მწარმოებელი: BIOFARMA, Turkey.

კლინიკურ–ფარმაკოლოგიური ჯგუფი:

მინერალებისა და ვიტამინ D2 კომპლექსი

შემადგენლობა:

გრანულების 5 გ შეიცავს:

ერგოკალციფეროლი (ვიტამინი D2) ...................  3000 სე;

კალციუმის გლუკონატი  .....................................  375 მგ;

კალციუმის და მაგნიუმის ინოციტოჰექსოფოსფატი (ფიტინი).......  125 მგ.

ფარმაკოლოგიური მოქმედება:

კალციმაგი წარმოადგენს კომბინირებულ პრეპარატს, რომელიც გამოიყენება რაქიტისა და ოსტეომალაციის პროფილაქტიკისა და მკურნალობისათვის.

ვიტამინი D2 ხელს უწყობს კუჭ-ნაწლავის ტრაქტიდან Сa -ის და P-ის აბსორბციასა და ძვლოვანი სისტემის ნორმალურ კალციფიკაციას.

კალციუმის და მაგნიუმის ინოციტოჰექსოფოსფატი (ფიტინი) აძლიერებს ძვლოვანი ქსოვილის განვითარებასა და ზრდას.

პრეპარატის შემადგენლობაში შედის კალციუმის გლუკონატი, ორგანიზმისათვის კალციუმის დამატებითი მიწოდებისათვის.

ჩვენებები:

- რაქიტის და ოსტეომალაციის პროფილაქტიკა და მკურნალობა.

- მდგომარეობები - რომელთა დროსაც იზრდება მოთხოვნილება კალციუმზე და ვიტამინ D-ზე:

მზის სხივების უკმარისობა; ხელოვნურ კვებაზე მყოფი ბავშვები, რომელთა რაციონშიც აღინიშნება ვიტამინ D-ს დეფიციტი; მალაბსორბციის სინდრომი; ქრონიკული დიარეა; გასტრექტომია; სტეატორეა; ვეგეტერიანული დიეტა, დიეტა გახდომის მიზნით; ორსულობა და ლაქტაციის პერიოდი; ჰორმონების, ანტიკონვულსიური პრეპარატების, იმუნოდეპრესანტების, ალუმინის შემცველი ანტაციდების, დიურეტიკების მიღება.

- კალციუმის ცვლის მოშლა, რომელსაც თან ახლავს: ოსტეოპათიები; სპაზმოფილია; ჰიპერაგზნებადობის სინდრომი: ტრემორი, ჰიპერესთეზია, კუნთთა თრთოლვა; ძვალწარმოქმნის პროცესების დარღვევევები და კბილების ამოჭრის შეფერხება; ზრდის შეჩერება ინტენსიური განვითარების პერიოდში.

- სისხალძარღვთა კედლის გამაგრების მიზნით: ანთებითი და ექსუდაციური პროცესების დროს.

- სხვადასხვა გენეზის ოსტეოპოროზების პროფილაქტიკა.

გამოყენების წესი და დოზირება:

პრეპარატი მიიღება პერორალურად.

რაქიტის პროფილაქტიკა:

ანტენატალური პროფილაქტიკა – ორსულობის 32-ე კვირიდან – 400 სე – (1/2ჩაის კოვზი) ყოველდღიურად ბავშვის დაბადებამდე:

პოსტნატალური პროფილაქტიკა - ბავშვის 3 კვირის ასაკიდან (დღენაკლებში 10 -14 დღიდან) 1/2 ჩაის კოვზი დღეგამოშვებით 1 წლის ასაკამდე.

რაქიტისა და ოსტეომალაციის პროფილაქტიკა ანტიკონვულსიური პრეპარატების მიღების პერიოდში - ბავშვებში - დოზირებული ჭიქის 1/4 (1000 სე) დღეში.

მოზრდილებში - დოზირებული ჭიქის 1/4-1/2 (1000-2000 სე) პრეპარატის მიღების პერიოდში.

რაქიტისა და ოსტეომალაციის მკურნალობა:

საწყისი პერიოდი -1/2 ჩაის კოვზი (400 სე) ყოველდღე კლინიკური სიმპტომების გაქრობამდე.

რაქიტის მწვავე პერიოდში - 1/2-1 დოზირებული ჭიქა (2000-4000 სე) ყოველდღე საკურსო დოზაა 200000-400000 სე (3-6 თვე).

სამკურნალო კურსის დამთავრების შემდეგ - 1/2 ჩაის კოვზი (400 სე) ყოველდღე დგინდება ინდივიდუალურად.

ოსტეოპოროზის პროფილაქტიკა - 1/4-1/2 დოზირებული ჭიქა ყოველდღე (1000-2000 სე) დგინდება ინდივიდუალურად.

უკუჩვენებები:

ჰიპერკალცემია, D ჰიპერვიტამინოზი, ჰიპერფოსფატემია, ჰიპერპარათირეოიდიზმი.

გვერდითი მოვლენები:

ჩვეულებრივ კარგად გადაიტანება. ხანგრძლივი გამოყენებისას შეიძლება გამოვლინდეს ჰიპერკალცემია.

გამოშვების ფორმა:

კალციმაგი 75 გ გრანულები პოლიეთილენის შეფუთვაში მზომი ჭიქით.

მწარმოებელი: BAYER CONSUMER CARE

კლინიკურ-ფარმაკოლოგიური ჯგუფი:

ფოსფო -კალციუმის ცვლის მარეგულირებელი საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 30, 60 და 90 ც.

1 ტაბ.

