საერთაშორისო დასახელება:

LIDOCAINE; CETYLPYRIDINUM CHLORIDE

მწარმოებელი: GLAXOSMITHKLINE

მოქმედი ნივთიერება: ლიდოკაინი+ცეტილპირიდინიუმის ქლორიდი

კლინიკურ-ფარმაკოლოგიური ჯგუფი:

ადგილობრივი მაანესტეზირებელი საშუალება

შემადგენლობა და გამოშვების ფორმა:

ღრძილების გელი: ტუბში 10 გ

1 გ

ლიდოკაინის ჰიდროქლორიდი .................  3.3 მგ

ცეტილპირიდინიუმის ქლორიდი .............   1 მგ

ფარმაკოლოგიური მოქმედება:

ადგილობრივი საანსთეზიო საშუალება, ხასიათდება ანტისეპტიური მოქმედებით. აბლოკირებს მგრძნობიარე ნერვული დაბოლოებების აგზნებას; აქტიურია გრამდადებითი და ნაკლებად გრამუარყოფითი ბაქტერიებს მიმრთ, გავლენას არ ახდენს ბაქტერიების სპორებზე.

ჩვენებები:

ტკივილის სინდრომი ბავშვებში კბილების ამოჭრის დროს.

მიღების წესი და დოზირება:

ადგილობრივად. ბავშვებში 3 თვიდან – თითის წვერით გელი შეიზილება ღრძილების ანთებით უბანზე; აუცილებლობისას შეიძლება განმეორებით გამოყენება არა ნაკლებ 20წთ–იანი ინტერვალით , არაუმეტეს 6–ჯერ დღეში.

უკუჩვენებები:

ჰიპერმგრძნობელობა.

გვერდითი მოქმედება:

ალერგიული რეაქციები, ხანგრძლივი გამოყენებისას ადგილობრივი გამაღიზიანებელი მოქმედება.

ურთიერთქმედება:

ცეტილპირიდინის ქლორიდი შეუთავსებელია საპონთან და სხვა ანინურ სურფაქტანტებთან.

მწარმოებელი: HEEL, გერმანია

კლინიკურ-ფარმაკოლოგიური ჯგუფი:

გულ-სისხლძარღვთა დაავადების სამკურნალო ჰომეოპათიური საშუალება.

შემადგენლობა და გამოშვების ფორმა:

წვეთები პერორალური მიღებისათვის: საწვეთურიან ფლაკონში 30 და 100 მლ.

100 მლ

Cactus D1 .................................    1 მლ

Spigelia D3 ................................    1 მლ

Kalium carbonicum D3 .................   1 მლ

Glonoinum D2 ..........................      0.6 მლ

Crataegi D1    ..........................      964 მლ

Spiritus 35 vol%

ფარმაკოლოგიური თვისებები:

პრეპარატი წარმოადგენს ჰომეოპათიური წესით მომზადებულ კომპლექსურ ანტიჰომოტოქსიკოლოგიურ სამკურნალო საშუალებას, რომლის შემადგენლობაში შედის მცენარეული, მინერალური და ცხოველური წარმოშობის ნივთიერებები. ჰომოტოქსინების (ადამიანის ტოქსინები) შესახებ დოქტორ რეკევეგის მოძღვრების მიხედვით მათი მოქმედება დაფუძნებულია ორგანიზმის იმუნური სისტემის გააქტივებაზე და მისი ფუნქციის ნორმალიზაციაზე.

ჩვენებები:

• კორონარული სისხლმიმოქცევის ქრონიკული უკმარისობა;
• გულის იშემიური დაავადებების დროს პოსტინფარქტულ პერიოდში;
• თამბაქოს მწევლებში სისხლმიმოქცევის კორონარული დარღვევები.

პრეპარატი სპეციფიკურად მოქმედებს გულის ქრონიკული იშემიური დაავადების დროს.

მიღების წესი და დოზირება:

წვეთები პერორალური მიღებისათვის:

დოზები შერჩეულ უნდა იქნას ინდივიდუალურად.

ხანგრძლივი თერაპიისას: ინიშნება 10 წვეთი დღეში 3-ჯერ.

მწვავე შემთხვევებში: (მჩხვლეტავი ხასიათის ტკივილები გულის არეში, “შებოჭვის” შეგრძნება, გულიდან ზემო კიდურებში ან მუცლის არეში ირადირებული ტკივილები) 5-8 წვეთი ყოველ 5 წუთში 1-2 საათის განმავლობაში. მდგომარეობის გაუმჯობესებისას დოზა უნდა შემცირდეს.

