საერთაშორისო დასახელება:

DEXAMETHASONE

მწარმოებელი: ALCON, ბელგია

მოქმედი ნივთიერება: დექსამეტაზონი

კლინიკურ-ფარმაკოლოგიური ჯგუფი:

გლუკოკორტიკოსტეროიდული ანთებისა და ალერგიის საწინააღმდეგო საშუალება.

შემადგენლობა და გამოშვების ფორმა:

თვალის წვეთები 0.1%: პლასტიკურ ჭურჭულში 5 მლ დროპ-ტეინერი საწვეთურით.

1 მლ

დექსამეტაზონი ..............   1 მგ

თვალის მალამო 0.1%: ტუბში 3.5 გ

1 გ

დექსამეტაზონი................. 1 მგ

კონსერვანტები:

მეთილპარაბენი .............    0.05%

პროპილპარაბენი.............   0.01%

ნეიტრალური ნივთიერებები:

თეთრი ვაზელინი, თხიერი ლანოლინი.

ჩვენებები:

• კონიუქტივის, რქოვანას, თვალის კაკლის ანთებითი პროცესები, ასევე ალერგიული კონიუქტივიტი, კერატიტი, ირიტი, ციკლიტი.
• თვალის ზოგიერთი დაავადებები: არაჩირქოვანი კონიუქტივიტი მათ შორის სეზონურ-ალერგიული, კატარალური; თერმული და ქიმიური დამწვრობა.
• ანთებითი რეაქციის დასათრგუნად პოსტოპერაციულ პერიოდში.

მიღების წესები და დოზირება:

ადგილობრივად 1-2 წვეთი.

მწვავე ანთებითი პროცესის შემთხვევაში:

ყოველ 30-60 წუთში, მდგომარეობის გაუმჯობესებასთან ერთად ჩაწვეთების ჯერადობა მცირდება ყოველ 2-4 საათში. შემდგომში დღეში 3-4-ჯერ, თუ ეს საკმარისია ანთების შესამცირებლად.

თუ დადებითი შედეგი მიღწეული არ იქნა 3-4 დღის შემდეგ, შესაძლებელია დამატებით სისტემური ან ადგილობრივი მკურნალობა.

ქრონიკული ადგილობრივი პროცესების დროს:

1-2 წვეთი ყოველ 3-6 საათში.

ალერგიის დროს 1-2 წვეთი ყოველ 3-4 საათში, სასურველი ეფექტის მიღწევამდე.

მალამო დაიტანება ქვედა ქუთუთოს არეში 4-ჯერ დღეში.

გვერდითი მოვლენები:

სტეროიდების ხანგრძლივმა ადგილობრივმა გამოყენებამ ზოგიერთ პაციენტში შეიძლება გამოიწვიოს თვალშიდა წნევის მომატება, რის გამოც რეკომენდებულია თვალშიდა წნევის რეგულარულად გაზომვა.

უკუჩვენებები:

* მარტივი ჰერპესი, რქოვანას და კონიუქტივას რიგი სხვა ვირუსული დაავადებები, თვალის ტუბერკულოზი, თვალის სოკოვანი დაავადებები, მწვავე ჩირქოვანი დაავადებები.

განსაკუთრებული მითითებები:

გაფრთხილება: ინტენსიურმა და ხანგრძლივმა კორტიკოსტეროიდულმა თერაპიამ შეიძლება გამოიწვიოს კატარაქტის განვითარება.

კვლევებით არ არის დადგენილი პრეპარატის უარყოფითი ზემოქმედება ორსულობის პერიოდში, ამიტომ ორსულებში იგი სიფრთხილით ინიშნება მხოლოდ სასიცოცხლო აუცილებლობის შემთხვევაში.

უსაფრთხოების ზომები: მკურნალობის პროცესში თუ არ მოხდა ანთებითი პროცესის ჩაცხრომა, უნდა დაინიშნოს სხვა სახის მკურნალობა. იშვიათად პაციენტებს შეიძლება აღენიშნოთ მომატებული მგრძნობელობა პრეპარატის რომელიმე კომპონენტის მიმართ, ასეთ შემთხვევაში მკურნალობა უნდა შეწყდეს.

შენახვის პირობები:

პრეპარატი ინახება ოთახის ტემპერატურაზე, ბავშვებისაგან დაცულ ადგილას.

საერთაშორისო დასახელება:

SILDENAFIL

მწარმოებელი: POLPHARMA

მოქმედი ნივთიერება: სილდენაფილი

კლინიკურ-ფარმაკოლოგიური ჯგუფი:

ერექციის დისფუნქციის სამკურნალო საშუალება.

შემადგენლობა და გამოშვების ფორმა:

შემოგარსული ტაბლეტები: ბლისტერზე 1 და 4 ტაბ.

1 ტაბ.

სილდენაფილი ..............     25 მგ

1 ტაბ.

სილდენაფილი.................   50 მგ

1 ტაბ.

სილდენაფილი ................100 მგ

დამხმარე ნივთიერებები:

მანიტოლი კროსპოვიდონი, პოვიდონი, სიმინდის სახამებელი, მაგნიუმის სტეარატი, ნატრიუმის ლაურილსულფატი.

გარსი: ჰიპრომელოზა მაკროჰოლ 6000, ტიტანის დიოქსიდი, ტალკი, ინდიგოტინი E132.

ფარმაკოლოგიური თვისებები:

ერექციის ფიზიოლოგიური მექანიზმი მდგომარეობს სქესობრივი აგზნების დროს აზოტის ოქსიდის გამოთავისუფლებაში კავერნოზულ სხეულებში. აზოტის ოქსიდი ააქტიურებს გუანილციკლაზას, რაც იწვევს ციკლური გუანოზინმონოფოსფატის დონის გაზრდას, რომელიც იწვევს კავერნოზული სხეულების გლუვი კუნთების დილატაციას, უზრუნველყოფს სისხლის ნაკადის ზრდას სასქესო ასოსკენ.

