შემადგენლობა და გამოშვების ფორმა
400მგ ლიოფილიზ. ფხვნილი ფლაკონი და 5მლ ამპულა გამხსნელი #5
400მგ ნაწლავში ხსნადი აბი #20

ლიოფილიზირებული ფხვნილის 1 ფლაკონი შეიცავს 760 მილიგრამ ადემეთიონინის 1,4-ბუტანდისულფონატს, რაც 400 მილიგრამ ადემეთიონინის კათიონს შეესაბამება; დამხმარე ნივთიერებები: 1 ამპულა გამხსნელი შეიცავს L–ლიზინს, ნატრიუმის ჰიდროქსიდს, საინექციო წყალს;
1 ტაბლეტი შეიცავს 760 მილიგრამ ადემეთიონინის 1,4-ბუტანდისულფონატს, რაც 400 მილიგრამ ადემეთიონინის კათიონს შეესაბამება;
დამხმარე ნივთიერებები: უწყლო კოლოიდური სილიციუმის დიოქსიდი, ნატრიუმის სახამებელგლიკოლატი, მაგნიუმის სტეარატი, მიკროკრისტალური ცელულოზა, პოლიმეტაკრილატი, პოლიეთილენგლიკოლი 6000, ტალკი, სიმეთიკონი, პოლისორბატი.

სამკურნალწამლო ფორმა.
ლიოფილიზირებული ფხვნილი საინექციო ხსნარის მისამზადებლად.
ტაბლეტები, რომლებიც ნაწლავში ხსნადი გარსითაა დაფარული.

ძირითადი ფიზიკურ-ქიმიური თვისებები:
ლიოფილიზირებული ფხვნილი წარმოადგენს თეთრი ან მოყვითალო ფერის ლიოფილიზირებულ მასას, რომელიც უცხო ნაწილაკებს არ შეიცავს; გამხსნელი გამჭვირვალე სითხეა, რომლის ფერი უფეროდან მოყვითალო შეფერილობამდე მერყეობს და ამინის დამახასიათებელი სუნი აქვს; მომზადებული ხსნარი გამჭვირვალეა, უცხო ნაწილაკებს არ შეიცავს, ფერით კი ღია ყვითელიდან ყვითელ ფერამდე მერყეობს;
ტაბლეტები პრაქტიკულად თეთრი ფერისაა, აქვს ოვალური ფორმა, ბზარები ან ჩამონატეხები არ აღენიშნება, დაფარულია აპკისებრი გარსით.

ფარმაკოლოგიური თვისებები
ფარმაკოდინამიკა. ადემეთიონინი ანუ სულფოადენოზილ-L-მეთიონინი ბიოქიმიური ეფექტების მქონე სამკურნალო საშუალებაა, რომელიც ორგანიზმის ყველა ქსოვილსა და თხევად არეში ნაწილდება. ის მონაწილეობს მნიშვნელოვან ბიოლოგიურ პროცესებში, ტრანსმეთილირების ბევრ რეაქციაში მეთილის ჯგუფის დონორის როლს ასრულებს, ტრანსსულფურირების რეაქციებში კი ბიოქიმიური თიოლური ნაერთების (ცისტეინის, ტაურინის, გლუტათიონის, კოენზიმ A–სა და სხვათა) წინამორბედია.
ადემეთიონინის მეთილის ჯგუფის გადატანა (ტრანსმეთილირება) ისეთ ბიონივთიერებებზე, როგორიცაა ჰორმონები, ნეირომედიატორები, პროტეინები და ფოსფოლიპიდები, ორგანიზმში მიმდინარე მნიშვნელოვანი მეტაბოლური პროცესია.
ბავშვებსა და მოზარდებში ადემეთიონინის შემცველობა ძალიან მაღალია, მაგრამ ზრდასრულებში თანდათან ქვეითდება და ხანშიშესულ ასაკში საკმაოდ დაბალი მაჩვენებელი ახასიათებს.
დეპრესიული სინდრომის მქონე პაციენტების თავ-ზურგტვინის სითხეში ადემეთიონინის შემცველობა დაბალია. ცხოველებსა და ადამიანებზე მიღებული ექსპერიმენტული მონაცემების მიხედვით, ადემეთიონინს შეუძლია ჰემატოენცეფალური ბარიერის გადალახვა და თავ-ზურგტვინის სითხეში მისი კონცენტრაციის დონის გაზრდა.
ადემეთიონინის მაღალი კონცენტრაციები ზემოქმედებას ახდენს ტვინის ქსოვილისათვის ძალიან დიდი მნიშვნელობის მქონე ტრანსმეთილირების პროცესებზე, რაც კატექოლამინების (ადრენალინის, ნორადრენალინის), ინდოლამინების (სეროტონინის, მელატონინის) და ჰისტამინის მეტაბოლიზმზე გავლენით ხორციელდება.
ადემეთიონინით მკურნალობა ზრდის ზოგიერთი ნეირომედიატორის, მაგალითად, სეროტონინისა და ნორადრენალინის ცვლას.
ადემეთიონინის შემდეგი მნიშვნელოვანი ფარმაკოლოგიური მოქმედება ნერვული უჯრედების მემბრანათა დონეზე ხდება. აღნიშნულ უჯრედებში წყლის აუცილებელი შემცველობა ფოსფოლიპიდების მეთილირებაზეა დამოკიდებული. თუ მემბრანა საკმარისი რაოდენობით წყალს არ შეიცავს, -რეცეპტორის აქტივობა ქვეითდება (იგივე პროცესი ხდება ორგანიზმის დაბერების დროს). ექსპერიმენტული მონაცემები მოწმობს, რომ ადემეთიონინით მკურნალობა ეფექტური ანტიდეპრესანტია სხვადასხვა დეპრესიული მდგომარეობების (მონო- და ბიპოლარული ენდოგენიების, ნევროზული, დისთიმიური დარღვევების) მქონე პაციენტებისათვის.
ანტიდეპრესიული მოქმედება სწრაფად ვითარდება და მაქსიმალური ეფექტი მკურნალობის პირველი 5-7 დღის განმავლობაში აღინიშნება, ამასთან გვერდითი ეფექტები, განსაკუთრებით კი ანტიქოლინერგული ტიპის რეაქციები არ ვლინდება.

