ფარმაკოლოგიური ჯგუფი: დამამშვიდებელი და საძილე საშუალება, ფიტოპრეპარატი.

ფარმაკოლოგიური თვისებები:

მელატონინი წარმოადგენს ეპიფიზის ჰორმონს, რომელიც აწესრიგებს ჩაძინების პროცესს და ძილის ფაზებს, ხსნის უძილობას, აქვს სედაციური მოქმედება. მელატონინი ასევე ამაღლებს იმუნიტეტს და ცნობილია, როგორც ყველაზე ძლიერი ბუნებრივი ანტიოქსიდანტი.

პასიფლორას აქვს დამამშვიდებელი, მსუბუქი საძილე, ასევე შფოთვის საწინააღმდეგო მოქმედება. ხსნის შინაგანი ორგანოების ნეიროგენული წარმოშობის სპაზმს.

ცაცხვის ყვავილს გააჩნია ნერვული აგზნების, კრუნჩხვის საწინააღმდეგო მოქმედება, ასევე აქვს გამოხატული საძილე ეფექტი.

გვირილას გააჩნია ტკივილგამაყუჩებელი მოქმედება და გამოიყენება ბავშვებში მუცლის ტკივილის დასაამებლად.
უძილობა ბავშვებში ხშირად კუჭ-ნაწლავის დისფუნქციით არის განპირობებული, ამიტომ თანამედროვე მიდგომებით, გვირილას შემცველობა მეტად მნიშვნელოვანია საძილე პრეპარატებში. ეშოლციას, ალკალოიდების დიდი რაოდენობით შემცველობის გამო, გააჩნია დამამშვიდებელი, სპაზმოლიზური და ტკივილგამაყუჩებელი მოქმედება.

მაგნიუმი უზრუნველყოფს ნეირონების მიერ ნერვულ იმპულსთა მიღება-გატარებას და მისი დეფიციტი ორგანიზმში განაპირობებს აგზნებას, სტრესისადმი მიდრეკილებას.

ჩვენებები:

• მოუსვენრობა, შფოთვა
• მომატებული აღგზნებადობა, გაღიზიანებადობა
• ძილის მოშლა
• ნევრასთენიის მსუბუქი ფორმა, სტრესის შემდგომი მდგომარეობა, შიში ან დათრგუნვა
• კუჭ-ნაწლავის ფუნქციური დარღვევები

უკუჩვენება: 3 თვემდე ასაკის ბავშვები. მომატებული მგრძნობელობა პრეპარატის კომპონენტების მიმართ.

მიღების წესი და დოზირება:

• ბავშვებში 2 წლამდე 10-15 წვეთი ძილის წინ 30 წუთით ადრე, ერთხელ დღეში.
• 2 წლის ზემოთ ბავშვებში 15-20 წვეთი ძილის წინ 30 წუთით ადრე, 1-2ჯერ დღეში. რეკომენდებულია პრეპარატი ჩავაწვეთოთ წყალში, რძეში, ან დავაწვეთოთ შაქრის ნატეხზე.

გამოშვების ფორმა: 30მლ. წვეთები, მარწყვის არომატით.

შენახვის წესები: ინახება 10-25⁰C ტემპერატურაზე. მშრალ და სინათლისაგან დაცულ ადგილას. ინახება ბავშვებისთვის მიუწვდომელ ადგილას.

მწარმოებელი: ValueMED pharma S.r.l. (იტალია)

საერთაშორისო დასახელება:

VALACYCLOVIR

მწარმოებელი: GLAXOSMITHKLINE,დიდი ბრიტანეთი

მოქმედი ნივთიერება: ვალაციკლოვირი

კლინიკურ-ფარმაკოლოგიური ჯგუფი:

ანტივირუსული საშუალება.

შემადგენლობა და გამოშვების ფორმა:

ტაბლეტები: შეფუთვაში 10 ც.

1 ტაბ.

ვალაციკლოვირი ………………  500 მგ

ფარმაკოგიური თვისებები:

ვალაციკლოვირი წარმოადგენს, ჰერპესვირუსების დნმ-პოლიმერაზას სპეციფიკურ ინჰიბიტორს, რომელიც ახდენს ვირუსული დნმ-ის სინთეზისა და ვირუსების რეპლიკაციის ინჰიბირებას.

ადამიანის ორგანიზმში ვალაციკლოვირი გარდაიქმნება აციკლოვირად და ვალინად. აციკლოვირიდან ფოსფორილირების შედეგად წარმოიქმნება აციკლოვირის ტრიფოსფატი, რომელიც არჩევითად აბლოკირებს ვირუსულ დნმ-პოლიმერაზას, ფოსფორილირების პირველი ეტაპი მიმდინარეობს ვირუს-სპეციფიკური ფერმენტის მეშვეობით.

Herpes simplex, Varicella zoster და ებშტეინ ბარის ვირუსებისათვის აღნიშნული ფერმენტი ვირუსული თიმიდინკინაზაა, რომელიც მხოლოდ ვირუსით ინფიცირებულ უჯრედებში იდენტიფიცირდება.

ციტომეგალო ვირუსის შემთხვევაში პრეპარატის ფოსფორილირება ნაწილობრივ ფოსფოტრანსფერაზა UL97 გენის პროდუქტის მეშვეობით ხორციელდება. აციკლოვირის აქტივაციის პროცესისათვის ვირუს-სპეციფიკური ფერმენტის არსებობის საჭიროება პრეპარატის მაღალ სელექციურობას ადასტურებს. in vitro ვალაციკლოვირი აქტიურია 1 და 2 ტიპის Herpes simplex-ის ვირუსის, Varicella zoster-ისა და ებშტეინ-ბარის, ციტომეგალოვირუსისა და ადამიანის VI ტიპის ჰერპეს ვირუსის მიმართ.

პაციენტებიდან გამოყოფილი შტამების საფუძვლიანმა შესწავლამ აჩვენა, რომ ნორმალური იმუნური სტატუსის მქონე პაციენტებში აციკლოვირისადმი რეზისტენტული ვირუსის შტამების არსებობა პრაქტიკულად გამორიცხულია.

პრეპარატისადმი რეზისტენტული ვირუსების შტამების არსებობა განსაკუთრებით დამახასიათებელია ინდივიდებისათვის გამოხატული იმუნოდეფიციტური მდგომარეობით: მაგალითად, რეციპიენტებში, შინაგანი ორგანოებითა და ძვლის ტვინით; პაციენტებში, რომლებიც იტარებენ ქიმიოთერაპიას ავთვისებიანი წარმონაქმნების გამო და შიდსით დაავადებულ პირებში.

