საერთაშორისო დასახელება:

TERBINAFINE

მწარმოებელი: NOVARTIS CONSUMER HEALTH S.A., შვეიცარია

მოქმედი ნივთიერება: ტერბინაფინი

კლინიკურ-ფარმაკოლოგიური ჯგუფი:

სოკოს საწინააღმდეგო საშუალება გარეგანი გამოყენებისთვის.

შემადგენლობა და გამოშვების ფორმა:

გელი 1% გარეგანი გამოყენებისათვის: ტუბში 15 გ

1 გ

ტერბინაფინი ფუძის ფორმით …………    10 მგ

დამხმარე ნივთიერებები:

ბენზილის სპირტი, კარბომერი (კარბოპოლი 974P), იზოპროპილ მირისტატი, ბუტილჰიდროქსიტოლუოლი, სორბიტანის ლაურატი, პოლისორბატი 20, ნატრიუმის ჰიდროქსიდი, ეთანოლი, გასუფთავებული წყალი, აზოტი.

ფარმაკოლოგიური თვისებები:

სოკოს საწინააღმდეგო პრეპარატი გარეგანი გამოყენებისათვის, მოქმედების ფართო სპექტრით.

მცირე კონცენტრაციებში ტერბინაფინი ახდენს ფუნგიციდურ მოქმედებას დერმატოფიტების, ობის და ზოგიერთი დიმორფული სოკოს მიმართ. აქტივობა საფუარის სოკოების მიმართ, მათი სახეობის მიხედვით, შეიძლება ფუნგიციდური ან ფუნგისტაზური იყოს.

ტერბინაფინი სპეციფიურად ცვლის სტეროლების ბიოსინთეზის ადრეულ ეტაპს, რომელიც სოკოებში ხდება. ამას მივყავართ ერგოსტეროლის დეფიციტსა და უჯრედში სკვალენის დაგროვებამდე, რაც იწვევს სოკოს უჯრედის სიკვდილს. ტერბინაფინის მოქმედება ხორციელდება სკვალენეპოქსიდაზას ფერმენტის ინჰიბირების გზით, რომელიც მდებარეობს სოკოს უჯრედის მემბრანაზე.

ტერბინაფინი არ მოქმედებს ადამიანის P450 ციტოქრომის სისტემაზე და, შესაბამისად, ჰორმონების ან სხვა სამკურნალო პრეპარატების მეტაბოლიზმზე.

ფარმაკოკინეტიკა:

ადგილობრივად გამოყენებისას აბსორბცია – 5%-ზე ნაკლებია, ახდენს უმნიშვნელო სისტემურ მოქმედებას.

ჩვენებები:

კანის სოკოვანი ინფექციების მ.შ. ტერფების მიკოზების (ტერფის “სოკო”), მუცლის ქვედა ეპიდერმოფიტიის (tinea cruris), სხეულის გლუვი კანის სოკოვანი დაავადებების (tinea corporis), პროფილაქტიკა და მკურნალობა, გამოწვეულის ისეთი დერმატოფიტებით, როგორიცაა Trychophyton (მ.შ.Trychophyton rubrum, Trychophyton mentagrophytes, Trychophyton verrucosum, Trychophyton violaceum), Microsporum canis  და  Epidermophyton floccosum. ჭრელი სირსველი Pityriasis versicolor, გამოწვეული ityrosporum orbiculare (ასევე ცნობილი სახელწოდებით Malassezia futfur).

მიღების წესი და დოზირება:

გამოიყენება გარეგანად მოზრდილებში და ბავშვებში 12 წლის ასაკის ზევით.

ლამიზინი დერმგელი გამოიყენება ერთხელ დღეში, ნებისმიერი ჩვენებების მიხედვით. პრეპარატის გამოყენებამდე აუცილებელია დაზიანებული მონაკვეთების გასუფთავება და გაშრობა. პრეპარატი მსუბუქად შეიზილება კანის როგორც დაზიანებულ, ასევე ინტაქტურ მიმდებარე მონაკვეთებზე. იმ ინფექციების შემთხვევაში, რომლებსაც ახლავს გამოყელვები  (სარძევე ჯირკვლების ქვეშ, თითებს შუა, დუნდულებისა და მუცლის ქვედა ნაწილების ნაკეცებში), დერმგელის წასმის ადგილზე შეიძლება დოლბანდის დაფენა.

მკურნალობის ხანგრძლივობა და პრეპარატის გამოყენების ჯერადობა

სხეულის, წვივების დერმატომიკოზი: 1 კვირა, დღეში ერთხელ.

ტერფების დერმატომიკოზი: 1 კვირა, დღეში ერთხელ.

ჭრელი სირსველი: 1 კვირა, დღეში ერთხელ;

კლინიკური გამოვლინებების გამოხატულობის შემცირება ჩვეულებრივ აღინიშნება მკურნალობის პირველ დღეებში. არარეგულარული მკურნალობის ან მისი ნაადრევად შეწყვეტის შემთხვევაში არსებობს ინფექციის რეციდივის რისკი. იმ შემთხვევაში, თუ ერთკვირიანი მკურნალობის შემდეგ გაუმჯობესება არ აღინიშნა, საჭიროა დიაგნოზის ვერიფიცირება.

ხანდაზმული პაციენტები: არ არსებობს საფუძველი ვარაუდისათვის, რომ ხანდაზმული პაციენტებისათვის საჭიროა პრეპარატის დოზირების შეცვლა და რომ მათ აღენიშნებათ ახალგაზრდა პაციენტებში გამოვლენილი გვერდითი მოქმედებებისაგან განსხვავებული მოქმედებები.

გვერდითი მოვლენები:

პრეპარატის წასმის ადგილებში შეიძლება გამოვლინდეს სიწითლე, ქავილის ან წვის შეგრძნება, მაგრამ ამ მოვლენების გამო მკურნალობის შეწყვეტა იშვიათად არის საჭირო. საჭიროა ამ არასერიოზული გვერდითი მოვლენების განსხვავება იშვიათად განვითარებული ალერგიული რეაქციებისაგან (მაგალითად, გენერალიზებული გამონაყარი და/ან გაწითლება, ჭინჭრის ციება, ანგიონევროზული შეშუპება, განმეორებითი ალერგიული რეაქცია), რომელთა განვითარება საჭიროებს მკურნალობის შეწყვეტას.

პაციენტმა უნდა გაითვალისწინოს, რომ ფურცელ-ჩანართში არ აღნიშნული გვერდითი მოვლენების განვითარების შემთხვევაში, აუცილებლად უნდა მიმართოს ექიმს.

უკუჩვენებები:

* ჰიპერმგრძნობელობა ტერბინაფინის ან პრეპარატის შემადგენლობაში შემავალი რომელიმე არააქტიური ინგრედიენტის მიმართ;

* ლაქტაციის პერიოდი;

* ბავშვთა ასაკი 12 წლამდე.

ორსულობა და ლაქტაცია:

* ცხოველებზე ჩატარებულ კვლევებში ტერბინაფინის ტერატოგენული თვისებები არ გამოვლინდა. ამჟამად ლამიზილის გამოყენებისას განვითარების რაიმე მანკების შესახებ ცნობები არ არსებობს. მაგრამ, ვინაიდან ორსულებში ლამიზილის გამოყენების კლინიკური გამოცდილება ძალიან შეზღუდულია, მისი გამოყენება მხოლოდ მკაცრი ჩვენებებით შეიძლება.

* ტებინაფინი რძესთან ერთად გამოიყოფა, ამიტომ პრეპარატის დანიშვნა მეძუძური დედებისათვის რეკომენდებული არ არის.

განსაკუთრებული მითითებები:

* აუცილებელია სიფრთხილის დაცვა ლამიზილის კანის დაზიანებულ მონაკვეთებზე წასმისას, ვინაიდან სპირტმა შეიძლება გაღიზიანება გამოიწვიოს.

* ლამიზილ დერმგელი განკუთვნილია მხოლოდ გარეგანი გამოყენებისათვის. არ შეიძლება მისი თვალებში მოხვედრა. ვინაიდან მან შეიძლება გაღიზიანება გამოიწვიოს. პრეპარატის შემთხვევით თვალებში მოხვედრისას, სასწრაფოდ უნდა მოხდეს მათი გამდინარე წყლით დაბანა, ხოლო გაღიზიანების მდგრადი მოვლენების განვითარებისას აუცილებელია ექიმთან კონსულტაცია.

* იმ შემთხვევაში, თუ ერთკვირიანი მკურნალობის შემდეგ გაუმჯობესების ნიშნები არ აღინიშნება, საჭიროა დიაგნოზის ვერიფიცირება.

ჭარბი დოზირება:

პრეპარატის ჭარბი დოზის შემთხვევები ცნობილი არ არის. თუ პრეპარატი შემთხვევით შიგნით იქნა მიღებული, მოსალოდნელია ისეთივე გვერდითი მოვლენების განვითარება, როგორიც ვითარდება ლამიზილის ტაბლეტების ჭარბი დოზისას (თავის ტკივილი, ღებინება, ტკივილი ეპიგასტრიაში და თავბრუსხვევა).

სხვა წამლებთან ურთიერთქმედება:

ლამიზილის დერმგელის სხვა წამლებთან რაიმე ურთიერთქმედება ცნობილი არ არის.

შენახვის პირობები:

პრეპარატი ინახება არა უმეტეს 30⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი.

საერთაშორისო დასახელება:

TERBINAFINE

მწარმოებელი: NOVARTIS PHARMACEUTICALS UK Ltd, დიდი ბრიტანეთი

NOVARTIS PHARMA, AG, შვეიცარიისთვის

მოქმედი ნივთიერება: ტერბინაფინი

კლინიკურ-ფარმაკოლოგიური ჯგუფი:

სოკოს საწინააღმდეგო პრეპარატი სისტემური გამოყენებისათვის.

