჩენა ან ძვლების სიმყოფე და ტკივილი.

ჭარბი დოზის მიღების შემთხვევაში, პაციენტმა უნდა შეწყვიტოს პრეპარატის მიღება და მიმართოს ექიმს კონსულტაციისათვის.

მოზრდილებში ლეტალურ დოზას წარმოადგენს 5–10გ ნატრიუმის ფტორიდი, ხოლო ბავშვებში – 0,2 გ.

უკუჩვენებები:

ჰიპერმგრძნობელობა პრეპარატის აქტიური ინგრედიენტების ან დამხმარე საშუალებების მიმართ.

ნაფის ტაბლეტების მიღება უკუნაჩვენებია იმ შემთხვევაში, თუ სასმელ წყალში ფტორის შემცველობა აღემატება 0,7 პპმ–ს.

არასასურველი ეფექტები:

ნატრიუმის ფტორიდი სისტემური მიღებისას ხასიათდება კარგი ამტანობით და იშიათად იწვევს არასასურველ ეფექტებს. თერაპიული დოზებით მიღებისას იშვიათად ვლინდება შემდეგი რექციები: კანზე გამონაყარი, ჭინჭრის გამონაყარი, გულისრევა, ღებინება, სისხლდენა, წყლულები პირის ღრუს გარშემო და კუჭის ლორწოვან გარსზე, ასევე თეთრი ლაქები კბილებზე.

არასასურველკი ეფექტების გამოვლენისას აუცილებელია ექიმთან კონსულტაცია.

ურთიერთქმედება:

ნატრიუმის ფტორიდი ურთიერთქმედებს ალუმინის ჰიდროქსიდთან და კალციუმთან, რომლებიც ამცირებენ ფტორის აბსორბციას. ალუმინის ჰიდროქსიდი, ალუმინის სხვა მარილები და კალციუმი მიიღება ფტორიდის მიღებამდე 2 სთ–ით ადრე ან მიღებიდან 2 სთ–ის შემდეგ.

ფტორიდის ჭარბად მიღება იწვევს მაგნიუმის ნაწლავურ აბსორბციას.

ფტორიდის მიღებისას დიაგნოსტიკურ ანალიზებში შეიძლება გამოვლინდეს ასპარტატ–ამინოტრანსფერაზას და ტუტისმიერი ფოსფატაზას მომატებული შრატისმიერი მაჩვენებლები.

განსაკუთრებული გაფრთხილებები:

ნაფის ტაბლეტების დოზა დამოკიდებულია სასმელ წყალში ფტორის შემცველობაზე.

რეკომენდებულია კბილების შემოწმება წელიწადში ერთხელ ან ორჯერ, ხოლო უფრო ხშირად იმ შემთხვევაში, როდესაც ადამიანი მიდრეკილია კარიესისადმი.

პრეპარატი სიფრთხილით გამოიყენება იმ პაციენტებში, რომლებსაც აღენიშნებათ თირკმლის ფუნქციის მოშლა, კარდიოვასკულარული დაავადება და შაქრიანი დიაბეტი, ვინაიდან ასეთ პაციენტებში ფტორის კლირენსი თირკმელებში შემცირებულია.

ორსულობა და ლაქტაცია:

პრეპარატის გამოყენება შეიძლება ორსულობისა და ლაქტაციის პარიოდში.

ზემოქმედება ავტომობილების მართვისა და მანქანა–დანადგარებთან მუშაობის უნარზე. პრეპარატი გავლენას არ ახდენს პაციენტის აღნიშნულ შესაძლებლობაზე.

შენახვის წესი:

ინახება 25⁰C–მდე ტემპერატურის პირობებში.

ინახება ბავშვებისათვის მიუწვდომელ ადგილზე.

ვარგისიანობის ვადა:

5 წელი.

პრეპარატის გამოყენება არ შეიძლება ვარგისიანობის ვადის გასვლის შემდეგ.

გაცემის წესი:

გაიცემა მხოლოდ რეცეპტით.

შეფუთვა: კოლოფში მოთავსებულია 0,25მგ–იანი 50 და 400 ტაბლეტი.

კოლოფში მოთავსებულია 1მგ–იანი 50 და 250 ტაბლეტი.

მწარმოებელი:

სს „ბოსნალიეკი“, ფარმაცევტული და ქიმიური მრეწველობა სარაევო.

