მწარმოებელი: HELP Pharmaceuticals,საბერძნეთი

საერთაშორისო დასახელება:

L-carnitine

კლინიკურ- ფარმაკოლოგიური ჯგუფი:

ქსოვილებში ნივთიერებათა ცვლაზე მოქმედი საშუალებები;

ქსოვილებში მეტაბოლიზმის და ენერგომომარაგების გასაუმჯობესებელი და ქსოვილების ჰიპოქსიის შესამცირებელი პრეპარატები.

შემადგენლობა და გამოშვების ფორმა:

1გ/10 მლ ფლაკონი 10ც

1გ/5 მლ ამპულა 5ც

აქტიური ინგრედიენტები:

1 ამპულა 10 მლორალური ხსნარი შეიცავს 1000მგ ლევოკარნიტინს (L-კარნიტინი).

დამხმარე ნივთიერებები ორალური ხსნარისთვის: ვაშლის მჟავა, მეთილპარაბენი, ნატრიუმის საქარინის დეჰიდრატი, ფორთოხლის არომატიზატორი, გამოხდილი წყალი.

1 ამპულა 5 მლ საინექციო ხსნარი შეიცავს 1000 მგ ლევოკარნიტინს (L -კარნიტინი).

დამხმარე ნივთიერებები საინექციო ხსნარისთვის: ქლორწყალბადმჟავა 10%, საინექციო წყალი.

ფარმაკოლოგიური თვისებები:

კარნიტინი ბუნებრივი, ვიტამინისმაგვარი ნივთიერებაა, მიეკუთვნება B ჯგუფის ვიტამინებს (BT_ ზრდის ვიტამინი). წარმოადგენს მეტაბოლური პროცესების ჩო ფაქტორს. ახორციელებს გრძელჯაჭვიანი ცხიმოვანი მჟავების ტრანსპორტს ციტოპლაზმიდან მიტოქონდრიაში, სადაც მიმდინარეობს მათი β- დაჟანგვა, რის შედეგადაც წარმოიქმნება დიდი რაოდენობით ენერგია ატფ-ის სახით. ინესტომი აწესრიგებს ცილოვან და ცხიმოვან ცვლას, თრგუნავს კეტომჟავების წარმოქმნას, ამცირებს ანაერობულ გლიკოლიზს, ამცირებს გლიკოგენის მოხმარებას და ზრდის გლიკოგენის რეზერვს ღვიძლსა და კუნთებში. ხასიათდება ნეიროტროფული მოქმედებით, აღადგენს ნერვული ქსოვილის სტრუქტურას. ჰიპერთირეოზის დროს არეგულირებს გაძლიერებულ ძირითად ცვლას. ასტიმულირებს კუჭის წვენის სეკრეციას და კუჭ-ნაწლავის სისტემის ფერმენტულ აქტივობას.

ფარმაკოკინეტიკა:

პრეპარატი კარგად შეიწოვება კუჭ-ნაწლავის ტრაქტიდან. ჩმახ მიიღწევა მიღებიდან 3 სთ-ში, თერაპიული კონცენტრაცია ნარჩუნდება 9 სთ. თავისუფლად გადადის ღვიძლში და მიოკარდიუმში. T½ - 15 სთ. ექსკრეტირდება 80%-ზე მეტი თირკმელებით შეუცვლელი სახით.

ჩვენებები:

გულის იშემიური დაავადება, კარდიომიოპათია, გულის უკმარისობა, მიოკარდიუმის ცხიმოვანი დისტროფია.

ზრდის შეფერხება და წონის დეფიციტი, გონებრივი და ფიზიკური განვითარების შეფერხება, დღენაკლი ბავშვები, სამშობიარო ტრავმის და ასფიქსიის შემდგომი პერიოდი, კარნიტინის გენეტიკური დეფიციტი. ნაყოფის ზრდაში ჩამორჩენა.

თირკმლის ქრონიკული უკმარისობა და ცხიმოვანი დისტროფია, ჰემოდიალიზზე მყოფი პაციენტები, ასთენოსპერმია.

ჰიპოაციდური და ანტაციდური გასტრიტი, ღვიძლის ქრონიკული უკმარისობა, ღვიძლის ცხიმოვანი დისტროფია, ციროზი.

ინსულტი, ნევრიტი, ენცეფალოპათია, პოლინეიროპათია.

სიმსუქნე, შაქრიანი დიაბეტი, თირეოტოქსიკოზი.

ინტენსიური ფიზიკური დატვირთვა, ქრონიკული დაღლილობა, შრომისუნარიანობის დაქვეითება.

მიღების წესები და დოზები:

ინესტომი საინექციო ხსნარი 5 მლ:

ბავშვებში: 12 წლამდე - 50-100 მგ/კგ/დღეში.

მოზრდილებში: 1-3 გ დღეში.

ნელი ინტრავენური შეყვანით 2-3 წუთის განმავლობაში.

ინესტომი დასალევი ხსნარი 10 მლ, მხოლოდ პეროს მისაღებად.

ბავშვებში: 2 წლამდე - 150 მგ/კგ/ დღეში.

2-დან 6 წლამდე - 100მგ/კგ/დღეში.

6-დან 12 წლამდე - 75მგ/კგ/დღეში.

12 წელს ზევით და მოზრდილებში: 2-3 გრ დღეში.

მიიღება ჭამამდე 30 წუთით ადრე, შეიძლება გაიხსნას წვენში ან წყალში.

გვერდითი მოვლენები:

შესაძლოა აღინიშნოს მსუბუქად გამოხატული დისპეფსიური მოვლენები.

უკუჩვენება:

მომატებული მგრძნობელობა პრეპარატში შემავალი კომპონენტების მიმართ.

შენახვის პირობები და ვადები:

ინახება 25ºC- ზე სინათლისგან დაცულ ადგილას.

სახელი, გვარი ^*

მიმართულება ^*
აირჩიე

კლინიკა ^*
აირჩიე

საერთაშორისო დასახელება:

INDOMETHACIN

მწარმოებელი: SOPHARMA

მოქმედი ნივთიერება: ინდომეტაცინი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება

შემადგენლობა და გამოშვების ფორმა:

შემოგარსული ტაბლეტები: შეფუთვაში 30 ც.

1 ტაბ.

ინდომეტაცინი ........................25 მგ

მალამო 10%: ტუბში 40 გ

1 გ

ინდომეტაცინი ................      100 მგ

ვრცლად ინდომეტაცინი (ტაბლეტები,მალამო)

სანთლები: შეფუთვაში 6 ც.

1 სანთელი

ინდომეტაცინი ................. 50 მგ

მიღების წესი და დოზირება:

დოზირებებსა და მკურნალბის ხანგრძლივობას მკურნალი ექიმი განსაზღვრავს დაავადების მიმდინარეობის თავისებურებებისა და მდგომარეობის სიმძიმის მიხედვიტ.

სუპოზიტორიები შეიყვანება ნაწლავის გასუფთავების შემდეგ, შეძლებისდაგვარად ღრმად სწორ ნაწლავში.

ჩვეულებრივ უფროსებს ენიშნებათ თითო 50მგ. სუპოზიტორი 2–ჯერ დღე–ღამეში.