ფარმაკოკინეტიკა
ადამიანის ორგანიზმში ინტრავენური შეყვანის შემდეგ ადემეთიონინის ფარმაკოკინეტიკური პროფილი ბიოექსპოტენციურია, ის ქსოვილებში განაწილების სწრაფი ფაზითა და დაახლოებით 1,5 საათის ხანგრძლივობის ნახევარგამოყოფის პერიოდის მქონე კლირენსით ხასიათდება. ინტრამუსკულური შეყვანისას აბსორბცია 96%-ს აღწევს, პლაზმაში მაქსიმალური კონცენტრაცია კი შეყვანიდან 45 წუთის შემდეგ აღინიშნება.
შრატის ცილებთან შეკავშირება უმნიშვნელოა და ორგანიზმის ქსოვილებსა და უჯრედებში სწრაფად ნაწილდება.
პერორალური მიღების შემდეგ პრეპარატი ნაწლავში შეიწოვება და სისხლის შრატში ადემეთიონინისკონცენტრაციის მნიშვნელოვან მატებას განაპირობებს.
დადასტურებულია, რომ სამკურნალო სახით მიღებული ადემეთიონინი ორგანიზმში იმავე მეტაბოლურ პროცესებს ექვემდებარება, რა პროცესებსაც ენდოგენური ნივთიერება გადის (ტრანსმეთილირება, ტრანსსულფურირება, დეკარბოქსილირება და სხვ.)

ჩვენებები
_ ქრონიკული ჰეპატიტი;
_ ღვიძლშიდა ქოლესტაზი;
_ ღვიძლის ციროზი;
_ ღვიძლისმიერი ენცეფალოპათია;
_ დეპრესიული სინდრომები;
_ აბსტინენციის სინდრომი.

მიღების წესები და დოზები
ლიოფილიზირებული ფხვნილი თანმხლებ გამხსნელში გახსნის შემდეგ გამოიყენება დღე-ღამეში 400 მგ დოზით, ინტრავენურად ან ინტრამუსკულურად, 15-20 დღის განმავლობაში.
ტაბლეტები. მიიღემა 2-3 ტაბლეტი დღეში, დასალევად.
რეკომენდებულია, მკურნალობა დაიწყოს პრეპარატის პარენტერული შეყვანით და ტაბლეტის ფორმის პრეპარატის შემდგომი მიღებით გაგრძელდეს. თერაპიის ხანგრძლივობა დაავადების სიმძიმესა და მიმდინარეობაზეა დამოკიდებული და ექიმის მიერ ინდივიდუალურად განისაზღვრება.

მწარმოებელი ფირმა, ქვეყანა
HOSPIRA S.P.A
იტალია

ქვეყანა: უზბეკეთი

მწარმოებელი: ასეპტიკა

გაცემის ფორმა: III ჯგუფი ურეცეპტო

ჰეპოლამი
30 კაფსულა
(Hepolam)

ზოგადი დახასიათება:
ძირითადი ფიზიკურ-ქიმიური თვისებები:
კაფსულები: მყარი ჟელატინის კაფსულები მწვანე ფერის კორპუსითა და თავსახურით, შევსებული მოყავისფრო ფხვნილით;
სიროფი: ყავისფერი, გამჭვირვალე სიროფი დამახასიათებელი სუნით.

