რას წარმოადგენს იმუტონის კაფსულა? იმუტონი არის ზვიგენის ღვიძლის ქონი, რომელიც მდიდარია ალკოქსიგლიცეროლებით და არ შეიცავს მინარევებს. ალკოქსიგლიცეროლები აძლიერებს იმუნიტეტს, ამცირებენ სისხლში ჭარბი ქოლესტერინის შემცველობას, აუმჯობესებენ მხედველობას, ძველ-სახსართა სისტემის ჯანმრთელობას და აფერხებენ სიმსივნური უჯრედების ზრდას. HealthAid-ის იმუტონისთვის ზვიგენი ღვიძლის ქონი გრენლანდიის სანაპიროების ოკეანის სუფთა წყლებიდან მოპოვებული ზვიგენებისგან მიიღება.

იმუტონის კაფსულა სასარგებლოა მათთვის, ვისაც სურს: იმუნიტეტის გაძლიერება და ინფექციებისაგან დაცვა ჯანმრთელი გულის, სისხლძარღვების და ქოლესტერინის ნორმალური დონის შენარჩუნება სახსრების გაჯანსაღება სხეულის ნორმალური წონის შენარჩუნება ან წონაში დაკლება კანის ტონუსის გაძლიერება და დაბერების პროცესის შენელება სიმსივნური დაავადებების თავიდან აცილება.

შედეგი: ვირუსული, სოკოვანი, ბაქტერიული ინფექციებით ავადობის შემცირება, არტერიული წნევის მოწესრიგება, სახსრებში ანთების, ტკივილის, მოძრაობის შეზღუდვის შემცირება, ენერგიის მატება, სიმსივნის გამომწვევი ფაქტორების მიმართ ორგანიზმის გამძლეობის მატება, კანის და ლორწოვანი გარსების დატენინება და გაჯანსაღება.

ხარიხის სტანდარტი: ყველა ინგრედიენტი აკმაყოფილებს აშშ, ევროპისა და ბრიტანეთის ფარმაკოპეას სტანდარტებს ან მომწოდებლის სპეციფიკაციას.

შემადგენლობა ერთი კაფსულა შეიცავს (საშუალოდ): რდნ %

ზვიგენის ღვიძლის ქონი (საშუალოდ 20% ალკილგლიცეროლს შეიცავს) 1000მგ

* რდნ: რეკომენდებული დღიური ნორმა (ევროსაბჭოს რეკომენდაციების შესაბამისად)

* რდნ: რეკომენდებული დღიური ნორმა დადგენილი არ არის

გამოყენების წესი: მოზრდილები და 12 წლის ზემოთ ასაკის ბავშვები: ერთი კაფსულა დღეში საკვებთან ერთად. საჭიროების შემთხვევაში დოზა დღეში ორ კაფსულამდე შეიძლება გაიზარდოს.

უკუჩვენება: ცნობილი არ არის.

შენახვის წესი: შეინახეთ გრილ, მშრალ, ბავშვებისთვის ხელმიუწვდომელ ადგილას.

მწარმოებელი:
HEALTHAID LTD, HealthAid House, Marlborough Hill, ჰაროუ, მიდლსექსი HA1 1UD, დიდი ბრიტანეთი.

მწარმოებელი: იტალია

საერთაშორისო დასახელება:

pidotimod

კლინიკურ-ფარმაკოლოგიური ჯგუფი:

იმუნომოდულატორები; სინთეტური წარმოშობის პრეპარატები

შემადგენლობა და გამოშვების ფორმა:

400მგ/7მლ ორალური ხსნარი ფლაკონი #10

გამჭვირვალე, წითელი-იისფერი სითხე ტყის კენკრის სუნით.

სამკურნალო ფორმა: შიგნით მისაღები ხსნარი

1 ფლაკონი

აქტიური ნივთიერება:

პიდოტიმოდი ...................  400.0 მგ

დამხმარე ნივთიერებები:ნატრიუმის ქლორიდი 5,6 მგ. ნატრიუმის საქარინატი 5 მგ. დინატრიუმის ედეტატი 3.5მგ. ტრომეტამოლი pH 6,5-მდე. ნატრიუმის მეთილპარაჰიდროქსიბენზოატი 10.3 მგ. ნატრიუმის პროპილპარაჰიდროქსიბენზოატის 1,6 მგ. სორბიტოლი 70% 2500 მგ.

ხილის არომატიზატორი (ტყის კენკრის სუნით) 21,0 მგ, საღებავი ანტოციანინი 5.6 მგ, მეწამული საღებავი (პონსო 4R) 0,5 მგ, გაფილტრული წყალი 7მლ-მდე.

შეფუთვის ფორმა:

პერორალური მიღების ხსნარი 400 მგ; 7მლ- III გამჭვირვალე ტიპის შუშის ფლაკონში, რომელიც დაცულია პოლიეთილენის საცობით და დალუქულია პლასტმასის სახურავით, რომელიც აღჭურვილია პირველი გახსნის საკონტროლო მექანიზმით. 10 ერთდოზიანი ფლაკონი გამოყენების ინსტრუქციასთან ერთად მოთავსებულია მუყაოს ყუთში, რომელზეც აღინიშნება პერფორაცია გახსნის ადგილას.

ფარმაკოდინამიკა:

პიდოტიმოდი ასტიმულირებს და არეგულირებს უჯრედულ და ჰუმორულ იმუნიტეტს იმუნოდეფიციტის პირობებში; T-უჯრედულ იმუნიტეტზე მოქმედებით აძლიერებს ბუნებრივი ქილერების აქტივობას და ასტიმულირებს ფაგოციტოზს. მოქმედება ჰუმორულ იმუნიტეტზე - პიდოტიმოდი ზრდის ციტოკინების გამომუშავებას.

ფარმაკოკინეტიკა:

მოხალისეებზე განხორციელებულმა ფარმაკოკინეტიკურმა კვლევებმა გამოავლინა შეწოვის მაღალი დონე მისი პერორალური მიღებისას. ბიოშეღწევადობა შეადგენს 45%-ს, ნახევარგამყოფის პერიოდი - 4 საათს.

ჩვენებები:

იმუნომაკორეგირებული თერაპია ზედა და ქვედა სასუნთქი გზებისა და საშარდე გზების ბაქტერიული, სოკოვანი და ვირუსული ინფექციების დროს კომპლექსური თერაპიის შემადგენლობაში.

მიღების წესები და დოზები:

მოზრდილებში:

800 მგ პიდოტიმოდი (2 ფლაკონი) 2-ჯერ დღეში, საკვების მიღებამდე ან მის შემდეგ, 15 დღის განმავლობაში. პრეპარატის მიღების ხანგრძლივობა და დოზები შეიძლება კორექტირდეს დაავადების სიმპტომების სიმძიმისა და გამოხატულების მიხედვით. კურსის ხანგრძლივობა არაუმეტეს 90 დღისა.

ბავშვებში 3 წლის ზემოთ:

400 მგ პიდოტიმოდი (1 ფლაკონი) 2-ჯერ დღეში (საკვების მიღებამდე ან მის შემდეგ), 15 დღის განმავლობაში.

პრეპარატის მიღების ხანგრძლივობა და დოზები იცვლება დაავადების სიმპტომების ციმძიმისა და გამოხატულების მიხედვით. კურსის ხანგრძლივობა არაუმეტეს 90 დღე.

დღიური დოზა არ უნდა აჭარბებდეს 800 მგ-ს პერორალურად ბავშვებისათვის 3 წლის ზემოთ და შესაბამისად 1600 მგ-ს მოზრდილებისათვის.

გვერდითი მოვლენები:

პრეპარატის მიღების ფონზე შეიძლება აღინიშნოს ალერგიული რეაქციების განვითარება.

უკუჩვენება:

მომატებული მგრძნობელობა პრეპარატის ნებისმიერი კომპონენტის მიმართ; ბავშვთა ასაკი 3 წლამდე.

ორსულობა და ლაქტაცია:

მიუხედავად იმისა, რომ ცხოველებზე ჩატარებულ კვლევებში არ გამოვლინდა ემბრიოტოქსიკური და ტერატოგენული ეფექტები, ორსულობისა და ლაქტაციის პერიოდში პრეპარატის მიღება რეკომენდებული არ არის.

განსაკუთრებული მითითებები:

სიფრთხილით ინიშნება პაციენტებში  ჰიპერიმუნოგლობულინემიის სინდრომით ანამნეზში არსებული ალერგიული რეაქციებით.

გავლენა ავტომობილისა და მექანიზმების მართვის უნარზე:

არ მოქმედებს.

ჭარბი დოზირება:

ჭარბი დოზირების შემთხვევები ცნობილი არ არის.

სხვა წამლებთან ურთიერთქმედება:

პრეპარატმა შეიძლება გავლენა იქონიოს იმ საშუალებების ეფექტურობაზე, რომელიც თრგუნავს ან ასტიმულირებს ლიმფოციტების ფუნქციურ აქტივობას.

შენახვის პირობები:

ინახება არაუმეტეს 30ºC ტემპერატურაზე. ინახება ბავშვებისათვის მიუწვდომელ ადგილას!

შენახვის ვადა: 3 წელი.