კავერნოზულ სხეულებში chmf-ს დაქვეითება შეინიშნება chmf-სთვის სპეციფიკური 5 ტიპის (PDE5) ფოსფოდიესთერაზის ზემოქმედებით. სილდენაფილი წარმოადგენს (PDE5) -ს ძლიერ და სელექტიურ ინჰიბიტორს. სილდენაფილი არ ახდენს უშუალო მადელიტირებელ ზემოქმედებას კავერნოზული სხეულების გლუვ კუნთებზე, ამავე დროს აძლიერებს აზოტის ოქსიდის მადილატირებელ მოქმედებას აღნიშნულ ქსოვილებზე. აზოტის ოქსიდის გამოთავისუფლებისა და chmf-ის აქტივაციის შემდეგ, სქესობრივი სტიმულაციის დროს სილდენაფილით PDE5-ს დათრგუნვა იწვევს цГЬФ-ს დონის მომატებას კავერნოზულ სხეულებში.

ფარმაკოკინეტიკა:

სილდენაფილი სწრაფად შეიწოვება კუჭ-ნაწლავის ტრაქტიდან. მაქსიმალური კონცენტრაცია პლაზმაში მიიღწევა ორგანიზმში მოხვედრიდან 30-120 წუთის განმავლობაში. საშუალო ბიოშეღწევადობა ორგანიზმში მოხვედრისას შეადგენს 41%. სილდენაფილის რეკომენდირებული, თერაპიული დოზით მიღებისას AUC-ის და C_max-ის მნიშვნელობა იზრდება პროპორციულად (25-100 მგ). საკვებთან ერთად მიღებისას სილდენაფილის შეწოვა კუჭ-ნაწლავის ტრაქტიდან ქვეითდება,  T_maxიზრდება საშუალო 60 წუთის განმავლობაში, C_max ქვეითდება 29%-ით.  სილდენაფილი და სილდენაფილის ძირითადი მეტაბოლიტის 96% უკავშირდება პლაზმის ცილებს, ცილებთან შეკავშირების ხარისხი არ არის დაკავშირებული პლაზმაში პრეპარატის კონცენტრაციასთან. სილდენაფილის ბიოტრანსფორმაცია ხდება ძირითადად იზოფერმენტ CYP3A4ის მეშვეობით, ასევე იზოფერმენტ CYP2C9 და ციტოქრომ P450 მეშვეობით. სილდენაფილის ნახევარგამყოფის პერიოდი შეადგენს 3-5 საათს, სილდენაფილის N-დიმეთილირების პროდუქტის ნახევარგამოყოფის პერიოდი შეადგენს 4 საათს.

სილდენაფილის საერთო კლირენსი შეადგენს 41 ლ/სთ-ში. მიღებული დოზის 80% ორგანიზმიდან გამოიყოფა განავალთან ერთად მეტაბოლიტების სახით, ხოლო 13% - შარდთან ერთად. სილდენაფილის კლირენსი დაბალია ხანდაზმულ პაციენტებში. ასევე პაციენტებში მძიმე თირკმლის უკმარისობით.

ჩვენებები:

• ერექციის დარღვევის მკურნალობა (სასქესო ასოს ერექციის გამოწვევა საკმარისი სქესობრივი აქტის ჩასატარებად).

მიღების წესი და დოზირება:

შიგნით მისაღებად

მოზრდილებში: სილდენაფილის რეკომენდირებული საწყისი დოზა არის 50 მგ. დოზა შეიძლება გაიზარდოს 100 მგ-მდე ან შემცირდეს 25 მგ-მდე პრეპარატის ეფექტურობისა და ამტანობის მიხედვით. 100 მგ-ზე მეტის მიღება არ არის რეკომენდებული.

100 მგ-ზე მეტი სილდენაფილის მიღება არ ზრდის მის ეფექტურობას. ამავე დროს აღინიშნება გვერდითი მოვლენების სიხშირე და ინტენსიურობა. არ შეიძლება პრეპარატის მიღება 1-ზე მეტად დღეღამეში.

პრეპარატი მაქსიგრა უნდა მივიღოთ სექსუალური აქტივობის დაწყებამდე 1 საათით ადრე. პრეპარატი აუცილებელია მივიღოთ მთლიანად, მცირე რაოდენობის წყლის დაყოლებით. საკვებთან ერთად მიღებამ შეიძლება პრეპარატის აქტივობის დაწყება შეანელოს.

ხანდაზმულ პაციენტებში: ხანდაზმულ პაციენტებში სილდენაფილის მეტაბოლიზმი შეიძლება შენელდეს. შესაბამისად რეკომენდებულია პრეპარატის საწყისი დოზის შემცირება 25 მგ-მდე. მომდევნო დოზები შეიძლება გაიზარდოს 50 მგ და 100 მგ-მდე პრეპარატის ეფექტურობისა და ამტანობის მიხედვით.

გვერდითი მოვლენები:

თავის ტკივილი, ვაზოდილატაცია, თავბრუსხვევა, გულისცემის შეგრძნება, დისპეფსია, მხედველობის დარღვევა, მაგ: ფერადი ციმციმი, ფოტოსენსიბილიზაცია, მხედველობის სიმახვილის დარღვევა, მომატებული მგრძნობელობის რეაქციები (გამონაყარი კანზე), სისხლდენა ცხვირიდან, არტერიული ჰიპერტენზია ან ჰიპოტენზია, იშემიის ტრანზიტორული შეტევები, სტენოკარდია, რიტმის პარკუჭოვანი დარღვევა.

უკუჩვენებები:

* მომატებული მგრძნობელობა სილდენაფილის ან პრეპარატის რომელიმე კომპონენტის მიმართ.

* გულ-სისხლძარღვთა სისტემის დაავადებები: არ შეიძლება პრეპარატის მიღება იმ პაციენტებისათვის, რომლებიც გადიან მკურნალობის კურსს ნიტრატებით ან სხვა აზოტის პრეპარატებით;

*  თირკმლის მძიმე უკმარისობით: არტერიული ჰიპერტენზია (>90/50), ახალი გადატანილი მიოკარდიუმის ინფარქტი ან ტვინის ინსულტი;

* ბადურის თანდაყოლილი დეგენერაციული დაავადებებისას;

*18 წლამდე ასაკი.