14 წელზე უფროსი ასაკის ბავშვებს 1.5–2.3 მგ/სხ. წ.კგ დღე–ღამეში.

საერთაშორისო დასახელება:

INDOMETHACIN

მწარმოებელი: BALCANPHARMA-DUPNISTA

მოქმედი ნივთიერება: ინდომეტაცინი

კლინიკურ-ფარმაკოლოგიური ჯგუფი:

არასტეროიდული ანთების საწინააღმდეგო საშუალება

შემადგენლობა და გამოშვების ფორმა:

ტაბლეტები: შეფუთვაში 30 ც.

1 ტაბ.

ინდომეტაცინი ..............     25 მგ

ჩვენებები:

• ინდომეტაცინი ნაჩვენებია სახსრების ანთებითი დაავადებებისას : რევმატოიდული პოლიართრიტი, ბეხტერევის დაავადება, ართრიტული დაზიანების სხვა ფორმები, განპირობებული ფსორიაზით ან ნიკრისის ქარით, სახსრების გარშემო ქსოვილების ანთებითი დაავადებები (პერიართრიტი, ტენდოვაგინიტი, ბურსიტი, სინოვიტი);
• სახსრების დეგენერაციული დაავადებებისას, რომლებსაც  თან ახლავს ანთება და ტკივილი – კოქსართროზი, გონართროზი;
• იშიაზის, პლექსიტის, რადიკულიტის დროს;

• ტრავმული დაზინებებისას – კონტუზია, ამოვარდნილობა, დაჭიმვა.

გამოყენების წესი და დოზირება:

ექიმის დანიშნულებით.

მკურნალობის კურსი განისაზღვრება მკურნალი ექიმის მიერ.

უფროსები

რევმატოიდული ართრიტი, მაანკილოზირებელი სპონდილიტი, საშუალო და ზომიერი სიმძიმის ოსტეოართრიტი.

დღე-ღამის რეკომენდებული საწყისი დოზა შეადგენს 25-50 მგ. კარგი ამტანობის შემთხვევაში იგი იზრდება 25-50 მგ-ით დღე-ღამეში თერაპიული მოქმედების მიღწევამდე. დღე-ღამის მაქსიმალური დოზა შეადგენს 150-200 მგ.

ინდომეტაცინით მკურნალობისას დღე-ღამის დოზა განისაზღვრება მკაცრად ინდივიდუალურად პრეპარატის ამტანობისა და ეფექტურობის გათვალისწინებით. დღე-ღამის დოზა იყოფა სამ ან ორ მიღებაზე. ავადმყოფებში ღამის მუდმივი ტკივილით და/ან დილის შებოჭილობით რეკომენდებულია ძილის წინ უფრო დიდი დოზის მიღება (მაგ., 100 მგ, დღე-ღამის დოზისას 150 მგ). დაავადების მწვავე ფაზის გავლის შემდეგ დღე-ღამის დოზა თანდათან მცირდება დღე-ღამის მინიმალურ ეფექტურ დოზამდე.

მკურნალობის ხანგრძლივობაა არაუმეტეს 14 დღე.

მწვავე ბურსიტის, ტენდინიტი და პერიართრიტი

დღე-ღამის დოზა – 75-100 მგ, გაყოფილი სამ ან ოთხ მიღებად.

მკურნალობა წყდება ანთების სიმპტომების გაქრობის შემდეგ. რეკომენდებული არ არის მკურნალობის გაგრძელება 7-14 მეტ ხანს.

მწვავე პოდაგრული ართრიტი

მწვავე ტკივილის კუპირებისათვის რეკომენდებულია დოზის 50 მგ ერთჯერადი მიღება. შემდეგ, როგორც წესი, საკმარისია უფრო მცირე დოზების მიღება ტკივილის სრულ მოხსნამდე. საბოლოოდ მწვავე ტკივილი გაივლის 2-4 საათში პრეპარატის მიღებიდან. ტკივილი და სიწითლე გრძელდება 24-36 საათი, ხოლო შეშუპება ქრება მესამე და მეხუთე დღეებს შორის მკურნალობის შეწყვეტიდან.

პრეპარატის მიღება რეკომენდებულია საკვებთან ერთად უკეთესი ამტანობისათვის.

ბავშვები

ინდომეტაცინის დანიშვნა 14 წელზე უმცროსი ასაკის ბავშვებში რეკომენდებული არ არის. უფროსი ასაკის ბავშვებში პრეპარატი ინიშნება დღე-ღამის დოზებით 2 მგ/ს.წ.კგ სამ ან ოთხ მიღებად. დღე-ღამის მაქსიმალური დოზა შეადგენს 4 მგ/ს.წ.კგ. პრეპარატის მიმართ გვერდითი რეაქციების გამოვლინებისას მისი მიღება უნდა შეწყდეს. მკურნალობის მიმდინარეობისას აუცილებელია ღვიძლის ფუნქციის რეგულარული კონტროლი.

უკუჩვენებები:

*    ჰიპერმგრძნობელობა ინდომეტაცინის ან რომელიმე დამხმარე ნივთიერების მიმართ;

*    ასთმის მწვავე შეტევები, ჭინჭრის ციება ან რინიტი, გამოწვეული აცეტილსალიცილის მჟავის ან სხვა არასტეროიდული ანთების საწინააღმდეგო საშუალებების მიღებით;

*   წყლულოვანი დაავადება გამწვავების სტადიაში, ეროზიული გასტრიტის, წყლულოვანი ცოლიტის დროს;

*    ღვიძლისა და თირკმელების მძიმე დაავადებები;

*    ორსულობა;

სიფრთხილის განსაკუთრებული ზომები:

ინდომეტაცინი განსაკუთრებული სიფრთხილით ინიშნება 14 წელზე უმცროსი ასაკის ბავშვებში და ხანდაზმულ პაციენტებში და ამ დროს აუცილებელია ღვიძლის ფუნქციის მაჩვენებლთა კონტროლი.

დოზირების რეჟიმი განისაზღვრება მკაცრად ინდივიდუალურად ყოველი ავადმყოფისათვის. რეკომენდებულია დღე-ღამის უმცირესი დოზების დანიშვნა, რომლებიც არ იწვევს არასასურველი გვერდითი რეაქციების გამოვლინებას.

განსაკუთრებული სიფრთხილით უნდა გამოიყენონ ავადმყოფებმა კუჭ-ნაწლავის ტრაქტის დაავადებებით. მკურნალობის მიმდინარეობისას აუცილებელია კუჭისა და მუცლის არეში ტკივილების, ასევე ფარული სისხლდენების წარმოქმნის გაკონტროლება. რისკი იზრდება ალკოჰოლის, თამბაქოს ბოროტად გამოყენებისას, დასუსტებულ ავადმყოფებში, ხანდაზმულ პაციენტებში, ასევე ინდომეტაცინის ერთდროულად გამოყენებისას აცეტილსალიცილის მჟავასთან და სხვა სალიცილატებთან ერთად. რეაქციების გამოვლენა შესაძლებელია წინასწარი ნიშნების გარეშე.

