საერთაშორისო დასახელება:

DEXPANTHENOL

მწარმოებელი: ANKEPHARM GROUP CHAUVIN

მოქმედი ნივთიერება: დექსაპანთენოლი

კლინიკურ-ფარმაკოლოგიური ჯგუფი:

რეგენერაციის სტიმულატორი

შემადგენლობა და გამოშვების ფორმა:

აეროზოლი ადგილობრივი გამოყენებისათვის:

ფლაკონში 130 გ

100 მგ

დექსაპანთენოლი ……….    4.63 გ

ფარმაკოლოგიური თვისებები

ახასიათებს ანთების საწინააღმდეგო, დერმატოპროტექტორული, რეგენერაციის მასტიმულირებელი მოქმედება.

ავსებს პანტოთენ მჟავის დეფიციტს. დექსპანთენოლი გარდაიქმნება ორგანიზმში აქტიურ მეტაბოლიტად – პანტოთენის მჟავად, რომელსაც დიდი როლი ენიჭება ნივთიერებათა ცვლის პროცესში: ცილების, ნახშირწყლების, ლიპიდებისა და ფოსფოლიპიდების მეტაბოლიზმში. უზრუნველყოფს კორტიკოსტეროიდების წარმოქმნას, ახდენს ქოლინის აცეტილირებას. მონაწილეობს ეპითელიუმის და ლორწოვანი გარსების აღდგენა-რეგენერაციაში, ადგილობრივად ასტიმულირებს ფიბრობლასტებს, კოლაგენისა (ზრდის მდგრადობას) და ელასტინის ბოჭკოების წარმოქმნას, აჩქარებს მიტოზს.

ჩვენებები:

• კანის სიმშრალე.
• დამწვრობა,ნაწოლები
• ტროფიკული წყლული,ჰერპესი
• ნახეთქები(ანალური),
• დერმატიტი, ალერგიული დერმატოზი.
• კანის ცუდად მიხორცებადი ტრანსპლანტანტები.
• კანის სხივური დაზიანება,ასევე იცავს კანს მზისა და ულტრა იისფერი სხივებისაგან
• პოსტ-ოპერაციული ჭრილობები და შრამები.
• აბსცესები, ფურუნკულოზი.
• ლაქტაციის პერიოდში ძუძუს დვრილების ნახეთქებისა და სხვა ანთებითი პროცესებისას.

მიღების წესი და დოზირება:

გარეგანი მოხმარების დროს პანთენოლი გამოყენებულ უნდა იქნას დაზიანებულ ან ანთებითი პროცესის მქონე კანის მონაკვეთზე, ორჯერ ან რამოდენიმეჯერ დღე- ღამის განმავლობაში.

ხმარების წინ ბალონს შეანჟღრევან და 10–20სმ დაშორებიდან დაზიანებულ ზედაპირს მოასხურებენ,ისე, რომ მთელი დაზიანებული ზედაპირი დაიფაროს.

მკურნალობა და პროფილაქტიკა:

ახალშობილებში გამოიყენება საფენებისაგან მიღებული კანის ჩახურვის(გამოწვა) სამკურნალოდ და პროფილაქტიკისათვის

გვერდითი მოვლენები:

იშვიათ შემთხვევებში კანის ალერგიული რექცია

უკუჩვენებები:

ჰიპერმგძნობელობა.

ორსულობა და ლაქტაცია:

პანთენოლი გამოიყენება ორსულობისა და ძუძუთი კვების დროს.

საერთაშორისო დასახელება:

MULTIENZYMES

მწარმოებელი: KRKA, სლოვენია

მოქმედი ნივთიერება: ლიპაზა+ამილაზა+პროთეაზა

კლინიკურ-ფარმაკოლოგიური ჯგუფი:

საჭმლის მომნელებელი ფერმენტული საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 10 და 30 ც.

1 ტაბ.

ღორის პანკრეატინი ენზიმური აქტივობით:

ლიპაზა …….  20000 სე

ამილაზა ……..12000 სე

პროთეაზა …….900 სე

დამხმარე ნივთიერებები:

ლაქტოზას მონოჰიდრატი, მიკროკრისტალური ცელულოზა, კროსპოვიდონი, კაჟბადის კოლიდური ორჟანგი, მაგნიუმის სტეარატი, ჰიპრომელოზა, ტიტანის დიოქსიდი(E171), ტალკი, არომატული ნივთიერებები ვანილინი და ბერჰამოტი, მაკროგოლი 6000, ნატრიუმის კარმელოზა და სხვა.

ფარმაკოლოგიური თვისებები:

პრეპარატი აკომპენსირებს კუჭქვეშა ჯირკვლის ფუნქციის გარესეკრეციულ უკმარისობას. პანკრეატინის შემადგენლობაში შემავალი ფერმენტები ლიპაზა, ამილაზა და პროთეაზა აადვილებენ ცხიმების, ნახშირწყლების და ცილების გადამუშავებას, რაც ხელს უწყობს მათ უფრო სრულ შეწოვას წვრილ ნაწლავში.

ჩვენებები:

• კუჭქვეშა ჯირკვლის გარესეკრეციული ფუნქციის უკმარისობა (ქრონიკული პანკრეატიტი, მუკოვისციდოზი, და სხვა);
• კუჭის, ნაწლავის, ღვიძლის, ნაღვლის ბუშტის ქრონიკული ანთებითი-დისტროფიული დაავადებები. ამ ორგანოების რეზექციის ან დასხივების შემდგომი მდგომარეობები, რომლებსაც ახლავს საჭმლის მონელების დარღვევები, მეტეორიზმი, დიარეა (კომბინირებული თერაპია);
• საჭმლის მონელების გასაუმჯობესებლად პაციენტებში კუჭ-ნაწლავის ნორმალური ფუნქციით, მაგრამ არაწესიერი კვების რეჟიმით;
• მომზადება მუცლის ღრუს ორგანოების რენტგენოლოგიური და ულტრაბგერითი გამოკვლევისათვის.

მიღები წესი და დოზირება:

დოზა განისაზღვრება ინდივიდუალურად საჭმლის მონელების დარღვევის ხარისხის მიხედვით.

მოზრდილებში (სხვა დანიშნულების არარსებობის შემთხვევაში) – 1 ტაბლეტი ჭამის დროს. ტაბლეტები მიიღება დაუღეჭავად საკმარისი რაოდენობით სითხესთან ერთად.

ბავშვებში პრეპარატი გამოიყენება ექიმის დანიშნულებით.

მკურნალობის ხანგრძლივობა შეიძლება მერყეობდეს ერთჯერადი მიღებიდან ან რამდენიმე დღიდან (არასრულყოფილი დიეტის შედეგად საჭმლის მონელების პროცესის დარღვევები) რამდენიმე თვემდე ან წლამდე (მუდმივი ჩანაცვლებითი თერაპიის აუცილებლობისას).

ჰიდროსორბენტის კაფსულის, ჩაყლაპვა არ შეიძლება!

გვერდითი მოვლენები:

ალერგიული რეაქციები: იშვიათად – დიარეა.

დიდი დოზებით ხანგრძლივი გამოყენებისას შესაძლებელია ჰიპერურიკოზურიის განვითარება.

სისხლის პლაზმაში შარდმჟავას დონის მომატება.

მუკოვისციდოზის დროს პანკრეატინის საჭირო დოზის გადაჭარბების შემთხვევაში შესაძლებელია სტრიქტურების (ფიბროზული კონოლოპათიის) განვითარება ილეოცეკალურ ნაწილში და ბადურა ნაწლავში.

უკუჩვენებები:

* ჰიპერმგრძნობელობა პრეპარატის კომპონენტების ან ღორის ხორცის მიმართ;

* მწვავე პანკრეატიტი, ქრონიკული პანკრეატიტის გამწვავება;

* პრეპარატის დანიშვნა არ შეიძლება 15 წლამდე ასაკის ბავშვებში, რომლებსაც აწუხებთ მუკოვისციდოზი.

ორსულობა და ლაქტაცია:

ორსულობისა და ლაქტაციის პერიოდში პანკრეატინის გამოყენების უსაფრთხოება დადგენილი არ არის.

განსაკუთრებული მითითებები:

მუკოვისციდოზის დროს დოზა უნდა იყოს იმ ფერმენტების რაოდენობის ადეკვატური, რომელიც საჭიროა ცხიმების შეწოვისათვის მიღებული საკვების ხარისხისა და რაოდენობის გათვალისწინებით.

ჭარბი დოზირება:

სიმპტომები: ჰიპერურიკოზურია, ჰიპერურიკემია. ბავშვებში – ყაბზობა.

მკურნალობა: პრეპარატის მოხსნა, სიმპტომური თერაპია.

სხვა წამლებთან ურთიერთქმედება:

– პანკრეატინთან ერთად გამოყენებისას შესაძლებელია რკინისა და ფოლის მჟავას პრეპარატების შეწოვის  შემცირება.

– H₂-ჰისტამინური რეცეპტორების ბლოკატორებთან, პროტონური ტუმბოს ინჰიბიტორებთან ან ანტაციდურ საშუალებებთან კომბინირებისას შეიძლება მოხდეს პანკრეატინის ეფექტურობის დაქვეითება.

შენახვის პირობები:

პრეპარატი ინახება არა უმეტეს 25⁰C ტემპერატურაზე, მშრალ, ბავშვებისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

POTASSIUM & MAGNESIUM ASPARTATE

მწარმოებელი: GEDEON RICHTER

მოქმედი ნივთიერება: კალიუმის ასპარტატი+მაგნიუმის ასპარტატი

კლინიკურ-ფარმაკოლოგიური ჯგუფი:

ჰიპოკალიემიის საკორექციო საშუალება.

შემადგენლობა და გამოშვების ფორმა:

შემოგარსული ტაბლეტები: შეფუთვაში 50 ც.

1 ტაბ.

კალიუმის ასპარტატი …..   158 მგ

მაგნიუმის ასპარტატი …..  140 მგ

საინექციო ხსნარი: ამპულაში 10 მლ, შეფუთვაში 5 ც.

1 ამპ.

კალიუმის ასპარტატი ……. 452 მგ

მაგნიუმის ასპარტატი …… 400 მგ

ფარმაკოლოგიური თვისებები:

პრეპარატი აუმჯობესებს მიოკარდში ნივთიერებათა ცვლას. კალიუმის და მაგნიუმის იონების დეფიციტისას აკორეგირებს გულის კუნთის უჯრედებში მათ ბალანსს, ზრდის სათითურას პრეპარატების მიმართ ტოლერანტობას, გააჩნია ანტიარითმიული ეფექტი.

