საერთაშორისო დასახელება:

TIMOLOL MALEATA

მწარმოებელი: GmbH, გერმანია

მოქმედი ნივთიერება: თიამინი

კლინიკურ-ფარმაკოლოგიური ჯგუფი:

ანტიგლაუკომური საშუალება (ბეტა₁ და ბეტა₂ ადრენობლოკატორი).

შემადგენლობა და გამოშვების ფორმა:

თვალის წვეთები 0,25%: ფლაკონში 5 მლ საწვეთურით, შეფუთვაში 1 ც.

1 მლ

თიმოლოლის მალეატი ...............  3.42 მგ,

მათ შორის თომოლოლი ............   2.5 მგ

თვალის წვეთები 0,5%: ფლაკონში 5 მლ საწვეთურით, შეფუთვაში 1 ც.

1 მლ

თიმოლოლის მალეატი ...............  6.84 მგ,

მათ შორის თიმოლოლი .............. 5.0 მგ

დამხმარე ნივთიერებები:

ბენზალკონიუმის ქლორიდი 0,05 მგ (კონსერვანტი), ერთფუძიანი ნატრიუმის ფოსფატი, ორფუძიანი ნატრიუმის ფოსფატი, წყალი ინექციებისათვის.

ფარმაკოლოგიური თვისებები:

თიმოლოლ მალეატი (თიმოლოლ-პოს თვალის წვეთების აქტიური კომპონენტი) წარმოადგენს ბეტა-ადრენერგული რეცეპტორების არასელექტურ ბლოკატორს, რომელსაც არ გააჩნია ადგილობრივი ანესთეზიური და კარდიოდეპრესიული ეფექტი. ბეტა-ადრენერგული რეცეპტორების ბლოკადა იწვევს თვალის ნამის პროდუქციის შემცირებას და აუმჯობესებს მის უკუდენას. ეფექტი თავს იჩენს ნორმალური საწყისი და, განსაკუთრებით აწეული თვალშიდა წნევის დროს. ჩვეულებრივ, ეფექტი ვლინდება კონიუქტივალურ პარკში თიმოლოლ-პოს თვალის წვეთების ჩაწვეთებიდან 20 წუთის შემდეგ, აღწევს მაქსიმუმს 1-2 საათის შემდეგ და გრძელდება 24 სათი.

ჩვენებები:

თიმოლოლ-პოსი ინიშნება:

• მომატებული თვალის შიდა წნევის დროს;
• ქრონიკული ღიაკუთხოვანი გლაუკომის დროს;
• აფაკიური გლაუკომის დროს;
• თანდაყოლილი გლაუკომის დროს, როდესაც სხვა თერაპიული ღონისძიება არასაკმარისია. გამოიყენეთ, მხოლოდ ექიმის დანიშვნით!

დოზირების რეჟიმი:

ექიმის სხვა რეკომენდაციების არარსებობის დროს, ზუსტად უნდა შესრულდეს თიმოლოლ-პოს თვალის წვეთების გამოყენების მოცემული ინსტრუქცია.

თიმოლოლ-პოსის იწვეთებენ კონიუქტივალურ პარკში დღეში 1-2 წვეთს. ამისათვის აუცილებელია მოიხსნას ფლაკონის მფარავი პატარა ხუფი, გადმოატრიალოთ ფლაკონი და მის კორპუსზე სუსტად დაჭერით ჩაიწვეთოთ წვეთების საჭირო რაოდენობა კონიუქტივალურ პარკში. ხისტი კონტაქტური ლინზები უნდა მოიხსნას ჩაწვეთებამდე და უკან ჩაისვას არანაკლებ 15 წუთის შემდეგ.

პრეპარატი თიმოლოლ-პოსის გამოყენება შეიძლება ხანგრძლივად.

რადგან თიმოლოლ-პოს პრეპარატის ჰიპოტენზიული მოქმედება ვითარდება თანდათანობით, ანუ თვალის შიდა წნევის დაწევა ხდება პრეპარატის ხანგრძლივი გამოყენებისას, რეკომენდებულია რეგულარულად აკონტროლოთ თვალის შიდა წნევა თიმოლოლ-პოს თვალის წვეთების დოზირების ოპტიმალური რეჟიმის შერჩევისათვის.

საჭიროებისამებრ, დოზირება შეიძლება შემცირებულ იქნას 1-2 წვეთამდე დღეში.

გვერდითი მოვლენები:

თუ თიმოლოლ-პოსით მკურნალობისას განვითარდა გვერდითი ეფექტი, რომელიც არ არის აღნიშნული ამ ინსტრუქციაში ან თუ არ ხართ დარწმუნებული პრეპარატის ეფექტურობაში, გთხოვთ, მიაწოდოთ ინფორმაცია თქვენს ექიმს ან ფარმაცევტს.

იშვიათ შემთხვევებში შესაძლებელია შემდეგი გვერდითი რეაქციები:

თვალის გაღიზიანება, კონიუნქტივიტის, ბლეფარიტის, კერატიტის სახით.

ჩაწვეთებისთანავე მხედველობის სიმახვილის ხანმოკლე ცვლილება, თვალების “სიმშრალის” გრძნობა.

სისტემური გვერდითი ეფექტი გულ-სისხლძარღვთა სისტემის მხრივ: ჰიპოტენზია, სინკოპალური მდგომარეობა, ცერებროვასკულარული ინსულტი, ცერებრალური იშემია, ბრადიკარდია, არითმია, ატრიოვენტრიკულარული ბლოკადა გულის გაჩერებამდეც კი, გულის უკმარისობა.

სისტემური გვერდითი ეფექტი სასუნთქი სისტემის მხრივ: ბრონქოსპაზმი, ფილტვის უკმარისობა, ქოშინი.

სისტემური გვერდითი ეფექტი კანის საფარის მხრივ: ჰიპერმგრძნობელობა (ეგზანთემა, ურტიკარია, ალოპეცია).