კალციუმი ................          500 მგ

ვიტამინიD₃ ........................   200 სე

თუთია ..............................  7.5მგ

სპილენძი .......................     1 მგ

მანგანუმი ......................      1.8 მგ

ბორი  ...........................      250 მკგ

მაგნიუმი ......................       40 მგ

დამხმარე ნივთიერებები:

მიკროკრისტალური ცელულოზა, სტეარინის მჟავა, ნატრიუმის კროსკარმელოზა, აკაცია, ჰიდროქსიპროპილმეთილცელულოზა, სოიოს პოლისაქარიდი, ტიტანის დიოქსიდი, ნატრიუმის ლაურილსულფატი, მაგნიუმის სილიკატი, ტრიაცერინი, მინერალური ზეთი, FD&C ყვითელი N6 ლაქი, FD&C წითელი N40 ლაქი FD&C ცისფერი ლაქი.

ფარმაკოლოგიური თვისებები:

კომბინირებული პრეპარატი, რომელიც შეიცავს კალციუმის ციტრატსა და კარბონატს, ვიტამინ D₃ მიკრო- და მაკროელემენტებს. არეგულირებს ფოსფო-კალციუმის ცვლას, ავსებს მიკროელემენტებისა და ვიტამინ D₃ დეფიციტს. ახდენს საყრდენ-მამოძრავებელი აპარატის დაავადებათა პრევენციას, ხელს უწყობს ძვლებისა და სახსრების სისტემის გაძლიერებას.

ჩვენებები:

• სხვადასხვა გენეზის ოსტეოპოროზის პროფილაქტიკა და კომპლექსური მკურნალობა: ქალებში მენოპაუზის დროს (ბუნებრივი და ქირურგიული), ხანდაზმულ პაციენტებში. პირები, რომლებსაც აწუხებთ რევმატიული, ენდოკრინული სისტემის, ფილტვების ქრონიკული ობსტრუქციული და პროფესიული დაავადებები და სხვა.,
• პირებში, რომლებიც ხანგრძლივად სარგებლობენ კორტიკოსტეროიდებითა და იმუნოდეპრესანტებით.
• სარდენ-მამოძრავებელი აპარატის დაავადებათა თერაპია: ტრავმული მოტეხილობების კონსოლიდაციის გასაუმჯობესებლად, ოსტეოქონდროზისა და ოსტეოართროზის პროფილაქტიკა და მკურნალობა. მოზარდებში კალციუმისა და მიკროელემენტების დეფიციტის შესავსებად.

მიღების წესი და დოზირება:

მოზრდილებსა და 12 წლის ზევით ასაკის ბავშვებში - თითო ტაბლეტი 2-ჯერ დღეში ჭამის დროს.

გვერდითი მოვლენები:

ვლინდება ძალიან იშვიათად დოზის გადაჭარბების ან ინდივიდუალური ჰიპერმგრძნობელობის დროს პრეპარატის შემადგენელი ინგრედიენტების მიმართ. ამ შემთხვევებში შესაძლებელია აღინიშნოს ზომიერი გულისრევის შეგრძნება, მუცლის ტკივილი, ნაწლავების შებერილობა, ალერგიული რეაქცები, ჰიპერკალციუმია, ჰიპერკალციურია.

უკუჩვენებები:

* მომატებული ინდივიდუალური მგრძნობელობა პრეპარატში შემავალი კომპონენტების მიმართ (ალერგიული რეაქციები), თირკმლის კენჭოვანი დაავადება, ჰიპერკალციემია და ჰიპერკალციურია.

განსაკუთრებული მითითებები:

დოზა არ უნდა აჭარბებდეს ინსტრუქციაში მითითებულს, ვინაიდან კალციუმის ჭარბად მიღებამ შესაძლოა დათრგუნოს ნაწლავში რკინის, თუთიისა და სხვა აუცილებელი მინერალების შეწოვა.

ჭარბი დოზირება:

დოზის გადაჭარბების შემთხვევაში შესაძლებელია ყაბზობა,ღებინება და გულისრევა. ჭარბი დოზის გამოვლინებები მოიცავს ჰიპერკალციემიასა და ჰიპერკალციურიას, რომელიც იწვევს კალციუმის დაგროვებას რბილ ქსოვილებში და გამოუსწორებელ ცვლილებებს თირკმელებსა და გულსისხლძარღვთა სისტემაში. მეძუძურ ქალებში გათვალისწინებული უნდა იყოს, რომ ქოლეკალციფეროლი და მისი მეტაბოლიტები აღწევენ დედის რძეში.

შენახვის პირობები:

პრეპარატი ინახება 25-30⁰C ტემპერატურაზე, ბავშვებისთვის მიუწვდომელ ადგილას.

ვარგისიანობის ვადა: 3 წელი.

მწარმოებელი: BAYER CONSUMER CARE

კლინიკურ-ფარმაკოლოგიური ჯგუფი:

ფოსფო-კალციუმის ცვლის მარეგულირებელი საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 30, 60 და 120 ც.

1 ტაბ.

კალცნუმი .........................   250 მგ

ვიტამინი D_{3. .}....................    50 სე

თუთია ............................    2 მგ

სპილენძი .......................     0.5 მგ

მანგანუმი........................    0.5 მგ

ბორი ..............................    50 მკგ

დამხმარე ნივთიერებები:

მიკროკრისტალურიცელულოზა, სტეარინის მჟავა, ნატრიუმის კროსკარმელოზა, აკაცია, მალტოდექსტრინი, ჰიდროქსიპროპილმეთილცელულოზა, მაგნიუმის სტეარატი, სოიოს პოლისაქარიდი, ტიტანის დიოქსიდი, ნატრიუმის ლაურილსულფატი, მაგნიუმის სილიკატი, სილიციუმის დიოქსიდი, პოლიეთილენგლიკოლი, მინერალური ზეთი.