ჩვენებები:

• სტენოკარდია;
• მიოკარდიუმის ინფარქტი და მისი შემდგომი მდგომარეობა;
• არითმია, გამოწვეული საგულე გლიკოზიდებით;
• გლიკოზიდური ინტოქსიკაცია;
• გულის რითმის დარღვევა: ტაქიარითმია, პარკუჭოვანი ექსტრასისტოლია.

მიღების წესი და დოზირება:

კორონარული სისხლმიმოქცევის დარღვევის დროს ყოველდღიურად 2-2 ტაბლეტი 3-ჯერ დღეში ან 1-2 ამპულა 1-2-ჯერ დღეში.

განზავებული 5% გლუკოზის ხსნარის 50-100 მლ-ში, ნელა, ინტრავენურად ან წვეთოვანის სახით.

პროფილაქტიკის მიზნით და შემანარჩუნებელი დოზის სახით – 1 ტაბლეტი 3-ჯერ დღეში.

მიოკარდიუმის ინფარქტის დროს 2 ამპულა დღეში (ერთი დილას, ერთი საღამოს) განზავებული 5% გლუკოზის ხსნარის 50-100 მლ-ში.

უკუჩვენებები:

* თირკმელების მწვავე და ქრონიკული უკმარისობა.

სხვა წამლებთან ურთიერთქმედება:

დასაშვებია პანანგინის კომბინირება სტროფანტინთან ან სათითურას პრეპარატებთან.

შენახვის პირობები:

პრეპარატი ინახება ოთახის ტემპერატურაზე, სინათლისა და ბავშვებისაგან დაცულ ადგილას.

ვარგისიანობის ვადა: ტაბლეტები – 5 წელი; საინექციო ხსნარი – 3 წელი.

საერთაშორისო არაპატენტირებული სახელწოდება:

პარაცეტამოლი

მწარმოებელი: ირლანდია “შპს გლაქსოსმითკლაინ (დანგარვანი)”.

ფარმაკოთერაპიული ჯგუფი:

ანალგეზიური არანარკოტიკული საშუალება.

შემადგენლობა და გამოშების ფორმა:

შემოგარსული ტაბლეტები

ყოველი ტაბლეტი 500 მგ პარაცეტამოლს შეიცავს.

დამხმარე ნივთიერებები: პრეჟელატინირებული სახამებელი, სიმინდის სახემებელი, პოვიდონი, კალიუმის სორბატი, ტალკი, სტეარინის მჟავა, წყალი, ჰიდროქსიპროპილმეთილცელულოზა, ტრიაცეტინი.

აღწერილობა: კაფსულის ფორმის თეთრი ტაბლეტები ბრტყელი კიდით. ტაბლეტის ერთ მხარეს ამოტვიფრულია PANADOL, ხოლო მეორე მხარეს ნაჭდევია.

ფარმაკოლოგიური თვისებები:

პრეპარატს გააჩნია ტკივილგამაყუჩებელი და სიცხის დამწევი თვისებები. ცენტრალურ ნერვულ სისტემაში აბლოკირებს ციკლოოქსიგენაზას და მოქმედებს ტკივილისა და თერმორეგულაციის ცენტრებზე. ანთების საწინააღმდეგო ეფექტი პრაქტიკულად არ ახასიათებს. არ იწვევს კუჭისა და ნაწლავების ლორწოვანი გარსის გაღიზიანებას. ზეგავლენას არ ახდენს წყალ-მარილოვან ცვლაზე, ვინაიდან პერიფერიულ ქსოვილებში პროსტაგლანდინების სინთეზზე არ მოქმედებს.

ჩვენებები:

1. ტკივილის სინდრომი. თავის ტკივილის, შაკიკის, კბილის ტკივილის, ყელის ტკივილის, წელის ტკივილის, კუნთების ტკივილისა და მტკივნეული მენსტრუაციის დროს.

2. ცხელების სინდრომი (სიცხის დამწევი საშუალების სახით). მომატებული ტემპერატურის დროს გაცივებისა და გრიპის ფონზე.

უკუჩვენებები:

* ჰიპერმგრძნობელობა პარაცეტამოლის და პრეპარატის ნებისმიერი სხვა ინგრედიენტის მიმართ;

* ღვიძლისა და თირკმლების ფუნქციების მძიმე დარღვევები;

* უკუნაჩვენებია 9 წლამდე ასაკისა და 35 კილოგრამზე ნაკლები წონის მქონე ბავშვებში.

უსაფრთხოების ზომები:

სიფრთხილით გამოიყენება კეთილთვისებიანი ჰიპერბილირუბინემიის (მათ შორის ჟილბერის სინდრომის დროს), ვირუსული ჰეპატიტის, ღვიძლის ალკოჰოლური დაზიანების, გლუკოზო-6-ფოსფატ დეჰიდროგენაზას დეფიციტის, ალკოჰოლიზმის, ორსულობისა და ლაქტაციის პერიოდში.

პრეპარატის გამოყენება არ შეიძლება პარაცეტამოლის შემცველ სხვა პრეპარატებთან ერთად.

გამოყენების მეთოდები და დოზები:

მოზრდილებში (ხანდაზმულების ჩათვლით): 0,5 – 1 გრ (1-2 ტაბლეტი) დღეში 4 ჯერამდე, საჭიროებისამებრ. მიღებებს შორის ინტერვალი –არანაკლებ 4 საათი, ერთჯერადი დოზის (2 ტაბლეტი) გამოყენება შეიძლება მხოლოდ 4-ჯერ (8 ტაბლეტი) 24 საათის განმავლობაში.

ბავშვები (9-12 წელი): 1 ტაბლეტი 4 ჯერამდე დღეში, საჭიროებისამებრ. მიღებებს შორის ინტერვალი – არანაკლებ 4 საათი, ერთჯერადი დოზის (1 ტაბლეტი) გამოყენება შეიძლება მხოლოდ 4-ჯერ (4 ტაბლეტი) 24 საათის განმავლობაში.

ექიმის მეთვალყურეობისა და დანიშნულების გარეშე პრეპარატის გამოყენება არ არის რეკომენდებული 5 დღეზე მეტ ხანს ტკივილგამაყუჩებელი საშუალების სახით და 3 დღეზე მეტ ხანს სიცხის დამწევი საშუალების სახით. პრეპარატის დღიური დოზის და მკურნალობის ხანგრძლივობის გაზრდა შესაძლებელია მხოლოდ ექიმის მეთვალყურეობის ქვეშ.

ჭარბი დოზირების შესახებ საჭიროა დაუყოვნებლივ ეცნობოს ექიმს, მაშინაც კი, თუ ავადმყოფი თავს კარგად გრძნობს.

გვერდითი მოვლენები:

რეკომენდებულ დოზებში პრეპარატი ჩვეულებრივ კარგად გადაიტანება. პარაცეტამოლი იშვიათად იწვევს გვერდით მოვლენებს. ზოგჯერ შეიძლება აღინიშნებოდეს ალერგიული რეაქცია კანზე გამონაყარის, ქავილის, კვინკეს შეშუპების სახით. იშვიათად – სისხლის სისტემის მხრივ დარღვევები (ანემია, თრომბოციტოპენია, მეთჰემოგლობინემია).

მაღალი დოზების ხანგრძლივი გამოყენებისას მატულობს ღვიძლისა და თირკმლის ფუნქციის დარღვევის საშიშროება (თირკმლის კოლიკა, არასპეციფიკური ბაქტერიურია, ინტერსტიციული ნეფრიტი, პაპილური ნეკროზი) და აუცილებელია სისხლის სურათის კონტროლი.

უჩვეულო სიმპტომების გამოვლენისას საჭიროა ექიმის კონსულტაცია.

ჭარბი დოზირება:

პარაცეტამოლით მწვავე მოწამვლის ნიშნებია: გულისრევა, ღებინება, ტკივილი მუცლის არეში, ოფლიანობა, კანის საფარის სიფერმკრთალე. 1-2 დღის შემდეგ ვლინდება ღვიძლის დაზიანების ნიშნები (მტკივნეულობა ღვიძლის არეში, “ღვიძლის” ფერმენტების აქტივობის მომატება). მძიმე შემთხვევებში ვითარდება ღვიძლის უკმარისობა, ენცეფალოპათია და კომატოზური მდგომარეობა.

მკურნალობა: საჭიროა პრეპარატის მიღების შეწყვეტა და დაუყოვნებლივ მიმართვა ექიმთან. რეკომენდებულია კუჭის ამორეცხვა და ენტეროსორბენტების მიღება (აქტივირებული ნახშირი, პოლიფეპანი). პარაცეტამოლით მოწამვლისას სპეციფიკური ანტიდოტი არის აცეტილცისტეინი.

ურთიერთქმედება სხვა სამკურნალო საშუალებებთან:

ხანგრძლივი დროის განმავლობაში მიღებისას პრეპარატი აძლიერებს არაპირდაპირი ანტიკოაგულანტების ეფექტს (ვარფარინი და სხვა კუმარინები), რაც ზრდის სისხლდენების საშიშროებას. ღვიძლში მიკროსომული ჟანგვის ფერმენტების ინდუქტორები (ბარბიტურატები, დიფენინი, კარბამაზეპინი, რიფამპიცინი, ზიდოვუდინი, ფენიტოინი, ეთანოლი, ფლუმეცინოლი, ფენილბუტაზონი და ტრიციკლური ანტიდეპრესანტები) ჭარბი დოზირებისას ზრდიან ჰეპატოტოქსიკური მოქმედების საშიშროებას. მიკროსომული ჟანგვის ინჰიბიტორები (ციმეტიდინი) ამცირებენ ჰეპატოტოქსიკური მოქმედების საშიშროებას.

მეტოკლოპრამიდი და დომპერიდონი ზრდიან, ხოლო ქოლესტირამინი ამცირებს პარაცეტამოლის შეწოვის სიჩქარეს. ეთანოლი ხელს უწყობს მწვავე პანკრეატიტის განვითარებას.

პრეპარატს შეუძლია შეამციროს ურიკოზურიული პრეპარატების აქტივობა.

განსაკუთრებული მითითებები:

პრეპარატის მიღებამდე აუცილებელია ექიმთან კონსულტაცია შემდეგ შემთხვევებში:

• ღვიძლის ან თირკმლის დაავადებები;

• გულისრევისა და ღებინების საწინააღმდეგო პრეპარატების მიღება (მეთოკლოპრამიდი, დომპერიდონი), ასევე სისხლში ქოლესტერინის დონის დამწევი პრეპარატების მიღება (ქოლესტირამინი);

• ანტიკოაგულანტების და ხანგრძლივი დროის განმავლობაში ყოველდღიურად ტკივილგამაყუჩებელი პრეპარატების მიღება (ასეთ დროს პარაცეტამოლის მიღება შეიძლება იშვიათად;)

• ორსულობა და ლაქტაცია.