ვარგისიანობის ვადის გასვლის შემდეგ არ გამოიყენება.

აფთიაქში გაცემის წესი:

რეცეპტით.

სავაჭრო დასახელება :

იმუნოლოკალი

საერთაშორისო არაპატენტირებული დასახელება :

დექსამეტაზონი + ფურაზოლიდონი + ქლორფენირამინი

Dexamethasone+Furazolidon+Chlorpheniramine

წამლის ფორმა : ვაგინური სუპოზიტორია

შემადგენლობა :

ერთი სუპოზიტორია შეიცავს :

აქტიური ნივთიერებები :

დექსამეტაზონ ფოსფატნატრიუმი     0.5 მგ

ფურაზოლიდონი                    5.0 მგ

ქლორფენირამინის მალეატი          25.0 მგ

დამხმარე ნივთიერებები : ვიტეპსოლი - H15

ფარმაკოთერაპიული ჯგუფი :

ადგილობრივი გლუკოკორტიკოსტეროიდი, ანთების საწინააღმდეგო, ანტიალერგიული, H1 -ჰისტამინმაბლოკირებელი, ანტიმიკრობული და ანტიპროტოზოული საშუალება.

ფარმაკოლოგიური თვისებები :

ფარმაკოდინამიკა :

იმუნოლოკალი ადგილობრივი მოქმედების კომბინირებული პრეპარატია; გამოიყენება გინეკოლოგიურპრაქტიკაში. პრეპარატი ხასიათდება ბიოლოგიური აქტივობის ფართო სპექტრით (იმუნომამოდულირებელი, ანთების საწინააღმდეგო, ანტიპროლიფერაციული და სხვ.) პრეპარატიმუნოლოკალს აქვს კარგად გამოხატული იმუნომამოდულირებელი ეფექტი.

დექსამეტაზონი სინთეზური გლუკოკორტიკოსტეროიდია – ფუროპრედნიზოლონის მეთილირებულიწარმოებული. ანთების საწინააღმდეგო ეფექტი დაკავშირებულია ეოზინოფილების მიერ ანთებისმედიატორის გამოთავისუფლების დათრგუნვასთან, ლიპოკორტინების წარმოქმნის ინდუცირებასთან დაჰიალურონის მჟავას გამომყოფი პოხიერი უჯრედების შემცირებასთან, კაპილარების განვლადობისშემცირებასთან და უჯრედის მემბრანების სტაბილიზაციასთან. პრეპარატის ანტიალერგიული ეფექტიგანპირობებულია ცირკულირებადი ბაზოფილების რაოდენობის შემცირებით, რაც იწვევს ალერგიისმედიატორების გამოყოფის დათრგუნვასა და   ეფექტორულ უჯრედებზე მათი გავლენის შემცირებას.

ფურაზოლიდონი ანტიმიკრობული საშუალებაა, ნიტროფურანების წარმოებული. აქტიურიაგრამდადებითი და გრამუარყოფითი მიკრობების მიმართ, Trichomonas spp., Giardia lamblia. სუსტადმოქმედებს ჩირქოვანი და ანაერობული ინფექციის გამომწვევებზე. მიკროორგანიზმების მდგრადობავითარდება ნელა. ახდენს MAO-ს ბლოკირებას. ნიტროფურანები არღვევენ მიკროორგანიზმებისუჯრედული სუნთქვის პროცესებს, თრგუნავენ სამნახშირბადიან მჟავათა ციკლს (კრებსის ციკლი), აგრეთვე თრგუნავენ მიკროორგანიზმების სხვა ბიოქიმიურ პროცესებს, რის შედეგადაც ხდება მათიგარსების ან ციტოპლაზმური მემბრანის რღვევა.

ქლორფენირამინი H1 - ჰისტამინური რეცეპტორების ბლოკატორი, აქვს ალერგიის საწინააღმდეგომოქმედება, ამცირებს ადგილობრივ ექსუდაციურ გამოვლინებებს, შეშუპებასა და საშოს ლორწოვანიგარსის ჰიპერემიას; ამცირებს ქავილის შეგრძნებას.

ფარმაკოკინეტიკა :

მონაცემები პრეპარატის ფარმაკოკინეტიკაზე არ არის წარმოდგენილი.

პრეპარატი განკუთვნილია ადგილობრივი გამოყენებისათვის, სისტემური აბსორბაციის შესახებმონაცემები არ არის.

ჩვენება :

იმუნოლოკალი გამოიყენება ზრდასრულებში ინფექციურ - ანთებითი დაავადებების კომპლექსური  თერაპიის დროს ქალებში ASA ანტისხეულების ლოკალური სტატუსის შესამცირებლად და ზედა სასქესოგზებში, ცერვიკალურ არხსა და ენდომეტრიუმში სპერმატოზოიდების შესაღწევად. ამცირებს ქალისგენიტალურ ტრაქტში იმუნოლოგიური შეუთავსებლობის – იდიოსინკრაზიის ფაქტორს. ნაჩვენებიაბაქტერიული ვაგინიტებისა და ვაგინოზების სამკურნალოდ.

უკუჩვენება :

უკუნაჩვენებია პრეპარატის რომელიმე კომპონენტის მიმართ მომატებული მგრძნობელობის დროს ; ორსულობისა და ლაქტაციის პერიოდში.

გაფრთხილება :

პრეპარატი განკუთვნილია მხოლოდ ადგილობრივი გამოყენებისათვის.

გვერდითი ეფექტი :

არ არის დადგენილი

გამოყენება და დოზები :

პრეპარატი იმუნოლოკალი გამოიყენება როგორც მონოთერაპიის, ასევე კომპლექსური მკურნალობისდროს :

- ავტოიმუნური დაავადებების კომპლექსური მკურნალობის დროს ქალებშიანტისპერმული ანტისხეულების მაღალი მაჩვენებლის   დროს გამოიყენება ვაგინალურად,პირველი ხუთი დღის განმავლობაში თითო სანთელი დილა - საღამოს;

- პროფილაქტიკური კურსის სახით ქალებში, ვაგინალურად ერთი სანთელი საღამოს,ათი დღის განმავლობაში.

დაავადების ქრონიკული ფორმების მკურნალობის დროს პრეპარატი კარგად შეთავსებადია სხვასამკურნალო საშუალებებთან ( ვაგინალური ტაბლეტები, ლინიმენტები ).

ჭარბი დოზირება :

ჭარბი დოზირების საშიშროება დგება არამიზანმიმართული გამოყენებისას.

ურთიერთქმედება სხვა სამკურნალო საშუალებებთან :

იმუნოლოკალი კარგად შეთავსებადია ყველა იმ სამკურნალო საშუალებასთან, რომელიც გამოიყენებააღნიშნული დაავადებების სამკურნალოდ (ანტიბიოტიკები და სხვა ანტიბაქტერიული საშუალებები )

გამოყენება ორსულობისა და ძუძუთი კვების დროს :

არ არის რეკომენდებული

გამოშვების ფორმა :

#10 1.6 გრ სუპოზიტორია ბლისტერზე, მუყაოს კოლოფში, გამოყენების ინსტრუქციასთან ერთად.

შენახვის პირობები :

პრეპარატი ინახება ბავშვებისთვის მიუწვდომელ ბნელ ადგილზე,4 - 10 ° C ტემპერატურაზე.

ვარგისიანობის ვადა :

12 თვე გამოშვების თარიღიდან.

დაუშვებელია პრეპარატის გამოყენება ვადის გასვლის შემდეგ.

გაცემის პირობა : ექიმის რეცეპტით.

მწარმოებელი :     შ. პ. ს.,, გეომედი ”

მისამართი :        ქ. თბილისი, გოთუას ქ. #3

მწარმოებელი: GMP, საქართველო

კლინიკურ-ფარმაკოლოგიური ჯგუფი:

მცენარეული კომბინირებული იმუნოსტიმულატორი.

შემადგენლობა და გამოშვების ფორმა:

კაფსულები: შეფუთვაში 20 ც.

1 კაფს.

ექინაცეას (Echinacea purpurea) მშრალი ექსტრაქტი      ....................30 მგ

უნკარიას (Uncarea tomentosa) მშრალი ექსტრაქტი       ...................250 მგ

ჰავაურ სპირულინას (Spirulina Havais) მშრალი ექსტრაქტი   .............160 მგ

ფარმაკოლოგიური თვისებები:

იმუნო-რიცი მცენარეული იმუნოსტიმულატორია ანტიოქსიდანტური და ზოგადმატონიზირებელი მოქმედებით. ამცირებს დაავადების განვითარების რისკს, მიმდინარეობის ხანგრძლივობას და განმეორების სიხშირეს, ახასიათებს ანტივირუსული მოქმედება.

იმუნო-რიცის მოქმედება დამყარებულია მისი შემადგენელი კომპონენტების ერთობლივ მოქმედებაზე.

