ანალგინი (ტაბლეტები) – ANALGINUM – АНАЛГИН

საერთაშორისო დასახელება:

METAMIZOLE SODIUM

მწარმოებელი: SOPHARMA, ბულგარეთი

მოქმედი ნივთიერება: მეტამიზოლი

კლინიკურ-ფარმაკოლოგიური ჯგუფი:

ანალგეზიური, ანტიპირექსიული,ანთების საწინააღმდეგო საშუალება

გამოშვების ფორმა:

ტაბლეტები: შეფუთვაში 20 ც.,

1 ტაბ.

მეტამიზოლ ნატრიუმი ......... 500 მგ

ფარმაკოლოგიური თვისებები.

ფარმაკოდინამიკა: პირაზოლონის წარმოებული, ციკლოოქსიგენაზის ბლოკატორი. ამცირებს პროსტალგანდინების წარმოქმნას არაქიდონმჟავისაგან. ციკლოოქსიგენაზის ბლოკატორებისაგან განსხვავდება უმნიშვნელოდ გამოხატული ანთებსაწინააღმდეგო ეფექტით, გამოხატული ანალგეტიკური, სიცხის დამწევი და სპაზმოლიტიკური მოქმედების დროს. სპაზმოლიტიკური მოქმედება ვლინდება შარდსადენი და ნაღველსადენი გზების გლუვ მუსკულატურაზე.

ხელს უშლის ტკივილის ექსტრა- და პროპრიორეცეპტული იმპულსების გატარებას გოლისა და ბურდახის კონებზე, ზრდის ტკივილის შეგრძნების თალამიური ცენტრების აგზნებას, ზრდის სითბოს გაცემას.

ფარმაკოკინეტიკა:

სწრაფად შეიწოვება კუჭ-ნაწლავის ტრაქტიდან. ნაწლავის კედელში ჰიდროლიზირდება აქტიური მეტაბოლიტეს წარმოქმნით. უცვლელი სახით სისხლში არ არის. აქტიური მეტაბოლიტი 50-60% უკავშირდება სისხლის პლაზმის ცილებს. სისხლის პლაზმაში მაქსიმალური კონცენტრაციის მიღწევის დრო შეადგენს 1-2 საათს. ნახევარგამოყოფის პერიოდი (T1/2) – 2.5 საათი. გამოიყოფა ძირითადად თირკმელებით.

ჩვენებები:

ციებცხელების სინდრომი.
სხვადასხვა წარმოშობის სუსტი და საშუალო ინტენსივობის ტკივილის სინდრომი:
თავის ტკივილი, ნევრალგია, მიალგია, ართრალგია, ღვიძლის კოლიკა, თირკმელების კოლიკა, ნაწლავის კოლიკა, ტრავმები, დამწვრობა, დიკომპრესიული დაავადება, ორქიტი, რადიკულიტი, მიოზიტი, კბილის ტკივილი, ალგოდისმენორეა.

გამოყენების წესი და დოზირება:

– უფროსებში პრეპარატი გამოიყენება ჭამის შემდეგ 0.25-0.5 გ 2-3-ჯერ დღეში.

ბავშვებში პრეპარატი ინიშნება 2-3-ჯერ დღეში.

– ერთჯერადი დოზები 3-6 წლის ასაკის ბავშვებისათვის – 125-250 მგ, 6-10 წლის – 250-375 მგ, 10-14 წლის – 375-500 მგ.

– უმაღლესი დოზები უფროსებისათვის: ერთჯერადი – 1 გ, დღე-ღამის – 3 გ. მკურნალობის კურსის შესაძლო საშუალო ხანგრძლივობა – 5 დღემდე.

გვერდითი მოქმედება:

ალერგიული რეაქციები: ბრონქოსპაზმი, კანზე გამონაყარი, კვინკეს შეშუპება, სტივენს-ჯონსონის სინდრომი, ლაიელის სინდრომი, იშვიათად – ანაფილაქტიური შოკი.

სისხლის მხრივ: შესაძლებელია სისხლწარმოქმნის დათრგუნვა (გრანულოციტოპენია, აგრანულოციტოზი).

შარდგამოყოფის სისტემის მხრივ: ოლიგურია, ანურია, პროტეინურია, ინტერსტიციალური ნეფრიტი, შარდის წითლად შეღებვა.

უკუჩვენებები:

* ჰიპერმგრძნობელობა პრეპარატის კომპონენტების მიმართ.

* პერიფერიული სისხლის შემცველობის შეცვლა: აგრანულოციტოზი, ლეიკოპენია.

* სისხლის დაავადებები: ნებისმიერი ეთიოლოგიის ანემია, ციტოსტატიკური ან ინფექციური ნეიტროპენია.

* ორსულობა, განსაკუთრებით ორსულობის I ტრიმესტრში და ბოლო 6 კვირა. ლაქტაციის პერიოდი.

* 3 წლამდე ბავშვთა ასაკი.

* ღვიძლისა და თირკმელების ფუნქციის გამოხატული ცვლილებები (პორფირიული ცვლა).

* გლუკოზა-6-ფოსფატდეჰიდროგენაზის თანდაყოლილი უკმარისობა.