პირებს, რომლებიც ჭარბად ღებულობენ ალკოჰოლს, პრეპარატის მიღებამდე ესაჭიროებათ ექიმთან კონსულტაცია. რეკომენდებულ დოზებზე მეტის მიღების შემთხვევაში პარაცეტამოლი პათოგენურად მოქმედებს ღვიძლზე.

შენახვის პირობები:

არა უმეტეს 25ºC ტემპერატურის პირობებში ბავშვებისათვის მიუწვდომელ ადგილას.

ვარგისიანობის ვადა:

5 წელი. არ გამოიყენება შეფუთვაზე მითითებული ვარგისიანობის ვადის გასვლის შემდეგ.

აფთიაქიდან გაცემის პირობები:

რეცეპტის გარეშე.

მწარმოებელი: GlaxoSmithKline Dungarvan Ltd., ირლანდია

შემადგენლობა და გამოშვების ფორმა:

შემოგარსული ტაბლეტები

ყოველი ტაბლეტი შეიცავს:

500 მგ პარაცეტამოლსა ……………….. 500 მგ

კოფეინი ………………………………….  65 მგ

დამხმარე ნივთიერებები: პრეჟელატინიზირებული სახამებელი, სიმინდის სახამებელი, პოლივიდონი, კალიუმის სორბატი, ტალკი, სტეარინის მჟავა, ნატრიუმის კროსკარმელოზა, წყალი, ჰიდროქსიპროპილმეთილცელულოზა, ტრიაცეტინი.

აღწერილობა: კაფსულის ფორმის თეთრი ტაბლეტები ბრტყელი კიდით. ტაბლეტის ერთ მხარეს ამოტვიფრულია PANADOL EXTRA.

კკლინიკურ–ფარმაკოლოგიური ჯგუფი:

ანალგეზიური არანარკოტიკული საშუალება (ფსიქოსტიმულატორი+ანალგეზიური არანარკოტიკული საშუალება)

ფარმაკოლოგიური თვისებები:

პრეპარატს გააჩნია ტკივილგამაყუჩებელი და სიცხის დამწევი თვისებები. “პანადოლ ექსტრა” შეიცავს ორი აქტიური ინგრედიენტის კომბინაციას: პარაცეტამოლი, რომელსაც ახასიათებს ტკივილგამაყუჩებელი და სიცხის დამწევი მოქმედება და კოფეინი, რომელიც ამცირებს ძილიანობასა და დაღლილობას, ზრდის გულის შეკუმშვათა სიხშირეს, ჰიპოტონიის დროს ზრდის არტერიულ წნევას.

ჩვენებები:

“პანადოლ ექსტრა” გამოიყენება თავის ტკივილის, შაკიკის, კბილის ტკივილის, წელის ტკივილის, კუნთების ტკივილის, მტკივნეული მენსტრუაციისა და ყელის ტკივილის დროს.

“პანადოლ ექსტრა” ასევე გამოიყენება გაცივებისა და გრიპის სიმპტომური მკურნალობის დროს, სხეულის მომატებული ტემპერატურის დასქვეითებლად.

უკუჩვენებები:

* ჰიპერმგრძნობელობა პრეპარატის კომპონენტების მიმართ;

* ღვიძლისა და თირკმლების ფუნქციის გამოხატული დარღვევები;

* გლუკოზო-6-ფოსფატ-დეჰიდროგენაზის გენეტიკური არარსებობა;

* სისხლის დაავადებები;

* მნიშვნელოვანი არტერიული ჰიპერტენზია, ათეროსკლეროზის გამოხატული მოვლენები;

* ორსულობა და ლაქტაციის პერიოდი;

* სიფრთხილით გამოიყენება ჟილბერის სინდრომის დროს;

* გლაუკომა, ძილის დარღვევა;

* 14 წლამდე ასაკი.

გამოყენების მეთოდები და დოზები:

“პანადოლ ექსტრა“ ტაბლეტები მიიღება პერორალურად ჩვეულებრივ 1-2 ტაბლეტი 3-4-ჯერ დღეში, საჭიროების შემთხვევაში. მიღებებს შორის ინტერვალი – სულ მცირე 4 საათი. მაქსიმალური ერთჯერადი დოზა – 2 ტაბლეტი, მაქსიმალური სადღეღამისო დოზა – 8 ტაბლეტი.

ექიმის მეთვალყურეობისა და დანიშნულების გარეშე პრეპარატის გამოყენება არ არის რეკომენდებული 5 დღეზე მეტ ხანს ტკივილგამაყუჩებელი საშუალების სახით და 3 დღეზე მეტ ხანს სიცხის დამწევი საშუალების სახით. პრეპარატის დღიური დოზის და მკურნალობის ხანგრძლივობის გაზრდა შესაძლებელია მხოლოდ ექიმის მეთვალყურეობის ქვეშ.

სიმპტომების შენარჩუნებისას საჭიროა ექიმთან კონსულტაცია.

ჭარბი დოზირების შესახებ დაუყოვნებლივ უნდა ეცნობოს ექიმს, მაშინაც კი, თუ პაციენტი თავს კარგად გრძნობს.

გვერდითი მოვლენები:

რეკომენდებულ დოზებში პრეპარატი ჩვეულებრივ კარგად გადაიტანება. პარაცეტამოლი იშვიათად იწვევს გვერდით მოვლენებს. ზოგჯერ შეიძლება აღინიშნებოდეს ალერგიული რეაქცია კანზე გამონაყარის, ქავილის, ქვინკეს შეშუპების სახით. იშვიათად – ლეიკოპენია, თრომბოციტოპენია, მეტჰემოგლობინემია, აგრანულოციტოზი, ასევე ძილის დარღვევა, ტაქიკარდია.

მაღალი დოზების ხანგრძლივი გამოყენებისას მატულობს ჰეპატოტოქსიკური და ნეფროტოქსიკური მოქმედების საშიშროება და აუცილებელია სისხლის სურათის კონტროლი.

პრეპარატის ყველა გვერდითი მოვლენის შესახებ უნდა ეცნობოს ექიმს.

ჭარბი დოზირება:

პარაცეტამოლით ჭარბი დოზირების ნიშნებია: გულისრევა, ღებინება, ტკივილი მუცლის არეში, კანის საფარის სიფერმკრთალე, ანორექსია. 1-2 დღის შემდეგ ვლინდება ღვიძლის დაზიანების ნიშნები. მძიმე შემთხვევებში ვითარდება ღვიძლის უკმარისობა და კომატოზური მდგომარეობა. ჭარბ დოზირებაზე ეჭვის დროს დაუყოვნებლივ უნდა მიემართოს ექიმს დახმარებისათვის. პირველადი დახმარება: დაზარებულს უნდა ამოერეცხოს კუჭი და დაენიშნო ადსორბენტები (აქტივირებული ნახშირი).

განსაკუთრებული მითითებანი:

პრეპარატის მიღებისას არ არის რეკომენდებული ჩაისა და ყავის ჭარბი მოხმარება, რამაც შეიძლება გამოიწვიოს აგზნება, ძილის დარღვევა, ტაქიკარდია, გულის არითმია.

ღვიძლის ტოქსიკური დაზიანების თავიდან ასაცილებლად არ შეიძლება პარაცეტამოლის გამოყენება ალკოჰოლთან ერთად, ასევე ქრონიკული ალკოჰოლიზმით დაავადებულ პაციენტებში.

ურთიერთქმედება სხვა სამკურნალო საშუალებებთან:

ხანგრძლივი დროის განმავლობაში მიღებისას პრეპარატი აძლიერებს არაპირდაპირი ანტიკოაგულანტების ეფექტს (ვარფარინი და სხვა კუმარინები), რაც ზრდის სისხლდენების საშიშროებას. ღვიძლში მიკროსომული ჟანგვის ფერმენტების ინდუქტორები (ბარბიტურატები, ფენიტოინი, ეთანოლი, რიფამპიცინი, ფენილბუტაზონი, ტრიციკლური ანტიდეპრესანტები) ჭარბი დოზირებისას ზრდიან ჰეპატოტოქსიკური მოქმედების საშიშროებას. მიკროსომული ჟანგვის ინჰიბიტორები (ციმეტიდინი) ამცირებენ ჰეპატოტოქსიკური მოქმედების საშიშროებას. პარაცეტამოლის მოქმედების ფონზე ქლორამფენიკოლის გამოყოფის დრო 5-ჯერ მატულობს. კოფეინი აჩქარებს ერგოტამინის შეწოვას. პარაცეტამოლისა და ალკოჰოლური სასმელების ერთდროული მიღება ზრდის ჰეპატოტოქსიკური ეფექტებისა და მწვავე პანკრეატიტის განვითარების საშიშროებას.

მეთოკლოპრამიდი და დომპერიდონი ზრდიან, ხოლო ქოლესტირამინი ამცირებს პარაცეტამოლის შეწოვის სიჩქარეს. პრეპარატს შეუძლია შეამციროს ურიკოზურიული პრეპარატების აქტივობა.

ვარგისიანობის ვადა: 4 წელი.

არ გამოიყენება შეფუთვაზე მითითებული ვარგისიანობის ვადის გასვლის შემდეგ.

შენახვის პირობები:

არა უმეტეს 25ºC ტემპერატურის პირობებში ბავშვებისათვის მიუწვდომელ ადგილას.

აფთიაქდიან გაცემის პირობები:

ექიმის რეცეპტის გარეშე.

საერთაშორისო დასახელება:

PARACETAMOL

მწარმოებელი: გლაქსო ველქომ პროდაქშენი., საფრანგეთი

კლინიკურ–ფარმაკოლოგიური ჯგუფი;

გაციების დროს გამოსაყენებელი საშუალებები; პრეპარატები სისტემური გამოყენებისათვის

შემადგენლობა და გამოშვების ფორმა:

125მგ რექტალური სანთელი 10ც

ყოველი სანთელი შეიცავს 125მგ პარაცეტამოლს

დამხმარე ნივთიერებები: მყარი ცხიმები

აღწერილობა:

თეთრი ან თითქმის თეთრი ერთგვაროვანი, ცხიმოვანი სანთლები

კონუსისებრი ფორმის, ფიზიკური დეფექტების გარეშე და სხვა ხილვადი მინარევების გარეშე

ფარმაკოლოგიური თვისებები:

პრეპარატს აქვს სიცხის დამწევი, ტკივილგამაყუჩებელი და სუსტი ანთების საწინააღმდეგო მოქმედება. საბავშვო პანადოლის სანთლები გამოიყენება ბავშვებში, რომლებიც რთულად იღებენ ტაბლეტს და მიდრეკილნი არიან ღებინების რეაქციისკენ.