სისტემური სხვა გვერდითი ეფექტები: თავის ტკივილი, სისუსტე, გულისრევა, თავბრუსხვევა, დეპრესია.

* ხელს უწყობს ჰიპოგლიკემიის სურათის შენიღბვას შაქრიანი დიაბეტის დროს.

* ყველა ავადმყოფისთვის, ვინც იყენებს თიმოლოლ-პოს პრეპარატს გლაუკომის სამკურნალოდ, რეკომენდებულია განახორციელონ რქოვანას საკონტროლო გასინჯვა და თვალშიდა წნევის გაზომვა დროის თანაბარ მონაკვეთებში.

* გვერდითი ეფექტების წარმოქმნის შემთხვევაში შეწყვიტეთ პრეპარატის გამოყენება და, რაც შეიძლება სწრაფად, მიმართეთ მკურნალ ექიმს (ოფთალმოლოგს).

უკუჩვენებები:

*ბრონქული ასთმა, ბრონქების ზერეაქტიულობა;

*ფილტვების მძიმე ქრონიკული ობსტრუქციული დაავადებები;

*სინუსური ბრადიკარდია;

*II და III ხარისხის ატრიო-ვენტრიკულური გამტარობის დარღვევა;

*II-III ხარისხის გულის უკმარისობა;

*კარდიოგენული შოკი;

*პრეპარატის კომპონენტებისადმი ჰიპერმგრძნობელობა;

*მძიმე ვაზომოტორული რინიტი;

*რქოვანას დისტროფიები.

ორსულობა და ლაქტაცია:

ბავშვებში, ორსულობასა და ლაქტაციის დროს თიმოლოლ-პოს პრეპარატის გამოყენების შესახებ კლინიკური გამოკვლევების მონაცემები არ არსებობს. შესაძლებელია პრეპარატი გამოყენებულ იქნას ბავშვებში 1 წლის ასაკის ზევით, ორსულებისა და მეძუძური დედების მკურნალობისთვის, მკურნალი ექიმის დანიშნულებით, თუ მოსალოდნელი სამკურნალო ეფექტი აღემატება შესაძლო გვერდითი ეფექტების განვითარების რისკს.

თუ პრეპარატი გამოიყენებოდა უშუალოდ მშობიარობამდე, ან ძუძუს წოვების დროს, მაშინ ახალშობილი უნდა იმყოფებოდეს საგულდაგულო დაკვირვების ქვეშ დაბადებიდან რამდენიმე დღის განმავლობაში ან მეძუძური დედის თიმოლოლ-პოს პრეპარატით მკურნალობის მთელი პერიოდის განმავლობაში.

განსაკუთრებული მითითებები:

თიმოლოლ-პოსით მკურნალობის დროს არ უნდა იყოს გამოყენებული რბილი კონტაქტური ლინზები. თუ პაციენტი მკურნალი ექიმის ნებართვით აგრძელებს მაგარი კონტაქტური ლინზების გამოყენებას თვალის წვეთების ჩაწვეთებამდე, რეკომენდებულია მოიხსნას კონტაქტური ლინზები და კვლავ გაიკეთოს ჩაწვეთებიდან არანაკლებ 15 წუთის შემდეგ.

თიმოლოლ-პოსის უშუალოდ ჩაწვეთების შემდეგ შეიძლება წარმოიქმნას მხედველობის სიმახვილის ხანმოკლე დარღვევა, რაც იწვევს ფსიქიკური და ფიზიკური რეაქციების შენელებას. ამიტომ პრეპარატის გამოყენება უშუალოდ მექანიზმებთან მუშაობისა და ავტოტრანსპორტის მართვის წინ არ არის რეკომენდებული.

სხვა წამლებთან ურთიერთქმედება:

- ადრენალინის შემცველი თვალის წვეთების თანხმლებმა გამოყენებამ შეიძლება გამოიწვიოს გუგის გაფართოება.

- თიმოლოლ-პოსის სპეციფიკური მოქმედება (თვალშიდა წნევის დაწევა) ძლიერდება ადრენალინისა და პილოკარპინის შემცველი თვალის პრეპარატების ერთდროული გამოყენების დროს.

- სისტემური ბეტა-ადრენობლოკატორების თანმხლებმა გამოყენებამ შეიძლება გამოიწვიოს თითოეული პრეპარატის ფარმაკოლოგიური აქტივობის გაძლიერება (თიმოლოლ-პოსის მიერ გაძლიერებული იქნება როგორც თვალშიდა წნევის დაწევა, ასევე გულ-სისხლძარღვთა სისტემაზე ბეტა-ბლოკერების ზემოქმედება).

-ჰიპოტენზია და ბრადიკარდია შეიძლება პოტენცირებულ იქნას თიმოლოლ-პოსისა და კალციუმის ანტაგონისტების, კატექოლამინების გამომანთავისუფლებელი პრეპარატების და ბეტაბლოკატორების ერთობლივი გამოყენების დროს.

-თიმოლოლ-პოსი აძლიერებს მიორელაქსანტების მოქმედებას, ამიტომ აუცილებელია პრეპარატის აკრძალვა საერთო ნარკოზის გამოყენებით ქირურგიულ ჩარევამდე.

შენახვის პირობები:

პრეპარატი ინახება არა უმეტეს 25⁰C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 3 წელი. თიმოლოლ-პოსი გამოიყენეთ ფლაკონის გახსნიდან არა უმეტეს 4 კვირის განმავლობაში.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

TRAVOPROST; TIMOLOL MALEATE

მწარმოებელი: ფარმა მედიტერანია, ს.ლ., ესპანეთი

კომპანია: ფარდიმედიქალსი, გაერთიანებული სამეფო, დიდი ბრიტანეთი

მოქმედი ნივთიერება: ტრავოპროსტი +თიმოლოლი

კლინიკურ-ფარმაკოლოგიური ჯგუფი: გლაუკომის სამკურნალო კომბინირებული პრეპარატი.

