საერთაშორისო დასხელება:

DICIKLOMINE; PARACETAMOL

მწარმოებელი: ავერსი-რაციონალი, საქართველო

კლინიკურ-ფარმაკოლოგიური ჯგუფი:

სპაზმოლიზური, ანტიპირეტული და ანალგეზიური საშუალება.

გამოშვების ფორმა:

შემოგარსული ტაბლეტები: ბლისტერზე 10 ტაბ., შეფუთვაში 1 ბლისტერი.

1 ტაბ.

დიციკლომინის ჰიდროქლორიდი  ........         2 მგ

პარაცეტამოლი  ....................................       500 მგ

დამხმარე ნივთიერებები: სიმინდის სახამებელი, გასუფთავებული ტალკი, მაგნიუმის სტეარატი, პოვიდონი, ნატრიუმის მეთილჰიდროქსიბენზოატი, ნატრიუმის პროპილჰიდროქსიბენზოატი, ლიმონმჟავას მონოჰიდრატი, კოლოიდური სილიციუმის დიოქსიდი, ნატრიუმის სახამებლის გლიკოლატი.

ფარმაკოლოგიური თვისებები:

ანბერი კომბინირებული პრეპარატია, რომლის მოქმედება განპირობებულია მასში შემავალი კომპონენტების თვისებებით.

დიციკლომინის ჰიდროქლორიდი წარმოადგენს სუსტ მუსკარინულ ქოლინობლოკატორს პირდაპირი ანტისპაზმური ეფექტით. იგი ამცირებს გლუვი კუნთების სპაზმს, განსაკუთრებით მოქმედებს კუჭ-ნაწლავის ტრაქტის გლუვ კუნთებზე "გაღიზიანებული ნაწლავის სინდრომის" დროს.

პარაცეტამოლი წარმოადგენს ეფექტურ ანალგეზიურ და ანტიპირეტულ საშუალებას, რომელიც გამოიყენება სუსტი ანთებითი პროცესების დროს "გაღზიანებული ნაწლავის სინდრომისადმი" განწყობილ პაციენტებში.

ფარმაკოკინეტიკა:

დიციკლომინის ჰიდროქლორიდი პერორალური მიღებისას სწრაფად აბსორბირდება და 60-90 წთ-ში აღწევს სასურველ კონცენტრაციას სისხლის პლაზმაში.

გამოიყოფა ორგანიზმიდან ძირითადად თირკმელების საშუალებით (79.5%). ნახევარგამოყოფის პერიოდი შეადგენს 1.2-1.8 სთ-ს.

პარაცეტამოლი პერორალური მიღებისას სწრაფად აბსორბირდება. მაქსიმალურ კონცენტრაციას სისხლის პლაზმაში აღწევს 1 სთ-ში. ანალგეზიური ეფექტი ვლინდება მიღებიდან 30 წთ-დან 2 სთ-ის განმავლობაში.

ჩვენებები:

ტკივილითა და მსუბუქი ანთებით მიმდინარე ნაწლავური პროცესები.

• ნაწლავის კოლიკა;
• ღვიძლის კოლიკა;
• თირკმლის კოლიკა;
• პილოროსპაზმი;
• ალგოდისმენორეა;
• "გაღიზიანებული ნაწლავის სინდრომთან" ასოცირებული კუჭ-ნაწლავის სპაზმი.

მიღების წესები და დოზირება:

მოზრდილთათვის რეკომენდებულია 1-2 ტაბლეტი. ანბერის მიღება კვების წინ 15 წთ-ით ადრე 2-4-ჯერ დღეში. საჭიროების შემთხვევაში დოზა შეიძლება გაიზარდოს 4 ტაბლეტამდე დღეში.

6 წლამდე ასაკის ბავშვებისათვის  - 1/4-1/2 ტაბლეტი 3-4-ჯერ დღეში.

7-დან 12 წლამდე ასაკის ბავშვებისათვის  - 1/2 ტაბლეტი 3-4-ჯერ დღეში.

გვერდითი მოვლენები:

კუჭ-ნაწლავის ტრაქტის მხრივ: პირის სიმშრალე, გულისრევა, ღებინება, მადის დაქვეითება, ყაბზობა, ტკივილი ეპიგასტრიუმის არეში.

მხედველობის მხრივ: აკომოდაციის დარღვევა.

შარდ-სასქესო სისტემის მხრივ: შარდვის გაძნელება.

გულ-სისხლძარღვთა სისტემის მხრივ: ხანმოკლე ბრადიკარდია, ტაქიკარდია.

სხვა: ძილიანობა, მოუსვენრობა, შფოთვა, გაფანტულობა, თავბრუხვევა, სისუსტე.

უკუჩვენებები:

ობსტრუქციული უროპათია, საჭმლის მომნელებელი ტრაქტის ობსტრუქციული დაავადებები, ღვიძლის უკმარისობა, ჰიპერბილირუბინემია, თირკმლის უკმარისობა კუჭისა და 12-გოჯა ნაწლავის წყლულოვანი დაავადება, მწვავე წყლულოვანი კოლიტი, რეფლუქს- ეზოფაგიტი, ჰემატოლოგიური დაავადებები, გლაუკომა, მიასთენია, შაქრიანი დიაბეტი, ჰიპერმგრძნობელობა დიციკლომინის ჰიდროქლორიდისა და სხვა შემადგენელი კომპონენტებისადმი.