ჭარბი დოზირება:

ღებინება, გულისრევა, ანურია, ჰიპოთერმია, არტერიული წნევის დაწევა, ტაქიკარდია, ქოშინი, ხმაური ყურებში, ძილიანობა, ბოდვა, აზრის დარღვევა, მწვავე აგრანულოციტოზი, თირკმლისა და ღვიძლის მწვავე უკმარისობა.

მკურნალობა: გულისრევის ინდუქცია ან ზონდით კუჭის გამორეცხვა, მარილიანი საფაღარათო საშუალების, აქტივირებული ნახშირის დანიშვნა, შესაძლებელია ფორსირებული დიურეზის ჩატარება, ხოლო მძიმე შემთხვევებში – ჰემოდიალიზი.

განსაკუთრებული მითითებები:

ხუთ წლამდე ასაკის ბავშვების მიერ გამოყენებისას უნდა ჩატარდეს ექიმის მუდმივი კონტროლი. აუცილებელია პერიფერიული სისხლის ხარისხობრივი და რაოდენობრვი შემცველობის კონტროლი ჰოსპიტალურ პირობებში. ტემპერატურის არამოტივირებული აწევის, ჟრუანტელის, ყელის ტკივილის, ყლაპვის გართულების, სტომატიტის, ვაგინიტისა და პროქტიტის განვითარებისას აუცილებელია პრეპარატის მიღების შეწყვეტა.

ურთიერთქმედება სხვა სამკურნალო საშუალებებთან:

აძლიერებს ეთანოლის ეფექტებს; ქლორპრომაზინთან ან ფენოთიაზინის სხვა წარმოებულებთან ერთად გამოყენებამ შესაძლოა გამოიწვიოს ჰიპოთერმიის განვითარება. ანალგინი-დარნიცათი მკურნალობის დროს არ შეიძლება რენტგენოკონტრასტული ნივთიერებების, კოლოიდური სისხლშემცვლელებისა და პენიცილინის გამოყენება.

ციკლოსპორინთან ერთად გამოყენებისას მცირდება უკანასკნელის კონცენტრაცია სისხლში.

ანალგინი შლის ცილის კავშირს პერორალურ ჰიპოგლიკემიურ პრეპარატებთან, არაპირდაპირ ანტიკოაგულანტებთან, გლუკოკორტიკოსტეროიდებთან და ინდომეტაცინთან, ზრდის მათ აქტივობას. ფენილბუტაზონი, ბარბიტურატები და სხვა ჰეპატოინდუქტორები ერთად გამოყენებისას ამცირებენ ანალგინის ეფექტს.

ერთდროული გამოყენება სხვა არანარკოტიკულ ანალგეტიკებთან, ტრიციკლურ ანტიდეპრესანტებთან, ჰორმონალურ კონტრაცეპტივებთან და ალოპურინოლთან იწვევს ტოქსიკურობის მომატებას.

სედატიური საშუალებები და ტრანკვილიზატორები ზრდის ლეიკოპენიის განვითარების რისკს. პრეპარატის ეფექტს აძლიერებენ კოდეინი, ჰისტამინური H2-ბლოკატორები და პროპრანოლოლი (ანელებს ინაქტივაციას).

შენახვის პირობები:

ინახება ბავშვებისათვის მიუწვდომელ ადგილას,

ტემპერატურაზე არაუმეტეს 25°C.

ვარგისიანობის ვადა:

5 წელი.

გაცემის პირობები. რეცეპტით.

ვიფენდი 200მგ #30ტ

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს - უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

ანალგინ-დარნიცა – ANALGINUM-DARNITSA – АНАЛГИН-ДАРНИЦА

საერთაშორისო დასახელება:

METAMIZOLE SODIUM

მწარმოებელი: DARNITSA, უკრაინა

მოქმედი ნივთიერება: მეტამიზოლი

კლინიკურ-ფარმაკოლოგიური ჯგუფი:

ანალგეზიური, ანტიპირექსიული,ანთების საწინააღმდეგო საშუალება

გამოშვების ფორმა:

ტაბლეტები: შეფუთვაში 10 ც.

1 ტაბ.

მეტამიზოლ ნატრიუმი .......... 500 მგ

საინექციო ხსნარი 50%: ამპულაში 2 მლ, შეფუთვაში 10 ც.

1 მლ 1 ამპ.

მეტამიზოლ ნატრიუმი .......... 500 მგ 1 გ

ანავენოლი – ANAVENOL – АНАВЕНОЛ

საერთაშორისო დასახელება:

DIHYDROERGOKRISTINE MESILATE; ESCULIN; RUTOSIDE

მწარმოებელი: GALENA, ჩეხეთი

კლინიკურ-ფარმაკოლოგიური ჯგუფი:

ვენების მატონიზირებელი, ანგიოპროტექტული საშუალება.

გამოშვების ფორმა:

წვეთები: ფლაკონში 25 მლ

1 მლ

დიჰიდროერგოკრისტინის მეზილატი ....... 0.5 მგ

ესკულინი ........................................... 1.5 მგ

რუტოზიდი ........................................... 30 მგ

დამხმარე ნივთიერებები:

ღვინის მჟავა, გლიცერინი 85%, მეგლუმინი, პროპილგალატი, ეთანოლი 95%, ანისის ეთერზეთი, გამოხდილი წყალი.