ფარმაკოლოგიური თვისებები:

კომბინირებული პრეპარატი, რომელიც შეიცავს კალციუმის ციტრატსა და კარბონატს, ვიტამინ D₃ მიკრო- და მაკროელემენტებს. არეგულირებს ფოსფო-კალციუმის ცვლას, ავსებს მიკროელემენტებისა და ვიტამინ D₃ დეფიციტს. ახდენს საყრდენ-მამოძრავებელი აპარატის დაავადებათა პრევენციას, ხელს უწყობს ძვლების და სახსრების სისტემის გაძლიერებას.

ჩვენებები:

• სხვადასხვა გენეზის ოსტეოპოროზის პროფილაქტიკა და კომპლექსური მკურნალობა: ხანდაზმულ ადამიანებში. პირებში, რომლებსაც აწუხებთ რევმატიული, ენდოკრინული სისტემის, ფილტვების ქრონიკული ობსტრუქციული და პროფესიული დაავადებები და სხვა.
• პირებში, რომლებიც ხანგრძლივად სარგებლობენ კორტიკოსტეროიდებითა და იმუნოდეპრესანტებით.
• მოზარდებში, ორსულ და მეძუძურ ქალებში კალციუმისა და მიკროელემენტების დეფიციტის შესავსებად.

მიღების წესი და დოზირება:

მოზრდილებსა და 12 წლის ზევით ასაკის ბავშვებში - თითო ტაბლეტი 2-ჯერ დღეში ჭამის დროს.

5-დან 12 წლამდე ბავშვებში - თითო ტაბლეტი დღეში ერთხელ ჭამის დროს.

გვერდითი მოვლენები:

ვლინდება ძალიან იშვიათად დოზის გადაჭარბების ან ინდივიდუალური ჰიპერმგრძნობელობის დროს პრეპარატის შემადგენელი ინგრედიენტების მიმართ.

ამ შემთხვევებში შესაძლებელია აღინიშნოს: ზომიერი გულისრევის შეგრძნება. მუცლის ტკივილი, ნაწლავების შებერილობა, ალერგიული რეაქციები, ჰიპერკალციემია, ჰიპერკალციურია.

უკუჩვენებები:

*მომატებული ინდივიდუალური მგრძნობელობა პრეპარატში შემავალი კომპონენტების მიმართ (ალერგიული რეაქციები), თირკმლის კენჭოვანი დაავადება, ჰიპერკალციემია და ჰიპერკაციურია.

განსაკუთრებული მითითებები:

დოზა არ უნდა აჭარბებდეს ინსტრუქციაში მითითებულს, ვინაიდან კალციუმის  ჭარბად მიღებამ შესაძლოა დათრგუნოს ნაწლავში რკინის, თუთიისა და სხვა აუცილებელი მინერალების შეწოვა.

ჭარბი დოზირება:

დოზის გადაჭარბების შემთხვევაში შესაძლებელია ყაბზობა, ღებინება და გულისრევა. ჭარბი დოზის გამოვლინებები მოიცავს ჰიპერკალციემიასა და ჰიპერკალციურიას, რომელიც იწვეს კალციუმის დაგროვებას რბილ ქსოვილებში და გამოუსწორებელ  ცვლილებებს თირკმლებსა და გულსისხლძარღვთა სისტემაში.

შენახვის პირობები:

პრეპარატი ინახება 15-30⁰C ტემპერატურზაე, ბავშვებისთვის მიუწვდომელ ადგილას.

ვარგისიანობის ვადა: 3 წელი.

საერთაშორისო დასახელება:

BICALUTAMIDE

მწარმოებელი: GEDEON RICHTER, უნგრეთი

მოქმედი ნივთიერება: ბიკალუტამიდი

კლინიკურ-ფარმაკოლოგიური ჯგუფი:

ანტიანდროგენული არასტეროიდული საშუალება. წინამდებარე ჯირკვლის კარცინომა.

შემადგენლობა და გამოშვების ფორმა:

შემოგარსული ტაბლეტები: ბლისტერზე 15 ტაბ., შეფუთვაში 2 ან 6 ბლისტერი.

1 ტაბ.

ბიკალუტამიდი ...................           50 მგ

დამხმარე ნივთიერებები:

ტაბლეტის ბირთვი: სილიციუმის კოლოიდური დიოქსიდი, მაგნიუმის სტეარატი, პოვიდონი, ნატრიუმის კარბოქსიმეთილსახამებელი, A ტიპის, ლაქტოზას მონოჰიდრატი.

აპკი: ოპადრაი II, 33G 28523 თეთრი (გლიცერილ ტრიაცეტატი, მაკროგოლ 3350, ლაქტოზას მონოჰიდრატი, ტიტანის დიოქსიდი, C.I^* 77891, E 171,ჰიპრომელოზა).

ფარმაკოლოგიური თვისებები:

კალუმიდი წარმოადგენს ანტიანდროგენულ არასტეროიდულ  პრეპარატს. იგი მოკლებულია სხვა ენდოკრინულ თვისებებს. ანდროგენების რეცეპტორებთან დაკავშირების შემდეგ, გენების ექსპრესიის გარეშე, იგი აბლოკირებს ანდროგენულ ეფექტს და ხელს უწყობს პროსტატის სიმსივნის რეგრესს.

