საერთაშორისო დასახელება:

CROMOGLICIC ACID

მწარმოებელი: SANOFI AVENTIS

მოქმედი ნივთიერება: ნატრიუმის კრომოგლიკატი

კლინიკურ-ფარმაკოლოგიური ჯგუფი:

ალერგიის საწინააღმდეგო საშუალება.

შემადგენლობა და გამოშვების ფორმა:

დოზირებული აეროზოლი: ბალონში 200 დოზა.

1 დოზა

ნატრიუმის კრომოგლიკატი .................   1 მგ

დოზირებული აეროზოლი: ბალონში 112 დოზა

1 დოზა

ნატრიუმის კრომოგლიკატი.................    5 მგ

ფარმაკოლოგიური თვისებები:

წარმოადგენს ანტიალერგიულ საშუალებას, რომელიც აბლოკირებს პოხიერ უჯრედებში კალციუმის იონების შესვლას, ხელს უშლის მათ დეგრანულაციას, ალერგიის მედიატორების და სხვა ბიოლოგიურად აქტიური ნივთიერებების გამოთავისუფლებას. ახდენს ბრონქული ასთმის შეტევების და სხვა დაუყოვნებელი ტიპის ალერგიული რეაქციების პრევენციას.

ჩვენებები:

• ინტალის ინჰალატორი გამოიყენება ბრონქული ასთმის სამკურნალოდ. ფიზიკური დატვირთვის ასთმის ჩათვლით. იგი განსაკუთრებით ეფექტურია ახალგაზრდა ასაკის პაციენტებში, რომელთაც ჯერ არა აქვთ განვითარებული შეუქცევადი ცვლილებები ფილტვებში.

მიღების წესი და დოზირება:

რამდენადაც საწყის ეტაპზე ინტალით მკურნალობას გააჩნია პრევენციული ხასიათი, მნიშვნელოვანია, რომ პაციენტს მიღებული ჰქონდეს ინსტრუქტაჟი პრეპარატის რეგულარული გამოყენების აუცილებლობის შესახებ, იმ პრეპარატების სიტუაციური მიღებისგან განსხვავებით, რომლებიც მხოლოდ სიმპტომების შესამსუბუქებლად გამოიყენება.

მოზრდილები და ბავშვები:

ინჰალატორის 2 ინჰალაცია 4-ჯერ დღეში ბრონქული ასთმის რუტინული პროფილაქტიკისათვის. დოზირება შესაძლებელია გაიზარდოს: 2 ინჰალაცია - 6-დან 8-მდე დღეში, ბრონქული ასთმის მძიმედ მიმდინარეობისას, ასევე გამოხატული ანტიგენური ზემოქმედების პერიოდში. პრეპარატის დამატებითი დოზები შესაძლებელია ასევე დაინიშნოს მოსალოდნელი ფიზიკური დატვირთვის წინ, ფიზიკური დატვირთვის ასთმის პროფილაქტიკისათვის.

ხანდაზმული პაციენტებისათვის:

რეკომენდებულია იგივე დოზირება, როგორც მოზრდილებისათვის.

დამატებითი ინფორმაცია:

თანმხლები თერაპია ბრონქოდილატატორებით:

ბრონქოდილატატორებით თანმხლები მკურნალობისას საჭიროა მათი მიღება ინტალის ინჰალაციის წინ.

თანმხლები თერაპია გლუკოკორტიკოსტეროიდებით:

იმ პაციენტებს, რომლებიც იტარებენ მკურნალობას გლუკოკორტიკოსტეროიდებით, ინტალის მიღებისას, შესაძლებელია შეუმცირდეთ გლუკოკორტიკოიდის დოზა ან მთლიანად მოეხსნათ ისინი. გლუკოკორტიკოსტეროიდების დოზის შემცირებისას აუცილებელია პაციენტზე დაკვირვება; გლუკოკორტიკოსტეროიდების დოზის შემცირების მისაღები სიჩქარეა - 10% კვირაში. თუ შესაძლებელი გახდა გლუკოკორტიკოსტეროიდების დოზის შემცირება, არ უნდა მოხდეს ინტალის მიღების შეწყვეტა, გლუკოკორტიკოსტეროიდების დოზირების ახალი რეჟიმის შემუშავებამდე.

ინჰალატორის მაქსიმალურად ეფექტურად გამოყენებისათვის აუცილებელია:

- ინსტრუქციის დაცვა;

- ინჰალატორის სისუფთავის დაცვა;

- მისი გარეცხვა კვირაში 2-ჯერ.

დროდადრო შეამოწმეთ ინჰალატორის გამოყენების სისწორე სარკის წინ. თუ თქვენ ხედავთ აეროზოლის ნისლს, რომელიც გამოდის პირიდან ან ბალონის გვერდებიდან, ყველაზე მეტად შესაძლებელია, რომ თქვენ დააჭირეთ ბალონს ამოსუნთქვამდე. შეეცადეთ, მიაღწიოთ იმას, რომ აეროზოლი შესუნთქვასთან ერთად მთლიანად მოხვდეს სასუნთქ გზებში.

სასარგებლო რჩევები მშობლებს:

ბავშვებს შესაძლებელია დასჭირდეთ დახმარება ინტალის ინჰალატორის სწორად გამოყენებისათვის. თქვენ შეგიძლიათ დაეხმაროთნ მათ, დააჭიროთ ბალონს მაშინ, როდესაც ბავშვი ასრულებს შესუნთქვას.

გვერდითი მოვლენები:

შესაძლებელია აღინიშნოს ქავილი ყელის მიდამოში, ხველა და გარდამავალი ბრონქოსპაზმი. ძალზე იშვიათ შემთხვევებში შესაძლებელია განვითარდეს გამოხატული ბრონქოსპაზმი, გარეგანი სუნთქვითი ფუნქციის მნიშვნელოვანი გაუარესებით. ასეთ შემთხვევებში, პრეპარატით მკურნალობა წყდება და აღარ განახლდება. ძალიან იშვიათია მხედველობის სიმახვილის დაქვეითება, გამონაყარი კანზე.

უკუჩვენებები:

სპეციფიკური უკუჩვენებები არ არის აღწერილი.

*მომატებული მგრძნობელობა პრეპარატის მიმართ;

*ბავშვთა ასაკი 5 წლამდე.

ორსულობა და ლაქტაცია:

სხვა სამკურნალო პრეპარატების მსგავსად, აუცილებელია სიფრთხილის გამოჩენა ინტალის დანიშვნისას ორსულობის პირველი ტრიმესტრის განმავლობაში და ლაქტაციის პერიოდში.

განსაკუთრებული მითითებები:

რამდენადაც ინტალით მკურნალობას გააჩნია პროფილაქტიკური ხასიათი, დიდი მნიშვნელობა ენიჭება მკურნალობის გაგრძელებას იმ პაციენტებში, რომელთაც უკვე გამოუვლინდათ მდგომარეობის გაუმჯობესება.

თუ მკურნალობის შეწყვეტა აუცილებელია, იგი წარმოებს თანდათანობით ერთი კვირის განმავლობაში. ამ შემთხვევაში შესაძლებლია განახლდეს ბრონქული ასთმის სიმპტომები.

სიფრთხილეა საჭირო ღვიძლის და თირკმელების დაავადებების პერიოდში. პრეპარატი იძლევა საშუალებას, რათა მკურნალობის პერიოდში შემცირდეს გლუკოკორტიკოსტეროიდების დოზები.

მკურნალობის პერიოდში არ არის მიზანშეწონილი ბრომჰექსინის და ამბროქსოლის მიღება.

ჭარბი დოზირება:

არ საჭიროებს რაიმე ღონისძიებას, პაციენტზე ჩვეულებრივი სამედიცინო დაკვირვების გარდა.

შენახვის პირობები:

პრეპარატი ინახება არა უმეტეს 30⁰C ტემპერატურაზე. ბალონი იმყოფება წნევის ქვეშ. იგი დაცული უნდა იქნას მზის სხივების პირდაპირი ზემოქმედებისაგან. არ შეიძლება მისი გახვრეტა ან ცეცხლში ჩაგდება, თუნდაც ცარიელი იყოს.

ინჰალატორის მოვლის ინსტრუქცია:

წამლის ფხვნილის ნაწილაკების ნადების წარმოქმნის თავიდან აცილების მიზნით, ძალზე მნიშვნელოვანია დავიცვათ ინჰალატორის პლასტიკური კორპუსის სისუფთავე. იგი უნდა გაირეცხოს სულ ცოტა 2-ჯერ კვირაში, თუმცა შესაძლებელია ყოველდღიურად.