ჩვენებები:

• საბავშვო პანადოლის სანთლები 125მგ გამოიყენება ბავშვებში 6 თვიდან 2,5 წლამდე (სხეულის წონით 8-დან 12,5კგ-მდე) როგორც სიცხისდამწევი საშუალება გაციების, გრიპის და ბავშვთა ინფექციური დაავადებების დროს, როგორიცაა ჩუტყვავილა, წითურა, ყივანახველა, წითელა, ქუნთრუშა, ეპიდემიური პაროტიტი (ყბაყურა). პრეპარატი რეკომენდებულია ვაქცინაციის შემდგომ მომატებული სხეულის ტემპერატურის დასაქვეითებლად.
• პრეპარატი გამოიყენება როგორც ტკივილგამაყუჩებელი საშუალება, მსუბუქი ან ზომიერად გამოხატული ტკივილის დროს, დაკავშირებულს კბილების ამოჭრასთან, კბილის ტკივილთან, ყურის ტკივილთან ოტიტის დროს და ყელის ტკივილთან.

მიღების წესები და დოზები:

პრეპერატი გამოიყენება რექტალურად. დაიბანეთ ხელები და სანთელი გაანთავისუფლეთ პლასტიკური გარსისგან. ფრთხილად შეიყვანეთ სანთელი საჩვენებელი თითით ბავშვის უკანა ტანში (უმჯობესია თავისუფალ ნაწლავში, ოყნის ან დეფეკაციის შემდეგ). უმჯობესია ბავშვის გვერდზე მოთავსება, ერთი ფეხის მუცელზე მიზიდვით.

საბავშვო პანადოლის სანთლის საშუალო ერთჯერადი დოზა დამოკიდებულია ბავშვის სხეულის წონაზე და შეადგენს 10-15მგ/კგ სხეულის მასის 3-4-ჯერ დღეში-ღამეში, ყოველ 4-6საათში

მაქსიმალური სადღეღამისო დოზა არ უნდა აჭარბებდეს 60მგ/კგ სხეულის მასის.

8-დან 12,5კგ სხეულის მასით ბავშვებში ( 6 თვიდან 2,5 წლამდე) შეყავთ 1 სანთელი (125მგ) 3-4-ჯერ დღე-ღამეში ყოველ 4-6-საათში. არაუმეტეს 4 სანთლისა დღე-ღამეში. 3 დღე როგორც სიცხისდამწევი საშუალება და 5 დღემდე, როგორც ტკივილგამაყუჩებელი.

ნუ გადააჭარბებთ რეკომენდებულ დოზას. თერაპიული ეფექტის არ არსეობის შემთხვევაში მიმართეთ მკურნალ ექიმს.

გაფრთხილება:

პრეპარატის კვირაზე მეტი ხანგრძლივობით გამოყენების შემთხვევაში, აუცილებელია ღვიძლის ფუნქციური მდგომარეობის და პერიფერიული სისხლის სურათის კონტროლი.

გვერდითი მოვლენები:

რეკომენდებულ დოზებში პარაცეტამოლი იშვიათად იწვევს გვერდით მოვლენებს. იშვიათად შესაძლებელია გულისრევა, ღებინება, ალერგიული რეაქცია (კანზე გამონაყარი, ქავილი, ჭინჭრისციება, კვინკეს შეშუპება). იშვიათად ანემია, თრომბოციტოპენია, ლეიკოპენია.

გადაჭარბებული დოზით, ხანგრძლივად გამოყენების შემთხვევაში, შეიძლება აღინიშნოს ჰეპატოტოქსიური და ნეფროტოქსიური მოქმედება. გვერდითი რეაქციების გამოვლენის შემთხვევაში შეწყვიტეთ პრეპარატის მიღება და მიმართეთ ექიმს.

უკუჩვენება:

არ გამოიყენოთ პრეპარატი, თუ თქვენს ბავშვს:

* მომატებული აქვს მგრძნობელობა პარაცეტამოლის ან ნებისმიერი შემავალი ინგრედიენტის მიმართ;

* აღენიშნება ღვიძლის ან თირკმლის ფუნქციის მძიმე დარღვევები;

* სისხლის დაავადებები;

* აღენიშნება ფერმენტ გლუკოზო-6-ფოსფატ დეჰიდროგენაზას გენეტიკური არ არსებობა;

* აღენიშნება ანთება ან სისხლდენა სწორი ნაწლავიდან (უკუჩვენება დაკავშირებული შეყვანის გზასთან)

განსაკუთრებული მითითებები:

პრეპარატი სიფრთხილით გამოიყენება ღვიძლისა და თირკმლის ფუნქციის დარღვევის დროს, ჟილბერის სინდრომის დროს. ასეთი შემთხვევების დროს მიღებამდე კონსულტაციისთვის მივმართოთ ექიმს.

პრეპარატის მიღება სხვა პარაცეტამოლის შემცველ პრეპარატებთან ერთად არ არის რეკომენდებული.

ჭარბი დოზირება:

პარაცეტამოლით მწვავე მოწამვლის ნიშნებია გულისრევა, ღებინება, კუჭის ტკივილი, ოფლიანობა, კანის ზედაპირის სიფერმკრთალე. 1-2 დღე-ღამეში ვლინდება ღვიძლის დაზიანების ნიშნები. რთულ შემთხვევებში ვითარდება ღვიძლის უკმარისობა, ენცეფალოპათია და კომატოზური მდგომარეობა. მოწამვლის სიმპტომების გაჩენისას, შეწყვიტეთ პრეპარატის მიღება და მიმართეთ ექიმს. პარაცეტამოლით მოწამვლისას სპეციფიურ ანტიდოტს წარმოადგენს აცეტილცისტეინი.

შემთხვევითი დოზის გადაჭარბებისას სასწრაფოდ მიმართეთ სამედიცინო დახმარებას, ბავშვის დამაკმაყოფილებელი ზოგადი მდგომარეობის მიუხედავად.

სხვა წამლებთან ურთიერთქმედება:

საბავშვო პანადოლის გამოყენება ბარბიტურატებთან, გულყრის საწინააღმდეგო საშუალებებთან, რიფამპიცინთან ერთად, ზრდის ჰეპატოტოქსიური მოქმედების რისკს.

ლევომიცეტინთან ერთად მიღება, ზრდის უკანასკნელის ტოქსიურობას. საბავშვო პანადოლში შემავალი პარაცეტამოლი, ხანგრძლივი რეგულარული მიღებისას, აძლიერებს არაპირდაპირი მოქმედების ანტიკოაგულანტის მოქმედებას, რამაც შესაძლებელია გაზარდოს სისხლდენის რისკი. ანალიზის ჩატარებისას, შარდმჟავას და სისხლში შაქრის დონის განსაზღვრისას, შეატყობინეთ ექიმს საბავშვო პანადოლის მიღების თაობაზე.

შენახვის პირობები და ვადები:

ინახება არაუმეტეს 25°C. ბავშვებისთვის მიუწვდომელ ადგილას. ვადა 5 წელი. კოლოფზე მითითებული ვადის გასვლის შემდეგ ნუ გამოიყენებთ პრეპარატს.

აფთიაქში გაცემის წესი:

ექიმის რეცეპტის გარეშე.

საერთაშორისო დასახელება:

PAMIDRONATE DISODIUM

მწარმოებელი: PHARMATEX, იტალია

მოქმედი ნივთიერება: პამიდრონატის დინატრიუმი

კლინიკურ-ფარმაკოლოგიური ჯგუფი:

ფოსფორ-კალციუმის ცვლაზე მოქმედი საშუალება. ძვლის ქსოვილში ნივთიერებათა ცვლის რეგულატორი. ძვლის ქსოვილის რეზორბციის ინჰიბიტორი.

შემადგენლობა და გამოშვების ფორმა:

სტერილური საინექციო ხსნარი: ფლაკონში 10 მლ

1 მლ 1 ფლ

პამიდრონატის დინატრიუმი ……….     3 მგ 30 მგ

1 მლ 1 ფლ.

პამიდრონატის დინატრიუმი …………..  6 მგ 60 მგ

დამხმარე ნივთიერებები:

მანიტოლი ფოსფორის მჟავა, საინექციო წყალი

ჩვენებები:

• ოსტეოკლასტების მომატებულ აქტივობასთან დაკავშირებული მდგომარეობები: ჰიპერკალცემია გამოწვეული ავთვისებიანი სიმსივნით.
• ძვლების ოსტეოლიზური დაზიანება და ტკივილით გამოწვეული მკერდის კიბოს და მრავლობითი მიელომის მეტასტაზებით ძვალში.

მიღების წესი და დოზირება:

დაუშვებელია პამიტექსის ბოლუსით შეყვანა. პრეპარატი უნდა გაიხსნას კალცუმისაგან თავისუფალ ხსნარში (რეკომენდებული 0.9% ნატრიუმის ქლორიდის ხსნარი ინტრავენური ინფუზიისთვის) და გადასხმა უნდა მოხდეს ნელა.

ინფუზიის სიჩქარე არ უნდა აღემატებოდეს 60 მგ/სათში (1 მგ/წთ) და პამიტექსის კონცენტრაცია ხსნარში არ უნდა აჭარბებდეს 60 მგ/250 მლ-ში.

პაციენტებში თირკმლის ფუნქციის დარღვევით (პაციენტები – ავთვისებიანი სიმსივნით გამოწვეული ჰიპერკალცემიით ან მრავლობითი მიელომით) რეკომენდებულია, რომ ინფუზიის სიჩქარე არ აღემატებოდეს 20 მგ/საათში. ინფუზიის ადგილას ადგილობრივი რეაქციების თავიდან აცილების მიზნით კანულა უნდა მოთავსდეს ფრთხილად მსხვილ ვენაში.

პამიტექსის გამოყენება რეკომენდებულია მხოლოდ მოზრდილ პაციენტებში.

ჰიპერკალცემია გამოწვეულია ავთვისებიანი სიმსივნით:

რეკომენდებულია პაციენტის რეჰიდრატაცია 0.9% ნატრიუმის ქლორიდის ხსნარით მკურნალობამდე და მკურნალობის პერიოდში.

პამიტექსით მკურნალობის კურსის ჯამური დოზა დამოკიდებულია შრატში კალციუმის საწყის დონეზე. შემდგომი გაიდლაინი შედგენილია კლინიკურ მონაცემებზე დაყრდნობით

პამიტექსის ჯამური დოზა შეიძლება გადაისხას ერთჯერადი ინფუზიით ან გაყოფილი რამდენიმე ინფუზიად 2-4 დღის განმავლობაში. სამკურნალო კურსის მაქსიმალური დოზაა 90 მგ, როგორც პირველადი, ასევე განმეორებითი კურსის დროს.