შემადგენლობა და გამოშვების ფორმა:

თვალის წვეთები: გამჭვირვალე, უფერო სითხე, რომელიც მოთავსებულია 2,5 მლ მოცულობის პლასტმასის ფლაკონში ხრახნიანი თავსახურით

1 მლ შეიცავს: ტრავოპროსტი - 40 მკგ;  თიმოლოლი (მალეატის სახით) - 5 მგ

ფარმაკოლოგიური თვისებები:

თიმოლანი თვალის წვეთები წარმოადგენს ორი აქტიური ნივთიერების კომბინაციას: ტრავოპროსტს და თიმოლოლის მალეატს.

ტრავოპროსტი - პროსტაგლანდინ F2a-ს ანალოგი, ამცირებს ინტრაოკულარულ წნევას თვალშიდა სითხის გადინების გაზრდით ტრაბეკულურ ბადესა და უვეოსკლერული გზით.

თიმოლოლი - არასელექციური ß ადრენორეცეპტორების ბლოკატორია, რომელიც   თვალშიდა სითხის წარმოქმნის შემცირებისა და გადინების ოდნავ გაზრდის საფუძველზე იწვევს ინტრაოკულარული წნევის შემცირებას. ეს ორი კომპონენტი  კომბინაციაში მნიშვნელოვნად ამცირებს ინტრაოკულარულ წნევას (იოწ).

ჩვენებები:

ღია კუთხოვანი გლაუკომის ან ოკულარული ჰიპერტენზიის მქონე  პაციენტები, რომლებიც არასაკმარისად რეაგირებენ ადგილობრივ ბეტა-ბლოკერებზე ან პროსტაგლანდინების ანალოგებზე.

მიღების წესი და დოზირება:

მოზრდილებში მოხუცების ჩათვლით რეკომენდირებული დოზა შეადგენს თიმოლანის ხსნარის 1 წვეთს დაზიანებული თვალის (თვალების) კონიუნქტივიტის პარკში 1 ჯერ დღეში, დილით ან საღამოს. მიღება საჭიროა დღის ერთსა და იმავე დროს. თიმოლანის  ჩაწვეთება ორივე თვალში დასაშვებია მხოლოდ ექიმის დანიშნულებით. მკურნალობის ხანგრძლივობა განისაზღვრება ექიმის გადაწყვეტილების მიხედვით

გამოყენების წესი

თუ წვეთი არ მოხვდა თვალში, კიდევ სცადეთ.

თიმოლანი  ფერს უკარგავს რბილ კონტაქტურ ლინზებს. სასურველია რბილ კონტაქტურ ლინზნებთან კონტაქტის აცილება.

პაციენტებს უნდა განემარტოთ, რომ ლინზები მოიხსნან თიმოლანის  გამოყენებამდე და მათ ხელახლა ჩასმამდე დაიცადონ 15 წუთი.

თიმოლანის ჭარბი დოზირება:

პრეპარატის დანიშნულზე მეტი დოზით ჩაწვეთების შემთხვევაში,  გამოირეცხეთ თვალი თბილი წყლით. არ ჩაიწვეთოთ პრეპარატი დანიშნულ დროზე ადრე.

თიმოლანის დოზის გამოტოვება:

დოზის გამოტოვების შემთხვევაში მკურნალობა უნდა გაგრძელდეს შემდეგი გეგმიური დოზით. არ გამოიყენოთ ორმაგი დოზა გამოტოვებულის კომპენსაციის მიზნით. სადღეღამისო დოზამ არ უნდა გადააჭარბოს დაზიანებულ თვალში (თვალებში) დღეში 1 წვეთს.

თიმოლანის გამოყენების შეწყვეტა:

ექიმთან კონსულტაციის გარეშე პრეპარატის გამოყენების შეწყვეტისას უნდა იცოდეთ, რომ თქვენ ვერ გააკონტროლებთ თვალის შიდა წნევას, რამაც შეიძლება გამოიწვიოს მხედველობის დაკარგვა.

თუ გამოიყენება ერთზე მეტი ადგილობრივი ოფთალმოლოგიური პრეპარატი, მათი მიღება საჭიროა მინიმუმ 5 წუთის ინტერვალით.

გვერდითი მოვლენები:

ნერვული სისტემის დარღვევები: ხშირი - თავბრუსხვევა, თავის ტკივილი.

თვალის მხრივ დარღვევები: ძალიან ხშირი - თვალის გაღიზიანება ოკულარული ჰიპერემია;

ხშირი - თვალის ტკივილი, თვალის შეშუპება,  ოკულარული დისკომფორტი, თვალის არანორმალური მგრძნობელობა, მხედველობის სიმკვეთრის დაქვეითება, მხედველობის დარღვევები, თვალის სიმშრალე, თვალის ქავილი

არახშირი - ქუთუთოს ტკივილი, თვალის ალერგია, კონიუნქტივური შეშუპება,  ქუთუთოს შეშუპება, მხედველობის სიმკვეთრის დაქვეითება, ქუთუთოს ქავილი, ცრემლდენის გაზრდა

ვასკულური დარღვევები: ხშირი - გულის არითმია, არტერიული წნევის მომატება ან დაქვეითება

რესპირატორული, თორაკალური და მედიასტინალური დარღვევები: ხშირი - ბრონქოსპაზმი; არახშირი - დისპნოე, ხველა, ყელის გაღიზიანება.

კანისა და კანქვეშა ქსოვილის დარღვევები: ხშირი - ურტიკარია, კანის ჰიპერპიგმენტაცია (პერიოკულარული). არახშირი - კონტაქტური დერმატიტი.

ძვალ-კუნთოვანი, შემაერთებელი ქსოვილისა და ძვლის დარღვევები: ხშირი - ტკივილი დაბოლოებებში.