გამოიღეთ ლითონის ბალონი ინჰალატორის პლასტიკური კორპუსიდან და მოხსენით დამცავი ჩაჩი; გულდასმით გარეცხეთ ინჰალატორის კორპუსი და დამცავი ჩაჩი გამდინარე თბილი წყლის ჭავლის ქვეშ. გადმოფერთხეთ წყლის ნარჩენები და დატოვეთ გასაშრობად თბილ ადგილას; ერიდეთ მაღალი ტემპერატურის ზემოქმედებას; მოათავსეთ ლითონის ბალონი ინჰალატორის პლასტიკურ კორპუსში და დაახურეთ მუნდშტუკს დამცავი ჩაჩი.

ლითონის ბალონი არ მოათავსოთ წყალში და არ მოაცილოთ პლასტიკური თავი.

სახელი, გვარი ^*

მიმართულება ^*
აირჩიე

კლინიკა ^*
აირჩიე

საერთაშორისო დასახელება:

INSULIN ISOPHANE

მწარმოებელი: NOVO NORDISK

მოქმედი ნივთიერება: ინსულინი იზოფანი

კლინიკურ-ფარმაკოლოგიური ჯგუფი:

ჰიპოგლიკემიური საშუალება

შემადგენლობა და გამოშვების ფორმა:

საინექციო ხსნარი: ფლაკონში 10 მლ

1 მლ

ინსულინი იზოფანი ........  40 სე

ფარმაკოლოგიური მოქმედება:

ინსულინის პრეპარატი საშუალო ხანგრძლიობის მოქმედებით. ამცირებს გლუკოზის კონცენტრაციას სისხლში, ამაღლებს ქსოვილების მიერ მისი ათვისების უნარს, აძლიერებს ლიპოგენეზს და გლიკოგენეზს, ცილის სინთეზს, აქვეითებს ღვიძლის მიერ გლუკოზის პროდუქციას. ურთიერთქმედებს უჯრედის შიგა მემბრანის სპეციფიკურ რეცეპტორებთან და წარმოქმნის ინსულინორეცეპტორულ კომპლექსს. ცამფ–ის სინთეზის აქტივაციით (ცხიმოვან უჯრედებში და ღვიძლის უჯრედებში) ან უშუალოდ უჯრედში შეღწევით (კუნთებში).

ინსულინორეცეპტორული კომპლექსი ასტიმულირებს შიგაუჯრედულ პროცესებს, მათ შორის რიგი ძირითადი ფერმენტების (ჰექსოკინაზა, პირუვატკინაზა, გლიკოგენსინთეტაზა და სხვა);

სისხლში გლუკოზის შემცველობის შემცირება განპირობებულია მისი შიგაუჯრედული ტრანსპორტის მომატებით, ქსოვილების მიერ მისი შეწოვის და ათვისების გაძლიერებით, ლიპოგენეზის, გლიკოგენოგენეზის, ცილის სინთეზის სტიმულაციით, ღვიძლის მიერ გლუკოზის პროდუქციის სიჩქარის დაქვეითებით (გლიკოგენის დაშლის დაქვეითება) და სხვა.

კანქვეშა ინექციის შემდეგ მოქმედება დგება 1–1.5 საათის შემდეგ, მაქსიმალური ეფექტი – 4–12 სთ–მდე შუალედში, მოქმედების ხანგრძლივობა – 11–12 სთ, რაც დამოკიდებულია ინსულისნის შენმადგენლობაზე და დოზაზე და ინდივიდუალობაზე.

ჩვენებები:

• შაქრიანი დიაბეტი ტიპი 1. შაქრიანი დიაბეტი ტიპი 2.
• პერორალური ჰიპოგლიკემიური სამკურნალო საშუალებების მიმართ რეზისტენტობა, ნაწილობრივი რეზისტენტობა (ასეთ შემთხვევაში გამოიყენება კომბინირებულ თერაპიაში);
• ინტერკურენტული დაავადებები;
• ოპერაციული ჩარევა (მონო – ან კომბინირებული თერაპია);
• ორსულობის ფონზე შაქრიანი დიაბეტი (დიეტოთერაპიის უეფექტობისას).

მიღების წესი და დოზირება:

საუზმემდე დღეში 30–45 წუთით ადრე 1–2–ჯერ დღეღამეში (ინექციის ადგილს ყოველ ჯერზე ცვლინ). განსაკუთრებულ შემთხვევაში ექიმი ნიშნავს პრეპარატს კუნთში.

ვენაში საშუალო ხანგრძლიობის ინსულინის შეყვანა აკრძალულია!

დოზას არჩევენ ინდივიდუალურად და დამოკიდებულია სისხლში და შარდში გლუკოზის შემცველობაზე, განსაკუთრებით დაავადების მიმდინარეობისას.

ჩვეულებრივ დოზა შეადგენს 8–24 ME 1–ჯერ დღეში. ინსულინის მიმართ მაღალი მგრძნობელობისას ბავშვებში და მოზრდილებში საკმარისი შეიძლება აღმოჩნდეს 8 ME/დღეში დოზა, დაბალი მგრძნობელობის პაციენტებში – დოზა აჭარბებს 24 ME/დღეში. თუ დილის დოზა აჭრბებს 0.6 ME/კგ–ზე, კეთდება 2 ინექციის სახით სხვადასხვა ადგილზე.

ავადმყოფები, რომლებიც ღბულობენ დღეღამეში 100 ME და მეტს, ინსულინის შეცვლისას რეკომენდებულია ჰოსპიტალიზაცია. ერთი პრეპარატიდან მეორეზე გადაყვანისას საჭიროა გლუკოზის კონტროლი სისხლში.

უკუჩვენებები:

* ჰიპერმგრძნობელობა, ჰიპოგლიკემია.

გვერდითი მოქმედება:

– ალერგიული რეაქციები (ჭინჭრის ციება, ანგიონევროტული შეშუპება – ცხელება, ქოშინი, არტერიული წნევის დაქვეითება);

– ჰიპოგლიკემია (კანის საფარველის სიფერმკრთალე, ოფლის გამოყოფის გაძლიერება, გულის ცემის გაძლიერება, კანკალი, შიმშილის გრძნობა, აღგზნებულობა, განგაში, პირის ღრუს პარესთეზია, თავის ტკივილი, ძილიანობა, უძილობა, შიში, დეპრესიული განწყობა, გაღიზიანებულობა, უჩვეულო ქცევები, არათავდაჯერებულობა მოძრაობაში. დარღვევა მეტყველების და სმენის) , ჰიპოგლიკემიური კომა;

– ჰიპერგლიკემია და დიაბეტური აციდოზი (დაბალი დოზის დროს, ინექციის გამოტოვებისას, დიეტის დაუცველობისას, ცხელებისა და ინფექციის დროს): ძილიანობა, წყურვილი, მადის დაქვეითება, სახის ჰიპერემია; ცნობიერების დარღვევა (პრეკომატოზური და კომატოზური მდგომარეობის განვითარებამდე); მხედველობის გარდამავალი დარღვევა (განსაკუთრებით თერაპიის დასწყისში);

ჯვარედინი იმუნოლოგიური რეაქციები ადამიანის ინსულინთან; ანტიინსულარული ანტისხეულების ტიტრის მომატება გლიკემიის შემდგომი ზრდით; ჰიპერემია, ქავილი და ლიპოდისტროფია (ატროფია ან ჰიპერტროფია კანქვეშა ცხიმოვანი შრის) შეყვანის ადგილას. მკურნალობის დასწყისში – შეშუპება და რეფრაქციის დარღვევა (ატარებს დროებით ხასიათს და გაივლის მკურნალობის გაგრძელებისას).

ჭარბი დოზირება:

სიმპტომები: ჰიპოგლიკემია (სისუსტე, „ცივი“ ოფლი, კანის საფარველის სიფერმკრთალე, გაძლიერებული გულისცემა, კანკალი, ნევროზულობა, შიმშილის შეგრძნება, ხელის მტევნების, ფეხების, ტუჩების, ენის პარესთეზია, თავის ტკივილი), ჰიპოგლიკემიური კომა, კრუნჩხვა.

მკურნალობა: მსუბუქ ჰიპოგლიკემიას ავადმყოფი თვითონ უმკლავდება, დამოუკიდებლად, შაქრის ან ადვილად შეწოვადი საკვები პროდუქტის მიღებთ.

უფრო რთულ შემთხვევაში კანქვეშ, კუნთში, ან ვენაში შეჰყავთ გლუკაგონი ან ვენაში დექსტროზას ჰიპერტონული ხსნარი.

ჰიპოგლიკემიური კომის განვითარებისას ვენაში ნაკადად შეჰყავთ 20–40 მლ (100მლ–მდე) 40% დექსტროზას ხსნარი მანამ , სანამ ავადმყოფი არ გამოვა კომატოზური მდგომარეობიდან.