გამოყენების წესი: ჭამამდე ნახევარი საათით ადრე ენაზე (ან ენის ქვეშ) დაწვეთებით წყლის მიყოლების გარეშე. შეიძლება მცირეოდენ წყალში გახსნილის ყლუპებად დალევა.

გვერდითი მოვლენები:

არ გააჩნია.

უკუჩვენებები:

არ გააჩნია.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენავის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისთვის მიუწვდომელ ადგილას.

ვარგისიანობის ვადა: 5 წელი.

საერთაშორისო დასახელება:

diethylamine salicylate

კლინიკურ-ფარმაკოლოგიური ჯგუფი:

ადგილობრივი საანესთეზიო;  ანთების საწინააღმდეგო მოქმედება

მწარმოებელი: Amoun Pharmaceutical Co. S.A.E, ეგვიპტე

შემადგენლობა და გამოშვების ფორმა:

ხსნარი 50მლ ბურთულიანი აპლიკატორი #1

100 მლ შეიცავს:

დიეთილამინის სალიცილატი ................... 10გ;

ლიდოკაინის ჰიდროქლორიდი .................. 2გ.

დამატებითი ნივთიერებები:

კარბოქსიმეთილი, ცელულოზა ნატრიუმი, პროპილენგლიკოლი, ნატრიუმის მეთილპარაბენი, გამოხდილი წყალი.

ფარმაკოლოგიური თვისებები:

კაინოსტატს გააჩნია ადგილობრივი საანესთეზიო და ანთების საწინააღმდეგო მოქმედება, რაც განპირობებულია მის შემადგენლობაში შემავალი კომპონენტებით.

ლიდოკაინის ჰიდროქლორიდი წარმოადგენს ადგილობრივ საანესთეზიო საშუალებას, ასევე ხელს უწყობს დიეთილამინის სალიცილატის უკეთეს პენეტრაციას და პოტენცირებას უკეთებს მის მოქმედებას.

ჩვენებები:

კაინოსტატი განკუთვნილია ტკივილის მოხსნისათვის შემდეგი მდგომარეობების დროს:

• ლუმბაგო;

• დისკოზური თიაქარი;

• დაჟეჟილობა;

• ნევრალგიები;

• რევმატიული დარღვევები, მათ შორის ოსტეოართრიტები;

• მიალგიები, ტკივილები ძვლებსა და სახსრებში;

• იშიაზი;

• მტკივნეული კისერმრუდობა;

• დაჭიმვები;

• სინოვიტები, ბურსიტები და სხვა.

მიღების წესები და დოზები:

დაიტანება მტკივნეულ უბნებზე.

გვერდითი მოვლენები:

ძალიან იშვიათ შემთხვევებში – ალერგიული რეაქციები.

უკუჩვენება:

მომატებული მგრძნობელობა პრეპარატის კომპონენტების მიმართ.

განსაკუთრებული მითითებები:

კაინოსტატი განკუთვნილია გარეგანი გამოყენებისთვის. დაუშვებელია მისი მოხვედრა ღია ჭრილობაზე.

შენახვის პირობები:

შეინახეთ ყუთში გრილ და მაღალ ტემპერატურიდან მოშორებულ და ბავშვებისათვის მიუწვდომელ ადგილას.

შენახვის ვადა: 3 წელი.

აფთიაქში გაცემის წესი:

ურეცეპტოდ.

კავსურონი - Causuronum წარმოადგენს მცენარე კავკასიური ანუ ჩვეულებრივი სუროს (Hedera caucasigena seu H. helix) ფოთლების თხევად სპირტ-წყლიან ექსტრაქტს. მოყვითალო ყავისფერი სითხეა, სპეციფიკური სუნით და გემოთი. შეიცავს ტრიტერპენულ საპონინებს და ფლავონოიდებს.

ფარმაკოლოგიური თვისებები:
კავსურონს ახასიათებს ხველების საწინააღმდეგო მოქმედება სასუნთქი გზების დაზიანების დროს, გააჩნია გამოხატული ამოსახველებელი და ბრონქოსპაზმოლიზური თვისება.
ჩვენებები:

• კავსურონი გამოიყენება როგორც ხველების შემაჩერებელი და ამოსახველებელი საშვალება მწვავე და ქრონიკული ბრონქიტების, მწვავე რესპირატორული ვირუსული ინფექციების, ყივანახველას, ბრონქული ასთმის და ბრონქოსპაზმით მიმდინარე სხვა დაავადებების დროს.

პრეპარატი შეიძლება დაინიშნოს კომბინაციაში სხვა ბრონქოლიზურ საშვალებებთან ერთად.
გამოყენების წესი და დოზები
გამოიყენება ექიმის დანიშნულებით, შიგნით, წვეთების სახით მცირე რაოდენობა წყალთან ერთად.