გლუკოზო-6-ფოსფადეჰიდროგენაზას დეფიციტი.

ორსულობა და ლაქტაცია:

ორსულობის და ლაქტაციის პერიოდში პრეპარატის გამოყენება დაუშვებელია.

განსაკუთრებული მითითებები:

გარემოს მაღალი ტემპერატურის დროს შეიძლება გამოვლინდეს სისუსტე, ტემპერატურის მომატება, რომელიც დაკავშირებულია ოფლის გამოყოფის შემცირებასთან. სიმპტომების გამოვლენისთანავე უნდა შეწყდეს წამლის მიღება.

ფაღარათი შეიძლება იყოს არასრული ნაწლავური ობსტრუქციის ნაადრევი სიმპტომი, განსაკუთრებით კი პაციენტებში კოლოსტომით ან ილეოსტომით. ამ შემთხვევაში პრეპარატით მკურნალობა არ არის მიზანშეწონილი.

დიციკლომინის ჰიდროქლორიდის გამოყენებამ შეიძლება გამოიწვიოს მხედველობის დაბინდვა, დაბნეულობა, ატაქსია, კომა, ეიფორია, გადაღლილობა, უძილობა და აგზნებადობა.

აღნიშნული სიმპტომები ქრება წამლის მიღების შეწყვეტიდან 12-24 სთ-ის განმავლობაში. პრეპარატი არ არის რეკომენდებული 6 თვემდე ასაკის ბავშვებისათვის.

პრეპარატის ზემოქმედება ავტოტრანსპორტისა და მექანიზმების მართვის უნარზე: პრეპარატის გამოყენებისას საჭიროა თავის არიდება იმ ქმედებებისაგან, რომელიც მოითხოვს ყურადღებასა და სწრაფ ფსიქომოტორულ რეაქციას.

ჭარბი დოზირება:

დიციკლომინის ჰიდროქლორიდი:

ჰიპერდოზირების დროს ვლინდება თავის ტკივილი, გულისრევა, ღებინება, მხედველობის დაბინდვა, გუგების გაფართოება. ტემპერატურის მომატება, კანის სიმშრალე, თავბრუსხვევა, პირის სიმშრალე, ყლაპვის გაძნელება, აგზნებადობა, ნერვ-კუნთოვანი ბლოკადის დროს შეიძლება გამოვლინდეს კურარეს მსგავსი ეფექტი, რომელიც წინ უძღვის კუნთოვანი სისუსტისა და დამბლის შესაძლო განვითარებას.

მკურნალობა მოიცავს შემდეგ ღონისძიებებს: კუჭის ამორეცხვა, ნაწლავების გაწმენდა და გააქტივებული ნახშირის მიღება. შეიძლება გამოყენებულ იქნას შესაბამისი ქოლინერგული ანტიდოტი.

პარაცეტამოლი:

პირველ 24 სთ-ში პარაცეტამოლით ინტოქსიკაციის ნიშნებია: სიფერმკრთალე, გულისრევა, ღებინება, ანორექსია და ტკივილი მუცლის არეში, ღვიძლის დაზიანება შეიძლება გამოვლინდეს 12 სთ-დან 48 სთ-მდე. ასევე შეიძლება ადგილი ჰქონდეს გლუკოზის მეტაბოლიზმის დარღვევასა და თირკმლის დაზიანებას.

მკურნალობა მოიცავს შემდეგ ღონისძიებებს: ნაწლავების გაწმენდა, კუჭის ამორეცხვა და გააქტივებული ნახშირის მიღება. შეიძლება გამოყენებულ იქნას შესაბამისი ანტიდოტი, როგორიცაა აცეტილცისტეინი.

სხვა წამლებთან ურთიერთქმედება:

ქინიდინის ჯგუფის ანტიარითმიული, ანტიჰისტამინური, ნეიროლეპსიური საშუალებები (ფენოთიაზინები), ბენზოდიაზეპინები, მაო-ს ინჰიბიტორები, ნარკოტიკული ტკივილგამაყუჩებელი საშუალებები (მეპერიდინი), ნიტრატები და ნიტრიტები, სიმპათომიმეტური პრეპარატები, ტრიციკლური ანტიდეპრესანტები და სხვა ანტიქოლინერგული პრეპარატები ახშირებს ანბერის გვერდით მოვლენებს.

ანტიქოლინერგული პრეპარატები ეწინააღმდეგებიან გლაუკომის სამკურნალო პრეპარატების მოქმედებას. მათი კორტიკოსტეროიდებთან კომბინაცია ინტრაოკულარული (თვალშიდა) წნევის მომატების შემთხვევაში სახიფაოთა. ანტიქოლინერგულმა პრეპარატებმა შეიძლება გამოიწვიოს კუჭ-ნაწლავის ტრაქტიდან სხვადასხვა სამკურნალო საშუალებების, მაგალითად, დიგოქსინის შეწოვის დარღვევა. ანტიქოლინერგული პრეპარატების გამოყენებისას ფერხდება იმ სამკურნალო საშუალებების მოქმედება, რომლებიც იწვევს საჭმლის მომნელებელი ტრაქტის მოტორიკის ცვლილებებს (მეტოკლოპრამიდი). რადგან, ანტაციდური პრეპარატები გავლენას ახდენენ ანტიქოლინერგული საშუალებების აბსორბციაზე, მათი კომბინირებული გამოყენება მიზანშეწონილი არ არის.