განსაკუთრებული მითითებები:

თუ ფლაკონის მინაზე გაჩნდა უცხო სხეული, აღინიშნა შემღვრევა ან ნალექი სუბსტანციაში, მაშინ პრეპარატის გამოყენება არ შეიძლება. შეყვანილი ინსულინის ტემპერატურა უნდა შეესაბამებოდეს ოთახის ტემპერატურას.

ინსულინის დოზის კორექტირება უნდა მოხდეს: ინფექციური დაავადებისას, ფარისებრი ჯირკვლის ფუნქციის დარღვევისას, ადისონის დაავდებისას, ჰიპოპიტუიტარიზმის დროს, თირკმელების ქრონიკული უკმარისობისა და შაქრიანი დიაბეტის დროს 65 წელზე მეტი ასაკის პირებში.

ჰიპოგლიკემიის მიზეზი შეიძლება იყოს: ინსულინის დოზის გადაჭარბება, პრეპარატის შეცვლა, კვების გამოტოვება, ღებინება, დიარეა, ფიზიკური დატვირთვა; დაავადებები, რომლებიც აქვეითებენ ინსულინზე მოთხოვნილებას (შორს წასული თირკმელების და ღვიძლის დაავადებები, ასევე თირკმელზედას, ფარისებრის, ჰიპოფიზის ჰიპოფუნქცია), ინექციის ადგილის შეცვლა (მაგალითად, მუცლის კანი, მხარი, თეძო), ასევე ურთიერთქმედება სხვა სამკურნალო საშუალებებთან.

სისხლში გლუკოზის კონცენტრაციის დაქვეითება შესაძლებელია ავადმყოფის გადაყვანისას ცხოველური ინსულინიდან ადამიანის ინსულინზე, რისი აუცილებლობაც ყოველთვის კლინიკურად უნდა იყოს დადასტურებული და მოხდეს მხოლოდ ექიმის კონტროლით.

ორსულობის პერიოდში გათვალისწინებული უნდა იქნას ინსულინზე მოთხოვნილების

დაქვეითება (I ტრიმესტრი) ან მომატება (II-III ტრიმესტრი).

მშობიარობის დროს და უშუალოდ მის შემდეგ ინსულინზე მოთხოვნილება შეიძლება   მკვეთრად შემცირდეს. ლაქტაციის პერიოდში აუცილებელია ყოველდღიური დაკვირვება რამდენიმე თვის განმავლობაში (ინსულინზე მოთხოვნილების სტაბილიზაციამდე).

სხვა წამლებთან ურთიერთქმედება:

ფარმაცევტულად შეუთავსებელია სხვა სამკურნალწამლო საშუალებებთან. ჰიპოგლიკემიური მოქმედება ძლიერდება სულფონამიდებით (მათ შორის პერორალური ჰიპოგლიკემიური საშუალებები, სულფანილამიდები), მონოამინოოქსიდაზას ინჰიბიტორები (მათ შორის ფურაზოლიდონი, პროკარბაზინი, სელეგილინი), კარბოანჰიდრაზის ინჰიბიტორები, არასტეროიდული ანთების საწინააღმდეგო საშუალებები (მათ შორის სალიცილატები), ანაბოლური სტეროიდები (მათ შორის, სტანოზოლოლი, ოკსანდრონოლი, მეტანდროსტენოლოლი), ანდროგენები, ბრომოკრიპტინი, ტეტრაციკლინები, კლოფიბრატი, კეტოკონაზოლი, მებენდაზოლი, თეოფილინი, ციკლოფოსფამიდი, ფენფლურამინი, Li+ პრეპარატები, პირიდოქსინი, ქინიდინი, ქინინი, ქლოროქინინი, ეთანოლი.

ჰიპოგლიკემიურ მოქმედებას ასუსტებს გლუკაგონი,სომატროპინი, გლუკოკორტიკოსტეროიდი, პერორალური კონტრაცეპტივები, ესტროგენი, თიაზიდური და მარყუჟოვანი დიურეტიკები, თირეოიდული ჰორმონები, ჰეპარინი, სულფინპირაზონი, სიმპატომიმეტიკები, დანაზოლი, ტრიციკლური ანტიდეპრესანტები, კლონიდინი, კალციუმის ანტაგონისტები, დიაზოქსიდი, მორფინი, მარიხუანა, ნიკოტინი, ფენიტოინი, ეპინეფრინი, H1–ჰისტამინური რეცეპტორების ბლოკატორები.

ბეტა ადრენობლოკატორებს, რეზერპინს, ოქტრეოტიდს, პენტამიდინს შეუძლიათ როგორც  შეამცირონ ისე გააძლიერონ ინსულინის ჰიპოგლიკემიური მოქმედება.

წამლის ფორმა:

კაფსულები.

აღწერილობა: მყარი ჟელატინის კაფსულები, შეიცავს ფხვნილს, რომელიც არის თეთრი და ღია ყავსფერი ნაწილაკების ნარევი.

შემადგენლობა:

კაფსულა შეიცავს

აქტიურ ნივთიერებებს:

ვიტამინი В₁₂ (ციანოკობალამინი) 1,2 მკგ

ვიტამინი Н (ბიოტინი) 15 მკგ

ვიტამინი РР (ნიაციანამიდი) 7 მგ

ბენფოტიამინი 0,5 მგ

თუთია (თუთია ციტრატ ტრიჰიდრატის ფორმით) 2 მგ

ქრომი (ქრომ პიკოლინატის ფორმით) 6 მკგ

სელენი (ნატრიუმ სელენიტის ფორმით) 5 მკგ

ყავისფერი ხის ქერქის მშრალი ექსტრაქტი (Cinnamomum zeylanicum) 50 მგ

მომორდიკის მშრალი ექსტრაქტი (Momordica charantia) 25 მგ

დამხმარე ნივთიერებები: მალტოდექსტრინი, მაგნიუმის სტეარატი.

კაფსულის გარსის შემადგენლობა: ცისფერი დაპანტენტებული V, რკინის ყვითელი ოქსიდი, ტიტანიუმის დიოქსიდი, ჟელატინი.

პრეპარატის კოდი АТХ А11ЕХ-ის მიხედვით

ფარმაკოთერაპიული ჯგუფი:

В ჯგუფის ვიტამინები სხვა პრეპარატებთან კომპლექსში.

ფარმაკოლოგიური თვისებები

ფარმაკოდინამიკა

ინსუვიტი წარმოადგენს В ჯგუფის ვიტამინებს მინერალებთან და მცენარეულ ექსტრაქტებთან. განკუთვნილია შაქრიანი დიაბეტის პროფილაქტიკისა და კომპლექსური მკურნალობის, მეტაბოლური სინდრომის, გაცხიმოვნების და ასევე სხეულის მასის დაკლების პროგრამების დროს გამოსაყენებლად. ხელს უწყობს ცილების, ცხიმების და ნახშირწყლების ცვლას, ქსოვილების ინსულინისადმი რეზისტულობის შემცირებას, სისხლში გლუკოზის დონის სტაბილიზაციას. ამცირებს სხეულის მასას გაცხიმოვნებისას. ამცირებს დიაბეტური ნეიროპათიის გამოვლინებას, აუმჯობესებს სისხლძარღვებისა და კაპილარების მდგომარეობას.

ვიტამინი В₁₂ მონაწილეობს ნუკლეტოიდების სინთეზში, არის ნორმალური ზრდის, სისხლწარმოქმნისა და ეპითელიალური ქსოვილების წარმოქმნის  მნიშვნელოვანი ფაქტორი. მონაწილეობს ნერვული ბოჭკოების გარსის შემდგენელი მიელინის შექმნაში. ზრდის ქსოვილების რეგენერაციის უნარს. ამცირებს დიაბეტური ნევროპათიის გამოვლინებას.

ვიტამინი Н თამაშობს მნიშვნელოვან როლს ნახშირწყლების, ცილებისა და ცხიმების ცვლაში. აძლიერებს რა გლუკოკინაზის სინთეზს, ააქტიურებს გლუკოზის მეტაბოლიზმს, აძლიერებს გლუკონეოგენეზს. ხელს უწყობს სისხლში გლუკოზის დონის სტაბილიზებას. მონაწილეობს ცხიმოვანი მჟავების დაშლაში და ცხიმის უტილიზაციაში.

ვიტამინი РР ხელს უშლის ინსულინის გამომამუშავებელი კუჭქვეშა ჯირკვლის უჯრედების დაშლას დახელს უშლის 1 ტიპის დიაბეტის განვითარებას. ამაგრებს სისხლძარღვების კედლებს, აუმჯობესებს ენერგეტიკულ ცვლას.