შრატში კალციუმის მნიშვნელოვანი დაქვეითება აღინიშნება პამიტექსის მიღებიდან 24-48 საათში, ხოლო კალციუმის რაოდენობის ნორმალიზება მიიღწევა 3-7 დღეში. თუ დროის ამ მონაკვეთში ნორმოკალცემია არ აღინიშნა საჭიროა მკურნალობის გაგრძელება. ნორმოკალცემიის მიღწევის დრო პაციენტებში განსხვავებულია, მკურნალობა უნდა განმეორდეს სასურველი ეფექტის მიღწევამდე. მკურნალობის კურსის რაოდენობის ზრდასთან ერთად შეიძლება შემცირდეს პამიტექსის ეფექტურობა.

ძვლების ოსტეოლიზური დაზიანება და ტკივილი გამოწვეული მრავლობითი მიელომის მეტასტაზებით ძვალში: რეკომენდებული დოზაა 90 მგ 4 კვირაში ერთხელ.

ძვლების ოსტეოლიზური დაზიანება და ტკივილი გამოწვეული მკერდის კიბოს მეტასტაზებით ძვალში: რეკომენდებული დოზაა 90 მგ 4 კვირაში ერთხელ. შესაძლებელია პრეპარატი დაინიშნოს 3 კვირაში ერთხელ ქიმიოთერაპიის კურსთან ერთად.

პეჯეტის დაავადება:

რეკომენდებული ჯამური დოზაა 180 მგ, რომელიც შეიძლება დაინიშნოს შემდეგნაირად: 30 მგ კვირაში ერთხელ 6 კვირის განმავლობაში ან 60 მგ ყოველ მეორე კვირას 6 კვირის განმავლობაში.

კლინიკური გამოცდილებიდან ცნობილია, რომ ნებისმიერი მსუბუქი და ტრანზიტორული გვერდითი მოვლენები ვითარდება პირველი ინფუზიის შემდეგ. აქედან გამომდინარე თუ ერთჯერადი დოზა არის 60 მგ მკურნალობა უნდა დავიწყოთ 30 მგ-ით (ჯამში 210 მგ). 30 მგ ან 60 მგ უნდა გაიხსნას 125 მლ ან 250 მლ 0.9% ნატრიუმის ქლორიდის ხსნარში ინტრავენური ინფუზიისათვის და ინფუზიის სიჩქარე არ უნდა აღემატებოდეს 60 მგ/საათში (1 მგ/წთ).

დაავადების სიმძიმიდან გამომდინარე მაქსიმალური ჯამური დოზა 360 მგ (ერთჯერადი 60 მგ) შეიძლება დაინიშნოს 6 თვეში ერთხელ, სანამ არ მიიღწევა რემისია.

გვერდითი მოვლენები:

▪ მსუბუქია და ტრანზიტორული. ასიმპტომური ჰიპოკალცემია და ტემპერატურის მომატება (1-2 გრადუსით) ინფუზიიდან 24-48 საათის განმავლობაში. ცხელება გაივლის თავისით და არ საჭიროებს მკურნალობას. სიმპტომური ჰიპოკალცემია იშვიათია.

▪ ზოგადად ორგანიზმის მხრივ: ხშირია: ტემპერატურის მომატება და გრიპისმაგვარი სიმპტომები – მოთენთილობა, შემცივნება, სისუსტე, წამოხურების შეგრძნება.

▪ ადგილობრივი რეაქციები ინფუზიის ადგილზე: ტკივილი, სიწითლე, შეშუპება, ფლებიტი, თრომბოფლებიტი.

▪ ძვალ-კუნთოვანი სისტემის მხრივ: ტრანზიტორული ტკივილი ძვლებში, ართრალგია, მიალგია, გენერალიზებული ტკივილი.

▪ იშვიათად: კუნთების სპაზმი.

▪ კუჭ-ნაწლავის ტრაქტის მხრივ: გულისრევა, ღებინება.

▪ იშვიათად: ანორექსია, აბდომინალური ტკივილი, დიარეა, ყაბზობა, დისპეფსია.

▪ ცალკეულ შემთხვევებში: გასტრიტი.

▪ ცენტრალური ნერვული სისტემის მხრივ: თავის ტკივილი.

▪ იშვიათად: სიმპტომური ჰიპოკალემია (პარესთეზია, ტეტანია) აგზნება ორიენტაციის დარღვევა, თავბრუსხვევა, ინსომნია, სომნოლენცია, ლეთარგია.

▪ ცალკეულ შემთხვევებში: კრუნჩხვა, მხედველობითი ჰალუცინაციები.

▪ ჰემატოლოგიური სურათის მხრივ: ლიმფოციტოპენია.

▪ იშვიათად: ანემია, ლეიკოპენია.

▪ ცალკეულ შემთხვევებში: თრომბოციტოპენია.

▪ გულ-სისხლძარღვთა სისტემის მხრივ: იშვიათად: ჰიპოტენზია, ჰიპერტენზია.

▪ შარდ-გამომყოფი სისტემის მხრივ: ცალკეული შემთხვევებში ჰემატურია, თირკმლის მწვავე უკმარისობა.

▪ კანის მხრივ: იშვიათად გამონაყარი, ქავილი.

▪ მგრძნობელობის ორგანოების მხრივ: კონიუნქტივიტი, უვეიტი (ირიტი, ირიდოციკლიტი), სკლერიტი, ეპისკლერიტი, ქსანტოფსია.

▪ სხვა გვერდითი მოვლენები: ცალკეულ შემთხვევებში ჰერპეს სიმპლექსის და ჰერპეს ზოსტერის გააქტივება. იშვიათად ალერგიული რეაქციები ანაფილაქტოიდური რეაქციების ჩათვლით, ბრონქოსპაზმი/დისპნოე, კვინკეს (ანგიონევროზული) შეშუპება. ძალიან იშვიათად ანაფილაქსიური შოკი.

▪ ბიოქიმიური ცვლილებები: ხშირია ჰიპოკალცემია, ჰიპოფოსფატემია. იშვიათად – ჰიპომაგნემია, ჰიპერკალემია, ჰიპოკალემია, ჰიპერნატრემია.

▪ ცალკეულ შემთხვევებში: ღვიძლის ფუნქციური სინჯების ცვლილებები, სისხლის შრატში კრეატინინის და შარდოვანას მომატება.

უკუჩვენებები:

* ჰიპერმგრძნობელობა პრეპარატის ან ბიფოსფონატების მიმართ.

ორსულობა და ლაქტაცია:

* ორსულობის დროს პამიტექსი არ ინიშნება, გარდა იმ შემთხვევისა, როცა ჰიპერკალცემია საფრთხეს უქმნის ორსულის სიცოცხლეს.

* პრეპარატი გადადის დედის რძეში და ლაქტაციის პერიოდში დანიშვნისას საჭიროა ძუძუთი კვების შეწყვეტა.

განსაკუთრებული მითითებები:

◄დაუშვებელია პამიტექსის ბოლუსით შეყვანა. პრეპარატის ინტრავენური გადასხმა უნდა მოხდეს ნელა.

◄არ შეიძლება პამიტექსის კომბინაცია სხვა ბიფოსფონატებთან.

◄პაციენტებში ავთვისებიანი სიმსივნით გამოწვეული ჰიპერკალცემიით შეიძლება აღინიშნოს კრუნჩხვები, დაკავშირებული ელექტროლიტების ცვლილებასთან.

◄პამიტექსით მკურნალობის დროს საჭიროა ელექტროლიტების, კალციუმის და ფოსფატების რაოდენობის მონიტორინგი. პაციენტებში, რომელთაც აქვთ ჩატარებული ოპერაცია ფარისებურ ჯირკვალზე ჰიპოკალცემიის განვითარების რისკი მაღალია ჰიპოპარათირეოიდიზმის გამო.

◄პამიტექსით ხშირი და ხანგრძლივი მკურნალობის დროს, განსაკუთრებით თირკმლის დარღვეული ფუნქციის მქონე პაციენტებში (პაციენტები -ავთვისებიანი სიმსივნით გამოწვეული ჰიპერკალცემიით ან მრავლობითი მიელომით) საჭიროა პერიოდულად თირკმლის ფუნქციის გამოკვლევა (ლაბორატორიული და კლინიკური პარამეტრები).

◄პაციენტებში გულის დაავადებებით, განსაკუთრებით ხანდაზმულებში, ჭარბმა რეჰიდრატაციამ შეიძლება გამოიწვიოს გულის უკმარისობის პროგრესირება (მარცხენა პარკუჭის უკმარისობა ან შეგუბებითი უკმარისობა).

◄პეჯეტის დაავადების მქონე პაციენტებმა, რომლებშიც არის კალციუმის ან D ვიტამინის დეფიციტის რისკი უნდა მიიღონ პერორალურად კალციუმი და D ვიტამინი, რათა შემცირდეს ჰიპოკალცემიის განვითარების რისკი.

მანქანის და სხვა მექანიზმების მართვა:

აუცილებელია პაციენტის გაფრთხილება შესაძლო ძილიანობის ან თავბრუსხვევის შესახებ პამიტექსის ინფუზიის შემდეგ.

ჭარბი დოზირება:

სიმპტომები: ჰიპოკალცემია (პარესთეზია, ტეტანია, ჰიპოტენია).

მკურნალობა: ი/ვ კალციუმის გლუკონატი.

სხვა წამლებთან ურთიერთქმედება:

– შეთავსებადია კიბოს საწინააღმდეგო პრეპარატებთან, კალციტონინთან ერთად მიღება აჩქარებს კალციუმის დონის შემცირებას.

– შეუთავსებელია კალციუმის შემცველ საინფუზიო ხსნარებთან.

შენახვის პირობები:

პრეპარატი ინახება არა უმეტეს 25⁰C ტემპერატურაზე. ინტრავენური ხსნარის გადასხმა უნდა ხდეს ხსნარის მომზადებისთანავე.

ვარგისიანობის ვადა: მითითებულია შეფუთვაზე.

საერთაშორისო დასახელება:

AMINOMETHYLBENZOIC ACID

მწარმოებელი: BYK GULDEN

მოქმედი ნივთიერება: ამინომეთილბენზოის მჟავა 

კლინიკურ-ფარმაკოლოგიური ჯგუფი:

ჰემოსტატიკური საშუალება

შემადგენლობა და გამოშვების ფორმა:

ტაბლეტები: შეფუთვაში 20 ც.