ექინაცეას ახასიათებს იმუნომასტიმულირებელი და ანთების საწინააღმდეგო თვისებები. პრეპარატის შემცველი პოლისაქარიდები ზრდიან ლეიკოციტებისა და მაკროფაგების ფაგოციტოზის უნარს, გლიკოპროტეიდები ასტიმულირებენ ინტერლეიკინ-1-ის, ენდოგენური ინტერფერონის გამომუშავებას. ექინაცეას მოქმედი ნივთიერებების კომპლექსი ხელს უწყობს T-ჰელპერების ფუნქციების გაუმჯობესებას და B-ლიმფოციტების პლაზმურ უჯრედებში ტრანსფორმაციას.

უნკარიას მოქმედება ძირითადად განპირობებულია მასში ალკალოიდების, გლიკოზიდების, ტრიტერპენებისა და ფლავონოიდების არსებობით. ხასიათდება ანტიოქსიდანტური, ანტივირუსული და სუსტი ჰიპოტენზიური თვისებებით. T-ლიმფოციტების და მაკროფაგების აქტივაციის, იმუნოგლობულინების სპექტრის ნორმირებისა და ლეიკოციტების ფაგოციტოზის უნარის გაზრდის ხარჯზე იწვევს იმუნური სისტემის მსუბუქ სტიმულაციას. მოქმედებს უჯრედული იმუნიტეტის დონეზე.

ჰავაური სპირულინა მტკნარი წყლის ლურჯ-მწვანე მიკროწყალმცენარეა, რომელიც შეიცავს ცილას, უჯერ ცხიმოვან მჟავებს, გამა-ლინოლენის მჟავას, ბეტაკაროტინს, ვიტამინ B₁₂-ს, მაკრო და მიკროელემენტებს, ქლოროფილს. ახასიათებს იმუნომასტიმულირებელი, ანტიოქსიდანტური, ენტეროსორბიული და ზოგადმატონიზირებელი თვისებები. ასტიმულირებს T- ლიმფოციტების გამომუშავებას.

ჩვენებები:

გამოიყენება იმუნური სისტემის სტიმულაციის მიზნით:

• გრიპის და სხვა მწვავე რესპირატორული ინფექციების პროფილაქტიკა და მკურნალობა;
• სხვადასხვა ლოკალიზაციის და ეტიოლოგიის ქრონიკული მორეციდივე ანთებითი დაავადებების თანხმლები იმუნოდეფიციტური მდგომარეობანი;
• ორგანიზმის საერთო გადაღლა;
• ანტიბიოტიკოთერაპიის, ციტოსტატიკური, იმუნოდეპრესიული და სხივური თერაპიის შემდგომი პორიოდი.

დოზირების რეჟიმი:

მოზრდილებში იმუნო-რიცი ინიშნება თითო კაფსულა დღეში სამჯერ, საკვების მიღებისგან დამოუკიდებლად.

3-6 წლის ასაკის ბავშვებში - 1 კაფსულა დღეში ერთხელ;

6-12 წლის ასაკის ბავშვებში - 1 კაფსულა 2-ჯერ დღეში.

მკურნალობის ხანგრძლივობა - არა უმეტეს 6-8 კვირა.

რეკომენდებულია პროფილაქტიკური კურსის ჩატარება წელიწადში 2-ჯერ.

კაფსულები მიიღება დაუღეჭავად, მცირეოდენ სითხესთან ერთად.

გვერდითი მოვლენები:

პრეპარატი კარგად გადაიტანება, იშვიათად ადგილი აქვს მომატებული მგრძნობელობის რეაქციებს.

უკუჩვენებები:

*პროგრესირებადი სისტემური დაავადებები: ტუბერკულოზი, ლეიკოზები, აუტოიმუნური დაავადებები, გავრცელებული ათეროსკლეროზი;

*პრეპარატის კომპონენტებისადმი მაღალი მგრძნობელობა.

ორსულობა და ლაქტაცია:

ორსულობისა და ლაქტაციის (ძუძუთი კვების) პერიოდში პრეპარატის უსაფრთხოება შესწავლილი არ არის.

განსაკუთრებული მითითებები:

*იმუნო-რიცი სიფრთხილით ინიშნება შაქრიანი დიაბეტით დაავადებულებში.

ჭარბი დოზირება:

შემთხვევები აღწერილი არ არის.

სხვა წამლებთან ურთიერთქმედება:

იმუნო-რიცის სხვა პრეპარატებთან ურთიერთქმედება აღწერილი არ არის.

შენახვის პირობები:

პრეპარატი ინახება 10-25⁰C ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

მწარმოებელი: BAXTER, ავსტრია

კლინიკურ-ფარმაკოლოგიური ჯგუფი:

კოაგულაციის IX ფაქტორი

შემადგენლობა და გამოშვების ფორმა:

შემადგენლობა:

200 სე-ში:

აქტიური ინგრედიენტი: კოაგულაციის IX ფაქტორი .....200სე

სხვა ინგრედიენტები:

ტრინატრიუმის ციტრატი ............      20 მგ

ნატრიუმის ქლორიდი ...................    40 მგ

საინექციო წყალი ...........................    5 მლ

600 სე-ში:

კოაგულაციის IX ფაქტორი..............   600 სე

ტრინატრიუმის ციტრატი...............    20 მგ

ნატრიუმის ქლორიდი....................    40 მგ

საინექციო წყალი...........................     5 მლ

1200 სე-ში:

კოაგულაციის IX ფაქტორი.............     1200 სე

ტრინატრიუმის ციტრატი..............       40 მგ

ნატრიუმის ქლორიდი....................      80 მგ

საინექციო წყალი    .......................      10 მლ

გამოშვების ფორმა:

პრეპარატი წარმოადგენს მშრალ ნივთიერებას ფლაკონში, რომელსაც ახლავს ფლაკონი გამხსნელით და საინექციო მოწყობილობით.

შეფუთვა:

ფლაკონი 200, 600 და 1200 სე კონცენტრატით და ფლაკონი გამხსნელით. ასევე საინექციო მოწყობილობა.

ფარმაკოლოგიური თვისებები:

იმუნინი გაწმენდილი კოაგულაციის IX ფაქტორის კონცენტრატია, რომელიც უმნიშვნელო რაოდენობით შეიცავს სხვა კოაგულაციურ ფაქტორებს. იმუნინით მკურნალობისას კოაგულაციის IX ფაქტორის კონცენტრაცია იზრდება, რითაც სისხლდენის რისკი მცირდება.

ჩვენებები:

სისხლდენის ეპიზოდების პროფილაქტიკისა და მკურნალობისათვის, რომელიც გამოწვეული თანდაყოლილი და შეძენილი IX ფაქტორის დეფიციტით (ჰემოფილია, IX ფაქტორის ინჰიბიტორთან ერთად, IX ფაქტორის შეძენილი დეფიციტი გამოწვეული IX ფაქტორის ინჰიბიტორის სპონტანური განვითარებით).

დოზირების რეჟიმი:

1 სე/კგ-ზე იმუნინი ზრდის IX ფაქტორის დონეს 0.8%-ით. სასურველი დოზა გამოითვლება ფორმულით: იმუნინის დოზა ტოლი - სხეულის წონა (კგ) X სასურველ მაჩვენებელზე (IX ფაქტორის) X 1.2.

საჭიროა რეგულარული დაკვირვება IX ფაქტორის დონეზე, რათა განისაზღვროს მისი  თერაპიული დოზა.

მსუბუქი ჰემართროზების, კუნთებიდან და პირის ღრუდან სისხლდენის დროს IX ფაქტორი უნდა შეადგენდეს ნორმის 20-40%. იგი კეთდება 24 საათში ერთხელ სისხლდენის შეჩერებამდე.

გამოხატული ჰემართროზის და ჰემატომის დროს IX ფაქტორი უნდა უტოლდებოდეს ნორმის 30-60% და იგი კეთდება 24 საათში ერთხელ. მკურნალობა გრძელდება 3-4 დღე.

სიცოცხლისთვის საშიში სისხლდენისას IX ფაქტორი უნდა შეადგენდეს ნორმის 60-100%. ინფუზია ტარდება ყოველ 8-24 საათში მდგომარეობის გაუმჯობესებამდე.

მცირე ოპერაციების დროს IX ფაქტორის დონე ნორმის 30-60% უნდა შეადგენდეს, რომელიც კეთდება 24 საათში ერთხელ, დიდი ოპერაციების შემთხვევაში IX ფაქტორის დონე 80-100% უნდა უტოლდებოდეს და იგი კეთდება ყოველ 8-24 საათში 7 დღის განმავლობაში.

პასუხი მკურნალობაზე ინდივიდუალურია.

ჰემოფილიის დროს ხანგრძლივი პროფილაქტიკისთვის ინიშნება 10-25 სე/კგ-ზე 3-4 დღის ინტერვალით.

მკურნალობის არაეფექტურობისას საჭიროა IX ფაქტორის ინჰიბიტორის არსებობის დადგენა. თუ ინჰიბიტორის არსებობა დგინდება, მაშინ დამატებითი დოზით IX ფაქტორის დანიშვნა ანეიტრალებს ინჰიბიტორს. თუ ინჰიბიტორის დონე მაღალია (>10 ბეტეზდას ერთეული), საჭიროა პროთრომბინის კომპლექსის კონცენტრატის ან გააქტივებული VII ფაქტორის გადასხმა.

დანიშვნის წესი:

ხსნარი მზადდება მხოლოდ გამოყენების წინ. იგი შეჰყავთ ინტრავენურად. გამოუყენებელი ხსნარი უნდა გადაიღვაროს.

