ჰეპა-ლაინი

HEPA-LINE

პრეპარატის  სავაჭრო სახელწოდება: ჰეპა-ლაინი
აქტიური ნივთიერება (საერთაშორისო არა-პატენტირებული დასახელება): L-ორნიტინი L-ასპარტატი
სამკურნალწამლო ფორმა: საინფუზიო ხსნარის მოსამზადებელი კონცენტრატი 5 გ/10 მლ.

შემადგენლობა:
აქტიური ნივთიერება: L-ორნიტინი - L-ასპარტატი - 5  გ

დამხმარე ნივთიერებები: საინექციო წყალი 10 მლ-მდე.

აღწერა: გამჭვირვალე, უფერული ან ოდნავ მოყვითალო ხსნარი.

 ფარმაკოთერაპიული ჯგუფი: ჰეპატოპროტექტორები.

ათქ კოდი: A05BA
ფარმაკოლოგიური თვისებები

ფარმაკოდინამიკა
გააჩნია დეტოქსიკაციური მოქმედება. აქვეითებს ორგანიზმში ამიაკის მომატებულ დონეს, კერძოდ,  ღვიძლის დაავადებების დროს. პრეპარატის მოქმედება უკავშირდება მის მონაწილეობას კრებსის შარდოვანას წარმომქმნელი (ამიაკიდან შარდოვანას წარმოქმნა) ორნიტინის ციკლში.

 ხელს უწყობს ინსულინისა და სომატოტროპული ჰორმონის წარმოქმნას. აუმჯობესებს ცილოვან ცვლას იმ დაავადებების დროს, რომლებიც მოითხოვენ პარენტერალურ კვებას. ხელს უწყობს ასთენიური, დისპეფსიური და ტკივილის სინდრომების შემცირებას, ასევე ახდენს სხეულის მომატებული წონის ნორმალიზაციას. (სტეატოზის და სტეატოჰეპატიტის დროს)

ფარმაკოკინეტიკა

ორნიტინი - ასპარტატი იშლება მის შემადგენელ კომპონენტებად- ამინომჟავებად ორნიტინად და ასპარტატად, და იწყებს მოქმედებას 15-25 წუთის განმავლობაში,  ისინი შეიწოვება წვრილ ნაწლავში ნაწლავის ეპითელიუმის გავლით აქტიური ტრანსპორტირების გზით. გამოიყოფა თირკმელებით.

გამოყენების ჩვენებები

ღვიძლის ლატენტური ან გამოვლენილი ენცეფალოპათიის სიმპტომებით მიმდინარე, ღვიძლის დეტოქსიფიკაციის დარღვევით გამოწვეული გართულებებისა და თანმხლები დაავადების მკურნალობა, სისხლში ამონიუმის დონის მომატებით ან მომატების გარეშე.

გამოყენების მეთოდი და დოზირება

შეყავთ 40 მლ-მდე (4 ამპულა) დღეღამეში, ამპულების შიგთავსი იხსნება 500 მლ საინფუზიო ხსნარში. ღვიძლისმიერი ენცეფალოპათიის დროს მდგომარეობის სიმძიმის ხარისხის მიხედვით შეყავთ 80 მლ-მდე (8 ამპულა) დღეღამეში. ინფუზიის ხანგრძლივობა, სიხშირე და მკურნალობის ხანგრძლივობა განისაზღვრება ინდივიდუალურად. ინტრავენური შეყვანის მაქსიმალური სიჩქარეა 5გ საათში.

არ გახსნათ 60 მლ-ზე  (6 ამპულა) მეტი 500 მლ საინფუზიო ხსნარში! არ შეიყვანოთ ინტრაარტერიულად!

გვერდითი მოვლენები
საჭმლის მომნელებელი სისტემის მხრივ: ცალკეულ შმთხვევებში: ღებინება, გულისრევა.

სხვა: ალერგიული რეაქციები.

უკუჩვენებები
მომატებული მგრძნობელობა L-ორნიტინი- L-ასპარტატის, ან პრეპარატის სხვა კომპონენტების მიმართ.

გამოხატული თირკმელების უკმარისობა 3 მგ/100 მლ-ზე მაღალი კრეატინის მაჩვენებლით.

ლაქტაციის პერიოდი.
წამლებთან ურთიერთქმედება
არ არის აღწერილი
განსაკუთრებული მითითებები
ენიშნებათ სიფრთხილით პაციენტებს, რომლებიც დაკავებული პოტენციურად საშიში საქმიანობებით, რომლებიც საჭიროებენ ყურადღების კონცენტრაციას და ფსიქომოტორული რეაქციების სისწრაფეს.

პრეპარატის მაღალი დოზებისას აუცილებელია შრატში და შარდში შარდოვანას დონის კონტროლი. თუ ღვიძლის ფუნქცია სერიოზულად დარღვეულია, აუცილებელია შეყვანის სიჩქარის კორექცია ინდივიდუალური პაციენტის მდგომარეობის გათვალისწინებით, გულისრევისა და ღებინების პროფილაქტიკისათვის.

გამოყენება ორსულებში

რადგანაც არ არსებობს პრეპარატის ნაყოფზე ზემოქმედების შესახებ საკმარისი მონაცემები, გამოყენება შესაძლებელია მხოლოდ ექიმის მკაცრი მეთვალყურეობის ქვეშ.

გამოყენება ბავშვებში

პრეპარატის ბავშვებში გამოყენების შესახებ მონაცემები არ არსებობს.
დოზის გადაჭარბება

დოზის გადაჭარბებისას ინტოქსიკაციის ნიშნები აღწერილი არ არის.

დოზის გადაჭარბებისას ნაჩვენებია სიმპტომური მკურნალობა.
გამოშვების ფორმა

საინფუზიო ხსნარის მოსამზადებელი კონცენტრატი 5 გ/10 მლ, 10 მლ-იან ამპულებში.
შენახვის პირობები
შეინახეთ მშრალ, სინათლისგან დაცულ ადგილზე, არა უმეტეს 25⁰C ტემპერატურაზე. შეინახეთ ბავშვებისთვის მიუწვდომელ ადგილზე!
ვარგისიანობის ვადა
2 წელი. არ გამოიყენოთ ვარგისიანობის ვადის გასვლის შემდეგ,
აფთიაქიდან გაცემის პირობები
ფარმაცევტული პროდუქტის ჯგუფი II, გაიცემა ფორმა N3 რეცეპტით.
მწარმოებელი:
სამკურნალო საშუალებების  ხარისხზე პრეტენზიების (წინადადებების) მიმღები ორგანიზაციის დასახელება და მისამართი

ერთობლივი საწარმო შპს "REMEDY GROUP"
უზბეკეთის რესპუბლიკა, ქ. ტაშკენტი, 100069, ალმაზარის რაიონი, იანგი ალმაზარის ქ. #51

ტელ/ფაქსი: (99871) 248 02 05

ლიცენზიის მფლობელი

Citco Chemicals Ltd

Regent House 316 Beulah Hill London SE193H, UK

ქვეყანა: არგენტინა

მწარმოებელი: ლაბორ. ბაგო ს.ა

გაცემის ფორმა: II ჯგუფი რეცეპტული

შემადგენლობა და გამოშვების ფორმა
ტაბლეტი #50 ან 250

1 ტაბლეტი შეიცავს: Chelidonium D4, nux moschata D4 - Sesabamisad 30 mg; Phosphorus D6 - 15 mg, Veratrum D6 - 60 mg; Colocynthis D6 - 90 mg, lycopodium D3, China D3 - შესაბამისად 30 მგ; Carduus marianus D2 - 15 მგ. ასევე Lactose-Monohydrat და Magnesiumstearat.