უკუჩვენებები:

*მომატებული მგრძნობელობა ტრავოპროსტის, თიმოლოლის ან სხვა შემავსებლების მიმართ

*ბრონქული ასთმა. ანამნეზში ბრონქული ასთმა ან ფილტვის მძიმე ქრონიკული ობსტრუქციული დაავადება

*სინუსური ბრადიკარდია II ან III ხარისხის, გულის გამოხატული უკმარისობა

*მწვავე ალერგიული რინიტი ან ბრონქული ჰიპერრეაქტიულობა

*რქოვანას დისტროფიები, მომატებული მგრძნობელობა სხვა ბეტა ბლოკერების მიმართ

ორსულობა და ლაქტაცია:

რეპროდუქციული ასაკის ქალები: საჭიროა კონტრაცეპციური ზომების მიღება

*თიმოლანის  თვალის წვეთების მიღება არ შეიძლება იმ ქალებისთვის, რომლებიც შეიძლება დაორსულდნენ, სანამ ადეკვატური კონტრაცეპციური ზომები არ იქნება მიღებული.

პედიატრიული პაციენტები

თიმოლანის თვალის წვეთების 18 წელზე უმცროს პაციენტებში გამოყენების ეფექტურობა და უსაფრთხოება დამტკიცებული არ არის და მისი გამოყენება ამ ასაკში რეკომენდებული არ არის, სანამ ხელმისაწვდომი არ გახდება შემდეგი მონაცემები.

სხვა მედიკამენტებთან  ურთიერთქმედება:

არსებობს დამატებითი ეფექტის შესაძლებლობა, რომელიც ჰიპოტენზიასა და/ან შესამჩნევ ბრადიკარდიაში გამოიხატება მაშინ, როდესაც თიმოლანის თვალის წვეთები მიიღება კალციუმის არხის ორალურ მაბლოკირებლებთან, გუანეთიდინსა და ბეტა-ბლოკერებთან, ანტიარითმიულ საშუალებებთან, სათითურას გლიკოზიდებთან, ან პარასიმპათომიმეტურებთან ერთად.

ბეტა-ბლოკერებმა შეიძლება გააძლიერონ ანტიდიაბეტური საშუალებების ჰიპოგლიკემიური ეფექტები.

განსაკუთრებული მითითებები:

თიმოლანით მკურნალობის დაწყებამდე პაციენტი გამოკვლეული უნდა იქნას ანამნეზში შემდეგი დაავადების არსებობაზე:

შენახვის პირობები:

ინახება ბავშვებისათვის მიუწვდომელ ადგილას.

პრეპარატის გამოყენება დაუშვებელია ვარგისობის ვადის გასვლის შემდეგ, რომელიც აღნიშნულია  ფლაკონზე და კოლოფზე

ინფიცირების თავიდან ასაცილებლად, ფლაკონი გამოიყენება გახსნიდან არაუმეტეს   28 დღისა

პრეპარატი ინახება არა უმეტეს 25 ⁰C ტემპერატურაზე.

აფთიაქიდან გაცემის პირობები:

პრეპარატი გაიცემა ექიმის რეცეპტით.

მწარმოებელი: ბიოფარმი, კიევი

მოქმედი ნივთიერება: თიმალინი

კლინიკურ–ფარმაკოლოგიური ჯგუფი:

იმუნოსტიმულატორი

შემადგენლობა და გამოშვების ფორმა:

ლიოფილიზირებული ფხვნილი ინექციის მოსამზადებლად:

1 ფლაკონი თიმალინი შეიცავს მსხვილფეხა რქოსანი პირუტყვის მკერდუკანა ჯირკვლიდან გამოყოფილ პოლიპეპტიდური ფრაქციების კომპლექსს,   (თიმუსი), 10მგ;

გამხსნელი – ნატრიუმის ქლორიდის იზოტონური ხსნარი – 2მლ.

ფარმაკოლოგიური მოქმედება:

თიმალინი – იმუნომოდულატორი; ახასიათბს ორგანიზმის იმუნოლოგიური რეაქტიულობის სტიმულირება: არეგულირებს T– და B– ლიმფოციტების რაოდენობას; ასტიმულირებს უჯრედული იმუნიტეტის რეაქციას; აძლიერებს ფაგოციტოზს.ასევე ასტიმულირებს რეგენერაციის და სისხლწარმოქმნის პროცესს მათი დათრგუნვის შემთხვევაში.

ჩვენებები:

გამოიყენება მოზარდებში და ბავშვებში იმუნოსტიმულატორის და ბიოსტიმულატორის სახით დაავადების კომპლექსურ მკურნალობაში, როცა ადგილი აქვს უჯრედული იმუნიტეტის დათრგუნვას: მწვავე და ქრონიკული ჩირქოვანი პროცესები და ანთებითი დაავადებები, დამწვრობები, ტროფიკული წყლულები და სხვა;

ასევე, ონკოლოგიურ ავადმყოფებში  სხივური და ქიმიოთერაპიის შემდეგ და სხვა პთოლოგიური პროცესებისას როცა  იმუნიტეტი და სისხლწარმოქმნის ფუნქციაა დათრგუნული;

პრეპარატი ასევე გამოიყენება საპროფილაქტიკოდ:

ინფექციური გართულებების, იმუნიტეტის და სისხლწარმოქმნის დათრგუნვის, პოსტრავმატულ და ოპერაციის შემდგომ პერიოდში, სხივური და ქიმიოთრაპიის  ჩატარებისას ონკოლოგიურ ავადმყოფებში.

არსებობს მონაცემები თიმალინის ეფექტურობაზე წითელი ქარით ინფიცირებისას კომპლექსურ თერაპიაში, ქრონიკული პიოლენეფრიტის დროს, ფილტვების ტუბერკულოზის და სხვა დაავადებებისას ჩატარებული  ქიმიოთრაპიის დროს.

მიღების წესი და დოზირება:

თიმალინი შეყავთ კუნთში ღრმად (მოერიდეთ სისხლძარღვში მოხვედრას).

ინექციისთვის ფლაკონის შემცველობას ხსნიან 1–2მლ ნატრიუმის ქლორიდის იზოტონურ ხსნარში და შერევა ხდება მსუბუქი შენჯღრევით, ქაფის წარმოქმნის გარეშე, ერთგვაროვანი ხსნარის წრმოქმნამდე.