ანტიქოლინერგული პრეპარატები აინჰიბირებს რა მარილმჟავის სეკრეციას, წარმოადგენს აქლორჰიდრიდის სამკურნალო საშუალებების ანტაგონისტს. ამიტომ ისინი გამოიყენება კუჭის სეკრეტორული ფუნქციის დიაგნოსტიკის დროს.

შენახვის პირობები და ვადა:

პრეპარატი ინახება არა უმეტეს 25⁰ Cტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა:   3 წელი.

საერთაშორისო დასახელება:

DICIKLOMINE; SIMETHICONE

მწარმოებელი: ავერსი-რაციონალი, საქართველო

კლინიკურ-ფარმაკოლოგიური ჯგუფი:

სპაზმოლიზური, ანტიქოლინერგული და მეტეორიზმის საწინააღმდეგო საშუალება.

გამოშვების ფორმა:

სუსპენზია პერორალური მიღებისათვის (წვეთების სახით): ფლაკონში 10 მლ, შეფუთვაში ფლაკონი დანაყოფებიან პიპეტთან ერთად.

1 მლ

დიციკლომინის ჰიდროქლორიდი .....          1 მგ

სიმეთიკონი ........................................... 40 მგ

დამხმარე ნივთიერებები:

საქაროზა, ნატრიუმის საქარინი, ნატრიუმის კროსკარმელოზა, პოლისორბატი 80, ნატრიუმის მეთილჰიდროქსიბენზოატი, ნატრიუმის პროპილ - ჰიდროქსიბენზოატი, პროპილენგლიკოლი, ნატრიუმის ციტრატი, დინატრიუმის ედეტატი, მენთოლი, ანისულის ზეთი, საღებავი, სორბიტოლი, ლიმონმჟავას მონოჰიდრატი.

კლინიკურ-ფარმაკოლოგიური ჯგუფი:

სპაზმოლიზური, ანტიქოლინერგული და მეტეორიზმის საწინააღმდეგო საშუალება.

ფარმაკოლოგიური თვისებები:

ანბერ ბეიბი კომბინირებული პრეპარატია, რომლის მოქმედება განპირობებულია მასში შემავალი კომპონენტების თვისებებით.

დიციკლომინის ჰიდროქლორიდი წარმოადგენს სუსტ მუსკარინულ ქოლინობლოკატორს პირდაპირი ანტისპაზმური ეფექტით. იგი ამცირებს გლუვი კუნთების სპაზმს, განსაკუთრებით მოქმედებს კუჭ-ნაწლავის ტრაქტის გლუვ კუნთებზე "გაღიზიანებული ნაწლავის სინდრომის" დროს.

სიმეთიკონი: წარმოადგენს ზედაპირული აქტივობის მქონე სტაბილურ პოლიდიმეთილსილოქსანს. იგი ცვლის საჭმლის მომნელებელ ტრაქტში არსებული გაზის ბუშტუკების ზედაპირულ დაჭიმულობას, რის შედეგადაც ისინი იშლებიან, ადვილად შეიწოვებიან ნაწლავის კედლის ლორწოვანი გარსის მიერ და შეუცვლელი სახით გამოიყოფიან ნაწლავის პერისტალტიკის საშუალებით.

სიმეთიკონი არ მოქმედებს მიკროორგანიზმებსა და ფერმენტებზე.

ფარმაკოკინეტიკა:

დიციკლომინის ჰიდროქლორიდი პერორალური მიღებისას სწრაფად აბსორბირდება და 60-90 წთ-ში აღწევს სასურველ კონცენტრაციას სისხლის პლაზმაში.

ორგანიზმიდან გამოიყოფა ძირითადად თირკმელების საშუალებით (79.5%). ნახევარგამოყოფის პერიოდი შეადგენს 1.2-1.8 სთ-ს.

სიმეთიკონი ინერტულია. იგი არ შეიწოვება კუჭ-ნაწლავის ტრაქტიდან და გამოიყოფა შეუცვლელი სახით.

ჩვენება:

მეტეორიზმი (მათ შორის პოსტოპერაციული პერიოდში);

• აეროფაგია;
• დისპეფსია;
• "გაღიზიანებული ნაწლავის სინდრომთან" ასოცირებული კუჭ-ნაწლავის სპაზმი;
• კუჭ-ნაწლავის ტრაქტის გასუფთავებისა და მეტეორიზმის მოხსნის მიზნით (მაგ. რენტგენოლოგიური გამოკვლევის წინ).

მიღების წესები და დოზირება:

6 თვიდან 2 წლამდე ასაკის ბავშვებში - 0.5 მლ-მდე 3-4-ჯერ დღეში ჭამამდე 15 წთ-ით ადრე.