ბენფოტამინი ახდენს ნახშირწყლების ცვლის ნორმალიზებას, ხელს უწყობს ნერვული სისტემის ფუნქციის ნორმალიზებას, იცავს ნერვულ უჯრედებს ჰიპერგლიკემიის დამაზიანებელი ზემოქმედებისგან. მონაწილეობს ნივთირებათა ცვლაში, ნერვულ-რეფლექტორულ რეგულაციაში, მოქმედებს ქოლინერგიულ სინაპსებში ნერვული აღგზნების გატარებაზე. ასრულებს მნიშვნელოვან როლს ნერვულ და კუნთოვან ქსოვილებში ნახშირწყლებისა და ენერგეტიკულ ცვლაში.

ქრომი მონაწილეობს სისხლში გლუკოზის დონის რეგულაციაში, აძლიერებს ინსულინის მოქმედებას ყველა მეტაბოლურ პროცესში.

თუთია შედის მრავალი ფერმენტის შემადგენლობაში, მონაწილეობს ყველა ტიპის ცვლაში. აძლიერებს ინსულინის მოქმედებას. თუთია მონაწილეობს უჯრედების დაყოფასა და დიფერენცირებაში, ასტიმულირებს კანის რეგენერაცისა და თმის ზრდის პროცესებს, ასევე აქვს იმუნომოდულატორულ მოქმედებას. მონაწილეობს ფოტოქიმიურ რეაქციებში მხედველობის პროცესებში, შინაგანი სეკრეციის ჯირკვლების მუშაობაში.

სელენი ზრდის ინსულინის გამომუშავებას, აუმჯობესებს ქსოვილების მიერ გლუკოზის ათვისებას. ამცირებას უჯრედების ენერგეტიკულ შიმშილს.

ყავისფერი ხის ქერქის მშრალი ექსტაქტი ზრდის ქსოვილების მგრძნობელობას გლუკოზისადმი, ამცირებს პლაზმაში გლუკოზის დონეს ჰიპერგლიკემიის დროს. აქვს ანტიოქსიდანტური მოქმედების უნარი. ახდენს სხეულის მასის ნორმალიზებას გაცხიმოვნების დროს.

მომორდიკის ნაყოფის მშრალი ექსტაქტი თანდათან ამცირებს გლუკოზის დონეს სისხლში შემდგომი მისი რეგულაციით. ამცირებს სხეულის მასას გაცხიმოვნების დროს. ამცირებს ქოლესტერინის დონეს ჰიპერქოლესტერინემიის დროს. ახდენს არტერიული წნევის ნორმალიზებას ჰიპერტონიის დროს.

ფარმაკოკინეტიკა

პრეპარატი ინსუვიტის მოქმედება განისაზღვრება მისი კომპონენტების ერთობლივი მოქმედებით. კინეტიკური დაკვირვება შეუძლებელია, რადგან კომპონენტები კომბინაციაში ვერ დაიმზირება მარკერის მეშვეობით ან ბიოკვლევებით. ამავე მიზეზით შეუძლებელია პრეპარატის მეტაბოლიტების აღმოჩენა.

გამოყენების ჩვენება:

- ტიპი 1 და  ტიპი 2 დიაბეტისა და მათი გართულების პროფილაქტიკა და კომპლექსური მკურნალობა;

- მეტაბოლური სინდრომი (კომპლექსური თერაპიის დროს);

- გაცხიმოვნება (კომპლექსური თერაპიის დროს);

- სხეულის მასის შემცირების პროგრამებში.

მიღების წესი და დოზები:

პრეპარატი  ინსუვიტი განკუთვნილია შინაგანად მისაღებად.

12 წელზე უფროს ბავშვებს უნიშნავენ 1 კაფსულას დღეში;

ზრდასრულებს - 1-2 კაფსულა დღეში.

ექიმის რეკომენდაციით შეიძლება დოზის გაზრდა შაქრიანი დიაბეტისა და მეტაბოლური სინდრომის დროს.

უკუჩვენებები:

- პრეპარატის კომპონენტებისადმი გაზრდილი მგრძნობელობა;

- ორსულობა;

- ლაქტაციის პერიოდი.

გვერდითი მოქმედება:

შესაძლებელია ალერგიული რეაქციები.

განსაკუთრებული მითითებები:

ალერგიული რეაქციების შემთხვევაში შეწყვიტეთ ინსუვიტის მიღება. შესაძლებელია პრეპარატის მიღება ნაკლები დოზებით.

გავლენა ავტომობილისა და მექანიზმების მართვაზე

არ არის  გაფრთხილება პრეპარატის გამოყენებაზე მძღოლებისთვის და იმ პირებისთვის, ვინც პოტენციურად საშიშ მექანიზმებთან მუშაობენ.

გამოყენება ორსულობისა და ლაქტაციის დროს

პრეპარატ ინსუვიტის გამოყენება ორსულობისას უკუნაჩვენებია.

გამოყენება პედიატრიაში

დიაბეტით დაავადებულ ბავშვებში დოზირებას ახდენს ექიმი.

ურთიერთქმედება სხვა სამკურნალო საშუალებებთან

პენიცილამინი, იზონიაზიდი ამცირებს ბენფოთიამინის ეფექტურობას, ზრდის მის გამოყოფას.

ჭარბი დოზირება

ამ დრომდე პრეპარატის ჭარბ დოზირებაზე შეტყობინება არ ყოფილა.

გამოშვების ფორმა

მყარი ჟელატინის კაფსულები.

100 კაფსულა მოთავსებულია აპკითა და ხრახნიანი სახურავით მოხუფულ ფლაკონში.

ფლაკონი ჩანართ ფურცელთან ერთად მოთავსებულია მუყაოს კოლოფში.

შენახვის პირობები

შეინახეთ ტენისა და სინათლისგან დაცულ ადგილას. ტემპერატურა არ უნდა აღემატებოდეს 25°С.

შეინახეთ ბავშვებისგან დაცულ ადგილას!

ვარგისიანობის ვადა

წარმოების თარიღიდან 3 წელი.

ვარგისიანობის ვადის გასვლის შემდექ არ მიიღოთ.

აფთიაქებიდან გაცემის პირობები

გაიცემა რეცეპტის გარეშე.

საერთაშორისო დასახელება:

ETAMIVAN; ETOFYLLINE; HEXOBENDINE

მწარმოებელი: NYCOMED AUSTRIA GmbH, ავსტრია

მოქმედი ნივთიერება: ჰექსობენდინი+ეტამივანი+ეტოფილინი

კლინიკურ-ფარმაკოლოგიური ჯგუფი:

თავის ტვინის სისხლის მიმოქცევის გამაუმჯობესებელი საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 30 ც.

1 ტაბ.

ჰექსობენდინის დიჰიდროქლორიდი .......         20 მგ

ეტამივანი ................................................     50 მგ

ეტოფილინი .................................................60 მგ

შემოგარსული ტაბლეტები ფორტე: შეფუთვაში 50 ც.

1 ტაბ.

ჰექსობენდინის დიჰიდროქლორიდი .............   60 მგ

ეტამივანი....................................................100 მგ

ეტოფილინი ..............................................   60 მგ

საინექციო ხსნარი: ამპულაში 2 მლ, შეფუთვაში 5 ც.

1 მლ 1 ამპ.

ჰექსობენდინის დიჰიდროქლორიდი .............   5 მგ 10 მგ

ეტამივანი......................................................25 მგ 50 მგ

ეტოფილინი .................................................50 მგ 100 მგ

ფარმაკოლოგიური თვისებები:

ინსტენონი კომბინირებული პრეპარატია. პრეპარატის აქტიური კომპონენტები ნერვული სისტემის იშემიური და ჰიპოქსიური დაზიანების პათოგენეზის სხვადასხვა რგოლზე ერთდროულად, ერთი მიმართულებით მოქმედებს.

ეტამივანი გამოხატულ დადებით მოქმედებას ახდენს თავის ტვინის ღეროს რეტიკულური ფორმაციის ადაპტაციურ შესაძლებლობებზე. ისეთი მდგომარეობების დროს, როგორიცაა იშემიური ინსულტი, პოსტჰიპოქსიური ენცეფალოპათია, ტრავმა, ინტოქსიკაცია, ეტამივანი რეტიკულური ფორმაციის აქტივაციის ხარჯზე ახდენს თავის ტვინის ქერქისა და ქერქქვეშა-ღეროვანი სტრუქტურების ნეირონული კომპლექსის ფუნქციური მდგომარეობის ნორმალიზებას.