ბავშვებში 3–დან 5 წლამდე 8-10 წვეთი 3-5-ჯერ დღეში;

5 წლის ზევით 20 წვეთი 3 - 5-ჯერ დღეში;

მოზრდილებში 40 წვეთი 4-5-ჯერ დღეში.

მკურნალობის კურსი 12 დღემდე. მიღების წინ უნდა შეინჯღრეს.
უკუჩვენებები:
* არ არის დადგენილი 

გვერდითი მოვლენები:
არ არის შემჩნეული

გამოშვების ფორმა
50 მლ მუქი ფერის ფლაკონებში

ვარგისობის ვადა:
3 წელი. დასაშვებია მცირე ნალექი

შენახვის პირობები:
მშრალ, გრილ ადგილას.

გაიცემა ურეცეპტოდ

საერთაშორისო დასახელება:

VINPOCETINE

მწარმოებელი: GEDEON RICHTER

მოქმედი ნივთიერება: ვინპოცეტინი

კლინიკურ-ფარმაკოლოგიური ჯგუფი:

ნოოტროპული საშუალება.

შემადგენლობა და გამოშვების ფორმა:

ტაბლეტები: შეფუთვაში 50 ც.

1 ტაბ.

ვინპოცეტინი ...................    5 მგ

საინექციო ხსნარი: ამპულაში 2 მლ, შეფუთვაში 10 ც.

1 მლ 1 ამპ.

ვინპოცეტინი ....................   5 მგ 10 მგ

ვრცლად კავინტონ ფორტე(დოზირება, მიღების წესი განსხვავებული)

საერთაშორისო დასახელება:

VINPOCETINE

მწარმოებელი: GEDEON RICHTER, უნგრეთი

მოქმედი ნივთიერება: ვინპოცეტინი

კლინიკურ-ფარმაკოლოგიური ჯგუფი:

ნოოტროპული საშუალება.

შემადგენლობა და გამოშვების ფორმა:

ტაბლეტები: შეფუთვაში 30 და 90 ც.

1 ტაბ.

ვინპოცეტინი ..................    10 მგ

დამხმარე ნივთიერებები:

მაგნიუმის სტეარატი, სილიციუმის მჟავას კოლოიდური ხსნარი, ტალკი, ლაქტოზას მონოჰიდრატი, სიმინდის სახამებელი.

ფარმაკოლოგიური თვისებები:

კავინტონს სამკურნალო მოქმედების კომპლექსური მექანიზმი ახასიათებს. იგი დადებითად მოქმედებს თავის ტვინის სისხლმიმოქცევასა და ცერებრულ მეტაბოლიზმზე, აგრეთვე სისხლის რეოლოგიურ თვისებებზე. ხასიათდება ნეიროპროტექტული ეფექტით:

იგი აქვეითებს ამგზნები ამინომჟავების დამაზიანებელ ციტოტოქსიკურ ზეგავლენას ცნს-ზე, აინჰიბირებს როგორც ნატრიუმისა და კალციუმის არხების უჯრედულ ტრანსმემბრანულ ფუნქციურ, ასევე NMDA და AMPA გლუტამატ რეცეპტორების აქტივობას.

პრეპარატი ხელს უწყობს ადენოზინის ნეიროპროტექტული ეფექტის პოტენცირებას;

იგი ასტიმულირებს ცერებრულ მეტაბოლიზმს: აძლიერებს თავის ტვინის მიერ ჟანგბადისა და გლუკოზის უტილიზაციას. ასევე აძლიერებს ცენტრალური ნეირონების მიერ ჰიპოქსიის მიმართ რეზისტენტობას. ხელს უწყობს გლუკოზის (უნივერსალური ენერგიის წყარო) ტრანსპორტს-ჰემატოენცეფალური ბარიერის გავლით. აქვეითებს ფოსფოდიესთერაზას აქტივობას, რაც ხელს უწყობს ქსოვილებში ცამფ-ის დაგროვებას და ატფ-ის კონცენტრაციის მომატებას. ამავე დროს, ზრდის თავის ტვინის სისხლით მომარაგებას და თავის ტვინის ქსოვილებში მიკროცირკულაციას.

კავინტონი აქვეითებს თრომბოციტების აგრეგაციას, ხელს უწყობს სისხლის რეოლოგიური თვისებების ნორმალიზაციას, ზრდის ერითროციტების დეფორმირებულების ხარისხს და აფერხებს მათ მიერ ადენოზინის შთანთქმის უნარს.

იგი ასტიმულირებს ნორადრენალინის და სეროტონინის ცერებრულ მეტაბოლიზმს და ახასიათებს ანტიოქსიდანტური მოქმედება.