ფარმაკოლოგიური თვისებები:

პრეპარატი ხასიათდება ვენების ტონუსის გამაძლიერებელი, კაპილაროპროტექტული, მიკროცირკულაცის გამაუმჯობესებელი და სისხლძარღვების კედლის განვლადობის შემამცირებელი თვისებებით.

ჩვენებები:

ვენების ვარიკოზული გაგანიერება;
პრევარიკოზული სინდრომი;
აგრეთვე დამხმარე თერაპიის სახით;
მიკროცირკულაციის პოსტტრავმული დარღვევა;
ვარიკოზული წყლულები;
თრომბოფლებიტი.

მიღების წესები და დოზირება:

მოზრდილებში და ბავშვებში 6 წლის ასაკის ზევით: საწყისი დოზა 28 წვეთი 4-ჯერ დღეში 1 კვირის განმავლობაში. შემდგომში დოზა მცირდება შემანარჩუნებელ დოზამდე - 28 წვეთი 2-3-ჯერ დღეში. პრეპარატი ინიშნება ჭამის შემდეგ.

წვეთების ჩასხმისას ფლაკონი უნდა იმყოფებოდეს ვერტიკალურ მდგომარეობაში, ფსკერით ზევით.

გვერდითი მოვლენები:

თავის ტკივილი, თავბრუსხვევა, დაღლილობის შეგრძნება, გულისრევა, ღებინება, დიარეა, კანის ალერგიული რეაქციები, იშვიათად - ცხვირის ლორწოვანი გარსის შეშუპება, მეტროდა მენორაგია.

უკუჩვენებები:

მომატებული მგრძნობელობა პრეპარატის მიმართ;
ბავშვებში 6 წლამდე;
სისხლდენა.

განსაკუთრებული მითითებები:

პერიფერიული სისხლძარღვების შევიწროვებამ შეიძლება გამოიწვიოს სისხლის მიმოქცევის შეფერხება ზოგიერთ ორგანოში. პერიფერიულ სისხლძარღვთა წინააღმდეგობის და არტერიული წნევის მომატება. პრეპარატის მაღალი დოზებით გამოყენებამ შეიძლება ხელი შეუწყოს კორონარული სისხლძარღვების სპაზმის და ბრადიკარდიის განვითარებას. აღნიშნული ეფექტები განპირობებულია ჰიპერტენზიის შედეგად მომატებული ვაგუსური აქტივობით, უშუალოდ ზემოქმედებით სისხლძარღვებზე და მიოკარდიუმზე. ამიტომ პრეპარატი სიფრთხილით ინიშნება გულის იშემიური დაავადებით შეპყრობილ პაციენტებში. მძიმე ფორმის ჰიპერტენზიის და პერიფერიული სისხლძარღვების ობტურაციაზე ეჭვის არსებობის შემთხვევაში.

ჭვავის რქის ალკალოიდების გამოყენებისას ხანდაზმულებში შეიძლება აღნიშნოს ჰიპოთერმია და იშემია (პირველ რიგში მიოკარდიუმის).

ღვიძლის ფუნქციის დარღვევის მქონე პაციენტებში შეიძლება ადგილი ჰქონდეს ჭვავის რქის ალკალოიდებით ინტოქსიკაციას.

შენახვის პირობები და ვადა:

პრეპარატი ინახება და არა უმეტეს 10-25⁰ C ტემპერატურაზე, ბავშვებისაგან დაცულ ადგილას.

ვარგისიანობის ვადა: 2 წელი.

ვი-დრაფი 2%120მლ შამპუნი*

იხილეთ ვრცლად

ამფოტერიცინი – AMPHOTERICIN – АМФОТЕРИЦИН

ჩვენებები

პრეპარატს სოკოს საწინააღმდეგო მოქმედების ფართო სპექტრთან ერთად ახასიათებს მაღალი ტოქსიკურობა. იგი გამოიყენება:

კანდიდოზის, ასპერგილოზის, ჰისტოპლაზმოზისა და ბლასტომიკოზის შემთხვევაში.
იგი წარმოადგენს ალტერნატიულ სამკურნალო საშუალებას კანისა და ლორწოვანის ლეიშმანიოზის დროს.

მკურნალობის პერიოდში საჭიროა სისხლის სურათის მონიტორინგი.

დოზირების რეჟიმი

განზავებული 500 მლ 5%-ი ან გლუკოზის ხსნარში (ფიზიოლოგიური ხსნარის გამოყენება არ არის რეკომენდებული) ნელი ინტრავენური ინფუზიის სახით (6 სთ-ზე ხანგრძლივად) 250 მკგ/კგ ერთხელ დღეში.

ტოლერანტობის შემთხვევაში დოზა თანდათან უნდა გაიზარდოს 1 მგ/კგ/დღეში (მაქს. 1.5 მგ/კგ/დღეში). უსაფრთხო დოზები ბავშვებში ჯერ არ არის დადგენილი და მისი გამოყენება შეიძლება მხოლოდ განსაკუთრებულ შემთხვევაში, ძალიან ფრთხილად.

შეიძლება აგრეთვე მისი გამოყენება ადგილობრივად აპლიკაციის სახით. ზედაპირული სოკოვანი ინფექციის შემთხვევაში.