ჰექსობენდინი ზრდის გლუკოზისა და ჟანგბადის უტილიზაციას ანაერობული გლიკოლიზისა და პენტოზური ციკლების აქტივაციის ხარჯზე. ასეთ აქტივაციას ადგილი აქვს მხოლოდ იშემიისა და ჰიპოქსიის პირობებში, როცა ირღვევა ჟანგვითი ფოსფორილირების აერობული ციკლი. ანაერობული ჟანგვის სტიმულაცია იძლევა ენერგეტიკულ სუბსტრატს მედიატორების, ნეიროტრანსმიტერების სინთეზისა და ცვლისათვის, სინაფსური გადაცემის აღდგენისათვის, რომლის დეპრესიაც, ნეირონების მემბრანების დესტრუქციასთან ერთად წარმოადგენს ცნობიერებისა და ნევროლოგიური დარღვევების წამყვან პათოგენეზურ მექანიზმს თავის ტვინის იშემიისა და ჰიპოქსიის დროს. გარდა ამისა, ჰექსობენდინი იწვევს ცერებრული და კარდიალური სისხლის მიმოქცევის აუტორეგულაციის ფიზიოლოგიური მექანიზმების სტაბილიზებას, რაც დაკავშირებულია ინტრაკრანიალური არტერიოლებისა და კაპილარების რეცეპტორულ აპარატზე ლაქტატისა და პირუვატის (ანაერობული გლიკოლიზის პროდუქტები) ზემოქმედებით.

ეტოფილინი ააქტიურებს მიოკარდის მეტაბოლიზმს გულის წუთმოცულობის გაზრდის გზით, რაც ხელს უწყობს იშემიის მოსაზღვრე ზონების სისხლძარღვებში პერფუზიული წნევის მომატებას. ამავე დროს სისტემური არტერიული წნევა არ იცვლება. ნერვულ სისტემაზე ამგზნები მოქმედება ვლინდება ქერქქვეშა წარმონაქმნების, შუატვინისა და ღეროვანი ცენტრების და ბირთვების (სასუნთქი, სისხლძარღვთა მამოძრავებელი, ვგეტატიური რეგულაციის ცენტრების, ასევე ქალა-ტვინის ბირთვების, უპირველეს ყოვლისა - ცთომილი) სტიმულირებაში.

იშემიური ინსულტის, დახურული ქალა-ტვინის ტრავმის მქონე ავადმყოფებისთვის ინსტენონის დანიშვნისას აღინიშნება პაციენტის დარღვეული ცნობიერების აღდგენა, ნევროლოგიური დარღვევების რეგრესია, ვეგეტატიური სფეროს აქტივაცია.

ფარმაკოკინეტიკა:

კვლევები ინსტენონის ფარმაკოკინეტიკური მაჩვენებლების შესასწავლად ჩატარებული არ არის.

ჩვენებები:

• თავის ტვინის სისხლძარღვოვანი და ასაკობრივი ხასიათის დაავადებები;
• ტვინის სისხლით მომარაგების უკმარისობის ნარჩენი მოვლენები;
• ინსულტის შემდგომი მდგომარეობები;
• თავის ტვინის ფუნქციური დარღვევებით გამოწვეული თავბრუსხვევა.

მიღების წესი და დოზირება:

მწვავე ცერებრული იშემიისა და ჰიპოქსიის დროს: პრეპარატი ინიშნება ინტრავენურად წვეთოვანი ნელი ინფუზიის სახით დოზით 2 მლ (1 ამპ.) 5% 200 მლ გლუკოზის ან ფიზიოლოგიურ ხსნართან ერთად. მიღების ჯერადობა - 1-2-ჯერ დღეში. მკურნალობის ხანგრძლივობა შეადგენს 3-5 დღეს ან შეიძლება გაგრძელდეს კლინიკურ გაუმჯობესებამდე. ავადმყოფის მდგომარეობის მიხედვით მკურნალობა შეიძლება გაგრძელდეს ინსტენონის პერორალური ფორმებით.

სხვა შემთხვევებში:  პრეპარატი პარენტერალურად ინიშნება 1 ამპულა (2 მლ) კუნთებში ან წვეთოვანი ნელი ინფუზიის სახით დოზით 2 მლ (1 ამპ,) 5% 200 მლ გლუკოზის ხსნართან ერთად. მიღების ჯერადობა - 1-2-ჯერ დღეში.

მკურნალობის კურსი - 7-10 დღე.

ავადმყოფის მდგომარეობის მიხედვით მკურნალობა შეიძლება გაგრძელდეს ინსტენონის პერორალური ფორმებით.

ქრონიკული ცერებრული უკმარისობის დროს : პრეპარატი ინიშნება დოზით 1-2 ტაბლეტი 3-ჯერ დღეში ან ინსტენონი ფორტეს 1 ტაბლეტი 3-ჯერ დღეში (აუცილებლობის შემთხვევაში შეიძლება დოზის გაზრდა ინსტენონი ფორტეს 5 ტაბლეტამდე) 6 კვირის განმავლობაში. ტაბლეტის მიღება ხდება ჭამის დროს ან შემდეგ, დაუღეჭავად, მცირე რაოდენობის წყლის მიყოლებით.

გვერდითი მოვლენები:

შესაძლებელია: გარდამავალი ტაქიკარდია,  ასევე სახის ჰიპერემია, უმნიშვნელო თავის ტკივილი (სწრაფი ინტრავენური შეყვანისას).

უკუჩვენებები:

*ქალასშიდა წნევის მომატება;

*თავის ტვინში სისხლჩაქცევა;

*მომატებული აგზნებადობა და კრუნჩხვითი სინდრომი;

*მგრძნობელობის მომატება პრეპარატის შემადგენელი კომპონენტების მიმართ.

*საჭიროა სიფრთხილის დაცვა ათეროსკლეროზით გამოწვეული საძილე არტერიის სტენოზის დროს.

ორსულობა და ლაქტაცია:

უსაფრთხოების მიზნით ორსულობისა და ლაქტაციის პერიოდში ინსტენონის მიღება საჭიროა ექიმის ინდივიდუალური დანიშნულების მიხედვით.

განსაკუთრებული მითითებები:

ზოგიერთ შემთხვევაში სწრაფი ინტრავენური შეყვანისას შეიძლება დაქვიეთდეს არტერიული წნევა, ამიტომ 1 ამპულის შეყვანის ხანგრძლივობა 3 წუთზე ნაკლებს არ უნდა შეადგენდეს.

მკურნალობის პერიოდში სიფრთხილის გამოჩენაა საჭირო პოტენციურად საშიში საქმიანობის შესრულებისას, რომელიც მოითხოვს ყურადღების გაძლიერებულ კონცენტრაციას და სწრაფ ფსიქომოტორულ რეაქციას.

ჭარბი დოზირება:

სიმპტომები: შესაძლებელია გვერდითი მოვლენების გაძლიერება, შეიძლება აღინიშნოს თავის ტკივილი, ტაქიკარდია, სახის ჰიპერემია. ამ შემთხვევებში რეკომენდებულია პრეპარატის მიღების შეწყვეტა დოზის შემდგომი შემცირებით.

სხვა წამლებთან ურთიერთქმედება:

- ინსტენონისა და აცეტილსალიცილის მჟავის ერთდროული გამოყენებისას შესაძლებელია ამ უკანასკნელის ანტიაგრეგაციული მოქმედების გაძლიერება.

- ინსტენონისა და კოფეინის დიდი დოზით ერთდროული გამოყენებისას შესაძლებელია ინსტენონის სამკურნალო ეფექტის დაქვეითება (ინსტენონის გამოყენებისას არ არის რეკომენდებული დიდი რაოდენობით ყავისა და ჩაის მიღება).

შენახვის პირობები:

ტაბლეტები ინახება არა უმეტეს 25⁰C ტემპერატურაზე სინათლისაგან დაცულ ადგილას.

ვარგისიანობის ვადა: 5 წელი.

საინექციო ხსნარი ინახება სინათლისაგან დაცულ ადგილას 2-8C ტემპერატურაზე.

ვარგისიანობის ვადა: 3 წელი.

სავაჭრო სახელწოდება: ინსომნის ბეიბი / INSOMNIS Baby

საერთაშორისო დასახელება: (აქტიური ნივთიერე ბა ) comb. drug;

მწარმოებელი ქვეყანა: თურქეთი
შემადგენლობა:

პრეპარატის 17 წვეთის შეიცავს

პასიფლორა (Passiflora incarnata) .......................................................... 30 მგ.,

ბარამბო (Melissa oficinalis) ..................................................................... 12,5 მგ.,

კატაბალახას ფესურის ექსტრაქტი (Valerianae rhizomata) ................. 8,5 მგ.,

მაგნიუმის ლაქტატი.................................................................................. 5,94 მგ.

ვიტამინი B6 ............................................................................................... 0,07 მგ.