აციკლოვირის მიმართ ვირუსის დაქვეითებული მგრძნობელობა განპირობებულია ვირუსით ინფიცირებულ უჯრედებში თიმიდინკინაზას ფენოტიპური დეფიციტით. ძალზე იშვიათად აღნიშნულის მიზეზს წარმოადგენს ფარული ცვლილებები ვირუსული თიმიდინკინაზის ან დნმ-პოლიმერაზის მხრიდან.

ფარმაკოკინეტიკა:

შეწოვა, განაწილება და მეტაბოლიზმი:

პერორალური მიღების შემდეგ ვალაციკლოვირი კარგად შეიწოვება გასტროინტესტინური ტრაქტიდან და სწრაფად და სრულად გარდაიქმნება საბოლოო კომპონენტებად: აციკლოვირად და L-ვალინად. აღნიშნული პროცესის განხორციელება შესაძლებელია ფერმენტ ვალაციკლოვირჰიდროლაზას მეშვეობით.

1 გ ვალაციკლოვირის პერორალური მიღებისას აციკლოვირის ბიოშეღწევადობა 54%-ს შეადგენს, საკვების მიღების პროცესისაგან დამოუკიდებლად.

აციკლოვირის C_max 0.5-1 გ ვალაციკლოვირის ერთჯერადი მიღებიდან 1.5 სთ-ში საშუალოდ შეადგენს 15-25 მკმოლი/მლ-ს. სისხლის პლაზმაში საკუთრივ ვალაციკლოვირის C_max აციკლოვირის შემცველობის მაჩვენებლის მხოლოდ 4%-ია, რაც საშუალოდ მიიღწევა პრეპარატის პერორალური მიღებიდან 45-60 წთ-ში; მიღებიდან 3 სთ-ში ვალაციკლოვირი აღარ განისაზღვრება სიხლის პლაზმაში.

ვალაციკლოვირი უმნიშვნელო რაოდენობით (15%) უკავშირდება პლაზმის ცილებს.

გამოყოფა:

ვალაციკლოვირის ერთჯერადი ან განმეორებითი მიღებისას აციკლოვირის T_1/2 3 საათს შეადგენს. შარდში განისაზღვრება ვალაციკლოვირის მიღებული დოზის 1%-ზე ნაკლები. ძირითადად ვალაციკლოვირი შარდით გამოიყოფა აციკლოვირისა და მისი მეტაბოლიტის – 9-კარბოქსიმეტოქსიმეთილგუანინის სახით.

ჩვენებები:

• ჰერპეს ზოსტერის თერაპია;
• Herpes simplex 1 და 2 ტიპის ვირუსებით გამოწვეული კანისა და ლორწოვანი გარსის ინფექციების მკურნალობა (როგორც პირველადი, აგრეთვე რეციდიული გენიტალური ჰერპესის ჩათვლით);
• Herpes simplex 1 და 2 ტიპის ვირუსებით გამოწვეული კანისა და ლორწოვანი გარსების რეციდივის პროფილაქტიკა (გენიტალური ჰერპესის ჩათვლით);
• ციტომეგალოვირუსული ინფექციის პროფილაქტიკა და მკურნალობა ორგანოების ტრანსპლანტაციის შემდგომ პერიოდში. ვალტრექსით პროფილაქტიკა მნიშვნელოვნად ამცირებს ტრანსპლანტანტის მოცილების რეაქციას, პირობით-პათოგენური მიკროორგანიზმებით გამოწვეული ინფექციისა და აგრეთვე სხვა ვირუსული ინფექციის (ჰერპეს ზოსტერის ჩათვლით) განვითარებას.

მიღების წესი და დოზირება:

ჰერპეს ზოსტერის თერაპიის მიზნით ვალტრექსი ინიშნება 1000 მგ 3-ჯერ დღეში 7 დღის განმავლობაში.

Herpes simplex 1 და 2 ტიპის ვირუსებით გამოწვეული ინფექციების მკურნალობის დროს ვალტრექსი ინიშნება 500 მგ 2-ჯერ დღეში.

Herpes simplex ვირუსებით გამოწვეული რეციდიული დაავადების დროს მკურნალობის დაწყება რეკომენებულია პროდრომულ პერიოდში ან დაავადების პირველი სიმპტომების გამოვლენისთანავე. მკურნალობის ხანგრძლივობა 3-5 დღე. პირველი ეპიზოდის არსებობის შემთხვევაში, რომელიც უმთავრესად უფრო მძიმედ მიმდინარეობს, მკურნალობა უნდა დაიწყოს შეძლებისდაგვრად ადრეულ პერიოდში, ხოლო კურსის გახანგრძლივება რეკომენდებულია 10 დღემდე.

Herpes simplex ვირუსებით გამოწვეული დაავადებების რეცივიდის პროფილაქტიკისათვის ნორმალური იმუნური სტატუსის მქონე მოზრდილ პაციენტებს ენიშნებათ 500 მგ ერთხელ დღეში. უფრო ხშირი რეციდივიების არსებობისას (10 და მეტი წლის განმავლობაში) შესაძლოა უფრო ეფექტური იყოს 250 მგ 2-ჯერ დღეში. მოზრდილებში იმუნოდეფიციტური მდგომარეობის ფონზე ინიშნება 500 მგ 2-ჯერ დღეში.

ციტომეგალოვირუსული ინფექციის პროფილაქტიკისათვის მოზრდილებს და მოზარდებში 12 წლის ასაკის ზევით ინიშნება 2 გ 4-ჯერ დღეში. პრეპარატის დანიშვნა უნდა მოხდეს ტრანსპლანტაციის შემდგომ პერიოდში შეძლებისდაგვარად ადრე. დოზის კორექცია შესაძლებელია კრეატინინის კლირენსის მიხედვით. მკურნალობის კურსის ხანგრძლივობა 90 დღეს შეადგენს, რომლის გახანგრძლივება რეკომენდებულია ინფექციის განვითარების მაღალი რისკის მქონე პაციენტებში.

პაციენტები თირკმლის დაქვეითებული ფუნქციით მიღების წესის და დოზირებას შერჩევას საჭიროებენ კრეატინინის კლირენსისა და დანიშვნის ჩვენების მიხედვით.