განსაკუთრებული მითითებები:

* აუცილებელია პრეპარატის მიღებისას სიფრთხილე დავიცვათ იმ პაციენტებში, რომლებსაც გააჩნიათ სასქესო ასოს თანმხლები პათოლოგიები (მაგ: კავერნოზული სხეულების ფიბროზი, პეირონის დაავადება);

* პაციენტებში გულ-სისხლძარღვთა დაავადებებით (პრეპარატს გააჩნია სისხლძარღვების გამაფართოებელი თვისება, რასაც შეუძლია გამოიწვიოს არტერიული წნევის ხანმოკლე დაქვეითება), ასევე პაციენტებში, რომლებსაც გააჩნიათ ფაქტორები წინასწრაგანწყობისა პრიაპიზმის დადგომისკენ (მაგ. ანემია, ლეიკოზები, მრავალი მიელოზი).

* არ არის რეკომენდებული სილდენაფილის მიღება ერექციის დარღვევის საწინააღმდეგო სხვა მეთოდების გამოყენებისას, თუკი არ არსებობს კვლევები, რომლებიც ამტკიცებს ასეთი თერაპიის ეფქეტურობასა და უსაფრთხოებას.

* სილდენაფილის თერაპევტული მოქმედებისათვის აუცილებელია წინასწარი სექსუალური სტიმულაცია.

* ჰემოსტაზის დარღვევების მქონე და კუჭ-ნაწლავის ტრაქტის წყლულის მქონე პაციენტებში მაქსიგრა ინიშნება მხოლოდ მაშინ, როცა ერექციის დარღვევის მკურნალობის აუცილებლობა აღემატება სისხლდენის რისკს.

* პაციენტებში თირკმლის მძიმე უკმარისობით რეკომენდებულია პირველ დოზის შემცირება 25 მგ-მდე. მომდევნო დოზები შეიძლება გაიზარდოს 50-100 მგ-მდე, პრეპარატის ეფექტურობის და ამტანობის შესაბამისად.

* ღვიძლის ფუნქციის დარღვევის მქონე პაციენტებში (მაგ: ღვიძლის ციროზი) სილდენაფილის მეტაბოლიზმი დაქვეითებულია, ამიტომ რეკომენდებულია პირველი დოზის შემცირება 25 მგ-მდე.

* მაქსიგრა არ არის განკუთვნილი ქალებისათვის. არ არის რეკომენდებული პრეპარატის მიღება სატრანსპორტო საშუალებების მართვისას.

ჭარბი დოზირება:

სიმპტომები: გვერდითი მოვლენების გაძლიერება.

მკურნალობა: სილდენაფილის სპეციფიკური ანტიდოტი უცნობია. დიალიზი არ აჩქარებს სილდენაფილის გამოყოფას.  მკურნალობა სიმპტომურია.

სხვა წამლებთან ურთიერთქმედება:

- სილდენაფილი ასტიმულირებს ჰიპოტენზიურ მოქმედებას იმ პრეპარატებისა, რომლებიც გამოათავისუფლებენ აზოტის ოქსიდს (მაგ: ნიტრატები, მოლსიდომინი, ნატრიუმის ნიტროპრუსიდი).

- სილდენაფილის კომბინირებისას იმ პრეპარატებთან, რომლებიც თრგუნავენ CYP3A4 (მაგ., კეტოკონაზოლი, ერითრომიცინი, ციმეტიდინი), მცირდება სილდენაფილის მეტაბოლიზმი. CYP3A4-ის ინჰიბიტორებისა და სილდენაფილის ერთდროული მიღების შემთხვევაში, რეკომენდირებულია სილდენაფილის საწყისი დოზის შემცირება 25 მგ-მდე.

- არ არის რეკომენდირებული სილდენაფილისა და რიტონავიტის (HIV-ის პროტეაზის ინჰიბიტორი) ერთდროული მიღება, რადგან სილდენაფილის მეტაბოლიზმი მნიშვნელოვნად ქვეითდება.ერთდროული მიღება სილდენაფილისა და HIV პროტეაზის ინჰიბიტორისა, იწვევს სილდენაფილის კონცენტრაციის მომატებას სისხლის პლაზმაში.

- სილდენაფილის დანიშვნისას პაციენტებში, რომლებიც ღებულობენ ალფა-ადრენოლიტიურ პრეპარატებს, შესაძლოა გამოიწვიოს არტერიული ჰიპოტენზია.

- ამლოდიპინისა და სილდენაფილის 100 მგ-იანი ერთდროული მიღებისას იზრდება ამლოდიპინის ჰიპოტენზიური მოქმედება.

შენახვის პირობები: და ვადა

პრეპარატი ინახება არაუმეტეს 25⁰C  ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

DICLOFENAC

მწარმოებელი: PLETHICO PHARMACEUTICALS

მოქმედი ნივთიერება: დიკლოფენაკი

კლინიკურ-ფარმაკოლოგიური ჯგუფი:

არანარკოტიკული, არასტეროიდული ანთების საწინააღმდეგო საშუალება

შემადგენლობა და გამოშვების ფორმა:

ტაბლეტები: შეფუთვაში 30 ც.

1 ტაბ.

დიკლოფენაკის ნატრიუმი ........ 50 მგ

ვრცლად დიკლაკი

მწარმოებელი: WYETH-LEDERLE, აშშ

კლინიკურ-ფარმაკოლოგიური ჯგუფი:

მულტივიტამინები.

შემადგენლობა და გამოშვების ფორმა:

შემოგარსული ტაბლეტები: შეფუთვაში 30 და 100 ც.

1 ტაბ.

ფარმაკოლოგიური თვისებები:

პრეპარატის ფარმაკოლოგიური მოქმედება განისაზღვრება მასში შემავალი ვიტამინებისა და მინერალების კომლექსის არსებობით. ვიტამინი ორსულებში ტოქსიკოზის დროს ამცირებს გულისრევისა და ღებინების სინდრომს.

ფოლის მჟავა ამცირებს ბავშვებში თანდაყოლილ სიმახინჯეებს;

თუთია და სპილენძი აუცილებელია ჩონჩხის ნორმალური ფორმირებისა და ქსოვილების რეგენერაციისათვის.  ისინი შედიან აგრეთვე ზოგიერთი ჰორმონული პრეპარატის შემადგენლობაში ინსულინის ჩათვლით;

კალციუმისა და მაგნიუმის შემცველობა აუმჯობესებს რკინის აბსორბციას. ლაქტაციის პერიოდში;

პრეპარატი აკმაყოფილებს დედისა და ბავშვის მომატებულ მოთხოვნილებებს ვიტამინებისა და მინერალებისადმი.