შემადგენლობა: 
1 კაფსულა შეიცავს შემდეგი მცენარეების ექსტრაქტს: პიკრორიზა (Picrorrhiza kurroa) – 125 მგ, ეკლიპტა (Eclipta alba) – 50 მგ, ფილანტუსი (Phyllanthus niruri) – 75 მგ, ტინოსპორა (Tinospora cordifolia) – 50 მგ, ბერჰავია (Boerhaavia diffusa) – 35 მგ, ბაკოპა (Bacopa monnieri) – 20 მგ, გრძელი წიწაკა (Piper longum) – 10 მგ.
დამხმარე ნივთიერებები: მიკროკრისტალური ცელულოზა, კოლოიდური სილიციუმის დიოქსიდი, ორფუძიანი კალციუმის ფოსფატი, ნატრიუმის მეთილპარაბენი, ნატრიუმის პროპილპარაბენი, ბრონოპოლი, ნატრიუმის ბენზოატი, ნატრიუმის სახამებლის გლიკოლატი, გასუფთავებული ტალკი, მაგნიუმის სტეარატი.
კაფსულის გარსის შემადგენლობა: გასუფთავებული წყალი, ნატრიუმის ლაურილსულფატი, პოვიდონი, ბრონოპოლი, ჟელატინი, საღებავები: Brilliant Blue (E 133), Tartrazine (E 102), ტიტანის დიოქსიდი (E 171).
სიროფის 10 მლ შეიცავს შემდეგი მცენარეების ექსტრაქტს: პიკრორიზა (Picrorrhiza kurroa) – 125 მგ, ეკლიპტა (Eclipta alba) – 50 მგ, ფილანტუსი (Phyllanthus niruri) – 75 მგ, ტინოსპორა (Tinospora cordifolia) – 50 მგ, ბერჰავია (Boerhaavia diffusa) – 35 მგ, ბაკოპა (Bacopa monnieri) – 20 მგ, გრძელი წიწაკა (Piper longum) – 10 მგ.
დამხმარე ნივთიერებები: თაფლი, შაქარი, თხევადი გლუკოზა, პროპილენგლიკოლი, მანიტოლი, ლიმონმჟავას მონოჰიდრატი, ასპარტამი, ნატრიუმის მეთილპარაბენი, ნატრიუმის პროპილპარაბენი, ბრონოპოლი, ნატრიუმის ბენზოატი, მენთოლი, გასუფთავებული წყალი, საღებავი : Sugar Caramel Colour (E 150), არომატიზატორები: სიმწარის შემამცირებელი არომატიზატორი, ფორთოხლის ტკბილი არომატიზატორი, თაფლის არომატიზატორი.

გამოშვების ფორმა:
კაფსულები.
სიროფი.                                                                                                                                   

ფარმაკოლოგიური თვისებები:
ჰეპოლამი წარმოადგენს კომბინირებულ მცენარეულ პარასამკურნალო საშუალებას, რომლის თერაპიული ეფექტი ორგანიზმზე განპირობებულია მასში შემავალი აქტიური ინგრედიენტების ფარმაკოლოგიური თვისებებით. ჰეპოლამს გააჩნია ჰეპატოპროტექტორული მოქმედება. პრეპარატი აუმჯობესებს ღვიძლის ფუნქციურ აქტივობას ღვიძლის დაავადებების დროს, იცავს ღვიძლს ჰეპატოტოქსიკური ნივთიერებების, ჰეპატოტოქსიკური მედიკამენტებისა და ალკოჰოლის მავნე ზემოქმედებისაგან. როგორც დამხმარე საშუალება, ხელს უწყობს ორგანიზმის გათავისუფლებას სხვადასხვა ნივთიერებებზე, მათ შორის ალკოჰოლზე დამოკიდებულებისაგან. ჰეპოლამი აძლიერებს მადას ანორექსიის დროს.
პრეპარატი შეიცავს მცენარეების მშრალ ექსტრაქტებს, რომელთაც გააჩნიათ შემდეგი თვისებები:
Picrorrhiza kurroa-ს ექსტრაქტს გააჩნია ჰეპატოპროტექტორული მოქმედება, იცავს ღვიძლს ტოქსიკური ნივთიერებებითა და სამკურნალო საშუალებებით დაზიანებისაგან.
Eclipta alba-ს და Bacopa monnieri-ს ექსტრაქტებს გააჩნიათ ანტიოქსიდანტური თვისება, აუმჯობესებენ პაციენტის საერთო მდგომარეობას.
Boerhaavia diffusa-ს ექსტრაქტი აუმჯობესებს ნაღვლის სეკრეციას.
Phyllanthus niruri-ს და Tinospora cordifolia-ს ექსტრაქტებს გააჩნიათ იმუნომოდულაციური აქტივობა.  
ჰეპოლამში შემავალი სამკურნალო მცენარეები ავლენენ პროფილაქტიკურ და თერაპიულ ეფექტს ღვიძლის სხვადასხვა დაავადების დროს. აფერხებენ ღვიძლის ფიბროზის განვითარებას და ასტიმულირებენ რეგენერაციას. 
                         
ჩვენება:
• ქრონიკული ჰეპატიტი;
• ღვიძლის ციროზი;
• ღვიძლის ცხიმოვანი დეგენერაცია;
• ჰეპატოტოქსიკური მედიკამენტებით ღვიძლის დაზიანების პრევენცია;
• ღვიძლის ალკოჰოლური დაზიანება;
• ანორექსია.

მიღების წესი და დოზირება:
ჰეპოლამის კაფსულები და სიროფი მიიღება პერორალურად.
კაფსულები: მოზრდილებში და ბავშვებში 12 წლის ზევით მიიღება  თითო კაფსულა 2-ჯერ დღეში.
სიროფი: მოზრდილებში და ბავშვებში 12 წლის ზევით – 10-10 მლ 2-ჯერ დღეში.
ბავშვებში 3-დან 12 წლამდე პრეპარატი ინიშნება სიროფის სახით, ჰეპატოტოქსიკური მედიკამენტებით ღვიძლის დაზიანების პრევენციისა და ანორექსიის შემთხვევაში, დოზით 5-5 მლ 2-ჯერ დღეში.
დოზის კორექცია შესაძლებელია ექიმის დანიშნულების მიხედვით.
მკურნალობის ხანგრძლივობა განისაზღვრება დაავადების სიმძიმის მიხედვით მკურნალი ექიმის მიერ და შეადგენს საშუალოდ 1-3 თვეს.
სიროფის გამოყენების წინ ფლაკონი შეანჯღრიეთ!