შემადგენლობა და გამოშვების ფორმა:

ტაბლეტები: შეფუთვაში 14 ც.

1 ტაბ.

ტერბინაფინის ჰიდროქლორიდი ……..   125 მგ

1 ტაბ.

ტერბინაფინის ჰიდროქლორიდი ………  250 მგ

დამხმარე ნივთიერებები:

მაგნიუმის სტეარატი, სილიციუმის კოლოიდური ანჰიდრიდი, ჰიდროქსილპროპილმეთილცელულოზა, ნატრიუმის კარბოქსიმეთილსახამებელი, მიკროკრისტალური ცელულოზა.

ფარმაკოლოგიური თვისებები:

ტერბინაფინი წარმოადგენს ალილამინს, კანის, თმისა და ფრჩხილების სოკოვანი დაავადების გამომწვევების, მათ შორის დერმატოფიტების, როგორიცაა  Trychophyton rubrum, Trychophyton mentagrophytes, Trychophyton verrucosum, Trychophyton violaceum, Trychophyton tonsurans, Microsporum canis, Epidermophyton floccosum, საფუარის სოკოების, ძირითადად Candida albicans, Pityrosporum orbiculare-ის საწინააღმდეგო საშუალებას მოქმედების ფართო სპექტრით. დაბალი კონცენტრაციით ტერბინაფინი ავლენს ფუნგიციდურ მოქმედებას დერმატოფიტების, ობის და ზოგიერთი დიმორფული სოკოების მიმართ. საფუარას სოკოების მიმართ აქტიურობა მათი სახეობიდან გამომდინარე შეიძლება იყოს ფუნგიციდური ან ფუნგისტატური.

ტერბინაფინი სპეციფიკურად თრგუნავს სოკოს უჯრედში სტერინების ბიოსინთეზის ადრეულ ეტაპს. იგი იწვევს ერგოსტერინის დეფიციტს და უჯრედის შიგნით სკვალენის დაგროვებას, რაც იწვევს სოკოს უჯრედის სიკვდილს. ტერმბინაფინის მოქმედება ხორციელდება სოკოს უჯრედის მემბრანაში ფერმენტ სკვალენეპოქსიდაზას ინჰიბირების საშუალებით. აღნიშნული ფერმენტი არ მიეკუთვნება ციტოქრომ P450 სისტემას. ტერბინაფინი გავლენას არ ახდენს ჰორმონული ან სხვა სამკურნალო პრეპარატების მეტაბოლიზმზე.

ლამიზილის შიგნით მიღებისას თმებში, კანში და ფრჩხილებში წარმოიქმნება პრეპარატის კონცენტრაცია, რომელიც უზრუნველყოფს მის ფუნგიციდურ მოქმედებას.

ფარმაკოკინეტიკა:

ტერბინაფინის 250 მგ დოზით ორალურად მრავალჯერადი მიღების შემდეგ მისი მაქსიმალური კონცენტრაცია პლაზმაში მიიღწევა 2 საათის შემდეგ და შეადგენს 0.97 მკგ/მლ-ს. ნახევარადშეწოვის პერიოდი შეადგენს 0.8 საათს, ხოლო ნახევრადგანაწილების პერიოდი – 4.6 საათს. საკვებთან ერთად მიღების დროს არ არის საჭირო პრეპარატის დოზის კორექცია.

ტერბინაფინი გარკვეულწილად უკავშირდება სისხლის პლაზმის ცილებს (99%). ის სწრაფად აღწევს კანის დერმალურ ფენაში და კონცენტრირდება ლოპოფილურ რქოვან ფენაში. ტერბინაფინი ასევე აღწევს ცხიმოვანი ჯირკვლების სეკრეტში, რაც იწვევს მისი მაღალი კონცენტრაციების წარმოქმნას ცხიმოვანი ჯირკვლებით მდიდარ თმიან ფოლიკულებში, თმებში და კანში. ასევე გამოვლენილია, რომ ტერბინაფინი აღწევს ფრჩხილის ფირფიტებში მკურნალობის დაწყებიდან პირველ რამდენიმე კვირაში.

ტერბინაფინი მეტაბოლიზდება სწრაფად და მნიშვნელოვანი ხარისხით ციტოქრომ P450 მინიმუმ შვიდი იზოფერმენტის მონაწილეობით, რომლის დროსაც მთავარ როლს თამაშობენ CYP2C9,CYP1A2, CYP3A4, CYP2C8  და  CYP2C19 იზოფერმენტები. ტერბინაფინის ბიოტრანსფორმაციის შედეგად წარმოიქმნება მეტაბოლიტები, რომელთაც არ გააჩნიათ სოკოს საწინააღმდეგო აქტივობა და გამოიდევნებიან უპირატესად შარდთან ერთად. ნახევრად ელიმინაციის საბოლოო პერიოდი შეადგენს 17 საათს. ორგანიზმში პრეპარატის რაიმე სახით კუმულაცია არ არის დადგენილი. ასევე, არ არის გამოვლენილი პლაზმაში ლამიზილის წონასწორული კონცენტრაციის ცვლილება ასაკის მიხედვით, თუმცა, პაციენტებში თირკმელის ან ღვიძლის ფუნქციის დარღვევით შესაძლოა შემცირდეს პრეპარატის ელმინაციის სიჩქარე, რაც იწვევს სისხლში ტერბინაფინის უფრო მაღალ კონცენტრაციას.

ჩვენებები:

• ონიქომიკოზი (ფრჩხილების სოკოვანი ინფექცია), გამოწვეული სოკოებით – დერმატოფიტებით;
• თავის თმიანი ნაწილის მიკოზები;
• კანის სოკოვანი ინფექციები: ტანის, წვივების, ტერფების, ასევე კანის საფუარის ინფექციების მკურნალობა, რომელიც გამოწვეულია Candida-ს ტიპის სოკოებით (მაგალითად, Candida albicans), იმ შემთხვევებში, როდესაც ინფექციის ლოკალიზაცია, გამოხატულება ან გავრცელება განაპირობებს პერორალური თერაპიის მიზანშეწონილობას.

შენიშვნა: ადგილობრივად გამოსაყენებელი ლამიზილისაგან განსხვავებით, ორალურად მისაღები ლამიზილი არ არის ეფექტური სხვადასხვა ფერი სირსველის დროს.

მიღების წესი და დოზირება:

ხანგრძლივი მკურნალობა დამოკიდებულია ჩვენებებზე და დაავადების მიმდინარეობის სიმძიმეზე.

ბავშვებში: 2 წლამდე ასაკის ბავშვებში (რომელთა სხეულის წონა ჩვეულებრივ 12 კგ-ზე ნაკლებია) პრეპარატის გამოყენების მონაცემები არ არსებობს.

პრეპარატი ინიშნება დღეში ერთხელ; ერთჯერადი დოზა დამოკიდებულია სხეულის მასაზე და შეადგენს:

– 20 კგ-ზე ნაკლები სხეულის მასის ბავშვებისათვის 62.5 მგ (250 მგ-იანი ტაბლეტის 1/4) ერთხელ დღეში;

– 20-დან 40 კგ-მდე – 125 მგ (250 მგ-იანი ტაბლეტის 1,2) ერთხელ დღეში;

– 40 კგ-ზე მეტი – 250 მიგ (250 მგ-იანი 1 ტაბლეტი) ერთხელ დღეში.

მოზრდილებში – 250 მგ ერთხელ დღეში.

კანის საფარის ინფექციების მკურნალობის რეკომენდებული ხანგრძლივობა:

– ტერფის დერმატომიკოზი (თითებს შორის, ფეხისგული, ან ფეხის თითების წვერის ტიპის მიხედვით) – 2-6 კვირა;

– ტანის, წვივის დერმატომიკოზი: 2-4 კვირა;

– კანის კანდიდოზი: 2-4 კვირა;

ინფექციისა და მასთან დაკავშირებული ჩივილების სრული გაქრობა შესაძლებელია მიკოლოგიური განკურნებიდან მხოლოდ რამდენიმე კვირის შემდეგ.

თმისა და თავის თმიანი ნაწილის ინფექცია:

მკურნალობის რეკომენდებული ხანგრძლივობა: თავის თმიანი ნაწილის მიკოზი შეიმჩნევა ძირითადად ბავშვებში.

ონიქომიკოზი: პაციენტების უმეტესობაში ეფექტური მკურნალობის ხანგრძლივობაა 6-დან 12 თვემდე.

სავარაუდოდ ფრჩხილების, ხელის და ფეხის თითების ონიქომიკოზის მკურნალობისათვის (ფეხის დიდი თითის გარდა) საჭიროა 6 კვირა.

ფეხის დიდი თითის ონიქომიკოზის მკურნალობისათვის უმეტეს შემთხვევებში აუცილებელია 12 კვირა.

ზოგიერთ ავადმყოფს, რომელთაც აქვთ ფრჩხილების ზრდის შენელებული სიჩქარე შესაძლოა დასჭირდეთ უფრო ხანგრძლივი მკურნალობა.

ოპტიმალური კლინიკური ეფექტი ვლინდება მიკოლოგიური განკურნებიდან და თერაპიის შეწყვეტიდან რამდენიმე თვის შემდეგ. ეს განისაზღვრება დროის იმ პერიოდით, რომელიც აუცილებელია ჯანმრთელი ფრჩხილების გასაზრდელად.