ფარმაკოკინეტიკა:

ფარმაკოკინეტიკური კვლევები პრეპარატ მატერნაზე არ არის ჩატარებული.

ჩვენებები:

პრეპარატი გამოიყენება:

• ორსულებში რკინის დეფიციტით გამოწვეული ანემიების პროფილაქტიკისათვის;
• ორსულებში (განსაკუთრებით პირველ ტრიმესტრში) ორგანიზმში კალციუმის ნაკლებობისას;
• ლაქტაციის პერიოდში ვიტამინებისა და მინერალების ნაკლებობის პროფილაქტიკისათვის;
• პრეპარატი ინიშნება აგრეთვე დაგეგმილი ორსულობის წინა პერიოდში, რათა ორგანიზმი უზრუნველყოფილი იქნას ვიტამინებითა და მინერალებით.

მიღების წესი და დოზირება:

პრეპარატი გამოიყენება პერორალურად დღეში 1 ტაბლეტის ოდენობით. აუცილებლობის შემთხვევაში საჭიროა დოზის შეცვლა ექიმის რეკომენდაციით.

გვერდითი მოვლენები:

პრეპარატში შემავალი კომპონენტების მიმართ მომატებული მგრძნობელობის დროს შესაძლოა გვერდითი მოვლენების განვითარება.

უკუჩვენებები:

* პრეპარატის მიღება წინააღმდეგნაჩვენებია მასში შემავალი კომპონენტების მიმართ მომატებული მგრძნობელობის დროს.

ძირითადი მითითებანი: პრეპარატი სიფრთხილით ინიშნება პერნიციოზული ანემიით შეპყრობილ პაციენტებში.

ჭარბი დოზირება:

არ არის აღწერილი.

სხვა წამლებთან ურთიერთქმედება:

არ არის ცნობილი.

შენახვის პირობები:

პრეპარატი ინახება 20-25⁰C  ტემპერატურაზე.

წამლის ფორმა: ჰომეოპათიური ტაბლეტები

შემადგენლობა:

1 ტაბლეტი   შეიცავს :

Agnus   castus  ( ადამის ხე ან ხეპილპილა)             D1                162მგ

Caulophyllum    thalictroides   ( კაულოფილიუმი )     D4                 81მგ

Cyclamen                                      ( ყოჩივარდა )   D4                  81მგ

Ignatia                                           ( ქუჩულა )      D6                 81მგ

Iris                                                ( ზამბახი )       D2                162მგ

Lilium tigrinum                            ( შროშანი )          D3                  81მგ

სხვა ინგრედიენტები :

ლაქტოზის მონოჰიდრატი , სახამებელი , მაგნიუმის სტეარატი

აღწერილობა :

მრგვალი , ბრტყელცილინდრული ფორმის , ჩალისფერი ტაბლეტები , შესაძლებელია   ღია - ყავისფერი ჩაწინწკვლა .

ჩვენებები :

სიმპტომატური საშუალება კომპლექსურ თერაპიაში :

• პრემენსტრუალური სინდრომი ( მასტოდინია, დაჭიმულობის შეგრძნება სარძევე ჯირკვლების არეში,  შეშუპება,   თავის ტკივილი/ შაკიკი, ფსიქიური ლაბილობა,)
• ფიბროზულ- კისტოზური მასტოპათია.
• მენსტრუალური ციკლის დარღვევა და/ ან უნაყოფობა, გამოწვეული ყვითელი სხეულების უკმარისობით.

უკუჩვენებები:

მომატებული მგრძნობელობა პრეპარატის შემადგენელი კომპონენტების მიმართ.

არ გამოიყენება ორსულებში და ლაქტაციის პერიოდში;

ვინაიდან პრეპარატი შეიცავს ლაქტოზას, არ არის რეკომენდებული იმ   პაციენტებისათვის ვისაც გალაქტოზის მიმართ აქვთ მემკვიდრეობითი აუტანლობა, ლაქტაზას გენეტიკური დეფიციტი ან გლუკოზისა და გალაქტოზის შეწოვის პროცესების დარღვევა.

პრეპარატი არ გამოიყენება 12 წლის ასაკამდე ბავშვებში.

მასტოდინონის ტაბლეტების მიღებისას დაორსულების შემთხვევაში პრეპარატის მიღება უნდა შეწყდეს.

დოზირების რეჟიმი:

მიიღება თითო ტაბლეტი 2- ჯერ დღეში ( დილით და საღამოს)   მცირე ოდენობით წყლის დაყოლებით.

მასტოდინონი მიიღება არანაკლებ 3 თვის განმავლობაში, მათ შორის მენსტრუაციის პერიოდშიც. მკურნალობის ეფექტი ჩვეულებრივ ვლინდება 6 კვირის განმავლობაში. თუ მკურნალობის დამთავრების შემდეგ   გამოვლინდა ჩივილები, საჭიროა განაგრძოთ მკურნალობა და მიმართოთ ექიმს.

პრეპარატი კარგი ამტანობის გამო გამოიყენება ხანგრძლივი თერაპიისათვის.

გვერდითი მოვლენები:

შესაძლოა ალერგიული რეაქციები.

იშვიათ შემთხვევაში,   აღინიშნება ტკივილი კუჭის არეში , ღებინება, გულისრევა, სხეულის მასის უმნიშვნელო მატება, ეგზანთემა, აკნე და თავის ტკივილი.

" Agnus castus"- ის შემცველი პრეპარატის მიღებისას, შესაძლებელია იშვიათ შემთხვევებში, დროებითი ფსიქომოტორული აღზგნება, გონების დაბინდვა და ჰალუცინაცია.

ურთიერთქმედება სხვა სამკურნალო საშუალებებთან:

შესაძლებელია პრეპარატის მოქმედების შესუსტება დოფამინის ანტაგონისტებთან კომბინირებული გამოყენების დროს .

განსაკუთრებული მითითებები :

თამბაქოს მოწევა და ალკოჰოლის გამოყენება უარყოფით ზემოქმედებას ახდენს ჰომეოპათიურ სამკურნალო საშუალებების   მოქმედების ეფექტურობაზე .