მოზრდილებში – 5–20მგ ყოველდღიურად (30–100მგ კურსზე).

ბავშვებში 1 წლამდე – 1მგ;

1–3 წელი 1–2 მგ;

4–6 წელი 2–3 მგ;

7–14 წელი 3–5 მგ.

კურსის ხანგრძლიობა 3–10 დღე, დამოკიდებული იმუნიტეტის დარღვევის ხარისხზე.

აუცილებლობისას ატარებენ განმეორებით კურსს (1–6 თვის შემდეგ).

პროფილაქტიკის მიზნით მოზრდილებში შეყავთ 5–10 მგ ყოველდღიურად, ბავშვებში – 1–5 მგ 3–5 დღის მანძილზე.

უკუჩვენებები:

* ჰიპერმგრძნობელობა.

* გვერდითი მოქმედება:

* შესაძლებელია ალერგიული რეაქციები.

შენახვის პირობები:

მშრალ, სინათლისაგან დაცულ ადგილზე, ოთახის ტემპერატურაზე.

ვადა: 3 წელი

ფარმაკოლოგიური თვისებები

იგი წარმოადგენს ცენტრალური მოქმედების ღებინების საწინააღმდეგო საშუალებას. მოქმედებს ე.წ. გამშვები (ტრიგერ) ზონის ქემორეცეპტორებზე და უშუალოდ ღებინების ცენტრზე. პრეპარატი ხსნის თავბრუსხვევას რეტიკულურ ფორმაციაში ლოკალიზებულ კოორდინაციის ცენტრებზე ზემოქმედებით. ეფექტი ვითარდება სწრაფად, ჩვეულებრივ პირველი გამოყენების შემდეგ.

ჩვენებები

• სხვადასხვა ეტიოლოგიის გულისრევა და ღებინება (მათ შორის ორსულობის დროს), ცენტრალური და ვესტიბულური გენეზის თავბრუსხვევა.

დოზირების რეჟიმი

პერორალურად ან რექტალურად მოზრდილებში და ბავშვებში 15 წლის ასაკის ზევით ინიშნება 6.5 მგ 1-3-ჯერ დღეში, მძიმე შემთხვევაში - 1 მლ კანქვეშ, კუნთებში ან ინტრავენურად. პოსტოპერაციული ღებინების პროფილაქტიკის მიზნით - 1-2 კუნთებში ოპერაციის დამთავრებამდე 30 წუთით ადრე.

გვერდითი მოვლენები

პირის სიმშრალე, ძილიანობა, არტერიული ჰიპოტონია, ტაქიკარდია. პრეპარატის ხანგრძლივი გამოყენებისას და მის მიმართ მომატებული მგრძნობელობის შემთხვევაში შესაძლებელია ექსტრაპირამიდული მოშლილობების, ღვიძლის ფუნქციის დარღვევის განვითარება.

უკუჩვენებები

* დეპრესია;

* კომატოზური მდგომარეობა;

* გლაუკომის მწვავე შეტევა;

* მომატებული მგრძნობელობა ფენოთიაზინის ჯგუფის პრეპარატების მიმართ.

განსაკუთრებული მითითებები

♦ არ არის რეკომენდებული პრეპარატის დანიშვნა 15 წლამდე ასაკის ბავშვებში;

♦  პრეპარატი სიფრთხილით გამოიყენება ღვიძლის და თირკმელების მძიმე უკმარისობის დროს;

♦  იგი ასევე მოქმედებს ავადმყოფის ფსიქოფიზიკურ მდგომარეობაზე, მისი რეაქციის უნარზე;

♦  პრეპარატი იწვევს ალკოჰოლის, ბენზოდიაზეპინების, ნარკოტიკული ანალგეტიკების და სხვა პრეპარატების მოქმედების პოტენცირებას;

♦  თრგუნავს ცენტრალური ნერვული სისტემის ფუნქციას.

შემადგენლობა:

გულყვითელას ნაყენი; 20გრ. კრაზანას ნაყენი, 5 გრ.მზესუმზირის ზეთი; 55გრ.თაფლის სანთელი 20გრ.

ფარმაკოლოგიური თვისებები:

პრეპარატი შეიცავს ფლავონიდებს, კაროტინოიდებს, საპონინებს, მთრიმლავ ნივთიერებებს, ორგანულ მჟავებს და სხვა; ახასიათებს ეპითელური ქსოვილის სწრაფი რეგენერაცია და გრანულაციური ქსოვილის განვითარება. გააჩნია ანთების საწინააღმდეგო, ტკივილგამაყუჩებელი მოქმედება, აჩქარებს შეხორცების პროცესს.

დანიშნულება:

პრეპარატი გამოიყენება ჭრილობების, ჩირქოვანი პოსტოპერაციული ჭრილობების, დამწვრობის, საშვილოსნოს ყელის ეროზიის, ჰემოროიდული კვანძების, მასტიტის სამკურნალოდ.

გვერდითი მოქმედება:

არ არის დადგენილი.

უკუჩვენება:

მომატებული მგრძნობელობა მალამოში შემავალი კომპონენტების მიმართ.

ურთიერთქმედება სხვა სამკურნალო საშუალებებთან არ არის დადგენილი.

გამოყენების მეთოდი და დოზირება:

– ჭრილობა იხვევა მსუბუქად მარლის ორმაგ ფენაზე დატანილი მალამოთი, საფენი იცვლება 24 სთ–ში ერთხელ. საფენის გამოცვლის წინ დაზიანებული არე უნდა იყოს სახვევისაგან თავისუფალი 1 სთ–ის განმავლობაში.

– მძიმე დამწვრობის შემთხვევაში, ზემოთ აღნიშნული წესით მკურნალობის ერთი კვირის თავზე ჭრილობა მუშავდება 2% ბრილიანტის ხსნარით და შემდეგ მკურნალობა გრძელდება ჩვეულებრივი წესით.

–  საშვილოსნოს ყელის ეროზიის, ჰემოროიდული კვანძების დროს:

ჰიგიენური პროცედურის შემდეგ გამოიყენება ტამპონის სახით.