უკუჩვენება:
– მომატებული მგრძნობელობა პრეპარატის შემადგენელი კომპონენტების მიმართ;
– ორსულობა;
– ლაქტაცია.

ჰიპერდოზირება: 
მონაცემები დოზის გადაჭარბების შემთხვევებზე არ არსებობს.

ორსულობა და ლაქტაცია:
ორსულობისა და ძუძუთი კვების პერიოდში პრეპარატის გამოყენება უკუნაჩვენებია.

შეფუთვა:
კაფსულები: 30 კაფსულა პოლიმერულ ფლაკონში. თითო ფლაკონი მუყაოს კოლოფში.
სიროფი: 100 მლ სიროფი ნარინჯისფერ პოლიმერულ ფლაკონში დოზირებული ხუფით. თითო ფლაკონი მუყაოს კოლოფში.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
სიროფის გაყინვა დაუშვებელია. სიროფი ვარგისია ფლაკონის გახსნიდან 1 თვის განმავლობაში. 

ვარგისიანობის ვადა:
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:
გაიცემა ურეცეპტოდ.

მწარმოებელი:
შპს “ავერსი-რაციონალი” (საქართველო).

მისამართი: 
საქართველო 0198, თბილისი, ჭირნახულის ქ. 14.
www.aversi.ge

ქვეყანა: რუსეთი

მწარმოებელი: სოტექსი ფარმფირმა

გაცემის ფორმა: III ჯგუფი ურეცეპტო

ქვეყანა: სომხეთი

მწარმოებელი: ლიქვორი

გაცემის ფორმა: II ჯგუფი რეცეპტული

ბიოპრონ® 9 პრემიუმის – მულტიშტამური პრობიოტიკი. შეიცავს 9 პრობიოტიკულ შტამს პრებიოტიკთან ერთად. გამოიყენება ნაწლავური მიკროფლორის აღსადგენად ანტიბიოტიკოთერაპიასა და მის შემდგომ პერიოდში. 

ფარმაკოლოგიური ჯგუფი: ნაწლავების მიკროფლორის ბალანსის რეგულატორი – კომპლექსური სინბიოტიკური საშუალება.

ჩვენებები: ნაწლავის მიკროფლორის აღსადგენი საშუალება ანტიბიოტიკოთერაპიისა და მის შემდგომ პერიოდში; დაზიანებული ნაწლავური მიკროფლორის აღდგენა; გამოიყენება მოზრდილებსა და ბავშვებში 3 წლის ასაკიდან.

დახასიათება: ბიოპრონ® 9 პრემიუმი არის პრობიოტიკების კომპლექსი, რომელიც წარმოადგენს  პრობიოტიკების კულტურისა და პრებიოტიკ ფრუქტოოლიგოსაქარიდის (ფოს) უნიკალურ და ბალანსირებულ კომბინაციას. შეიცავს 9 შტამის ცოცხალ მიკროორგანიზმს დღიური დოზით 20 მილიარდი.

მოქმედების მექანიზმი:

1. პრობიოტიკები წარმოადგენენ ცოცხალ მიკროორგანიზმებს, რომლებიც, ადექვატური დოზით დანიშვნის შემთხვევაში სასარგებლოა მასპინძლის ჯანმრთელობისთვის (FAO/ჭHO. 2002 განსაზღვრება) 1).  პროდუქტის სარგებელი ეფუძნება ბაქტერიული შტამების ფართო სპექტრს. 9 სხვადასხვა შტამის კომბინაცია ხელს უწყობს ბაქტერიების უფრო ინტენსიურ კოლონიზაციას საჭმლის მომნელებელ ტრაქტში. 

2. პრობიოტიკები წარმოადგენს სელექტიურად ფერმენტირებულ ინგრედიენტებს, რომლებიც განაპირობებენ სპეციფიური ცვლილებებს გასტროინტესტინალური მიკროფლორის შემადგენლობასა და/ან აქტივობაზე, რას განაპირობებს მასპინძლის ორგანიზმის ჯანმრთელობასა და კეთილდღეობას (Gიბსონ, 2004 განსაზღვრება). 2)

ბიოპრონ® 9პრემიუმი არის:

– პრობიოტიკი მულტიშტამური შემადგენლობით

– 9 ბაქტერიის სახეობა ძალიან მაღალი დღიური დოზით – 20 მილიარდი;

– დამატებული პრებიოტიკი ფრუქტოოლიგოსაქარიდების სახით;

– მისაღებია ანტიბიოტიკებით მკურნალობისა და მის შემდგომ პერიოდში;

– მისაღებია მთელი ოჯახისთვისა და ბავშვებისთვის 3 წლის ასაკიდან;

– დამზადებულია GMP სერთიფიკატის მფლობელი ქარხნის მიერ.