გვერდითი მოვლენები

ნეფროტოქსიკური (რომელიც მცირდება მანიტოლის ინტრავენური ინფუზიის შემდეგ), ჰიპოკალიემია, დარღვევები გულსისხლძარღვთა და ცნს-ის მხრივ, ანემია, გასტროინტესტინური ტრაქტის მხრივ დისკომფორტი, ტემპერატურის მომატება, ალერგია, გაღიზიანება ინექციის ადგილას.

უკუჩვენებები

ორსულობა, ლაქტაციის პერიოდი

სხვა წამლებთან ურთიერთქმედება

სხვა ნეფროტოქსიკური პრეპარატების ერთდროული გამოყენება (გენტამიცინი, ციკლოსპორინი, ციტოტოქსიკური პრეპარატები).

ამტასი-ავერსი – AMTAS-AVERSI – АМТАС-АВЕРСИ

საერთაშორისო დასახელება:

AMLODIPINE

მწარმოებელი: ავერსი-რაცონალი, საქართველო

მოქმედი ნივთიერება: ამლოდიპინი

კლინიკურ-ფარმაკოლოგიური ჯგუფი:

კალციუმის ნელი არხების ბლოკატორი.

შემოგარსული ტაბლეტები: ბლისტერზე 10 ტაბ., შეფუთვაში 12 ბლისტერი.

1 ტაბ.

ამლოდიპინის ბეზილატი .......... 5 მგ

1 ტაბ.

ამლოდიპინის ბეზილატი ........... 10 მგ

დამხმარე ნივთიერებები:

ლაქტოზა, პოვიდონი, კოლოიდური სილიციუმის დიოქსიდი, სიმინდის სახამებელი, ნატრიუმის კროსკარმელოზა, მაგნიუმის სტეარატი.

ფარმაკოლოგიური თვისებები:

ამლოდიპინი წარმოადგენს კალციუმის ნელი არხების ბლოკატორს. მას გააჩნია ანტიჰიპერტენზიული და ანტიანგინალური მოქმედება. პრეპარატი ხელს უშლის კალციუმის იონების შეღწევას სისხლძარღვების გლუვ კუნთოვან უჯრედებში და იწვევს რეზისტენტული არტერიოლების დილატაციას და სისხლძარღვთა პერიფერიული წინააღმდეგობის შემცირებას, სისხლის არტერიული წნევის დაქვეითებას, გულზე პოსტდატვირთვის შემცირებას. იგი აგრეთვე აფართოებს მსხვილი კალიბრის კორონარულ სისხლძარღვებს და კორონარულ არტერიოლებს ინტაქტურ და იშემიურ უბნებში, რაც ხელს უწყობს მიოკარდიუმის ჟანგბადით მომარაგებას.

ფარმაკოკინეტიკა:

პერორალური მიღებისას ამლოდიპინი სრულად აბსორბირდება კუჭ-ნაწლავის ტრაქტიდან. საკვების მიღება არ ახდენს გავლენას პრეპარატის შეწოვაზე. მისი ბიოშეღწევადობა შეადგენს 64%-ს.

პრეპარატის მაქსიმალური კონცენტრაცია (C_max) სისხლის პლაზმაში მიიღწევა მიღებიდან 6-12 სთ-ის შემდეგ. ამლოდიპინის 95% უკავშირდება პლაზმის ცილებს.

წონასწორული კონცენტრაცია (C_SS) აღინიშნება მკურნალობს დაწყებიდან მეშვიდე-მერვე დღეს.

მეტაბოლიზდება ღვიძლში. პრეპარატის ნახევარგამოყოფის პერიოდი მერყეობს 31-დან 48 სთ-მდე. მიღებული დოზის 60% გამოიყოფა თირკმელებით, არააქტიური მეტაბოლიტების სახით, 10% - შეუცვლელი სახით, ხოლო 20-25% - ფეკალურ მასებთან ერთად.

ჩვენებები:

არტერიული ჰიპერტენზია (კომბინირებული თერაპიის შემადგენლობაში);
გულის იშემიური დაავადება - სტაბილური სტენოკარდია, ვაზოსპასტიური (პრინცმეტალის) სტენოკარდია.

მიღების წესები და დოზირება:

სტენოკარდიისა და არტერიული ჰიპერტენზიის დროს ამტასის საწყისი დოზა შეადგენს 5 მგ-ს, ერთჯერადად; პაციენტის მდგომარეობიდან გამომდინარე საწყისი დოზა შეიძლება გაიზარდოს 10 მგ-დე ერთხელ დღეში. რეკომენდებულია პრეპარატის მიღება დღის ერთი და იგივე მონაკვეთში.

ღვიძლის ფუნქციის დარღვევისას რეკომენდებული დღიური დოზა შეადგენს 2.5-5 მგ.

გვერდითი მოვლენები:

გულ-სისხლძარღვთა სისტემის მხრივ: არტერიული ჰიპოტენზია, ქოშინი, წვივების შეშუპება, სახის ჰიპერემია, იშვიათად - ტკივილი გულმკერდის არეში;

ნერვული სისტემის მხრივ: თავის ტკივილი, თავბრუსხვევა, ძილიანობა, მხედველობის დარღვევა;

საჭმლის მომნელებელი სისტემის მხრივ: ტკივილი ეპიგასტრიუმის არეში, დიარეა, გულისრევა, ღებინება, პირის სიმშრალე, იშვიათად - ღრძილების ჰიპეპრპლაზია;

ალერგიული რეაქციები: გამონაყარი კანზე, ქავილი, ანგიონევროზული შეშუპება.