გამოყენება ხანდაზმულებში: არ არსებობს საფუძველი, რათა ვივარაუდოთ, რომ ხანდაზმულებში საჭიროა პრეპარატის დოზირების შეცვლა ან რომ მათ აღენიშნებათ გვერდითი მოვლენები, რომლებიც განსხვავდება უფრო ახალგაზრდა პაციენტების გვერდითი მოვლენებისაგან. ამ ასაკობრივ ჯგუფში პრეპარატის ტაბლეტებში გამოყენების შემთხვევაში გათვალისწინებული უნდა იყოს ღვიძლისა და თირკმელების ფუნქციის თანდართული დარღვევის შესაძლებლობა.

გვერდითი მოვლენები:

სხვადასხვა გვერდითი მოვლენების წარმოქმნის სიხშირის შეფასების დროს გამოყენებულ იქნა შემდეგი გრადაცია: „ძალიან ხშირად“ ≥10%, „ხშირად“ – ≥1%-დან 10%-მდე, „ხანდახან“ – ≥0,1%-დან

ლამიზილი მთლიანობაში კარგი ამტანობით ხასიათდება. გვერდითი მოვლენები ჩვეულებრივ სუსტი ან ზომიერად გამოხატული და გარდამავალი ხასიათისაა.

ყველაზე ხშირად აღინიშნება სიმპტომები კუჭ-ნაწლავის ტრაქტის მხრივ (კუჭის გადავსების, მადის დაკარგვის, დისპეფსიის, გულისრევის შეგრძნება, სუსტად გამოხატული ტკივილები მუცელში, დიარეა) კანის მსუბუქი რეაქციები (გამონაყარი, ჭინჭრის ციება), მუსკულო-სკელეტური რეაქციები (ართრალგია, მიალგია).

ზოგჯერ: გემოს  შეგრძნების დარღვევა, მათ შორის მისი დაკარგვა (მის აღდგენას ადგილი აქვს მკურნალობის შეწყვეტის შემდეგ რამდენიმე კვირის განმავლობაში). არსებობს ცალკეული შემთხვევები გემოს შეგრძნების ხანგრძლივი დარღვევის შესახებ. ძალიან იშვიათად აღინიშნება საკვების მიღების შემცირებით გამოწვეული სხეულის მასის დაკარგვა.

იშვიათად: ჰეპატობილიარული დარღვევები (ქოლესტატური ხასიათის).

ძალიან იშვიათად: კანის სერიოზული რეაქციები (მათ შორის სტივენს-ჯონსონის სინდრომი, ტოქსიკური ეპიდერმული ნეკროლიზი), ანაფილაქტოიდური რეაქციები (მათ შორის ანგიონევროზული შეშუპება). თუ ვითარდება კანის პროგრესირებადი გამონაყარი, ლამიზილით მკურნალობა უნდა შეწყდეს.

ძალიან იშვიათად: ჰემატოლოგიური დარღვევები, როგორიცაა ნეიტროპენია, აგრანულოციტოზი ან თრომბოციტოპენია.

ძალიან იშვიათად: თმის ცვენა. ამ მოვლენის მიზეზობრივი კავშირი პრეპარატის მიღებასთან არ არის დადგენილი.

უკუჩვენებები:

* მაღალი მგრძნობელობა ტერბინაფინის ან პრეპარატის ნებისმიერი ინგრედიენტის მიმართ.

ორსულობა და ლაქტაცია:

ძალიან შეზღუდულია ფეხმძიმე ქალებში ლამიზილის გამოყენება;  მისი გამოყენება ფეხმძიმობის დროს არ არის რეკომენდებული, თუ პოტენციური სამკურნალო ეფექტი არ აღემატება შესაძლო რისკს.

* ტერბინაფინი გამოიყოფა დედის რძესთან ერთად, ამიტომ მეძუძურმა ქალებმა, რომლებიც ორალურად იღებენ ლამიზილს უნდა შეწყვიტონ ბავშვების ძუძუთი კვება.

განსაკუთრებული მითითებები:

* ლამიზილი არ არის რეკომენდებული ღვიძლის ქრონიკული ან მწვავე დაავადების მქონე პაციენტებში. ლამიზილის დანიშვნამდე უნდა შეფასდეს ღვიძლის ადრე გადატანილი დაავადებები, ვინიდან ასეთ პაციენტებში არსებობს ჰეპატოტოქსიკურობის განვითარების რისკი.  ასეთი პაციენტები უნდა იყვნენ გაფრთხილებულნი, დაუყოვნელივ ექიმთან მიმართვის აუცილებლობის შესახებ ისეთი სიმპტომების გამოვლენის შემთხვევაში, როგორიცაა: აუხსნელი მუდმივი გულისრევა, ანორექსია, დაღლილობა, ღებინება, ტკივილი მარჯვენა ნეკნთა რკალის ქვეშ, სიყვითლე, მუქი ფერის შარდი ან გაუფერულებული განავალი. მსგავსი სიმპტომების გამოვლენის შემთხვევაში ლამიზილით პერორალური მკურნალობა უნდა შეწყდეს და ჩატარდეს ღვიძლის ფუნქციის შესაბამისი კონტროლი.

* თირკმელების ფუნქციის დარღვევების მქონე ავადმყოფები (კრეატინინის კლირენსი 50 მლ/წთ-ზე ნაკლები ან სისხლის შრატის კრეატინინის დონე 300 მკმოლ/ლ-ზე მეტი) უნდა იღებდნენ პრეპარატის ჩვეულებრივი დოზის ნახევარს.

In vitro კვლევის დროს გამოვლინდა, რომ ტერბინაფინი თრგუნავს მეტაბოლიზმს ციტოქრომ CYP2D6 ფერმენტის საშუალებით. ამიტომ, აუცილებელია განხორციელდეს მუდმივი მეთვალყურეობა იმ ავადმყოფებზე, რომლებიც ლამიზილთან ერთად მკურნალობენ პრეპარატებით, რომლებიც მეტაბოლიზდება ამ ფერმენტის მონაწილეობით, როგორიცაა: სამციკლიანი ანტიდეპრესანტები, ბეტა-ადრენობლოკატორები, სეროტონინის უკუმიტაცების სელექციური ინჰიბიტორები და B ტიპის მონოამინოქსიდაზას ინჰიბიტორები – განსაკუთრებით, თუ გამოსაყენებელ პრეპარატს გააჩნია მცირე თერაპიული სიგანე.

გავლენა ავტოტრანსპორტის მართვასა და მექანიზმებთან მუშაობის უნარზე:

ლამიზილის გამოყენებისას მისი მოქმედება ავტომანქანის ტარების ან მექანიზმებთან მუშაობის უნარზე დადგენილ არ არის.

ჭარბი დოზირება:

არსებობს მონაცემები პრეპარატის დოზის გადაჭარბების რამდენიმე შემთხვევის შესახებ (პრეპარატის მიღებული დოზაა 5 გ-მდე), რომლის დროსაც აღინიშნებოდა თავის ტკივილი, გულისრევა, ტკივილი ეპიგასტრალურ არეში და თავბრუსხვევა.

დოზის გადაჭარბების შემთხვევაში რეკომენდებული მკურნალობა მოიცავს პრეპარატის გამოდევნის ღონისძიებებს, პირველ რიგში აქტივირებული ნახშირის დანიშვნით და კუჭის ამორეცხვით, ხოლო აუცილებლობის შემთხვევაში, სიმპტომატური დამხმარე თერაპიის გამოყენებით.

სხვა წამლებთან ურთიერთქმედება:

– In vitro და ჯანმრთელ მოხალისეებზე ჩატარებული კვლევების შედეგებმა გამოავლინა, რომ ტერბინაფინი აღჭურვილია უმნიშვნელო პოტენციალით იმ პრეპარატების უმრავლესობის კლირენსის დათრგუნვის ან გაძლიერების თვალთახედვით, რომლებიც განიცდიან მეტაბოლიზმს ციტოქრომ P450  (მაგალითად, ციკლოსპორინი, ტერფენადინი, ტრიაზოლამი, ტოლბუტამიდი ან ორალური კონტრაცეპტივები) სისტემის საშუალებით.

– მიუხედავად ამისა in vitro გამოკვლევებში გამოვლინდა, რომ ტერბინაფინი თრგუნავს CYP2S6-ს საშუალებით განხორციელებულ მეტაბოლიზმს. in vitro ცდებში მიღებული ეს მონაცემი შესაძლოა კლინიკურად მნიშვნელოვანი გამოდგეს იმ პრეპარატებისათვის, რომლებიც უპირატესად მეტაბოლიზდებიან ამ ფერმენტით, როგორიცაა: სამციკლიანი ანტიდეპრესანტები, ბეტა-ადრენობლოკატორები, სეროტონინის უკუმიტაცების სელექციური ინჰიბიტორები და B ტიპის მონოამინოქსიდაზის ინჰიბიტორები – იმ შემთხვევაში, თუ გამოსაყენებელ პრეპარატს გააჩნია მცირე თერაპიული სიგანე.

– პაციენტ ქალებს, რომლებიც ერთდროულად იღებენ ლამიზილს და პერორალურ კონტრაცეპტივებს ზოგიერთ შემთხვევაში აღენიშნებათ არარეგულარული მენსტრუალური ციკლი, თუმცა ამ დარღვევების სიხშირე რჩება იმ სიდიდის ფარგლებში, რომელიც აღენიშნებათ იმ პაციენტ ქალებს, რომლებიც იღებდნენ პერორალურ კონტრაცეპტივებს.

– მეორეს მხრივ, ტერბინაფინის საერთო კლირენსი შეიძლება გაიზარდოს იმ სამკურნალო პრეპარატებით, რომლებიც აძლიერებენ მეტაბოლიზმს (როგორიცაა რიფამპიცინი) ან შეიძლება შენელდეს პრეპარატებით, რომლებიც იწვევენ ციტოქრომ P450-ს ინჰიბირებას (ციმეტიდინი). იმ შემთხვევაში, როდესაც აუცილებელია მითითებული პრეპარატების ერთდროულად მიღება, შესაძლოა საჭირო გახდეს ლამიზილის დოზის ადექვატური კორექცია.