მიღების წესი და დოზირება: 1 კაფსულა 1-2 ჯერ დღეში საკვებთან ერთად. ბიოპრონ 9 პრემიუმის გამოყენება შესაძლებელია ანტიბიოტიკებით მკურნალობისას პირდაპირ დასაწყისიდან. პრეპარატი უნდა გამოვიყენოთ ანტიბიოტიკის ორ მიღებას შორის. მკურნალობა გრძელდება ანტიბიოტიკების მიღების დამთავრებიდან კიდევ ერთი კვირით ან მეტი ხანგრძლივობით. ბიოპრონ 9 პრემიუმის პრობიოტიკული შტამები წარმოადგენენ ადამიანის ორგანიზმის ნაწლავური მიკროფლორის ბუნებრივ ნაწილს, ამიტომ, პროდუქტი უსაფრთხოა დიდი ხნით გამოყენების დროსაც. არ გადააჭარბოთ რეკომენდებულ დღიურ დოზას.

იმისთვის, რომ გაიზარდოს პრობიოტიკური შტამების დაცვა, ტენიანი ბლისტერები დაფარულია შესაბამისი სქელი ალუმინის ფოლგით. ბლისტერის ფოლგის სისქემ კაპსულის ამოღებისას შეიძლება პრობლემა შექმნას. აქედან გამომდინარე, რეკომენდებულია კაპსულას მივაწვეთ კიდის მხრიდან ან  ალუმინის ფოლგის მთლიანობა დავარღვიოთ ზეწოლამდე (ფრჩხილით). 

ყურადღება: არ არის განკუთვნილი 3 წლამდე ასაკის ბავშვებისთვის! მისაღებია ორსულებისა და მეძუძური დედებისთვის.

შენახვის პირობები: შეინახეთ მშრალ ადგილას ტემპერატურით 5 °C-25°C (41 ო F- 77 ო F). ბავშვებისგან მიუწვდომელ ადგილას. არ დატოვოთ მზის პირდაპირი სხივების ქვეშ!

შემადგენლობა: 30 კაფსულა;  არ შეიცავს გლუტენს და კონსერვანტებს; მისაღებია ორსულებისა და მეძუძური დედებისთვის; გამოიყენება 3 წლის ასაკიდან.

დოლო – დენკი 20გ ჟელე

შემადგენლობა

აქტიური ნივთიერება არის ეტოფენამატი
1 გრამი გელი შეიცავს 100მგ ეტოფენამატს.
დამხმარე ნივთიერებები: პროპილენის გლიკოლი, კარბომერი, 2 – პროპანოლი, მაკროგოლ გლიცეროლის კოკოატი, მაკროგოლ გლიცეროლის ჰიდროქსისტეარატი, ნატრიუმის ჰიდროქსიდი, გასუფთავებული წყალი. 

აღწერილობა და შეფუთვა:
ღია ყვითელი, ოდნავ გაუმჭვირვალე გელი.
20გ გელი ტუბში

არასტეროიდული ანთების საწინააღმდეგო პრეპარატი / ტკივილგამაყუჩებელი ათქ კოდი: M02AA06
ეტოფენამატი არის არასტეროიდული ანთების საწინააღმდეგო საშუალება/ ტკივილგამაყუჩებელი, რომელიც ანთებითი პროცესის დროს ეფექტურად აინჰიბირებს პოსტაგლადინების სინთეზს ცხოველებზე ჩატარებულ კვლებებში.

მოხალისეებში 300მგ ეტოფენამატის პლასტირების გამოყენების შემდეგ ფლუფენამური მჟავას მაქსიმალური პლაზმის კონცენტრაცია აღინიშნება გამოყენებიდან (21-28 ნანოგ/მლ) 12-24 საათის შემდეგ. 
ცილებს უერთდება დაახლოებით 98-99%. 
ეტოფენამატი გამოიყოფა მრავალი მეტაბოლიტის (ჰიდროქსილირება, ეთერების და ესტერების გახლეჩა) და მათი კონიუგატების სახით, რომელთაგან 35% გამოიყოფა თირკმელების საშუალებით და დანარჩენი ძირითადად – ნაღველის და ფეკალური მასის საშუალებით. 
სავარაუდოა ენტეროჰეპატური ცირკულაციის მონაწილეობა.
ეტოფენამატი, ფლუფენამური მჟავას სახით მცირე რაოდენობით გადადის დედის რძეში. 
ეტოფენამატის შემცველი პრეპარატების ბიოათვისებულობის მხრივ აღინიშნება ძლიერი ინტერ და ინტრა-ინდივიდუალური ცვლილებები, რაზეც გავლენას ახდენს მიღების მეთოდი, კანის ტენიანობა და სხვა ფაქტორები. გარეგანი გამოყენების შემდეგ ფარდობითი ბიოათვისებულობა, კერძოდ სისტემურად არსებული დოზის პროპორცია ისეთივეა, როგორც ეტოფენამატის შემცველი სხვა პრეპარატების (20%-მდე) შემთხვევაში.