მასტოდინონის ტაბლეტები არ გამოიყენება მკერდის ავთვისებიანი დაავადების მკურნალობისათვის . ხანგრძლივი გაურკვეველი და განმეორებითი ჩივილების დროს საჭიროა მიმართოთ ექიმს , რადგან შესაძლებელია საქმე გვქონდეს ისეთ დაავადებებთან , რომლებიც საჭიროებენ ექიმის აუცილებელ მეთვალყურეობას .

ჰომეოპათიური პრეპარატებით მკურნალობა არ გამორიცხავს სხვა სამკურნალო საშუალებების გამოყენებას .

გამოშვების ფორმა:

20 ტაბლეტი ბლისტერში.   3 ან 6 ბლისტერი მოთავსებულია მუყაოს კოლოფში, თან ერთვის გამოყენების ინსტრუქცია.

შენახვის პირობები:

ინახება მშრალ, სინათლისა და ბავშვებისაგან მიუწვდომელ ადგილას , 25⁰C ტემპერატურაზე.

ვარგისიანობის ვადა:

3 წელი

არ გამოიყენება შეფუთვაზე მითითებული   ვარგისიანობის ვადის გასვლის შემდეგ .

გაცემის რეჟიმი :

ურეცეპტოდ

მწარმოებელი :

ბიონორიკა აგ

კერშენსტანერშტრასსე 11-15,    დ-92308 ნოიმარკტი/ გერმანია

საერთაშორისო დასახელება:

ETHINYLESTRADIOL; DESOGESTREL

მწარმოებელი: ORGANON

მოქმედი ნივთიერება: ეთინილესტრადიოლი+დეზოგესტრელი

კლინიკურ-ფარმაკოლოგიური ჯგუფი:

კომბინირებული ესტროგენ-გესტაგენური, მონოფაზური ჩასახვის საწინააღმდეგო საშუალება

შემადგენლობა და გამოშვების ფორმა:

ტაბლეტები: შეფუთვაში 21 ც.

1 ტაბ.

ეთინილესტრადიოლი ............   0.03 მგ

დეზოგესტრელი .....................  0.15 მგ

ვრცლად ნოვინეტი (დოზირება ინდივიდუალური)

მწარმოებელი: SOPHARMA

კლინიკურ-ფარმაკოლოგიური ჯგუფი:

ანტისეპტიური საშუალება

შემადგენლობა და გამოშვების ფორმა:

ხსნარი: ფლაკონში 100 მლ

100 მლ

აბზინდას ღერო .............       4.196 მგ

ქონდრის ღერო ..............       0.728 მგ

მიხაკის ხის ბუტონი ........      3.646 მგ

შავი წიწაკის ნაყოფი ..........    1.199 მგ

ზინგიბერის ფესვები ........     4.196 მგ

ჩვენებები:

• დამტკიცებული ქრონიკული პაროდონტიტის ყველა ფორმა;

• პაროდონტალური დაავადებების კომპლექსური მკურნალობა;

• ქირურგიული ჩარევების შემდეგ.

მიღების წესი და დოზები

მოზრდილები:

ადგილობრივი გამოყენებისათვის, ამ დროს ექიმი დაწყების წინ ატარებს კბილების მთელი რიგის სრულ მექანიკურ კაუზალურ თერაპიას, რომელიც მოიცავს ღრძილსზედა და რღძილსქვედა კბილის ქვის მოცილებას, გაპრიალება და კიურეტაჟი ლამბოს გარეშე პაროდონტალური ჯიბეების სიღრმისას 5.5 მმ-მდე. კორეგირდება იატროგენული ფაქტორები, ჩვენებების მიხედვით ხდება შერჩევითი გაქლიბვა არსებული ტრავმული ოკლუზიის მოსაშორებლად. რეკომენდებულია არასაიმედო კბილების ამოღება. პროდუქტის დოზირება ხდება 10-15 მლ პირის ღრუს გამორეცხვისათვის 2-3 თვის განმავლობაში ინტერვალებით. თვეში უნდა ჩატარდეს 17-20 სეანსი. აქტიური მკურნალობის დასრულების შემდეგ ტარდება შემანარჩუნებელი თერაპია საკონტროლო გამოკვლევებით ყოველ 5-6 თვეში. ბოლო დათვალიერება ხორციელდება 12 თვის შემდეგ მკურნალობის დაწყებიდან.

ბავშვები:

არასაკმარისი კლინიკური გამოცდილების გამო ბავშვთა ასაკში პროდუქტის გამოყენება ამ ასაკობრივ ჯგუფში რეკომენდებული არ არის.

უკუჩვენებები:

* პროდუქტის დანიშვნა უკუნაჩვენებია პროდუქტის ცალკე კომპონენტების მიმართ ჰიპერმგრძნობელობის დროს.

* მისი გამოყენება რეკომენდებული არ არის პაციენტებში აქტიური აბცესით და ჩირქიანი ექსუდაციის არსებობის დროს.

* მისი თვითნებური გამოყენება რეკომენდებული არ არის ძვლების სტრუქტურების დამტკიცებული დარღვევისას სიღრმეში პათოლოგიურად შეცვლილ პაროდონტალურ ქსოვილებზე ზემოქმედების შეუძლებლობის გამო.

გაფრთხილებები:

გასათვალისწინებელია, რომ დიდი რაოდენობით ორგანული მაჟავების შემცველობის გამო ხსნარი ახდენს სუსტ მადემინერალიზებელ მოქმედებას კბილის მყარ ქსოვილებზე და მისი რეკომენდება არ შეიძლება კარიესის და კბილების არარეზისტენტული რიგის დროს.

თუ ექიმი საჭიროდ ჩათვლის, ტარდება კბილების საერთო სანაცია ორთოპედიული მეთოდებით. ავადმყოფისათვის რეკომენდებულია ვიტამინებით მდიდარი საკვები და A  და C  ვიტამინების დამატებითი მიღება.

მკურნალობის დროს აკრძალულია მწვავე და გამაღიზიანებელი საკვების მიღება (ნიორი, ხახვი, თხილი და სხვ.), არ შეიძლება კბილების გამოხეხვა კბილის ჯაგრისითა და პასტით ან პირში გამოსავლები მადეზინფიცირებელი სითხეების გამოყენება.