ფარმაკოკინეტიკა:

პრეპარატი შიგნით მიღებისას კარგად შეიწოვება. საკვების მიღება ბიოშეღწევადობაზე გავლენას არ ახდენს. S(+) და R(-) ენანტიომერები შედარებით სწრაფად გამოიყოფა ორგანიზმიდან. R(-) ენანტიომერის ნახევარგამოყოფის დრო დაახლეობით 1 კვირაა. სადღეღამისო დოზის 50 მგ-ი მიღებისას ბიკალუტამიდის R(-) ენანტიომერი კუმულირდება პლაზმაში მისთვის დამახასიათებელი ხანგრძლივი T_1/2 გამო და აღწევს 10-ჯერად კონცენტრაციას. ამასთან მისი კონცენტრაცია გაჯერების სტადიაში შეადგენს 9 მკგ/მლ-ს. გაჯერების სტადიაში პლაზმაში აღმოჩენილი ენანტიომერების 99%-ს შეადგენს აქტიური R (-) ენანტიომერი.

ასაკი, თირკმლის უკმარისობისა და ღვიძლის დაზიანების არსებობა მსუბუქ და საშუალო ფორმებში არ მოქმედებს R (-)  ენანტიომერის ფარმაკოკინეტიკაზე, მაგრამ ღვიძლის დაავადების მძიმე ფორმებისას ეს ენანტიომერი ორგანიზმიდან უფრო ნელა გამოიყოფა.

თითქმის მთელი ბიკალუტამიდი (96%) უკავშირდება სისხლის ცილებს და განიცდის ჟანგვას და გლუკურონირებას. მისი მეტაბოლიტები თანაბარი შეფარდებით გამოიყოფა შარდით და ნაღვლით.

ჩვენებები:

• წინამდებარე ჯირკვლის კარცინომის მკურნალობა მეტასტაზირების სტადიაში (D₂) მალუთეინიზირებელი ჰორმონის რილიზინგ ფაქტორთან (მჰრფ) ან ქირურგიულ კასტრირებასთან კომბინაციაში.

მიღების წესი და დოზირება:

მოზრდილები (მათ შორის ხანდაზმულები):

ჩვეულებრივი დღიური დოზა 1 შემოგარსული ტაბლეტი (50 მგ) დღეში ერთხელ. მკურნალობას იწყებენ მალუთეინიზირებელი ჰორმონის რილიზინგ ფაქტორის ანალოგის მიღებასთან ან ქირურგიულ კასტრირებასთან ერთად.

თირკმლის უკმარისობის შემთხვევაში დოზის კორექტირების აუცილებლობა არ არსებობს.

ღვიძლის დაზიანებისას დოზის კორექტირების აუცილებლობა არ არსებობს.

ღვიძლის საშუალო და მძიმე დაზიანების შემთხვევაში შესაძლებელია პრეპარატის ორგანიზმში კუმულაცია.

გვერდითი მოვლენები:

- ჩვეულებრივ პაციენტები პრეპარატს კარგად იტანენ, იშვიათ შემთხვევაში გვერდითი რეაქციის გამო საჭირო იყო მკურნალობის შეწყვეტა. პრეპარატის ფარმაკოლოგიური მოქმედების გამო შესაძლებელია ადგილი ჰქონდეს სახის ჰიპერემიას, კანის ქავილს, სარძევე ჯირკვლების ჰიპერმგრძნობელობას, გინეკომასტიას, რაც მცირდება ქირურგიული კასტრაციის შემდეგ. პრეპარატის მიღებას შეიძლება თან ახლდეს დიარეა, გულისრევა, ღებინება, სისუსტე და კანის სიმშრალე.

- ღვიძლის ფუნქციის დარღვევას (ტრანსამინაზების მომატება, ქოლესტაზი, სიყვითლე) მხოლოდ იშვიათად ჰქონდა მძიმე ფორმა. ხშირად მკურნალობის შეწყვეტისას ან მკურნალობის დროს ის ნაკლებ გამოხატულ ფორმას იღებდა ან ნორმალიზდებოდა.

- პაციენტებში, რომლებიც იღებდნენ ბიკალუტამიდს, ღვიძლის უკმარისობა ვითარდებოდა ძალიან იშვიათად და მისი მკურნალობასთან კავშირი დადგენილი არ არის. ხანდახან თავს იჩენდა გულ-სისხლძარღვთა სისტემის მხრივ დარღვევები (სტენოკარდია, ეკგ-ზეPR და QT ინტერვალების გაზრდა, არითმია და არასპეციფიური ცვლილებები).

- კლინიკურ კვლევებში ბიკალუტამიდის კომბინირებული მიღებისას მჰრფ-ს ანალოგთან შემთხვევათა e~1% აღინიშნებოდა ქვემოთ ჩამოთვლილი გვერდითი მოვლენები, თუმცა მათი კავშირი მკურნალობასთან არ არის დადასტურებული, ვინაიდან სიმპტომების უმეტესობა შეიძლება აიხსნას პაციენტების ხანდაზმული ასაკით:

გ.ს.ს.: გულის უკმარისობა.

ს.მ.ს.: ანორექსია, პირის სიმშრალე, დისპეფსია, ყაბზობა, მეტეორიზმი.

ც.ნ.ს.: თავბრუსხევა, უძილობა, მომატებული ძილიანობა, ლიბიდოს დაქვეითება.

სასუნთქი სისტემა: დისპნოე.

გამომყოფი სისტემა: იმპოტენცია, ნიქტურია.

სისხლმბადი სისტემა: ანემია.

კანის საფარი: გამონაყარი, გაძლიერებული ოფლიანობა, ჰირსუტიზმი.

ენდოკრინული სისტემა: შაქრიანი დიაბეტი, ჰიპერგლიკემია, სხეულის მასის მატება ან კლება.

სხვა: ტკივილი მუცელში, მკერდში, მცირე მენჯში, თავის ტკივილი, შეშუპებები, შემცივნება.