კლინიკურ-ფარმაკოლოგიური ჯგუფი ჯგ: ანქსიოლიზური და საძილე საშუალებები → ფიტოპრეპარატები
ფარმაკოლოგიური თვისებები:

Insomnis baby® - მცენარეული სედატიური პრეპარატია. ცენტრალურ ნერვულ სისტემაზე მოქმედების გზით აღადგენს ფიზიოლოგიურ ღრმა ძილს; ხელს

უწყობს ემოციური სტრესის, გაღიზიანების, დაძაბულობის მოხსნას;
გააჩნია ძილისმომგვრელი ეფექტი;
Insomnis baby ® ხელს უწყობს მადის მომატებას;

აქვს სპაზმოლიზური, კრუნჩხვის საწინააღმდეგო მოქმედება, აუმჯობესებს სისხლის მიმოქცევას.

ჩვენებები:

• ნერვული და ემოციური დაძაბულობა

• ნევროზი, ფსიქოსომატური დარღვევები, ნევროზულობა

• მღელვარება, სტრესი, უძილობა, მოუსვენარი ძილი (მათ შორის კოშმარული სიზმრებით დარღვეული ძილი)

• მიდრეკილება კრუნჩხვისადმი

• ისტერია, დეპრესია

• ბავშვთა ჰიპერაქტიურობის სინდრომი

• საჭმლის მომნელებელი სისტემის სპაზმი, სლოკინი

მიღების წესები და დოზები:

0-6 თვე: 3 – 5 წვეთი 2-ჯერ დღეში;

6-12 თვე: 10 წვეთი 2-ჯერ დღეში;

1-3 წელი: 20 წვეთი 2-3_ჯერ დღეში;

3-7- წელი: 30 წვეთი 2-3_ჯერ დღეში;

შესაძლებელია წვეთების გახსნა მცირე რაოდენობის წყალსა ან წვენში.

უკუჩვენება:

იდიოსინკრაზია (ინდივიდუალური ჰიპერმგრძნობელობა) პრეპარატის შემადგენელი კომპონენტების მიმართ.

განსაკუთრებული მითითებები:

• პრეპარატი მოწოდებულია ბავშვების სამკურნალოდ, არ შეიცავს სპირტს და მღებავ ნივთიერებებს;

• Insomnis baby® მოწოდებულია საწვეთურიანი ყავისფერი მინის ბოთლით.

შენახვის პირობები და ვადები:

• შეინახეთ მშრალ, ბნელ, ბავშვებისგან დაცულ ადგილას, 25 °C -ზე დაბალ ტემპერატურაზე

• არ გამოიყენოთ პრეპარატი ვარგისიანობის ვადის ამოწურვის შემდეგ.

გამოშვების ფორმა: წვეთები 30 მლ.
აფთიაქში გაცემის წესი:

გაიცემა ურეცეპტოდ

მწარმოებელი: EXPANPHARMA, შვეიცარია

კლინიკურ-ფარმაკოლოგიური ჯგუფი:

ანთების საწინააღმდეგო ფიტოთერაპიული საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 40 ც.

1 ტაბ.

Zea mays L-ის ფრაქციის სტანდარტირებული ექსტრაქტი ............    35 მგ

ფარმაკოლოგიური თვისებები:

ინსადოლი პაროდონტიტის სამკურნალო პრეპარატია. ის ამცირებს ტკივილს და სისხლდენას ღრძილებიდან, ასტიმულირებს პაროდონტიტის დროს ალვეოლური წანაზარდების ძვლოვანი ქსოვილის ოსტეოგენეზს.

ფარმაკოკინეტიკა:

ინსადოლის მოქმედება მისი კომპონენტების ერთდროული მოქმედების შედეგია, ამიტომ პრეპარატის ფარმაკოკინეტიკის შესწავლა შეუძლებელია. მარკერებით და ბიოლოგიური კვლევით ვერ ხერხდება მეტაბოლიტების დადგენაც.

ჩვენებები:

• პაროდონტის დაავადება (პაროდონტიტი).
• ქრონიკული გინგივიტი.

მიღების წესი და დოზირება:

გინგივიტის დროს რეკომენდებულია 2-2 ტაბლეტი 3-ჯერ დღეში, ან 1 ჩაის კოვზი დღეში ერთხელ 3 კვირის განმავლობაში.

პაროდონტიტის დროს 1 თვე 2-2 ტაბლეტი 3-ჯერ დღეში, ან 1 ჩაის კოვზი დღეში ერთხელ, შემდგომი 2 თვე და მეტი 1 ტაბლეტი 3-ჯერ დღეში, ან ჩაის კოვზი დღეში.

ტაბლეტები ინიშნება საკვების მიღებამდე წყალთან ერთად.

გვერდითი მოვლენები:

რეკომენდებული დოზით პრეპარატის გამოყენებისას გვერდითი მოვლენები არ ვითარდება.

უკუჩვენებები:

*პაროდონტის დაავადება გამწვავების ფაზაში;

*ღრძილების გამოხატული ჰიპერპლაზია;

*ორსულობა;

*ლაქტაცია;

*პრეპარატის კომპონენტების მიმართ მომატებული მგრძნობელობა.

ორსულობა და ლაქტაცია:

*პრეპარატი უკუნაჩვენებია ორსულობის დროს. ლაქტაციის დროს პრეპარატის დანიშვნის შემთხვევაში ძუძუთი კვება უნდა შეწყდეს.

ინსადოლის ტერატოგენობის შემსწავლელი კვლევა არ არის ჩატარებული.

განსაკუთრებული მითითებები:

პაროდონტიტის ქირურგიული მკურნალობის შემთხვევაში ინსადოლი ინიშნება  ოპერაციის შემდეგ.

ჭარბი დოზირება:

მონაცემები ჭარბი დოზირების შესახებ არ არსებობს.

სხვა წამლებთან ურთიერთქმედება:

არ არის აღწერილი.

შენახვის პირობები:

პრეპარტი ინახება 20-25⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: ტაბლეტი - 3 წელი;

ხსნარი - 5 წელი.

საერთაშორისო დასახელება:

Soy isoflavones (GMO-free)

მწარმოებელი: Laboratoire INNOTECH  INTERNATIONAL , INNOTERA CHOUZY

კლინიკურ-ფარმაკოლოგიური ჯგუფი:

ანტიკლიმაქტერული საშუალება.

შემადგენლობა და გამოშვების ფორმა:

კაფსულები: შეფუთვაში 30 ც.

1 რბილი კაფსულა შეიცავს:

სოიოს ექსტრატი მინიმუმ 40%-იანი იზოფლავონების შემცველობით 100.0 მგ., მზესუმზირის ზეთი 137.0 მგ., ჰიდროგენიზირებული სოიოს ზეთი 15.0 მგ, სოიოს ლეციტინი 3.0 მგ, თევზის ჟელატინი 69.2 მგ, გლიცერინი 43.3 მგ, სიმინდის სახამებელი 9.6 მგ, ტიტანის დიოქსიდი (E171) 4.8 მგ, რკინის ოქსიდი წითელი (E172) 0.07 მგ.

ფარმაკოლოგიური თვისებები:

ინოკლომი შეიცავს სოიოს იზოფლავონებს: გენისტინს და დაიდზინს. იზოფლავონებს ახასიათებთ ესტროგენების მსგავსი სტრუქტურა და მოლეკულური მასა, რაც აძლევთ მათ შესაძლებლობას შერჩევითად იმოქმედონ (87%) სისხლძარღვთა კედლის, თავის ტვინის, საკვერცხეების, სარძევე ჯირკვლების, ძვლოვანი ქსოვილის b-რეცეპტორებზე, რითაც ახედნენ ესტროგენებისათვის დამახასიათებელი მექანიზმების პოტენცირებას და კლიმაქტერული სიმპტომების ინტენსიობის შემცირებასა და თავიდან აცილებას.

ჩვენებები:

• ესტროგენების დეფიციტით გამოწვეული კლიმაქტერული სიმპტომების თერაპია ქალებში პრე- და მენოპაუზის პერიოდში (ალები, მომატებული ოფლიანობა, აჩქარებული გულისცემა, ძილის დარღვევა, ნერვული გაღიზიანება, თავბრუსხვევა, თავის ტკივილი, ატროფიული პროცესები).

მიღების წესი და დოზირება:

1 ან 2 კაფსულა დღეში (რაც შეესაბამება 40-80 მგ სოიოს იზოფლავონებს) არა უმეტეს 1 მგ/კ/დღეში 3 თვის განმავლობაში. საჭიროების შემთხვევაში შესაძლებელია მკურნალობის კურსის განმეორება.

გვერდითი მოვლენები:

არ არის გამოვლენილი.