ინდომეტაცინი სიფრთხილით ინიშნება ავადმყოფებში თირკმელების დაავადებებით თირკმელების სერიოზული დაზიანების შესაძლებლობის გამო. ავადმყოფებში მსგავსი დარღვევებით ინიშნება მცირე დოზები და ხანმოკლე კურსები, ასევე აუცილებელია ზოგიერთი ლაბორატორიული მაჩვენებლების კონტროლი.

პრეპარატი სიფრთხილით ინიშნება ავადმყოფებში შაქრიანი დიაბეტით, გულის უკმარისობით, სეპტიცემიით, დეპრესიით, ეპილეფსიით, ფსიქიკის დარღვევებით, პარკინსონიზმით, ვინაიდან შესაძლებელია ძირითადი დაავადების გართულება.

ინდომეტაცინმა შეიძლება გამოიწვიოს სითხის შეკავება და ამგვარად გაუარესდეს გულ-სისხლძარღვთა დაავადებებით, ჰიპერტონიით დაავადებულებში. მან შეიძლება დათრგუნოს თრომბოციტების აგრეგაცია და გაზარდოს სისხლდენის დრო, რითაც ხელს შეუწყობს არასასურველი რეაქციების განვითარებას ავადმყოფებში სისხლის შედედების დარღვევებით.

ღვიძლის დაავადებებისას აუცილებელია ღვიძლის ფერმენტების პერიოდული კონტროლი, რომელთა აქტივობა შესაძლოა გაიზარდოს.

ინდომეტაცინით მკურნალობამ შეიძლება მოახდინოს საშვილოსნოს შიდა პესარიების ჩასახვის საწინააღმდეგო მოქმედების გაძლიერება.

ინდომეტაცინის გამოყენებამ შეიძლება იმოქმედოს განაყოფიერების უნარზე და მისი გამოყენება რეკომენდებული არ არის ქალებისათვის, რომლებიც ორსულობას გეგმავენ. დაორსულების პრობლემების არსებობისას ან გამოკვლევების ჩატარებისას შესაძლო უნაყოფობის დასადგენად, პრეპარატის მიღება უნდა შეწყდეს.

წამლების ურთიერთქმედება და სხვა ურთიერთქმედებანი:

ინდომეტაცინი ურთიერთქმედებაშია ბევრ სამკურნალო საშუალებასთან და ამიტომ განაკუთრებული სიფრთხილით უნდა მოხდეს მისი კომბინირება სხვა მედიკამენტებთან.

დიფლუზინალი ამცირებს ინდომეტაცინის გამოყოფას თირკმელებით და იწვევს შრატში კონცენტრაციების მომატებას და ამასთან დაკავშირებული არასასურველი გვერდითი რეაქციების გამოვლენის შესაძლებლობას.

აცეტილსალიცილის მჟავა და სხვა არასტეროიდული ანთების საწინააღმდეგო საშუალებები – ინდომეტაცინის კონცენტრაციები შრატში მცირდება საშუალოდ 20%-ით; ერთდროული გამოყენებისას უფრო ხშირად ვლინდება გვერდითი მოვლენები კუჭ-ნაწლავის ტრაქტის მხრივ და ჰიპერმგრძნობელობის რეაქციები.

ალკოჰოლი – იზრდება არასასურველი რეაქციების რისკი კუჭ-ნაწლავის ტრაქტის მხრივ.

პრობენეციდი – იზრდება ინდომეტაცინის ოდენობა სისხლში.

მეტოტრექსატი – ინდომეტაცინი ამცირებს მის გამოყოფას თირკმელებით და აძლიერებს მის ტოქსიკურ ეფექტებს.

ლითიუმის პრეპარატები – ინდომეტაცინი იწვევს სისხლში ლითიუმის კონცენტრაციის მომატებას და თირკმელებით მისი გამოყოფის შემცირებას, ასევე აძლიერებს მისი ტოქსიკური ეფექტების გამოვლენის რისკს.

დიურეზიულები – ინდომეტაცინი ამცირებს დიურეზიულების შარდმდენ, ნატრიურეზიულ და ანტიჰიპერტენზიულ მოქმედებას

ბეტა-ადრენო ბლოკატორები – ინდომეტაცინი ამცირებს ბეტა-ბლოკატორების მოქმედებას.

ამფ ინჰიბიტორები – ანტიჰიპერტენზიული მოქმედების შესუსტება ერთდროული გამოყენებისას.

ანტიაგრეგანტები და ანტიკოაგულანტები – იზრდება სისხლდენათა რისკი თრომბოციტების ფუნქციის დაქვეითების და კნტ-ს ლორწოვან გარსზე გამაღიზიანებელი მოქმედების  შედეგად. აუცილებელია ავადმყოფის მდგომარეობის კონტროლი და სისხლდენისა და პროთრომბინული დროის შემოწმება.

ანტაციდური საშუალებები – მცირდება ინდომეტაცინის შეწოვა, რაც საჭიროს ხდის მათ მიღებათა შორის 2 საათიანი ინტერვალის გაკეთებას.

განსაკუთრებული გაფრთხილება პაციენტთა სპეციფიური ჯგუფებისათვის

არ გამოიყენება ორსულობის დროს. პრეპარატი იწვევს ნაყოფის ნორმალური განვითარების დარღვევას.

გამოიყოფა დედის რძესთან ერთად. არ შეიძლება ლაქტაციის პერიოდში გამოყენება. ამ პერიოდში მკურნალობის ჩატარების აუცილებლობის შემთხვევაში, ძუძუთი კვება უნდა შეწყდეს.

გავლენა ავტომანქანის მართვისა და ტექნიკით სარგებლობის უნარზე:

ინდომეტაცინმა შეიძლება გამოიწვიოს მოძრაობის ფუნქციის დარღვევა და მისი გამოყენება რეკომენდებული არ არის ავტომობილის მართვისა და ტექნიკით სარგებლობის დროს.

ჭარბი დოზირება:

პრეპარატის ძალიან დიდი დოზის მიღებისას შესაძლებელია ღებინება, გულისრევა, მტკივნეული კოლიკები, ფაღარათი, თავის ტკივილი, თავბრუსხვევა, დაბნეულობა. შესაძლებელია გამოვლინდეს გამონაყარი კანზე, პერიფერიული შეშუპებები, სუნთქვის გართულება, ციანოზია და სისხლის წნევის მკვეთრი დაწევა.

აუცილებელია გულისრევის გამოწვევა და კუჭის ამორეცხვა. გამოიყენება სიმპტომატური საშუალებები.

გვერდითი მოქმედება:

•    კუჭ-ნაწლავის ტრაქტი – ღებინება გულისრევით ან მის გარეშე, ფაღარათი, მუცლის ტკივილი, ყაბზობა, სისხლჩაქცევები, წყლული, ღვიძლის დაზიანება;

•    ჰიპერმგრძნობელობის რეაქციები – ქავილი, გამონაყარი, ჭინჭრის ციება, ექსფოლიატური დერმატიტი, მწვავე ანაფილაქტიური რეაქციები, ასთმური შეტევა;

•    ცენტრალური ნერვული სისტემა – თავის ტკივილი, თავბრუსხვევა, ძილიანობა, დეპრესია, დაღლილობა, მეხსიერების დარღვევა, პარკინსონიზმი;

•    ფსიქიკის მხრივ დარღვევები – არსებული ეპილეფსიის გაუარესება, დეპრესია;

•    გრძნობის ორგანოები – შუილი და გუგუნი ყურებში, დაგროვება რქოვანაში და რეტინის დაზიანება (მკურნალობა დაუყოვნებლივ წყდება);

•    საშარდე სისტემა – თირკმელების დაზიანება, სითხის შეკავება;

•    სისხლი – ანემია, ლეიკოპენია, თრომბოციტოპენია, თავის ტვინის ჰიპო- ან აპლაზია;

•    მეტაბოლიზმის დარღვევები – ჰიპერგლიკემია, გლუკოზურია, ჰიპერკალიემია.