ნაფაზოლინი – NAPHAZOLINE – НАФАЗОЛИН

ფარმაკოლოგიური თვისებები

ნაფაზოლინს პერიფერიული სისხლძარღვების მიმართ გააჩნია გამოხატული სისხლძარღვების შემავიწროვებელი მოქმედება, რაც განპირობებულია მისი ალფა-ადრენორეცეპტორებზე ზემოქმედებით. პრეპარატი ლორწოვან გარსზე მოხვედრისას იწვევს შეშუპების საწინააღმდეგო მოქმედებას. ვენოზურ სინუსებში სისხლის ნაკადის შემცირების შედეგად იგი რინიტების დროს აადვილებს ცხვირით სუნთქვას, ასევე აფართოვებს თვალის გუგას, ამცირებს ადგილობრივი საანესთეზიო საშუალებების შეწოვას.

ფარმაკოკინეტიკა

პრეპარატი ცხვირის ლორწოვან გარსზე მოხვედრის შემთხვევაში ავლენს უშუალო ადგილობრივ ზემოქმედებას. ზედაპირული სისხლძარღვების შევიწროვების გამო პრეპარატის შეწოვა და რეზორბციული მოქმედება ქვეითდება.

პრეპარატი ხანგრძლივად და ხშირი გამოყენების შემთხვევაში ნაწილობრივ შეიწოვება და ავლენს რეზორბციულ ადრენომიმეტურ ეფექტებს (არტერიული წნევის მომატება).

ჩვენებები

პრეპარატი უპირატესად გამოიყენება ოტორინოლარინგოლოგიაში რინიტების, ჰაიმორის წიაღის ანთების სამკურნალოდ, ცხვირიდან სისხლდენის შესაჩერებლად.
პრეპარატი ასევე გამოიყენება ქირურგიული, რინოსკოპული და სხვა დიაგნოსტიკური მანიპულაციების, აგრეთვე სისხლდენის და ანთებითი რეაქციების დროს.
პრეპარატის გამოყენება შესაძლებელია ალერგიული კონიუნქტივიტის, აგრეთვე ადგილობრივი სამკურნალო საშუალებების შეწოვის შესანელებლად.

დოზირების რეჟიმი

– მოზრდილებში რინიტების დროს რეკომენდებულია 0.05%-0.1% ხსნარის 2-3 წვეთის თითოეულ ცხვირის ნესტოში დღეში 2-3-ჯერ ჩაწვეთება.

– 1 წლის ზევით ასაკის ბავშვებში 0.05%-0.025%-იანი პრეპარატი გამოიყენება 1-2 წვეთის ოდენობით.

– 1 წლამდე ასაკის ბავშვებში პრეპარატი არ გამოიყენება.

– ცხვირიდან სისხლდენის შემთხვევაში უმჯობესია 0.05% ხსნარით დასველებული ტამპონების გამოყენება.

– კონიუნქტივიტების დროს კონიუნქტივალურ პარკში ახდენენ 0.05%-იანი ხსნარის 1-2 წვეთის ინსტილაციას.

– ადგილობრივი საანესთეზიო საშუალებების შეწოვის შენელებისათვის და მათი მოქმედების გახანგრძლივებისათვის 1 მლ საანესთეზიო ხნარს უმატებენ 2-4 წვეთ პრეპარატის 0.1%-იან ხსნარს.

გვერდითი მოვლენები

პრეპარატის მიღების დასაწყისში შესაძლებელია აღინიშნოს წვის ან სიმშრალის შეგრძნება, რომლებიც თანდათან ქრება. პრეპარატის ხანგრძლივი გამოყენების შემთხვევაში მისი მოქმედების ეფექტი მცირდება, რაც გამოწვეულია ტაქიფილაქსიის განვითარების შედეგად.

უკუჩვენებები

* ჰიპერტენზია, ტაქიკარდია, გამოხატული ათეროსკლეროზი, ჰიპერთირეოზი, პრეპარატის მიმართ მომატებული მგრძნობელობა.

* 1 წლამდე ასაკის ბავშვებში პრეპარატის გამოყენება დაუშვებელია.

განასკუთრებული მითითებები

♦ პრეპარატის გამოყენება 7-8 დღეზე მეტი ხნით არ არის რეკომენდებული. მის მიმართ მგრძნობელობის დაქვეითებისა და ეფექტურობის შემცირების გამო.

♦ პრეპარატის ერთდროული გამოყენება მაო-ს ინჰიბიტორებთან (ნიალამიდი, ბეფლოლი) არ არის რეკომენდებული. მაო-ს ინჰიბიტორების მიღების შეყვეტიდან მხოლოდ 10 დღის შემდეგ არის შესაძლებელი პრეპარატის დანიშვნა.