ჰერპეს ზოსტერის თერაპია:

– კრეატინინის კლირენსი 15-30 მლ/წთ, ვალტრექსის დოზირება 1 გ 2-ჯერ დღეში;

– კრეატინინის კლირენსი

Herpes simplex ვირუსებით გამოწვეული ინფექციების მკურნალობა:

– კრეატინინის კლირენსი

Herpes simplex ვირუსებით გამოწვეული ინფექციების პროფილაქტიკა:

კრეატინინის კლირენსი

ციტომეგალოვირუსული ინფექციების პროფილაქტიკა:

ჰემოდიალიზზე მყოფი თირკმლის უკმარისობის მქონე პაციენტებში ვალტრექსი ინიშნება კრეატინინის კლირენსის >15 მლ/წთ-ის შესატყვისი რეკომენდებული დოზით. პრეპარატი მიიღება ჰემოდიალიზის შემდეგ.

პაციენტები მსუბუქი და ზომიერი ხარისხის დაქვეითებული ფუნქციით პრეპარატის დოზის სპეციალურ კორექციას არ საჭიროებენ. ფარმაკოკინეტიკურ გამოკვლევებს მძიმე ფორმის ღვიძლის ციროზისა და ღვიძლის დაქვეითებული სინთეზური ფუნქციის მქონე პაციენტებში არაა მიღებული მიღების წესის და დოზირების კორექციის აუცილებლობაზე დამადასტურებელი მონაცემები.

თუმცა უნდა აღინიშნოს, რომ მონაცემები ვალტრექსის კლინიკური გამოყენების გამოცდილების შესახებ აღნიშნული კონტიგენტის პაციენტებში შეზღუდულია.

გვერდითი მოვლენები:

კუჭ-ნაწლავის ტრაქტის მხრივ: გულისრევა, ღებინება, დიარეა, დისკომფორტის შეგრძნება;

იშვიათად – ღვიძლის ფუნქციური სინჯების მაჩვენებლების ტრანზიტორული მომატება.

ცნს-ის მხრივ: იშვიათად – თავის ტკივილი; განსაკუთრებულად იშვიათ შემთხვევებში – შექცევადი ხასიათის ნევროლოგიური მოშლილობანი, როგორიცაა თავბრუსხვევა, მეხსიერების დაბინდვა, ჰალუცინაციები (განსაკუთრებით თირკმლის დაქვეითებული ფუნქცის მქონე პაციენტებსა და სხვ.);

ალერგიული რეაქციები: იშვიათად – გამონაყარი, ჭინჭრის ციება ქავილი, ანგიონევროზული შეშუპება, ანაფილაქსია.

სხვა გვერდითი მოვლენები: იშვიათად – თრომბოციტოპენია, ქოშინი, თირკმლის ფუნქციის დარღვევა.

უნდა აღინიშნოს, რომ ვალაციკროვირის მიღებისა და სიცოცხლისათვის საშიში გართულების განვითარებას შორის ურთიერთკავშირი საბოლოოდ არ დადასტურდა.

უკუჩვენებები:

*მომატებული მგრძნობელობა ვალაციკლოვირის ან აციკლოვირის მიმართ.

ორსულობა და ლაქტაცია:

ორსულობის პერიოდში ვალტრექსისა და ზოვირაქსის გამოყენების ყველა შემთხვევის სპეციალურმა რეგისტრაციამ შესაბამისი 111 და 1246 ორსულში (რომელთაგან 29 და 756 დაენიშნა ორსულობის I ტრიმესტრში) დაადასტურა, რომ ვალაციკლოვირის გამოყენება ორსულობის დროს (I ტრიმესტრში) არ იწვევს ნაყოფის განვითარების მანკებსა და დეფექტების რიცხვის მომატებას ზოგადი პოპულაციის ანალოგიურ მაჩვენებელთან შედარებით.

აციკლოვირი წარმოადგენს ვალაციკლოვირის ძირითად მეტაბოლიტს, რომელიც ექსკრეტირდება რძეში. შესაბამისად, ლაქტაციის პერიოდში ვალტრექსის დანიშვნა რეკომენდებულია სიფრთხილის ზომების გათვალისწინებით.

განსაკუთრებული მითითებები:

ხანდაზმული ასაკის პაციენტებში ვალტრექსის გამოყენების დროს საჭიროა დიდი რაოდენობით სითხის მიღება.

პედიატრიაში გამოყენება: ბავშვებში პრეპარატის გამოყენების კლინიკური გამოცდილება არ არსებობს.

ჭარბი დოზირება:

არ არის მონაცემები პრეპარატის ჭარბი დოზირების შემთხვევების შესახებ.

15 გ ვალტრექსის შესატყვისი 80 მგ/კგ-ზე დოზით აციკლოვირის ერთჯერადი ინტრავენური ინექციის დროს გვერდითი მოვლენები არ გამოვლენილა.

მკურნალობა: აციკლოვირი ორგანიზმიდან გამოიყოფა ჰემოდიალიზის საშუალებით.

სხვა წამლებთან ურთიერთქმედება:

კლინიკური მნიშვნელობის მქონე ურთიერთქმედება ვალტრექსსა და სხვა პრეპარატებს შორის არაა გამოვლენილი.

შენახვის პირობები:

პრეპარატი ინახება არა უმეტეს 30⁰C ტემპერატურაზე, სინათლისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 3 წელი.

შემადგენლობა და გამოშვების ფორმა:

პრეპარატის ერთი ტაბლეტი შეიცავს აქტიური ნივთიერების – ვალსარტანის 80 მგ ან 160 მგ-ს.

მოქმედების მექანიზმი:

ანგიოტენზინ II-ს რეცეპტორების სპეციფიკური ანტაგონისტი. ამორჩევითად აინჰიბირებს AT1 ქვეტიპის რეცეპტორებს, რომელიც პასუხისმგებელია ანგიოტენზინ II-ის ეფექტზე. ვალსარტანი აბლოკირებს ანგიოტენზინით გამოწვეული სისხლძარღვების შევიწროვებასა და ალდოსტერონის გამოყოფას. პრეპარატის მიღების შემდეგ, პლაზმაში ანგიოტენზინ II-ის გაზრდილმა დონემ შესაძლოა მოახდინოს AT2 რეცეპტორების სტიმულირება, თუმცა ვალტანის აფინურობა AT1 რეცეპტორების მიმართ 20000-ჯერ მეტია AT2 რეცეპტორებთან შედარებით.

პრეპარატის ერთჯერადად მიღებისას ჰიპოტენზიური ეფექტი 2 საათში მიიღწევა, მაქსიმუმს აღწევს 4-6 საათში და შენარჩუნებული რჩება 24 საათის განმავლობაში. განმეორებითი დოზირების შემთხვევაში მაქსიმალური თერაპიული ეფექტი მიიღწევა მკურნალობიდან 2-4 კვირაში და შენარჩუნებული რჩება ხანგრძლივი თერაპიის შემთხვევაში.