უკუჩვენებები:

* ჰიპერმგრძნობელობა პრეპარატის რომელიმე კომპონენტის მიმართ.

* ბავშვთა ასაკი. მდედრობითი სქესი. ტერფენადინით, ასტემიზოლით და ცისაპრიდით მკურნალობა.

ორსულობა და ლაქტაცია:

* პრეპარატი არ ენიშნებათ მდედრობითი სქესის წარმომადგენლებს.

განსაკუთრებული მითითებები:

* ბიკალუტამიდის მეტაბოლიზმი უმეტესად ღვიძლში მიმდინარეობს. ღვიძლის მძიმე დაზიანებებისას პრეპარატის ელიმინაცია მნიშვნელოვნად ფერხდება, რაც ორგანიზმში მის კუმულაციას იწვევს. ღვიძლის საშუალო და მძიმე დაზიანების მქონე პაციენტისთვის პრეპარატის დანიშვნისას საჭიროა დამატებითი გამოკვლევების ჩატარება. მკურნალობას შესაძლოა თან ახლდეს ღვიძლის ფუნქციის დარღვევა, ამიტომ საჭიროა მისი რეგულარული კონტროლი.

* ზოგიერთ შემთხვევაში აღინიშნა ღვიძლის ფუნქციის მძიმე დარღვევები. ასეთ დროს საჭიროა ბიკალუტამიდით მკურნალობის შეწყვეტა.

მოქმედება ავტომობილის მართვაზე და მექანიზმების გამოყენებაზე, რომლებთან მუშაობაც ტრავმების გაზრდილ რისკთანა დაკავშირებული: ბიკალუტამიდის ავტომობილის მართვისა და მექანიზმების გამოყენებაზე ნეგატიური გავლენის მონაცემები არ არსებობს. პრეპარატმა შეიძლება ზოგჯერ თავბრუსხვევა და ძილიანობა გამოიწვიოს. ამ გვერდითი ეფექტების გამოვლენის დროს საჭიროა ტრავმატიზმის მაღალ რისკთან დაკავშირებული მოქმედების შეწყვეტა.

უსაფრთხოების წინაკლინიკური კვლევები:

ბიკალუტამიდი ცხოველებზე ავლენს ძლიერ ანტიანდროგენულ მოქმედებას. იგი წარმოადენს ოქსიდაზის შერეული მოქმედების ინდუქტორს, რითაც შეიძლება ახსნილი იქნას ცვლილებები, მათ შორის სიმსივნის ინდუქციაც, რომელიც საკვლევი ცხოველების ორგანოებში აღინიშნება.

ჭარბი დოზირება:

ადამიანის მიერ ჭარბი დოზის მიღების შესახებ მონაცემები არ მოიპოვება. სპეციფიური ანტიდოტი არ არსებობს, მკურნალობა სიმპტომურია, აუცილებლობის შემთხვევაში საჭიროა ორგანიზმის სასიცოცხლო ფუნქციების კონტროლი.

დიალიზის ჩატარება ნაკლებად ეფექტურია ბიკალუტამიდის პლაზმის ცილებთან შეკავშირებისას და ინტენსიური მეტაბოლიზმის გამო.

სხვა წამლებთან ურთიერთქმედება:

- ბიკალუტამიდსა და მალუთეინიზირებელი ჰორმონის რილიზინგ ფაქტორს შორის ფარმაკოდინამიური ან ფარმაკოკინეტიკური ურთიერთქმედებაზე მონაცემები არ მოიპოვება.

- ბიკალუტამიდი აბლოკირებს CYP450 სისტემის ენზიმებს. განსაკურთებული ყურადღება საჭიროა ბიკალუტამიდის ისეთი პრეპარატებთან ერთად დანიშვნისას, რომელთა მეტაბოლიზმშიც CYP3A4 მონაწილეობს. მცირე ხარისხით ბიკალუტამიდი აბლოკირებს CYP2C9 -ს, 2C19-ს და 2D6-ს.

- მიუხედავად იმისა, რომ CYP450 -ის აქტივობის დასადგენად ჩატარებულმა კლინიკურმა კვლევებმა, რომელთა დროსაც გამიყენებოდა ანტიპირინი, არ დაადასტურა ბიკალუტამიდსა და მიდაზოლამს შორის ურთიერთქმედება, მიდაზოლამის საშუალო ექსპოზიცია (AUC) მისი ბიკალუტამიდთან კომბინაციაში 28 დღიანი მიღების შემდნგ 80%-ზე გაიზარდა. დაბალი თერაპიული ინდექსის მქონე პრეპარატების მიღებისას AUC-ის ამგვარ მომატებას შეიძლება მოჰყვეს კლინიკური გამოვლენა,

ამიტომ ბიკალუტამიდის ციკლოსპორინთან და კალციუმის არხების ბლოკატორებთან ერთად მიღება მეტ სიფრთხილეს საჭიროებს. ამ შემთხვევებში შეიძლება საჭირო გახდეს უკანასკნელთა დოზების შემცირება, განსაკუთრებით გვერდითი მოვლენების გახშირების დროს. მკურნალობის დაწყებისას და დამთავრებისას ციკლოსპორინის ერთდროული დანიშვნისას რეკომენდებულია პლაზმაში პრეპარატის კონცენტრაციის გაზომვა და გვერდითი კლინიკური რეაქციების მონიტორინგი.

- ისეთ პრეპარატებთან კომბინირებისას, რომლებიც აბლოკირებენ მიკროსომალურ ჟანგვას (მაგ. ციმეტიდინი, კეტოკონაზოლი) საჭიროა სიფრთხილის გამოჩენა ბიკალუტამიდის კონცენტრაციის შესაძლო მომატების გამო.