უკუჩვენებები:

ამლოდიპინის მიმართ და/ან პრეპარატის შემადგენელი სხვა ნივთიერებების მიმართ მომატებული მგრძნობელობა.

გამოხატული არტერიული ჰიპოტენზია, კოლაფსი, არასტაბილური სტენოკარდია, ორსულობა და ლაქტაციის პერიოდი, 18 წლამდე პაციენტებში (პრეპარატის უსაფრთხოება შესწავლილი არ არის).

ორსულობა და ლაქტაცია:

პრეპარატის მიღება ორსულობის (განსაკუთრებით I და II ტრიმესტრი) და ლაქტაციის პერიოდში დაუშვებელია.

განსაკუთრებული მითითებები:

ამტასი სიფრთხილით ინიშნება ღვიძლის ფუნქციის დარღვევის, გულის ქრონიკული უკმარისობის, არტერიული ჰიპოტენზიის, მიტრალური სტენოზის, ჰიპერტროფიული ობსტრუქციული კარდომიოპათიის, მიოკარდიუმის ინფარქტის დროს, აგრეთვე შაქრიანი დიაბეტით დაავადებულ და ხანდაზმულ პაციენტებში.

პრეპარატის მორიგი დოზის გამოტოვების შემთხვევაში არ არის რეკომენდებული მისი დამატებით მიღება, არამედ საჭიროა მკურნალობის ჩვეულებრივი რეჟიმის გაგრძელება. ამტასით მკურნალობის პერიოდში საჭიროა პერიფერიული სისხლის სურათის ლაბორატორიული კონტროლი.

გრეიფრუტის წვენის მიღებამ შეიძლება დააქვეითოს ამლოდიპინის კონცენტრაცია სისხლის პლაზმაში.

პრეპარატის ზემოქმედება ავტოტრანსპორტისა და მექანიზმების მართვის უნარზე: პრეპარატი მკურნალობის დასაწყისში იწვევს გადაღლილობის შეგრძნებას ან თავბრუსხვევას, რაც ზემოქმედებას ახდენს ყურადღების კონცენტრაციასა და სატრანსპორტო საშუალებების მართვის უნარზე.

ჭარბი დოზირება:

შესაძლებელია განვითარდეს პერიფერიული ვაზოდილატაცია და არტერიული ჰიპოტონია.

მკურნალობა: კუჭის ამორეცხვა, ვაზოკონსტრიქციული საშუალებების გამოყენება.

საჭიროებისას - სიმპტომური თერაპია.

კალციუმის არხების ბლოკირების თავიდან ასაცილებლად ინტრავენურად შეჰყაყთ კალციუმის გლუკონატი.

სხვა წამლებთან ურთიერთქმედება:

ამლოდიპინისა და ანთების საწინააღმდეგო არასტეროიდული საშუალებების α-ადრენოსტიმულატორების, ესტროგენებისა და სიმპატომიმეტური საშუალებების ერთდროული გამოყენებისას მცირდება პრეპარატის ჰიპოტენზიური ეფექტი.

თიაზიდური და მარყუჟოვანი დიურეტიკები, ß-ადრენობლოკატორები, ვერაპამილი, აგფ- ინჰიბიტორები, ნიტრატები აძლიერებენ ამტასის ანტიანგინალურ და ჰიპოტენზიურ მოქმედებას.

ამიოდარონი, ქინიდინი, α₁-ადრენობლოკატორები, ნეიროლეპსიური საშუალებები და კალციუმის ნელი არხების ბლოკატორები აძლიერებენ პრეპარატის ჰიპოტენზიურ ეფექტს.

ამლოდიპინისა და ციმეტიდინის ერთდროული მიღებისას ამლოდიპინის ფარმაკოკინეტიკური მაჩვენებლები არ იცვლება.

შენახვის პირობები და ვადა:

პრეპარატი ინახება არა უმეტეს 25⁰ c ტემპერატურაზე, მშრალ, სინათლისა და ბავშვებისაგან დაცულ ადგილას.

ვარგისიანობის ვადა: 3 წელი.

აფთიაქიდან გაცემის პირობები:

პრეპარატი გაიცემა ექიმის რეცეპტით.

ვეპრაზი 100მგ/200მგ #7კაფს ვაგ

იხილეთ ვრცლად

ციკლოფერონი 150მგ #20ტ

~~44.30 ლარი~~
41.64 ლარი

ქვეყანა: რუსეთი

მწარმოებელი: პოლისანი სანკტ-პეტერბურგი

გაცემის ფორმა: II ჯგუფი რეცეპტული

ვაგინაქსი #7ვაგ.ტ+სათითური

ვაგინაქსი

შემადგენლობა:
1 სუპოზიტორია შეიცავს:
მეტრონიდაზოლი ................................... 750 მგ
მიკონაზოლის ნიტრატი ........................ 200 მგ
ლიდოკაინის ჰიდროქლორიდი .............100 მგ
დამხმარე ნივთიერებები:
მაკროგოლი, ვიტეპსოლი S 55.