პრეპარატის მიღების შეწყვეტის შემთხვევაში არ ვითარდება მოხსნის სინდრომი.

პრეპარატი არ მოქმედებს ანგიოტენზინის გარდამქმნელ ფერმენტზე, არ ხდება ბრადიკინინის დეგრადაცია და შესაბამისად მცირეა ხველის განვითარების რისკი. ვალსარტანი გავლენას არ ახდენს შრატში საერთო ქოლესტერინის, შარდმჟავას, ტრიგლიცერიდებისა და გლუკოზის დონეზე.

ვალსარტანი ასუსტებს გულის უკმარისობის სიმპტომებს, აფერხებს დაავადების პროგრესირებასა და ჰოსპიტალიზაციის შემთხვევებს, აუმჯობესებს სიცოცხლის ხარისხს.

პერორალურად მიღებული ვალსარტანი კარგად შეიწოვება კუჭ-ნაწლავის ტრაქტიდან. პრეპარატის ბიოშეღწევადობა 23%-ია. 94-97% უკავშირდება პლაზმის ცილებს. მიღებული პრეპარატის ნაწილი (70%) გამოიყოფა ფეკალურ მასებთან ერთად, ხოლო 30% შეუცვლელი სახით – შარდთან ერთად.

ჩვენება:

• ჰიპერტონიის მკურნალობა;
• გულის უკმარისობა (II-IV კლასის NYHA-ს კლასიფიკაციით), როდესაც სხვა ჰიპოტენზიური საშუალებები, როგორიცაა შარდმდენები, სათითურას პრეპარატები, აგფ ინჰიბიტორები, ბეტა-ბლოკატორები არაეფექტურია;
• ინფარქტის შემდგომი მდგომარეობა. აუმჯობესებს მარცხენა პარკუჭის უკმარისობისა ან/და სისტოლური დისფუნქციის სიმპტომებს, მაჩვენებლებს და რენტგენოლოგიურ მონაცემებს კლინიკურად სტაბილურ პაციენტებში.

დოზირება და მიღების წესი:

ვალტანის რეკომენდებული დღიური დოზაა 80 მგ დღეში, ყოველდღიურად.

პრეპარატის ანტიჰიპერტონული ეფექტი მკურნალობის დაწყებიდან 2 კვირაში ვლინდება, ხოლო მაქსიმალური ეფექტი 4 კვირაში მიიღწევა. პაციენტებს, რომლებიც არტერიული წნევის დასარეგულირებლად საჭიროებენ მეტ დოზას, დღიური დოზა შესაძლოა გაიზარდოს 160 მგ-მდე ან დამატებით შარდმდენები დაინიშნოს.

პაციენტები თირკმლის ან ღვიძლის უკმარისობით დოზის კორექციას არ საჭიროებენ, გარდა იმ შემთხვევებისა, როდესაც ღვიძლის უკმარისობა არ არის განპირობებული ან არ მიმდინარეობს ქოლესტაზით.

გულის ქრონიკული უკმარისობის დროს საწყისი რეკომენდებული დოზა 40 მგ-ია 2-ჯერ დღეში ყოველდღიურად. დოზა შესაძლოა გაიზარდოს 80 მგ-მდე 2-ჯერ დღეში, ხოლო კარგად გადატანის შემთხვევაში – 160 მგ-მდე 2-ჯერ დღეში.

შარდმდენებთან ერთდროული მიღების შემთხვევაში შესაძლოა საჭირო გახდეს დოზის შემცირება. მაქსიმალური დღიური დოზაა 320 მგ 2-ჯერ დღეში.

უკუჩვენება:

– პრეპარატის კომპონენტებისადმი მომატებული მგრძნობელობა;

– ორსულობა და ლაქტაციის პერიოდი;

ვალტანი სიფრთხილით ინიშნება პაციენტებში ღვიძლის ბილიარული ციროზით, სანაღვლე გზების გაუვალობით; თირკმლის უკმარისობით (კკ

უსაფრთხოების ზომები:

იშვიათ შემთხვევაში მკურნალობის საწყის ეტაპზე პაციენტებში, ნატრიუმის ან მოცირკულირე სისხლის მოცულობის (სცმ) გამოხატული დეფიციტით, შესაძლოა განვითარდეს სიმპტომური ჰიპოტენზია. შესაბამისად მკურნალობის დაწყებამდე საჭიროა ნატრიუმის ან მოცირკულირე სისხლის მოცულობის დეფიციტის კორექცია. ჰიპოტონიის განვითარების შემთხვევაში პაციენტმა უნდა მიიღოს ჰორიზონტალური მდგომარეობა და საჭიროების მიხედვით მოხდეს ფიზიოლოგიური ხსნარის ი/ვ ინფუზია. არტერიული წნევის დარეგულირების შემთხვევაში შესაძლებელია ვალტანით მკურნალობის გაგრძელება.

პაციენტები თირკმლის უკმარისობით არ საჭიროებენ დოზის კორექციას, ხოლო თირკმლის გამოხატული უკმარისობის შემთხვევაში (კკ

პაციენტები ღვიძლის უკმარისობით დოზის კორექციას არ საჭიროებენ, ხოლო პაციენტებში, სანაღვლე გზების ობსტრუქციით, ვალტანი განსაკუთრებული სიფრთხილით ინიშნება.

პაციენტებში, გულის უკმარისობით ან ინფარქტის შემდგომ პერიოდში, რომლებიც იღებენ ვალტანს რეკომენდებული დოზით, შესაძლოა განვითარდეს არტერიული წნევის უმნიშვნელო დაქვეითება, რომელიც პრეპარატის მოხსნას არ საჭიროებს. ხოლო პაციენტებში გულის მძიმე ხარისხის უკმარისობით, რომელთა თირკმლის ფუნქციური აქტივობა დამოკიდებულია რენინ-ანგიოტენზინ-ალდოსტერონის სისტემაზე, ვალტანით მკურნალობამ შესაძლოა გამოიწვიოს ოლიგურია ან/და აზოტემია, ხოლო იშვიათად – თირკმლის მწვავე უკმარისობა. ამიტომ პაციენტის მდგომარეობის შეფასებისას, გულის უკმარისობითა და ინფარქტის შემდგომ პერიოდში, საჭიროა თირკმლის ფუნქციური მდგომარეობის განსაზღვრა.

ვალტანის სხვა სამკურნალო საშუალებებთან, როგორიცაა ციმეტიდინი, ვარფარინი, ფუროსემიდი, დიგოქსინი, ატენოლოლი, ინდომეტაცინი, ჰიდროქლორთიაზიდი, ამიოდარონი და გლიბენკლამიდი, კლინიკურად მნიშვნელოვანი ურთიერთქმედება გამოვლენილი არ არის.