შენახვის პირობები:

პრეპარატი ინახება არა უმეტეს 30⁰C ტემპერატურაზე, სინათლისა და ბავშვებისათვის მიუწვდომელ ადგილას.

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

TERBINAFINE

მწარმოებელი: NOVARTIS CONSUMER HEALTH S. A., შვეიცარია

მოქმედი ნივთიერება: ტერბინაფინი

კლინიკურ-ფარმაკოლოგიური ჯგუფი:

სოკოს საწინააღმდეგო საშუალება გარეგანი გამოყენებისათვის.

შემადგენლობა და გამოშვების ფორმა:

კრემი 1%: ტუბში 15 გ და 30 გ

1 გ

ტერბინაფინის ჰიდროქლორიდი ………. 10 მგ

დამხმარე ნივთიერებები:

ბენზილის სპირტი, ნატრიუმის ჰიდროქსიდი, სორბინატის სტეარატი, ცეტილის პალმიტატი, სტერილის სპირტი, ცეტილის სპირტი, პოლისორბატ 60, იზოპროპილის მირისტატი, დისტილირებული წყალი.

სპრეი 1% გარეგანი გამოყენებისათვის: ფლაკონში 15 მლ და 30 მლ

1 გ

ტერბინაფინის ჰიდროქლორიდი ………  10 მგ

დამხმარე ნივთიერებები:

მაკროგოლის ცეტოსტეარილის ეთერი, ეთანოლი, გასუფთავებული წყალი, პროპილენგლიკოლი, აზოტი.

ხსნარი 1% გარეგანი გამოყენებისათვის: ფლაკონში 30 მლ

1 მლ

ტერბინაფინის ჰიდროქლორიდი            10 მგ

დამხმარე ნივთიერებები:

მაკროგოლის ცეტოსტეარილის ეთერი, ეთანოლი, გასუფთავებული წყალი, პროპილენგლიკოლი, აზოტი.

ფარმაკოლოგიური თვისებები:

პრეპარატს გააჩნია სოკოს საწინააღმდეგო მოქმედების ფართო სპექტრი. მცირე კონცენტრაციებში ტერბინაფინი ახდენს ფუნგიციდურ მოქმედებას დერმატოფიტების, როგორიცაა  Trychophyton rubrum, Trychophyton mentagrophytes, Trychophyton verrucosum, Trychophyton violaceum, Trychophyton tonsurans, Microsporum canis, Epidermophyton floccosum, საფუარის სოკოების, ძირითადად Candida albicans, Pityrosporum orbiculare-ის მიმართ. აქტივობა საფუარის სოკოების მიმართ, მათი სახეობის მიხედვით, შეიძლება ფუნგიციდური ან ფუნგისტაზური იყოს.

ტერბინაფინი სპეფიციურად ცვლის სტეროლების ბიოსინთეზის ადრეული ეტაპს, რომელიც სოკოებში ხდება. ამას მივყავართ ერგოსტეროლის დეფიციტსა და უჯრედში სკვალენის დაგროვებამდე, რაც იწვევს სოკოს უჯრედის სიკვდილს. ტერბინაფინის მოქმედება ხორციელდება სკვალენეპოქსიდაზას ფერმენტის ინჰიბირების გზით, რომელიც მდებარეობს სოკოს უჯრედის მემბრანაზე.

ტერბინაფინი არ მოქმედებს ადამიანის P450 ციტოქრომის სისტემაზე და, შესაბამისად, ჰორმონების ან სხვა სამკურნალო პრეპარატების მეტაბოლიზმზე.

ფარმაკოკინეტიკა:

ადგილობრივად გამოყენებისას აბსორბცია – 5%-ზე ნაკლებია, ახდენს უმნიშვნელო სისტემურ მოქმედებას.

ჩვენებები:

კანის სოკოვანი ინფექციების, მ.შ. ტერფების მიკოზების (ტერფის “სოკო”), მუცლის ქვედა ეპიდერმოფიტიის (tinea cruris), სხეულის გლუვი კანის სოკოვანი დაავადებების (tinea corporis) პროფილაქტიკა და მკურნალობა, გამოწვეულის ისეთი დერმატოფიტებით, როგორიცაა Trychophyton (მ.შ.Trychophyton rubrum, Trychophyton mentagrophytes, Trychophyton verrucosum, Trychophyton violaceum), Microsporum canis  და  Epidermophyton floccosum. ჭრელი სირსველი Pityriasis versicolor, გამოწვეული ityrosporum orbiculare (ასევე ცნობილი სახელწოდებით Malassezia futfur).

მიღების წესი და დოზირება:

გამოყენება გარეგანად მოზრდილებში და ბავშვებში 12 წლიდან:

კრემის დადებამდე საჭიროა დაზიანებული უბნების გასუფთავება და გამშრალება. გამოიყენება დღეში ერთხელ ან 2-ჯერ თხელი ფენის სახით დაზიანებულ კანზე და მიმდებარე უბნებზე, მსუბუქი შეზელვით.

გამოყელვის თანხლებით მიმდინარე ინფექციებისას (სარძევე ჯირკვლების ქვეშ, თითებს შორის, დუნდულებს შორის, საზარდულის მიდამოში), კრემის დადების ადგილები შეიძლება დაიფაროს მარლით, განსაკუთრებით ღამით. გავრცელებული სოკოვანი ინფექციების დროს საჭიროა 30 გ-იანი ტუბის კრემის გამოყენება.

მკურნალობის საშუალო ხანგრძლივობა სხეულის, წვივების დერმატომიკოზი: 1 კვირა, დღეში ერთხელ.

ტერფის დერმატომიკოზები: 1 კვირა, დღეში ერთხელ ტერფის სოკოს მიერ გამოწვეული გარქოვანება, ნახეთქები, ქავილი, აქერცვლა – 2 კვირა დღეში 1-2-ჯერ.

კანის კანზიდოზი: 2 კვირა, დღეში 1-2-ჯერ.

ფერადი ლიქენი: 2 კვირა, დღეში 1-2-ჯერ.

კლინიკური ნიშნების გამოხატულების შემცირება შეინიშნება მკურნალობის პირველ დღეებში. არარეგულარული მკურნალობის ან მისი ნაადრევი შეწყვეტის შემთხვევაში არსებობს ინფექციის განახლების რისკი. იმ შემთხვევაში, თუ 1-2 კვირიანი მკურნალობის შემდეგ ადგილი არა აქვს გაუმჯობესების ნიშნებს, საჭიროა დიაგნოზის ვერიფიკაცია.

ხანდაზმულებისათვის დოზირების რეჟიმი არ იცვლება.

პრეპარატის გამოყენება ბავშვებში. ამ პრეპარატის 12 წლამდე ასაკის ბავშვებში გამოყენება რეკომენდებული არ არის.

მოზრდილებში ლამიზილის სპრეის ან ხსნარის გამოყენება შეიძლება ერთხელ ან 2-ჯერ დღეში, ჩვენებების მიხედვით. პრეპარატის გამოყენებამდე აუცილებელია დაზიანებული მონაკვეთების გასუფთავება და გაშრობა. პრეპარატი შეისხურება (სპრეი) ან წაისმევა (ხსნარი) დაზიანებულ მონაკვეთებზე იმ რაოდენობით, რომელიც საკმარისია მათი გაჟღენთისათვის, და, გარდა ამისა, წაისმევა კანის როგორც დაზიანებულ, ასევე ინტაქტურ მიმდებარე მონაკვეთებზე.  სხეულის ფართო სოკოვანი დაზიანებებისას რეკომენდებულია 30 მლ სპრეის გამოყენება.

მკურნალობის ხანგრძლივობა და პრეპარატის გამოყენების ჯერადობა

სხეულის, წვივების დერმატომიკოზი: 1 კვირა, დღეში ერთხელ.

ტერფების დერმატომიკოზი: 1 კვირა, დღეში ერთხელ.

ჭრელი სირსველი: 1 კვირა, დღეში 2-ჯერ.

ხანდაზმულ პაციენტებში პრეპარატის დოზირების რეჟიმი ზემოაღნიშნულისაგან არ განსხვავდება.

ლამიზილის სპრეის ან ხსნარის გამოყენება ბავშვებში. ლამიზილის სპრეის ან ხსნარის ბავშვებში გამოყენების გამოცდილება შეზღუდულია, რიც გამოც პრეპარატის გამოყენება ბავშვებში რეკომენდებული არ არის.

გვერდითი მოვლენები:

პრეპარატის წასმის ადგილებში შეიძლება გამოვლინდეს სიწითლე, ქავილის ან წვის შეგრძნება, ალერგიული რეაქციები.

უკუჩვენებები:

ჰიპერმგრძნობელობა ტერბინაფინის ან პრეპარატის შემადგენლობაში შემავალი რომელიმე არააქტიური ინგრედიენტის მიმართ.

ორსულობა და ლაქტაცია:

ორსულობა და ლაქტაცია. ექსპერიმენტული კვლევებში ტერბინაფინის ტერატოგენული თვისებები არ გამოვლინდა. ამჟამად ლამიზილის გამოყენებისას განვითარების რაიმე მანკების შესახებ ცნობები არ არსებობს. მაგრამ, ვინაიდან ორსულებში ლამიზილის გამოყენების კლინიკური გამოცდილება ძალიან შეზღუდულია, მისი გამოყენება მხოლოდ მკაცრი ჩვენებებით შეიძლება.

ტერბინაფინი რძესთან ერთად გამოიყოფა. მაგრამ მეძუძური დედის მიერ ლამიზილის კრემის, სპრეის ან ხსნარის გამოყენებისას კანიდან შეიწოვება აქტიური ნივთიერების მცირე რაოდენობა, ამიტომ არასასურველი მოქმედება ჩვილზე ნაკლებ სავარაუდოა.