უკუჩვენებები:

მომატებული მგრძნობელობა პრეპარატის რომელიმე კომპონენტის მიმართ.

განსაკუთრებული მითითებები:

რეკომენდებულია როგორც იზოფლავონების დამატებითი წყარო. მკურნალობის ჩატარება აუცილებელია რეკომენდებული დიეტის გათვალისწინებით. არ გადააჭარბოთ რეკომენდებულ დოზას.

ჭარბი დოზირება:

აღწერილი არ არის.

სხვა წამლებთან ურთიერთქმედება:

არ არის აღწერილი.

შენახვის პირობები:

პრეპარატი ინახება 4-25⁰C ტემპერატურაზე, მშრალ ადგილას.

ვარგისიანობის ვადა: 3 წელი.

მწარმოებელი: Innothera Chousy, Laboratoire Innotech International,

საფრანგეთი

საერთაშორისო დასახელება:

comb. drug

კლინიკურ-ფარმაკოლოგიური ჯგუფი:

კლიმაქსის საწინააღმდეგო საშუალებები;  ფიტოპრეპარატები

შემადგენლობა და გამოშვების ფორმა:

კაფსულა #30

1 რბილი კაფსულა შეიცავს: სოიოს ექსტრატი მინიმუმ 40%-ნი იზოფლავონების შემცველობით 100,0 მგ, მზესუმზირის ზეთი 137,0 მგ, ჰიდროგენიზირებული სოიოს ზეთი 15,0 მგ, სოიოს ლეციტინი 3,0 მგ, თევზის ჟელატინი 69,2 მგ, გლიცერინი 43,3 მგ, სიმინდის სახამებელი 9,6 მგ, ტიტანის დიოქსიდი (E 171) 4,8 მგ, რკინის ოქსიდი წითელი (E 172) 0,07 მგ.

ფარმაკოლოგიური თვისებები:

ინოკლიმი შეიცავს სოიოს იზოფლავონებს: გენისტინს და დაიდზინს. იზოფლავონებს ახასიეთებთ ესტროგენების მზგავსი სტრუქტურა და მოლეკულური მასა, რაც აძლევთ მათ შესაძლებლობას შერჩევითად იმოქმედონ (87%) სისხლძარღვთა კედლის, თავის ტვინის, საკვერცხეების, სარძევე ჯირკვლების, ძვლოვანო ქსოვილის β–რეცეპტორებზე, რითაც ახდენენ ესტროგენებისათვის დამახასიეთებელი მექანიზმების პოტენცირებას და კლიმაქტერული სიმპტომების ინტენსიობის შემცირებასა და თავიდან აცილებას.

ჩვენებები:

ესტროგენების დაფიციტით გამოწვეული კლიმაქტერული სიმტომების თერაპია ქალებში პრე- და მენოპაუზის პერიოდში (ალები, მომატებული ოფლიანობა, აჩქარებული გულისცემა, ძილის დარღვევა, ნერვული გაღიზიანება, თავბრუსხვევა, თავის ტკივილი, ატროფიული პროცესები,).

მიღების წესები და დოზები:

1 ან 2 კაფსულა დღეში (რაც შეესაბამება 40–80 მგ სოიოს იზოფლავონებს) არა უმეტეს 1 მგ/კგ/დღეში 3 თვის განმავლობაში. საჭიროების შემთხვევაში შესაძლებელია მკურნალობის კურსის განმეორება.

გვერდითი მოვლენები:

არ არის გამოვლენილი.

უკუჩვენება:

მომატებული მგრძნობელობა პრეპარატის რომელიმე კომპონენტების მიმართ. განსაკუთრებული მითითებანი: რეკომენდებულია როგორც იზოფლავონების დამატებითი წყარო. მკურნალობის ჩატარება აუცილებელია რეკომენდებული დიეტის გათვალისწინებით. არ გადააჭარბოთ რეკომენდებულ დოზას.

ჭარბი დოზირება:

აღწერილი არ არის.

შენახვის პირობები და ვადები:

პრეპარატი ინახება მშრალ ადგილას ოთახის ტემპერატურაზე არა ნაკლებ 4ºC და არა უმეტესი 25ºC. პრეპარატი არ გამოიყენება ყუთზე აღნიშნული ვარგისიანობის ვადის გასვლის შემთხვევაში. მოარიდეთ ბავშვებს.

აფთიაქში გაცემის წესი:

ურეცეპტოდ.

საერთაშორისო დასახელება:

ISOSORBIDE MONONITRATE

მწარმოებელი: ავერსი-რაციონალი, საქართველო

მოქმედი ნივთიერება: იზოსორბიდი

კლინიკურ-ფარმაკოლოგიური ჯგუფი:

ანტიანგინური საშუალება ორგანული ნიტრატების ჯგუფიდან.

შემადგენლობა და გამოშვების ფორმა:

შემოგარსული ტაბლეტები: ბლისტერზე 10 ტაბ., შეფუთვაში 2 ბლისტერი.

1 ტაბ.

იზოსორბიდის მონონიტრატი ..............  40 მგ

1 ტაბ.

იზოსორბიდის მონონიტრატი ............. 60 მგ

დამხმარე ნივთიერებები:

კოლოიდური სილიციუმის დიოქსიდი, ლაქტოზა, ჰიპრომელოზა, პოლიეთილენგლიკოლი, პოვიდონი, მაგნიუმის სტეარატი, შემომგარსავი ნივთიერებების ნარევი Tabcoat TC White (ჰიდროქსიპროპილმეთილცელულოზა, პოლიეთილენგლიკოლი, გასუფთავებული ტალკი, ტიტანის დიოქსიდი).

ფარმაკოლოგიური თვისებები:

ინობეკი რეტარდი წარმოადგენს პროლონგირებული მოქმედების ანტიანგინალურ საშუალებას. იზოსორბიდის მონონიტრატი ზრდის აზოტის ოქსიდის შემცველობას სისხლძარღვის ენდოთელიუმში, განაპირობებს უჯრედშიდა გუანილატციკლაზას აქტივაციას და cgmf-ის წარმოქმნას, ამცირებს კალციუმის კონცენტრაციას გლუვი კუნთის უჯრედში, ამცირებს სისხლძარღვის კედლის ტონუსს და იწვევს ვაზოდილატაციას. იგი უპირატესად მოქმედებს ვენურ სისხლძარღვებზე.

იზოსორბიდის მონონიტრატი ამცირებს მარცხენა პარკუჭის საბოლოო დიასტოლურ მოცულობას და პარკუჭის კედლის სისტოლურ დაჭიმულობას, რის შედეგადაც მცირდება გულზე პრე- და პოსტდატვირთვა და მიოკარდიუმის მოთხოვნილება ჟანგბადზე.

ინობეკი რეტარდი აფართოებს კორონარულ არტერიებს და ამცირებს სისხლის ნაკადს მარჯვენა წინაგულში, რაც განაპირობებს წნევის შემცირებას სისხლის მიმოქცევის მცირე წრეში და კორონარული სისხლის მიმოქცევის გაუმჯობესებას.

იზოსორბიდის მონონიტრატი აფართოებს თავის ტვინისა და ტვინის მაგარი გარსის სისხლძარღვებს.

ფარმაკოკინეტიკა:

პერორალური მიღებისას იზოსორბიდის მონონიტრატი სწრაფად და მთლიანად აბსორბირდება საჭმლის მომნელებელი ტრაქტიდან. მისი ბიოშეღწევადობა შეადგენს 100%-ს. პრეპარატის მაქსიმალური კონცენტრაცია (C_max) სისხლის პლაზმაში მიიღწევა 30-60 წთ-ის შემდეგ. დაახლოებით 5% უკავშირდება პლაზმის ცილებს. პრეპარატის ნახევარგამოყოფის პერიოდი შეადგენს 5 სთ-ს.

იზოსორბიდის მონონიტრატი არ განიცდის პირველად მეტაბოლიზმს ღვიძლში. პრეპარატის ელიმინირება ძირითადად ხდება დენიტრირების და გლუკურონიდაციის გზით. მიღებული მეტაბოლიტები ფარმაკოლოგიურად არააქტიურია და გამოიყოფა თირკმლების საშუალებით. პრეპარატის 2% აღინიშნება შარდში შეუცვლელი სახით. იზოსორბიდის მონონიტრატის მიღებული დოზის 96% მეტაბოლიტების სახით გამოიყოფა შარდთან ერთად 5 დღის განმავლობაში, ხოლო 1% - ფეკალურ მასებთან ერთად. თირკმლის კლირენსი შეადგენს 1.8 ლ/წთ.

პრეპარატის ანტიანგინალური და ანტიიშემიური ეფექტი მიიღწევა 20-40 მგ-ის მიღებიდან 60-90 წთ-ში და გრძელდება 24 სთ.