ვინაიდაინ ვალსარტანი არ განიცდის მეტაბოლიზმს, პრეპარატები, რომლებიც აინჰიბირებენ ან ინდუცირებას უკეთებენ ციტოქრომ P450 ფერმენტულ სისტემას, კლინიკურად ნაკლებად მნიშვნელოვან ურთიერთქმედებას ავლენენ.

კალიუმის დამზოგველ დიურეტიკებთან (სპირონოლაქტონი, ტრიამტერენი, ამიოდარონი), კალიუმის შემცველ პრეპარატებთან ან მარილებთან კომბინაციაში ვალტანი სიფრთხილით ინიშნება კალიუმის დონის შესაძლო მატების გამო.

ვალტანი სიფრთხილით ინიშნება აგფ ინჰიბიტორებთან და ბეტა-ბლოკატორებთან კომბინაციაში გულის უკმარისობის მქონე პაციენტებში.

18 წლამდე ასაკის პაციენტებში პრეპარატის ეფექტურობა და უსაფრთხოება დადგენილი არ არის.

ვალტანი სიფრთხილით ინიშნება მექანიკური საშუალებებისა და ავტოტრანსპორტის მართვისას.

ჭარბი დოზირება:

დოზის გადაჭარბებამ შესაძლოა გამოიწვიოს გამოხატული ჰიპოტონია, გონების დაკარგვა, კოლაფსი ან შოკი.

მკურნალობა: ღებინების ინდუცირება (თუ პრეპარატი მიღებულია მცირე ხნის წინ), ჰიპოტენზიის შემთხვევაში რეკომენდებულია ი/ვ ფიზიოლოგიური ხსნარის ინფუზია. ჰემოდიალიზი ნაკლებად ეფექტურია.

ორსულობა და ლაქტაცია:

ორსულობის პერიოდში პრეპარატის მიღება უკუნაჩვენებია. ხოლო მკურნალობის პერიოდში პაციენტის დაორსულების შემთხვევაში პრეპარატი რაც შეიძლება სწრაფად უნდა მოიხსნას. ვალტანის მიღება ლაქტაციის პერიოდში არ არის რეკომენდებული.

გვერდითი მოვლენები:

გამოვლენილი გვერდითი ეფექტები სუსტი და გარდამავალი ხასიათისაა და იშვიათად მოითხოვს მკურნალობის შეწყვეტას.

ხშირად: ორთოსტატული ჰიპოტონია, თავის ტკივილი, თავბრუსხვევა, ვირუსული და ზედა სასუნთქი გზების ინფექციები, ხველა, დიარეა, საერთო სისუსტე, რინიტი, სინუსიტი, წელის ტკივილი, ტკივილი მუცლის არეში, გულისრევა, ფარინგიტი, ართრალგია, ნეიტროპენია.

იშვიათად: ალერგიული რეაქცია, ვასკულიტი, ასთენია, ჰიპერკალიემია, უძილობა, ლიბიდოს დაქვეითება,

ძალიან იშვიათად: თრომბოციტოპენია, თირკმლის ფუნქციის დარღვევა, თირკმლის მწვავე უკმარისობა, მიალგია, ანგიონევროზული შეშუპება, გამონაყარი კანზე, ქავილი, ღებინება, გულის უკმარისობა,

ვარგისიანობა და შენახვის პირობები:

პრეპარატის ვარგისიანობის ვადაა 3 წელი, ინახება არაუმეტეს 30°C ტემპერატურამდე, სინათლისაგან დაცულ, მშრალ, ბავშვებისათვის ხელმიუწვდომელ ადგილზე!

გამოშვების ფორმა:

ტაბლეტი 80 მგ ან 160 მგ; 14 ტაბლეტი ბლისტერებში; მეორადი შეფუთვა – მუყაოს კოლოფში.

აფთიაქიდან გაცემის პირობები:

ექიმის რეცეპტით!

შემადგენლობა:

კატაბალახას ნაყენი – 8 მლ; შავბალახას ნაყენი – 8 მლ; პიტნის ნაყენი – 4 მლ; სვიის ნაყენი – 2 მლ; კუნელის ნაყენი – 4 მლ; ბარამბოს ნაყენი – 4 მლ;

«ვალოსედი» შეიცავს ბიოლოგიურად აქტიურ ნივთიერებათა კომპლექსს: ეთერზეთებს (ბორნეოლიზოვალერიანატი, ბორნეოლი, იზოვალერიანის მჟავა, მენთოლი), ვალეპოტრიატებს, ფლავონოიდებს (ქვერცეტინი, რუტინი, ქვინკველოზიდი) ტრიტერპენულ საპონინებს, ვიტამინებს, ტანინებს, მწარე გლიკოზიდებს, ლუპულინს, ჰუმულონს, ლუპულონს, ურსულის და ოლეინის მჟავებს.

ფარმაკოლოგიური ჯგუფი:

სედაციური, სპაზმოლიზური სამკურნალო საშუალება.

ფარმაკოლოგიური მოქმედება:

პრეპარატს აქვს სედაციური, სპაზმოლიზური, ჰიპოტენზიური, კარდიოტონული, კრუნჩხვების საწინააღმდეგო, ტკივილგამაყუჩებელი მოქმედება, აძლიერებს შეკავების პროცესებს თავის ტვინის კორტიკალური და სუბკორტიკალური სტრუქტურების ნეირონებში, ამცირებს რეფლექტორულ აგზნებას ნერვული სისტემის ცენტრალურ ნაწილებში, ახანგრძლივებს საძილე პრეპარატების მოქმედებას, ამცირებს სპონტანური მოქმედების აქტივობას, ხსნის ნეიროგენული წარმოშობის არითმიებს, რეფლექსურად აფართოებს თავის ტვინის სისხლძარღვებს, ამცირებს შინაგანი ორგანოების გლუვი კუნთების სპაზმს, აძლიერებს ნაღვლდენას, საჭმლის მომნელებელი ჯირკვლების სეკრეციას, პერისტალტიკას. ხელს უწყობს ცხიმებისა და წყალ-მარილოვანი ცვლის რეგულაციას.