განზავების წესი:

გამხსნელი თბება ოთახის ტემპერატურამდე. სპირტით გაადეზინფიცირეთ გამხსნელისა და კონცენტრატის რეზინის სახურავი, შემდეგ გახვრიტეთ გამხსნელის რეზინის ხუფი ორწვერა ნემსით. გადმოაბრუნეთ ფლაკონი და მოათავსეთ კონცენტრატის ფლაკონის ზევით. ნემსის მეორე ბოლოთი გახვრიტეთ კონცენტრატის რეზინის ხუფი და გამხსნელი შეიწოვება კონცენტრატის ფლაკონში შექმნილი ვაკუუმის გამო. მოხსენით ნემსი და ოდნავ შეანჯღრიეთ გახსნილი ფლაკონი. მეორე “საჰაერო” ნემსით გახვრიტეთ რეზინის ხუფი და ნებისმიერი ქაფი ხსნარის ზედაპირზე გაქრება. ამოიღეთ “საჰაერო” ნემსი და მესამე “ფილტრიანი” ნემსით ამოიღეთ საჭირო რაოდენობის ხსნარი ვენაში ინფუზიისათვის (მაქს. სიჩქარე 2 მლ/წ).

გვერდითი მოვლენები:

- შესაძლოა მომატებული მგრძნობელობის რეაქციის განვითარება.

- ალერგიული ანამნეზის და IX ფაქტორის ინჰიბიტორის არსებობის შემთხვევაში შესაძლოა ნეფროზული სინდრომის განვითარება.

- იშვიათად შესაძლოა IX ფაქტორის მაინჰიბირებელი ანტისხეულების გაჩენა.

- იმუნინით მკურნალობა ნაკლებად იწვევს თრომბოემბოლურ გართულებებს, მაგრამ მაღალი დოზებით მკურნალობის და თრომბოზების რისკის არსებობის დროს შესაძლოა თრომბოზების განვითარება.

უკუჩვენებები:

*პრეპარატი უკუნაჩვენებია დისემინირებული ინტრავასკულური კოაგულაციის და ჰიპერფიბრინოლიზის დროს, ასევე მომატებული მგრძნობელობის შემთხვევაში.

ორსულობა და ლაქტაცია:

*კლინიკური გამოკვლევებით არ დასტურდება იმუნინის უსაფრთხოება ორსულობის დროს. იმუნინი ორსულებში და ლაქტაციის პერიოდში ინიშნება მხოლოდ სასიცოცხლო ჩვენების დროს.

განსაკუთრებული მითითებები:

ინექცია: ინფუზიის დროს მომატებული მგრძნობელობის გამოვლენისას ინფუზია წყდება. მსუბუქი რეაქციის შემთხვევაში გამოიყენება ანტიჰისტამინური პრეპარატები, ჰიპოტენზიური რეაქციის დროს კი ტარდება შოკის საწინააღმდეგო მკურნალობა.

თრომბოზების განვითარების რისკის შემთხვევაში IX ფაქტორის დონე ნორმის 60%-ზე მეტს არ უნდა შეადგენდეს. დისემინირებულ ინტრავასკულურ კოაგულაციაზე ეჭვის შემთხვევაში იმუნინით მკურნალობა უნდა შეწყდეს.

IX ფაქტორის დეფიციტის შემთხვევაში განიხილება შესაბამისი ვაქცინაციის საკითხი.

იმუნინი პლაზმისგან მზადდება, ამიტომ მისმა გადასხმამ შეიძლება გამოიწვიოს ინფექციური დაავადებების ტრანსმისია. ინფექციის გადატანის რისკის შემსამცირებლად საჭიროა პლაზმის ვირუსებზე გამოკვლევა და მათი ინაქტივაცია - ამოღების პროცედურის ჩატარება. პროცედურა არაეფექტურია პარვოვირუს 19 შემთხვევაში, რომელიც განსაკუთრებით საშიშია იმუნოდეფიციტის და ორსულობის დროს. ვინაიდან ნატრიუმის მაქსიმალური დღეღამური დოზა შეიძლება აჭარბებდეს 20 მგ-ს, იგი შეიძლება მავნე იყოს პირებისათვის, რომლებიც იმყოფებიან დაბალმარილოვან დიეტაზე.

ჭარბი დოზირება:

არ არის ცნობილი.

სხვა წამლებთან ურთიერთქმედება:

არ არის ცნობილი. არ არის სასურველი სხვა პრეპარატებთან შერევა ინექციის დროს.

შენახვის პირობები და ვადა:

პრეპარატი ინახება 2-8⁰C  ტემპერატურაზე 2 წელი, ოთახის ტემპერატურაზე - 3 თვე, ბავშვებისაგან დაცულ ადგილას.

მწარმოებელი: BAXER, ავსტრია

კლინიკურ-ფარმაკოლოგიური ჯგუფი:

კოაგულაციის VIII ფაქტორი.

შემადგენლობა და გამოშვების ფორმა:

გასუფთავებული ლიოფილიზირებული ადამიანის ვირუსინაქტივირებული კოაგულაციის VIII ფაქტორი.

პრეპარატი წარმოდგენილია ლიოფილიზირებული ფხვნილის სახით შესაბამისი მოცულობის გამხსნელთან კომპლექტში.

250 სე. და 500 სე. იხსნება 5 მლ საინექციო წყალში.

1000 სე. იხსნება 10 მლ საინექციო წყალში გამოიყენება მხოლოდ ინტრავენურად შეყვანისათვის.

VIII ფაქტორის აქტივობა განისაზღვრება მჯო-ს საერთაშორისო სტანდარტით VIII ფაქტორის კონცენტრატებისათვის სტაბილიზატორის გარეშე (ალბუმინი).

მაქსიმალური სპეციფიკური აქტივობა VIII ფაქტორის თანაფარდობისას ვილებრანდის ფაქტორის ანტიგენთან 1:1 შეადგენს 100 სე. მგ. ცილაზე.

ვილებრანდის ფაქტორის აქტივობა განსაზღვრულია მჯო-ს სტანდარტით VIII ფაქტორის და ვილებრანდის ფაქტორის კონცენტრატებისათვის პლაზმაში.

შემადგენლობა:

1. იმუნატი 250 სე

აქტიური ინგრედიენტები:

ადამიანის კოაგულაციის ფაქტორი

VIII აქტივობით

აქტივობა ................ .......................  250 სე

სპეციფიკური აქტივობა  .................. 70±30 სე/მგ

ვილებრანდის ფაქტორის

ანტიგენი ...............................        ≥125სე

სხვა ინგრედიეტები:

ადამიანის ალბუმინი.................     5.8-15 მგ

გლიცინი .................................      25 მგ

ლიზინი HCl ..............................     25 მგ

ნატრიუმის ქლორიდი ...............     10 მგ

ნატრიუმის ციტრატი

სამჩანაცვლებული H₂O...............    25 მგ

კალციუმის ქლორიდი H₂O .........   3.1 მგ

2. იმუნატი 500 სე

აქტიური ინგრედიენტები:

ადამიანის კოაგულაციის ფაქტორი

VIII აქტივობით

აქტივობა ....................................      500 სე

სპეციფიკური აქტივობა............     70±30 სე/მგ

ვილებრანდის ფაქტორის

ანტიგენი ................................          ≥250 სე

სხვა ინგრედიენტები:

ადამიანის ალბუმინი   ..............        11.7-30 მგ

გლიცინი   ....................................   25 მგ

ლიზინი HCl  ................................    25 მგ

ნატრიუმის ქლორიდი .................      10 მგ

ნატრიუმის ციტრატი

სამჩანაცვლებული H₂O ...................... 25 მგ

კალციუმის ქლორიდი H₂O................  3.1 მგ

3. იმუნატი 1000 სე

აქტიური ინგრედიენტები:

ადამიანის კოაგულაციის ფაქტორი

VIII აქტივობით

აქტივობა ...................................       1000 სე

სპეციფიკური აქტივობა ...........          70±30 სე/მგ

ვილებრანდის ფაქტორის

ანტიგენი ..............................            ≥500 სე

სხვა ინგრედიენტები:

ადამიანის ალბუმინი.................    23.3-60 მგ

გლიცინი ....................................      50 მგ

ლიზინი HCl ......................................50 მგ

ნატრიუმის ქლორიდი .......................20 მგ

ნატრიუმის ციტრატი

სამჩანაცვლებული H₂O.......................50 მგ

კალციუმის ქლორიდი H₂O  ..............6.2მგ

ფარმაკოლოგიურ თვისებები:

VIII და ვილებრანდის ფაქტორის კომპლექსი შედგება 2 მოლეკულისაგან სხვადასხვა ფიზიოლოგიური თვისებებით.

აქტივირებული VIII ფაქტორი მოქმედებს როგორც IX ფაქტორის კოფაქტორი და აჩქარებს X ფაქტორის ტრანსფორმაციას გააქტივებული ფორმად. აქტივირებული X ფაქტორი გარდაქმნის პროთორომბინს თრომბინად, ხოლო შემდგომში თრომბინი გარდაქმნის ფიბრინოგენს ფიბრინად, რის შედეგადაც ადგილი აქვს სისხლის კოლტის ფორმირებას.