- in vitro კვლევებისას, ბიკალუტამიდი კუმარინის ტიპის ანტიკოაგულანტებს გამოდევნის პლაზმის ცილებთან მათი შეკავშირების ადგილიდან, რის გამოც საჭიროა იმ პაციენტების პროთრომბინის დროის კონტროლი, რომლებიც რეგულარულად იღებენ კუმარინის ანტიკოაგულანტებს ბიკალუტამიდთან ერთად.

შენახვის პირობები:

პრეპარატი ინახება 15-30⁰C ტემპერატურაზე.

ვარგისიანობის ვადა: 5 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

PARACETAMOL

მწარმოებელი: GLAXOSMITHKLINE

მოქმედი ნივთიერება: პარაცეტამოლი

კლინიკურ-ფარმაკოლოგიური ჯგუფი:

ანალგეზიური არანარკოტიკული საშუალება

შემადგენლობა და გამოშვების ფორმა:

სუსპენზია ბავშვებისათვის: ფლაკონში 70 მლ

5 მლ

პარაცეტამოლი .........   120 მგ

ფარმაკოლოგიური მოქმედება:

არანარკოტიკული ანალგეტიკი, აბლოკირებს ციკლოოქსიგანაზა 1–ს და ციკლოოქსიგანაზა 2–ს უპირატესად ცნს–ში, მოქმედებს რა ტკივილის ცენტრებზე და თერმორეგულაციაზე. ანთებად ქსოვილში უჯრედული პეროქსიდაზები ანეიტრალებენ პარაცეტამოლის მოქმედებას ციკლოოქსიგენაზაზე, ამით აიხსნება ანთების საწინააღმდეგო ეფექტის პრაქტიკულად სრული არ არსებობა.

პერიფერიულ ქსოვილებში პროსტაგლანდინების სინთეზზე მაბლოკირებელი მოქმედების არ არსებობით  აიხსნება ის, რომ არ ახდენს გავლენას წყალ–მარილოვან ცვლაზე და დამაზიანებელ მოქმედებას კუჭ–ნაწლავის ტრაქტზე.

ჩვენებები:

პრეპარატს უნიშნავენ 3 თვიდან 6 წლამდე ასაკის ბავშვებს, როგორც:

სიცხის დამწევ საშუალებას მწვავე რესპირატორული დაავადებებისას, გრიპის, ბავშვთა ინფექციებისას, პოსტვაქცინალური რეაქციებისას და სხვა მდგომარეობებისას, რომელიც მიმდინარეობს ტემპერატურის მომატებით.

ანალგეზიური საშუალება სუსტი და ზომიერი ტკივილის სინდრომის დროს, მათ შორის თავის, კბილისა და კუნთების ტკივილისას, ნევრალგიისას, ტკივილი ტრავმისა და დამწვრობისას.

ჩამოთვლილი მდგომარეობებისას კალპოლის მიღების საკითხს 1–დან 3 თვემდე ასაკის ბავშვებში წყვეტს ექიმი.

მიღების წესები:

კალპოლის სუსპენზია მიიღება ჭამიდან 1–2  საათის შემდეგ, დიდი რაოდენობით წყლის მიყოლებით. მიღების ჯერადობა 3–4–ჯერ დღეში, არანაკლებ 4 სთ–იანი ინტერვალით.

სუსპენზია არ უნდა განზავდეს, მოხერხებულობისა და დოზირების სიზუსტისთვის რეკომენდებულია დოზირებული კოვზის (ნიშნულით 2.5 და 5 მლ) გამოყენება, რომელიც პრეპარატს ახლავს.

3 თვიდან 6 წლამდე ბავშვებისთვის რეკომენდებული დოზები:

სიცხის დამწევ საშუალებად გამოყენებისას თერაპიის ხანგრძლიობა შეადგენს 3 დღეს;

ანალგეზიურ საშუალებად – 5 დღეს.

გვერდითი მოქმედება:

შესაძლებელია: გულისრევა, ღებინება, ტკივილი მუცელში, ალერგიული რეაქციები კანზე გამონაყარის სახით, ქავილი, ჭინჭრის ციება, კვინკეს შეშუპება.

იშვიათად: ანემია, ლეიკოპენია, აგრანულოციტოზი, თრომბოციტოპენია.

მაღალ დოზებში ხანგრძლივი დროით გამოყენებისას შესაძლებელია ჰეპატოტოქსიური და ნეფროტოქსიური მოქმედება, ასევე პანციტოპენიისა და მეტჰემოგლობინემიის განვითარება.

რეკომენდებულ დოზაში მიღებისას პარაცეტამოლი იშვიათად ავლენს სერიოზულ გვერდით მოქმედებას.

უკუჩვენებები:

* ღვიძლის ფუნქციის მძიმე დარღვევა;

* თირკმლის ფუნქციის მძიმე დარღვევა;

* სისხლის დაავადებები;

* გლუკოზო–6–ფოსფატდეჰიდროგენაზის დეფიციტი;

* ბავშვთა 1 თვემდე ასაკი;

* პრეპარატის კომპონენტების მიმართ მომატებული მგრძნობელობა;

* სიფრთხილით ინიშნება პრეპარატი თირკმელებისა და ღვიძლის ფუნქციის მსუბუქი და ზომიერი დარღვევის დროს, ჟილბერის, დუბინ–ჯინსონის და როტორის სინდრომი,

შენახვის პირობები:

პრეპარატი ინახება სინათლისაგან დაცულ, ბავშვებისათვის მიუწვდომელ ადგილზე, 25⁰C  ტემპერატურაზე.