განსაკუთრებული მითითებები:

* თირკმლის და/ან ღვიძლის უკმარისობა, ალკოჰოლიზმი, ძვლის ტვინის სისხლწარმოქმნის დათრგუნვა, სიმსივნეები, ნივთიერებათა ცვლის დაავადებები, კიდურების სისხლძარღვების ოკლუზიური დაავადებები, ბავშვთა ასაკი (საკმარისი კლინიკური გამოცდილების არარსებობა). კლინიკური გამოვლინებების გამოხატულობის შემცირება ჩვეულებრივ მკურნალობის პირველ დღეებში აღინიშნება. არარეგულარული მკურნალობის ან მისი ნაადრევად შეწყვეტის შემთხვევაში არსებობს ინფექციის რეციდივის რისკი. იმ შემთხვევაში, თუ ერთკვირიანი მკურნალობის შემდეგ გაუმჯობესების ნიშნები არ აღინიშნება, საჭიროა დიაგნოზის ვერიფიცირება.

* აუცილებელია სიფრთხილის დაცვა ლამიზილის კანის დაზიანებულ მონაკვეთებზე წასმისას, ვინაიდან სპირტმა შეიძლება გაღიზიანება გამოიწვიოს.

* ლამიზილის კრემი, სპრეი ან ხსნარი განკუთვნილია მხოლოდ გარეგანი გამოყენებისათვის. არ შეიძლება მისი თვალებში მოხვედრა, ვინაიდან მან შეიძლება გაღიზიანება გამოიწვიოს. პრეპარატის შემთხვევით თვალებში მოხვედრისას, სასწრაფოდ უნდა მოხდეს მათი გამდინარე წყლით დაბანა, ხოლო გაღიზიანების მდგრადი მოვლენების განვითარებისას აუცილებელია ექიმთან კონსულტაცია.

* თუ პრეპარატი შემთხვევით იქნა შეყვანილი სასუნთქ გზებში ინჰალაციის დროს, მაშინ, რაიმე სიმპტომების განვითარებისას და განსაკუთრებით მათი შენარჩუნებისას, აუცილებელია ექიმთან კონსულტაცია.

* ალერგიული რეაქციების განვითარების შემთხვევაში პრეპარატი უნდა მოიხსნას.

ჭარბი დოზირება:

პრეპარატის ჭარბი დოზის შემთხვევები ცნობილი არ არის. და თუ კი ლამიზილის კრემი, სპრეი ან ხსნარი შემთხვევით შიგნით იქნა მიღებული, მოსალოდნელია ისეთივე გვერდითი მოვლენების განვითარება, როგორიც ვითარდება ლამიზილის ტაბლეტების ჭარბი დოზისას (თავის ტკივილი, ღებინება, ტკივილი ეპიგასტრიუმში და თავბრუსხვევა). ასევე გასათვალისწინებელია პრეპარატში ეთილის სპირტის (23.5%) შემცველობა.

მკურნალობა: აქტივირებული ნახშირი, საჭიროების შემთხვევაში – სიმპტომური შემანარჩუნებელი თერაპია.

სხვა წამლებთან ურთიერთქმედება:

ლამიზილის სპრეის ან ხსნარის წამლებთან რაიმე ურთიერთქმედება ცნობილი არ არის.

შენახვის პირობები:

პრეპარატი ინახება არა უმეტეს 30C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი.

საერთაშორისო დასახელება:

AMBROXOL

მწარმოებელი: BOEHRINGER INGELHEIM ELAAS

მოქმედი ნივთიერება: ამბროქსოლი

კლინიკურ-ფარმაკოლოგიური ჯგუფი:

მუკოლიზური, ამოსახველებელი საშუალება.

შემადგენლობა და გამოშვების ფორმა:

სიროფი: ფლაკონში 100 მლ

5 მლ

ამბროქსოლის ჰიდროქლორიდი ……….15 მგ

5 მლ

ამბროქსოლის ჰიდროქლორიდი ……….30 მგ

ვრცლად ლიზლი

საერთაშორისო დასახელება:

FOROSEMIDE

მწარმოებელი: SANOFI AVENTIS

მოქმედი ნივთიერება: ფუროსემიდი

კლინიკურ-ფარმაკოლოგიური ჯგუფი:

დიურეზული საშუალება.

შემადგენლობა და გამოშვების ფორმა:

ტაბლეტები: შეფუთვაში 50 ც.

1 ტაბ.

ფუროსემიდი ……………       40 მგ

საინექციო ხსნარი: ამპულაში 2 მლ შეფუთვაში 10 და 50 ც.

1 მლ 1 ამპ.

ფუროსემიდი ………………….10 მგ 20 მგ

ფარმაკოლოგიური თვისებები:

ლაზიქსი წარმოადგენს სწრაფად მოქმედ დიურეზულ საშუალებას.

მისი მოქმედების მექანიზმი დაკავშირებულია ნატრიუმის და ქლორის იონების რეაბსორბციის შემცირებასთან. ეფექტი იწყება მისი მიღებიდან 1 სთ-ის შემდეგ და გრძელდება 6 სთ-ის განმავლობაში; ინტრავენურად შეყვანის შემთხვევაში ეფექტი ვლინდება 30 წთ-ის შემდეგ.

ფარმაკოკინეტიკა:

პერორალური მიღებისას პრეპარატი სწრაფად შეიწოვება კუჭ-ნაწლავის ტრაქტიდან. მაქსიმალური კონცენტრაცია სისხლის პლაზმაში იზრდება დოზის გაზრდასთან ერთად. იგი უკავშირდება პლაზმის ცილებს 90%-ით. ნახევარგამოყოფის პერიოდი შეადგენს 2 საათს.

ჩვენებები:

• არტერიული ჰიპერტენზია;
• შეშუპება;
• ფილტვების შეშუპება;
• ასციტი;
• ფორსირებული დიურეზის მიზნით.

მიღების წესი და დოზირება:

პრეპარატის დოზის შერჩევა ხდება ინდივიდუალურად.

მოზრდილებში საწყისი დოზა შეადგენს 20-80 მგ-ს. აუცილებლობის შემთხვევაში შეიძლება დოზის გაზრდა 20-40 მგ-ით 6-8 სთ-ს შემდეგ. ამგვარი დოზირება გამოიყენება დღეში 1-2-ჯერ.

ბავშვებში საწყისი დოზა შეადგენს 2 მგ/კგ წონაზე. არაეფექტურობის დროს დოზა იზრდება 1-2 მგ/კგ 6-8 სთ-ის შემდეგ პირველი მიღებიდან.

არტერიული ჰიპერტონიის დროს საწყის დოზა მოზრდილებში შეადგენს 80 მგ-ს დღეში.

ფილტვების შეშუპების დროს შეჰყავთ ინტრავენურად 40 მგ.

გვერდითი მოვლენები:

ძილიანობა, თავბრუსხვევა, თავის ტკივილი, დეპრესია, ტრემორი, მეხსიერების დაქვეითება და კოორდინაციის დარღვევა, ღებინება, გულისრევა, პანკრეატიტი, იმპოტენცია, ჰიპერქოლესტერინემია, პარკუჭოვანი არითმია.

უკუჩვენებები:

* მწვავე გლუმერულონეფრიტი;

* თირკმელების უკმარისობის ტერმინალური სტადია;

* ღვიძლის კომა;

* ჰიპოკალიემია, ჰიპონატრიემია, ალკალოზი;

* მომატებული მგრძნობელობა პრეპარატის მიმართ.

ორსულობა და ლაქტაცია:

* ორსულობის პერიოდში ლაზიქსის დანიშვნა რეკომენდებულია მხოლოდ განსაკუთრებული ჩვენების მიხედვით და ხანმოკლე პერიოდის განმავლობაში. რადგან იგი ექსკრეგირებს დედის რძეში და აგრეთვე თრგუნავს ლაქტაციის პროცესს, აღნიშნულ შემთხვევაში პრეპარატის გამოყენებისას საჭიროა ძუძუთი კვების შეწყვეტა.

შენახვის პირობები:

პრეპარატი ინახება არა უმეტეს 25⁰C ტემპერატურაზე.

ვარგისიანობის ვადა: 3 წელი.

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

ქსოვილების მეტაბოლიზმის გამაუმჯობესებელი სამკურნალო ჰომეოპათიური საშუალება.

შემადგენლობა და გამოშვების ფორმა:

საინექციო ხსნარი: ამპულაში 2.2 მლ, შეფუთვაში 5, 10, 50 და 100 ც.

100 მლ

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• იმუნური სისტემის მოდულირება და კანის ბუნებრივი ფუნქციების გააქტივება ისეთი დაავადებებისას, როგორიცა: დერმატიტები, დერმატოზები, ეგზემა, სკლეროდერმია, ვულგარული აკნე, ერითემები, დერმატომიკოზები, კონდილომები, კონტაგიოზური იმპეტიგო, ნეიროდერმიტი, ორგანიზმის შესაძლო ტოქსიკური დაზიანება კოსმეტიკური პრეპარატების გამოყენების გამო, თითთაშუა მიკოზები;
• ნაწოლები დულპუიტენის კონტრაქტურები, თმის ცვენა, კვინკეს შეშუპება, ელეფანტიაზი.

მიღების წესი და დოზირება:

მწვავე შემთხვევაში 1 ამპულა ყოველდღიურად;

ჩვეულებრივ შემთხვევაში კი – ერთი ამპულა 1-3-ჯერ პარენტერალურად.

გვერდითი მოვლენები:

შესაძლოა გაძლიერებული ნერწყვდენა.