ჭარბი დოზირება

ჭარბი დოზირების შემთხვევაში აღინიშნება ზოგადი რეზორბციული მოვლენები: თავბრუსხვევა, არტერიული წნევის მომატება. აღნიშნული შემთხვევების დროს საჭიროა პრეპარატის მიღების შეწყვეტა და სიმპტომატური თერაპიის დაწყება სიმპატოლიზური და ადრენომაბლოკირებელი საშუალებებით.

სხვა წამლებთან ურთიერთქმედება

– ნაფაზოლინი ამცირებს პერორალური ჰიპოტენზიური სამკურნალო საშუალებების თერაპიულ აქტივობას.

– იგი აძლიერებს ცნს-ის მასტიმულირებელი საშუალებების ეფექტს.

ნატურალური ცრემლი II – TEARS NATURALE II – СЛЕЗА НАТУРАЛЬНАЯ II

მწარმოებელი: ALCON

კლინიკურ-ფარმაკოლოგიური ჯგუფი:

კერატოპროტექტორი

შემადგენლობა და გამოშვების ფორმა:

თვალის წვეთები: ფლაკონში 15 მლ

კომბინირებული პრეპარატი.

ნატურალური ცრემლი II – TEARS NATURALE II – СЛЕЗА НАТУРАЛЬНАЯ II

თქვენი ცრემლი შესამჩნევი სითხეა

და ამას ძალიან მნიშვნელოვანი დანიშნულება გააჩნია . ცრემლი შეიცავს ნატურალური კომპონენტების რაოდენობას , რომელიც კომბინირდება რათა წარმოიქმნას დამცავი ფენა თვალის ზედაპირზე რასაც ცრემლის ფენა ეწოდება. ცრემლის ფენა იცავს და ტენიანობას ანიჭებს თვალს ყოველდღე რათა შენარჩუნებულ იქნეს მისი ჯანმრთელობა და კომფორტულობა.

ზოგიერთ ადამიანს ცრემლი მცირე რაოდენობით აქვს.

მრავალი ადამიანი აპროდუცირებს მცირე რაოდენობით ცრემლს ან კიდევ ცრემლს, რომელსაც აკლია მნიშვნელოვანი კომპონენტები. ცრემლის ნაკლებობამ ან ნაკლოვანმა ცრემლმა შეიძლება გამოიწვიოს ცრემლის ფენის დაზიანება, და რქოვანაზე მშრალი ლაქების წარმოქმნა. ეს იწვევს მშრალი, მგრძნობიარე თვალის სიმპტომებს გაღიზიანებული, ქვიშით სავსე თვალის შეგრძნებას, წვას, დაღლილობას ან უბრალოდ დისკომფორტს. მშრალმა თვალმა შეიძლება გამოიწვიოს გაძლიერებული ცრემლდენა თვალის ზედაპირის სინოტივის შესანარჩუნებლად, თუმცა ამ ცრემლებს მაინც აკლია საჭირო კომპონენტები, ამდენად მშრალი თვალი მაინც მნიშვნელოვან პრობლემად რჩება.

მშრალი თვალი ძირითადად აღინიშნება ხანდაზმულებში, განსაკუთრებით ქალებში. დაბერებასთან ერთად, ორგანიზმი აპროდუცირებს ნაკლებ სითხეს, ცრემლების ჩათვლით. უარყოფითმა გარემო პირობებმა როგორიცაა მშრალი ჰაერი, ნისლი, თამბაქო და ქარი შეიძლება გაამწვავონ მდგომარეობა. ხშირად ალერგიები, ვიტამინების დეფიციტი და ართრიტი იწვევს ცრემლის გარსის მხრივ პრობლემებს.

ნატურალური ცრემლი II ლუბრიკანტული თვალის წვეთები

უფრო ნატურალური რელიეფი მშრალი, მგრძნობიარე თვალისთვის.

მშრალი თვალების სიმპტომები შეიძლება წარმატებით იქნას ნამკურნალები ნატურალური ცრემლი II ლუბრიკანტული თვალის წვეთებით, რაც ჩაენაცვლება საჭირო ცრემლის კომპონენტებს გაღიზიანებული თვალების დასამშვიდებლად.

მისი გაუმჯობესებული ფორმულა მუშაობს უფრო ბუნებრივად .

ნატურალური ცრემლი II შეიცავს დამატენიანებელი აგენტის საჭირო რაოდენობას და სხვა ელემენტებს. იგი კომბინირდება ადამიანის საკუთარ ცრემლთან უფრო რბილი, სრული რელიეფისთვის.