შენახვის პირობები:

მშრალ და სინათლისაგან დაცულ ადგილას, ტემპერატურაზე არაუმეტეს 25ºC.

ინახება ბავშვებისათვის მიუწვდომელ ადგილას!

ვარგისიანობის ვადა:

4  წელი გამოშვების თარიღიდან.

პრეპარატის გამოყენება არ შეიძლება შეფუთვაზე აღნიშნული ვარგისიანობის ვადის ამოწურვის შემდეგ.

აფთიაქიდან გაცემის პირობები:

რეცეპტით.

მალამო 10%: ტუბში 40 გ

1 გ

ინდომეტაცინი ................   100 მგ

ჩვენებები:

•    სახსრების მწვავე და ქრონიკული ანთებითი დაავადებები (რევმატოიდული პოლიართრიტი, ანკილოზირებადი სპონდილიტი, ფსორიატული ართრიტი);

•    რბილი ქსოვილების რევმატიზმი (ტენდოვაგინიტი, ბურსიტი, ფიბროზიტი, პერიართრიტი);

•    აქტივირებული ართროზი; დისკოპათიები, ნევრიტები, პლექსიტები, რადიკულიტები;

•    პოსტოპერაციული შეშუპება, კონტუზიები, ამოვარდნები, დაჭიმულობები.

გამოყენების წესი და დოზირება:

უფროსები

სამკურნალო პრეპარატი განკუთვნილია გარეგანი გამოყენებისათვის, კანზე წასასმელად. წაისმევა 2-3 ჯერ დღეში თხელი ფენის მსუბუქი შეზელვით დაზიანებულ მონაკვეთზე. ერთი დამუშავებისათვის საკმარისი რაოდენობა შეადგენს დაახლოებით 4-5 სმ მალამოს. საერთო გამოყენებული დღე-ღამის რაოდენობა არ უნდა აღემატებოდეს 15 სმ. მკურნალობის ხანგრძლივობა არაუმეტეს 10 დღისა.

14 წელზე უფროსი ასაკის ბავშვები

ერთჯერადი და დღე-ღამის დოზები დაახლოებით უდრის უფროსთა დოზის ნახევარს, ე.ი. ერთი შეზელვისათვის საკმარისი რაოდენობა შეადგენს დაახლოებით 2-2.5 სმ მალამოს. დღე-ღამის საერთო რაოდენობა არ უნდა აღემატებოდეს 7.5 სმ მალამოს.

მკურნალობის ხანგრძლივობა არ უნდა აღემატებოდეს 10 დღეს.

ინდომეტაცინის 10% მალამოს გამოყენება შეიძლება კომპლექსურ მკურნალობაში ამ სამკურნალო პრეპარატის ტაბლეტებთან.

უკუჩვენებები:

*   ჰიპერმგრძნობელობა პრეპარატის რომელიმე კომპონენტის მიმართ;

*    ჰიპერმგრძნობელობა არასტეროიდული ანთებსაწინააღმდეგო საშუალებების მიმართ;

*    აქტიური წყლულოვანი დაავადება, ლეიკოპენია, თრომბოციტოპენია, კოაგულოპათიები;

*    არ გამოიყენება ღია ჭრილობებზე, ლორწოვან გარსებზე, პირის ღრუში, თვალებზე.

სიფრთხილე გამოყენებისას:

მკურნალობის დაწყებამდე შეატყობინეთ მკურნალ ექიმს, თუ რაიმე თანმხლები დაავადებები გაგაჩნიათ!

რეკომენდებული არ არის 14 წელზე უმცროს ბავშვებში გამოყენება, ვინაიდან საკმარისი კლინიკური გამოცდილება არ არსებობს. პრეპარატის გამოყენება რეკომენდებული არ არის ავადმყოფებში ანამნესტიკური მონაცემებით ან დამტკიცებული ძლიერი მგრძნობელობით საკვები პროდუქტებისა და მედიკამენტების მიმართ, ბრონქიალური ასთმით, ალერგიული რინიტით ან სხვა ატოპიებით. პრეპარატის ხანგრზლივი გამოყენება, განსაკუთრებით კანის დიდ მონაკვეთებზე შეზღუდულ უნდა იქნეს ავადმყოფებში ღვიძლისა და თირკმელის მძიმე დაავადებებით. გამოიყენება მხოლოდ ინტაქტურ კანზე.

ურთიერთმოქმედება სამკურნალო საშუალებებთან:

აუცილებლად აცნობეთ მკურნალ ექიმს, რომ თქვენ სარგებლობთ რაიმე სხვა პრეპარატებით!

სხვა ადგილობრივი გამოყენების პრეპარატებთან ურთიერთმოქმედების შესახებ მონაცემები არ არის.

რეკომენდებული არ არის მალამოს გამოყენება კორტიკოსტეროიდულ პრეპარატებთან, ვინაიდან შესაძლებელია მათი ულცეროგენული ეფექტის გაძლიერება.

განსაკუთრებული მითითებები:

ანტიბიოტიკებთან, ანტიკოაგულანტებთან და დიაბეტის საწინააღმდეგო საშუალებებთან ერთად გამოყენებისას აუცილებელია შესაბამისი ლაბორატორიული მაჩვენებლების კონტროლი.

ხანგრძლივი მკურნალობისას (10 დღეზე მეტი) აუცილებელია თვალყური ედევნოს სისტემური ეფექტების – ფეპატოტოქსიკურობა, თავის ძლიერი ტკივილი, სისხლჩაქცევები, შესაძლო გამოვლინებას; აუცილებელია ლეიკოციტებისა და თრომბოციტების რაოდენობათა მონიტორინგი.

ორსულობა და ლაქტაცია:

არ გამოიყენება ორსულობისა და ლაქტაციის დროს. კლინიკური გამოცდილება, რომელიც ადასტურებს ინდომეტაცინის მალამოს გამოყენების უსაფრთხოებას ორსულობისა და ლაქტაციის დროს, არ არსებობს, რის გამოც გამოყენება დაუშვებელია.

ზემოქმედება სატრანსპორტო საშუალებებისა და სხვა მექანიზმების მართვის უნარზე:

მალამო არ ახდენს გავლენას აქტიურ ყურადღებაზე და მისი გამოყენება შეიძლება ავტოსატრანსპორტო საშუალებათა მძღოლებისა და მანქანების ოპერატორთა მკურნალობისათვის.