პირში გამოივლება გრილი წყალი დილას და საღამოს. არ შეიძლება მზეზე დიდხანს გაჩერება.

ურთიერთქმედება სხვა სამკურნალო საშუალებებთან:

დადგენილი არ არის.

გვერდითი რეაქციები;

შესაძლებელია გვერდითი რეაქციების გამოვლინება. ტამპონების ძალიან მყარად დადებისას შესაძლებელია სუბფებრილიტეტი, განპირობებული ჩირქიანი ექსუდაციით. ეს მოვლენები ტამპონების მოხსნის შემდეგ ქრება.

ჭარბი დოზირება:

გართულებები, გამოწვეული პრეპარატის ჭარბი დოზით, დაუდგენელია.

შენახვის პირობები:

პრეპარატი ინახება თავდაპირველ შეფუთვაში სინათლისაგან დაცულ ადგილას არაუმეტეს 25°C ტემპერატურის პირობებში. არ გაყინოთ!

პრეპარატი ინახება ბავშვებისათვის მიუწვდომელ ადგილას.

ვარგისიანობის ვადა:

3 წელი

გაცემის წესი:

გაიცემა რეცეპტის გარეშე

კლინიკურ-ფარმაკოლოგიური ჯგუფი:

რინიტისა და სინუსიტის დროს გამოსაყენებელი საშუალებები.

მწარმოებელი ფირმა - MPC International S.A, სტადა

შემადგენლობა და გამოშვების ფორმა:

5% სპრეი

იზოტონური ხსნარის 1 მლ შეიცავს დექსპანთენოლის 50 მგ-ს, ზღვის წყლის 50 მგ-ს, კალიუმის დიჰიდროფოსფატს (pH-ის დონის შესანარჩუნებლად) და გაწმენდილ წყალს.

1 შესაფრქვევი დოზა შეიცავს ხსნარის დაახლობით 0,14 მლ-ს.

ხსნარი არ შეიცავს კონსერვანტებს.

ფორმა და შემცველობა:

ცხვირის მოსავლელი სპრეი.

ბოთლი, რომელიც შეიცავს ხსნარის 20 მლ-ს (შეესაბამება დაახლოებით 140 შეფრქვევას).

ჩვენებები:

აჩქარებს ცხვირის გაღიზიანებული და დაზიანებული ლორწოვანი გარსის მოშუშებას. ატენიანებს, წმენდს და იცავს ცხვირის ლორწოვან გარსს, მაგალითად, სურდოს ან გაჭედილი ცხვირის შემთხვევაში. ცხვირის მოსავლელი სპრეი „მარ პლუსი“ 5% უხდება ბავშვებსა და ჩვილებს.

მიღების წესები და დოზები:

რა დოზითა და სიხშირით უნდა მივიღოთ ცხვირის მოსავლელი სპრეი „მარ პლუსი“ 5%?

მოთხოვნილების მიხედვით, უნდა შეიფრქვიოთ 1 - 2 დოზა ყოველ ნესტოში ერთ ან მეტჯერ დღეში.

დამცავი თავსახურის მოხსნის შემდეგ აიღეთ სპრეი ხელში და რამდენიმეჯერ მოუჭირეთ, სანამ არ გამოჩნდება სითხის თხელი ღრუბელი. პრეპარატის შემდეგი გამოყენებასას ამ პროცედურის გამეორება აღარაა საჭირო, რადგან ცხვირის მოსავლელი სპრეი „მარ პლუსი“ 5% უკვე მზად არის მოსახმარებლად. ამის შემდეგ სპრეის წვეტი უნდა შეიყოთ ნესტოში, მოუჭიროთ სპრეის 1-2-ჯერ და მსუბუქად შეისუნთქოთ ცხვირით.

სხვა ცხვირის მოსავლელ პრეპარატებთან ერთად გამოყენების შემთხვევაში, მაგალითად, ლორწოვანი გარსის შესივების შესამცირებლად, პირველ რიგში უნდა გამოიყენოთ ცხვირის მოსავლელი სპრეი „მარ პლუსი“ 5%.

გამოფრქვეული ხსნარის გარანტირებული მოცულობაა 20 მლ. რადგანაც სპრეის მილაკი ბოთლის ფსკერზე ოდნავ მოღუნულია, შეფრქვევისას ხსნარის დარჩენილი ნაწილი მილაკში იწოვება, მაგრამ არ იფრქვევა და ბოთლში ბრუნდება. ამიტომ ბოთლში ხსნარის ფაქტიური (ტექნიკური) მოცულობა უფრო მეტია, ვიდრე 20 მლ.

ცხვირის მოსავლელი სპრეის „მარ პლუსი“ 5% გამოყენება შეიძლება, სანამ შეუძლოდ ყოფნა არ გაივლის.

გვერდითი მოვლენები:

არ შეინიშნება.

უკუჩვენება:

უცნობია.

ორსულობა და ლაქტაცია:

ცხვირის მოსავლელი სპრეის „მარ პლუსი“ 5% ინსტრუქციის მიხედვით გამოყენება არ ახდენს მავნე ზემოქმედებას.

განსაკუთრებული მითითებები:

ჰიგიენის დაცვის მიზნით გამოყენების შემდეგ წვეტი უნდა გარეცხოთ და შეინახოთ მშრალად. ყოველი ბოთლი უნდა განეკუთვნებოდეს მხოლოდ ერთ ადამიანს.

ცხვირის მოსავლელი სპრეი „მარ პლუსი“ 5% დამზადებულია კონსერვანტების გარეშე და ჩამოსხმულია სპეციალური საფრქვევი სისტემის მქონე ჭურჭელში. პროდუქტის ხარისხი და სპრეის მოქმედება რომ არ დაზარალდეს, ნუ დაშლით სპრეის (მაგალითად, ნუ მოხსნით ტუმბოს თავსახურს ბოთლიდან).

სხვა წამლებთან ურთიერთქმედება:

უცნობია.

შენახვის პირობები და ვადები:

შეფუთვაზე მითითებული ვარგისიანობის ვადის შემდეგ პრეპარატის გამოყენება არ შეიძლება. გახსნილი ბოთლის ვარგისიანობის ვადა 6 თვეა.

შეინახეთ ბავშვებისთვის მიუწვდომელ ადგილზე.