ვადა – 3 წელი.

ეს პროდუქტი არის საკვები დანამატი, რომლის შემადგენლობაში შედის ქრომი და ამინომჟავები, ნოპალი (Opuntia Streptacanthna) და ფაზეოლამინი. სასარგებლოა ცხიმებისა და ნახშირწყლების აბსორბციის შესამცირებლად დაბალკალორიულ კვებით რეჟიმთან და ფიზიკურ აქტივობასთან ერთად.

ინგრედიენტები:

ნოპალი (Opuntia Streptacanthna) ფხვნილი (350მგ), ფაზეოლამინის კონცენტრირებული ცილა ლობიოსაგან მიღებული *(Phaseolus vulgaris pod) (180მგ), კამა** (Foeniculum vulgare) თესლები მშრალი ექსტრაქტი 0,5%, ესენციური ზეთი (150მგ), ამინომჟავების ნარევი (50% ვალინი, 25% პროლინი, 25% თიროზინი),  50მგ ჰიდროქსიპროპილცელულოზა;

მცენარეული მაგნიუმის სტეარატი და კაჟბადის დიოქსიდი, ქრომის პიკოლინატი.

*გადამტანი მალტოდექსტრანი.

**მშრალი ექსტრაქტების გადატანა ხდება მალტოდექსტრინით.

მიღების წესი:

მიიღება დღეში 1–2 ტაბლეტი, ჭამის დროს, სითხის მიყოლებით.

გაფრთხილება:

შეინახეთ 3 წლამდე ასაკის ბავშვებისაგან მიუწვდომელ ადგილზე. დაუშვებელია რეკომენდებულზე მეტი დოზის მიღება. საკვებ დანამატებს არ შეუძლიათ მრავალფეროვანი და ბალანსირებული კვების რეჟიმისა და ჯანსაღი ცხოვრების წესის ჩანაცვლება.

მცენარეული კომპონენტების 1 ტაბლეტი 100გ მიღება

ნოპალი ...............................................................   350მგ 43,75გ

ფაზეოლამინი .....................................................    180მგ 22,5გ

კამა მშრალი ექსტრ. 0,5% .....................................    150მგ 18,75გ

ესენციური ზეთი .................................................    0,75მგ, 0,094გ.

ნუტრიენტების მიღება 1 ტაბლ. 100გ

ქრომი ............................. 50მკგ 6,25გ

ლ–ვალინი ....................... 25მგ 3,13გ

ლ–პროლინი ...................  12,5მგ  1,56გ

ლ–თიროზინი .................. 12,5მგ  1,56გ

საკვები დანამატი არ წარმოადგენს მედიკამენტს.

მწარმოებელი:

ESI S.p.a.

ვია დელე ინდუსტრი, ალბისოლა მარინა, იტალია.

საერთაშორისო დასახელება:

KETAMINE

მწარმოებელი: GEDEON RICHTER

მოქმედი ნივთიერება: კეტამინი

კლინიკურ-ფარმაკოლოგიური ჯგუფი:

ნარკოზული არაინგალიაციური საშუალება

შემადგენლობა და გამოშვების ფორმა:

საინექციო ხსნარი: ფლაკონში 10 მლ, შეფუვაში 5 ც.

1 მლ 1 ფლ.

კეტამინის ჰიდროქლორიდი .................50 მგ 500 მგ

ვრცლად კეტამინი

ჩვენებები

• იოდის დეფიციტის პროფილაქტიკა (ენდემური ჩიყვის პროფილაქტიკა და იოდდეფიციტით გამოწვეული ჩიყვის რეზექცია);
• ორსულობის დროს და ჩიყვის რეზექციის შემდეგ, რომელიც გამოწვეულია იოდის დეფიციტით (ექიმის მეთვალყუროების ქვეშ);
• ბავშვებში, მოზარდებში და მოზრდილებში დიფუზური ეუთირეოიდული ჩიყვის სამკურნალოდ, რომელიც გამოწვეულია იოდის დეფიციტით.

დოზირების რეჟიმი

ჩიყვის პროფილაქტიკა:

- ბავშვებში: 50-100 მკგ იოდი დღეში (1/4-1/2 ტაბლეტი);

- მოზარდებში და მოზრდილებში: 100-200 მკგ იოდი (1/2-1 ტაბლეტი).

- ორსულობა და ლაქტაციის პერიოდი: 150-200 მკგ იოდი დღეში (1 ტაბლეტი).

- ჩიყვზე ოპერაციის შემდეგ ჩიყვის პროფილაქტიკა: 100-200 მკგ იოდი (1/2-1 ტაბლეტი).

აღნიშნული რეკომენდაციები მოქმედებს მაშინაც, როდესაც პაციენტი დაამთავრებს ჩიყვის მკურნალობას ლევოთიროქსინით.

ჩიყვის მკურნალობა:

- ახალშობილებში, ბავშვებში, მოზარდებში: 100-200 მკგ იოდი (1/2-1 ტაბლეტი);

- მოზარდებში და მოზრდილებში: 300-500 მკგ იოდი (1/2-2.5 ტაბლეტი).

პრეპარატს იღებენ ჭამის შემდეგ გარკვეული რაოდენობის სითხესთან ერთად.

პრეპარატის პროფილაქტიკური გამოყენება წარმოებს რამდენიმე წლის განმავლობაში, არაიშვიათად, მთელი სიცოცხლის მანძილზე.

ჩიყვის სამკურნალოდ ახალშობილებში ხშირად საკმარისია 2-4 კვირა, ბავშვებში, მოზარდებში და მოზრდილებში მკურნალობა გრძელდება 6-12 თვე და მეტი. პრეპარატით მკურნალობის ხანგრძლივობას წყვეტს ექიმი.