გამოყენების წესი და დოზირება:

•    უფროსები

სამკურნალო პრეპარატი განკუთვნილია გარეგანი გამოყენებისათვის, კანზე წასასმელად. წაისმევა 2-3 ჯერ დღეში თხელი ფენის მსუბუქი შეზელვით დაზიანებულ მონაკვეთზე. ერთი დამუშავებისათვის საკმარისი რაოდენობა შეადგენს დაახლოებით 4-5 სმ მალამოს. საერთო გამოყენებული დღე-ღამის რაოდენობა არ უნდა აღემატებოდეს 15 სმ. მკურნალობის ხანგრძლივობა არაუმეტეს 10 დღისა.

•    14 წელზე უფროსი ასაკის ბავშვები

ერთჯერადი და დღე-ღამის დოზები დაახლოებით უდრის უფროსთა დოზის ნახევარს, ე.ი. ერთი შეზელვისათვის საკმარისი რაოდენობა შეადგენს დაახლოებით 2-2.5 სმ მალამოს. დღე-ღამის საერთო რაოდენობა არ უნდა აღემატებოდეს 7.5 სმ მალამოს.

მკურნალობის ხანგრძლივობა არ უნდა აღემატებოდეს 10 დღეს.

ინდომეტაცინის 10% მალამოს გამოყენება შეიძლება კომპლექსურ მკურნალობაში ამ სამკურნალო პრეპარატის ტაბლეტებთან.

ჭარბი დოზირება:

პრეპარატის ადგილობრივი გამოყენებისას ჭარბი დოზის შემთხვევები ცნობილი არ არის. პრეპარატის ჩაყლაპვისას შესაძლოა გამოვლინდეს წვა პირის ღრუში, სალივაცია, ღებინება, გულისრევა. ამ შემთხვევებში კეთდება პირის ღრუსა და კუჭის გამორეცხვა, ჩვენებებისას – სიმპტომატური მკურნალობა.

მალამოს მოხვედრისას თვალებში, ლორწოვან გარსზე ან ღია ჭრილობებზე აღინიშნება ადგილობრივი გაღიზიანება – ცრემლდენა, სიწითლე, წვა, ტკივილი. ამ შემთხვევებში უნდა მოხდეს დაზიანებული მონაკვეთის ჩამობანა დისტირილებული წყლით ან ფიზიოლოგიური ხსნარით ჩივილების გაქრობამდე ან შემცირებამდე.

თუ შენიშნავთ ამდაგვარ სიმპტომებს ექიმს მიმართეთ დოზის შესამცირებლად ან მკურნალობის შესაწყვეტად.

გვერდითი ეფექტები:

პრეპარატის ამტანობა ჩვეულებრივ კარგია. შესაძლებელია ჰიპერმგრძნობელობის სიმპტომების გამოვლინება კანის მხრივ – ქავილი, ერითემა, გამონაყარი კანზე, წვის შეგრძნება გამოყენების ადგილას.

თუ აგეღნიშნათ რაიმე გვერდითი მოვლენები ან უჩვეულო რეაქციები, გთხოვთ, შეუთანხმდით თქვენს ექიმს შემდგომი მკურნალობის შესახებ!

ვარგისიანობის ვადა:

2  წელი.

არ მიიღოთ შეფუთვაზე მითითებული ვადის ამოწურვის შემდეგ!

შენახვის პირობები:

სინათლისაგან დაცულ ადგილას, არაუმეტეს 25ºC ტემპერატურაზე.

არ გაყინოთ! შეინახეთ ბავშვებისათვის მიუწვდომელ ადგილას!

აფთიაქიდან გაცემის პირობები:

ურეცეპტოდ.

საერთაშორისო დასახელება:

INDOMETHACIN; TROXERUTIN

მწარმოებელი: BALKANPHARMA-TROYN, ბულგარეთი

მოქმედი ნივთიერება: ინდომეტაცინი+ტროქსერუტინი

კლინიკურ-ფარმაკოლოგიური ჯგუფი:

ანთების საწინააღმდეგო, ტკივილდამაყუჩებელი, ანგიოპროტექტული საშუალება.

შემადგენლობა და გამოშვების ფორმა:

გელი: ტუბში 45 გ

1 გ

ინდომეტაცინი .......    ........30 მგ

ტროქსერუტინი ......            20 მგ

დამხმარე ნივთიერებები:

კარბომერი, მაკროგოლი, ნატრიუმის ბენზოატი, პროპილენგლიკოლი, ეთილის სპირტი.

ფარმაკოლოგიური თვისებები:

ინდოვაზინი წარმოადგენს კომბინირებულ ანთების საწინააღმდეგო, ტკივილგამაყუჩებელ, შეშუპების საწინააღმდეგო პრეპარატს გარეგანი გამოყენებისათვის.

ფარმაკოკინეტიკა:

არ მოიპოვება მონაცემები.

ჩვენებები:

• ძვალ-კუნთოვანი სისტემის ანთებითი დაავადებები (მათ შორის ბურსიტი, ტენდოვაგინიტი, სინოვიტი);
• ვენების ქრონიკული უკმარისობა;
• ვენების ვარიკოზული გაფართოვება, რომლის თანმხლებია ტკივილი და შეშუპება;
• ვენების ვარიკოზული გაფართოებით გამოწვეული ტროფიკული დარღვევები;
• ტრავმული წარმოშობის სისხლჩაქცევები;
• იმობილიზაციის შემდგომი მდგომარეობა.

მიღების წესი და დოზირება:

გელი (1-2) სმ ხელის მსუბუქი მოძრაობით დაიტანება კანის დაზიანებულ უბანზე 2-3-ჯერ დღეში.

გვერდითი მოვლენები:

ალერგიული რეაქციების სახით იშვიათად აღინიშნება გამონაყარი, ჰიპერემია, ურტიკარია, ქავილი.

უკუჩვენებები:

*კუჭისა და 12-გოჯა ნაწლავის წყლულოვანი დაავადება გამწვავების ფაზაში;

*უცნობი ეტიოლოგიის სისხლის შედედების სისტემის დარღვევა;

*ორსულობისა და ლაქტაციის პერიოდი;

*პრეპარატისა და ანთების საწინააღმდეგო სხვა არასტეროიდული საშუალებების მიმართ მომატებული მგრძნობელობა.

ორსულობა და ლაქტაცია:

*ორსულობისა და ლაქტაციის პერიოდში პრეპარატის გამოყენება წინააღმდეგნაჩვენებია.

განსაკუთრებული მითითებები:

პრეპარატი გამოიყენება მხოლოდ გარეგანად.

თავიდან უნდა ავიცილოთ პრეპარატის არასასურველი კონტაქტი თვალთან, ლორწოვან გარსსა და ღია ჭრილობებთან.

პრეპარატის გამოყენება პედიატრიაში:

პრეპარატის 14 წლამდე ასაკის ბავშვებში გამოყენებისას სიფრთხილეა საჭირო.

ლაბორატორიული მაჩვენებლების კონტროლი:

პრეპარატის 10 დღეზე მეტი ხნით გამოყენებისას საჭიროა პერიფერიული სისხლის სურათის კონტროლი (ლეიკოციტებისა და თრომბოციტების რაოდენობა).

ჭარბი დოზირება:

არ არსებობს მონაცემები.