კავინტონი შერჩევითად აძლიერებს თავის ტვინში სისხლმიმოქცევას;

იგი აქვეითებს თავის ტვინის სისხლძარღვების წინააღმდეგობის უნარს სისხლმიმოქცევის პარამეტრებზე შედარებით გამოხატული მოქმედების გარეშე, პრაქტიკულად გავლენას არ ახდენს არტერიულ წნევაზე, წუთმოცულობაზე, პულსის სიხშირესა და და პერიფერიულ წინააღმდეგობაზე;

მას არ ახასიათებს “მითვისების” ფენომენი - პირიქით მისი მოქმედებით ძლიერდება იშემიური, ჯერ კიდევ დაბალი პერფუზიის მქონე სიცოცხლის უნარიანი ნაწილის სისხლით მომარაგება - ე.წ. “შექცევითი მითვისების” ფენომენი.

ჩვენებები:

• ნევროლოგია: თავის ტვინში ნევროლოგიური და ფსიქიური მოშლილობით მიმდინარე სისხლმიმოქცევის მწვავე და ქრონიკული უკმარისობა, ინსულტის შემდგომი მდგომარეობა, დისცირკულატორული ენცეფალოპათია, რომელსაც თან ახლავს მეხსიერების დაქვეითება, თავბრუსხვევა, თავის ტკივილი, ცერებრული სისხლძარღვების ათეროსკლეროზი, სისხლძარღვოვანი დემენცია, ვერტებრო-ბაზილარული უკმარისობა, პოსტტრავმული და ჰიპერტონული ენცეფალოპათია.
• ოფთალმოლოგია: თვალის სისხლძარღვოვანი გარსის და ბადურას ქრონიკული სისხლძარღვოვანი დაავადებები.
• ოტოლარინგოლოგია: პერცეპციული ტიპის სმენის დაქვეითება, მენიერის დაავადება, იდიოპათური შუილი ყურებში.

მიღების წესი და დოზირება:

პერორალურად იღებენ 5-10 მგ-ს 3ჯერ დღეში (15-30 მგ დღეში), ჭამის შემდეგ.

კავინტონს არ ახასიათებს ჰეპატო და ნეფროტოქსიკურობა, ამიტომ ღვიძლისა და თირკმლის პათოლოგიის დროს მისი დოზირების რეჟიმი კორექციას არ საჭიროებს.

გვერდითი მოვლენები:

გულ-სისხლძარღვთა სისტემის მხრივ (0.1%-ში): ST სეგმენტის დეპრესია და QT ინტერვალის გახანგრძლივება, ტაქიკარდია, ექსტრასისტოლიები, არტერიული წნევის უმნიშვნელო ცვლილებები ძირითადად - წნევის დაქვეითებით, კანის ჰიპერემია;

ცნს-ის მხრივ (0.9%-ში): ძილის დარღვევა (უძილობა ან ძილიანობა), თავბრუსხვევა, თავის ტკივილი, საერთო სისუსტე;

კუჭ-ნაწლავის ტრაქტის მხრივ (0.6%-ში): პირის სიმშრალე, ღებინება, გულძმარვა;

0.25% კანის ალერგიული რეაქციები.

უკუჩვენებები:

* პრეპარატის ან მასში შემავალი კომპონენტების მიმართ მომატებული მგრძნობელობა.

ორსულობა და ლაქტაცია:

* არ არსებობს საკმარისი მონაცემები ბავშვთა ასაკში კავინტონის გამოყენების შესახებ.

განსაკუთრებული მითითებები:

* QT ინტერვალის გახანგრძლივების შემთხვევაში, რეკომენდებულია ეკგ-ის კონტროლი.

* შაქრიანი დიაბეტით დაავადებულმა ავადმყოფებმა უნდა იცოდნენ, რომ კავინტონ ფორტე-10 მგ შეიცავს 83 მგ ლაქტოზას.

სხვა წამლებთან ურთიერთქმედება:

გამოვლენილი არ არის

შენახვის პირობები:

პრეპარატი ინახება 15-30^oC ტემპერატურაზე, სინათლისაგან დაცულ ადგილას.

ვარგისიანობის ვადა: 5 წელი.

საერთაშორისო დასახელება:

CABERGOLINE

მწარმოებელი: TRIMA ISRAEL PHARMACEUTICAL PRODUCTS MAABAROT, ისრაელი

მოქმედი ნივთიერება: კაბერგოლინი

კლინიკურ-ფარმაკოლოგიური ჯგუფი:

ჰორმონული საშუალება (პროლაქტინის სეკრეციის ინჰიბიტორი).

შემადგენლობა და გამოშვების ფორმა:

ტაბლეტები: შეფუთვაში 2 და 8 ც.