ჩვენებები
ღვიძლის ფუნქციის პირველადი და მეორადი დარღვევები, ღვიძლის სხვადასხვა დაზიანებები.

გვერდითი მოვლენები
არ გააჩნია.

უკუჩვენება
ტაბლეტები: გაძლიერებული მგრძნობელობა ქინინის პრეპარატების მიმართ.

განსაკუთრებული მითითებები
Hepeel ინიშნება, აგრეთვე მეტეორიზმის, მადის დაკარგვის და სხვა დაავადებებისას (მაგ., ეგზემები, პოლიართრიტი და სხვა), რომელთა დროს აუცილებელია ღვიძლის დეზინტოქსიკაციური ფუნქციის გააქტივება. Hepeel შეიძლება დანიშნულ იქნეს უჯრედოვან ფაზათა ყველა დაავადებისას, აგრეთვე, როგორც დამხმარე საშუალება ფერიჭამიებისას.
ქოლეცისტიტის, ქოლანგიტის და ნაღვლის სადინარების სხვა დაზიანებისას, რომელსაც თან ახლავს ღვიძლის პარენქიმის დაზიანება (ქოლესტაზი) - ნაჩვენებია Chelidonium-Homaccord- ის გამოყენება; გასტრიტისას და გასტროკარდიალური სიმპტომოკომპლექსისას ნაჩვენებია Gastricumeel და Nux vomica-Homaccord.

სხვა წამლებთან ურთიერთქმედება
აღსანიშნავ თავისებურებათა გარეშე.

შენახვის პირობები და ვადები
დაიცავით გადახურებისგან! შეინახეთ ოთახის ტემპერატურაზე, მზის სხივების პირდაპირი ზემოქმედებისაგან დაცულ მშრალ, ბავშვებისთვის მიუწვდომელ ადგილას, (ტუბი, ფლაკონი) დაიხუროს გამოყენებისთანავე

აფთიაქში გაცემის წესი
პრეპარატი გაიცემა ურეცეპტოდ

მწარმოებელი ფირმა, ქვეყანა
Biologische Heilmittel Heel GmbH
გერმანია

დიკლოფტილი
(diclofenac sodium)

საერთაშორისო დასახელება  diclofenac sodium
ათქ.კლასიფიკაციის კოდი - S01BC03

კლინიკურ-ფარმაკოლოგიური ჯგუფი 
არასტეროიდული ანთების საწინააღმდეგო საშუალებები

შემადგენლობა და გამოშვების ფორმა
თვალის წვეთები, 0.1%-იანი ხსნარი, 5მლ-იანი ფლაკონი.

ფარმაკოლოგიური თვისებები
ფარმაკოკინეტიკა

ჩვენებები
არაინფექციური წარმოშობის ანთებითი ან შესაძლო მტკივნეული მდგომარეობები, რომლებიც აზიანებს თვალის წინა სეგმენტს, განსაკუთრებით კატარაქტულ ქირურგიაში.

მიღების წესები და დოზები
სამედიცინო რეცეპტის მიხედვით.

გამოყენების ინსტრუქცია
ფლაკონი გახსენით თავსახურზე ერთდროული დაჭერით და ამოხრახნით. გამოყენების შემდეგ კონტეინერი დახურეთ თავსახურის მჭიდრო ჩახრახნით.

უკუჩვენება
მომატებული ინდივიდუალური მგრძნობელობა პრეპარატის კომპონენტებისა და ანთების საწინააღმდეგო სხვა არასტეროიდული პრეპარატების მიმართ (აცეტილსალიცილის მჟავა, ინდომეტაცინი და სხვ.).

ორსულობა და ლაქტაცია
ორსულობისა და ძუძუთი კვების დროს პრეპარატის გამოყენება საჭიროა მკაცრი სამედიცინო კონტროლის ქვეშ

განსაკუთრებული მითითებები
ბენზალკონიუმის ქლორიდის შემცველობა შეუძლებელს ხდის კონტაქტური ლინზების ხმარებასთან ერთად დიკლოფტილის გამოყენებას.
ბაქტერიული ინფექციით გამოწვეული ანთების შემთხვევაში საჭიროა სათანადო ანტიბიოტიკოთერაპია.
სხვა პრეპარატების მიღების შემთხვევაში, აბსორბციის გასაუმჯობესებლად დიკლოფტილისა და სხვა პრეპარატის მიღებას შორის საჭიროა მინიმუმ 5 წუთიანი ინტერვალი.
ჩაწვეთების მომენტში შესაძლებელია მსუბუქი წვის შეგრძნება.

ჭარბი დოზირება
ჭარბი დოზირების შემთხვევები აღწერილი არ არის.

შენახვის პირობები და ვადები
ინახება 25°C-მდე ტემპერატურაზე.
ვარგისიანობის ვადა ეხება გაუხსნელ, სწორად შენახულ პრეპარატს. პრეპარატის გამოყენება შეიძლება კონტეინერის პირველი გახსნიდან 30 დღის განმავლობაში.
ინახება ბავშვებისთვის მიუწვდომელ ადგილას

მწარმოებელი ფირმა და ქვეყანა
ფარმიგეა, იტალია

ქვეყანა: გერმანია

მწარმოებელი: ბიოლოგიშ ჰელმიტელ ჰეელი

გაცემის ფორმა: II ჯგუფი რეცეპტული

ავილაკი

ნაწლავი სმიკროფლორის წონასწორობის მარეგულირებელი საშუალება

შემადგენლობა: 2 კაფსულა შეიცავს 14 მილიარდ ცოცხალ რძემჟავა ლიოფიზირებულ ბაქტერიას: Lactobacillus acidophilus - 6 მილიარდი, Bifidobacterium longum - 2 მილიარდი, Bifidobacterium  bifidum - 2 მილიარდი, Bifidobacterium infantis - 2 მილიარდი, Lactobacillus casei - 2 მილიარდი და ფრუქტოოლიგოსაქარიდს - 300 მგ.  