2-12 წლის ასაკის ბავშვებში დასაშვებია 1 მლ 3-ჯერ დღეში.

6 თვემდე ასაკის ბავშვებში პრეპარატი შესაძლოა დაინიშნოს მხოლოდ ექიმის რჩევით.

მიღების წინ შეანჯღრიეთ!

გვერდითი მოვლენები:

კუჭ-ნაწლავის ტრაქტის მხრივ: პირის სიმშრალე, გულისრევა, ღებინება, მადის დაქვეითება, ყაბზობა.

მხედველობის მხრივ: აკომოდაციის დარღვევა.

შარდ-სასქესო სისტემის მხრივ: შარდვის გაძნელება.

გულ-სისხლძარღვთა სისტემის მხრივ: ხანმოკლე ბრადიკარდია, ტაქიკარდია.

სხვა: ძილიანობა, აგზნებადობა, მოუსვენრობა, გაფანტულობა, თავბრუსხვევა, სისუსტე.

უკუჩვენება:

ობსტრუქციული უროპათია, საჭმლის მომნელებელი ტრაქტის ობსტრუქციული დაავადებები, ღვიძლის უკმარისობა, ჰიპერბილირუბინემია, თირკმლის უკმარისობა, კუჭისა და 12-გოჯა ნაწლავის წყლულოვანი დაავადება, მწვავე წყლულოვანი კოლიტი, რეფლუქს- ეზოფაგიტი არასტაბილური კარდიოვასკულარული მდგომარეობა, გლაუკომა, მიასთენია, შაქრიანი დიაბეტი, ჰიპერმგრძნობელობა დიციკლომინის ჰიდროქლორიდისა და სხვა შემადგენელი კომპონენტებისადმი.

ორსულობა და ლაქტაცია:

ორსულობისა და ლაქტაციის პერიოდში პრეპარატი ინიშნება ექიმის კონსულტაციით.

განსაკუთრებული მითითებები:

გარემოს მაღალი ტემპერატურის დროს შეიძლება გამოვლინდეს სისუსტე, ტემპერატურის მომატება, რომელიც დაკავშირებულია ოფლის გამოყოფის შემცირებასთან. სიმპტომების გამოვლენისთანავე უნდა შეწყდეს წამლის მიღება.

ფაღარათი შეიძლება იყოს არასრული ნაწლავური ობსტრუქციის ნაადრევი სიმპტომი, განსაკუთრებით კი პაციენტებში კოლოსტომით ან ილეოსტომით. ამ შემთხვევაში პრეპარატით მკურნალობა არ არის მიზანშეწონილი.

დიციკლომინის ჰიდროქლორიდის გამოყენებამ შეიძლება  გამოიწვიოს მხედველობის დაბინდვა, დაბნეულობა, ატაქსია, კომა, ეიფორია, გადაღლილობა, უძილობა და აგზნებადობა.

აღნიშნული სიმპტომები ქრება წამლის მიღების შეწყვეტიდან 12-24 სთ-ის განმავლობაში. პრეპარატი არ არის რეკომენდებული 6 თვემდე ასაკის ბავშვებისათვის.

პრეპარატის ზემოქმედება ავტოტრანსპორტისა და მექანიზმების მართვის უნარზე:

პრეპარატის გამოყენებისას საჭიროა თავის არიდება იმ ქმედებებისაგან, რომელიც მოითხოვს ყურადღებასა და სწრაფ ფსიქომოტორულ რეაქციას.

ჭარბი დოზირება:

დიციკლომინის ჰიდროქლორიდით ჰიპერდოზირების დროს ვლინდება თავის ტკივილი, გულისრევა, ღებინება, მხედველობის დაბინდვა, გუგების გაფართოება, ტემპერატურის მომატება, კანის სიმშრალე, თავბრუსხვევა, პირის სიმშრალე, ყლაპვის გაძნელება, აგზნებადობა, ნერვ-კუნთოვანი ბლოკადის დროს შეიძლება გამოვლინდეს კურარეს მსგავსი ეფექტი, რომელიც წინ უძღვის კუნთოვანი სისუსტისა და დამბლის შესაძლო განვითარებას.

მკურნალობა: მოიცავს შემდეგ ღონისძიებებს: კუჭის ამორეცხვა, ნაწლავების გაწმენდა და გააქტივებული ნახშირის მიღება. შეიძლება გამოყენებულ იქნას შესაბამისი ქოლინერგული ანტიდოტი.

სხვა წამლებთან ურთიერთქმედება:

ქინიდინის ჯგუფის ანტიარითმიული და ანტიჰისტამინური ნეიროლეპსიური საშუალებები (ფენოთიაზინი), ბენზოდიაზეპინები, მაო-ს ინჰიბიტორები, ნარკოტიკული ტკივილგამაყუჩებელი საშუალებები (მეპერიდინი), ნიტრატები და ნიტრიტები, სიმპათომიტეტური პრეპარატები, ტრიციკლური ანტიდეპრესანტები და სხვა ანტიქოლინერგული პრეპარატები ახშირებს ანბერ ბეიბის გვერდით მოვლენებს.