–მასტიტების დროს – კომპრესის სახით.

–კვანძის მთლიანობის დარღვევის შემთხვევაში მალამო ედება ყოველ 8 სთ–ში ერთხელ.

გამოშვების ფორმა: 30 და 50გრ. ალუმინის ან პოლიმერული მასალის ტუბი მუყაოს კოლოფში ინსტრუქციასთნ ერთად.

შენახვის პირობები:

ინახება მშრალ, სინათლისაგან დაცულ და ბავშვებისათვის მიუწვდომელ ადგილას. ოთახის ტემპერატურაზე.

ვარგისიანობის ვადა: 2 წელი.

გაცემის წესი: გაიცემა რეცეპტის გარეშე.

ფარმაკოლოგიური თვისებები

პრეპარატი წარმოადგენს მარედინამიზირებელი მოქმედების ანტიდეპრესანტს, რომელსაც გააჩნია ანქსიოლიზური თვისება. პრეპარატის მოქმედების მექანიზმი უკავშირდება სეროტონინის უკუმიტაცების ინჰიბირებას თავის ტვინის ქერქის ნეირონების და ჰიპოკამპის მიერ.

პრეპარატს თავისი მოქმედების მიხედვით სედატიურ და მასტიმულირებელ ანტიდეპრესანტებს შორის შუალედური ადგილი უჭირავს. პრეპარატის მიღებისას აღინიშნება ისეთი სომატური სიმპტომების შემცირება როგორიცაა: ტკივილი ეპიგასტრალურ უბანში, გულისრევა, თავბრუსხვევა, თავის ტკივილი, გულის მუშაობის გახშირება, სიცხის შეგრძნება, კუნთებში ტკივილის შეგრძნება. ქრონიკული ალკოჰოლიზმით შეპყრობილ პაციენტებში. აბსტინენციის დროს პრეპარატი არეგულირებს ქცევას და დადებითად მოქმედებს პაციენტის ხასიათზე.

თიანეპტინი უარყოფითად არ მოქმედებს მეხსიერებაზე, ძილსა და ყურადღების კონცენტრაციაზე.

პრეპარატს არ გააჩნია ანტიქოლინერგული მოქმედება, იგი არ იწვევს შეჩვევას.

ფარმაკოკინეტიკა

პრეპარატი პერორალურად მიღების შემდეგ სწრაფად შეიწოვება და მთლიანად მეტაბოლიზდება კუჭ-ნაწლავის ტრაქტში. იგი კარგად ნაწილდება ორგანიზმში, მნიშვნელოვანი ხარისხით უკავშირდება სისხლის პლაზმის ცილებს (დაახლოებით 94%) თიანეპტინი მეტაბოლიზდება ღვიძლში (ბეტა-ოქსიდაცია და -დემეთილირება).

თიანეპტინის T_1/2 შეადგენს 2.5 საათს, ხოლო ხანდაზმულ პაციენტებში - 3.5 საათს.

პრეპარატი ორგანიზმიდან გამოიყოფა თირკმელებით: ძირითადი ნაწილი გამოიყოფა მეტაბოლიტების სახით, ხოლო 8% - უცვლელად, თირკმელების უკმარისობით შეპყრობილ და/ან ხანდაზმულ პაციენტებში (70 წლის ასაკის ზევით) T_1/2 ხანგრძლივდება 1 საათით.

ჩვენებები

• პრეპარატი გამოიყენება სუსტად, საშუალოდ და მძიმედ გამოხატული დეპრესიული მდგომარეობის სამკურნალოდ.

დოზირების რეჟიმი

- პრეპარატი ინიშნება დოზით 12.5 მგ დღეღამეში 3-ჯერ (დილით, შუადღით და საღამოს) ჭამის წინ.

- 70 წლის ასაკის ზევით პაციენტებში, აგრეთვე თირკმელების უკმარისობის მქონე ავადმყოფებში რეკომენდებულია დღეღამური დოზის 25 მგ-მდე (2 ტაბ.) შემცირება.

- ქრონიკული ალკოჰოლიზმით შეპყრობილ პაციენტებში (ღვიძლის ციროზით და/ან მის გარეშე) დოზის ცვლილება არ არის აუცილებელი.

გვერდითი მოვლენები

საჭმლის მომნელებელი ტრაქტის მხრივ: აღინიშნება მუცლის არეში ტკივილები, პირის ღრუს სიმშრალე, ანორექსია, გულისრევა, ღებინება, ყაბზობა, მეტეორიზმი.

ცნს-ის მხრივ: ძილის დარღვევა, ძილიანობა, ღამის შიშები, ასთენია, თავბრუსხვევა, თავის ტკივილი, გულყრა, ტრემორი, სიცხის შეგრძნება.

გულ-სისხლძარღვთა სისტემის მხრივ: ტაქიკარდია, ექსტრასისტოლია, მკერდის არეში ტკივილები.

სასუნთქი სისტემების მხრივ: სუნთქვის გაძნელება.

სხვადასხვა: კუნთების ტკივილი, წელის არეში ტკივილის შეგრძნება.

ზემოთაღნიშნული გვერდითი მოვლენები წარმოიშობა იშვიათად და სწრაფად ქრება.

უკუჩვენებები

* თიანეპტინის მიღება წინააღმდეგნაჩვენებია მაო-ს ინჰიბიტორებთან კომბინაციაში. აგრეთვე 15 წლამდე ასაკის ბავშვებში.

ორსულობა და ლაქტაცია

აღნიშნულ პერიოდში პრეპარატის მიღება წინააღმდეგნაჩვენებია. ტრიციკლური ანტიდეპრესანტები გამოიყოფიან დედის რძეში, ამიტომ ლაქტაციის პერიოდში პრეპარატის მიღება წინააღმდეგნაჩვენებია.

განსაკუთრებული მითითებები

♦ მკურნალობის დასაწყისში პაციენტები სასურველია იმყოფებოდნენ მუდმივი მეთვალყურეობის ქვეშ, ვინაიდან მათი მხრიდან არსებობს სუიციდური მცდელობის საშიშროება.