ფარმაკოლოგიური თვისებები:  

• ავილაკი არის კარგად ბალანსირებული უმაღლესი ხარისხის ძლიერმოქმედი სიმბიოტიკი,  რომლის შემადგენლობაში შედის 14 მილიარდი ლაქტო და ბიფიდობაქტერიების 5 სხვადასხვა შტამი და პრებიოტიკი ფრუქტოოლიგოსაქარიდი, რომლებიც ხელს უწყობენ ნაწლავის ნორმალური ფლორის ფიზიოლოგიური წონასწორობის შენარჩუნებას და აღდგენას.
• უზრუნველყოფს საჭმლის მომნელებელი სისტემის ნორმალურ ფუნქციონირებას
• აფერხებს და ხელს უშლის ანთებითი პროცესების განვითარებას
• ამაღლებს იმუნიტეტს
• ახდენს კოლორექტალური სიმსივნის პრევენციას

ბიფიდო და ლაქტო ბაქტერიები გამოიმუშავებენ რძემჟავას და ძმარმჟავას, რითაც ქმნიან არახელსაყრელ პირობებს პათოგენური და პირობით პათოგენური  მიკროორგანიზმების  გამრავლებისათვის. მონაწილეობენ საჭმლის მონელების პროცესსა და ვიტამინების (B, PP, K, C…)  სინთეზში, ხელს უწყობენ ვიტამინების, მიკრო და მაკროელემენტების შეწოვას, არეგულირებენ ელექტროლიტურ ბალანსს,  ცილების, ფოსფოლიპიდების, ნახშირწყლების, ნაღვლისა და ცხიმოვანი მჟავების, ბილირუბინის,  ქოლესტერინის ცვლას. არეგულირებენ ნაწლავის PH  გარემოს, აუმჯობესებენ პერისტალტიკას, აძლიერებენ იმუნურ სისტემას. ფრუქტოოლიგოსაქარიდი წარმოადგენს პრებიოტიკს - ხელსაყრელ ნიადაგს პრობიოტიკების - ნაწლავის ბაქტერიების გამრავლებისათვის, იგი არ შეიწოვება კუჭ-ნაწლავის ტრაქტში და უცვლელი სახით აღწევს წვრილ  და მსხვილ ნაწლავში, ხელს უწყობს ორგანიზმიდან ტოქსინების გამოდევნას, აძლიერებს პერისტალტიკას, ამცირებს ქოლესტერინის დონეს სისხლში, ასტიმულირებს იმუნურ სისტემას.

ჩვენება:

• დისბაქტერიოზის მკურნალობა და პროფილაქტიკა
• დიარეა, გულისრევა, ღებინება, მეტეორიზმი, ყაბზობა
• კუჭ-ნაწლავის ტრაქტის დაავადებების კომპლექსური თერაპია (გასტროენტერიტი, კოლიტი, ენტერიტი, გაღიზიანებული ნაწლავის სინდრომი, ქოლეცისტიტი, გასტრიტი და სხვა.)
• ანტიბიოტიკოთერაპიის, ქიმიოთერაპიის შედეგად განვითარებული დისბაქტერიოზი
• ალერგიული დაავადებების კომპლექსური თერაპია

დოზირება:   12 წლამდე  1 კაფსულა დღეში,  12 წლის ზემოთ  2 კაფსულა დღეში

გამოშვების ფორმა:  N30 კაფსულა

შენახვის პირობები: ინახება მშრალ, გრილ ბავშვებისათვის მიუწვდომელ ადგილას

მწარმოებელი:  ამვილაბი - აშშ.

სერთიფიცირებულია აშშ-ს წამლის სააგენტოს  FDA - ს მიერ.                                                                                                                                                                                                                                     

დიკლოფენაკი-გეო

(DIKLOFENAC-GEO)

ზოგადი დახასიათება:

არაპატენტირებული საერთაშორისო დასახელება: დიკლოფენაკი;

ძირითადი ფიზიკურ-ქიმიური თვისებები:

გამჭვირვალე, უფერო ან მოყვითალო ფერის ხსნარი სუსტი სპეციფიკური სუნით.

შემადგენლობა:                                            

საინექციო ხსნარის 1 მლ შეიცავს:

დიკლოფენაკ ნატრიუმს – 25 მგ.

დამხმარე ნივთიერებები: მანიტოლი, ნატრიუმის მეტაბისულფიტი, ბენზილის სპირტი, პროპილენგლიკოლი, ნატრიუმის ჰიდროქსიდი, საინექციო წყალი. 

გამოშვების ფორმა:

საინექციო ხსნარი, 75 მგ/3 მლ.

ფარმაკოლოგიური ჯგუფი:

ანთების საწინააღმდეგო არასტეროიდული საშუალება. ათქ-კოდი: M01AB05.

ფარმაკოლოგიური თვისებები:

დიკლოფენაკ ნატრიუმი ხასიათდება მკვეთრად გამოხატული ტკივილგამაყუჩებელი, ანთების საწინააღმდეგო და სიცხის დამწევი მოქმედებით.

პრეპარატის მოქმედების მექანიზმი განპირობებულია არაქიდონის მჟავას ციკლის მთავარი ფერმენტის ციკლოოქსიგენაზას ინჰიბირებით და პროსტაგლანდინების სინთეზის დათრგუნვით, რომლებიც ძირითად როლს თამაშობენ ორგანიზმში ანთებითი პროცესების განვითარებაში. პრეპარატი ამცირებს ტკივილის შეგრძნებას, ჰიპოთალამუსში აქვეითებს თერმორეგულაციის ცენტრის მგრძნობელობას პიროგენების მოქმედების მიმართ, რომლებიც წარმოიქმნებიან ორგანიზმის მიერ ინფექციური აგენტებისა და ტოქსინების საპასუხოდ. ამის შედეგად მატულობს კანის სისხლმომარაგება, ოფლის გამოყოფა და სითბოს გაცემა.

დიკლოფენაკ ნატრიუმი ამცირებს ძლიერ და ზომიერად გამოხატულ ტკივილს. ტრავმისა და ოპერაციის შემდგომ პერიოდში იგი სწრაფად ამცირებს ტკივილს (როგორც სპონტანურს, ასევე მოძრაობით გამოწვეულს), ანთების და ჭრილობების შედეგად განვითარებულ შეშუპებას, ეფექტურად ხსნის შაკიკის შეტევითა და პირველადი დისმენორეით გამოწვეულ ტკივილს.

ფარმაკოკინეტიკა:

შეწოვა: დიკლოფენაკ ნატრიუმის პარენტერული შეყვანისას მაქსიმალური კონცენტრაცია (C_max) სისხლის პლაზმაში აღწევს 10-20 წთ-ში.

განაწილება: დიკლოფენაკ ნატრიუმის კავშირი პლაზმის ცილებთან შეადგენს 99.7%-ს (ძირითადად ალბუმინებთან). იგი აღწევს სინოვიურ სითხეში, სადაც მისი მაქსიმალური კონცენტრაცია აღინიშნება 2-4 სთ-ით უფრო გვიან, ვიდრე სისხლის პლაზმაში.