დოლო-დენკ გელი არის გარეგანი, ადგილობრივად გამოსაყენებელი პრეპარატი. აქტიური ნივთიერება, ეტოფენამატი, მიეკუთვნება არასტეროიდული (კორტიზონისგან თავისუფალ) ანტირევმატიული (რევმატიზმის სამკურნალო) მედიკამენტების კლასს და ახასიათებს ანთების საწინააღმდეგო და ტკივილგამაყუჩებელი თვისებები. 
დოლო-დენკ გელი გამოიყენება ადგილობრივად ტკივილის და ანთების შესამსუბუქებლად, რაც გამოწვეულია ძვალ-კუნთოვანი, სახსრების და რბილი ქსოვილების დაავადებებით. იგი გამოიყენება ტკივილის შესამსუბუქებლად შემდეგ შემთხვევებში:
– ბლაგვი ტრავმით, მაგალითად სპორტული დაზიანებით გამოწვეული მყესების მწვავე დაჭიმულობის, გაგლეჯვის ან კიდურების კონტუზიის დროს. 
– სახსრების (მაგალითად სახსრის აბგის, მყესის, იოგის ან სახსრის კაფსულის) ირგვლივ არსებული რბილი ქსოვილების ტკივილისას. 
მაგალითად, დოლო-დენკის გელი შეიძლება გამოყენებულ იქნას კუნთოვანი რევმატიზმის, კუნთოვანი დაჭიმულობისას მხრის მტკივნეული რიგიდობის დროს (მხარ-ბეჭის პერიართროპათია), ლუმბაგო, იშიალგია, ტენდოვაგინიტი, ბურსიტი. დოლო-დენკის გელი ასევე მსგავს ეფექტს ახდენს ძლიერი დაძაბულობით და ხერხემლისა და სახსრების ასაკობრივი დეგენერაციით გამოწვეული (ართროზი, სპონდილოზი) რბილი ქსოვილების მტკივნეული დაავადებების დროს.

დოლო-დენკის გელი მიიღება ექიმის ინსტრუქციის შესაბამისად. თუ პაციენტი რაიმეში არ არის დარწმუნებული, ასეთ შემთხვევაში მან უნდა მიმართოს მკურნალ ექიმს ან ფარმაცევტს. 
თუ არ არის განსხვავებული მითითება, მაშინ გელი დაიტანება 5-10 სმ-ის სიგრძეზე, გამომდინარე მტკივნეული ადგილის ზომიდან, 3-4-ჯერ დღეში და ნაზად შეიზილება. 
გამოიყენება მხოლოდ კანზე! არ მიიღება შიგნით!
სახვევების დადებამდე დოლო-დენკ გელი უნდა იყოს კანზე რამდენიმე წუთი, რათა გაშრეს. ოკლუზიური სახვევის გამოყენება (პლატიკური მასალისგან გაკეთებული საფარველი) არ არის რეკომენდებული.
ექიმი გადაწყვეტს მკურნალობის ხანგრძლივობას. ბლაგვი ტრავმის დროს (მაგალითად სპორტული დაზიანება) პრეპარატის გამოყენება 1 კვირის განმავლობაში ჩვეულებრივ საკმარისია. არ არის დამტკიცებული პრეპარატის ეფექტურობა უფრო ხანგრძლივი გამოყენებისას.
რევმატიული დაავადებების დროს, მკურნალობის 3-4 კვირიანი პერიოდი საკმარისია უმეტეს შემთხვევებში. თუ ტკივილი გრძელდება, მაშინ კონსულტაციისთვის უნდა მიემართოს მკურნალ ექიმს, რომელიც გადაწყვეტს როგორ უნდა გაგრძელდეს მკურნალობა.
უნდა ეცნობოს მკურნალ ექიმს ან ფრამაცევტს, თუ პაციენტი ფიქრობს, რომ დოლო-დენკ გელი ძალიან სუსტად ან ძლიერად მოქმედებს მასზე.

ყველა სხვა პრეპარატის მსგავსად დოლო-დენკ გელმაც შესაძლებელია გამოიწვიოს გვერდითი ეფექტები, თუმცა იგი ყველას არ უვითარდება.
ქვემოთ მოყვანილი ცხრილი გამოიყენება გვერდითი რეაქციების კლასიფიკაციისთვის::

ინდივიდუალურ შემთხვევებში შესაძლებელია განვითარდეს რეაქციები კანის მხრივ, როგორიცაა სიწითლე, ქავილი, წვის შეგრძნება, გამონაყარი, მათ შორის პუსტულების და ბუშტუკების განვითარება. იშვიათად დოლო-დენკ გელმა შესაძლებელია გამოიწვიოს ჰიპერმგრძნობელობა ან ადგილობრივი ალერგიული რექციები (კონტაქტური დერმატიტი).
თუ დოლო-დენკ გელი გამოიყენება კანის დიდ ფართობზე ხანგრძლივი პერიოდის განმავლობაში, მაშინ არ არის გამორიცხული არასასურველი ეფექტის გამოვლინება, რომელიც მოქმედებს ზოგიერთი ორგანოზე ან მთლიანად მთელ ორგანიზმზე, რაც ვითარდება კონკრეტულ შემთხვევაში ეტოფენამატის შემცველი პრეპარატების სისტემატიური მიღებისას. 
თუ პაციენტი შენიშნავს რომელიმე გვერდით ეფექტს, რომელიც არ არის აღნიშნული ამ ინსტრუქციაში, უნდა მიემართოს ექიმს ან ფარმაცევტს.