1 ტაბ.

კაბერგოლინი ...................   0.5 მგ

დამხმარე ნივთიერებები:

მიკროკრისტალური ცელულოზა, კროსკარმელოზას ნატრიუმი, ლიმონის მჟავა (უწყლო), მაგნიუმის სტეარატი.

ფარმაკოლოგიური თვისებები:

პრეპარატი წარმოადგენს ერგოლინის წარმოებულს. მისი მოქმედების მექანიზმი დაკავშირებულია ჰიპოფიზის ლაქტოტროპულ უჯრედებში დოფაინის D₂-რეცეპტორების პირდაპირ სტიმულაციასთან. შედარებით დიდ დოზებში, ვიდრე პროლაქტინის სეკრეციის დასათრგუნად არის საჭირო, იწვევს ცენტრალურ დოფანერგულ ეფექტს, რაც განპირობებულია დოფამინური D₂-რეცეპტორების სტიმულაციით. პლაზმაში პროლაქტინის კონცენტრაციის დაქვეითებას ადგილი აქვს 3 სთ-ის შემდეგ კაბერგოლინის მიღებიდან, რომელიც გრძელდება 7-28 დღე ჯანმრთელ მოხალისეებში და 14-21 დღემდე პაციენტებში მშობიარობის შემდგომი  ლაქტაციის დასათრგუნად.

ფარმაკოკინეტიკა:

კაბერგოლინი პერორალურად მიღებისას სწრაფად აბსორბირდება კუჭ-ნაწლავის ტრაქტიდან, საკვების მიღება ხელს არ უშლის აქტიური ნივთიერების შეწოვასა და განაწილებას. პლაზმაში აქტიური ნივთიერების მაქსიმალური კონცენტრაცია აღინიშნება 0.5-4 სთ-ის შემდეგ. 41-42%-ით უკავშირდება სისხლის პლაზმის ცილებს. ნახევარგამოყოფის პერიოდი ჯანმრთელ მოხალისეებში შეადგენს 63-68 სთ-ს, ხოლო ჰიპერპროლაქტინემიით შეპყრობილ პაციენტებში 79-115 სთ-ს. პრეპარატი გამოიყოფა ძირითადად თირკმელების საშუალებით.

ჩვენებები:

• ფიზიოლოგიური მშობიარობის შემდგომი ლაქტაციის შეწყვეტა ან ლაქტაციის ხელოვნურად დათრგუნვა: დედის სურვილის მიხედვით. ან იმ შემთხვევაში, როდესაც ძუძუთი კვება წინააღმდეგნაჩვენებია, როგორც დედისთვის ასევე ნაყოფისთვის. მკვდრადშობილი ნაყოფი ან აბორტი;
• ჰიპეპროლაქტინემიით გამოწვეული დისფუნქციის მკურნალობა (ქალებში - ამენორეა, ოლიგომენორეა, ანოვულაცია, გალაქტორეა, უნაყოფობა, მამაკაცებში - იმპოტენცია, ლიბიდოს დაქვეითება);
• ჰიპოფიზის პროლაქტინ-სეკრეტორული ადენომების მკურნალობა (მიკრო და მაკროპროლაქტინემიით).
• იდიოპათიური  ჰიპეპროლაქტინემია ან “ცარიელი” თურქული კეხის სინდრომი, რომელიც წარმოადგენს ძირითად პათოლოგიურ მდგომარეობას ასოცირებულს ჰიპეპროლაქტინემიასთან.

დოზირების რეჟიმი:

მშობიარობის შემდგომი ლაქტაციის დასათრგუნად ინიშნება 1 მგ (2 ტაბლეტი 0.5 მგ) ერთხელ მშობიარობიდან პირველივე დღეს.

დაწყებული ლაქტაციის დასათრგუნად - 0.25 მგ (1/2 ტაბლეტი) 2-ჯერ დღეში ყოველ 12 სთ-ში 2 დღის განმავლობაში (ჯამური დოზა 1 მგნ), აღნიშნული დოზირებისას გვერდითი ეფექტები (განსაკუთრებით არტერიული ჰიპოტენზია) ნაკლებად აღინიშნება.