მეტაბოლიზმი: პრეპარატის აქტიური ნივთიერების 50% ღვიძლში განიცდის პირველად მეტაბოლიზმს.

ელიმინაცია: მიღებული დოზის დაახლოებით 60% გამოიყოფა მეტაბოლიტების სახით თირკმლების საშუალებით, 1%-ზე ნაკლები უცვლელი სახით ექსკრეტირდება შარდთან ერთად, ხოლო დანარჩენი – ღვიძლის მიერ მეტაბოლიტების სახით.

აქტიური ნივთიერების სისტემური კლირენსი შეადგენს დაახლოებით 263 მლ/წთ-ში.

პლაზმიდან პრეპარატის T_1/2  შეადგენს 1-2 სთ-ს, სინოვიური სითხიდან – 3-6 სთ-ს. პრეპარატი არ ხასიათდება კუმულაციის თვისებით.

ჩვენება:

• მწვავე ან ქრონიკული რევმატოიდული ართრიტი, ოსტეოართრიტი, მაანკილოზებელი

 სპონდილიტი, პოდაგრა;

• ტკივილით, ანთებითი პროცესით და შეშუპებით მიმდინარე პოსტტრავმული და

  პოსტოპერაციული პერიოდი;

• საყრდენ-მამოძრავებელი აპარატის დეგენერაციული და ქრონიკული ანთებითი

  დაავადებები (ოსტეოქონდროზი, ოსტეოართროზი, პერიართროპათიები);

• რბილი ქსოვილების და საყრდენ-მამოძრავებელი სისტემის (დაჭიმულობა, დაჟეჟილობა)

  ტრავმის შემდგომი ანთებები;

• ტკივილი ხერხემლის არეში, ნევრალგია, მიალგია, ართრალგიები;

• ტკივილით მიმდინარე გინეკოლოგიური დაავადებები;

• შაკიკით გამოწვეული ტკივილი;

• ნაღვლის ბუშტის და/ან თირკმლის კოლიკა;

• LOR – ორგანოების ინფექციურ-ანთებითი დაავადებები.

მიღების წესი და დოზირება:

დიკლოფენაკი-გეო ინიშნება ინტრამუსკულურად ან ინტრავენურად.

მკურნალობის კურსი შეადგენს 2-5 დღეს.

მწვავე ტკივილის დროს ინტრამუსკულური ინექციის დღიური დოზა შეადგენს 75 მგ-ს. საჭიროებისას (ნაღვლის ბუშტის ან თირკმლის კოლიკა) დღიური დოზა შეიძლება გაიზარდოს 150 მგ-მდე (1 ამპულა 2-ჯერ დღეში).

ინტრავენურად პრეპარატი შეჰყავთ წვეთოვნად, ინფუზიის სახით.

1 ამპულა (75 მგ) იხსნება 100-500 მლ NaCl - ის 0.9 %-იან ან დექსტროზის 5% -იან ხსნარში.

ინფუზიისთვის მომზადებული ხსნარი უნდა იყოს გამჭვირვალე.

პოსტოპერაციული ტკივილის სინდრომის მკურნალობის დროს ინტრავენურად შეჰყავთ 75 მგ 30-120 წთ-ის განმავლობაში. საჭიროებისას პრეპარატი შეჰყავთ განმეორებით, რამოდენიმე საათის შემდეგ.

დიკლოფენაკი-გეოს მაქსიმალური დღიური დოზა შეადგენს 150 მგ-ს.

პოსტოპერაციული ძლიერი ტკივილის კუპირებისათვის პრეპარატი შეჰყავთ დარტყმითი დოზით - 25-50 მგ 15-60 წთ-ის განმავლობაში. შემდეგ ინფუზია გრძელდება სიჩქარით 5 მგ/სთ, მაქსიმალური დღიური დოზის (150 მგ) მიღწევამდე.

გვერდითი მოვლენები:

საჭმლის მომნელებელი სისტემის მხრივ: გულისრევა, ღებინება, ანორექსია, ტკივილი ეპიგასტრიუმის მიდამოში, დისპეფსია, მეტეორიზმი, ყაბზობა, დიარეა, იშვიათად _ კუჭ-ნაწლავის ტრაქტის ეროზიული დაზიანება, სისხლდენები კუჭ-ნაწლავის ტრაქტიდან და პერფორაცია, სტომატიტი, გლოსიტი;

ცენტრალური და პერიფერიული ნერვული სისტემის მხრივ: თავბრუ, თავის ტკივილი, აგზნებადობა, ძილის დარღვევა, იშვიათად – პარესთეზიები, მხედველობის დარღვევა, კრუნჩხვები, ტრემორი;

სმენის ორგანოების მხრივ: ვერტიგო, შუილი ყურებში, სმენის დარღვევა;

გულ-სისხლძარღვთა სისტემის მხრივ: ტკივილი მკერდში, არტერიული ჰიპერტენზია, არტერიული ჰიპოტენზია, ვასკულიტი;

სუნთქვის ორგანოების მხრივ: ასთმა (დისპნოეს ჩათვლით), ბრონქოსპაზმი, პნევმონიტი;

შარდ-გამომყოფი სისტემის მხრივ: იშვიათად - პროტეინურია, ჰემატურია, ნეფროზული სინდრომი;

ღვიძლის მხრივ: იშვიათად - ჰეპატიტი, სიყვითლე, ტრანსამინაზების დონის მომატება, ჰეპატონეკროზი,  ღვიძლის უკმარისობა;

სისხლის სურათის მხრივ: იშვიათად - თრომბოციტოპენია, ლეიკოპენია, აგრანულოციტოზი, ანემია (ჰემოლიზური და აპლასტიური ანემიის ჩათვლით);

ადგილობრივი რეაქციები: კუნთში ინექციის დროს - ადგილობრივად წვის შეგრძნება, ტკივილი, სიმაგრე, შეშუპება;

სხვა: იშვიათად - ბრონქული ასთმა, ალერგიული რეაქციები, ანაფილაქტოიდურის ჩათვლით.

იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:

მომატებული მგრძნობელობა პრეპარატის რომელიმე კომპონენტის მიმართ; კუჭისა და 12-გოჯა ნაწლავის წყლულოვანი დაავადებები; ერითროპოეზის პროცესის დარღვევა; გულის, ღვიძლისა და თირკმლის უკმარისობა; მძიმე არტერიული ჰიპერტენზია; პორფირია (ანამნეზში); ბრონქული ასთმის შეტევები, ჭინჭრის ციება ან მწვავე რინიტი, რომლებიც გამოწვეულია აცეტილსალიცილმჟავისა ან სხვა ანთების საწინააღმდეგო არასტეროიდული საშუალებების მიღებით; 16 წლამდე ასაკი.

ურთიერთქმედება სამკურნალო საშუალებებთან და სხვა სახის ურთიერთქმედება:

დიკლოფენაკი-გეოს დიგოქსინთან და ლითიუმის პრეპარატებთან ერთდროული გამოყენებისას აღინიშნება სისხლის პლაზმაში მათი კონცენტრაციის მომატება. 