ანტიქოლინერგული პრეპარატები ეწინააღმდეგებიან გლაუკომის სამკურნალო პრეპარატების მოქმედებას. მათი კორტიკოსტეროიდებთან კომბინაცია ინტრაოკულარული (თვალშიდა) წნევის მომატების შემთხვევაში სახიფათოა.

ანტიქოლინერგულმა პრეპარატებმა შეიძლება გამოიწვიოს კუჭ-ნაწლავის ტრაქტიდან სხვადასხვა სამკურნალო საშუალების, მაგალითად დიოქსინის შეწოვის დარღვევა. ანტიქოლინერგული პრეპარატების გამოყენებისას ფერხდება იმ სამკურნალო საშუალებების მოქმედება, რომლებიც იწვევს საჭმლის მომნელებელი ტრაქტის მოტორიკის ცვლილებებს (მეტოკლოპრამიდი). რადგან ანტაციდური პრეპარატები გავლენას ახდენენ ანტიქოლინერგული საშუალებების აბსორბციაზე, მათი კომბინირებული გამოყენება მიზანშეწონილი არ არის.

ანტიქოლინერგული პრეპარატები აინჰიბირებს რა მარილმჟავის სეკრეციას, წარმოადგენს აქლორჰიდრიის სამკურნალო საშუალებების ანტაგონისტს. ამიტომ ისინი გამოიყენება კუჭის სეკრეტორული ფუნქციის დიაგნოსტიკის დროს.

შენახვის პირობები და ვადა:

პრეპარატი ინახება მშრალ, სინათლისა და ბავშვებისგან დაცულ ადგილას.

ვარგისიანობის ვადა:    2.5 წელი.

საერთაშორისო დასახელება:

HYOSCINE BUTYLBROMIDE

მწარმოებელი: GMP, საქართველო

მოქმედი ნივთიერება: ჰიოსცინის ბუთილბრომიდი

კლინიკურ-ფარმაკოლოგიური ჯგუფი:

მ-ქოლინორეცეპტორების ბლოკატორი.

გამოშვების ფორმა:

ტაბლეტები: ბლისტერზე 20 ც.

1 ტაბ.

ჰიოსცინის N-ბუთილბრომიდი ..........  10 მგ

ფარმაკოლოგიური თვისებები:

პრეპარატს ახასიათებს შინაგანი ორგანოების (კუჭ-ნაწლავის ტრაქტის, ნაღვლის სადინარების, შარდ-სასქესო გზების) გლუვ კუნთებზე სპაზმოლიზური მოქმედება, ამცირებს საჭმლის მომნელებელი სისტემის ჯირკვლების სეკრეციას.

ჰიოსცინის ბუთილბრომიდი არ გადის ჰემატოენცეფალურ ბარიერს, რის გამოც ცენტრალურ ნერვულ სისტემაზე ვერ ახდენს ანტიქოლინერგულ მოქმედებას.

ჩვენებები:

• საჭლის მომნელებელი სისტემის, ნაღვლის სადინარების, შარდ-სასქესო გზების სპაზმური მდგომარეობები (თირკმლის კოლიკა, ნაღვლის კოლიკა, ნაწლავის კოლიკა, ქოლეცისტიტი, პილოროსპაზმი);
• სანაღვლე გზების სპაზმური დისკინეზია;
• კუჭისა და 12-გოჯა ნაწლავის წყლულოვანი დაავადება გამწვავების ფაზაში (კომპლექსურ თერაპიაში);
• ალგოდისმენორეა.

მიღების წესები და დოზირება:

მოზრდილებში: 1-2 ტაბლეტი 4-ჯერ დღეში.

ბავშვებში 6 წლის ასაკის ზევით - 10 მგ (1 ტაბლეტი) 3-ჯერ დღეში.

მკურნალობის ხანგრძლივობა დგინდება ინდივიდუალურად.

გვერდითი მოვლენები:

პირის სიმშრალე, კანის სიმშრალე, ტაქიკარდია, ძილიანობა, აკომოდაციის დარღვევა.

შესაძლებელია შარდის შეკავება. ძალიან იშვიათად შესაძლებელია გამოვლინდეს გამონაყარი კანზე ან სუნთქვის გაძნელება.

უკუჩვენებები:

• მომატებული მგრძნობელობა ჰიოსცინის ბუთილბრომიდის ან პრეპარატის სხვა შემადგენელი კომპონენტების მიმართ;
• დახურულკუთხოვნი გლაუკომა;
• წინამდებარე ჯირკვლის ადენომა;
• პილორუსის სტენოზი;
• ტაქიარითმია;
• მეგაკოლონი;
• ნაწლავების მექანიკური გაუვალობა;
• ფილტვების  მწვავე უკმარისობა;
• თავის ტვინის სისხლძარღვების გამოხატული ათეროსკლეროზი.

ორსულობა და ლაქტაცია:

ორსულობის პერიოდში პრეპარატის უარყოფითი მოქმედების შესახებ ინფორმაცია არ არსებობს, თუმცა ორსულობის პერიოდში (განსაკუთრებით I ტრიმესტრში) პრეპარატი სიფრთხილით ინიშნება.