A ტიპის ჰემოფილია წარმოადგენს სქესთან დაკავშირებულ პათოლოგიას, რომელიც განპირობებულია VIII ფაქტორის ნაკლებობით, რაც იწვევს სპონტანურ, ან ტრავმის შედეგად სისხლჩაქცევებს სახსრებში, კუნთებში და სხვა ორგანოებში. ჩანაცვლებითი თერაპიის შედეგად VIII ფაქტორის კონცენტრაცია პლაზმაში მატულობს, რის გამოც დროებით ხდება ფაქტორის დეფიციტის კორექცია და სისხლდენის კონტროლი.

ვილებრანდის ფაქტორი ხელს უწყობს თრომბოციტების ადჰეზიას სისხლძარღვთა დაზიანების ადგილას, რაც მნიშვნელოვანია ჩანაცვლებითი თერაპიისათვის.

ფარმაკოკინეტიკა:

VIII ფაქტორის აქტივობის დონე პლაზმაში პრეპარატის შეყვანის შემდეგ აღწევს 80-120%-ს, ხოლო ამ აქტივობის შემცირება ხდება ორფაზიანი ექსპონენტის სახით.

პირველ ფაზაში ნახევარგამოყოფის პერიოდი შეადგენს 3-6 საათს. VIII ფაქტორის 2/3-დან 3/4 -მდე რჩება სისხლმიმოქცევაში და შემდგომში ნელი, მეორე ნახევარგამოყოფის პერიოდი უტოლდება 8-20 საათს (საშუალოდ 12 სთ), რაც შეესაბამება ჭეშმარიტ ბიოლოგიურ ნახევარგამოყოფის პერიოდს.

ჩვენებები:

• VIII ფაქტორის თანდაყოლილი ან შეძენილი დეფიციტით გამოწვეული (ჰემოფილია A, აგრეთვე მისი ინჰიბიტორული ფორმა, VIII ფაქტორის შეძენილი დეფიციტი, VIII ფაქტორის ინჰიბიციით განპირობებული) სისხლდენების მკურნალობა და პროფილაქტიკა.
• ვოლებრანდის დაავადება VIII ფაქტორის უკმარისობით.

დოზირების რეჟიმი:

მკურნალობა ტარდება მხოლოდ გამოცდილი ექიმის მიერ.

1. ჰემოფილია A:

გამოიყენება შემდეგი ფორმულა - VIII ფაქტორის 1 სე/კგ ზრდის პლაზმური ფაქტორის აქტივობას 1.5-2%-ით.

შესაბამისად იმუნატის დოზის გამოსათვლელად საჭიროა:

დოზა (სე)=წონა (კგ) X VIII ფაქტორის სასურველი მატება (%) X 0.5;

პრეპარატის შეყვანის სიხშირე დამოკიდებულია კლინიკური სურათის სიმძიმეზე.

2. სისხლდენა და ქირურგიული ჩარევები:

სპონტანური და ქირურგიული ჩარევების დროს სისხლდენის პროფილაქტის მიზნით პრეპარატის დოზა ინდივიდუალურია. საშუალო დოზები სისხლდენის ან ქირურგიული ჩარევის ტიპის მიხედვით შემდეგნაირად არის განსაზღვრული:

ა) სისხლდენა: ჰემართროზი, სისხლჩაქცევა კუნთებში ან პირის ღრუში

ბ) მასიური ჰემართროზი, სისხლჩაქცევა კუნთებში და ჰემატომა

გ) სიცოცხლისათვის საშიში სისხლდენა, ოპერაცია თავის ქალაზე, ყელიდან და კუჭ-ნაწლავის ტრაქტიდან სისხლდენა

დ) ქირურგიული ჩარევა: უმნიშვნელო ოპერაციები, კბილის ექსტრაქცია

ე) დიდი ოპერაციები

მკურნალობის დროს საჭიროა VIII ფაქტორის მონიტორინგი, ვინაიდან პაციენტების რეაქცია პრეპარატზე ინდივიდუალურია.

ჰემოფილიის ხანგრძლივი პროფილაქტიკური მკურნალობისათვის რეკომენდებულია VIII ფაქტორის 20-60 სე/კგ 3-4 დღეში ერთხელ, ხოლო ახალგაზრდა პაციენტებში შეიძლება პრეპარატის შეყვანის სიხშირის გაზრდა.

3. ჰემოფილიის ინჰიბიტორული ფორმა:

თუ მკურნალობის დროს VIII ფაქტორის სასურველი კონცენტრაციის მიღწევა ვერ მოხერხდა, საეჭვოა ინჰიბიტორის არსებობა. თუ ინჰიბიტორის რაოდენობა 1 მლ-ში 10 ბეტეზდას ერთეულზე ნაკლებია, VIII ფაქტორის დამატებითმა რაოდენობამ შეიძლება ინჰიბიტორი გაანეიტრალოს, ხოლო ინჰიბიტორის მაღალი კონცენტრაციის შემთხვევაში რეკომენდებულია პროთრომბინის კომპლექსის აქტივირებული კონცენტრატის ან აქტივირებული რეკომბინანტული VIII ფაქტორის გადასხმა.

4.  ვილებრანდის დაავადება VIII ფაქტორის უკმარისობით:

როგორც ჰემოფილიის დროს.

პრეპარატის დამზადების ინსტრუქცია:

- გაათბეთ 37 გრადუსამდე;

- მოხსენით თავსახური და მოახდინეთ დეზინფიცირება სპირტით;

- გამხსნელზე მოათავსეთ სითხის გადატანის მოწყობილობა;

- გადაიტანეთ მოწყობილობა და გამხსნელის მიმაგრებული ამპულა ფლაკონზე ფხვნილით;

- ერთ წუთში მოხსენით მოწყობილობა. ფხვნილი იოლად იხსნება.

- თანხმლები შპრიცით გახვრიტეთ დამზადებული ხსნარის რეზინის სახურავი;

- მოხსენით შპრიცი და ფლაკონში შესული ჰაერი გახსნის ქაფს;

- ამოიღეთ ხსნარი საჭირო რაოდენობით;

პრეპარატი შეჰყავთ ნელი ინტრავენური ინექციის სახით (2 მლ/ზთ). ინფუზიის შემთხვევაში გამოიყენება მხოლოდ თანდართული საინფუზიო სისტემა ფილტრით.

გვერდითი მოვლენები:

- მომატებული მგრძნობელობა და ალერგიული რეაქციები (სიწითლე, ქავილი, წვის შეგრძნება ადგილობრივად, ოფლიანობა, ცხელება, ურტიკარია, თავის ტკივილი, ჰიპოტონია, ძილიანობა, გულისრევა, მოუსვენრობა, ტაქიკარდია, ტრემორი, ხიხინი).

მკურნალობა სიმპტომურია.

- იშვიათად აღწერილია ჰიპერთერმია.

ჰემოფილიით დაავადებულებში შეიძლება წარმოიქმნას ანტისხეულები VIII ფაქტორის მიმართ. პაციენტებში A, B  და AB სისხლის ჯგუფით შეიძლება განვითარდეს ჰემოლიზური ანემია.

უკუჩვენებები:

*მომატებული მგრძნრობელობა პრეპარატის კომპონენტების მიმართ.

ორსულობა და ლაქტაცია:

*გამოიყენება მხოლოდ სასიცოცხლო აუცილებლობის შემთხვევებში.

განსაკუთრებული მითითებები:

ინექციის დროს რაიმე მომატებული მგრძნობელობითი რეაქციის შემთხვევაში პრეპარატის შეყვანა უნდა შეწყდეს. ანტიჰისტამინური საშუალებების გამოყენება დასაშვებია. მძიმე ხასიათის რეაქციების დროს უნდა ჩატარდეს ანტიშოკური თერაპია.

პრეპარატის მაღალი დოზით დანიშვნისას გასათვალისწინებელია, რომ NaCl-ის რაოდენობამ შეიძლება გადააჭარბოს 200 მგ-ს, რაც უარყოფითად იმოქმედებს უმარილო დიეტაზე მყოფ პაციენტებზე.

A ჰემოფილიის მკურნალობის დროს მანეიტრალიზებული ანტისხეულების ფორმირება ცნობილ გართულებას წარმოადგენს. ისინი წარმოადგენენ IgG იმუნოგლობულინებს, რომლებიც მოქმედებენ VIII ფაქტორის საწინააღმდეგოდ და მათ განსაზღვრის ერთეულს წარმოადგენს ბეტეზდას მოდიფიცირებული ერთეული პლაზმის 1 მლ-ში. ინჰიბიტორების წარმოქმნის რისკი კორელირებს VIII ფაქტორით მკურნალობასთან და იგი მაქსიმალურია მკურნალობის პირველი 20 დღის განმავლობაში. იშვიათად ინჰიბიტორი წარმოიქმნება 100 დღის განმავლობაში. აუცილებელია შებასამისი ანალიზების რეგულარულად ჩატარება.