რეგისტრაციის მფლობელი და მწარმოებელი:

Sanovel Pharmaceutical Products Industry Inc.

შემადგენლობა:

პრეპარატის ერთი შემოგარსული ტაბლეტი შეიცავს აქტიური ნივთიერების- ფლურბიპროფენის (flurbiprofen)  100მგ-ს.

მღებავი აგენტი: ტიტანის დიოქსიდი

კლინიკო-ფარმაკალოგიური ჯგუფი:

ანთების საწინაარმდეგო არასტეროიდული საშუალება

ფარმაკოლოგიური თვისებები:

ფარმაკოდინამიკა:

ფლურბიპროფენი ძლიერი ანთების საწინააღმდეგო არასტეროიდული საშუალებაა. იგი ფენილალკანოის მჟავას წარმოებულია და გააჩნია ტკივილგამაყუჩებელი და ანთების საწინააღმდეგო ეფექტი.

მისი მოქმედების მექანიზმი დაკავშირებულია ფერმენტ ციკლოოქსიგენაზას ბლოკირების შედეგად პროსტაგლანდინების სინთეზის დათრგუნვასთან, რომლებიც წარმოადგენენ ტკივილის, ანთებისა და ტემპერატურული რეაქციის მედიატორებს.

ფარმაკოკინეტიკა:

პერორალურად მიღების შემდეგ ფლურბიპროფენი შეიწოვება კუჭ-ნაწლავის ტრაქტში და აღწევს მაქიმალურ კონცენტრციას პლაზმაში დაახლოვებით 1,5 საათში. საკვების მიღება არ მოქმედებს პრეპარატის ბიოშეღწევადობაზე. ნახევრადგამოყოფის პერიოდი შეადგენს 6 საათს. ფლურბიპროფენის უმეტესი ნაწილი განიცდის მეტაბოლიზმს. შარდთან ერთად გამოიყოფა პრეპარატის 20% თავისუფალი და შეკავშირებული სახით, ხოლო 50% -- ჰიდროქსილირებული მეტაბოლიტების სახით. სისხლის ცილებთან შეკავშირების ხარისხი შეადგენს 99%-ს.

ჩვენებები:

-თავის ტკივილი, კბილის ტკივილი, ნევრალგია;

-დისმენორეა;

-რევმატოიდური ართრიტის, ოსტეოართრიტის, მაანკილიზებული სპონდილიტის, ართრალგიის, ართროზის, მწვავე რადიკულიტის და ლუმბაგოს გადაუდებელი და ხანგრძლივი მკურნალობა;

-პრეპარატი ნაჩვენებია ტკივილისა და ანთების სიმპტომების შემსუბუქების მიზნით ქირურგიული ოპერაციებისა და რბილი ქსოვილების ტრავმებისას;

-პრეპარატი ნაჩვენებია ტკივილისა და ანთების სიმპტომების შემსუბუქების მიზნით ოტოლარინგოლოგიასა და სტომატოლოგიაში.

უკუჩვენებები:

* ფლურბიპროფენის მიმართ მომატებული მგრძნობელობა;

* პრეპარატი უკუნაჩვენებია აგრეთვე იმ პაციენტებში, რომლებიც ამჟღავნებენ მომატებული მგრძნობელობის რეაქციებს (მაგ. ბრონქოსპაზმი, რინიტი, ურტიკარია) ფლურბიპროფენის, ასპირინის ან სხვა ანთების საწინააღმდეგო არასტეროიდული პრეპარატების მიღების დროს.

უსაფრთხოების ზომები:

სხვა ანთების საწინააღმდეგო არასტეროიდული პრეპარატების მსგავსად, ფლურბიპროფენი სიფრთხილით ინიშნება:

-პაციენტებში, რომლებიც მუდმივად მკურნალობენ ანთების საწინააღმდეგო არასტეროიდული საშუალებებით, რადგან მოსალოდნელია კუჭ-ნაწლავის ტრაქტის მხრიდან გვერდითი მოვლენების განვითარება;

-პაციენტებში ღვიძლის, თირკმელებისა და კუჭ-ნაწლავის ტრაქტის დაავადებებით;

-პაციენტებში გულის უკმარისობით, ჰიპერტონიით და სხვა დაავადებებით შესაძლებელი შეშუპებისა და სითხის შეკავების შესაძლო განვითარების გამო;

პაციენტებში კუჭ-ნაწლავის ტრაქტიდან სისხლდენის პოტენციური რისკით, რადგანაც შესაძლებელია ფლურბიპროფენმა გაახანგრძლივოს სისხლისდენის დრო.

ორსულობა, ლაქტაცია:

ორსულთა B კატეგორია:

ფლურბიპროფენის გამოყენება ორსულობის პერიოდში რეკომენდებული არ არის, რადგანაც სათანადო კვლევა ადამიანებში ჩატარებული არ არის. პროსტაგლანდინების ინჰიბიტორები უარყოფითად მოქმედებენ ახალშობილზე, ამიტომ ლაქტაციის დროს პრეპარატის მიღება არ არის სასურველი.

გვერდითი მოვლენები:

კლინიკური კვლევის დროს აღწერილი გვერდითი მოვლენები ატარებენ მსუბუქ და გარდამავალ ხასიათს პრეპარატის თერაპიული დოზის გამოყენებისას. შესაძლებელია განვითარდეს დისპეფსია, გულისრევა, ღებინება, მუცლის ტკივილი, დიარეა, ყაბზობა, ურტიკარია, ტაქიკარდია, მხედველობის დარღვევა, რინიტი, სხეულის წონის ცვალებადობა.

ურთიერთქმედება სხვა პრეპარატებთან:

არასასურველი კომბინაციები:

ფლურბიპროფენმა შესაძლოა შეამციროს ფუროსემიდის მსგავსი პრეპარატების დიურეზული ეფექტი.

სიფრთხილით ინიშნება ანტიკოაგულანტებთან ერთად შესაძლებელი სისხლდენის რისკის გამო.

ასპირინისა და ფლურბიპროფენის ერთდროული მიღებისას ამ უკანასკნელის კონცენტრაცია პლაზმაში მცირდება 50%-ით. ამიტომ მათი ერთად მიღება რეკომენდებული არ არის.