1 ტაბ.

ამინომეთილბენზოის მჟავა  ……………..  250 მგ

საინექციო ხსნარი: ამპულაში 5 მლ შეფუთვაში 5 ც.

1 მლ 1 ამპ

ამინომეთილბენზოის მჟავა ……………     10 მგ 50 მგ

ფარმაკოლოგიური მოქმედება:

ჰემოსტატიკური, ანტიფიბრინოლიტური საშუალება, თრგუნავს ქსოვილოვან აქტივატორებს, რომლებიც პროფიბრინოიზინს (პლაზმინოგენი) გადააქცევენ ფიბრინოლიზინად (პლაზმინად), ნაკლებად ახდენს პირდაპირ მაინჰიბირებელ გავლენას ფიბრინოლიზინზე. უზრუნველყოფს ფიბრინის სტაბილიზაციას, თრომბოციტებისა და ერითროციტების ადჰეზიას.

ჩვენებები:

– სისხლდენა ქირურგიული ჩარევისა და პათოლოგიური მდგომარეობის დროს, რომელიც მიმდინარეობს სისხლის მომატებული ფიბრინოლიტური აქტიობით (ნეიროქირურგიული, მუცლის ღრუს, თორაკალური, გინეკოლოგიური და უროლოგიური ოპერაციებისას, მათ შორის, წინამდებარე ჯირკვალზე, ფილტვებზე, კუჭქვეშა ჯირკვალზე; ტონზილექტომიისას, სტომატოლოგიური ჩარევის შემდეგ,ხელოვნური სისხლის მიმოქცევის აპარატის გამოყენებისას ოპერაციის დროს);

– სამეანო პრაქტიკაში – საშვილოსნოდან სისხლდენა, საშვილოსნოს შენელებული ინვოლუცია, სამედიცინო აბორტი, პლაცენტის ხელით გამოყოფა, პლაცენტის ნაადრევი აშრევება, ნაყოფის საშვილოსნოშიგა სიკვდილი, ამნიონური სითხის ემბოლია.

– ცხვირიდან სისხლდენა, სისხლდენა დამწვრობისას, სხვადსხვა გენეზის შოკის დროს; სეფსისი, ლეიკოზი, მწვავე პანკრეატიტი, კუჭზე მეტასტაზები, ღვიძლის დაავადებები, კუჭისა და 12–გოჯა ნაწლავის წყლულოვანი დაავადება.

– ჰემორაგიული მდგომარეობა გამოწვეული სხივური დაავადებით; ჰიპოკოაგულაცია (ჰემოფილია, ვერლჰოფის დაავადება, ვილებრანდ–იურგენსის სინდრომი), თრომბოჰემორაგიული სინდრომის ჰიპოკოაგულაციურ ფაზაში სისხლდენა, ჰემორაგიული დიათეზი(თრომბოციტოპენია). ანტიკოაგულანტებისა და ფიბრინოლიტური საშუალებების გადაჭარბებისას (სტრეპტოკინაზა, უროკინაზა), ტრანსფუზიული გართულებები და სხვა მდგომარეობები, რომელიც მიმდინარეობს ფიბრინოლიზის აქტიობით;

– გრიპის ეთიოტროპული მკურნალობა.

მიღების წესი და დოზირება:

ვენაში ნაკადად – 5–10მლ 1% ხსნარი ან კუნთში 100მგ (მწვავე გენერალიზებული ფიბრინოლიტური სისხლდენისას) .

სტრეპტოკინაზით მკურნალობის ფონზე ფიბრინოლიზის აღსაკვეთად 50მგ; კოაგულოპათიის სინდრომის განვითარებისას – 50–100მგ ან კუნთში 100მგ, აუცილებლობისას შესაძლებელია განმეორებითი შეყვანა (არა უადრეს 4 საათისა).

მწვავე ფიბრინოლიზისას დამატებით შეყავთ ფიბრინოგენი, ამ დროს კონტროლდება სისხლის ფიბრინოლიზური აქტიობა და მასში ფიბრინოგენის შემცველობა. მაქსიმალური ერთჯერადი დოზა შეადგენს 100მგ (10მლ 15 ხსნარი). ტაბლეტი მიიღება კვების შემდეგ დაუღეჭავად, წყალთან ერთად, 100მგ 3–4–ჯერ დღეში.

უკუჩვენებები:

ჰიპერმგრძნობელობა;

თრომბოზისა და თრომბოემბოლიების მიმართ მიდრეკილი დაავადებები, თრომბოემბოლიური სინდრომის ჰიპერკოაგულაციური ფაზა;

თირკმლის ქრონიკული უკმარისობა;

ორსულობა (I ტრიმესტრი), ლაქტაცია;

გულის იშემიური დაავადების მძიმე ფორმა ან ტვინის იშემია.

გვერდითი მოქმედება:

საჭმლის მომნელებელი სისტემის მხრივ: ღებინება, გულისრევა, დიარეა.

გულ–სისხლძარღვთა სისტემის მხრივ: არტერიული წნევის აწევა ან დაწევა, ტაქიკარდია, იშვიათად ორთოსტატული ჰიპოტენზია.

ადგილობრივი რეაქციები: ინექციის ადგილზე თრომბოფლებიტი.

სხვა: თავბრუსხვევა, თირკმლის კოლიკა (როცა სისხლის შენადედი წარმოიქმნება შარდგამომყოფ სისტემაში);

ზემო სასუნთქი გზების მხრივ: კატარალური მოვლენები.

განსაკუთრებული მითითებები:

მკურნალობა წარმოებს კოაგულოგრამის კონტროლით. ჰემატურიის სამკურნალოდ აუცილებელია საკმარისი რაოდენობით სითხის მიღბა და დიურეზის კონტროლი.

ურთიერთქმედება:

შეთავსებადია დექსტროზას ხსნართან, ჰიდროლიზატებთან, შოკის საწინააღმდეგო საშუალებებთან.

საერთაშორისო დასახელება:

PIPEMIDIC ACID

მწარმოებელი: LRK, სლოვენია

მოქმედი ნივთიერება: პიპემიდინის მჟავა

კლინიკურ-ფარმაკოლოგიური ჯგუფი:

ქინოლონების ჯგუფის უროანტისეპტიკური საშუალება.

შემადგენლობა და გამოშვების ფორმა:

კაფსულები: შეფუთვაში 20 ც.

1 კაფს.

პიპემიდინის მჟავა ………….   200 მგ

დამხმარე ნივთიერება: მიკროკრისტალური ცელულოზა.

ფარმაკოლოგიური თვისებები:

პრეპარატი წარმოადგენს ქინოლონების ჯგუფის უროანტისეპტიკურ საშუალებას, რომელიც საშარდე გზებში ავლენს ბაქტერიციდულად მოქმედებას გრამდადებით, კერძოდ ოქროსფერ სტაფილოკოკზე და გრამ-უარყოფითი ბაქტერიების უმრავლესობაზე E.coli, Proteus, Klebsiella, schigella, Salmonella.

მისი მოქმედების მექანიზმი განპირობებულია ბაქტერიულ უჯრედში ფერმენტ დნმ-ჰირაზას ბლოკირებით და დნმ-ის სპირალაზაციის პროცესის დარღვევით.

ფარმაკოკინეტიკა:

პალინი კარგად აბსორბირდება კუჭ-ნაწლავის ტრაქტიდან, ორგანიზმიდან პრაქტიკულად გამოიყოფა უცვლელი სახით.

შარდში იგი აღწევს მაღალ კონცენტრაციას, სადაც პიპემიდინის მჟავას დონე აღემატება კონცენტრაციას, რომელიც საჭიროა შარდგამომყოფი გზების ინფექციური დაავადებების უმრავლესობის სამკურნალოდ.

ჩვენებები:

• შარდგამომყოფი გზების მწვავე და ქრონიკული ინფექციები;
• პიელონეფრიტის ხანგრძლივი მკურნალობა (რეციდივის მქონე ცალკეულ პაციენტებში);
• ქალებში რეციდივული ცისტიტის მკურნალობა.

მიღების წესი და დოზირება:

მოზრდილებში ჩვეულებრივი დოზა შეადგენს 2 კაფსულას 2-ჯერ დღეში 200 მგ ოდენობით დილას და საღამოს.

სტაფილოკოკური ინფექციის სამკურნალოდ ორ დოზას შორის ინტერვალი არ უნდა აჭარბებდეს 8 საათს. მკურნალობის კურსის ხაგრძლივობა ჩველუბრივ შედაგენს 10 დღეს, რომელიც აუცილებლობის შემთხვევაში შესაძლებელია გახანგრძლივდეს.

პაციენტებმა დიურეზის გაზრდის მიზნით საჭიროა მიიღონ დიდი რაოდენობით სითხე.

ქალებში შარდგამომყოფი გზების მარეციდივებელი მწვავე ინფექციური დაავადების მკურნალობისას საჭიროა საღამოს 1 კაფსულის მიღება 7-10 დღის განმავლობაში.

გვერდითი მოვლენები:

◄პრეპარატს ჩვეულებრივ კარგად იტანენ პაციენტები. გვერდითი მოვლენების განვითარებისას მკურნალობის შეწყვეტა არ წარმოადგენს აუცილებლობას.

◄გულისრევა, ღებინება და დიარეა გვხვდება იშვიათად და ჩვეულებრივ სუსტად არის გამოხატული.

◄ცნს-ის მხრივ გამოხატული გვერდითი ეფექტები იშვიათად აღინიშნება.

◄შეიძლება ადგილი ჰქონდეს ისეთ მოვლენებს, როგორიცაა მხედველობის დარღვევა, აგზნება, დეპრესია, მეხსიერების დარღვევა, ჰალუცინაციები, ტრემორი, იშვიათად კრუნჩხვები. ასევე ძილის დარღვევა და სენსორული ხასიათის დარღვევები.

◄მომატებული მგრძნობელობის რეაქციები გამოიხატება კანზე გამონაყარით, სუსტად გამოხატული ქავილით, ფოტოსენსიბილიზაციით, სტივენ-ჯონსონის სინდრომით. კანის მხრივ რეაქციები შექცევადია.

◄არსებობს ანაფილაქსიური შოკის განვითარების საშიშროება. პრეპარატი სიფრთხილით ინიშნება პაციენტებში, რომლებსაც რომელიმე ქინოლონის მიმართ აღენიშნებოდათ მომატებული მგრძნობელობის რეაქციები.