უკუჩვენებები:

ალერგია იხტიოლზე.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.

საერთაშორისო დასახელება:

PORACTANT ALFA

მწარმოებელი: CHIESI FARMACEUTICI S. p. A., იტალია

კლინიკურ-ფარმაკოლოგიური ჯგუფი:

ფილტვების სურფაქტანტი.

შემადგენლობა და გამოშვების ფორმა:

სტერილური სუსპენზია ენდოტრაქეალური გამოყენებისათვის: ფლაკონში 1.5 მლ

1 მლ

ფოსფოლიდიპური ფრაქცია, გამოყოფილი ღორების ფილტვებიდან…….. 80 მგ

მ.შ.: ფოსფოლიპიდები ……………………………………………………………  74 მგ,

დაბალმოლეკულური ჰიდროფობური პროეტინები ……………………..     900მკგ

ფარმაკოლოგიური თვისებები:

პრეპარატი წარმოადგენს ფილტვის სურფაქტანტს და ავსებს ენდოგენური სურფაქტანტის ნაკლებობას ეგზოგენურით. ამოფენს ალვეოლების შიგნითა ზედაპირს, ამცირებს ფილტვში ზედაპირულ დაჭიმულობას, ახდენს ალვეოლების სტაბილიზაციას, ხელს უშლის რა მათ შერწყმას ექსპირატორული ფაზის ბოლოს, ხელს უწყობს ადეკვატურ გაზთა ცვლას და მის შენარჩუნებას მთელი სასუნთქი ციკლის განმავლობაში.

თანაბრად ნაწილდება ფილტვში და ვრცელდება ალვეოლების ზედაპირზე. დღენაკლულ ახალშობილებში აღადგენს ოქსიგენაცის დონეს, რაც მოითხოვს ჟანგბადის კონცენტრაციის შემცირებას შესუნთქულ ჰაერში. ამცირებს სიკვდილიანობის და რესპირატორული დაავადებების დონეს. სურფაქტანტის გამოყენება მნიშვნელოვნად ამცირებს რესპირატორული დისტრეს სინდრომის მიმდინარეობის სიმძიმეს (რდს).

ფარმაკოკინეტიკა:

ექსპერიმენტულ კვლევებში ნახევარგამოყოფის პერიოდი შეადგენს 67 საათს. თუმცა ფილტვის გარეთ (სისხლის შრატსა და სხვა ორგანოებში) მიღებიდან 48 საათში მხოლოდ კვალის სახით აღინიშნება სურფაქტანტის ლიპიდები.

ჩვენებები:

• რესპირატორული დისტრეს სინდრომის მკურნალობა დღენაკლულ ახალშობილებში 700 გ-ზე მეტი მასით;
• რესპირატორული დისტრეს სინდრომის პროფილაქტიკა დღენაკლულებში;
• ახალშობილებში აღნიშნული სინდრომის განვითარების შესახებ ეჭვის მიტანისას.

მიღების წესი და დოზირება:

ენდოტრაქეალური მიღება ინტუბირებულ ბავშვებში, რომლებიც იმყოფებიან ფილტვების ხელოვნურ ვენტილაციაზე, გულის შეკუმშვათა სიხშირის, არტერიულ სისხლში ჟანგბადის კონცენტრაციის ან ჟანგბადით გაჯერების მუდმივი მონიტორინგით.

პრეპარატი გამოიყენება მხოლოდ სტაციონარის პირობებში, ექიმის მიერ, რომელსაც სათანადო გამოცდილება გააჩნია დღენაკლულების რეანიმაციისა და მკურნალობის საკითხში. მკურნალობის დაწყებამდე საჭიროა აციდოზის, ჰიპოტენზიის, ანემიის, ჰიპოგლიკემიისა და ჰიპოთერმიის კორექცია. მკურნალობას იწყებენ რესპირატორული დისტრეს სინდრომის დიაგნოზის დასმიდან რაც შეიძლება ადრე.

პრეპარატის მიღების წესი

გამოყენებამდე ფლაკონს ათბობენ 37⁰C ტემპერატურამდე და ფრთხილად აყირავებენ, რომ გამორიცხონ შენჯღრევა. სუსპენზიას ფლაკონიდან იღებენ სტერილური ნემსებითა და შპრიცებით და შეჰყავთ საინტუბაციო მილით ტრაქეის ქვედა ნაწილში. ბავშვი გადაბრუნებულია გვრედზე რომ სურფაქტანტი უკეთესად განაწილდეს შესაბამის ფილტვში.

დოზირება:

საწყისი ერთჯერადი დოზაა 200 მგ/კგ (2.5 მლ/კგ). საჭიროების შემთხვევაში იყენებნე ერთ ან ორ დამატებით ნახევარდოზებს – 100 მგ/კგ12 საათის ინტერვალით. ყოველი მიღების შემდეგ წარმოებს 1-2 წუთიანი ვენტილაცია ხელით იმ კონცენტრაციის შესუნთქული ჟანგბადით, რომელიც უდრის აპარატზე საწყის მაჩვენებელს. მაქსიმალური საერთო დოზაა 300-400 მგ/კგ.

პროფილაქტიკა ტარდება ახალშობილებში რესპირატორულ დისტრეს სინდრომზე ეჭვის შემთხვევაში. პრეპარატი შეჰყავთ ერთჯერადი დოზით 100-200 მგ/კგ (1.5-2.5 მლ/კგ) დაბადებიდან 15 წუთში. პრეპარატის მეორე დოზა 100 მგ/კგ შეჰყავთ 6-12 საათის შემდეგ. რესპირატორული დისტრეს სინდრომის დიაგნოზის დადგენისას და ფილტვების ხელოვნური ვენტილაციის საჭიროებისას პრეპარატის მიღება გრძელდება 12 საათიანი ინტერვალით. მაქსიმალური საერთო დოზა 300-400 მგ/კგ.

გვერდითი მოვლენები:

ფილტვისმიერი სისხლდენა; ალერგიული რეაქციები; რეტინოპათია (სისხლში ჟანგბადის პარციალური დაჭიმულობის სწრაფი მატების დროს);

უკუჩვენებები:

* ჰიპერმგრძნობელობა პრეპარატის კომპონტებისადმი;

* ტვინის პარკუჭებში სისხლჩაქცევა;

* პნევმოთორაქსი;

*ინტერსტიციული ემფიზემა;

* პნევმომედიასტინუმი.

ორსულობა და ლაქტაცია:

* არ გამოიყენება.

განსაკუთრებული მითითებები:

* ალვეოლებში გაზთა ცვლის აღდგენამ შეიძლება გამოიწვიოს არტერიულ სისხლში ჟანგბადის კონცენტრაციის სწრაფი მატება, რაც მოითხოვს ფილტვების ხელოვნური ვენტილაციის მაჩვენებლების სწრაფ გადაწყობას. ამასთან დაკავშირებით რეკომენდებულია არტერიული სისხლის გაზობრივი შემცველობის, ჟანგბადის ქსოვილოვანი შემცველობის უწყვეტი მონიტორინგის წარმოება. თერაპიის ჩატარების შემდეგ აღინიშნება თავის ტვინის ელექტრული აქტივობის დროებითი (2-10 წთ.) შენელება.

* გამოყენებამდე გამთბარი ფლაკონების შებრუნება მაცივარში არ შეიძლება. ფლაკონში დარჩენილი პრეპარატი მეორადად არ გამოიყენება.

ჭარბი დოზირება:

აქამდე აღნიშნული არ ყოფილა კუროსურფის ჭარბი დოზირების გამოვლინებები. თუმცა ჭარბი დოზირების და მკაფიო კლინიკური ნიშნების გამოვლენის შემთხვევაში (სუნთქვის, ვენტილაციის ან ოქსიგენაციის მხრივ) უნდა ჩატარდეს ფილტვის შემცველობის მაქსიმალური შესაძლო ასპირაცია და წყალ-ელექტროლიტური ბალანსის შემანარჩუნებელი თერაპია.

სხვა წამლებთან ურთიერთქმედება:

დადგენილი არაა.

შენახვის პირობები:

პრეპარტი ინახება 2-8⁰C ტემპერატურაზე, ბნელ ადგილას.

ვარგისიანობის ვადა: 18 თვე.

გამოიყენება სპეციალიზებულ კლინიკებში სტაციონარის პირობებში.

მწარმოებელი: GEDEON RICHTER

მოქმედი ნივთიერება: თუთიის ჰიალურონატი

კლინიკურ-ფარმაკოლოგიური ჯგუფი:

ქსოვილებში ნივთიერებათა ცვლაზე მოქმედი საშუალება

შემადგენლობა და გამოშვების ფორმა:

გელი: ტუბში 15 გ

1 გ

თუთიის ჰიალურონატი ……….    1.02 მგ

აღწერა:

კურიოზინი გელი, მის შემადგენლობაში შემავალი მოქმედი ნივთიერების – თუთიის ჰიალურონატის ფარმაკოლოგიური თავისებურებების გამო, ეფექტურად გამოიყენება ფერისმჭამელების სამკურნალოდ. ფერისმჭამელების პათოგენეზში მონაწილე ორი ძირითადი ფაქტორის (ცხიმოვანი ჯირკვლების ჰიპერპლაზია და ფოლიკულების გამომტანი სადინარის ჰიპერკერატინიზაცია) გარდა, აკნეს განვითარებაში ასევე მნიშვნელოვან როლს ასრულებენ ბიოლოგიურად აქტიური ნივთიერებები, რომლებიც გამომუშავდებიან და გამოთავისუფლდებიან Propianibacterium acnes ზემოქმედებით. ზემოთაღნიშნული პათოლოგიური ცვლილებების შედეგად ქსოვილებში ქვეითდება ჰიალურონის მჟავას კონცენტრაცია და ირღვევა ბალანსი. კურიოზინი გელის ადგილობრივად გამოყენებისას ქსოვილებში კომპენსირდება ჰიალურონის მჟავას მიმართ მომატებული მოთხოვნილება.