ჩვენება:

• სხვადასხვა ფორმის ნევროზები, მათს შორის – კლიმაქტერული ნევროზი;
• აგზნებულობა, შიში, დაძაბულობა;
• შაკიკის მსგავსი თავის ტკივილები;
• ნეიროგენული არითმიები;
• ჰიპერტონული დაავადება (I, II სტადია);
• ღვიძლის და სანაღვლე გზების დაავადებები (ქოლეცისტიტი, ქოლანგიტი);
• კუჭ-ნაწლავის სეკრეციული ფუნქციის დარღვევები;
• მეტეორიზმი, გულისრევა;
• ნეიროგენული წარმოშობის ყაბზობა;
• ესტროგენული ჰორმონის უკმარისობა;

მიღების წესი:

პერორულად 20-25 წვეთი 3-ჯერ დღეში ჭამის შემდეგ.

გვერდითი მოვლენები:

დიდი დოზით და ხანგრძლივად მიღებისას პრეპარატმა შეიძლება გამოიწვიოს ძილიანობა, თავბრუსხვევა, შრომის უნარის დაქვეითება.

ვარგისიანობის ვადა:

2 წელი.

შენახვის პირობები:

მშრალ, გრილ ადგილზე.

აფთიაქიდან გაცემის წესი:

ურეცეპტოდ.

შემადგენლობა და გამოშვების ფორმა:

შემოგარსული ტაბლატები

ვალოსედი მშრალი ექსტრაქტი – 0,05გ (კატაბალახას ფესურა და ფესურები – 3 წილი, შავბალახას ბალახი – 3 წილი, პიტნის ფოთლები – 2 წილი, ბარამბოს ბალახი – 2 წილი, სვიის გირჩები – 1 წილი, კუნელის ყვავილები – 1 წილი);

დამხმარე ნივთიერებები: მაგნიუმის ფუძეკარბონატი, ტალკი, სახამებელი, კალციუმის სტეარატი – საჭირო რაოდენობით 0.112-0.114 გ მასის ტაბლეტების მისაღებად (უგარსოდ).

დამხმარე ნივთიერებები:

მაგნიუმის ფუძეკარბონატი, საქაროზა, ტალკი, აეროსილი, ტიტანის ორჟანგი, ცისფერი საღებავი.  საჭირო რაოდენობებით 0.16–0.19 გ მასის ტაბლეტების მისაღებად (გარსით).

პრეპარატში შემავალი მცენარეები  შეიცავს ბიოლოგიურად აქტიურ ნივთიერებათა კომპლექსს: ეთერზეთებს (ბორნეოლიზოვა ლერიანატი, ბორნეოლი, იზოვალერიანის მჟავა, მენთოლი), ვალეპოტრიატებს, ფლავონოიდებს (ქვერცეტინი, რუტინი, ქვინკველოზიდი) ტრიტერპენულ საპონინებს, ვიტამინებს, ტანინებს, მწარე გლიკოზიდებს, ლუპულინს, ჰუმულონს, ლუპულონს, ურსულის და ოლეინის მჟავებს.

ფარმაკოლოგიური მოქმედება:
პრეპარატს გააჩნია სედატიური, სპაზმოლიზური, ჰიპოტენზიური, კარდიოტონული, კრუნჩხვების საწინააღმდეგო, ტკივილგამაყუჩებელი და სალურეზული მოქმედება, აძლიერებს შეკავების პროცესებს თავის ტვინის კორტიკალური და სუბ¬კორტიკალური სტრუქტურების ნეირონებში, ამცირებს რეფლექტორულ აგზნებას ნერვული სისტემის ცენტრალურ ნაწილებში, ახანგრძლივებს საძილე პრეპარატების მოქმედებას, ამცირებს სპონტანური მოქმედების აქტივობას, ხსნის ნეიროგენული წარმოშობის არითმიებს, რეფლექსურად აფართოებს თავის ტვინის სისხლძარღვებს, ამცირებს შინაგანი ორგანოების გლუვი კუნთების სპაზმს, აძლიერებს ნაღვლდენას, საჭმლის მომნელებელი ჯირ¬კვლების სეკრეციას, პერისტალტიკას. ხელს უწყობს ცხიმებისა და წყალ-მარილოვანი ცვლის რეგულაციას.

ჩვენება:

• სხვადასხვა ფორმის ნევროზები, ვეგეტონევროზი, კლიმაქტერული ნევროზი;
• აგზნებულობა, შიში, დაძაბულობა;
• შაკიკის მსგავსი თავის ტკივილები;
• ნეიროგენული არითმიები;
• ჰიპერტონული დაავადება (I, II სტადია);
• ღვიძლის და სანაღვლე გზების დაავადებები (ქოლეცისტიტი, ქოლანგიტი);
• კუჭ-ნაწლავის სეკრეციული ფუნქციის დარღვევები;
• მეტეორიზმი, გულისრევა;
• ნეიროგენული წარმოშობის ყაბზობა;

მიღების წესი: პერორულად 1 ტაბლეტი 3-ჯერ დღეში ჭამის შემდეგ.

გვერდითი მოვლენები:

მომატებული მგრძნობელობა პრეპარატში შემავალი კომპონენტების მიმართ. პრეპარატის გაზრდილი დოზებით ხანგრძლივმა მიღებამ შიეძლება გამოიწვიოს ძილიანობა.

ვარგისიანობის ვადა:

2 წელი.

შენახვის პირობები:

მშრალ, გრილ ადგილზე.

აფთიაქიდან გაცემის წესი:

ურეცეპტოდ.

შემადგენლობა და გამოშვების ფორმა:

130გ ნარინჯისფერი მინის ან პოლიმერული მასალის ქილებში. ფლაკონი მოთავსებულია მუყაოს კოლოფში ამზომ ჭიქასთან ერთად.

კატაბალახას სქელი ექსტრატი- 10.0 გ; პიტნის ნაყენი- 25.0 მლ;

პიტნის ზეთი- 0.04 მლ, სორბინის მჟავა, ეთილის სპირტი 96%, შაქრის სიროფი – 1000.0 გ-მდე;

,,ვალომენთი’’ შეიცავს ბიოლოგიურად აქტიურ ნივთიერებათა კომპლექსს: ეთერზეთებს (მენთოლი, ბორნეოლი, ბორნეოლიზოვალერიანატი, იზოვალერიანის მჟავა), ფლავონოიდებს, ტრიტერპენულ საპონინებს, ვალეპოტრიატებს.

ფარმაკოლოგიური მოქმედება:

ახასიათებს სედაციური და ტკივილგამაყუჩებელი მოქმედება. აძლიერებს შეკავების პროცესებს თავის ტვინის კორტიკალური და სუბკორტიკალური სტრუქტურების ნეირონებში, ამცირებს რეფლექტორულ აგზნებადობას ნერვული სისტემის ცენტრალურ ნაწილებში, ახანგრძლივებს საძილე პრეპარატების მოქმედებას, რეფლექსურად აფართოებს თავის ტვინის სისხლძარღვებს, ხსნის შინაგანი ორგანოების გლუვი კუნთების სპაზმს, აძლიერებს ნაღვლის გამოყოფას, პერისტალტიკას, საჭმლის მომნელებელი ჯირკვლების სეკრეციას, აქვს სუსტი ანტისეპტიკური ეფექტი.