◄გლუკოზა-6-ფოსფატდეჰიდროგენეზას უკმარისობით შეპყრობილ პაციენტებში პრეპარატის გამოყენებისას აღინიშნება ჰემოლიზური ანემია, შესაძლოა განვითარდეს ეოზინოფილია. ხანდაზმულ და თირკმელების დარღვეული ფუნქციის მქონე პაციენტებში შესაძლოა აღინიშნოს თრომბოციტოპენია.

უკუჩვენებები:

* პრეპარატის მიმართ მომატებული მგრძნობელობა;

* თირკმელების მძიმე ფორმის უკმარისობა (როდესაც კრეატინინის კლირენსია 10 მლ/წთ-ში);

* ღვიძლის მძიმე ფორმის უკმარისობა ღვიძლის ციროზის, ცნს-ის (ეპილეფსია და ნევროზული მდგომარეობა, როდესაც დაქვეითებულია კრუნჩხვების ზღურბლი) დაავადებების ჩათვლით;

* პიპემიდინის მჟავას გამოყენება არ არის რეკომენდებული ბავშვებსა და მოზარდებში.

ორსულობა და ლაქტაცია:

* პრეპარატის უსაფრთხოების შესახებ მონაცემები არ არსებობს მისი ორსულობისა და ლაქტაციის პერიოდში გამოყენებისას.

* არ არის ცნობილი გამოიყოფა თუ არა პრეპარატი დედის რძეში, ამიტომ პალინის გამოყენება აღნიშნულ პერიოდში არ არის რეკომენდებული.

განსაკუთრებული მითითებები:

♦პრეპარატით მკურნალობის პერიოდში რეკომენდებულია დიდი რაოდენობით სითხის მიღება. სიფრთხილეა საჭირო 70 წლის ასაკის ზევით პაციენტებში პრეპარატის გამოყენებისას, ვინაიდან მათში გვერდითი მოვლენები აღინიშნება შედარებით ხშირად.

♦ფოტოსენსიბილიზაციის თავიდან აცილების მიზნით პაციენტებმა პრეპარატის გამოყენებისას თავი უნდა აარიდონ მზის სხივების ან ულტრაიისფერი სხივების პირდაპირ ზემოქმედებას. შესაძლოა განვითარდეს ბაქტერიებით და სოკოებით გამოწვეული სუპერინფექცია.

♦იმის გამო, რომ პალინის ხანგრძლივი დროით გამოყენება იწვევს ფსევდომემბრანული კოლიტის განვითარებას, პაციენტები ვალდებულნი არიან დიარეის შემთხვევაში აცნობონ მკურნალ ექიმს.

♦პალინი ახდენს ზემოქმედებას ავტოსატრანსპორტო საშუალებების მართვის უნარზე.

ჭარბი დოზირება:

აღინიშნება გვერდითი მოვლენების მსგავსი სიმპტომები. შესაძლოა განვითარდეს გულისრევა, ღებინება, თავბრუსხვევა, თავის ტკივილი, მეხსიერების დარღვევა, ტრემორი და კრუნჩხვები.

იმ შემთხვევაში, როდესაც პაციენტს შენარჩუნებული აქვს ცნობიერება, საჭიროა ხელოვნური ღებინების გამოწვევა, კუჭის ამორეცხვა და გააქტივებული ნახშირის მიღება. პალინი ორგანიზმიდან არ გამოიყოფა ჰემოდიალიზის მეშვეობით.

ცნს-ის მხრივ გამოწვეული გვერდითი მოვლენების წარმოშობისას მკურნალობა სიმპტომურია (დიაზეპამი).

სხვა წამლებთან ურთიერთქმედება:

– პალინის და თეოფილინის ერთდროული გამოყენება იწვევს თეოფილინის ნახევარგამოყოფის პერიოდის გახანგრძლივებას მისი კლირენსის შესაბამისი შემცირებით, რის გამოც საჭიროა შრატში თეოფილინის კონცენტრაციის მონიტორინგი.

– ანტაციდები (ალუმინის, მაგნიუმის ან კალციუმის შემცველობით) და სუკრალფატი მნიშვნელოვნად აქვეითებენ პალინის აბსორბციას, ამიტომ მათ ერთდროული გამოყენება არ არის რეკომენდებული. მათ მიღებებს შორის ინტერვალი შეადგენს 2-3 საათს.

– პალინი აძლიერებს ვარფარინის, რიფამპიცინის, ციმეტიდინის და არასტეროიდული ანთების საწინააღმდეგო საშუალებების მოქმედებას მათი ერთდროული გამოყენებისას.

– ამინოგლიკოზიდებისა და პალინის კომბინაციისას აღინიშნება სინერგიზმი მათი ანტიბაქტერიული მოქმედების მხრივ.

– პრეპარატი გავლენას ახდენს ლაბორატორიული ტესტების შედეგებზე, რის გამოც შესაძლებელია აღინიშნოს ცრუ დადებითი რეაქცია შარდში გლუკოზის მიმართ.

შენახვის პირობები:

პრეპარატი ინახება არა უმეტეს 25⁰C ტემპერატურაზე. გრილ სინათლისაგან დაცულ ადგილას.

საერთაშორისო არაპატენტირებული დასახელება:

პარაცეტამოლი;

მწარმოებელი: შპს “ავერსი-რაციონალი” (საქართველო).

ძირითადი ფიზიკურ–ქიმიური თვისებები:

ტაბლეტები: თეთრი ფერის, მოგრძო ფორმის, ორმხრივამოზნექილი ზედაპირის მქონე შემოუგარსავი ტაბლეტები ჭდით;

სიროფი: ნარინჯისფერი სითხე არომატული სუნითა და მოტკბო გემოთი;

შემადგენლობა:

ტაბლეტები: 1 შემოუგარსავი ტაბლეტი შეიცავს:

პარაცეტამოლს – 500 მგ.

დამხმარე ნივთიერებები: სიმინდის სახამებელი, პოვიდონი, ნატრიუმის მეთილპარაბენი, ნატრიუმის პროპილპარაბენი, ნატრიუმის ბენზოატი, მაგნიუმის სტეარატი;

სიროფი: სიროფის 5 მლ შეიცავს:

პარაცეტამოლს – 125 მგ.

დამხმარე ნივთიერებები: საქაროზა, ლიმონმჟავას მონოჰიდრატი, ნატრიუმის მეთილპარაბენი, ნატრიუმის პროპილპარაბენი, მენთოლი, თხევადი სორბიტოლი, პროპილენგლიკოლი, საღებავი Sunset Yellow FCF (E 110), თეთრი ვარდის ესენცია, გასუფთავებული წყალი.

გამოშვების ფორმა:

შემოუგარსავი ტაბლეტები, 500 მგ.

სიროფი პერორალური მიღებისათვის, 125 მგ/5 მლ.

ფარმაკოლოგიური ჯგუფი:

ანალგეზიური და ანტიპირეტული საშუალებები, ანილიდები.

ფარმაკოლოგიური თვისებები:

პაკოლი წარმოადგენს ეფექტურ ტკივილგამაყუჩებელ და სიცხის დამწევ საშუალებას, აგრეთვე გააჩნია უმნიშვნელოდ გამოხატული ანთების საწინააღმდეგო მოქმედება. პარაცეტამოლის მოქმედების მექანიზმი დაკავშირებულია პროსტაგლანდინების სინთეზის ინჰიბირებასთან. ის ახდენს ციკლოოქსიგენაზას ბლოკირებას ცნს-ში, ზემოქმედებს ტკივილისა და თერმორეგულაციის ცენტრებზე, რომლებიც ლოკალიზებულია ჰიპოთალამუსში.

პაკოლი არ ახდენს უარყოფით გავლენას წყალ-მარილოვან ცვლაზე (ნატრიუმის იონებისა და წყლის შეკავება) და კუჭ-ნაწლავის ტრაქტის ლორწოვან გარსზე, რადგან არ მოქმედებს პერიფერიულ ქსოვილებში მიმდინარე პროსტაგლანდინების სინთეზის პროცესზე.

ფარმაკოკინეტიკა:

პარაცეტამოლი სწრაფად და თითქმის მთლიანად აბსორბირდება კუჭ-ნაწლავის ტრაქტიდან. პერორალური მიღებისას თერაპიული ეფექტის გამოვლენა იწყება 0.5 სთ-ის შემდეგ და გრძელდება 4 სთ. მაქსიმალური კონცენტრაცია (Cmax) სისხლის პლაზმაში მიიღწევა 30-60 წთ-ის შემდეგ. მისი ბიოშეღწევადობა შეადგენს 60-98%-ს. განაწილების მოცულობაა (Vd 0.8-1.36 ლ/კგ. პრეპარატი გადის ჰემატოენცეფალურ და პლაცენტურ ბარიერებს, გადადის დედის რძეში. სისხლის პლაზმის ცილებს უკავშირდება 25-50%. მისი ნახევარგამოყოფის პერიოდი (T1/2) 2-4 სთ-ია.

პრეპარატი განიცდის მეტაბოლიზმს ღვიძლში, რის შედეგადაც წარმოიქმნება პარაცეტამოლის გლუკურონიდი და სულფატი. გამოიყოფა თირკმლებით ძირითადად კონიუგატების სახით,

1-4% – უცვლელი სახით.

ჩვენება:

• ცხელების სინდრომი ინფექციურ-ანთებითი დაავადებების ფონზე;

• სუსტი ან ზომიერი ინტენსივობის სხვადასხვა გენეზის ტკივილის სინდრომი (მათ შორის, თავის ტკივილი, შაკიკი, კბილის ტკივილი, ნევრალგია, მიალგია, ალგოდისმენორეა; ტკივილი ტრავმებისა და დამწვრობის დროს).

მიღების წესი და დოზირება:

ტაბლეტები:

მოზრდილებში პაკოლი ინიშნება – 1-2 ტაბლეტი (500-1000 მგ) 4-ჯერ დღეში; მიღებებს შორის ინტერვალი უნდა შეადგენდეს არანაკლებ 4 სთ-ს. მაქსიმალური ერთჯერადი დოზაა – 1000 მგ (2 ტაბლეტი), ხოლო მაქსიმალური სადღეღამისო დოზა – 4000 მგ (8 ტაბლეტი).

6-12 წლის ასაკის ბავშვებში ინიშნება – 1/2-1 ტაბლეტი (250-500 მგ). პრეპარატის მაქსიმალური სადღეღამისო დოზა შეადგენს 4 ტაბლეტს (2000 მგ-ს); მიღებებს შორის ინტერვალი უნდა შეადგენდეს არანაკლებ 4-6 სთ-ს.

6 წლამდე ასაკის ბავშვებში პაკოლის ტაბლეტირებული ფორმის გამოყენება არ არის რეკომენდებული (გაძნელებული პერორალური მიღება).