ჰიპეპროლაქტინემიის სამკურნალოდ პრეპარატი ინიშნება კვირაში 1-2-ჯერ (მაგ. ორშაბათს ან ორშაბათს და ხუთშაბათს). საწყისი დოზა შეადგენს 1/2 ტაბლეტს (0.25 მგ) ან 1 ტაბლეტს (0.5 მგ) კვირაში. თერაპიული ეფექტის მიხედვით, აუცილებლობის შემთხვევაში, შესაძლებელია დოზის გაზრდა. კვირის დოზის მომატება წარმოებს თანდათანობით (0.5 მგ 1-თვიანი ინტერვალით). საშუალო თერაპიული დოზა შეადგენს 1 მგ-ს კვირაში და შეიძლება მისი მერყეობა 0.25 მგ-დან 2 მგ-მდე კვირაში. ჰიპეპროლაქტინემიით შეპყრობილ პაციენტებში იყენებენ 4.5 მგ-ს კვირაში. პრეპარატის მიღება ხდება ჭამის დროს.

გვერდითი მოვლენები:

ხშირად: არტერიული წნევის დაქვეითება, თავბრუსხვევა, თავის ტკივილი, უძილობა, ტკივილები  მუცლის არეში.

ხანგრძლივი მიღებისას: დისპეფსიური მოვლენები, საერთო სისუსტე, გასტრიტი, ღებინება, გაუვალობა, სარძევე ჯირკვლების ტკივილი, წამოხურება, დეპრესია, პარესთეზიები (აღნიშნული სიმპტომები გამოხატულია ზომიერად და ვლინდება პრეპარატის მიღებიდან პირველი 2 კვირის განმავლობაში და თავისით გაივლის).

უკუჩვენებები:

* კაბერგოლინის და ჭვავის რქის ალკალოიდების მიმართ მომატებული მგრძნობელობა და ალერგიული რეაქციები;

* ღვიძლის ფუნქციის მკვეთრად გამოხატული მოშლა;

* ორსულთა ტოქსიკოზი;

* ანამნეზში მშობიარობის შემდგომი ფსიქოზი. 16 წლამდე ასაკი.

ორსულობა და ლაქტაცია:

*რეკომენდებული არ არის პრეპარატის გამოყენება ორსულობის პერიოდში და ძუძუთი კვების დროს.

იმ შემთხვევაში, როდესაც პრეპარატის გამოყენებისას ლაქტაციის დათრგუნვის მიზნით სასურველი ეფექტი არ აღინიშნება, აუცილებელია ძუძუთი კვებისაგან თავის შეკავება და ექიმთან კონსულტაცია. მკურნალობის დაწყებისას, საჭიროა გამოირიცხოს ორსულობა და შემდგომში გამოყენებულ იქნას კონტრაცეპტიის მექანიკური მეთოდები. ვინაიდან პრეპარატის ორგანიზმიდან ნახევარდგამოყოფის პერიოდი ხანგრძლივია, მენსტრუალური ციკლის აღდგენის შემდეგ რეკომენდებულია პრეპარატის მიღების შეწყვეტა ჩასახვამდე 1 თვით ადრე, რათა თავიდან იქნას აცილებული მისი მოქმედება ნაყოფზე.

განსაკუთრებული მითითებები:

* გულ-სისხლძარღვთა სისტემის დაავადებით შეპყრობილ პირებში, თირკმელების ფუნქციის მკვეთრად გამოხატული დარღვევა, კუჭისა და 12-გოჯა ნაწლავის წყლულოვანი დაავადება, კუჭიდან და ნაწლავებიდან სისხლდენა, რეინოს დაავადება, ფსიქიური დაავადება მოითხოვს სიფრთხილეს პრეპარატის დანიშვნისას, ისევე როგოპც ჰიპოტენზიური პრეპარატებით  მკურნალობის ფონზე.

* ეფექტური დოზის შერჩევისას, რეკომენდებულია სისხლში პროლაქტინის რეგულარული (თვეში ერთხელ) კონტროლი. მისი ნორმალიზაცია აღინიშნება 2-4 კვირიანი მკურნალობის შემდეგ.

* პრეპარატის ხანგრძლივი მიღებისას საჭიროა რეგულარული გინეკოლოგიური გამოკვლევები. ცერვიკალური და ენდომეტრიუმის ჰისტოლოგიური გამოკვლევის ჩათვლით.

* პაციენტებს, პრეპარატის  მიღების პერიოდში, ეკრძალებათ ავტოტრანსპორტის მართვა და იმ სამუშაოების შესრულება, რომლებიც მოითხოვენ ყურადღების მაქსიმალურ კონცენტრაციას.

ჭარბი დოზირება:

გულისრევა, ღებინება, ცვლილებები კუჭ-ნაწლავის ტრაქტის მხრივ, არტერიული ჰიპოტენზია, მეხსიერების დარღვევა, ფსიქოზი, ჰალუცინაციები. ამ დროს საჭიროა კუჭის გაწმენდა, შემდგომი არტერიული წნევის კონტროლით, რეკომენდებულია დოფამინის ანტაგონისტების დანიშვნა.