ჩვენებები:

• გულის იშემიური დაავადება (ხანგრძლივი მკურნალობა), გადატანილი მიოკარდიუმის ინფარქტის შემდგომი სტენოკარდია, სტენოკარდიული შეტევის პრევენცია (არ არის რეკომენდებული სტენოკარდიული შეტევის მოსახსნელად);
• გულის ქრონიკული უკიარისობა (კომბინირებული თერაპია);
• ფილტვისმიერი ჰიპერტენზია.

მიღების წესი და დოზირება:

ინობეკი რეტარდი ინიშნება 1 ტაბლეტი (40-60 მგ) ერთხელ დღეში, საჭიროებისას დღიური დოზა შეიძლება გაიზარდოს 2 ტაბლეტამდე. დოზის გაზრდა სასურველია მკურნალობის კურსის დაწყებიდან მე-3-4 დღეს. ასევე არ არის რეკომენდებული პრეპარატის მიღების უეცარი შეწყვეტა.

ინობეკი რეტარდის მიღება (ტაბლეტი არ უნდა დაიღეჭოს, ან დაიფშვნას) სასურველია დილით ჭამამდე 1 სთ-ით ადრე ან საკვების მიღებიდან 2 სთ-ის შემდეგ, მცირე რაოდენობის წყალთან ერთად. დღეში მრავალჯერადი მიღებისას დაცული უნდა იყოს 7 სთ-იანი ინტერვალი. მაქსიმალური დღიური დოზა 120 მგ.

გვერდითი მოვლენები:

გულ-სისხლძარღვთა სისტემის მხრივ: სახის კანის ტრანზიტორული ჰიპერემია, არტერიული ჰიპოტენზია, იშვიათად - სტენოკარდიული სიმპტომების გაძლიერება (პარადოქსული რეაქცია) და/ან პარადოქსულ ბრადიკარდია, კოლაფსი, სინკოპე.

ცენტრალური ნერვული სისტემის მხრივ: თავის ტკივილი, შებოჭილობა, ძილიანობა, მხედველობის დარღვევა, გონებრივი და ფიზიკური აქტივობის შემცირება (განსაკუთრებით მკურნალობის დასაწყისში).

საჭმლის მომნელებელი სისტემის მხრივ: პირის სიმშრალე, გულისრევა, ღებინება.

ალერგიული რეაქციები: გამონაყარი კანზე, წვისა და ქავილის შეგრძნება, ექსფოლიაციური დერმატიტი.

სხვა:    ხანგრძლივად გამოყენებისას - მეთჰემოგლობინემია.

უკუჩვენებები:

*ორგანული ნიტრატების და/ან პრეპარატის შემადგენელი სხვა ნივთიერებების მიმართ მომატებული მგრძნობელობა;

*სისხლის მიმოქცევის მწვავე უკმარისობა (კარდიოგენული შოკი, სისხლძარღვოვანი კოლაფსი), მიოკარდიუმის ინფარქტის მწვავე სტადია, მარცხენა პარკუჭის მწვავე უკმარისობა, არტერიული ჰიპოტენზია;

*ჰიპერტროფიული ობსტრუქციული კარდიომიოპათია, კონსტრიქციული პერიკარდიტი, გულის ტამპონადა;

*ქალასშიდა წნევის მატებით მიმდინარე მდგომარეობები (ქალა-ტვინის ტრავმა, ჰემორაგიული ინსულტი);

*მძიმედ მიმდინარე ანემია;

*დახურულკუთხოვანი გლაუკომა;

*თირეოტოქსიკოზი;

*მძიმედ მიმდინარე ღვიძლისა და თირკმლის უკმარისობა;

*ორსულობის I ტრიმესტრი, ლაქტაციის პერიოდი;

*18 წლამდე პაციენტები (პრეპარატის უსაფრთხოება შესწავლილი არ არის); *ფოსფოდიესთერაზა-5-ის ინჰიბიტორებთან ერთდროული გამოყენება.

ორსულობა და ლაქტაცია:

*ორსულობისა და ლაქტაციის პერიოდში, ადექვატური და მკაცრად კონტროლირებადი კვლევები პრეპარატის უსაფრთხოების შესახებ არ ჩატარებულა.

ორსულობის დროს ინობეკი რეტარდის გამოყენება რეკომენდებულია მხოლოდ იმ შემთხვევაში, როდესაც დედისთვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების რისკს. ლაქტაციის პერიოდში პრეპარატის მიღების აუცილებლობისას საჭირო ძუძუთი კვების შეწყვეტა.

განსაკუთრებული მითითებები:

- ინობეკი რეტარდის გამოყენებისას აუცილებელია არტერიული წნევისა და გულის შეკუმშვათა სიხშირის კონტროლი. არტერიული ჰიპოტენზიის ფონზე პრეპარატის მიღებისას რეკომენდებულია დადებითი ინოტროპული ეფექტის მქონე პრეპარატების გამოყენება.

- ინობეკი რეტარდის ხშირი და ხანგრძლივი გამოყენებისას შესაძლებელია მის მიმართ ტოლერანტობის განვითარება. ამ დროს რეკომენდებულია პრეპარატის მიღების შეწყვეტა 24-48 სთ-ით ან 3-6 კვირიანი მკურნალობის კურსებს შორის 3-5 დღიან ინტერვალის დაცვა. მოხსნის სინდრომის განვითარების ასაცილებლად აუცილებელია პრეპარატის დოზის თანდათანობით შემცირება.

პრეპარატის ზემოქმედება ავტოტრანსპოტისა და მექანიზმების მართვის უნარზე: ინობეკი რეტარდის გამოყენებისას საჭიროა თავის არიდება იმ ქმედებებისგან, რომელიც მოითხოვს ყურადღებას და სწრაფ ფსიქომოტორული რეაქციას.

ჭარბი დოზირება:

პრეპარატის დოზის გადაჭარბებისას ირღვევა ჰემოდინამიკური მაჩვენებლები, რაც ვლინდება შემდეგი სიმპტომებით: ქალასშიდა წნევის მატება, პულსირებადი თავის ტკივილი, ძილიანობა, თავბრუსხვევა, რეფლექტორული ტაქიკარდია, მხედველობის დაქვეითება, გულისრევა, ღებინება, ფაღარათი, ორთოსტატიკური ჰიპოტენზია, ქოშინი, მოგვიანებით ეტაპზე - ციანოზი, ბრადიკარდია, კანის ჰიპერემია, მეთჰემოგლობინემია.

ჰიპერდოზირებისას აუცილებელია სიპტომური მკურნალობა, რეკომენდებული კუჭის ამორეცხვა, ჰემოდიალიზი, ოქსიგენოთერაპია და ვოლემიური თერაპია.

სხვა წამლებთან ურთიერთქმედება:

- ვაზოდილატატორებთან, b-ადრენობლოკატორებთან, კალციუმის არხების მაბლოკირებელ და ნეიროლეფსიურ საშუალებებთან, არანარკოტიკულ ანალგეტიკებთან, ტრიციკლურ ანტიდეპრესანტებთან, სილდენაფილთან და ალკოჰოლთან ერთდროული გამოყენებისას ძლიერდება იზოსორბიდის მონონიტრატის ჰიპოტენზიული ეფექტი. პრეპარატის კომბინირებამ ალკოჰოლთან ასევე შეიძლება გამოიწვიოს სწრაფი ფსიქომოტორული რეაქციების შესუსტება.

- იზოსორბიდის მონონიტრატი იწვევს სისხლის პლაზმაში დიჰიდროერგოტამინის კონცენტრაციის მატებას და თერაპიული ეფექტის გაძლიერებას. შედეგად, ადგილი აქვს წნევის დაქვეითებას და ინობეკი რეტარდის ანტიანგინალური ეფექტის შემცირებს.

- მ-ქოლინობლოკატორებთან (მაგ. ატროპინი) ერთდროული გამოყენებისას იზრდება თვალშიდა წნევის მატების რისკი.

- ადსორბენტები, მთრიმლავი და შემომგარსველი სამკურნალო საშუალებები ამცირებს იზოსორბიდის მონონიტრატის შეწოვას.

- ბარბიტურატებთან კომბინაციისას ჩქარდება იზოსორბიდის მონონიტრატის მეტაბოლიზმი და მცირდება მისი კონცენტრაცია სისხლის პლაზმაში.

- ამიოდარონთან, პროპრანოლოლთან, ვერაპამილთან და ნიფედიპინთან კომბინაციამ შესაძლებელია გამოიწვიოს პრეპარატის ანტიანგინალური ეფექტის გაძლიერება.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, სინათლისა დაბავშვებისაგან დაცულა დგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.