♦ ზოგადი ანესთეზიის გამოყენებისას აუცილებელია ექიმ-ანესთეზიოლოგს ეცნობოს იმის შესახებ, რომ პაციენტი მკურნალობს პრეპარატით. პრეპარატის მიღება შეწყვეტილი უნდა იქნას ოპერაციამდე 24 საათით ან 48 საათით ადრე. მკურნალობის შეწყვეტისას რეკომენდებულია დოზის თანდათანობითი შემცირება 7-14 დღის განმავლობაში.

♦ მაო-ს ინჰიბიტორებით თერაპიის დროს, პრეპარატით მკურნალობის დაწყებამდე, მკურნალობის კურსებს შორის ინტერვალი უნდა შეადგენდეს 2 კვირას, ხოლო პრეპარატის მაო-ს ინჰიბიტორებით შეცვლის შემთხვევაში საკმარისია 24 საათიანი შესვენება.

♦ პრეპარატის მიღებისას ზოგიერთ პაციენტებში შეიძლება აღინიშნოს ყურადღების კონცენტრაციის დაქვეითება. ამიტომ პაციენტებმა, რომლებიც იღებენ პრეპარატს თავი უნდა შეიკავონ ისეთი სამუშაოების შესრულებისაგან, რომელიც მოითხოვს ყურადღების მაღალ კონცენტრირებას.

ჭარბი დოზირება

ჭარბი დოზირების სიმპტომების წარმოშობისას აუცილებელია კუჭის ამორეცხვა და სიმპტომატური მკურნალობის ჩატარება.

სხვა წამლებთან ურთიერთქმედება

მაო-ს ინჰიბიტორებთან პრეპარატის კომბინაცია არ არის რეკომენდებული, ვინაიდან არსებობს კოლაფსის ან უეცარი არტერიული ჰიპერტენზიის, ჰიპერთერმიის, კრუნჩხვების წარმოშობის საშიშროება; არ არის გამორიცხული შესაძლო ლეტალური შედეგი.

საერთაშორისო დასახელება:

THIAMINE

მწარმოებელი: BIOPHARM

მოქმედი ნივთიერება: თიამინი

კლინიკურ-ფარმაკოლოგიური ჯგუფი:

ვიტამინი

შემადგენლობა და გამოშვების ფორმა:

საინექციო ხსნარი 5%: ამპულაში 1 მლ, შეფუთვაში 10 ც.

1 მლ

თიამინი ..................    50 მგ

ვრცლად თიამინი

ფარმაკოლოგიური თვისებები

თიამინის ქლორიდი წარმოადგენს ვიტამინურ პრეპარატს, იგი ხელს უწყობს ვიტამინ B₁-ის (თიამინის) დეფიციტის შევსებას მისი უკმარისობის შემთხვევაში. თიამინი აგრეთვე ახდენს ზემოქმედებას ორგანიზმის ფუნქციებზე. მათ შორის ნივთიერებათა ცვლაზე, ხელს უწყობს ნერვიული იმპულსების გატარებას. თიამინი აუცილებელია ნერვული, გულ-სისხლძარღვთა და ენდოკრინული სისტემის ფუნქციონირებისათვის.

ჩვენებები

• თიამინის ქლორიდი გამოიყენება B₁ (თიამინის) - ვიტამინის ჰიპო- და ავიტამინოზის პროფილაქტიკისათვის;
• ასევე ნევრიტების, პოლინევრიტების, რადიკულიტის, ნევრალგიის; პერიფერიული პარეზის, ენცეფალოპათიისას;
• კუჭისა და 12-გოჯა ნაწლავის წყლულოვანი დაავადებისას;
• ნაწლავების ატონიისას;
• ღვიძლის დაავადებებისას;
• მიოკარდიუმის დისტროფიისას;
• პერიფერიული სისხლძარღვების (ენდარტერიტის და სხვა);
• ნეიროგენული წარმოშობის დერმატოზების, კანის ქავილის, პიოდერმიის, ეგზემის, ფსორიაზის სამკურნალოდ.

დოზირების რეჟიმი

თიამინის ქლორიდის საინექციო ხსნარი მოზრდილებში შეყავთ კუნთებში 0.05 გ (1 მლ 5% ხსნარი), ბავშვებში - 0.0125 გ (0.25 მლ 5% ხსნარი) ერთხელ დღეში ყოველდღიურად. მკურნალობის კურსის დროს რეკომენდებულია 10-30 ინექცია.

ინექციის ადგილას მოსალოდნელია ტკივილის შეგრძნება, რაც განპირობებულია ხსნარის pH-ის სიმცირით.

პრეპარატის ერთჯერადი დოზა, სიხშირე და მისი გამოყენების ხანგრძლივობა დგინდება ინდივიდუალურად მხოლოდ მკურნალი ექიმის მიერ.

გვერდითი მოვლენები

პრეპარატი ჩვეულებრივ კარგად გადაიტანება.

შესაძლებელია ალერგიული რეაქციები (კანის ქავილი, კვინკეს შეშუპება), ანაფილაქსიური შოკი, აღნიშნული რეაქციები ვითარდება ალერგიის  მიმართ მიდრეკილებისას, კლიმაქსის ან პრეკლიმაქსის პერიოდში მქოფ ქალებში, აგრეთვე ქრონიკული ალკოჰოლიზმით შეყრობილ პაციენტებში.

უკუჩვენებები

თიამინის მიმართ მომატებული მგრძნობელობა. ამიტომ თუკი პაციენტს გააჩნია მიდრეკილება ალერგიული დაავადების მიმართ ან აღენიშნებოდა B ჯგუფის ვიტამინებზე ალერგიული რეაქციები, საჭიროა ამის შესახებ ექიმის ინფორმირება.

განსაკუთრებული მითითებები

პრეპარატის მიღების შემთხვევაში აუცილებელია რეკომენდებული დოზის შენარჩუნება.