სხვა წამლებთან ურთიერთქმედება:

კაბერგოლინის და მაკროლიდების ჯგუფის ანტიბიოტიკების (მაგ. ერითრომიცინი) ერთდროული დანიშვნისას, ძლიერდება გვერდითი ეფექტების განვითარების რისკი.

ფენოთიაზინის წარმოებულებთან, ბუტიროფენონებთან, თიოქსანტენებთან და მეტოკლოპრამიდთან კომბინაცია იწვევს კაბერგოლინის ეფექტის დაქვეითებას.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, ბნელ ადგილას.

ვარგისიანობის ვადა: 3 წელი.

მწარმოებელი: ბელორუსია

მოქმედი ნივთიერება:

Ammonium sulfoichthyolicum

სამკურნალო თვისებები:

ახდენს ანთების საწინააღმდეგო ადგილობრივ გამაუტკივარებელ, კერატოპლასტიურ (უზრუნველყოფს ეპითელიზაციას, ქსოვილის რეგენერაციას) და რამდენადმე ანტისეპტიურ მოქმედებას, დიდი კონცენტრაციით – კერატოლიტურ მოქმედებას.

შემადგენლობა და გამოშვების ფორმა:

გამოდის:

იხთიოლის მალამოს 10% და 20% სახით 25 გ;

1,0 და 2,0% იხთიოლის ხსნარის სახით;

იხთიოლის 0,2გ რექტალური სანთლების  სახით.

იხთიოლი მნიშვნელოვანი რაოდენობით შეიცავს ორგანულად დაკავშირებულ გოგირდს თიოფენის ჰომოლოგის სახით.

ჩვენებები:

იხთიოლი გამოიყენება ადგილობრივად:

• კანის სხვადასხვა დაავადებების სამკურნალოდ (ფურუნკულოზი, დამწვრობა, ეგზემა, ფსორიაზი, წითელი ქარისმიერი ანთება და სხვა). იხთიოლი ინიშნება 5–30% იხთიოლის მმალამოს  ან აბაზანების სახით (10–30% წყალ–სპირტიანი ხსნარი);
• მცირე მენჯის ორგანოების ანთებითი დაავადებების დროს (პარამეტრიტი, მეტრიტი, სალპინგიტი, ოოფორიტი, პროსტატი) გამოიყენება იხთიოლის სანთლები (0,1–0,2გ) და ტამპონები, 10% იხთიოლის ხსნარში დასველებული.

გამოყენების წესები:

იხთიოლი გამოიყენება 10–20% იხთიოლის მალამოს, 10–30% წყლიან–სპირტიანი ხსნარის აბაზანებისთვის, სანთელი და 10% იხთიოლის ხსნარი გლიცერინით ტამპონების დასასველებლად ან როგორც დამატება გათქვეფილ მიქსტურაზე.

სანთლები იხთიოლით – ანთების საწინააღმდეგო საშუალება ადგილობრივი გამოყენებისათვის, ინიშნება მცირე მენჯის ორგანოების ანთებითი დაავადებების დროს.

1–5% გათქვეფილი ნარევი იხთიოლით კარგად აწყნარებს ზედაპირილ ანთებით პროცესს და ამცირებს სუბიექტურ უსიამოვნო შეგრძნებას.

მალამო იხთიოლით გამოიყენება სტაციონარულ პირობებში , როგორც რედუციული საშუალება და ფსორიაზის რეგრესიულ სტადიაში. მალამო იწვევს კანის სისხლძარღვების რეფლექტორულ გაფართოებას. წარმოქმნილი აქტიური ჰიპერემია განაპირობებს ინფილტრატის გაწოვას და ამით ქრონიკული ანთბითი პროცესის ჩაცხრომას.

1–2% იხთიოლის წყლიანი ხსნარი გამოიყენება აბაზანების სახით სხვადასვა დერმატოზების, მწვავე ეგზემის, და სხვა დაზიანებების დროს. 1% იხთიოლის წყლიანი ხსნარი გამოიყენება ელექტროფორეზისთვის ქრონიკული ინფილტრატების სწრაფი გაწოვისთვის, ჰიპერტროფიული ნაწიბურებისთვის.

უფრო მაღალ კონცენტრაციებში (10% და მეტი) იხთიოლის პრეპარატები მოქმედებენ კერატოლიტურად, უზრუნველყოფს გარქოვანებული შრის დარბილებას და მოშორებას.

იხთიოლი სუფთა სახით გამოიყენება ფურუნკულოზის მკურნალობისთვის.

ორსულობა და ლაქტაცია:

არ არის მონაცემები.