დიურეზულ საშუალებებთან ერთდროული გამოყენებისას იზრდება არასტეროიდული ანთების საწინააღმდეგო საშუალებების ნეფროტოქსიკურობის რისკი. დიკლოფენაკი-გეოს ერთდროული გამოყენება კალიუმის შემანარჩუნებელ დიურეზულ საშუალებებთან იწვევს სისხლის შრატში კალიუმის დონის მატებას.

მეტოტრექსატთან ერთდროული გამოყენებისას იზრდება ამ უკანასკნელის ტოქსიკურობა, მისი ორგანიზმიდან გამოყოფის შემცირების გამო.

სალიცილატებთან ერთად გამოყენებისას მათი ეფექტურობა მცირდება.

ციკლოსპორინთან დიკლოფენაკი-გეოს ერთდროული გამოყენებისას შესაძლებელია ციკლოსპორინის ნეფროტოქსიკურობის რისკის გაზრდა.

ანტიკოაგულანტებთან ერთდროული გამოყენებისას აუცილებელია სისხლის შედედების რეგულარული კონტროლი.

ჭარბი დოზირება:

სიმპტომები: ჰიპოტენზია, თავის ტკივილი, გულისრევა, ღებინება, თირკმლის უკმარისობა, კრუნჩხვები, სუნთქვის დათრგუნვა, კუჭისა და 12-გოჯა ნაწლავის ლორწოვანი გარსის გაღიზიანება.

მკურნალობა: საჭიროა შემანარჩუნებელი და სიმპტომური თერაპიის ჩატარება.

სპეციფიკური ანტიდოტი არ არსებობს.

ორსულობა და ლაქტაცია:

დიკლოფენაკი-გეოს გამოყენება ორსულობისა (განსაკუთრებით ორსულობის III ტრიმესტრი) და ლაქტაციის პერიოდში არ არის რეკომენდებული.

განსაკუთრებული მითითებები:

დიკლოფენაკი-გეო სიფრთხილით ინიშნება ღვიძლის და თირკმლის ფუნქციის დარღვევით გამოწვეული დაავადებების, ანამნეზში – კუჭ-ნაწლავის ტრაქტის დაავადებების, დისპეფსიური მოვლენების, ბრონქული ასთმის, არტერიული ჰიპერტონიის, გულის უკმარისობის დროს, აგრეთვე ხანდაზმულ პაციენტებში. პრეპარატის მიღების პერიოდში არ არის რეკომენდებული ალკოჰოლის მიღება, ვინაიდან მატულობს გასტრო-ინტესტინალური გართულებების, მათ შორის  წყლულის ჩამოყალიბების რისკი.

დაუშვებელია ორი არასტეროიდული ანთების საწინააღმდეგო საშუალების ერთდროული მიღება.

სიფრთხილეა საჭირო ოპერაციული ჩარევის საჭიროების შემთხვევაში, ვინაიდან დიდია სისხლდენის განვითარების რისკი.

პრეპარატის ზემოქმედება ავტოტრანსპორტისა და მექანიზმების მართვის უნარზე:

შესაძლებელია რეაქციის შენელება, რის გამოც სასურველია ავტოტრანსპორტისა და სხვა მექანიზმების მართვისაგან თავის არიდება.

შეფუთვა:

3 მლ საინექციო ხსნარი ნარინჯისფერ, გამჭვირვალე მინის ამპულაში, 5 ამპულა მუყაოს კოლოფში.

შენახვის პირობები:

ინახება არა უმეტეს 25ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას. დაუშვებელია საინექციო ხსნარის გაყინვა.

ვარგისობის ვადა:

3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

აფთიაქიდან გაცემის პირობა:

ფარმაცევტული პროდუქტის ჯგუფი III - გაიცემა რეცეპტის გარეშე.

მწარმოებელი:

შპს “ავერსი-რაციონალი” (საქართველო).

მისამართი:

საქართველო 0198, თბილისი,

ჭირნახულის ქ. 14.

www.aversi.ge

კომპანია „ავერსი“ 1994 წლის 14 ნოემბერს დაარსდა. დამფუძნებლის ინიციატივით, მის სახელწოდებად იმთავითვე იქნა შერჩეული ლათინური სიტყვა, რომლის მნიშვნელობაც ყველაზე უკეთ შეესატყვისებოდა კომპანიის განვითარების პრინციპს - უწყვეტ და თანაბარზომიერ განვითარებას, სპირალურ წინსვლას.

იხილეთ ვრცლად

დიკლოფენაკი 100მგ ტაბლეტი
(Diclofenac Sodium)

სავაჭრო დასახელება: დიკლოფენაკი
საერთაშორისო არაპატენტირებული დასახელება: დიკლოფენაკი
სამკურნალწამლო ფორმა:
ნაწლავში ხსნადი გარსით დაფარული ტაბლეტები 50მგ;
გარსით დაფარული პროლონგირებული მოქმედების, ტაბლეტები 100მგ.

შემადგენლობა
ნაწლავში ხსნადი გარსით დაფარული 1 ტაბლეტი შეიცავს აქტიური ნივთიერება: ნატრიუმის დიკლოფენაკი 50,0მგ, დამხმარე ნივთიერებები: ლაქტოზის მონოჰიდრატი, სიმინდის სახმებელი, პოვიდონი K 30, ნატრიუმის ლაურილსულფატი, ნატრიუმის სახამებელგლიკოლატი, სილიციუმის კოლოიდური უწყლო დიოქსიდი, მაგნიუმის სტეარატი, ეუდრაგიტი L 100-55, მაკროგოლი 6000, ტალკი, ტიტანის დიოქსიდი, საღებავი FCD Yellow No6 lak.
 
პროლონგირებული მოქმედების 1 გარსით დაფარული ტაბლეტი შეიცავს: აქტიური ნივთიერება: ნატრიუმის დიკლოფენაკი 100,0მგ დამხმარე ნივთიერებები: საქაროზა, ცეტილის სპირიტი, სილიციუმის კოლოიდური უწყლო დიოქსიდი, ტალკი, პოვიდონი K 25, მაგნიუმის სტეარატი, ჰიპრომელოზა, ტიტანის დიოქსიდი, პოლისორბატი 80, მაკროგოლი 6000, საღებავი Cochenillerotlack, Braunlack, FDC YellowN06 Al.lak.

აღწერა
ტაბლეტები, ნაწლავში ხსნადი გარსით დაფარული 50მგ-მრგვალი ორმხრივამოზნექილი, ნაწლავში ხსნადი ფორთოხლისფერი გარსით დაფარული,  განატეხზე თეთრი-თითქმის თეთრი ფერის ტაბლეტები.
პროლონგირებული მოქმედების, გარსით დაფარული ტაბლეტები 100მგ - მრგვალი ორმხრივამოზნექილი ტაბლეტები, ვარსიფერი გარსით დაფარული, განატეხზე თეთრი-თითქმის თეთრი ფერის.