სხვა წამლებთან ურთიერთქმედება

პრეპარატის ერთდროული შეყვანა ვიტამინ B₆ და B₁₂ საინექციო ხსნართან არ არის რეკომენდებული.

ერთ შპრიცში თიამინის ქლორიდის პენიცილინთან ან სტრეპოტომიცინთან, აგრეთვე ნიკოტინის მჟავასთან შერევა დაუშვებელია.

ფარმაკოლოგიური თვისებები

პრეპარატის მოქმედების მექანიზმი განპირობებულია ფარისებრ ჯირკვალში თიროქსინის სინთეზის დათრგუნვით, რაც იწვევს მეტაბოლური პროცესების ნორმალიზაციას მისი ჰიპერფუნქციის დროს. პრეპარატი იწვევს ძირითადი ცვლის შენელებას. პრეპარატის ეფექტი ვლინდება ფარისებრი ჯირკვლიდან იოდიდების ელიმინაციის დაჩქარებით და ფერმენტული სისტემების აქტივობის დათრგუნვით, რომლებიც იწვევენ იოდიდების იოდამდე დაჟანგვას. ამის შედეგად აღინიშნება თირეოგლობულინის იოდირების დათრგუნვა და დიიოდთიროზინის გარდაქმნა თიროქსინში.

ჩვენებები

• მსუბუქი, საშუალო და მძიმე ფორმის დიფუზური ტოქსიური ჩიყვი;
• ავადმყოფების მომზადება ოპერაციისათვის თირეოტოქსიკოზის გამო.

დოზირების რეჟიმი

პრეპარატი ინიშნება პერორალურად ჭამის შემდეგ.

მსუბუქი და საშუალო სიმძიმის ფორმის თირეოტოქსიკოზი - 0.005 გ 3-4-ჯერ დღეში; მძიმე ფორმის დროს - 0.01 გ 3-4-ჯერ დღეში.

რემისიის განვითარების შემთხვევაში - დღეღამური დოზა მცირდება ყოველ 5-10 დღეში 0.005-0.01 გ-ით; თანდათანობით ხდება მინიმალური შემანარჩუნებელი დოზის შერჩევა: 0.005 გ ერთხელ დღეში; 0.005 გ დღეგამოშვებით; 0.005 გ 3 დღეში ერთხელ. პრეპარატი ინიშნება მყარი ეფექტის მიღწევამდე.

თირეოტოქსიკოზის რეციდივის შემთხვევაში პრეპარატის დოზა იზრდება აღნიშნული სქემის მიხედვით. პრეპარატის გამოყენების ხანგრძლივობა დამოკიდებულია დაავადების ფორმაზე და მიმდინარეობის სიმძიმეზე, მიღწეული მკურნალობის ეფექტზე.

უმაღლესი დოზა მოზრდილებისათვის შეადგენს: ერთჯერადი - 0.01 გ, დღეღამური - 0.004 გ.

ბავშვებში თირეოტოქსიკოზის დროს საწყისი დოზა შეადგენს 0.4 მგ/კგ-ზე დღეში ერთჯერადად ან გაყოფილი ორ მიღებაზე; შემანარჩუნებელი დოზა - 0.2 მგ/კგ-ზე დღეში ერთჯერადად ან გაყოფილი ორ მიღებაზე.

გვერდითი მოვლენები

აგრანულოციტოზი, ლეიკოპენია, თრომბოციტოპენია, დარღვევები კუჭ-ნაწლავის ტრაქტის მხრივ, ღვიძლის დაზიანება, თავბრუსხვევა, შეშუპება, გამონაყარი კანზე, პარესთეზიები, ტკივილი სახსრებში, თმის ცვენა, მხედველობის დარღვევა, მედიკამენტოზური ჰიპოთირეოზი, ჩიყვისებრი ეფექტი.

გვერდითი მოვლენების განვითარების შემთხვევაში პრეპარატის დოზა მცირდება ან მისი მიღება წყდება.

უკუჩვენებები

* ორსულობა და ლაქტაციის პერიოდი;

* გამოხატული ლეიკოპენია და გრანულოციტოპენია;

* ჩიყვის კვანძოვანი ფორმა (გამონაკლისი -მძიმე, პროგრესირებადი მიმდინარეობა, რაც განაპირობებს ოპერაციის დროებით გადადებას).

განსაკუთრებული მითითებები

♦ თიამაზოლის გამოყენების ნაადრევი შეწყვეტისას შესაძლებელია, დაავადების რეციდივი.

♦ დაშვებულია პრეპარატის ერთდროული გამოყენება ლითიუმის კარბონატთან.

♦ რეპარატის გამოყენება ხორციელდება ექიმის მეთვალყურეობის ქვეშ და კვირაში ერთხელ ტარდება სისხლის საერთო ანალიზი.

♦ პრეპარატის გამოყენებამ ოპერაციისათვის მოსამზადებელ პერიოდში შესაძლებელია გააძლიეროს სისხლდენა ფარისებრი ჯირკვლიდან. ამის თავიდან ასაცილებლად (რემისიის განვითარების შემთხვევაში ან მდგომარეობის გაუმჯობესებისას) პრეპარატის მიღება წყდება და ინიშნება იოდის პრეპარატები. ოპერაცია ტარდება 2-3 კვირის შემდეგ.

ჭარბი დოზირება

კლინიკური სიმპტომები: მენსტრუალური ციკლის დარღვევა, კანის სიმშრალე, თავის ტკივილი, კუნთების სისუსტე, სპეციფიური ანტიდოტი არ არსებობს.

სხვა წამლებთან ურთიერთქმედება

დაუშვებელია პრეპარატის ერთდროული გამოყენება პრეპარატებთან, რომლებიც იწვევენ ლეიკოპენიას: ამიდოპირინთან და მის ანალოგებთან, სულფანილამიდურ საშუალებებთან.

სახელი, გვარი ^*

მიმართულება ^*
აირჩიე

კლინიკა ^*
აირჩიე