დოლო-დენკ გელი არ გამოიყენება შემდეგ შემთხვევებში:
– ჰიპერმგრძნობელობა ეტოფენამატის, ფლუფენამური მჟავას და სხვა ანთების საწინააღმდეგო არასტეროიდული საშუალების ან დოლო-დენკის გელში შემავალი სხვა ნივთიერებების მიმართ;
– ღია ჭრილობებზე, ანთებით ან ინფიცირებულ კანზე, ეგზემატოზური დაზიანებების დროს ან ლორწოვან გარსზე;
– ორსულობის ბოლო ტრიმესტრში;
– ბავშვებსა და ხანდაზმულებში;
დოლო-დენკ გელი არ გამოიყენება ბავშვებსა და ხანდაზმულებში, რადგან აღნიშნული ასაკობრივი ჯგუფის შესახებ კლინიკური მონაცემები არასაკმარისია.

განსაკუთრებული სიფრთხილე დოლო-დენკ გელის გამოყენებისას
– თუ პაციენტს აწუხებს ასთმა, თივის ცხელება, ცხვირის პოლიპები, ფილტვის ქრონიკული ობსტრუქციული დაავადებები ან სასუნთქი გზების ქრონიკული ინფექციები (განსაკუთრებით თუ დაკავშირებულია თივის ცხელების მსგავს სიმტომებთან). 
– ასევე თუ პაციენტს აღენიშნება ჰიპერმგრძნობელობის რეაქციები, მაგალითად კანის რეაქციები, ქავილი ან გამონაყარი, სხვა ნივთიერებების მიმართ.
საყურადღებოა, რომ მოხვდეს დოლო-დენკ გელი თვალში.
ყურადღება უნდა მიექცეს, რომ ბავშვები არ შეეხონ ხელით იმ მიდამოებს, სადაც პრეპარატი არის წასმული.

ორსულობა:
დოლო-დენკ გელი გამოიყენება ორსულობის მხოლოდ პირველ და მეორე ტრიმესტრში, ექიმთან კონსულტაციის შემდეგ. დოლო-დენკ გელი არ გამოიყენება ფეხმძიმობის ბოლო ტრიმესტრში, რადგან არ არის გამორიცხული დედისა და ბავშვის მდგომარეობის გართულება. 
ლაქტაცია:
რადგან ეტოფენამატის მცირე რაოდენობა დაგადის დედის რძეში, შესაბამისად არ არის სასურველი დოლო-დენკ გელის გამოყენება ხანგრძლივი პერიოდის განმავლობაში და ასევე არ შეიძლება დღიური დოზის გადაჭარბება (იხილეთ 3 პუნქტი). იმისთვის, რომ არ მოხდეს ბავშვის მიერ პრეპარატის მიღება, მეძუძურმა დედამ არ უნდა წაისვას იგი მკერდზე.

მნიშვნელოვანი ინფორმაცია დოლო-დენკ გელის შემადგენლობაში შემავალი ზოგიერთი ინგრედიენტის შესახებ 
პროპილენის გლიკოლმა შეიძლება გამოიწვიოს კანის გაღიზიანება.
სხვა ნივთიერებების შესახებ იხილეთ პუნქტი 6 “დამატებითი ინფორმაცია”.

თუ გარეგანი გამოყენებისას მოხდა რეკომენდებული დოზის გადაჭარბება, უნდა მოშორდეს გელი და უნდა მოხდეს კანის მობანა წყლით. თუ პაციენტმა გამოიყენა ძალიან დიდი რაოდენობით დოლო-დენკ გელი ან მოხდა მისი შემთხვევით გადაყლაპვა, მაშინ უნდა ეცნობოს ექიმს.

დოლო-დენკ გელის სწორად გამოყენების შემთხვევაში არ მოიპოვება სხვა პრეპარატებთან ურთიერთქმედების მონაცემები. უნდა ეცნობოს ექიმს, თუ პაციენტი იღებს ან უახლოეს წარსულში იღებდა რაიმე სხვა პრეპარატს, მათ შორის ურეცეპტოდ გასაცემის ჩათვლით.

ინახება გრილ ადგილას.
ინახება ბავშვებისთვის მიუწვდომელ ადგილას.
არ გამოიყენება მუყაოს კოლოფზე ან ტუბზე მითითებული შენახვის ვადის გასვლის შემდეგ.

_{ჰეპატო-რიცი
HEPATO-Ritz}

შემადგენლობა
პრეპარატის ერთი კაფსულა შეიცავს: 140 მგ ბაყაყურას (Silybum marianum) მშრალ ექსტრაქტს, 100 მგ ქრისტესისხლას (Chelidonium majus) მშრალ ექსტრაქტს, 25 მგ ყვითელი კოჭას (Curcuma longa) მშრალ ექსტრაქტს და 40 მგ ლეციტინს (Lecithin).