სხვა წამლებთან ურთიერთქმედება:

ინდოვაზინი სიფრთხილით ინიშნება ანთების საწინააღმდეგო, არასტეროიდულ სხვა პრეპარატებთან, ანტიბიოტიკებთან და ჰიპოგლიკემიურ საშუალებებთან.

შენახვის პირობები:

პრეპარატი ინახება 15-30⁰C ტემპერატურაზე, მშრალ ადგილას.

ვარგისიანობის ვადა: 2 წელი.

საერთაშორისო დასახელება:

INDINAVIR

მწარმოებელი: CIPLA

მოქმედი ნივთიერება: ინდინავირი

კლინიკურ-ფარმაკოლოგიური ჯგუფი:

ანტივირუსული საშუალება; პროტეაზის ინჰიბიტორი

შემადგენლობა და გამოშვების ფორმა:

კაფსულები: შეფუთვაში 30 ც.

1 კაფს.

ინდინავირი ............   400 მგ

ფარმაკოლოგიური მოქმედება:

ანტივირუსული საშუალება, პროტეაზას ინჰიბიტორი. აქტიურია ადამიანის იმუნოდეფიციტის ვირუსის მიმართ. ახდენს ვირუსული პროტეაზას ინჰიბირებას სპეციფიკურ რეცეპტორებთან შეკვრის გზით, რაც ხელს უშლის ვირუსული პოლიპროტეინების წარმოქმნას და იწვევს არააქტიური ვირუსული ნაწილაკების ფორმირებას.

ფარმაკოკინეტიკა:

შიგნით მიღებისას სწრაფად აბსორბირდება კუჭ–ნაწლავის ტრაქტიდან. Cmax სისხლის პლაზმაში მიიღწევა 0.5–1.1 სთ–ში. პლაზმის ცილებთან შეკავშირება  – 60%. კუმულაცია უმნიშვნელოდ არის გამოხატული.

მეტაბოლიზდება ჟანგვის გზით და გლუკურონის მჟავასთან წარმოქმნის 7 მეტაბოლიტს. ინდინავირის 20%–ზე ნაკლები გამოიყოფა შარდთან ერთად შეუცვლელი სახით.

T _1/2 შეადგენს 1.5–2.2 სთ.

ჩვენებები:

დაავადებები გამოწვეული ადამიანის უმუნოდეფიციტის ვირუსით მოზრდილ პაციენტებში, არ აქვს მნიშვნელობა ღებულობდა თუ არა ანტირეტროვირუსულ საშუალებას (ანტირეტროვირუსულ საშუალებებთან კომბინაციაში ან მონოთერაპიის სახით).

დოზირების რეჟიმი:

მოზრდილებში შიგნით მისაღებად – 600–800მგ. ყოველ 8 საათში. ინდინავირის დოზა ერთნაირია როგორც მონოთერაპიისას, ისე სხვა ანტირეტროვირუსულ საშუალებებეთან კომბინაციაში.

გვერდითი მოქმედება:

საჭმლის მომნელებელი სისტემის მხრივ:

ტკივილი მუცელში, გულძმარვა, გულისრევა, ღებინება, მეტეორიზმი, გემოვნების დარღვევა, ღვიძლის ტრანსამინაზების მომატება, ჰიპერბილირუბინემია.

ცნს–ის მხრივ:

ასთენია, მომატებული დაღლილობა, თავბრუსხვევა, თავის ტკივილი, ჰიპერსთეზია, ძილის დარღვევა.

შარდგამომყოფი სისტემის მხრივ:

ნეფროლითიაზი, ჰემატურია, პროტეინურია;

დერმატოლოგიური რეაქციები:

ქავილი, კანის სიმშრალე;

სისხლის შემდედებელი სისტემის მხრივ:

ჰემოლიტური ანემია;

სხვა: ლიმფადენოპათია.

უკუჩვენებები:

ინდინავირის მიმართ მომატებული მგრძნობელობა.

ორსულობა და ლაქტაცია:

ორსულობისას პრეპარატის  მიღება შეიძლება მხოლოდ მაშინ, როცა დედისათვის სავარაუდო  სასარგებლო შედეგი სჭარბობს ნაყოფზე  შესაძლო მოქმედების პოტენციურ რისკს.

ლაქტაციის პერიოდში პრეპარატის მიღების აუცილებლობის შემთხვევაში უნდა გადაწყდეს ძუძუთი კვების საკითხი.

განსაკუთრებული მითითებები:

ინდინავირით მკურნალობისას პაციენტს ეძლევა რეკომენდაცია ადექვატური რაოდენობით წყლით დატვირთვაზე, ნეფროლითიაზის გამოსარიცხად. ღვიძლის არასაკმარისი ფუნქციონირების გამო ნაჩვენებია ინდინავირის დოზის შემცირება.

უსიმპტომო ჰიპერბილირუბინემიის დროს არ არის საწირო ინდინავირის დოზის შემცირება, ამ დროს ბილირუბინის მნიშვნელობა თანდათან უბრუნდება ნორმას.

ბავშვებში პრეპარატის უსაფრთხოება და ეფექტურობა დადგენილი არ არის.

სხვა წამლებთან ურთიერთქმედება:

ინდინავირისა და რიფაბუტინის ერთდროული მიღებისას ამ უკანასკნელის კონცენტრაცია სისხლის პლაზმაში მატულობს.

კეტოკონაზოლთან მიღებისას ინდინავირის კონცენტრაცია სისხლის პლაზმაში მატულობს.

ინდინავირის მიღება არ შეიძლება ტერფენადინთან, ასტემიზოლთან, ციზაპრიმიდთან, მიდაზოლამთან და თიაზოლამთან ერთად, რადგანაც CYP3A4 ინჰიბიტორებთან ერთად მიღებამ შეიძლება გამოიწვიოს ამ პრეპარატების მეტაბოლიზმის დათრგუნვა და გულის რითმის დარღვევა.

რადგანაც რიფამპიცინი წარმოადგენს CYP3A4 ძლიერ ინდუქტორს შესაძლებელია სისხლის პლაზმაში ინდინავირის კონცენტრაციის შემცირება (ინდინავირისა და რიფამპიცინის კომბინაცია არ არის რეკომენდირებული) .

საერთაშორისო დასახელება:

INDAPAMIDE

მწარმოებელი: GMP, საქართველო

მოქმედი ნივთიერება: ინდაპამიდი

კლინიკურ-ფარმაკოლოგიური ჯგუფი:

გახანგრძლივებული მოქმედების ჰიპოტენზიური (თიაზიდის მსგავსი დიურეტიკი) საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 20 ც.

1 ტაბ.

ინდაპამიდი ....................... 1.5 მგ

ფარმაკოლოგიური თვისებები:

სულფონამიდის წარმოებული ჰიპოტენზიური (დიურეზული) საშუალება. ფარმაკოლოგიური თვისებით ინდაპამიდი ახლოს დგას თიაზიდურ დიურეტიკებთან, რომელთა მოქმედებაც დამყარებულია ნეფრონის მარყუჟის კორტიკალურ სეგმენტში ნატრიუმის, ქლორის და ნაკლებად - კალიუმისა და მაგნიუმის იონების უკუშეწოვის ინჰიბირებაზე. აღნიშნული იწვევს დიურეზის გაძლიერებას და საბოლოოდ - ინდაპამიდის ჰიპოტენზიურ ეფექტს. გარდა ამისა, პრეპარატი ზრდის არტერიების კედლების ელასტიურობას და ამცირებს საერთო პერიფერიულ სისხლძარღვოვან წინააღმდეგობას.