დოზირება და მიღების წესი:

რეკომენდებული დღიური დოზები:

გაყოფილი დოზა შეადგენს 150-დან 200მგ-მდე დღეში. ზოგიერთ შემთხვევაში დოზა შესაძლოა გაიზარდოს 300მგ-მდე.

დისმენორეა:

საწყისი დოზაა 100მგ, შემდგომში 50 ან 100მგ ყოველ 4-6 სთ-ში.

მაქსიმალური სადღეღამისო დოზა არ აღემატება 300მგ-ს.

ჭარბი დოზირების მკურნალობა:

ფლურბიპროფენის მიმართ სპეციალური ანტიდოტი არ არსებობს. ჭარბი დოზირების სიპტომებია: სუნთქვის გაძნელება, გულისრევა, ტკივილი ეპიგასტრიუმში, თავის ტკივილი და თავბრუსხვევა. ჭარბი დოზირების მკურნალობა სიმპტომატურია.

შენახვის პირობები:

პრეპარატი ინახება ბნელ, ნესტისაგან და ბავშვებისაგან დაცულ ადგილად ოთახის ტემპერატურაზე 30°C - მდე.

ვარგისიანობის ვადა – 3 წელი.

შეფუთვა

შეფუთვაში 15 და 30 შემოგარსული ტაბლეტი.

გაიცემა ექიმის რეცეპტით

მიღებამდე გაეცანით ინსტრუქციას.

მწარმოებელი: US PHARMACIA, აშშ

კლინიკურ-ფარმაკოლოგიური ჯგუფი:

ანტაციდური საშუალება.

შემადგენლობა და გამოშვების ფორმა:

საღეჭი ტაბლეტები: ბლისტერზე 10 ც., ბოთლში 50 ც.

1 ტაბ.

ალუმინის ჰიდროქსიდი ............  200 მგ

მაგნიუმის ჰიდროქსიდი ..........    200 მგ

სიმეთიკონი .............................    25 მგ

ფარმაკოლოგიური თვისებები:

პრეპარატი ანეიტრალებს კუჭის წვენის მჟავიანობას, იცავს კუჭისა და 12-გოჯა ნაწლავის ლორწოვან გარსს, მისი დამაზიანებელი ზემოქმედებისაგან, ამცირებს აბდომინალურ დისკომფორტს მეტეორიზმის დროს.

ჩვენებები:

• პრეპარატი ამცირებს კუჭის წვენის ჭარბი მჟავიანობის სიმპტომებს, როგორიცაა: დისპეფსია და გულძმარვა;
• მას იყენებენ კუჭისა და 12-გოჯა ნაწლავის წყლულოვანი დაავადებების;
• გასტროეზოფაგული ან დუოდენოგასტრალური რეფლუქსის;
• გასტროენტერიტის;
• საყლაპავის თიაქარის დროს;
• პროფილაქტიკური მიზნით პრეპარატი გამოიყენება არასტეროიდული ანთების საწინააღმდეგო და სტეროიდული საშუალებით ხანგრძლივი მკურნალობის შემთხვევაში, აგრეთვე
• სტრესული წყლულის პროფილაქტიკის მიზნით;
• შესაძლებელია პრეპარატის გამოყენება მეტეორიზმის შემთხვევაში.

მიღების წესი და დოზირება:

მოზრდილებში და 12 წლის ასაკის ზევით ბავშვებში: 1-3 ტაბ. საკვების მიღებებს შორის შუალედებში. ძილის წინ და სიმპტომების გამწვავებისას (მაქსიმალურად 8 ტაბ. დღეში).

ტაბლეტის დაღეჭა შესაძლებელია.

გვერდითი მოვლენები;

- გვერდითი მოვლენები იშვიათია ფაღარათის ან ყაბზობის სახით.

- თირკმელების ფუნქციის დარღვევისას შესაძლებელია ჰიპერმაგნიემიის განვითარება ან ალუმინის აბსორბციის გაზრდა.

- არ არის სასურველი მისი შემდეგ პრეპარატებთან კომბინაცია: ანტიობიოტიკები, იზონიაზიდი, კეტოკონაზოლი, ნიტროფურანტოინი, პროპრანოლოლი, ატენოლოლოლი, კაპტოპრილი. ან სხვა კარდიოვასკულური პრეპარატები, სალიცილატები, რანიტიდინი, რკინის ან ფოსფორის შემცველი საშუალებები, ნატრიუმის პოლისტირენ  სულფონატი.

უკუჩვენებები:

* მომატებული მგრძნობელობა მასში შემავალი რომელიმე ინგრედიენტის მიმართ;

* თირკმელების მძიმე ხასიათის უკმარისობა, დიალიზი;

* ალცჰაიმერის დაავადება;

*, ფენილკეტონურია;

* სკელეტური სისტემის დაავადება;

* ბავშვებში 6 წლამდე.

ორსულობა და ლაქტაცია:

უსაფრთხოა თერაპიული დოზის ფარგლებში.

განსაკუთრებული მითითებები:

* თირკმელების დაავადების დროს საჭიროა ექიმის მხრივ მონიტორინგი. მისი ნებართვის გარეშე დაუშვებელია პრეპარატის მიღება 2 კვირაზე მეტი ხნით.

* ციტრუსების და მათი წვენის მიღება ხელს უწყობს ალუმინის შეწოვას.

ჭარბი დოზირება:

იშვიათად შესაძლებელია ღებინება და გულისრევა.

პრეპარატის ხანგრძლივი მიღებისას თირკმელების უკმარისობის დროს შესაძლებელია ალუმინის კუმულაციის რისკის გაზრდა (განსაკუთრებით ძვლებში და ცნს-ში).

სხვა წამლებთან ურთიერთქმედება:

- დაუშვებელია ტეტრაციკლინის და ქინოლონების ჯგუფის ანტიბაქტერიულ საშუალებებთან მისი კომბინირება.

- პრეპარატის მიღებამდე, ან მის შემდეგ 1-2 საათის განმავლობაში სხვა პერორალური პრეპარატის მიღება არ არის რეკომენდებული.

შენახვის პირობები:

პრეპარატი ინახება ოთახის ტემპერატურაზე, სინათლის, ნესტისა და ბავშვებისაგან დაცულ ადგილას.