გვერდითი მოვლენები

პრეპარატის პროფილაქტიკური მიზნით გამოყენებისას პირებში იოდის მიმართ მომატებული მგრძნობელობით გვერდითი მოვლენების განვითარება აღინიშნება იშვიათად.

ფარისებრ ჯირკვალში დიდი უბნების არსებობის შემთხვევაში, სადაც აღინიშნება ჰორმონების უკონტროლო შიდასეკრეცია, პრეპარატის დოზირებისას 150 მკგ, შესაძლებელია განვითარდეს ფარისებრი ჯირკვლის ჰიპერფუნქცია.

პრეპარატის გამოყენების შემთხვევაში მოზრდილებში ჩიყვის სამკურნალოდ (დოზირება 300 მკგ-დან 1000 მკგ-მდე) ცალკეულ შემთხვევაში შეიძლება განვითარდეს ფარისებრი ჯირკვლის ჰიპერფუნქცია.

ამას შეიძლება წინ უძღვოდეს ფარისებრი ჯირკვლის ჰორმონოაქტიური სიმსივნე ან სიმსივნე, ჰიპერთირეოზის ნიშნების გარეშე. ამის საშიშროება აღინიშნება მოხუცებულ პაციენტებში ხანგრძლივად არსებული ჩიყვით.

იშვიათად აღინიშნება ჰიპერერგული რეაქციები. ასევე იშვიათად, იოდისმიერი ცხელება, აკნე და სანერწყვე ჯირკვლის შეშუპება.

შესაძლებელია კალიუმის კონცენტრაციის მომატება სისხლში, კერძოდ, თირკმელების ფუნქციის შეზღუდვისას და კალიუმის შემნახველი დიურეზული საშუალებების ერთდროული გამოყენებისას.

უკუჩვენებები

* მომატებული მგრძნობელობა იოდის მიმართ;

* ფარისებრი ჯირკვლის ჰიპერფუნქცია;

* ფარისებრი ჯირკვლის დოზირებით გამოწვეული ფარული ჰიპერფუნქცია, როდესაც იოდის კონცენტრაცია აღემატება 150 მკგ-ს დღეში.

* ფარისებრი ჯირკვლის კეთილთვისებიანი ჰორმონაქტიური სიმსივნის დროს ან ფარისებრი ჯირკვლის არაკონტროლირებადი უბნების არსებობისას, რომლებსაც გააჩნია ჰორმონების შიდა-სეკრეცია, დოზირებით 300-1000 მკგ იოდი დღეში;

* დურინგის მოხუცებულობის ჰერპესული დერმატიტი - dermatitis herpetiformis Duhring (კანის დაავადება, რომელიც ვითარდება იოდის მოქმედების შედეგად).

განსაკუთრებული მითითებები

ორსულობის პერიოდში მოთხოვნილება იოდზე მკვეთრად იზრდება, ამიტომ ამ პერიოდში ორგანიზმის მიერ საკმარისი რაოდენობის იოდის მიღება წარმოადგენს მნიშვნელოვან ფაქტორს. პრეპარატის პროფილაქტიკური მიღება წარმოებს ექიმის მეთვალყურეობის ქვეშ.

სხვა წამლებთან ურთიერთქმედება

პრეპარატის მოქმედება შეიძლება გაძლიერდეს ან შემცირდეს სხვა საშუალებების ზემოქმედებით. თავის მხრივ, პრეპარატი ზემოქმედებას ახდენს სხვა სამკურნალო საშუალებებზე, ამიტომ აუცილებელია ექიმის ინფორმირება მიღებული პრეპარატების შესახებ. ეს ეხება კალიუმის შემნახველ დიურეზულ საშუალებებს, სხვა დიურეზულ საშუალებებს და პრეპარატებს, რომლებიც მოქმედებენ დამთრგუნველად ფარისებრი ჯირკვლის ფუნქციაზე.

სახელი, გვარი ^*

მიმართულება ^*
აირჩიე

კლინიკა ^*
აირჩიე

აღწერა:

მალამო ყვითლიდან ღია–ნარინჯისფერამდე დამახასიათებელი სუნით.

შემადგენლობა:

100გრ შეიცავს კალენდულის ყვავილების ექსტრაქტს 0,4 გრ, ასევე ღორის ქონს, სიმინდის ზეთს.

ჩვენება:

გამოიყენება გარეგანად კანის მცირე ჭრილობაზე, კოღოს ნაკბენზე, ზედაპირული დამწვრობისას და ა.შ.

უკუჩვენებები:

ინდივიდუალური მგრძნობელობის მომატება პრეპარატის კომპონენტების მიმართ.

გვერდითი მოქმედება:

შესაძლებელია ალერგიული რეაქციები.

დოზირება და მიღების წესი:

მალამო დაიტანება თხელი ფენის სახით დაზიანებული კანის ზედაპირზე 2–3–ჯერ დღეში.

შენახვის წესი:

არაუმეტეს 25⁰C ტემპერატურაზე, სინათლისაგან დაცულ ადგილზე, ფლაკონის გახსნის შემდეგ მალამო შეინახეთ მაცივარში.

შეინახეთ ბავშვებისათვის მიუწვდომელ ადგილზე.

აფთიაქიდან გაცემა:

გაიცემა ურეცეპტოდ.

შენახვის ვადა:

2 წელი.

არ გამოიყენოთ მითითებული ვადის გასვლის შემდეგ.

მწარმოებელი:

დოქ. ტაისი ნატუროვარენი, გერმანია.