ფარმაკოთერაპიული ჯგუფი: ანთების საწინააღმდეგო არასტეროიოდული საშუალება.
ათქ კოდი: M01AB05.

ფარმაკოლოგიური მოქმედება
დიკლოფენაკს აქვს ანთების საწინააღმდეგო, ტკივილგამაყუჩებელი, ანტიაგრეგანტული და სიცხის დამწევი მოქმედება. არაშერჩევითად თრგუნავს ციკლოოქსიგენაზას 1-ს და ციკლოოქსიგენაზა 2-ს, ამცირებს პროსტაგლანდინების რაოდენობას ანთების უბანში. რევმატული დაავადებებისას დიკლოფენაკის ანთების საწინააღმდეგო და ტკივილგამაყუჩებელი მოქმედება იწვევს ტკივილის, დილის შებოჭილობის, სახსრების შესიების შემცირებას, რაც აუმჯობესებს სახსრის ფუნქციურ მდგომარეოაბას.  ტრავმებისას, პოსტოპერაციულ პერიოდში, დიკლოფენაკი ამცირებს ტკივილის შეგრძნებებს და ანთებით შეშუპებას.

ფარმაკოკინეტიკა
აბსორბცია-სწრაფი და სრული, საკვები ამცირებს აბსორბციის სიჩქარეს 1-4 საათით და აქვეითეს მაქსიმალურ კონცენტრაციას (Cmax) 40%-ით. 50მგ-ს პერორალურად მიღების შემდეგ Cmax-1.4 მკგ.მლ მიიღწევა 2-3 საათში. პლაზმაში კონცენტრაცია ხაზობრივ დამოკიდებულებაშია შეყვანილი დოზის რაოდენობასთან.
100მგ ტაბლეტების პერორალური მიღების შემდეგ Cmax-0.5მკგ/მლ მიიღეწევა 4 საათში. დიკლოფენაკის ფარმოკოკინეტიკის ცვლილება მრავალჯერადი შეყვანის ფონზე არ აღინიშნება, არ კუმულირდება.
ბიომისაწვდომლობა - 50%. პლაზმის ცილებთან კავშირი - 99%-ზე მეტი (უმეტესი ნაწილი უკავშირდება ალბუმინებს). აღწევს სინოვიურ სითხეში; მაქსიმალური კონცენტრაცია სინოვიურ სითხეში აღინიშნება 2-4 საათით გვიან, ვიდრე პლაზმაში. სინოვიური სითხიდან ნახევარგამოყოფის პერიოდი 3-6 საათი (სინოვიურ სითხეში აქტიური ნივთიერების კონცენტრცია  პრეაპრატის შეყვანიდან 4-6 საათში უფრო მაღალია, ვიდრე პლაზმაში და რჩება უფრო მაღალი კიდევ 12 საათის განმვავლობაში. სინოვიურ სითხეში ურთიერთკავშირი პრეაპარატის კონცენტრაციასა და მის კლინიკურ ეფექტურობას შორის  გარკვეული არ არის.
მეტაბოლიზმი: აქტიური ნივთიერების 50% ექვემდებარება მეტაბოლიზმს ღვიძლში “პირველი გავლის”. მეტაბოლიზმი ხდება მრავალჯერადი ან ერთჯერადი ჰიდრპქსილირების და კონიუგირებისას გლუკურონის მჟავასთან. პრეპარტის მეტაბოლიზმში მონაცილეობს ფერმენტ P450 CYP2C9 სისტემა.
მეტაბოლიტების ფარმაკოლოგიური აქტივობა უფროდ დაბალია, ვიდრე დიკოფენაკისა.
სისტემური კლირენსი შეადგენს 350მლ/წთ-ს, განაწილების მოცულობა-550მლ/კგ. პლაზმიდან ნახევარგამყოფის პერიოდი-2 საათი. შეყვანილი დოზის 65% გამოიყოფა მეტაბოლიტების სახით ნაღველთან ერთად.
თირკმლის გამოხატული უკმარისობის მქონე პაციენტებში (კრეატინინის კლირენსი 10მლ/წთ-ზე ნაკლები) იზრდება მეტაბოლიტების ნაღველთან ერთად გამოყოფა, ამასთან ერთად სისხლში მათი კონცენტრაციის მომატება არ აღინიშნება.
ქრონიკული ჰეპატიტით ან ღვიძლის კომპენსაციური ციროზით დაავადებულებში დიკლოფენაკის ფარმაკოლოგიური პარამეტრები არ იცვლება.
დიკლოფენაკი აღწევს რძეში.

მიღების ჩვენება
საყრდენ-მამოძრავებელი აპარტის დაავადებები (რევმატოიდული ართრიტი, ფსორიაზული, იუვენილური ქრონიკული ართრიტი, მაანკილოზებელი სპონდილოართრიტი, პოდაგრული ართრიტი, რბილი ქსოვილების რევმატული დაზიანება, პერიფერიული სახსრებისა და ხერხემლის ოსტეოართროზი მათ შორის რადიკულარული სინდრომით, ტენდოვაგინიტი, ბურსიტი).
სუსტი ან ზომიერი გამოხატულების ტკივილის სინდრომი:  ნევრალგია, მიალგია, ლუმბოიშიალგია, პოსტტრავმული ტკივილის სინდრომი, თანმხლები ანთებით, ოპერაციისშემდგომი ტკივილები, თავის ტკივილი, შაკიკი, ალგოდისმენორეა, ადნექსიტი, პროქტიტი, კბილის ტკივილი.
კლომპლექსური თერაპიის შემადგენლობაში ყურის, ყელის, ცხვირის ინფექციურ-ანთებითი დაავადებებისას გამოხატული ტკივილის სინდრომით (ფარინგიტი, ტონზილიტი, ოტიტი).
ცხელების სინდრომი.

უკუჩვენება
მომატებული მგრძნობელობა (მათ შორის ასაპ-ის მიმართ), კუჭ-ნაწლავის ტრაქტის ეროზიულ-წყლულოვანი დაზიანებები (გმწვავების ფაზაში), სისხლდენები კუჭ-ნაწლავის ტრაქტიდან, “ასპირინული” ასთმა, სისხლწამოქმნის დარღვევა, ჰემოსტაზის დარღვევა (მათ შორის ჰემოფილია), ორსულობა, ლაქტაციის პერიოდი, ბავშვთა ასაკი 12 წლამდე - 50 მგ-იანი ტაბლეტებისთვის, ბავშვთა ასაკი 18 წლამდე - 100მგ-იანი ტაბლეტებისთვის.