მოქმედების მექანიზმი
ჰეპატო-რიცი მცენარეული წარმოშობის კომბინირებული პრეპარატია.
ნაღვლმდენი და სპაზმოლიზური მოქმედების ჰეპატოპროტექტორი, რომელიც ახდენს ღვიძლის ფუნქციების ნორმალიზაციას, აუმჯობესებს მადას და საჭმლის მონელებას.
ჰეპატო-რიცის ეფექტს განაპირობებს მცენარეული ექსტრაქტების ბიოლოგიურად აქტიურ ნივთიერებათა ერთობლივი მოქმედება:
ფლავონოიდი სილიბინინი, რომელსაც შეიცავს ბაყაყურას ექსტრაქტი, ხასიათდება ჰეპატოპროტექტორული მოქმედებით. ღვიძლის მწვავე და ქრონიკული ინტოქსიკაციებისას ახდენს უჯრედების მემბრანების სტაბილიზაციას, აფერხებს მათ შემდგომ დაშლას და უჯრედებში ჰეპატოტოქსიური ნივთიერებების შეღწევას; იცავს ღვიძლს ალკოჰოლის მავნე ზემოქმედებისაგან. ცილებისა და ფოსფოლიპიდების სინთეზის სტიმულაციით აჩქარებს დაზიანებული ჰეპატოციტების რეგენერაციას.
ალკალოიდი ხელიდონინი, რომელიც წარმოადგენს ქრისტესისხლას ერთ-ერთ უმნიშვნელოვანეს კომპონენტს, ხასიათდება ტკივილგამაყუჩებელი, სპაზმოლიზური და ნაღვლმდენი მოქმედებით. თავისუფალი რადიკალების მიერთებით ავლენს ანტიოქსიდანტურ მოქმედებას; ხელს უწყობს ჰეპატოციტების აღდგენის პროცესს.
ყვითელი კოჭას აქტიური ნივთიერება კურკუმინი – ძლიერი ანთების საწინააღმდეგო საშუალებაა; ამცირებს ღვიძლის ინტოქსიკაციას, აუმჯობესებს ნაღვლის ბუშტის მუშაობას და ნაღვლის გამოყოფას. აუმჯობესებს ღვიძლის დეტოქსიურ ფუნქციას და ავლენს ბაქტერიციდულ და ბაქტერიოსტატიკურ აქტიობას ნაწლავური ინფექციების ზოგიერთი გამომწვევის მიმართ.
ლეციტინი წარმოადგენს შეუცვლელი ფოსფოლიპიდების კომპლექსს, რომლებიც აუცილებელია ღვიძლის უჯრედების მემბრანების რეგენერაციის, ბიოლოგიური სტრუქტურის სტაბილიზაციისა და წარმოქმნისათვის. ღვიძლის სხვადასხვა დაავადებებისას ლეციტინი ამცირებს ლიმფოციტების ციტოტოქსიურ მოქმედებას და ჰეპატოციტების ნეკროზს; არეგულირებს ცილებისა და ცხიმების ცვლას, იცავს ღვიძლის უჯრედულ სტრუქტურას, აღადგენს ლიმფოციტების და მაკროფაგების დამცველობით ფუნქციას.

ჩვენება
პროფილაქტიკური, დამცავი და სამკურნალო საშუალება ღვიძლის ფუნქციების დარღვევების დროს:
– ღვიძლის დაავადებების პროფილაქტიკა;
– ღვიძლის ქრონიკული ანთებითი დაავადებები;
– ღვიძლის ალკოჰოლური, სხივური და ტოქსიური დაზიანებები;
– სხვადასხვა ეტიოლოგიის ღვიძლის ცხიმოვანი დეგენერაცია;
– ღვიძლის ციროზის მკურნალობა კომბინირებული თერაპიის შემადგენლობაში;
– ანთების საწინააღმდეგო არასტეროიდული საშუალებებით, ანტიბიოტიკებით და სხვა მედიკამენტებით ხანგრძლივი მკურნალობის შემდგომ.

უკუჩვენება
პრეპარატის კომპონენტებისადმი მომატებული მგრძნობელობა.

უსაფრთხოების ზომები
სიფრთხილით ინიშნება სიყვითლის და ნაღვლ-კენჭოვანი დაავადებების დროს.
დოზის გადაჭარბების ნიშნები აღწერილი არ არის.
ორსულობისა და ლაქტაციის (ძუძუთი კვების) პერიოდში პრეპარატის მიღება ჩვენების მიხედვით.
სხვა პრეპარატებთან ურთიერთქმედება აღწერილი არ არის.

დოზირება და მიღების წესი
პროფილაქტიკისა და მკურნალობის მიზნით, ინიშნება ჰეპატო-რიცის 1 კაფსულა სამჯერ დღეში. მძიმე ფორმით მიმდინარე დაავადების დროს – 2 კაფსულა სამჯერ დღეში ორი კვირის განმავლობაში, შემდგომ მკურნალობა გრძელდება თერაპიული დოზით (1 კაფსულა სამჯერ დღეში) 1-3 თვის განმავლობაში. მკურნალობის კურსი მეორდება 1-3 თვის ინტერვალით.
კაფსულები მიიღება ჭამის წინ დაუღეჭავად, მცირე რაოდენობით სითხესთან ერთად.

გვერდითი მოვლენები
პრეპარატი კარგად გადაიტანება, იშვიათად ადგილი აქვს მომატებული მგრძნობელობის რეაქციებს.
ვარგისიანობა და შენახვის პირობები
პრეპარატის ვარგისიანობის ვადაა 3 წელი, ინახება 10-25⁰C ტემპერატურაზე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა
50 კაფსულა ბლისტერებში. მეორადი შეფუთვა: მუყაოს კოლოფში.

აფთიაქიდან გაცემის პირობები
ექიმის რეცეპტის გარეშე!
მწარმოებელი ფირმა:
შ.პ.ს. “ჯი-ემ-პი” (საქართველო)