ჰიალურონის მჟავა წარმოადგენს ბუნებრივ მუკოპოლისაქარიდული ტიპის პოლიმერს, რომელიც მნიშვნელოვანი ელემენტია არაუჯრედული ნივთიერების სამშენებლოდ. მაღალი ჰიდროფილურობის გამო იგი წარმოქმნის დისპერსიულ მატრიქსს წყლის მოლეკულებთან; მნიშვნელოვან როლს ასრულებს კანის საფარის ტონუსისა და ელასტიურობის ფორმირებაში. პრეპარატს გააჩნია ანთებისსაწინააღმდეგო ეფექტი.

ჰიალურონის მჟავის კომბინაცია თუთიასთან აძლიერბს პრეპარატის ეფექტურობას. თუთია თრგუნავს Propianibacterium acnes-ით გამოწვეულ ლიპაზურ აქტივობას და ამით წყვეტს პათოლოგიურ პროცესს, რომელიც ხელს უწყობს დაავადებას; აღადგენს ეპიდერმისის დარღვეულ მეტაბოლიზმს. პრეპარატს ასევე გააჩნია ანტიბაქტერიული ეფექტი.

კურიოზინის გელი მოქმედებს როგორც კომედონების წარმოქმნაზე, ასევე ანთებით ელემენტებზე.

პრეპარატით მკურნალობის პროცესში ადგილი აქვს პუსტულების და პაპულების გაწოვას, მცირდება ერითემა და პაპულოზური მოვლენები.

ჩვენებები:

პრეპარატი გამოიყენება მსუბუქი და საშუალო სიმძიმის ფერისმჭამელების სამკურნალოდ, უპირველეს ყოვლისა კომედონური და პაპულო-პუსტულოზური ფერისმჭამელების ადგილობრივი მკურნალობისათვის.

დოზირება:

დაზიანებული უბნის საგულდაგულოდ გასუფთავების შემდეგ გელის თხელი ფენა დაიტანება კანის ზედაპირზე დღეში 2-ჯერ.

პრეპარატი შეიწოვება გამოყენებიდან რამდენიმე წუთში. დამწოლი ნახვევის გამოყენება არ არის საჭირო.

წინააღმდეგჩვენება:

პრეპარატის შემადგენლობაში შემავალი რომელიმე კომპონენტის მიმართ მომატებული მგრძნობელლობა.

გვერდითი მოვლენები:

მკურნალობის დასაწყისში მოსალოდნელია წვის შეგრძნება, კანის სიწითლე. მშრალი კანის არსებობისას შესაძლებელია დაჭიმულობის შეგრძნება.

ურთიერთქმედება სხვა სამკურნალო საშუალებებთან:

არ არის ცნობილი.

განსაკუთრებული მითითებები:

პრეპარატი არ იწვევს ფოტოსენსიბილიზაციას, არ ღებავს კანსა და თეთრეულს.

შენახვის პირობები: ინახება 15-30⁰C ტემპერატურაზე.

ხსნარი გარეგანი გამოყენებისათვის: ფლაკონ-საწვეთურში 10 მლ.

1 მლ

თუთიის ჰიალურონატი …………… 2.05 მგ

ფარმაკოლოგიური თვისებები:

კურიოზინი ხსნარის 10 მლ ფლაკონი შეიცავს 20,5 მგ თუთიის ჰიალურონატს.

პრეპარატი გამოიყენება დამხმარე თერაპიის სახით ძნელად შეხორცებადი, ინფიცირებული ჭრილობების, ნაწოლების, წვივის წყლულების, ფისტულების, ასევე ჭრილობის ნორმალური შეხორცების დასაჩქარებლად.

მიღების წესები და დოზები:

პრეპარატი ეწვეთება სხეულის დაზიანებულ უბანზე ისეთი მოცულობით, რომ სრულად და თანაბრად დაფაროს საჭირო ზედაპირი ან ხსნარი დაეწვეთება შესაბამისი ზომის დოლბანდის საფენზე, რომელიც დაეფინება ჭრილობაზე. ნახვევი საჭიროა გამოიცვალოს 1-2-ჯერ დღეში.

მკურნალობის ხანგრძლივობა და დოზა დგინდება მკურნალი ექიმის მიერ.

პრეპარატის გამოყენების წინ რეკომენდებულია ჭრილობის ზედაპირის დამუშავება 3%-იანი წყალბადის ზეჟანგით ან ფიზიოლოგიური ხსნარით.

გვერდითი მოვლენები:

მკურნალობის დასაწყისში მოსალოდნელია მსუბუქი წვის შეგრძნება, რომელიც მკურნალობის პერიოდში თანდათან ქრება. რაიმე მოულოდნელი სიმპტომის განვითარების შემთხვევაში, რომელიც პრეპარატის მიღებისას ადრე არ იყო შენიშნული, მიმართეთ მკურნალ ექიმს.

უკუჩვენებები:

კურიოზინის ხსნარის გამოყენება უკუნაჩვენებია პრეპარატის მიმართ მომატებული მგრძნობელობისას.

შენახვის პირობები და ვადები:

შეინახეთ ბავშვებისაგან დაცულ ადგილას 15-30°C ტემპერატურაზე. პრეპარატის გახსნის შემდეგ მისი გამოყენება დასაშვებია 4 კვირის განმავლობაში 15-30°C ტემპერატურის პირობებში შენახვისას. პრეპარატი გამოიყენება შეფუთვაზე აღნიშნული ვადის განმავლობაში.

აფთიაქში გაცემის წესი:

ექიმის რეცეპტით.

საერთაშორისო დასახელება:

DIPYRIDAMOLE

მწარმოებელი: BERLIN-CHEMIE/MENARIN GROUP

მოქმედი ნივთიერება: დიპირიდამოლი

კლინიკურ-ფარმაკოლოგიური ჯგუფი:

ვაზოდილატაციური საშუალება

შემადგენლობა და გამოშვების ფორმა:

შემოგარსული ტაბლეტები: შეფუთვაში 120 ც.

1 ტაბ.

დიპირიდამოლი ………………   25 მგ

ფარმაკოლოგიური თვისებები

კურანტილი ახდენს დამთრგუნველ ზემოქმედებას თრომბოციტების აგრეგაციაზე, აუმჯობესებს მიკროცირკულაციას, როგორც პირიმიდინის წარმოებული კურანტილი. წარმოადგენს ინტერფერონის ინდუქტორს და მამოდულირებელ ზემოქმედებას ახდენს ინტერფერონის სისტემის ფუნქციურ აქტიურობაზე, ზრდის ინტერფერონის დაქვეითებულ პროდუქციას სისხლის ალფა (a) და გამა (y) ლეიკოციტებით in vitro. კურანტილი ზრდის არასპეციფიკურ ვირუსსაწინააღმდეგო რეზისტენტობას ვირუსული ინფექციების მიმართ

ფარმაკოკინეტიკა

წამლის განსაკუთრებული ფორმის წყალობით ( ტაბლეტის გარსში ჰიდროფობური ნივთიერებების მცირე შემადგენლობა) პრეპარატის პერორალურად მიღების შემდეგ დიპირიდამოლი სწრაფად შეიწოვება კუჭ-ნაწლავის ტრაქტიდან . დიპირიდამოლის უმეტესი ნაწილის აბსორბირება ხდება კუჭში, ნაწილობრივ კი წვრილ ნაწლავში. დიპირიდამოლის მაქსიმალური კონცენტრაცია პლაზმაში მიიღწევა 1 საათის განმავლობაში პერორალურად მისი მიღების შემდეგ. დიპირიდამოლი თითქმის მთლიანად უკავშირდება სისხლის ცილებს. დიპირიდამოლის დაგროვება ხდება გულში და ერითროციტებში. დიპირიდამოლის მეტაბოლიზმი წარმოებს ღვიძლში გლუკურონის მჟავასთან შეერთების გზით. დიპირიდამოლის ნახევრად ელიმინაციის პერიოდი 20-30 წუთს შეადგენს. იგი გამოიყოფა ნაღველთან ერთად მონოგლუკურონიდის სახით.

ჩვენებები:

• თავის ტვინში სისხლმიმოქცევის იშემიური ტიპის დარღვევების მკურნალობა და პროფილაქტიკა;
• დისცირკულარული ენცეფალოპათია;
• არტერიული და ვენური თრომბოზების და მათი გართულებების პროფილაქტიკა;
• გულის სარქველების პროტეზირების ოპერაციის შემდგომი თრომბოემბოლიების პროფილაქტიკა;
• პლაცენტური უკმარისობის პროფილაქტიკა გართულებული ორსულობის დროს;
• კომპლექსური თერაპიის შემადგენლობაში მიკროცირკულაციის ნებისმიერი დარღვევების დროს;
• ინტერფერონის ინდუქტორის და იმუნომოდულატორის სახით გრიპის, მწვავე რესპირატორული ვირუსული ინფექციების პროფილაქტიკისა და მკურნალობისათვის.

მიღების წესები და დოზირება:

იმ შემთხვევაში, თუ ექიმის მიერ არ არის მოცემული სხვაგვარი დანიშნულება, რეკომენდებულია დოზირების შემდეგი რეჟიმი: თრომბოციტების აგრეგაციის შემცირებისათვის რეკომენდებულია, რომ კურანტალი გამოყენებულ იქნეს 75-225 მგ/ დღე-ღამეში რამდენჯერმე.