ლაქტაციის პერიოდში პრეპარატის უსაფრთხოების შესახებ მონაცემები არ არსებობს. თუმცა, ახალშობილებში არასასურველი ეფექტის შემთხვევები აღწერილი არ არის.

განსაკუთრებული მითითებები:

პრეპარატი სიფრთხილით ინიშნება ნაწლავთა გაუვალობის საშარდე გზების ობსტრუქციის (მათ შორის წინამდებარე ჯირკვლის კეთილთვისებიანი ჰიპერპლაზიის არსებობისას) დროს, ასევე ტაქიარითმიისადმი (მათ შორის მოციმციმე არითმია) მიდრეკილებისას.

ჭარბი დოზირება:

პრეპარატის დოზის გადაჭარბების შემთხვევები აღწერილი არ არის. ამიტომ სიმპტომები და რეკომენდაციები თეორიული ხასიათისაა.

სიმპტომები: შარდის შეკავება, პირის სიმშრალე, ჰიპერემია, ტაქიკარდია, კუჭ-ნაწლავის ტრაქტის მოტორიკის დათრგუნვა, მხედველობის გარდამავალი დარღვევა.

მკურნალობა: კუჭის ამორეცხვა აქტივირებული ნახშირით და 15% მაგნიუმის სულფატით. შემდეგ ნაჩვენებია ქოლინომიმეტური საშუალებების გამოყენება. გლაუკომის შემთხვევაში ადგილობრივად ინიშნება პილოკარპინი. აუცილებლობისას ინიშნება 0.5-2.5 მგ ნეოსტიგმინი კუნთში ან ვენაში საინიექციოდ, სიმპტომური თერაპია, შარდის ბუშტის კათეტერიზაცია.

ანასპანი აძლიერებს ტრიციკლური ანტიდეპრესანტების, ანტიჰისტამინური პრეპარატების, ქინიდინის, ამანტადინის, დიზოპირამიდის ანტიქოლინერგულ მოქმედებას.

დოფამინის ანტაგონისტები ანასპანთან კომბინაციაში იწვევენ კუჭ-ნაწლავის ტრაქტზე ორივე პრეპარატის მოქმედების შემცირებას.

ანასპანმა შესაძლებელია ბეტა-ადრენერგული საშუალებებით გამოწვეული ტაქიკარდია გააძლიეროს.

შენახვის პირობები და ვადა:

პრეპარატი ინახება 10-25⁰ Cტემპერატურაზე, მშრალ, სინათლისგან დაცულ, ბავშვებისათვის მიუწვდომელ ადგილას.

ვარგისიანობის ვადა:   3 წელი.

საერთაშორისო დასახელება:

PROPRANOLOL

მწარმოებელი ქვეყანა: OLAINFARM, ლატვია

მოქმედი ნივთიერება: პროპრანოლოლი

კლინიკურ-ფარმაკოლოგიური ჯგუფი:

ბეტა-ადრენობლოკატორი

გამოშვების ფორმა:

ტაბლეტები:  შეფუთვაში 50 ც.

1 ტაბ.

პროპრანოლოლი ..........     10 მგ

1 აბ.

პროპრანოლოლი ............    40 მგ

ვრცლად პროპრანოლოლი

საერთაშორისო დასახელება:

CETIRIZINE

მწარმოებელი: IVAX, ჩეხეთი

მოქმედი ნივთიერება: ცეტირიზინი

კლინიკურ-ფარმაკოლოგიური ჯგუფი:

ანტიალერგიული საშუალება H₁-ჰისტამინური რეცეპტორების ბლოკატორი.

გამოშვების ფორმა:

შემოგარსული ტაბლეტები: შეფუთვაში 7, 10, 30 და 50 ც.

1 ტაბ.

ცეტირიზინის ჰიდროქლორიდი .............. 10 მგ

დამხმარე ნივთიერებები:

ლაქტოზას  მონოჰიდრატი, სახამებელი, მაგნიუმის სტეარატი, ჰიპრომელოზა, ტიტანის დიოქსიდი.

ფარმაკოლოგიური თვისებები:

პრეპარატს გააჩნია ალერგიის საწინააღმდეგო გამოხატული ეფექტი. ფარმაკოლოგიურად აქტიურ დოზებში არ გააჩნია სედატიური ეფექტი. ციტერიზინი მიეკუთვნება H_1-ჰისტამინური რეცეპტორების სელექტიურ ბლოკატორებს და პრაქტიკულად არ ავლენს ანტიქოლინერგულ და ანტისეროტონინულ მოქმედებას. პრეპარატი ხელს უშლის და ამსუბუქებს ალერგიული რეაქციის განვითარებას და მიმდინარეობას, გააჩნია ქავილის საწინააღმდეგო და ანტიექსუდაციური მოქმედება. გავლენას ახდენს ალერგიული რეაქციის ადრეულ სტადიაზე, ასევე ამცირებს ანთების უჯრედების მიგრაციას, თრგუნავს მედიატორების გამოყოფას, რომლებიც მონაწილეობენ მოგვიანებითი ტიპის ალერგიულ რეაქციებში. ამცირებს კაპილარების განვლადობას, ხელს უშლის ქსოვილების შეშუპების განვითარებას, ხსნის გლუვი მუსკულატურის სპაზმს.  ხსნის კანის რეაქციას ჰისტამინზე, სპეციფიურ ალერგენებზე, ასევე გადაციებაზე (სიცივის, ჭინჭრის ციების დროს). ცეტირიზინი მნიშვნელოვნად ამცირებს ბრონქული ხის ჰიპერაქტიულობას, რომელიც ვლინდება ჰისტამინის გამოთავისუფლების საპასუხოდ, ავადმყოფებში, ბრონქული ასთმით. თერაპიული ეფექტი ვლინება მიღებიდან დაახლოებით 60 წუთის შემდეგ.