ფარმაკოლოგიური თვისებები:

ვაგინაქსის ვაგინალური სანთლები შეიცავენ მიკონაზოლის ნიტრატს - ანტიფუნგალური, მეტრონიდაზოლს - ანტიბაქტერიული და ანტიტრიქომონადული მოქმედებისთვის და ლიდოკაინს - ადგილობრივი ანესთეზიისთვის. მიკონაზოლის ნიტრატი იმიდაზოლის ჯგუფის სინთეზური პრეპარატია, რომელსაც აქვს ანტიფუნგალური მოქმედების ფართო სპექტრი, ეფექტურია პათოგენური გამომწვევების მიმართ - Candida albicans, გრამ (+) ბაქტერიები.

მოქმედების ეფექტურობა განპირობებულია გამომწვევის ციტოპლაზმურ მემბრანაში ერგოსტეროლის სინთეზის ინჰიბირებით.

მეტრონიდაზოლი 5-ნიტროიმიდაზოლის ჯგუფის ანტიბაქტერიული და ანტიპროტოზოული მოქმედების პრეპარატია. იგი ეფექტურია ანაერობული ბაქტერიების მიმართ Gardnerella vaginalis, Trichomonas vaginalis და ანაერობული სტრეპტოკოკების მიმართ.

ლიდოკაინი ადგილობრივი საანესთეზიო პრეპარატია, რომელიც ხსნის ტკივილის შეგრძნებას.

ჩვენებები:

გამოიყენება C. Albicans-ით გამოწვეული ვაგინალური კანდიდოზის, Gardnerella vaginalis-ით და ანაერობული ბაქტერიებით გამოწვეული ბაქტერიული ვაგინოზის, Trichomonas vaginalis-ით გამოწვეული ტრიქომონადული ვაგინიტის და აგრეთვე შერეული ინფექციების დროს.

უკუჩვენებები:

- მომატებული მგრძნობელობა ვაგინაქსის აქტიური ნითიერების ან მასში შემავალი ნებისმიერი კომპონენტის მიმართ;

- ორსულობის პირველი ტრიმესტრი;

- პორფირია;

- ეპილეფსია;

- ღვიძლის მძიმე დაავადება.

ალკოჰოლის მიღება არ შეიძლება მკურნალობის დასრულებიდან მომდევნო 3 დღის განმავლობაში და ვაგინაქსით მკურნალობის დროს.

ვაგინაქსით მკურნალობის დროს ან მკურნალობის დასრულებიდან 2 კვირის განმავლობაში, არ შეიძლება ალკოჰოლიზმის სამკურნალო პრეპარატების და აქტიური ნივთიერების სახით დისულფირამის შემცველი პრეპარატების გამოყენება.

განსაკუთრებული მითითებები:

– ვაგინაქსმა შეიძლება დააზიანოს ქალის პრეზერვატივი. ამიტომ, კონტრაცეპტული საშუალებების ჩადგმისას არ უნდა მოხდეს დიაფრაგმასთან კონტაქტი.

– ზოგიერთ შემთხვევებში, პარტნიორმაც უნდა მიიღოს შესაფერისი პერორალური პრეპარატები. ექიმის მიერ აღნიშნული დარღვევის დადგენის შემთხვევაში, პარტნიორებმა უნდა დაიცვან ექიმის მიერ დანიშნული მკურნალობა.

– ექიმის მიერ რეკომენდებულ დოზებზე უფრო მაღალი დოზების და ხანგრძლივად გამოყენებისას შეიძლება აღინიშნებოდეს სისუსტე ხელებსა და ფეხებში, ტკივილი, გაბუჟება, ჩხვლეტის შეგრძნება (პერიფერული ნეიროპათიის სიმპტომები) და ეპილეფსიური კრუნჩხვების მსგავსი კრუნჩხვები. ასეთ შემთხვევაში მკურნალობა უნდა შეწყდეს და აუცილებელია ექიმთან კონსულტაცია.

– ლიდოკაინმა განსაკუთრებით კანის ზედაპირზე გამოყენებისას და განსაკუთრებით სახვევებთან ახლოს, შეიძლება გამოიწვიოს გულის რითმის დარღვევები, სუნთქვის გაძნელება, კომა და სიკვდილიც კი. ვაგინაქსი გამოიყენება სანთელების სახით, და “სათანადო გამოყენებისა და დოზირების ინსტრუქციების/გამოყენების სიხშირის” მიხედვით გამოყენებისას მსგავსი მოვლენების განვითარება არ ხდება.

– ვაგინაქსის გამოყენებისას, მძიმე გაღიზიანების განვითარების შემთხვევაში, პრეპარატის გამოყენება დაუყოვნებლივ უნდა შეწყდეს, აუცილებელია ექიმთან კონსულტაცია.

– ვაგინაქსით მკურნალობის დროს არ შეიძლება ტამპონების გამოყენება.

– ვაგინაქსით მკურნალობის დროს არ შეიძლება სხვა ვაგინალური საშუალებების (ტამპონები, შხაპი და სპერმიციდული საშუალებები) გამოყენება.

ვაგინაქსის გამოყენება არ შეიძლება სქესობრივად მოუმწიფებელ გოგონებში.

ორსულობა და ლაქტაცია:

პრეპარატის გამოყენებამდე აუცილებელია ექიმის ან ფარმაცევტის კონსულტაცია.