ჩვენება:

• სხვადასხვა ფორმის ნევროზი, ისტერია, ნევრასთენია;
• აგზნებულობა, შიში, დაძაბულობა;
• შაკიკი;
• ნეიროგენული არითმია;
• ღვიძლის და სანაღვლე გზების დაავადებები;
• კუჭ-ნაწლავის სეკრეტორული ფუნქციის დარღვევა;
• მეტეორიზმი, გულისრევა.

მიღების წესი და დოზირება:

პერორალურად.

მოზრდილებში: თითო სუფრის კოვზი 3-4-ჯერ დღეში;

ბავშვებში: 6 თვიდან 1 წლამდე 1/2 ჩაის კოვზი 3-ჯერ დღეში.

1-დან 3 წლამდე – 1 ჩაის კოვზი 3-ჯერ დღეში.

3-დან 6 წლამდე: 1 დესერტის კოვზი 2_ჯერ დღეში.

6-დან 12 წლამდე თითო დესერტის კოვზი 3-4-ჯერ დღეში.

უკუჩვენება:

* არ არის დადგენილი.

გვერდითი მოვლენები:

პრეპარატის დიდი დოზებით ხანგრძლივად მიღებამ შეიძლება გამოიწვიოს ძილიანობა.

ვარგისობის ვადა:

2 წელი;

შენახვა:

5–25°C ტემპერატურაზე, სინათლისგან დაცულ და ბავშვებისთვის მიუწვდომელ ადგილას.

აფთიაქიდან გაცემის წესი:

რეცეპტის გარეშე.

მწარმოებელი: KREWEL MEUSELLBACH,გერმანია

კლინიკურ-ფარმაკოლოგიური ჯგუფი:

სედატიური და სუსტი საძილე საშუალება.

შემადგენლობა და გამოშვების ფორმა:

წვეთები: ფლაკონში 20 მლ და 50 მლ

100 გ

ფენობარბიტალი …………………………     2 გ

ეთილბრომიზოვალერიანატი ………..      2 გ

პიტნის ზეთი  ………………………          0.14 გ

სვიის ზეთი ………………………………..  0.02 გ

ეთანოლი  …………………………………..  55%.

ფარმაკოლოგიური თვისებები:

ვალოკორდინი წარმოადგენს აქტიური ნივთიერებების კომბინაციას, რომელიც შედგება ფენობარბიტალისაგან და ეთილბრომიზოვალერიანატისაგან (ალფა-ბრომიზოვალერიანის მჟავას ეთილის ეთერი). დოზის მიხედვით ორივე ნივთიერებას გააჩნია სედატიური, საძილე ეფექტი. ვალოკორდინი დამაწყნარებლად მოქმედებს მომატებული აგზნების, შიშის, ნერვიულობის, გაუწონასწორებელი მდგომარეობის და მოუსვენრობის დროს.

ვალოკორდინის სედატიური ეფექტი კარგად ვლინდება გულის კუნთის აგზნებისა და გადატვირთვის დროს.

მცირე დოზებით გამოყენებისას ვალოკორდინი ხასიათდება დამამშვიდებელი და მარელაქსირებელი ეფექტით აქტივობის დათრგუნვის გარეშე. პრეპარატის მიღება საღამოს დიდი დოზებით ხელს უწყობს ძილს. ვინაიდან იგი ამცირებს შინაგან და გარე ზემოქმედებას, გააჩნია სუსტი საძილე ეფქეტი.

ექიმის დანიშნულების მიხედვით მიღებულ პრეპარატს ახასიათებს კარგი ამტანობა. ვალოკორდინის გამოყენება ხანგრძლივად ექიმის დანიშნულების გარეშე არ არის რეკომენდებული.

ჩვენებები:

• გულის არეში ნევროზული ხასიათის ტკივილი;
• ნევროზი მომატებული გაღიზიანებით და ფსიქოსომატურად განპირობებული მოუსვენრობით;
• შიშის შერძნება;
• მომატებული გაღიზიანება;
• ძილის დარღვევა.

მიღების წესი და დოზირება:

ექიმის დანიშნულების გარეშე: 15-20 წვეთი 3-ჯერ ღდეში.

გაძნელებული დაძინების დროს დოზა იზრდება 30 წვეთამდე.

ბავშვებში ასაკის და კლინიკური სურათის მიხედვით პრეპარატი ინიშნება დოზით 3-15 წვეთი 3-ჯერ დღეში.

ვალოკორდინი ინიშნება წყლის მცირე რაოდენობის მიყოლებით.

პრეპარატის მიღების ხანგრძლივობას განსაზღვრავს მკურნალი ექიმი.

გვერდითი მოვლენები:

ვალოკორდინის ხანგრძლივი გამოყენებისას  ვითარდება პრეპარატის მიმართ დამოკიდებულების განვითარების საფრთხე და ბრომიზმი. ხანდახან აღინიშნება გართულება კუჭ-ნაწლავის ტრაქტის მხრივ, ალერგიული რეაქციები (ბრომიზმი).

უკუჩვენებები:

*მომატებული მგრძნობელობა ბრომის მიმართ;

*ღვიძლის და თირკმელების ფუნქციის მძიმე დარღვევა;

*ორსულობის დროს პრეპარატი გამოიყენება მხოლოდ ექიმის დანიშნულებით;

*ლაქტაციის პერიოდში პრეპარატის გამოყენება დაუშვებელია.

განსაკუთრებული მითითებები:

*ვალოკორდინმა სწორი გამოყენების დროსაც კი შესაძლოა გამოიწვიოს პაციენტის ყურადღების მოდუნება გარკვეულ სიტუაციებში, მაგალითად, ავტომობილის მართვისას და მექანიზმებთან მუშაობისას. აღნიშნული მოვლენები ძლიერდება პრეპარატის ერთდროული გამოყენებისას ალკოჰოლთან.

სხვა წამლებთან ურთიერთქმედება:

პრეპარატის ერთდროული გამოყენებისას სხვა სამკურნალო საშუალებებთან, რომლებიც დამთრგუნველად მოქმედებენ ცნს-ზე, გასათვალისწინებელია მათი ურთიერთგამაძლიერებელი მოქმედება.