პრეპარატი ხელს უწყობს გულის მარცხენა პარკუჭის ჰიპერტროფიის შემცირებას.

ინდაფონი რეტარდის მიღების ხანგრძლივობა არ მოქმედებს ლიპიდურ და ნახშირწყლოვან ცვლაზე.

პრეპარატის ჰიპოტენზიური ეფექტი ვლინდება პირველი კვირის ბოლოდან და მაქსიმუმს აღწევს სისტემატური მიღებიდან 3 თვის შემდეგ.

ფარმაკოკინეტიკა:

ინდაფო რეტარდის აქტიური ნივთიერება - ინდაპამიდი თანდათანობით გამოთავისუფლდება და პრეპარატის 1 ტაბლეტის (1.5 მგ) ერთჯერადად მიღების შემდეგ C_max მიიღწევა 12 საათში.

პლაზმის ცილებს უკავშირდება 79%. სისხლის პლაზმაში ინდაპამიდის მუდმივი კონცენტრაცია მიიღწევა რეგულარული მიღებიდან 7 დღის შემდეგ. ინდაპამიდი ორგანიზმში განიცდის ბიოტრანსფორმაციას და გამოიყოფა არააქტიური მეტაბოლიტების სახით, ძირითადად შარდის გზით - 70% და ფაკალური მასებით - 22%. ?? შეადგენს 14-24 სთ-ს (საშუალოდ 18 სთ).

თირკმლის უკმარისობის მქონე პაციენტებში ინდაფონის ფარმაკოკინეტიკური პარამეტრები არ იცვლება.

ჩვენებები:

• არტერიული ჰიპერტონია

დოზირების რეჟიმი:

ინდაფონი რეტარდი ინიშნება დღეში ერთხელ თითო ტაბლეტი (1.5 მგ), უპირატესად დილას.

გვერდითი მოვლენები:

წყალ-მარილოვანი ბალანსის მხრივ: შესაძლებელია ჰიპოკალიემია, ჰიპონატრიემია, ძალზედ იშვიათად - ჰიპერკალციემია.

ნივთიერებათა ცვლის მხრივ: შესაძლებელია სისხლის პლაზმაში შარდოვანასა და გლუკოზის შემცველობის გაზრდა.

გულ-სისხლძარღვთა სისტემის მხრივ: შესაძლებელია ორთოსტატური ჰიპოტენზია.

კნტ-ის მხრივ: იშვიათად - გულისრევა, პირის სიმშრალე, ყაბზობა.

ალერგიული რეაქციები: შესაძლებელია გამოვლინებები კანის მხრივ.

ცნს-ის მხრივ: შესაძლებელია თავბრუსხვევა, სისუსტე, დაღლილობის შეგრძნება, თავის ტკივილი.

უკუჩვენებები:

*თირკმლისა ან ღვიძლის ფუნქციის მძიმე დარღვევები;

*ღვიძლის ენცეფალოპათია;

*ჰიპოკალიემია;

*ინდაპამიდისა და სულფონამიდის წარმოებულებისადმი ჰიპერმგრძნობელობა.

ორსულობა და ლაქტაცია:

*ინდაფონ რეტარდის დანიშვნა ორსულობის დროს არ არის რეკომენდებული, მათ შორის ფიზიოლოგიური შეშუპების მოსახსნელადაც. ინდაპამიდი გამოიყოფა დედის რძესთან ერთად, ამდენად მისი მიღება ლაქტაციის პერიოდში არ არის მიზანშეწონილი.

განსაკუთრებული მითითებები:

- შაქრიანი დიაბეტით დაავადებულ პაციენტებში პრეპარატის დანიშვნისას აუცილებელია გლუკოზის დონის კონტროლი (განსაკუთრებით ჰიპოკალიემიის დროს).

- პაციენტებში შარდმჟავას მაღალი დონით აღინიშნება ნიკრისის ქარის (პოდაგრა) შეტევების რაოდენობის ზრდა.

- ინდაფონ რეტარდით მკურნალობის ფონზე შესაძლებელია დისემინირებული წითელი მგლურას გამწვავება. ღვიძლის ფუნქციური უკმარისობის მქონე პაციენტებში თიაზიდურმა დიურეტიკებმა შეიძლება გამოიწვიოს ღვიძლისმიერი ენცეფალოპათია. ამ შემთხვევაში საჭიროა პრეპარატის მიღების დაუყოვნებელი შეწყვეტა.

- თიაზიდური დიურეტიკებით მკურნალობისას ძირითად რისკს წარმოადგენს სწრაფად განვითარებული ჰიპოკალიემია. საყურადღებოა, რომ მათ შესაძლებელია გამოიწვიონ კალციუმის იონების ორგანიზმში შეკავება, რაც უმნიშვნელო და დროებით ჰიპერკალციემიას იწვევს. გამოხატული ჰიპერკალციემია შესაძლებელია ადრე არადიაგნოსტირებული ჰიპერპარათირეოიდიზმის შედეგი იყოს.

- ინდაფონი რეტარდით მკურნალობის დროს საფაღარათო საშუალებების დანიშვნის აუცილებლობისას უნდა შეირჩეს პრეპარატი, რომელიც არ მოქმედებს ნაწლავების პერისტალტიკაზე.

- ინდაფონი რეტარდი არ იწვევს ფსიქომოტორული რეაქციების დარღვევას. თუმცა, არტერიული წნევის დაქვეითებისას ზოგიერთ შემთხვევაში შესაძლებელია ინდივიდუალური რეაქციების გამოვლინება (განსაკუთრებით თერაპიის დასაწყისში რამდენიმე ჰიპოტენზიური საშუალებით ერთდროულად მკურნალობის დროს). ამ შემთხვევაში შესაძლებელია ფსიქომოტორული რეაქციების შენელება.

ჭარბი დოზირება:

ინდაპამიდს, მაღალი დოზითაც კი, არ ახასიათებს ტოქსიკური მოქმედება.

დოზის გადაჭარბებისას შესაძლებელია წყალელექტროლიტური ბალანსი (ჰიპონატრიემია, ჰიპოკალიემია) დარღვევა, გულისრევა, ღებინება, არტერიული ჰიპოტენზია, კრუნჩხვა, თავბრუსხვევა, ძილიანობა, გონების დაბინდვა, პოლიურია ან ოლიგურია გარდამავალი ანურიაში (ჰიპოვოლემის შედეგად).

სხვა წამლებთან ურთიერთქმედება:

ინდაპამიდის ლითიუმის პრეპარატებთან ერთდროულმა დანიშვნამ შესაძლებელია სისხლის პლაზმაში ლითიუმის კონცენტრაციის მატება გამოიწვიოს. ასტემიზოლთან, ბეპრიდილთან, ერითრომიცინთან (ინტრავენურად), პენტიმიდინთან, სულტოპრიდთან, ტერფენადინთან, ვინკამინთან, ქინიდინთან, დიზაპირამიდთან, ამიოდარონთან, ბრეტილიუმთან, სოტალოლთან კომბინაციაში იზრდება torsades de pointes ტიპის გულის რითმის დარღვევის განვითარების ალბათობა.