შიგნით მიღების შემდეგ, პლაზმაში მაქსიმალური კონცენტრაცია (Cmax)  მიიღწევა 1 საათში. მცირე რაოდენობით მეტაბოლიზდება ღვიძლში (სხვა H₁-ჰისტამინური რეცეპტორების ბლოკატორებისაგან განსხვავებით, რომლებიც მეტაბოლიზდებიან ღვიძლში, ციტოქრომის სისტემის მეშვეობით) ნახევარდაშლის პერიოდი (T_1/2) მოზრდილებში შეადგენს 7-10 საათს, ბავშვებში 6-დან 12 წლამდე  - 6 საათს. ჰემოდიალიზზე მყოფ პაციენტებში ნახევარგამოყოფის პერიოდი გრძელდება 20 საათამდე.

ჩვენებები:

სიმპტომური თერაპია:

• სეზონური და ქრონიკული რინიტი;
• ალერგიული კონიუქტივიტი;
• ქავილის და გამონაყარის თანხლებით მიმდინარე ალერგიული დერმატოზები;
• ქრონიკული იდიოპათიური ჭინჭრის ციება;
• კვინკეს შეშუპება.

დოზირების რეჟიმი:

მოზრდილებში და 12 წელზე უფროსი ასაკის ბავშვები - 10 მგ (1 ტაბლეტი) დღეში ერთხელ, ყოველდღიურად.

ბავშვები 6-დან 12 წლამდე - 5 მგ (ნახევარი ტაბლეტი) დღეში 2-ჯერ ან 10 მგ (1 ტაბლეტი) დღეში ერთხელ.

პაციენტებში თირკმლის უკმარისობით საჭიროა პრეპარატის დოზის 2-ჯერ შემცირება.

გვერდითი მოვლენები:

შესაძლებელია:

• თავის ტკივილი, თავბრუსხვევა, ძილიანობა;
• პირის ღრუს სიმშრალე, დარღვევები კუჭ-ნაწლავის ტრაქტის მხრივ (მათ შორის ტკივილი ეპიგასტრიუმში, გულისრევა, დიარეა);
• ანგიონევროზული შეშუპება, გამონაყარი, ჭინჭრის ციება, კანის ქავილი (იშვიათ შემთხვევებში).

უკუჩვენებები:

• თირკმლის ქრონიკული უკმარისობის ტერმინალური სტადია (მათ შორის ჰემოდიალიზზე მყოფი ავადმყოფები);
• ბავშვთა ასაკი 6 წლამდე;
• ორსულობა და ლაქტაცია;
• ჰიპერმგრძნობიელობა პრეპარატის კომპონენტებზე.

განსაკუთრებული მითითებები:

პრეპარატი სიფრთხილით ინიშნება ხანდაზმულ პაციენტებში. პაციენტებში თირკმლის უკმარისობით საჭიროა პრეპარატის დოზის ორჯერ შემცირება. ექიმის დამატებითი კონსულტაციის გარეშე, პაციენტმა არ უნდა მიიღოს პრეპარატი ხანგრძლივად (7 დღეზე მეტხანს). მკურნალობის პერიოდში საჭიროა ალკოჰოლის მიღებისგან თავის შეკავება.

სატრანსპორტო საშუალებების და პოტენციურად საშიში მექანიზმების მართვაზე სამკურნალო საშუალების გავლენის თავისებურებები: ავტომობილის და სხვა ტექნიკური საშუალებების მართვისას პრეპარატის რეკომენდებული დოზის გადაჭარბება არ შეიძლება.

ჭარბი დოზირება:

სიმპტომები: პირის ღრუს სიმშრალე, შეკავებულობა, სისუსტე, თავის ტკივილი, ტაქიკარდია, შარდის შეკავება, ყაბზობა, მოუსვენრობა, მომატებული აგზნებადობა.

მკურნალობა: რეკომენდებული დოზის გადაჭარბებისას და ჭარბი დოზირების სიმპტომების გამოვლენისას, საჭიროა კუჭის ამორეცხვა, სპეციფიური ანტიდოტი უცნობია. ჰემოდიალიზი არაეფექტურია. თერაპია სიმპტომური.

სხვა წამლებთან ურთიერთქმედება:

დადგენილი არ არის.