ნატურალური ცრემლი II ლუბრიკანტული თვალის წვეთები ერთადერთი ლუბრიკანტული თვალის წვეთებია დაცული და უსაფრთხო, არამასენსიბილიზებელი Polyquad 0.001%- ით. ინ ვიტრო კვლევებმა აჩვენა , რომ Polyquad 0.001%-ი რეალურად თავიდან იცილებს ეპითელური უჯრედების დამაზიანებელ ეფექტებს , რასაც შესაძლებელია ადგილი ჰქონდეს ცრემლის სხვა შემცვლელი საშუალებების გმოყენებისას და იგი იძლევა ეპითელური უჯრედების ზრდის საშუალებას . Polyquad 0.001%-ი 99%- ით რეაქცია თავისუფალია ნორმალურ სუბიექტებში ხოლო 97%- ით თავისუფალია დამცავი საშუალებებისადმი მგრძნობიარე პირებში .

უნიკალური ფორმულისა და მისი ნეიტრალური pH- ის გამო , დაბალი წებოვნების და იზოტონურობის გამო , ნატურალური ცრემლი II უზრუნველყოფს კომფორტს და ხანგრძლივ გაუმჯობესებას მშრალი თვალებისთვის .

სტერილური – მხოლოდ ადგილობრივად – თვალში ჩასაწვეთებლად .

შემადგენლობა:

ყოველი მლ შეიცავს :

აქტიური : დუასორბი , წყალში ხსნადი პოლიმერული სისტემა დექსტრან 0.1% და ჰიდროქსიპროპილმეთილცელულოზა 2910 0.3% შემცველი .

დამცავი საშუალება : პოლიქადი ( პოლიკვატერნიუმ -1) 0.001%.

არააქტიური : ნატრიუმის ბორატი , კალიუმის ქლორიდი , ნატრიუმის ქლორიდი , გამოხდილი წყალი . შეიძლება შეიცავდეს მარილმჟავას და / ან ნატრიუმის ჰიდროქსიდს pH- ის ნორმალიზებისთვის .

ჩვენება:

თვალის წვისა და გაღიზიანებისას მდგომარეობის დროებითი გაუმჯობესებისთვის რაც გამოწვეულია თვალის სიმშრალით და მისი შემდგომი გაღიზიანებისგან დასაცავად . დროებითი გაუმჯობესებისთვის მცირე გაღიზიანებისგან გამოწვეული დისკომფორტისას ან თვალის ქარზე ან მზეზე ექსპოზიციისას .

მიმართულებები:

იწვეთებენ 1 ან 2 წვეთს დაზიანებულ თვალში საჭიროების შემთხვევაში .

სიფრთხილე:

თვალის ტკივილის , მხედველობის ცვლილებების , მზარდი სიწითლის ან თვალის გაღიზიანების შემთხვევაში , თუ მდგომარეობა უარესდება ან პერსისტირებს 72 საათზე მეტი ხნის განმავლობაში მისი გამოყენება უნდა შეწყდეს და პაციენტმა უნდა მიმართოს ექიმს .

თუ ხსნარი ფერს იცვლის ან მღვრიე ხდება იგი არ უნდა გახსნან .

დაბინძურების თავიდან ასაცილებლად არ შეიძლება კონტეინერის შეხება სხვა საგნებთან . სახურავი უნდა დააბრუნონ თავის ადგილას გამოყენების შემდეგ . ეს წამალი უნდა ინახებოდეს ბავშვებისთვის მიუწვდომელ ადგილას . შემთხვევითი შეწოვის შემთხვევაში უნდა მიმართონ პროფესიონალს ან დაუკავშირდნენ შხამების კონტროლის ცენტრს .

პრეპარატი უნდა გადააგდონ მისი გახსნიდან 1 თვის შემდეგ .

გამოშვების ფორმა:

დაბალი სიმკვრივის პოლიეთილენის 15 მლ დროპ – ტეინერში .

შენახვა :

ინახება ოთახის ტემპერატურაზე.

შენახვის ვადა:

24 თვე

გაცემის წესი:

ურეცეპტოდ

სამი იოლი ნაბიჯი ნატურალური ცრემლი II ლუბრიკანტული თვალის წვეთების გამოყენებისთვის

თავი უკან უნდა გადაწიონ .

თითი უნდა მოათავსონ თვალის ქვეშ და ქვემოთ ჩამოწიონ სანამ “V” – ს ფორმის ჯიბე არ წარმოიქმნება თვალსა და ქვედა ქუთუთოს შორის .