ანთების საწინააღმდეგო არასტეროიდული საშუალებები (სისტემური გამოყენების) აქვეითებენ ინდაფონი რეტარდის ჰიპოტენზიურ ეფექტს, ხოლო ბაკლოფენი, იმიპრამინის ტიპის ტრიციკლური ანტიდეპრესანტები აძლიერებენ ინდაპამიდის ჰიპოტენზიურ მოქმედებას. პრეპარატები, რომლებმაც შეიძლება ჰიპოკალიემია გამოიწვიონ (ამფოტერიცინი B, გლუკო- და მინერალოკორტიკოიდები, ტეტრაკოზაკტიდი, საფაღარათო საშუალებები) ინდაფონ რეტარდთან კომბინაციაში ზრდიან ჰიპოკალიემიის განვითარების რისკს.

ინდაპამიდის საგულე გლიკოზიდებთან ერთად გამოყენებისას შესაძლებელია მათი ტოქსიკური მოქმედების გაძლიერება (აუცილებელია სისხლის პლაზმაში კალიუმის დონის და ეკგ მაჩვენებლების კონტროლი).

შენახვის პირობები:

პრეპარატი ინახება 10-25⁰C ტემპერატურაზე, სინათლისაგან დაცულ, მშრალ, ბავშვებისათვის მიუწვდომელ ადგილას.

ვარგისიანობის ვადა: 2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

INDAPAMIDE

მწარმოებელი: PRO. MED. CS. P RAHA, ჩეხეთი

მოქმედი ნივთიერება: ინდაპამიდი

კლინიკურ-ფარმაკოლოგიური ჯგუფი:

დიურეზული საშუალება.

შემადგენლობა და გამოშვების ფორმა:

კაფსულები: შეფუთვაში 30 ც.

1 კაფს.

ინდაპამიდი ...............         2.5 მგ

ფარმაკოლოგიური თვისებები:

ინდაპი წარმოადგენს არათიაზიდურ, სულფანილამიდური ჯგუფის შემცველ შარდმდენ საშუალებას მოქმედების საშუალო სიძლიერით.

ჩვენებები:

• არტერიული ჰიპერტენზია.

დოზირების რეჟიმი:

2.5 მგ (1 კაფსულა) ერთხელ დღეში წყლის მიყოლებით, კაფსულის დაღეჭვის გარეშე.

შესაძლებელია პრეპარატის გამოყენება მონოთერაპიის სახით ან კომბინაციაში სხვა ანტიჰიპერტენზულ საშუალებებთან (ბეტა-ბლოკატორებთან, კალციუმის ნელი არხების ბლოკატორებთან, აგფ-ინჰიბიტორებთან).

გვერდითი მოვლენები:

გულისრევა, დისკომფორტი ან ტკივილი ეპიგასტრიუმის არეში; სისუსტე, სწრაფად დაღლა, ალერგიული რეაქციები: გამონაყარი კანზე, ქავილი, იშვიათად - ორთოსტატული ჰიპოტენზია.

უკუჩვენებები:

*მომატებული მგრძნობელობა პრეპარატის მიმართ;

*თავის ტვინის სისხლმიმოქცევის მწვავე მოშლა;

*ღვიძლის და თირკმელების ფუნქციის გამოხატული დარღვევები;

*შაქრიანი დიაბეტი დეკომპენსაციის სტადიაში;

*პოდაგრა;

*ორსულობა და ლაქტაციის პერიოდი.

განსაკუთრებული მითითებები:

- ხანგრძლივი გამოყენებისას ან ჭარბი დოზირების შემთხვევაში აღინიშნება დარღვევები ელექტროლიტური ბალანსის მხრივ, მათ შორის ჰიპონატრიემია, ჰიპოკალიემია და ჰიპოქლორემიული ალკალოზი. ეს დარღვევები აღინიშნება ავადმყოფებში გულის უკმარისობით, თირკმელების დაავადებით, ღვიძლის ციროზით, ღებინების და დიარეის დროს, ასევე პირებში, რომლებიც იმყოფებიან უმარილო დიეტაზე. ინდაპის გამოყენებისას მცირდება შარდმჟავას ელიმინაცია ორგანიზმიდან, რაც იწვევს ლატენტური პოდაგრის გამწვავებას.

- ინდაპის, საგულე გლიკოზიდების და კორტიკოსტეროიდების ერთდროული გამოყენება ზრდის ჰიპოკალიემიის განვითარების რისკს. ასევე შეიძლება გაიზარდოს მაგნიუმის გამოყოფა შარდით, რაც იწვევს ჰიპომაგნიემიას.

-ინდაპის და ლითიუმის პრეპარატების ერთდული გამოყენება იწვევს ლითიუმის ტოქსიკური ეფექტის მომატებას მისი რენული კლირენსის შემცირების გამო.

პრეპარატის კარგი ამტანობა და გამოყენების უსაფრთხოება განაპირობებს მის მიღებას ავადმყოფებში არტერიული ჰიპერტენზიით და თანმხლები პათოლოგიით: მსუბუქი და საშუალო სიმძიმის შაქრიანი დიაბეტით, თირკმელების ქრონიკული უკმარისობით, ჰიპერლიპიდემიით.

შენახვის პირობები:

პრეპარატი ინახება 15-25⁰C ტემპერატურაზე, ბავშვებისა და სინათლისაგან დაცულ ადგილას.

ვარგისიანობის ვადა: 3 წელი.

სახელი, გვარი ^*

მიმართულება ^*
აირჩიე

კლინიკა ^*
აირჩიე

გენერიული დასახელება :

მაგნიუმის სულფატი

შემადგენლობა: მაგნიუმის სულფატი  .........  25 გ

ფარმაკოთერაპიული ჯგუფი: სპაზმოლიზური, საფაღარათო საშუალება .

აღწერა:

მწარე გემოს უფერო , გამჭვირვალე კრისტალებია ,.

ჩვენება :

• გამოიყენება, როგორც საფაღარათო,  ნაღვლმდენი,   სპაზმოლიზური საშუალება. ასევე, როგორც ანტიდოტი, ბარიუმის მარილებით ინტოქსიკაციის დროს .

უკუჩვენება:

* პრეპარატის მიმართ მომატებული მგრძნობელობა .

გვერდითი მოვლენები:

ალერგიული რეაქციები .

მიღების წესი და დოზირება:

ინიშნება, როგორც საფაღარათო საშუალება, მიიღება პერორალურად , ჭამამდე 30 წუთით ადრე, მოზრდილებში – 10-30 გ  1/2 ჭიქა თბილ წყალში გახსნილი .

ჭარბი დოზა :

აღწერილი არ არის .

ურთიერთქმედება სხვა პრეპარატებთან :

დადგენილი არ არის .

ვარგისიანობის ვადა :

3 წელი

შენახვის პირობები :

ინახება ოთახის ტემპერატურაზე .

გაცემის წესი : გაიცემა ურეცეპტოდ

შეფუთვა :

25 გ   პოლიეთილენის პაკეტებში

მწარმოებელი : შპს “ ნობელფარმი ”