შეუთავსებლობა:

დაუშვებელია VIII ფაქტორის სხვა პრეპარატებთან შერევა. პრეპარატის შეყვანამდე და მის შემდეგ სისტემა უნდა იყოს გამორეცხილი იზოტონური ხსნარით.

გაფრთხილება:

იმუნატი მზადდება ადამიანის სისხლისაგან. შეუძლებელია ყველა ცნობილი და უცნობი ინფექციის გადაცემის რისკის გამორიცხვა, მაგრამ ამ რისკის შესამცირებლად ტარდება შემდეგი ღონისძიებები - დონორების შერჩევა, კარანტინი, ტესტირება ადამიანის იმუნოდეფიციტის ვირუსის გამოსავლენად, ვირუსის ინაქტივაცია (სისხლის ქიმიური და ორთქლით დამუშავება).

მაგრამ ზოგიერთი უგარსო ვირუსების განადგურება ვერ ხერხდება, ამიტომ გასათვალისწინებელია პარვოვირუსების და სხვა უცნობი ვირუსების გადაცემის შესაძლებლობა.

არ არსებობს მონაცემები ავტომობილის მართვის უნარზე პრეპარატის უარყოფითი მოქმედების შესახებ.

ჭარბი დოზირება:

მონაცემები ჭარბი დოზირების შესახებ არ არსებობს.

სხვა წამლებთან ურთიერთქმედება:

არ არსებობს მონაცემები.

შენახვის პირობები და ვადა:

პრეპარატი ინახება 2-8⁰C  ტემპერატურაზე 2 წელი, 25⁰ C -ის პირობებში - 6 თვე.

გახსნილი პრეპარატი 20-25⁰C  ტემპერატურაზე ინახება 3 საათი.

პრეპარატის გახსნის და ინექციის პროცედურა ვერ გამორიცხავს მიკრობულ დაბინძურებას, ამიტომ პრეპარატი გამოყენებული უნდა იქნას გახსნისთანავე. პრეპარატი ინახება ბავშვებისაგან დაცულ ადგილას.

საერთაშორისო დასახელება:

ECHINACEA

მწარმოებელი: LEK, სლოვენია

მოქმედი ნივთიერება: ექინაცეა

კლინიკურ-ფარმაკოლოგიური ჯგუფი:

იმუნომასტიმულირებელი პრეპარატი.

შემადგენლობა და გამოშვების ფორმა:

ტაბლეტები: ბლისტერზე 10 ტაბ., შეფუთვაში 2 ბლისტერი.

1 ტაბ.

მეწამული ექინაცეას მშრალი ექსტრაქტი ........ 80 მგ

სხვა ინგრედიენტები:

კაჟბადის დიოქსიდი კოლოიდური, ლაქტოზას მონოჰიდრატი, მაგნიუმის სტეარატი, ნატრიუმის საქარინი, ვანილინი, ალუბლის არომატით მალტოდექსტრინისა და გუმიარაბიკის ფუძეზე.

ხსნარი-წვეთები პერორალური მიღებისათვის:

ფლაკონში 50 მლ

1 მლ

მეწამული ექინაცეას მშრალი ექსტრაქტი ........ 0.8 მგ

სხვა ინგრედიენტები:

ეთილის სპირტი - 20%, სორბიტოლი.

ფარმაკოლოგიური თვისებები:

იმუნალი იმუნომასტიმულირებელი მცენარეული პრეპარატია.

Echinacea purpurea L შეიცავს აქტიურ ნივთიერებებს, რომლებიც აძლიერებენ ორგანიზმის ბუნებრივ დაცვით ძალებს და გვევლინებიან იმუნიტეტის არასპეციფიკური სტიმულატორების სახით. ლეიკოციტების რიცხვის გაზრდით (გრანულოციტების) და ფაგოციტოზის გააქტივებით, პრეპარატის აქტიური ნივთიერებები თრგუნავენ მიკროორგანიზმების გამრავლებას და ხელს უწყობენ ბაქტერიების განადგურებას ორგანიზმში. ამასთან ერთად ექინაცეას გააჩნია ვირუსების საწინააღმდეგო მოქმედება (მაგალითად გრიპის და ჰერპესის გამომწვევი ვირუსის მიმართ).

ჩვენებები:

• ექინაცეას წვენი რეკომენდებულია იმუნიტეტის სტიმულაციისათვის პაციენტებში, გაურთულებელი მწვავე ინფექციური დაავადებების ხშირი გაცივებისა და გრიპის დროს, აგრეთვე როგორც დამხმარე საშუალების სახით ქრონიკული ინფექციების დროს, ხანგრძლივი ანტიბიოტიკოთერაპიის შემთხვევაში.
• იგი აგრეთვე გამოიყენება როგორც დამხმარე ნივთიერება ხანგრძლივი ანტიბიოტიკოთერაპიის შემთხვევაში ქრონიკული ინფექციების და იმუნიტეტის დაქვეითების დროს.

დოზირების რეჟიმი:

ტაბლეტები:

6-დან 12 წლამდე ასაკის ბავშვებში: 1 ტაბ. 1-3-ჯერ დღეში.

4-დან 6 წლამდე ასაკის ბავშვებში: 1 ტაბ. 1-2-ჯერ დღეში.

ხსნარი წვეთები:

მოზრდილებში და ბავშვებში 12 წლის ზევით:

20 წვეთი 3-ჯერ დღეში. დაავადების მწვავე ფაზაში პირველი 2 დღის განმავლობაში რეკომენდებულია 20 წვეთი იმუნალის გამოყენება ყოველ 2 საათში.

6-12 წლის ასაკის ბავშვებში: 10-15 წვეთი 3-ჯერ დღეში.

1-6 წლის ასაკის ბავშვებში: 5-10 წვეთი 3-ჯერ დღეში.

მკურნალობის ხანგრძლივობა არ უნდა აღემატებოდეს 8 კვირას.

გვერდითი მოვლენები:

იშვიათ შემთხვევაში შეიძლება აღინიშნოს პრეპარატის მიმართ მომატებული მგრძნობელობა, ალერგიული რეაქცია (სიწითლე, გამონაყარი).

უკუჩვენებები:

*პროგრესული სისტემური და აუტოიმუნური დაავადებები, როგორიცაა: ტუბერკულოზი, ლეიკოზი, კოლაგენოზი, გაფანტული სკლეროზი, შიდსი ან აივ ინფექცია; პრეპარატის მიმართ მომატებული მგრძნობელობის დროს.

ორსულობა და ლაქტაცია:  :

*ორსულობის და ლაქტაციის დროს ექიმთან კონსულტაციის გარეშე პრეპარატის გამოყენება არ არის რეკომენდებული.

განსაკუთრებული მითითებები:

პრეპარატის გამოყენებამდე გულმოდგინედ შეანჯღრიეთ ფლაკონი.

პრეპარატი არ მოქმედებს ყურადღების კონცენტრაციაზე.

ჭარბი დოზირება:

არ არის აღწერილი.

სხვა წამლებთან ურთიერთქმედება:

იმუნალის წვეთები შეიცავს სპირტს, ამიტომ შესაძლებელია გაძლიერდეს ან შეიცვალოს სხვა წამლების მოქმედების ეფექტი. კლინიკურად მნიშვნელოვანი ურთიერთქმედება აღინიშნება შემდეგ წამლებთან კომბინირებისას:

- ცეფალოსპორინების წარმოებულებთან (ცეფამანდოლი, ცეფოტეტანი, ცეფმენოქსიმი, ცეფაპერაზონი და მოქსალაქტამი) და ალკოჰოლთან (მცირე რაოდენობითაც კი).

პაციენტის რეაქცია გამოიხატება სახის ჰიპერემიით, გულისრევით, ოფლიანობით, თავის ტკივილითა და გულისცემის გახშირებით. იმუნალის წვეთების გამოყენება არ არის რეკომენდებული ზემოთ ჩამოთვლილ ანტიბიოტიკებთან კომბინაციაში. იმუნალის გამოყენება შესაძლებელია ცეფალოსპორინებით მკურნალობის კურსის დამთავრებიდან 3 დღის შემდეგ.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისაგან დაცულ ადგილას.

ვარგისიანობის ვადა: 3 წელი.

მწარმოებელი: KOÇAK FARMA, Turkey.

კლინიკურ–ფარმაკოლოგიური ჯგუფი:

ანტიოქსიდანტური, იმუნომასტიმულირებელი კომპლექსური პრეპარატიЮ

შემადგენლობა და გამოშვების ფორმა:

იმუვიტი - რბილი კაფსულები №30 ბლისტერ-შეფუთვით.

1 კაფსულა შეიცავს:

ნატურალურ β-კაროტინი (A ვიტამინის პროვიტამინი) - 20 მგ (26 000 სე).

ვიტამინი C (ასკორბინის მჟავა) - 200 მგ;

ვიტამინი E (d-α ტოკოფეროლს ) - 200 მგ;

სელენი - 50 მკგ.

ფარმაკოლოგიური მოქმედება:

იმუვიტი კომბინირებული პრეპარატია, რომლის შემადგენლობაში შედის ისეთი მძლავრი ანტიოქსიდანტები როგორებიცაა: β-კაროტინი (A ვიტამინის პროვიტამინი), C ვიტამინი, E ვიტამინი და სელენი. ანტიოქსიდანტები ახორციელებენ დამცავ ფუნქციას, ქიმიურად აქტიური ნაერთების - თავისუფალი რადიკალების უჯრედებზე და ქსოვილებზე დამაზიანებელი, ნეგატიური მოქმედების ნეიტრალიზაციის გზით.