სიფრთხილით
ანემია, ბრონქული ასთმა, გულის შეგუბებითი უკმარისობა, არტერიული ჰიპერტენზია, შეშუპების სინდრომი, ღვიძლის ან თირკმელების უკმარისობა, ალკოჰოლიზმი, ნაწლავის ანთებით დაავადებები, კუჭ-ნაწლავის ტრაქტის ეროზიულ-წყლულოვანი დაზიანებები გაუმწვავებელ ფაზაში, შაქრიანი დიაბეტი, მდგომარეობა დიდი ქირურგიული ჩარევების შემდეგ, ინდუცირებული პორფირია, ხანდაზმული ასაკი, დივერტიკულიტი, შემაერთებელი ქსოვილის სისტემური დაავადებები.
 
გამოყენების მეთოდი და დოზები
ტაბლეტები 50მგ. შიგნით, დაღეჭვის გარეშე, ჭამის დროს ან ჭამის შემდეგ, მცირე რაოდენობა წლის დაყოლებით. მოზრდიელბსა და 12 წლამდე მოზარდებში - 50მგ 2-3-ჯერ დღეში. ოპტიმალური თერაპიული ეფექტის მიღწევისას დოზას თანდათან ამცირებენ და გადადიან დამხმარე თერაპიაზე დოზით 50მგ დღეში. მაქსიმალური დღიური დოზა - 150 მგ. ბავშვებისთვის დღიური დოზა 2მგ/კგ-მდე, გაყოფილი 2-3 მიღებაზე. იუვენილური რევმატოიდული ართრიტისას დღიური დოზა შეიძლება გაიზაროს 3მგ/კგ-მდე (არაუმეტეს 150მგ/დღეში).
ტაბლეტები 100მგ. 1 ტაბლეტი  ერთხელ. პრეპარატის დამატებითი მიღების აუცილებლობის შემთხვევაში გამოიყენება 50მგ-იანი ტაბლეტები.

გვერდითი ეფექტები
კუჭ-ნაწლავის ტრაქტი:
1%-ზე ხშირად - აბდომინური ტკივილები, მუცლის შებერვის შეგრძნება, დიარეა, გულისრევა, შეკრუულობა, მეტეორიზმი, ღვიძლის ფერმენტების მომატებული აქტივობა, პეპტიური წყლული შესაძლო გართულებებით (სისხლდენა, პერფორაცია), კუჭ-ნაწლავიდან სისხლდენა.
1%-ზე იშვიათად - ღებინება, სიყვითლე, მელენა, განავალში სისხლი, საყლაპავის დაზიანება, აფტოზური სტომატიტი, ლორწოვანი გარსების სიმშრალე (მათ შორის პირის), ჰეპატიტის (შესაძლებელია ელვისებური მიმდინარეობა), ღვიძლის ნეკროზი, ციროზი, ჰეპატორენალური სინდრომი, მადის ცვლილება, პანკრეატიტი, ქოლეცისტოპანკრეატიტი, კოლიტი.
ნერვული სისტემა:
1%-ზე ხშირად - თავის ტკივილი, თავბრუსხვევა;
1%-ზე იშვიათად - ძილის დარღვევა, ძილიანობა, დეპრესია, გაღიზიანება, ასეპტიური მენინგიტი (უფრო ხშირად სისტემური წითელი მგლურას და შემაერთებელი ქსოვილის სხვა სისტემური დაავადების მქონე პაციენტებში), კრუნჩხვები, სართო სისუსტე, დეზორიენტაცია, კოშმარული სიზმრები, შიშის შეგრძნება.
გრძნობათა ორგანოები:
1%-ზე ხშირად - ხმაური ყურებში;
1%-ზე იშვიათად - მხედველობის სიმკვეთრის დაქვეითება, დიპლოპია, გემოვნების დარღვევა, სმენის შექცევადი ან შეუქცევადი დაქვეითება, სკოტომა.
კანის საფარი:
1%-ზე ხშირად - კანის ქავილი, კანის გამონაყარი;
1%-ზე იშვიათად - ალოპეცია, ჭინჭრის ციება, ეკზემა, ტოქსიური დერმატიტი, პოლიმორფული ექსუდაციური ერითემა (მათ შორის სტივენს-ჯონსონის სინდრომი), ტოქსიკური ეპიდერმული ნეკროლიზი (ლაიელის სინდრომი), მომატებული ფოტომგრძნობელობა, წვრილწერტილოვანი სისხლჩაქცევები.
შარდ-სასქესო სისტემა:
1%-ზე ხშირად - სითხის შეკავება;
1%-ზე იშვიათად - ნეფროტოქსიკური სინდრომი, პროტეინურია, ოლიგურია, ჰემატურია, ინტერსტიციური ნეფრიტი, პაპილარული ნეკროზი, თირკმლის მწვავე უკმარისობა, აზოტემია.
სისხლმბადი ორგანოები და იმუნური სისტემა:
1%-ზე ხშირად - ანემია, (მათ შორის ჰემოლიზური და აპლაზიური ანემიები), ლეიკოპენია, თრომბოციტოპენია, ეოზინოფილია, აგრანულოციტოზი, თრომბოციტოპენიური პურპურა, ინფექციური პროცესების მიმდინარეობის გაუარესება (მათ შორის ნეკროზული ფასციიტი).
სასუნთქი სისტემა:
1%-ზე იშვიათად - ხველა, ბრონქოსპაზმი, ხორხის შეშუპება, პნევმონიტი.
გულ-სისხლძარღვთა სისტემა:
1%-ზე იშვიათად - არტერიული წნევის მომატება; გულის შეგუბებითი უკმარისობა, ექსტრასისტოლია, ტკივილი გულმკერდის მიდამოში.
ალერგიული რეაქციები:
1%-ზე იშვიათად - ანაფილაქსიური რეაქციები, ანაფილაქსიური შოკი (ჩვეულებრივ ვითარდება მიზნობრივად), ტუჩების და ენის შეშუპება, ალერგიული ვასკულიტი.

ჭარბი დოზირება
სიმპტომები: ღებინება, თავბრუსხვევა, თავის ტკივილი, ქოშინი, ცნობიერების დაბინდვა, ბავშვები - მიოკლონური კრუნჩხვები, გულისრევა, აბდომინური ტკივილი, სისლდენა, ღვიძლისა და თირკმლის ფუნქციების დარღვევა.
მკურნალობა: კუჭის ამორეცხვა, აქტივირებული ნახშირის შეყვანა, სიმპტომური თერაპია, დიურეზის ფორსირება.
ჰემოდიალიზი ნაკლებეფექტურია.