სიროფი:

პრეპარატი გამოიყენება ბავშვებში 2 თვის ასაკიდან. დოზა დგინდება ბავშვის სხეულის წონის მიხედვით. მაქსიმალური ერთჯერადი დოზა შეადგენს 15 მგ/კგ სხეულის წონაზე, მაქსიმალური სადღეღამისო დოზა – 60 მგ/კგ სხეულის წონაზე.

რეკომენდებული ერთჯერადი დოზაა:

3 თვიდან 1 წლამდე ასაკის ბავშვებში – 2.5-5 მლ (60-120 მგ);

1-დან 5 წლამდე ასაკის ბავშვებში – 5-10 მლ (120-250 მგ);

6-დან 12 წლამდე ასაკის ბავშვებში – 10-20 მლ (250-500 მგ).

მიღებებს შორის ინტერვალი უნდა შეადგენდეს არანაკლებ 4-6 სთ-ს.

მკურნალობის მაქსიმალური ხანგრძლივობა ტკივილგამაყუჩებელი ეფექტისთვის შეადგენს 5 დღეს; სიცხის დამწევი ეფექტისთვის – 3 დღეს. დოზის მომატება ან მკურნალობის კურსის გახანგრძლივება ხდება მხოლოდ ექიმის რეკომენდაციით.

გვერდითი მოვლენები:

პრეპარატი რეკომენდებული დოზებით მიღებისას ხასიათდება კარგი ამტანობით.

საჭმლის მომნელებელი სისტემის მხრივ: შესაძლებელია – გულისრევა, ტკივილი ეპიგასტრიუმის არეში;

ალერგიული რეაქციები: შესაძლებელია – გამონაყარი კანსა და ლორწოვანზე (როგორც წესი, ერითემატოზური ან ურტიკარული), ქავილი,  ჭინჭრის ციება, კვინკეს შეშუპება;

იშვიათად – წამლისმიერი ცხელება;

სისხლმბადი სისტემის მხრივ: იშვიათად – ანემია, თრომბოციტოპენია, ნეიტროპენია, პანციტოპენია, ლეიკოპენია, აგრანულოციტოზი, მეთჰემოგლობინემია.

პრეპარატის მაღალი დოზით ხანგრძლივი გამოყენებისას შესაძლებელია ჰეპატოტოქსიკური და ნეფროტოქსიკური მოქმედება.

უკუჩვენება:

* მომატებული მგრძნობელობა პარაცეტამოლის ან პრეპარატის შემადგენლობაში შემავალი რომელიმე კომპონენტის მიმართ;

* ღვიძლის და/ან თირკმლის ფუნქციის გამოხატული დარღვევები;

* ფერმენტ გლუკოზო-6-ფოსფატდეჰიდროგენაზას დეფიციტი;

* სისხლის სისტემის დაავადებები;

* ქრონიკული ალკოჰოლიზმი.

ურთიერთქმედება სხვა სამკურნალო საშუალებებთან:

პარაცეტამოლისა და ბარბიტურატების, დიფენინის, კარბამაზეპინის, რიფამპიცინის, ზიდოვუდინის და ღვიძლის მიკროსომული ფერმენტების სხვა ინდუქტორების ერთდროული გამოყენებისას იზრდება პრეპარატის ჰეპატოტოკსიკური მოქმედების განვითარების რისკი.

ბარბიტურატების ხანგრძლივი გამოყენება აქვეითებს პარაცეტამოლის ეფექტურობას.

პრობენეციდთან ერთდროული გამოყენებისას შესაძლებელია პარაცეტამოლის ექსკრეციის და სისხლის პლაზმაში მისი კონცენტრაციის ცვლილება.

მეტოკლოპრამიდთან ერთად მიღებისას მოსალოდნელია პარაცეტამოლის აბსორბციის გაზრდა და სისხლის პლაზმაში მისი კონცენტრაციის მომატება.

მიკროსომული ჟანგვის ინჰიბიტორები (მათ შორის ციმეტიდინი) ამცირებენ ჰეპატოტოქსიკური მოქმედების საშიშროებას.

პრეპარატის ხანგრძლივად გამოყენება სალიცილატებთან ერთად ზრდის ნეფროტოქსიკური მოქმედების რისკს.

პაკოლი აძლიერებს ანტიკოაგულანტების მოქმედებას.

პერორალურ კონტრაცეპტივებთან ერთად გამოყენებისას იზრდება პარაცეტამოლის ორგანიზმიდან გამოყოფა, შესაძლებელია მისი ანალგეზიური მოქმედების შემცირება.

ანტიქოლინერგულ საშუალებებთან ერთად გამოყენებისას შესაძლებელია პარაცეტამოლის შეწოვის შემცირება.

დიაზეპამთან ერთდროული მიღებისას მოსალოდნელია დიაზეპამის ექსკრეციის დაქვეითება.

პაკოლისა და იზონიაზიდის ერთდროული გამოყენებისას აღწერილია პარაცეტამოლის ტოკსიკური მოქმედების გამოვლინების შემთხვევები.

არსებობს მონაცემები ზიდოვუდინის მიელოდეპრესიული ეფექტის გაძლიერების შესაძლებლობაზე პარაცეტამოლთან ერთად მიღებისას.

ეთინილესტრადიოლთან ერთდროული მიღებისას იზრდება პრეპარატის შეწოვა ნაწლავებიდან.

ლამოტრიჯინთან ერთად გამოყენებისას ზომიერად იზრდება ლამოტრიჯინის გამოყოფა ორგანიზმიდან.

პრეპარატის მიღებიდან 1 სთ-ზე ნაკლები პერიოდის განმავლობაში ქოლესტირამინის გამოყენებამ შესაძლებელია გამოიწვიოს პარაცეტამოლის აბსორბციის შემცირება.

გააქტივებული ნახშირის გამოყენებისას მცირდება პარაცეტამოლის ბიოშეღწევადობა.

არ არის რეკომენდებული პაკოლის გამოყენება იმ პრეპარატებთან კომბინაციაში, რომლებიც შეიცავენ პარაცეტამოლს.

ჰიპერდოზირება:

პრეპარატის დოზის გადაჭარბების შემთხვევაში მოსალოდნელია შემდეგი სიმპტომების გამოვლინება: პირველი 24 სთ-ის განმავლობაში – კანის სიფერმკრთალე, გულისრევა, ღებინება, მადის დაქვეითება, ტკივილი მუცლის არეში, ოფლიანობა; 12-48 სთ-ის შემდეგ შეიძლება განვითარდეს – მეტაბოლური აციდოზი, გლუკოზის მეტაბოლიზმის დარღვევა, ღვიძლისა და თირკმლების დაზიანების ნიშნები, ღვიძლის უკმარისობა (ენცეფალოპათია, ჰემორაგია, ჰიპოგლიკემია, ტვინის შეშუპება, კომატოზური მდგომარეობა, ლეტალური გამოსავალი), თირკმლის მწვავე უკმარისობა მწვავე ტუბულარული ნეკროზით (ღვიძლის მძიმე დაზიანების არარსებობის შემთხვევაშიც), ჰემატურია, პროტეინურია, არითმიები, პანკრეატიტი.

მკურნალობა: კუჭის ამორეცხვა, ენტეროსორბენტების (გააქტივებული ნახშირი) მიღება, N-აცეტილცისტეინის ინტრავენური შეყვანა, მეთიონინის მიღება.

ორსულობა და ლაქტაცია:

პაკოლის უსაფრთხო გამოყენება ორსულებში ბოლომდე შესწავლილი არ არის. თუმცა, არსებობს შეზღუდული მონაცემები პარაცეტამოლის უსაფრთხოების შესახებ ორსულებში.

ფარმაკოკინეტიკურმა კვლევამ, რომელიც ჩატარდა მეძუძურ დედებში, აჩვენა, რომ მიღებული პრეპარატის დოზის 1%-ზე ნაკლები გადადის დედის რძეში, რაც არანაირ საფრთხეს არ უქმნის ახალშობილს.

გამოყენების თავისებურებები:

პრეპარატი სიფრთხილით გამოიყენება ღვიძლისა და თირკმლის ფუნქციის დარღვევის მქონე პაციენტებში, კეთილთვისებიანი ჰიპერბილირუბინემიის (მათ შორის ჟილბერის სინდრომის) დროს, აგრეთვე ხანდაზმულ პაციენტებში.

ჰიპერდოზირების რისკი იზრდება იმ პაციენტებში, რომლებსაც აღენიშნებათ ღვიძლის არაციროზული ხასიათის ალკოჰოლური დაავადებები. პრეპარატის გამოყენებისას ალკოჰოლის მიღება დაუშვებელია.

პაკოლი ხშირად გამოიყენება იმ შემთხვევაშიც, როდესაც უკუნაჩვენებია სალიცილატებისა და სხვა ანთების საწინააღმდეგო არასტეროიდული საშუალებების მიღება (ბრონქული ასთმა, პეპტიური წყლული, ბავშვთა ასაკი).

პრეპარატის ხანგრძლივად გამოყენებისას აუცილებელია პერიფერიული სისხლის სურათის და ღვიძლის ფუნქციური მდგომარეობის კონტროლი.

პარაცეტამოლის გამოყენებისას სისხლის პლაზმაში შარდმჟავასა და გლუკოზის რაოდენობის განსაზღვრის ტესტის ჩატარებისას მოსალოდნელია ცრუდადებითი შედეგი.

სიროფი შეიცავს საქაროზას, რაც გასათვალისწინებელია შაქრიანი დიაბეტით დაავადებულ პაციენტებში.

პრეპარატის ზემოქმედება ავტოტრანსპორტისა და მექანიზმების მართვის უნარზე:

ფსიქომოტორული რეაქციების სიჩქარეზე პაკოლის უარყოფითი ზეგავლენის შესახებ მონაცემები არ არსებობს.

შეფუთვა:

ტაბლეტები: 10 ტაბლეტი კონტურულ უჯრედოვან შეფუთვაში, 5 კონტურული შეფუთვა მუყაოს კოლოფში.

სიროფი: 100 მლ სიროფი ნარინჯისფერ მინის ფლაკონში დოზირებული ხუფით, თითო ფლაკონი მუყაოს კოლოფში.

შენახვის პირობები:

ტაბლეტები: ინახება არა უმეტეს 30ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.

სიროფი: ინახება არა უმეტეს 30ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას.

სიროფის გაყინვა დაუშვებელია. ფლაკონის გახსნის შემდეგ სიროფი ვარგისია გამოყენებისათვის 30 დღის განმავლობაში.

ვარგისიანობის ვადა:

4 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

აფთიაქიდან გაცემის პირობა:

გაიცემა ურეცეპტოდ.