ანტიოქსიდანტების კომპლექსის - იმუვიტის – რეგულარული მიღება იცავს ორგანიზმს თავისუფალი რადიკალების მავნე ზემოქმედებისაგან, რაც გამოწვეული შიძლება ოყოს: ულტრაიისფერი და მაიონიზირებელი გამოსხივებით, სტრესით, ეკოლოგიურად დაბინძურებული საკვები პროდუქტებით, სასმელი წყალით, გარემოს არასასურველი ფაქტორებით, სიგარეტით და ალკოჰოლით.

იმუვიტი ზრდის იმუნიტეტს და ორგანიზმის საერთო რეზისტენტობას, აქვეითებს ინფექციური, გულ-სისხლძარღვთა, ონკოლოგიური და სხვა დაავადების აღმოცენების რისკს. იმუვიტის შემადგენლობაში შემავალი სელენი წარმოადგენს გლუტათიონპეროქსიდაზას - ორგანიზმის ბუნებრივი ანტიოქსიდანტური დამცავი ფერმენტის კოფაქტორს. გარდა ამისა სელენი იმუნიტეტის მძლავრი სტიმულატორია, რომელიც ხელს უწყობს ანტისხეულების წარმოქმნას და ანეიტრალებს მძიმე მეტალების ტოქსიურ ეფექტებს.

ჩვენებები:

- რაციონში A, C, E ვიტამინების და სელენის უკმარისობა;

- ონკოლოგიური დაავადებების პროფილაქტიკა;

- გინეკოლოგიური დაავადებების პროფილაქტიკა (კისტა, მასტოპათიები, საშვილოსნოს მიომა);

- ათეროსკლეროზის პროფილაქტიკა;

- მიოკარდიუმის ინფარქტის შემდგომ - რეაბილიტაციის პერიოდი;

- კუჭისა და თორმეტგოჯა ნაწლავის წყლული, ჭრილობები, დამწვრობა, ოპერაციის შემდგომი პერიოდი (რეგენერაციული თვისებების გამო);

- ვირუსული ინფექციების პროფილაქტიკა და მკურნალობა;

- გონებრივი და ფიზიკური დატვირთვა;

- კატარაქტის მკურნალობა;

- ფერთა აღქმის და მხედველობის სიმახვილის დაქვეითება;

- მდგომარეობები, რომელთა დროსაც იზრდება მოთხოვნილება ანტიოქსიდანტებზე (თავისუფალი რადიკალების ჭარბად წარმოქმნის გამო);

_ მწეველები (როგორც აქტიური, ისე პასიური);

_ ორგანიზმის ნაადრევი დაბერება;

_ კომპიუტერზე მუშაობა;

_ სიმსივნეების სხივური თერაპია;

_ მზეზე ხანგრძლივად ყოფნა;

_ ადამიანის ორგანიზმზე ეკოლოგიურად არაკეთილსაიმედო ფაქტორების გავლენა (ჰაერის დაბინძურება, ტოქსიური ნივთიერებები სასმელ წყალში, საკვებ პროდუქტებში და სხვა);

- ხანშიშესული ადამიანები.

გამოყენების წესი და დოზირება:

პროფილაქტიკის მიზნით - 1-2 კაფსულა დღეში;

მკურნალობის მიზნით - 2-3 კაფსულა დღეში.

უკუჩვენებები:

მომატებული მგრძნობელობა პრეპარატის შემადგენელი კომპონენტების მიმართ.

უსაფრთხოების ზომები:

არ არის რეკომენდებული პრეპარატის მიღება სხვა A ვიტამინის შემცველ პრეპარატებთან

ერთად. პერორალური კონტრაცეპტივები აქვეითებენ ორგანიზმში ვიტამინ A-ს რაოდენობას. C ვიტამინი აქვეითებს ვარფარინის აქტივობას.

გვერდითი მოვლენები:

რეკომენდებული დოზირებით პრეპარატის მიღების შემთხვევაში გვერდითი მოვლენები არ ვლინდება.

პრეპარატის სავაჭრო დასახელება : იმუდონი ®

წამლის ფორმა : საწუწნი ტაბლეტები

ჯგუფური სახელწოდება :

ლიზატური ბაქტერიების ნარევი [L.acidophilus + l. delbrueckii ss lactis + L. helveticus + L. fermentum + S. pyogenes groupe A + S. sangius groupe H + S. aureus + E. faecium + E. faecalis + K. pneumoniae ss pneumoniae + F. nucleatum ss fusiforme + C. pseudodiphtheriticum + C. albicans]

ერთი ტაბლეტის შემადგენლობა:

პრეპარატი წარმოადგენს პოლივალენტურ ანტიგენურ კომპლექსს , ბაქტერიების ლიზატების ნარევს , რომლის შემცველობაც შეესაბამება პირის ღრუსა და ხორხში ანთებითი პროცესების გამომწვევების შემცველობას .

აქტიური ნივთიერება :

იმუდონი ® ( ბაქტერიების ლიზატების ნარევი ) - 2,7 მგ ( მშრალ ნივთიერებაზე გადაანგარიშებით ):

მათ შორის :

ბაქტერიების ლიზატები L.acidophilus + l. delbrueckii ss lactis + L. helveticus + L. fermentum + S. pyogenes groupe A + S. sangius groupe H + S. aureus + E. faecium + E. faecalis + K. pneumoniae ss pneumoniae + F. nucleatum ss fusiforme + C. pseudodiphtheriticum + C. albicans]- 0,1575 მგ

დამხმარე ნივთიერებები :

გლიცინი - 2,0 მგ , ნატრიუმის დეზოქსიქოლატი - 0,53 მგ , თიომერსალი - არა უმეტეს 0,0125 მგ დამხმარე ნივთიერებები :

გლიცინი , ლაქტოზას მონოჰიდრატი , მანიტოლი , ნატრიუმის საქარინატი , პოვიდონი , ნატრიუმის ჰიდროკარბონატი , უწყლო ლიმონმჟავა , პიტნის არომატიზატორი , მაგნიუმის სტეარატი .

აღწერილობა:

თეთრი ან თითქმის თეთრი ფერის , პიტნის სუნის , ბრტყელცილინდრული ფორმის , გლუვი პრიალა ზედაპირის , ჩამოჭრილის კიდეების მქონე ტაბლეტები . დასაშვებია უმნიშვნელო მარმარილოსებურობა .

ფარმაკოთერაპიული ჯგუფი:

იმუნომასტიმულირებელი საშუალება

იმუნობიოლოგიური და ფარმაკოლოგიური თვისებები:

სტომატოლოგიაში და ოტორინოლარინგოლოგიაში ადგილობრივი გამოყენების ბაქტერიული წარმოშობის იმუნომასტიმულირებელი პრეპარატი . ააქტივებს ფაგოციტოზს , ხელს უწყობს იმუნური უჯრედების რაოდენობის ზრდას , ნერწყვში ზრდის ლიზოციმის , ინტერფერონის , A იმუნოგლობულინის   გამომუშავებას .

გამოყენების ჩვენება:

პირის ღრუსა და ხორხის ანთებით - ინფექციური დაავადებების მკურნალობა და პროფილაქტიკა :

- ზედაპირული და ღრმა პაროდონტოზი , პარადონტიტი , სტომატიტი ( მათ შორის აფთოზური ), გლოსიტი ;

- ერითემატოზური და წყლულოვანი გინგივიტი ;

- პირის ღრუს დისბაქტერიოზი ;

- კბილის ამოღების , კბილის ხელოვნური ფესვის იმპლანტაციის შემდეგ განვითარებული ინფექციები ;

- კბილის პროთეზით გამოწვეული წყლულები ;

- ფარინგიტი ;

- ქრონიკული ტონზილიტი ;

- წინასაოპერაციო მოსამზადებელი პერიოდი და ტონზილექტომიის შემდგომი პოსტოპერაციული პერიოდი .

უკუჩვენება:

- ჰიპერმგრძნობელობა პრეპარატის ან მისი კომპონენტების მიმართ ;

-3 წლამდე ბავშვთა ასაკი ;

ორსულობისა და ლაქტაციის პერიოდი:

ორსულებში იმუდონის გამოყენების თაობაზე არსებული ინფორმაცია არ არის საკმარისი . ცხოველებზე ჩატარებულ და ეპიდემიოლოგიური კვლევებში არსებული შესაბამისი მონაცემები არ არის მოწოდებული .

არ არის რეკომენდებული იმუდონის ® გამოყენება ორსულობისა და ლაქტაციის პერიოდში

გამოყენების წესი და დოზირება:

მოზრდილები და 14 წელზე უფროსი ასაკის მოზარდები

პირის ღრუსა და ხორხის მწვავე ანთებითი დაავადებების და ქრონიკული დაავადებების გამწვავების მკურნალობისას პრეპარატი გამოიყენება დოზით - დღეში 8 ტაბლეტი . ტაბლეტები იწუწნება ( არ იღეჭება ) პირის ღრუში 1-2 საათიანი ინტერვალით . მკურნალობის კურსის საშუალო ხანგრძლივობა არის 10 დღე .