ორსულობის დროს, ექიმმა უნდა მიიღოს გადაწყვეტილება შეიძლება თუ არა ვაგინაქსის გამოყენება.

მკურნალობის დროს დაორსულების შემთხვევაში აუცილებელია ექიმთან მიმართვა.

ძუძუთი კვება:

პრეპარატის გამოყენებამდე აუცილებელია ექიმის ან ფარმაცევტის კონსულტაცია.

მეტრონიდაზოლი, რომელიც არის ვაგინაქსის ერთ-ერთი აქტიური ნივთიერება, გამოიყოფა დედის რძეში. ამიტომ, ძუძუთი კვება უნდა შეწყდეს მკურნალობის დროს, კვების გაგრძელება შეიძლება მკურნალობის დასრულებიდან 24-48 საათის შემდეგ.

ავტომობილის მართვა და მექანიზმებთან მუშაობა:

რეკომენდებული დოზებით და ხანგრძლივობით მკურნალობისას, ვაგინაქსის ზეგავლენა ავტომობილის მართვისა და მექანიზმებთან მუშაობის უნარზე არ აღინიშნება. თუმცა, ვაგინაქსის გამოყენების დროს, თუ განვითარდა თავბრუ, სისუსტე, ავტომობილის მართვა და მექანიზმებთან მუშაობა არ შეიძლება.

სხვა სამკურნალო საშუალებებთან გამოყენება:

იმ შემთხვევაში თუ მოიხმართ ალკოჰოლს ან სამკურნალო საშუალებებს, განსაკუთრებით მათ, რომლებიც ქვემოთ არის მითითებული, აუცილებლად უნდა შეატყობინოთ ამის შესახებ ექიმს ან ფარმაცევტს.

–– სამკურნალო საშუალებები, რომლებიც თრგუნავენ სისხლის შედედებას (მაგ. აცენოკუმაროლი, ანისინდიონი, დიკუმაროლი, ფენინდიონი, ფენპროცუმონი და აქტიური ნივთიერების სახისთ ვარფარინის შემცველი საშუალებები);

–– ციმეტიდინისა და ცისაპრიდის შემცელი პრეპარატები;

–– ალერგიული დაავადებების სამკურნალო პრეპარატები (მაგ. აქტიური ნივთიერების სახით ასთემიზოლისა და ტერფენადინის შემცველი პრეპარატები);

–– იმუნური სისტემის დამთრგუნველი და აქტიური ნივთიერების სახით. ციკლოსპორინის შემცველი პრეპარატები;

–– დიაბეტის სამკურნალო პრეპარატები და აქტიური ნივთიერების სახით გლიმეპრიდის შემცველი პრეპარატები;

–– შარდის შეუკავლობის, შარდის გაჟონვისა და ხშირი შარდვის დროს გამოყენებული პრეპარატები (ოქსიბუტინინისა და ტოლტეროდინის შემცველი პრეპარატები);

–– ფსიქიატრიული დარღვევების დროს გამოყენებული და აქტიური ნივთიერების სახით პიმოზიდის შემცველი პრეპარატები;

–– ალკოჰოლზე დამოკიდებულის სამკურნალო პრეპარატები და აქტიური ნივთიერების სახით დისულფირამის შემცველი პრეპარატები;

–– კიბოს სამკურნალო პრეპარატები (მაგ.: ფტორურაცილისა და ტრიმეტრექსატის შემცველი პრეპარატები);

–– ეპილეფსიის სამკურნალო პრეპარატები (მაგ. აქტიური ნივთიერების სახით კარბამაზეპინის, ფოსფენიტოინის, ფენიტოინის, ფენობარბიტალის შემცველი პრეპარატები);

–– აფექტური დარღვევების მკურნალობისას გამოყენებული, აქტიური ნივთიერების სახით ლითიუმის შემცველი პრეპარატები;

–– ანესთეზიური საშუალებების მსგავსი პრეპარატები, განსაკუთრებით კიბოს მქონე პაციენტებში ძლიერი ტკივილის გასაყუჩებლად, და აქტიური ნივთიერების სახით ოქსიკოდონისა და ფენტანილის შემცველი პრეპარატები;

–– ასთმის სამკურნალო, თეოფილინის შემცველი პრეპარატები;

–– გულის არითმიების სამკურნალო და ამიოდარონის, პროკაინამიდის შემცველი პრეპარატები;

–– მაღალი არტერიული წნევის (ჰიპერტენზიის) და გულის დაავადების სამკურნალო, აქტიური ნივთიერების სახით პროპრანოლოლის შემცველი პრეპარატები;

–– გულის რითმის დარღვევების სამკურნალო პრეპარატები (ანტიარითმიული პრეპარატები);

–– სედაციური და ბარბიტურატების ჯგუფში შემავალი პრეპარატები.

დოზირების რეჟიმი:

1 ვაგინალური სუპოზიტორია დღეში ერთხელ ძილის წინ 7 დღის განმავლობაში. დაავადების რეციდივის შემთხვევაში, ერთი სანთელი საღამოს (სასურველია ძილის წინ) 14 დღის განმავლობაში.

ვინაიდან მენსტრუალური პერიოდის დროს ვაგინაქსის ეფექტი შეიძლება შემცირდეს ან გართულდეს გამოყენება, ის არ არის რეკომენდებული ამ პერიოდის დროს.