მძიმე შემთხვევებში დოზა შესაძლებელია გაიზარდოს 600მგ-მდე/დღე-ღამეში. გრიპისა და სხვა მწვავე რესპირატორული ვირუსული ინფექციების პროფილაქტიკისათვის, განსაკუთრებით კი ეპიდემიის პერიოდში, პრეპარატი უნდა მივიღოთ შემდეგი სქემის მიხედვით: 50მგ/ დღე-ღამეში (ორი 25მგ-იანი ტაბლეტი 7 დღეში ერთხელ 4-5 კვირის განმავლობაში. იმ პაციენტებში, რომლებიც ხშირად ავადდებიან რესპირატორული ვირუსული ინფექციებით , რეკომენდირებულია კურანტილის მიღება შემდეგი სქემის მიხედვით: 100 მგ/დღე ღამეში (2-ჯერ 50 მგ 2 სთ-იანი ინტერვალით) ერთხელ კვირაში 8-10 კვირის განმავლობაში. კურანტილის მიღება რეკომენდირებულია უზმოზე, მცირე რაოდენობის სითხესთან ერთად.

გვერდითი მოვლენები:

თერაპიული დოზების გამოყენების შემთხვევაში ჩვეულებრივ გვერდითი ეფექტები ძირითადად არ გამოიხატება და ისინი გარდამავალ ხასიათს ატარებს. შესაძლებელია ღებინების, დიარეის და ასევე ისეთი სიმპტომების წარმოქმნა, როგორიცაა თავბრუსხვევა, გულისრევა, თავის ტკივილი და მიალგია. ჩვეულებრის ეს ეფექტები კურანტილის ხანგრძლივი გამოყენებისას ქრება. პოტენციური სისხლძარღვთაგამაფართოებელი მოქმედების შედეგად კურანტილის მაღალი დოზებით შესაძლებელია გამოიწვიოს არტერიული ჰიპოტენზია, „წამოხურება“ და ტაქიკარდია, განსაკუთრებით იმ პაციენტებში, რომლებიც იღებენ სხვა ვაზიდილატატორებს.

შესაძლებელია ჰიპერმგრძნობელობის რეაქციები, რაც გამოიხატება კანზე გამონაყარითა და ურტიკარიის სახით. განსაკუთრებით იშვიათ შემთხვევებში აღინიშნება მომატებული სისხლდენა ქირურგიული ჩარევის დროს ან მის შემდეგ. გვერდითი ეფექტების გამოვლენის შემთხვევებში აუცილებელია მიმართოთ ექიმს !

უკუჩვენება:

* მიოკარდიუმის მწვავე ინფარქტი;

* არასტაბილური სტენოკარდია;

* კორონარული არტერიების გავრცელებული მასტენოზირებელი ათეროსკლეროზი;

* აორტის სუბაორტული სტენოზი;

* გულის დეკომპენსირებული უკმარისობა;

* არტერიული ჰიპოტენზია, კოლაფსი;

* გულის რითმის მძიმე დარღვევები;

* ჰემორაგიული დიათეზები;

* დაავადებები სისხლდენებისადმი მიდრეკილებით ( კუჭისა და 12-გოჯა ნაწლავის წყლულოვანი დაავადება და ა.შ);

* პრეპარატის კომპონენტების მიმართ მომატებული მგრძნობელობა.

განსაკუთრებული მითითებები:

იმასთან დაკავშირებით, რომ არ არსებობს პრეპარატის გამოყენების საკმარისი გამოცდილება, 12 წლამდე ასაკის ბავშვებისათვის კურანტილის დანიშვნა რეკომენდირებული არ არის.

სხვა წამლებთან ურთიერთქმედება:

ქსანტინის წარმოებულებმა (ყავა, ჩაი) შესაძლოა შეასუსტოს კურანტილის სისხლძარღვთა გამაფართოვებელი მოქმედება. ანტიკოაგულატებთან და აცეტილსალიცილის მჟავასთან ერთად კურანტილის გამოყენება ზრდის ამ უკანასკნელთა ანტითრომბულ თვისებებს, რაც აუცილებლად უნდა იქნეს გათვალისწინებული ერთობლივი გამოყენების შემთხვევაში. დიპირიდამოლმა შესაძლოა გააძლიეროს ჰიპოტენზიური პრეპარატების ზემოქმედება. დიპირიდამოლმა შესაძლებელია შეასუსტოს ქოლინესთერაზას ინჰიბიტორების ქოლინერგული თვისებები.

შენახვის პირობები და ვადები:

შენახვის ვადა -3 წელი.

პრეპარატის ვადის გასვლის თარიღი მითითებულია  მუყაოს კოლოფზე და პირველად შეფუთვაზე.

მითითებული ვადის გასვლის შემდეგ პრეპარატის გამოყენება არ შეიძლება! შეინახეთ ბავშვებისათვის მიუწვდომელ ადგილზე!

აფთიაქში გაცემის წესი:

გაიცემა ექიმის რეცეპტით

საერთაშორისო დასახელება: DIMWTHICONE

მწარმოებელი: ORION CIRPORATION,ფინეთი

შემადგენლობა და გამოშვების ფორმა:

წვეთები: ფლაკონში 30 მლ. 1მლ = 35 წვეთი.

1 მლ.

დიმეთიკონი . . . . . . . 300 მგ.

დამხმარე ნივთიერებები:

მაღალდისპერსიული სილიციუმის დიოქსიდი, სორბინის მჟავა, ნატრიუმის საქარინი, გასუფთავებული წყალი, გლიცეროლის მონოსტეარატი, პოლიოქსიეთილენის 100 სტეარატი.

ფარმაკოლოგიური ჯგუფი:

ნაწლავებში აირწარმოქმნის შემამცირებელი და დამხმარე სადიაგნოსტიკო საშუალება.

ფარმაკოლოგიური თვისებები:

დიმეთიკონი წარმოადგენს ზედაპირულად აქტიურ პოლისილოქსანს. იგი ამცირებს ზედაპირულ დაჭიმულობას, რისი მეშვეობითაც აიროვანი ბუშტუკები ერთიანდებიან და წარმოქმნიან უფრო მსხვილ ნაერთებს, რაც ხელს უწყობს აირების გამოყოფას. შიგნით მიღებისას დიმეთიკონი ამცირებს სხვადასხვა მიზეზებით გამოწვეულ მეტეორიზმს (ჰაერის შთანთქმა, ფერმენტაცია); ამცირებს მუცლის ყურყურს, შებერილობას და ტკივილს, ხელს უწყობს აირების გამოყოფას.

ფარმაკოკინეტიკა:

დიმეთიკონი არ შეიწოვება კუჭ-ნაწლავის ტრაქტიდან და გამოიყოფა შეუცვლელი სახით.

ჩვენებები:

მეტეორიზმის სიმპტომური მკურნალობა (მათ შორის პოსტოპერაციულ პერიოდში), დისპეფსია, აეროფაგია.

გამოიყენება როგორც დამხმარე საშუალება მუცლის ღრუს ორგანოების სადიაგნოსტიკო პროცედურების ჩატარებამდე (ულტრაბგერითი და რენტგენოლოგიური გამოკვლევა, გასტროსკოპია, კოლონოსკოპია).

დოზირების რეჟიმი:

გამოყენებამდე უნდა შეინჯღრეს.

მოზრდილები და 10 წელზე უფროსი ბავშვები: მეტეორიზმის მკურნალობა- 5 წვეთი 4-ჯერ დღეში. კუჭ-ნაწლავის წარმატებული ენდოსკოპიიის ჩასატარებლად გამოიყენება 12 წვეთი 4-ჯერ დღეში, გამოკვლევამდე 2-3 დღის განმავლობაში.

10 წლამდე ბავშვები: მუცლის შებერილობის მკურნალობა

6 თვემდე ბავშვებში: თითოეულ კვებამდე მიიღება 4 წვეთი, შერეული მცირე რაოდენობით სითხესთან ერთად.

მეტეორიზმის სამკურნალოდ

მკურნალობის ხანგრძლივობა დამოკიდებულია ჩივილების არსებობაზე. აუცილებლობის შემთხვევაში დასაშვებია პრეპარატის გამოყენება ხანგრძლივი პერიოდის განმავლობაში.

უკუჩვენებები:

მომატებული მგრძნობელობა დიმეთიკონის ან პრეპარატში შემავალი რომელიმე დამხმარე ნივთიერების მიმართ.

გვერდითი მოვლენები:

დიმეთიკონის გამოყენებისას ძალიან იშვიათად გამოვლინდა ისეთი ალერგიული რეაქციები, როგორიც არის: გამონაყარი და ჭინჭრის ციება. ასევე ძალიან იშვიათად გამოვლინდა ისეთი სიმპტომები კუჭ-ნაწლავის მხრივ, როგორიც არის: მუცლის შებერვა და ტკივილი.

განსაკუთრებული მითითებები:

ორსულობა და ლაქტაცია: დიმეთიკონი არ შეიწოვება კუჭ-ნაწლავის ტრაქტიდან, არ გადის პლაცენტის ბარიერს და არ გადადის დედის რძეში. პრეპარატის გამოყენება დასაშვებია როგორც ორსულობის დროს, ასევე ლაქტაციის პერიოდში.

ავტომობილის და სხვა მექანიზმების მართვის უნარზე პრეპარატი არ მოქმედებს.

სხვა მედიკამენტებთან ურთიერთქმედება:

არ აღინიშნება.

ჭარბი დოზირება:

მონაცემები არ მოიპოვება.

შენახვის პირობები და ვადა:

ინახება სინათლისგან დაცულ ადგილას, 15-25 °C ტემპერატურაზე.

ვარგისიანობის ვადა- 3 წელი. ვარგისია ფლაკონის გახსნიდან 3 თვის განმავლობაში.

გაცემის წესი:

გაიცემა ურეცეპტოდ.