პრეპარატები, რომლებიც შეიცავენ ვალპროის მჟავას, აძლიერებენ ბარბიტურატების მოქმედებას.

ვალოკორდინის ერთდროული გამოყენებისას კუმარინის წარმოებულებთან, გრიზეოფულვინთან, გლუკოკორტიკოსტეროიდებთან, ან პერორალური ჩასასახვის საწინააღმდეგო საშუალებებეთან, პრეპარატში შემავალ ფენობარბიტალის გამო შესაძლებელია ზემოთ ჩამოთვლილ საშუალებების მოქმედების შესუსტება. ამიტომ მათი კომბინაცია განიხილება როგორც არასასურველი.

პრეპარატი ზრდის იმ სამკურნალო საშუალებების ტოქსიკურობას, რომლებიც შეიცავენ მეტოტრექსატს.

შენახვის პირობები:

პრეპარატი ინახება სინათლისაგან დაცულ ადგილას.

ვარგისიანობის ვადა: 3 წელი.

საერთაშორისო დასახელება:

DIAZEPAM

მწარმოებელი: F.HOFFMANN-LA ROCHE

მოქმედი ნივთიერება: დიაზეპამი

კლინიკურ-ფარმაკოლოგიური ჯგუფი:

ანქსიოლიტური საშუალება

შემადგენლობა და გამოშვების ფორმა:

ტაბლეტები: შეფუთვაში 25 ც.

1 ტაბ.

დიაზეპამი ……………..  5 მგ

საინექციო ხსნარი: ამპულაში 2 მლ, შეფუთვაში 10 ც.

1 ამპ.

დიაზეპამი ……………  10 მგ

ვრცლად რელანიუმი(დოზირება, მიღების წესი განსხვავებული)

საერთაშორისო დასახელება:

MENTHOL

მწარმოებელი: NATUR PRODUKT

კლინიკურ-ფარმაკოლოგიური ჯგუფი:

რეფლექტორული მოქმედების კორონაროდილატატორი

შემადგენლობა და გამოშვების ფორმა:

ტაბლეტები: შეფუთვაში 10 ც.

1 ტაბ.

მენთოლის ხსნარი იზოვალერიანის მჟავას მენთოლურ ეთერში ………….    60 მგ

ფარმაკოლოგიური მოქმედება:

ახდენს სედატიურ მოქმედებას, ხასიათდება ზომიერ რეფლექტორული სისხლძარღვთა გამაფართოებელი მოქმედებით, განპირობებული მგრძნობიარე ნერვული დაბოლოებების გაღიზიანებით. ასტიმულირებს ენკეფალინების, ენდორფინებისას და რიგი სხვა პეპტიდების– ჰისტამინი, კინინები (ლორწოვანი გარსის რეცეპტორების გაღიზიანების გზით),  გამომუშვებას და გათავისუფლებას. რომლებიც აქტიურ მონაწილეობას ღებულობენ სისხლძარღვების გამტარობის რეგულაციაში, ტკივილის შეგრძნების ფორმირებაში. სუბლინგვალური მიღებისას თერაპევტული ეფექტი საშუალოდ 5 წუთის შემდეგ დგება, ამ დროს პრეპარატის 70% გამოთავისუფლდება 3 წთ–ის მანძილზე.

ჩვენებები:

• კარდიალგია, სტენოკარდია, რყევით გამოწვეული გულისრევა, ღებინება, ნევროზი, ნიტრატების მიღების ფონზე განვითარებული თავის ტკივილი.

მიღების წესი და დოზირება:

მიიღება სუბლინგვალურად 1 ტაბლეტი 2–3–ჯერ დღეში.

მიღების ჯერადობა და ხანგრძლიობა განისაზღვრება მკურნალობის ეფექტურობით.

მიღებიდან უახლოესი 5–10 წთ–ის მანძილზე თერაპიული ეფექტის არ არსებობის ან არასაკმარისობის დროს აუცილებელია სხვა საშუალებების გამოყენება.

უკუჩვენებები:

ჰიპერმგრძნობელობა

გვერდითი მოქმედება:

ღებინება. ცრემლდენა თავბრუსხვევა.

განსაკუთრებული მითითებები:

სიფრთხილით უნდა დაენიშნოს შაქრიანი დიაბეტით დაავადებულებს.

მწარმოებელი: HEEL,გერმანია

კლინიკურ-ფარმაკოლოგიური ჯგუფი:

სედატიური ჰომეოპათიური საშუალება.

შემადგენლობა და გამოშვების ფორმა:

წვეთები პერორალური მიღებისათვის: საწვეთურიან ფლაკონში 30 მლ და 100 მლ

100 მლ

Spiritus 60 vol %

ჩვენებები:

• გამოიყენება მოუსვენრობის, შფოთვის, ნევრასთენიული მდგომარეობისას, შიშის, უძილობისას. მათ შორის რაიმე დაავადებით გამოწვეული (მაგ. ცხელება და მწვავე ინფექციური დაავადება), და კლიმაქტერული ნევროზის (უძილობის თანხლებით), აგრეთვე,
• კბილების ამოჭრის დროს ტკივლებისას ბავშვებში.

განსაკუთრებული შენიშვნა: მოქმედებს დამამშვიდებლად, სატრანსპორტო საშუალებათა მართვის უნარზე გავლენის გარეშე.

მიღების წესი და დოზირება:

ჩვეულებრივ ინიშნება 15 წვეთი 3-ჯერ დღეში.

ჩვილი და უმცროსი ასაკის ბავშვებისთვის 2-დან 6 წლამდე – 5 წვეთი;

6-დან 12 წლამდე – 10 წვეთი. ჭამამდე ნახევარი საათით ადრე ენაზე (ან ენის ქვეშ) დაწვეთებით წყლის მიყოლების გარეშე. შეიძლება მცირეოდენ წყალში გახსნით ყლუპებად დალევა.

გვერდითი მოვლენები:

არ გააჩნია.

უკუჩვენებები:

არ გააჩნია.

განსაკუთრებული მითითებები:

პრეპარატის მიღებისას არ აღინიშნება საძილე ან ტოქსიკური გვერდითი ეფექტები.

სხვა წამლებთან ურთიერთქმედება:

აღსანიშნავ თავისებურებათა გარეშე.

შენახვის პირობები:

პრეპარატი ინახება ოთახის ტემპერატურაზე, მშრალ, მზის სხივების პირდაპირი ზემოქმედებისა და გადახურებისაგან დაცულ, ბავშვებისათვის მიუწვდომელ ადგილას.

ვარგისიანობის ვადა: 5 წელი.