ვაგინაქსი განკუთვნილია მხოლოდ ინტრავაგინალური გამოყენებისათვის.

პაციენტი უნდა იყოს ჰორიზონტალურ მდგომარეობაში, ოდნავ მოხაროს ფეხები, შეძლებისდაგვარად ღრმად შეიყვანოს საშოში სანთელი. სანთლის ჩადგმის შემდეგ, სასურველია ადგომა ნახევარი საათის შემდეგ.

სხვა ასაკობრივი ჯგუფები:

გამოყენება ბავშვებში:

ვაგინაქსი არ გამოიყენება 12 წლამდე ასაკის ბავშვებში.

გამოყენება ხანდაზმულებში:

რაიმე განსაკუთრებული მითითება არ არსებობს.

განსაკუთრებული პოპულაცია:

თირკმლის ფუნქციის დარღვევა:

რაიმე განსაკუთრებული მითითება არ არსებობს. იმ შემთხვევაში, თუ პაციენტი დიალიზზეა, ვაგინაქსით მკურნალობამდე მიმართეთ ექიმს კონსულტაციისათვის.

ღვიძლის ფუნქციის დარღვევა:

ღვიძლის უკმარისობის დროს, ვაგინაქსი გამოიყენება სიფრთხილით და ექიმის მეთვალყურეობის ქვეშ. ასეთ შემთხვევაში, ვაგინაქსის დოზა კორექტირდება ექიმის მიერ.

ვაგინაქსის ჭარბი დოზირება:

იმ შემთხვევაში, თუ მიიღეთ ვაგინაქსის ჭარბი დოზა, მიმართეთ ექიმს ან ფარმაცევტს.

ექიმის მიერ რეკომენდებული დოზის გადაჭარბების შემთხვევაში შეიძლება განვითარდეს:

გულისრევა, ღებინება, უმადობა, მუცლის ტკივილი, ფაღარათი, ქავილის შეგრძნება პირის ღრუში, მეტალის გემო პირში, არასტაბილური სიარული (ატაქსია), თავის ტკივილი, თავბრუ, ეპილეფსიური კრუნჩხვები, ლეიკოპენია, მუქი შარდი, წვის შეგრძნება პირის ღრუსა და ხორხში, ჩხვლეტის შეგრძნება ხელებსა და ფეხებში, პარესთეზიები, გულის რითმის დარღვევები, სუნთქვის გაძნელება, კომა და სიკვდილიც კი. იმ შემთხვევაში, თუ მოხდა ვაგინაქსის შემთხვევით გადაყლაპვა დიდი რაოდენობით, სასწრაფოდ დაუკავშირდით ექიმს ან საავადმყოფოს.

ვაგინაქსის დოზის გამოტოვება:

ნუ გამოიყენებთ ორმაგ დოზას გამოტოვებული დოზის ასანაზღაურებლად.

გვერდითი ეფექტები:

იშვიათ შემთხვევაში ვლინდება მგრძნობელობის მომატების სიმპტომები - წვა, ქავილი, საშოს გაღიზიანება, თავის ტკივილი, ტკივილი მუცლის არეში, იშვიათად კანის გამონაყარი.

სისტემური გვერდითი მოვლენები მეტრონიდაზოლის ინტრავაგინალური გამოყენებისას უმნიშვნელოა, რადგან ამ შემთხვევაში მეტრონიდაზოლის კონცენტრაცია ძალიან დაბალია სისტემურ გამოყენებასთან შედარებით (2-12%).

მიკონაზოლის ნიტრატმა, ისევე როგორც სხვა ანტიფუნგალურმა იმიდაზოლის წარმოებულმა ვაგინალურმა სანთლებმა მათი გამოყენებისას, 2-6% შემთხვევაში, შეიძლება გამოიწვიონ ვაგინალური ირიტაცია (წვა, ქავილი). სერიოზული ირიტაციის შემთხვევაში მკურნალობა უნდა შეწყდეს. Mმეტრონიდაზოლის სისტემური გამოყენებისთვის დამახასიათებელია გვერდითი ეფექტები :ჰიპერსენსიბილიზაცია, ლეიკოპენია, ატაქსია, ფსიქიური მდგომარეობის შეცვლა, დიარეა, თავის ტკივილი, თავბრუსხვევა, უმადობა, გულისრევის შეგრძნება, ღებინება, ტკივილი მუცლის არეში, გემოვნების გაუკუღმართება, ყაბზობა, პირის სიმშრალე და ლითონის გემო პირში, დაღლილობის შეგრძნება იშვიათად გვხვდება.

ხანგრძლივი მოხმარებისას იშვიათად პერიფერიული ნეიროპათია და კრუნჩხვა. თუმცა მეტრონიდაზოლის მცირე დოზის გამო აღნიშნული გვერდითი მოვლენები იშვიათია.

შენახვის პირობები:

ინახება ბავშვებისათვის მიუწვდომელ ადგილას ორიგინალურ შეფუთვაში.

ინახება არა უმეტეს 25°C ტემპერატურის პირობებში. ნუ გაყინავთ.

აფთიაქიდან გაცემის პირობები:

გაიცემა რეცეპტით.

1...730731732...798 გვერდი 731 of 798