შენახვის პირობები და ვადა:

პრეპარატი ინახება 10-25⁰C ტემპერატურაზე, სინათლისაგან დაცულ, ბავშვებისათვის მიუწვდომელ ადგილას.

ვარგისიანობის ვადა:    2 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

საერთაშორისო დასახელება:

PROPILNIKOTINATE

მწარმოებელი: RIEMSER, გერმანია

მოქმედი ნივთიერება: პროპილნიკოტინატი

კლინიკურ-ფარმაკოლოგიური ჯგუფი:

რევმატიზმის საწინააღმდეგო საშუალება გარეგანი გამოყენებისათვის.

კრემი: ტუში 50 გ

10 გ

პროპილნიკოტინატი .............          2 გ

დამხმარე ნითიერებები:

არაიონოგენური მაემულგირებელი სპირტები, შალის (მატყლის) ცვილი, თხიერი პარაფინი, იზოპროპილმირისტატი, გლიცეროლი 85%, გამოხდილი წყალი, მეთილ-4-ჰიდროქსიბენზოატი, პროპილ-4-ჰიდროქსიბენზოატი.

ჩვენებები:

ადგილობრივი ჰიპერემიზაციისათვის: მიალგიები (კუნთების ანთება და ტკივილი), ნევრალგიები, არა ანთებითი სახის ტკივილები სახსრებში, რევმატოიდული სახის დეგენერაციული დაავადებები, საყრდენ-მამოძრავებელი აპარატის მტკივნეული მდგომარეობები, რომლებიც არ ექვემდებარებიან სწრაფ ოპერაციული მკურნალობას.

დოზირების რეჟიმი:

ანალგოსი დაიტანება ყოველდღიურად, დღეში რამდენჯერმე და კარგად შეიზილება მტკივნეულ ადგილზე.

გვერდითი მოვლენები:

ანალგოსის გამოყენების დროს შეიძლება აღინიშნოს მომატებული მგრძნობელობა: მაგ., ქავილი, კანის გაძლიერებული სიწითლე, იშვიათად ჩირქოვანი გამონაყარი, კანის შეშუპება. ადგილობრივად კანის დროებითი ჰიპერემია სასურველია.

ძალიან იშვიათად ანალგოსმა სხეულის ვრცელ ზედაპირზე გამოყენების დროს შეიძლება გამოიწვიოს შოკი და წნევის დაცემა.

სხვა შემთხვევაში, თუ გამოვლინდება განსხვავებული გვერდითი მოვლენები, აუცილებელია მიმართოთ ექიმს.

უკუჩვენებები:

დაუშვებელია კრემის დატანა ანთებით სახსრებზე და ღია ჭრილობებზე. არ შეიძლება მისი გამოყენება, თუ აღინიშნება ზედმეტი მგრძნობელობა ალკილ-4-ჰიდროქსიბენზოატის  (ე.წ. პარაბენის) ან სხვა კომპონენტების მიმართ.

განსაკუთრებული მითითებები:

დაუშვებელია ანალგოსის მოხვედრა თვალში, ლორწოვან გარსებზე და დაზიანებულ კანზე. ყოველი გამოყენების შემდეგ საჭიროა ხელების კარგად დაბანვა საპნით და გამდინარე წყლით. თუ შემთხვევით ანალგოსი მოხვდა თვალებში, ლორწოვან გარსზე ან დაზიანებულ კანზე, საჭიროა დიდი რაოდნობის თბილი წყლით ჩამობანა.

სხვა წამლებთან ურთიერთქმედება:

პრეპარატის ერთდროული კომბინაცია სხვა ანალოგიურ საშუალებებთან ან ფიზიოთერაპიულ მეთოდებთან (მაგალითად, სამკურნალო ტალახი, სამკურნალო აბაზანები) ერთად (განსაკუთრებით სხეულის ვრცელ ზედაპირზე) იწვევს კანის მნიშვნელოვან გაღიზიანებას, რასაც შეიძლება მოჰყვეს წნევის დაცემა და კოლაფსი.

შენახვის პირობები და ვადა:

პრეპარატი ინახება 5-25⁰C ტემპერატურაზე, ბავშვებისათვის მიუწვდომელ ადგილას.

საერთაშორისო დასახელება:

METAMIZOLE SODIUM

მწარმოებელი: BIOPHARM, პოლონეთი

მოქმედი ნივთიერება: მეტამიზოლი

კლინიკურ-ფარმაკოლოგიური ჯგუფი:

ანალგეზიური, ანტიპირექსიული,ანთების საწინააღმდეგო საშუალება

გამოშვების ფორმა:

საინექციო ხსნარი 25%: ამპულაში 1 მლ და 2 მლ, შეფუთვაში 1 ც.

1 მლ

მეტამიზოლ ნატრიუმი ..........      250 მგ

საინექციო ხსნარი 50%: ამპულაში 1 მლ და 2 მლ, შეფუთვაში 10 ც.

1 მლ

მეტამიზოლ  ნატრიუმი ............    50 მგ

ტაბლეტები შეფუთვაში 10 ც.

1 ტაბ.

მეტამიზოლ ნატრიუმი ...........     500 მგ

ვრცლად ანალგინი(ტაბლეტები)