განსაკუთრებული მითითებები:

იხთიოლის გამოყენებისას გასათვალისწინებელია, რომ მის ხსნარებთან შეუთავსებელია ალკალოიდები, მძიმე მეტალების მარილები და იოდის შემცველი მარილები.

შენახვის პირობები და ვადა:

ინახება გრილ ადგილზე.

ვადა: იხთიოლი – 10 წელი; იხთიოლის მალამო და სანთლები – 2 წელი.

საერთაშორისო დასახელება:

CIPROFLOXACIN

მწარმოებელი: UNIQUE PHARMACEUTICAL LABORATORIES

მოქმედი ნივთიერება: ციპროფლოქსაცინი

კლინიკურ-ფარმაკოლოგიური ჯგუფი:

ანტიმიკრობული საშუალება; ფტოროქინოლონი

შემადგენლობა და გამოშვების ფორმა:

საინექციო ხსნარი: ამპულაში 100 მლ, შეფუთვაში 1 ც.

1 მლ 1 ამპ.

ციპროფლოქსაცინი ...................     2 მგ 200 მგ

ვრცლად ციპრინოლი (დოზირება,მიღების წესი ინდივიდუალური)

საერთაშორისო დასახელება:

ECONAZOLE

მწარმოებელი: ITALFARMACO

მოქმედი ნივთიერება: ეკონაზოლი

კლინიკურ-ფარმაკოლოგიური ჯგუფი:

ანტიმიკოზური საშუალება

შემადგენლობა და გამოშვების ფორმა:

დერმატოლოგიური მოსაფრქვევი ფხვნილი 1%: ბოთლში 30 გ.

100 გ

ეკონაზოლის ნიტრატი ...........1 გ

კრემი გარეგანი გამოყენებისათვის 1%: ტუბში 30 გ

1 გ

ეკონაზოლი ...................  10 მგ

ჩვენებები:

კანის, ლორწოვანი გარსის და თავის თმიანი ნაწილის სოკოვანი დაავადება, ლიქენი, ერითრაზმა.

კლინიკური ფარმაკოლოგია:

სოკოს საწინააღმდეგო, ანტიბაქტერიული. ამუხრუჭებს ერგოსტეროლის ბიოსინთეზს და არღვევს მიკროორგანიზმების უჯრედის კედლის გამტარობას. აქტიურია დერმატოფიტების Trichophyton, Microsporum, Epidermophyton, Candida–ს ტიპის საფუარისმაგვარი სოკოების, ასევე,  Malassezia furfur (Pityrosporum orbiculare) და Corinebcterium minutissimum  ზოგიერთი გრამდადებითი ბაქტერიის მიმართ (სტრეპტოკოკები, სტაფილოკოკები). ადვილად იხსნება ლიპიდებში და კარგად აღწევს ქსოვილებში.

მიღების წესი და დოზირება:

ადგილობრივად.

კრემი დაიტანება კანის დაზიანებულ უბანზე და მსუბუქად შეიზილება: ტერფის, მტევნის და სხეულის მიკოზის დროს – 1–ჯერ დღეში, ფერადი ლიქენის დროს – 2–ჯერ დღეში (დილით და საღამოს). ტერფის მიკოზის რეციდივის პროფილაქტიკისთვის კლინიკური გამოვლინების არ არსებობის შემდეგ მკურნალობა გრძელდება კიდევ 2 კვირა.

უკუჩვენებები:

ჰიპერმგრძნობელობა.

გვერდითი მოვლენები:

გაღიზიანება, წვისა და ქავილის შეგრძნება, კანის გაწითლება, გამონაყარი, ჰიპერპიგმენტაცია და კანის ატროფიული ცვლილება (ხანგრძლივი ხმარებისას).

ურთიერთქმედება:

არ არის გამოვლენილი შეუთავსებლობა და ურთიერთქმედება სხვა სამკურნალო საშუალებებთან.

ჭარბი დოზირება:

დოზის გადაჭარბებაზე მონაცემები არ არის.

უსაფრთხოების ზომები:

პირველი სიმპტომების გაჩენისას, რაც ზემგრძნობელობაზე და გაღიზიანებაზე მიუთითებს, პრეპარატის გამოყენება უნდა შეწყდეს.

უნდა მოერიდოთ კრემის თვალში მოხვედრას. ვულვოვაგინალური მიკოზისას პარტნიორები მკურნალობენ. საჭიროა ექიმის ინფორმირება სხვა პრეპარატებით ერთდროული მკურნალობისას.

შენახვის პირობები:

არა უმეტეს 25⁰C, ტემპერატურაზე ბავშვებისათვის მიუწვდომელ ადგილზე.

ვადა – 2 წელი. ვადის ამოწურვის შემდეგ პრეპარატი არ გამოიყენება.