ურთიერთქმედება სხვა სამკურნალო საშუალებებთან
ზრდის პლაზმაში დიგოქსინის, მეტოტრექსატის, ლითიუმის პრეპარატებისა და ციკლოსპორინების კონცენტრაციას.
აქვეითებს დიურეტიკების ეფექტს, კალიუმის შემნახველი დიურეზულების ფონზე ზრდის ჰიპერკალიემიის რისკს; ანტიკოაგულანტების, თორმბოლიზური საშუალებების (ალტეპლაზა, სტრეპტოკინაზა, უროკინაზა) ფონზე ზრდის სისხლდენების რისკს (უხშირესად კუჭ-ნაწლავის ტრაქტიდან).
ამცირებს ჰიპოტენზიური და საძილე საშუალებების ეფექტს.
ზრდის სხვა არასტეროიდული ანთების საწინააღმდეგო პრეპარატებისა და გლუკოკორტიკოსტეროიდული საშუალებების გვერდითი ეფექტების განვითარების შესაძლებობას   (სისხლდენები კუჭ-ნაწლავის ტრაქტში),
მეთოტრექსატის ტოქსიკურობასა და ციკლოსპორინების ნეფროტოქსიკურობას.
აცეტილსალიცილის მჟავა აქვეითებს სისხლში დიკლოფენაკის დონეს.
პარაცეტამოლთან ერთდროული გამოყენება ზრდის დიკლოფენაკის ნეფროტოქსიკურობის ეფექტს.
აქვეითებს ჰიპოგლიკემიური საშუალების ეფექტს.
ცეფამანდოლი, ცეფოპერაზონი, ცეფოტეტანი, ვალპროის მჟავა და პლიკამიცინი ზრდიან ჰიპოპროთრომბინემის სიხშირეს.
ციკლოსპორინი და ოქროს პერპარატები ზრდიან დიკლოფენაკის გავლენას თირკმელებში პროსტაგლანდინების სინთეზზე, რაც ზრდის ნეფროტოქსიურობას.
ეთანოლთან, კოლხიცინთან, კორტიკოტროპინთან და კრაზანას პრეპარატებთან ერთდროული დანიშვნა ზრდის კუჭ-ნაწლავის ტრაქტში სისხლდენების განვითარების რისკს.
დიკლოფენაკი ზრდის ფოტოსენსიბილიზაციის გამზრდელი პრეპარატების მოქმედებას.
მილაკოვანი სეკრეციის მაბლოკირებელი პრეპარატები, ზრდიან პლაზმაში დიკლოფენაკის კონცენტრაციას, ამგვარად კი მის ტოქსიკურობასაც.

განსაკუთრებული მითითებები
პრეპარატით მკურნალობის პერიოდში საჭიროა პერიფერიული სისხლის სურათის, ღვიძლის ფუნქციების, თირკმელების სისტემატური კონტროლი, განავლის გამოკვლევა სისხლის არსებობაზე.
პაციენტებში, რომლებიც პრეპარატს იღებენ აუცილებელია მომატებული ყურადღების, სწრაფი ფსიქიური და მამოძრავებელი რეაქციების მომთხოვნი მოქმედებებისგან  და ალკოჰოლის მოხმარებისგან თავის შეკავება.

გამოშვების ფორმა
ნაწლავში ხსნადი გარსით დაფარული ტაბლეტები 50მგ ან პროლონგირებული მოქმედების, გარსით დაფარული ტაბლეტები 100მგ.
10 ტაბლეტი ბლისტერში. 2 ბლისტერი გამოყენების ინსტრუქციასთან ერთად მუყაოს კოლოფში.

შენახვის პირობები: სია ბ.
ინახება 15-25°C ტემპერატურაზე, სინათლისგან და ნესტისგან დაცულ, ბავშვებისთვის მიუწვდომელ ადგილას.

ვარგისობის ვადა
ნაწლავში ხსნადი გარსით დაფარული ტაბლეტები - 3 წელი.
გარსით დაფარული, პროლონგირებული მოქმედების ტაბლეტები - 4 წელი.
არ შეიძლება გამოყენება შეფუთვაზე მითითებული ვადის გასვლის შემდეგ.

აფთიაქიდან გაცემის პირობები
რეცეპტით.

მწარმოებელი:
ჰეროფარმ ა.დ სერბეთი
26300 ქ. ვრაშცი, ბეოგრადსკის გზა ბბ, სერბეთი
ტელ.: 13/803100, ფაქსი: 13/803424
წარმომადგენლობა რუსეთის ფედერაციაში:
129272, ქ.მოსკოვი, ტრიფონოსვკის ქუჩა, სახლი 45ბ. ტელ. (495) 221-70-40, ფაქსი: 221-70-46.

ნუქს ვომიკა-ჰომაკორდი / NUX VOMICA-HOMACCORD®

• საერთაშორისო დასახელება (აქტიური ნივთიერება): comb. drug
• კლინიკურ-ფარმაკოლოგიური ჯგუფი: ჰომეოპათიური საშუალებები
• მწარმოებელი კომპანია: Heel
• მწარმოებელი ქვეყანა: გერმანია
• გამოშვების ფორმა: 100მლ. ფლაკონში
• გაცემის რეჟიმი:

შემადგენლობა

100 მლ ხსნარი შეიცავს: Nux vomica D2, Nux vomica D10, Nux vomica D15, Nux vomica D30, Nux vomica D200, Nux vomica D1000, Bryonia D2, Bryonia D6 Bryonia D10, Bryonia D15, Bryonia D30, Bryonia D200, Bryonia D1000 0,2-0,2 მლ; Lycopodium D3, Lycopodium D10, Lycopodium D30, Lycopodium D200, Lycopodium D1000, Colocinthis D3, Colocinthis D10, Colocinthis D30, Colocinthis D200 0,3 მლ თითოეული. Spiritus 35 vol %.

კუჭ-ნაწლავის ტრაქტის და ღვიძლის ფუნქციური დაზიანება, მეტეორიზმი; ალკოჰოლის, ყავის და ნიკოტინის ჭარბი რაოდენობით მიღების შემდგომი დარღვევები; აგრეთვე სპასტიური გაუვალობ, ენტეროსპაზმი, წყლულოვანი კოლიტი და დივერტიკულიტი, ბუასილი, ანალური ხვრელის ნახეთქები და ეგზემები.

დოზირება: ჩვეულებრივ 10 წვეთი 3-ჯერ დღეში.
გამოყენების წესი: ჭამამდე ნახევარი საათით ადრე ენაზე (ან ენის ქვეშ) დაწვეთებით წყლის მიყოლების გარეშე. შეიძლება მცირეოდენ წყალში გახსნილის ლუპებად დალევა. 
დამატებითი ინფორმაცია: პრეპარატი ინიშნება ყველა იმ შემთხვევაში, როდესაც საჭიროა ღვიძლისა და კუჭნაწლავთა ფუნქციის გააქტივება, რათა ხელი შეეწყოს ორგანიზმიდან ჰომოტოქსინების გამოდევნას.

არ არის გამოვლენილი.

არ არის დადგენილი.

არ არის შესწავლილი.

შენახვის პირობები: დაიცავით გადახურებისგან! შეინახეთ ოთახის ტემპერატურაზე, მზის სხივების პირდაპირი ზემოქმედებისგან დაცულ მშრალ, ბავშვებისთვის მიუწვდომელ ადგილას. ფლაკონი დაიხუროს გამოყენებისთანავე.
ვარგისიანობის ვადა: 5 წელი.

გაიცემა რეცეპტით.