პირის ღრუსა და ხორხის ქრონიკული ანთებითი დაავადებების გამწვავების პროფილაქტიკის მიზნით გამოიყენება დღეში 6 ტაბლეტი . ტაბლეტები იწუწნება ( არ იღეჭება ) პირის ღრუში 2 საათიანი ინტერვალით . მკურნალობის კურსის საშუალო ხანგრძლივობა არის 20 დღე . იმუდონით მკურნალობის კურსის პროფილაქტიკის ჩატარება რეკომენდებულია წელიწადში 3-4- ჯერ .

3- დან 14 წლამდე ბავშვთა ასაკი

პირის ღრუსა და ხორხის მწვავე ანთებითი დაავადებების და ქრონიკული დაავადებების გამწვავების მკურნალობისას , ასევე პროფილაქტიკის მიზნით , დღეში გამოიყენება პრეპარატის 6 ტაბლეტი .   ტაბლეტები იწუწნება ( არ იღეჭება ) პირის ღრუში 1-2 საათიანი ინტერვალით . მწვავე დაავადებების დროს მკურნალობის კურსის ხანგრძლივობა შეადგენს 10 დღეს , ხოლო ქრონიკული დაავადებების პროფილაქტიკისას - 20 დღე .

პრეპარატით მკურნალობის კურსის პროფილაქტიკის ჩატარება რეკომენდებულია წელიწადში 3-4- ჯერ .

გვერდითი მოქმედება:

იშვიათ შემთხვევებში , პრეპარატის გამოყენებას შეიძლება თან ახლდეს ალერგიული რეაქციების განვითარება ( გამონაყარი , ჭინჭრის ციება , ანგიონევროზული შეშუპება ), შესაძლოა განვითარდეს რეაქციები კუჭ - ნაწლავის ტრაქტის მხრიდან ( ღებინება , გულისრევა , მუცლის ტკივილი ).

ჭარბი დოზა:

იმუდონით ჭარბი დოზის შემთხვევები აღწერილი არ არის .

ზემოქმედება სხვა სამკურნალო პრეპარატებთან:

არ არის აღწერილი . იმუდონის ® გამოყენება შესაძლებელია სხვა ჯგუფის სამკურნალო პრეპარატებთან ერთად .

განსაკუთრებული მითითებები:

-           3- დან 6 წლამდე ბავშვთა ასაკში ტაბლეტების გამოყენება ხდება მოზრდილების მეთვალყურეობისას !

-           პრეპარატის თერაპიული ეფექტის შემცირების თავიდან აცილების მიზნით , იმუდონის გამოყენებიდან 1 საათის განმავლობაში არ არის რეკომენდებული საკვებისა და წყლის მიღება , ასევე პირის ღრუს გამოვლება .

-           პრეპარატის ისეთი პაციენტებისათვის დანიშვნისას , რომლებიც იცავენ უმარილო ან მარილის მცირე რაოდენობის შემცველ დიეტას , საჭიროა გათვალისწინდეს , რომ იმუდონის 1 ტაბლეტი შეიცავს 15 მგ NA + .

ზემოქმედება სატრანსპორტო საშუალებებისა და სხვა მექანიზმების მართვის უნარზე :

სატრანსპორტო საშუალებებისა და სხვა მექანიზმების მართვის უნარზე პრეპარატის ზემოქმედების თაობაზე მონაცემები მოწოდებული არ არის .

გამოშვების ფორმა:

კომპოზიტური მასალის პოლიამიდ - ალუმინ - პვქ და ლაკირებული ბეჭდითი ალუმინის ფოლგის კონტურულ უჯრედოვან შეფუთვაში ( ბლისტერში ) მოთავსებულია 8 ტაბლეტი .

8 ტაბლეტის შემცველი 3 ან 5 კონტურულ უჯრედოვანი შეფუთვა ( ბლისტერი ) გამოყენების ინსტრუქციასთან ერთად მოთავსებულია მუყაოს კოლოფში .

შენახვის პირობები:

შენახვის პირობები 25 С- მდე ტემპერატურის პირობებში . პრეპარატი ინახება ბავშვებისათვის მიუწვდომელ აგილას .

ვარგისიანობის ვადა:

2 წელი .

აფთიაქიდან გაცემის წესი:

ურეცეპტოდ

შემადგენლობა:

აფინო–გაწმენდილი ანტისხეულები ადამიანის  ენდოთელიალური NO–სინთეტაზას მიმართ – ჰომეოპათური ნარევი C12, C30 და C200.

დამხმარე ნივთიერებები: ლაქტოზა, მაგნიუმის სტეარატი, მკც.

ფარმაკოლოგიური მოქმედება:

იმპაზა მიეკუთვნება მამაკაცის ერექციული ფუნქციის გამაუმჯობესებელ პრეპარატს. იმპაზის ეს ეფექტი ხორციელდება ენდოთელიარული NO -სინთეტაზას აქტიობის გაზრდით, სექსუალური სტიმულაციისას ენდოთლის მიერ აზოტის ოქსიდის გამომუშავების აღდგენით, გლუვ კუნთბში ცგმფ–ის გაზრდით, რაც უზრუნველყოფს მის მოდუნებას, ყველაფერი ეს უზრუნველყოფს სასქესო ასოს მღვიმონი სხეულის სისხლით ავსების გაუმჯობესებას. ამ თვისებების წყალობით მიიღწევა ნორმალური ერექცია ძალისა და ხანგრძლიობის გათვალისწინებით.

ერექციის ცენტრალურ და პერიფერიულ ცენტრებზე პოზიტიური ზემოქმედება უზრუნველყოფს სექსუალური ლტოლვის და დაკმაყოფილების მიღწევას.

იმპაზის ხანგრძლივი მოხმარებისას სისხლის შრატში მატულობს მამაკაცის სასქესო ჰორმონების, ტესტისტერონის, დონე,  (თვდაპირველად მისი ზომიერად დაბალი დონისას).

გამოყენების ჩვენებები:

იმპაზა ნაჩვენებია სხვადასხვა წარმოშობის ერექციული ფუნქციის დარღვევისას (ფსიქოგენური, ორგანული, შერეული), მათ შორის, მამაკაცებში გულ–სისხლძარღვთა სისტემის დაავადებით და მათთვისაც, ვინც ღებულობს ნიტრატებს. ასევე, მამაკაცებში კლიმაქტერული სინდრომისას ვეგეტო–სისხლძარღვოვანი მოვლენებისას (მომატებული დაღლილობა, გაღიზიანებულობა, ლიბიდოს და ფიზიკური აქტიობის დაქვეითება).

მიღების წესი:

იმპაზის ტაბლეტს ათავსებენ პირის ღრუში მის სრულ გახსნამდე.

ეპიზოდური მიღებისას: ერექციის სტიმულაციისათვის იმპაზის 1 ტაბლეტი მიიღება სავარაუდი სქესობრივ აქტამდე 2 სთ–ით ადრე და კიდევ 1 ტაბლეტი აქტამდე 1 სთ–ით ადრე.

რეგულარული მიღებისას: პოტანციის სტაბილიზაციისთვის და კლიმაქტერული სინდრომის დროს ვეგეტო–სისხლძარღვოვანი მოშლილობისას რეკომენდეულია პრეპარატ იმპაზათი  12–კვირიანი კურსი, რომლის განმავლობაში 1 ტაბლეტი იმპაზის მიღება აუცილებელი დღეგამოშვებით, უმჯობესია საღამოს საათებში. აუცილებლობისას შეიძლება 1 ტაბლეტის მიღება სქესობრივ აქტამდე 1 სთ–ით ადრე.

აღნიშნული მკურნალობის კურსის ჩატარების შემედეგ ეფექტი ნარჩუნდება 6 თვის მანძილზე.

აუცილებლობისას შეიძლება მკურნალობის კურსის განმეორება 4–6 თვის შემდეგ.

გვერდითი მოქმედება:

არ არის გამოვლენილი.

უკუჩვენებები:

* პრეპარატ იმპაზას გამოყენება დაუშვებელი თუ მისი შემადგენელი რომელმე კომპონენტის მიმართ არსებობს აუტანლობა.

სხვა სამკურნალო საშუალებებთან ურთიერთქმედება:

კლინიკურად არასასურველი მოქმედება იმპაზას სხვა პრეპარატებთან ერთდროული გამოყენებისას არ დაფიქსირებულა. თუმცა იმპაზათი მკურნალობის დაწყების წინ ექიმი  ინფორმრებული უნდა იყოს თუ არსებობს თანმხლები მკურნალობა.

ჭარბი დოზირება:

იმპაზის პრეპარატით ჭარბ დოზირებაზე ინფორმაცია არ არის. პრეპარატის დიდი დოზით მიღებისას საჭიროა ექიმს მიმართოთ სიმპტომური თერაპიის ჩასატარებლად.

შენახვის პირობები:

ინახება მშრალ, ბავშვებისათვის მიუქვდომელ, ადგილზე, 25⁰C ტამპერატურაზე.